മീഖ
യഹോവയുടെ ആലയമുള്ള പർവതം+
പർവതങ്ങളുടെ മുകളിൽ സുസ്ഥാപിതവും
കുന്നുകളെക്കാൾ ഉന്നതവും ആയിരിക്കും.
ആളുകൾ അതിലേക്ക്‌ ഒഴുകിച്ചെല്ലും.+
2 അനേകം ജനതകൾ ചെന്ന്‌ ഇങ്ങനെ പറയും:
“വരൂ, നമുക്ക്‌ യഹോവയുടെ പർവതത്തിലേക്കു കയറിപ്പോകാം,
യാക്കോബിൻദൈവത്തിന്റെ ഭവനത്തിലേക്കു കയറിച്ചെല്ലാം.+
ദൈവം തന്റെ വഴികൾ നമുക്കു പഠിപ്പിച്ചുതരും,
നമ്മൾ ദൈവത്തിന്റെ പാതകളിൽ നടക്കും.”
സീയോനിൽനിന്ന്‌ നിയമവും*
യരുശലേമിൽനിന്ന്‌ യഹോവയുടെ വചനവും പുറപ്പെടും.
ജനത ജനതയ്‌ക്കു നേരെ വാൾ ഉയർത്തില്ല,
അവർ ഇനി യുദ്ധം ചെയ്യാൻ പരിശീലിക്കുകയുമില്ല.+
4 അവർ ഓരോരുത്തരും സ്വന്തം മുന്തിരിവള്ളിയുടെയും അത്തി മരത്തിന്റെയും ചുവട്ടിൽ ഇരിക്കും;*+
ആരും അവരെ പേടിപ്പിക്കില്ല;+
സൈന്യങ്ങളുടെ അധിപനായ യഹോവയാണ്‌ ഇതു പറഞ്ഞിരിക്കുന്നത്‌.
5 ആളുകളെല്ലാം അവരവരുടെ ദൈവത്തിന്റെ നാമത്തിൽ നടക്കും;
എന്നാൽ നമ്മൾ നമ്മുടെ ദൈവമായ യഹോവയുടെ നാമത്തിൽ എന്നുമെന്നേക്കും നടക്കും.+
6 യഹോവ പ്രഖ്യാപിക്കുന്നു:
“അന്നു ഞാൻ മുടന്തുള്ളവളെ കൂട്ടിച്ചേർക്കും;
നാലുപാടും ചിതറിപ്പോയവളെയും
ഞാൻ മുറിവേൽപ്പിച്ചവരെയും ഒന്നിച്ചുചേർക്കും.+
7 മുടന്തുള്ളവളുടെ ഒരു ചെറിയ കൂട്ടത്തെ ഞാൻ ശേഷിപ്പിക്കും,+
ദൂരേക്ക്‌ ഓടിച്ചവളെ ഞാൻ ശക്തിയുള്ള ഒരു ജനതയാക്കും.+
യഹോവ സീയോൻ പർവതത്തിൽ രാജാവായി ഭരിക്കും;
ഇന്നുമുതൽ എന്നെന്നും അവരുടെ മേൽ വാഴും.
8 ആട്ടിൻപറ്റത്തിന്റെ ഗോപുരമേ,
സീയോൻപുത്രിയുടെ കുന്നേ,+
ആദ്യത്തെ* സാമ്രാജ്യം നിന്നിലേക്കു വരും,+
യരുശലേംപുത്രിയുടെ സ്വന്തമായ രാജ്യം നിന്നിലേക്കു വരും.+
9 നീ എന്തിനാണ്‌ ഇങ്ങനെ ബഹളമുണ്ടാക്കുന്നത്‌?
നിനക്കു രാജാവില്ലേ?
നിനക്ക്‌ ഉപദേശകനില്ലേ?
പിന്നെ എന്തിനാണു പ്രസവിക്കുന്ന സ്‌ത്രീയെപ്പോലെ വേദനിക്കുന്നത്‌?+
10 സീയോൻപുത്രിയേ, പ്രസവിക്കുന്ന ഒരു സ്‌ത്രീയെപ്പോലെ ഞരങ്ങുക, വേദനകൊണ്ട്‌ പുളയുക;
നിനക്കു നഗരം വിട്ട്‌ വിജനപ്രദേശത്ത്‌ താമസിക്കേണ്ടിവരും.
നീ ബാബിലോൺ വരെ ചെല്ലും,+
അവിടെ നിനക്കു രക്ഷ കിട്ടും.+
അവിടെവെച്ച്‌ യഹോവ ശത്രുക്കളുടെ കൈയിൽനിന്ന്‌ നിന്നെ തിരികെ വാങ്ങും.+
11 ഇപ്പോൾ അനേകം ജനതകൾ നിനക്ക്‌ എതിരെ കൂട്ടംകൂടും.
അവർ പറയും: ‘അവൾ അശുദ്ധയാകട്ടെ,
സീയോന്‌ ഇങ്ങനെ സംഭവിക്കുന്നതു കണ്ട്‌ നമുക്കു രസിക്കാം.’
12 എന്നാൽ യഹോവയുടെ ചിന്തകൾ അവർക്ക്‌ അറിയില്ല;
ദൈവത്തിന്റെ ഉദ്ദേശ്യം അവർക്കു മനസ്സിലാകുന്നില്ല.
കൊയ്‌തെടുത്ത പുതിയ കറ്റകൾ മെതിക്കളത്തിൽ ശേഖരിക്കുന്നതുപോലെ ദൈവം അവരെ ശേഖരിക്കും.
13 സീയോൻപുത്രിയേ, എഴുന്നേറ്റ്‌ മെതിക്കുക;+
ഞാൻ നിന്റെ കൊമ്പുകൾ ഇരുമ്പും
നിന്റെ കുളമ്പുകൾ ചെമ്പും ആക്കും;
നീ അനേകം രാജ്യങ്ങളെ ഇടിച്ചുപൊടിയാക്കും.+
അവർ ഉണ്ടാക്കിയ അന്യായലാഭം നീ യഹോവയ്‌ക്കു സമർപ്പിക്കും;
അവരുടെ സമ്പത്തു മുഴുഭൂമിയുടെയും നാഥനു നൽകും.”+