വിശ്വസ്‌ത സ്‌ത്രീകൾ, ക്രിസ്‌തീയ സോദരിമാർ

1. സാറയും എസ്ഥേർ, രൂത്തുംപോലെയുള്ളോർ

പ്രാപ്‌തരാം സ്‌ത്രീകളും പത്‌നിമാരുമാം;

ദൈവഭക്തിയെന്നും അവർക്കു ലക്ഷ്യം;

അറിയും പേരിനാൽ വിശ്വസ്‌ത സ്‌ത്രീകൾ;

ഇനിയും യാഹിനു പ്രിയരായ

പേരൊന്നും ചൊല്ലിടാ സ്‌ത്രീരത്‌നങ്ങളേറെ.

2. പാവനസ്‌നേഹം, ദയ, നന്മയെല്ലാം

കാണിച്ചെത്രയവർ സ്വജീവിതത്തിൽ!

ഏവർക്കുമുത്തമ മാതൃകയവർ.

അവരെ പിൻചെല്ലും സോദരിമാരേ,

നിങ്ങൾതൻ സേവനമതിശ്രേഷ്‌ഠം;

അനുഗൃഹീതരാം സോദരിമാർ നിങ്ങൾ.

3. സോദരിമാർ, അമ്മമാർ, ഭാര്യമാരോ

ഏവരും സേവനം മോദാൽ ചെയ്യുന്നു;

നിങ്ങൾതൻ കടമനിർവഹിക്കുന്നു.

വിനയാനതർ, താഴ്‌മയുള്ളോർ നിങ്ങൾ;

ഭയം വേണ്ടാ, ഉറച്ചുനിന്നിടിൻ;

പ്രതിഫലമേകും വേഗം യാഹാം ദൈവം.