യുവജ​നങ്ങൾ ചോദി​ക്കു​ന്നു . . .

സങ്കൽപ്പ-കഥാപാ​ത്ര കളികൾ—എന്തെങ്കി​ലും അപകടം പതിയി​രി​ക്കു​ന്നു​ണ്ടോ?

“സങ്കൽപ്പ​ങ്ങ​ളാണ്‌ അതിൽ എല്ലാം. സങ്കൽപ്പ സാമ്രാ​ജ്യ​ത്തിൽ നിങ്ങൾക്കു വേണ​മെ​ങ്കിൽ ഒരു ജാലവി​ദ്യ​ക്കാ​ര​നാ​കാം അല്ലെങ്കിൽ ഒരു യോദ്ധാ​വാ​കാം. ആരെല്ലാം ആകാൻ ആഗ്രഹി​ക്കു​ന്നു​വോ അവരെ​ല്ലാം ആയിത്തീ​രാം. ഇന്നതേ ആകാൻ പാടുള്ളൂ എന്ന അതിർവ​ര​മ്പു​കൾ ആരും വെച്ചി​ട്ടില്ല.”—ക്രി​സ്റ്റോഫ്‌.

“ആകാൻ കഴിയാ​ത്തത്‌ എല്ലാം ആയിത്തീ​രൂ.” ജനസമ്മ​തി​യാർജിച്ച ഒരു സങ്കൽപ്പ-കഥാപാ​ത്ര കളിയെ കുറിച്ചു വിവരി​ക്കു​ന്ന​തി​നി​ട​യിൽ ഒരു മാസിക ഈ പരസ്യ​വാ​ചകം ഉദ്ധരി​ക്കു​ക​യു​ണ്ടാ​യി. സങ്കൽപ്പ-കഥാപാ​ത്ര കളിക​ളു​ടെ കൽപ്പി​ത​ലോ​ക​ത്തി​ലേക്ക്‌ ഊളി​യി​ടു​ന്നത്‌ ലക്ഷക്കണ​ക്കി​നു യുവജ​ന​ങ്ങൾക്ക്‌ ഇന്നൊരു വലിയ ഹരമായി തീർന്നി​രി​ക്കു​ക​യാണ്‌. എന്നാൽ സങ്കൽപ്പ-കഥാപാ​ത്ര കളികൾ വാസ്‌ത​വ​ത്തിൽ എന്താണ്‌?

ഷ്യൂ ഡി റോൾ (സങ്കൽപ്പ-കഥാപാ​ത്ര കളികൾ) എന്ന പുസ്‌തകം പറയുന്നു: “ഓരോ കളിക്കാ​ര​നും ഒരു പ്രത്യേക നിയോ​ഗ​ത്തിൽ അല്ലെങ്കിൽ എന്തി​നെ​ങ്കി​ലും വേണ്ടി​യുള്ള അന്വേ​ഷ​ണ​ത്തിൽ ഏർപ്പെ​ട്ടി​രി​ക്കുന്ന ഒരു ഐതി​ഹാ​സിക കഥാപാ​ത്ര​ത്തി​നു ജീവൻ കൊടു​ക്കു​ന്നു. അങ്ങനെ, സങ്കൽപ്പ​ലോ​ക​ത്തി​ലെ സാഹസി​കത നിറഞ്ഞ ഒരു അനുഭ​വ​ത്തി​ലൂ​ടെ കടന്നു​പോ​കാൻ സ്വയം ഒരുങ്ങു​ന്നു.” നിയോ​ഗം നിറ​വേ​റ്റു​ന്ന​തി​നു വേണ്ട അനുഭ​വ​സ​മ്പത്ത്‌, പണം, ആയുധങ്ങൾ അല്ലെങ്കിൽ മാന്ത്രിക സിദ്ധികൾ എന്നിവ ആർജി​ച്ചെ​ടുത്ത്‌ ഈ സാങ്കൽപ്പിക കഥാപാ​ത്രത്തെ വികസി​പ്പി​ക്കുക എന്നതാണു കളിയു​ടെ ലക്ഷ്യം.

1970-കളിലാണ്‌ സങ്കൽപ്പ-കഥാപാ​ത്ര കളികൾ ജനപ്രീ​തി ആർജി​ച്ചത്‌. ഡൻജി​യൻസ്‌ ആൻഡ്‌ ഡ്രാഗൺസ്‌a എന്ന കളി പ്രചാ​ര​ത്തിൽ വന്നതോ​ടെ ആയിരു​ന്നു അത്‌. അതിനു ശേഷം, ബോർഡ്‌ ഗെയി​മു​കൾ, ട്രേഡിങ്‌ കാർഡു​കൾ, പ്രതി​പ്ര​വർത്തക പുസ്‌ത​കങ്ങൾ (interactive books), കമ്പ്യൂട്ടർ ഗെയി​മു​കൾ, സാഹസി​കത നിറഞ്ഞ ഭാഗങ്ങൾ കളിക്കാർ അഭിന​യി​ച്ചു കാട്ടുന്ന ലൈവ്‌-ആക്ഷൻ ഗെയി​മു​കൾ എന്നിവ ഉൾപ്പെ​ടുന്ന ഈ കളികൾ ദശലക്ഷ​ക്ക​ണ​ക്കി​നു ഡോള​റി​ന്റെ ഒരു വ്യവസാ​യ​മാ​യി വളർന്നി​രി​ക്കു​ന്നു. ഈ കളിയിൽ സ്ഥിരമാ​യി ഏർപ്പെ​ടുന്ന 60 ലക്ഷത്തി​ല​ധി​കം പേർ ഐക്യ​നാ​ടു​ക​ളിൽ തന്നെ ഉണ്ട്‌, യൂറോ​പ്പി​ലും ലക്ഷങ്ങൾ ഇതിൽ ഏർപ്പെ​ടു​ന്നു. ഫ്രാൻസി​ലെ അനേകം ഹൈസ്‌കൂ​ളു​ക​ളിൽ സങ്കൽപ്പ-കഥാപാ​ത്ര കളികൾക്കു വേണ്ടി​യുള്ള ക്ലബ്ബുകൾ ഉണ്ട്‌. ജപ്പാനി​ലാ​ണെ​ങ്കിൽ, ഏറ്റവു​മ​ധി​കം ജനസമ്മ​തി​യുള്ള വീഡി​യോ ഗെയി​മു​കൾ ആണ്‌ ഇവ.

ഈ കളികളെ അനുകൂ​ലി​ക്കു​ന്നവർ പറയു​ന്നത്‌ ഇവ ഭാവനയെ ഉത്തേജി​പ്പി​ക്കു​മെ​ന്നും പ്രശ്‌നങ്ങൾ പരിഹ​രി​ക്കാ​നുള്ള കഴിവു​കൾ വികസി​പ്പി​ക്കു​മെ​ന്നും പരസ്‌പരം ഇടപഴ​കാ​നുള്ള കൂടു​ത​ലായ അവസരം ഒരുക്കി​ത്ത​രും എന്നു​മൊ​ക്കെ​യാണ്‌. ഇതിനെ എതിർക്കു​ന്നവർ പക്ഷേ, ഈ കളികളെ ആത്മഹത്യ, കൊല​പാ​തകം, ബലാത്സം​ഗം, ശവപ്പെട്ടി കുത്തി​ത്തു​റക്കൽ പോലുള്ള ഹീനകാ​ര്യ​ങ്ങൾ, പൈശാ​ചി​ക​ത്വം എന്നിവ​യോ​ടു ബന്ധപ്പെ​ടു​ത്തു​ന്നു. സങ്കൽപ്പ-കഥാപാ​ത്ര കളിയു​ടെ ഇടയിൽ ഒരു 52-കാരനെ കൊല​പ്പെ​ടു​ത്തി എന്ന സംശയ​ത്തി​ന്റെ പേരിൽ സ്‌പെ​യി​നി​ലെ മാഡ്രി​ഡിൽ രണ്ടു യുവാ​ക്കളെ അറസ്റ്റു ചെയ്യു​ക​യു​ണ്ടാ​യി. ജപ്പാനിൽ, അതു​പോ​ലൊ​രു കളിയു​ടെ അന്തിമ​പാ​ദ​ത്തിൽ ഒരു കൗമാ​ര​പ്രാ​യ​ക്കാ​രൻ മാതാ​പി​താ​ക്കളെ കൊല​പ്പെ​ടു​ത്തു​ക​യും സ്വന്തം കൈക്കു​ഴകൾ കീറി​മു​റി​ക്കു​ക​യും ചെയ്‌തു. ഇതെല്ലാം വളരെ അപൂർവ​മാ​യി മാത്രം സംഭവി​ക്കുന്ന കാര്യ​ങ്ങ​ളാണ്‌ എന്നതു ശരിതന്നെ. മിക്ക കളിക്കാ​രും, ബുദ്ധി​ശാ​ലി​ക​ളും മറ്റുള്ള​വ​രോ​ടു നന്നായി ഇണങ്ങി​പ്പോ​കുന്ന സ്വഭാ​വ​ക്കാ​രു​മാണ്‌. എന്നാലും, ക്രിസ്‌തീയ യുവാക്കൾ ഇങ്ങനെ സ്വയം ചോദി​ക്കു​ന്നതു നന്നായി​രി​ക്കും: ‘സങ്കൽപ്പ-കഥാപാ​ത്ര കളികൾ എനിക്കു പറ്റിയ​താ​ണോ? ഞാൻ ജാഗ്രത പാലി​ക്കേണ്ട കാര്യ​മു​ണ്ടോ?’

അക്രമ​വും ഗൂഢവി​ദ്യ​യും

സങ്കൽപ്പ-കഥാപാ​ത്ര കളികൾ അവതര​ണ​ശൈ​ലി​യി​ലും ഉള്ളടക്ക​ത്തി​ലും വളരെ​യ​ധി​കം വ്യത്യാ​സ​പ്പെ​ട്ടി​രി​ക്കു​ന്നു. അനേകം കളിക​ളി​ലും—എല്ലാറ്റി​ലും ഇല്ലെങ്കി​ലും—അക്രമം ഉൾപ്പെ​ട്ടി​രി​ക്കു​ന്നു. ഈ കളികൾ സൃഷ്ടി​ക്കുന്ന സങ്കൽപ്പ​പ്ര​പ​ഞ്ച​ങ്ങ​ളിൽ, മുന്നേ​റു​ന്ന​തിന്‌ അല്ലെങ്കിൽ അതിജീ​വി​ക്കു​ന്ന​തിന്‌ അക്രമം പലപ്പോ​ഴും ഒഴിച്ചു​കൂ​ടാ​നാ​കാത്ത ഒരു ഘടകമാണ്‌. അങ്ങനെ​യാ​ണെ​ങ്കിൽ, അത്തരം കളികൾ ബൈബി​ളി​ന്റെ അനുശാ​സ​ന​വു​മാ​യി എങ്ങനെ യോജി​ക്കാ​നാണ്‌? സദൃശ​വാ​ക്യ​ങ്ങൾ 3:31 ഇപ്രകാ​രം പറയുന്നു: “അക്രമി​യോട്‌ അസൂയ​പ്പെ​ട​രുത്‌, നീ അവന്റെ പെരു​മാ​റ്റം അനുക​രി​ക്കു​ക​യും അരുത്‌.” (പുതിയ യെരു​ശ​ലേം ബൈബിൾ) അക്രമം അല്ല, ‘സമാധാ​നം അന്വേ​ഷി​ച്ചു പിന്തു​ട​രാൻ’ ആണ്‌ ബൈബിൾ നമ്മെ പ്രചോ​ദി​പ്പി​ക്കു​ന്നത്‌.—1 പത്രൊസ്‌ 3:11.

പരിഗ​ണി​ക്കേണ്ട മറ്റൊരു സംഗതി, മിക്ക​പ്പോ​ഴും ഈ കളിക​ളിൽ മന്ത്രവാ​ദ​ത്തിന്‌ ഒരു ഗണ്യമായ സ്ഥാനം തന്നെയുണ്ട്‌ എന്നതാണ്‌. പലപ്പോ​ഴും കളിക്കാർക്ക്‌ ക്ഷുദ്ര​ക്കാ​രോ അല്ലെങ്കിൽ മന്ത്രശ​ക്തി​യുള്ള മറ്റാ​രെ​ങ്കി​ലു​മോ ആയി അഭിന​യി​ക്കാൻ കഴിയും. അപ്പോൾ, ശത്രു​ക്കളെ നേരി​ടു​ന്ന​തിന്‌ അല്ലെങ്കിൽ മുന്നിലെ തടസ്സങ്ങൾ നീക്കു​ന്ന​തിന്‌ അവർ ഗൂഢവി​ദ്യ ഉപയോ​ഗി​ക്കു​ന്നു. ജനപ്രീ​തി​യാർജിച്ച ഒരു കളിയിൽ “കളിക്കാർക്ക്‌ പ്രധാ​ന​ദൂ​ത​ന്മാ​രു​ടെ സേവക​രായ മാലാ​ഖ​മാ​രാ​യോ ഭൂത രാജകു​മാ​ര​ന്മാ​രു​ടെ സേവക​രായ ഭൂതങ്ങ​ളാ​യോ അഭിന​യി​ക്കാൻ സാധി​ക്കും . . . കളിയി​ലെ ദൈവ​നി​ന്ദാ​പ​ര​മായ ധ്വനി അതിനെ രസകര​മാ​ക്കി​ത്തീർക്കു​ന്നു.” ഒരു കമ്പ്യൂട്ടർ കളിയിൽ “സാത്താൻ” എന്ന പദം വെറുതെ ടൈപ്പു ചെയ്‌താൽ ആ കളിക്കാ​രനു കളിയിൽ പൂർണ ആധിപ​ത്യം പുലർത്താൻ കഴിയും.

എന്നിരു​ന്നാ​ലും, ഇത്തരം കളിക​ളിൽ ഒരുപാ​ടു സമയം ചെലവി​ടാ​ത്തി​ട​ത്തോ​ളം കാലം കുഴപ്പ​മൊ​ന്നു​മില്ല എന്നു ചില ക്രിസ്‌തീയ യുവജ​നങ്ങൾ ന്യായ​വാ​ദം ചെയ്‌തി​ട്ടുണ്ട്‌. ഒരു യുവാവ്‌ ഇങ്ങനെ പറയുന്നു: “അതു വെറു​മൊ​രു കളിയാണ്‌.” ശരിയാ​യി​രി​ക്കാം. പക്ഷേ, ഗൂഢവി​ദ്യ​ക​ളിൽ ഏർപ്പെ​ടു​ന്ന​തിന്‌ എതിരെ ദൈവം ഇസ്രാ​യേ​ല്യർക്കു മുന്നറി​യി​പ്പു നൽകി. മോ​ശെക്കു നൽകിയ ന്യായ​പ്ര​മാ​ണ​ത്തിൽ “പ്രശ്‌ന​ക്കാ​രൻ, മുഹൂർത്ത​ക്കാ​രൻ, ആഭിചാ​രകൻ, ക്ഷുദ്ര​ക്കാ​രൻ, മന്ത്രവാ​ദി, വെളി​ച്ച​പ്പാ​ടൻ, ലക്ഷണം പറയു​ന്നവൻ, അഞ്‌ജ​ന​ക്കാ​രൻ എന്നിങ്ങ​നെ​യു​ള്ള​വരെ നിങ്ങളു​ടെ ഇടയിൽ കാണരു​തു. ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വെക്കു വെറുപ്പു ആകുന്നു” എന്നു വ്യക്തമാ​ക്കി​യി​രി​ക്കു​ന്നു.—ആവർത്ത​ന​പു​സ്‌തകം 18:10-12.

അങ്ങനെ​യെ​ങ്കിൽ, ഗൂഢവി​ദ്യ​യെ പ്രോ​ത്സാ​ഹി​പ്പി​ക്കുന്ന ഏതെങ്കി​ലും ഒരു കളിയിൽ ഏർപ്പെ​ടു​ന്നതു ബുദ്ധി ആയിരി​ക്കു​മോ? മന്ത്രശ​ക്തി​യുള്ള കഥാപാ​ത്ര​ങ്ങ​ളാ​യി അഭിന​യി​ക്കു​ന്നത്‌ “‘സാത്താന്റെ ആഴമേ​റിയ രഹസ്യ​ങ്ങ​ളി​ലേക്ക്‌’” കുഴി​ച്ചി​റ​ങ്ങു​ന്ന​തി​നു തുല്യ​മാ​കി​ല്ലേ? (വെളി​പ്പാട്‌ 2:24, ഓശാന ബൈബിൾ) ഒരു യുവാവ്‌ ഇങ്ങനെ സമ്മതിച്ചു പറയുന്നു: “ദിവസം മുഴുവൻ സങ്കൽപ്പ-കഥാപാ​ത്ര കളിയിൽ ഏർപ്പെ​ട്ട​തി​നു ശേഷം എനിക്കു വീട്ടിൽ നിന്നു പുറത്തി​റ​ങ്ങാൻതന്നെ പേടി​യാ​യി​രു​ന്നു. ആരെങ്കി​ലും എന്നെ ആക്രമി​ക്കും എന്ന തോന്ന​ലാ​യി​രു​ന്നു എനിക്ക്‌.” വാസ്‌ത​വ​ത്തിൽ സപ്‌ത​നാ​ഡി​ക​ളെ​യും തളർത്തി​ക്ക​ള​യുന്ന അത്തരം ഭയം ഉളവാ​ക്കുന്ന എന്തെങ്കി​ലും ആരോ​ഗ്യാ​വ​ഹ​മാ​യി​രി​ക്കു​മോ?

മറ്റു ഘടകങ്ങൾ

“കാലം ചുരു​ങ്ങി​യി​രി​ക്കു​ന്നു” എന്ന്‌ 1 കൊരി​ന്ത്യർ 7:29-ൽ ബൈബിൾ നമ്മെ ഓർമി​പ്പി​ക്കു​ന്നു. ഈ കളിക​ളു​ടെ മറ്റൊരു ദൂഷ്യ​വശം ഇവ മിക്ക​പ്പോ​ഴും വളരെ​യ​ധി​കം സമയം കവർന്നെ​ടു​ക്കു​ന്നു എന്നതാണ്‌. ഇവയിൽ ചിലതു കളിച്ചു​തീ​രു​ന്ന​തിന്‌ മണിക്കൂ​റു​കൾ, ദിവസങ്ങൾ, എന്തിന്‌ ആഴ്‌ചകൾ പോലും എടു​ത്തേ​ക്കാം. അതുമാ​ത്ര​മോ, കഥാപാ​ത്രത്തെ അങ്ങേയറ്റം ഉൾക്കൊ​ള്ളു​ന്നതു കൊണ്ട്‌ കളി​യോട്‌ ഒരുതരം ആസക്തി ഉടലെ​ടു​ത്തേ​ക്കാം. അങ്ങനെ, മറ്റെന്തും ഇതു കഴിഞ്ഞേ ഉള്ളൂ എന്ന ഒരു അവസ്ഥതന്നെ സംജാ​ത​മാ​യേ​ക്കാം. ഒരു യുവാവ്‌ ഇപ്രകാ​രം സമ്മതി​ക്കു​ന്നു: “കളിയു​ടെ ഓരോ ഘട്ടം കഴിയു​മ്പോ​ഴും എനിക്കു കുറെ​ക്കൂ​ടി കടുത്ത വെല്ലു​വി​ളി​കൾ വേണ​മെ​ന്നാ​യി, യഥാർഥ ജീവി​ത​വു​മാ​യി കുറെ​ക്കൂ​ടി ഇണങ്ങുന്ന വിധത്തിൽ അഭിന​യി​ക്ക​ണ​മെ​ന്നാ​യി. ഞാൻ ശരിക്കും അതിന്‌ അടിമ​യാ​യി കഴിഞ്ഞി​രു​ന്നു.” അത്തരം ആസക്തി ഒരു യുവാ​വി​ന്റെ പഠന​ത്തെ​യും ആത്മീയ പ്രവർത്ത​ന​ങ്ങ​ളെ​യും എപ്രകാ​ര​മാ​യി​രി​ക്കും ബാധി​ക്കുക?—എഫെസ്യർ 5:15-17.

ജപ്പാനി​ലെ ഒരു യുവാവ്‌ ഇങ്ങനെ അനുസ്‌മ​രി​ക്കു​ന്നു: “കളിയി​ലെ അടുത്ത നീക്കം എന്തായി​രി​ക്കണം എന്നതിനെ കുറി​ച്ചാ​യി​രു​ന്നു ഏതു നേരവും എന്റെ ചിന്ത, കളിക്കാ​തി​രി​ക്കു​മ്പോൾ പോലും. സ്‌കൂ​ളിൽ ആണെങ്കി​ലും യോഗ​സ്ഥ​ലത്ത്‌ ആണെങ്കി​ലും കളിയെ കുറി​ച്ചുള്ള ചിന്ത മാത്ര​മാ​യി​രു​ന്നു എന്റെ മനസ്സിൽ. അങ്ങനെ മറ്റൊ​ന്നും ചിന്തി​ക്കാൻ കഴിയാത്ത ഒരു അവസ്ഥയിൽ എത്തി​ച്ചേർന്നു ഞാൻ. എന്റെ ആത്മീയത താറു​മാ​റാ​യി.” തുടക്ക​ത്തിൽ പരാമർശിച്ച ക്രി​സ്റ്റോഫ്‌ താൻ “ഈ ലോക​ത്തെ​ങ്ങും അല്ലാത്ത” ഒരു അവസ്ഥയി​ലാ​യി തീർന്നി​രു​ന്ന​തി​നെ കുറിച്ചു പറയുന്നു. ‘ചിരി​പ്പാ​നും നൃത്തം​ചെ​യ്‌വാ​നും ഒരു കാലം’ ഉണ്ട്‌ എന്നുള്ളതു സത്യമാണ്‌. പക്ഷേ, ആത്മീയ പ്രവർത്ത​ന​ങ്ങൾക്ക്‌ ഒട്ടും നേരമി​ല്ലാ​ത്ത​വി​ധം വിനോ​ദ​ങ്ങ​ളിൽ മുഴു​കു​ന്നത്‌ ശരിയാ​ണോ?—സഭാ​പ്ര​സം​ഗി 3:4.

ഈ കളികൾ എത്തരം ആത്മാവി​നെ ആണ്‌ ഉന്നമി​പ്പി​ക്കു​ന്നത്‌ എന്ന കാര്യ​വും പരിചി​ന്തി​ക്കുക. സങ്കൽപ്പ-കഥാപാ​ത്ര കളികളെ ഫ്രാൻസി​ലെ ഒരു മാസിക പിൻവ​രുന്ന വാക്കു​ക​ളിൽ വർണി​ക്കു​ക​യു​ണ്ടാ​യി: “രക്തം ഉറഞ്ഞു​പോ​കുന്ന തരത്തി​ലുള്ള, ലോകത്തെ സംബന്ധിച്ച നിങ്ങളു​ടെ വീക്ഷണം എന്നേക്കു​മാ​യി മാറ്റി​മ​റി​ക്കാൻ പോന്ന, അധഃപ​തി​ച്ച​തും അനാ​രോ​ഗ്യ​ക​ര​മാ​യ​തും ദുഷി​ച്ച​തു​മായ കുറെ അനുഭ​വ​ങ്ങ​ളാ​കും അവ നിങ്ങൾക്കു സമ്മാനി​ക്കുക.” അത്തരം ആത്മാവ്‌ “തിന്മെക്കു ശിശുക്കൾ ആയിരി​പ്പിൻ” എന്ന ബൈബിൾ ബുദ്ധി​യു​പ​ദേ​ശ​ത്തി​നു ചേർച്ച​യി​ലാ​ണോ? (1 കൊരി​ന്ത്യർ 14:20) താൻ ഏർപ്പെ​ട്ടി​രുന്ന കളികൾ “ക്രിസ്‌തീയ ധാർമി​ക​ത​യ്‌ക്കു ചേർച്ച​യിൽ അല്ലായി​രു​ന്നു​വെന്ന” നിഗമ​ന​ത്തിൽ ക്രി​സ്റ്റോഫ്‌ ഒടുവിൽ എത്തി​ച്ചേർന്നു. അവൻ പറയുന്നു: “പ്രസം​ഗ​പ്ര​വർത്തനം, യോഗങ്ങൾ, ക്രിസ്‌തീയ സ്‌നേഹം പോലുള്ള പ്രയോ​ജ​ന​ക​ര​മായ കാര്യ​ങ്ങളെ കുറി​ച്ചുള്ള പഠനം തുടങ്ങി​യ​വ​യിൽ എല്ലാം പങ്കെടു​ക്കു​മ്പോൾ തന്നെ ഞാൻ ക്രിസ്‌ത്യാ​നി​ത്വ​വു​മാ​യി ഒട്ടും ചേർന്നു പോകാത്ത ഒരു സങ്കൽപ്പ-കഥാപാ​ത്ര​മാ​യി അഭിന​യി​ക്കു​ക​യു​മാ​യി​രു​ന്നു. അത്‌ ഒട്ടും ശരിയാ​യി​രു​ന്നില്ല.”

മിഥ്യ​യോ യാഥാർഥ്യ​മോ?

യാഥാർഥ്യ​ത്തിൽ നിന്ന്‌ ഒളി​ച്ചോ​ടു​ന്ന​തി​നു വേണ്ടി​യാ​ണു മിക്ക യുവാ​ക്ക​ളും ഈ കളിക​ളിൽ ഏർപ്പെ​ടു​ന്നത്‌. എന്നിരു​ന്നാ​ലും, ഒരു മായി​ക​ലോ​ക​ത്തിൽ സ്വയം മറന്നു ജീവി​ക്കു​ന്നത്‌ ആരോ​ഗ്യ​ക​ര​മാ​യി​രി​ക്കു​മോ? ഫ്രഞ്ച്‌ സാമൂ​ഹിക ശാസ്‌ത്ര​ജ്ഞ​നായ ലോറാൻ ട്രേമെൽ ഇപ്രകാ​രം അഭി​പ്രാ​യ​പ്പെ​ടു​ന്നു: “ഭാവിയെ സംബന്ധിച്ച അനിശ്ചി​ത​ത്വം മുഖമു​ദ്ര ആയുള്ള യഥാർഥ ലോക​ത്തിന്‌ . . . നേരെ വിപരീ​ത​മാണ്‌ യഥാർഥ​മെന്നു തോന്നി​പ്പി​ക്കുന്ന സങ്കൽപ്പ​ലോ​ക​ങ്ങ​ളി​ലെ ജീവിതം. ക്രമേണ നിങ്ങൾക്ക്‌ അതിലെ സർവ നിയമ​ങ്ങ​ളും പഠി​ച്ചെ​ടു​ക്കാ​നാ​കും എന്നു മാത്രമല്ല നിങ്ങളെ പോലെ തന്നെയോ നിങ്ങൾ ആരാകാൻ ആഗ്രഹി​ക്കു​ന്നു​വോ ആ വ്യക്തിയെ പോ​ലെ​യോ ഉള്ള ഒരു കഥാപാ​ത്ര​ത്തി​നു ജീവൻ നൽകാ​നും കഴിയും.” മാനസിക ആരോഗ്യ വിദഗ്‌ധ​യായ എറ്റി ബ്യൂസിൻ ഇങ്ങനെ കൂട്ടി​ച്ചേർക്കു​ന്നു: “ഈ കളിയിൽ ഏർപ്പെ​ടു​മ്പോൾ യുവാ​ക്ക​ളു​ടെ വിചാരം, ലോകത്തെ ഉടച്ചു വാർക്കാൻ പോന്ന ഒരു അപകടം പിടിച്ച ജീവി​ത​മാ​ണു തങ്ങൾ നയിക്കു​ന്നത്‌ എന്നാണ്‌. എന്നാൽ വാസ്‌ത​വ​ത്തിൽ അതും വെറും തോന്ന​ലാണ്‌. അവർ സമൂഹ​ത്തിൽ നിന്നും അതിന്റെ കൂച്ചു​വി​ല​ങ്ങു​ക​ളിൽ നിന്നും പലായനം ചെയ്യുക മാത്ര​മാ​ണു ചെയ്യു​ന്നത്‌.”

ആത്യന്തി​ക​മാ​യി അത്തരം ഒളി​ച്ചോ​ട്ടം ഒരുവനെ നിരാ​ശ​യി​ലാ​ഴ്‌ത്തുക മാത്ര​മാ​യി​രി​ക്കും ചെയ്യുക. കാരണം, കളി തീർന്നാ​ലും ജീവി​ത​ത്തി​ന്റെ കയ്‌പേ​റിയ യാഥാർഥ്യ​ങ്ങൾ പിന്നെ​യും ബാക്കി കിടക്കു​ന്നു​ണ്ടാ​കും. ഇവയെ ഒടുവിൽ നേരിട്ടേ പറ്റൂ. ഒരു സാങ്കൽപ്പിക കഥാപാ​ത്ര​മെന്ന നിലയിൽ എത്രമാ​ത്രം വിജയി​ച്ചാ​ലും എത്രമാ​ത്രം സാഹസി​കത പ്രകട​മാ​ക്കി​യാ​ലും, ജീവിതം സമ്പൂർണ പരാജ​യ​മാ​യി മാറു​ന്ന​തി​ന്റെ അല്ലെങ്കിൽ ജീവി​ത​ത്തിൽ ഉയരങ്ങൾ താണ്ടാ​നാ​കാ​തെ വരുന്ന​തി​ന്റെ കുറവ്‌ അതു നികത്തു​ക​യില്ല. ചെയ്യേണ്ട ശരിയായ സംഗതി, ജീവിത യാഥാർഥ്യ​ങ്ങളെ ചങ്കുറ​പ്പോ​ടെ നേരി​ടുക എന്നതാണ്‌! യഥാർഥ ജീവിത സാഹച​ര്യ​ങ്ങളെ നേരി​ട്ടു​കൊണ്ട്‌ നിങ്ങളു​ടെ ഗ്രഹണ​പ്രാ​പ്‌തി​കൾക്കു മൂർച്ച​കൂ​ട്ടുക. (എബ്രായർ 5:14, NW) പ്രശ്‌ന​ങ്ങളെ നേരി​ടു​ന്ന​തി​നു നിങ്ങളെ പ്രാപ്‌ത​നാ​ക്കുന്ന ആത്മീയ ഗുണങ്ങൾ വളർത്തി​യെ​ടു​ക്കുക. (ഗലാത്യർ 5:22, 23) അങ്ങനെ ചെയ്യു​ന്നത്‌ ഏതെങ്കി​ലും ഒരു കളിയിൽ ഏർപ്പെ​ടു​ന്ന​തി​നെ​ക്കാൾ വളരെ​യ​ധി​കം സന്തുഷ്ടി പകർന്നു തരും എന്നു മാത്രമല്ല, പ്രതി​ഫ​ല​ദാ​യ​ക​വും ആയിരി​ക്കും.

സങ്കൽപ്പ-കഥാപാ​ത്ര​മാ​യുള്ള അഭിനയം ഉൾപ്പെ​ടുന്ന എല്ലാ കളിക​ളും ദോഷം ചെയ്യും എന്ന്‌ ഇതിന്‌ അർഥമില്ല. ബൈബിൾ കാലങ്ങ​ളിൽ പോലും, കൊച്ചു​കു​ട്ടി​കൾ കുറ​ച്ചൊ​ക്കെ ഭാവന​യും സങ്കൽപ്പ-കഥാപാ​ത്ര​മാ​യുള്ള അഭിന​യ​വും ഉൾപ്പെ​ട്ടി​രുന്ന കളികൾ കളിക്കു​മാ​യി​രു​ന്നു. യേശു ഇത്തരം കളികൾ നിരീ​ക്ഷി​ച്ചി​ട്ടു​ള്ള​താ​യി ബൈബിൾ രേഖ​പ്പെ​ടു​ത്തു​ന്നു. (ലൂക്കൊസ്‌ 7:32) നിഷ്‌ക​ള​ങ്ക​മായ വിനോ​ദ​ങ്ങളെ യേശു കുറ്റം വിധി​ച്ചില്ല. എന്നിരു​ന്നാ​ലും, ക്രിസ്‌തീയ യുവജ​ന​ങ്ങ​ളും അവരുടെ മാതാ​പി​താ​ക്ക​ളും “കർത്താ​വി​ന്നു പ്രസാ​ദ​മാ​യതു എന്തെന്നു പരി​ശോ​ധി​ച്ചു​കൊ”ണ്ടേയി​രി​ക്കണം. (എഫെസ്യർ 5:9) ഒരു കളിയിൽ ഏർപ്പെ​ടു​ന്ന​തി​നെ കുറിച്ചു ചിന്തി​ക്കു​മ്പോൾ, നിങ്ങ​ളോ​ടു തന്നെ ചോദി​ക്കുക: ‘അതു “ജഡത്തിന്റെ പ്രവൃ​ത്തിക”ളെയാ​ണോ പ്രതി​ഫ​ലി​പ്പി​ക്കു​ന്നത്‌? ദൈവ​വു​മാ​യുള്ള എന്റെ ബന്ധത്തെ അതു തടസ്സ​പ്പെ​ടു​ത്തു​മോ?’ (ഗലാത്യർ 5:19-21) ഇത്തരം സംഗതി​കൾ പരിചി​ന്തി​ക്കുക വഴി സങ്കൽപ്പ-കഥാപാ​ത്ര കളികളെ സംബന്ധിച്ച്‌ ബുദ്ധി​പൂർവ​ക​മായ ഒരു തീരു​മാ​ന​മെ​ടു​ക്കാൻ നിങ്ങൾക്കു കഴിയും.

[അടിക്കു​റി​പ്പു​കൾ]

[13-ാം പേജിലെ ചിത്രങ്ങൾ]

ചില സങ്കൽപ്പ-കഥാപാ​ത്ര കളികൾ ഏതു തരത്തി​ലുള്ള ആത്മാവി​നെ ആണ്‌ ഉന്നമി​പ്പി​ക്കു​ന്നത്‌?