വായന​ക്കാ​രിൽനി​ന്നുള്ള ചോദ്യ​ങ്ങൾ

◼ യോഹ​ന്നാൻ 5:2-7 സൂചി​പ്പി​ക്കു​ന്ന​തു​പോ​ലെ ബെത്സദാ​യി​ലെ കലങ്ങിയ വെള്ളത്തിൽ രോഗി​ക​ളും വികല​രു​മാ​യി​രുന്ന വ്യക്തികൾ യഥാർത്ഥ​ത്തിൽ സൗഖ്യം പ്രാപി​ച്ചോ? പ്രാപി​ച്ചെ​ങ്കിൽ ഈ അത്ഭുതങ്ങൾ ഏത്‌ ശക്തിയാ​ലാണ്‌ സംഭവി​ച്ചത്‌?

യഥാർത്ഥ​ത്തിൽ, യോഹ​ന്നാൻ 5:2-9-ലെ വിവരണം പുരാതന യരുശ​ലേ​മി​ലെ ഒരു കുളത്തി​ങ്കൽ നിരവധി അത്ഭുത​സൗ​ഖ്യ​മാ​ക്ക​ലു​കൾ നടന്നോ എന്ന്‌ സ്ഥിരീ​ക​രി​ക്കു​ന്നില്ല. അവിടെ നടന്നതാ​യി നമുക്ക്‌ ഉറപ്പി​ക്കാ​വുന്ന ഏക അത്ഭുതം 38 വർഷമാ​യി രോഗി​യാ​യി​രുന്ന ഒരു മനുഷ്യ​നെ യേശു​ക്രി​സ്‌തു സൗഖ്യ​മാ​ക്കി​യ​പ്പോൾ അവൻ നിർവ്വ​ഹി​ച്ച​താ​യി​രു​ന്നു. നമുക്ക്‌ ഈ അത്‌ഭു​തം അംഗീ​ക​രി​ക്കാൻ കഴിയും, എന്തു​കൊ​ണ്ടെ​ന്നാൽ അതി​നെ​ക്കു​റി​ച്ചുള്ള റിപ്പോർട്ട്‌ നിശ്വ​സ്‌ത​തി​രു​വെ​ഴു​ത്തു​ക​ളി​ലുണ്ട്‌. (2 തിമൊ​ഥെ​യോസ്‌ 3:16) എന്നാൽ ആ സ്ഥാനത്ത്‌ മററത്ഭു​തങ്ങൾ സംഭവി​ച്ചു​വെന്ന്‌ അന്ന്‌ യരുശ​ലേ​മി​ലെ അനേകർ വിശ്വ​സി​ച്ചി​രു​ന്നു, ഇന്ന്‌ അനേകർ ദേവാ​ല​യ​ങ്ങ​ളിൽ സംഭവി​ക്കു​ന്ന​താ​യി വിശ്വ​സി​ക്കു​ന്ന​തു​പോ​ലെ​തന്നെ.

ബൈബിൾ തീർച്ച​യാ​യും പറയു​ന്ന​തും അത്‌ യഥാർത്ഥ​ത്തിൽ പറയാ​ത്ത​തും എന്തെന്ന്‌ ശ്രദ്ധി​ക്കുക: “ഇപ്പോൾ യരുശ​ലേ​മിൽ ആട്ടിൻവാ​തിൽക്കൽ എബ്രാ​യ​യിൽ ബെത്സദാ എന്നു പേരി​ട്ടി​രി​ക്കുന്ന അഞ്ച്‌ സ്‌തം​ഭ​പം​ക്തി​ക​ളോ​ടു​കൂ​ടിയ ഒരു കുളമുണ്ട്‌. ഇവയിൽ ഒട്ടേറെ രോഗി​ക​ളും കുരു​ട​രും മുടന്ത​രും ശോഷിച്ച അവയവ​ങ്ങ​ളോ​ടു​കൂ​ടി​യ​വ​രും കിടന്നി​രു​ന്നു–––എന്നാൽ മുപ്പ​ത്തെ​ട്ടു​വർഷ​മാ​യി രോഗ​ബാ​ധി​ത​നാ​യി​രുന്ന ഒരു മനുഷ്യൻ അവിടെ ഉണ്ടായി​രു​ന്നു. ഈ മനുഷ്യൻ കിടക്കു​ന്നതു കണ്ടു​കൊ​ണ്ടും അപ്പോൾത്തന്നെ ദീർഘ​നാ​ളാ​യി അയാൾ രോഗ​ബാ​ധി​ത​നാ​ണെന്ന്‌ അറിഞ്ഞു​കൊ​ണ്ടും യേശു അയാ​ളോട്‌ ‘നീ നല്ല ആരോ​ഗ്യ​വാ​നാ​യി​ത്തീ​രാ​നാ​ഗ്ര​ഹി​ക്കു​ന്നു​വോ?’ എന്നു പറഞ്ഞു. ‘ഗുരോ, വെള്ളം കലങ്ങു​മ്പോൾ എന്നെ കുളത്തി​ലി​ടാൻ ഒരു മനുഷ്യ​നു​മില്ല; ഞാൻ വരു​മ്പോ​ഴേ​ക്കും മറെറാ​രു​വൻ എനിക്കു​മു​മ്പേ ഇറങ്ങുന്നു’ എന്ന്‌ രോഗി​യായ മനുഷ്യൻ അവനോട്‌ ഉത്തരം പറഞ്ഞു. യേശു അയാ​ളോട്‌ ‘എഴു​ന്നേ​ററ്‌ നിന്റെ കട്ടിൽ എടുത്ത്‌ നടക്കുക’ എന്നു പറഞ്ഞു. അതോടെ ആ മനുഷ്യൻ പെട്ടെന്ന്‌ നല്ല ആരോ​ഗ്യ​വാ​നാ​യി, അയാൾ തന്റെ കട്ടി​ലെ​ടുത്ത്‌ നടന്നു​തു​ടങ്ങി.”—യോഹ​ന്നാൻ 5:2-9.

ഇവിടെ പരാമർശി​ച്ചി​രി​ക്കുന്ന കുളം “ആട്ടിൻവാ​തി​ലി”ന്‌ അടുത്താ​യി​രു​ന്നു, അത്‌ ആലയക്കു​ന്നി​നു സമീപം വടക്കേ യരുശ​ലേ​മി​നോ​ട​ടു​ത്താ​യി​രു​ന്നു​വെന്ന്‌ സ്‌പഷ്ട​മാണ്‌. (നെഹെ​മ്യാവ്‌ 3:1; 12:39) അടുത്ത കാലത്തെ ഖനനങ്ങൾ രണ്ടു പുരാതന കുളങ്ങ​ളു​ടെ തെളി​വു​കൾ വെളി​ച്ച​ത്തു​കൊ​ണ്ടു​വ​ന്നി​ട്ടുണ്ട്‌, യോഹ​ന്നാൻ 5:2 പറയു​ന്ന​തു​പോ​ലെ ഹെരോ​ദ്യൻകാ​ല​ങ്ങ​ളിൽ സ്‌തം​ഭ​പം​ക്തി​ക​ളോ​ടു​കൂ​ടിയ ഒരു കെട്ടിടം അവി​ടെ​യു​ണ്ടാ​യി​രു​ന്നു​വെന്ന്‌ സൂചി​പ്പി​ക്കുന്ന സ്‌തം​ഭ​പം​ക്തി​ക​ളു​ടെ​യും അടിത്ത​റ​ക​ളു​ടെ​യും ശകലങ്ങ​ളും ഉണ്ടായി​രു​ന്നു. എന്നാൽ ഇവിടെ എന്തു സംഭവി​ച്ചേ​ക്കാ​മെ​ന്നാ​യി​രു​ന്നു പുരാ​ത​ന​കാ​ലത്തെ ആളുകൾ വിചാ​രി​ച്ചി​രു​ന്നത്‌?

യോഹ​ന്നാൻ 5:2-9-ന്റെ മുകളി​ലത്തെ ഉദ്ധരണി​യി​ലെ വര കാണുക. ചില ബൈബി​ളു​ക​ളിൽ യോഹ​ന്നാൻ 5:4 എന്ന എണ്ണം​കൊ​ടു​ത്തി​രി​ക്കുന്ന കൂടു​ത​ലായ ഒരു വാക്യം ഉൾപ്പെ​ടു​ത്തു​ന്നു. ആ കൂട്ടി​ച്ചേർപ്പ്‌ ഏതാണ്ടി​ങ്ങനെ പറയുന്നു: “എന്തു​കൊ​ണ്ടെ​ന്നാൽ കർത്താ​വി​ന്റെ ഒരു ദൂതൻ കാലം​തോ​റും കുളത്തി​ലേ​ക്കി​റ​ങ്ങു​ക​യും വെള്ളം കലക്കു​ക​യും​ചെ​യ്യും; വെള്ളത്തി​ന്റെ കലക്കലി​നു​ശേഷം ആദ്യമാ​യി ഇറങ്ങു​ന്നവൻ തന്നെ ബാധി​ച്ചി​രുന്ന ഏതു രോഗ​ത്തിൽനി​ന്നും വിമു​ക്ത​നാ​യി നല്ല ആരോ​ഗ്യ​വാ​നാ​കു​മാ​യി​രു​ന്നു.”

എന്നിരു​ന്നാ​ലും വിശു​ദ്ധ​തി​രു​വെ​ഴു​ത്തു​ക​ളു​ടെ പുതിയ ലോക ഭാഷാ​ന്തരം ഉൾപ്പെടെ നിരവധി ആധുനിക ബൈബി​ളു​കൾ ഈ ഭാഗം വിട്ടു​ക​ള​യു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ തികച്ചും സംഭവി​ക്കാ​വു​ന്ന​തു​പോ​ലെ അത്‌ യോഹ​ന്നാ​ന്റെ സുവി​ശേ​ഷ​ത്തി​ലി​ല്ലാ​യി​രു​ന്നു. ദി ജെറൂ​സലം ബൈബി​ളി​ലെ ഒരു അടിക്കു​റിപ്പ്‌ “ഏററവും നല്ല സാക്ഷികൾ” ഈ വാക്യം വിട്ടു​ക​ള​യു​ന്നു​വെന്ന്‌ പ്രസ്‌താ​വി​ക്കു​ന്നു. “ഏററവും നല്ല സാക്ഷികൾ” എന്ന്‌ ഉദ്ദേശി​ച്ചത്‌ കോഡ​ക്‌സ്‌ സൈനാ​റ​റി​ക്ക​സും വത്തിക്കാൻ 1209ഉം (രണ്ടും ക്രി.വ. 4-ാം നൂററാ​ണ്ടി​ലേത്‌) സിറി​യ​ക്കി​ലും ലത്തീനി​ലു​മുള്ള ആദിമ​വി​വർത്ത​ന​ങ്ങ​ളു​മാണ്‌. ‘ഏററവും നല്ല കൈ​യെ​ഴു​ത്തു​പാ​ഠ​ങ്ങ​ളി​ലെ 4-ാം വാക്യ​ത്തി​ന്റെ അഭാവ’ത്തെക്കു​റിച്ച്‌ പറഞ്ഞ​ശേഷം ദി എക്‌സ്‌പോ​സി​റേ​റ​ഴ്‌സ്‌ ബൈബിൾ കമൻററി ഇങ്ങനെ കൂട്ടി​ച്ചേർക്കു​ന്നു: “അത്‌ ഇടവി​ട്ടുള്ള വെള്ളത്തി​ന്റെ കലക്കത്തെ വിശദ​മാ​ക്കാൻ അവതരി​പ്പി​ക്ക​പ്പെട്ട ഒരു വ്യാഖ്യാ​ന​മാ​ണെന്ന്‌ പൊതു​വേ കരുത​പ്പെ​ടു​ന്നു, അത്‌ സൗഖ്യ​മാ​ക്ക​ലിന്‌ സാദ്ധ്യ​ത​യുള്ള ഒരു ഉറവാ​ണെന്ന്‌ ജനതതി പരിഗ​ണി​ച്ചു.”

അതു​കൊണ്ട്‌ ബെത്സദാ​യി​ലെ കുളത്തി​ങ്കൽ ദൈവ​ത്തി​ങ്കൽനി​ന്നുള്ള ഒരു ദൂതൻ അത്ഭുതങ്ങൾ ചെയ്‌തെന്ന്‌ ബൈബിൾ യഥാർത്ഥ​ത്തിൽ പറയു​ന്നില്ല. ശരി, വെള്ളം കലക്ക​പ്പെ​ട്ട​പ്പോൾ അത്ഭുത​ക​ര​മായ സൗഖ്യ​മാ​ക്ക​ലു​കൾ നടന്നോ? ഇന്ന്‌ സുനി​ശ്ചി​ത​മാ​യി ആർക്കും പറയാൻ കഴിക​യില്ല. ഒരുപക്ഷേ രോഗി​ക​ളോ വികല​രോ ആയവർ അവിടെ സൗഖ്യ​മാ​ക്ക​പ്പെ​ട്ടി​രു​ന്നു​വെന്ന്‌ എങ്ങനെ​യോ ഒരു പാരമ്പ​ര്യം വളർന്നു​വ​ന്നി​രു​ന്നു. സങ്കല്‌പ​മ​നു​സ​രിച്ച്‌ സൗഖ്യ​മാ​ക്ക​ലു​ക​ളു​ടെ കഥകൾ പരന്ന​പ്പോൾ സൗഖ്യ​മാ​കു​മെന്നു പ്രതീ​ക്ഷി​ച്ചു​കൊണ്ട്‌ നിരാ​ശി​ത​രാ​യവർ അവിടെ തടിച്ചു​കൂ​ടാൻ തുടങ്ങി​യി​രി​ക്കും. നമ്മുടെ കാലത്ത്‌ ദിവ്യ​സൗ​ഖ്യ​മാ​ക്ക​ലി​ന്റെ പ്രമാ​ണീ​കൃത തെളിവ്‌ ഇല്ലാത്ത​പ്പോൾ പോലും വിവിധ സ്ഥലങ്ങളിൽ ഇത്‌ സംഭവി​ച്ചി​ട്ടു​ണ്ടെന്ന്‌ നമുക്ക​റി​യാം.

എന്നിരു​ന്നാ​ലും ദൈവ​പു​ത്രൻ ബെത്ത്‌സദാ കുളത്തി​ങ്കൽ നടത്തിയ സൗഖ്യ​മാ​ക്ക​ലി​നെ നാം സംശയി​ക്ക​രുത്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ വെള്ളത്തി​ലി​റ​ങ്ങു​ന്ന​തി​നു മുമ്പു​തന്നെ വലിയ വൈദ്യ​നാൽ ആ മനുഷ്യൻ ക്ഷണത്തിൽ സൗഖ്യ​മാ​ക്ക​പ്പെട്ടു. ഇതു ചെയ്യാ​നുള്ള അവന്റെ പ്രമാ​ണീ​കൃത പ്രാപ്‌തി അവൻ അടുത്തു​വ​രുന്ന സഹസ്രാ​ബ്ദ​ഭ​ര​ണ​കാ​ലത്ത്‌ നടത്തുന്ന സൗഖ്യ​മാ​ക്ക​ലു​കളെ നോക്കി​പ്പാർത്തി​രി​ക്കാൻ നമുക്ക്‌ കാരണം നൽകേ​ണ്ട​താണ്‌. അവൻ വിശ്വ​സ്‌ത​രായ മനുഷ്യ​രെ തിരികെ പൂർണ്ണ​ത​യി​ലേക്ക്‌ സൗഖ്യ​മാ​ക്കു​ക​യും സഹായി​ക്കു​ക​യും ചെയ്യും.—വെളി​പാട്‌ 21:4, 5: 22:1, 2. (w88 9/1)

[30-ാം പേജിലെ ചിത്ര​ത്തി​നു കടപ്പാട്‌]

Pictorial Archive (Near Eastern History) Est.