അധ്യായം 11

ജീവന്റെ പുസ്‌ത​ക​ത്തിൽ നിങ്ങളു​ടെ പേരു​ണ്ടോ?

സർദിസ്‌

1. സർദി​സി​ലെ സഭയുടെ ആത്മീയ അവസ്ഥ എന്താണ്‌, യേശു തന്റെ സന്ദേശം എങ്ങനെ തുടങ്ങു​ന്നു?

ആധുനിക ആഖിസാ​റിന്‌ (തുയ​ഥൈര) ഏതാണ്ട്‌ 30 മൈൽ തെക്കാണ്‌ മഹത്ത്വീ​ക​രി​ക്ക​പ്പെട്ട യേശു​വിൽ നിന്നും സന്ദേശം ലഭിക്കേണ്ട അടുത്ത സഭയുടെ, സർദി​സി​ന്റെ സ്ഥാനം. നമ്മുടെ പൊതു​യു​ഗ​ത്തി​നു മുമ്പ്‌ ആറാം നൂററാ​ണ്ടിൽ ഈ നഗരം പുരാതന ലിഡിയ രാജ്യ​ത്തി​ന്റെ പ്രശസ്‌ത​മായ തലസ്ഥാ​ന​വും വളരെ സമ്പന്നനാ​യി​രുന്ന ക്രോ​യി​സസ്‌ രാജാ​വി​ന്റെ ആസ്ഥാന​വു​മാ​യി​രു​ന്നു. യോഹ​ന്നാ​ന്റെ നാളാ​യ​പ്പോ​ഴേക്ക്‌ അതു കഷ്ടകാ​ല​ങ്ങ​ളിൽ അകപ്പെ​ട്ടി​രി​ക്ക​യാണ്‌. ക്രോ​യി​സ​സി​ന്റെ കീഴിലെ അതിന്റെ മുൻപ്ര​താ​പം വെറും ചരി​ത്ര​മാണ്‌. അതു​പോ​ലെ​തന്നെ അവിടത്തെ ക്രിസ്‌തീയ സഭ ആത്മീയ​മാ​യി ദരി​ദ്ര​മാ​യി​ത്തീർന്നി​രി​ക്കു​ന്നു. ഇതാദ്യ​മാ​യി യേശു തന്റെ സന്ദേശം ഒരു അഭിന​ന്ദ​ന​വാ​ക്കോ​ടെ തുടങ്ങു​ന്നില്ല. പകരം അവൻ പറയുന്നു: “സർദ്ദി​സി​ലെ സഭയുടെ ദൂതന്നു എഴുതുക. ദൈവ​ത്തി​ന്റെ ഏഴാത്മാ​വും ഏഴു നക്ഷത്ര​വും ഉളളവൻ അരുളി​ച്ചെ​യ്യു​ന്നതു: ഞാൻ നിന്റെ പ്രവൃത്തി അറിയു​ന്നു. ജീവനു​ള​ളവൻ എന്നു നിനക്കു പേർ ഉണ്ടു എങ്കിലും നീ മരിച്ച​വ​നാ​കു​ന്നു.”—വെളി​പ്പാ​ടു 3:1.

2. (എ) യേശു​വിന്‌ ‘ഏഴാത്മാവ്‌’ ഉണ്ടെന്നു​ള​ളതു സർദി​സി​ലെ ക്രിസ്‌ത്യാ​നി​കൾക്ക്‌ എന്തു പ്രാധാ​ന്യ​മു​ള​ള​താണ്‌? (ബി) സർദിസ്‌ സഭയ്‌ക്ക്‌ എന്തു ഖ്യാതി​യു​ണ്ടാ​യി​രു​ന്നു, എന്നാൽ വസ്‌തു​തകൾ എന്തായി​രു​ന്നു?

² ‘ഏഴ്‌ ആത്മാവു​ള​ളവൻ’ എന്ന്‌ യേശു സ്വയം തിരി​ച്ച​റി​യി​ക്കു​ന്നത്‌ എന്തു​കൊണ്ട്‌? എന്തു​കൊ​ണ്ടെ​ന്നാൽ ഈ ഏഴാത്മാവ്‌ യഹോ​വ​യു​ടെ പരിശു​ദ്ധാ​ത്മാവ്‌ അതിന്റെ തികവിൽ ഒഴുകു​ന്ന​തി​നെ പ്രതീ​ക​പ്പെ​ടു​ത്തു​ന്നു. ദൈവ​ത്തി​ന്റെ പരിശു​ദ്ധാ​ത്മാവ്‌ യേശു​വി​നു നൽകുന്ന കൂർമ​ത​യു​ളള കാഴ്‌ച​ശ​ക്തി​യെ സൂചി​പ്പി​ച്ചു​കൊണ്ട്‌ യോഹ​ന്നാൻ “ഏഴു കണ്ണു” എന്നനി​ല​യി​ലും അവയെ പിന്നീടു വർണി​ക്കു​ന്നു. (വെളി​പ്പാ​ടു 5:6) അങ്ങനെ, സ്ഥിതി​ചെ​യ്യുന്ന ഏത്‌ അവസ്ഥയു​ടെ​യും മറ നീക്കു​ന്ന​തി​നും അതു കൈകാ​ര്യം ചെയ്യു​ന്ന​തി​നും അവൻ പ്രാപ്‌ത​നാണ്‌. (മത്തായി 10:26; 1 കൊരി​ന്ത്യർ 4:5) ജീവനു​ളള, കർമനി​ര​ത​മായ എന്ന ഖ്യാതി സർദിസ്‌ സഭയ്‌ക്കു​ണ്ടാ​യി​രു​ന്നു. എങ്കിലും അത്‌ ആത്മീയ​മാ​യി മരിച്ച​താ​ണെന്ന്‌ യേശു​വി​നു കാണാൻ കഴിയു​ന്നു. പ്രത്യ​ക്ഷ​ത്തിൽ, അതിലെ മിക്ക അംഗങ്ങ​ളും അവർ ക്രിസ്‌ത്യാ​നി​ക​ളാ​യി​ത്തീ​രു​ന്ന​തി​നു മുമ്പത്തെ അവസ്ഥക്കു സമാന​മായ ഒരു ഉദാസീ​ന​ത​യി​ലേക്കു വഴുതി​വീ​ണി​രി​ക്കു​ന്നു.—താരത​മ്യം ചെയ്യുക: എഫെസ്യർ 2:1-3; എബ്രായർ 5:11-14.

3. (എ) യേശു​വിന്‌ ‘ഏഴു നക്ഷത്രം’ ഉണ്ടെന്നു​ളള വസ്‌തുത “സർദ്ദി​സി​ലെ സഭയുടെ ദൂത”ൻ പ്രത്യേ​കം കുറി​ക്കൊ​ളേ​ള​ണ്ടത്‌ എന്തു​കൊണ്ട്‌? (ബി) സർദി​സി​ലെ സഭയ്‌ക്ക്‌ യേശു എന്തു ശക്തമായ ബുദ്ധ്യു​പ​ദേശം കൊടു​ക്കു​ന്നു?

³ “സർദ്ദി​സി​ലെ സഭയുടെ ദൂത”നെ താൻ ‘ഏഴു നക്ഷത്രം’ ഉളളവ​നാ​ണെ​ന്നും യേശു ഓർമ​പ്പെ​ടു​ത്തു​ന്നു. മേയിക്കൽ വേലയിൽ സഭാമൂ​പ്പൻമാ​രെ നയിക്കാൻ അധികാ​രം ഉളളവ​നാ​യി​രു​ന്നു​കൊണ്ട്‌ യേശു അവരെ തന്റെ വലങ്കയ്യിൽ പിടി​ച്ചി​രി​ക്കു​ന്നു. അവർ ‘വസ്‌തു​നി​ഷ്‌ഠ​മാ​യി ആടുക​ളു​ടെ അവസ്ഥ അറിയു​ന്ന​തിന്‌’ തങ്ങളുടെ ഹൃദയങ്ങൾ പതിപ്പി​ക്ക​ണ​മാ​യി​രു​ന്നു. (സദൃശ​വാ​ക്യ​ങ്ങൾ 27:23) അതിനാൽ അവർ യേശു​വി​ന്റെ അടുത്ത വാക്കുകൾ സൂക്ഷ്‌മ​മാ​യി ശ്രദ്ധി​ക്കു​ന്നത്‌ കൊള​ളാം: “ഉണർന്നു​കൊൾക; ചാവാ​റായ ശേഷി​പ്പു​കളെ ശക്തീക​രിക്ക; ഞാൻ നിന്റെ പ്രവൃത്തി എന്റെ ദൈവ​ത്തി​ന്റെ സന്നിധി​യിൽ പൂർണ്ണ​ത​യു​ള​ള​താ​യി കണ്ടില്ല. ആകയാൽ നീ പ്രാപി​ക്ക​യും കേൾക്ക​യും ചെയ്‌തതു എങ്ങനെ എന്നു ഓർത്തു അതു കാത്തു​കൊൾക​യും മാനസാ​ന്ത​ര​പ്പെ​ടു​ക​യും ചെയ്‌ക. നീ ഉണരാ​തി​രു​ന്നാൽ ഞാൻ കളള​നെ​പ്പോ​ലെ വരും; ഏതു നാഴി​കെക്കു നിന്റെ​മേൽ വരും എന്നു നീ അറിക​യും ഇല്ല.”—വെളി​പ്പാ​ടു 3:2, 3.

4. “ശേഷി​പ്പു​കളെ ശക്തീകരി”ക്കുന്നതിന്‌ പത്രോ​സി​ന്റെ വാക്കുകൾ സർദിസ്‌ സഭയെ സഹായി​ക്കു​മാ​യി​രു​ന്നത്‌ എങ്ങനെ?

⁴ സത്യം പഠിച്ച​പ്പോൾ തങ്ങൾക്കാ​ദ്യം ഉണ്ടായ സന്തോ​ഷ​വും അപ്പോൾ ലഭിച്ച അനു​ഗ്ര​ഹ​ങ്ങ​ളും സർദി​സി​ലെ മൂപ്പൻമാർ ഓർമി​ക്കേ​ണ്ട​തുണ്ട്‌. എന്നാൽ ഇപ്പോൾ ആത്മീയ​പ്ര​വർത്തനം സംബന്ധിച്ച്‌ അവർ മരിച്ച​വ​രാ​കു​ന്നു. വിശ്വാ​സ​ത്തി​ന്റെ പ്രവൃ​ത്തി​ക​ളു​ടെ അഭാവം നിമിത്തം അവരുടെ സഭാവി​ളക്ക്‌ മിന്നി​മി​ന്നി​ക്ക​ത്തു​ക​യാണ്‌. യോഹ​ന്നാ​ന്റെ ദർശന​ത്തിൽ ഏഴാത്മാ​ക്ക​ളാൽ പ്രതി​നി​ധാ​നം ചെയ്യപ്പെട്ട “സ്വർഗ്ഗ​ത്തിൽനി​ന്നു അയച്ച പരിശു​ദ്ധാ​ത്മാ​വി​നാൽ” ഘോഷി​ക്ക​പ്പെ​ട്ട​തും ക്രിസ്‌ത്യാ​നി​കൾ സ്വീക​രി​ച്ച​തു​മായ മഹത്തായ സുവാർത്ത​യോ​ടു വിലമ​തി​പ്പു കെട്ടു​പ​ണി​ചെ​യ്യാൻ അപ്പോ​സ്‌ത​ല​നായ പത്രോസ്‌ വർഷങ്ങൾക്കു​മുമ്പ്‌ ഏഷ്യയി​ലെ (സാധ്യ​ത​യ​നു​സ​രിച്ച്‌ സർദി​സുൾപ്പെടെ) സഭകൾക്ക്‌ എഴുതി. അവർ ‘അന്ധകാ​ര​ത്തിൽനി​ന്നു തന്റെ അത്ഭുത​പ്ര​കാ​ശ​ത്തി​ലേക്കു അവരെ വിളി​ച്ച​വന്റെ സൽഗു​ണ​ങ്ങളെ ഘോഷി​പ്പാ​ന്ത​ക്ക​വണ്ണം തെര​ഞ്ഞെ​ടു​ക്ക​പ്പെട്ട ഒരു ജാതി​യി​ലും രാജകീയ പുരോ​ഹി​ത​വർഗ്ഗ​ത്തി​ലും വിശു​ദ്ധ​വം​ശ​ത്തി​ലും സ്വന്തജ​ന​ത്തി​ലും’ ഉൾപ്പെ​ട്ട​വ​രാ​ണെന്നു പത്രോസ്‌ ആസ്യയി​ലെ ആ ക്രിസ്‌ത്യാ​നി​കളെ ഓർമ​പ്പെ​ടു​ത്തു​ക​യു​മു​ണ്ടാ​യി. (1 പത്രൊസ്‌ 1:12, 25; 2:9) അത്തരം ആത്മീയ സത്യങ്ങ​ളെ​ക്കു​റി​ച്ചു ധ്യാനി​ക്കു​ന്നതു പശ്ചാത്ത​പി​ക്കു​ന്ന​തി​നും “ശേഷി​പ്പു​കളെ ശക്തീകരി”ക്കുന്നതി​നും സർദിസ്‌ സഭയെ സഹായി​ക്കും.—താരത​മ്യം ചെയ്യുക: 2 പത്രൊസ്‌ 3:9.

5. (എ) സർദി​സി​ലെ ക്രിസ്‌ത്യാ​നി​ക​ളു​ടെ വിലമ​തി​പ്പിന്‌ എന്തു സംഭവി​ച്ചു? (ബി) സർദി​സി​ലെ ക്രിസ്‌ത്യാ​നി​കൾ യേശു​വി​ന്റെ ബുദ്ധ്യു​പ​ദേ​ശ​ത്തോ​ടു പ്രതി​ക​രി​ക്കു​ന്നി​ല്ലെ​ങ്കിൽ എന്തു സംഭവി​ക്കും?

⁵ ഇപ്പോൾ സത്യ​ത്തോ​ടു​ളള അവരുടെ വിലമ​തി​പ്പും സ്‌നേ​ഹ​വും മിക്കവാ​റും അണഞ്ഞു​പോയ തീപോ​ലെ​യാണ്‌. ഏതാനും ചില കനലുകൾ മാത്രം തുടർന്നു ജ്വലി​ക്കു​ന്നു. തീപ്പൊ​രി ജ്വലി​പ്പി​ക്കാ​നും തീ ഇളക്കി​ക്ക​ത്തി​ക്കാ​നും അവരുടെ അവഗണന എന്തി​ലേക്കു നയിച്ചോ ആ പാപങ്ങൾ സംബന്ധി​ച്ചു പശ്ചാത്ത​പി​ക്കാ​നും ഒരിക്കൽക്കൂ​ടെ ആത്മീയ​മാ​യി ജീവനു​ളള ഒരു സഭയാ​യി​ത്തീ​രാ​നും യേശു അവരെ പ്രോ​ത്സാ​ഹി​പ്പി​ക്കു​ന്നു. (താരത​മ്യം ചെയ്യുക: 2 തിമൊ​ഥെ​യൊസ്‌ 1:6, 7.) അല്ലാത്ത​പക്ഷം, ന്യായ​വി​ധി​ന​ട​ത്താൻ യേശു ‘ഒരു കളള​നെ​പ്പോ​ലെ’ അപ്രതീ​ക്ഷി​ത​മാ​യി വരു​മ്പോൾ സർദിസ്‌ സഭ ഒരുക്ക​മി​ല്ലാ​ത്ത​താ​യി​രി​ക്കും.—മത്തായി 24:43, 44.

“കളള​നെ​പ്പോ​ലെ” വരുന്നു

6. യേശു 1918-ൽ “കളള​നെ​പ്പോ​ലെ” വന്നതെ​ങ്ങനെ, തന്റെ അനുഗാ​മി​ക​ളെന്ന്‌ അവകാ​ശ​പ്പെ​ട്ടി​രു​ന്ന​വ​രു​ടെ​യി​ട​യിൽ അവൻ എന്തവസ്ഥ കണ്ടെത്തി?

⁶ താൻ “കളള​നെ​പ്പോ​ലെ” വരുമെന്ന യേശു​വി​ന്റെ മുന്നറി​യി​പ്പു നമ്മുടെ ആധുനി​ക​കാ​ലം​വരെ എത്തുന്നു. കർത്താ​വി​ന്റെ ദിവസ​ത്തി​ലേക്ക്‌ അതിജീ​വിച്ച ക്രിസ്‌ത്യാ​നി​കൾക്ക്‌ ഇതി​നൊ​രു പ്രത്യേക പ്രയു​ക്തി​യുണ്ട്‌. മലാഖി​യു​ടെ പ്രവച​ന​ത്തിന്‌ 1914 കഴിഞ്ഞ ഉടനെ ഒരു നിവൃ​ത്തി​യു​ണ്ടാ​യി: “നിങ്ങൾ അന്വേ​ഷി​ക്കുന്ന കർത്താ​വും നിങ്ങൾ ഇഷ്ടപ്പെ​ടുന്ന നിയമ​ദൂ​ത​നു​മാ​യവൻ പെട്ടെന്നു തന്റെ മന്ദിര​ത്തി​ലേക്കു വരും; ഇതാ, അവൻ വരുന്നു എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു.” (മലാഖി 3:1; വെളി​പ്പാ​ടു 1:10) ‘നിയമ​ദൂ​തൻ’ എന്നനി​ല​യിൽ യേശു തന്റെ അനുഗാ​മി​ക​ളെന്ന്‌ അവകാ​ശ​പ്പെ​ട്ട​വരെ പരി​ശോ​ധി​ക്കു​ന്ന​തി​നും വിധി​ക്കു​ന്ന​തി​നു​മാ​യി വന്നു. (1 പത്രൊസ്‌ 4:17) ആ സമയത്ത്‌, 1918-ൽ ക്രൈ​സ്‌ത​വ​ലോ​കം ഒന്നാം ലോക​മ​ഹാ​യു​ദ്ധ​ത്തി​ലെ രക്തച്ചൊ​രി​ച്ചി​ലിൽ പങ്കെടു​ക്കു​ക​യാ​യി​രു​ന്നു, ആത്മീയ​മാ​യി​പ്പ​റ​ഞ്ഞാൽ പൂർണ​മാ​യി മരിച്ച അവസ്ഥയി​ലു​മാ​യി​രു​ന്നു. യുദ്ധത്തി​നു മുമ്പു വളരെ തീക്ഷ്‌ണ​ത​യോ​ടെ പ്രസം​ഗി​ച്ചി​രുന്ന സത്യ​ക്രി​സ്‌ത്യാ​നി​കൾ പോലും ആത്മീയ മയക്കത്തി​ന്റെ ഒരു കാലഘ​ട്ട​ത്തി​ലൂ​ടെ കടന്നു​പോ​യി. അവരിൽ ചില പ്രമുഖ മൂപ്പൻമാർ ജയിലി​ല​ട​യ്‌ക്ക​പ്പെ​ടു​ക​യും പ്രസം​ഗ​പ്ര​വർത്തനം മിക്കവാ​റും നിന്നു​പോ​വു​ക​യും ചെയ്‌തു. അടുത്ത​വർഷം യഹോ​വ​യു​ടെ ആത്മാവ്‌ ഈ ക്രിസ്‌ത്യാ​നി​കളെ ഉണർത്തി​യ​പ്പോൾ എല്ലാവ​രും ഒരുക്ക​മു​ള​ളവർ അല്ലായി​രു​ന്നു. യേശു​വി​ന്റെ ഉപമയി​ലെ ബുദ്ധി​യി​ല്ലാത്ത കന്യക​മാ​രെ​പ്പോ​ലെ ചിലർ യഹോ​വയെ സേവി​ക്കുന്ന പദവി​ക്കു​വേണ്ടി ആത്മീയ​മാ​യി സജ്ജരല്ലാ​യി​രു​ന്നു. എങ്കിലും സന്തോ​ഷ​ക​ര​മെന്നു പറയട്ടെ, ബുദ്ധി​യു​ളള കന്യക​മാ​രെ​പ്പോ​ലെ, “നാളും നാഴി​ക​യും നിങ്ങൾ അറിയാ​യ്‌ക​കൊ​ണ്ടു ഉണർന്നി​രി​പ്പിൻ” എന്ന യേശു​വി​ന്റെ മുന്നറി​യി​പ്പു ശ്രദ്ധിച്ച അനേകർ ഉണ്ടായി​രു​ന്നു.—മത്തായി 25:1-13.

7. ക്രിസ്‌ത്യാ​നി​കൾ ഇന്ന്‌ ഉണർന്നി​രി​ക്കേണ്ട ആവശ്യ​മു​ള​ളത്‌ എന്തു​കൊണ്ട്‌?

⁷ ഒരു ക്രിസ്‌ത്യാ​നി ജാഗ്ര​ത​യു​ള​ള​വ​നാ​യി​രി​ക്കേ​ണ്ട​തി​ന്റെ ആവശ്യം കർത്താ​വി​ന്റെ ദിവസ​ത്തി​ന്റെ ആദ്യഘ​ട്ട​ത്തിൽ അവസാ​നി​ച്ചില്ല. “അതിന്നു എല്ലാം നിവൃത്തി വരുന്ന കാലത്തി​ന്റെ ലക്ഷണം” സംബന്ധി​ച്ചു​ളള തന്റെ വലിയ പ്രവച​ന​ത്തിൽ യേശു ഒരു ശക്തമായ മുന്നറി​യി​പ്പു നൽകി: “ആ നാളും നാഴി​ക​യും സംബന്ധി​ച്ചോ . . . ആരും . . . അറിയു​ന്നില്ല. ആ കാലം എപ്പോൾ എന്നു നിങ്ങൾ അറിയാ​യ്‌ക​കൊ​ണ്ടു സൂക്ഷി​ച്ചു​കൊൾവിൻ [ഉണർന്നിരിപ്പിൻ, NW]; ഞാൻ നിങ്ങ​ളോ​ടു പറയു​ന്ന​തോ എല്ലാവ​രോ​ടും പറയുന്നു: ഉണർന്നി​രി​പ്പിൻ.” (മർക്കൊസ്‌ 13:4, 32, 33, 37) അതെ, ഈ നാഴി​ക​വരെ, അഭിഷി​ക്ത​രിൽപെ​ട്ട​വ​രാ​യാ​ലും മഹാപു​രു​ഷാ​ര​ത്തിൽപെ​ട്ട​വ​രാ​യാ​ലും നാം ഓരോ​രു​ത്ത​രും ജാഗരൂ​ക​രാ​യി​രി​ക്കേ​ണ്ട​തി​ന്റെ​യും ആത്മീയ ഉറക്കത്തി​ലേക്കു വഴുതി​വീ​ഴു​ന്ന​തി​നെ​തി​രെ പോരാ​ടേ​ണ്ട​തി​ന്റെ​യും ആവശ്യ​മുണ്ട്‌. യഹോ​വ​യു​ടെ ദിവസം ‘രാത്രി​യിൽ ഒരു കളള​നെ​ന്ന​പോ​ലെ’ വരു​മ്പോൾ ഒരു അനുകൂ​ല​വി​ധി ലഭിക്കു​ന്ന​തി​നു നാം നന്നായി ഉണർന്നി​രി​ക്കു​ന്ന​താ​യി കണ്ടെത്താൻ ഇടയാ​കട്ടെ.—1 തെസ്സ​ലൊ​നീ​ക്യർ 5:2, 3; ലൂക്കൊസ്‌ 21:34-36; വെളി​പ്പാ​ടു 7:9.

8. ആത്മീയ​മാ​യി ജീവനു​ള​ള​വ​രാ​യി​രി​ക്കാൻ യോഹ​ന്നാൻവർഗം ഇന്നു ദൈവ​ജ​നത്തെ ഉത്തേജി​പ്പി​ച്ചി​രി​ക്കു​ന്ന​തെ​ങ്ങനെ?

⁸ ആത്മീയ​മാ​യി ജീവനു​ള​ള​വ​രാ​യി​രി​ക്കാൻ ദൈവ​ത്തി​ന്റെ ജനത്തെ ഉത്തേജി​പ്പി​ക്കേ​ണ്ട​തി​ന്റെ ആവശ്യം സംബന്ധിച്ച്‌ ഇന്നു യോഹ​ന്നാൻവർഗം​തന്നെ ഉണർന്നി​രി​ക്കു​ക​യാണ്‌. ഈ ലക്ഷ്യത്തിൽ മുഴു​ഭൂ​മി​യി​ലും വർഷത്തിൽ പലപ്രാ​വ​ശ്യം പ്രത്യേക കൂട്ടങ്ങൾ ക്രമീ​ക​രി​ക്ക​പ്പെ​ടു​ന്നു. ഈയിടെ ഒരു വർഷത്തിൽ 1,513 ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളി​ലെ ഹാജർ മൊത്തം 74,88,266 ആയിരു​ന്നു, 1,31,870 പുതിയ വിശ്വാ​സി​കൾ സ്‌നാ​പ​ന​മേൽക്കു​ക​യും ചെയ്‌തു. നൂറിൽപ്പരം വർഷങ്ങ​ളാ​യി യഹോ​വ​യു​ടെ നാമവും ഉദ്ദേശ്യ​വും പ്രസി​ദ്ധ​മാ​ക്കാൻ യോഹ​ന്നാൻവർഗം വീക്ഷാ​ഗോ​പു​രം മാസിക ഉപയോ​ഗി​ച്ചി​രി​ക്കു​ന്നു. രണ്ടു ലോക​മ​ഹാ​യു​ദ്ധ​ങ്ങ​ളി​ലെ ഘോര​മായ പീഡന​ങ്ങ​ളോ​ടു​ളള പ്രതി​ക​ര​ണ​മാ​യി “നിർഭയർ അനുഗൃ​ഹീ​ത​രാ​കു​ന്നു” (1919), “പ്രവർത്ത​ന​ത്തി​നു​ളള ഒരു ആഹ്വാനം” (1925), “പീഡന​ത്തി​ന്റെ പരാജയം” (1942) എന്നിങ്ങ​നെ​യു​ളള ലേഖനങ്ങൾ പ്രസി​ദ്ധീ​ക​രി​ച്ചു​കൊ​ണ്ടു വീക്ഷാ​ഗോ​പു​രം (ഇംഗ്ലീഷ്‌) യഹോ​വ​യു​ടെ സാക്ഷി​കളെ ഒരു പുതു​ക്കിയ തീക്ഷ്‌ണ​ത​യി​ലേക്ക്‌ ഉണർത്തി.

9. (എ) എല്ലാ ക്രിസ്‌ത്യാ​നി​ക​ളും തങ്ങളോ​ടു​തന്നെ എന്തു ചോദി​ച്ചു​കൊ​ണ്ടി​രി​ക്കണം? (ബി) വീക്ഷാ​ഗോ​പു​രം എന്തു പ്രോ​ത്സാ​ഹനം നൽകി​യി​ട്ടുണ്ട്‌?

⁹ സർദി​സി​ലെ​പ്പോ​ലെ, ഇന്നത്തെ സഭകളി​ലും തുടർച്ച​യായ ആത്മപരി​ശോ​ധന എല്ലാ ക്രിസ്‌ത്യാ​നി​കൾക്കും ജീവൽപ്ര​ധാ​ന​മാണ്‌. നാമെ​ല്ലാം നമ്മോ​ടു​തന്നെ ഇപ്രകാ​രം ചോദി​ച്ചു​കൊ​ണ്ടി​രി​ക്കണം: ദൈവ​മു​മ്പാ​കെ നമ്മുടെ ‘പ്രവൃത്തി പൂർണ്ണ​ത​യു​ള​ളത്‌’ ആണോ? മററു​ള​ള​വരെ വിധി​ക്കാ​തെ നാം വ്യക്തി​പ​ര​മാ​യി ആത്മത്യാ​ഗ​ത്തി​ന്റെ ആത്മാവു നട്ടുവ​ളർത്തു​ക​യും ദൈവ​ത്തി​നു മുഴു​ദേ​ഹി​യോ​ടു​കൂ​ടിയ സേവനം അർപ്പി​ക്കാൻ പ്രയത്‌നി​ക്കു​ക​യും ചെയ്യു​ന്നു​ണ്ടോ? ഈ ബന്ധത്തിൽ, “നിങ്ങൾ ആത്മസു​ഖാ​സ​ക്ത​നാ​ണോ അതോ ആത്മത്യാ​ഗി​യാ​ണോ?” “തീവ്ര​മാ​യി പ്രയത്‌നി​ക്കുക”a എന്നിങ്ങ​നെ​യു​ളള വിഷയങ്ങൾ ചർച്ച​ചെ​യ്‌തു​കൊ​ണ്ടു വീക്ഷാ​ഗോ​പു​രം മാസിക പ്രോ​ത്സാ​ഹനം നൽകി​യി​ട്ടുണ്ട്‌. തിരു​വെ​ഴു​ത്തു​പ​ര​മായ അത്തരം സഹായ​മു​ള​ള​തി​നാൽ, യഹോ​വ​യു​ടെ മുമ്പാകെ നിർമ​ല​ത​യിൽ നടക്കാൻ വിനീ​ത​മാ​യും പ്രാർഥ​നാ​പൂർവ​ക​വും ശ്രമി​ക്കവേ നമുക്കു നമ്മുടെ ആന്തരി​ക​വ്യ​ക്തി​ത്വ​ങ്ങളെ ശോധ​ന​ചെ​യ്യാം.—സങ്കീർത്തനം 26:1-3; 139:23, 24.

“കുറെ പേർ”

10. സർദി​സി​ലെ സഭയിൽ ഏതു പ്രോ​ത്സാ​ഹ​ജ​ന​ക​മായ ഘടകം യേശു ശ്രദ്ധിച്ചു, ഇതു നമ്മെ എങ്ങനെ ബാധി​ക്കണം?

¹⁰ സർദിസ്‌ സഭയ്‌ക്കു​ളള യേശു​വി​ന്റെ അടുത്ത വാക്കുകൾ അത്യന്തം പ്രോ​ത്സാ​ഹ​ജ​ന​ക​മാണ്‌. അവൻ പറയുന്നു: “എങ്കിലും ഉടുപ്പു മലിന​മാ​കാത്ത കുറെ പേർ സർദ്ദി​സിൽ നിനക്കു​ണ്ടു. അവർ യോഗ്യൻമാ​രാ​ക​യാൽ വെളള ധരിച്ചും​കൊ​ണ്ടു എന്നോ​ടു​കൂ​ടെ നടക്കും. ജയിക്കു​ന്നവൻ വെളള​യു​ടു​പ്പു ധരിക്കും; അവന്റെ പേർ ഞാൻ ജീവപു​സ്‌ത​ക​ത്തിൽനി​ന്നു മാച്ചു​ക​ള​യാ​തെ എന്റെ പിതാ​വി​ന്റെ സന്നിധി​യി​ലും അവന്റെ ദൂതൻമാ​രു​ടെ മുമ്പി​ലും അവന്റെ പേർ ഏററു​പ​റ​യും.” (വെളി​പ്പാ​ടു 3:4, 5) ഈ വചനങ്ങൾ നമ്മെ ഉണർത്തു​ക​യും വിശ്വ​സ്‌ത​രാ​യി​രി​ക്കാ​നു​ളള നമ്മുടെ തീരു​മാ​നത്തെ ശക്തീക​രി​ക്കു​ക​യും ചെയ്യു​ന്നി​ല്ലേ? മൂപ്പൻമാ​രു​ടെ ഒരു സംഘത്തി​ന്റെ ഭാഗത്തെ അവഗണ​ന​മൂ​ലം ഒരു സഭ മൊത്ത​ത്തിൽ ഗാഢമായ ആത്മീയ ഉറക്കത്തി​ലേക്കു വീണു​പോ​യേ​ക്കാം. എന്നുവ​രി​കി​ലും, അതിലെ ചില വ്യക്തികൾ തങ്ങളുടെ ക്രിസ്‌തീയ വ്യക്തി​ത്വം ശുദ്ധമാ​യും കളങ്കര​ഹി​ത​മാ​യും സൂക്ഷി​ക്കാൻ ധീരമാ​യി പ്രയത്‌നി​ച്ചേ​ക്കാം, അങ്ങനെ യഹോ​വ​യു​ടെ മുമ്പാകെ ഒരു നല്ല നാമം ഉണ്ടായി​രി​ക്കു​ന്ന​തിൽ തുടർന്നു​കൊ​ണ്ടു​തന്നെ.—സദൃശ​വാ​ക്യ​ങ്ങൾ 22:1.

11, 12. (എ) വലിയ വിശ്വാ​സ​ത്യാ​ഗ​ത്തി​ന്റെ കാലത്തു​പോ​ലും സർദി​സി​ലെ വിശ്വ​സ്‌ത​രായ ‘കുറെ പേരെ’ പോലെ ചിലർ എങ്ങനെ​യു​ള​ളവർ ആയിരു​ന്നി​രി​ക്കണം? (ബി) കർത്താ​വി​ന്റെ ദിവസ​ത്തിൽ ഗോത​മ്പു​സ​മാന ക്രിസ്‌ത്യാ​നി​കൾക്ക്‌ എന്തു വിടുതൽ കൈവന്നു?

¹¹ അതെ, ആ “ഉടുപ്പ്‌” ഒരു ക്രിസ്‌ത്യാ​നി​യെന്ന നിലയിൽ ഒരു വ്യക്തി​യു​ടെ നീതി​യു​ളള വ്യതി​രിക്ത വ്യക്തി​ത്വ​ത്തെ പരാമർശി​ക്കു​ന്നു. (താരത​മ്യം ചെയ്യുക: വെളി​പ്പാ​ടു 16:15; 19:8.) ബഹുഭൂ​രി​പ​ക്ഷ​ത്തി​ന്റെ​യും ഉദാസീ​നത ഗണ്യമാ​ക്കാ​തെ “കുറെ പേർ,” സർദി​സി​ലെ ഏതാനും അഭിഷിക്ത ക്രിസ്‌ത്യാ​നി​കൾ, അപ്പോ​ഴും ഈ വ്യക്തി​ത്വം കാത്തു​സൂ​ക്ഷി​ക്കാൻ ശ്രമി​ച്ചി​രു​ന്ന​താ​യി കാണു​ന്നത്‌ യേശു​വിന്‌ ഉൻമേ​ഷ​ദാ​യ​ക​മാ​യി​രു​ന്നി​രി​ക്കണം. അതു​പോ​ലെ​തന്നെ, വലിയ വിശ്വാ​സ​ത്യാ​ഗ​ത്തി​ന്റെ നീണ്ട നൂററാ​ണ്ടു​ക​ളിൽ നാമ​ധേ​യ​ക്രി​സ്‌ത്യാ​നി​കൾ വ്യാജ​മ​ത​ലോ​ക​സാ​മ്രാ​ജ്യ​മായ മഹാബാ​ബി​ലോ​നിൽ ലയിച്ച​പ്പോൾ വൈഷ​മ്യ​ങ്ങൾ ഉണ്ടായി​രു​ന്നി​ട്ടും യഹോ​വ​യു​ടെ ഇഷ്ടം ചെയ്യാൻ ശ്രമിച്ച ഏതാനും വ്യക്തികൾ എപ്പോ​ഴും ഉണ്ടായി​രു​ന്നി​രി​ക്കണം. വിഭാ​ഗീ​യ​ക​ള​ക​ളു​ടെ ഒരു ബാഹു​ല്യ​ത്തി​നി​ട​യിൽ മറഞ്ഞു​കി​ടന്ന ഗോത​മ്പു​പോ​ലെ ഇവർ നീതി​യു​ള​ള​വ​രാ​യി​രു​ന്നു.—വെളി​പ്പാ​ടു 17:3-6; മത്തായി 13:24-29.

¹² ഈ ഗോത​മ്പു​സ​മാന ക്രിസ്‌ത്യാ​നി​ക​ളോ​ടു​കൂ​ടെ താൻ “ലോകാ​വ​സാ​ന​ത്തോ​ളം എല്ലാനാ​ളും” ഉണ്ടായി​രി​ക്കു​മെന്ന്‌ യേശു വാഗ്‌ദത്തം ചെയ്‌തു. അവർ ആരാ​ണെ​ന്നും തങ്ങൾക്കു​തന്നെ അവർ ഏതു നല്ല പേർ സമ്പാദി​ച്ചു​വെ​ന്നും അവനറി​യാം. (മത്തായി 28:20; സഭാ​പ്ര​സം​ഗി 7:1) കർത്താ​വി​ന്റെ ദിവസ​ത്തി​ന്റെ ആരംഭ​ത്തിൽ ജീവി​ച്ചി​രുന്ന ആ ‘കുറച്ചു’ വിശ്വ​സ്‌ത​രു​ടെ സന്തോഷം ഒന്നു ഭാവന​യിൽ കാണുക! അവർ ആത്മീയ​മാ​യി മരിച്ച ക്രൈ​സ്‌ത​വ​ലോ​ക​ത്തിൽനിന്ന്‌ ഒടുവിൽ വേർപെ​ടു​ത്ത​പ്പെ​ടു​ക​യും സ്‌മിർണ​സ​ഭ​യെ​പ്പോ​ലെ നീതി​യു​ളള ഒരു സഭയായി കൂട്ടി​ച്ചേർക്ക​പ്പെ​ടു​ക​യും ചെയ്‌തു.—മത്തായി 13:40-43.

13. തങ്ങളുടെ “ഉടുപ്പു മലിന”മാക്കാത്ത അഭിഷിക്ത ക്രിസ്‌ത്യാ​നി​കൾക്ക്‌ എന്തനു​ഗ്ര​ഹങ്ങൾ കരുതി​യി​രി​ക്കു​ന്നു?

¹³ സർദി​സിൽ അവസാ​ന​ത്തോ​ളം വിശ്വ​സ്‌ത​രാ​യി​രി​ക്കു​ക​യും തങ്ങളുടെ ക്രിസ്‌തീയ വ്യക്തി​ത്വം കളങ്ക​പ്പെ​ടു​ത്താ​തി​രി​ക്കു​ക​യും ചെയ്യു​ന്നവർ ഒരു അത്ഭുത​ക​ര​മായ പ്രത്യാ​ശ​യു​ടെ സാക്ഷാ​ത്‌കാ​രം നേടുന്നു. യേശു​വി​ന്റെ മിശി​ഹൈ​ക​രാ​ജ്യം 1914-ൽ സ്ഥാപി​ത​മാ​യ​തി​നു​ശേഷം അവർ ആത്മജീ​വ​നി​ലേക്ക്‌ ഉയിർപ്പി​ക്ക​പ്പെ​ടു​ക​യും വിജയി​ക​ളെന്ന നിലയിൽ അവരുടെ കുററ​മ​റ​റ​തും കളങ്ക​മേൽക്കാ​ത്ത​തു​മായ നീതി​യു​ടെ പ്രതീ​ക​മാ​യി വെളള​യു​ടു​പ്പു ധരിപ്പി​ക്ക​പ്പെ​ടു​ക​യും ചെയ്യുന്നു. ജീവനി​ലേക്കു നയിക്കുന്ന ഇടുങ്ങിയ പാതയി​ലൂ​ടെ നടന്നി​രി​ക്കു​ന്ന​തി​നാൽ അവർ ഒരു നിത്യ​പ്ര​തി​ഫലം ആസ്വദി​ക്കും.—മത്തായി 7:14; ഇതുകൂ​ടെ കാണുക: വെളി​പാട്‌ 6:9-11.

ജീവപു​സ്‌ത​ക​ത്തിൽ എന്നേക്കും!

14. “ജീവപു​സ്‌തകം,” എന്താണ്‌, അതിൽ ആരുടെ പേരുകൾ രേഖ​പ്പെ​ടു​ത്തു​ന്നു?

¹⁴ “ജീവപു​സ്‌തകം” എന്താണ്‌, കൂടാതെ അതിൽ ആരുടെ പേരുകൾ നിലനിർത്ത​പ്പെ​ടും? ജീവന്റെ പുസ്‌തകം അഥവാ ചുരുൾ നിത്യ​ജീ​വ​നാ​കുന്ന പ്രതി​ഫലം പ്രാപി​ക്കു​ന്ന​വ​രു​ടെ നിരയിൽ വരുന്ന യഹോ​വ​യു​ടെ ദാസൻമാ​രു​ടെ രേഖയെ പരാമർശി​ക്കു​ന്നു. (മലാഖി 3:16) ഇവിടെ വെളി​പാ​ടിൽ അഭിഷിക്ത ക്രിസ്‌ത്യാ​നി​ക​ളു​ടെ പേരുകൾ വിശേ​ഷാൽ പരാമർശി​ക്കു​ന്നു. എന്നാൽ ഭൂമി​യി​ലെ നിത്യ​ജീ​വൻ പ്രാപി​ക്കാ​നു​ള​ള​വ​രു​ടെ പേരു​ക​ളും അവിടെ രേഖ​പ്പെ​ടു​ത്ത​പ്പെ​ടു​ന്നു. അതിലു​പരി, ആ പുസ്‌ത​ക​ത്തിൽ നിന്നു പേരുകൾ ‘മായ്‌ച്ചു​ക​ള​ക​യും’ ചെയ്യാം. (പുറപ്പാ​ടു 32:32, 33) എന്നുവ​രി​കി​ലും, തങ്ങളുടെ മരണം​വരെ ജീവപു​സ്‌ത​ക​ത്തിൽ പേർ നിലനിർത്തുന്ന യോഹ​ന്നാൻവർഗ​ത്തിൽ പെട്ടവർ സ്വർഗ​ത്തി​ലെ അമർത്ത്യ​ജീ​വൻ പ്രാപി​ക്കു​ന്നു. (വെളി​പ്പാ​ടു 2:10) യേശു തന്റെ പിതാ​വി​ന്റെ​യും അവന്റെ ദൂതൻമാ​രു​ടെ​യും മുമ്പാകെ വിശേ​ഷാൽ അംഗീ​ക​രി​ച്ചു പറയുന്ന പേരുകൾ ഇവയാണ്‌. ആ പ്രതി​ഫലം എത്ര മഹനീയം!

15. മഹാപു​രു​ഷാ​ര​ത്തി​ലെ അംഗങ്ങൾക്ക്‌ അവരുടെ പേരുകൾ ജീവപു​സ്‌ത​ക​ത്തിൽ മായാതെ എഴുതി​ക്കി​ട്ടു​ന്ന​തെ​ങ്ങനെ?

¹⁵ ജീവപു​സ്‌ത​ക​ത്തിൽ ആരുടെ പേരു​കൂ​ടെ എഴുത​പ്പെ​ടു​ന്നു​വോ ആ മഹാപു​രു​ഷാ​രം മഹോ​പ​ദ്ര​വ​ത്തിൽ നിന്നു ജീവ​നോ​ടെ പുറത്തു വരും. യേശു​വി​ന്റെ സഹസ്രാബ്ദ വാഴ്‌ച​ക്കാ​ല​ത്തു​ട​നീ​ള​വും അതിനു​ശേ​ഷ​മു​ളള നിർണാ​യക പരി​ശോ​ധ​ന​യി​ലും വിശ്വാ​സം പ്രകട​മാ​ക്കു​ന്ന​തി​നാൽ ഇവർക്കു പറുദീ​സാ​ഭൂ​മി​യി​ലെ നിത്യ​ജീ​വന്റെ പ്രതി​ഫലം നൽക​പ്പെ​ടും. (ദാനീ​യേൽ 12:1; വെളി​പ്പാ​ടു 7:9, 14; 20:15; 21:4) അപ്പോൾ അവരുടെ പേരുകൾ ജീവപു​സ്‌ത​ക​ത്തിൽ മായാതെ എഴുത​പ്പെ​ട്ടി​രി​ക്കും. പരിശു​ദ്ധാ​ത്മാ​വു മുഖേന ഇവിടെ എന്തവത​രി​പ്പി​ച്ചി​രി​ക്കു​ന്നു​വെന്ന്‌ അറിഞ്ഞി​രി​ക്കെ, “ആത്മാവു സഭക​ളോ​ടു പറയു​ന്നതു എന്തെന്നു ചെവി​യു​ള​ളവൻ കേൾക്കട്ടെ” എന്ന യേശു​വി​ന്റെ ആവർത്തി​ച്ചു​ളള ഈ പ്രബോ​ധ​ന​ത്തോ​ടു നിങ്ങൾ ഉത്സാഹ​ത്തോ​ടെ പ്രതി​ക​രി​ക്കു​ന്നി​ല്ലേ?—വെളി​പ്പാ​ടു 3:6.

[അടിക്കു​റി​പ്പു​കൾ]

[57-ാം പേജിലെ ചിത്രം]

നിങ്ങളുടെ പേർ ജീവപു​സ്‌ത​ക​ത്തിൽ നിലനിൽക്ക​ട്ടെ