ബൈബി​ളി​ന്റെ വീക്ഷണം

ക്ഷമിക്കുക, മറക്കുക—എങ്ങനെ സാധി​ക്കും?

“ഞാൻ അവരുടെ അകൃത്യം ക്ഷമിക്കും, ഞാൻ അവരുടെ പാപം മേലാൽ ഓർക്കു​ക​യു​മില്ല.”—യിരെ​മ്യാവ്‌ 31:34, NW.

പ്രവാ​ച​ക​നായ യിരെ​മ്യാവ്‌ രേഖ​പ്പെ​ടു​ത്തിയ ആ വാക്കുകൾ യഹോ​വ​യു​ടെ കരുണയെ സംബന്ധിച്ച്‌ ശ്രദ്ധേ​യ​മായ ഒരു സംഗതി വെളി​പ്പെ​ടു​ത്തു​ന്നു: അവൻ ക്ഷമിക്കു​മ്പോൾ, അവൻ മറന്നു​ക​ള​യു​ന്നു. (യെശയ്യാ​വു 43:25) ബൈബിൾ കൂടു​ത​ലാ​യി ഇങ്ങനെ പ്രസ്‌താ​വി​ക്കു​ന്നു: “യഹോവ സൗജന്യ​മാ​യി നിങ്ങ​ളോ​ടു ക്ഷമിച്ച​തു​പോ​ലെ​തന്നെ നിങ്ങളും ചെയ്‌വിൻ.” (കൊ​ലോ​സ്യർ 3:13, NW) അതു​കൊണ്ട്‌, ക്രിസ്‌ത്യാ​നി​ക​ളെന്ന നിലയിൽ നാം യഹോ​വ​യു​ടെ ക്ഷമയെ അനുക​രി​ക്കണം.

എന്നിരു​ന്നാ​ലും, ചില പ്രധാ​ന​പ്പെട്ട ചോദ്യ​ങ്ങൾ ഉദിക്കു​ന്നു. യഹോവ ക്ഷമിക്കു​മ്പോൾ, അവൻ നമ്മുടെ പാപങ്ങൾ വാസ്‌ത​വ​ത്തിൽ ഒരിക്ക​ലും ഓർക്കാ​തി​രി​ക്കു​ന്നു​വോ? നാം ക്ഷമിക്കു​മ്പോൾ, ഓർക്കാൻ കഴിയാ​ത്ത​വി​ധം നാം മറക്കണ​മോ? ആ വിധത്തിൽ നാം മറന്നി​ല്ലെ​ങ്കിൽ വാസ്‌ത​വ​ത്തിൽ നാം മറന്നി​ട്ടില്ല എന്നു പറയാൻ കഴിയു​മോ?

യഹോവ ക്ഷമിക്കുന്ന വിധം

മറക്കു​ന്ന​തിൽ ഉൾപ്പെ​ട്ടി​രി​ക്കു​ന്നത്‌ നീരസം ഒഴിവാ​ക്കു​ന്ന​താണ്‌. യഹോവ ക്ഷമിക്കു​മ്പോൾ, അവൻ അതു പരിപൂർണ​മാ​യി ചെയ്യുന്നു.a സങ്കീർത്ത​ന​ക്കാ​ര​നായ ദാവീദ്‌ ഇങ്ങനെ എഴുതി: “[യഹോവ] സദാ കുറ്റ​പ്പെ​ടു​ത്തു​ക​യില്ല; തന്റെ കോപം നിത്യം നിലനിർത്തു​ക​യില്ല. കിഴക്ക്‌ പടിഞ്ഞാ​റിൽനിന്ന്‌ അകന്നി​രി​ക്കു​ന്നത്ര, ഞങ്ങളുടെ അതി​ക്ര​മ​ങ്ങളെ അവൻ ഞങ്ങളിൽനിന്ന്‌ അകറ്റി​യി​രി​ക്കു​ന്നു. പിതാവ്‌ മക്കളോ​ടു കരുണ കാണി​ക്കും പോലെ, കർത്താവ്‌ [യഹോവ] തന്നെ ഭയപ്പെ​ടു​ന്ന​വ​രോട്‌ കരുണ കാണി​ക്കു​ന്നു.”—സങ്കീർത്തനം 103:9, 12, 13, ഓശാന ബൈബിൾ.

ദൈവ​ത്തി​ന്റെ ക്ഷമയുടെ പൂർണത കൂടു​ത​ലാ​യി പ്രവൃ​ത്തി​കൾ 3:19-ൽ വിശദീ​ക​രി​ച്ചി​രി​ക്കു​ന്നു: “നിങ്ങളു​ടെ പാപങ്ങൾ മാഞ്ഞു​കി​ട്ടേ​ണ്ട​തി​ന്നു മാനസാ​ന്ത​ര​പ്പെട്ടു തിരി​ഞ്ഞു​കൊൾവിൻ.” ‘മാഞ്ഞു​കി​ട്ടുക’ എന്ന പദം വരുന്നത്‌ “തുടച്ചു​മാ​റ്റുക, മായ്‌ച്ചു​ക​ള​യുക” എന്നർഥ​മുള്ള ഒരു ഗ്രീക്കു ക്രിയ​യിൽനി​ന്നാണ്‌ (എക്‌സാ​ലെ​യ്‌ഫോ). (കാണുക: വെളി​പ്പാ​ടു 7:17; 21:4.) ദ ന്യൂ ഇന്റർനാ​ഷണൽ ഡിക്‌ഷ്‌ണറി ഓഫ്‌ ന്യൂ ടെസ്റ്റ​മെൻറ്‌ തിയോ​ളജി ഇങ്ങനെ വിശദീ​ക​രി​ക്കു​ന്നു: “ഈ ക്രിയ ഇവി​ടെ​യും ഒരുപക്ഷേ മറ്റുള്ളി​ട​ങ്ങ​ളി​ലും പ്രകട​മാ​ക്കുന്ന ആശയം, വീണ്ടും ഉപയോ​ഗി​ക്കു​ന്ന​തി​നു വേണ്ടി മെഴു​കു​കൊ​ണ്ടുള്ള ഒരു എഴുത്തു​പ​ല​ക​യു​ടെ പ്രതലം മിനു​സ​പ്പെ​ടു​ത്തു​ന്ന​താ​യി​രി​ക്കാ​നാണ്‌ ഏറ്റവും സാധ്യത. (‘സ്ലേറ്റ്‌ തുടച്ചു വൃത്തി​യാ​ക്കു’ന്നതി​നോട്‌ [താരത​മ്യം ചെയ്യുക]).” നാം നമ്മുടെ പാപങ്ങൾ സംബന്ധിച്ച്‌ അനുത​പി​ക്കു​മ്പോൾ യഹോവ നമ്മുടെ പ്രവൃ​ത്തി​കളെ തുടച്ചു ശുദ്ധീ​ക​രി​ക്കു​ന്നു. നമ്മുടെ പാപങ്ങൾ അവൻ മേലാൽ ഓർക്കു​ന്നില്ല എന്ന്‌ അതിനർഥ​മു​ണ്ടോ? നമുക്കു ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ഒരു ഉദാഹ​രണം പരി​ശോ​ധി​ക്കാം.

ദാവീദ്‌ രാജാവ്‌ ബേത്‌-ശേബയു​മാ​യി വ്യഭി​ചാ​ര​ത്തിൽ ഏർപ്പെ​ടു​ക​യും പിന്നീട്‌ അവളുടെ ഭർത്താ​വി​ന്റെ മരണം ഒരുക്കി​ക്കൊണ്ട്‌ അതു മറയ്‌ക്കാൻ ശ്രമി​ക്കു​ക​യും ചെയ്‌ത​പ്പോൾ, ദാവീ​ദി​നെ ശാസി​ക്കാൻ യഹോവ നാഥാൻ പ്രവാ​ച​കനെ അയച്ചു. (2 ശമൂവേൽ 11:1-17; 12:1-12) ഫലമെ​ന്താ​യി​രു​ന്നു? ദാവീദ്‌ ആത്മാർഥ​മാ​യി അനുത​പി​ച്ചു, യഹോവ അവനോ​ടു ക്ഷമിക്കു​ക​യും ചെയ്‌തു. (2 ശമൂവേൽ 12:13; സങ്കീർത്തനം 32:1-5) യഹോവ ദാവീ​ദി​ന്റെ പാപങ്ങൾ മറന്നു​ക​ള​ഞ്ഞോ? അശേഷ​മില്ല! പിന്നീട്‌, ബൈബിൾ എഴുത്തു​കാ​രായ ഗാദും നാഥാ​നും ദാവീ​ദി​ന്റെ മരണത്തി​നു തൊട്ടു​മുമ്പ്‌ 2 ശമൂവേൽ (പൊ.യു.മു. 1040-നോട​ടുത്ത്‌ പൂർത്തി​യാ​ക്ക​പ്പെട്ടു) എന്ന ബൈബിൾ പുസ്‌ത​ക​ത്തിൽ ആ മുഴു വിവര​ണ​വും രേഖ​പ്പെ​ടു​ത്തി.

അതു​കൊണ്ട്‌, ദാവീ​ദി​ന്റെ പാപങ്ങ​ളെ​ക്കു​റി​ച്ചുള്ള—അതു​പോ​ലെ​തന്നെ അവന്റെ അനുതാ​പ​ത്തെ​യും തുടർന്നുള്ള യഹോ​വ​യു​ടെ ക്ഷമയെ​യും കുറി​ച്ചുള്ള—രേഖ അഥവാ ഓർമ തുടർന്നു നിലനിൽക്കു​ന്നു, ഇന്നോ​ള​മുള്ള ബൈബിൾ വായന​ക്കാ​രു​ടെ പ്രയോ​ജ​ന​ത്തി​നു വേണ്ടി. (റോമർ 15:4; 1 കൊരി​ന്ത്യർ 10:11) “[ബൈബി​ളിൽ അടങ്ങി​യി​രി​ക്കു​ന്നതു പോലെ] കർത്താ​വി​ന്റെ [“യഹോ​വ​യു​ടെ,” NW] വചനമോ എന്നേക്കും നിലനി​ല്‌ക്കു​ന്നു.” ദാവീ​ദി​ന്റെ പാപങ്ങ​ളെ​ക്കു​റി​ച്ചുള്ള രേഖ ഒരിക്ക​ലും വിസ്‌മ​രി​ക്ക​പ്പെ​ടു​ക​യില്ല!—1 പത്രൊസ്‌ 1:25.

നമ്മുടെ പാപങ്ങൾ സംബന്ധിച്ച്‌ നാം ആത്മാർഥ​മാ​യി അനുത​പി​ക്കു​മ്പോൾ യഹോവ സ്ലേറ്റ്‌ പൂർണ​മാ​യി തുടച്ചു​ക​ള​യു​ന്നു​വെന്ന്‌ എങ്ങനെ പറയാൻ കഴിയും? “ഞാൻ അവരുടെ അകൃത്യം ക്ഷമിക്കും, ഞാൻ അവരുടെ പാപം മേലാൽ ഓർക്കു​ക​യു​മില്ല” എന്ന യഹോ​വ​യു​ടെ വാക്കുകൾ നമുക്ക്‌ എങ്ങനെ മനസ്സി​ലാ​ക്കാൻ കഴിയും?—യിരെ​മ്യാവ്‌ 31:34, NW.

യഹോവ മറക്കുന്ന വിധം

‘ഞാൻ ഓർക്കും’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ ക്രിയ (സാഖർ എന്നതിന്റെ ഒരു രൂപം) ഭൂതകാ​ലം കേവലം ഓർക്കു​ന്ന​തി​നെയല്ല അർഥമാ​ക്കു​ന്നത്‌. തിയ​ളോ​ജി​ക്കൽ വേഡ്‌ബുക്ക്‌ ഓഫ്‌ ദി ഓൾഡ്‌ ടെസ്റ്റ​മെൻറ്‌ പറയു​ന്ന​തിൻപ്ര​കാ​രം, അതിന്‌ “പരാമർശി​ക്കുക, പ്രഖ്യാ​പി​ക്കുക, ഉരുവി​ടുക, ഘോഷി​ക്കുക, അഭ്യർഥി​ക്കുക, അനുസ്‌മ​രി​ക്കുക, കുറ്റ​പ്പെ​ടു​ത്തുക, ഏറ്റുപ​റ​യുക” എന്നെല്ലാം അർഥമാ​ക്കാൻ കഴിയും. തിയ​ളോ​ജി​ക്കൽ ഡിക്‌ഷ്‌ണറി ഓഫ്‌ ദി ഓൾഡ്‌ ടെസ്റ്റ​മെൻറ്‌ ഇപ്രകാ​രം കൂട്ടി​ച്ചേർക്കു​ന്നു: “വാസ്‌ത​വ​ത്തിൽ, വളരെ സാധാ​ര​ണ​മാ​യി [സഖാർ] ഒരു പ്രവൃ​ത്തി​യെ കുറി​ക്കു​ക​യോ പ്രവൃ​ത്തി​യെ സൂചി​പ്പി​ക്കുന്ന ക്രിയ​ക​ളോ​ടു ചേർന്നു​വ​രു​ക​യോ ചെയ്യുന്നു.” അതു​കൊണ്ട്‌, തന്റെ വഴിപി​ഴച്ച ജനത്തെ​ക്കു​റിച്ച്‌, ‘അവരുടെ അകൃത്യം ഓർക്കും’ എന്നു യഹോവ പറയു​മ്പോൾ, അവരുടെ അനുതാ​പ​മി​ല്ലായ്‌മ നിമിത്തം അവൻ അവർക്കെ​തി​രെ നടപടി​യെ​ടു​ക്കും എന്നാണർഥം. (യിരെ​മ്യാ​വു 14:10) നേരേ​മ​റിച്ച്‌, “ഞാൻ അവരുടെ പാപം മേലാൽ ഓർക്കു​ക​യു​മില്ല” എന്നു യഹോവ പറയു​മ്പോൾ, അവൻ നമുക്ക്‌ ഉറപ്പു തരുന്നത്‌ ഒരിക്കൽ അവൻ നമ്മുടെ പാപങ്ങൾ ക്ഷമിച്ചു​ക​ഴി​ഞ്ഞാൽ നമ്മെ കുറ്റ​പ്പെ​ടു​ത്താ​നോ കുറ്റം​വി​ധി​ക്കാ​നോ ശിക്ഷി​ക്കാ​നോ വേണ്ടി അവ വീണ്ടും ഉന്നയി​ക്കു​ക​യില്ല എന്നാണ്‌.

ഏതർഥ​ത്തി​ലാണ്‌ താൻ ക്ഷമിക്കു​ക​യും മറക്കു​ക​യും ചെയ്യു​ന്നത്‌ എന്ന്‌ യഹോവ പ്രവാ​ച​ക​നായ യെഹെ​സ്‌കേൽ മുഖാ​ന്തരം വിശദീ​ക​രി​ച്ചു: “ദുഷ്ടൻ താൻ ചെയ്‌ത സകല പാപങ്ങ​ളെ​യും വിട്ടു​തി​രി​ഞ്ഞു എന്റെ ചട്ടങ്ങ​ളെ​യൊ​ക്കെ​യും പ്രമാ​ണി​ച്ചു, നീതി​യും ന്യായ​വും പ്രവർത്തി​ക്കു​ന്നു എങ്കിൽ, അവൻ മരിക്കാ​തെ ജീവി​ച്ചി​രി​ക്കും. അവൻ ചെയ്‌ത അതി​ക്ര​മ​ങ്ങ​ളിൽ ഒന്നി​നെ​യും അവന്നു കണക്കി​ടു​ക​യില്ല; അവൻ ചെയ്‌ത നീതി​യാൽ അവൻ ജീവി​ക്കും.” (യെഹെ​സ്‌കേൽ 18:21, 22; 33:14-16) അതേ യഹോവ ഒരു അനുതാ​പി​യായ പാപി​യോ​ടു ക്ഷമിക്കു​മ്പോൾ, അവൻ സ്ലേറ്റ്‌ പൂർണ​മാ​യി തുടച്ചു​ക​ള​യു​ക​യും ആ പാപങ്ങൾ സംബന്ധി​ച്ചു ഭാവി​യി​ലേ​തെ​ങ്കി​ലും സമയത്ത്‌ നടപടി എടുക്കു​ക​യി​ല്ലെ​ന്നുള്ള അർഥത്തിൽ മറക്കു​ക​യും ചെയ്യുന്നു.—റോമർ 4:7, 8.

നാം അപൂർണ​രാ​യി​രി​ക്കു​ന്ന​തി​നാൽ, യഹോവ ചെയ്യു​ന്ന​തു​പോ​ലെ പൂർണ​മായ ഒരു അർഥത്തിൽ നമുക്കു ക്ഷമിക്കാൻ ഒരിക്ക​ലും കഴിയു​ക​യില്ല; അവന്റെ ചിന്തക​ളും വഴിക​ളും നമ്മു​ടെ​തി​നെ​ക്കാൾ അനന്തമാ​യി ഉയർന്ന​താണ്‌. (യെശയ്യാ​വു 55:8, 9) അങ്ങനെ​യെ​ങ്കിൽ, മറ്റുള്ളവർ നമു​ക്കെ​തി​രെ പാപം ചെയ്യു​മ്പോൾ നാം ന്യായ​മാ​യി എത്ര​ത്തോ​ളം ക്ഷമിക്കാ​നും മറക്കാ​നു​മാ​ണു പ്രതീ​ക്ഷി​ക്ക​പ്പെ​ടു​ന്നത്‌?

നമുക്കു ക്ഷമിക്കാ​നും മറക്കാ​നും കഴിയുന്ന വിധം

“അന്യോ​ന്യം സൗജന്യ​മാ​യി ക്ഷമിപ്പിൻ” എന്ന്‌ എഫേസ്യർ 4:32 [NW] ഉദ്‌ബോ​ധി​പ്പി​ക്കു​ന്നു. നിഘണ്ടു​ര​ച​യി​താ​വായ ഡബ്ലിയു. ഈ. വൈൻ പറയു​ന്ന​ത​നു​സ​രിച്ച്‌, ‘സൗജന്യ​മാ​യി ക്ഷമിക്കുക’ എന്നു വിവർത്തനം ചെയ്‌തി​രി​ക്കുന്ന ഗ്രീക്കു പദത്തിന്റെ (ഖരി​സോ​മായ്‌) അർഥം “നിരു​പാ​ധി​ക​മാ​യി ഒരു ഉപകാരം ചെയ്യുക” എന്നാണ്‌. നമു​ക്കെ​തി​രെ ചെയ്യ​പ്പെ​ടുന്ന തെറ്റുകൾ സ്വഭാ​വ​ത്തിൽ നിസ്സാ​ര​മാ​യി​രി​ക്കു​മ്പോൾ, ക്ഷമിക്കാൻ നമുക്ക്‌ അധികം പ്രയാ​സ​മി​ല്ലാ​യി​രി​ക്കാം. നാം അപൂർണ​രാ​ണെന്ന കാര്യം മനസ്സിൽ പിടി​ക്കു​ന്നത്‌ മറ്റുള്ള​വ​രു​ടെ തെറ്റു​കൾക്കു വിട്ടു​വീഴ്‌ച ചെയ്യാൻ നമ്മെ പ്രാപ്‌ത​രാ​ക്കു​ന്നു. (കൊ​ലൊ​സ്സ്യർ 3:13) നാം ക്ഷമിക്കു​മ്പോൾ, നീരസം ഒഴിവാ​ക്കു​ന്നു. മാത്ര​വു​മല്ല, തെറ്റു ചെയ്‌ത ആളോ​ടുള്ള നമ്മുടെ ബന്ധത്തിനു സ്ഥായി​യായ ഹാനി സംഭവി​ക്കു​ക​യു​മില്ല. കാല​ക്ര​മേണ, അത്തരം നിസ്സാര തെറ്റിന്റെ ഓർമ​തന്നെ മങ്ങിമ​റ​ഞ്ഞു​പോ​യേ​ക്കാം.

നമ്മെ ആഴമായി മുറി​വേൽപ്പി​ക്കുന്ന ഗുരു​ത​ര​മായ ഒരു വിധത്തിൽ മറ്റുള്ളവർ നമു​ക്കെ​തി​രെ തെറ്റു ചെയ്യു​ക​യാ​ണെ​ങ്കി​ലോ? അഗമ്യ​ഗ​മനം, ബലാൽസം​ഗം, കൊല​പാ​ത​ക​ശ്രമം എന്നിവ പോലുള്ള അങ്ങേയ​റ്റത്തെ കേസു​ക​ളിൽ ക്ഷമിക്കു​ന്ന​തിൽ അനേകം ഘടകങ്ങൾ ഉൾപ്പെ​ട്ടി​രി​ക്കാം. തെറ്റു​കാ​രന്റെ പക്ഷത്ത്‌ തെറ്റു സംബന്ധിച്ച സമ്മതവും അനുതാ​പ​വും ക്ഷമാപ​ണ​വും ഇല്ലാത്ത​പ്പോൾ അതു പ്രത്യേ​കി​ച്ചും സത്യമാ​യി​രി​ക്കും.b (സദൃശ​വാ​ക്യ​ങ്ങൾ 28:13) അനുത​പി​ക്കാത്ത, കഠിന​രായ പാപി​ക​ളോട്‌ യഹോ​വ​തന്നെ ക്ഷമിക്കു​ന്നില്ല. (എബ്രായർ 6:4-6; 10:26) ഒരു മാനസിക മുറിവ്‌ ആഴമു​ള്ള​താ​യി​രി​ക്കു​മ്പോൾ, സംഭവിച്ച കാര്യം നമ്മുടെ മനസ്സിൽനി​ന്നു പൂർണ​മാ​യി അകറ്റി​നിർത്തു​ന്ന​തിൽ നാം ഒരിക്ക​ലും വിജയി​ക്കാ​തി​രു​ന്നേ​ക്കാം. എന്നിരു​ന്നാ​ലും, വരാനി​രി​ക്കുന്ന പുതിയ ലോക​ത്തിൽ, “മുമ്പി​ല​ത്തെവ ആരും ഓർക്കു​ക​യില്ല; ആരു​ടെ​യും മനസ്സിൽ വരിക​യു​മില്ല” എന്ന ഉറപ്പി​നാൽ നമുക്ക്‌ ആശ്വാസം തേടാൻ കഴിയും. (യെശയ്യാ​വു 65:17; വെളി​പ്പാ​ടു 21:4) അപ്പോൾ നാം എന്ത്‌ ഓർമി​ച്ചാ​ലും ഇപ്പോൾ നമുക്കു തോന്നു​ന്ന​തു​പോ​ലെ അത്‌ ആഴമായ മുറി​വോ വേദന​യോ ഉളവാ​ക്കു​ക​യില്ല.

മറ്റു ചില സന്ദർഭ​ങ്ങ​ളിൽ കാര്യങ്ങൾ നേരെ​യാ​ക്കു​ന്ന​തിന്‌, നമുക്കു ക്ഷമിക്കാൻ കഴിയു​ന്ന​തി​നു മുമ്പ്‌ നാം മുൻകൈ എടു​ക്കേ​ണ്ട​തു​ണ്ടാ​യി​രി​ക്കാം, ഒരുപക്ഷേ തെറ്റു ചെയ്‌ത ആളോടു സംസാ​രി​ച്ചു​കൊണ്ട്‌. (എഫെസ്യർ 4:26) ആ വിധത്തിൽ, ഏതെങ്കി​ലും തരത്തി​ലുള്ള തെറ്റി​ദ്ധാ​ര​ണകൾ ഒഴിവാ​ക്കാ​നും ഉചിത​മായ ക്ഷമാപണം നടത്താ​നും ക്ഷമ കാട്ടാ​നും കഴിയും. മറക്കു​ന്നതു സംബന്ധി​ച്ചോ? ചെയ്‌ത കാര്യം പൂർണ​മാ​യി മറന്നു​ക​ള​യാൻ നമുക്ക്‌ ഒരിക്ക​ലും കഴിയാ​തി​രു​ന്നേ​ക്കാം, എങ്കിലും തെറ്റു ചെയ്‌ത ആളോടു നീരസം വെക്കാ​തി​രി​ക്കു​ക​യും ഭാവി​യിൽ ഏതെങ്കി​ലു​മൊ​രു സമയത്ത്‌ ഇക്കാര്യം എടുത്തി​ടാ​തി​രി​ക്കു​ക​യും ചെയ്യുക എന്ന അർഥത്തിൽ നമുക്കു മറക്കാൻ കഴിയും. നാം അതി​നെ​ക്കു​റിച്ച്‌ കുശു​കു​ശു​ക്കു​ന്നില്ല, നാം തെറ്റു ചെയ്‌ത വ്യക്തിയെ പൂർണ​മാ​യി ഒഴിവാ​ക്കു​ന്നു​മില്ല. എന്നിരു​ന്നാ​ലും, തെറ്റു​കാ​ര​നു​മാ​യുള്ള നമ്മുടെ ബന്ധം നല്ല വിധത്തിൽ ആയിത്തീ​രാൻ കുറെ സമയം പിടി​ച്ചേ​ക്കാം, മുമ്പ​ത്തെ​പ്പോ​ലെ അതേ അടുപ്പം ആസ്വദി​ക്കാൻ കഴിയാ​തെ​യും വന്നേക്കാം.

ഒരു ദൃഷ്ടാന്തം പരിചി​ന്തി​ക്കുക: ആശ്രയ​യോ​ഗ്യ​നായ ഒരു വ്യക്തി​യോ​ടു തികച്ചും വ്യക്തി​പ​ര​മായ കാര്യങ്ങൾ തുറന്നു​പ​റ​യു​ന്നു​വെന്നു വെക്കുക, അയാൾ മറ്റുള്ള​വ​രോ​ടു കാര്യം പാട്ടാ​ക്കി​യെന്നു നിങ്ങൾ പിന്നീടു മനസ്സി​ലാ​ക്കു​ന്നു, അതു നിങ്ങൾക്കു വളരെ ദുഃഖ​വും വേദന​യും കൈവ​രു​ത്തു​ന്നു. നിങ്ങൾ അദ്ദേഹത്തെ സമീപിച്ച്‌ കാര്യങ്ങൾ തുറന്നു സംസാ​രി​ക്കു​ന്നു, അദ്ദേഹ​ത്തി​നു വളരെ ഖേദമുണ്ട്‌; അദ്ദേഹം നിങ്ങ​ളോ​ടു മാപ്പു പറയു​ക​യും ക്ഷമ യാചി​ക്കു​ക​യും ചെയ്യുന്നു. അദ്ദേഹ​ത്തി​ന്റെ ആത്മാർഥ​മായ ക്ഷമാപണം കേട്ടതു​കൊണ്ട്‌, അദ്ദേഹ​ത്തോ​ടു ക്ഷമിക്കാൻ നിങ്ങളു​ടെ ഹൃദയം പ്രേരി​ത​മാ​കു​ന്നു. സംഭവിച്ച കാര്യം നിങ്ങൾ എളുപ്പം മറന്നു​ക​ള​യു​ന്നു​വോ? സാധ്യ​ത​യില്ല; ഭാവി​യിൽ അദ്ദേഹ​ത്തോ​ടു രഹസ്യം തുറന്നു​പ​റ​യുന്ന കാര്യ​ത്തിൽ നിങ്ങൾ വളരെ ശ്രദ്ധയു​ള്ള​വ​നാ​യി​രി​ക്കു​മെന്ന കാര്യ​ത്തിൽ സംശയ​മില്ല. എന്നിരു​ന്നാ​ലും, നിങ്ങൾ അദ്ദേഹ​ത്തോ​ടു ക്ഷമിക്കു​ന്നു; നിങ്ങൾ പ്രസ്‌തുത കാര്യ​ത്തെ​ക്കു​റിച്ച്‌ നിരന്തരം അദ്ദേഹ​ത്തോ​ടു സംസാ​രി​ക്കു​ക​യില്ല. നീരസം വെച്ചു​കൊ​ണ്ടി​രി​ക്കു​ക​യോ അതി​നെ​പ്പറ്റി മറ്റുള്ള​വ​രോട്‌ കുശു​കു​ശു​ക്കു​ക​യോ ചെയ്യു​ക​യില്ല. നേരത്തെ തോന്നി​യ​തു​പോ​ലുള്ള ഒരടുപ്പം നിങ്ങൾക്കു തോന്നാ​തി​രി​ക്കാം, എന്നാൽ നിങ്ങളു​ടെ ഒരു ക്രിസ്‌തീയ സഹോ​ദ​ര​നാ​യി അദ്ദേഹത്തെ നിങ്ങൾ അപ്പോ​ഴും സ്‌നേ​ഹി​ക്കു​ന്നു.—താരത​മ്യം ചെയ്യുക: സദൃശ​വാ​ക്യ​ങ്ങൾ 20:19.

കാര്യങ്ങൾ നേരെ​യാ​ക്കാൻ നിങ്ങൾ ശ്രമം നടത്തി​യി​ട്ടും, തെറ്റു​കാ​രൻ തന്റെ തെറ്റു സമ്മതി​ക്കു​ക​യോ ക്ഷമ ചോദി​ക്കു​ക​യോ ചെയ്യു​ന്നി​ല്ലെ​ങ്കി​ലെന്ത്‌? നീരസം ഒഴിവാ​ക്കുക എന്ന അർഥത്തിൽ നിങ്ങൾക്കു ക്ഷമിക്കാൻ കഴിയു​മോ? മറ്റുള്ള​വ​രോ​ടു ക്ഷമിക്കു​ന്നു എന്നതിന്റെ അർഥം അവർ ചെയ്‌ത​തി​നെ ലാഘവ​മാ​യി എടുക്കു​ന്നു​വെ​ന്നോ നിസ്സാ​രീ​ക​രി​ക്കു​ന്നു​വെ​ന്നോ അല്ല. നീരസം കൊണ്ടു​ന​ട​ക്കാൻ ഭാരിച്ച ഒരു ചുമടാണ്‌; അതിനു നമ്മുടെ ചിന്തകളെ തിന്നു​ക​ള​യാൻ സാധി​ക്കും, നമ്മുടെ സമാധാ​നത്തെ കവർന്നു​ക​ള​യാൻ സാധി​ക്കും. ഒരിക്ക​ലും വരിക​യി​ല്ലാത്ത ഒരു ക്ഷമാപ​ണ​ത്തി​നു വേണ്ടി കാത്തി​രു​ന്നാൽ നാം കൂടു​തൽക്കൂ​ടു​തൽ നിരാ​ശി​ത​രാ​യി​ത്തീ​രു​കയേ ഉള്ളൂ. ഫലത്തിൽ നമ്മുടെ വികാ​ര​ങ്ങളെ നിയ​ന്ത്രി​ക്കാൻ നാം തെറ്റു​കാ​രനെ അനുവ​ദി​ക്കു​ന്നു. അതു​കൊണ്ട്‌, നാം മറ്റുള്ള​വ​രോട്‌ ക്ഷമി​ക്കേ​ണ്ട​തുണ്ട്‌, നമ്മുടെ നീരസം ഒഴിവാ​ക്കേ​ണ്ട​തുണ്ട്‌. അവരുടെ പ്രയോ​ജ​ന​ത്തി​നു വേണ്ടി മാത്രമല്ല, നമ്മുടെ പ്രയോ​ജ​ന​ത്തി​നും കൂടെ, തുടർന്നു സന്തോ​ഷ​ത്തോ​ടെ ജീവി​ക്കേ​ണ്ട​തിന്‌.

മറ്റുള്ള​വ​രോ​ടു ക്ഷമിക്കു​ന്നത്‌ എല്ലായ്‌പോ​ഴും എളുപ്പമല്ല. എന്നാൽ, ആത്മാർഥ​മായ അനുതാ​പം ഉണ്ടായി​രി​ക്കു​മ്പോൾ യഹോ​വ​യു​ടെ ക്ഷമയെ അനുക​രി​ക്കാൻ നമുക്കു ശ്രമി​ക്കാം. അവൻ അനുതാ​പ​മുള്ള തെറ്റു​കാ​രോട്‌ ക്ഷമിക്കു​മ്പോൾ അവൻ നീരസം നീക്കി​ക്ക​ള​യു​ന്നു—അവൻ സ്ലേറ്റ്‌ തുടച്ചു വൃത്തി​യാ​ക്കു​ന്നു, അതായത്‌ ഭാവി​യിൽ അവർക്കു നേരെ അവൻ ആ തെറ്റുകൾ കണക്കി​ടു​ക​യില്ല. തെറ്റു​കാ​രൻ അനുതാ​പം കാണി​ക്കു​മ്പോൾ നീരസം ഒഴിവാ​ക്കാൻ നമുക്കും ശ്രമി​ക്കാം. എന്നിരു​ന്നാ​ലും, ക്ഷമിക്കാ​നുള്ള ബാധ്യത പോലു​മി​ല്ലാത്ത അവസരങ്ങൾ ഉണ്ടായി​രു​ന്നേ​ക്കാം. അങ്ങേയറ്റം അനീതി​പ​ര​മോ ക്രൂര​മോ ആയ പെരു​മാ​റ്റ​ത്തി​നു വിധേ​യ​മായ ആരെയും അനുതാ​പ​മി​ല്ലാത്ത ഒരു തെറ്റു​കാ​ര​നോ​ടു ക്ഷമിക്കാൻ നിർബ​ന്ധി​ക്ക​രുത്‌. (താരത​മ്യം ചെയ്യുക: സങ്കീർത്തനം 139:21, 22.) എന്നാൽ അനേകം കേസു​ക​ളി​ലും മറ്റുള്ളവർ നമു​ക്കെ​തി​രെ തെറ്റു ചെയ്യു​മ്പോൾ, നീരസം വെച്ചു​കൊ​ണ്ടി​രി​ക്കാ​തി​രി​ക്കുക എന്ന അർഥത്തിൽ നമുക്കു ക്ഷമിക്കാൻ കഴിയും. ഭാവി​യിൽ നമ്മുടെ സഹോ​ദ​ര​നെ​തി​രെ അതു കണക്കി​ടാ​തി​രി​ക്കുക എന്ന അർഥത്തിൽ നമുക്ക്‌ മറക്കാ​നും കഴിയും.

[അടിക്കു​റി​പ്പു​കൾ]

[9-ാം പേജിലെ ചിത്രം]

യോസേഫും അവന്റെ സഹോ​ദ​ര​ന്മാ​രും