സത്യമതം നൽകുന്ന പ്രത്യാശ

നമ്മെ ബാധി​ക്കുന്ന അല്ലെങ്കിൽ ആവേശ​ഭ​രി​ത​രാ​ക്കുന്ന കാര്യങ്ങൾ സംസാ​രി​ക്കാൻ നാം സ്വതവെ ഇഷ്ടപ്പെ​ടു​ന്നു. യഹോ​വ​യു​ടെ സാക്ഷികൾ ബൈബി​ളി​ലെ അത്ഭുത​ക​ര​മായ സന്ദേശം മറ്റുള്ള​വ​രു​മാ​യി പങ്കിടു​ന്ന​തി​ന്റെ ഒരു കാരണം അതാണ്‌. ദൈവ​രാ​ജ്യ​ത്തെ വിശേ​ഷ​വ​ത്‌ക​രി​ക്കുന്ന ആ സന്ദേശ​ത്തിൽ, ഇന്ന്‌ ആളുകളെ വളരെ​യ​ധി​കം ഉത്‌ക​ണ്‌ഠ​പ്പെ​ടു​ത്തുന്ന ഭാവി, സുരക്ഷ, ആരോ​ഗ്യം, സന്തുഷ്ടി തുടങ്ങിയ സംഗതി​ക​ളു​മാ​യി ബന്ധപ്പെട്ട ചോദ്യ​ങ്ങ​ളു​ടെ ഉത്തരങ്ങൾ അടങ്ങി​യി​രി​ക്കു​ന്നു.—ലൂക്കൊസ്‌ 4:43.

അങ്ങനെ​യെ​ങ്കിൽ, ദൈവ​രാ​ജ്യം എന്നാൽ എന്താണ്‌?

രോമാ​ഞ്ച​ജ​ന​ക​മായ പ്രത്യാശ

ദൈവ​രാ​ജ്യം എന്നത്‌ ദൈവ​ത്തി​ന്റെ പുത്രൻ, “സമാധാന പ്രഭു,” ഭരിക്കുന്ന ഗവൺമെ​ന്റാണ്‌. അവനെ കുറിച്ചു ബൈബിൾ ഇങ്ങനെ പറയുന്നു: “നമുക്കു ഒരു ശിശു ജനിച്ചി​രി​ക്കു​ന്നു; നമുക്കു ഒരു മകൻ നല്‌ക​പ്പെ​ട്ടി​രി​ക്കു​ന്നു; ആധിപ​ത്യം അവന്റെ തോളിൽ ഇരിക്കും; അവന്നു . . . സമാധാന പ്രഭു എന്നു പേർ വിളി​ക്ക​പ്പെ​ടും. അവന്റെ ആധിപ​ത്യ​ത്തി​ന്റെ വർദ്ധ​നെ​ക്കും സമാധാ​ന​ത്തി​ന്നും അവസാനം ഉണ്ടാക​യില്ല.”—യെശയ്യാ​വു 9:6, 7.

ഭാവിയെ പരാമർശി​ച്ചു​കൊണ്ട്‌, അതേ, ചരി​ത്ര​പ്ര​ധാ​ന​മായ നമ്മുടെ കാലഘ​ട്ടത്തെ സൂചി​പ്പി​ച്ചു​കൊ​ണ്ടു മറ്റൊരു പ്രവചനം ഇങ്ങനെ മുൻകൂ​ട്ടി​പ്പ​റഞ്ഞു: “ഈ രാജാ​ക്ക​ന്മാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; . . . അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.”—ദാനീ​യേൽ 2:44.

സമാധാന പ്രഭു​വായ ക്രിസ്‌തു​വി​നാൽ ഭരിക്ക​പ്പെ​ടുന്ന ഈ ദൈവ​രാ​ജ്യം, യേശു തന്റെ അനുഗാ​മി​കളെ പഠിപ്പിച്ച ഈ പ്രാർഥ​ന​യ്‌ക്ക്‌ ഉത്തരമാ​യി​ത്തീ​രും: “സ്വർഗ്ഗ​സ്ഥ​നായ ഞങ്ങളുടെ പിതാവേ, . . . നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.” (മത്തായി 6:9, 10) ദൈവ​രാ​ജ്യം ഭൂമി​ക്കും നമുക്കും എന്തു കൈവ​രു​ത്തും? ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന, യഹോ​വ​യാം ദൈവ​ത്തി​ന്റെ വാഗ്‌ദ​ത്തങ്ങൾ പരിചി​ന്തി​ക്കുക. അവയിൽ ചിലത്‌ ഈ പേജു​ക​ളിൽ വിശദീ​ക​രി​ച്ചി​രി​ക്കു​ന്നു.

ദൈവ​ത്തിൽ നിന്നുള്ള ഒരു സന്ദേശം

ദൈവ​വ​ച​ന​ത്തിൽ നിന്നുള്ള മഹത്തായ വാഗ്‌ദ​ത്തങ്ങൾ മറച്ചു​വെ​ച്ചു​കൂ​ടാ. അത്‌ മതത്തെ കുറിച്ചു ചർച്ച ചെയ്യു​ന്നത്‌ അനിവാ​ര്യ​മാ​ക്കു​ന്നു. ഈ വ്യവസ്ഥി​തി അവസാ​നി​ക്കു​ന്ന​തി​നു മുമ്പായി തന്റെ അനുഗാ​മി​കൾ ദൈവ​രാ​ജ്യ​ത്തെ കുറിച്ചു പ്രസം​ഗി​ക്കു​ന്ന​തി​നു മുൻകൈ എടുക്കു​മെന്ന്‌ യേശു മുൻകൂ​ട്ടി​പ്പ​റഞ്ഞു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.”—മത്തായി 24:14; 28:19, 20; പ്രവൃ​ത്തി​കൾ 1:8.

ദൈവ​രാ​ജ്യ​ത്തെ കുറി​ച്ചുള്ള ഈ സന്ദേശ​മാണ്‌ യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി ഘോഷി​ക്കു​ന്നത്‌. ഈ മാസി​ക​യു​ടെ കൂട്ടു​മാ​സി​ക​യായ വീക്ഷാ​ഗോ​പു​രം ഇപ്പോൾ 130 ഭാഷക​ളിൽ പ്രസി​ദ്ധീ​ക​രി​ക്കു​ന്നുണ്ട്‌. ഓരോ ലക്കത്തി​ന്റെ​യും 2.2 കോടി​യി​ല​ധി​കം പ്രതികൾ അച്ചടി​ക്ക​പ്പെ​ടുന്ന ആ മാസി​ക​യു​ടെ പുറം​താ​ളിൽ “യഹോ​വ​യു​ടെ രാജ്യത്തെ പ്രസി​ദ്ധ​മാ​ക്കു​ന്നു” എന്ന്‌ എഴുതി​യി​രി​ക്കു​ന്നു.

ജ്ഞാനി​യാ​യ ഒരു വ്യക്തി എന്ന നിലയിൽ നിങ്ങൾ ജീവി​തത്തെ കുറിച്ച്‌ അഭിജ്ഞ​മായ തീരു​മാ​നങ്ങൾ എടുക്കാൻ ആഗ്രഹി​ക്കും. (സദൃശ​വാ​ക്യ​ങ്ങൾ 18:13) തന്മൂലം, മഹത്തായ ദൈവ​രാ​ജ്യ​ത്തെ കുറി​ച്ചും അതു നിങ്ങൾക്ക്‌ എന്ത്‌ അർഥമാ​ക്കി​യേ​ക്കാം എന്നതിനെ കുറി​ച്ചും വ്യക്തി​പ​ര​മാ​യി മനസ്സി​ലാ​ക്കാൻ ഞങ്ങൾ നിങ്ങളെ ക്ഷണിക്കു​ക​യാണ്‌. അതിനു മുതി​രവേ, ബൈബിൾ ചർച്ചക​ളിൽ നിന്നു വിട്ടു​നിൽക്ക​രുത്‌. മറ്റൊരു ചർച്ചയും അതി​നെ​ക്കാൾ വിജ്ഞാ​ന​പ്ര​ദ​വും രസകര​വും സുപ്ര​ധാ​ന​വും ആയിരി​ക്കില്ല.—യോഹ​ന്നാൻ 17:3

[8, 9 പേജു​ക​ളി​ലെ ചതുരം/ചിത്രങ്ങൾ]

പറുദീസാ ഭൂമിയെ കുറി​ച്ചുള്ള വാഗ്‌ദ​ത്ത​ങ്ങൾ

മുഴു ഭൂമി​യി​ലും സമ്പൂർണ സമാധാ​നം കളിയാ​ടും. “അവന്റെ കാലത്തു നീതി​മാ​ന്മാർ തഴെക്കട്ടെ; ചന്ദ്രനു​ള്ളേ​ട​ത്തോ​ളം സമാധാ​ന​സ​മൃ​ദ്ധി ഉണ്ടാകട്ടെ.”—സങ്കീർത്തനം 72:7, 8.

മരിച്ചവർ ജീവനി​ലേക്കു തിരികെ വരുത്ത​പ്പെ​ടും. “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും.”—പ്രവൃ​ത്തി​കൾ 24:15.

സകലരും പൂർണ ആരോ​ഗ്യം ആസ്വദി​ക്കും. “[ദൈവം] അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല.”—വെളി​പ്പാ​ടു 21:3-5എ.

ആളുകൾ സ്വന്തമാ​യി വീടുകൾ പണിതു പാർക്കും. “അവർ വീടു​കളെ പണിതു പാർക്കും; അവർ മുന്തി​രി​ത്തോ​ട്ട​ങ്ങളെ ഉണ്ടാക്കി അവയിലെ ഫലം അനുഭ​വി​ക്കും.”—യെശയ്യാ​വു 65:21.

ആഹാരം സമൃദ്ധ​മാ​യി ഉണ്ടായി​രി​ക്കും. “ദേശത്തു പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും.”—സങ്കീർത്തനം 72:16.