നിഷ്‌കളങ്കരായി നടക്കുക

1. എൻ ദൈവമേ, കാണ്മെൻ വിശ്വസ്‌തത,

നിന്നിലെ ആശ്രയം, എൻ നിഷ്‌കളങ്കത.

ശോധന ചെയ്‌തെന്നുള്ളം കാക്കണേ;

സംശുദ്ധനാകട്ടെ നിന്നാശിഷം നേടാൻ.

2. ഈ നീചരാം ഭോഷ്‌കു ചൊല്ലുന്നോരാം

സത്യം ത്യജിപ്പോരെ വെറുത്തിടുന്നു ഞാൻ.

എൻ ദൈവമേ, ദുഷ്ടന്മാരോടൊപ്പം നിൻ

ദാസജീവനെ നശിപ്പിച്ചിടല്ലേ.

3. നിന്നാലയ വാസമതെന്തിഷ്ടം;

നിൻ ശുദ്ധാരാധന എന്നുമെന്നാനന്ദം.

നന്ദിയാൽ നിൻ കീർത്തി ഘോഷിച്ചെങ്ങും

നിൻ ബലിപീഠം ഞാൻ വലംവെക്കുമെന്നും.