സാമൂ​ഹിക ഫോബി​യയെ നിയ​ന്ത്രി​ക്കൽ

“ഫോബിയ ഉള്ളവർ ഓർമി​ക്കേണ്ട ഏറ്റവും പ്രധാന സംഗതി ഫോബി​യകൾ ചികി​ത്സ​യോട്‌ നന്നായി പ്രതി​ക​രി​ക്കു​ന്നു എന്നതാണ്‌. അവർ എന്നും അതും പേറി ജീവി​ക്കേ​ണ്ട​തില്ല.”—ഡോ. ക്രിസ്‌ സ്ലെറ്റൻ.

സന്തോ​ഷ​ക​ര​മെന്നു പറയട്ടെ, സാമൂ​ഹിക ഫോബിയ ഉള്ള പലർക്കും തങ്ങളുടെ ഉത്‌കണ്‌ഠ ശമിപ്പി​ക്കാ​നും വർഷങ്ങ​ളാ​യി ഭയപ്പെ​ട്ടി​രുന്ന സാമൂ​ഹിക ചുറ്റു​പാ​ടു​കളെ നേരി​ടാ​നും ഉള്ള സഹായം ലഭിച്ചി​ട്ടുണ്ട്‌. നിങ്ങൾക്ക്‌ സാമൂ​ഹിക ഫോബിയ ഉണ്ടെങ്കിൽ അതിനെ തരണം ചെയ്യു​ന്ന​തി​നുള്ള ക്രിയാ​ത്മക വിധങ്ങൾ പഠിക്കാൻ കഴിയു​മെന്ന്‌ ഉറപ്പു​ള്ള​വ​രാ​യി​രി​ക്കുക. അതിന്‌, നിങ്ങളു​ടെ (1) ശാരീ​രിക ലക്ഷണങ്ങ​ളി​ലേ​ക്കും (2) നിങ്ങൾ ഭയപ്പെ​ടുന്ന സ്ഥിതി​വി​ശേ​ഷ​ങ്ങ​ളെ​ക്കു​റി​ച്ചു നിങ്ങൾ പുലർത്തുന്ന വിശ്വാ​സ​ങ്ങ​ളി​ലേ​ക്കും (3) ഭയം മൂലമു​ണ്ടാ​കുന്ന നിങ്ങളു​ടെ പെരു​മാ​റ്റ​ത്തി​ലേ​ക്കും ശ്രദ്ധ തിരി​ക്കേ​ണ്ട​തുണ്ട്‌.

ബൈബിൾ തത്ത്വങ്ങൾ സഹായ​ക​ര​മാണ്‌. ദൈവ​വ​ചനം ഒരു വൈദ്യ​ശാ​സ്‌ത്ര പാഠപു​സ്‌തകം അല്ലെന്നതു ശരിതന്നെ. “സാമൂ​ഹിക ഫോബിയ”യെക്കു​റിച്ച്‌ അതു പരാമർശി​ക്കു​ന്നു​മില്ല. എങ്കിലും, ഭയങ്ങളെ കൈകാ​ര്യം ചെയ്യവേ “ജ്ഞാനവും [“പ്രാ​യോ​ഗിക ജ്ഞാനവും,” NW] വകതി​രി​വും [“ചിന്താ​പ്രാ​പ്‌തി​യും,” NW] കാത്തു​കൊ”ള്ളാൻ ബൈബി​ളി​നു നിങ്ങളെ സഹായി​ക്കാൻ കഴിയും.—സദൃശ​വാ​ക്യ​ങ്ങൾ 3:21; യെശയ്യാ​വു 48:17.

സാമൂ​ഹിക ഫോബി​യ​യു​ടെ ലക്ഷണങ്ങളെ നിയ​ന്ത്രി​ക്കൽ

സാമൂ​ഹിക ഫോബി​യ​യു​ടെ ശാരീ​രിക ലക്ഷണങ്ങൾ ഓരോ വ്യക്തി​യി​ലും വ്യത്യാ​സ​പ്പെ​ട്ടി​രി​ക്കു​ന്നു. ഭയപ്പെ​ടുന്ന ഒരു സാഹച​ര്യ​ത്തെ അഭിമു​ഖീ​ക​രി​ക്കു​മ്പോൾ നിങ്ങളു​ടെ ശാരീ​രിക പ്രതി​ക​രണം എങ്ങനെ​യാണ്‌? നിങ്ങളു​ടെ കൈകൾ വിറയ്‌ക്കാ​റു​ണ്ടോ? ഹൃദയ​മി​ടിപ്പ്‌ കൂടാ​റു​ണ്ടോ? വയറി​ന​കത്ത്‌ വല്ലാത്ത വിഷമം അനുഭ​വ​പ്പെ​ടാ​റു​ണ്ടോ? വിയർക്കു​ക​യോ മുഖം ചുവക്കു​ക​യോ തൊണ്ട വരളു​ക​യോ ചെയ്യാ​റു​ണ്ടോ?

മറ്റുള്ള​വ​രു​ടെ മുന്നിൽവെച്ച്‌ വിയർക്കു​ക​യോ വിക്കു​ക​യോ വിറയ്‌ക്കു​ക​യോ ചെയ്യു​ന്ന​തി​നെ​ക്കു​റിച്ച്‌ ഓർക്കു​മ്പോൾ വിഷമം തോന്നു​മെ​ന്നതു ശരിതന്നെ. എന്നാൽ, എന്തെങ്കി​ലും സംഭവി​ച്ചേ​ക്കു​മെന്നു വിചാ​രിച്ച്‌ ഉത്‌ക​ണ്‌ഠ​പ്പെ​ട്ട​തു​കൊണ്ട്‌ യാതൊ​രു ഫലവും ഇല്ല. യേശു ഉചിത​മാ​യി​ത്തന്നെ ഇങ്ങനെ ചോദി​ച്ചു: “ഉത്‌ക്ക​ണ്‌ഠ​മൂ​ലം ആയുസ്സി​ന്റെ ദൈർഘ്യം ഒരു മുഴ​മെ​ങ്കി​ലും കൂട്ടാൻ നിങ്ങളി​ലാർക്കെ​ങ്കി​ലും സാധി​ക്കു​മോ?” (മത്തായി 6:27, പി.ഒ.സി. ബൈബിൾ; സദൃശ​വാ​ക്യ​ങ്ങൾ 12:25, പി.ഒ.സി. ബൈബിൾ, താരത​മ്യം ചെയ്യുക.) വാസ്‌ത​വ​ത്തിൽ, നിങ്ങളു​ടെ പ്രശ്‌ന​ത്തെ​ക്കു​റി​ച്ചും മറ്റുള്ളവർ അവയെ​ക്കു​റിച്ച്‌ എന്തു വിചാ​രി​ക്കു​മെ​ന്നും ഒക്കെ ചിന്തി​ച്ചു​കൊ​ണ്ടി​രി​ക്കു​ന്നത്‌ സ്ഥിതി​ഗ​തി​കളെ കൂടുതൽ വഷളാ​ക്കു​ക​യേ​യു​ള്ളൂ. “മറ്റുള്ളവർ തങ്ങളുടെ അങ്കലാപ്പ്‌ ശ്രദ്ധി​ക്കു​ന്നു​ണ്ടെന്നു കരുതു​ന്നത്‌ സാമൂ​ഹിക ഫോബിയ ഉള്ളവർക്ക്‌ കൂടുതൽ ഉത്‌കണ്‌ഠ തോന്നാൻ കാരണ​മാ​കു​ന്നു” എന്ന്‌ ദ ഹാർവാർഡ്‌ മെന്റൽ ഹെൽത്ത്‌ ലെറ്റർ അഭി​പ്രാ​യ​പ്പെ​ടു​ന്നു. “തത്‌ഫ​ല​മാ​യി തങ്ങൾ വികൃ​ത​മായ പെരു​മാ​റ്റ​വും മോശ​മായ പ്രകട​ന​വും കാഴ്‌ച​വെ​ച്ചേ​ക്കു​മെന്ന്‌ അവർ കരുതു​ന്നു—ഇങ്ങനെ​യുള്ള ചിന്ത അവർ ഭയപ്പെ​ടുന്ന സാഹച​ര്യ​ങ്ങളെ അഭിമു​ഖീ​ക​രി​ക്കു​മ്പോൾ അവർക്കു കൂടുതൽ ഭയം തോന്നാൻ ഇടയാ​ക്കു​ന്നു.”

ഡയഫ്രം​കൊണ്ട്‌ (ഉദരം വികസി​ക്കുന്ന വിധത്തിൽ) സാവധാ​നം ശ്വാ​സോ​ച്ഛ്വാ​സം ചെയ്‌ത്‌ ശീലി​ക്കുക വഴി നിങ്ങൾക്ക്‌ ആ ലക്ഷണങ്ങ​ളു​ടെ തീവ്രത കുറയ്‌ക്കാൻ കഴി​ഞ്ഞേ​ക്കും. (“നിങ്ങളു​ടെ ശ്വസന​രീ​തി ശ്രദ്ധി​ക്കുക!” എന്ന ചതുരം കാണുക) ക്രമമാ​യി വ്യായാ​മം ചെയ്യു​ന്ന​തും പേശി​കൾക്ക്‌ അയവു വരുത്തു​ന്ന​തും സഹായ​ക​ര​മാണ്‌. (1 തിമൊ​ഥെ​യൊസ്‌ 4:8) നിങ്ങളു​ടെ ജീവി​ത​രീ​തി​ക്കും ചില മാറ്റങ്ങൾ വരു​ത്തേ​ണ്ട​തു​ണ്ടാ​യി​രി​ക്കാം. ഉദാഹ​ര​ണ​ത്തിന്‌, ബൈബിൾ ഇപ്രകാ​രം ബുദ്ധ്യു​പ​ദേശം നൽകുന്നു: “രണ്ടു കയ്യും നിറ[യെ] അദ്ധ്വാ​ന​വും വൃഥാ​പ്ര​യ​ത്‌ന​വും ഉള്ളതി​നെ​ക്കാൾ ഒരു കൈ നിറ[യെ] വിശ്രാ​മം അധികം നല്ലതു.” (സഭാ​പ്ര​സം​ഗി 4:6) അതു​കൊണ്ട്‌ നിങ്ങൾക്ക്‌ ആവശ്യ​ത്തി​നു വിശ്രമം ലഭിക്കു​ന്നു​ണ്ടെന്ന്‌ ഉറപ്പു​വ​രു​ത്തുക. കൂടാതെ, നിങ്ങളു​ടെ ഭക്ഷണ​ക്ര​മ​വും ശ്രദ്ധി​ക്കുക. ഭക്ഷണം കഴിക്കാ​തി​രി​ക്കു​ക​യോ സമയം തെറ്റിച്ചു കഴിക്കു​ക​യോ അരുത്‌. കഫീന്റെ അളവു കുറയ്‌ക്കേ​ണ്ടത്‌ ആവശ്യ​മാ​യി വന്നേക്കാം. ഉത്‌ക​ണ്‌ഠ​യ്‌ക്കി​ട​യാ​ക്കുന്ന ഒരു പ്രധാന ഘടകമാണ്‌ അത്‌.

എല്ലാറ്റി​ലും ഉപരി​യാ​യി, ക്ഷമ പ്രകട​മാ​ക്കുക. (സഭാ​പ്ര​സം​ഗി 7:8) ഒരു സംഘം ഡോക്ടർമാർ ഇങ്ങനെ റിപ്പോർട്ടു ചെയ്യുന്നു: “ചില പ്രത്യേക സാമൂ​ഹിക സാഹച​ര്യ​ങ്ങ​ളിൽ കുറ​ച്ചൊ​ക്കെ ഉത്‌കണ്‌ഠ തോന്നി​യാ​ലും നിങ്ങളു​ടെ ശാരീ​രിക ലക്ഷണങ്ങ​ളു​ടെ തീവ്രത ഗണ്യമാ​യി കുറയു​ന്ന​താ​യി ക്രമേണ നിങ്ങൾ കണ്ടെത്തും. സർവ​പ്ര​ധാ​ന​മാ​യി, പരിശീ​ല​ന​ത്തി​ലൂ​ടെ നിങ്ങളു​ടെ ആത്മവി​ശ്വാ​സം വർധി​ക്കും. അങ്ങനെ നിങ്ങൾ ഭയക്കുന്ന സാമൂ​ഹിക സാഹച​ര്യ​ങ്ങളെ നേരി​ടാൻ നിങ്ങൾ ഏറെ സജ്ജനാ​യി​ത്തീ​രും.”

ഫോബി​യ​യു​മാ​യി ബന്ധപ്പെട്ട നിങ്ങളു​ടെ വിശ്വാ​സ​ങ്ങളെ അപഗ്ര​ഥി​ക്കു​ക

ചിന്തയിൽനി​ന്നേ വികാരം ഉടലെ​ടു​ക്കു​ക​യു​ള്ളൂ എന്നു പറയ​പ്പെ​ട്ടി​രി​ക്കു​ന്നു. സാമൂ​ഹിക ഫോബി​യ​യു​ടെ കാര്യ​ത്തിൽ അത്‌ സത്യമാ​ണെന്നു തോന്നു​ന്നു. അതു​കൊണ്ട്‌, ശാരീ​രിക ലക്ഷണങ്ങൾ കുറയ്‌ക്കു​ന്ന​തിന്‌ നിങ്ങൾ അവയ്‌ക്കി​ട​യാ​ക്കുന്ന “അസ്വസ്ഥ​മാ​ക്കുന്ന ചിന്തകളെ” പരി​ശോ​ധി​ക്കേ​ണ്ട​തു​ണ്ടാ​യി​രി​ക്കാം.—സങ്കീർത്തനം 94:19, NW.

സാമൂ​ഹി​ക ഫോബിയ, അടിസ്ഥാ​ന​പ​ര​മാ​യി മറ്റുള്ളവർ തന്നെ അംഗീ​ക​രി​ക്കാ​തെ വരുമെന്ന ഭയമാ​ണെന്ന്‌ ചില വിദഗ്‌ധർ പറയുന്നു. ഉദാഹ​ര​ണ​ത്തിന്‌, ഒരു സാമൂ​ഹിക കൂടി​വ​ര​വിൽ ആയിരി​ക്കു​മ്പോൾ സാമൂ​ഹിക ഫോബിയ ഉള്ളയാൾ തന്നോ​ടു​തന്നെ ഇങ്ങനെ പറഞ്ഞേ​ക്കാം, ‘എന്നെ കണ്ടാൽ ഒരു വിഡ്‌ഢി​യാ​ണെന്നേ തോന്നൂ. എനിക്ക്‌ ഇവിടെ ആയിരി​ക്കാ​നുള്ള യോഗ്യ​ത​യി​ല്ലെന്ന്‌ ആളുകൾ വിചാ​രി​ക്കു​ന്നു​ണ്ടാ​യി​രി​ക്കണം. എല്ലാവ​രും എന്നെ കളിയാ​ക്കു​ക​യാ​ണെന്ന്‌ എനിക്ക്‌ ഉറപ്പുണ്ട്‌.’ സാമൂ​ഹിക ഫോബിയ ഉള്ള ട്രേസിക്ക്‌ അത്തരം വികാ​രങ്ങൾ ഉണ്ടായി​രു​ന്നു. എന്നാൽ കാല​ക്ര​മ​ത്തിൽ അവൾ തന്റെ വിശ്വാ​സ​ങ്ങളെ അപഗ്ര​ഥി​ച്ചു നോക്കി. തന്നെ വിശക​ലനം ചെയ്‌ത്‌ വിധി​ക്കു​ന്ന​തി​നെ​ക്കാൾ മെച്ചമായ കാര്യങ്ങൾ ആളുകൾക്ക്‌ ചെയ്യാ​നു​ണ്ടെന്ന്‌ അവൾ മനസ്സി​ലാ​ക്കി. “ഞാൻ എന്തെങ്കി​ലും മുഷിപ്പൻ സംഗതി പറഞ്ഞാൽ തന്നെയും, ഒരു വ്യക്തി​യെന്ന നിലയിൽ എന്നെ നിരാ​ക​രി​ക്കാൻ അത്‌ മറ്റുള്ള​വർക്ക്‌ സാധു​വായ കാരണ​മാ​ണോ?” അങ്ങനെ പോയി ട്രേസി​യു​ടെ ചിന്ത.

ട്രേസി​യെ​പ്പോ​ലെ​തന്നെ നിങ്ങൾക്കും നിങ്ങളു​ടെ ശരിയ​ല്ലാത്ത ചിന്താ​ഗ​തി​യെ—സാമൂ​ഹിക ചുറ്റു​പാ​ടു​ക​ളിൽ മറ്റുള്ളവർ നിങ്ങളെ നിരാ​ക​രി​ക്കു​ന്ന​തി​നുള്ള സാധ്യ​തയെ കുറി​ച്ചും അത്‌ എത്ര രൂക്ഷമാ​യി​രി​ക്കു​മെ​ന്ന​തി​നെ കുറി​ച്ചു​മുള്ള ചിന്തകളെ—അപഗ്ര​ഥി​ക്കേ​ണ്ട​തു​ണ്ടാ​യി​രി​ക്കാം. നിങ്ങൾ ഏറ്റവും ഭയപ്പെ​ടുന്ന സംഗതി സംഭവി​ച്ചാൽത്തന്നെ ആളുകൾ നിങ്ങളിൽ അസ്വസ്ഥ​രാ​കു​മെന്നു വിശ്വ​സി​ക്കു​ന്ന​തിന്‌ വാസ്‌ത​വ​ത്തിൽ സാധു​വായ കാരണ​മു​ണ്ടോ? ഇനി ചിലർ അസ്വസ്ഥ​രാ​യാൽപ്പോ​ലും നിങ്ങൾ ആ അവസ്ഥയെ അതിജീ​വി​ക്കു​ക​യി​ല്ലെന്നു നിഗമനം ചെയ്യാൻ കാരണ​മു​ണ്ടോ? മറ്റൊ​രാ​ളു​ടെ അഭി​പ്രാ​യം വാസ്‌ത​വ​ത്തിൽ ഒരു വ്യക്തി​യെന്ന നിലയി​ലുള്ള നിങ്ങളു​ടെ മൂല്യ​ത്തിന്‌ കുറവു വരുത്തു​മോ? ബൈബിൾ ജ്ഞാനപൂർവം ഇങ്ങനെ ബുദ്ധ്യു​പ​ദേ​ശി​ക്കു​ന്നു: “പറഞ്ഞു​കേൾക്കുന്ന സകലവാ​ക്കി​ന്നും നീ ശ്രദ്ധ​കൊ​ടു​ക്ക​രു​തു.”—സഭാ​പ്ര​സം​ഗി 7:21.

സാമൂ​ഹി​ക ഫോബി​യ​യെ​ക്കു​റിച്ച്‌ എഴുതവേ ഒരു സംഘം ഡോക്ടർമാർ ഇങ്ങനെ പ്രസ്‌താ​വി​ച്ചു: “ജീവി​ത​ത്തി​ലെ ഒഴിച്ചു​കൂ​ടാൻ വയ്യാത്ത നിരാ​ക​ര​ണ​ങ്ങൾക്ക്‌ ആളുകൾ അമിത പ്രാധാ​ന്യ​വും അർഥവും കൽപ്പി​ക്കു​മ്പോ​ഴാണ്‌ പ്രശ്‌നങ്ങൾ ഉടലെ​ടു​ക്കു​ന്നത്‌. നിരാ​ക​രി​ക്ക​പ്പെ​ടുന്ന വ്യക്തിക്ക്‌ വലിയ നിരാശ തോന്നാ​വു​ന്ന​താണ്‌. അത്‌ ആ വ്യക്തിയെ ശരിക്കും മുറി​പ്പെ​ടു​ത്തി​യേ​ക്കാം. എന്നാൽ അതു നിമിത്തം നിങ്ങൾ തകർന്നു​പോ​കേണ്ട ആവശ്യ​മില്ല. നിങ്ങൾ അതിനെ ഒരു വലിയ ദുരന്ത​മാ​ക്കി​ത്തീർത്താ​ലേ അത്‌ അങ്ങനെ ആകുക​യു​ള്ളൂ.”

നമ്മെത്തന്നെ യാഥാർഥ്യ ബോധ​ത്തോ​ടെ വീക്ഷി​ക്കാൻ ബൈബിൾ നമ്മെ സഹായി​ക്കു​ന്നു. അത്‌ ഇങ്ങനെ പറയുന്നു: “നാം എല്ലാവ​രും പലതി​ലും തെററി​പ്പോ​കു​ന്നു.” (യാക്കോബ്‌ 3:2) അതേ, നാമെ​ല്ലാ​വ​രും അപൂർണ​രാണ്‌. അതു​കൊണ്ട്‌ നാമെ​ല്ലാ​വ​രും ചിലസ​മ​യ​ങ്ങ​ളിൽ ലജ്ജാവ​ഹ​മായ രീതി​യിൽ പെരു​മാ​റു​ക​യും ചെയ്യുന്നു. ഇത്‌ മനസ്സി​ലാ​ക്കു​ന്നത്‌ മറ്റുള്ള​വ​രു​ടെ ബലഹീ​ന​ത​കളെ പ്രതി വിട്ടു​വീ​ഴ്‌ചകൾ ചെയ്യാൻ നമ്മെ സഹായി​ക്കു​ന്നു. നമ്മുടെ ബലഹീ​ന​തകൾ മനസ്സി​ലാ​ക്കാൻ അത്‌ മറ്റുള്ള​വ​രെ​യും പ്രോ​ത്സാ​ഹി​പ്പി​ക്കു​ന്നു. എങ്ങനെ​യാ​യാ​ലും യഹോ​വ​യാം ദൈവ​ത്തി​ന്റെ അംഗീ​കാ​ര​മാണ്‌ യഥാർഥ​ത്തിൽ പ്രാധാ​ന്യ​മർഹി​ക്കു​ന്ന​തെന്ന്‌ ക്രിസ്‌ത്യാ​നി​കൾക്ക​റി​യാം—അവൻ നമ്മുടെ തെറ്റു​ക​ളിൽ ശ്രദ്ധ കേന്ദ്രീ​ക​രി​ക്കു​ന്നില്ല.—സങ്കീർത്തനം 103:13, 14; 130:3.

ഭയത്തെ നേരിടൽ

സാമൂ​ഹിക ഫോബി​യ​യു​മാ​യുള്ള പോരാ​ട്ട​ത്തിൽ വിജയി​ക്ക​ണ​മെ​ങ്കിൽ നിങ്ങൾ നിശ്ചയ​മാ​യും ഇന്നല്ലെ​ങ്കിൽ നാളെ നിങ്ങളു​ടെ ഭയങ്ങളെ നേരി​ടേ​ണ്ട​തുണ്ട്‌. ആദ്യ​മൊ​ക്കെ അതി​നെ​ക്കു​റിച്ച്‌ ഓർക്കു​ന്ന​തു​തന്നെ നിങ്ങളെ ഭയപ്പെ​ടു​ത്തി​യേക്കം. നിങ്ങൾക്ക്‌ ഭയം തോന്നി​പ്പി​ക്കുന്ന സാമൂ​ഹിക ചുറ്റു​പാ​ടു​കളെ ഇതുവരെ നിങ്ങൾ ഒഴിവാ​ക്കി​യി​രു​ന്നി​രി​ക്കാം. എന്നാൽ സാധ്യ​ത​യ​നു​സ​രിച്ച്‌ അത്‌ നിങ്ങളു​ടെ ആത്മവി​ശ്വാ​സത്തെ ചോർത്തി​ക്ക​ള​യു​ക​യും ഭയത്തെ പെരു​പ്പി​ക്കു​ക​യും മാത്ര​മാ​യി​രി​ക്കാം ചെയ്‌തി​ട്ടു​ള്ളത്‌. നല്ല കാരണ​ത്തോ​ടെ​തന്നെ ബൈബിൾ ഇങ്ങനെ പ്രസ്‌താ​വി​ക്കു​ന്നു: “കൂട്ടം​വി​ട്ടു നടക്കു​ന്നവൻ സ്വേച്ഛയെ അന്വേ​ഷി​ക്കു​ന്നു; സകലജ്ഞാ​ന​ത്തോ​ടും [“പ്രാ​യോ​ഗിക ജ്ഞാന​ത്തോ​ടും,” NW] അവൻ കയർക്കു​ന്നു.”—സദൃശ​വാ​ക്യ​ങ്ങൾ 18:1.

നേരേ​മ​റിച്ച്‌, ഭയങ്ങളെ നേരി​ടു​ന്നത്‌ നിങ്ങളു​ടെ ഉത്‌ക​ണ്‌ഠയെ ശമിപ്പി​ച്ചേ​ക്കാം.a ഡോ. ജോൺ ആർ. മാർഷൽ ഇങ്ങനെ പറയുന്നു: “സാമൂ​ഹിക സമ്പർക്കം പുലർത്തേണ്ട ചുറ്റു​പാ​ടു​ക​ളി​ലും സ്ഥാപന​ങ്ങ​ളി​ലും പ്രവർത്ത​ന​ക്ഷ​മ​രാ​യി​രി​ക്കാൻ കഠിന ശ്രമം ചെയ്യു​ന്ന​തിന്‌ പലപ്പോ​ഴും ഞങ്ങൾ സാമൂ​ഹിക ഫോബിയ ഉള്ള രോഗി​കളെ—വിശേ​ഷി​ച്ചും, പൊതു​ജ​ന​സ​മക്ഷം പ്രസം​ഗി​ക്കു​ന്ന​തു​പോ​ലുള്ള പ്രത്യേക സാഹച​ര്യ​ങ്ങളെ ഭയപ്പെ​ടു​ന്ന​വരെ—പ്രോ​ത്സാ​ഹി​പ്പി​ക്കാ​റുണ്ട്‌.”

ഭയപ്പെ​ടു​ന്ന സാഹച​ര്യ​ങ്ങളെ നേരി​ടു​ന്നത്‌ പിൻവ​രുന്ന കാര്യങ്ങൾ നിങ്ങളെ ബോധ്യ​പ്പെ​ടു​ത്തും: (1) ലജ്ജാവ​ഹ​മായ ന്യൂന​തകൾ ഒട്ടുമി​ക്ക​പ്പോ​ഴും മറ്റുള്ളവർ നിങ്ങളെ നിരാ​ക​രി​ക്കു​ന്ന​തിൽ കലാശി​ക്കു​ന്നില്ല (2) ഇനി, ചിലർ നിങ്ങളെ നിരാ​ക​രി​ക്കു​ന്ന​തിന്‌ അത്‌ ഇടയാ​ക്കി​യാൽ പോലും അത്‌ ഒരു വലിയ ദുരന്ത​മൊ​ന്നു​മല്ല. എങ്കിലും, പുരോ​ഗ​തിക്ക്‌ ക്ഷമ ആവശ്യ​മാ​ണെന്ന്‌ ഓർമി​ക്കുക. ഒരു രാത്രി​കൊണ്ട്‌ നല്ല ഫലം കൈവ​ന്നെന്നു വരില്ല. സാമൂ​ഹിക ഫോബി​യ​യു​ടെ ലക്ഷണങ്ങ​ളെ​ല്ലാം അപ്രത്യ​ക്ഷ​മാ​ക​ണ​മെന്നു പ്രതീ​ക്ഷി​ക്കു​ന്ന​തും യാഥാർഥ്യ​ബോ​ധം ഇല്ലായ്‌മ​യാണ്‌. ചികി​ത്സ​യു​ടെ ലക്ഷ്യം രോഗ​ല​ക്ഷ​ണ​ങ്ങളെ ഇല്ലാതാ​ക്കു​കയല്ല മറിച്ച്‌ അവയെ അത്ര കാര്യ​മ​ല്ലാ​താ​ക്കി​ത്തീർക്കു​ക​യാണ്‌ എന്ന്‌ ഡോ. സാലി വിൻസ്റ്റൺ പറയുന്നു. ലക്ഷണങ്ങൾ അത്ര വലിയ കാര്യ​മ​ല്ലാ​താ​യി​ത്തീ​രു​മ്പോൾ അവ അപ്രത്യ​ക്ഷ​മാ​കു​ന്നു, കുറഞ്ഞ​പക്ഷം അവസ്ഥ മെച്ച​പ്പെ​ടു​ക​യെ​ങ്കി​ലും ചെയ്യുന്നു.

ക്രിസ്‌ത്യാ​നി​കൾക്ക്‌ സാമൂ​ഹിക ഭയങ്ങളെ തരണം ചെയ്യു​ന്ന​തിന്‌ ശക്തമായ പ്രചോ​ദ​ന​മുണ്ട്‌. വാസ്‌ത​വ​ത്തിൽ, “നമ്മുടെ സഭാ​യോ​ഗ​ങ്ങളെ [“കൂടി​വ​ര​വു​കളെ,” NW] ഉപേക്ഷി​ക്കാ​തെ . . . സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ അന്യോ​ന്യം സൂക്ഷി​ച്ചു​കൊൾക” എന്ന്‌ അവരോട്‌ പറഞ്ഞി​രി​ക്കു​ന്നു. (എബ്രായർ 10:24, 25) ക്രിസ്‌തീയ പ്രവർത്ത​ന​ങ്ങ​ളിൽ ഏർപ്പെ​ടു​മ്പോൾ മിക്ക​പ്പോ​ഴും മറ്റുള്ള​വ​രു​മാ​യി ഇടപഴ​കേണ്ടി വരുന്ന​തി​നാൽ, സാമൂ​ഹിക ഭയങ്ങളെ നിയ​ന്ത്രി​ക്കാൻ കഠിന​ശ്രമം ചെയ്യു​ന്നത്‌ നിങ്ങളു​ടെ ആത്മീയ പുരോ​ഗ​തിക്ക്‌ വളരെ​യ​ധി​കം ഉപകരി​ക്കും. (മത്തായി 28:19, 20; പ്രവൃ​ത്തി​കൾ 2:42; 1 തെസ്സ​ലൊ​നീ​ക്യർ 5:14) പ്രാർഥ​ന​യിൽ പ്രശ്‌നം യഹോ​വ​യാം ദൈവ​ത്തി​ന്റെ മുമ്പാകെ സമർപ്പി​ക്കുക. എന്തെന്നാൽ അവന്‌ “അത്യന്ത​ശക്തി [“സാധാ​ര​ണ​യിൽ കവിഞ്ഞ ശക്തി,” NW]” പ്രദാനം ചെയ്യാൻ കഴിയും. (2 കൊരി​ന്ത്യർ 4:7; 1 യോഹ​ന്നാൻ 5:14) മറ്റുള്ള​വ​രു​ടെ അംഗീ​കാ​രം സംബന്ധിച്ച്‌ സമനി​ല​യുള്ള ഒരു വീക്ഷണം ആർജി​ക്കു​ന്ന​തി​നും യഹോ​വ​യു​ടെ ഇഷ്ടം ചെയ്യു​ന്ന​തിന്‌ ആവശ്യ​മായ പ്രാപ്‌തി വളർത്തി​യെ​ടു​ക്കു​ന്ന​തി​നു​മുള്ള സഹായ​ത്തി​നാ​യി അവനോട്‌ അപേക്ഷി​ക്കുക.

ഫോബിയ ഉള്ള ഓരോ വ്യക്തി​യു​ടെ​യും പ്രശ്‌നങ്ങൾ വ്യത്യ​സ്‌ത​മാണ്‌. ഓരോ​രു​ത്തർക്കും വ്യത്യസ്‌ത പ്രതി​ബ​ന്ധ​ങ്ങളെ ആണ്‌ തരണം ചെയ്യാ​നു​ള്ളത്‌, വ്യത്യസ്‌ത പ്രാപ്‌തി​കൾ ആണ്‌ ആർജി​ച്ചെ​ടു​ക്കാ​നു​ള്ളത്‌. മേൽപ്പറഞ്ഞ നിർദേ​ശങ്ങൾ ബാധക​മാ​ക്കുക വഴി ചിലർ ഗണ്യമായ പുരോ​ഗതി വരുത്തി​യി​ട്ടുണ്ട്‌. കൂടു​ത​ലായ സഹായം ആവശ്യ​മാ​യി​രു​ന്നേ​ക്കാ​വു​ന്ന​വ​രുണ്ട്‌. ഉദാഹ​ര​ണ​ത്തിന്‌, ചിലർക്ക്‌ ഔഷധ ചികിത്സ വേണ്ടി​വ​ന്നി​ട്ടുണ്ട്‌.b മറ്റുചി​ലർ ഒരു മാനസി​കാ​രോ​ഗ്യ വിദഗ്‌ധന്റെ സഹായം തേടി​യി​രി​ക്കു​ന്നു. ഉണരുക! ഏതെങ്കി​ലും പ്രത്യേക ചികിത്സ ശുപാർശ ചെയ്യു​ക​യോ അതിനെ പിന്തു​ണ​യ്‌ക്കു​ക​യോ ചെയ്യു​ന്നില്ല. ഒരു ക്രിസ്‌ത്യാ​നി അത്തരം ചികിത്സ സ്വീക​രി​ക്ക​ണ​മോ എന്നത്‌ വ്യക്തി​പ​ര​മായ തീരു​മാ​ന​മാണ്‌. എന്നിരു​ന്നാ​ലും, ബൈബിൾ തത്ത്വങ്ങൾക്കു വിരു​ദ്ധ​മായ ഏതെങ്കി​ലും ചികിത്സാ നടപടി കൈ​ക്കൊ​ള്ളാ​തി​രി​ക്കാൻ അദ്ദേഹം ശ്രദ്ധയു​ള്ള​വ​നാ​യി​രി​ക്കണം.

“നമ്മു​ടേ​തു​പോ​ലത്തെ വികാ​ര​ങ്ങ​ളുള്ള” മനുഷ്യർ

ബൈബിൾ വലിയ പ്രോ​ത്സാ​ഹ​ന​ത്തി​ന്റെ ഉറവാ​യി​രി​ക്കാൻ കഴിയും. എന്തു​കൊ​ണ്ടെ​ന്നാൽ ദൈവം ആവശ്യ​പ്പെ​ട്ടതു ചെയ്യു​ന്ന​തി​നു വ്യക്തി​പ​ര​മായ പ്രതി​ബ​ന്ധ​ങ്ങളെ മറികടന്ന ആളുക​ളു​ടെ യഥാർഥ ജീവിത മാതൃ​കകൾ അതിലുണ്ട്‌. ഏലീയാ​വി​ന്റെ കാര്യ​മെ​ടു​ക്കുക. ഇസ്രാ​യേ​ലി​ലെ മുന്തിയ പ്രവാ​ച​ക​ന്മാ​രിൽ ഒരാളാ​യി​രുന്ന അവൻ അമാനു​ഷം എന്നു തോന്നി​യേ​ക്കാ​വുന്ന വിധത്തിൽ ധൈര്യം പ്രകടി​പ്പി​ച്ചു. എങ്കിലും “ഏലീയാവ്‌ നമ്മു​ടേ​തു​പോ​ലത്തെ വികാ​ര​ങ്ങ​ളുള്ള ഒരു മനുഷ്യ​നാ​യി​രു​ന്നു” എന്ന്‌ ബൈബിൾ നമുക്ക്‌ ഉറപ്പു​നൽകു​ന്നു. (യാക്കോബ്‌ 5:17, NW) കൊടും​ഭീ​തി​യും ഉത്‌ക​ണ്‌ഠ​യും ഒക്കെ അവനും തോന്നി​യി​ട്ടുണ്ട്‌.—1 രാജാ​ക്ക​ന്മാർ 19:1-4.

ക്രിസ്‌തീ​യ അപ്പോ​സ്‌ത​ല​നായ പൗലൊസ്‌ “ബലഹീ​ന​ത​യോ​ടും ഭയത്തോ​ടും വളരെ നടുക്ക​ത്തോ​ടും​കൂ​ടെ” കൊരി​ന്ത്യ​യി​ലേക്കു പോയി. വ്യക്തമാ​യും അവന്‌ സ്വന്തം പ്രാപ്‌തി​ക​ളെ​ക്കു​റിച്ച്‌ വളരെ ആശങ്കയു​ണ്ടാ​യി​രു​ന്ന​തി​നാൽ ആയിരു​ന്നു അത്‌. അവന്‌ ഒരളവു​വരെ നിന്ദ സഹി​ക്കേ​ണ്ടി​വ​രി​ക​തന്നെ ചെയ്‌തു. പൗലൊ​സി​ന്റെ ചില എതിരാ​ളി​കൾ അവനെ​ക്കു​റിച്ച്‌ ഇങ്ങനെ പറഞ്ഞു: അവന്റെ “ശരീര​സ​ന്നി​ധി​യോ ബലഹീ​ന​വും വാക്കു നിന്ദ്യ​വു​മ​ത്രേ.” എങ്കിലും മറ്റുള്ള​വ​രു​ടെ വളച്ചൊ​ടിച്ച അഭി​പ്രാ​യം തന്നെക്കു​റി​ച്ചോ തന്റെ പ്രാപ്‌തി​ക​ളെ​ക്കു​റി​ച്ചോ ഉള്ള പൗലൊ​സി​ന്റെ വീക്ഷണത്തെ സ്വാധീ​നി​ക്കാൻ അവൻ അനുവ​ദി​ച്ച​താ​യി ഒരു സൂചന​യു​മില്ല.—1 കൊരി​ന്ത്യർ 2:3-5; 2 കൊരി​ന്ത്യർ 10:10.

ഫറവോ​നെ സമീപി​ക്കാൻ താൻ പ്രാപ്‌ത​നാ​ണെന്ന്‌ മോശ​യ്‌ക്കും തോന്നി​യില്ല. താൻ “വിക്കനും തടിച്ച നാവു​ള്ള​വ​നും ആകുന്നു” എന്ന്‌ അവൻ പറഞ്ഞു. (പുറപ്പാ​ടു 4:10) യഹോ​വ​യാം ദൈവം സഹായി​ക്കാ​മെന്ന്‌ വാഗ്‌ദാ​നം ചെയ്‌ത​പ്പോ​ഴും മോശ ഇങ്ങനെ കേണ​പേ​ക്ഷി​ച്ചു: “കർത്താവേ, നിനക്കു ബോധിച്ച മററാ​രെ​യെ​ങ്കി​ലും അയക്കേ​ണമേ.” (പുറപ്പാ​ടു 4:13) മോശ​യ്‌ക്ക്‌ തന്റെ പ്രാപ്‌തി​കൾ കാണാൻ കഴിഞ്ഞില്ല, പക്ഷേ യഹോ​വ​യ്‌ക്ക്‌ അവ കാണാൻ കഴിഞ്ഞു. നിയമനം നിറ​വേ​റ്റു​ന്ന​തിന്‌ മോശ ശാരീ​രി​ക​മാ​യും മാനസി​ക​മാ​യും യോഗ്യ​നാ​ണെന്ന്‌ യഹോവ കണ്ടു. എന്നിട്ടും, യഹോവ സ്‌നേ​ഹ​പു​ര​സ്സരം മോശ​യ്‌ക്ക്‌ ഒരു സഹായി​യെ കൊടു​ത്തു. ഫറവോ​ന്റെ അടു​ത്തേക്ക്‌ തനിയെ ചെല്ലാൻ അവൻ മോശയെ നിർബ​ന്ധി​ച്ചില്ല.—പുറപ്പാ​ടു 4:14, 15.

ഇക്കാര്യ​ത്തിൽ മറ്റൊരു മുന്തിയ ദൃഷ്ടാന്തം യിരെ​മ്യാ​വി​ന്റേ​താണ്‌. ദൈവ​ത്തി​ന്റെ പ്രവാ​ച​ക​നാ​യി നിയമി​ക്ക​പ്പെ​ട്ട​പ്പോൾ ആ യുവാവ്‌ ഇങ്ങനെ പ്രതി​ക​രി​ച്ചു: “അയ്യോ, യഹോ​വ​യായ കർത്താവേ, എനിക്കു സംസാ​രി​പ്പാൻ അറിഞ്ഞു​കൂ​ടാ; ഞാൻ ബാലന​ല്ലോ.” തന്റെ നിയമനം നിർവ​ഹി​ക്കാൻ യിരെ​മ്യാവ്‌ സ്വതവേ പ്രാപ്‌ത​ന​ല്ലാ​യി​രു​ന്നു. എങ്കിലും യഹോവ അവനോ​ടൊ​പ്പം ഉണ്ടായി​രു​ന്നു. “സർവ്വ​ദേ​ശ​ത്തി​ന്നും . . . നേരെ ഉറപ്പു​ള്ളോ​രു പട്ടണവും ഇരിമ്പു​തൂ​ണും താമ്ര​മ​തി​ലു​ക​ളും” ആയിത്തീ​രു​ന്ന​തിന്‌ അവൻ യിരെ​മ്യാ​വി​നെ സഹായി​ച്ചു.—യിരെ​മ്യാ​വു 1:6, 18, 19.

അതു​കൊണ്ട്‌, ഭയങ്ങളും ഉത്‌ക​ണ്‌ഠ​ക​ളും നിങ്ങളെ ക്ലേശി​പ്പി​ക്കു​ന്നെ​ങ്കിൽ അതു നിങ്ങൾക്ക്‌ വിശ്വാ​സ​മി​ല്ലാ​ത്ത​തു​കൊ​ണ്ടാ​ണെ​ന്നോ യഹോവ നിങ്ങളെ തള്ളിക്ക​ള​ഞ്ഞ​തു​കൊ​ണ്ടാ​ണെ​ന്നോ നിഗമനം ചെയ്യാ​തി​രി​ക്കുക. പ്രത്യുത, “ഹൃദയം നുറു​ങ്ങി​യ​വർക്കു യഹോവ സമീപസ്ഥൻ; മനസ്സു തകർന്ന​വരെ അവൻ രക്ഷിക്കു​ന്നു.”—സങ്കീർത്തനം 34:18.

തീർച്ച​യാ​യും, വിശ്വാ​സ​ത്തിൽ ബലിഷ്‌ഠ​രാ​യവർ പോലും തങ്ങൾ അപര്യാ​പ്‌ത​രാ​ണെന്ന തോന്ന​ലു​ക​ളു​മാ​യി മല്ലി​ട്ടെന്ന്‌ മുകളിൽ പരാമർശിച്ച ബൈബിൾ ദൃഷ്ടാ​ന്തങ്ങൾ കാണി​ക്കു​ന്നു. ഏലീയാ​വി​നോ​ടും പൗലൊ​സി​നോ​ടും മോശ​യോ​ടും യിരെ​മ്യാ​വി​നോ​ടും ഒക്കെ അവർക്ക്‌ ന്യായ​മാ​യി ചെയ്യാൻ കഴിയു​ന്ന​തി​ലു​മ​ധി​കം യഹോവ ആവശ്യ​പ്പെ​ടാ​തി​രു​ന്ന​പ്പോൾ തന്നെ അവർ ഓരോ​രു​ത്ത​രും പ്രതീ​ക്ഷി​ച്ചി​രു​ന്നി​രി​ക്കാ​വു​ന്ന​തി​ലും അധികം ചെയ്യാൻ അവൻ അവരെ സഹായി​ച്ചു. യഹോവ ‘നമ്മുടെ പ്രകൃതി അറിയു​ക​യും നാം പൊടി എന്നു ഓർക്കു​ക​യും’ ചെയ്യു​ന്ന​തി​നാൽ നിങ്ങളു​ടെ കാര്യ​ത്തി​ലും അവന്‌ അതു തന്നെ ചെയ്യാൻ കഴിയു​മെന്ന്‌ ഉറപ്പു​ള്ള​വ​രാ​യി​രി​ക്കുക..—സങ്കീർത്തനം 103:14.

[അടിക്കു​റി​പ്പു​കൾ]

[8-ാം പേജിലെ ചതുരം]

ഭയം വിഭ്രാ​ന്തി​യി​ലേക്കു നയിക്കു​മ്പോൾ

സാമൂ​ഹിക ഫോബിയ ഉള്ള ചിലരു​ടെ ഉത്‌കണ്‌ഠ വിഭ്രാ​ന്തി​ബാ​ധ​യ്‌ക്ക്‌ ഇടയാ​ക്കും​വി​ധം അത്ര തീവ്ര​മാ​യി​രി​ക്കും. പെട്ടെ​ന്നു​ണ്ടാ​കുന്ന ഈ കൊടും​ഭീ​തി പലപ്പോ​ഴും രോഗി​യിൽ കിതപ്പും തലകറ​ക്ക​വും ഉളവാ​ക്കു​ന്നു. തനിക്ക്‌ ഹൃദയാ​ഘാ​തം ഉണ്ടാകു​ക​യാ​ണെന്ന്‌ അപ്പോൾ അയാൾ വിചാ​രി​ച്ചേ​ക്കാം.

വിഭ്രാ​ന്തി​ബാ​ധയെ ചെറു​ക്കാ​തി​രി​ക്കു​ക​യാണ്‌ ഏറ്റവും നല്ലത്‌ എന്ന്‌ വിദഗ്‌ധർ പറയുന്നു. പകരം, ഉത്‌കണ്‌ഠ തനിയെ മാറു​ന്ന​തു​വരെ അതു സഹിക്കാൻ അവർ രോഗി​യെ ബുദ്ധ്യു​പ​ദേ​ശി​ക്കു​ന്നു. ജെറി​ലിൻ റോസ്‌ ഇങ്ങനെ പറയുന്നു: “അതു തുടങ്ങി​യാൽ പിന്നെ നിങ്ങൾക്കു നിർത്താ​നാ​വില്ല. . . . തനിയെ അവസാ​നി​ക്കേ​ണ്ട​തുണ്ട്‌. അത്‌ ഭീതി​ജ​ന​ക​മാ​ണെ​ങ്കി​ലും അപകട​ക​ര​മ​ല്ലെ​ന്നും അത്‌ അവസാ​നി​ക്കാൻ പോകു​ക​യാ​ണെ​ന്നും നിങ്ങ​ളെ​ത്തന്നെ ഓർമ​പ്പെ​ടു​ത്തി​ക്കൊ​ണ്ടേ​യി​രി​ക്കുക.”

ആഗൊ​ര​ഫോ​ബി​യയെ ചികി​ത്സി​ക്കുന്ന ഒരു ഏജൻസി​യു​ടെ ഡയറക്ട​റായ മെൽവിൻ ഗ്രീൻ വിഭ്രാ​ന്തി​ബാ​ധയെ കടൽത്തീ​ര​ത്തേക്ക്‌ അടുത്തു​വ​രുന്ന ഒരു ചെറിയ തിരമാ​ല​യോട്‌ ഉപമി​ക്കു​ന്നു. “ഉത്‌കണ്‌ഠ തുടക്ക​ത്തിൽ അതു​പോ​ലെ​യാണ്‌,” അദ്ദേഹം പറയുന്നു. “കരയോട്‌ അടുക്കു​ന്തോ​റും തിരമാല വലുതാ​യി​വ​രു​ന്നു. ഇത്‌ നിങ്ങളു​ടെ ഉത്‌കണ്‌ഠ വർധി​ച്ചു​വ​രു​ന്ന​തി​നോ​ടു സമാന​മാണ്‌. പെട്ടെന്ന്‌ തിരമാല വളരെ വലുതാ​യി പരമാ​വധി ഉയരുന്നു. പിന്നെ അത്‌ ചെറു​താ​യി ചെറു​താ​യി അവസാനം തീരത്ത്‌ വന്നലച്ച്‌ ഇല്ലാതാ​കു​ന്നു. ഈ ഉദാഹ​രണം ഉത്‌ക​ണ്‌ഠാ ബാധയു​ടെ തുടക്ക​ത്തെ​യും ഒടുക്ക​ത്തെ​യും ചിത്രീ​ക​രി​ക്കു​ന്നു.” രോഗി​കൾ വികാ​ര​ങ്ങളെ ചെറു​ക്കാൻ പാടി​ല്ലെ​ന്നും അവ സ്വതവേ അപ്രത്യ​ക്ഷ​മാ​കു​ന്ന​തു​വരെ കാത്തി​രി​ക്ക​ണ​മെ​ന്നും ഗ്രീൻ പറയുന്നു.

[9-ാം പേജിലെ ചതുരം]

നിങ്ങളുടെ ശ്വസന​രീ​തി ശ്രദ്ധി​ക്കുക!

സാമൂ​ഹിക ഫോബിയ ഉള്ള ചിലർക്ക്‌ ശ്വസന​രീ​തി​യിൽ ശ്രദ്ധി​ക്കുക വഴി അതിന്റെ ശാരീ​രിക ലക്ഷണങ്ങ​ളു​ടെ തീവ്രത കുറയ്‌ക്കാൻ കഴിയു​ന്നുണ്ട്‌. ആദ്യം ഇത്‌ വിചി​ത്ര​മാ​യി തോന്നി​യേ​ക്കാം. എന്തായാ​ലും, ശ്വസി​ക്കാൻ അറിയി​ല്ലാത്ത ആരുമി​ല്ല​ല്ലോ! എന്നാൽ ഉത്‌ക​ണ്‌ഠാ സംബന്ധ​മായ പ്രശ്‌ന​ങ്ങ​ളുള്ള പലയാ​ളു​ക​ളും ശരിയായ രീതി​യി​ലല്ല ശ്വാ​സോ​ച്ഛ്വാ​സം നടത്തു​ന്ന​തെന്ന്‌ വിദഗ്‌ധർ പറയുന്നു. പലപ്പോ​ഴും അവർ ആഴത്തിൽ ശ്വാസ​മെ​ടു​ക്കു​ന്നില്ല, അല്ലെങ്കിൽ വളരെ വേഗത്തിൽ ശ്വാ​സോ​ച്ഛ്വാ​സം ചെയ്യുന്നു, അതുമ​ല്ലെ​ങ്കിൽ അവർ നെഞ്ചു​കൊ​ണ്ടാണ്‌ കൂടു​ത​ലും ശ്വാ​സോ​ച്ഛ്വാ​സം നടത്തു​ന്നത്‌.

ശ്വാസം സാവധാ​നം ഉള്ളി​ലേ​ക്കെ​ടു​ക്കാ​നും പുറ​ത്തേക്കു വിടാ​നും പരിശീ​ലി​ക്കുക. വായി​ലൂ​ടെ ശ്വസി​ക്കു​ന്ന​തി​നു പകരം മൂക്കി​ലൂ​ടെ ശ്വസി​ക്കു​മ്പോൾ ഇത്‌ കൂടുതൽ എളുപ്പ​മാണ്‌. കൂടാതെ, ഡയഫ്രം​കൊണ്ട്‌ ശ്വാ​സോ​ച്ഛ്വാ​സം നടത്താൻ പഠിക്കുക. എന്തു​കൊ​ണ്ടെ​ന്നാൽ നെഞ്ചിന്റെ മുകൾ ഭാഗം​കൊണ്ട്‌ ശ്വസി​ക്കു​ന്നത്‌ കിതപ്പി​നുള്ള സാധ്യത വർധി​പ്പി​ക്കു​ന്നു. നിങ്ങൾ ഇവയിൽ ഏതു ഭാഗം​കൊ​ണ്ടാണ്‌ ശ്വസി​ക്കു​ന്നത്‌ എന്നു പരി​ശോ​ധി​ക്കു​ന്ന​തിന്‌ എഴു​ന്നേ​റ്റു​നിന്ന്‌ ഒരു കൈ നിങ്ങളു​ടെ അരക്കെ​ട്ടി​നു മുകളി​ലും മറ്റേ കൈ നെഞ്ചിന്റെ മധ്യഭാ​ഗ​ത്തും വെക്കുക. ശ്വസി​ക്കു​മ്പോൾ ഏതു കൈയാണ്‌ കൂടുതൽ ചലിക്കു​ന്നത്‌ എന്ന്‌ ശ്രദ്ധി​ക്കുക. നെഞ്ചത്തു വെച്ചി​രി​ക്കുന്ന കൈയാണ്‌ കൂടുതൽ ചലിക്കു​ന്ന​തെ​ങ്കിൽ നിങ്ങൾ ഡയഫ്രം​കൊണ്ട്‌ ശ്വാ​സോ​ച്ഛ്വാ​സം ചെയ്യാൻ പരിശീ​ലി​ക്കേ​ണ്ട​തുണ്ട്‌.

തീർച്ച​യാ​യും, ശ്വസനം എല്ലായ്‌പോ​ഴും ഡയഫ്രം​കൊണ്ട്‌ ആയിരി​ക്ക​ണ​മെ​ന്നില്ല. (ഡയഫ്ര​വും നെഞ്ചും കൊണ്ടുള്ള ശ്വാ​സോ​ച്ഛ്വാ​സ​ത്തി​ന്റെ സാധാരണ അനുപാ​തം ഏകദേശം 4-ന്‌ 1 എന്നതാണ്‌. എന്നാൽ ഇത്‌ ചില​പ്പോ​ഴൊ​ക്കെ വ്യത്യാ​സ​പ്പെ​ട്ടി​രി​ക്കും.) എന്നാൽ ഒരു മുന്നറി​യിപ്പ്‌ ഉചിത​മാണ്‌: ശ്വസന​സം​ബ​ന്ധ​മാ​യി സ്ഥായി​യായ തകരാ​റു​ക​ളു​ള്ളവർ—എംഫി​സി​മ​യോ ആസ്‌ത്‌മ​യോ പോ​ലെ​യുള്ള തകരാ​റു​ള്ളവർ—പുതിയ ശ്വസന​രീ​തി​കൾ അവലം​ബി​ക്കു​ന്ന​തി​നു മുമ്പ്‌ ഡോക്ട​റു​ടെ ഉപദേശം തേടേ​ണ്ട​തുണ്ട്‌.

[8, 9 പേജു​ക​ളി​ലെ ചിത്രങ്ങൾ]

ഉത്‌കണ്‌ഠ കുറയ്‌ക്കു​ന്ന​തിന്‌ നിങ്ങളു​ടെ ആഹാര​ക്രമം ശ്രദ്ധി​ക്കുക, പതിവാ​യി വ്യായാ​മം ചെയ്യുക, വേണ്ടത്ര വിശ്ര​മ​മെ​ടു​ക്കുക

[10-ാം പേജിലെ ചിത്രം]

യഹോവ മോശ​യെ​പ്പോ​ലു​ള്ള​വരെ, അവർ പ്രതീ​ക്ഷി​ച്ചി​രു​ന്നി​രി​ക്കാ​വു​ന്ന​തി​ലും അധികം ചെയ്യാൻ സഹായി​ച്ചു