യശയ്യ
നീ നശിപ്പിച്ചുകഴിയുമ്പോൾ നിന്നെ നശിപ്പിക്കും,+
നീ വഞ്ചിച്ചുകഴിയുമ്പോൾ നിന്നെ വഞ്ചിക്കും.
2 യഹോവേ, ഞങ്ങളോടു കരുണ കാണിക്കേണമേ.+
അങ്ങയിലാണു ഞങ്ങൾ പ്രത്യാശ വെച്ചിരിക്കുന്നത്‌.
3 ഗംഭീരനാദം കേട്ട്‌ ജനങ്ങൾ പേടിച്ചോടുന്നു.
അങ്ങ്‌ എഴുന്നേൽക്കുമ്പോൾ ജനതകൾ ചിതറുന്നു.+
4 ആർത്തിപൂണ്ട വെട്ടുക്കിളികൾ ഒരുമിച്ചുകൂടുന്നതുപോലെ, നിന്റെ വസ്‌തുവകകൾ ഒരുമിച്ചുകൂട്ടും,
വെട്ടുക്കിളിക്കൂട്ടങ്ങളെപ്പോലെ ആളുകൾ അതിന്മേൽ ചാടിവീഴും.
5 യഹോവ ഉന്നതനാകും,
ദൈവം ഉയരങ്ങളിൽ വസിക്കുന്നല്ലോ.
ദൈവം സീയോനിൽ നീതിയും ന്യായവും നിറയ്‌ക്കും.
6 നിന്റെ നാളുകൾക്കു സ്ഥിരത നൽകുന്നത്‌ അവനാണ്‌,
രക്ഷയുടെയും+ ജ്ഞാനത്തിന്റെയും അറിവിന്റെയും യഹോവഭക്തിയുടെയും+ കലവറയാണ്‌ അവൻ!
ഇതാണ്‌ അവന്റെ സമ്പത്ത്‌.
7 അതാ, അവരുടെ വീരയോദ്ധാക്കൾ തെരുവീഥികളിൽ നിലവിളിക്കുന്നു,
സമാധാനദൂതന്മാർ അതിദുഃഖത്തോടെ വിലപിക്കുന്നു.
8 പ്രധാനവീഥികൾ ശൂന്യമായി കിടക്കുന്നു;
വഴികളിലെങ്ങും ആരെയും കാണുന്നില്ല.
അവൻ* ഉടമ്പടി ലംഘിച്ചിരിക്കുന്നു;
അവൻ നഗരങ്ങളെ ഉപേക്ഷിച്ചിരിക്കുന്നു;
അവൻ മർത്യനു യാതൊരു വിലയും കല്‌പിക്കുന്നില്ല.+
9 ദേശം വിലപിക്കുന്നു,* അതു ക്ഷയിച്ചുപോകുന്നു.
ലബാനോൻ ലജ്ജിച്ചുപോയിരിക്കുന്നു,+ അതു ജീർണിച്ചിരിക്കുന്നു.
ശാരോൻ ഒരു മരുഭൂമിപോലെയായിരിക്കുന്നു,
ബാശാനും കർമേലും ഇല പൊഴിക്കുന്നു.+
10 “ഇപ്പോൾ ഞാൻ എഴുന്നേൽക്കും” എന്ന്‌ യഹോവ പറയുന്നു.
“ഞാൻ ഇനി എന്നെ ഉന്നതനാക്കും;+
ഞാൻ എന്നെ മഹത്ത്വപ്പെടുത്തും.
11 നിങ്ങൾ ഉണക്കപ്പുല്ലിനെ ഗർഭം ധരിച്ച്‌ വയ്‌ക്കോലിനെ പ്രസവിക്കും.
നിങ്ങളുടെ മനോഭാവം തീപോലെ നിങ്ങളെ ദഹിപ്പിക്കും.+
12 ജനമെല്ലാം നീറ്റിയ കുമ്മായംപോലെയായിത്തീരും,
മുൾച്ചെടികൾ വെട്ടിയെടുത്ത്‌ കത്തിച്ചുകളയുന്നതുപോലെ അവരെ ചുട്ടുകരിക്കും.+
13 അകലെയുള്ളവരേ, ഞാൻ ചെയ്യാനിരിക്കുന്നത്‌ എന്തെന്നു കേൾക്കൂ!
അരികത്തുള്ളവരേ, എന്റെ പ്രതാപം തിരിച്ചറിയൂ!
‘ദഹിപ്പിക്കുന്ന അഗ്നിയുള്ളിടത്ത്‌ നമ്മിൽ ആർക്കു ജീവിക്കാനാകും?+
അടങ്ങാത്ത ജ്വാലകൾക്കരികെ ആർക്കു താമസിക്കാനാകും?’
15 നിത്യം നീതിയിൽ നടക്കുകയും+
സത്യമായതു സംസാരിക്കുകയും+
ചതിച്ചും വഞ്ചിച്ചും ലാഭം ഉണ്ടാക്കാതിരിക്കുകയും
കൈക്കൂലി വാങ്ങാതെ അതു നിരസിക്കുകയും+
രക്തച്ചൊരിച്ചിലിനെപ്പറ്റി കേൾക്കുമ്പോൾ ചെവി പൊത്തുകയും
തിന്മ കാണാതിരിക്കാൻ കണ്ണടയ്‌ക്കുകയും ചെയ്യുന്നവൻ
16 —അവൻ ഉന്നതങ്ങളിൽ വസിക്കും;
പാറക്കെട്ടുകളിലെ സുരക്ഷിതമായ കോട്ടകളായിരിക്കും അവന്റെ അഭയസ്ഥാനം,*
അവന്‌ അപ്പവും
മുടങ്ങാതെ വെള്ളവും ലഭിക്കും.”+
17 നിന്റെ കണ്ണുകൾ പ്രതാപശാലിയായ ഒരു രാജാവിനെ കാണും;
അവ അകലെയുള്ള ഒരു ദേശം ദർശിക്കും.
18 ഭീതിപൂർണമായ ഈ നാളുകളെക്കുറിച്ച്‌ നീ മനസ്സിൽ ഓർക്കും:*
“സെക്രട്ടറി എവിടെ?
കപ്പം* തൂക്കിക്കൊടുത്തവൻ എവിടെ?+
ഗോപുരങ്ങൾ എണ്ണിനോക്കിയവൻ എവിടെ?”
19 ധിക്കാരികളായ ആ ജനത്തെ നീ പിന്നെ കാണില്ല,
നിനക്കു മനസ്സിലാകാത്ത നിഗൂഢഭാഷ സംസാരിക്കുന്ന ജനത്തെ,
നിനക്കു ഗ്രഹിക്കാനാകാത്ത വിക്കന്മാരുടെ ഭാഷയുള്ള ജനത്തെ,+ നീ കാണില്ല.
20 നമ്മുടെ ഉത്സവങ്ങളുടെ+ നഗരമായ സീയോനെ നോക്കുവിൻ!
യരുശലേം പ്രശാന്തമായ ഒരു വാസസ്ഥലവും
അഴിച്ചുമാറ്റുകയില്ലാത്ത ഒരു കൂടാരവും+ ആയിത്തീർന്നെന്നു നീ കാണും.
അതിന്റെ കൂടാരക്കുറ്റികൾ ഒരിക്കലും വലിച്ചൂരില്ല,
അതിന്റെ കയറുകളൊന്നും പൊട്ടിച്ചുകളയുകയുമില്ല.
21 മഹത്ത്വപൂർണനായ യഹോവ
അവിടെ നമുക്കു നദികളും വലിയ കനാലുകളും നിറഞ്ഞ ദേശംപോലെയായിത്തീരും.
തുഴയെറിഞ്ഞ്‌ എത്തുന്ന പടക്കപ്പലുകൾ അവിടെ പ്രവേശിക്കില്ല,
പ്രൗഢിയാർന്ന കപ്പലുകൾ അതുവഴി കടന്നുപോകില്ല.
22 യഹോവയാണു നമ്മുടെ ന്യായാധിപൻ,+
യഹോവയാണു നമ്മുടെ നിയമനിർമാതാവ്‌,+
യഹോവയാണു നമ്മുടെ രാജാവ്‌;+
ഈ ദൈവമായിരിക്കും നമ്മളെ രക്ഷിക്കുന്നത്‌.+
23 നിന്റെ കയറുകൾ അയഞ്ഞുകിടക്കും;
അവയ്‌ക്കു പായ്‌മരം ഉറപ്പിച്ചുനിറുത്താനോ പായ്‌ വിരിച്ചുനിറുത്താനോ കഴിയില്ല.
അന്നു പലരും ധാരാളം കൊള്ളമുതൽ പങ്കിട്ടെടുക്കും,
മുടന്തനുപോലും ഒരുപാടു കൊള്ള കിട്ടും.+
24 “എനിക്കു രോഗമാണ്‌”+ എന്നു ദേശത്ത്‌ വസിക്കുന്ന ആരും പറയില്ല.
അവിടെ താമസിക്കുന്നവരുടെ തെറ്റുകൾക്കു ക്ഷമ ലഭിച്ചിരിക്കും.+