സങ്കീർത്തനം
സംഗീതസംഘനായകന്‌; ദാവീദ്‌ ബത്ത്‌-ശേബയുമായി+ ബന്ധപ്പെട്ടതിനു ശേഷം നാഥാൻ പ്രവാചകൻ ദാവീദിന്റെ അടുത്ത്‌ വന്നപ്പോൾ ദാവീദ്‌ രചിച്ച ശ്രുതിമധുരമായ ഗാനം.
51 ദൈവമേ, അങ്ങയുടെ അചഞ്ചലമായ സ്‌നേഹത്തിനു ചേർച്ചയിൽ എന്നോടു പ്രീതി കാട്ടേണമേ.+
അങ്ങയുടെ മഹാകരുണയ്‌ക്കു ചേർച്ചയിൽ എന്റെ ലംഘനങ്ങൾ മായ്‌ച്ചുകളയേണമേ.+
4 അങ്ങയോട്‌—ഏറ്റവുമധികം അങ്ങയോട്‌*—ഞാൻ പാപം ചെയ്‌തിരിക്കുന്നു;+
ഞാൻ അങ്ങയുടെ കണ്ണിൽ മോശമായതു ചെയ്‌തിരിക്കുന്നു.+
അതുകൊണ്ട്‌ അങ്ങ്‌ സംസാരിക്കുമ്പോൾ അങ്ങ്‌ നീതിമാനായിരിക്കും;
അങ്ങയുടെ വിധി കുറ്റമറ്റതായിരിക്കും.+
6 ഉള്ളിന്റെ ഉള്ളിലെ പരമാർഥതയാണല്ലോ അങ്ങയെ പ്രസാദിപ്പിക്കുന്നത്‌;+
എന്റെ ഹൃദയത്തിന്റെ ആഴങ്ങളെ യഥാർഥജ്ഞാനം പഠിപ്പിക്കേണമേ.
7 ഈസോപ്പുചെടികൊണ്ട്‌ എന്റെ പാപം നീക്കി എന്നെ ശുദ്ധീകരിക്കേണമേ;+ ഞാൻ നിർമലനാകട്ടെ.
എന്നെ കഴുകേണമേ; ഞാൻ മഞ്ഞിനെക്കാൾ വെൺമയുള്ളവനാകട്ടെ.+
8 ആഹ്ലാദത്തിന്റെയും സന്തോഷത്തിന്റെയും സ്വരം ഞാൻ കേൾക്കട്ടെ;
അങ്ങനെ, അങ്ങ്‌ തകർത്തുകളഞ്ഞ അസ്ഥികൾ ആനന്ദിക്കട്ടെ.+
11 തിരുസന്നിധിയിൽനിന്ന്‌ എന്നെ ഓടിച്ചുകളയരുതേ.
അങ്ങയുടെ പരിശുദ്ധാത്മാവിനെ* എന്നിൽനിന്ന്‌ എടുത്തുകളയരുതേ.
12 അങ്ങയുടെ രക്ഷയേകുന്ന സന്തോഷം എനിക്കു തിരികെ തരേണമേ.+
അങ്ങയെ അനുസരിക്കാനുള്ള മനസ്സൊരുക്കം എന്നിൽ ഉണർത്തേണമേ.*
14 ദൈവമേ, എന്റെ രക്ഷയുടെ ദൈവമേ,+ രക്തച്ചൊരിച്ചിലിന്റെ കുറ്റത്തിൽനിന്ന്‌ എന്നെ വിടുവിക്കേണമേ;+
അപ്പോൾ എന്റെ നാവിന്‌ അങ്ങയുടെ നീതിയെക്കുറിച്ച്‌ സന്തോഷത്തോടെ ഘോഷിക്കാനാകുമല്ലോ.+
16 ബലികളൊന്നും അങ്ങയ്‌ക്കു വേണ്ടല്ലോ—അല്ലെങ്കിൽ ഞാൻ അവ അർപ്പിക്കുമായിരുന്നു;+
സമ്പൂർണദഹനയാഗത്തിൽ അങ്ങ്‌ പ്രസാദിക്കുന്നില്ലല്ലോ.+
17 തകർന്ന മനസ്സാണല്ലോ* അങ്ങയ്‌ക്കു സ്വീകാര്യമായ ബലി;
ദൈവമേ, തകർന്ന്‌ നുറുങ്ങിയ ഹൃദയത്തെ അങ്ങ്‌ ഉപേക്ഷിക്കില്ലല്ലോ.*+
18 പ്രസാദം തോന്നി സീയോനു നന്മ ചെയ്യേണമേ;
യരുശലേമിന്റെ മതിലുകൾ പണിയേണമേ.