കഴുകന്റെ “കൂട്ടിൽ” നക്ഷത്ര​പ്പി​റ​വി

● നക്ഷത്രങ്ങൾ പിറക്കു​ന്നത്‌ എങ്ങനെ​യാണ്‌? ചിലത്‌ മറ്റുള്ള​വ​യെ​ക്കാൾ വലുതും ശോഭ​യു​ള്ള​തു​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? ഹബിൾ ബഹിരാ​കാശ ദൂരദർശി​നി ഉപയോ​ഗിച്ച്‌ എടുത്ത ഒരു കൂട്ടം ചിത്രങ്ങൾ പകി​ട്ടേ​റിയ രീതി​യിൽ നക്ഷത്രങ്ങൾ ഉണ്ടാകുന്ന പ്രക്രിയ വെളി​പ്പെ​ടു​ത്തി​യേ​ക്കാം. ഈ അസാധാ​രണ പ്രവർത്തനം നടക്കു​ന്നത്‌, നമ്മുടെ ക്ഷീരപഥ താരാ​പം​ക്തി​യി​ലെ, വാതക​വും പൊടി​പ​ട​ല​വും കൊണ്ടുള്ള ഒരു മേഘമായ കഴുകൻ നക്ഷത്ര​പ​ട​ല​ത്തി​ലാണ്‌.

ഭൂമി​യി​ലെ നക്ഷത്ര​നി​രീ​ക്ഷ​കർക്ക്‌ കഴുകൻ നക്ഷത്ര​പ​ടലം, ചിറകു​വി​ടർത്തി നഖങ്ങൾ പ്രദർശി​പ്പി​ച്ചു നിൽക്കുന്ന ഒരു പക്ഷി​യെ​പ്പോ​ലെ തോന്നി​ക്കു​ന്നു. അരി​സോണ സ്റ്റേറ്റ്‌ യൂണി​വേ​ഴ്‌സി​റ്റി​യി​ലെ ജ്യോ​തി​ശ്ശാ​സ്‌ത്ര​ജ്ഞ​നായ ജെഫ്‌ ഹെസ്റ്ററും സഹപ്ര​വർത്ത​ക​രും അതിന്റെ നഖങ്ങളു​ടെ ഭാഗത്തെ ചിത്ര​മെ​ടു​ക്കാ​നാണ്‌ താത്‌പ​ര്യ​പ്പെ​ട്ടത്‌. ഇവ ഓരോ​ന്നും ആനയുടെ തുമ്പി​ക്കൈ​യോ​ടു സദൃശ​മായ സ്‌തം​ഭങ്ങൾ പോ​ലെ​യാണ്‌. അവിടെ അൾട്രാ​വ​യ​ലറ്റ്‌ വികി​രണം ഹൈ​ഡ്രജൻ തന്മാ​ത്ര​കളെ അയോ​ണീ​ക​രി​ക്കു​ന്നു—അതായത്‌, അവയുടെ ഇലക്‌​ട്രോ​ണു​കളെ നീക്കം ചെയ്യുന്നു.

ബഹിരാ​കാ​ശ​ത്തു​നി​ന്നെ​ടുത്ത ഹബിൾ ചിത്രങ്ങൾ ചേർത്തു​വെ​ക്കു​മ്പോൾ, സ്‌തം​ഭ​ത്തി​ന്റെ അഗ്രങ്ങ​ളിൽനി​ന്നു തള്ളിനിൽക്കുന്ന ഡസൺക​ണ​ക്കി​നു ചെറിയ വിരലു​കൾ കാണാം. വിരല​റ്റ​ങ്ങ​ളിൽ, ഘനീഭ​വി​ക്കുന്ന വാതകങ്ങൾ ചെറു​ഗോ​ള​ങ്ങ​ളാ​യി രൂപം​കൊ​ള്ളു​ന്നു. ഇവയിൽ നക്ഷത്ര​ങ്ങ​ളും, ചില ജ്യോ​തി​ശ്ശാ​സ്‌ത്ര​ജ്ഞ​ന്മാർ പറയു​ന്ന​ത​നു​സ​രിച്ച്‌, ഒരുപക്ഷേ ഗ്രഹങ്ങൾപോ​ലും വികാ​സം​പ്രാ​പി​ക്കു​ന്നു​ണ്ടാ​യി​രി​ക്കാം. എങ്കിലും, ഈ നക്ഷത്ര​പ​ട​ല​ത്തിൽനി​ന്നു മുമ്പു രൂപം​കൊണ്ട നൂറു​ക​ണ​ക്കി​നു കൊച്ചു കൊച്ചു നക്ഷത്ര​ങ്ങ​ളിൽനി​ന്നുള്ള ശക്തമായ നക്ഷത്ര​വാ​തങ്ങൾ ഈ വസ്‌തു​ക്ക​ളു​ടെ വികാ​സത്തെ തടയുന്നു. ഈ നക്ഷത്ര​ങ്ങ​ളിൽ ഏറ്റവും ശോഭ​യേ​റി​യത്‌ നമ്മുടെ സൂര്യ​നെ​ക്കാൾ 1,00,000 ഇരട്ടി ഉജ്ജ്വല​മോ എട്ടിരട്ടി ചൂടു​ള്ള​തോ ആയിരു​ന്നേ​ക്കാം. അവയുടെ വികി​രണം നക്ഷത്ര​പ​ട​ല​ത്തി​ന്റെ ശുഷ്‌ക​മായ ഭാഗങ്ങളെ ക്ഷയിപ്പി​ച്ചു​ക​ള​ഞ്ഞ​താ​യി തോന്നു​ന്നു. പ്രകാ​ശ​ബാ​ഷ്‌പീ​ക​രണം എന്നു വിളി​ക്ക​പ്പെ​ടുന്ന ഈ പ്രക്രിയ, നക്ഷത്ര​ഭ്രൂ​ണങ്ങൾ വിഴു​ങ്ങി​ക്ക​ള​ഞ്ഞേ​ക്കു​മാ​യി​രുന്ന ദ്രവത്തെ നീക്കം ചെയ്‌തു​കൊ​ണ്ടു നക്ഷത്ര രൂപീ​ക​ര​ണത്തെ തടഞ്ഞേ​ക്കാം. ചിത്ര​ങ്ങ​ളിൽ, ബാഷ്‌പീ​ക​രി​ക്ക​പ്പെ​ടുന്ന വാതകം വാതക-ധൂളി സ്‌തം​ഭ​ങ്ങ​ളിൽനി​ന്നു വമിക്കുന്ന ആവി​പോ​ലെ തോന്നി​ക്കു​ന്നു.

ഈ ചെറു​വാ​ത​ക​ഗോ​ള​ങ്ങ​ളിൽ ഒന്നു പ്രകാ​ശി​ച്ചു​തു​ട​ങ്ങ​ണ​മെ​ങ്കിൽ ആണവ പ്രതി​പ്ര​വർത്തനം തുടങ്ങാൻ കഴിയ​ത്ത​ക്ക​വി​ധം അതു വലുപ്പ​മു​ള്ള​താ​യി​രി​ക്കണം. അതിന്റെ വലുപ്പം സൂര്യന്റെ വലുപ്പ​ത്തി​ന്റെ 8 ശതമാ​ന​മെ​ങ്കി​ലും ഉണ്ടായി​രി​ക്ക​ണ​മെന്ന്‌ ശാസ്‌ത്ര​ജ്ഞ​ന്മാർ കണക്കാ​ക്കു​ന്നു. ഇതിനു പുറമേ, പ്രകാശം പുറത്തു​വ​ര​ത്ത​ക്ക​വി​ധം ചുറ്റു​മുള്ള പൊടി​പ​ട​ല​ങ്ങ​ളിൽ കുറെ നീക്കം ചെയ്യ​പ്പെ​ടു​ക​യും വേണം. എങ്കിലും, ആ ചെറു​ഗോ​ളം പ്രകാശം ചൊരി​യാൻ മാത്രം വലുതാ​കു​ന്നി​ല്ലെ​ങ്കിൽ അത്‌ തവിട്ടു വാമനൻ എന്നറി​യ​പ്പെ​ടുന്ന വെറു​മൊ​രു ഇരുണ്ട വാതക​ഗോ​ള​മാ​യി മാറുന്നു. അടുത്ത​യി​ടെ, ശാസ്‌ത്ര​ജ്ഞ​ന്മാർ തിരി​ച്ച​റി​യാൻ പാകത്തി​ലുള്ള ആദ്യത്തെ തവിട്ടു വാമനനെ കണ്ടെത്തു​ക​യു​ണ്ടാ​യി.

പേമാ​രി​യു​ള്ള ദിവസ​ങ്ങ​ളിൽ കാണ​പ്പെ​ടുന്ന കനത്ത കാർമേ​ഘ​ങ്ങൾക്കു സദൃശ​മായ, കഴുകൻ നക്ഷത്ര​പ​ട​ല​ത്തി​ലെ ധൂളി​പ​ട​ലങ്ങൾ കാണു​മ്പോൾ അവ അത്ര വലു​തൊ​ന്നു​മ​ല്ലെന്നു നിങ്ങൾ തെറ്റി​ദ്ധ​രി​ച്ചേ​ക്കാം. വാസ്‌ത​വ​ത്തിൽ, ഓരോ മേഘസ്‌തം​ഭ​വും വളരെ നീളമു​ള്ള​വ​യാണ്‌. ഒരറ്റത്ത്‌ ഉത്‌പാ​ദി​പ്പി​ക്ക​പ്പെ​ടുന്ന പ്രകാ​ശ​കി​രണം മറ്റേയ​റ്റത്ത്‌ എത്താൻ ഏതാണ്ട്‌ ഒരു വർഷം സഞ്ചരി​ക്കണം. കൂടാതെ, ചിത്ര​ത്തിൽ കാണുന്ന ഓരോ “കൊച്ചു” ഗോള​വും നമ്മുടെ സൗരയൂ​ഥ​ത്തോ​ളം വലുപ്പ​മു​ള്ള​വ​യാണ്‌. അതിലു​മു​പരി, നക്ഷത്ര​പ​ടലം വളരെ അകലെ​യാണ്‌. അതിൽനി​ന്നുള്ള പ്രകാശം സെക്കൻറിൽ 2,99,792 കിലോ​മീ​റ്റർ വേഗത്തിൽ സഞ്ചരിച്ച്‌ നമ്മു​ടെ​യ​ടു​ത്തെ​ത്താൻ ഏതാണ്ട്‌ 7,000 വർഷം വേണ്ടി​വന്നു. അതായത്‌, മനുഷ്യൻ ഭൂമി​യിൽ പ്രത്യ​ക്ഷ​പ്പെ​ടു​ന്ന​തി​നു​മുമ്പ്‌ കഴുകൻ നക്ഷത്ര​പ​ടലം എങ്ങനെ കാണ​പ്പെ​ട്ടി​രു​ന്നോ ആ വിധത്തി​ലാണ്‌ നാം ഇന്ന്‌ അതിനെ കാണു​ന്ന​തെ​ന്നർഥം.

ഓറി​യോൺ നക്ഷത്ര​പ​ട​ലം​പോ​ലെ​യുള്ള മറ്റു നക്ഷത്ര​പ​ട​ല​ങ്ങ​ളി​ലും നക്ഷത്ര രൂപീ​ക​രണം നടക്കു​ന്ന​താ​യി ജ്യോ​തി​ശ്ശാ​സ്‌ത്ര​ജ്ഞ​ന്മാർ നിരീ​ക്ഷി​ക്കു​ന്നു. എങ്കിലും മറ്റു നക്ഷത്ര​പ​ട​ല​ങ്ങ​ളു​ടെ സ്ഥാനം നിമിത്തം അവയിൽ നടക്കുന്ന ഈ പ്രക്രിയ വ്യക്തമാ​യി കാണാൻ സാധി​ക്കു​ന്നില്ല. നക്ഷത്രങ്ങൾ കത്തിത്തീ​രു​ക​യോ ഒരു സൂപ്പർനോ​വ​യാ​യി ഉഗ്രമാ​യി പൊട്ടി​ത്തെ​റി​ക്കു​ക​യോ ഗുരു​ത്വാ​കർഷ​ണ​ബ​ല​ത്തി​ന്റെ ഫലമായി തകർന്ന്‌ ഒരു തമോ​ഗർത്ത​മാ​യി​ത്തീ​രു​ക​യോ ചെയ്‌തേ​ക്കാം. പ്രപഞ്ച​ത്തി​ന്റെ സ്രഷ്ടാ​വായ യഹോ​വ​യാം ദൈവം നക്ഷത്ര​ങ്ങ​ളു​ടെ കണക്കു സൂക്ഷി​ക്കു​ന്നു. അവൻ അവയെ എല്ലാറ്റി​നെ​യും എണ്ണി പേരു​ചൊ​ല്ലി വിളി​ക്കു​ന്നു. (യെശയ്യാ​വു 40:26) നക്ഷത്ര കഴുകന്റെ “കൂട്‌” ദൈവം “പ്രകാ​ശത്തെ നിർമ്മി”ക്കുകയും വ്യത്യസ്‌ത തേജസ്സുള്ള നക്ഷത്ര​ങ്ങളെ ഉത്‌പാ​ദി​പ്പി​ക്കു​ക​യും ചെയ്‌തു​കൊ​ണ്ടി​രുന്ന ചില വിധങ്ങൾ കാട്ടി​ത്ത​ന്നേ​ക്കാം.—യെശയ്യാ​വു 45:7; 1 കൊരി​ന്ത്യർ 15:41.—സംഭാവന ചെയ്യ​പ്പെ​ട്ടത്‌.

[15-ാം പേജ്‌ നിറ​യെ​യുള്ള ചിത്രം]

[14-ാം പേജിലെ ചിത്ര​ത്തിന്‌ കടപ്പാട്‌]

J. Hester and P. Scowen, (AZ State Univ.), NASA