ഗ്രീസി​ലേക്ക്‌ ഒരു എത്തി​നോ​ട്ടം

ഗ്രീസി​ലെ അറിയ​പ്പെ​ടു​ന്ന​തിൽ വെച്ച്‌ ഏററവും പഴക്കമുള്ള നിവാ​സി​കളെ യോനി​യൻസ്‌ എന്ന്‌ വിളി​ച്ചി​രു​ന്നു. ഈ പേര്‌ യാഫേ​ത്തി​ന്റെ ഒരു പുത്രൻ, അതു​കൊണ്ട്‌ നോഹ​യു​ടെ ഒരു പൗത്രൻ ആയിരുന്ന അവരുടെ ഒരു പൂർവി​ക​നായ യാവാ​നിൽ (എബ്രായ, യാവാൻ) നിന്നു വന്നു എന്ന്‌ വിശ്വ​സി​ക്ക​പ്പെ​ടു​ന്നു. (ഉൽപ്പത്തി 10:1, 2) ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളിൽ ഗ്രീസി​നെ ഹെല്ലാസ്‌ എന്ന്‌ വിളി​ക്കു​ന്നു. ഇത്‌ നിരപ്പി​ല്ലാ​ത്ത​തും പാറകൾ നിറഞ്ഞ​തും ചില വൻവൃ​ക്ഷ​ങ്ങ​ളോ​ടു​കൂ​ടിയ പർവത​ങ്ങ​ളോ​ടു കൂടി​യ​തു​മായ ദേശമാണ്‌. പുരാതന കാലത്തു തന്നെ ഗ്രീക്കു​കാർ വിദഗ്‌ദ്ധ​രായ നാവി​ക​രാ​യി​ത്തീർന്നി​രു​ന്നു.

പുരാതന ഗ്രീക്കു​കാർക്ക്‌ മനുഷ്യ രൂപമു​ള്ള​വ​രും വലിയ സൗന്ദര്യ​മു​ള്ള​വ​രു​മെന്ന്‌ വിവരി​ക്ക​പ്പെ​ട്ടി​രുന്ന അനേകം ദൈവങ്ങൾ ഉണ്ടായി​രു​ന്നു. ഈ ദൈവങ്ങൾ തിന്നു​ക​യും കുടി​ക്കു​ക​യും ഉറങ്ങു​ക​യും ചെയ്‌തി​രു​ന്ന​താ​യി സങ്കൽപ്പി​ച്ചി​രു​ന്നു; അവർ വിശു​ദ്ധ​രും അമർത്ത്യ​രു​മാ​യി പരിഗ​ണി​ക്ക​പ്പെ​ട്ടി​രു​ന്നു​വെ​ങ്കി​ലും അവരെ പ്രലോ​ഭി​പ്പി​ക്കു​ക​യും ബലാൽസം​ഗം ചെയ്യു​ക​യും ചെയ്‌തി​രു​ന്നു എന്നും അവർ വഞ്ചിക്കു​ക​യും കുററ​കൃ​ത്യ​ങ്ങൾ ചെയ്യു​ക​യും ചെയ്‌തി​രു​ന്നു എന്നും പരിഗ​ണി​ക്ക​പ്പെ​ട്ടി​രു​ന്നു. അത്തരം കെട്ടു​ക​ഥകൾ ജലപ്ര​ള​യ​ത്തി​നു മുമ്പ്‌ ദൈവ​ത്തി​ന്റെ ദൂത പുത്രൻമാർ മൽസര​പൂർവം ഭൂമി​യി​ലേക്കു വരിക​യും സ്‌ത്രീ​ക​ളു​മാ​യി ലൈം​ഗിക ബന്ധത്തി​ലേർപ്പെ​ടു​ക​യും നെഫി​ലി​മു​കൾ എന്നു വിളി​ക്ക​പ്പെ​ട്ടി​രുന്ന ശക്തരായ പുത്രൻമാ​രെ ഉൽപ്പാ​ദി​പ്പി​ക്കു​ക​യും ഭൂമിയെ അക്രമം​കൊണ്ട്‌ നിറക്കു​ക​യും ചെയ്‌തി​രുന്ന കാലത്തി​ന്റെ ഓർമ്മ​യി​ലേക്കു നയി​ച്ചേ​ക്കാം.—ഉൽപ്പത്തി 6:1-8, 13.

ക്രിസ്‌തു​വി​നു മുമ്പ്‌ നാലാം നൂററാ​ണ്ടിൽ മഹാനായ അലക്‌സാ​ണ്ട​റി​ന്റെ പിതാ​വാ​യി​രുന്ന മാസി​ഡോ​ണി​യാ​യി​ലെ ഫിലിപ്പ്‌ സ്വത​ന്ത്ര​മാ​യി​രുന്ന മുൻഗ്രീക്ക്‌ നഗര സംസ്ഥാ​ന​ങ്ങളെ മാസി​ഡോ​ണി​യാ​യു​ടെ കീഴിൽ കൊണ്ടു​വ​രു​ന്ന​തി​നു​വേണ്ടി ഏകീക​രി​ക്കാൻ തുടങ്ങി. ക്രി.മു. രണ്ടാം നൂററാ​ണ്ടിൽ ഗ്രീസ്‌ ഒരു റോമൻ പ്രവി​ശ്യ​യാ​യി​ത്തീർന്നി​രു​ന്നു, ഗ്രീക്ക്‌ സംസ്‌കാ​രം റോമാ​യി​ലേക്ക്‌ വ്യാപി​ക്ക​യും ചെയ്‌തു.

കൊയി​നി ഗ്രീക്കി​ന്റെ വ്യാപ​ക​മായ ഉപയോ​ഗം ക്രിസ്‌തീയ സുവാർത്ത മെഡി​റ​റ​റേ​നി​യൻ പ്രദേ​ശത്തു മുഴുവൻ വളരെ വേഗം വ്യാപി​ക്കാൻ സഹായി​ച്ചു.

അപ്പോ​സ്‌ത​ല​നാ​യ പൗലോസ്‌ തന്റെ രണ്ടാമ​ത്തെ​യും മൂന്നാ​മ​ത്തെ​യും മിഷനറി യാത്ര​യിൽ മാസി​ഡോ​ണി​യാ​യും ഗ്രീസും സന്ദർശി​ച്ചു. അവൻ ഫിലി​പ്പി​യാ​യി​ലും തെസ്സ​ലോ​നി​ക്യ​യി​ലും കൊരി​ന്തി​ലും ബരോ​വ​യി​ലും ക്രിസ്‌തീയ സഭകൾ സ്ഥാപിച്ചു. ശീലാ​സും തിമോ​ഥെ​യോ​സും തീത്തോ​സും മററ്‌ ആദിമ ക്രിസ്‌ത്യാ​നി​ക​ളും ഇവിടെ പഠിപ്പി​ച്ചി​രു​ന്നു. ഇന്ന്‌ ഗ്രീസിൽ യഹോ​വ​യു​ടെ സാക്ഷി​ക​ളു​ടെ 320-ൽ പരം സഭകളും ദൈവ​രാ​ജ്യ​സു​വാർത്ത​യു​ടെ 23,000-ൽ പരം പ്രഘോ​ഷ​ക​രും ഉണ്ട്‌. (w88 10/1)