രാജാ​ക്ക​ന്മാർ രണ്ടാം ഭാഗം

23 രാജാവ്‌ ആളയച്ച്‌ യഹൂദ​യി​ലും യരുശ​ലേ​മി​ലും ഉള്ള എല്ലാ മൂപ്പന്മാ​രെ​യും കൂട്ടി​വ​രു​ത്തി.+ 2 അതിനു ശേഷം യഹൂദ​യി​ലുള്ള എല്ലാ പുരു​ഷ​ന്മാ​രെ​യും യരുശ​ലേ​മി​ലെ എല്ലാ ആളുക​ളെ​യും പുരോ​ഹി​ത​ന്മാ​രെ​യും പ്രവാ​ച​ക​ന്മാ​രെ​യും ചെറി​യ​വ​രും വലിയ​വ​രും ആയ എല്ലാവ​രെ​യും കൂട്ടി യഹോ​വ​യു​ടെ ഭവനത്തി​ലേക്കു ചെന്നു. യഹോ​വ​യു​ടെ ഭവനത്തിൽനിന്ന്‌+ കണ്ടുകി​ട്ടിയ ഉടമ്പടിപ്പുസ്‌തകം+ മുഴുവൻ രാജാവ്‌ അവരെ വായി​ച്ചു​കേൾപ്പി​ച്ചു. 3 പിന്നെ രാജാവ്‌, യഹോ​വയെ അനുഗ​മി​ച്ചു​കൊ​ള്ളാ​മെ​ന്നും ആ പുസ്‌ത​ക​ത്തിൽ എഴുതി​യി​രി​ക്കുന്ന ഉടമ്പടി​പ്ര​കാ​രം ദൈവ​ത്തി​ന്റെ കല്‌പ​ന​ക​ളും ഓർമി​പ്പി​ക്ക​ലു​ക​ളും നിയമ​ങ്ങ​ളും മുഴു​ഹൃ​ദ​യ​ത്തോ​ടും മുഴുദേഹിയോടും* കൂടെ പാലി​ച്ചു​കൊ​ള്ളാ​മെ​ന്നും തൂണിന്‌ അരികെ നിന്ന്‌ യഹോ​വ​യു​മാ​യി ഒരു ഉടമ്പടി ചെയ്‌തു.*+ ജനം മുഴുവൻ ആ ഉടമ്പടി അംഗീ​ക​രി​ച്ചു.+

4 അതിനു ശേഷം, ബാലി​നും പൂജാസ്‌തൂപത്തിനും*+ ആകാശ​ത്തി​ലെ സർവ​സൈ​ന്യ​ത്തി​നും വേണ്ടി ഉണ്ടാക്കി​യി​രുന്ന ഉപകര​ണ​ങ്ങ​ളെ​ല്ലാം യഹോ​വ​യു​ടെ ആലയത്തിൽനി​ന്ന്‌ പുറത്ത്‌ കൊണ്ടു​വ​രാൻ രാജാവ്‌ മഹാപു​രോ​ഹി​ത​നായ ഹിൽക്കിയയോടും+ സഹപു​രോ​ഹി​ത​ന്മാ​രോ​ടും വാതിൽക്കാ​വൽക്കാ​രോ​ടും കല്‌പി​ച്ചു. രാജാവ്‌ അവ യരുശ​ലേ​മി​നു പുറത്ത്‌ കി​ദ്രോൻ ചെരി​വിൽവെച്ച്‌ കത്തിച്ചു​ക​ളഞ്ഞു. അതിന്റെ ചാരം അദ്ദേഹം ബഥേലിലേക്കു+ കൊണ്ടു​വന്നു. 5 യഹൂദാനഗരങ്ങളിലെയും യരുശ​ലേ​മി​നു ചുറ്റു​മുള്ള പ്രദേ​ശ​ങ്ങ​ളി​ലെ​യും ആരാധനാസ്ഥലങ്ങളിൽ* യാഗവ​സ്‌തു​ക്കൾ ദഹിപ്പിക്കാൻ* യഹൂദാ​രാ​ജാ​ക്ക​ന്മാർ അന്യ​ദൈ​വ​ങ്ങ​ളു​ടെ പുരോ​ഹി​ത​ന്മാ​രെ നിയമി​ച്ചി​രു​ന്നു. അവരെ​യെ​ല്ലാം അദ്ദേഹം നീക്കി​ക്ക​ളഞ്ഞു. കൂടാതെ, സൂര്യ​നും ചന്ദ്രനും രാശി​ച​ക്ര​ത്തി​ലെ നക്ഷത്ര​ങ്ങൾക്കും ബാലി​നും ആകാശ​ത്തി​ലെ സർവസൈന്യത്തിനും+ വേണ്ടി യാഗവ​സ്‌തു​ക്കൾ ദഹിപ്പി​ച്ചി​രു​ന്ന​വ​രെ​യും നീക്കം ചെയ്‌തു. 6 അദ്ദേഹം യഹോ​വ​യു​ടെ ഭവനത്തിൽനി​ന്ന്‌ പൂജാസ്‌തൂപം+ എടുത്ത്‌ യരുശ​ലേ​മി​ന്റെ അതിർത്തി​യി​ലുള്ള കി​ദ്രോൻ താഴ്‌വ​ര​യിൽ കൊണ്ടു​പോ​യി അവിടെ ഇട്ട്‌ കത്തിച്ചു;+ പിന്നെ അത്‌ ഇടിച്ച്‌ പൊടി​യാ​ക്കി പൊതു​ജ​ന​ങ്ങ​ളു​ടെ ശ്‌മശാ​ന​സ്ഥ​ലത്ത്‌ വിതറി.+ 7 തുടർന്ന്‌ യോശിയ യഹോ​വ​യു​ടെ ഭവനത്തി​ലു​ണ്ടാ​യി​രുന്ന, ആലയ​വേ​ശ്യാ​വൃ​ത്തി ചെയ്‌തു​വന്ന പുരുഷന്മാരുടെ+ മന്ദിരങ്ങൾ ഇടിച്ചു​ക​ളഞ്ഞു. അവിടെ ഇരുന്നാ​ണു സ്‌ത്രീ​കൾ പൂജാ​സ്‌തൂ​പ​ത്തി​നു​വേ​ണ്ടി​യുള്ള ക്ഷേത്ര​കൂ​ടാ​രങ്ങൾ നെയ്‌തി​രു​ന്നത്‌.

8 യഹൂദാനഗരങ്ങളിൽനിന്ന്‌ രാജാവ്‌ എല്ലാ പുരോ​ഹി​ത​ന്മാ​രെ​യും കൊണ്ടു​വന്നു. ആ പുരോ​ഹി​ത​ന്മാർ യാഗവ​സ്‌തു​ക്കൾ ദഹിപ്പി​ച്ചി​രുന്ന, ഗേബ+ മുതൽ ബേർ-ശേബ+ വരെയുള്ള ഉയർന്ന സ്ഥലങ്ങൾ* അദ്ദേഹം ആരാധ​ന​യ്‌ക്കു യോഗ്യ​മ​ല്ലാ​താ​ക്കി. നഗരത്തി​ന്റെ പ്രമാ​ണി​യായ യോശു​വ​യു​ടെ കവാട​ത്തി​ലുള്ള, ആരാധനാസ്ഥലങ്ങളും* അദ്ദേഹം ഇടിച്ചു​ക​ളഞ്ഞു. നഗരക​വാ​ട​ത്തി​ലൂ​ടെ പ്രവേ​ശി​ക്കുന്ന ഒരാളു​ടെ ഇടതു​വ​ശ​ത്താ​യി​രു​ന്നു അത്‌. 9 ആരാധനാസ്ഥലങ്ങളിലെ ആ പുരോ​ഹി​ത​ന്മാർ യരുശ​ലേ​മി​ലെ യഹോ​വ​യു​ടെ യാഗപീ​ഠ​ത്തിൽ ശുശ്രൂഷ ചെയ്‌തില്ലെങ്കിലും+ അവരുടെ സഹോ​ദ​ര​ന്മാ​രോ​ടൊ​പ്പം പുളിപ്പില്ലാത്ത* അപ്പം തിന്നി​രു​ന്നു. 10 ഇനി ആരും മോലേക്കിനുവേണ്ടി* അവരുടെ മകനെ​യോ മകളെ​യോ ദഹിപ്പിക്കാതിരിക്കാൻ*+ ബൻ-ഹിന്നോം താഴ്‌വരയിലുള്ള*+ തോഫെത്തും+ അദ്ദേഹം ആരാധ​ന​യ്‌ക്കു യോഗ്യ​മ​ല്ലാ​താ​ക്കി. 11 യഹൂദാരാജാക്കന്മാർ സൂര്യനു സമർപ്പിച്ച* കുതി​രകൾ കൊട്ടാ​രോ​ദ്യോ​ഗ​സ്ഥ​നായ നാഥാൻ-മേലെ​ക്കി​ന്റെ അറയിലൂടെ* യഹോ​വ​യു​ടെ ഭവനത്തിൽ പ്രവേ​ശി​ക്കു​ന്നത്‌ അദ്ദേഹം നിരോ​ധി​ച്ചു. സൂര്യന്റെ രഥങ്ങളും+ തീയി​ലിട്ട്‌ ചുട്ടു​ക​ളഞ്ഞു. 12 യഹൂദാരാജാക്കന്മാർ ആഹാസി​ന്റെ മുകളി​ലത്തെ മുറി​യു​ടെ മേൽക്കൂ​ര​യിൽ ഉണ്ടാക്കിയ യാഗപീഠങ്ങളും+ യഹോ​വ​യു​ടെ ഭവനത്തി​ന്റെ രണ്ടു മുറ്റങ്ങ​ളി​ലാ​യി മനശ്ശെ ഉണ്ടാക്കിയ യാഗപീഠങ്ങളും+ രാജാവ്‌ ഇടിച്ചു​ക​ളഞ്ഞു. അദ്ദേഹം അവ ഇടിച്ച്‌ പൊടി​യാ​ക്കി കി​ദ്രോൻ താഴ്‌വ​ര​യിൽ വിതറി. 13 ഇസ്രായേൽരാജാവായ ശലോ​മോൻ സീദോ​ന്യ​രു​ടെ മ്ലേച്ഛ​ദേ​വ​ത​യായ അസ്‌തോ​രെ​ത്തി​നും മോവാ​ബി​ന്റെ മ്ലേച്ഛ​ദേ​വ​നായ കെമോ​ശി​നും അമ്മോ​ന്യ​രു​ടെ മ്ലേച്ഛ​ദേ​വ​നായ മിൽക്കോമിനും+ വേണ്ടി പണിതി​രുന്ന ആരാധനാസ്ഥലങ്ങളും* യോശിയ രാജാവ്‌ ഉപയോ​ഗ​ശൂ​ന്യ​മാ​ക്കി. യരുശ​ലേ​മി​നു മുന്നിൽ നാശപർവതത്തിന്റെ* തെക്കുവശത്തായിരുന്നു* അവ. 14 അദ്ദേഹം പൂജാ​സ്‌തം​ഭങ്ങൾ ഇടിച്ചു​ക​ള​യു​ക​യും പൂജാസ്‌തൂപങ്ങൾ+ വെട്ടി​യി​ടു​ക​യും ചെയ്‌തു; അവ നിന്നി​രുന്ന സ്ഥലം മനുഷ്യാ​സ്ഥി​കൾകൊണ്ട്‌ നിറച്ചു. 15 ഇസ്രായേല്യർ പാപം ചെയ്യാൻ ഇടയാ​ക്കി​ക്കൊണ്ട്‌ നെബാ​ത്തി​ന്റെ മകനായ യൊ​രോ​ബെ​യാം പണിത ബഥേലി​ലെ യാഗപീ​ഠ​വും ആരാധനാസ്ഥലവും* അദ്ദേഹം ഇടിച്ചു​ക​ളഞ്ഞു.+ അതിനു ശേഷം ആ ആരാധ​നാ​സ്ഥലം കത്തിച്ച്‌ ഇടിച്ച്‌ പൊടി​യാ​ക്കി. പൂജാ​സ്‌തൂ​പ​വും ചുട്ട്‌ ചാമ്പലാ​ക്കി.+

16 മലയിൽ കല്ലറകൾ കണ്ടപ്പോൾ യോശിയ അവയിൽനി​ന്ന്‌ അസ്ഥികൾ എടുപ്പി​ച്ച്‌ യാഗപീ​ഠ​ത്തിൽ ഇട്ട്‌ കത്തിച്ച്‌ യാഗപീ​ഠം അശുദ്ധ​മാ​ക്കി. ഇങ്ങനെ സംഭവി​ക്കു​മെന്ന്‌ ഒരു ദൈവ​പു​രു​ഷ​നി​ലൂ​ടെ യഹോവ മുൻകൂ​ട്ടി​പ്പ​റ​ഞ്ഞി​രു​ന്നു; അതു​പോ​ലെ​തന്നെ സംഭവി​ച്ചു.+ 17 പിന്നെ രാജാവ്‌ ചോദി​ച്ചു: “ആ കാണുന്ന സ്‌മാ​ര​ക​ശില ആരു​ടേ​താണ്‌?” അപ്പോൾ ആ നഗരത്തി​ലു​ള്ളവർ പറഞ്ഞു: “ബഥേലി​ലെ യാഗപീ​ഠ​ത്തോട്‌ അങ്ങ്‌ ഈ ചെയ്‌ത​തെ​ല്ലാം മുൻകൂ​ട്ടി​പ്പറഞ്ഞ, യഹൂദ​യിൽനി​ന്നുള്ള ദൈവപുരുഷന്റെ+ കല്ലറയാ​ണ്‌ അത്‌.” 18 അപ്പോൾ രാജാവ്‌ പറഞ്ഞു: “അദ്ദേഹം വിശ്ര​മി​ക്കട്ടെ. ആരും അദ്ദേഹ​ത്തി​ന്റെ അസ്ഥികളെ തൊട​രുത്‌.” അതു​കൊണ്ട്‌ അവർ അദ്ദേഹ​ത്തി​ന്റെ അസ്ഥിക​ളും ശമര്യ​യി​ലെ പ്രവാ​ച​കന്റെ അസ്ഥികളും+ തൊട്ടില്ല.

19 ദൈവത്തെ കോപി​പ്പി​ച്ചു​കൊണ്ട്‌ ഇസ്രാ​യേൽരാ​ജാ​ക്ക​ന്മാർ ശമര്യ​ന​ഗ​ര​ങ്ങ​ളി​ലെ ഉയർന്ന സ്ഥലങ്ങളിൽ* പണിത ആരാധ​നാ​മ​ന്ദി​ര​ങ്ങ​ളെ​ല്ലാം യോശിയ നീക്കം ചെയ്‌തു. ബഥേലിൽ ചെയ്‌ത​തു​പോ​ലെ​യൊ​ക്കെ അദ്ദേഹം അവയോ​ടും ചെയ്‌തു.+ 20 അങ്ങനെ ആരാധനാസ്ഥലങ്ങളിലെ* പുരോ​ഹി​ത​ന്മാ​രെ​യെ​ല്ലാം അവി​ടെ​യുള്ള യാഗപീ​ഠ​ങ്ങ​ളിൽവെച്ച്‌ കൊന്നു; അവയിൽ മനുഷ്യാ​സ്ഥി​കൾ കത്തിക്കു​ക​യും ചെയ്‌തു.+ പിന്നെ അദ്ദേഹം യരുശ​ലേ​മി​ലേക്കു തിരികെ പോയി.

21 രാജാവ്‌ ജനത്തോ​ടു മുഴുവൻ ഇങ്ങനെ കല്‌പി​ച്ചു: “ഈ ഉടമ്പടി​പ്പു​സ്‌ത​ക​ത്തിൽ എഴുതിയിരിക്കുന്നതുപോലെ+ നിങ്ങളു​ടെ ദൈവ​മായ യഹോ​വ​യ്‌ക്ക്‌ ഒരു പെസഹ ആചരി​ക്കുക.”+ 22 ന്യായാധിപന്മാർ ഇസ്രാ​യേ​ലിൽ ന്യായ​പാ​ലനം നടത്തി​യി​രുന്ന കാലം​മു​തൽ ഇസ്രാ​യേൽരാ​ജാ​ക്ക​ന്മാ​രു​ടെ കാലത്തോ യഹൂദാ​രാ​ജാ​ക്ക​ന്മാ​രു​ടെ കാലത്തോ ഇങ്ങനെ​യൊ​രു പെസഹ ആചരി​ച്ചി​ട്ടില്ല.+ 23 അങ്ങനെ യോശിയ രാജാ​വി​ന്റെ ഭരണത്തി​ന്റെ 18-ാം വർഷം യരുശ​ലേ​മിൽ യഹോ​വ​യ്‌ക്കുള്ള ഈ പെസഹ ആചരിച്ചു.

24 ഹിൽക്കിയ പുരോ​ഹി​തൻ യഹോ​വ​യു​ടെ ഭവനത്തിൽനി​ന്ന്‌ കണ്ടെടുത്ത പുസ്‌തകത്തിൽ+ എഴുതി​യി​രുന്ന നിയമമനുസരിച്ച്‌+ യോശിയ യഹൂദാ​ദേ​ശ​ത്തും യരുശ​ലേ​മി​ലും ഉണ്ടായി​രുന്ന എല്ലാ മ്ലേച്ഛത​ക​ളും നീക്കം ചെയ്‌തു. ആത്മാക്ക​ളു​ടെ ഉപദേശം തേടുന്നവരെയും* ഭാവി പറയുന്നവരെയും+ കുല​ദൈ​വ​വി​ഗ്ര​ഹങ്ങൾ,*+ മ്ലേച്ഛവിഗ്രഹങ്ങൾ* എന്നിവ​യെ​യും അദ്ദേഹം നീക്കി​ക്ക​ളഞ്ഞു. 25 അദ്ദേഹത്തെപ്പോലെ പൂർണ​ഹൃ​ദ​യ​ത്തോ​ടും പൂർണദേഹിയോടും*+ പൂർണ​ശ​ക്തി​യോ​ടും കൂടെ യഹോ​വ​യി​ലേക്കു മടങ്ങിവന്ന ഒരു രാജാവ്‌ അദ്ദേഹ​ത്തി​നു മുമ്പോ ശേഷമോ ഉണ്ടായി​ട്ടില്ല. അദ്ദേഹം മോശ​യു​ടെ നിയമം മുഴുവൻ അനുസ​രി​ച്ചു.

26 പക്ഷേ ദൈവത്തെ കോപി​പ്പി​ക്കാൻ മനശ്ശെ ചെയ്‌ത കാര്യങ്ങൾ കാരണം യഹൂദ​യ്‌ക്കു നേരെ ആളിക്ക​ത്തിയ യഹോ​വ​യു​ടെ ഉഗ്ര​കോ​പം കെട്ടട​ങ്ങി​യില്ല.+ 27 യഹോവ പറഞ്ഞു: “ഇസ്രാ​യേ​ലി​നെ നീക്കം ചെയ്‌തതുപോലെ+ ഞാൻ യഹൂദ​യെ​യും എന്റെ കൺമു​ന്നിൽനിന്ന്‌ നീക്കി​ക്ക​ള​യും.+ ഞാൻ തിര​ഞ്ഞെ​ടുത്ത നഗരമായ ഈ യരുശ​ലേ​മി​നെ​യും ‘എന്റെ പേര്‌ അവി​ടെ​യു​ണ്ടാ​യി​രി​ക്കും’+ എന്നു പറഞ്ഞ ഈ ഭവന​ത്തെ​യും ഞാൻ തള്ളിക്ക​ള​യും.”

28 യോശിയയുടെ ബാക്കി ചരിത്രം, യോശിയ ചെയ്‌ത എല്ലാ കാര്യ​ങ്ങ​ളും, യഹൂദാ​രാ​ജാ​ക്ക​ന്മാ​രു​ടെ കാലത്തെ ചരി​ത്ര​പു​സ്‌ത​ക​ത്തിൽ രേഖ​പ്പെ​ടു​ത്തി​യി​ട്ടുണ്ട്‌. 29 യോശിയ രാജാ​വി​ന്റെ കാലത്ത്‌, ഈജി​പ്‌തി​ലെ രാജാ​വായ ഫറവോൻ നെഖോ, യൂഫ്ര​ട്ടീസ്‌ നദി വഴി അസീറി​യൻ രാജാ​വി​നെ കാണാൻ പോയി. അപ്പോൾ യോശിയ രാജാവ്‌ അയാൾക്കു നേരെ ചെന്നു. പക്ഷേ മെഗിദ്ദോയിൽവെച്ച്‌+ യോശി​യയെ കണ്ട നെഖോ യോശി​യയെ കൊന്നു​ക​ളഞ്ഞു. 30 ഭൃത്യന്മാർ യോശി​യ​യു​ടെ ശരീരം ഒരു രഥത്തിൽ കയറ്റി മെഗി​ദ്ദോ​യിൽനിന്ന്‌ യരുശ​ലേ​മി​ലേക്കു കൊണ്ടു​വന്ന്‌ അദ്ദേഹ​ത്തി​ന്റെ കല്ലറയിൽ അടക്കം ചെയ്‌തു. പിന്നെ ദേശത്തെ ജനം യോശി​യ​യു​ടെ മകൻ യഹോ​വാ​ഹാ​സി​നെ അഭി​ഷേകം ചെയ്‌ത്‌ അടുത്ത രാജാ​വാ​ക്കി.+

31 രാജാവാകുമ്പോൾ യഹോവാഹാസിന്‌+ 23 വയസ്സാ​യി​രു​ന്നു. യഹോ​വാ​ഹാസ്‌ മൂന്നു മാസം യരുശ​ലേ​മിൽ ഭരണം നടത്തി. ലിബ്‌ന​യിൽനി​ന്നുള്ള യിരെ​മ്യ​യു​ടെ മകൾ ഹമൂതലായിരുന്നു+ യഹോ​വാ​ഹാ​സി​ന്റെ അമ്മ. 32 പൂർവികർ ചെയ്‌ത​തു​പോ​ലെ​തന്നെ യഹോ​വാ​ഹാ​സും യഹോ​വ​യു​ടെ മുമ്പാകെ തിന്മ ചെയ്‌തു.+ 33 അയാൾ യരുശ​ലേ​മിൽ ഭരണം നടത്താ​തി​രി​ക്കാൻ ഫറവോൻ നെഖോ,+ ഹമാത്ത്‌ ദേശത്തുള്ള രിബ്ലയിൽ അയാളെ തടവി​ലാ​ക്കി.+ എന്നിട്ട്‌ ദേശത്തി​ന്‌ 100 താലന്തു* വെള്ളി​യും ഒരു താലന്തു സ്വർണ​വും പിഴയി​ട്ടു.+ 34 ഫറവോൻ നെഖോ യോശി​യ​യു​ടെ മകൻ എല്യാ​ക്കീ​മി​നെ അടുത്ത രാജാ​വാ​ക്കു​ക​യും എല്യാ​ക്കീ​മി​ന്റെ പേര്‌ യഹോ​യാ​ക്കീം എന്നു മാറ്റു​ക​യും ചെയ്‌തു. പക്ഷേ യഹോ​വാ​ഹാ​സി​നെ നെഖോ ഈജി​പ്‌തി​ലേക്കു കൊണ്ടു​പോ​യി.+ അവി​ടെ​വെച്ച്‌ അയാൾ മരിച്ചു.+ 35 ഫറവോൻ നെഖോ ആവശ്യ​പ്പെട്ട വെള്ളി​യും സ്വർണ​വും യഹോ​യാ​ക്കീം കൊടു​ത്തു. എന്നാൽ വെള്ളി കൊടു​ക്കാൻ അയാൾക്കു ദേശത്തു​നിന്ന്‌ നികുതി പിരി​ക്കേ​ണ്ടി​വന്നു. നികു​തി​യാ​യി ഓരോ​രു​ത്തർക്കും ചുമത്തിയ സ്വർണ​വും വെള്ളി​യും വാങ്ങി അയാൾ ഫറവോ​നു കൊടു​ത്തു.

36 രാജാവാകുമ്പോൾ യഹോയാക്കീമിന്‌+ 25 വയസ്സാ​യി​രു​ന്നു. യഹോ​യാ​ക്കീം 11 വർഷം യരുശ​ലേ​മിൽ ഭരണം നടത്തി.+ രൂമയിൽനി​ന്നുള്ള പെദാ​യ​യു​ടെ മകൾ സെബീ​ദ​യാ​യി​രു​ന്നു അയാളു​ടെ അമ്മ. 37 പൂർവികർ ചെയ്‌തതുപോലെതന്നെ+ യഹോ​യാ​ക്കീ​മും യഹോ​വ​യു​ടെ മുമ്പാകെ തെറ്റായ കാര്യങ്ങൾ ചെയ്‌തു.+