ദിനവൃ​ത്താ​ന്തം രണ്ടാം ഭാഗം

36 പിന്നെ ദേശത്തെ ജനം യോശി​യ​യു​ടെ മകൻ യഹോവാഹാസിനെ+ യരുശ​ലേ​മിൽ അടുത്ത രാജാ​വാ​ക്കി.+ 2 രാജാവാകുമ്പോൾ യഹോ​വാ​ഹാ​സിന്‌ 23 വയസ്സാ​യി​രു​ന്നു; യഹോ​വാ​ഹാസ്‌ മൂന്നു മാസം യരുശ​ലേ​മിൽ ഭരണം നടത്തി. 3 എന്നാൽ ഈജി​പ്‌തു​രാ​ജാവ്‌ യഹോ​വാ​ഹാ​സി​നെ യരുശ​ലേ​മി​ലെ രാജസ്ഥാ​ന​ത്തു​നിന്ന്‌ നീക്കി. എന്നിട്ട്‌ ദേശത്തി​ന്‌ 100 താലന്തു* വെള്ളി​യും ഒരു താലന്തു സ്വർണ​വും പിഴയി​ട്ടു.+ 4 ഈജിപ്‌തുരാജാവ്‌ യഹോ​വാ​ഹാ​സി​ന്റെ സഹോ​ദ​ര​നായ എല്യാ​ക്കീ​മി​നെ യഹൂദ​യു​ടെ​യും യരുശ​ലേ​മി​ന്റെ​യും രാജാ​വാ​ക്കു​ക​യും എല്യാ​ക്കീ​മി​ന്റെ പേര്‌ യഹോ​യാ​ക്കീം എന്നു മാറ്റു​ക​യും ചെയ്‌തു. പക്ഷേ എല്യാ​ക്കീ​മി​ന്റെ സഹോ​ദ​ര​നായ യഹോ​വാ​ഹാ​സി​നെ നെഖോ+ ഈജി​പ്‌തി​ലേക്കു കൊണ്ടു​പോ​യി.+

5 രാജാവാകുമ്പോൾ യഹോയാക്കീമിന്‌+ 25 വയസ്സാ​യി​രു​ന്നു. യഹോ​യാ​ക്കീം 11 വർഷം യരുശ​ലേ​മിൽ ഭരണം നടത്തി. യഹോ​യാ​ക്കീം തന്റെ ദൈവ​മായ യഹോ​വ​യു​ടെ മുമ്പാകെ തെറ്റായ കാര്യങ്ങൾ ചെയ്‌തു.+ 6 യഹോയാക്കീമിന്റെ കാലു​ക​ളിൽ ചെമ്പു​വി​ല​ങ്ങു​ക​ളിട്ട്‌ ബാബി​ലോ​ണി​ലേക്കു കൊണ്ടു​പോ​കാ​നാ​യി ബാബി​ലോൺരാ​ജാ​വായ നെബൂഖദ്‌നേസർ+ യരുശ​ലേ​മി​നു നേരെ വന്നു.+ 7 നെബൂഖദ്‌നേസർ യഹോ​വ​യു​ടെ ഭവനത്തി​ലെ ചില ഉപകര​ണങ്ങൾ എടുത്ത്‌ ബാബി​ലോ​ണി​ലെ സ്വന്തം കൊട്ടാ​ര​ത്തി​ലേക്കു കൊണ്ടു​പോ​യി.+ 8 യഹോയാക്കീമിന്റെ ബാക്കി ചരിത്രം, യഹോ​യാ​ക്കീ​മി​ന്റെ മോശ​മായ ചെയ്‌തി​ക​ളും യഹോ​യാ​ക്കീ​മിന്‌ എതിരെ കണ്ടെത്തിയ കാര്യ​ങ്ങ​ളും, ഇസ്രാ​യേ​ലി​ലെ​യും യഹൂദ​യി​ലെ​യും രാജാ​ക്ക​ന്മാ​രു​ടെ പുസ്‌ത​ക​ത്തിൽ രേഖ​പ്പെ​ടു​ത്തി​യി​ട്ടുണ്ട്‌. യഹോ​യാ​ക്കീ​മി​ന്റെ മകൻ യഹോ​യാ​ഖീൻ അടുത്ത രാജാ​വാ​യി.+

9 രാജാവാകുമ്പോൾ യഹോയാഖീന്‌+ 18 വയസ്സാ​യി​രു​ന്നു. മൂന്നു മാസവും പത്തു ദിവസ​വും യഹോ​യാ​ഖീൻ യരുശ​ലേ​മിൽ ഭരണം നടത്തി. യഹോ​യാ​ഖീൻ യഹോ​വ​യു​ടെ മുമ്പാകെ തെറ്റായ കാര്യങ്ങൾ ചെയ്‌തു.+ 10 വർഷാരംഭത്തിൽ* നെബൂ​ഖ​ദ്‌നേസർ രാജാവ്‌ ഭൃത്യ​ന്മാ​രെ അയച്ച്‌ യഹോ​യാ​ഖീ​നെ ബാബി​ലോ​ണി​ലേക്കു പിടി​ച്ചു​കൊ​ണ്ടു​പോ​യി;+ യഹോ​വ​യു​ടെ ഭവനത്തി​ലെ വിലപ്പെട്ട വസ്‌തു​ക്ക​ളും കൊണ്ടു​പോ​യി.+ എന്നിട്ട്‌ യഹോ​യാ​ഖീ​ന്റെ അപ്പന്റെ സഹോ​ദ​ര​നായ സിദെ​ക്കി​യയെ യഹൂദ​യു​ടെ​യും യരുശ​ലേ​മി​ന്റെ​യും രാജാ​വാ​ക്കി.+

11 രാജാവാകുമ്പോൾ സിദെക്കിയയ്‌ക്ക്‌+ 21 വയസ്സാ​യി​രു​ന്നു. സിദെ​ക്കിയ 11 വർഷം യരുശ​ലേ​മിൽ ഭരണം നടത്തി.+ 12 സിദെക്കിയ തന്റെ ദൈവ​മായ യഹോ​വ​യു​ടെ മുമ്പാകെ തെറ്റായ കാര്യങ്ങൾ ചെയ്‌തു​പോ​ന്നു. യഹോ​വ​യു​ടെ ആജ്ഞയനു​സ​രിച്ച്‌ സിദെ​ക്കി​യ​യോ​ടു സംസാ​രിച്ച യിരെമ്യ പ്രവാചകന്റെ+ മുന്നിൽ സിദെ​ക്കിയ താഴ്‌മ കാണി​ച്ചില്ല. 13 മാത്രമല്ല ദൈവ​നാ​മ​ത്തിൽ തന്നെ​ക്കൊണ്ട്‌ സത്യം ചെയ്യിച്ച നെബൂ​ഖ​ദ്‌നേസർ രാജാ​വി​നെ എതിർക്കു​ക​യും ചെയ്‌തു.+ ഇസ്രാ​യേ​ലി​ന്റെ ദൈവ​മായ യഹോ​വ​യി​ലേക്കു തിരി​യാ​തെ ദുശ്ശാ​ഠ്യം കാണിച്ചുകൊണ്ട്‌* സിദെ​ക്കിയ കഠിന​ഹൃ​ദ​യ​നാ​യി​ത്തന്നെ തുടർന്നു. 14 ജനതകളുടെ മ്ലേച്ഛമായ എല്ലാ ചെയ്‌തി​ക​ളും പിൻപ​റ്റി​ക്കൊണ്ട്‌ ജനവും പുരോ​ഹി​ത​ന്മാ​രു​ടെ പ്രധാ​നി​ക​ളും അങ്ങേയറ്റം അവിശ്വ​സ്‌തത കാണിച്ചു; യഹോവ വിശു​ദ്ധീ​ക​രിച്ച യരുശ​ലേ​മി​ലെ ദൈവ​ഭ​വനം അവർ അശുദ്ധ​മാ​ക്കി.+

15 എന്നാൽ അവരുടെ പൂർവി​ക​രു​ടെ ദൈവ​മായ യഹോ​വ​യ്‌ക്കു സ്വന്തം ജനത്തോ​ടും വാസസ്ഥ​ല​ത്തോ​ടും അനുകമ്പ തോന്നി​യ​തു​കൊണ്ട്‌ സന്ദേശ​വാ​ഹ​കരെ അയച്ച്‌ ദൈവം അവർക്കു പല തവണ മുന്നറി​യി​പ്പു കൊടു​ത്തു. 16 പക്ഷേ സുഖ​പ്പെ​ടു​ത്താൻ പറ്റാത്ത അളവോ​ളം,+ യഹോ​വ​യു​ടെ ഉഗ്ര​കോ​പം സ്വന്തം ജനത്തിനു നേരെ ജ്വലി​ക്കു​വോ​ളം, അവർ സത്യ​ദൈ​വ​ത്തി​ന്റെ സന്ദേശ​വാ​ഹ​കരെ പരിഹസിക്കുകയും+ ദൈവ​ത്തി​ന്റെ വാക്കുകൾ പുച്ഛിച്ചുതള്ളുകയും+ ദൈവ​ത്തി​ന്റെ പ്രവാ​ച​ക​ന്മാ​രെ നിന്ദിക്കുകയും+ ചെയ്‌തു​കൊ​ണ്ടി​രു​ന്നു.

17 അതുകൊണ്ട്‌ ദൈവം കൽദയ​രാ​ജാ​വി​നെ അവർക്കു നേരെ വരുത്തി.+ കൽദയ​രാ​ജാവ്‌ അവരുടെ വിശുദ്ധമന്ദിരത്തിൽവെച്ച്‌+ അവർക്കി​ട​യി​ലെ ചെറു​പ്പ​ക്കാ​രെ വാളു​കൊണ്ട്‌ വെട്ടി​ക്കൊ​ന്നു.+ യുവാ​ക്ക​ളോ​ടോ കന്യക​മാ​രോ​ടോ പ്രായ​മു​ള്ള​വ​രോ​ടോ അവശ​രോ​ടോ കരുണ കാണി​ച്ചില്ല.+ ദൈവം സകലവും കൽദയ​രാ​ജാ​വി​ന്റെ കൈയിൽ ഏൽപ്പിച്ചു.+ 18 ദൈവഭവനത്തിലെ ചെറു​തും വലുതും ആയ എല്ലാ ഉപകര​ണ​ങ്ങ​ളും യഹോ​വ​യു​ടെ ഭവനത്തി​ലെ ഖജനാ​വിൽ സൂക്ഷി​ച്ചി​രുന്ന വിലപി​ടി​പ്പുള്ള വസ്‌തു​ക്ക​ളും രാജാ​വി​ന്റെ​യും പ്രഭു​ക്ക​ന്മാ​രു​ടെ​യും വിലപി​ടി​പ്പുള്ള വസ്‌തു​ക്ക​ളും കൽദയ​രാ​ജാവ്‌ ബാബി​ലോ​ണി​ലേക്കു കൊണ്ടു​പോ​യി.+ 19 കൽദയരാജാവ്‌ സത്യ​ദൈ​വ​ത്തി​ന്റെ ഭവനം തീയിട്ട്‌ നശിപ്പി​ച്ചു;+ യരുശ​ലേ​മി​ന്റെ മതിൽ ഇടിച്ചുകളഞ്ഞ്‌+ അവിടത്തെ കോട്ട​മ​തി​ലുള്ള മന്ദിര​ങ്ങ​ളെ​ല്ലാം ചുട്ടെ​രി​ച്ചു; വിലപി​ടി​പ്പുള്ള സകലവും നശിപ്പി​ച്ചു​ക​ളഞ്ഞു.+ 20 വാളിന്‌ ഇരയാ​കാ​തെ ശേഷി​ച്ച​വരെ ബാബി​ലോ​ണി​ലേക്കു ബന്ദിക​ളാ​യി കൊണ്ടു​പോ​യി.+ പേർഷ്യൻ സാമ്രാജ്യം* ഭരണം തുടങ്ങുന്നതുവരെ+ അവർ കൽദയ​രാ​ജാ​വി​ന്റെ​യും മക്കളു​ടെ​യും ദാസന്മാ​രാ​യി കഴിഞ്ഞു.+ 21 അങ്ങനെ, യഹോവ യിരെ​മ്യ​യി​ലൂ​ടെ പറഞ്ഞതു നിറ​വേറി.+ ദേശം അതിന്റെ ശബത്തു​ക​ളെ​ല്ലാം വീട്ടി​ത്തീർക്കു​ന്ന​തു​വരെ അവർ അവിടെ കഴിഞ്ഞു.+ 70 വർഷം പൂർത്തി​യാ​കു​ന്ന​തു​വരെ, അതായത്‌ വിജന​മാ​യി​ക്കി​ടന്ന കാലം മുഴുവൻ, ദേശം ശബത്ത്‌ ആചരിച്ചു.+

22 യഹോവ യിരെ​മ്യ​യി​ലൂ​ടെ പറഞ്ഞതു+ നിറ​വേ​റാ​നാ​യി, പേർഷ്യൻ രാജാ​വായ കോരെശിന്റെ* വാഴ്‌ച​യു​ടെ ഒന്നാം വർഷം+ യഹോവ കോ​രെ​ശി​ന്റെ മനസ്സു​ണർത്തി. അങ്ങനെ പേർഷ്യൻ രാജാ​വായ കോ​രെശ്‌ രാജ്യത്ത്‌ ഉടനീളം ഇങ്ങനെ​യൊ​രു വിളം​ബരം നടത്തു​ക​യും അതിലെ വാക്കുകൾ രേഖ​പ്പെ​ടു​ത്തി​വെ​ക്കു​ക​യും ചെയ്‌തു:+ 23 “പേർഷ്യൻ രാജാ​വായ കോ​രെശ്‌ ഇങ്ങനെ പറയുന്നു: ‘സ്വർഗ​ത്തി​ലെ ദൈവ​മായ യഹോവ ഭൂമി​യി​ലെ എല്ലാ രാജ്യ​ങ്ങ​ളും എനിക്കു തന്നു.+ യഹൂദ​യി​ലെ യരുശ​ലേ​മിൽ ദൈവ​ത്തിന്‌ ഒരു ഭവനം പണിയാൻ എന്നെ നിയോ​ഗി​ക്കു​ക​യും ചെയ്‌തു.+ ആ ദൈവ​ത്തി​ന്റെ ജനത്തിൽപ്പെ​ട്ടവർ ഇവി​ടെ​യു​ണ്ടെ​ങ്കിൽ അവർക്ക്‌ അവി​ടേക്കു പോകാ​വു​ന്ന​താണ്‌; അവരുടെ ദൈവ​മായ യഹോവ അവരു​ടെ​കൂ​ടെ​യു​ണ്ടാ​യി​രി​ക്കട്ടെ.’”+