ആ പുതി​യ​ലോ​ക​ത്തി​ലെ ജീവിതം തിര​ഞ്ഞെ​ടു​ക്കു​ക

സ്‌പഷ്ട​മാ​യും, ഈ അതുല്യ​മായ ചെറിയ, അതിവി​ശിഷ്ട ഗ്രഹം സൃഷ്ടി​ക്കു​ന്ന​തിൽ ദൈവ​ത്തിന്‌ ഒരു ഉദ്ദേശ്യ​മു​ണ്ടാ​യി​രു​ന്നു. മനുഷ്യ​വർഗ്ഗം അവന്റെ ഉദ്ദേശ്യ​ത്തിൽ ഒരു പ്രധാ​ന​പങ്കു വഹിക്ക​ണ​മെന്ന്‌ അവൻ നിശ്ചയി​ച്ചു. (യെശയ്യാ​വു 45:18) നമ്മുടെ ഭൂമി​യു​ടെ ഭയങ്കര​മായ അധഃപ​തനം ദൈവ​ത്തി​നു യാതൊ​രു ബഹുമാ​ന​വും കൈവ​രു​ത്തു​ന്നില്ല. എന്നാൽ ഈ അവസ്ഥ തുടരാൻ അവൻ അനുവ​ദി​ക്കു​മെന്നു നിങ്ങൾ യഥാർത്ഥ​ത്തിൽ വിശ്വ​സി​ക്കു​ന്നു​വോ? തീർച്ച​യാ​യും ഇല്ല!

ഒരു പുതി​യ​ലോ​ക​ത്തി​നു​വേ​ണ്ടി​യുള്ള മനുഷ്യ​വർഗ്ഗ​ത്തി​ന്റെ വാഞ്‌ഛ വാസ്‌ത​വ​ത്തിൽ മനുഷ്യ​വർഗ്ഗം ഒരുകാ​ലത്ത്‌ അനുഭ​വി​ച്ചി​രുന്ന ഒന്നിനു​വേ​ണ്ടി​യുള്ള അതിയായ ആഗ്രഹ​ത്തി​ന്റെ പ്രതി​ക​ര​ണ​മാണ്‌. അതൊരു യഥാർത്ഥ, അനുഭ​വ​വേ​ദ്യ​മായ ഭൗമിക പറുദീസ ആയിരു​ന്നു. ആദ്യ മാനു​ഷ​ദ​മ്പ​തി​കൾ അത്തര​മൊ​രു ഭവനത്തിൽ ആക്കി​വെ​ക്ക​പ്പെട്ടു, മനുഷ്യ​വർഗ്ഗം ഭൂമി​യിൽ ആ പറുദീസ എന്നേക്കും ആസ്വദി​ക്ക​ണ​മെ​ന്നു​ള്ളതു സ്രഷ്ടാ​വി​ന്റെ ആദി​മോ​ദ്ദേ​ശ്യ​മാ​യി​രു​ന്നു.—ഉല്‌പത്തി 1:28.

വിശ്വ​സ്‌ത​രാ​യ ആളുകളെ തങ്ങളുടെ ഹൃദയ​ങ്ങ​ളു​ടെ ആഗ്രഹങ്ങൾ സഹിതം അനു​ഗ്ര​ഹി​ക്കുന്ന അവന്റെ പുതി​യ​ലോ​ക​ത്തി​ലെ ജീവി​ത​ത്തി​നു യഹോ​വ​യാം ദൈവം നിങ്ങൾക്ക്‌ ഇപ്പോൾ ഒരു അവസരം വാഗ്‌ദാ​നം ചെയ്യുന്നു. (സങ്കീർത്ത​നങ്ങൾ 10:17; 27:4) അവിടെ ജീവി​ക്കാൻ നിങ്ങൾ ഇഷ്ടപ്പെ​ടു​മോ?

നിങ്ങൾക്ക്‌ ഒരു തിര​ഞ്ഞെ​ടു​പ്പുണ്ട്‌

മോശ​യു​ടെ വിടവാ​ങ്ങൽ പ്രസംഗം ശ്രവിച്ച ഇസ്രയേൽ ജനത്തിനു സമാന​മായ ഒരു തീരു​മാ​നം എടു​ക്കേ​ണ്ട​തു​ണ്ടാ​യി​രു​ന്നു. അവർ ഒന്നുകിൽ ദൈവ​ത്തി​ന്റെ അല്ലെങ്കിൽ അക്കാലത്തെ ജനതക​ളു​ടെ ഭരണം തിര​ഞ്ഞെ​ടു​ക്കേ​ണ്ട​തു​ണ്ടാ​യി​രു​ന്നു. മോശ​യു​ടെ ഉപദേശം ഇങ്ങനെ ആയിരു​ന്നു: “ജീവനും മരണവും നിങ്ങളു​ടെ മുമ്പിൽ വെച്ചി​രി​ക്കു​ന്നു . . .നീയും നിന്റെ സന്തതി​യും ജീവി​ച്ചി​രി​ക്കേ​ണ്ട​തി​നും. . .നിന്റെ ദൈവ​മായ യഹോ​വയെ സ്‌നേ​ഹി​ക്ക​യും അവന്റെ വാക്കു കേട്ടനു​സ​രി​ക്ക​യും അവനോ​ടു ചേർന്നി​രി​ക്ക​യും ചെയ്യേ​ണ്ട​തി​ന്നും ജീവനെ തിര​ഞ്ഞെ​ടു​ത്തു​കൊൾക.” (ആവർത്തനം 30:19, 20) അതെ, നിങ്ങളു​ടെ തിര​ഞ്ഞെ​ടു​പ്പും ഒരു ജീവൻ-മരണ വിഷയ​മാണ്‌.

ദൈവ​ത്തി​ന്റെ പുതി​യ​ലോ​ക​ത്തെ​ക്കു​റി​ച്ചുള്ള ഈ ലേഖനങ്ങൾ പ്രസി​ദ്ധീ​ക​രി​ക്കു​ന്നത്‌, പുതി​യ​ലോ​കം സൃഷ്ടി​ക്കാ​നുള്ള മമനു​ഷ്യ​ന്റെ പൊള്ള​യായ വാഗ്‌ദാ​ന​ങ്ങ​ളിൽ പ്രത്യാശ വെക്കു​ന്ന​തി​നു​പ​കരം നിങ്ങളു​ടെ ഹൃദയത്തെ സ്‌പർശിച്ച്‌ നിങ്ങളും അതു തിരെ​ഞ്ഞെ​ടു​ക്കാൻ വേണ്ടി​യാണ്‌. ദൈവ​ത്തി​ന്റെ പുതി​യ​ലോ​ക​ത്തെ​ക്കു​റി​ച്ചു നിങ്ങൾ പഠിക്കേണ്ട അനേകം അത്ഭുത​കാ​ര്യ​ങ്ങൾ ഉണ്ട്‌.

ഉദാഹ​ര​ണ​മാ​യി, ഈ പുതി​യ​ലോ​കം ആസന്നമാണ്‌ എന്നതിന്‌ എന്തു തെളി​വുണ്ട്‌? അത്‌ എങ്ങനെ ഭൂമി​യി​ലെ എല്ലാ ഗവൺമെൻറു​ക​ളെ​യും മാററി​സ്ഥാ​പി​ക്കും? എന്തു സംഭവങ്ങൾ ഇതി​ലേക്കു നയിക്കും? ബൈബിൾ വാഗ്‌ദാ​നം ചെയ്യു​ന്നതു സത്യമാ​യി ഭവിക്കു​മെന്നു നമു​ക്കെ​ങ്ങനെ ഉറപ്പു​ണ്ടാ​യി​രി​ക്കാൻ കഴിയും?

ഇവക്കും മററ​നേകം ചോദ്യ​ങ്ങൾക്കു​മുള്ള ഉത്തരങ്ങൾ ലഭ്യമാണ്‌. ദൈവ​ത്തി​ന്റെ പുതി​യ​ലോ​ക​ത്തി​ലെ അനു​ഗ്ര​ഹ​ങ്ങ​ളെ​ക്കു​റി​ച്ചു വിവരി​ക്കുക മാത്രമല്ല ദൈവ​ത്തി​ന്റെ ഗവൺമെൻറ്‌ എപ്പോൾ, എങ്ങനെ അതിന്റെ ഭരണം ആരംഭി​ക്കു​ക​യും അന്തിമ​മാ​യി, മുഴു​ഭൂ​മി​യെ​യും നിയ​ന്ത്രി​ക്കാൻ ആ ഭരണം വികസി​പ്പി​ക്കു​ക​യും ചെയ്യു​മെന്നു വിവരി​ക്കുന്ന വാക്യങ്ങൾ നിങ്ങളു​ടെ ബൈബിൾപ്ര​തി​യിൽനി​ന്നും കാണി​ച്ചു​ത​രു​വാൻ യഹോ​വ​യു​ടെ സാക്ഷികൾ സന്തോ​ഷ​മു​ള്ള​വ​രാ​യി​രി​ക്കും.

അപ്പൊ​സ്‌ത​ല​നാ​യ പൗലോ​സി​നെ ശ്രദ്ധിച്ച ഒന്നാം നൂററാ​ണ്ടി​ലെ ബരോ​വ​ക്കാ​രെ​പ്പോ​ലെ പ്രതി​ക​രി​ക്കാൻ നിങ്ങളെ പ്രോ​ത്സാ​ഹി​പ്പി​ക്കു​ന്നു. അവർ “അതു അങ്ങനെ തന്നെയോ എന്നു ദിന​മ്പ്രതി തിരു​വെ​ഴു​ത്തു​കളെ പരി​ശോ​ധി​ച്ചു​പോ​ന്നു.” (പ്രവൃ​ത്തി​കൾ 17:11) ജ്ഞാനപൂർവ്വം, നിങ്ങൾ അതുതന്നെ ചെയ്യേ​ണ്ട​തുണ്ട്‌. ദൈവം നമുക്കു വാഗ്‌ദാ​നം ചെയ്യുന്ന ആനന്ദക​ര​മായ ഭാവി​യെ​ക്കു​റി​ച്ചു നിങ്ങൾ പഠിക്കു​മ്പോൾ യഹോ​വ​യു​ടെ സാക്ഷി​ക​ളോ​ടൊ​പ്പ​മുള്ള നിങ്ങളു​ടെ ബൈബിൾ ചർച്ചകൾ വലിയ ആത്മീയ സംതൃ​പ്‌തി കൈവ​രു​ത്തു​മെന്നു തീർച്ച​യാണ്‌.

ദൈവ​ത്തെ​യും അവന്റെ രാജ്യ​ഗ​വൺമെൻറി​ന്റെ താത്‌പ​ര്യ​ങ്ങ​ളെ​യും സേവി​ക്ക​ണ​മോ തങ്ങളേ​ത്തന്നെ ഭരിക്കാ​നുള്ള മമനു​ഷ്യ​ന്റെ ശ്രമങ്ങ​ളിൽ ആശ്രയ​വും പ്രത്യാ​ശ​യും വെക്കണ​മോ എന്നതു സംബന്ധി​ച്ചു നിങ്ങൾ ഒരു തിര​ഞ്ഞെ​ടു​പ്പു നടത്തേ​ണ്ട​തുണ്ട്‌. നിങ്ങളു​ടെ തീരു​മാ​നം അറിവി​ന്റെ അടിസ്ഥാ​ന​ത്തി​ലു​ള്ള​താ​യി​രി​ക്കു​ന്ന​തി​നു ദൈവ​ത്തി​ന്റെ വാഗ്‌ദാ​ന​ങ്ങ​ളെ​ക്കു​റി​ച്ചു നിങ്ങൾക്ക്‌ ആവുന്നത്ര പഠിക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. ബൈബിൾജ്ഞാ​നം സമ്പാദി​ക്കു​ന്നതു ഭാവി​ക്കു​വേ​ണ്ടി​യുള്ള നിങ്ങളു​ടെ പ്രത്യാ​ശയെ ഉജ്ജീവി​പ്പി​ക്കു​ന്നു​വെന്നു മാത്രമല്ല മാനു​ഷ​ഭ​ര​ണ​ത്തി​ന്റെ ഈ അന്തിമ​നാ​ളു​ക​ളിൽ ആത്മീയ​മാ​യി ഉണർവ്വു​ള്ള​വ​രാ​യി​നിൽക്കു​ന്ന​തി​നും നിങ്ങളെ സഹായി​ക്കും.—2 തിമൊ​ഥെ​യൊസ്‌ 1:13.

പുതി​യ​ലോ​ക​ത്തി​നു​വേ​ണ്ടി​യുള്ള അനേക​വർഷ​ങ്ങ​ളി​ലെ മമനു​ഷ്യ​ന്റെ കാത്തി​രിപ്പ്‌ ഏതാണ്ടു തീരാ​റാ​യി​രി​ക്കു​ന്നു. നിങ്ങൾക്ക്‌ ആ പുതി​യ​ലോ​ക​ത്തി​ലേക്കു പ്രവേ​ശനം ലഭിക്കു​ന്ന​തി​നും ജീവിതം എന്നേക്കും ആസ്വദി​ക്കു​ന്ന​തി​നും യഹോ​വ​യു​ടെ സാക്ഷികൾ ആഗ്രഹി​ക്കു​ന്നു. ദൈവം ആഗ്രഹി​ക്കു​ന്ന​തും അതുത​ന്നെ​യാണ്‌. നിങ്ങൾ ദൈവ​ത്തി​ന്റെ പുതി​യ​ലോ​കം തിര​ഞ്ഞെ​ടു​ക്കു​മെന്നു ആത്മാർത്ഥ​മാ​യി പ്രതീ​ക്ഷി​ക്ക​പ്പെ​ടു​ന്നു. നിങ്ങൾ അങ്ങനെ ചെയ്യു​മെ​ങ്കിൽ, ഒരു പുതി​യ​ലോ​ക​ത്തി​നു​വേ​ണ്ടി​യുള്ള മമനു​ഷ്യ​ന്റെ അഭിലാ​ഷം ഒരിക്ക​ലും വ്യർത്ഥ​മ​ല്ലാ​യി​രു​ന്നു​വെന്നു നിങ്ങൾ കാണും. (g92 10⁄22)