‘ദേശം വീതംവെച്ച്‌ അവകാശം കൊടുക്കുക’

1, 2. (എ) യഹോവ യഹസ്‌കേ​ലിന്‌ എന്തു നിർദേശം കൊടു​ത്തു? (ബി) നമ്മൾ ഏതു ചോദ്യ​ങ്ങൾ പരിചി​ന്തി​ക്കും?

ആ ദർശനം കണ്ടപ്പോൾ യഹസ്‌കേ​ലി​ന്റെ മനസ്സ്‌ ഏതാണ്ട്‌ 900 വർഷം പിന്നി​ലേക്ക്‌, മോശ​യു​ടെ​യും യോശു​വ​യു​ടെ​യും കാല​ത്തേക്ക്‌, സഞ്ചരി​ച്ചു​കാ​ണും! അന്ന്‌ യഹോവ മോശയ്‌ക്കു വാഗ്‌ദ​ത്ത​ദേ​ശ​ത്തി​ന്റെ അതിർത്തി​കൾ വിശദീ​ക​രി​ച്ചു​കൊ​ടു​ത്ത​തി​നെ​ക്കു​റി​ച്ചും പിന്നീട്‌ യോശു​വ​യോട്‌ ആ ദേശം ഓരോ ഇസ്രാ​യേൽഗോ​ത്ര​ത്തി​നും എങ്ങനെ വിഭാ​ഗി​ച്ചു​കൊ​ടു​ക്ക​ണ​മെന്നു പറഞ്ഞതി​നെ​ക്കു​റി​ച്ചും യഹസ്‌കേൽ ഓർത്തി​രി​ക്കാം. (സംഖ്യ 34:1-15; യോശു. 13:7; 22:4, 9) എന്നാൽ ഇപ്പോൾ വർഷം ബി.സി. 593! വീണ്ടും ഒരിക്കൽക്കൂ​ടി വാഗ്‌ദ​ത്ത​ദേശം ഇസ്രാ​യേൽഗോ​ത്ര​ങ്ങൾക്കു വിഭാ​ഗി​ച്ചു​കൊ​ടു​ക്കാൻ യഹോവ യഹസ്‌കേ​ലി​നോ​ടും മറ്റു പ്രവാ​സി​ക​ളോ​ടും ആവശ്യ​പ്പെ​ടു​ക​യാണ്‌.​—യഹ. 45:1; 47:14; 48:29.

² ഈ ദർശനം യഹസ്‌കേ​ലി​നും മറ്റു പ്രവാ​സി​കൾക്കും എന്തു സന്ദേശ​മാ​ണു നൽകി​യത്‌? ഇന്നത്തെ ദൈവ​ജ​ന​ത്തിന്‌ അതു പ്രോ​ത്സാ​ഹനം പകരു​ന്നത്‌ എങ്ങനെ​യാണ്‌? ഭാവി​യിൽ ഈ ദർശന​ത്തി​നു വലി​യൊ​രു നിവൃ​ത്തി​യു​ണ്ടാ​കു​മോ?

3, 4. (എ) യഹസ്‌കേ​ലി​ന്റെ അവസാ​ന​ദർശനം പ്രവാ​സി​കൾക്കു നൽകിയ നാല്‌ ഉറപ്പുകൾ ഏതെല്ലാ​മാണ്‌? (ബി) ഏത്‌ ഉറപ്പി​നെ​ക്കു​റി​ച്ചാണ്‌ ഈ അധ്യാ​യ​ത്തിൽ നമ്മൾ കാണാൻപോ​കു​ന്നത്‌?

³ യഹസ്‌കേ​ലി​നു ലഭിച്ച അവസാ​ന​ദർശ​ന​മാണ്‌ അദ്ദേഹ​ത്തി​ന്റെ പുസ്‌ത​ക​ത്തി​ലെ ഒൻപത്‌ അധ്യാ​യ​ങ്ങ​ളു​ടെ പ്രമേയം. (യഹ. 40:1–48:35) അതിൽ പ്രവാ​സി​കൾക്കു പ്രോ​ത്സാ​ഹനം പകരുന്ന നാല്‌ ഉറപ്പു​ക​ളു​ണ്ടാ​യി​രു​ന്നു, മാതൃ​ദേ​ശത്ത്‌ തിരികെ എത്തുന്ന ഇസ്രാ​യേൽ ജനതയു​ടെ കാര്യ​ത്തിൽ നിറ​വേ​റുന്ന നാല്‌ ഉറപ്പുകൾ! ഏതെല്ലാ​മാ​യി​രു​ന്നു അവ? ഒന്ന്‌, ദേവാ​ല​യ​ത്തിൽ ശുദ്ധാ​രാ​ധന പുനഃ​സ്ഥാ​പി​ക്ക​പ്പെ​ടും. രണ്ട്‌, മടങ്ങി​യെ​ത്തിയ ഇസ്രാ​യേൽ ജനതയെ നയിക്കാൻ നീതി​മാ​ന്മാ​രായ പുരോ​ഹി​ത​ന്മാ​രും ഇടയന്മാ​രും ഉണ്ടായി​രി​ക്കും. മൂന്ന്‌, ഇസ്രാ​യേ​ലി​ലേക്കു മടങ്ങി​യെ​ത്തുന്ന എല്ലാവർക്കും ആ ദേശത്ത്‌ ഒരു ഓഹരി അവകാ​ശ​മാ​യി ലഭിക്കും. നാല്‌, യഹോവ വീണ്ടും അവരു​ടെ​കൂ​ടെ കഴിയും, അഥവാ എപ്പോ​ഴും അവരോ​ടൊ​പ്പം ഉണ്ടായി​രി​ക്കും.

⁴ ഇതിൽ, ശുദ്ധാ​രാ​ധന പുനഃ​സ്ഥാ​പി​ക്കു​ന്ന​തി​നെ​ക്കു​റി​ച്ചും നീതി​മാ​ന്മാ​രായ ഇടയന്മാ​രു​ടെ നേതൃ​ത്വ​ത്തെ​ക്കു​റി​ച്ചും ഉള്ള ആദ്യത്തെ രണ്ട്‌ ഉറപ്പുകൾ നിറ​വേ​റു​ന്നത്‌ എങ്ങനെ​യെന്ന്‌ ഈ പ്രസി​ദ്ധീ​ക​ര​ണ​ത്തി​ന്റെ 13-ഉം 14-ഉം അധ്യാ​യ​ങ്ങ​ളിൽ നമ്മൾ കണ്ടിരു​ന്നു. ഈ അധ്യാ​യ​ത്തിൽ, ദേശം അവകാ​ശ​മാ​യി നൽകു​ന്ന​തി​നെ​ക്കു​റി​ച്ചുള്ള മൂന്നാ​മത്തെ ഉറപ്പി​നെ​പ്പ​റ്റി​യാ​ണു കാണാൻപോ​കു​ന്നത്‌. അടുത്ത അധ്യാ​യ​ത്തിൽ യഹോ​വ​യു​ടെ സാന്നി​ധ്യ​ത്തെ സംബന്ധിച്ച വാഗ്‌ദാ​ന​ത്തെ​ക്കു​റി​ച്ചും നമ്മൾ പഠിക്കും.​—യഹ. 47:13-21; 48:1-7, 23-29.

5, 6. (എ) ഏതു പ്രദേശം വീതി​ച്ചു​കൊ​ടു​ക്കു​ന്ന​തി​നെ​ക്കു​റി​ച്ചാണ്‌ യഹസ്‌കേ​ലി​ന്റെ ദർശന​ത്തിൽ പറഞ്ഞത്‌? (അധ്യാ​യ​ത്തി​ന്റെ തുടക്ക​ത്തി​ലെ ചിത്രം കാണുക.) (ബി) ദേശം വീതി​ച്ചു​കൊ​ടു​ക്കു​ന്ന​തി​നെ​ക്കുറി​ച്ചുള്ള ദർശനം നൽകി​യത്‌ എന്തിനാ​യി​രു​ന്നു?

⁵ യഹസ്‌കേൽ 47:14 വായി​ക്കുക. പെട്ടെ​ന്നു​തന്നെ “ഏദെൻ തോട്ടം​പോ​ലെ” ആകാനി​രി​ക്കുന്ന ഒരു പ്രദേശം, യഹോവ ആ ദർശന​ത്തിൽ യഹസ്‌കേ​ലി​നു കാണി​ച്ചു​കൊ​ടു​ത്തു. (യഹ. 36:35) എന്നിട്ട്‌ പറഞ്ഞു: “ഈ പ്രദേ​ശ​മാണ്‌ 12 ഇസ്രാ​യേൽഗോ​ത്ര​ങ്ങൾക്ക്‌ അവകാ​ശ​ഭൂ​മി​യാ​യി നിങ്ങൾ വീതി​ച്ചു​കൊ​ടു​ക്കേ​ണ്ടത്‌.” (യഹ. 47:13) ‘ഈ പ്രദേശം’ എന്ന്‌ യഹോവ പറഞ്ഞത്‌, പ്രവാ​സി​കൾ മടങ്ങി​ച്ചെ​ല്ലാ​നി​രി​ക്കുന്ന ഇസ്രാ​യേൽദേ​ശ​ത്തെ​ക്കു​റി​ച്ചാ​യി​രു​ന്നു. തുടർന്ന്‌, യഹസ്‌കേൽ 47:15-21 വരെയുള്ള വാക്യ​ങ്ങ​ളിൽ ആ ദേശത്തി​ന്റെ നാല്‌ അതിരി​ന്റെ​യും സൂക്ഷ്‌മ​മായ വിശദാം​ശങ്ങൾ യഹോവ വിവരി​ക്കു​ന്നതു കാണാം.

⁶ ദേശം വീതി​ച്ചു​കൊ​ടു​ക്കു​ന്ന​തി​നെ​ക്കുറി​ച്ചുള്ള ദർശനം നൽകി​യത്‌ എന്തിനാ​യി​രു​ന്നു? കൃത്യ​മാ​യി അളന്നു​തി​രിച്ച അതിർത്തി​ക​ളെ​ക്കു​റി​ച്ചുള്ള വിവരണം യഹസ്‌കേ​ലി​നും മറ്റു പ്രവാ​സി​കൾക്കും ഒരു ഉറപ്പേകി: അവരുടെ പ്രിയ​പ്പെട്ട മാതൃ​ദേശം അവർക്ക്‌ എന്തായാ​ലും തിരികെ കിട്ടും! ഒന്ന്‌ ആലോ​ചി​ച്ചു​നോ​ക്കൂ, ഇത്ര​യേറെ വിശദാം​ശങ്ങൾ അടങ്ങിയ യഹോ​വ​യു​ടെ ആ വാക്കുകൾ പ്രവാ​സി​കൾക്ക്‌ എത്ര പ്രോ​ത്സാ​ഹനം പകർന്നു​കാ​ണും! എന്നാൽ പുരാ​ത​ന​കാ​ലത്തെ ദൈവ​ജ​ന​ത്തി​നു ശരിക്കും ആ ദേശത്ത്‌ ഒരു ഓഹരി അവകാ​ശ​മാ​യി കിട്ടി​യോ? തീർച്ച​യാ​യും!

 7. (എ) ബി.സി. 537-ൽ എന്തു സംഭവി​ക്കാൻതു​ടങ്ങി, അതിന്‌ എന്തുമാ​യി സമാന​ത​യുണ്ട്‌? (ബി) ഏതു ചോദ്യ​മാ​ണു നമ്മൾ ആദ്യം പരിചി​ന്തി​ക്കാൻപോ​കു​ന്നത്‌?

⁷ യഹസ്‌കേ​ലിന്‌ ഈ ദർശനം കിട്ടി ഏതാണ്ട്‌ 56 വർഷത്തി​നു ശേഷം, ബി.സി. 537-ൽ ആയിര​ക്ക​ണ​ക്കി​നു പ്രവാ​സി​കൾ ഇസ്രാ​യേൽ ദേശ​ത്തേക്കു മടങ്ങി​വന്ന്‌ അവിടെ താമസ​മാ​ക്കാൻതു​ടങ്ങി. പണ്ടു നടന്ന ശ്രദ്ധേ​യ​മായ ആ സംഭവ​ങ്ങൾക്ക്‌, ആധുനി​ക​കാ​ലത്തെ ദൈവ​ജ​ന​ത്തിന്‌ ഇടയിൽ നടക്കുന്ന ഒരു സംഭവ​വി​കാ​സ​വു​മാ​യി സമാന​ത​യുണ്ട്‌. കാരണം, ഒരർഥ​ത്തിൽ അവർക്കും ഒരു ദേശം അവകാ​ശ​മാ​യി കിട്ടി. എങ്ങനെ? ഒരു ആത്മീയ​ദേ​ശത്ത്‌ പ്രവേ​ശിച്ച്‌ അവിടെ താമസ​മാ​ക്കാൻ യഹോവ തന്റെ ദാസന്മാ​രെ അനുവ​ദി​ച്ചി​രി​ക്കു​ന്നു. ഇങ്ങനെ​യൊ​രു സമാന​ത​യു​ള്ള​തു​കൊ​ണ്ടു​തന്നെ, പുരാ​ത​ന​കാ​ലത്ത്‌ ഇസ്രാ​യേ​ല്യർ വാഗ്‌ദ​ത്ത​ദേ​ശത്ത്‌ തിരികെ എത്തിയ സംഭവ​ത്തെ​ക്കു​റിച്ച്‌ പഠിച്ചാൽ, ഇക്കാലത്തെ ആത്മീയ​ദേ​ശ​ത്തി​ന്റെ പുനഃ​സ്ഥാ​പ​ന​ത്തെ​ക്കു​റി​ച്ചും നമുക്കു ധാരാളം കാര്യങ്ങൾ മനസ്സി​ലാ​ക്കാ​നാ​കും. എന്നാൽ അതെക്കു​റിച്ച്‌ ചർച്ച ചെയ്യു​ന്ന​തി​നു മുമ്പ്‌ നമുക്കു മറ്റൊരു ചോദ്യ​ത്തിന്‌ ഉത്തരം കിട്ടണം: “അങ്ങനെ​യൊ​രു ആത്മീയ​ദേശം ഇന്നു ശരിക്കും നിലവി​ലു​ണ്ടോ?”

 8. (എ) യഹോവ ജഡിക ഇസ്രാ​യേൽ ജനതയ്‌ക്കു പകരം ഏതു ജനതയെ തിര​ഞ്ഞെ​ടു​ത്തു? (ബി) ആത്മീയ​ദേശം അഥവാ ആത്മീയ​പ​റു​ദീസ എന്നാൽ എന്താണ്‌? (സി) അതു നിലവിൽ വന്നത്‌ എന്നാണ്‌, അവിടെ താമസി​ക്കു​ന്നത്‌ ആരാണ്‌?

⁸ ഇസ്രാ​യേ​ല്യർ മാതൃ​ദേ​ശത്ത്‌ തിരികെ എത്തുന്ന​തി​നെ​ക്കു​റി​ച്ചുള്ള പ്രവച​ന​ങ്ങൾക്കു ഭാവി​യിൽ വലി​യൊ​രു നിവൃ​ത്തി​യു​ണ്ടാ​കു​മെന്ന്‌, മുമ്പ്‌ യഹസ്‌കേ​ലി​നു നൽകിയ ഒരു ദർശന​ത്തിൽ യഹോവ സൂചി​പ്പി​ച്ചി​രു​ന്നു. തന്റെ ‘ദാസനായ ദാവീദ്‌,’ അഥവാ യേശു​ക്രിസ്‌തു രാജാ​വാ​യി ഭരിക്കാൻ തുടങ്ങി​യ​ശേ​ഷ​മാ​യി​രി​ക്കും അതു സംഭവി​ക്കു​ക​യെ​ന്നാണ്‌ യഹോ​വ​യു​ടെ വാക്കുകൾ സൂചി​പ്പി​ച്ചത്‌. (യഹ. 37:24) എ.ഡി. 1914-ലാണു യേശു ഭരണം തുടങ്ങി​യത്‌. അതിന്‌ ഏറെ മുമ്പു​തന്നെ യഹോവ ജഡിക ഇസ്രാ​യേ​ലി​നു പകരം ആത്മീയ ഇസ്രാ​യേ​ലി​നെ ദൈവ​ജ​ന​മാ​യി തിര​ഞ്ഞെ​ടു​ത്തി​രു​ന്നു. ആത്മാഭി​ഷി​ക്ത​ക്രിസ്‌ത്യാ​നി​ക​ളാ​യി​രു​ന്നു അതിലെ അംഗങ്ങൾ. (മത്തായി 21:43; 1 പത്രോസ്‌ 2:9 വായി​ക്കുക.) എന്നാൽ യഹോവ ജഡിക ഇസ്രാ​യേൽ ജനതയ്‌ക്കു പകരം ആത്മീയ ഇസ്രാ​യേൽ ജനതയെ തിര​ഞ്ഞെ​ടു​ത്ത​തു​പോ​ലെ​തന്നെ പുരാതന ഇസ്രാ​യേൽ ദേശത്തി​നു പകരം പുതി​യൊ​രു ആത്മീയ​ദേശം (അഥവാ ഒരു ആത്മീയ​പ​റു​ദീസ) സ്ഥാപിച്ചു. (യശ. 66:8) ഈ ആത്മീയ​ദേശം എന്താ​ണെന്ന്‌ നമ്മൾ ഈ പ്രസി​ദ്ധീ​ക​ര​ണ​ത്തി​ന്റെ 17-ാം അധ്യാ​യ​ത്തിൽ കണ്ടിരു​ന്ന​ല്ലോ. ആത്മീയാർഥ​ത്തിൽ സുരക്ഷി​ത​ത്വ​മുള്ള ഒരു അവസ്ഥ അഥവാ പ്രവർത്ത​ന​മ​ണ്ഡലം ആണ്‌ അത്‌. ഭൂമി​യിൽ ശേഷി​ക്കുന്ന അഭിഷി​ക്തർ 1919 മുതൽ ഈ ആത്മീയ​ദേ​ശത്ത്‌ യഹോ​വയെ ആരാധി​ച്ചു​പോ​രു​ന്നു. (“എന്തു​കൊണ്ട്‌ 1919?” എന്ന ചതുരം 9ബി കാണുക.) കാലം കടന്നു​പോ​യ​തോ​ടെ ഭൗമി​ക​പ്ര​ത്യാ​ശ​യുള്ള “വേറെ ആടുക​ളും” ഈ ആത്മീയ​ദേ​ശത്ത്‌ താമസ​മാ​ക്കാൻതു​ടങ്ങി. (യോഹ. 10:16) ആത്മീയ​പ​റു​ദീസ ഇന്നും വളർന്നുവികസിച്ചുകൊണ്ടിരിക്കുകയാണെങ്കിലും അതിന്റെ അനു​ഗ്ര​ഹങ്ങൾ നമുക്കു മുഴു​വ​നാ​യി ലഭ്യമാ​കു​ന്നത്‌ അർമ​ഗെ​ദോ​നു ശേഷം മാത്ര​മാ​യി​രി​ക്കും.

 9. ദേശം വീതം​വെ​ക്കു​ന്ന​തി​നെ​ക്കു​റിച്ച്‌ യഹോവ വിശദ​മായ എന്തെല്ലാം നിർദേ​ശങ്ങൾ നൽകി?

⁹ യഹസ്‌കേൽ 48:1, 28 വായി​ക്കുക. ദേശത്തി​ന്റെ നാല്‌ അതിരു​ക​ളും നിർണ​യി​ച്ച​ശേഷം ആ ദേശം 12 ഗോ​ത്ര​ങ്ങൾക്ക്‌ എങ്ങനെ വീതം​വെ​ക്ക​ണ​മെന്ന്‌ യഹോവ വിശദ​മാ​യി പറഞ്ഞു​കൊ​ടു​ത്തു. ഓരോ ഗോ​ത്ര​ത്തി​നും തുല്യ​മായ ഓഹരി കിട്ടുന്ന വിധത്തിൽ, ദേശം വടക്കു​മു​തൽ തെക്കു​വരെ കൃത്യ​ത​യോ​ടെ അളന്നു​തി​രി​ക്കാൻ യഹോവ നിർദേ​ശി​ച്ചു. വടക്കേ അറ്റത്ത്‌ ദാൻ ഗോ​ത്ര​ത്തി​നും തെക്കേ അറ്റത്ത്‌ ഗാദ്‌ ഗോ​ത്ര​ത്തി​നും ഓഹരി ലഭിക്കുന്ന വിധത്തിൽ വേണമാ​യി​രു​ന്നു ദേശം വീതി​ക്കാൻ. ഓരോ ഗോ​ത്ര​ത്തി​ന്റെ​യും ഓഹരി ദേശത്തി​ന്റെ കിഴക്കേ അതിർമു​തൽ പടിഞ്ഞാ​റേ അതിരായ മഹാസ​മു​ദ്രം അഥവാ മെഡി​റ്റ​റേ​നി​യൻ കടൽവരെ നീണ്ടു​കി​ടന്നു.​—യഹ. 47:20.

10. ദർശന​ത്തി​ന്റെ ഈ ഭാഗം പ്രവാ​സി​കൾക്ക്‌ എന്തെല്ലാം ഉറപ്പേ​കി​യി​രി​ക്കാം?

¹⁰ ദർശന​ത്തി​ന്റെ ഈ ഭാഗം പ്രവാ​സി​കൾക്ക്‌ എന്തെല്ലാം ഉറപ്പേ​കി​യി​രി​ക്കാം? ദേശം വീതം​വെ​ക്കു​ന്ന​തി​നെ​ക്കു​റിച്ച്‌ യഹസ്‌കേൽ നൽകിയ വിശദ​മായ വർണന​യിൽനിന്ന്‌ പ്രവാ​സി​കൾക്ക്‌ ഒരു കാര്യം വ്യക്തമാ​യി​ക്കാ​ണും: ദേശം അളന്നു​തി​രി​ക്കു​ന്നതു വളരെ സുസം​ഘ​ടി​ത​മായ ഒരു പരിപാ​ടി​യാ​യി​രി​ക്കും. 12 ഗോ​ത്ര​ങ്ങൾക്കും ദേശം കൃത്യ​മാ​യി വീതി​ച്ചു​കൊ​ടു​ത്തു എന്ന വിശദാം​ശം അവർക്കു മറ്റൊരു കാര്യ​ത്തി​ലും ഉറപ്പു നൽകി: സ്വന്ത​ദേ​ശത്ത്‌ തിരികെ എത്തുന്ന എല്ലാ പ്രവാ​സി​കൾക്കും അവിടെ തീർച്ച​യാ​യും ഒരു ഓഹരി ലഭിക്കും. മടങ്ങി​വ​രുന്ന ആർക്കും ഭൂരഹി​ത​രോ ഭവനര​ഹി​ത​രോ ആയി കഴി​യേ​ണ്ടി​വ​രില്ല.

11. ദേശം വീതം​വെ​ക്കു​ന്ന​തി​നെ​ക്കു​റി​ച്ചുള്ള പ്രാവ​ച​നി​ക​ദർശ​ന​ത്തിൽനിന്ന്‌ എന്തെല്ലാം പാഠങ്ങ​ളാ​ണു നമുക്കു പഠിക്കാ​നു​ള്ളത്‌? (“ദേശം വിഭാ​ഗി​ക്കു​ന്നു” എന്ന ചതുരം കാണുക.)

¹¹ ഈ ദർശന​ത്തിൽനിന്ന്‌ ബലപ്പെ​ടു​ത്തുന്ന എന്തെല്ലാം പാഠങ്ങ​ളാണ്‌ ഇന്നു നമുക്കു പഠിക്കാ​നു​ള്ളത്‌? പുനഃ​സ്ഥാ​പി​ക്ക​പ്പെട്ട വാഗ്‌ദ​ത്ത​ദേ​ശത്ത്‌ ഓഹരി ലഭിച്ചതു പുരോ​ഹി​ത​ന്മാർക്കും ലേവ്യർക്കും തലവന്മാർക്കും മാത്ര​മാ​യി​രു​ന്നില്ല. 12 ഗോ​ത്ര​ങ്ങ​ളി​ലെ മറ്റെല്ലാ​വർക്കും അവിടെ ഓഹരി ലഭിച്ചു. (യഹ. 45:4, 5, 7, 8) സമാന​മാ​യി ഇന്നും ആത്മീയ​പ​റു​ദീ​സ​യിൽ ഓഹരി ലഭിക്കു​ന്നത്‌ അഭിഷി​ക്ത​ശേ​ഷി​പ്പി​നും ‘മഹാപു​രു​ഷാ​ര​ത്തി​ലെ’ അംഗങ്ങ​ളിൽ ഉത്തരവാ​ദി​ത്വ​സ്ഥാ​ന​ത്തു​ള്ള​വർക്കും മാത്രമല്ല. മഹാപു​രു​ഷാ​ര​ത്തിൽപ്പെട്ട എല്ലാവർക്കും അവിടെ ഒരു ഓഹരി​യുണ്ട്‌.a (വെളി. 7:9) സംഘട​ന​യിൽ നമുക്കുള്ള ഉത്തരവാ​ദി​ത്വം എത്ര എളിയ​താ​ണെ​ങ്കി​ലും ഈ ആത്മീയ​ദേ​ശത്ത്‌ നമുക്ക്‌ ഓരോ​രു​ത്തർക്കും അമൂല്യ​മായ ഒരു സ്ഥാനമു​ണ്ടെന്ന്‌ ഉറപ്പു​ണ്ടാ​യി​രി​ക്കുക. എത്ര ഹൃദയസ്‌പർശി​യായ ഒരു ഉറപ്പാണ്‌ അത്‌!

12, 13. ഗോ​ത്ര​ങ്ങൾക്കു ദേശം വീതി​ച്ചു​കൊ​ടു​ക്കു​ന്ന​തി​നെ​ക്കു​റിച്ച്‌ യഹോവ എന്തെല്ലാം നിർദേ​ശ​ങ്ങ​ളാ​ണു നൽകി​യത്‌?

¹² ദേശം വീതി​ച്ചു​കൊ​ടു​ക്കു​ന്ന​തി​നെ​ക്കു​റിച്ച്‌ യഹോവ നൽകിയ ചില നിർദേ​ശങ്ങൾ കേട്ട​പ്പോൾ യഹസ്‌കേ​ലിന്‌ അതിശയം തോന്നി​ക്കാ​ണും. കാരണം ദൈവം മോശയ്‌ക്കു കൊടുത്ത നിർദേ​ശ​ങ്ങ​ളിൽനിന്ന്‌ അവയ്‌ക്കു ചില വ്യത്യാ​സ​ങ്ങ​ളു​ണ്ടാ​യി​രു​ന്നു. അവയിൽ രണ്ടെണ്ണ​ത്തെ​ക്കു​റിച്ച്‌ നമുക്കു നോക്കാം. ഒന്ന്‌ ആ ദേശ​ത്തോ​ടു ബന്ധപ്പെ​ട്ട​തും മറ്റേത്‌ അതിലെ ആളുക​ളോ​ടു ബന്ധപ്പെ​ട്ട​തും ആയിരു​ന്നു.

¹³ ആദ്യം, ദേശ​ത്തെ​ക്കു​റിച്ച്‌. വലിയ ഗോ​ത്ര​ങ്ങൾക്കു ചെറി​യ​വ​യെ​ക്കാൾ കൂടുതൽ പ്രദേശം നിയമി​ച്ചു​കൊ​ടു​ക്കാ​നാ​ണു മോശ​യോ​ടു നിർദേ​ശി​ച്ചത്‌. (സംഖ്യ 26:52-54) എന്നാൽ എല്ലാ ഗോ​ത്ര​ങ്ങൾക്കും “തുല്യ​മായ ഓഹരി (“തന്റെ സഹോ​ദ​രനു ലഭിക്കു​ന്ന​തു​പോ​ലെ​തന്നെ,” അടിക്കു​റിപ്പ്‌.)” കൊടു​ക്കാ​നാ​യി​രു​ന്നു യഹസ്‌കേ​ലി​ന്റെ ദർശന​ത്തിൽ യഹോവ നൽകിയ നിർദേശം. (യഹ. 47:14) 12 ഗോ​ത്ര​ങ്ങ​ളിൽ ഓരോ​ന്നി​നും കിട്ടിയ ഓഹരി​യു​ടെ വടക്കേ അതിർമു​തൽ തെക്കേ അതിർവ​രെ​യുള്ള ദൂരം ഒരേ​പോ​ലെ​യാ​യി​രി​ക്ക​ണ​മാ​യി​രു​ന്നു. ഇസ്രാ​യേ​ല്യർ 12 ഗോ​ത്ര​ങ്ങ​ളിൽ ഏതിൽപ്പെ​ട്ട​വ​രാ​യാ​ലും അവർക്കെ​ല്ലാം വാഗ്‌ദ​ത്ത​ദേ​ശത്തെ നീരോ​ട്ട​മുള്ള മണ്ണിൽ വിളയുന്ന വിളവു​കൾ ഒരേ​പോ​ലെ ലഭിക്കുന്ന ഒരു ക്രമീ​ക​ര​ണ​മാ​യി​രു​ന്നു ഇത്‌.

14. വിദേ​ശി​ക​ളെ​ക്കു​റിച്ച്‌ യഹോവ നൽകിയ നിർദേ​ശങ്ങൾ, അവരെ​ക്കു​റിച്ച്‌ മോശ​യി​ലൂ​ടെ കൊടുത്ത നിയമ​ത്തെ​ക്കാൾ ശ്രേഷ്‌ഠ​മാ​യി​രു​ന്നത്‌ എങ്ങനെ?

¹⁴ രണ്ടാമത്‌, അതിലെ ആളുക​ളെ​ക്കു​റിച്ച്‌. മോശ​യി​ലൂ​ടെ കൊടുത്ത നിയമം, വിദേ​ശി​കളെ സംരക്ഷി​ക്കു​ക​യും ഇസ്രാ​യേൽ ജനത്തോ​ടൊ​പ്പം യഹോ​വയെ ആരാധി​ക്കാൻ അവരെ അനുവ​ദി​ക്കു​ക​യും ചെയ്‌തി​രു​ന്നെ​ങ്കി​ലും അവർക്ക്‌ ആ ദേശത്ത്‌ ഓഹരി ലഭിച്ചി​രു​ന്നില്ല. (ലേവ്യ 19:33, 34) എന്നാൽ ആ നിയമ​ത്തിൽ പറഞ്ഞി​രു​ന്ന​തി​നെ​ക്കാൾ ശ്രേഷ്‌ഠ​മായ ഒരു കാര്യം യഹോവ ഇപ്പോൾ യഹസ്‌കേ​ലി​നോ​ടു പറയുന്നു: “വിദേശി താമസി​ക്കു​ന്നത്‌ ഏതു ഗോ​ത്ര​ത്തി​ന്റെ പ്രദേ​ശ​ത്താ​ണോ അവി​ടെ​ത്തന്നെ നിങ്ങൾ അവന്‌ അവകാശം നൽകണം.” വാസ്‌ത​വ​ത്തിൽ, ‘ഇസ്രാ​യേ​ല്യ​രാ​യി ജനിച്ച​വ​രു​ടെ​യും’ ആ ദേശത്ത്‌ വന്നുതാ​മ​സി​ക്കുന്ന വിദേ​ശി​ക​ളു​ടെ​യും ഇടയി​ലു​ണ്ടാ​യി​രുന്ന പ്രധാ​ന​പ്പെട്ട ഒരു വ്യത്യാ​സ​മാണ്‌ യഹോവ ആ കല്‌പ​ന​യി​ലൂ​ടെ തുടച്ചു​നീ​ക്കി​യത്‌. (യഹ. 47:22, 23) പുനഃ​സ്ഥാ​പി​ക്ക​പ്പെട്ട ദേശത്ത്‌ യഹോ​വയ്‌ക്ക്‌ ആരാധന അർപ്പി​ക്കു​ന്ന​വ​രു​ടെ ഇടയിൽ സമത്വ​വും ഐക്യ​വും കളിയാ​ടു​ന്നത്‌ യഹസ്‌കേൽ ദർശന​ത്തിൽ കണ്ടു.​—ലേവ്യ 25:23.

15. ദേശ​ത്തെ​ക്കു​റി​ച്ചും ആളുക​ളെ​ക്കു​റി​ച്ചും യഹോവ നൽകിയ നിർദേ​ശങ്ങൾ യഹോ​വ​യെ​ക്കു​റി​ച്ചുള്ള മാറ്റം വരാത്ത ഏതു സത്യത്തിന്‌ അടിവ​ര​യി​ടു​ന്നു?

¹⁵ ദേശ​ത്തെ​ക്കു​റി​ച്ചും ആളുക​ളെ​ക്കു​റി​ച്ചും യഹസ്‌കേ​ലി​നു കിട്ടിയ ശ്രദ്ധേ​യ​മായ ആ രണ്ടു നിർദേ​ശങ്ങൾ പ്രവാ​സി​കൾക്ക്‌ എത്ര വലി​യൊ​രു പ്രോ​ത്സാ​ഹ​ന​മാ​യി​രു​ന്നി​രി​ക്കും. തങ്ങൾ ഇസ്രാ​യേ​ല്യ​രാ​യി ജനിച്ച​വ​രാ​യാ​ലും യഹോ​വയെ ആരാധി​ക്കുന്ന വിദേ​ശി​ക​ളാ​യാ​ലും യഹോവ തങ്ങൾക്കെ​ല്ലാം തുല്യ​മാ​യൊ​രു ഓഹരി തരു​മെന്ന്‌ അവർക്ക്‌ ഉറപ്പാ​യി​രു​ന്നു. (എസ്ര 8:20; നെഹ. 3:26; 7:6, 25; യശ. 56:3, 8) യഹോവ തന്റെ എല്ലാ ദാസന്മാ​രെ​യും ഒരേ​പോ​ലെ​യാ​ണു കാണു​ന്ന​തെ​ന്നും അവരെ​ല്ലാം യഹോ​വ​യു​ടെ കണ്ണിൽ വിലയു​ള്ള​വ​രാ​ണെ​ന്നും ഈ നിർദേ​ശങ്ങൾ അവരെ പഠിപ്പി​ച്ചു. ഒരിക്ക​ലും മാറ്റം വരാത്ത ഈ സത്യം അവർക്ക്‌ എത്ര ഉത്സാഹം പകർന്നു​കാ​ണും! (ഹഗ്ഗായി 2:7 വായി​ക്കുക.) നമുക്കു​ള്ളതു സ്വർഗീ​യ​പ്ര​ത്യാ​ശ​യാ​ണെ​ങ്കി​ലും ഭൗമി​ക​പ്ര​ത്യാ​ശ​യാ​ണെ​ങ്കി​ലും അതേ സത്യം ഇന്നു നമ്മളും നെഞ്ചോ​ടു ചേർക്കു​ന്നു.

16, 17. (എ) ദേശ​ത്തെ​ക്കു​റി​ച്ചും അവിടത്തെ ആളുക​ളെ​ക്കു​റി​ച്ചും ദർശന​ത്തിൽ കണ്ട കാര്യങ്ങൾ നമുക്ക്‌ എങ്ങനെ​യാ​ണു പ്രയോ​ജനം ചെയ്യുക? (ബി) അടുത്ത അധ്യാ​യ​ത്തിൽ നമ്മൾ എന്തു പഠിക്കും?

¹⁶ ദേശ​ത്തെ​ക്കു​റി​ച്ചും അവിടത്തെ ആളുക​ളെ​ക്കു​റി​ച്ചും ദർശന​ത്തിൽ കണ്ട കാര്യങ്ങൾ പഠിക്കു​ന്നതു നമുക്ക്‌ എങ്ങനെ​യാ​ണു പ്രയോ​ജനം ചെയ്യുക? സമത്വ​വും ഐക്യ​വും ഇന്നു നമ്മുടെ ലോക​വ്യാ​പ​ക​സ​ഹോ​ദ​ര​കു​ടും​ബ​ത്തി​ന്റെ മുഖമു​ദ്ര​യാ​യി​രി​ക്ക​ണ​മെന്ന്‌ അതു നമ്മളെ ഓർമി​പ്പി​ച്ചു. യഹോവ പക്ഷപാ​ത​മി​ല്ലാ​ത്ത​വ​നാണ്‌. അതു​കൊണ്ട്‌ നമ്മൾ നമ്മളോ​ടു​തന്നെ ഇങ്ങനെ ചോദി​ക്കണം: ‘യഹോ​വ​യെ​പ്പോ​ലെ ഞാനും പക്ഷപാ​ത​മി​ല്ലാ​ത്ത​വ​നാ​ണോ? എന്റെ സഹാരാ​ധ​ക​രു​ടെ വംശീ​യ​പ​ശ്ചാ​ത്ത​ല​മോ ജീവി​ത​സാ​ഹ​ച​ര്യ​മോ നോക്കാ​തെ​യാ​ണോ ഞാൻ ഓരോ​രു​ത്ത​രോ​ടും ഇടപെ​ടു​ന്നത്‌? അവരോ​ടുള്ള എന്റെ ആദരവ്‌ ഉള്ളിന്റെ ഉള്ളിൽനി​ന്നു​ള്ള​താ​ണോ?’ (റോമ. 12:10) യഹോവ ഇന്ന്‌ ആത്മീയ​പ​റു​ദീ​സ​യി​ലെ അനു​ഗ്ര​ഹങ്ങൾ നമു​ക്കെ​ല്ലാം ഒരു​പോ​ലെ ലഭ്യമാ​ക്കി​യി​രി​ക്കു​ക​യാണ്‌! നമുക്ക്‌ അവിടെ നമ്മുടെ സ്വർഗീ​യ​പി​താ​വി​നെ മുഴു​ദേ​ഹി​യോ​ടെ സേവിച്ച്‌, ആ പിതാ​വി​ന്റെ അനു​ഗ്ര​ഹങ്ങൾ ആസ്വദി​ക്കാ​നാ​കു​ന്നു. അത്തര​മൊ​രു പദവി ലഭിച്ച​തിൽ നമുക്കു വളരെ സന്തോഷം തോന്നു​ന്നി​ല്ലേ?​—ഗലാ. 3:26-29; വെളി. 7:9.

¹⁷ യഹസ്‌കേൽ കണ്ട ഒടുവി​ലത്തെ ദർശന​ത്തി​ന്റെ അവസാ​ന​ഭാ​ഗത്ത്‌ നൽകി​യി​രി​ക്കുന്ന നാലാ​മത്തെ ഉറപ്പി​നെ​ക്കു​റിച്ച്‌ നമുക്ക്‌ ഇനി നോക്കാം. യഹോവ ആ പ്രവാ​സി​ക​ളു​ടെ​കൂ​ടെ​യു​ണ്ടാ​യി​രി​ക്കും എന്ന വാഗ്‌ദാ​ന​മാ​യി​രു​ന്നു അത്‌. ആ വാഗ്‌ദാ​ന​ത്തിൽനിന്ന്‌ നമുക്ക്‌ എന്തെല്ലാം പാഠങ്ങൾ പഠിക്കാം? അടുത്ത അധ്യാ​യ​ത്തിൽ അതിനുള്ള ഉത്തരമുണ്ട്‌.