സങ്കീർത്തനം
സംഗീതസംഘനായകന്‌. ദാവീദ്‌ രചിച്ച ശ്രുതിമധുരമായ ഗാനം.
31 യഹോവേ, അങ്ങയെ ഞാൻ എന്റെ അഭയമാക്കിയിരിക്കുന്നു.+
ഞാൻ നാണംകെടാൻ ഒരിക്കലും ഇടവരുത്തരുതേ.+
അങ്ങയുടെ നീതിയെ ഓർത്ത്‌ എന്നെ രക്ഷിക്കേണമേ.+
2 അങ്ങ്‌ എന്നിലേക്കു ചെവി ചായിക്കേണമേ.*
വേഗം വന്ന്‌ എന്നെ രക്ഷിക്കേണമേ.+
എനിക്കായി മലമുകളിലെ ഒരു രക്ഷാസങ്കേതമാകേണമേ;
എനിക്കായി കോട്ടമതിലുള്ള ഒരു രക്ഷാകേന്ദ്രമാകേണമേ.+
3 അങ്ങ്‌ എന്റെ വൻപാറയും എന്റെ അഭയസ്ഥാനവും അല്ലോ;+
അങ്ങയുടെ പേരിനെ ഓർത്ത്‌+ അങ്ങ്‌ എന്നെ നയിക്കും, എനിക്കു വഴി കാട്ടും.+
4 അവർ എന്നെ കുടുക്കാൻ രഹസ്യമായി വിരിച്ച വലയിൽനിന്ന്‌ അങ്ങ്‌ എന്നെ സ്വതന്ത്രനാക്കും;+
അങ്ങല്ലോ എന്റെ കോട്ട.+
5 ഞാൻ എന്റെ ജീവൻ* തൃക്കൈയിൽ ഏൽപ്പിക്കുന്നു.+
സത്യത്തിന്റെ ദൈവമായ* യഹോവേ, അങ്ങ്‌ എന്നെ വീണ്ടെടുത്തിരിക്കുന്നു.+
6 ഒരു ഗുണവുമില്ലാത്ത വ്യർഥവിഗ്രഹങ്ങളുടെ ഭക്തരെ ഞാൻ വെറുക്കുന്നു;
ഞാൻ പക്ഷേ, യഹോവയിൽ ആശ്രയിക്കുന്നു.
7 അങ്ങയുടെ അചഞ്ചലമായ സ്‌നേഹത്തെപ്രതി ഞാൻ അത്യന്തം സന്തോഷിക്കും.
എന്റെ ദുരിതം അങ്ങ്‌ കണ്ടിരിക്കുന്നല്ലോ,+
എന്റെ പ്രാണസങ്കടം അങ്ങ്‌ അറിയുന്നല്ലോ.
9 യഹോവേ, എന്നോടു പ്രീതി കാണിക്കേണമേ; ഞാൻ വലിയ കഷ്ടത്തിലായിരിക്കുന്നു.
കടുത്ത ദുഃഖം എന്റെ കണ്ണുകളെയും എന്റെ ശരീരത്തെയും* ക്ഷീണിപ്പിച്ചിരിക്കുന്നു.+
എന്റെ തെറ്റ്‌ എന്റെ ശക്തി ചോർത്തിക്കളയുന്നു;
എന്റെ അസ്ഥികൾ ക്ഷയിക്കുന്നു.+
എന്റെ പരിചയക്കാർക്ക്‌ എന്നെ പേടിയാണ്‌;
വെളിയിൽ എന്നെ കണ്ടാൽ അവർ ഓടിയകലുന്നു.+
12 മരിച്ചുപോയവനെപ്പോലെ അവർ എന്നെ മറന്നുകളഞ്ഞിരിക്കുന്നു;
അവരുടെ ഹൃദയത്തിൽ* എനിക്കു സ്ഥാനമില്ല.
ഉടഞ്ഞ ഒരു പാത്രംപോലെയാണു ഞാൻ.
എനിക്ക്‌ എതിരെ ഒറ്റക്കെട്ടായി വരുന്ന അവർ
എന്റെ ജീവനെടുക്കാൻ തന്ത്രങ്ങൾ മനയുന്നു.+
14 എങ്കിലും യഹോവേ, ഞാൻ അങ്ങയിൽ ആശ്രയിക്കുന്നു.+
“അങ്ങാണ്‌ എന്റെ ദൈവം” എന്നു ഞാൻ പ്രഖ്യാപിക്കുന്നു.+
15 എന്റെ നാളുകൾ* അങ്ങയുടെ കൈകളിലാണ്‌.
എന്റെ ശത്രുക്കളുടെയും എന്നെ ഉപദ്രവിക്കുന്നവരുടെയും കൈയിൽനിന്ന്‌ എന്നെ വിടുവിക്കേണമേ.+
16 അങ്ങയുടെ മുഖം ഈ ദാസന്റെ മേൽ പ്രകാശിക്കട്ടെ.+
അങ്ങയുടെ അചഞ്ചലമായ സ്‌നേഹത്താൽ എന്നെ രക്ഷിക്കേണമേ.
17 യഹോവേ, ഞാൻ അങ്ങയെ വിളിച്ചപേക്ഷിക്കുമ്പോൾ എന്നെ നാണംകെടുത്തരുതേ;+
18 നുണ പറയുന്ന നാവുകൾ നിശ്ശബ്ദമാകട്ടെ;+
നീതിമാന്‌ എതിരെ ധാർഷ്ട്യത്തോടെയും വെറുപ്പോടെയും അഹങ്കാരം പറയുന്ന നാവുകളാണല്ലോ അവ.
19 അങ്ങയുടെ നന്മ എത്ര വലിയത്‌!+
അങ്ങയെ ഭയപ്പെടുന്നവർക്കായി അങ്ങ്‌ അതു സംഭരിച്ചുവെച്ചിരിക്കുന്നല്ലോ;+
അങ്ങയെ അഭയമാക്കുന്നവർക്കു സകല മനുഷ്യരുടെയും കൺമുന്നിൽവെച്ച്‌ അങ്ങ്‌ നന്മ ചെയ്‌തിരിക്കുന്നല്ലോ.+
20 അങ്ങയുടെ സാന്നിധ്യമുള്ള രഹസ്യസ്ഥലത്ത്‌ അങ്ങ്‌ അവരെ
മനുഷ്യരുടെ ഗൂഢതന്ത്രങ്ങളിൽപ്പെടാതെ ഒളിപ്പിക്കും;+
ദ്രോഹചിന്തയോടെയുള്ള ആക്രമണമേൽക്കാതെ*
അങ്ങ്‌ അവരെ അങ്ങയുടെ താവളത്തിൽ മറച്ചുവെക്കും.+
21 യഹോവ വാഴ്‌ത്തപ്പെടട്ടെ;
ഉപരോധിച്ച നഗരത്തിൽ+ കഴിഞ്ഞ എന്നോടു ദൈവം കാണിച്ച അചഞ്ചലസ്‌നേഹം+ മഹനീയമായിരുന്നല്ലോ.
22 ഞാനോ പരിഭ്രമിച്ച്‌,
“തിരുസന്നിധിയിൽനിന്ന്‌ ഞാൻ നശിച്ചുപോകും”+ എന്നു പറഞ്ഞു.
എന്നാൽ സഹായത്തിനായി വിളിച്ചപേക്ഷിച്ചപ്പോൾ അങ്ങ്‌ എന്റെ യാചനകൾ ചെവിക്കൊണ്ടു.+
23 യഹോവയുടെ വിശ്വസ്‌തരേ, നിങ്ങളെല്ലാം ദൈവത്തെ സ്‌നേഹിക്കുവിൻ!+