യേശു​വി​ന്റെ ജീവി​ത​വും ശുശ്രൂ​ഷ​യും

യേശു ഭൂമി​യി​ലേക്ക്‌ വന്നതിന്റെ കാരണം

ഈ മാസി​ക​യു​ടെ കഴിഞ്ഞ ലക്കത്തിൽനിന്ന്‌ നാം മനസ്സി​ലാ​ക്കി​യ​ത​നു​സ​രിച്ച്‌ തന്റെ നാല്‌ ശിഷ്യൻമാ​രോ​ടൊ​ത്തുള്ള കഫർന്ന​ഹൂ​മി​ലെ യേശു​വി​ന്റെ താമസം വളരെ തിരക്കു​പി​ടിച്ച ഒന്നായി​രു​ന്നു. ആദ്യമാ​യി, അവൻ സിന്ന​ഗോ​ഗിൽവച്ച്‌ ഭൂതം ബാധിച്ച മനുഷ്യ​നെ സുഖ​പ്പെ​ടു​ത്തി. അതിനു​ശേഷം പത്രോ​സി​ന്റെ വീട്ടിൽവച്ച്‌ അവന്റെ അമ്മാവി​യ​മ്മയെ സൗഖ്യ​മാ​ക്കി. പിന്നീട്‌, വൈകു​ന്നേരം കഫർന്ന​ഹൂ​മി​ലെ ആളുകൾ അവിടു​ണ്ടാ​യി​രുന്ന രോഗി​ക​ളെ​യെ​ല്ലാം സൗഖ്യ​മാ​ക്കു​ന്ന​തി​നു​വേണ്ടി അവന്റെ​യ​ടു​ക്കൽ കൊണ്ടു​വന്നു. അതിനാൽ അവന്‌ സ്വകാ​ര്യ​ത​യു​ണ്ടാ​യി​രു​ന്നില്ല.

പിറേ​റ​ദി​വ​സം അതികാ​ലത്ത്‌ ഇരുട്ടു​ള്ള​പ്പോൾത്തന്നെ യേശു എഴു​ന്നേ​ററ്‌ തന്റെ പിതാ​വി​നോട്‌ രഹസ്യ​മാ​യി പ്രാർത്ഥി​ക്കേ​ണ്ട​തിന്‌ ഒരു നിർജ്ജ​ന​സ്ഥ​ല​ത്തേക്ക്‌ പോകു​ന്നു. എന്നാൽ യേശു​വി​ന്റെ സ്വകാ​ര്യത അധികം സമയം ഉണ്ടായി​രു​ന്നില്ല. കാരണം പത്രോ​സും മററു​ള്ള​വ​രും യേശു​വി​നെ കാണാ​താ​യ​പ്പോൾ അവനെ തേടി പുറ​പ്പെട്ടു.

അവർ യേശു​വി​നെ കണ്ടെത്തി​യ​പ്പോൾ പത്രോസ്‌ ഇപ്രകാ​രം പറയുന്നു: “എല്ലാവ​രും നിന്നെ അന്വേ​ഷി​ക്കു​ന്നു.” കഫർന്ന​ഹൂ​മി​ലെ ആളുകൾ യേശു അവരോ​ടു​കൂ​ടെ താമസി​ക്ക​ണ​മെ​ന്നാ​ഗ്ര​ഹി​ക്കു​ന്നു. യേശു അവർക്കു​വേണ്ടി ചെയ്‌തത്‌ അവർ വിലമ​തി​ക്കു​ന്നുണ്ട്‌! എന്നാൽ യേശു ഭൂമി​യി​ലേക്ക്‌ വന്നത്‌ മുഖ്യ​മാ​യും അത്ഭുത​ക​ര​മാ​യി സൗഖ്യ​മാ​ക്കു​ന്ന​തി​നു​വേ​ണ്ടി​യാ​ണോ? അവൻ എന്തുപ​റ​യു​ന്നു?

ഒരു രേഖയ​നു​സ​രിച്ച്‌ യേശു തന്റെ ശിഷ്യൻമാ​രോട്‌ ഇങ്ങനെ മറുപടി പറയുന്നു: “ഞാൻ അടുത്ത ഗ്രാമ​ങ്ങ​ളി​ലും പ്രസം​ഗി​ക്കേ​ണ്ട​തിന്‌ നമുക്ക്‌ അവി​ടേക്ക്‌ പോകാം. ഇതിനാ​യി​ട്ട​ല്ലോ ഞാൻ പുറ​പ്പെ​ട്ടു​വ​ന്നി​രി​ക്കു​ന്നത്‌.” തങ്ങളെ വിട്ടു​പോ​കാ​തി​രി​പ്പാൻ ജനം യേശു​വി​നോ​ട​പേ​ക്ഷി​ച്ചി​ട്ടും അവൻ അവരോ​ടി​ങ്ങനെ പറയുന്നു: “ഞാൻ മററുള്ള പട്ടണങ്ങ​ളി​ലും ദൈവ​രാ​ജ്യം സുവി​ശേ​ഷി​ക്കേ​ണ്ട​താ​കു​ന്നു. ഇതിനാ​യി​ട്ട​ല്ലോ എന്നെ അയച്ചി​രി​ക്കു​ന്നത്‌.”

അതെ, തന്റെ പിതാ​വി​ന്റെ നാമം മഹത്വീ​ക​രി​ക്ക​യും സകല മാനുഷ പ്രശ്‌ന​ങ്ങ​ളും നിത്യ​മാ​യി പരിഹ​രി​ക്ക​യും ചെയ്യുന്ന ദൈവ​രാ​ജ്യ​ത്തെ​ക്കു​റിച്ച്‌ പ്രസം​ഗി​ക്കു​ന്ന​തി​നു​വേ​ണ്ടി​യാണ്‌ യേശു വിശേ​ഷാൽ ഭൂമി​യി​ലേക്ക്‌ വന്നത്‌. എന്നിരു​ന്നാ​ലും അവനെ ദൈവം അയച്ചതാ​ണെന്ന്‌ തെളി​യി​ക്കു​ന്ന​തി​നു​വേണ്ടി യേശു അത്ഭുത​ക​ര​മാ​യി സൗഖ്യ​മാ​ക്കു​ന്നു. ഇതേ വിധത്തിൽ, നൂററാ​ണ്ടു​കൾക്കു​മുമ്പ്‌ മോശെ ഒരു ദൈവ​ദാ​സ​നാ​ണെന്ന്‌ തെളി​യി​ക്കു​ന്ന​തി​നു​വേണ്ടി അത്ഭുതം പ്രവർത്തി​ച്ചു.

ഇപ്പോൾ, മററ്‌ നഗരങ്ങ​ളിൽ പ്രസം​ഗി​ക്കേ​ണ്ട​തിന്‌ യേശു കഫർന്ന​ഹൂം വിട്ടു​പോ​കു​മ്പോൾ അവന്റെ നാല്‌ ശിഷ്യൻമാ​രും അവനോ​ടു​കൂ​ടെ പോകു​ന്നു. ഇവർ പത്രോ​സും അവന്റെ സഹോ​ദ​ര​നായ അന്ത്ര​യോ​സും യോഹ​ന്നാ​നും അവന്റെ സഹോ​ദ​ര​നായ യാക്കോ​ബു​മാണ്‌. കേവലം ഒരാഴ്‌ച മുമ്പ്‌ യേശു​വി​ന്റെ ആദ്യത്തെ സഞ്ചാര സഹകാ​രി​ക​ളാ​യി​രി​ക്കാൻ യേശു അവരെ ക്ഷണിച്ചത്‌ നിങ്ങൾ ഓർമ്മി​ക്കു​ന്നു​ണ്ടാ​യി​രി​ക്കും.

നാല്‌ ശിഷ്യൻമാ​രോ​ടൊ​പ്പ​മുള്ള യേശു​വി​ന്റെ ഗലീല​യി​ലെ പ്രസം​ഗ​യാ​ത്ര തികച്ചും വിജയ​പ്ര​ദ​മാണ്‌! വാസ്‌ത​വ​ത്തിൽ അവന്റെ പ്രവർത്ത​ന​ങ്ങ​ളെ​ക്കു​റി​ച്ചുള്ള റിപ്പോർട്ട്‌ സിറിയ മുഴുവൻ പരക്കുന്നു. ഗലീല​യിൽനി​ന്നും യഹൂദ്യ​യിൽനി​ന്നും യോർദ്ദാൻ നദിക്ക​പ്പു​റ​ത്തു​നി​ന്നു​മുള്ള വലിയ പുരു​ഷാ​രം യേശു​വി​നെ​യും അവന്റെ ശിഷ്യൻമാ​രെ​യും അനുഗ​മി​ക്കു​ന്നു. മർക്കോസ്‌ 1:35-39; ലൂക്കോസ്‌ 4:42-43; മത്തായി 4:23-25; പുറപ്പാട്‌ 4:1-9, 30, 31.

◆ കഫർന്ന​ഹൂ​മി​ലെ യേശു​വി​ന്റെ തിര​ക്കേ​റിയ ദിവസ​ത്തി​നു​ശേഷം രാവിലെ എന്ത്‌ സംഭവി​ക്കു​ന്നു?

◆ യേശു ഭൂമി​യി​ലേ​ക്ക​യ​യ്‌ക്ക​പ്പെ​ട്ട​തെ​ന്തു​കൊണ്ട്‌, അവന്റെ അത്ഭുതങ്ങൾ എന്ത്‌ ഉദ്ദേശ്യം സാധിച്ചു?

◆ ഗലീല​യി​ലെ പ്രസം​ഗ​യാ​ത്ര​യിൽ ആര്‌ യേശു​വി​നോ​ടു​കൂ​ടെ പോയി, യേശു​വി​ന്റെ പ്രവർത്ത​ന​ങ്ങ​ളോ​ടുള്ള ആളുക​ളു​ടെ പ്രതി​ക​ര​ണ​മെ​ന്താ​യി​രു​ന്നു? (w86 4/1)