രക്തക്കറ​പു​രണ്ട ഒരു ലോക​ത്തിൽ ക്രിസ്‌തീയ നിഷ്‌പ​ക്ഷർ

“മനുഷ്യ​ന്റെ രക്തം ചൊരി​യുന്ന ഏവനും, അവന്റെ സ്വന്തം രക്തം മനുഷ്യ​നാൽ ചൊരി​യ​പ്പെ​ടും എന്തെന്നാൽ ദൈവ​ത്തി​ന്റെ പ്രതി​ച്ഛാ​യ​യിൽ അവൻ മനുഷ്യ​നെ ഉണ്ടാക്കി.”—ഉല്‌പത്തി 9:6

1. ആയിര​ത്തി​ത്തൊ​ള്ളാ​യി​ര​ത്തി​പ​തി​നാ​ലു​മു​ത​ലുള്ള ഏതു ലോക വികാ​സങ്ങൾ ഉൽക്കണ്‌ഠ​യ്‌ക്കു കാരണം നൽകുന്നു?

ആയിര​ത്തി​ത്തൊ​ള്ളാ​യി​ര​ത്തി​പ്പ​തി​നാ​ലി​നു​ശേഷം നടന്ന യുദ്ധങ്ങ​ളിൽ പത്തു കോടി​യി​ല​ധി​കം മനുഷ്യ​രു​ടെ രക്തം ചൊരി​യ​പ്പെട്ടു—രക്തക്കട​ലു​ക​ളു​ണ്ടാ​യി. ഭാവി​യി​ലേ​ക്കു് എന്തു പ്രത്യാ​ശ​യാ​ണു​ള്ള​തു്? 1945-ൽ ജപ്പാനി​ലെ രണ്ടു നഗരങ്ങൾക്കു നേരിട്ട നാശം 2,00,000 പേരുടെ ജീവനെ ഹനിക്കു​ക​യും ഒടുവിൽ മഹച്ഛക്തി​കൾ കൊണ്ടു​വന്ന ഒരു പുതിയ ഉപദേ​ശ​ത്തി​ലേ​ക്കു് നയിക്കു​ക​യും ചെയ്‌തു. അതു് ഉചിത​മാ​യി സുനി​ശ്ചിത പരസ്‌പര നാശം എന്നു മുദ്ര​യ​ടി​ക്ക​പ്പെട്ടു. ഇതു് ഭീതി​യു​ടെ സമനി​ല​യ്‌ക്കുള്ള അടിസ്ഥാ​ന​മാ​യി​ത്തീർന്നു. നമ്മുടെ ഭൂമിയെ പലവട്ടം നശിപ്പി​ക്കാൻ കഴിയുന്ന ന്യൂക്ലി​യർ ആയുധ​ങ്ങ​ളു​ടെ കൂനക​ളി​ന്മേ​ലാ​ണു് അതു കെട്ടി​പ്പ​ടു​ത്തി​രി​ക്കു​ന്ന​തു്. അന്തർവാ​ഹി​നി​കൾ ഈ ഭീകരാ​യു​ധ​ങ്ങളെ സമു​ദ്ര​ങ്ങ​ളി​ലേ​ക്കു് എത്തിച്ചി​രി​ക്കു​ന്നു. അടുത്ത​കാ​ല​ത്തു് ശൂന്യാ​കാ​ശ​യുദ്ധ ഭീഷണി അപകടത്തെ വ്യാപ​ക​മാ​ക്കി​യി​രി​ക്കു​ന്നു. ഭീതി​യു​ടെ സമനി​ല​പോ​ലും ഇപ്പോൾ അടിസ്ഥാ​നം വരെ കുലു​ങ്ങി​പ്പോ​യി​രി​ക്കു​ക​യാ​ണു്. ഈ ഭ്രാന്തിൽ നിന്നു് എന്തെങ്കി​ലും പോം​വ​ഴി​യു​ണ്ടോ?

2. ഈ കാലങ്ങളെ സംബന്ധി​ച്ചു് യേശു എന്തു പ്രവചി​ച്ചു, എന്നാൽ ക്രിസ്‌ത്യാ​നി​കൾക്കു് എന്തു് ഉറപ്പു​ണ്ടു്?

² ഉവ്വ്‌, ഉണ്ട്‌. എന്നാൽ അതു് രാഷ്ട്രങ്ങൾ തെര​ഞ്ഞെ​ടു​ക്കു​ന്ന​താ​യി​രി​ക്കു​ക​യില്ല. യേശു അവരുടെ ഇപ്പോ​ഴത്തെ വിഷമ​സ്ഥി​തി​യെ​ക്കു​റി​ച്ചു പ്രവചി​ച്ചി​രു​ന്നു. “സൂര്യ​നി​ലും ചന്ദ്രനി​ലും നക്ഷത്ര​ങ്ങ​ളി​ലും അടയാ​ള​ങ്ങ​ളും ഭൂമി​യിൽ സമു​ദ്ര​ത്തി​ന്റെ ഗർജന​വും പ്രക്ഷു​ബ്ധ​ത​യും നിമിത്തം പോം​വഴി അറിയാത്ത ജനതക​ളു​ടെ അതി​വേ​ദ​ന​യു​മു​ണ്ടാ​യി​രി​ക്കും. അതേ സമയം നിവസിത ഭൂമി​മേൽ സംഭവി​ക്കുന്ന കാര്യ​ങ്ങ​ളെ​ക്കു​റി​ച്ചുള്ള ഭയത്താ​ലും പ്രതീ​ക്ഷ​യാ​ലും മനുഷ്യർ മോഹാ​ല​സ്യ​പ്പെ​ടു​ക​യാണ്‌, എന്തു​കൊ​ണ്ടെ​ന്നാൽ ആകാശ​ത്തി​ന്റെ ശക്തികൾ ഉലയ്‌ക്ക​പ്പെ​ടും.” “ഉണർന്നി​രി​ക്കുന്ന” ക്രിസ്‌ത്യാ​നി​കൾ “സംഭവി​ക്കാൻ നിർണ്ണ​യി​ക്ക​പ്പെ​ട്ടി​രി​ക്കുന്ന ഈ എല്ലാ കാര്യ​ങ്ങ​ളിൽ നിന്നും ഒഴിഞ്ഞു പോകു​ന്ന​തിൽ വിജയി​ച്ചേക്കാ”മെന്നു് ഉറപ്പു​നൽകി​ക്കൊ​ണ്ടു് യേശു ആ പ്രവചനം ഉപസം​ഹ​രി​ച്ചു.—ലൂക്കോസ്‌ 21:25,26,36

ദൈവ​വു​മാ​യി സമാധാ​നം പിന്തു​ട​രു​ക

3. (എ) രാഷ്‌ട്രങ്ങൾ “ഈ ലോക​ത്തി​ന്റെ ദൈവ”ത്തിന്റെ താത്‌പ​ര്യ​ങ്ങൾക്കു് സേവ​ചെ​യ്യു​ന്ന​തെ​ങ്ങനെ? (ബി) യഹോവ എങ്ങനെ വിവാദ പ്രശ്‌ന​ത്തി​നു തീരു​മാ​ന​മു​ണ്ടാ​ക്കും?

³ രാഷ്ട്രങ്ങൾ വിശേ​ഷാൽ ന്യൂക്ലി​യർ ആയുധ​ങ്ങ​ളാൽ സുസജ്ജ​മാ​യി​രി​ക്കു​ന്നവ, ലോകാ​ധി​ത്യ​ത്തി​നു​വേ​ണ്ടി​യുള്ള ഒരു മത്സരത്തിൽ അകപ്പെ​ട്ടി​രി​ക്കു​ക​യാ​ണു്, അതു് ലോക​നാ​ശ​ത്തിൽ കലാശി​ക്കാ​വു​ന്ന​താ​ണെ​ന്നു് മനസ്സി​ലാ​ക്കാൻ കഴിയും. അതു് ഈ “ലോക​ത്തി​ന്റെ ദൈവ”ത്തിന്റെ താത്‌പ​ര്യ​ങ്ങൾക്ക​നു​സൃ​ത​മാ​യി​രി​ക്കും. “രാഷ്‌ട്രങ്ങൾ യഹോ​വ​ക്കും അവന്റെ ക്രിസ്‌തു​വി​നും എതിരാ​യി ഒന്നിച്ചു​കൂ​ടി​യി​രി​ക്കു​ക​യാ​ണെ​ന്നു്,” ക്രിസ്‌തു ഇപ്പോൾ സ്വർഗ്ഗ​ത്തിൽ സിംഹാ​സ​ന​സ്ഥ​നാ​ക്ക​പ്പെ​ട്ടി​രി​ക്കു​കയാ​ണു്. യഹോവ ആജ്ഞ കൊടു​ക്കു​മ്പോൾ ക്രിസ്‌തു ഒരു ഇരുമ്പു ചെങ്കോൽ കൊ​ണ്ടെ​ന്ന​പോ​ലെ ആ രാഷ്‌ട്ര​ങ്ങളെ തകർത്തു​ക​ള​യും. അപ്പോൾ “സമാധാ​നം നൽകുന്ന ദൈവം താമസി​യാ​തെ സാത്താനെ നിങ്ങളു​ടെ പാദങ്ങ​ളിൻ കീഴിൽ തകർക്കു”മെന്നുള്ള വാഗ്‌ദ​ത്ത​ത്തി​നു് നിവൃ​ത്തി​യു​ണ്ടാ​കും.—2 കൊരി​ന്ത്യർ 4:4, കിംഗ്‌ ജയിംസ്‌ വേർഷൻ; സങ്കീർത്തനം 2:2, 6-9; റോമർ 16:20.

4. നമുക്കു് ദൈവ​വു​മാ​യി എങ്ങനെ സമാധാ​നം പിന്തു​ട​രാം? (1 പത്രോസ്‌ 3:11)

⁴ നാം, നമ്മുടെ ഭാഗത്തു്, ആ ദൈവ​വു​മാ​യി സമാധാ​നം പിന്തു​ട​രാൻ ആഗ്രഹി​ക്കേ​ണ്ട​താ​ണു്. നമുക്കു് അതു് എങ്ങനെ ചെയ്യാം? നമുക്കു് മനുഷ്യ​ജീ​വ​ന്റെ​യും നമ്മുടെ രക്തധമ​നി​ക​ളി​ലൂ​ടെ​യും സിരക​ളി​ലൂ​ടെ​യും ഒഴുകുന്ന വില​യേ​റിയ ജീവര​ക്ത​ത്തി​ന്റെ​യും പവി​ത്ര​ത​യെ​യും സംബന്ധിച്ച ദൈവ​ത്തി​ന്റെ വീക്ഷണം ഉണ്ടായി​രി​ക്ക​ണ​മെ​ന്ന​താ​ണു് ഒരു സംഗതി.

5. യഹോവ അനിയ​ന്ത്രി​ത​മാ​യി രക്തച്ചൊ​രി​ച്ചി​ലി​നു പ്രതി​കാ​രം ചെയ്യു​ന്നു​വെ​ന്നു് ഏതു ദൃഷ്ടാ​ന്തങ്ങൾ സൂചി​പ്പി​ക്കു​ന്നു?

⁵ യഹോ​വ​യാം ദൈവ​മാ​ണു് മനുഷ്യ​ന്റെ​യും നമ്മെ ജീവനു​ള്ള​വ​രാ​ക്കി നിലനിർത്തി​ക്കൊ​ണ്ടു് മനുഷ്യ​ശ​രീ​ര​ത്തി​ലേ​ക്കു് പോഷ​ണ​മെ​ത്തി​ക്കുന്ന അത്ഭുത​ക​ര​മായ രക്തപ്ര​വാ​ഹ​ത്തി​ന്റെ​യും സ്രഷ്ടാ​വു്. മനുഷ്യ​രക്തം നിർദ്ദാ​ക്ഷി​ണ്യം ചൊരി​യ​ണ​മെ​ന്നു് ദൈവം ഒരിക്ക​ലും ഉദ്ദേശി​ച്ചി​രു​ന്നില്ല. കയീൻ ആദ്യ കൊല​പാ​തകം നടത്തി​യ​ശേഷം, ഹാബേ​ലി​ന്റെ രക്തം പ്രതി​കാ​ര​ത്തി​നാ​യി നിലവി​ളി​ക്കു​ക​യാ​ണെ​ന്നു് യഹോവ പ്രഖ്യാ​പി​ച്ചു. പിന്നീ​ടു്, കയീന്റെ സന്തതി​ക​ളി​ലൊ​രാ​ളാ​യി​രുന്ന ലാമേക്ക്‌ ഒരു കൊല​യാ​ളി​യാ​യി​ത്തീ​രു​ക​യും അവൻതന്നെ കൊല്ല​പ്പെ​ടു​ക​യാ​ണെ​ങ്കിൽ, രക്തപാ​ത​ക​ത്തിന്‌ പ്രതി​കാ​രം ചെയ്യണ​മെ​ന്നു് കവിതാ​രൂ​പ​ത്തിൽ പ്രസ്‌താ​വി​ക്കു​ക​യും ചെയ്‌തു. കാല​ക്ര​മ​ത്തിൽ ഒരു ദുഷിച്ച ലോകം അക്രമം​കൊ​ണ്ടു് നിറഞ്ഞു. ആ ഒന്നാമത്തെ മനുഷ്യ​വർഗ്ഗ​ലോ​കത്തെ നശിപ്പി​ക്കു​ന്ന​തി​നു് യഹോവ പ്രളയം അയച്ചു. സമാധാ​ന​കാം​ക്ഷി​യാ​യി​രുന്ന നോഹ​യു​ടെ കുടും​ബം മാത്രമേ അതിജീ​വി​ച്ചു​ള്ളൂ. അവന്റെ പേരിന്റെ അർത്ഥം “വിശ്രമം” എന്നാണു്.—ഉല്‌പത്തി 4:8-12, 23, 24; 6:13; 7:1.

6. രക്തം സംബന്ധിച്ച ദൈവ​ത്തി​ന്റെ നിയമ​മെ​ന്താ​ണു്, ഇതു് ആർക്കു ബാധക​മാ​ണു്?

⁶ യഹോവ പിന്നീ​ടു് രക്തത്തെ സംബന്ധിച്ച തന്റെ വ്യക്തമായ ഇഷ്ടം നോഹയെ അറിയി​ച്ചു. “മനുഷ്യ​ന്റെ രക്തം ചൊരി​യുന്ന ഏവനും അവന്റെ സ്വന്തം രക്തം മനുഷ്യ​നാൽ ചൊരി​യ​പ്പെ​ടും, എന്തെന്നാൽ ദൈവ​ത്തി​ന്റെ പ്രതി​ച്ഛാ​യ​യിൽ അവൻ മനുഷ്യ​നെ ഉണ്ടാക്കി.” (ഉല്‌പത്തി 9:3-6) ഇന്നത്തെ സകല മനുഷ്യ​വർഗ്ഗ​വും നോഹ​യു​ടെ സന്തതി​ക​ളാ​ണു്. അതു​കൊണ്ട്‌ ജീവ​നോ​ടുള്ള ആദരവി​നെ ഊന്നി​പ്പ​റ​യുന്ന ഈ ദിവ്യ നിയമം ദൈവാം​ഗീ​കാ​രം ആഗ്രഹി​ക്കുന്ന സകല മനുഷ്യർക്കും ബാധക​മാ​ണു്. പത്തു കല്‌പ​ന​ക​ളിൽ ആറാമ​ത്തേ​തും “നീ കൊല​പാ​തകം ചെയ്യരു​തു്” എന്നു് പ്രഖ്യാ​പി​ച്ചു. രക്തപാ​തകം തക്ക നടപടി​ക്കും പ്രതി​ക്രി​യ​യ്‌ക്കും ആഹ്വാനം ചെയ്യുന്നു.—പുറപ്പാ​ടു 20:13; 21:12; ആവർത്തനം 21:1-9; എബ്രായർ 10:30.

7. (എ) യുദ്ധം ചെയ്യാൻ യഹോവ യിസ്രാ​യേ​ലി​നോ​ടു കല്‌പി​ച്ച​തു് ഉചിത​മാ​യി​രു​ന്ന​തെ​ന്തു​കൊ​ണ്ടു്? (ബി) ക്രിസ്‌ത്യാ​നി​കൾ ഇന്നു് ഏതു യുദ്ധത്തിൽ ഏർപ്പെ​ട്ടി​രി​ക്കു​ന്നു?

⁷ രക്തച്ചൊ​രി​ച്ചി​ലി​നെ ഇത്ര വ്യക്തമാ​യി വിലക്കി​യി​രു​ന്ന​തി​നാൽ യുദ്ധത്തി​ലേർപ്പെ​ടാൻ യഹോവ യിസ്രാ​യേ​ലി​നെ അനുവ​ദി​ക്കു​ക​യും കല്‌പി​ക്കു​ക​പോ​ലും ചെയ്‌ത​തെ​ന്തു​കൊ​ണ്ടാ​യി​രു​ന്നു? ഇതു് വിശു​ദ്ധീ​ക​രി​ക്ക​പ്പെട്ട യുദ്ധമാ​യി​രു​ന്നു​വെ​ന്നും അതു മുഖാ​ന്തരം സകലഭൂ​മി​യു​ടേ​യും ന്യായാ​ധി​പ​തി​യായ യഹോവ ഭൂതാ​രാ​ധ​ക​രായ ജനതകളെ നിർമ്മൂ​ലനം ചെയ്യു​ക​യാ​യി​രു​ന്നു​വെ​ന്നും നാം ഓർക്കേ​ണ്ട​തു​ണ്ടു്. ദൃഷ്ടാ​ന്ത​മാ​യി കനാന്യർ വാഗ്‌ദ​ത്ത​ദേ​ശത്തെ അനധി​കൃ​ത​മാ​യി കൈയ്യ​ട​ക്കി​വ​ച്ചി​രി​ക്കു​ക​യാ​യി​രു​ന്നു. അവർ ദൈവ​ത്തി​ന്റെ വിശുദ്ധ ജനത്തെ അപകട​പ്പെ​ടു​ത്തു​മാ​യി​രുന്ന ഒരു ഭൂതാ​വിഷ്ട ദുർമ്മാർഗ്ഗ​രീ​തി പിന്തു​ട​രു​ക​യാ​യി​രു​ന്നു. യഹോവ ആ ഹീനരായ മനുഷ്യ​രെ അവരുടെ പ്രദേ​ശ​ത്തു​നി​ന്നു “ഛർദ്ദിപ്പി”ച്ചു, അതിന്‌ ദിവ്യാ​ധി​പത്യ യുദ്ധത്തെ ഉപയോ​ഗി​ച്ചു. (ലേവ്യ​പു​സ്‌തകം 18:1-30; ആവർത്തനം 7:1-6, 24) ഇതു് ക്രിസ്‌ത്യാ​നി​യു​ടെ ഇന്നത്തെ ആത്മീയ യുദ്ധത്തെ ന്യായീ​ക​രി​ക്കു​ന്നു.—2 കൊരി​ന്ത്യർ 10:3-5; എഫെസ്യർ 6:11-18.

8. നിർദ്ദോഷ രക്തം ചൊരി​യു​ന്ന​തി​ലുള്ള ദൈവ​ത്തി​ന്റെ അപ്രീ​തി​യെ പ്രകട​മാ​ക്കു​ന്ന​തെ​ന്തു്?

⁸ എന്നിരു​ന്നാ​ലും, യഹോവ വിവേ​ച​നാ​ര​ഹി​ത​മായ രക്തച്ചൊ​രി​ച്ചിൽ അംഗീ​ക​രി​ച്ചി​ട്ടില്ല. അതു​കൊ​ണ്ടു്, ഒരു യഹൂദാ രാജാ​വി​നെ​ക്കു​റി​ച്ചു് ഇങ്ങനെ എഴുത​പ്പെ​ട്ടി​രി​ക്കു​ന്നു: “മനശ്ശെ യെരു​ശ​ലേ​മി​നെ അറുതി​മു​തൽ അറുതി​വരെ നിറക്കു​ന്ന​തു​വരെ വളരെ വലിയ അളവിൽ ചൊരിഞ്ഞ നിർദ്ദോ​ഷ​ര​ക്ത​വു​മു​ണ്ടാ​യി​രു​ന്നു.” മനശ്ശെ പിന്നീ​ടു് അനുത​പി​ക്കു​ക​യും യഹോ​വ​യു​ടെ മുമ്പിൽ തന്നെത്താൻ താഴ്‌ത്തു​ക​യും ചെയ്‌തെ​ങ്കി​ലും ആ രക്തപാ​തകം അവന്റെ മേലും അവന്റെ രാജവം​ശ​ത്തി​ന്മേ​ലും തങ്ങിനി​ന്നു. മനശ്ശയു​ടെ ദൈവ​ഭ​യ​മു​ണ്ടാ​യി​രുന്ന പൗത്രൻ യോശീ​യാ രാജാവ്‌ ദേശത്തെ ശുദ്ധീ​ക​രി​ച്ചു സത്യാ​രാ​ധന പുനഃ​സ്ഥി​തീ​ക​രി​ക്കാൻ സുനി​ശ്ചിത നടപടി സ്വീക​രി​ച്ചു. എന്നാൽ അവനു് ആ രക്തപാ​തകം നീക്കാൻ കഴിഞ്ഞില്ല. യോശീ​യാ​വി​ന്റെ പുത്ര​നായ യെഹോ​യാ​ക്കീ​മി​ന്റെ വാഴ്‌ച​ക്കാ​ല​ത്തു് യഹോവ യഹൂദാ​ജ​ന​ത​യ്‌ക്കെ​തി​രെ ന്യായ​വി​ധി നടത്താൻ അതി​നെ​തി​രാ​യി നെബു​ഖ​ദ്‌നേസ്സർ രാജാ​വി​നെ വരുത്തു​ന്ന​തി​നു പുറ​പ്പെട്ടു. “മനശ്ശെ​യു​ടെ പാപങ്ങൾ നിമിത്തം, അവൻ ചെയ്‌തി​രു​ന്ന​തെ​ല്ലാ​മ​നു​സ​രി​ച്ചു് തന്റെ ദൃഷ്ടി​യിൽ നിന്നു യഹൂദയെ നീക്കം ചെയ്യാൻ അതി​നെ​തി​രെ അതു് നടന്നതു് യഹോ​വ​യു​ടെ കല്‌പ​ന​യാൽ മാത്ര​മാ​യി​രു​ന്നു. അവൻ യരുശ​ലേ​മി​നെ നിർദ്ദോ​ഷ​രക്തം കൊണ്ടു നിറയ്‌ക്ക​ത്ത​ക്ക​വ​ണ്ണ​വും യഹോവ ക്ഷമിക്കാൻ സമ്മതി​ക്കാ​തി​രി​ക്ക​ത്ത​ക്ക​വ​ണ്ണ​വും അവൻ ചൊരിഞ്ഞ നിർദ്ദോഷ രക്തം നിമി​ത്ത​വും​തന്നെ.”—2 രാജാ​ക്ക​ന്മാർ 24:1-4; 2 ദിനവൃ​ത്താ​ന്തങ്ങൾ 33:10-13

ക്രിസ്‌ത്യാ​നി​കൾക്കുള്ള പ്രമാണം

9. രക്തം ചൊരി​യു​ന്നതു സംബന്ധി​ച്ചു് യേശു ക്രിസ്‌ത്യാ​നി​കൾക്കു് എന്തു പ്രമാണം വച്ചു?

⁹ ക്രിസ്‌ത്യാ​നി​ത്വ​ത്തി​ന്റെ സ്ഥാപക​നായ യേശു രക്തച്ചൊ​രി​ച്ചിൽ സംബന്ധി​ച്ചു് ക്രിസ്‌ത്യാ​നി​കൾക്കുള്ള പ്രമാണം വെക്കു​മെന്നു പ്രതീ​ക്ഷി​ക്കാ​വു​ന്ന​താ​ണു്. അവൻ വെച്ചോ? കൊള്ളാം, അവൻ തന്റെ മരണത്തി​ന്റെ സ്‌മാ​രകം ഏർപ്പെ​ടു​ത്തി​യ​ശേഷം അല്‌പം കഴിഞ്ഞു തന്റെ ശിഷ്യ​ന്മാ​രെ​ക്കൊ​ണ്ടു് രണ്ടു വാൾ എടുപ്പി​ക്കു​ന്ന​തിൽ ശ്രദ്ധിച്ചു. എന്തു​ദ്ദേ​ശ്യ​ത്തിൽ? ഒരു മർമ്മ​പ്ര​ധാ​ന​മായ തത്വം സ്ഥാപി​ക്കു​ന്ന​തി​നു്; അതു് എല്ലാ ക്രിസ്‌ത്യാ​നി​ക​ളും അനുസ​രി​ക്കേണ്ട ഒന്നാണു്. ഗത്‌സ​മേ​ന​യിൽ യേശു​വി​നെ അറസ്റ്റു​ചെ​യ്യു​ന്ന​തി​നു പടക്കൂട്ടം വന്നപ്പോൾ ധൃതഗ​തി​ക്കാ​ര​നായ പത്രോസ്‌ ഒരു വാൾ വീശി യഹൂദ മഹാപു​രോ​ഹി​തന്റെ അടിമ​യാ​യി​രുന്ന മാൽക്ക​സി​ന്റെ വലത്തെ ചെവി വെട്ടി. ദൈവ​പു​ത്ര​നു​വേണ്ടി ഇങ്ങനെ പോരാ​ടു​ന്ന​തു് ഒരു ശ്രേഷ്‌ഠ സംഗതി ആയിരു​ന്നി​ല്ലേ? യേശു അങ്ങനെ വിചാ​രി​ച്ചില്ല. അവൻ ആ അടിമ​യു​ടെ ചെവി സൗഖ്യ​മാ​ക്കു​ക​യും തന്റെ സ്വർഗ്ഗീയ പിതാ​വു് സഹായാർത്ഥം 12 ലഗ്യോൻ ദൂതന്മാ​രെ അയക്കാൻ പ്രാപ്‌ത​നാ​ണെ​ന്നു് പത്രോ​സി​നെ ഓർമ്മി​പ്പി​ക്കു​ക​യും ചെയ്‌തു. അവിടെ യേശു ഈ അടിസ്ഥാന തത്വം പ്രസ്‌താ​വി​ച്ചു: “വാൾ എടുക്കു​ന്ന​വ​രെ​ല്ലാം വാളി​നാൽ നശിക്കും.—മത്തായി 26:51-53; ലൂക്കോസ്‌ 22:36, 38, 49-51; യോഹ​ന്നാൻ 18:10, 11.

10. (എ) യോഹ​ന്നാൻ 17:14, 16-ലും യോഹ​ന്നാൻ 18:36-ലും ഏതു പ്രധാ​ന​ത​ത്വം സ്ഥാപി​ക്ക​പ്പെ​ട്ടി​രി​ക്കു​ന്നു? (ബി) ഏതു പ്രവർത്ത​ന​ഗതി ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്കു രക്ഷയിൽ കലാശി​ച്ചു?

¹⁰ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ യഹോ​വ​യോ​ടുള്ള യേശു​വി​ന്റെ തീവ്ര​മായ പ്രാർത്ഥന പിന്നീ​ടു് അനുസ്‌മ​രി​ക്കു​മാ​യി​രു​ന്നു, അതിൽ അവൻ തന്റെ ശിഷ്യ​ന്മാ​രെ സംബന്ധി​ച്ചു് ഇങ്ങനെ പറഞ്ഞു: “ഞാൻ ലോക​ത്തി​ന്റെ ഭാഗമ​ല്ലാ​തി​രി​ക്കു​ന്ന​തു​പോ​ലെ, അവർ ലോക​ത്തി​ന്റെ ഭാഗമല്ല.” അവർ പൊന്തി​യോസ്‌ പീലാ​ത്തോ​സി​നോ​ടുള്ള യേശു​വി​ന്റെ വിശദീ​കരണ ഉത്തരം ഓർക്കും: “എന്റെ രാജ്യം ഈ ലോക​ത്തി​ന്റെ ഭാഗമല്ല. എന്റെ രാജ്യം ഈ ലോക​ത്തി​ന്റെ ഭാഗമാ​യി​രു​ന്നെ​ങ്കിൽ ഞാൻ യഹുദ​ന്മാർക്കു് ഏല്‌പി​ക്ക​പ്പെ​ടാ​തി​രി​ക്കാൻ എന്റെ സേവക​ന്മാർ പോരാ​ടു​മാ​യി​രു​ന്നു. എന്നാൽ എന്റെ രാജ്യം ഈ ഉറവിൽനി​ന്നു​ള്ളതല്ല. (യോഹ​ന്നാൻ 17:14, 16; 18:36) ആ നാളക​ളിൽ യഹൂദ വിഭാ​ഗങ്ങൾ വാഗ്രൂ​പേ​ണ​യും രക്തം ചൊരി​ഞ്ഞു​കൊ​ണ്ടും അന്യോ​ന്യം പോരാ​ടു​ക​യാ​യി​രു​ന്നു. എന്നാൽ യേശു​വി​ന്റെ ശിഷ്യ​ന്മാർ ആ വിപ്ലവ പ്രസ്ഥാ​ന​ങ്ങ​ളിൽ ചേർന്നില്ല. ഏതാണ്ടു് 30 വർഷം അവർ യരൂശ​ലേ​മിൽ കാത്തി​രു​ന്നു. അനന്തരം അവർ പർവ്വത​ത്തി​ലേ​ക്കു് ഓടി​പ്പോ​യ​തി​നാൽ യേശു​വി​ന്റെ പ്രാവ​ച​നിക അടയാ​ള​മ​നു​സ​രി​ച്ചു. അവരുടെ നിഷ്‌പക്ഷ നിലപാ​ടും അവരുടെ ഓട്ടവും അവരുടെ രക്ഷയിൽ കലാശി​ച്ചു.—മത്തായി 24:15, 16.

11, 12. (എ) കോർന്ന​ലി​യോ​സും സെർഗ്ഗ്യസ്‌ പൗലസും വിശ്വാ​സി​ക​ളാ​യി​ത്തിർന്ന​പ്പോൾ എന്തു തീരു​മാ​നം ചെയ്യേ​ണ്ടി​യി​രു​ന്നു? (ബി) ശരിയായ തീരു​മാ​നം ചെയ്യാൻ അവർക്ക്‌ എവിടെ സഹായം ലഭിക്കു​മാ​യി​രു​ന്നു? (സി) ഇത്‌ ഇന്നു നമുക്ക്‌ എന്തു സൂചി​പ്പി​ക്കു​ന്നു?

¹¹ ‘ശതാധി​പ​നാ​യി​രുന്ന കൊർന്നേ​ലി​യോ​സി​നെ​യും സൈ​പ്ര​സി​ലെ സൈനി​ക​പി​ന്തു​ണ​യുള്ള ദേശാ​ധി​പ​തി​യാ​യി​രുന്ന സെർഗ്ഗ്യസ്‌ പൗലസി​നെ​യും സംബന്ധി​ച്ചെ​ന്തു്? എന്നു ചിലർ ചോദി​ച്ചേ​ക്കാം. ഇവർ പട്ടാള​ത്തോ​ടു ബന്ധപ്പെ​ട്ട​വ​വ​രാ​യി​രു​ന്നി​ല്ലേ? ഉവ്വ്‌, അവർ ക്രിസ്‌തീയ സന്ദേശം സ്വീക​രിച്ച സമയത്തു്. എന്നാൽ തങ്ങളുടെ പരിവർത്ത​ന​ത്തി​നു ശേഷം കൊർന്നേ​ലി​യോ​സും മറ്റുള്ള​വ​രും എന്തു ചെയ്‌തു​വെ​ന്നു് തിരു​വെ​ഴു​ത്തു​കൾ പറയു​ന്നില്ല. ബുദ്ധി​ശാ​ലി​യായ ഒരു മനുഷ്യ​നാ​യി​രുന്ന സെർഗ്ഗ്യസ്‌ പൗലസ്‌ “യഹോ​വ​യു​ടെ ഉപദേ​ശ​ത്തിൽ വിസ്‌മ​യി​ച്ചു.” അയാൾ തന്റെ പുതു​താ​യി കണ്ടെത്തിയ വിശ്വാ​സ​ത്തി​ന്റെ വെളി​ച്ച​ത്തിൽ പെട്ടെ​ന്നു​തന്നെ തന്റെ ലൗകിക നിലയെ സൂക്ഷ്‌മ​മാ​യി പരി​ശോ​ധി​ക്കു​ക​യും ശരിയായ തീരു​മാ​നം ചെയ്യു​ക​യും ചെയ്യു​മെ​ന്നു് ഇതിനു സംശയ​മില്ല. കോർന്ന​ലി​യോ​സും അങ്ങനെ ചെയ്യു​മാ​യി​രു​ന്നു. (പ്രവൃ​ത്തി​കൾ 10:1, 2, 44-48; 13:7, 12) അവർ എന്തു് നടപടി സ്വീക​രി​ക്ക​ണ​മെ​ന്നു് ശിഷ്യ​ന്മാർ അവരോ​ടു പറഞ്ഞതാ​യി രേഖയില്ല. അവരുടെ സ്വന്തം ദൈവ​വചന പഠനത്തിൽ നിന്നു് അവർക്കു് അതു മനസ്സി​ലാ​ക്കാൻ കഴിയു​മാ​യി​രു​ന്നു.—യെശയ്യാ​വു് 2:2-4; മീഖാ 4:3

¹² അതു​പോ​ലെ​തന്നെ, ഇന്നു ക്രിസ്‌ത്യാ​നി​കൾ ക്രിസ്‌തീയ നിഷ്‌പ​ക്ഷ​ത​യോ​ടും ബന്ധപ്പെട്ട വിവാ​ദ​പ്ര​ശ്‌ന​ങ്ങ​ളിൽ ഏതു നിലപാ​ടു് സ്വീക​രി​ക്ക​ണ​മെന്നു മറ്റുള്ള​വരെ വ്യക്തി​പ​ര​മാ​യി ഉപദേ​ശി​ക്ക​രു​തു്. ഓരോ​രു​ത്ത​നും ബൈബിൾ തത്വങ്ങൾ അനുസ​രി​ച്ചുള്ള തന്റെ ഗ്രാഹ്യ​ത്തി​ന​നു​സൃ​ത​മാ​യി മനഃസാ​ക്ഷി​പ​ര​മായ സ്വന്തം തീരു​മാ​നങ്ങൾ ചെയ്യേ​ണ്ട​താ​ണു്.—ഗലാത്യർ 6:4, 5.

ആധുനിക കാലങ്ങ​ളിൽ

13. ഒന്നാം ലോക​മ​ഹാ​യു​ദ്ധ​കാ​ലത്തു രക്തപാ​തകം ഒഴിവാ​ക്കാൻ ശ്രമി​ച്ച​തിൽ ബൈബിൾ വിദ്യാർഥി​കൾക്കു് എന്തു വിജയം ലഭിച്ചു?

¹³ സമഗ്ര​യു​ദ്ധം ലോക​രം​ഗ​ത്തു് ആക്രമണം നടത്തി​യ​തു് 1914-ൽ ആയിരു​ന്നു. ജനതക​ളു​ടെ മുഴു വിഭവ​ങ്ങ​ളും അവരുടെ മനുഷ്യ​ശ​ക്തി​യും യുദ്ധത്തി​നു വിനി​യോ​ഗി​ക്ക​പ്പെട്ടു. അന്നു് യഹോ​വ​യു​ടെ സാക്ഷികൾ ബൈബിൾ വിദ്യാർത്ഥി​കൾ എന്നാണു് വിളി​ക്ക​പ്പെ​ട്ടി​രു​ന്ന​തു്; അവരിൽ അനേകർ രക്തപാ​തകം ഒഴിവാ​ക്കാൻ പ്രശം​സാർഹ​മായ ശ്രമം ചെയ്‌തു. അവർ യേശു പറഞ്ഞി​രു​ന്ന​തു​പോ​ലെ​തന്നെ കഠിന​മാ​യി പീഡി​പ്പി​ക്ക​പ്പെട്ടു.—യോഹ​ന്നാൻ 15:17-20.

14, 15. (എ) രണ്ടാം ലോക​മ​ഹാ​യു​ദ്ധ​കാ​ലത്തു യഹോവ എങ്ങനെ മാർഗ​നിർദേശം നൽകി? (ബി) അന്നു് യഹോ​വ​യു​ടെ സാക്ഷികൾ എന്തു വ്യക്തമായ നിലപാ​ടു സ്വീക​രി​ച്ചു? (സി) ഇതു ലൗകിക മതഭക്തർ ചെയ്‌തു​കൊ​ണ്ടി​രു​ന്ന​തിൽനി​ന്നു് വ്യത്യ​സ്‌ത​മാ​യി​രു​ന്ന​തെ​ങ്ങനെ?

¹⁴ ആഗോള പോരാ​ട്ടം വീണ്ടും 1939-ൽ പൊട്ടി​പ്പു​റ​പ്പെ​ട്ട​പ്പോൾ യഹോവ തന്റെ ദാസന്മാർക്കു് വ്യക്തമായ മാർഗ​നിർദ്ദേശം നൽകി. യുദ്ധ​പ്ര​ഖ്യാ​പനം കഴിഞ്ഞു രണ്ടു മാസത്തി​നു​ള്ളിൽ വീക്ഷാ​ഗോ​പു​ര​ത്തി​ന്റെ 1939 നവംബർ 1-ലെ ലക്കത്തിൽ “നിഷ്‌പക്ഷത” എന്ന ശീർഷ​ക​ത്തോ​ടു​കൂ​ടിയ ബൈബി​ള​ദ്ധ്യ​യന വിഷയ​ത്തി​ന്റെ രൂപത്തിൽ ഈ മാർഗ്ഗ ദർശനം ലഭിച്ചു. അതു് ഈ വാചക​ത്തോ​ടെ ഉപസം​ഹ​രി​ച്ചു: “കർത്താ​വി​ന്റെ പക്ഷത്തുള്ള എല്ലാവ​രും യുദ്ധത്തി​ലേർപ്പെ​ട്ടി​രി​ക്കുന്ന രാഷ്‌ട്ര​ങ്ങ​ളു​ടെ കാര്യ​ത്തിൽ നിഷ്‌പ​ക്ഷ​രാ​യി​രി​ക്കും, അവർ ദിവ്യാ​ധി​പ​തി​യു​ടെ​യും അവന്റെ രാജാ​വി​ന്റെ​യും പക്ഷത്തു പൂർണ്ണ​മാ​യും നിലയു​റ​പ്പി​ക്കും.”

¹⁵ ഫലമെ​ന്താ​യി​രു​ന്നു? ഒരു ലോക​വ്യാ​പക സഹോ​ദ​ര​വർഗ്ഗ​മെന്ന നിലയിൽ യഹോ​വ​യു​ടെ സാക്ഷികൾ പരസ്‌പ​ര​യോ​ജി​പ്പോ​ടെ മറ്റു രാജ്യ​ങ്ങ​ളി​ലെ തങ്ങളുടെ സഹോ​ദ​ര​ന്മാർ ഉൾപ്പെ​ടെ​യുള്ള നിർദ്ദോ​ഷി​ക​ളു​ടെ രക്തം ചൊരി​യു​ന്ന​തിൽ നിന്നു പിൻമാ​റി​നി​ന്നു. കത്തോ​ലി​ക്ക​രും പ്രോ​ട്ട​സ്‌റ​റ​ന്റു​കാ​രും ബുദ്ധമ​ത​ക്കാ​രും അന്യോ​ന്യം കൊ​ന്നൊ​ടു​ക്കി​ക്കൊ​ണ്ടി​രു​ന്ന​പ്പോൾ യേശു​വി​ന്റെ യഥാർത്ഥ ശിഷ്യ​ന്മാർ അവന്റെ പുതിയ കല്‌പന അനുസ​രി​ക്കു​ക​യാ​യി​രു​ന്നു:“ഞാൻ നിങ്ങളെ സ്‌നേ​ഹി​ച്ച​തു​പോ​ലെ നിങ്ങളും അന്യോ​ന്യം സ്‌നേ​ഹി​ക്കുക.”—യോഹ​ന്നാൻ 13:34.

16. (എ) യഹോ​വ​യു​ടെ സാക്ഷികൾ നേരുള്ള പൗരൻമാ​രാ​ണെന്നു സ്വയം തെളി​യി​ച്ച​തെ​ങ്ങനെ? (ബി) സാക്ഷികൾ ദൈവ​ത്തി​നു​ള്ളവ ദൈവ​ത്തി​നു തിരികെ കൊടു​ക്കു​ന്ന​തിൽ തുടർന്ന​തെ​ങ്ങനെ, ചില​പ്പോൾ എന്തു ഫലത്തോ​ടെ?

¹⁶ ഈ ക്രിസ്‌ത്യാ​നി​കൾ കൈസർക്കു​ള്ളവ കൈസർക്കു തിരികെ കൊടു​ക്കു​ന്ന​തിൽ തുടർന്നു. നേരുള്ള പൗരന്മാ​രെന്ന നിലയിൽ അവർ രാജ്യത്തെ നിയമങ്ങൾ അനുസ​രി​ച്ചു. (മത്തായി 22:17-21; റോമർ 13:1-7) എന്നാൽ ഏറെ പ്രധാ​ന​മാ​യി അവർ ദൈവ​ത്തി​നു​ള്ളവ അവനു തിരികെ കൊടു​ത്തു, അവയിൽ അവരുടെ സമർപ്പിത ജീവനും ക്രിസ്‌തീ​യാ​രാ​ധ​ന​യും ഉൾപ്പെ​ടു​ന്നു. അതു​കൊ​ണ്ടു് കൈസർ ദൈവ​ത്തി​നു​ള്ളവ ആവശ്യ​പ്പെ​ട്ട​പ്പോൾ അവർ പ്രവൃ​ത്തി​കൾ 4:19-ലും പ്രവൃ 5:29-ലും പ്രസ്‌താ​വി​ച്ചി​രി​ക്കുന്ന തത്വങ്ങൾക്ക​നു​യോ​ജ്യ​മാ​യി പ്രവർത്തി​ച്ചു. വിവാദ പ്രശ്‌നം രക്തം ചൊരി​യു​ന്ന​തോ യുദ്ധമി​ല്ലാത്ത സൈനിക ജോലി​യോ പകര​സേ​വ​ന​മോ ഒരു ദേശീയ പതാക പോലുള്ള ഒരു പ്രതി​മയെ നമസ്‌ക​രി​ക്കു​ന്ന​തോ ആയാലും വിശ്വസ്‌ത ക്രിസ്‌ത്യാ​നി​കൾ വിട്ടു​വീ​ഴ​ച​യി​ല്ലാത്ത നിലപാ​ടു സ്വീക​രി​ച്ചു. ചില കേസു​ക​ളിൽ ഈ നിലപാ​ടു നിമിത്തം അവർ വധിക്ക​പ്പെട്ടു.—മത്തായി 24:9; വെളി​പ്പാ​ടു 2:10.

അവർ വിട്ടു​വീഴ്‌ച ചെയ്‌തി​ല്ല

17. (എ) ഒരു പുസ്‌ത​ക​ത്തിൽ പറയു​ന്ന​ത​നു​സ​രിച്ച്‌ യഹോ​വ​യു​ടെ സാക്ഷി​ക​ളോട്‌ നാസികൾ എങ്ങനെ പെരു​മാ​റി? (ബി) വെല്ലു​വി​ളി​യെ നേരി​ടു​ന്ന​തിൽ യഹോ​വ​യു​ടെ സാക്ഷികൾ മറ്റുള്ള​വ​രിൽനി​ന്നു വ്യത്യ​സ്‌ത​രാ​യി​രി​ക്കു​ന്ന​തെ​ങ്ങനെ?

¹⁷ ദൈവ​ങ്ങ​ളെ​യും മനുഷ്യ​രെ​യും സംബന്ധി​ച്ചു് എന്ന അടുത്ത​കാ​ലത്തെ ഒരു പുസ്‌തകം ഹിറ്റ്‌ല​റി​ന്റെ മൂന്നാം റീക്കിന്റെ കാലത്തു് “അങ്ങേയ​റ്റത്തെ എതിർപ്പു” സഹിച്ച മത സമൂഹം യഹോ​വ​യു​ടെ സാക്ഷികൾ ആയിരു​ന്നു​വെന്നു പ്രസ്‌താ​വി​ച്ചു. അവർ വിട്ടു​വീഴ്‌ച ചെയ്‌തില്ല. ജർമ്മനി​യി​ലെ മറ്റു മതങ്ങളിൽപെ​ട്ടവർ തങ്ങളുടെ സൈനിക പുരോ​ഹി​ത​ന്മാ​രെ അനുസ​രി​ക്കു​ക​യും ജർമ്മൻ സംസ്ഥാ​ന​ത്തി​നു മതസേ​വ​ന​മർപ്പി​ക്കു​ക​യും “തങ്ങളുടെ വല​ങ്കൈ​യി​ലോ നെറ്റി​യി​ലോ” രാഷ്‌ട്രീയ കാട്ടു​മൃ​ഗ​ത്തി​ന്റെ “അടയാളം” സ്വീക​രി​ക്കു​ക​യും ചെയ്‌തു. (വെളി​പ്പാ​ടു 13:16) അവർ ജർമ്മൻ രാഷ്‌ട്രീയ യന്ത്രത്തി​നു പിന്തു​ണ​യു​ടെ സജീവ വലങ്കൈ കൊടു​ക്കു​ക​യും ഹിറ്റ്‌ലറെ വാഴ്‌ത്തി​ക്കൊ​ണ്ടും സ്വസ്ഥി​കാ​പ​താ​കയെ വന്ദിച്ചു​കൊ​ണ്ടും തങ്ങളുടെ നില വ്യക്തമാ​യി കാണി​ക്കു​ക​യും ചെയ്‌തു.

18. (എ) യഹോ​വ​യു​ടെ സാക്ഷികൾ “രാഷ്‌ട്രീയ ‘നിഷ്‌പക്ഷർ’” ആയിരു​ന്നോ​യെന്ന്‌ ഏതു രേഖ പ്രകട​മാ​ക്കു​ന്നു? (ബി) ഈ ചരി​ത്ര​വി​വ​രണം വ്യക്തി​പ​ര​മാ​യി നമ്മെ ഇന്ന്‌ എങ്ങനെ ബാധി​ക്കണം?

¹⁸ സത്യ​ക്രി​സ്‌ത്യാ​നി​കൾ അവിടെ എന്തു നില സ്വീക​രി​ച്ചു? മേൽപ്ര​സ്‌താ​വിച്ച പഠനം ഇങ്ങനെ പ്രസ്‌താ​വി​ച്ചു: “യഹോ​വ​യു​ടെ സാക്ഷികൾ മാത്രമേ ആ ഭരണകൂ​ടത്തെ ചെറു​ത്തു​നി​ന്നു​ള്ളു. അവർ പല്ലും നഖവും ഉപയോ​ഗി​ച്ചു പോരാ​ടു​ക​യും തൽഫല​മാ​യി അവരിൽ പകുതി​പേർ തടവി​ലാ​ക്ക​പ്പെ​ടു​ക​യും ചെയ്‌തു. നാലി​ലൊ​ന്നു വധിക്ക​പ്പെട്ടു. . . . [മറ്റു മതങ്ങളിൽ നിന്നു] വ്യത്യ​സ്‌ത​മാ​യി അവർ ഭൗതിക ലോക​ത്തി​ന്റെ അംഗീ​കാ​ര​മോ പ്രതി​ഫ​ല​ങ്ങ​ളോ തേടാ​ത്ത​വ​രും തങ്ങളെ​ത്തന്നെ അതിന്റെ ഭാഗമാ​യി കരുതാ​ത്ത​വ​രു​മെന്ന അർത്ഥത്തിൽ അലൗകി​ക​രാ​യി​രു​ന്നു. അവർ ഇപ്പോൾത്തന്നെ മറ്റൊരു ലോക​ത്തി​ന്റെ—ദൈവ​ത്തി​ന്റെ ലോക​ത്തി​ന്റെ—വകയാ​യി​രു​ന്നു​കൊ​ണ്ടു് അവർ രാഷ്‌ട്രീ​യ​മാ​യി നിഷ്‌പ​ക്ഷ​രാ​ണു്. . . . അവർ വിട്ടു​വീഴ്‌ച തേടു​ക​യോ വാഗ്‌ദാ​നം ചെയ്യു​ക​യോ ചെയ്യു​ന്നില്ല, . . . സൈന്യ​ത്തിൽ സേവി​ക്കു​ക​യോ വോട്ടു ചെയ്യു​ക​യോ ഹിറ്റ്‌ലറെ വന്ദിക്കു​ക​യോ ചെയ്യു​ന്നതു ദൈവ​ത്തി​ന്റെ അവകാ​ശ​ങ്ങ​ളെ​ക്കാ​ളു​പരി ലോക​ത്തി​ന്റെ​തി​നെ അംഗീ​ക​രി​ക്കു​ന്ന​തി​നെ അർത്ഥമാ​ക്കു​മാ​യി​രു​ന്നു.” യഹോ​വ​യടെ സാക്ഷി​ക​ളു​ടെ സമാധാ​ന​ത്തി​ന്റെ​യും അക്രമ​രാ​ഹി​ത്യ​ത്തി​ന്റെ​യും പിന്തു​ടരൽ തടങ്കൽ പാളയ​ങ്ങ​ളിൽപോ​ലും അംഗീ​ക​രി​ക്ക​പ്പെ​ട്ടി​രു​ന്നു. എങ്ങനെ? “കഴുത്തു മുറി​യുന്ന കത്തികൾ ഉപയോ​ഗിച്ച്‌ എസ്‌. എസ്‌. ഗാർഡു​കളെ ക്ഷൗരം ചെയ്യാൻ സാക്ഷി​കളെ മാത്രമേ അനുവ​ദി​ച്ചി​രു​ന്നു​ള്ളു, കാരണം അവരെ മാത്രമേ കൊല്ലു​ക​യി​ല്ലാ​ത്തവർ എന്നു വിശ്വ​സി​ക്കാൻ കഴിയു​മാ​യി​രു​ന്നു​ള്ളു.”

19. യഹോ​വ​യു​ടെ സാക്ഷികൾ യേശു​വി​ന്റെ ദൃഷ്ടാ​ന്തത്തെ അനുസ​രി​ച്ചി​രി​ക്കു​ന്ന​തെ​ങ്ങനെ, എന്തു ഫലത്തോ​ടെ?

¹⁹ രണ്ടാം ലോക​മ​ഹാ​യു​ദ്ധ​കാ​ല​ത്തു് യഹോ​വ​യു​ടെ സാക്ഷികൾ ക്രിസ്‌തീയ നിഷ്‌പ​ക്ഷ​ത​യു​ടെ മുന്തിയ ദൃഷ്ടാ​ന്ത​മാ​യി​രു​ന്നു. അവർ പരസ്‌പര യോജി​പ്പോ​ടെ ഭൂമി​യി​ലെ​ങ്ങും “ലോക​ത്തി​ന്റെ ഭാഗമല്ലാ”തിരി​ക്കു​ന്ന​തിൽ സധീരം യേശു​വി​ന്റെ ദൃഷ്ടാന്തം പിന്തു​ടർന്നു; അവർ ക്രിസ്‌തു​വി​നെ​പ്പോ​ലെ ഈ രക്തപാ​ത​ക​മുള്ള ലോകത്തെ ജയിച്ച​ടക്കി.—യോഹ​ന്നാൻ 17:16; 16:33; 1 യോഹ​ന്നാൻ 5:4.

രക്തപാ​ത​ക​ത്തിൽ നിന്നു് അഭയം കണ്ടെത്തു​ന്നു

20. (എ) വ്യാജ​മതം വിട്ട്‌ ഓടി​പ്പോ​കേ​ണ്ട​തു് അടിയ​ന്തി​ര​മാ​യി​രി​ക്കു​ന്ന​തെ​ന്തു​കൊ​ണ്ടു്? (ബി) ഇന്നു് എവിടെ മാത്രമേ യഥാർഥ അഭയം കണ്ടെത്താൻ കഴിയൂ?

²⁰ മതസം​ഘ​ട​നകൾ കുരി​ശു​യു​ദ്ധ​ങ്ങ​ളി​ലും “വിശു​ദ്ധ​യു​ദ്ധ​ങ്ങ​ളി​ലും മതദണ്ഡ​ന​ങ്ങ​ളി​ലും നിർദ്ദോഷ രക്തം ചൊരി​ഞ്ഞു​കൊ​ണ്ടു ചരി​ത്ര​ത്തി​ന്റെ ഏടുകളെ രക്തവർണ്ണ​മാ​ക്കി​യി​ട്ടുണ്ട്‌. അവ രക്തദാ​ഹി​ക​ളായ ഏകാധി​പ​തി​ക​ളു​മാ​യി ഉടമ്പടി​കൾ ഉണ്ടാക്കി​യി​ട്ടു​ണ്ടു്. സ്വേച്ഛാ​ധി​പ​തി​കൾ യഹോ​വ​യു​ടെ സാക്ഷി​കളെ തടവു​ക​ളി​ലും തടങ്കൽപാ​ള​യ​ങ്ങ​ളി​ലും തള്ളിയി​ട്ട​പ്പോൾ അവർ സമ്മതം കൊടു​ത്തു. അവരി​ല​നേകർ അവിടെ മരണമ​ടഞ്ഞു. വെടി​വെ​ച്ചും ശിരഃ​ഛേ​ദനം ചെയ്‌തും സാക്ഷി​കളെ വധിച്ച നേതാ​ക്കൾക്കു് അവർ സ്വമേ​ധയാ പിന്തുണ കൊടു​ത്തു. ഈ മതവ്യ​വ​സ്ഥി​തി​കൾക്കു് യഹോ​വ​യു​ടെ നീതി​യുള്ള ന്യായ​വി​ധി​യിൽ നിന്നു രക്ഷപെ​ടാൻ സാദ്ധ്യമല്ല. അതു താമസി​ക്ക​യില്ല. ഏതെങ്കി​ലും നീതി​പ്രേമി വ്യാജ​മ​ത​ത്തിൽ നിന്നു്—രക്തക്കറ​യുള്ള മഹാബാ​ബി​ലോ​നിൽ നിന്നു്—പുറത്തു​വ​രാ​നും ദൈവ​സ്ഥാ​പ​ന​ത്തിൽ അഭയം തേടാ​നും താമസി​ക്ക​രു​തു്.—വെളി​പ്പാ​ടു 18:2, 4, 21, 24.

21. സങ്കേത​ന​ഗ​രങ്ങൾ സംബന്ധിച്ച ദൈവ​ത്തി​ന്റെ ക്രമീ​ക​രണം എന്തിനെ മുൻനി​ഴ​ലാ​ക്കി?

²¹ നമ്മില​നേകർ, ദൈവ​വ​ചനം പഠിക്കു​ന്ന​തി​നു മുൻപു്, മനുഷ്യ​രക്തം ചൊരി​ഞ്ഞി​രി​ക്കാം, അല്ലെങ്കിൽ രക്തപാ​ത​ക​മുള്ള മതസ്ഥാ​പ​ന​ങ്ങ​ളി​ലെ​യോ രാഷ്‌ട്രീയ സ്ഥാപന​ങ്ങ​ളി​ലെ​യോ അംഗങ്ങ​ളാ​യി​രു​ന്നി​രി​ക്കാം. ഇതിൽ നമ്മെ യിസ്രാ​യേ​ലിൽ കരുതി​ക്കൂ​ട്ടി​യ​ല്ലാ​തെ കൊല ചെയ്‌ത​വ​രോ​ടു് താരത​മ്യ​പ്പെ​ടു​ത്താ​വു​ന്ന​താ​ണു്. അയാൾക്ക്‌ ആറു നിർദ്ദിഷ്ട നഗരങ്ങ​ളി​ലൊ​ന്നി​ലേ​ക്കു് ഓടി​പ്പോ​യി അഭയം കണ്ടെത്താ​നും ഒടുവിൽ യിസ്രാ​യേ​ലി​ലെ മഹാപു​രോ​ഹി​തന്റെ മരണ​ശേഷം വിമോ​ചി​ത​നാ​കാ​നും കഴിയു​മാ​യി​രു​ന്നു. ഇന്നു് അതിന്റെ അർത്ഥം ദൈവ​ത്തി​ന്റെ മഹാപു​രോ​ഹി​ത​നായ യേശു​ക്രി​സ്‌തു​വി​ന്റെ സജീവ സേവന​ത്തി​ന്റെ പ്രയോ​ജ​ന​ങ്ങ​ളിൻ കീഴിൽ കഴിയു​ക​യും അവയെ സ്വീക​രി​ക്കു​ക​യും ചെയ്യു​ക​യെ​ന്നാ​ണു്. ദൈവ​ത്തി​ന്റെ അഭിഷിക്ത ജനത്തോ​ടുള്ള സഹവാ​സ​ത്തിൽ കഴിയു​ന്ന​തി​നാൽ ആധുനിക നാളിലെ “രക്തപ്ര​തി​കാ​രക”നായ യേശു​ക്രി​സ്‌തു രക്തപാ​ത​കി​ക​ളു​ടെ മേൽ ന്യായ​വി​ധി നടത്തു​മ്പോൾ നമുക്കു് അതിജീ​വി​ക്കാ​വു​ന്ന​താ​ണു്. ഇപ്പോൾ ദൈവ​സ്ഥാ​പ​ന​ത്തി​ലേ​ക്കു് ഓടുന്ന “മഹാപു​രു​ഷാ​രം” മഹാപു​രോ​ഹി​ത​നെന്ന നിലയിൽ ക്രിസ്‌തു തന്റെ വീണ്ടെ​ടു​പ്പിൻ വേല പൂർത്തീ​ക​രി​ക്കു​ന്ന​തി​നോ​ടുള്ള ബന്ധത്തിൽ ‘മരിക്കു’ന്നതുവരെ ആ സങ്കേത​ത്തിൽ കഴി​യേ​ണ്ട​താ​ണു്.—സംഖ്യാ​പു​സ്‌തകം 35:6-8, 15, 22-25; 1 കൊരി​ന്ത്യർ 15:22-26; വെളി​പ്പാ​ടു 7:9, 14.

22. യെശയ്യാവ്‌ 2:4 സംബന്ധിച്ച്‌ യു.എന്നിലെ രാഷ്‌ട്രങ്ങൾ ദൈവ​ത്തി​ന്റെ വിശുദ്ധ ജനതയിൽനി​ന്നു വ്യത്യ​സ്‌ത​രാ​യി​രി​ക്കു​ന്ന​തെ​ങ്ങനെ?

²² യു. എസ്‌. എ. ന്യൂ​യോർക്കി​ലെ യൂ. എൻ. ചുവരിൽ യെശയ്യാ​വു 2:4 നെ അടിസ്ഥാ​ന​പ്പെ​ടു​ത്തി​യുള്ള ഈ വാക്കുകൾ നിങ്ങൾക്കു വായി​ക്കാ​വു​ന്ന​താ​ണു്: (കിംഗ്‌ ജയിംസ്‌ വേർഷൻ): “അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും: ജനത ജനത​ക്കെ​തി​രെ വാളു​യർത്തു​ക​യില്ല. അവർ മേലാൽ യുദ്ധം അഭ്യസി​ക്കു​ക​യു​മില്ല.” എന്നാൽ ആ വാക്കു​കൾക്ക​നു​യോ​ജ്യ​മാ​യി ഇന്നു് ആരാണു് പ്രവർത്തി​ക്കു​ന്ന​തു്? ഐക്യ​രാ​ഷ്‌ട്രങ്ങൾ എന്നു വിളി​ക്ക​പ്പെ​ടു​ന്ന​തി​ലെ അംഗങ്ങ​ളിൽ ഒന്നും അതു ചെയ്യു​ന്നില്ല. മുപ്പതു ലക്ഷത്തി​ല​ധി​കം വരുന്ന യഹോ​വ​യു​ടെ സാക്ഷി​ക​ളു​ടെ സമാധാ​നാ​ന്വേ​ഷ​ക​രായ ആഗോള “ജനത” മാത്ര​മാ​ണു രക്തക്കറ പുരണ്ട ഒരു ലോക​ത്തിൽ എങ്ങനെ ക്രിസ്‌തീയ നിഷ്‌പക്ഷത പാലി​ക്കാ​മെന്നു വ്യക്തമാ​യി പ്രകട​മാ​ക്കി​യി​ട്ടു​ള്ള​തു്.

പുനരവലോകനത്തിനുള്ള ചോദ്യ​ങ്ങൾ

◻ നമുക്കു് എങ്ങനെ ദൈവ​ത്തോ​ടു സമാധാ​നം പിന്തു​ട​രാം?

◻ യഹോവ അനിയ​ന്ത്രി​ത​മായ രക്തച്ചൊ​രി​ച്ചി​ലി​നെ എങ്ങനെ വീക്ഷി​ക്കു​ന്നു?

◻ ക്രിസ്‌തീയ നിഷ്‌പക്ഷത എന്നാൽ എന്തു്?

◻ നിർമ്മ​ല​ത​യു​ടെ ഏതു നല്ല ദൃഷ്ടാ​ന്തങ്ങൾ നമുക്കു​ണ്ടു്?

◻ നമുക്കു് രക്ഷക്കു​വേണ്ടി എങ്ങനെ അഭയം കണ്ടെത്താം?

[14-ാം പേജിലെ ചതുരം]

വിശ്വസ്‌തതയുടെയും ധൈര്യ​ത്തി​ന്റെ​യും നിർമ്മ​ല​ത​യു​ടെ​യും രേഖ

പുതിയ മത പ്രസ്ഥാ​നങ്ങൾ: സമുദാ​യത്തെ മനസ്സി​ലാ​ക്കു​ന്ന​തി​നുള്ള ഒരു കാഴ്‌ച​പ്പാ​ടു് എന്ന പുസ്‌തകം നാസി പീഡനത്തെ നേരി​ട്ട​തി​ലുള്ള യഹോ​വ​യു​ടെ സാക്ഷി​ക​ളു​ടെ നിർമ്മ​ല​ത​യെ​ക്കു​റി​ച്ചു് കൂടു​ത​ലാ​യി ഈ പ്രസ്‌താ​വന ചെയ്‌തു:

“യഹോ​വ​യു​ടെ സാക്ഷികൾ വിട്ടു​വീഴ്‌ച ചെയ്യു​ന്ന​തി​ലുള്ള വിസമ്മതം നിമിത്തം പുതിയ സമുദാ​യം സംബന്ധിച്ച സർവ്വാ​ധി​പത്യ ധാരണ​യ്‌ക്ക്‌ ഒരു വെല്ലു​വി​ളി​യാ​യി​ത്തീ​രു​ന്നു. ഈ അതിജീ​വ​ന​ത്തി​ന്റെ സ്ഥിരത​യും നൂതന​ക്ര​മ​ത്തി​ന്റെ ശില്‌പി​കളെ പ്രകട​മാ​യി അലോ​സ​ര​പ്പ​ടു​ത്തി. സാക്ഷികൾ എത്രയ​ധി​കം പീഡി​പ്പി​ക്ക​പ്പെ​ട്ടോ അത്രയ​ധി​ക​മാ​യി അവർ പ്രത്യ​യ​ശാ​സ്‌ത്ര​പ​ര​മായ ഒരു വെല്ലു​വി​ളി​യാ​യി​ത്തീർന്നു. പീഡന​ത്തി​ന്റെ​യും ദണ്ഡനത്തി​ന്റെ​യും തടവി​ന്റെ​യും പരിഹാ​സ​ത്തി​ന്റെ​യും പണ്ടേയുള്ള രീതികൾ സാക്ഷി​ക​ളിൽ ആരും നാസി നിലപാ​ടി​ലേക്കു പരിവർത്തനം ചെയ്യു​ന്ന​തിൽ കലാശി​ച്ചില്ല, യഥാർത്ഥ​ത്തിൽ അവയ്‌ക്കു പ്രേരി​പ്പി​ച്ച​വർക്കെ​തി​രെ അവ തിരി​ഞ്ഞ​ടി​ക്കു​ക​യാ​യി​രു​ന്നു.

കൂറു് അവകാ​ശ​പ്പെട്ട ഈ വിരുദ്ധ കക്ഷികൾ തമ്മിലുള്ള പോരാ​ട്ടം കഠിന​മാ​യി​രു​ന്നു, ഭൗതി​ക​മാ​യി ശക്തി​യേ​റിയ നാസികൾ തങ്ങളുടെ ബോദ്ധ്യ​ത്തി​ലുള്ള ദൃഢത സംബന്ധിച്ച്‌ ഉറപ്പു​കു​റ​ഞ്ഞ​വ​രും വേരി​ല്ലാ​ത്ത​വ​രും തങ്ങളുടെ ആയിര​വർഷ​ഭ​ര​ണ​ത്തി​ന്റെ നിലനിൽപ്പിൽ ഉറപ്പു​കു​റ​ഞ്ഞ​വ​രു​മാ​യി​രു​ന്ന​തു​കൊ​ണ്ടു് പോരാ​ട്ടം കഠിന​തരം പോലു​മാ​യി​രു​ന്നു. സാക്ഷി​കൾക്കു സ്വന്തം വേരു​ക​ളെ​ക്കു​റി​ച്ചു് സംശയ​മി​ല്ലാ​യി​രു​ന്നു, എന്തെന്നാൽ അവരുടെ വിശ്വാ​സം ഹാബേ​ലി​ന്റെ കാലം മുതൽ പ്രകട​മാ​യി​രു​ന്നു. നാസി​കൾക്കു മിക്ക​പ്പോ​ഴും വിഭാ​ഗീയ ക്രിസ്‌ത്യാ​നി​ത്വ​ത്തിൽനി​ന്നു ഭാഷയും ഭാവന​യും കടമെ​ടു​ത്തു​കൊ​ണ്ടു് എതിർപ്പി​നെ അടിച്ച​മർത്തു​ക​യും പിന്തു​ണ​ക്കാ​രെ ബോദ്ധ്യ​പ്പെ​ടു​ത്തു​ക​യും ചെയ്യേ​ണ്ടി​യി​രി​ക്കെ, സാക്ഷി​കൾക്കു തങ്ങളുടെ അംഗങ്ങ​ളു​ടെ മരണപ​ര്യ​ന്തം പോലു​മുള്ള തികഞ്ഞ, വഴങ്ങാത്ത കൂറി​നെ​ക്കു​റി​ച്ചു് ഉറപ്പു​ണ്ടാ​യി​രു​ന്നു.”

ക്രിസ്‌തീയ വിശ്വ​സ്‌ത​ത​യാ​ലുള്ള ഈ ജയിച്ച​ടക്കൽ പൂർത്തി​യാ​കുന്ന ദിവസം ഒരു സന്തുഷ്ട​ദി​ന​മാ​യി​രി​ക്കും.(റോമർ 8:35-39) അപ്പോൾ മഹത്വീ​ക​രി​ക്ക​പ്പെട്ട യേശു​ക്രി​സ്‌തു​വാ​കുന്ന “സമാധാ​ന​പ്രഭു”വിന്റെ രാജ്യ​ഭ​ര​ണ​ത്തിൻ കീഴിൽ രാജകീയ ഭരണത്തി​ന്റെ സമൃദ്ധി​ക്കും സമാധാ​ന​ത്തി​നും അവസാനം ഉണ്ടായി​രി​ക്കു​ക​യില്ല.—യെശയ്യാ​വു 9:6, 7.

[15-ാം പേജിലെ ചതുരം]

യുവനിർമ്മലതാപാലകർ

ചുവടെ ചേർക്കു​ന്ന​തു് ഒരു യൂറോ​പ്യൻ രാജ്യത്തെ ഒരു നിരീ​ക്ഷകൻ അടുത്ത​കാ​ലത്തു പ്രസി​ദ്ധീ​ക​രിച്ച ഒരു ഡയറി​യിൽ നിന്നു് ഉദ്ധരി​ച്ച​താ​ണു്. അതു് ലോക​ത്തി​ന്റെ ഭാഗമാ​കാ​തി​രി​ക്കുന്ന വിവാദ പ്രശ്‌നത്തെ യുവസാ​ക്ഷി​കൾ സധൈ​ര്യം അഭിമു​ഖീ​ക​രി​ച്ചി​രി​ക്കു​ന്ന​തെ​ങ്ങ​നെ​യെ​ന്നു് സൂചി​പ്പി​ക്കു​ന്നു.—യോഹ​ന്നാൻ 17:14.

‘1945 മാർച്ച 12: പട്ടാള നിയമ നടപടി​കൾ ഉണ്ടായി​രു​ന്നു. രണ്ടു യുവ യഹോ​വാ​വി​ശ്വാ​സി​ക​ളാ​യി​രു​ന്നു കുറ്റമാ​രോ​പി​ക്ക​പ്പെ​ട്ടവർ. ആരോ​പണം: പട്ടാള സേവന​ത്തി​നുള്ള വിസമ്മതം (അവരുടെ മതത്തിന്റെ അന്തഃസ​ത്ത​പ്ര​കാ​രം) 20 വയസ്സു​പോ​ലു​മാ​കാത്ത ഇളയവൻ ഒരു ജയിലിൽ 15 വർഷ​ത്തേ​ക്കു് തടവിനു വിധി​ക്ക​പ്പെട്ടു. എന്നിരു​ന്നാ​ലും മൂത്തയാൾ വധശി​ക്ഷ​യ്‌ക്കു വിധി​ക്ക​പ്പെട്ടു. മേലാൽ കുറ്റം ചെയ്യു​ന്ന​തി​നെ വിലക്കുന്ന ഒരു ദൃഷ്ടാന്തം എന്ന നിലയിൽ സ്വന്തം പട്ടണത്തിൽ വച്ചു് പരസ്യ​മാ​യി വധിക്ക​പ്പെ​ടു​ന്ന​തി​നു് അയാളെ പെട്ടെ​ന്നു് അവിടെ കൊണ്ടു​വന്നു. അയാൾ അവിടു​ത്തെ 14-മത്തെ ഇരയാ​യി​രു​ന്നു. അയാൾ സമാധാ​ന​ത്തിൽ വിശ്ര​മി​ക്കട്ടെ. ഈ കേസ്‌ എന്നെ ആഴമായി ബാധി​ച്ചി​രി​ക്കു​ന്നു. യഹോ​വാ​വി​ശ്വാ​സി​കൾക്കെ​തി​രെ നിങ്ങൾക്ക്‌ ഇങ്ങനെ പ്രവർത്തി​ക്കാ​വു​ന്നതല്ല. ഈ യുവാ​വി​നെ അവർ ഒരു മുന്നറി​യി​പ്പിൻ ദൃഷ്ടാ​ന്ത​മാ​ക്കി​യില്ല, പിന്നെ​യോ ഒരു രക്തസാക്ഷി ആക്കുക​യാ​യി​രു​ന്നു. അവൻ ആരോ​ഗ്യ​മുള്ള ഒരു യുവാ​വാ​യി​രു​ന്നു. ഞാൻ അവനെ​ക്കു​റി​ച്ചു ദുഃഖി​ക്കു​ന്നു.

‘ഉച്ചതി​രി​ഞ്ഞു് ഈ യുവാ​വി​ന്റെ വധത്തിന്റെ വിശദാം​ശങ്ങൾ ഞങ്ങൾ മനസ്സി​ലാ​ക്കി. ചന്തസ്ഥലത്തു നിരവ​ധി​യാ​ളു​ക​ളു​ടെ മുമ്പാ​കെ​യാ​ണു് അതു നടന്നതു്. വധത്തിനു മുമ്പ്‌ കൽനി​ര​യിൽ പടയാ​ളി​ക​ളിൽ ഒരാൾ ലജ്ജിച്ചു തന്നെത്താൻ വെടി​വ​ച്ചു​കൊ​ന്നു. ആരാച്ചാ​രെ അയാൾ സഹായി​ക്ക​ണ​മെ​ന്നു് ഒരു കേണൽ ആവശ്യ​പ്പെ​ട്ടതു നിമി​ത്ത​മാ​യി​രു​ന്നു അതു്. അയാൾക്കു് അതിനു മനസ്സി​ല്ലാ​യി​രു​ന്നു. പകരം അയാൾ ജീവിതം അവസാ​നി​പ്പി​ച്ചു. യുവാവു സധൈ​ര്യം മരണം വരിച്ചു. അയാൾ ഒരു വാക്കു​പോ​ലും മിണ്ടി​യില്ല.’

യഹോ​വ​യു​ടെ പുതിയ വ്യവസ്ഥി​തി​യി​ലെ ഒരു സ്ഥാനം നഷ്ടപ്പെ​ടു​ത്തു​ന്ന​തി​നു​പ​കരം മരണത്തി​ന്റെ വേദന അനുഭ​വി​ക്കു​ന്ന​തി​നെ തെര​ഞ്ഞെ​ടുത്ത അങ്ങനെ​യുള്ള യുവാക്കൾ പുനരു​ത്ഥാ​ന​ത്തിൽ എത്ര സന്തുഷ്ട​രാ​യി​രി​ക്കും!—ഹോ​ശെയാ 13:14 താരത​മ്യ​പ്പെ​ടു​ത്തുക.