യിരെമ്യ
45 യഹൂദാരാജാവായ യോശിയയുടെ മകൻ യഹോയാക്കീമിന്റെ വാഴ്‌ചയുടെ നാലാം വർഷം+ യിരെമ്യ പ്രവാചകൻ പറഞ്ഞുകൊടുത്തതനുസരിച്ച്‌+ നേരിയയുടെ മകൻ ബാരൂക്ക്‌+ ഈ സന്ദേശങ്ങൾ ഒരു പുസ്‌തകത്തിൽ എഴുതി. ആ സമയത്ത്‌ യിരെമ്യ ബാരൂക്കിനോടു പറഞ്ഞു:
2 “ബാരൂക്കേ, ഇസ്രായേലിന്റെ ദൈവമായ യഹോവ നിന്നെക്കുറിച്ച്‌ പറയുന്നത്‌ ഇതാണ്‌: 3 ‘നീ ഇങ്ങനെ പറഞ്ഞില്ലേ: “എന്റെ കാര്യം കഷ്ടം! യഹോവ എന്റെ വേദനയോടു ദുഃഖവുംകൂടെ കൂട്ടിയിരിക്കുന്നു. ഞരങ്ങിഞരങ്ങി ഞാൻ തളർന്നു. എനിക്കു വിശ്രമിക്കാൻ എങ്ങും ഒരിടം കിട്ടിയില്ല.”’
4 “നീ അവനോടു പറയണം: ‘യഹോവ പറയുന്നത്‌ ഇതാണ്‌: “ഇതാ! ഞാൻ പണിതുയർത്തിയതു ഞാൻതന്നെ തകർത്തുകളയുന്നു. ഞാൻ നട്ടതു ഞാൻതന്നെ പറിച്ചുകളയുന്നു. ദേശത്തോടു മുഴുവൻ ഞാൻ ഇങ്ങനെ ചെയ്യും.+ 5 പക്ഷേ നീ വലിയവലിയ കാര്യങ്ങൾ തേടി അവയ്‌ക്കു പുറകേ പോകുന്നു.* ഇനി അങ്ങനെ ചെയ്യരുത്‌.’”
“‘കാരണം, ഞാൻ മുഴുവൻ ജനത്തിന്റെയും മേൽ ദുരന്തം വരുത്താൻപോകുകയാണ്‌’+ എന്ന്‌ യഹോവ പ്രഖ്യാപിക്കുന്നു. ‘പക്ഷേ നീ എവിടെ പോയാലും ഞാൻ നിനക്കു നിന്റെ ജീവൻ കൊള്ളമുതൽപോലെ തരും.’”*+