അധ്യായം പതിനാറ്‌

പോര​ടി​ക്കുന്ന രാജാ​ക്ക​ന്മാർ തങ്ങളുടെ അന്ത്യ​ത്തോട്‌ അടുക്കു​ന്നു

1, 2. രണ്ടാം ലോക​മ​ഹാ​യു​ദ്ധത്തെ തുടർന്നു വടക്കേ​ദേ​ശത്തെ രാജാ​വി​ന്റെ തനിമ​യ്‌ക്കു മാറ്റം വന്നതെ​ങ്ങനെ?

ഐക്യ​നാ​ടു​ക​ളി​ലെ​യും റഷ്യയി​ലെ​യും രാഷ്‌ട്രീയ കാലാവസ്ഥ വിചി​ന്തനം ചെയ്‌തു​കൊണ്ട്‌ 1835-ൽ ഫ്രഞ്ച്‌ തത്ത്വചി​ന്ത​ക​നും ചരി​ത്ര​കാ​ര​നു​മായ അലിക്‌സെ ദെ റ്റോക്ക​വി​ല്ലി ഇപ്രകാ​രം എഴുതി: “ഒന്നിനു മുഖ്യ പ്രവർത്തന ഉപാധി​യാ​യി സ്വാത​ന്ത്ര്യ​മുണ്ട്‌; മറ്റേതി​നു ദാസ്യ​വും. അവരുടെ . . . വഴികൾ വിഭി​ന്ന​മാണ്‌; എന്നാൽ ലോക​ത്തിൽ പകുതി​യു​ടെ​യും ഭാവി ഒരിക്കൽ കൈപ്പി​ടി​യിൽ ഒതുക്കാ​നുള്ള ഏതോ അജ്ഞാത​മായ ദിവ്യ​വി​ളി ഇരുവർക്കും ഉണ്ടെന്നു തോന്നു​ന്നു.” രണ്ടാം ലോക​മ​ഹാ​യു​ദ്ധത്തെ തുടർന്ന്‌ ഈ പ്രവചനം എത്ര​ത്തോ​ളം ശരിയാ​യി​രു​ന്നു? ചരി​ത്ര​കാ​ര​നായ ജെ. എം. റോബർട്ട്‌സ്‌ എഴുതു​ന്നു: “ഒടുവിൽ രണ്ടാം ലോക​മ​ഹാ​യു​ദ്ധ​ത്തി​ന്റെ അവസാ​ന​ത്തോ​ടെ, തീർച്ച​യാ​യും മുൻ റഷ്യയി​ലും അമേരി​ക്കൻ ഐക്യ​നാ​ടു​ക​ളി​ലും അധിഷ്‌ഠി​ത​മായ വലുതും തികച്ചും വിഭി​ന്ന​വു​മായ രണ്ട്‌ അധികാര വ്യവസ്ഥകൾ ലോക​ത്തി​ന്റെ ഭാവി നിയ​ന്ത്രി​ക്കാൻ ഇടയു​ള്ള​താ​യി തോന്നി.”

² വടക്കേ​ദേ​ശത്തെ രാജാ​വി​ന്റെ സ്ഥാനത്താ​യി​രുന്ന ജർമനി ആയിരു​ന്നു രണ്ടു ലോക​മ​ഹാ​യു​ദ്ധ​ങ്ങ​ളി​ലും തെക്കേ​ദേ​ശത്തെ രാജാ​വായ ആംഗ്ലോ-അമേരി​ക്കൻ ലോക​ശ​ക്തി​യു​ടെ മുഖ്യ​ശ​ത്രു. എന്നാൽ രണ്ടാം ലോക​മ​ഹാ​യു​ദ്ധത്തെ തുടർന്നു ജർമനി വിഭജി​ക്ക​പ്പെട്ടു. പശ്ചിമ ജർമനി തെക്കേ​ദേ​ശത്തെ രാജാ​വി​ന്റെ ഒരു സഖ്യകക്ഷി ആയിത്തീർന്നു. പൂർവ ജർമനി​യാ​കട്ടെ, ശക്തമായ മറ്റൊരു ഘടകവു​മാ​യി—സോവി​യറ്റ്‌ യൂണി​യന്റെ നേതൃ​ത്വ​ത്തി​ലുള്ള കമ്മ്യൂ​ണി​സ്റ്റു ചേരി​യു​മാ​യി—സഖ്യത്തിൽ ഏർപ്പെട്ടു. വടക്കേ​ദേ​ശത്തെ രാജാ​വാ​യി ഉയർന്നു​വന്ന ഈ ചേരി അഥവാ രാഷ്‌ട്രീയ ഘടകം ആംഗ്ലോ-അമേരി​ക്കൻ സഖ്യത്തിന്‌ എതിരെ ശക്തമായി നിലയു​റ​പ്പി​ച്ചു. ഈ രണ്ടു രാജാ​ക്ക​ന്മാർ തമ്മിലു​ളള പോരാ​ട്ടം 1948 മുതൽ 1989 വരെ ദീർഘിച്ച ഒരു ശീതയു​ദ്ധ​മാ​യി പരിണ​മി​ച്ചു. മുമ്പ്‌, വടക്കേ​ദേ​ശത്തെ ജർമൻ രാജാവ്‌ “വിശുദ്ധ ഉടമ്പടി​ക്കു വിരോ​ധ​മാ​യി” പ്രവർത്തി​ച്ചി​രു​ന്നു. (ദാനീ​യേൽ 11:28, 30, NW) ഉടമ്പടി​യോ​ടുള്ള ബന്ധത്തിൽ കമ്മ്യൂ​ണി​സ്റ്റു ചേരി എങ്ങനെ വർത്തി​ക്കു​മാ​യി​രു​ന്നു?

സത്യ​ക്രി​സ്‌ത്യാ​നി​കൾ ഇടറി​വീ​ഴു​ന്നെ​ങ്കി​ലും പ്രബല​പ്പെ​ടു​ന്നു

3, 4. ‘ഉടമ്പടി​ക്കു വിരോ​ധ​മാ​യി ദുഷ്ടത പ്രവർത്തി​ക്കു​ന്നവർ’ ആരാണ്‌, വടക്കേ​ദേ​ശത്തെ രാജാ​വു​മാ​യി അവർക്ക്‌ എന്തു ബന്ധമാണ്‌ ഉണ്ടായി​രു​ന്നത്‌?

³ “ഉടമ്പടി​ക്കു വിരോ​ധ​മാ​യി ദുഷ്ടത പ്രവർത്തി​ക്കു​ന്ന​വരെ അവൻ [വടക്കേ​ദേ​ശത്തെ രാജാവ്‌] ചക്കരവാ​ക്കു​ക​ളി​ലൂ​ടെ വിശ്വാ​സ​ത്യാ​ഗ​ത്തി​ലേക്കു നയിക്കും” എന്നു ദൂതൻ പറഞ്ഞു. ദൂതൻ ഇങ്ങനെ കൂട്ടി​ച്ചേർത്തു: “എന്നാൽ തങ്ങളുടെ ദൈവത്തെ അറിയുന്ന ജനം ജയം​പ്രാ​പിച്ച്‌ ഫലപ്ര​ദ​മാ​യി പ്രവർത്തി​ക്കും. ജനത്തിൽ ഉൾക്കാ​ഴ്‌ച​യു​ള്ളവർ അനേകർക്കു ഗ്രാഹ്യം പ്രദാനം ചെയ്യും. കുറെ​ക്കാ​ല​ത്തേക്ക്‌ അവർ തീർച്ച​യാ​യും വാൾകൊ​ണ്ടും തീകൊ​ണ്ടും പ്രവാ​സം​കൊ​ണ്ടും കവർച്ച​കൊ​ണ്ടും വീഴാൻ ഇടയാ​കും.”—ദാനീ​യേൽ 11:32, 33, NW.

⁴ ‘ഉടമ്പടി​ക്കു വിരോ​ധ​മാ​യി ദുഷ്ടത പ്രവർത്തി​ക്കു​ന്നവർ’ ക്രൈ​സ്‌ത​വ​ലോക നേതാ​ക്ക​ന്മാർ ആകാനേ ഇടയു​ളളൂ. തങ്ങൾ ക്രിസ്‌ത്യാ​നി​കൾ ആണെന്നാണ്‌ അവർ അവകാ​ശ​പ്പെ​ടു​ന്നത്‌, എന്നാൽ അവരുടെ ചെയ്‌തി​കൾ ക്രിസ്‌ത്യാ​നി​ത്വ​മെന്ന പേരി​നു​തന്നെ കളങ്കം ചാർത്തു​ന്നു. സോവി​യറ്റ്‌ യൂണി​യ​നി​ലെ മതം (ഇംഗ്ലീഷ്‌) എന്ന പുസ്‌ത​ക​ത്തിൽ വൊൾട്ടർ കോളാ​ഴ്‌സ്‌ പറയുന്നു: “[രണ്ടാം ലോക​മ​ഹാ​യു​ദ്ധ​ത്തിൽ] സോവി​യറ്റ്‌ ഗവൺമെന്റ്‌ മാതൃ​രാ​ജ്യ​ത്തി​ന്റെ പ്രതി​രോ​ധാർഥം സഭകളു​ടെ ഭൗതി​ക​വും ധാർമി​ക​വു​മായ സഹായം തരപ്പെ​ടു​ത്താൻ ഒരു ശ്രമം നടത്തി.” യുദ്ധ​ശേഷം, വടക്കേ​ദേ​ശത്തെ രാജാ​വാ​യി ഉയർന്നു​വന്ന ഈ ശക്തിയു​ടെ നിരീ​ശ്വ​ര​വാദ നയങ്ങൾ കാര്യ​മാ​ക്കാ​തെ അതുമാ​യു​ളള സൗഹൃദം കാത്തു​സൂ​ക്ഷി​ക്കാൻ സഭാ​നേ​താ​ക്ക​ന്മാർ ശ്രമിച്ചു. അങ്ങനെ, ക്രൈ​സ്‌ത​വ​ലോ​കം മുമ്പെ​ന്ന​ത്തേ​തി​ലും അധികം ഈ ലോക​ത്തി​ന്റെ ഭാഗമാ​യി​ത്തീർന്നു—യഹോ​വ​യു​ടെ ദൃഷ്ടി​യിൽ മ്ലേച്ഛമായ വിശ്വാ​സ​ത്യാ​ഗം​തന്നെ.—യോഹ​ന്നാൻ 17:16; യാക്കോബ്‌ 4:4.

5, 6. “തങ്ങളുടെ ദൈവത്തെ അറിയുന്ന ജനം” ആരായി​രു​ന്നു, വടക്കേ​ദേ​ശത്തെ രാജാ​വി​നു കീഴിൽ അവർ എങ്ങനെ നില​കൊ​ണ്ടു?

⁵ എന്നാൽ “തങ്ങളുടെ ദൈവത്തെ അറിയുന്ന ജന”വും “ഉൾക്കാ​ഴ്‌ച​യു​ളളവ”രും ആയ സത്യ​ക്രി​സ്‌ത്യാ​നി​കളെ സംബന്ധി​ച്ചെന്ത്‌? വടക്കേ​ദേ​ശത്തെ രാജാ​വി​ന്റെ ഭരണത്തിൻ കീഴിൽ ആയിരുന്ന ക്രിസ്‌ത്യാ​നി​കൾ, “ശ്രേഷ്‌ഠാ​ധി​കാ​രങ്ങൾ”ക്ക്‌ ഉചിത​മാ​യി “കീഴടങ്ങി”യിരു​ന്നു​വെ​ങ്കി​ലും ഈ ലോക​ത്തി​ന്റെ ഭാഗമാ​യി​രു​ന്നില്ല. (റോമർ 13:1; യോഹ​ന്നാൻ 18:36) “കൈസർക്കു​ള​ളതു കൈസർക്കു”തന്നെ തിരി​ച്ചു​കൊ​ടു​ക്കാൻ ശ്രദ്ധിച്ച അവർ “ദൈവ​ത്തി​ന്നു​ള​ളതു ദൈവ​ത്തി​ന്നും കൊടു”ത്തു. (മത്തായി 22:21) തന്മൂലം അവരുടെ നിർമലത വെല്ലു​വി​ളി​ക്ക​പ്പെട്ടു.—2 തിമൊ​ഥെ​യൊസ്‌ 3:12.

⁶ തത്‌ഫ​ല​മാ​യി, യഥാർഥ ക്രിസ്‌ത്യാ​നി​കൾ ‘വീഴുക’യും അതേസ​മയം ‘ജയം​പ്രാ​പി​ക്കുക’യും ചെയ്‌തു. പീഡി​പ്പി​ക്ക​പ്പെ​ടു​ക​യും കഠിന​മാ​യി കഷ്ടം അനുഭ​വി​ക്കു​ക​യും ചിലർ വധിക്ക​പ്പെ​ടു​ക​യും ചെയ്‌തു എന്ന അർഥത്തി​ലാണ്‌ അവർ വീണത്‌. എന്നാൽ അവരിൽ ഏറിയ​പ​ങ്കും വിശ്വ​സ്‌ത​രാ​യി നില​കൊ​ണ്ടു എന്ന അർഥത്തി​ലാണ്‌ അവർ ജയം​പ്രാ​പി​ച്ചത്‌. യേശു​വി​നെ​പ്പോ​ലെ തന്നെ അവരും ലോകത്തെ ജയിച്ച​ടക്കി. (യോഹ​ന്നാൻ 16:33) കൂടാതെ, ജയിലി​ലോ തടങ്കൽ പാളയ​ങ്ങ​ളി​ലോ ആയിരു​ന്ന​പ്പോൾപ്പോ​ലും അവർ പ്രസം​ഗ​വേല നിറു​ത്തി​യില്ല. അങ്ങനെ അവർ ‘അനേകർക്കു ഗ്രാഹ്യം പ്രദാനം ചെയ്‌തു.’ പീഡനം ഉണ്ടായി​രു​ന്നി​ട്ടും, വടക്കേ​ദേ​ശത്തെ രാജാവ്‌ ഭരിച്ച മിക്ക രാജ്യ​ങ്ങ​ളി​ലും യഹോ​വ​യു​ടെ സാക്ഷി​ക​ളു​ടെ എണ്ണം വർധിച്ചു. “ഉൾക്കാ​ഴ്‌ച​യു​ള്ളവ”രുടെ വിശ്വ​സ്‌തത നിമിത്തം, സദാ വർധി​ച്ചു​കൊ​ണ്ടി​രി​ക്കുന്ന “മഹാപു​രു​ഷാര”ത്തിന്റെ ഒരു ഭാഗം ആ രാജ്യ​ങ്ങ​ളിൽ പ്രത്യ​ക്ഷ​പ്പെ​ട്ടി​രി​ക്കു​ന്നു.—വെളി​പ്പാ​ടു 7:9-14.

യഹോ​വ​യു​ടെ ജനം സ്‌ഫുടം ചെയ്യ​പ്പെ​ടു​ന്നു

7. വടക്കേ​ദേ​ശത്തെ രാജാ​വി​ന്റെ കീഴിൽ ജീവി​ച്ചി​രുന്ന ക്രിസ്‌ത്യാ​നി​കൾക്ക്‌ എന്ത്‌ “അല്‌പ​സ​ഹായ”മാണു ലഭിച്ചത്‌?

⁷ ദൈവ​ജനം “വീഴു​മ്പോൾ അവർ അല്‌പ​സ​ഹാ​യ​ത്താൽ രക്ഷ പ്രാപി​ക്കു”മെന്നു ദൂതൻ പറഞ്ഞു. (ദാനീ​യേൽ 11:34എ) രണ്ടാം ലോക​മ​ഹാ​യു​ദ്ധ​ത്തിൽ തെക്കേ​ദേ​ശത്തെ രാജാ​വി​നു​ണ്ടായ വിജയം ശത്രു​രാ​ജാ​വി​ന്റെ കീഴിൽ ജീവി​ച്ചി​രുന്ന ക്രിസ്‌ത്യാ​നി​കൾക്കു കുറെ​യൊ​ക്കെ ആശ്വാസം കൈവ​രു​ത്തി. (വെളി​പ്പാ​ടു 12:15, 16 താരത​മ്യം ചെയ്യുക.) സമാന​മാ​യി, തുടർന്നു​വന്ന രാജാ​വി​നാൽ പീഡി​പ്പി​ക്ക​പ്പെ​ട്ട​വർക്ക്‌ ഇടയ്‌ക്കി​ടെ അതിൽനി​ന്നു വിടുതൽ ലഭിച്ചി​രു​ന്നു. ശീതയു​ദ്ധം അവസാ​നി​ക്കവെ, വിശ്വസ്‌ത ക്രിസ്‌ത്യാ​നി​കൾ ഒരു പ്രകാ​ര​ത്തി​ലും ഭീഷണി​യ​ല്ലെന്നു മനസ്സി​ലാ​ക്കിയ അനേകം നേതാ​ക്ക​ന്മാർ അവർക്കു നിയമാം​ഗീ​കാ​രം നൽകി. അഭിഷി​ക്ത​രു​ടെ വിശ്വസ്‌ത പ്രസം​ഗ​വേ​ല​യോ​ടു പ്രതി​ക​രി​ക്കു​ക​യും അവരെ സഹായി​ക്കു​ക​യും ചെയ്‌ത പെരു​കി​ക്കൊ​ണ്ടി​രുന്ന മഹാപു​രു​ഷാ​ര​ത്തിൽ നിന്നും സഹായം എത്തി.—മത്തായി 25:34-40.

8. ചിലർ “കപടഭാ​വ​ത്തോ​ടെ” ദൈവ​ജ​ന​ത്തോ​ടു ചേർന്നത്‌ എപ്രകാ​രം?

⁸ ശീതയുദ്ധ വർഷങ്ങ​ളിൽ ദൈവത്തെ സേവി​ക്കു​ന്ന​തിൽ താത്‌പ​ര്യം കാട്ടിയ എല്ലാവ​രും നല്ല ആന്തരം ഉള്ളവരാ​യി​രു​ന്നില്ല. ദൂതൻ ഇങ്ങനെ മുന്നറി​യി​പ്പു കൊടു​ത്തി​രു​ന്നു: “പലരും കപടഭാ​വ​ത്തോ​ടെ അവരോ​ടു ചേർന്നു​കൊ​ള​ളും.” (ദാനീ​യേൽ 11:34ബി) അനേകർ സത്യത്തിൽ താത്‌പ​ര്യം കാണി​ച്ചെ​ങ്കി​ലും ദൈവ​ത്തി​നു സമർപ്പണം നടത്താൻ അവർ ഒരുക്ക​മ​ല്ലാ​യി​രു​ന്നു. സുവാർത്ത സ്വീക​രി​ച്ച​വ​രെന്നു തോന്നിയ മറ്റു ചിലർ വാസ്‌ത​വ​ത്തിൽ അധികാ​രി​ക​ളു​ടെ ചാരന്മാ​രാ​യി​രു​ന്നു. ഒരു രാജ്യ​ത്തു​നി​ന്നു​ളള റിപ്പോർട്ട്‌ ഇങ്ങനെ വായി​ക്കു​ന്നു: “തത്ത്വദീ​ക്ഷ​യി​ല്ലാഞ്ഞ ഇവരിൽ ചിലർ കർത്താ​വി​ന്റെ സംഘട​ന​യി​ലേക്കു നുഴഞ്ഞു​ക​യ​റിയ കടുത്ത കമ്മ്യൂ​ണി​സ്റ്റു​കാ​രാ​യി​രു​ന്നു. വലിയ തീക്ഷ്‌ണത പ്രകട​മാ​ക്കിയ അവർ ഉയർന്ന സേവന​പ​ദ​വി​ക​ളിൽ നിയമി​ക്ക​പ്പെ​ടു​ക​പോ​ലും ചെയ്‌തു.”

9. നുഴഞ്ഞു​ക​യ​റ്റ​ക്കാർ നിമിത്തം ചില വിശ്വസ്‌ത ക്രിസ്‌ത്യാ​നി​കൾ ‘ഇടറാൻ’ യഹോവ അനുവ​ദി​ച്ചത്‌ എന്തു​കൊണ്ട്‌?

⁹ ദൂതൻ ഇങ്ങനെ തുടർന്നു: “എന്നാൽ അന്ത്യകാ​ലം​വരെ അവരിൽ പരി​ശോ​ധ​ന​യും [“സ്‌ഫുടം ചെയ്യലും,” NW] ശുദ്ധീ​ക​ര​ണ​വും നിർമ്മ​ലീ​ക​ര​ണ​വും സാധി​ക്കേ​ണ്ട​തി​ന്നു ബുദ്ധി​മാ​ന്മാ​രിൽ ചിലർ വീഴും [“ഇടറും”, NW]; നിശ്ചയി​ക്ക​പ്പെ​ട്ട​കാ​ലത്തു മാത്രം അന്തം വരും.” (ദാനീ​യേൽ 11:35) വിശ്വ​സ്‌ത​രായ ചിലർ അധികാ​രി​ക​ളു​ടെ കൈക​ളിൽ അകപ്പെ​ടാൻ നുഴഞ്ഞു​ക​യ​റ്റ​ക്കാർ ഇടയാക്കി. തന്റെ ജനത്തെ സ്‌ഫുടം ചെയ്യാ​നും ശുദ്ധീ​ക​രി​ക്കാ​നും വേണ്ടി​യാ​യി​രു​ന്നു അത്തരം കാര്യങ്ങൾ സംഭവി​ക്കാൻ യഹോവ അനുവ​ദി​ച്ചത്‌. യേശു “താൻ അനുഭ​വിച്ച കഷ്ടങ്ങളാൽ അനുസ​രണം പഠിച്ച”തുപോ​ലെ, ഈ വിശ്വ​സ്‌തർ തങ്ങളുടെ വിശ്വാ​സ​ത്തി​ന്റെ പരി​ശോ​ധ​ന​യിൽനി​ന്നു സഹിഷ്‌ണുത പഠിച്ചു. (എബ്രായർ 5:8; യാക്കോബ്‌ 1:2, 3; മലാഖി 3:3 താരത​മ്യം ചെയ്യുക.) അങ്ങനെ അവർ ‘സ്‌ഫുടം ചെയ്യ​പ്പെ​ടു​ക​യും ശുദ്ധീ​ക​രി​ക്ക​പ്പെ​ടു​ക​യും നിർമ​ലീ​ക​രി​ക്ക​പ്പെ​ടു​ക​യും’ ചെയ്‌തു.

10. “അന്ത്യകാ​ലം​വരെ” എന്ന പ്രയോ​ഗ​ത്താൽ എന്താണ്‌ അർഥമാ​ക്ക​പ്പെ​ടു​ന്നത്‌?

¹⁰ യഹോ​വ​യു​ടെ ജനം “അന്ത്യകാ​ലം​വരെ” ഇടറി​ക്ക​പ്പെ​ടു​ക​യും സ്‌ഫുടം ചെയ്യ​പ്പെ​ടു​ക​യും വേണമാ​യി​രു​ന്നു. ഈ ദുഷ്ട വ്യവസ്ഥി​തി​യു​ടെ അവസാനം വരെ അവർ തീർച്ച​യാ​യും പീഡനങ്ങൾ പ്രതീ​ക്ഷി​ക്കു​ന്നു. എന്നാൽ, വടക്കേ​ദേ​ശത്തെ രാജാ​വി​ന്റെ കടന്നാ​ക്രമണ ഫലമാ​യുള്ള ദൈവ​ജ​ന​ത്തി​ന്റെ ശുദ്ധീ​ക​ര​ണ​വും നിർമ​ലീ​ക​ര​ണ​വും ‘നിശ്ചയി​ക്ക​പ്പെട്ട കാല​ത്തേക്കു’ മാത്ര​മാ​യി​രു​ന്നു. അതു​കൊണ്ട്‌ ദാനീ​യേൽ 11:35-ലെ ‘അന്ത്യകാ​ലം,’ വടക്കേ​ദേ​ശത്തെ രാജാ​വി​ന്റെ ആക്രമണം സഹിക്കവെ സ്‌ഫുടം ചെയ്യ​പ്പെ​ടാൻ ദൈവ​ജ​ന​ത്തിന്‌ ആവശ്യ​മാ​യി​രുന്ന കാലഘ​ട്ട​ത്തി​ന്റെ അന്ത്യത്തെ ആയിരി​ക്കണം സൂചി​പ്പി​ക്കു​ന്നത്‌. ആ ഇടറി​വീ​ഴൽ വ്യക്തമാ​യും യഹോവ നിശ്ചയിച്ച കാലത്ത്‌ അവസാ​നി​ച്ചു.

രാജാവ്‌ സ്വയം മഹത്ത്വീ​ക​രി​ക്കു​ന്നു

11. യഹോ​വ​യു​ടെ പരമാ​ധി​കാ​ര​ത്തോ​ടുള്ള വടക്കേ​ദേ​ശത്തെ രാജാ​വി​ന്റെ മനോ​ഭാ​വത്തെ കുറിച്ചു ദൂതൻ എന്തു പറഞ്ഞു?

¹¹ വടക്കേ​ദേ​ശത്തെ രാജാ​വി​നെ കുറിച്ചു ദൂതൻ ഇങ്ങനെ കൂട്ടി​ച്ചേർത്തു: “രാജാ​വോ ഇഷ്ടം​പോ​ലെ പ്രവർത്തി​ക്കും; അവൻ തന്നെത്താൻ ഉയർത്തി, ഏതു ദേവന്നും​മേ​ലാ​യി മഹത്വീ​ക​രി​ക്ക​യും [യഹോ​വ​യു​ടെ പരമാ​ധി​കാ​രം അംഗീ​ക​രി​ക്കാൻ വിസമ്മ​തി​ച്ചു​കൊണ്ട്‌] ദൈവാ​ധി​ദൈ​വ​ത്തി​ന്റെ നേരെ അപൂർവ്വ​കാ​ര്യ​ങ്ങളെ സംസാ​രി​ക്ക​യും, കോപം നിവൃ​ത്തി​യാ​കു​വോ​ളം അവന്നു സാധി​ക്ക​യും ചെയ്യും; നിർണ്ണ​യി​ക്ക​പ്പെ​ട്ടി​രി​ക്കു​ന്നതു സംഭവി​ക്കു​മ​ല്ലോ. അവൻ എല്ലാറ​റി​ന്നും മേലായി തന്നെത്താൻ മഹത്വീ​ക​രി​ക്കു​ക​യാൽ തന്റെ പിതാ​ക്ക​ന്മാ​രു​ടെ ദേവന്മാ​രെ​യും സ്‌ത്രീ​ക​ളു​ടെ ഇഷ്ടദേ​വ​നെ​യും [“ആഗ്രഹ​ത്തെ​യും,” NW] യാതൊ​രു ദേവ​നെ​യും കൂട്ടാ​ക്കു​ക​യില്ല.”—ദാനീ​യേൽ 11:36, 37.

12, 13. (എ) വടക്കേ​ദേ​ശത്തെ രാജാവ്‌ “പിതാ​ക്കൻമാ​രു​ടെ ദേവൻമാ​രെ” തിരസ്‌ക​രി​ച്ചത്‌ ഏതു വിധത്തിൽ? (ബി) വടക്കേ​ദേ​ശത്തെ രാജാവ്‌ ഏതു “സ്‌ത്രീ​ക​ളു​ടെ ആഗ്രഹങ്ങൾ”ക്കാണു യാതൊ​രു പരിഗ​ണ​ന​യും നൽകാ​തി​രു​ന്നത്‌? (സി) വടക്കേ​ദേ​ശത്തെ രാജാവ്‌ ഏതു “ദേവ”നാണു മഹത്ത്വം നൽകി​യത്‌?

¹² ഈ പ്രാവ​ച​നിക വാക്കുകൾ നിവർത്തി​ച്ചു​കൊ​ണ്ടു വടക്കേ​ദേ​ശത്തെ രാജാവ്‌ ക്രൈ​സ്‌ത​വ​ലോ​ക​ത്തി​ന്റെ ത്രിത്വ​ദേ​വ​നെ​പ്പോ​ലുള്ള “പിതാ​ക്കൻമാ​രു​ടെ ദേവൻമാ​രെ” തിരസ്‌ക​രി​ച്ചു. കമ്മ്യൂ​ണി​സ്റ്റു ചേരി കറതീർന്ന നിരീ​ശ്വ​ര​വാ​ദത്തെ പ്രോ​ത്സാ​ഹി​പ്പി​ച്ചു. അങ്ങനെ “എല്ലാറ​റി​ന്നും മേലായി തന്നെത്താൻ മഹത്വീ​കരി”ച്ചുകൊ​ണ്ടു വടക്കേ​ദേ​ശത്തെ രാജാവ്‌ സ്വയം ഒരു ദൈവ​മാ​ക്കി. “സ്‌ത്രീ​ക​ളു​ടെ”—അവന്റെ ഭരണ ദാസി​ക​ളാ​യി സേവിച്ച ഉത്തര വിയറ്റ്‌നാ​മി​നെ​പ്പോ​ലെ​യുള്ള ഉപഗ്രഹ രാജ്യ​ങ്ങ​ളു​ടെ—‘ആഗ്രഹ​ങ്ങൾക്കു’ യാതൊ​രു പരിഗ​ണ​ന​യും നൽകാതെ പ്രസ്‌തുത രാജാവ്‌ “ഇഷ്ടം​പോ​ലെ പ്രവർത്തി”ച്ചു.

¹³ പ്രവചനം തുടർന്നു​കൊ​ണ്ടു ദൂതൻ പറഞ്ഞു: “അതിന്നു പകരം അവൻ കോട്ട​ക​ളു​ടെ ദേവനെ ബഹുമാ​നി​ക്കും; അവന്റെ പിതാ​ക്ക​ന്മാർ അറിയാത്ത ഒരു ദേവനെ അവൻ പൊന്നു​കൊ​ണ്ടും വെള്ളി​കൊ​ണ്ടും രത്‌ന​ങ്ങൾകൊ​ണ്ടും മനോ​ഹ​ര​വ​സ്‌തു​ക്കൾകൊ​ണ്ടും ബഹുമാ​നി​ക്കും.” (ദാനീ​യേൽ 11:38) വാസ്‌ത​വ​ത്തിൽ വടക്കേ​ദേ​ശത്തെ രാജാവ്‌ ആധുനിക ശാസ്‌ത്രീയ സൈനിക പദ്ധതി എന്ന ‘കോട്ട​ക​ളു​ടെ ദേവനി’ലാണു വിശ്വാ​സം അർപ്പി​ച്ചത്‌. ഈ ‘ദേവന്റെ’ യാഗപീ​ഠ​ത്തിൽ ഭീമമായ സമ്പത്തു ബലിയർപ്പി​ച്ചു​കൊ​ണ്ടു പ്രസ്‌തുത രാജാവ്‌ അവനി​ലൂ​ടെ​യുള്ള രക്ഷ തേടി.

14. വടക്കേ​ദേ​ശത്തെ രാജാവ്‌ “ഫലപ്ര​ദ​മാ​യി പ്രവർത്തി”ച്ചത്‌ എങ്ങനെ?

¹⁴ “ഒരു വിദേശ ദേവ​നോ​ടൊ​പ്പം അവൻ ഏറ്റവും ശക്തമായ കോട്ട​കൾക്ക്‌ എതിരെ ഫലപ്ര​ദ​മാ​യി പ്രവർത്തി​ക്കും. അവനെ അംഗീ​ക​രി​ക്കു​ന്ന​വ​രു​ടെ മഹത്ത്വം അവൻ വർധി​പ്പി​ക്കു​ക​യും അവർ അനേകരെ ഭരിക്കാൻ ഇടയാ​ക്കു​ക​യും ചെയ്യും; പ്രതി​ഫ​ല​മാ​യി അവൻ അവർക്കു പ്രദേ​ശ​ങ്ങ​ളും വിഭാ​ഗി​ച്ചു കൊടു​ക്കും.” (ദാനീ​യേൽ 11:39, NW) തന്റെ സൈനിക “വിദേശ ദേവ”നിൽ ആശ്രയി​ച്ചു​കൊ​ണ്ടു വടക്കേ​ദേ​ശത്തെ രാജാവ്‌ ഏറ്റവും “ഫലപ്ര​ദ​മാ​യി” പ്രവർത്തി​ച്ചു, “അന്ത്യകാല”ത്തെ അജയ്യമായ ഒരു സൈനിക ശക്തിയാ​ണു താനെന്നു തെളി​യി​ച്ചു​കൊ​ണ്ടു​തന്നെ. (2 തിമൊ​ഥെ​യൊസ്‌ 3:1) തന്റെ പ്രത്യ​യ​ശാ​സ്‌ത്രത്തെ പിന്താ​ങ്ങി​യ​വർക്ക്‌ അവൻ രാഷ്‌ട്രീ​യ​വും സാമ്പത്തി​ക​വും ചില​പ്പോൾ സൈനി​ക​വു​മായ പിന്തുണ നൽകി.

അന്ത്യകാ​ലത്തെ ‘ഒരു സമ്മർദം ചെലുത്തൽ’

15. തെക്കേ​ദേ​ശത്തെ രാജാവ്‌ വടക്കേ​ദേ​ശത്തെ രാജാ​വി​ന്റെ​മേൽ ‘സമ്മർദം ചെലു​ത്തി​യത്‌’ എങ്ങനെ?

¹⁵ “അന്ത്യകാ​ലത്തു തെക്കെ​ദേ​ശ​ത്തി​ലെ രാജാവു അവനോ​ടു എതിർത്തു​മു​ട്ടും [“അവന്റെ മേൽ സമ്മർദം ചെലു​ത്തും,” NW]” എന്നു ദൂതൻ ദാനീ​യേ​ലി​നോ​ടു പറഞ്ഞു. (ദാനീ​യേൽ 11:40എ) “അന്ത്യകാ​ലത്തു” തെക്കേ​ദേ​ശത്തെ രാജാവ്‌ വടക്കേ​ദേ​ശത്തെ രാജാ​വി​ന്റെ​മേൽ ‘സമ്മർദം ചെലുത്തി’യിട്ടു​ണ്ടോ? (ദാനീ​യേൽ 12:4, 9) തീർച്ച​യാ​യും ഉണ്ട്‌. ഒന്നാം ലോക​മ​ഹാ​യു​ദ്ധ​ത്തി​നു​ശേഷം, വടക്കേ​ദേ​ശത്തെ രാജാ​വി​ന്റെ അതായത്‌ ജർമനി​യു​ടെ മേൽ അടി​ച്ചേൽപ്പിച്ച, ശിക്ഷി​ക്കാൻ ഉദ്ദേശി​ച്ചുള്ള സമാധാന ഉടമ്പടി തീർച്ച​യാ​യും ഒരു “സമ്മർദം,” തിരി​ച്ച​ടി​ക്കാ​നു​ളള ഒരു ഉത്തേജനം ആയിരു​ന്നു. രണ്ടാം ലോക​മ​ഹാ​യു​ദ്ധ​ത്തി​ലെ വിജയ​ത്തി​നു​ശേഷം തെക്കേ​ദേ​ശത്തെ രാജാവ്‌ തന്റെ എതിരാ​ളി​യെ ലക്ഷ്യമാ​ക്കി ഭീതി​ജ​ന​ക​മായ ആണവാ​യു​ധങ്ങൾ വിന്യ​സി​ക്കു​ക​യും നോർത്ത്‌ അറ്റ്‌ലാ​ന്റിക്‌ ട്രീറ്റി ഓർഗ​നൈ​സേഷൻ (നാറ്റോ) എന്ന ശക്തമായ ഒരു സൈനിക സഖ്യത്തെ അവന്‌ എതിരെ സംഘടി​പ്പി​ക്കു​ക​യും ചെയ്‌തു. നാറ്റോ​യു​ടെ പ്രവർത്ത​നത്തെ കുറിച്ച്‌ ഒരു ബ്രിട്ടീഷ്‌ ചരി​ത്ര​കാ​രൻ ഇങ്ങനെ പറയുന്നു: “യൂറോ​പ്പി​ലെ സമാധാ​ന​ത്തി​നു മുഖ്യ ഭീഷണി​യാ​യി കണക്കാ​ക്ക​പ്പെ​ട്ടി​രുന്ന യു.എസ്സ്‌.എസ്സ്‌.ആർ-നെ ‘നിയ​ന്ത്രി​ച്ചു​നിർത്താ’നുള്ള പ്രധാന ഉപകര​ണ​മാ​യി​രു​ന്നു അത്‌. അതിന്റെ ദൗത്യം 40 വർഷം നീണ്ടു​നി​ന്നു, അത്‌ അവിതർക്കിത വിജയം കൈവ​രി​ക്കു​ക​യും ചെയ്‌തു.” ശീതയുദ്ധ വർഷങ്ങൾ കടന്നു​പോ​യ​തോ​ടെ, തെക്കേ​ദേ​ശത്തെ രാജാ​വി​ന്റെ ‘സമ്മർദം ചെലു​ത്ത​ലിൽ’ ഉന്നത സാങ്കേ​തി​ക​വി​ദ്യ ഉപയോ​ഗി​ച്ചു​ളള ചാരവൃ​ത്തി​യും നയത​ന്ത്ര​പ​ര​വും സൈനി​ക​വു​മായ ആക്രമ​ണ​ങ്ങ​ളും ഉൾപ്പെട്ടു.

16. തെക്കേ​ദേ​ശത്തെ രാജാ​വിൽനി​ന്നുള്ള സമ്മർദ​ത്തോ​ടു വടക്കേ​ദേ​ശത്തെ രാജാവ്‌ എങ്ങനെ​യാ​ണു പ്രതി​ക​രി​ച്ചത്‌?

¹⁶ വടക്കേ​ദേ​ശത്തെ രാജാവ്‌ എങ്ങനെ​യാ​ണു പ്രതി​ക​രി​ച്ചത്‌? “വടക്കെ​ദേ​ശ​ത്തി​ലെ രാജാവു രഥങ്ങ​ളോ​ടും കുതി​ര​ച്ചേ​വ​ക​രോ​ടും വളരെ കപ്പലു​ക​ളോ​ടും കൂടെ ചുഴലി​ക്കാ​റ​റു​പോ​ലെ അവന്റെ നേരെ വരും; അവൻ ദേശങ്ങ​ളി​ലേക്കു വന്നു കവിഞ്ഞു കടന്നു​പോ​കും.” (ദാനീ​യേൽ 11:40ബി) ഭൂവി​സ്‌തൃ​തി വികസി​പ്പി​ക്കാൻ വടക്കേ​ദേ​ശത്തെ രാജാവ്‌ കൈ​ക്കൊണ്ട നടപടി​കൾ അന്ത്യനാ​ളു​ക​ളു​ടെ ചരി​ത്ര​ത്തി​ലെ ശ്രദ്ധേ​യ​മായ ഒരു അധ്യാ​യ​മാണ്‌. രണ്ടാം ലോക​മ​ഹാ​യു​ദ്ധ​ത്തിൽ നാസി “രാജാവ്‌” തന്റെ അതിർത്തി കടന്ന്‌ അയൽരാ​ജ്യ​ങ്ങ​ളി​ലേക്ക്‌ ഇരച്ചു​ക​യറി. ആ യുദ്ധത്തി​ന്റെ ഒടുക്കം, പിൻഗാ​മി​യാ​യി വന്ന “രാജാവ്‌” ശക്തമായ ഒരു സാമ്രാ​ജ്യം പടുത്തു​യർത്തി. ശീതയു​ദ്ധ​കാ​ലത്ത്‌, തന്റെ പ്രതി​യോ​ഗി​യു​ടെ ശത്രു രാജ്യ​ങ്ങ​ളെ​യും ഗ്രൂപ്പു​ക​ളെ​യും പിന്തു​ണ​ച്ചു​കൊ​ണ്ടും ആഫ്രി​ക്ക​യി​ലും ഏഷ്യയി​ലും ലാറ്റിൻ അമേരി​ക്ക​യി​ലും കലാപങ്ങൾ ഇളക്കി​വി​ട്ടു​കൊ​ണ്ടും വടക്കേ​ദേ​ശത്തെ രാജാവ്‌ തന്റെ പ്രതി​യോ​ഗി​യോട്‌ ഏറ്റുമു​ട്ടി. യഥാർഥ ക്രിസ്‌ത്യാ​നി​ക​ളു​ടെ പ്രവർത്ത​നത്തെ തടസ്സ​പ്പെ​ടു​ത്തി​ക്കൊണ്ട്‌ അവൻ അവരെ പീഡി​പ്പി​ച്ചു. പക്ഷേ ഒരു പ്രകാ​ര​ത്തി​ലും അവന്‌ അവരുടെ പ്രവർത്തനം നിറു​ത്താൻ കഴിഞ്ഞില്ല. സൈനി​ക​വും രാഷ്‌ട്രീ​യ​വു​മായ കടന്നാ​ക്ര​മ​ണ​ങ്ങ​ളി​ലൂ​ടെ അനേകം രാജ്യ​ങ്ങളെ അവൻ തന്റെ നിയ​ന്ത്ര​ണ​ത്തി​ലാ​ക്കി. അതു കൃത്യ​മാ​യും ദൂതൻ പ്രവചി​ച്ച​തു​പോ​ലെ തന്നെയാ​യി​രു​ന്നു: “അവൻ മനോ​ഹ​ര​ദേ​ശ​ത്തി​ലേ​ക്കും [യഹോ​വ​യു​ടെ ജനത്തിന്റെ ആത്മീയ അവസ്ഥ] കടക്കും; പതിനാ​യി​രം പതിനാ​യി​രം പേർ [“അനേകം രാജ്യങ്ങൾ,” NW] ഇടറി​വീ​ഴും.”—ദാനീ​യേൽ 11:41എ.

17. വടക്കേ​ദേ​ശത്തെ രാജാ​വി​ന്റെ ഭൂവി​സ്‌തൃ​തി വികസി​പ്പി​ക്കൽ നടപടി​കൾക്ക്‌ എന്തു പരിമി​തി​ക​ളാണ്‌ ഉണ്ടായി​രു​ന്നത്‌?

¹⁷ എന്നുവ​രി​കി​ലും, വടക്കേ​ദേ​ശത്തെ രാജാ​വി​നു ലോകം കീഴട​ക്കാ​നാ​യില്ല. ദൂതൻ ഇങ്ങനെ മുൻകൂ​ട്ടി പറഞ്ഞു: “എങ്കിലും ഏദോ​മും മോവാ​ബും അമ്മോ​ന്യ​ശ്രേ​ഷ്‌ഠൻമാ​രും അവന്റെ കയ്യിൽനി​ന്നു വഴുതി​പ്പോ​കും.” (ദാനീ​യേൽ 11:41ബി) പുരാതന നാളു​ക​ളിൽ ഏദോം, മോവാബ്‌, അമ്മോൻ എന്നിവ തെക്കേ​ദേ​ശത്തെ ഈജി​പ്‌ഷ്യൻ രാജാ​വി​ന്റെ​യും വടക്കേ​ദേ​ശത്തെ സിറിയൻ രാജാ​വി​ന്റെ​യും രാജ്യ​ങ്ങൾക്ക്‌ ഇടയിൽ സ്ഥിതി​ചെ​യ്‌തി​രു​ന്നു. ആധുനിക കാലത്ത്‌, വടക്കേ​ദേ​ശത്തെ രാജാവ്‌ നോട്ട​മി​ട്ടെ​ങ്കി​ലും തന്റെ സ്വാധീ​ന​ത്തിൽ കൊണ്ടു​വ​രാൻ കഴിയാ​തെ​പോയ ജനതക​ളെ​യും സംഘട​ന​ക​ളെ​യും ആണ്‌ അവ സൂചി​പ്പി​ക്കു​ന്നത്‌.

ഈജി​പ്‌ത്‌ ഒഴിഞ്ഞു​പോ​ക​യില്ല

18, 19. തെക്കേ​ദേ​ശത്തെ രാജാ​വി​നു തന്റെ പ്രതി​യോ​ഗി​യു​ടെ സ്വാധീ​നം അനുഭ​വ​പ്പെ​ട്ടത്‌ ഏതു വിധങ്ങ​ളിൽ?

¹⁸ യഹോ​വ​യു​ടെ ദൂതൻ ഇങ്ങനെ തുടർന്നു: “അവൻ [വടക്കേ​ദേ​ശത്തെ രാജാവ്‌] ദേശങ്ങ​ളു​ടെ നേരെ കൈ നീട്ടും; മിസ്ര​യീം​ദേ​ശ​വും ഒഴിഞ്ഞു​പോ​ക​യില്ല. അവൻ പൊന്നും വെളളി​യു​മായ നിക്ഷേ​പ​ങ്ങ​ളെ​യും മിസ്ര​യീ​മി​ലെ മനോ​ഹ​ര​വ​സ്‌തു​ക്ക​ളെ​യും കൈവ​ശ​മാ​ക്കും [“മറഞ്ഞി​രി​ക്കുന്ന നിധി​ക​ളു​ടെ​മേൽ ആധിപ​ത്യം നടത്തും,” NW]; ലൂബ്യ​രും കൂശ്യ​രും അവന്റെ അനുചാ​രി​കൾ [“കാൽക്കൽ,” NW] ആയിരി​ക്കും.” (ദാനീ​യേൽ 11:42, 43) തെക്കേ​ദേ​ശത്തെ രാജാ​വായ “മിസ്ര​യീം” [“ഈജി​പ്‌ത്‌,” NW] പോലും വടക്കേ​ദേ​ശത്തെ രാജാവ്‌ കൈ​ക്കൊണ്ട സാമ്രാ​ജ്യ​വി​കസന നയങ്ങളു​ടെ ഫലങ്ങളിൽനി​ന്നു രക്ഷപ്പെ​ട്ടില്ല. ഉദാഹ​ര​ണ​ത്തിന്‌, തെക്കേ​ദേ​ശത്തെ രാജാവ്‌ വിയറ്റ്‌നാ​മിൽ കനത്ത പരാജയം ഏറ്റുവാ​ങ്ങി. “ലൂബ്യ”രെയും “കൂശ്യ”രെയും സംബന്ധി​ച്ചെന്ത്‌? പുരാതന ഈജി​പ്‌തി​ന്റെ ഈ അയൽക്കാർ ഭൂമി​ശാ​സ്‌ത്ര​പ​ര​മാ​യി ആധുനിക “ഈജി​പ്‌തി”ന്റെ (തെക്കേ​ദേ​ശത്തെ രാജാ​വി​ന്റെ) അയൽക്കാ​രായ രാജ്യ​ങ്ങളെ നന്നായി മുൻനി​ഴ​ലാ​ക്കി​യേ​ക്കാം. ചില​പ്പോ​ഴെ​ല്ലാം അവർ വടക്കേ​ദേ​ശത്തെ രാജാ​വി​ന്റെ “കാൽക്കൽ” ആയിരു​ന്നി​ട്ടുണ്ട്‌ അഥവാ “അനുചാ​രി​കൾ” ആയിരു​ന്നി​ട്ടുണ്ട്‌.

¹⁹ വടക്കേ​ദേ​ശത്തെ രാജാവ്‌ ‘ഈജി​പ്‌തി​ന്റെ മറഞ്ഞി​രി​ക്കുന്ന നിധിക’ളുടെ​മേൽ ആധിപ​ത്യം നടത്തി​യി​ട്ടു​ണ്ടോ? തെക്കേ​ദേ​ശത്തെ രാജാവ്‌ തന്റെ സാമ്പത്തിക വിഭവങ്ങൾ ഉപയോ​ഗിച്ച വിധത്തി​ന്മേൽ അവനു തീർച്ച​യാ​യും ശക്തമായ സ്വാധീ​നം ഉണ്ടായി​രു​ന്നു. എതിരാ​ളി​യോ​ടുള്ള ഭയം നിമിത്തം തെക്കേ​ദേ​ശത്തെ രാജാവ്‌ ഒരു വൻ കര-നാവിക-വ്യോമ സേനയെ വേണ്ടവി​ധം നിലനിർത്താൻ ഓരോ വർഷവും ഭീമമായ തുക മാറ്റി​വെച്ചു. ഈ വിധത്തിൽ വടക്കേ​ദേ​ശത്തെ രാജാവ്‌ തെക്കേ​ദേ​ശത്തെ രാജാ​വി​ന്റെ ധനവി​നി​യോ​ഗ​ത്തി​ന്മേൽ “ആധിപ​ത്യം” പുലർത്തി അഥവാ അതിനെ നിയ​ന്ത്രി​ച്ചു.

അന്തിമ ആക്രമണം

20. വടക്കേ​ദേ​ശത്തെ രാജാ​വി​ന്റെ അന്തിമ ആക്രമ​ണത്തെ ദൂതൻ വർണി​ക്കു​ന്നത്‌ എങ്ങനെ?

²⁰ വടക്കേ​ദേ​ശത്തെ രാജാ​വും തെക്കേ​ദേ​ശത്തെ രാജാ​വും തമ്മിലുള്ള കിടമ​ത്സരം, അതു സൈനി​ക​മോ സാമ്പത്തി​ക​മോ മറ്റു വിധങ്ങ​ളിൽ ഉള്ളതോ ആയാലും അവസാ​ന​ത്തോട്‌ അടുക്കു​ക​യാണ്‌. ഇനിയും നടക്കാ​നി​രി​ക്കുന്ന പോരാ​ട്ടത്തെ കുറി​ച്ചുള്ള വിശദാം​ശങ്ങൾ വെളി​പ്പെ​ടു​ത്തി​ക്കൊ​ണ്ടു യഹോ​വ​യു​ടെ ദൂതൻ ഇപ്രകാ​രം പറഞ്ഞു: “എന്നാൽ കിഴക്കു​നി​ന്നും വടക്കു​നി​ന്നും ഉളള വർത്തമാ​ന​ങ്ങ​ളാൽ അവൻ [വടക്കേ​ദേ​ശത്തെ രാജാവ്‌] പരവശ​നാ​കും; അങ്ങനെ അവൻ പലരെ​യും നശിപ്പി​ച്ചു നിർമ്മൂ​ല​നാ​ശം വരു​ത്തേ​ണ്ട​തി​ന്നു മഹാ ക്രോ​ധ​ത്തോ​ടെ പുറ​പ്പെ​ടും. പിന്നെ അവൻ സമു​ദ്ര​ത്തി​ന്നും മഹത്വ​മു​ളള വിശുദ്ധ പർവ്വത​ത്തി​ന്നും മദ്ധ്യേ മണിപ്പന്തൽ ഇടും; അവിടെ അവൻ അന്തരി​ക്കും; ആരും അവനെ രക്ഷിക്ക​യു​മില്ല.”—ദാനീ​യേൽ 11:44, 45.

21. വടക്കേ​ദേ​ശത്തെ രാജാ​വി​നെ കുറിച്ച്‌ ഇനിയും എന്തു മനസ്സി​ലാ​ക്കാ​നുണ്ട്‌?

²¹ 1991 ഡിസം​ബ​റിൽ സോവി​യറ്റ്‌ യൂണിയൻ ശിഥി​ല​മാ​യ​തോ​ടെ വടക്കേ​ദേ​ശത്തെ രാജാ​വി​നു നിർണാ​യ​ക​മായ ഒരു തിരി​ച്ചടി നേരിട്ടു. ദാനീ​യേൽ 11:44, 45 നിവൃ​ത്തി​യേ​റു​മ്പോൾ ആരായി​രി​ക്കും വടക്കേ​ദേ​ശത്തെ രാജാവ്‌? പഴയ സോവി​യറ്റ്‌ യൂണി​യന്റെ ഭാഗമാ​യി​രുന്ന ഏതെങ്കി​ലും ഒരു രാജ്യം ആയിരി​ക്കു​മോ അത്‌? അല്ലെങ്കിൽ, മുൻകാ​ല​ങ്ങ​ളിൽ പലതവണ സംഭവി​ച്ചി​ട്ടു​ള്ള​തു​പോ​ലെ, തികച്ചും വ്യത്യ​സ്‌ത​നായ മറ്റൊ​രു​വൻ അവന്റെ സ്ഥാനം ഏറ്റെടു​ക്കു​മോ? മറ്റ്‌ അനവധി രാഷ്‌ട്രങ്ങൾ ആണവാ​യു​ധങ്ങൾ വികസി​പ്പി​ച്ചെ​ടു​ക്കു​ന്നതു പുതി​യൊ​രു ആയുധ മത്സരത്തി​നു വഴി​തെ​ളി​ക്കു​ക​യും അതു വടക്കേ​ദേ​ശത്തെ രാജാ​വി​ന്റെ തിരി​ച്ച​റി​യി​ക്ക​ലി​ന്മേൽ പ്രഭാവം ചെലു​ത്തു​ക​യും ചെയ്യു​മോ? ഈ ചോദ്യ​ങ്ങൾക്കുള്ള ഉത്തരങ്ങൾ കാലം വെളി​പ്പെ​ടു​ത്തേ​ണ്ടി​യി​രി​ക്കു​ന്നു. ഊഹാ​പോ​ഹങ്ങൾ നടത്താ​തി​രി​ക്കു​ന്ന​താ​ണു നമ്മുടെ ഭാഗത്തു ജ്ഞാനം. വടക്കേ​ദേ​ശത്തെ രാജാവ്‌ തന്റെ അന്തിമ ആക്രമണം ആരംഭി​ക്കു​മ്പോൾ, ബൈബിൾ അധിഷ്‌ഠിത ഉൾക്കാ​ഴ്‌ച​യുള്ള എല്ലാവ​രും പ്രവചന നിവൃത്തി വ്യക്തമാ​യി തിരി​ച്ച​റി​യും.—284-ാം പേജിൽ കൊടു​ത്തി​രി​ക്കുന്ന “ദാനീ​യേൽ 11-ാം അധ്യാ​യ​ത്തി​ലെ രാജാ​ക്ക​ന്മാർ” എന്ന ഭാഗം കാണുക.

22. വടക്കേ​ദേ​ശത്തെ രാജാ​വി​ന്റെ അന്തിമ ആക്രമ​ണത്തെ കുറിച്ച്‌ ഏതു ചോദ്യ​ങ്ങൾ ഉയരുന്നു?

²² എന്നാൽ, വടക്കേ​ദേ​ശത്തെ രാജാവ്‌ പെട്ടെ​ന്നു​തന്നെ എന്തു നടപടി സ്വീക​രി​ക്കു​മെന്നു നമുക്കു തീർച്ച​യാ​യും അറിയാം. “കിഴക്കു​നി​ന്നും വടക്കു​നി​ന്നും ഉളള വർത്തമാ​ന​ങ്ങ​ളാൽ” പ്രേരി​ത​നാ​യി “പലരെ​യും നശിപ്പി​ച്ചു നിർമ്മൂ​ല​നാ​ശം വരു​ത്തേ​ണ്ട​തി​ന്നു” അവൻ ഒരു ആക്രമണം നടത്തും. എന്നാൽ ആർക്ക്‌ എതിരെ ആയിരി​ക്കും ഈ ആക്രമണം? ഏതു “വർത്തമാ​നങ്ങ”ൾ ആയിരി​ക്കും അതിനു വഴിമ​രു​ന്നി​ടുക?

പരവശ​പ്പെ​ടു​ത്തുന്ന വർത്തമാ​ന​ങ്ങ​ളാൽ ഉണർത്ത​പ്പെ​ടു​ന്നു

23. (എ) അർമ​ഗെ​ദോ​നു മുമ്പു ശ്രദ്ധേ​യ​മായ ഏതു സംഭവം നടക്കണം? (ബി) “കിഴക്കു​നി​ന്നു വരുന്ന രാജാ​ക്കൻമാർ” ആർ?

²³ വ്യാജമത ലോക​സാ​മ്രാ​ജ്യ​മായ മഹാബാ​ബി​ലോ​ണി​ന്റെ നാശ​ത്തെ​ക്കു​റി​ച്ചു വെളി​പ്പാ​ടു പുസ്‌ത​ക​ത്തിന്‌ എന്താണു പറയാ​നു​ള്ള​തെന്നു നോക്കാം. സത്യാ​രാ​ധ​ന​യു​ടെ ഈ പ്രബല ശത്രു​വി​നെ “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”മായ അർമ​ഗെ​ദോ​നു മുമ്പു “തീയിൽ ഇട്ടു ചുട്ടു​ക​ള​യും.” (വെളി​പ്പാ​ടു 16:14, 16; 18:2-8) യൂഫ്രാ​ത്തേസ്‌ എന്ന പ്രതീ​കാ​ത്മക നദിയിൽ ദൈവ​ക്രോ​ധ​ത്തി​ന്റെ ആറാമത്തെ കലശം ഒഴിക്കു​ന്ന​തി​ലൂ​ടെ അവളുടെ നാശം മുൻനി​ഴ​ലാ​ക്ക​പ്പെ​ട്ടി​രി​ക്കു​ന്നു. “കിഴക്കു​നി​ന്നു വരുന്ന രാജാ​ക്കൻമാർക്കു വഴി ഒരു​ങ്ങേ​ണ്ട​തി​ന്നു” നദി വറ്റിക്ക​പ്പെ​ടു​ന്നു. (വെളി​പ്പാ​ടു 16:12) ആരാണ്‌ ഈ രാജാ​ക്ക​ന്മാർ? അതു യഹോ​വ​യാം ദൈവ​വും യേശു​ക്രി​സ്‌തു​വും അല്ലാതെ മറ്റാരു​മല്ല!—യെശയ്യാ​വു 41:2-ഉം 46:10, 11-ഉം താരത​മ്യം ചെയ്യുക.

24. യഹോ​വ​യു​ടെ ഏതു പ്രവർത്തനം വടക്കേ​ദേ​ശത്തെ രാജാ​വി​നെ പരവശ​നാ​ക്കി​യേ​ക്കാം?

²⁴ മഹാബാ​ബി​ലോ​ണി​ന്റെ നാശം വെളി​പ്പാ​ടു പുസ്‌ത​ക​ത്തിൽ പിൻവ​രുന്ന പ്രകാരം ഭംഗ്യ​ന്ത​രേണ വർണി​ച്ചി​രി​ക്കു​ന്നു: “നീ കണ്ട പത്തു കൊമ്പും [അന്ത്യകാ​ലത്തു ഭരണം നടത്തുന്ന രാജാ​ക്ക​ന്മാർ] മൃഗവും [ഐക്യ​രാ​ഷ്‌ട്ര സംഘടന] വേശ്യയെ ദ്വേഷി​ച്ചു ശൂന്യ​വും നഗ്നവു​മാ​ക്കി അവളുടെ മാംസം തിന്നു​ക​ള​യും; അവളെ തീകൊ​ണ്ടു ദഹിപ്പി​ക്ക​യും ചെയ്യും.” (വെളി​പ്പാ​ടു 17:16) എന്തു​കൊ​ണ്ടാ​യി​രി​ക്കും ഈ ഭരണാ​ധി​പ​ന്മാർ മഹാബാ​ബി​ലോ​ണി​നെ നശിപ്പി​ക്കു​ന്നത്‌? എന്തു​കൊ​ണ്ടെ​ന്നാൽ, ‘തന്റെ ചിന്തകൾ നടപ്പാ​ക്കാൻ ദൈവം അവരുടെ ഹൃദയ​ത്തിൽ തോന്നി​ച്ചു.’ (വെളി​പ്പാ​ടു 17:17) ഈ ഭരണാ​ധി​പ​ന്മാ​രിൽ വടക്കേ​ദേ​ശത്തെ രാജാ​വു​മുണ്ട്‌. അവൻ “കിഴക്കു​നി​ന്നും” കേൾക്കുന്ന വർത്തമാ​നം, മഹാമ​ത​വേ​ശ്യ​യെ പൂർണ​മാ​യും നശിപ്പി​ക്കാൻ മാനുഷ നേതാ​ക്കളെ അവരുടെ ഹൃദയ​ത്തിൽ തോന്നി​പ്പി​ക്കുന്ന യഹോ​വ​യു​ടെ ഈ പ്രവർത്ത​നത്തെ ആയിരി​ക്കാം ഉചിത​മാ​യും സൂചി​പ്പി​ക്കു​ന്നത്‌.

25. (എ) വടക്കേ​ദേ​ശത്തെ രാജാ​വിന്‌ എന്തു പ്രത്യേക ലക്ഷ്യമാ​ണു​ള്ളത്‌? (ബി) വടക്കേ​ദേ​ശത്തെ രാജാവ്‌ തന്റെ “മണിപ്പന്തൽ ഇടു”ന്നത്‌ എവിടെ?

²⁵ എന്നാൽ വടക്കേ​ദേ​ശത്തെ രാജാ​വി​ന്റെ ക്രോ​ധ​ത്തി​നു മറ്റൊരു ലക്ഷ്യവു​മുണ്ട്‌. “അവൻ സമു​ദ്ര​ത്തി​ന്നും [“മഹാസ​മു​ദ്രം,” NW] മഹത്വ​മു​ളള വിശുദ്ധ പർവ്വത​ത്തി​ന്നും മദ്ധ്യേ മണിപ്പന്തൽ ഇടും” എന്നു ദൂതൻ പറയുന്നു. ദാനീ​യേ​ലി​ന്റെ നാളിൽ മഹാസ​മു​ദ്രം മെഡി​റ്റ​റേ​നി​യൻ സമു​ദ്ര​വും മഹത്ത്വ​മു​ളള വിശുദ്ധ പർവതം ഒരിക്കൽ ദൈവ​ത്തി​ന്റെ ആലയം സ്ഥിതി​ചെ​യ്‌തി​രുന്ന സീയോ​നും ആയിരു​ന്നു. അതു​കൊണ്ട്‌ പ്രവചനം നിവൃ​ത്തി​യേ​റു​മ്പോൾ, കോപാ​ക്രാ​ന്ത​നായ വടക്കേ​ദേ​ശത്തെ രാജാവ്‌ ദൈവ​ജ​ന​ത്തി​നു നേരെ ഒരു ആക്രമണം നടത്തുന്നു. ഒരു ആത്മീയ അർഥത്തിൽ, “സമു​ദ്ര​ത്തി​ന്നും മഹത്വ​മു​ളള വിശുദ്ധ പർവ്വത​ത്തി​ന്നും മദ്ധ്യേ”യുള്ള സ്ഥലം യഹോ​വ​യു​ടെ അഭിഷിക്ത ദാസന്മാ​രു​ടെ ആത്മീയ അവസ്ഥയെ ആണ്‌ പ്രതി​നി​ധാ​നം ചെയ്യു​ന്നത്‌. അവർ ദൈവ​ത്തിൽനിന്ന്‌ അന്യപ്പെട്ട മനുഷ്യ​വർഗ “സമുദ്ര”ത്തിൽനി​ന്നു പുറത്തു വന്നിരി​ക്കു​ന്നു. യേശു​ക്രി​സ്‌തു​വി​നോട്‌ ഒപ്പം സ്വർഗീയ സീയോ​നിൽ ഭരിക്കാ​നുള്ള പ്രത്യാശ അവർക്കുണ്ട്‌.—യെശയ്യാ​വു 57:20; എബ്രായർ 12:22; വെളി​പ്പാ​ടു 14:1.

26. യെഹെ​സ്‌കേ​ലി​ന്റെ പ്രവച​ന​ത്തിൽ സൂചി​പ്പി​ച്ചി​രി​ക്കു​ന്നതു പോലെ, “വടക്കു​നി​ന്നും ഉളള” വാർത്ത​യു​ടെ ഉത്ഭവം എന്തായി​രി​ക്കാം?

²⁶ “അന്ത്യകാ​ലത്ത്‌” ദൈവ​ജ​ന​ത്തി​നു നേരെ ഉണ്ടാകുന്ന ഒരു ആക്രമ​ണത്തെ കുറിച്ചു ദാനീ​യേ​ലി​ന്റെ ഒരു സമകാ​ലി​കൻ ആയിരുന്ന യെഹെ​സ്‌കേ​ലും പ്രവചി​ച്ചു. പോരാ​ട്ട​ത്തി​നു തുടക്കം കുറി​ക്കു​ന്നതു മാഗോ​ഗി​ലെ ഗോഗ്‌ എന്ന പിശാ​ചായ സാത്താൻ ആയിരി​ക്കു​മെന്ന്‌ അവൻ പറഞ്ഞു. (യെഹെ​സ്‌കേൽ 38:14, 16) പ്രതീ​കാ​ത്മ​ക​മാ​യി പറഞ്ഞാൽ, ഏതു ദിശയിൽ നിന്നാണു ഗോഗ്‌ വരുക? “വടക്കെ അററത്തു​നി​ന്നു തന്നേ വരു”മെന്ന്‌ യഹോവ യെഹെ​സ്‌കേ​ലി​ലൂ​ടെ പറയുന്നു. (യെഹെ​സ്‌കേൽ 38:15) ആക്രമണം എത്ര കഠിന​മാ​യി​രു​ന്നാ​ലും അതു യഹോ​വ​യു​ടെ ജനത്തെ നശിപ്പി​ക്കില്ല. ഗോഗി​ന്റെ സേനകളെ ഉന്മൂലനം ചെയ്യാ​നുള്ള യഹോ​വ​യു​ടെ തന്ത്രപ​ര​മായ ഒരു നീക്കത്തി​ന്റെ ഫലമാ​യി​രി​ക്കും വിസ്‌മ​യാ​വ​ഹ​മായ ഈ ഏറ്റുമു​ട്ടൽ. അതു​കൊണ്ട്‌ യഹോവ സാത്താ​നോ​ടു പറയുന്നു: “ഞാൻ . . . നിന്റെ താടി​യെ​ല്ലിൽ ചൂണ്ടൽ കൊളു”ത്തും. “ഞാൻ നിന്നെ . . . വടക്കെ അററത്തു​നി​ന്നു പുറ​പ്പെ​ടു​വി​ച്ചു, യിസ്രാ​യേൽപർവ്വ​ത​ങ്ങ​ളിൽ വരുത്തും.” (യെഹെ​സ്‌കേൽ 38:4; 39:2) അതു​കൊണ്ട്‌, വടക്കേ​ദേ​ശത്തെ രാജാ​വി​നെ കോപാ​ക്രാ​ന്തൻ ആക്കുന്ന, “വടക്കു​നി​ന്നും ഉളള” വാർത്ത യഹോ​വ​യിൽനിന്ന്‌ ആയിരി​ക്കണം ഉത്ഭവി​ക്കു​ന്നത്‌. എന്നാൽ “കിഴക്കു​നി​ന്നും വടക്കു​നി​ന്നും ഉളള വർത്തമാ​നങ്ങ”ളിൽ ഒടുവിൽ എന്തെല്ലാം ഉൾപ്പെ​ടു​മെന്നു തീരു​മാ​നി​ക്കാൻ ദൈവ​ത്തി​നു മാത്രമേ കഴിയൂ. കാലം അതു വെളി​പ്പെ​ടു​ത്തു​ക​യും ചെയ്യും.

27. (എ) യഹോ​വ​യു​ടെ ജനത്തെ ആക്രമി​ക്കാൻ വടക്കേ​ദേ​ശത്തെ രാജാവ്‌ ഉൾപ്പെ​ടെ​യുള്ള രാഷ്‌ട്ര​ങ്ങളെ ഗോഗ്‌ പ്രേരി​പ്പി​ക്കു​ന്നത്‌ എന്തു​കൊണ്ട്‌? (ബി) ഗോഗി​ന്റെ ആക്രമണം എങ്ങനെ പരിണ​മി​ക്കും?

²⁷ മേലാൽ ലോക​ത്തി​ന്റെ ഭാഗമ​ല്ലാത്ത “ദൈവ​ത്തി​ന്റെ യിസ്രയേ”ലും “വേറെ ആടുക”ളുടെ “മഹാപു​രു​ഷാര”വും അനുഭ​വി​ക്കുന്ന സമൃദ്ധി​യാണ്‌ സകല ശക്തി​യോ​ടും​കൂ​ടെ ഈ ആക്രമണം സംഘടി​പ്പി​ക്കാൻ ഗോഗി​നെ പ്രേരി​പ്പി​ക്കു​ന്നത്‌. (ഗലാത്യർ 6:16; വെളി​പ്പാ​ടു 7:9; യോഹ​ന്നാൻ 10:16; 17:15, 16; 1 യോഹ​ന്നാൻ 5:19) ‘ജാതി​ക​ളു​ടെ ഇടയിൽനി​ന്നു ശേഖരി​ക്ക​പ്പെ​ട്ടും [ആത്മീയ] ധനം സമ്പാദി​ച്ചും ഇരിക്കുന്ന ഒരു ജനത്തെ’ ഗോഗ്‌ പുച്ഛ​ത്തോ​ടെ നോക്കു​ന്നു. ക്രിസ്‌ത്യാ​നി​ക​ളു​ടെ ആത്മീയ സ്ഥിതിയെ, അനായാ​സം കീഴട​ക്കാൻ സാധി​ക്കുന്ന “മതിലി​ല്ലാത്ത ഗ്രാമ”മായി വീക്ഷി​ച്ചു​കൊ​ണ്ടു മനുഷ്യ​വർഗ​ത്തി​ന്മേ​ലു​ളള തന്റെ സമ്പൂർണ നിയ​ന്ത്ര​ണ​ത്തിന്‌ എതിരാ​യു​ളള ഈ വിലങ്ങു​ത​ടി​യെ നീക്കം ചെയ്യാൻ ഗോഗ്‌ ഒരു അന്തിമ ശ്രമം നടത്തുന്നു. പക്ഷേ അവൻ പരാജ​യ​മ​ട​യു​ന്നു. (യെഹെ​സ്‌കേൽ 38:11, 12, 18; 39:4) വടക്കേ​ദേ​ശത്തെ രാജാവ്‌ ഉൾപ്പെ​ടെ​യുള്ള ഭൂമി​യി​ലെ രാജാ​ക്ക​ന്മാർ യഹോ​വ​യു​ടെ ജനത്തെ ആക്രമി​ക്കു​മ്പോൾ, ആ ആക്രമ​ണ​കാ​രി​കൾ “അന്തരി​ക്കും.”

‘രാജാവ്‌ അന്തരി​ക്കും’

28. വടക്കേ​ദേ​ശ​ത്തെ​യും തെക്കേ​ദേ​ശ​ത്തെ​യും രാജാ​ക്ക​ന്മാ​രു​ടെ ഭാവി സംബന്ധിച്ച്‌ നമുക്ക്‌ എന്ത്‌ അറിയാം?

²⁸ വടക്കേ​ദേ​ശത്തെ രാജാ​വി​ന്റെ അന്തിമ ആക്രമണം തെക്കേ​ദേ​ശത്തെ രാജാ​വിന്‌ എതിരാ​യി​ട്ടല്ല. അതു​കൊണ്ട്‌ വടക്കേ​ദേ​ശത്തെ രാജാ​വി​ന്റെ അന്ത്യം അവന്റെ ബദ്ധ ശത്രു​വി​ന്റെ കൈക​ളാ​ലല്ല. അതു​പോ​ലെ​തന്നെ, തെക്കേ​ദേ​ശത്തെ രാജാവ്‌ നശിപ്പി​ക്ക​പ്പെ​ടു​ന്നതു വടക്കേ​ദേ​ശത്തെ രാജാ​വി​നാ​ലു​മല്ല. തെക്കേ​ദേ​ശത്തെ രാജാവ്‌ “[മനുഷ്യ]കൈ തൊടാ​തെ,” ദൈവ​രാ​ജ്യ​ത്താ​ലാ​ണു നശിപ്പി​ക്ക​പ്പെ​ടുക.a (ദാനീ​യേൽ 8:25) വാസ്‌ത​വ​ത്തിൽ അർമ​ഗെ​ദോൻ യുദ്ധത്തിൽ ഭൂമി​യി​ലെ എല്ലാ രാജാ​ക്ക​ന്മാ​രും ദൈവ​രാ​ജ്യ​ത്താൽ നീക്കം ചെയ്യ​പ്പെ​ടേ​ണ്ട​താണ്‌. തെളി​വ​നു​സ​രിച്ച്‌, വടക്കേ​ദേ​ശത്തെ രാജാ​വി​നും അതുത​ന്നെ​യാ​ണു സംഭവി​ക്കുക. (ദാനീ​യേൽ 2:44) ആ അന്ത്യയു​ദ്ധ​ത്തി​ലേക്കു നയിക്കുന്ന സംഭവ​ങ്ങ​ളാ​ണു ദാനീ​യേൽ 11:44, 45 വിവരി​ക്കു​ന്നത്‌. വടക്കേ​ദേ​ശത്തെ രാജാവ്‌ തന്റെ അന്ത്യ​ത്തോട്‌ അടുക്കു​മ്പോൾ, ‘ആരും അവനെ രക്ഷിക്കയി’ല്ലെന്നു​ള്ള​തിൽ അതിശ​യി​ക്കാ​നില്ല!

[അടിക്കു​റി​പ്പു​കൾ]

നിങ്ങൾ എന്തു ഗ്രഹിച്ചു?

• രണ്ടാം ലോക​മ​ഹാ​യു​ദ്ധത്തെ തുടർന്നു വടക്കേ​ദേ​ശത്തെ രാജാ​വി​ന്റെ തനിമ​യ്‌ക്കു മാറ്റം വന്നത്‌ എങ്ങനെ?

• ഒടുവിൽ വടക്കേ​ദേ​ശത്തെ രാജാ​വി​നും തെക്കേ ദേശത്തെ രാജാ​വി​നും എന്തു സംഭവി​ക്കും?

• രണ്ടു രാജാ​ക്ക​ന്മാർ തമ്മിലുള്ള പോരാ​ട്ടത്തെ സംബന്ധിച്ച ദാനീ​യേൽ പ്രവച​ന​ത്തി​നു ശ്രദ്ധ കൊടു​ത്ത​തിൽനി​ന്നു നിങ്ങൾ എങ്ങനെ പ്രയോ​ജനം നേടി​യി​രി​ക്കു​ന്നു?

[284-ാം പേജിലെ ചാർട്ട്‌/ചിത്രം]

ദാനീയേൽ 11-ാം അധ്യാ​യ​ത്തി​ലെ രാജാ​ക്ക​ന്മാർ

ദാനീയേൽ 11:5 സെല്യൂ​ക്കസ്‌ ഒന്നാമൻ നൈ​ക്കേറ്റർ ടോളമി ഒന്നാമൻ

ദാനീയേൽ 11:6 ആന്റി​യോ​ക്കസ്‌ രണ്ടാമൻ ടോളമി രണ്ടാമൻ (ഭാര്യ ലവോ​ദിസ്‌) (പുത്രി ബെറ​നൈസി)

ദാനീയേൽ 11:7-9 സെല്യൂ​ക്കസ്‌ രണ്ടാമൻ ടോളമി മൂന്നാമൻ

ദാനീയേൽ 11:10-12 ആന്റി​യോ​ക്കസ്‌ മൂന്നാമൻ ടോളമി നാലാമൻ

ദാനീയേൽ 11:20 അഗസ്റ്റസ്‌

ദാനീയേൽ 11:21-24 തീബെ​ര്യൊസ്‌

[അടിക്കു​റിപ്പ്‌]

[271-ാം പേജ്‌ നിറ​യെ​യുള്ള ചിത്രം]

[279-ാം പേജിലെ ചിത്രങ്ങൾ]

തെക്കേ​ദേ​ശത്തെ രാജാ​വി​നാ​ലുള്ള ‘സമ്മർദം ചെലു​ത്ത​ലിൽ’ ഉന്നത സാങ്കേ​തിക വിദ്യ ഉപയോ​ഗി​ച്ചുള്ള ചാരവൃ​ത്തി​യും സൈനിക നടപടി​യു​ടെ ഭീഷണി​യും ഉൾപ്പെ​ട്ടി​രി​ക്കു​ന്നു