വിദഗ്‌ദ്ധ​രായ ഉപദേ​ശകർ—അവരുടെ സഹോ​ദ​രൻമാർക്ക്‌ ഒരു അനു​ഗ്ര​ഹം

“ആദിയി​ലെ​ന്ന​പോ​ലെ ഞാൻ നിങ്ങൾക്കു​വേണ്ടി ന്യായാ​ധി​പൻമാ​രെ​യും, ആരംഭ​ത്തി​ലെ​ന്ന​പോ​ലെ നിങ്ങൾക്കു​വേണ്ടി ഉപദേ​ശ​ക​രെ​യും തിരികെ വരുത്തും.”—യെശയ്യാവ്‌ 1:26.

1, 2. (എ) സദൃശ​വാ​ക്യ​ങ്ങൾ 12:15-ഉം 19:20-ഉം ബുദ്ധി​യു​പ​ദേ​ശ​ത്തി​ന്റെ മൂല്യത്തെ പ്രകട​മാ​ക്കു​ന്ന​തെ​ങ്ങനെ? (ബി) നാം ബുദ്ധി​യു​പ​ദേശം സ്വീക​രി​ക്ക​ണ​മെ​ങ്കിൽ എന്താണ്‌ ആദ്യം ആവശ്യ​മാ​യി​രി​ക്കു​ന്നത്‌, ഏതനു​ഭവം ഇതു പ്രകട​മാ​ക്കു​ന്നു?

റെററി ക്രിസ്‌തീയ മാതാ​പി​താ​ക്ക​ളു​ടെ പുത്രി​യാണ്‌. സ്‌കൂ​ളിൽ അവൾക്ക്‌ ഒരു യുവ സുഹൃത്ത്‌ ഉണ്ടായി​രു​ന്നു. അവളും “സത്യത്തിൽ” ആയിരു​ന്നു. എന്നാൽ പ്രാഥ​മിക സ്‌കൂ​ള​വ​സാ​ന​മാ​യ​പ്പോ​ഴേക്ക്‌ തന്റെ സുഹൃത്ത്‌ മുമ്പ​ത്തേ​തു​പോ​ലെ തന്റെ വിശ്വാ​സ​ത്തിൽ അത്ര ഉത്സാഹ​വ​തി​യ​ല്ലെന്ന്‌ റെററി കണ്ടെത്തി. അവർ ഒരുമിച്ച്‌ ഹൈസ്‌കൂ​ളിൽ പുരോ​ഗ​മി​ക്കവേ, അവളുടെ സുഹൃത്ത്‌ ക്രിസ്‌തീയ യോഗ​ങ്ങ​ളിൽ ക്രമഹീ​ന​യാ​യി​ത്തീ​രു​ക​യും വാച്ച്‌ടവർ സൊ​സൈ​റ​റി​യേ​യും സഭയേ​യും കുററം​പ​റ​യാൻ തുടങ്ങു​ക​യും ചെയ്‌തു. റെററി തന്റെ സുഹൃ​ത്തി​നെ​ക്കു​റിച്ച്‌ തീവ്ര​മാ​യി പ്രാർത്ഥി​ച്ചു. ഒരു ക്രിസ്‌ത്യാ​നി​യെന്ന നിലയിൽ ശക്തയായി നില​കൊ​ള്ളാൻ ശ്രമി​ക്കു​ന്ന​തിന്‌ നിരന്തരം അവളെ ബുദ്ധി​യു​പ​ദേ​ശി​ക്കു​ക​യും ചെയ്‌തു. ഒടുവിൽ റെററി​യു​ടെ ശ്രമങ്ങൾക്കു പ്രതി​ഫലം കിട്ടി. പത്താം തരത്തി​ലെ​ത്തി​യ​തോ​ടെ അവളുടെ സുഹൃത്ത്‌ വീണ്ടും ക്രമമാ​യി യോഗ​ങ്ങൾക്കു ഹാജരാ​വു​ക​യും ഒടുവിൽ സ്‌നാ​ന​മേൽക്കു​ക​യും ചെയ്‌തു. അവൾക്ക്‌ എന്തോ​ര​നു​ഗ്രഹം! വിശ്വസ്‌ത യുവ സുഹൃ​ത്താ​യി​രുന്ന റെററിക്ക്‌ എന്തോരു പ്രതി​ഫലം!

² ഈ അനുഭ​വ​ത്തി​ന്റെ വീക്ഷണ​ത്തിൽ ക്രിസ്‌ത്യാ​നി​കൾക്ക്‌ കാലാ​കാ​ല​ങ്ങ​ളിൽ അന്യോ​ന്യം ബുദ്ധി​യു​പ​ദേശം കൊടു​ക്കേ​ണ്ട​തി​ന്റെ ആവശ്യ​ക​തയെ ആർക്കെ​ങ്കി​ലും സംശയി​ക്കാൻ കഴിയു​മോ? ബൈബിൾ നമ്മേ ഇങ്ങനെ പ്രോ​ത്സാ​ഹി​പ്പി​ക്കു​ന്നു: “ബുദ്ധി​യു​പ​ദേശം ശ്രദ്ധി​ക്കു​ക​യും ശിക്ഷണം സ്വീക​രി​ക്കു​ക​യും ചെയ്യുക, നിന്റെ ഭാവി​യിൽ നീ ജ്ഞാനി​യാ​യി​ത്തീ​രേ​ണ്ട​തി​നു​തന്നെ.” (സദൃശ​വാ​ക്യ​ങ്ങൾ 19:20; 12:15) റെററി​യു​ടെ സുഹൃത്ത്‌ ബുദ്ധി​യു​പ​ദേശം അനുസ​രി​ച്ചു. എന്നാൽ വർഷങ്ങ​ളിൽ അവൾക്കു സഹായം കൊടു​ത്തു​കൊ​ണ്ടി​രി​ക്കാ​നുള്ള സ്‌നേ​ഹ​വും സ്ഥിരോ​ദ്യ​മ​വും ധൈര്യ​വും റെററി​ക്കി​ല്ലാ​യി​രു​ന്നെ​ങ്കി​ലോ? അതെ, നമ്മിലാ​രെ​ങ്കി​ലും “ബുദ്ധി​യു​പ​ദേശം ശ്രദ്ധിക്കണ”മെങ്കിൽ ഒരു ഉപദേ​ശകൻ ഉണ്ടായി​രി​ക്കണം. അതാരാ​യി​രി​ക്കണം?

ബുദ്ധി​യു​പ​ദേശം—ആരാൽ?

3. ക്രിസ്‌തീ​യ​സ​ഭ​യിൽ സമയോ​ചി​ത​മായ ബുദ്ധി​യു​പ​ദേശം കൊടു​ക്കു​ന്ന​തിന്‌ യഹോവ പ്രദാനം ചെയ്‌തി​രി​ക്കു​ന്നത്‌ ആരെയാണ്‌?

³ നമ്മുടെ കാലത്ത്‌ യഹോ​വ​യാം ദൈവം തന്റെ ജനത്തിന്‌ ഉപദേ​ശ​കരെ പ്രദാനം ചെയ്യു​മെന്ന്‌ വാഗ്‌ദത്തം ചെയ്‌തു. “ഞാൻ . . . ആരംഭ​ത്തി​ലെ​ന്ന​പോ​ലെ നിങ്ങൾക്കു​വേണ്ടി ഉപദേ​ശ​കരെ തിരികെ വരുത്തും” എന്ന്‌ അവൻ പറഞ്ഞു. (യെശയ്യാവ്‌ 1:26) ക്രിസ്‌തീയ സഭയിലെ നിയമിത മൂപ്പൻമാ​രിൽ ഈ വാഗ്‌ദത്തം മുഖ്യ​മാ​യി നിറ​വേ​റ​റ​പ്പെ​ടു​ന്നു. ഉപദേശം പഠിപ്പി​ക്ക​ലി​ന്റെ ഒരു രൂപമാണ്‌, മൂപ്പൻമാർ പ്രാഥ​മി​ക​മാ​യി “പഠിപ്പി​ക്കാൻ യോഗ്യ​രാ”ണ്‌. (1 തിമൊ​ഥെ​യോസ്‌ 3:2) അപ്പോ​സ്‌ത​ല​നായ പൗലോസ്‌, “ഒരു മനുഷ്യൻ ഏതെങ്കി​ലും തെററായ നടപടി, അതി​നെ​ക്കു​റിച്ച്‌ അറിയു​ന്ന​തി​നു മുമ്പ്‌ ചെയ്യു​ന്നു​വെ​ങ്കി​ലും ആത്മീയ​യോ​ഗ്യ​ത​ക​ളുള്ള നിങ്ങൾ അങ്ങനെ​യുള്ള ഒരു മനുഷ്യ​നെ സൗമ്യ​ത​യു​ടെ ആത്മാവിൽ യഥാസ്ഥാ​ന​പ്പെ​ടു​ത്താൻ ശ്രമി​ക്കുക” എന്നു പറഞ്ഞ​പ്പോൾ അവന്റെ മനസ്സിൽ മുഖ്യ​മാ​യി മൂപ്പൻമാ​രെ​യാണ്‌ വിചാ​രി​ച്ചത്‌. (ഗലാത്യർ 6:1) എന്നാൽ ബുദ്ധി​യു​പ​ദേശം കൊടു​ക്കാൻ കഴിവു​ള്ളത്‌ മൂപ്പൻമാർക്കു മാത്ര​മാ​ണോ?

4, 5. (എ) മൂപ്പൻമാർക്കു മാത്രമല്ല ബുദ്ധി​യു​പ​ദേശം കൊടു​ക്കു​വാൻ കഴിയു​ന്ന​തെന്നു പ്രകട​മാ​ക്കുന്ന ചില തിരു​വെ​ഴു​ത്തു ദൃഷ്ടാ​ന്ത​ങ്ങ​ളേവ? (ബി) മൂപ്പൻമാ​ര​ല്ലാത്ത ക്രിസ്‌ത്യാ​നി​കൾ ബുദ്ധി​യു​പ​ദേശം കൊടു​ക്കുന്ന ആധുനിക നാളിലെ ചില മാതൃ​കാ​സാ​ഹ​ച​ര്യ​ങ്ങ​ളേവ?

⁴ അല്ല. റെററി ഒരു മൂപ്പന​ല്ലാ​യി​രു​ന്നു. എന്നിരു​ന്നാ​ലും അവളുടെ ബുദ്ധി​യു​പ​ദേശം ഒടുവിൽ സൽഫലങ്ങൾ കൈവ​രു​ത്തി. സിറിയൻ സേനാ​പ​തി​യാ​യി​രുന്ന നയമാ​നെ​ക്കു​റി​ച്ചും ഓർക്കുക. അയാൾ ഒരു യിസ്രാ​യേല്യ ബാലി​ക​യിൽനിന്ന്‌ ലഭിച്ച നല്ല കുറെ വിവര​ങ്ങ​ള​നു​സ​രി​ച്ചും അനന്തരം അയാളു​ടെ സേവക​രു​ടെ ഉപദേ​ശ​മ​നു​സ​രി​ച്ചും പ്രവർത്തി​ച്ചു. നാബാ​ലി​ന്റെ ഭാര്യ​യാ​യി​രുന്ന അബീഗ​യി​ലി​ന്റെ സമയോ​ചിത ബുദ്ധി​യു​പ​ദേ​ശ​ത്താൽ ദാവീദ്‌ രക്തപാ​തകം വരുത്തി​ക്കൂ​ട്ടു​ന്ന​തിൽനിന്ന്‌ രക്ഷപ്പെട്ടു. യുവാ​വാ​യി​രുന്ന എലീഹൂ​വിന്‌ ഇയ്യോ​ബി​നും അവന്റെ മൂന്ന്‌ “ആശ്വാ​സകർ”ക്കും വേണ്ടി കൂറേ ജ്ഞാനോ​പ​ദേശം ഉണ്ടായി​രു​ന്നു.—1 ശമുവേൽ 25:23-35; 2 രാജാ​ക്കൻമാർ 5:1-4, 13, 14 ഇയ്യോബ്‌ 32:1-6.

⁵ സമാന​മാ​യി, ഇന്ന്‌, ബുദ്ധി​യു​പ​ദേശം മൂപ്പൻമാ​രു​ടെ മാത്രം പ്രത്യേ​കാ​വ​കാ​ശമല്ല. മാതാ​പി​താ​ക്കൾ തങ്ങളുടെ മക്കൾക്ക്‌ ക്രമമാ​യി ബുദ്ധി​യു​പ​ദേശം കൊടു​ക്കു​ന്നു. റെററി​യെ​പ്പോ​ലെ​യുള്ള യുവജ​നങ്ങൾ തങ്ങളുടെ സമപ്രാ​യ​ക്കാ​രെ ബുദ്ധി​യു​പ​ദേ​ശി​ക്കു​ന്ന​തിൽ മിക്ക​പ്പോ​ഴും വിജയി​ക്കു​ന്നു. വിശേ​ഷിച്ച്‌ ഇളയ സ്‌ത്രീ​കളെ “നൻമ ഉപദേ​ശി​ക്കു​ന്നവർ” ആയിരി​ക്കാൻ, പക്വത​യുള്ള സ്‌ത്രീ​കളെ ബൈബിൾ വിശേ​ഷാൽ പ്രോ​ത്സാ​ഹി​പ്പി​ക്കു​ന്നു. (തീത്തോസ്‌ 2:3-5) യഥാർത്ഥ​ത്തിൽ, ഒരു പൊതു അർത്ഥത്തിൽ ഈ വിധത്തിൽ അന്യോ​ന്യം സഹായി​ക്കാ​നുള്ള കടപ്പാട്‌ നമു​ക്കെ​ല്ലാ​മുണ്ട്‌. “നിങ്ങൾ യഥാർത്ഥ​ത്തിൽ ചെയ്‌തു​കൊ​ണ്ടി​രി​ക്കു​ന്ന​തു​പോ​ലെ, അന്യോ​ന്യം ആശ്വസി​പ്പി​ച്ചും അന്യോ​ന്യം കെട്ടു​പ​ണി​ചെ​യ്‌തും​കൊ​ണ്ടി​രി​ക്കുക” എന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു.—1 തെസ്സ​ലോ​നീ​ക്യർ 5:11.

ക്രിസ്‌തീയ ബുദ്ധി​യു​പ​ദേ​ശ​ത്തി​ന്റെ ലക്ഷ്യങ്ങൾ

6. ക്രിസ്‌തീയ ബുദ്ധി​യു​പ​ദേ​ശ​ത്തി​ന്റെ ചില ലക്ഷ്യങ്ങ​ളേവ?

⁶ ക്രിസ്‌തീയ ബുദ്ധി​യു​പ​ദേ​ശ​ത്തി​ന്റെ ചില ലക്ഷ്യങ്ങൾ എന്തൊ​ക്കെ​യാണ്‌? പുരോ​ഗതി പ്രാപി​ക്കാ​നും ശരിയായ വഴിയിൽ തുടരാ​നും ആരെ​യെ​ങ്കി​ലും സഹായി​ക്കുക, പ്രശ്‌നങ്ങൾ പരിഹ​രി​ക്കുക, പ്രയാ​സങ്ങൾ തരണം ചെയ്യുക, ഒരുപക്ഷേ ഒരു തെററായ ഗതി തിരു​ത്തുക എന്നിവ​യാ​ണവ. “സകല ദർഘക്ഷ​മ​യോ​ടും പഠിപ്പി​ക്കൽ വൈദ​ഗ്‌ദ്ധ്യ​ത്തോ​ടും കൂടെ ശാസി​ക്കുക, താക്കീതു ചെയ്യുക, ഉദ്‌ബോ​ധി​പ്പി​ക്കുക” എന്ന്‌ പറഞ്ഞു​കൊണ്ട്‌ പൗലോസ്‌ തിമൊ​ഥെ​യോ​സി​നെ പ്രോ​ത്സാ​ഹി​പ്പി​ച്ച​പ്പോൾ അവൻ ഏതെങ്കി​ലും രൂപങ്ങ​ളി​ലുള്ള ബുദ്ധി​യു​പ​ദേ​ശി​ക്ക​ലി​നെ​യാണ്‌ പരാമർശി​ച്ചത്‌. (2 തിമൊ​ഥെ​യോസ്‌ 4:1, 2) മുറി​പ്പെ​ടാ​തെ കാര്യം​ഗ്ര​ഹി​ക്കാൻ കഴിയ​ത്ത​ക്ക​വണ്ണം ആരെ​യെ​ങ്കി​ലും ബുദ്ധി​യു​പ​ദേ​ശി​ക്കു​ന്നത്‌ യഥാർത്ഥ​ത്തിൽ ഒരു വൈദ​ഗ്‌ദ്ധ്യ​മാണ്‌.

7, 8. (എ) ക്രിസ്‌തീയ സഭയിൽ ബുദ്ധി​യു​പ​ദേശം പ്രതീ​ക്ഷി​ക്ക​പ്പെ​ടുന്ന ചില സാഹച​ര്യ​ങ്ങ​ളേവ? (ബി) ഏത്‌ അവസര​ങ്ങ​ളിൽ ഒരു ക്രിസ്‌ത്യാ​നി ബുദ്ധി​യു​പ​ദേശം പ്രതീ​ക്ഷി​ക്കാ​തി​രു​ന്നേ​ക്കാ​മെ​ങ്കി​ലും അതാവ​ശ്യ​മാ​യി​രി​ക്കാം?

⁷ എപ്പോ​ഴാണ്‌ ബുദ്ധി​യു​പ​ദേശം കൊടു​ക്കേ​ണ്ടത്‌? മാതാ​പി​താ​ക്കൾക്ക്‌ തങ്ങളുടെ മക്കളെ ബുദ്ധി​യു​പ​ദേ​ശി​ക്കാ​നുള്ള അവസരം നിരന്ത​ര​മുണ്ട്‌, കുട്ടികൾ ഇത്‌ ഏറെക്കു​റെ പ്രതീ​ക്ഷി​ക്കു​ന്നു​മുണ്ട്‌. (സദൃശ​വാ​ക്യ​ങ്ങൾ 6:20; എഫേസ്യർ 6:4) സഭയിൽ, ഒരു വിദ്യാർത്ഥി ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ ഒരു പ്രസംഗം ചെയ്‌തു​ക​ഴി​യു​മ്പോൾ ബുദ്ധി​യു​പ​ദേശം പ്രതീ​ക്ഷി​ക്കു​ന്നു. ഒരു പുതിയ രാജ്യ പ്രസാ​ധകൻ ഒരു ക്രിസ്‌തീയ ശുശ്രൂ​ഷ​ക​നെ​ന്ന​നി​ല​യിൽ പക്വത​യി​ലേക്കു പുരോ​ഗ​മി​ക്കു​മ്പോൾ സഹായ​വും ബുദ്ധി​യു​പ​ദേ​ശ​വും പ്രതീ​ക്ഷി​ക്കു​ന്നു. (1 തിമൊ​ഥെ​യോസ്‌ 4:15) ചില​പ്പോൾ സഹായ​വും ബുദ്ധി​യു​പ​ദേ​ശ​വും തേടുന്ന വ്യക്തികൾ സഭയിലെ മൂപ്പൻമാ​രെ​യോ മററു​ള്ള​വ​രേ​യോ സമീപി​ക്കു​ന്നു.

⁸ എന്നിരു​ന്നാ​ലും, ബുദ്ധി​യു​പ​ദേശം പ്രതീ​ക്ഷി​ക്കു​ക​യോ ആഗ്രഹി​ക്കു​ക​യോ ചെയ്യാ​ത്ത​വർക്ക്‌ ചില സമയങ്ങ​ളിൽ അതു​കൊ​ടു​ക്കേ​ണ്ട​തുണ്ട്‌. ഒരുപക്ഷെ, റെററി​യു​ടെ സുഹൃ​ത്തി​നെ​പ്പോ​ലെ, ഒരാൾ യഹോ​വ​യു​ടെ സേവന​ത്തി​ലുള്ള തീക്ഷ്‌ണത നഷ്ടപ്പെട്ട്‌ ‘അകന്നു മാറുക’യായി​രി​ക്കാം. (എബ്രായർ 2:1) സഭയിൽ ഒരു വ്യക്തിക്ക്‌ മറെറാ​രു വ്യക്തി​യു​മാ​യി ഗൗരവ​മുള്ള ഒരു വ്യക്തി​പ​ര​മായ ഭിന്നത ഉണ്ടായി​രി​ക്കാം. (ഫിലി​പ്യർ 4:2) അല്ലെങ്കിൽ ഒരാൾക്ക്‌ ഉചിത​മായ ചമയമോ വസ്‌ത്ര​ധാ​ര​ണ​മോ സംബന്ധിച്ച്‌, അല്ലെങ്കിൽ സുഹൃ​ത്തു​ക്ക​ളു​ടെ​യോ സംഗീ​ത​ത്തി​ന്റെ​യോ തെര​ഞ്ഞെ​ടു​പ്പു സംബന്ധിച്ച്‌, സഹായം ആവശ്യ​മാ​യി​രി​ക്കാം.—1 കൊരി​ന്ത്യർ 15:33; 1 തിമൊ​ഥെ​യോസ്‌ 2:9.

9, 10. (എ) ക്രിസ്‌തീയ ബുദ്ധി​യു​പ​ദേശം കൊടു​ക്കു​ന്ന​തിന്‌ ധൈര്യം ആവശ്യ​മാ​യി​രി​ക്കാ​വു​ന്ന​തെ​ന്തു​കൊണ്ട്‌? (ബി) എന്നിരു​ന്നാ​ലും, ഒരു ക്രിസ്‌ത്യാ​നി, ആവശ്യ​മെ​ങ്കിൽ ബുദ്ധി​യു​പ​ദേശം കൊടു​ക്കേ​ണ്ട​തെ​ന്തു​കൊണ്ട്‌?

⁹ യഹൂദ​യി​ലെ ആസാരാ​ജാ​വിന്‌ ഹനാനി പ്രവാ​ചകൻ ബുദ്ധി​യു​പ​ദേശം കൊടു​ത്ത​പ്പോൾ ആസാ “അവനെ കാരാ​ഗൃ​ഹ​ത്തി​ലാക്ക”ത്തക്കവണ്ണം നീരസ​പ്പെട്ടു. (2 ദിനവൃ​ത്താ​ന്തം 16:7-10) ആ നാളു​ക​ളിൽ ഒരു രാജാ​വി​നെ ബുദ്ധി​യു​പ​ദേ​ശി​ക്കു​ന്ന​തിന്‌ ഒരു വ്യക്തി ധൈര്യ​മു​ള്ള​വ​നാ​യി​രി​ക്കേ​ണ്ടി​യി​രു​ന്നു. ഇക്കാല​ത്തും, ഉപദേ​ശകർ ധൈര്യ​മു​ള്ള​വ​രാ​യി​രി​ക്കേ​ണ്ട​തുണ്ട്‌, എന്തു​കൊ​ണ്ടെ​ന്നാൽ ബുദ്ധി​യു​പ​ദേ​ശി​ക്കൽ പ്രാരം​ഭ​ത്തിൽ നീരസം വരുത്തി​ക്കൂ​ട്ടി​യേ​ക്കാം. പരിചയ സമ്പന്നനായ ഒരു ക്രിസ്‌ത്യാ​നി ഒരു ഇളയ സഹകാ​രിക്ക്‌ ആവശ്യ​മായ ബുദ്ധി​യു​പ​ദേശം കൊടു​ക്കാ​തെ പിൻമാ​റി​നി​ന്നു. കാരണം? അയാൾ വിശദീ​ക​രി​ച്ചു: “ഈ സമയം​വരെ ഞങ്ങൾ നല്ല സുഹൃ​ത്തു​ക്ക​ളാണ്‌, ആ നില തുടരാൻ ഞാൻ ആഗ്രഹി​ക്കു​ന്നു!” യഥാർത്ഥ​ത്തിൽ, ആവശ്യ​മു​ള്ള​പ്പോൾ സഹായം കൊടു​ക്കു​ന്ന​തിൽനിന്ന്‌ പിൻമാ​റി നിൽക്കു​ന്നത്‌ ഒരു നല്ല സുഹൃ​ത്തി​ന്റെ ലക്ഷണമല്ല.—സദൃശ​വാ​ക്യ​ങ്ങൾ 27:6; യാക്കോബ്‌ 4:17 താരത​മ്യ​പ്പെ​ടു​ത്തുക.

¹⁰ യഥാർത്ഥ​ത്തിൽ, ഉപദേ​ശകൻ വിദഗ്‌ദ്ധ​നാ​ണെ​ങ്കിൽ സാധാ​ര​ണ​യാ​യി ദുർവി​ചാ​രങ്ങൾ കുറയ്‌ക്കാൻ കഴിയു​മെ​ന്നും ബുദ്ധി​യു​പ​ദേ​ശ​ത്തി​ന്റെ ലക്ഷ്യം നേടാൻ കഴിയു​മെ​ന്നും അനുഭവം തെളി​യി​ച്ചി​ട്ടുണ്ട്‌. ഒരു വിദഗ്‌ദ്ധ ഉപദേ​ശ​ക​നാ​യി​രി​ക്കു​ന്ന​തിന്‌ എന്താണാ​വ​ശ്യ​മാ​യി​രി​ക്കു​ന്നത്‌? ഇതിന്‌ ഉത്തരം പറയു​ന്ന​തിന്‌ നമുക്കു രണ്ടു ദൃഷ്ടാ​ന്തങ്ങൾ പരിചി​ന്തി​ക്കാം, ഒന്നു നല്ലതും ഒന്നു ചീത്തയും.

പൗലോസ്‌—ഒരു വിദഗ്‌ദ്ധ ഉപദേ​ശ​കൻ

11. പൗലോസ്‌ മിക്ക​പ്പോ​ഴും വളരെ തുറന്നു സംസാ​രി​ച്ചെ​ങ്കി​ലും മിക്ക കൊരി​ന്ത്യ​രും അവന്റെ ബുദ്ധി​യു​പ​ദേശം സ്വീക​രി​ച്ച​തെ​ന്തു​കൊണ്ട്‌?

¹¹ ബുദ്ധി​യു​പ​ദേശം കൊടു​ക്കു​ന്ന​തിന്‌ അപ്പോ​സ്‌ത​ല​നായ പൗലോ​സിന്‌ അനേകം അവസരങ്ങൾ ഉണ്ടായി​രു​ന്നു. ചില​പ്പോൾ അവന്‌ ശക്തമായ കാര്യങ്ങൾ പറയാ​നു​ണ്ടാ​യി​രു​ന്നു. (1 കൊരി​ന്ത്യർ 1:10-13; 3:1-4; ഗലാത്യർ 1:6; 3:1) എന്നിരു​ന്നാ​ലും, അവന്റെ ബുദ്ധി​യു​പ​ദേശം ഫലപ്ര​ദ​മാ​യി​രു​ന്നു, എന്തു​കൊ​ണ്ടെ​ന്നാൽ ആരി​ലേക്ക്‌ അവൻ അതു തിരി​ച്ചു​വി​ട്ടു​വോ അവരെ പൗലോസ്‌ സ്‌നേ​ഹി​ച്ചി​രു​ന്നു​വെന്ന്‌ അവർക്ക​റി​യാ​മാ​യി​രു​ന്നു. അവൻ കൊരി​ന്ത്യ​രോ​ടു പറഞ്ഞ​പ്ര​കാ​രം: “വളരെ​യ​ധി​കം ക്ലേശത്തിൽനി​ന്നും ഹൃദയ​വേ​ദ​ന​യിൽനി​ന്നും അനേകം കണ്ണുനീ​രോ​ടെ ഞാൻ നിങ്ങൾക്ക്‌ എഴുതി, നിങ്ങൾ സങ്കട​പ്പെ​ടേ​ണ്ട​തി​നല്ല, പിന്നെ​യോ നിങ്ങ​ളോട്‌ വിശേ​ഷ​ത​ര​മാ​യി എനിക്കുള്ള സ്‌നേഹം നിങ്ങള​റി​യേ​ണ്ട​തി​നു​തന്നെ.” (2 കൊരി​ന്ത്യർ 2:4) സ്‌നേഹം . . . സ്വാർത്ഥ​താൽപ്പ​ര്യ​ങ്ങൾ അന്വേ​ഷി​ക്കു​ന്നി​ല്ലാ”ത്തതു​കൊണ്ട്‌ സ്വാർത്ഥ​പ​ര​മായ ആന്തരങ്ങ​ളോ​ടെയല്ല ബുദ്ധി​യു​പ​ദേശം നൽക​പ്പെ​ട്ട​തെന്ന്‌ കൊരി​ന്ത്യർക്ക​റി​യാ​മാ​യി​രു​ന്ന​തു​കൊണ്ട്‌ അവരിൽ മിക്കവ​രും പൗലോ​സി​ന്റെ ബുദ്ധി​യു​പ​ദേശം സ്വീക​രി​ച്ചു. കൂടാതെ, അവൻ വ്യക്തി​പ​ര​മായ പ്രകോ​പ​ന​ത്തിൽനി​ന്നല്ല സംസാ​രി​ക്കു​ന്ന​തെന്ന്‌ അവർക്ക്‌ ഉറപ്പു​ണ്ടാ​യി​രു​ന്നു, എന്തു​കൊ​ണ്ടെ​ന്നാൽ “സ്‌നേഹം . . . പ്രകോ​പി​ത​മാ​കു​ന്നില്ല. അത്‌ ദ്രോ​ഹ​ത്തി​ന്റെ കണക്കു സൂക്ഷി​ക്കു​ന്നില്ല.”—1 കൊരി​ന്ത്യർ 13:4, 5.

12. ഏതു ഗുണം ഒരു ക്രിസ്‌തീയ ഉപദേ​ശ​കന്‌ നല്ലഫലങ്ങൾ കിട്ടുക കൂടുതൽ എളുപ്പ​മാ​ക്കി​ത്തീർക്കും? വിശദീ​ക​രി​ക്കുക.

¹² ഇന്നും, ബുദ്ധി​യു​പ​ദേ​ശി​ക്കു​ന്ന​യാൾ നമ്മെ സ്‌നേ​ഹി​ക്കു​ന്നു​വെ​ന്നും വ്യക്തി​പ​ര​മായ പ്രകോ​പനം നിമി​ത്തമല്ല സംസാ​രി​ക്കു​ന്ന​തെ​ന്നും അയാൾക്ക്‌ സ്വാർത്ഥ​പ​ര​മായ ആന്തരങ്ങ​ളി​ല്ലെ​ന്നും നമുക്ക​റി​യാ​മെ​ങ്കിൽ ശക്തമായ ബുദ്ധി​യു​പ​ദേശം പോലും സ്വീക​രി​ക്കുക വളരെ എളുപ്പ​മാണ്‌. ദൃഷ്ടാ​ന്ത​മാ​യി, ഒരു മൂപ്പൻ സഭയിലെ യുവ​പ്രാ​യ​ക്കാ​രോട്‌ സംസാ​രി​ക്കുന്ന ഏക സമയം അയാൾ അവരെ വിമർശി​ക്കു​മ്പോ​ഴാ​ണെ​ങ്കിൽ ചെറു​പ്പ​ക്കാർ അടിക്കടി കുററ​പ്പെ​ടു​ത്ത​പ്പെ​ടു​ക​യാ​ണെന്ന്‌ അനായാ​സം വിചാ​രി​ച്ചേ​ക്കാം. എന്നാൽ മൂപ്പന്‌ യുവാ​ക്ക​ളോട്‌ ഒരു നല്ല ബന്ധമു​ണ്ടെ​ങ്കി​ലോ? അയാൾ അവരെ വയൽസേ​വ​ന​ത്തിന്‌ കൂട്ടി​ക്കൊ​ണ്ടു​പോ​കു​ക​യും രാജ്യ​ഹാ​ളിൽ സമീപി​ക്കാ​വു​ന്ന​വ​നാ​യി​രി​ക്കു​ക​യും (അവരുടെ മാതാ​പി​താ​ക്ക​ളു​ടെ സമ്മത​ത്തോ​ടെ) ചില​പ്പോ​ഴൊ​ക്കെ അവരെ ഒരുപക്ഷെ തന്റെ വീട്ടി​ലേക്കു ക്ഷണിച്ചു​കൊ​ണ്ടു അവരുടെ പ്രശ്‌ന​ങ്ങ​ളെ​യും പ്രത്യാ​ശ​ക​ളെ​യും സംശയ​ങ്ങ​ളെ​യും കുറിച്ച്‌ തന്നോടു സംസാ​രി​ക്കാൻ അവരെ പ്രോ​ത്സാ​ഹി​പ്പി​ക്കു​ക​യും ചെയ്യു​ന്നു​വെ​ങ്കി​ലോ? അപ്പോൾ, അയാൾ അവർക്കു ബുദ്ധി​യു​പ​ദേശം കൊടു​ക്കേ​ണ്ട​തു​ള്ള​പ്പോൾ, അത്‌ ഒരു സുഹൃ​ത്തിൽനി​ന്നു വരുന്നു​വെ​ന്ന​റി​ഞ്ഞു​കൊണ്ട്‌ യുവാക്കൾ അതു സ്വീക​രി​ക്കാൻ കൂടുതൽ സാദ്ധ്യ​ത​യുണ്ട്‌.

സൗമ്യ​ത​യും താഴ്‌മ​യും

13. (എ) ആത്യന്തി​ക​മാ​യി ക്രിസ്‌തീയ ബുദ്ധി​യു​പ​ദേശം എന്തിൽ അധിഷ്‌ഠി​ത​മാ​യി​രി​ക്കണം? (ബി) തന്നിമി​ത്തം, ക്രിസ്‌തീ​യ​സ​ഭ​യിൽ ബുദ്ധി​യു​പ​ദേശം കൊടു​ക്കു​ന്നവർ എന്തു ചെയ്യു​ന്ന​തൊ​ഴി​വാ​ക്കണം?

¹³ പൗലോ​സി​ന്റെ ബുദ്ധി​യു​പ​ദേശം വിജയ​പ്ര​ദ​മാ​യി​രു​ന്ന​തിന്‌ മറെറാ​രു കാരണ​മുണ്ട്‌. അവൻ സ്വന്തം അഭി​പ്രാ​യ​ങ്ങ​ളി​ലല്ല, ദൈവി​ക​ജ്ഞാ​ന​ത്തി​ലാണ്‌ ആശ്രയി​ച്ചത്‌. അവൻ ഉപദേ​ശ​ക​നായ തിമൊ​ഥെ​യോ​സി​നെ ഓർമ്മി​പ്പി​ച്ച​തു​പോ​ലെ: “എല്ലാതി​രു​വെ​ഴു​ത്തും ദൈവ നിശ്വ​സ്‌ത​വും പഠിപ്പി​ക്ക​ലി​നും ശാസി​ക്ക​ലി​നും കാര്യങ്ങൾ നേരെ​യാ​ക്കു​ന്ന​തി​നും നീതി​യിൽ ശിക്ഷണം കൊടു​ക്കു​ന്ന​തി​നും പ്രയോ​ജ​ന​ക​ര​വു​മാ​കു​ന്നു.” (2 തിമൊ​ഥെ​യോസ്‌ 3:16; 1 കൊരി​ന്ത്യർ 2:1, 2 താരത​മ്യ​പ്പെ​ടു​ത്തുക.) അതു​പോ​ലെ, ഇന്നത്തെ ക്രിസ്‌തീയ ഉപദേ​ശകർ തങ്ങൾ പറയു​ന്ന​തി​നെ തിരു​വെ​ഴു​ത്തു​ക​ളിൽ അടിസ്ഥാ​ന​പ്പെ​ടു​ത്തു​ന്നു. കുടും​ബ​ത്തിൽ മാതാ​പി​താ​ക്കൾ തങ്ങളുടെ മക്കളെ ബുദ്ധി​യു​പ​ദേ​ശി​ക്കുന്ന ഓരോ സമയത്തും ബൈബി​ളു​ദ്ധ​രി​ക്കു​ന്നി​ല്ലെ​ന്നു​ള്ളതു സത്യം​തന്നെ. എന്നിരു​ന്നാ​ലും, ക്രിസ്‌തീയ മാതാ​പി​താ​ക്കൾ അനുസ​ര​ണ​ത്തേ​യോ ശുചി​ത്വ​ത്തെ​യോ മററു​ള്ള​വ​രോ​ടുള്ള താൽപ്പ​ര്യ​ത്തേ​യോ സമയനി​ഷ്‌ഠ​യേ​യോ മറെറ​ന്തി​നെ​യെ​ങ്കി​ലു​മോ പ്രോ​ത്സാ​ഹി​പ്പി​ച്ചാ​ലും അവർ പറയു​ന്ന​തിന്‌ തിരു​വെ​ഴു​ത്തു​പ​ര​മായ ഒരു അടിസ്ഥാ​നം ഉണ്ടായി​രി​ക്കണം. (എഫേസ്യർ 6:1; 2 കൊരി​ന്ത്യർ 7:1; മത്തായി 7:12; സഭാ​പ്ര​സം​ഗി 3:1-8) സഭക്കു​ള്ളിൽ, നമ്മുടെ സ്വന്തം വീക്ഷണ​ങ്ങ​ളോ അഭിരു​ചി​ക​ളോ മററു​ള്ള​വ​രു​ടെ​മേൽ അടി​ച്ചേൽപ്പി​ക്കാ​തി​രി​ക്കാൻ നാം ശ്രദ്ധാ​ലു​ക്ക​ളാ​യി​രി​ക്കണം. തങ്ങൾക്കു ശക്തമായ വികാ​ര​ങ്ങ​ളുള്ള ചില ആശയങ്ങളെ പിന്താ​ങ്ങു​ന്ന​താ​യി തോന്നി​ക്കാൻ മൂപ്പൻമാർ തിരു​വെ​ഴു​ത്തു​കളെ വളയ്‌ക്കു​ന്നത്‌ ഒഴിവാ​ക്കണം. (മത്തായി 4:5, 6 താരത​മ്യ​പ്പെ​ടു​ത്തുക.) അവർ കൊടു​ക്കുന്ന ഏതു ബുദ്ധി​യു​പ​ദേ​ശ​ത്തി​നും ഒരു യഥാർത്ഥ ബൈബിൾ കാരണം ഉണ്ടായി​രി​ക്കണം.—സങ്കീർത്തനം 119:105.

14, 15. .(എ) ബുദ്ധി​യു​പ​ദേശം സ്വീക​രി​ക്കുക കൂടുതൽ എളുപ്പ​മാ​ക്കി​ത്തീർക്കുന്ന മറെറാ​രു ഗുണം പറയുക. (ബി) ഒരു ഉപദേ​ശകൻ ഈ ഗുണം വികസി​പ്പി​ച്ചെ​ടു​ക്കു​ന്നത്‌ വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁴ സൗമ്യ​ത​യു​ടെ ആത്മാവിൽ കൊടു​ക്ക​പ്പെ​ടു​ന്നു​വെ​ങ്കിൽ ബുദ്ധി​യു​പ​ദേശം കൂടുതൽ ഫലപ്ര​ദ​വു​മാ​യി​രി​ക്കും. പൗലോ​സിന്‌ ഇതറി​യാ​മാ​യി​രു​ന്നു. അതു​കൊ​ണ്ടാണ്‌ ഒരു തെററായ നടപടി, അതി​നെ​ക്കു​റിച്ച്‌ അറിയു​ന്ന​തി​നു മുമ്പ്‌ സ്വീക​രി​ക്കു​ന്ന​വ​നെ​ക്കു​റി​ച്ചു പറഞ്ഞ​പ്പോൾ “അങ്ങനെ​യുള്ള ഒരു മനുഷ്യ​നെ സൗമ്യ​ത​യു​ടെ ആത്മാവിൽ യഥാസ്ഥാ​ന​പ്പെ​ടു​ത്താൻ ശ്രമി​ക്കു​ന്ന​തിന്‌” യോഗ്യ​ത​യു​ള്ള​വരെ പൗലോസ്‌ പ്രോ​ത്സാ​ഹി​പ്പി​ച്ചത്‌. (ഗലാത്യർ 6:1) “സകലമ​നു​ഷ്യ​രോ​ടും സകല സൗമ്യ​ത​യും പ്രദർശി​പ്പി​ച്ചു​കൊണ്ട്‌ ആരെക്കു​റി​ച്ചും ദ്രോ​ഹ​പൂർവ്വം സംസാ​രി​ക്കാ​തി​രി​ക്കാ​നും വഴക്കാ​ളി​യാ​കാ​തി​രി​ക്കാ​നും ന്യായ​ബോ​ധ​മു​ള്ള​വ​നാ​യി​രി​ക്കാ​നും” മററു​ള്ള​വരെ ഓർമ്മി​പ്പി​ക്കാൻ അവൻ തീത്തോ​സി​നെ​യും ഉപദേ​ശി​ച്ചു.—തീത്തോസ്‌ 3:1, 2; 1 തിമൊ​ഥെ​യോസ്‌ 6:11.

¹⁵ സൗമ്യ​ത​യു​ടെ ആവശ്യം എന്താണ്‌? എന്തു​കൊ​ണ്ടെ​ന്നാൽ അനിയ​ന്ത്രിത വികാ​രങ്ങൾ പകരു​ന്ന​വ​യാണ്‌. കോപ​വാ​ക്കു​കൾ കൂടുതൽ കോപ​വാ​ക്കു​കൾക്ക്‌ പ്രകോ​പനം സൃഷ്ടി​ക്കു​ന്നു. കോപം തിളച്ചു​മ​റി​യു​മ്പോൾ ന്യായ​വാ​ദം ചെയ്യുക പ്രയാ​സ​മാണ്‌. ബുദ്ധി​യു​പ​ദേശം കൊടു​ക്ക​പ്പെ​ടു​ന്ന​യാൾ കോപ​ത്തോ​ടെ പ്രതി​ക​രി​ച്ചാ​ലും ബുദ്ധി​യു​പ​ദേശം കൊടു​ക്കു​ന്ന​യാൾ അങ്ങനെ ചെയ്യു​ന്ന​തിന്‌ അതു കാരണ​മാ​യി​രി​ക്കു​ന്നില്ല. മറിച്ച്‌, ഉപദേ​ശ​കന്റെ സൗമ്യ​മ​നോ​ഭാ​വം കാര്യ​ങ്ങളെ ശാന്തമാ​ക്കാൻ സഹായി​ച്ചേ​ക്കാം. “ഒരു ഉത്തരം സൗമ്യ​മാ​യി​രി​ക്കു​മ്പോൾ ക്രോധം അകററി​ക്ക​ള​യു​ന്നു.” (സദൃശ​വാ​ക്യ​ങ്ങൾ 15:1) ഉപദേ​ശകൻ ഒരു പിതാ​വോ ഒരു മൂപ്പനോ മററാ​രെ​ങ്കി​ലു​മോ ആയിരു​ന്നാ​ലും ഇതു സത്യമാണ്‌.

16. ഒരുവൻ ബുദ്ധി​യു​പ​ദേശം കൊടു​ക്കു​മ്പോൾ എല്ലായ്‌പ്പോ​ഴും ആദരവു​ള്ള​വ​നാ​യി​രി​ക്കേ​ണ്ട​തെ​ന്തു​കൊണ്ട്‌?

¹⁶ ഒടുവിൽ, ഇളയ മൂപ്പനാ​യി​രുന്ന തിമൊ​ഥെ​യോ​സി​നോട്‌ പൗലോസ്‌ പറഞ്ഞതും പരിചി​ന്തി​ക്കുക: “ഒരു പ്രായ​മേ​റിയ പുരു​ഷനെ കഠിന​മാ​യി വിമർശി​ക്ക​രുത്‌. മറിച്ച്‌, അയാ​ളോട്‌ ഒരു പിതാ​വി​നെ​പ്പോ​ലെ​യും പ്രായ​ക്കു​റ​വുള്ള പുരു​ഷൻമാ​രോട്‌ സഹോ​ദ​രൻമാ​രെ​പ്പോ​ലെ​യും പ്രായ​മേ​റിയ സ്‌ത്രീ​ക​ളോട്‌ അമ്മമാ​രെ​പ്പോ​ലെ​യും ഇളയ സ്‌ത്രീ​ക​ളോട്‌ സകല നിർമ്മ​ല​ത​യോ​ടും​കൂ​ടെ സഹോ​ദ​രി​മാ​രെ​പ്പോ​ലെ​യും ഇടപെ​ടുക.” (1 തിമൊ​ഥെ​യോസ്‌ 5:1, 2) എത്ര വിശി​ഷ്ട​മായ ഉപദേശം! ഒരു പ്രായ​ക്കു​റ​വുള്ള മൂപ്പൻ, ഒരുപക്ഷേ പ്രായ​മേ​റിയ ഒരു സ്‌ത്രീ​യു​ടെ മകനാ​യി​രി​ക്കാൻ തക്ക ഇളപ്പമുള്ള ഒരു മൂപ്പൻ, അങ്ങനെ​യുള്ള ഒരു സ്‌ത്രീ​യെ കഠിന വിമർശ​ന​ത്തോ​ടെ അല്ലെങ്കിൽ അനാദ​ര​വോ​ടെ​തന്നെ ബുദ്ധി​യു​പ​ദേ​ശി​ക്കു​ന്നു​വെ​ങ്കിൽ അവർ എന്തു വിചാ​രി​ക്കു​മെന്ന്‌ സങ്കൽപ്പി​ക്കുക. ഉപദേ​ശകൻ ഒരു നിമിഷം ഇങ്ങനെ ചിന്തി​ക്കു​ന്നതു വളരെ നന്നായി​രി​ക്കും: ‘ഈ വ്യക്തി​യു​ടെ പ്രായ​വും വ്യക്തി​ത്വ​വും പരിഗ​ണി​ക്കു​മ്പോൾ, ഈ ബുദ്ധി​യു​പ​ദേശം കൊടു​ക്കു​ന്ന​തി​നുള്ള ഏററവും സ്‌നേ​ഹ​പൂർവ്വ​ക​വും ഫലപ്ര​ദ​വു​മായ മാർഗ്ഗം എന്തായി​രി​ക്കും?’—ലൂക്കോസ്‌ 6:31; കൊ​ലോ​സ്യർ 4:6.

പരീശൻമാ​രു​ടെ ബുദ്ധി​യു​പ​ദേ​ശം

17, 18. പരീശൻമാർ കൊടുത്ത ബുദ്ധി​യു​പ​ദേശം സഹായ​ക​മാ​യി​രി​ക്കാ​ഞ്ഞ​തി​ന്റെ ഒരു കാരണം എന്തായി​രു​ന്നു?

¹⁷ ഇപ്പോൾ പൗലോ​സി​ന്റെ നല്ല ദൃഷ്ടാന്തം വിട്ടിട്ട്‌ ഒരു ചീത്ത ദൃഷ്ടാന്തം—യേശു​വി​ന്റെ നാളിലെ യഹൂദ മത നേതാ​ക്ക​ളു​ടെ ദൃഷ്ടാന്തം—പരിചി​ന്തി​ക്കുക. അവർ വളരെ​യ​ധി​കം ബുദ്ധി​യു​പ​ദേശം കൊടു​ത്തി​രു​ന്നു, എന്നാൽ സാധാ​ര​ണ​യാ​യി ആ ജനതക്ക്‌ അതിൽനിന്ന്‌ പ്രയോ​ജനം കിട്ടി​യി​രു​ന്നില്ല. എന്തു​കൊണ്ട്‌?

¹⁸ അനേകം കാരണങ്ങൾ ഉണ്ടായി​രു​ന്നു. ഒന്ന്‌ എടുക്കാം: യേശു​വി​ന്റെ ശിഷ്യൻമാർ ഭക്ഷണം കഴിക്കു​ന്ന​തി​നു മുമ്പ്‌ കൈകൾ കഴുകാ​ഞ്ഞ​തു​കൊണ്ട്‌ പരീശൻമാർ യേശു​വി​നെ ശാസി​ച്ചതു പരിചി​ന്തി​ക്കുക. തീർച്ച​യാ​യും, മിക്ക മാതാ​ക്ക​ളും ഭക്ഷണത്തി​നു മുമ്പ്‌ കൈക​ഴു​കാൻ തങ്ങളുടെ കുട്ടി​കളെ ബുദ്ധി​യു​പ​ദേ​ശി​ക്കു​ന്നു. ഒരു ശുചിത്വ നടപടി​യെന്ന നിലയിൽ അത്‌ വളരെ​യ​ധി​കം അഭികാ​മ്യ​മാണ്‌. എന്നാൽ പരീശൻമാർക്ക്‌ മുഖ്യ​മാ​യി ശുചി​ത്വ​ത്തി​ലാ​യി​രു​ന്നില്ല താൽപ്പ​ര്യം. അവരെ സംബന്ധിച്ച്‌ കൈക​ഴു​കൽ ഒരു പാരമ്പ​ര്യ​മാ​യി​രു​ന്നു. യേശു​വി​ന്റെ ശിഷ്യൻമാർ ഈ പാരമ്പ​ര്യം അനുസ​രി​ക്കാ​ഞ്ഞ​തിൽ അവർ അസ്വസ്ഥ​രാ​യി​രു​ന്നു. എന്നിരു​ന്നാ​ലും, യേശു അവർക്കു തുടർന്നു കാണി​ച്ചു​കൊ​ടു​ത്ത​തു​പോ​ലെ, അവരുടെ ശ്രദ്ധ പതി​യേ​ണ്ടി​യി​രുന്ന വളരെ വലിയ പ്രശ്‌ന​ങ്ങ​ളു​ണ്ടാ​യി​രു​ന്നു. ദൃഷ്ടാ​ന്ത​മാ​യി, “നിന്റെ അപ്പനേ​യും നിന്റെ അമ്മയേ​യും ബഹുമാ​നി​ക്കുക” എന്ന പത്തു കല്‌പ​ന​ക​ളി​ലെ അഞ്ചാമ​ത്തേത്‌ അനുസ​രി​ക്കു​ന്നത്‌ ഒഴിവാ​ക്കു​ന്ന​തി​നുള്ള ഒരു മാർഗ്ഗ​മെ​ന്ന​നി​ല​യിൽ ചിലർ പരീശ​പാ​ര​മ്പ​ര്യ​ത്തെ ഉപയോ​ഗി​ക്കു​ക​യാ​യി​രു​ന്നു. (പുറപ്പാട്‌ 20:12; മത്തായി 15:1-11) സങ്കടക​ര​മെന്നു പറയട്ടെ, ശാസ്‌ത്രി​മാ​രും പരീശൻമാ​രും “നീതി, കരുണ, വിശ്വ​സ്‌തത എന്നിങ്ങനെ ന്യായ​പ്ര​മാ​ണ​ത്തി​ലെ ഘനമേ​റിയ കാര്യ​ങ്ങളെ അവഗണിക്ക”ത്തക്കവണ്ണം വിശദാം​ശ​ങ്ങ​ളിൽ അത്ര കുരു​ങ്ങി​പ്പോ​യി​രു​ന്നു.—മത്തായി 23:23.

19. ആധുനി​ക​നാ​ളി​ലെ ക്രിസ്‌ത്യാ​നി​കൾക്ക്‌ സ്വന്തം കാര്യം സാധി​ക്കു​ന്ന​തി​ന്റെ കെണി​യിൽ വീഴു​ന്ന​തൊ​ഴി​വാ​ക്കാൻ എങ്ങനെ കഴിയും?

¹⁹ ഇന്നത്തെ ഉപദേ​ശകർ ഇതേ തെററു ചെയ്യാ​തി​രി​ക്കാൻ ശ്രദ്ധാ​ലു​ക്ക​ളാ​യി​രി​ക്കണം. അവർ സ്വന്തം കാര്യം കാണു​ന്ന​തൊ​ഴി​വാ​ക്കു​ക​യും “ഘനമേ​റിയ കാര്യങ്ങൾ” മറക്കത്ത​ക്ക​വണ്ണം വിശദാം​ശ​ങ്ങ​ളിൽ വളരെ​യ​ധി​കം ഉൾപ്പെ​ടാ​തി​രി​ക്കു​ക​യും വേണം. ചെറിയ കാര്യ​ങ്ങ​ളിൽ നാം സ്‌നേ​ഹ​ത്തിൽ “അന്യോ​ന്യം പൊറു​ക്കു”ന്നതിൽ തുടരാൻ പ്രോ​ത്സാ​ഹി​പ്പി​ക്ക​പ്പെ​ടു​ന്നു. (കൊ​ലോ​സ്യർ 3:12, 13) എന്തെങ്കി​ലും ഒരു പ്രശ്‌ന​മാ​ക്കു​ന്ന​തൊ​ഴി​വാ​ക്കേ​ണ്ട​തെ​പ്പോ​ഴെ​ന്നും യഥാർത്ഥ​ത്തിൽ ബുദ്ധി​യു​പ​ദേശം ആവശ്യ​മു​ള്ള​തെ​പ്പോ​ഴെ​ന്നും വിവേ​ചി​ക്കാ​നുള്ള പ്രാപ്‌തി ഒരുവൻ “ആത്മീയ​യോ​ഗ്യ​തക”ളിൽ എത്തുന്ന​തിന്‌ സഹായി​ക്കുന്ന ഒരു സംഗതി​യാണ്‌.—ഗലാത്യർ 6:1.

20. ബുദ്ധി​യു​പ​ദേശം കൊടു​ക്കുന്ന സംഗതി​യിൽ വ്യക്തി​പ​ര​മായ മാതൃക വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

²⁰ മററു​ചി​ല​തും ആ ഒന്നാം നൂററാ​ണ്ടി​ലെ മതോ​പ​ദേ​ശ​കരെ ഫലപ്ര​ദ​ര​ല്ലാ​താ​ക്കി. “ഞാൻ ചെയ്യു​ന്ന​തു​പോ​ലെയല്ല, ഞാൻ പറയു​ന്ന​തു​പോ​ലെ ചെയ്യുക” എന്ന നയമാണ്‌ അവർ പിന്തു​ടർന്നത്‌. യേശു അവരെ സംബന്ധിച്ച്‌ ഇങ്ങനെ പറഞ്ഞു: “ന്യായ​പ്ര​മാ​ണ​ത്തിൽ അവഗാ​ഹ​മുള്ള നിങ്ങൾക്ക്‌ ഹാ കഷ്ടം, എന്തു​കൊ​ണ്ടെ​ന്നാൽ നിങ്ങൾ വഹിപ്പാൻ പ്രയാ​സ​മുള്ള ചുമടു​കൾ മനുഷ്യ​രു​ടെ​മേൽ കയററി​വെ​ക്കു​ന്നു, എന്നാൽ നിങ്ങൾതന്നെ നിങ്ങളു​ടെ വിരലു​ക​ളിൽ ഒന്നു​കൊണ്ട്‌ ചുമടു​കളെ തൊടു​ന്നില്ല!” (ലൂക്കോസ്‌ 11:46) എത്ര സ്‌നേ​ഹ​ര​ഹി​തം! ഇന്ന്‌, ബുദ്ധി​യു​പ​ദേശം കൊടു​ക്കുന്ന മാതാ​പി​താ​ക്ക​ളോ മൂപ്പൻമാ​രോ മററു​ള്ള​വ​രോ, മററു​ള്ള​വ​രോ​ടു ചെയ്യാൻ പറയു​ന്നതു തങ്ങൾതന്നെ ചെയ്യു​ന്നു​ണ്ടെന്ന്‌ വളരെ തിട്ടമു​ള്ള​വ​രാ​യി​രി​ക്കണം. നാം ശരിയായ ദൃഷ്ടാന്തം വെക്കു​ന്നി​ല്ലെ​ങ്കിൽ വയൽശു​ശ്രൂ​ഷ​യിൽ തിരക്കു​ള്ള​വ​രാ​യി​രി​ക്കാൻ നമുക്കു മററു​ള്ള​വരെ എങ്ങനെ പ്രോ​ത്സാ​ഹി​പ്പി​ക്കാൻ കഴിയും? അല്ലെങ്കിൽ നമ്മുടെ സ്വന്തം ജീവി​തത്തെ ഭൗതിക വസ്‌തു​ക്ക​ളാ​ണു ഭരിക്കു​ന്ന​തെ​ങ്കിൽ നമുക്ക്‌ ഭൗതി​ക​ത്വ​ത്തി​നെ​ത്തി​രെ എങ്ങനെ മുന്നറി​യി​പ്പു കൊടു​ക്കാൻ കഴിയും?—റോമർ 2:21, 22; എബ്രായർ 13:7.

21. (എ) പരീശൻമാർ ആളുകളെ ദണ്ഡിപ്പി​ച്ച​തെ​ങ്ങനെ? (ബി) പരീശൻമാ​രു​ടെ നയങ്ങൾ ക്രിസ്‌തീയ ഉപദേ​ശ​കർക്ക്‌ ഒരു മുന്നറി​യി​പ്പാ​യി ഉതകേ​ണ്ട​തെ​ങ്ങനെ?

²¹ യഹൂദ​നേ​താ​ക്കൻമാർ ക്രൂര​പീ​ഡന നയങ്ങൾ ഉപയോ​ഗി​ച്ച​തു​കൊ​ണ്ടും ഉപദേ​ശ​ക​രെ​ന്ന​നി​ല​യിൽ അവർ പരാജ​യ​പ്പെട്ടു. ഒരു സന്ദർഭ​ത്തിൽ അവർ യേശു​വി​നെ അറസ്‌ററു ചെയ്യാൻ ആളയച്ചു. യേശു​വി​ന്റെ പഠിപ്പി​ക്കൽ രീതി​യിൽ അതിയാ​യി മതിപ്പു​ള​വായ ആ മനുഷ്യർ അവനെ കൂടാതെ മടങ്ങി​ച്ചെ​ന്ന​പ്പോൾ പരീശൻമാർ അവരെ ശകാരി​ച്ചു​കൊണ്ട്‌ ഇങ്ങനെ പറഞ്ഞു: “നിങ്ങളും വഴി​തെ​റ​റി​ക്ക​പ്പെ​ട്ടി​ട്ടില്ല, ഉവ്വോ? ഭരണാ​ധി​കാ​രി​ക​ളോ പരീശൻമാ​രി​ലോ ഒരുവൻപോ​ലും അവനിൽ വിശ്വ​സി​ച്ചി​ട്ടില്ല, ഉണ്ടോ? ന്യായ​പ്ര​മാ​ണം അറിയാത്ത ഈ ജനക്കൂട്ടം ശപിക്ക​പ്പെട്ട ജനമാ​കു​ന്നു.” (യോഹ​ന്നാൻ 7:45-49) ഇത്‌ ശകാര​ത്തിന്‌—സ്വേച്ഛാ​ധി​കാ​ര​ത്തി​നും ചീത്തവി​ളി​ക്കും—ഉള്ള ഉചിത​മായ അടിസ്ഥാ​ന​മാ​യി​രു​ന്നോ? ക്രിസ്‌തീയ ഉപദേ​ശകർ അത്തരം ബുദ്ധി​യു​പ​ദേശം സംബന്ധിച്ച്‌ ഒരിക്ക​ലും കുററ​ക്കാ​രാ​കാ​തി​രി​ക്കട്ടെ! അവർ മററു​ള്ള​വരെ ദണ്ഡിപ്പി​ക്കു​ന്നത്‌ കർശന​മാ​യി ഒഴിവാ​ക്കേ​ണ്ട​താണ്‌, അല്ലെങ്കിൽ ‘ഞാൻ ഒരു മൂപ്പൻ ആയതു​കൊണ്ട്‌ നിങ്ങൾ എന്നെ അനുസ​രി​ക്കണം!’ എന്ന ധാരണ കൊടു​ക്കു​ന്നത്‌ ഒഴിവാ​ക്കണം. അല്ലെങ്കിൽ ഒരു സഹോ​ദ​രി​യോ​ടു സംസാ​രി​ക്കു​മ്പോൾ ‘ഞാൻ ഒരു സഹോ​ദരൻ ആയതു​കൊണ്ട്‌ നിങ്ങൾ എന്നെ അനുസ​രി​ക്കണം’ എന്ന്‌ അവർ വ്യഞ്‌ജി​പ്പി​ക്കാ​തി​രി​ക്കട്ടെ.

22. (എ) ക്രിസ്‌ത്യാ​നി​കൾ എങ്ങനെ, എന്തു​കൊണ്ട്‌, ബുദ്ധി​യു​പ​ദേശം കൊടു​ക്കണം? (ബി) വേറെ ഏതു ചോദ്യം പരിചി​ന്തി​ക്കേ​ണ്ട​തുണ്ട്‌?

²² അതെ, ബുദ്ധി​യു​പ​ദേ​ശി​ക്കൽ നമ്മളെ​ല്ലാം—വിശേ​ഷാൽ നിയമിത മൂപ്പൻമാർ—ഇടയ്‌ക്കി​ടെ സഹക്രി​സ്‌ത്യാ​നി​ക​ളോ​ടു കടപ്പെ​ട്ടി​രി​ക്കുന്ന സ്‌നേ​ഹ​ത്തി​ന്റെ ഒരു പ്രവൃ​ത്തി​യാണ്‌. ഏതെങ്കി​ലും മുടക്കു ന്യായം പറഞ്ഞ്‌ ബുദ്ധി​യു​പ​ദേശം കൊടു​ക്കാ​വു​ന്നതല്ല. എന്നാൽ ആവശ്യ​മാ​യി​രി​ക്കു​മ്പോൾ ധൈര്യ​പൂർവ്വം അതു കൊടു​ക്കേ​ണ്ട​താണ്‌. അതിന്‌ തിരു​വെ​ഴു​ത്തു​പ​ര​മായ ഒരു അടിസ്ഥാ​നം ഉണ്ടായി​രി​ക്കണം, സൗമ്യ​ത​യു​ടെ ആത്മാവിൽ കൊടു​ക്കു​ക​യും വേണം. മാത്ര​വു​മല്ല, നമ്മെ സ്‌നേ​ഹി​ക്കുന്ന ഒരാളിൽനിന്ന്‌ ബുദ്ധി​യു​പ​ദേശം സ്വീക​രി​ക്കു​ന്നത്‌ വളരെ​യേറെ എളുപ്പ​മാണ്‌. എന്നാൽ ബുദ്ധി​യു​പ​ദേശം കൊടു​ക്കു​മ്പോൾ എന്താണ്‌ പറയേ​ണ്ട​തെന്ന്‌ അറിയുക പ്രയാ​സ​മാ​യി​രി​ക്കാൻ കഴിയും. അതു​കൊണ്ട്‌ ഫലപ്ര​ദ​മായ ഒരുവി​ധ​ത്തിൽ നമുക്ക്‌ എങ്ങനെ ബുദ്ധി​യു​പ​ദേശം കൊടു​ക്കാൻ കഴിയും? അടുത്ത ലേഖന​ത്തിൽ ഇതു പരിചി​ന്തി​ക്ക​പ്പെ​ടും. (w86 9/15)

നിങ്ങൾക്കു വിശദീ​ക​രി​ക്കാൻ കഴിയു​മോ?

◻ ക്രിസ്‌തീയ ബുദ്ധി​യു​പ​ദേശം കൊടു​ക്കാ​നുള്ള പദവി​യും ഉത്തരവാ​ദി​ത്ത​വും ആർക്കാ​ണു​ള്ളത്‌?

◻ ബുദ്ധി​യു​പ​ദേശം കൊടു​ക്കു​ന്ന​തിന്‌ ധൈര്യം ആവശ്യ​മാ​യി​രി​ക്കാ​വു​ന്ന​തെ​ന്തു​കൊണ്ട്‌?

◻ പൗലോസ്‌ കൊരി​ന്ത്യ ക്രിസ്‌ത്യാ​നി​കളെ സ്‌നേ​ഹി​ച്ചു​വെന്ന വസ്‌തുത അവർക്ക്‌ അവന്റെ ബുദ്ധി​യു​പ​ദേശം സ്വീക​രി​ക്കു​ന്നത്‌ കൂടുതൽ എളുപ്പ​മാ​ക്കി​ത്തീർത്ത​തെ​ന്തു​കൊണ്ട്‌?

◻ ക്രിസ്‌തീയ ഉപദേ​ശകൻ സൗമ്യ​പ്ര​കൃ​ത​നും താഴ്‌മ​യു​ള്ള​വ​നു​മാ​യി​രി​ക്കേ​ണ്ട​തെ​ന്തു​കൊണ്ട്‌?

◻ ഒരു ക്രിസ്‌ത്യാ​നിക്ക്‌ തന്റെ ബുദ്ധി​യു​പ​ദേ​ശത്തെ ഞെരു​ക്കു​ന്ന​തെന്നു തോന്നി​ക്കു​ന്ന​തൊ​ഴി​വാ​ക്കാൻ എങ്ങനെ കഴിയും?

[25-ാം പേജിലെ ചിത്രം]

“സകല മനുഷ്യ​രോ​ടും സകല സൗമ്യ​ത​യും പ്രദർശി​പ്പി​ച്ചു​കൊണ്ട്‌ ന്യായ​ബോ​ധ​മു​ള്ള​വ​രാ​യി​രി​ക്കുന്ന​തിന്‌” മററു​ള്ള​വരെ ഓർമ്മി​പ്പി​ക്കാൻ പൗലോസ്‌ തീത്തോ​സി​നെ പ്രോ​ത്സാ​ഹി​പ്പി​ച്ചു