ആരോ​ഗ്യാ​വ​ഹ​മായ മനോ​ഭാ​വം—നിലനിർത്താ​നാ​കുന്ന വിധം

ശാരീ​രിക ആരോ​ഗ്യം വലി​യൊ​രു അളവോ​ളം നാം കഴിക്കുന്ന ആഹാര​സാ​ധ​ന​ങ്ങളെ ആശ്രയി​ച്ചി​രി​ക്കു​ന്നു. ഒരു വ്യക്തി പോഷ​ക​ഗു​ണം ഇല്ലാത്ത ആഹാര​മാണ്‌ എപ്പോ​ഴും കഴിക്കു​ന്ന​തെ​ങ്കിൽ അയാളു​ടെ ആരോ​ഗ്യം ഒടുവിൽ ക്ഷയിക്കും. നമ്മുടെ മാനസിക ആരോ​ഗ്യ​ത്തി​ന്റെ കാര്യ​ത്തി​ലും ഈ തത്ത്വം ബാധക​മാണ്‌.

ഉദാഹ​ര​ണ​ത്തിന്‌, നാം മനസ്സി​ലേ​ക്കെ​ടു​ക്കുന്ന കാര്യ​ങ്ങളെ ഒരുതരം മാനസിക ആഹാര​മാ​യി വിശേ​ഷി​പ്പി​ക്കാ​വു​ന്ന​താണ്‌. മാനസിക ആഹാര​മോ? അതേ, പുസ്‌ത​കങ്ങൾ, മാസി​കകൾ, ടെലി​വി​ഷൻ പരിപാ​ടി​കൾ, വീഡി​യോ​കൾ, വീഡി​യോ കളികൾ, ഇന്റർനെറ്റ്‌, പാട്ടിലെ ഈരടി​കൾ തുടങ്ങി​യ​വ​യിൽനിന്ന്‌ നാം ഉൾക്കൊ​ള്ളുന്ന വിവരങ്ങൾ അക്ഷരീയ ആഹാരം നമ്മുടെ ശരീരത്തെ ബാധി​ക്കുന്ന അതേ വിധത്തിൽ തന്നെ നമ്മുടെ ചിന്ത​യെ​യും വ്യക്തി​ത്വ​ത്തെ​യും ബാധി​ക്കും. അതെങ്ങനെ?

മുമ്പ്‌ ഒരു പരസ്യ എക്‌സി​ക്യൂ​ട്ടീവ്‌ ആയിരുന്ന ജെറി മാൻഡർ ജീവി​ത​ത്തിൽ ടെലി​വി​ഷൻ ചെലു​ത്തുന്ന സ്വാധീ​നത്തെ കുറിച്ച്‌ ഇങ്ങനെ എഴുതി: “ആസ്വാ​ദ​ക​രിൽ പ്രഭാവം ചെലു​ത്തുന്ന മറ്റ്‌ ഏതൊരു മാധ്യ​മ​ത്തെ​ക്കാ​ളും നമ്മുടെ മസ്‌തി​ഷ്‌ക​ത്തിൽ പ്രതി​രൂ​പങ്ങൾ പതിപ്പി​ക്കു​ന്നതു ടെലി​വി​ഷ​നാണ്‌.” ഈ മാനസിക പ്രതി​രൂ​പങ്ങൾ നമ്മെ വിനോ​ദി​പ്പി​ക്കുക മാത്രമല്ല ചെയ്യു​ന്നത്‌. ദ ഫാമിലി തെറാപ്പി നെറ്റ്‌വർക്കർ മാസിക ഇങ്ങനെ പറയുന്നു: “ബഹുജന മാധ്യ​മ​ങ്ങ​ളി​ലെ ഭാഷ, പ്രതി​ച്ഛായ, ശബ്ദം, ആശയങ്ങൾ, കഥാപാ​ത്രങ്ങൾ, സാഹച​ര്യ​ങ്ങൾ, മൂല്യങ്ങൾ, സൗന്ദര്യ​സ​ങ്കൽപ്പങ്ങൾ എന്നിവ നമ്മുടെ ചിന്തക​ളി​ലും വികാ​ര​ങ്ങ​ളി​ലും ഭാവന​ക​ളി​ലും നിറഞ്ഞു​നിൽക്കു​ന്നു.”

അതേ, ടെലി​വി​ഷ​നു​ക​ളി​ലൂ​ടെ​യും മറ്റു വിനോദ മാധ്യ​മ​ങ്ങ​ളി​ലൂ​ടെ​യും ദർശി​ക്കുന്ന കാര്യങ്ങൾ നാം അറിയാ​തെ​തന്നെ നമ്മുടെ ചിന്തക​ളെ​യും വികാ​ര​ങ്ങ​ളെ​യും സ്വാധീ​നി​ച്ചേ​ക്കാം. അപകടം പതിയി​രി​ക്കു​ന്നത്‌ അവി​ടെ​യാണ്‌. മാൻഡർ പറയു​ന്ന​തു​പോ​ലെ, “ക്രമേണ, മനസ്സിൽ കൊണ്ടു​ന​ട​ക്കുന്ന ആ പ്രതി​രൂ​പ​ങ്ങളെ പോലെ ആയിത്തീ​രും നാം.”

മസ്‌തി​ഷ്‌കത്തെ വിഷലി​പ്‌ത​മാ​ക്കു​ന്നു

ഭൗതിക ആഹാര​ത്തി​ന്റെ കാര്യ​ത്തിൽ അതീവ ശ്രദ്ധ പുലർത്തുന്ന പലരും മാനസിക ആഹാര​ത്തി​ന്റെ കാര്യം വരു​മ്പോൾ മാധ്യ​മങ്ങൾ മുമ്പിൽ കൊണ്ടു​വന്നു വെക്കുന്ന എന്തും ഒന്നും ആലോ​ചി​ക്കാ​തെ വാരി​വ​ലി​ച്ചു തിന്നുന്നു. ഉദാഹ​ര​ണ​ത്തിന്‌, “ഈ ടിവി-യിൽ കാണാൻ കൊള്ളാ​വുന്ന ഒരു പരിപാ​ടി​യും ഇല്ല!” എന്ന്‌ ആരെങ്കി​ലും പരാതി​പ്പെ​ടു​ന്നതു നിങ്ങൾ കേട്ടി​ട്ടു​ണ്ടോ? നല്ല പരിപാ​ടി​കൾ വല്ലതും കാണാൻ കഴി​ഞ്ഞേ​ക്കും എന്ന പ്രത്യാ​ശ​യോ​ടെ ചിലർ ഒരു മാസ്‌മര വലയത്തിൽ അകപ്പെ​ട്ട​തു​പോ​ലെ ചാനലു​കൾ മാറ്റി​ക്കൊ​ണ്ടേ​യി​രി​ക്കും. എന്നാൽ ടിവി ഓഫാ​ക്കുക എന്ന ആശയം അവരുടെ മനസ്സിന്റെ ഏഴയലത്തു പോലും വരില്ല!

വളരെ​യ​ധി​കം സമയം അപഹരി​ക്കു​ന്നു എന്നതിനു പുറമേ പല പരിപാ​ടി​ക​ളു​ടെ​യും ഇതിവൃ​ത്തം ക്രിസ്‌ത്യാ​നി​കൾ ഒഴിവാ​ക്കാൻ ആഗ്രഹി​ക്കു​ന്ന​വ​യാണ്‌. “വിവാ​ദ​പ​ര​മായ കാര്യ​ങ്ങ​ളും ലൈം​ഗിക വിഷയ​ങ്ങ​ളും മറ്റും പണ്ടത്തെ​ക്കാൾ കൂടു​ത​ലാ​യി ഇന്ന്‌ ടെലി​വി​ഷൻ സ്‌ക്രീ​നിൽ പ്രത്യ​ക്ഷ​പ്പെ​ടുന്ന”തായി ആർട്ട്‌സ്‌ എഴുത്തു​കാ​ര​നായ ഗാരി കോൾട്ടൂ​ക്യാൻ പറയുന്നു. ഏറ്റവു​മ​ധി​കം ആളുകൾ ടെലി​വി​ഷന്റെ മുമ്പി​ലി​രി​ക്കുന്ന സമയങ്ങ​ളിൽ ലൈം​ഗി​ക​തയെ ചിത്രീ​ക​രി​ക്കുന്ന കാര്യങ്ങൾ മണിക്കൂ​റിൽ ശരാശരി 27 തവണ പ്രത്യ​ക്ഷ​പ്പെ​ടു​ന്നു എന്ന്‌ ഐക്യ​നാ​ടു​ക​ളിൽ അടുത്ത​കാ​ലത്തു നടത്തിയ ഒരു പഠനം വെളി​പ്പെ​ടു​ത്തി.

ഇത്‌ ആളുക​ളു​ടെ ചിന്തയെ എങ്ങനെ​യാ​ണു ബാധി​ക്കു​ന്നത്‌? ജപ്പാനിൽ ജനപ്രീ​തി​യാർജിച്ച ഒരു ടെലി​വി​ഷൻ നാടകം വളരെ​യ​ധി​കം ആളുകളെ സ്വാധീ​നി​ച്ച​തി​ന്റെ ഫലമായി അവിടെ “വ്യഭി​ചാര നിരക്ക്‌ കുതി​ച്ചു​യർന്ന”തായി ആ രാജ്യത്തെ മാധ്യ​മങ്ങൾ റിപ്പോർട്ടു ചെയ്‌തു. അമേരി​ക്കയെ നിരീ​ക്ഷി​ക്കൽ എന്ന ഇംഗ്ലീഷ്‌ പുസ്‌ത​ക​ത്തി​ന്റെ ഗ്രന്ഥകർത്താ​ക്കൾ ഇങ്ങനെ പറഞ്ഞു: “മിക്ക ലൈം​ഗിക സ്വഭാ​വ​രീ​തി​ക​ളും . . . വ്യക്തി​പ​ര​മായ ജീവി​ത​ശൈ​ലി​യു​ടെ ഭാഗമാ​യി തിര​ഞ്ഞെ​ടു​ക്കാ​വു​ന്ന​തും ചോദ്യം ചെയ്യ​പ്പെ​ടേ​ണ്ട​തി​ല്ലാ​ത്ത​തും ആയ കാര്യ​മാ​യി​ട്ടാണ്‌ ഇന്നു വീക്ഷി​ക്ക​പ്പെ​ടു​ന്നത്‌.”

എന്നിരു​ന്നാ​ലും, ലൈം​ഗി​ക​തയെ പച്ചയായി ചിത്രീ​ക​രി​ക്കുന്ന ടിവി പരിപാ​ടി​കൾ പ്രശ്‌ന​ത്തി​ന്റെ ഒരു ഭാഗം മാത്രമേ ആകുന്നു​ള്ളൂ. അക്രമ​ങ്ങളെ സ്‌പഷ്ട​മാ​യി ചിത്രീ​ക​രി​ക്കുന്ന പരിപാ​ടി​ക​ളും സർവസാ​ധാ​ര​ണ​മാണ്‌. എളുപ്പം വശീക​രി​ക്കാൻ കഴിയുന്ന കുരു​ന്നു​മ​ന​സ്സു​ക​ളിൽ അക്രമാ​സ​ക്ത​മായ ടിവി പരിപാ​ടി​ക​ളും ചലച്ചി​ത്ര​ങ്ങ​ളും ഉളവാ​ക്കുന്ന വിനാശക ഫലങ്ങളാണ്‌ വിശേ​ഷി​ച്ചും ഉത്‌കണ്‌ഠ ഉയർത്തു​ന്നത്‌. “ടിവി-യിൽ ആരെ​യെ​ങ്കി​ലും വെടി​വെച്ചു കൊല്ലു​ന്ന​തോ കുത്തി​ക്കൊ​ല്ലു​ന്ന​തോ ബലാത്സം​ഗം ചെയ്യു​ന്ന​തോ മൃഗീ​യ​മാ​യി ആക്രമി​ക്കു​ന്ന​തോ തരംതാ​ഴ്‌ത്തു​ന്ന​തോ ഒക്കെ കൊച്ചു​കു​ട്ടി​കൾ കാണു​മ്പോൾ അവയെ​ല്ലാം ശരിക്കും കൺമു​മ്പിൽ സംഭവി​ക്കു​ന്ന​തു​പോ​ലെ​യാണ്‌ അവർക്കു തോന്നു​ന്നത്‌” എന്ന്‌ സൈന്യ​ത്തിൽനി​ന്നു വിരമിച്ച ഒരു ഉദ്യോ​ഗ​സ്ഥ​നും കൊല​പാ​ത​ക​ത്തി​നു പിന്നിലെ മനശ്ശാ​സ്‌ത്രത്തെ കുറി​ച്ചുള്ള പഠന​മേ​ഖ​ല​യിൽ വിദഗ്‌ധ​നു​മായ ഡേവിഡ്‌ ഗ്രോ​സ്‌മാൻ പറയുന്നു. ഇതേ പ്രശ്‌നത്തെ കുറിച്ച്‌ ദ ജേർണൽ ഓഫ്‌ ദി അമേരി​ക്കൻ മെഡിക്കൽ അസോ​സ്സി​യേഷൻ ഇങ്ങനെ പറഞ്ഞു: “മൂന്നും നാലും വയസ്സു പ്രായ​മുള്ള പല കുട്ടി​കൾക്കും ടെലി​വി​ഷൻ പരിപാ​ടി​ക​ളി​ലെ യാഥാർഥ്യ​ത്തെ​യും മിഥ്യ​യെ​യും വേർതി​രി​ച്ച​റി​യാൻ സാധി​ക്കു​ന്നില്ല, മുതിർന്നവർ കാര്യങ്ങൾ വിശദീ​ക​രി​ച്ചു കൊടു​ത്താൽപോ​ലും.” മറ്റു വിധത്തിൽ പറഞ്ഞാൽ, ‘അവർ ശരിക്കു മരിച്ചി​ട്ടില്ല, മരിച്ച​തു​പോ​ലെ അഭിന​യി​ച്ച​താണ്‌’ എന്നെല്ലാം അച്ഛനോ അമ്മയോ കുട്ടി​യോ​ടു പറഞ്ഞാ​ലും അവന്‌ ആ വ്യത്യാ​സം മനസ്സി​ലാ​കില്ല. ഒരു കൊച്ചു കുട്ടിയെ സംബന്ധി​ച്ചി​ട​ത്തോ​ളം ടിവി-യിൽ കാണുന്ന അക്രമം യഥാർഥ സംഭവം പോ​ലെ​യാണ്‌.

“മാധ്യ​മ​ങ്ങ​ളിൽ ചിത്രീ​ക​രി​ക്ക​പ്പെ​ടുന്ന അക്രമാ​സക്തത”യുടെ സ്വാധീ​നത്തെ സംക്ഷേ​പി​ച്ചു​കൊണ്ട്‌ ടൈം മാസിക പറഞ്ഞു: “ടിവി-യിലെ​യും സിനി​മ​യി​ലെ​യും രക്തച്ചൊ​രി​ച്ചി​ലു​കൾ അവ നിരീ​ക്ഷി​ക്കുന്ന കുട്ടി​കളെ ബാധി​ക്കു​മോ​യെന്ന കാര്യ​ത്തിൽ ഗവേഷ​ക​രിൽ ആർക്കും​തന്നെ ഇപ്പോൾ സംശയ​മില്ല.” ഏതു തരത്തി​ലാണ്‌ അവ കുട്ടി​കളെ ബാധി​ക്കു​ന്നത്‌? “ദശകങ്ങ​ളാ​യി അവതരി​പ്പി​ച്ചു പോരുന്ന അക്രമാ​സ​ക്ത​മായ വിനോ​ദ​പ​രി​പാ​ടി​കൾ പൊതു​ജ​ന​ങ്ങ​ളു​ടെ ധാരണ​ക​ളെ​യും മൂല്യ​ങ്ങ​ളെ​യും മാറ്റി​മ​റി​ച്ചി​രി​ക്കു​ന്നു” എന്ന്‌ സിനിമാ നിരൂ​പ​ക​നായ മൈക്കൽ മെഡ്‌വെഡ്‌ പറയുന്നു. അദ്ദേഹം കൂട്ടി​ച്ചേർക്കു​ന്നു: “സമൂഹ​ത്തി​ന്റെ മനസ്സു മരവി​ക്കു​ന്നത്‌ അതിനെ സംബന്ധി​ച്ചി​ട​ത്തോ​ളം ഒരു നല്ല സംഗതി​യല്ല.” നാലു വയസ്സുള്ള ഒരു കുട്ടി അക്രമാ​സ​ക്ത​മായ സിനി​മകൾ കാണു​മ്പോൾ അത്‌ “[അവന്റെ] മസ്‌തി​ഷ്‌കത്തെ വിഷലി​പ്‌ത​മാ​ക്കു​ന്നു” എന്ന്‌ ഒരു എഴുത്തു​കാ​രൻ പറഞ്ഞതിൽ അതിശ​യി​ക്കാ​നില്ല.

എല്ലാ ടെലി​വി​ഷൻ പരിപാ​ടി​ക​ളും മോശ​മാ​ണെന്ന്‌ ഇതിനർഥ​മില്ല. പുസ്‌ത​കങ്ങൾ, മാസി​കകൾ, വീഡി​യോ​കൾ, കമ്പ്യൂട്ടർ കളികൾ തുടങ്ങിയ വിനോദ മാധ്യ​മ​ങ്ങ​ളു​ടെ കാര്യ​ത്തി​ലും ഇതു സത്യമാണ്‌. എന്നിരു​ന്നാ​ലും, വിനോ​ദം എന്നു വിളി​ക്ക​പ്പെ​ടു​ന്ന​വ​യിൽ അധിക​വും ആരോ​ഗ്യാ​വ​ഹ​മായ മനോ​ഭാ​വം വെച്ചു​പു​ലർത്താൻ ആഗ്രഹി​ക്കു​ന്ന​വർക്കു യോജി​ച്ച​വയല്ല.

വിനോ​ദം ബുദ്ധി​പൂർവം തിര​ഞ്ഞെ​ടു​ക്കു​ക

കണ്ണുക​ളി​ലൂ​ടെ മനസ്സിൽ പതിയുന്ന പ്രതി​രൂ​പങ്ങൾ നമ്മുടെ ചിന്ത​യെ​യും പ്രവർത്ത​ന​ങ്ങ​ളെ​യും ശക്തമായി സ്വാധീ​നി​ക്കു​ന്നു. ഉദാഹ​ര​ണ​ത്തിന്‌, അധാർമി​ക​മായ വിനോദ പരിപാ​ടി​കൾ കൊണ്ട്‌ നാം നിരന്തരം മനസ്സിനെ പോഷി​പ്പി​ക്കു​ക​യാ​ണെ​ങ്കിൽ “ദുർന്ന​ടപ്പു വിട്ടു ഓടു​വിൻ” എന്ന ബൈബിൾ കൽപ്പന പാലി​ക്കാ​നുള്ള നമ്മുടെ ദൃഢനി​ശ്ചയം ദുർബ​ല​മാ​യി തീർന്നേ​ക്കാം. (1 കൊരി​ന്ത്യർ 6:18) സമാന​മാ​യി, “ദുഷ്‌പ്ര​വൃ​ത്തി​ക്കാ”രെ ചിത്രീ​ക​രി​ക്കുന്ന വിനോ​ദ​പ​രി​പാ​ടി​കൾ ആസ്വദി​ക്കു​ക​യാ​ണെ​ങ്കിൽ “സകലമ​നു​ഷ്യ​രോ​ടും സമാധാ​ന​മാ​യി​രി”ക്കാൻ നമുക്കു ബുദ്ധി​മുട്ട്‌ അനുഭ​വ​പ്പെ​ടും. (സങ്കീർത്തനം 141:4; റോമർ 12:18) ഇത്‌ ഒഴിവാ​ക്കാൻ നാം “നീചകാ​ര്യ”ങ്ങളിൽനി​ന്നു നമ്മുടെ കണ്ണുകളെ തിരി​ച്ചു​ക​ള​യണം.—സങ്കീർത്തനം 101:3; സദൃശ​വാ​ക്യ​ങ്ങൾ 4:25, 27.

പാരമ്പര്യ സിദ്ധമായ അപൂർണത നിമിത്തം, ശരിയാ​യതു ചെയ്യാൻ നമു​ക്കെ​ല്ലാം കഠിന​മാ​യി പോരാ​ടേണ്ടി വരുന്നു എന്നതു സത്യം​തന്നെ. അപ്പൊ​സ്‌ത​ല​നായ പൗലൊസ്‌ ഇത്‌ തുറന്നു സമ്മതി​ക്കു​ക​യു​ണ്ടാ​യി: “ഉള്ളം​കൊ​ണ്ടു ഞാൻ ദൈവ​ത്തി​ന്റെ ന്യായ​പ്ര​മാ​ണ​ത്തിൽ രസിക്കു​ന്നു. എങ്കിലും എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു; അതു എന്റെ അവയവ​ങ്ങ​ളി​ലുള്ള പാപ​പ്ര​മാ​ണ​ത്തി​ന്നു എന്നെ ബദ്ധനാ​ക്കി​ക്ക​ള​യു​ന്നു.” (റോമർ 7:22, 23) പൗലൊസ്‌ തന്റെ ജഡിക ബലഹീ​ന​ത​കൾക്കു കീഴടങ്ങി എന്നാണോ അതിനർഥം? തീർച്ച​യാ​യും അല്ല! അവൻ പറഞ്ഞു: “ഞാൻ തന്നേ കൊള്ള​രു​താ​ത്ത​വ​നാ​യി പോകാ​തി​രി​ക്കേ​ണ്ട​തി​ന്നു എന്റെ ശരീരത്തെ ദണ്ഡിപ്പി​ച്ചു അടിമ​യാ​ക്കു​ക​യ​ത്രേ ചെയ്യു​ന്നതു.”—1 കൊരി​ന്ത്യർ 9:27.

സമാന​മാ​യി, അപൂർണ​തയെ പാപം ചെയ്യാ​നുള്ള ഒഴിക​ഴി​വാ​യി വീക്ഷി​ക്കാൻ നാം ഒരിക്ക​ലും ആഗ്രഹി​ക്ക​യില്ല. ബൈബിൾ എഴുത്തു​കാ​ര​നായ യൂദാ പറഞ്ഞു: “പ്രിയരേ, . . . വിശു​ദ്ധ​ന്മാർക്കു ഒരിക്ക​ലാ​യി​ട്ടു ഭരമേ​ല്‌പി​ച്ചി​രി​ക്കുന്ന വിശ്വാ​സ​ത്തി​ന്നു വേണ്ടി പോരാ​ടേ​ണ്ട​തി​ന്നു [“ശക്തമായി പോരാ​ടേ​ണ്ട​തി​നു,” NW] പ്രബോ​ധി​പ്പി​ച്ചെ​ഴു​തു​വാൻ ആവശ്യം എന്നു എനിക്കു തോന്നി.” (യൂദാ 3, 4) അതേ, മോശ​മായ കാര്യങ്ങൾ ചെയ്യാൻ പ്രേരി​പ്പി​ക്കുന്ന വിനോ​ദ​പ​രി​പാ​ടി​കൾ ഒഴിവാ​ക്കാൻ നാം “ശക്തമായി പോരാ​ടേണ്ട”തുണ്ട്‌.a

ദിവ്യ മാർഗ​നിർദേശം തേടുക

ഈ വ്യവസ്ഥി​തി​യിൽ ആരോ​ഗ്യാ​വ​ഹ​മായ മാനസിക കാഴ്‌ച​പ്പാട്‌ നട്ടുവ​ളർത്തു​ന്നത്‌ എപ്പോ​ഴും എളുപ്പ​മാ​യി​രി​ക്കു​ക​യില്ല. എന്നാൽ മാനസി​ക​വും ധാർമി​ക​വു​മാ​യി ശുദ്ധി​യു​ള്ള​വ​രാ​യി​രി​ക്കാൻ സാധി​ക്കു​മെന്ന്‌ ബൈബിൾ നമുക്ക്‌ ഉറപ്പു തരുന്നു. എങ്ങനെ? സങ്കീർത്തനം 119:11-ൽ നാം ഇങ്ങനെ വായി​ക്കു​ന്നു: “ഞാൻ നിന്നോ​ടു പാപം ചെയ്യാ​തി​രി​ക്കേ​ണ്ട​തി​ന്നു നിന്റെ വചനത്തെ ഹൃദയ​ത്തിൽ സംഗ്ര​ഹി​ക്കു​ന്നു [“നിധി പോലെ കരുതു​ന്നു,” NW].”

ദൈവ​ത്തി​ന്റെ വചനങ്ങളെ നിധി പോലെ കരുതുക എന്നതിന്റെ അർഥം അവയെ അമൂല്യ​മാ​യി കണക്കാ​ക്കുക അഥവാ അവയ്‌ക്ക്‌ ഉയർന്ന മൂല്യം കൽപ്പി​ക്കുക എന്നാണ്‌. ബൈബി​ളിൽ പറയുന്ന കാര്യങ്ങൾ എന്താണ്‌ എന്ന്‌ അറിയി​ല്ലെ​ങ്കിൽ അതിനെ വിലമ​തി​ക്കാൻ ബുദ്ധി​മു​ട്ടാ​യി​രി​ക്കും. ദൈവ​വ​ച​ന​ത്തി​ന്റെ സൂക്ഷ്‌മ​പ​രി​ജ്ഞാ​നം നേടു​ക​വഴി നാം ദൈവ​ത്തി​ന്റെ വിചാ​രങ്ങൾ ഉൾക്കൊ​ള്ളു​ന്നു. (യെശയ്യാ​വു 55:8, 9; യോഹ​ന്നാൻ 17:3) അത്‌ നമ്മെ ആത്മീയ​മാ​യി സമ്പുഷ്ട​രാ​ക്കു​ക​യും ഉന്നതമായ രീതി​യിൽ ചിന്തി​ക്കാൻ പ്രേരി​പ്പി​ക്കു​ക​യും ചെയ്യും.

ആത്മീയ​വും മാനസി​ക​വു​മാ​യി ആരോ​ഗ്യാ​വ​ഹ​മാ​യത്‌ എന്തെന്നു നിർണ​യി​ക്കാൻ ആശ്രയ​യോ​ഗ്യ​മായ ഏതെങ്കി​ലും അളവു​കോൽ ഉണ്ടോ? ഉണ്ട്‌! അപ്പൊ​സ്‌ത​ല​നായ പൗലൊസ്‌ ഈ ബുദ്ധി​യു​പ​ദേശം നൽകി: “സത്യമാ​യതു ഒക്കെയും ഘനമാ​യതു ഒക്കെയും നീതി​യാ​യതു ഒക്കെയും നിർമ്മ​ല​മാ​യതു ഒക്കെയും രമ്യമാ​യതു ഒക്കെയും സല്‌ക്കീർത്തി​യാ​യതു ഒക്കെയും സൽഗു​ണ​മോ പുകഴ്‌ച​യോ അതു ഒക്കെയും ചിന്തി​ച്ചു​കൊൾവിൻ.”—ഫിലി​പ്പി​യർ 4:8.

എന്നാൽ യഥാർഥ പ്രയോ​ജനം നേടാൻ ദൈവത്തെ കുറി​ച്ചുള്ള പരിജ്ഞാ​നം സമ്പാദി​ക്കു​ന്ന​തി​ലും അധികം ആവശ്യ​മാണ്‌. പ്രവാ​ച​ക​നായ യെശയ്യാവ്‌ ഇങ്ങനെ എഴുതാൻ നിശ്വ​സ്‌ത​നാ​ക്ക​പ്പെട്ടു: “ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഞാൻ തന്നേ.” (യെശയ്യാ​വു 48:17, ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.) അതേ, നാം ദിവ്യ മാർഗ​നിർദേശം തേടി​യാൽ മാത്രം പോരാ, ആ പരിജ്ഞാ​ന​ത്തിന്‌ അനുസ​രി​ച്ചു പ്രവർത്തി​ക്കു​ക​യും വേണം.

ധാർമി​ക​വും ആത്മീയ​വു​മാ​യി പ്രയോ​ജനം അനുഭ​വി​ക്കാ​നുള്ള മറ്റൊരു മാർഗം “പ്രാർത്ഥന കേൾക്കു​ന്ന​വ​നായ” യഹോ​വയെ വിളി​ച്ച​പേ​ക്ഷി​ക്കു​ക​യാണ്‌. (സങ്കീർത്തനം 65:2; 66:19) ആത്മാർഥ​ത​യോ​ടും താഴ്‌മ​യോ​ടും കൂടെ നാം നമ്മുടെ സ്രഷ്‌ടാ​വി​നെ സമീപി​ക്കു​ക​യാ​ണെ​ങ്കിൽ നമ്മുടെ അപേക്ഷ​യ്‌ക്ക്‌ അവൻ ചെവി​ചാ​യ്‌ക്കും. നാം “അവനെ അന്വേ​ഷി​ക്കു​ന്നു എങ്കിൽ . . . അവനെ കണ്ടെത്തും [‘നാം അവനെ കണ്ടെത്താൻ അവൻ ഇടയാ​ക്കും,’ NW].”—2 ദിനവൃ​ത്താ​ന്തം 15:2.

അതു​കൊണ്ട്‌ അക്രമ​വും അധാർമി​ക​ത​യും നിറഞ്ഞ ഈ ലോകത്ത്‌ മാനസിക ആരോ​ഗ്യം നിലനിർത്തുക സാധ്യ​മാ​ണോ? തീർച്ച​യാ​യും! ഈ ലോക​ത്തി​ന്റെ വിനോ​ദങ്ങൾ നമ്മുടെ മനസ്സിനെ മരവി​പ്പി​ക്കാൻ അനുവ​ദി​ക്കാ​തി​രി​ക്കു​ക​യും ദൈവ​വ​ച​ന​ത്തി​ന്റെ പഠനത്തി​ലൂ​ടെ നമ്മുടെ ചിന്താ​പ്രാ​പ്‌തി​കളെ ബലിഷ്‌ഠ​മാ​ക്കു​ക​യും ദിവ്യ​മാർഗ​നിർദേശം തേടു​ക​യും ചെയ്യു​ക​വഴി നമുക്ക്‌ ആരോ​ഗ്യാ​വ​ഹ​മായ മാനസിക കാഴ്‌ച​പ്പാ​ടു നിലനിർത്താ​നാ​കും!

[അടിക്കു​റി​പ്പു​കൾ]

[9-ാം പേജിലെ ആകർഷ​ക​വാ​ക്യം]

“പല കുട്ടി​കൾക്കും ടെലി​വി​ഷൻ പരിപാ​ടി​ക​ളി​ലെ യാഥാർഥ്യ​ത്തെ​യും മിഥ്യ​യെ​യും വേർതി​രി​ച്ച​റി​യാൻ സാധി​ക്കു​ന്നില്ല”

[11-ാം പേജിലെ ആകർഷ​ക​വാ​ക്യം]

“ദശകങ്ങ​ളാ​യി അവതരി​പ്പി​ച്ചു പോരുന്ന അക്രമാ​സ​ക്ത​മായ വിനോ​ദ​പ​രി​പാ​ടി​കൾ പൊതു​ജ​ന​ങ്ങ​ളു​ടെ ധാരണ​ക​ളെ​യും മൂല്യ​ങ്ങ​ളെ​യും മാറ്റി​മ​റി​ച്ചി​രി​ക്കു​ന്നു”

[11-ാം പേജിലെ ചതുരം]

ഹൃദ്രോഗ സാധ്യത കുറയ്‌ക്കൽ

ഹൃ​ദ്രോഗ സാധ്യത കുറയ്‌ക്കാൻ ദ ന്യു​ട്രീ​ഷൻ ആക്ഷൻ ഹെൽത്ത്‌ലെറ്റർ പിൻവ​രുന്ന നടപടി​കൾ നിർദേ​ശി​ക്കു​ന്നു.

• പുകവലി നിറു​ത്തുക. ഇന്നുതന്നെ അത്‌ ഉപേക്ഷി​ക്കു​ക​യാ​ണെ​ങ്കിൽ ഒരു വർഷത്തി​നു​ള്ളിൽ ഹൃ​ദ്രോഗ സാധ്യത കുറയു​ന്ന​താ​യി​രി​ക്കും, തൂക്കം വർധി​ച്ചാൽത​ന്നെ​യും.

• തൂക്കം കുറയ്‌ക്കുക. അമിത തൂക്കം ഉണ്ടെങ്കിൽ അഞ്ചു മുതൽ പത്തു വരെ പൗണ്ട്‌ തൂക്കം കുറയ്‌ക്കു​ന്നത്‌ വലിയ വ്യത്യാ​സം ഉളവാ​ക്കും.

• വ്യായാ​മം ചെയ്യുക. ക്രമമായ വ്യായാ​മം (ചുരു​ങ്ങി​യത്‌ ആഴ്‌ച​യിൽ മൂന്നു തവണ​യെ​ങ്കി​ലും) ഹാനി​ക​ര​മായ കൊള​സ്‌​ട്രോ​ളി​ന്റെ (എൽഡിഎൽ) അളവു കുറയ്‌ക്കു​ന്നു. കൂടാതെ, അത്‌ രക്തസമ്മർദം വർധി​ക്കാ​തി​രി​ക്കാ​നും തൂക്കം അമിത​മാ​യി കൂടാ​തി​രി​ക്കാ​നും സഹായി​ക്കു​ന്നു.

• പൂരിത കൊഴു​പ്പു​കൾ കുറഞ്ഞ അളവിൽ മാത്രം കഴിക്കുക. രക്തത്തിൽ എൽഡിഎൽ-ന്റെ അളവു കൂടു​ത​ലാ​ണെ​ങ്കിൽ കൊഴു​പ്പു കുറഞ്ഞ മാംസം കഴിക്കുക. അതു​പോ​ലെ​തന്നെ, 2 ശതമാനം കൊഴുപ്പ്‌ അടങ്ങിയ പാലിനു പകരം കൊഴു​പ്പു കുറഞ്ഞ​തോ, അതായത്‌ ഒരു ശതമാനം കൊഴുപ്പ്‌ അടങ്ങി​യ​തോ കൊഴു​പ്പു നീക്കി​യ​തോ ആയ, പാൽ കുടി​ക്കുക.

• മദ്യം കഴിക്കു​ന്ന​തിൽ നിയ​ന്ത്രണം ഏർപ്പെ​ടു​ത്തുക. ചുവന്ന വീഞ്ഞ്‌ മിതമായ തോതിൽ കുടി​ക്കു​ന്ന​വർക്ക്‌ ഹൃ​ദ്രോഗ സാധ്യത കുറയാൻ ഇടയു​ണ്ടെ​ന്നു​ള്ള​തി​നു സൂചനകൾ ഉണ്ട്‌.

• ലയിക്കുന്ന തരം നാരുകൾ ധാരാളം അടങ്ങിയ ഭക്ഷണസാ​ധ​നങ്ങൾ, അതായത്‌ പഴവർഗ​ങ്ങ​ളും പച്ചക്കറി​ക​ളും മറ്റും കൂടുതൽ കഴിക്കുക.

[8-ാം പേജിലെ ചിത്രം]

ടിവി-യിലെ അക്രമാ​സക്ത പരിപാ​ടി​കൾ ഒരു കുട്ടി​യു​ടെ മസ്‌തി​ഷ്‌കത്തെ വിഷലി​പ്‌ത​മാ​ക്കു​ന്നു

[9-ാം പേജിലെ ചിത്രം]

ടിവി-യിൽ കാണുന്ന അക്രമ പ്രവർത്ത​നങ്ങൾ കുട്ടികൾ ചില​പ്പോൾ അനുക​രി​ക്കു​ന്നു

[10-ാം പേജിലെ ചിത്രം]

നല്ല വിവരങ്ങൾ അടങ്ങിയ വിവിധ തരം പുസ്‌ത​ക​ങ്ങ​ളും മറ്റും വായി​ക്കാൻ കൊടു​ത്തു​കൊണ്ട്‌ മാതാ​പി​താ​ക്കൾക്കു മക്കളെ സഹായി​ക്കാ​നാ​കും