സാത്താന്റെ ഉപജാ​പ​ങ്ങൾക്കെ​തി​രെ ഉറച്ചു​നിൽക്കു​ക

“പിശാ​ചി​ന്റെ ഉപജാ​പ​ങ്ങൾക്കെ​തി​രെ [ഗ്രീക്ക്‌, “കുത​ന്ത്രങ്ങൾ”] ഉറച്ചു​നിൽക്കാൻ നിങ്ങൾ പ്രാപ്‌ത​രാ​കേ​ണ്ട​തിന്‌ ദൈവ​ത്തിൽനി​ന്നുള്ള സമ്പൂർണ്ണ പടച്ചട്ട ധരിച്ചു​കൊൾക.”—എഫേസ്യർ 6:11.

1.യേശു​വി​ന്റെ പരീക്ഷകൾ സാത്താൻ സ്ഥിതി​ചെ​യ്യു​ന്നു​ണ്ടെ​ന്നു​ള്ള​തിന്‌ എന്തു തെളിവ്‌ പ്രദാ​നം​ചെ​യ്യു​ന്നു?

സാത്താൻ യഥാർത്ഥ​ത്തിൽ സ്ഥിതി​ചെ​യ്യു​ന്നു​വോ? ബൈബി​ളിൽ “സാത്താൻ” മനുഷ്യ​നി​ലെ തിൻമയെ മാത്ര​മാണ്‌ പരാമർശി​ക്കു​ന്ന​തെന്ന്‌ ചിലർ വാദി​ക്കു​ന്നു. ഒരു ജീവി​യാ​യി​ട്ടുള്ള അവന്റെ അസ്‌തി​ത്വ​ത്തെ അവർ നിഷേ​ധി​ക്കു​ന്നു. എന്നാൽ തിരു​വെ​ഴു​ത്തു​കൾ നമ്മോട്‌ എന്തു പറയുന്നു? ക്രിസ്‌തു​യേശു സാത്താ​നാൽ മൂന്നു പ്രാവ​ശ്യം നേരിട്ടു പരീക്ഷി​ക്ക​പ്പെ​ട്ടു​വെ​ന്നും ഓരോ പ്രാവ​ശ്യ​വും യേശു തിരു​വെ​ഴു​ത്തു​കൾ ഉപയോ​ഗി​ച്ചു​കൊണ്ട്‌ അവനെ നിരസി​ച്ചു​വെ​ന്നും മത്തായി​യു​ടെ​യും ലൂക്കോ​സി​ന്റെ​യും സുവി​ശേഷ വിവര​ണങ്ങൾ പ്രകട​മാ​ക്കു​ന്നു. യേശു എബ്രായ തിരു​വെ​ഴു​ത്തു​കൾ ഉപയോ​ഗി​ച്ചു​കൊണ്ട്‌ അവനോട്‌ ഉത്തരം പറഞ്ഞ​തെ​ന്തു​കൊ​ണ്ടാ​യി​രു​ന്നു? എന്തു​കൊ​ണ്ടെ​ന്നാൽ അവനെ​ക്കൊ​ണ്ടു പാപം​ചെ​യ്യി​ക്കാ​നും ദൈവ​പു​ത്ര​നായ വാഗ്‌ദ​ത്ത​സ​ന്ത​തി​യെന്ന നിലയിൽ പരാജ​യ​പ്പെ​ടു​ത്താ​നും സാത്താൻ അതേ തിരു​വെ​ഴു​ത്തു​കൾ തെററാ​യി പ്രയോ​ഗി​ച്ചു​കൊ​ണ്ടാണ്‌ അവന്റെ അടുക്കൽ വന്നത്‌.—മത്തായി 4:1-11; ലൂക്കോസ്‌ 4:1-13.

2.യേശു സാത്താ​നു​മാ​യുള്ള തന്റെ അഭിമു​ഖീ​ക​ര​ണ​ങ്ങളെ സങ്കൽപ്പി​ക്കു​ക​യ​ല്ലാ​യി​രു​ന്നു​വെന്ന്‌ നാം എങ്ങനെ അറിയു​ന്നു?

² ഒരു പൂർണ്ണ മനുഷ്യ​നാ​യി​രുന്ന യേശു ഈ ഏററു​മു​ട്ട​ലു​കളെ സങ്കൽപ്പി​ച്ച​ത​ല്ലാ​യി​രു​ന്നു. (എബ്രായർ 4:15; 7:26) അവൻ ഏദനിലെ സർപ്പത്തി​ന്റെ പിമ്പിലെ ശക്തിയാ​യി​രു​ന്ന​വ​നാൽത​ന്നെ​യാണ്‌ അഭിമു​ഖീ​ക​രി​ക്ക​പ്പെ​ട്ടത്‌. അവൻ യുഗങ്ങൾക്കു​മുമ്പ്‌ മത്സരി​ച്ച​വ​നും ഇപ്പോൾ ഉല്‌പത്തി 3:15ന്റെ നിവൃ​ത്തി​യെ ധ്വംസി​ക്കാൻ ഇറങ്ങി​പ്പു​റ​പ്പെ​ട്ട​വ​നു​മായ, അവന്റെ മുൻ ദൂതസ​ഹോ​ദ​ര​നാ​യി​രു​ന്നു. സാത്താൻ വാഗ്‌ദ​ത്ത​സ​ന്ത​തി​യു​ടെ നിർമ്മ​ല​തയെ ഭഞ്‌ജി​പ്പി​ക്കാൻ ആഗ്രഹി​ച്ചു. പരീക്ഷ​കന്റെ തന്ത്രങ്ങളെ ബുദ്ധി​പൂർവം മനസ്സി​ലാ​ക്കി യേശു അവനെ ദൃഢമാ​യി തള്ളിക്ക​ളഞ്ഞു. സാത്താന്റെ പ്രതി​ക​രണം എന്തായി​രു​ന്നു? “അങ്ങനെ പിശാച്‌ എല്ലാ പരീക്ഷ​യും പൂർത്തി​യാ​ക്കി​യ​ശേഷം മറെറാ​രു സൗകര്യ​പ്ര​ദ​മായ സമയം​വരെ അവനിൽനി​ന്നു പിൻമാ​റി.” വ്യക്തമാ​യും യേശു തന്നിൽനി​ന്നു​തന്നെ പിൻമാ​റി​യില്ല! സാത്താൻ ഭഗ്നാശ​നാ​യി അവനെ വിട്ടു​പോ​യി, “നോക്കൂ! ദൂതൻമാർ വന്ന്‌ [യേശു​വി​നെ] ശുശ്രൂ​ഷി​ച്ചു​തു​ടങ്ങി.”—ലൂക്കോസ്‌ 4:13; മത്തായി 4:11.

3.പിശാ​ചി​ന്റെ അസ്‌തി​ത്വ​ത്തിന്‌ ക്രിസ്‌ത്യാ​നി​ത്വ​ത്തി​ലുള്ള പ്രാധാ​ന്യം സംബന്ധിച്ച്‌ ഒരു ചരി​ത്ര​കാ​രൻ എന്തു പറയുന്നു?

³ ന്യായ​മാ​യും ഒരു ചരി​ത്ര​കാ​രൻ ഇങ്ങനെ പ്രസ്‌താ​വി​ക്കു​ന്നു: “പിശാ​ചി​ന്റെ അസ്‌തി​ത്വ​വും ക്രിസ്‌ത്യാ​നി​ത്വ​ത്തി​ലെ അവന്റെ കേന്ദ്ര പ്രാധാ​ന്യ​വും നിഷേ​ധി​ക്കു​ന്നത്‌ അപ്പോ​സ്‌തോ​ലിക ഉപദേ​ശ​ത്തി​നും ക്രിസ്‌തീ​യോ​പ​ദേ​ശ​ത്തി​ന്റെ ചരി​ത്ര​പ​ര​മായ വികാ​സ​ത്തി​നും കടകവി​രു​ദ്ധ​മാണ്‌. ഇവയുടെ അടിസ്ഥാ​ന​ത്തി​ല​ല്ലാ​തെ ക്രിസ്‌ത്യാ​നി​ത്വ​ത്തെ നിർവ​ചി​ക്കു​ന്നത്‌ അക്ഷരീ​യ​മാ​യി അർത്ഥശൂ​ന്യ​മാ​യ​തു​കൊണ്ട്‌ പിശാ​ചി​നെ നിരസി​ക്കുന്ന ഒരു ക്രിസ്‌ത്യാ​നി​ത്വ​ത്തി​നു​വേണ്ടി വാദി​ക്കു​ന്നത്‌ ബൗദ്ധി​ക​മാ​യി പൊരു​ത്ത​പ്പെ​ടാ​ത്ത​താണ്‌. പിശാച്‌ സ്ഥിതി​ചെ​യ്യു​ന്നി​ല്ലെ​ങ്കിൽ, ക്രിസ്‌ത്യാ​നി​ത്വം തുടക്കം​മു​തലേ ഒരു കേന്ദ്ര ആശയം സംബന്ധിച്ച്‌ തികച്ചും തെററാണ്‌.”a ആ നിഗമനം ഭൂമി​യി​ലെ ഓരോ വ്യക്തി​ക്കും ഇന്ന്‌ ഒരു വെല്ലു​വി​ളി​യു​യർത്തു​ന്നു. നിങ്ങൾ ദൈവ​ത്തി​ന്റെ പരമാ​ധി​കാ​ര​ത്തെ​യും മമനു​ഷ്യ​ന്റെ കൂറി​നെ​യും ധ്വംസി​ക്കാൻ പുറ​പ്പെ​ട്ടി​രി​ക്കുന്ന ഒരു അദൃശ്യ ശത്രു​വി​ന്റെ അസ്‌തി​ത്വ​ത്തെ തിരി​ച്ച​റി​യു​ന്നു​വോ?

സാത്താന്റെ യഥാർത്ഥ താദാ​ത്മ്യം

4.ഒരു പൂർണ്ണ​ത​യുള്ള ആത്മീയ ജീവി എങ്ങനെ സാത്താ​നാ​യി​ത്തീർന്നു?

⁴ ആദിയിൽ ഒരു ദൂതനാ​യി ദൈവ​ത്താൽ സൃഷ്‌ടി​ക്ക​പ്പെട്ട ഒരു ശക്തനായ ആത്മജീ​വി​യാ​യി​രു​ന്നു സാത്താൻ, യഹോ​വ​യു​ടെ സ്വർഗ്ഗീ​യ​സ​ദ​സ്സിൽ പ്രവേ​ശ​ന​മു​ണ്ടാ​യി​രുന്ന ഒരു ആത്മപു​ത്രൻ തന്നെ. (ഇയ്യോബ്‌ 1:6) എന്നിരു​ന്നാ​ലും, സാത്താൻ തന്റെ ഇച്ഛാസ്വാ​ത​ന്ത്ര്യം ദൈവ​ത്തി​നെ​തി​രാ​യി പ്രയോ​ഗി​ച്ചു; ഉപായ​ത്താൽ അവൻ ഹവ്വാ​യെ​യും അവളി​ലൂ​ടെ ആദാമി​നെ​യും അനുസ​ര​ണ​ക്കേ​ടി​ലേ​ക്കും മരണത്തി​ലേ​ക്കും നയിച്ചു. (2 കൊരി​ന്ത്യർ 11:3) അങ്ങനെ അവൻ സാത്താ​നാ​യി​ത്തീർന്നു. അതിന്റെ അർഥം “എതിരാ​ളി”യെന്നാണ്‌—ഒരു മത്സരി, ഒരു ഭൂതം, ഒരു ഘാതകൻ, ഒരു നുണയൻ എന്നുതന്നെ. (യോഹ​ന്നാൻ 8:44) “സാത്താൻതന്നെ ഒരു വെളി​ച്ച​ദൂ​ത​നാ​യി തന്നെത്താൻ രൂപാ​ന്ത​ര​പ്പെ​ടു​ത്തി​ക്കൊ​ണ്ടി​രി​ക്കു​ന്നു”വെന്ന പൗലോ​സി​ന്റെ പ്രസ്‌താ​വന എത്ര ഉചിതം; യഥാർത്ഥ​ത്തിൽ അവൻ ‘ഈ അന്ധകാ​ര​ത്തി​ന്റെ ലോകാ​ധി​പൻ’ ആണ്‌! (2 കൊരി​ന്ത്യർ 6:14; 11:14; എഫേസ്യർ 6:12) മത്സരി​ക്കാൻ മററു ദൂതൻമാ​രെ​യും പ്രലോ​ഭി​പ്പി​ച്ചു​കൊണ്ട്‌ അവൻ അവരെ ദൈവ​ത്തി​ന്റെ വെളി​ച്ച​ത്തിൽനിന്ന്‌ തന്റെ സ്വന്തം ഇരുട്ടി​ലേക്ക്‌ നയിച്ചു. അവൻ “ഭൂതങ്ങ​ളു​ടെ ഭരണാ​ധി​പൻ” ആയിത്തീർന്നു. യേശു അവനെ “ലോക​ത്തി​ന്റെ ഭരണാ​ധി​പൻ” എന്നും തിരി​ച്ച​റി​യി​ച്ചു. പ്രസ്‌പ​ഷ്ട​മാ​യി, ഒരു ഭരണാ​ധി​പ​നാ​യി​രി​ക്കു​ന്ന​തിന്‌ അവൻ സൃഷ്ടി​ക്ക​പ്പെട്ട ഒരു ആത്മമൂർത്തി​യാ​യി സ്ഥിതി​ചെ​യ്യണം.—മത്തായി 9:34; 12:24-28; യോഹ​ന്നാൻ 16:11.

5.ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളിൽ എത്ര വ്യക്തമാ​യി സാത്താൻ തിരി​ച്ച​റി​യി​ക്ക​പ്പെ​ട്ടി​രി​ക്കു​ന്നു?

⁵ സാത്താ​നെ​ക്കു​റിച്ച്‌ എബ്രായ തിരു​വെ​ഴു​ത്തു​ക​ളിൽ അപൂർവ​മാ​യേ പറയു​ന്നു​ള്ളു​വെ​ങ്കി​ലും അവനെ ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളിൽ പൂർണ്ണ​മാ​യും വെളി​ച്ച​ത്താ​ക്കി​ക്കാ​ണി​ച്ചി​രി​ക്കു​ന്നു—തന്നിമി​ത്തം നാം സാത്താൻ എന്ന നാമം അവിടെ 36 പ്രാവ​ശ്യ​വും പിശാ​ചെന്ന പദം 33 പ്രാവ​ശ്യ​വും കാണുന്നു. (വിശു​ദ്ധ​തി​രു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്ത​ര​ത്തി​ന്റെ കോ​മ്പ്രി​ഹെൻസീവ്‌ കോൺകോർഡൻസ്‌ കാണുക.) അവൻ മററു പേരു​ക​ളി​ലും സ്ഥാന​പ്പേ​രു​ക​ളി​ലും തിരി​ച്ച​റി​യി​ക്ക​പ്പെ​ട്ടി​രി​ക്കു​ന്നു. യോഹ​ന്നാൻ വെളി​പ്പാട്‌ 12:9ൽ ഇവയിൽ രണ്ടെണ്ണം ഉപയോ​ഗി​ച്ചു: “അങ്ങനെ മുഴു​നി​വ​സി​ത​ഭൂ​മി​യെ​യും വഴി​തെ​റ​റി​ക്കുന്ന പിശാ​ചും സാത്താ​നു​മെന്നു വിളി​ക്ക​പ്പെ​ട്ട​വ​നായ ആദ്യപാ​മ്പായ മഹാസർപ്പം താഴോ​ട്ടു വലി​ച്ചെ​റി​യ​പ്പെട്ടു.”—മത്തായി 12:24-27; 2 കൊരി​ന്ത്യർ 6:14, 15 കൂടെ കാണുക.

6.“പിശാച്‌” എന്ന പദത്തിന്റെ അർത്ഥ​മെന്ത്‌?

⁶ ഇവിടെ വെളി​പ്പാ​ടിൽ ഡയബോ​ളോസ്‌ എന്ന ഗ്രീക്ക്‌പദം വരുന്നു, അതാണ്‌ “പിശാച്‌” എന്നു വിവർത്ത​നം​ചെ​യ്യ​പ്പെ​ട്ടി​രി​ക്കു​ന്നത്‌. ഗ്രീക്ക്‌ പണ്ഡിത​നായ ജെ. എച്ച്‌. തായെർ പറയു​ന്ന​ത​നു​സ​രിച്ച്‌ അതിന്റെ അക്ഷരാർഥം “ഒരു പരദൂ​ഷകൻ, വ്യാജ​കു​റ​റാ​രോ​പകൻ, ഏഷണി​ക്കാ​രൻ” എന്നാണ്‌. (1 തിമൊ​ഥെ​യോസ്‌ 3:11; 2 തിമൊ​ഥെ​യോസ്‌ 3:3 താരത​മ്യ​പ്പെ​ടു​ത്തുക, കിംഗ്‌ഡം ഇൻറർലീ​നി​യർ.) പിശാച്‌ “ദൈവ​ത്തി​ന്റെ​യും മനുഷ്യ​ന്റെ​യും ദൂഷക​നായ ശത്രു ആയിരി​ക്കു​ന്ന​താ​യി” ഡബ്ലിയൂ. ഈ വൈൻ വർണ്ണി​ക്കു​ന്നു.b

7.സാത്താനു തന്റെ ശ്രമങ്ങൾ യഹോ​വ​യു​ടെ ജനത്തിൻമേൽ കേന്ദ്രീ​ക​രി​ക്കാൻ കഴിയു​ന്ന​തെ​ന്തു​കൊണ്ട്‌?

⁷ വലിയ എതിരാ​ളി അലസനാ​യി സ്ഥിതി​ചെ​യ്യു​കയല്ല. (1 പത്രോസ്‌ 5:8) ഒരുപക്ഷേ അതു​കൊ​ണ്ടാണ്‌ “പിശാച്‌ അലസർക്ക്‌ ജോലി കണ്ടെത്തു​ന്നു”വെന്ന്‌ ഒരു പഴമൊ​ഴി പറയു​ന്നത്‌. അവൻ സകല സത്യ​ക്രി​സ്‌ത്യാ​നി​ക​ളെ​യും മറിച്ചു​ക​ള​യാൻ ഇറങ്ങി​ത്തി​രി​ച്ചി​രി​ക്കു​ക​യാണ്‌. (2 തിമൊ​ഥെ​യോസ്‌ 3:12) അവന്‌ ലളിത​മായ ഒരു കാരണ​ത്താൽ യഹോ​വ​യു​ടെ ജനത്തിൻമേൽ കേന്ദ്രീ​ക​രി​ക്കാൻ കഴിയും—അവന്‌ ഇപ്പോൾത്തന്നെ ലോക​ത്തിൽ ശേഷിച്ച ഭാഗം അവന്റെ അധികാ​ര​ത്തിൽ ഉണ്ട്‌! (1 യോഹ​ന്നാൻ 5:19) ഇന്നത്തെ ലോകം സാത്താന്റെ ലോക​മാണ്‌. അവനാണ്‌ അതിന്റെ ഭരണാ​ധി​പ​നും ദൈവ​വും, ആളുകൾ അതു തിരി​ച്ച​റി​ഞ്ഞാ​ലും ഇല്ലെങ്കി​ലും. (യോഹ​ന്നാൻ 12:31; 2 കൊരി​ന്ത്യർ 4:4) തൽഫല​മാ​യി, വ്യക്തി​പ​ര​മാ​യോ സമൂഹ​പ​ര​മാ​യോ യഹോ​വ​യു​ടെ ജനത്തെ മറിച്ചു​ക​ള​യാൻ അവൻ ഏതു കുത​ന്ത്ര​ത്തെ​യും അഥവാ ഉപായ​ത്തെ​യും അല്ലെങ്കിൽ നിർദ്ദേ​ശ​ത്തെ​യും ആശ്രയി​ക്കും. അവന്റെ ചില പ്രവർത്ത​ന​രീ​തി​കൾ നമുക്കു പരി​ശോ​ധി​ക്കാം.—മർക്കോസ്‌4:14, 15; ലൂക്കോസ്‌ 8:12.

സാത്താന്റെ കൗശല​ങ്ങ​ളും കുത​ന്ത്ര​ങ്ങ​ളും

8.സാത്താൻ എന്തു ആനുകൂ​ല്യ​ത്തോ​ടെ നമു​ക്കെ​തി​രാ​യി പ്രവർത്തി​ക്കു​ന്നു​ണ്ടാ​യി​രി​ക്കാം?

⁸ മനുഷ്യ​മ​നഃ​ശാ​സ്‌ത്രം പഠിക്കു​ന്ന​തി​നും ജൻമസി​ദ്ധ​വും ആർജ്ജി​ത​വു​മായ സകല ന്യൂന​ത​ക​ളും സഹിതം മനുഷ്യ​പ്ര​കൃ​തി​യെ വിശക​ലനം ചെയ്യു​ന്ന​തി​നും സാത്താനു ദീർഘ​കാ​ലം ലഭിച്ചി​രു​ന്നു. നമ്മുടെ ദൗർബ​ല്യ​ങ്ങ​ളും നമ്മുടെ വ്യർത്ഥ​ത​യും മുത​ലെ​ടു​ക്കാൻ അവന്‌ അറിയാം. നിങ്ങളു​ടെ ശത്രു​വിന്‌ നിങ്ങളു​ടെ ദൗർബ​ല്യ​ങ്ങ​ള​റി​യാ​മെ​ന്നി​രി​ക്കെ നിങ്ങൾ അവ തിരി​ച്ച​റി​യാ​തി​രി​ക്കു​ന്നു​വെ​ങ്കിൽ എന്തായി​രി​ക്കും അവസ്ഥ? നിങ്ങൾ നിങ്ങളു​ടെ ആത്മീയ പടച്ചട്ട​യി​ലെ വിള്ളലു​കൾ അറിയു​ന്നി​ല്ലാ​ത്ത​തു​കൊണ്ട്‌ നിങ്ങൾ നിങ്ങ​ളെ​ത്തന്നെ പ്രതി​രോ​ധി​ക്കാൻ വേണ്ടത്ര സജ്ജനല്ല. (1 കൊരി​ന്ത്യർ 10:12; എബ്രായർ 12:12, 13) ഒരു സ്‌ക്കോ​ട്ടി​ഷ്‌ക​വി​യു​ടെ വാക്കുകൾ എത്ര ഉചിതം! ‘ഹാ മററു​ള്ളവർ നമ്മെ കാണു​ന്ന​തു​പോ​ലെ നമ്മേത്തന്നെ കാണാ​നുള്ള വരം ഏതെങ്കി​ലും ശക്തി നമുക്കു തന്നിരു​ന്നെ​ങ്കിൽ! അതു നമ്മെ അനേകം വിഡ്‌ഢി​ത്ത​ങ്ങ​ളിൽനി​ന്നു രക്ഷിക്കു​മാ​യി​രു​ന്നു.’

9.നാം നമ്മേത്തന്നെ വിശക​ല​നം​ചെ​യ്യാ​നും മാററം​വ​രു​ത്താ​നും പരാജ​യ​പ്പെ​ടു​ന്നു​വെ​ങ്കിൽ എന്തായി​രി​ക്കാം അസന്തുഷ്ട ഫലം?

⁹ മററു​ള്ളവർ നമ്മെ കാണു​ന്ന​തു​പോ​ലെ, വിശേ​ഷിച്ച്‌ ദൈവ​മോ സാത്താ​നോ നമ്മെ കണ്ടേക്കാ​വു​ന്ന​തു​പോ​ലെ, നാം നമ്മേത്തന്നെ കാണാൻ സന്നദ്ധരാ​ണോ? അതിന്‌ സത്യസ​ന്ധ​മായ ആത്മാപ​ഗ്ര​ഥ​ന​വും വിലയി​രു​ത്ത​ലും മററം വരുത്താ​നുള്ള മനസ്സൊ​രു​ക്ക​വു​മാ​ണാ​വ​ശ്യം. ആത്മവഞ്ചന വളരെ എളുപ്പ​മാണ്‌. (യാക്കോബ്‌ 1:23, 24) നാം നമ്മുടെ പ്രവർത്ത​ന​ഗ​തി​യെ നീതീ​ക​രി​ക്കാൻ ചില​പ്പോൾ യുക്തി​വാ​ദത്തെ അവലം​ബി​ക്കാ​റു​ണ്ട​ല്ലോ! (1 ശമുവേൽ 15:13-15, 20, 21, 22) “ശരി, ആരും പൂർണ്ണ​ര​ല്ലെ​ന്ന​റി​യാ​മ​ല്ലോ!” എന്നു പറയു​ന്നത്‌ എത്ര എളുപ്പ​മാണ്‌! അതുതന്നെ സാത്താ​ന​റി​യാം, അവൻ നമ്മുടെ അപൂർണ്ണ​തയെ മുത​ലെ​ടു​ക്കു​ന്നു. (2 ശമുവേൽ 11:2-27) മററു​ള്ള​വ​രോട്‌ അനിയ​ന്ത്രി​ത​മാ​യും വികാ​ര​സ്‌പർശ​മി​ല്ലാ​തെ​യും അല്ലെങ്കിൽ നിർദ്ദ​യ​മാ​യും പല വർഷങ്ങ​ളിൽ പ്രവർത്തി​ച്ച​തി​ന്റെ ഫലമായി ഒരുവന്‌ സുഹൃ​ത്തു​ക്ക​ളി​ല്ലാ​താ​യെന്ന്‌, അല്ലെങ്കിൽ മററു​ള്ള​വരെ സന്തുഷ്ട​രാ​ക്കാൻ ഒരുവൻ യതൊ​ന്നും ചെയ്‌തി​ട്ടി​ല്ലെന്ന്‌ മദ്ധ്യ​പ്രാ​യ​ത്തി​ലെ​ത്തു​മ്പോൾ തിരി​ച്ച​റി​യാ​നി​ട​യാ​കു​ന്നത്‌ എത്ര സങ്കടകരം. ഒരുപക്ഷേ സാത്താൻ നമ്മെ കുരു​ടാ​ക്കാൻ നമ്മുടെ ജൻമസിദ്ധ സ്വാർത്ഥ​തയെ ഉപയോ​ഗി​ച്ചു​കൊണ്ട്‌ നമ്മുടെ ജീവി​ത​ത്തിൽ നമ്മെ കൗശല​പൂർവം നയിച്ചി​രി​ക്കാം. ക്രിസ്‌തു​വി​ന്റെ മനസ്സിന്റെ യഥാർത്ഥ സത്ത്‌—സ്‌നേ​ഹ​വും സഹാനു​ഭൂ​തി​യും ദയയും—ഗ്രഹി​ക്കാൻ നാം പരാജ​യ​പ്പെ​ട്ടി​രി​ക്കു​ന്നു.—1 യോഹ​ന്നാൻ 4:8, 11, 20.

10.നാം നമ്മോ​ടു​തന്നെ എന്തു ചോദ്യ​ങ്ങൾ ചോദി​ക്കേ​ണ്ട​താണ്‌, എന്തു​കൊണ്ട്‌?

¹⁰ അതു​കൊണ്ട്‌ സാത്താനെ ചെറു​ത്തി​നിൽക്കാൻ നാം നമ്മേത്തന്നെ പരി​ശോ​ധി​ക്കണം. സാത്താന്‌ ചൂഷണം​ചെ​യ്യാൻ കഴിയുന്ന അല്ലെങ്കിൽ ഇപ്പോൾത്തന്നെ ചൂഷണം​ചെ​യ്‌തു​കൊ​ണ്ടി​രി​ക്കുന്ന ഒരു ദൗർബ​ല്യം നിങ്ങൾക്കു​ണ്ടോ? നിങ്ങൾക്ക്‌ അഹന്തയു​ടെ പ്രശ്‌ന​മു​ണ്ടോ? നിങ്ങൾ എല്ലായ്‌പ്പോ​ഴും ഒന്നാമ​നാ​യി​രി​ക്ക​ണ​മോ? നിങ്ങളു​ടെ അഹങ്കാ​ര​മാ​ണോ നിങ്ങളു​ടെ ആന്തരി​ക​പ്രേ​ര​ക​ഘ​ടകം? അസൂയ​യോ സ്‌പർദ്ധ​യോ പണസ്‌നേ​ഹ​മോ നിങ്ങളു​ടെ വ്യക്തി​ത്വ​ത്തെ വികല​മാ​ക്കു​ന്നു​വോ? നിങ്ങൾ എപ്പോ​ഴും വഴക്കിന്‌ കച്ചകെട്ടി നടക്കു​ന്നു​വോ? നിങ്ങൾ വിരസ​നും പുച്ഛഭാ​വ​ക്കാ​ര​നു​മാ​ണോ? അല്ലെങ്കിൽ നിങ്ങൾ നിർദ്ദേ​ശ​ങ്ങ​ളോ വിമർശ​ന​ങ്ങ​ളോ നൽക​പ്പെ​ടു​മ്പോൾ അമിത​പ്ര​തി​ക​രണം നടത്തു​ന്നു​വോ? നിങ്ങൾ ബുദ്ധി​യു​പ​ദേ​ശ​ത്തിൽ നീരസ​പ്പെ​ടു​ക​യോ അതിനെ നിരസി​ക്കു​ക​പോ​ലു​മോ ചെയ്യു​ന്നു​വോ? നാം നമ്മേത്തന്നെ അറിയു​ന്നു​വെ​ങ്കിൽ, നാം താഴ്‌മ​യു​ള്ള​വ​രു​മാ​ണെ​ങ്കിൽ, നമുക്ക്‌ അങ്ങനെ​യുള്ള പ്രശ്‌നങ്ങൾ തിരു​ത്താൻ കഴിയും. അതല്ലെ​ങ്കിൽ, നാം നമ്മേത്തന്നെ സാത്താനു വിധേ​യ​രാ​ക്കു​ക​യാണ്‌.—1 തിമൊ​ഥെ​യോസ്‌ 3:6, 7; എബ്രായർ 12:7, 11; 1 പത്രോസ്‌ 5:6-8.

11.ഏതു കൗശല​പൂർവ​ക​മായ മാർഗ്ഗ​ത്താൽ സാത്താൻ നമ്മുടെ ആത്മീയ​തയെ ധ്വംസി​ക്കാൻ ശ്രമി​ച്ചേ​ക്കാം?

¹¹ സാത്താന്‌ കൗശല​പൂർവ​ക​വും ദുഷ്ടു​വു​മായ ഒരു വിധത്തിൽ നമ്മുടെ ആത്മീയ​തക്കു തരുങ്കം വെക്കാ​നും കഴിയും. ഒരുപക്ഷേ, സഭയി​ലൊ സ്ഥാപന​ത്തി​ലോ കാര്യങ്ങൾ ചെയ്യ​പ്പെ​ടുന്ന വിധത്തിൽ നാം അസ്വസ്ഥ​രാ​കു​ന്നു. മിക്ക​പ്പോ​ഴും നമുക്ക്‌ എല്ലാ വസ്‌തു​ത​ക​ളു​മില്ല, എന്നാൽ നാം അനായാ​സം നിഗമ​ന​ങ്ങ​ളി​ലേക്ക്‌ എടുത്തു​ചാ​ടു​ന്നു. യഹോ​വ​യോ​ടുള്ള നമ്മുടെ ബന്ധം ദുർബ്ബ​ല​മാ​ണെ​ങ്കിൽ, അപ്പോൾ സത്യം സംബന്ധിച്ച നിഷേ​ധാ​ത്മക ചിന്തയി​ലേ​ക്കും സംശയ​ങ്ങ​ളി​ലേ​ക്കും അധിക​ദൂ​ര​മില്ല. ചിലർ സത്യം കൈവ​രു​ത്തുന്ന ഉത്തരവാ​ദി​ത്വ​ങ്ങ​ളിൽനിന്ന്‌ സ്വയനീ​തീ​ക​ര​ണ​രീ​തി​യിൽ മാറാൻ നോക്കി​യേ​ക്കാം. അപ്പോൾ സാത്താൻ അവരുടെ ഹൃദയ​ങ്ങ​ളിൽ അവിശ്വ​സ്‌ത​ത​യും വിശ്വാ​സ​വ​ഞ്ച​ന​യും കടത്തി​വി​ടു​ന്നു. പെട്ടെ​ന്നു​തന്നെ അവർ വിശ്വാ​സ​ത്യാ​ഗ​ത്തി​ന്റെ ഇരകളാ​കു​ക​യാ​യി, സാത്താൻ സന്തോ​ഷി​ക്കു​ക​യും ചെയ്യുന്നു.—ലൂക്കോസ്‌ 22:3-6; യോഹ​ന്നാൻ 13: 2, 27; 2 യോഹ​ന്നാൻ 9-11.

12.(എ) സാത്താൻ ചിലരെ എങ്ങനെ ധൈര്യ​പ്പെ​ടു​ത്തി​യി​രി​ക്കു​ന്നു? (ബി സാത്താൻ അനേകരെ എങ്ങനെ ദുർമാർഗ്ഗ​ത്തിൽ കുരു​ക്കു​ന്നു?

¹² മററു ചിലർക്ക്‌ സഭയിൽനി​ന്നു പുറത്താ​ക്ക​പ്പെ​ടാൻ അർഹമായ ഗുരു​ത​ര​മായ പാപങ്ങൾ ചെയ്യാൻ മാത്രമല്ല, സഭാമൂ​പ്പൻമാ​രെ കബിളി​പ്പി​ക്കാൻ ശ്രമി​ക്കു​ന്ന​തിന്‌ വ്യാജ​ങ്ങ​ളെ​യും വഞ്ചനക​ളെ​യും ആശ്രയി​ക്കാൻപോ​ലു​മുള്ള ധൈര്യം സാത്താൻ പകർന്നു​കൊ​ടു​ക്കു​ന്നു. അനന്യാ​സി​നെ​യും സഫീറ​യേ​യും പോലെ അവർക്ക്‌ ദൂതൻമാ​രെ​യും ദൈവ​ത്തി​ന്റെ പരിശു​ദ്ധാ​ത്മാ​വി​നെ​യും വഞ്ചിക്കാൻ കഴിയു​മെന്ന്‌ അവർ വിചാ​രി​ക്കു​ന്നു. (പ്രവൃ​ത്തി​കൾ 5:1-10) അടുത്ത സംവൽസ​ര​ങ്ങ​ളിൽ അനേകാ​യി​രങ്ങൾ സാത്താന്റെ ദുർമ്മാർഗ്ഗ​കെ​ണി​യിൽ വീണു​പോ​യി​ട്ടുണ്ട്‌. മനുഷ്യ​വർഗ്ഗ​ത്തി​ന്റെ ലൈം​ഗിക പ്രചോ​ദ​നങ്ങൾ ശക്തമാ​ണെന്ന്‌ പിശാ​ചി​ന​റി​യാം. അവന്റെ ലോക​വ്യ​വ​സ്ഥി​തി​മു​ഖേന അവൻ ലൈം​ഗി​ക​ത​യു​ടെ ധർമ്മത്തെ പ്രദീ​പ്‌ത​മാ​ക്കു​ക​യും ദുഷി​പ്പി​ക്കു​ക​യും വളച്ചൊ​ടി​ക്കു​ക​യും​ചെ​യ്യു​ന്നു. (സംഖ്യാ​പു​സ്‌തകം 25:1-3) അവിവാ​ഹി​ത​രായ ക്രിസ്‌ത്യാ​നി​കൾ ദുർവൃ​ത്തി​യി​ലേ​ക്കൊ മററു ലൈം​ഗിക ദുർന്ന​ട​പ​ടി​ക​ളി​ലേ​ക്കോ വശീക​രി​ക്ക​പ്പെ​ട്ടേ​ക്കാം. (സദൃശ​വാ​ക്യ​ങ്ങൾ 7:6-23) വിവാ​ഹി​ത​രായ ക്രിസ്‌ത്യാ​നി​കൾ തങ്ങളുടെ മനസ്സി​നെ​യും ഹൃദയ​ത്തെ​യും അലഞ്ഞു​തി​രി​യാൻ അനുവ​ദി​ച്ചാൽ അവർക്ക്‌ തങ്ങൾ വിശ്വ​സ്‌ത​തക്കു പ്രതി​ജ്ഞ​ചെയ്‌ത ഇണയെ വഞ്ചിച്ചു​കൊണ്ട്‌ വിശ്വാ​സ​വ​ഞ്ച​ന​യോ​ടു​കൂ​ടിയ നടത്തയി​ലേക്ക്‌ അനായാ​സം വീണു​പോ​കാൻക​ഴി​യും.—1 കൊരി​ന്ത്യർ 6:18; 7:1-5; എബ്രായർ 13:4.

13.(എ) റെറലി​വി​ഷന്‌ നമ്മുടെ ചിന്തയെ രൂപ​പ്പെ​ടു​ത്താൻ എങ്ങനെ കഴിയും? (ബി) നമുക്ക്‌ അത്തരം സ്വാധീ​നത്തെ എങ്ങനെ ചെറു​ത്തു​നിൽക്കാൻ കഴിയും?

¹³ അസത്യ​ങ്ങ​ളും വഞ്ചനയും ഉഗ്ര​കോ​പ​വും സാധാ​ര​ണ​മാ​യി​രി​ക്കുന്ന ഒരു ലോക​ത്തി​ലാണ്‌ നാം ജീവി​ക്കു​ന്നത്‌. ഈ അധഃപ​തിച്ച മാനസി​ക​ഭാ​വം വളർത്തൻ സാത്താൻ മാദ്ധ്യ​മത്തെ പൂർണ്ണ​മാ​യും ഉപയോ​ഗി​ക്കു​ന്നു. റെറലി​വി​ഷൻ പരമ്പരകൾ അഥവാ ററീവി നാടകങ്ങൾ പരസ്‌പര വഞ്ചനയിൽ ജീവി​ക്കുന്ന സുമു​ഖ​രായ ആളുകളെ ചിത്രീ​ക​രി​ക്കു​ന്നു. നമ്മെ ബാധി​ക്കാൻ നാം ആ ചിന്തയെ അനുവ​ദി​ക്കു​ന്നു​വെ​ങ്കിൽ നാം പെട്ടെ​ന്നു​തന്നെ “ചെറിയ” പാപങ്ങൾക്ക്‌ വഴങ്ങി​ത്തു​ട​ങ്ങി​യേ​ക്കാം, അവ “വലിയ” പാപങ്ങ​ളി​ലേക്കു നയിക്കുന്ന കുരു​ക്കാ​യി​ത്തീ​രാം. സാത്താന്റെ കൗശല​പൂർവ​ക​മായ നിർദ്ദേ​ശങ്ങൾ അനായാ​സം നമ്മുടെ ചിന്തയി​ലേക്ക്‌ സാവധാ​നം പ്രവേ​ശി​ക്കു​ന്നു. അങ്ങനെ​യുള്ള സ്വാധീ​ന​ങ്ങളെ നമുക്ക്‌ എങ്ങനെ ചെറു​ത്തു​നിൽക്കാൻ കഴിയും? പൗലോസ്‌ ബുദ്ധി​യു​പ​ദേ​ശി​ക്കു​ന്ന​തു​പോ​ലെ “ഒരിക്ക​ലും പിശാ​ചിന്‌ ഇടം​കൊ​ടു​ക്ക​രുത്‌.” അത്‌ റെറലി​വി​ഷ​നി​ലൂ​ടെ നിങ്ങളു​ടെ വീട്ടി​ലേക്ക്‌ നിങ്ങൾ അനുവ​ദി​ക്കു​ന്ന​വരെ നിയ​ന്ത്രി​ക്കു​ന്ന​തി​നെ​യും അർത്ഥമാ​ക്കു​ന്നു. നമ്മുടെ താമസ​മു​റി​യി​ലേക്ക്‌ പ്രദൂ​ഷ​ണത്തെ ആനയി​ക്കുന്ന അക്രമാ​സ​ക്ത​രും അധർമ്മി​ക​ളും അസഭ്യ​സം​സാ​രി​ക​ളു​മാ​യ​വ​രു​ടെ നുഴഞ്ഞു​ക​യ​റ​റത്തെ നാം കഠിന​മാ​യി വെറു​ക്കേ​ണ്ട​തല്ലേ?—എഫേസ്യർ 4:23-32.

നമുക്ക്‌ സാത്താനെ ചെറു​ക്കാ​നും ദൈവ​ത്തോ​ടു വിശ്വ​സ്‌ത​രാ​യി നില​കൊ​ള്ളാ​നും എങ്ങനെ കഴിയും?

14.സാത്താനെ ചെറു​ത്തു​നിൽക്കാൻ ഏതു ഇരുമ​ട​ങ്ങായ തീരു​മാ​നം ആവശ്യ​മാണ്‌, ഇതിന്‌ എന്താവ​ശ്യ​മാണ്‌?

¹⁴ അപൂർണ്ണ മനുഷ്യ​ജീ​വി​ക​ളായ നമു​ക്കെ​തി​രെ ഇത്ര ശക്തനും മനുഷ്യാ​തീ​ത​ന​നു​മായ ഒരു ശത്രു നില​കൊ​ള്ളു​ന്ന​തു​കൊണ്ട്‌ നമുക്ക്‌ എങ്ങനെ നിർമ്മലത പാലി​ക്കാൻ കഴിയും? യാക്കോ​ബി​ന്റെ വാക്കു​ക​ളിൽ താക്കോൽ കാണ​പ്പെ​ടു​ന്നു: “അതു​കൊണ്ട്‌ ദൈവ​ത്തി​നു നിങ്ങ​ളെ​ത്തന്നെ കീഴ്‌പ്പെ​ടു​ത്തുക; എന്നാൽ പിശാ​ചി​നെ എതിർക്കുക, എന്നാൽ അവൻ നിങ്ങളെ വിട്ട്‌ ഓടി​പ്പോ​കും.” (യാക്കോബ്‌ 4:7) യാക്കോ​ബി​ന്റെ ബുദ്ധി​യു​പ​ദേശം ഇരുമ​ട​ങ്ങാ​ണെന്ന്‌ ഓർക്കുക. നാം പിശാ​ചി​നെ​യും അവന്റെ ഇഷ്ടത്തെ​യും എതിർക്കു​മ്പോൾത്തന്നെ നാം ദൈ​വേ​ഷ്ട​ത്തി​നു നമ്മേത്തന്നെ കീഴ്‌പ്പെ​ടു​ത്തണം. അതിൽ ദൈ​വേ​ഷ്‌ടത്തെ പ്രിയ​പ്പെ​ടു​ന്ന​തും സാത്താന്റെ ഇഷ്‌ടത്തെ വെറു​ക്കു​ന്ന​തും ഉൾപ്പെ​ടു​ന്നു. (റോമർ 12:9) അങ്ങനെ, യാക്കോബ്‌ പറയുന്നു: “ദൈവ​ത്തോട്‌ അടുത്തു​ചെ​ല്ലുക, എന്നാൽ അവൻ നിങ്ങ​ളോട്‌ അടുത്തു​വ​രും. പാപി​കളേ, നിങ്ങളു​ടെ കൈകളെ വെടി​പ്പാ​ക്കുക, അനിശ്ചി​തരേ, നിങ്ങളു​ടെ ഹൃദയ​ങ്ങളെ നിർമ്മ​ലീ​ക​രി​ക്കു​ക​യും ചെയ്യുക.” (യാക്കോബ്‌ 4:8) അതെ, സാത്താ​നോ​ടുള്ള നമ്മുടെ ചെറു​ത്തു​നിൽപ്പിൽ അർദ്ധഹൃ​ദ​യ​ത്തി​നോ അനിശ്ചി​ത​ത്വ​ത്തി​നൊ ഇടമില്ല. ദുഷ്ടത​യു​ടെ അതിർവ​ര​മ്പി​നോട്‌ എത്ര അടുക്കാ​മെന്ന്‌ കണ്ടു​കൊണ്ട്‌ നമുക്ക്‌ നമ്മുടെ നിർമ്മ​ല​തയെ അപകട​പ്പെ​ടു​ത്താൻ കഴിക​യില്ല. നാം പൂർണ്ണ​മാ​യും “ദുഷ്ടതയെ വെറു​ക്കണം.”—സങ്കീർത്തനം 97:10.

15.“ദൈവ​ത്തിൽനി​ന്നുള്ള സമ്പൂർണ്ണ പടച്ചട്ട” അത്യന്താ​പേ​ക്ഷി​ത​മാ​യി​രി​ക്കു​ന്ന​തെ​ന്തു​കൊണ്ട്‌? ദൃഷ്ടാ​ന്തീ​ക​രി​ക്കുക.

¹⁵ എഫേസ്യർ 6-ാം അദ്ധ്യാ​യ​ത്തിൽ സാത്താനെ ചെറു​ക്കു​ന്നതു സംബന്ധിച്ച മികച്ച ബുദ്ധി​യു​പ​ദേശം കാണുന്നു. സാത്തന്റെ “കുത​ന്ത്ര​ങ്ങളെ,” അല്ലെങ്കിൽ “പദ്ധതി​കളെ,” അല്ലെങ്കിൽ “നയോ​പാ​യ​ങ്ങളെ” നമുക്ക്‌ എങ്ങനെ ചെറു​ക്കാൻ കഴിയു​മെ​ന്നാണ്‌ പൗലോസ്‌ പറയു​ന്നത്‌? (എഫേസ്യർ 6:11. ഫിലി​പ്‌സ്‌, ന്യൂ ഇൻറർനാ​ഷനൽ വേർഷൻ, ദി ജറൂസലം ബൈബിൾ) “ദൈവ​ത്തിൽനി​ന്നുള്ള സമ്പൂർണ്ണ പടച്ചട്ട ധരിക്കാൻ” അവൻ ബുദ്ധി​യു​പ​ദേ​ശി​ക്കു​ന്നു. “സമ്പൂർണ്ണ പടച്ചട്ട” എന്ന ഈ പദപ്ര​യോ​ഗം ക്രിസ്‌ത്യാ​നി​ത്വ​ത്തെ സംബന്ധിച്ച അലക്ഷ്യ വീക്ഷണ​ത്തിന്‌ ഇടം നൽകു​ന്നില്ല, ഒരു റോമൻ പടയാ​ളിക്ക്‌ യുദ്ധസ​ജ്ജ​നാ​കു​മ്പോൾ അലക്ഷ്യത പാടി​ല്ലാ​ത്ത​തു​പോ​ലെ​തന്നെ. പടയാളി പരിച​യും ശിരസ്‌ത്ര​വും ഒഴിച്ച്‌ മുഴു പടക്കോ​പ്പും ധരിച്ച്‌ ഒരുങ്ങു​ന്നു​വെ​ങ്കിൽ അയാൾ എങ്ങനെ വിജയി​ക്കും? ‘അത്‌ യഥാർത്ഥ​ത്തിൽ ഒരു വലിയ പരിച​യാണ്‌, ശിരസ്‌ത്ര​ത്തിന്‌ വലിയ ഭാരമാണ്‌. അവയുടെ ഭാരം ഭയങ്കര​മാണ്‌. എനിക്ക്‌ അവ യഥാർത്ഥ​ത്തിൽ ആവശ്യ​മില്ല’ എന്ന്‌ അയാൾക്ക്‌ വിചാ​രി​ക്കാ​മാ​യി​രു​ന്നു.. ഒരു റോമൻപ​ട​യാ​ളി പ്രതി​രോ​ധ​ത്തി​നുള്ള തന്റെ പ്രധാന ഉപകര​ണ​ങ്ങ​ളി​ല്ലാ​തെ പോരാ​ടാൻ സായു​ധ​നാ​കു​ന്ന​തി​നെ​ക്കു​റിച്ച്‌ ചിന്തി​ക്കുക.—എഫേസ്യർ 6:16, 17.

16.(എ) നമ്മുടെ “വാൾ” ഉപയോ​ഗി​ക്കു​ന്ന​തിൽ നാം യേശു​വി​ന്റെ ദൃഷ്ടാന്തം എങ്ങനെ അനുസ​രി​ക്കണം? (ബി) നമുക്ക്‌ സാത്താന്റെ “എരിയുന്ന ബാണങ്ങൾ”ക്കെതിരെ എങ്ങനെ ജാഗ്രത പാലി​ക്കാം, എന്തു ഫലത്തോ​ടെ?

¹⁶ ഒരു പടയാ​ളിക്ക്‌ വാളി​ല്ലാ​ത്ത​തി​നെ​ക്കു​റി​ച്ചും സങ്കൽപ്പി​ക്കുക. “ആത്മാവി​ന്റെ വാൾ” സാത്താൻ ക്രിസ്‌ത്യാ​നി​ക്കെ​തി​രെ കൊണ്ടു​വ​രുന്ന ആയുധ​ങ്ങളെ അരിഞ്ഞു​വീ​ഴ്‌ത്താൻ ഉപയോ​ഗി​ക്ക​പ്പെ​ടു​ന്ന​തു​കൊണ്ട്‌ അത്‌ നല്ല ഒരു സംരക്ഷ​ണ​മാണ്‌. നമ്മുടെ “വാൾ” എപ്പോ​ഴും ലഭ്യമാ​യി​രി​ക്കണം. നമ്മുടെ വ്യക്തി​പ​ര​വും കുടും​ബ​പ​ര​വു​മായ ബൈബിൾപ​ഠ​നത്തെ നാം അവഗണി​ക്കു​ന്നി​ല്ലെ​ങ്കിൽ അത്‌ അങ്ങനെ​യാ​യി​രി​ക്കും. എന്നാൽ “ദൈവ​വ​ച​ന​മാ​കുന്ന. . .  വാൾ” പ്രമു​ഖ​മാ​യി ആക്രമ​ണ​ത്തി​നുള്ള നമ്മുടെ ഉപകര​ണ​മാണ്‌. യേശു അത്‌ രണ്ടു വിധത്തി​ലും ഉപയോ​ഗി​ച്ചു. (മത്തായി 4:6, 7, 10; 22:41-46) നാമും അങ്ങനെ ഉപയോ​ഗി​ക്കണം. നാം സത്യം സംബന്ധിച്ച നമ്മുടെ വിലമ​തി​പ്പി​നെ മൂർച്ച​യു​ള്ള​താ​ക്കി​ക്കൊ​ണ്ടി​രി​ക്കണം. സത്യത്തി​ലെ നമ്മുടെ ആദ്യമാ​സ​ങ്ങ​ളി​ലോ വർഷങ്ങ​ളി​ലൊ നാം പഠിച്ച​തി​ന്റെ അടിസ്ഥാ​ന​ത്തിൽ നമുക്കു നമ്മുടെ ആത്മീയ​തയെ നിലനിർത്താൻ കഴിക​യില്ല. നാം നമ്മുടെ മനസ്സിലെ ആത്മീയ പരിപ​ഥ​ങ്ങളെ പുതു​ക്കി​ക്കൊ​ണ്ടി​രി​ക്കു​ന്ന​തിൽ പരാജ​യ​പ്പെ​ടു​ന്നു​വെ​ങ്കിൽ നമ്മുടെ ആത്മീയ ദർശനം മങ്ങി​പ്പോ​കും. യഹോ​വ​യു​ടെ സത്യാ​രാ​ധ​ന​ക്കു​വേ​ണ്ടി​യുള്ള നമ്മുടെ തീക്ഷ്‌ണത കുറഞ്ഞു​പോ​കും. നാം ആത്മീയ​മാ​യി ദുർബ​ല​രാ​യി​ത്തീ​രും. നമ്മുടെ വിശ്വാ​സ​ങ്ങളെ പുച്ഛി​ച്ചേ​ക്കാ​വുന്ന ബന്ധുക്ക​ളു​ടെ​യും സുഹൃ​ത്തു​ക്ക​ളു​ടെ​യും സഹപ്ര​വർത്ത​ക​രു​ടെ​യും വിശ്വാ​സ​ത്യാ​ഗി​ക​ളു​ടെ​യും ആക്രമ​ണ​ങ്ങളെ തുരത്താൻ നാം മേലാൽ പ്രാപ്‌ത​രാ​കു​ക​യില്ല. എന്നാൽ “ദൈവ​ത്തിൽനി​ന്നുള്ള സമ്പൂർണ്ണ പടച്ചട്ട”സഹിതം നാം നമ്മേത്തന്നെ സജ്ജരാ​ക്കി​ക്കൊ​ണ്ടി​രി​ക്കു​ന്നു​വെ​ങ്കിൽ ദൈവം നമ്മെ പിശാ​ചിൽനി​ന്നും അവന്റെ “എരിയുന്ന ബാണങ്ങ​ളിൽ”നിന്നും രക്ഷിക്കും.—യെശയ്യാവ്‌ 35:3, 4.

17, 18.നമ്മുടെ പോരാ​ട്ടം ആർക്കെ​തി​രാ​യി​ട്ടാണ്‌, നമുക്ക്‌ എങ്ങനെ ജയിക്കാൻ കഴിയും?

¹⁷ അതെ, പൗലോസ്‌ പിൻവ​രുന്ന പ്രകാരം എഴുതി​യ​പ്പോൾ ക്രിസ്‌തീയ പോരാ​ട്ട​ത്തിൽ ഉൾപ്പെ​ട്ടി​രി​ക്കുന്ന അപകട​ത്തെ​ക്കു​റിച്ച്‌ അവൻ ഊന്നി​പ്പ​റഞ്ഞു: “എന്തെന്നാൽ നമ്മുടെ പോരാ​ട്ടം മനുഷ്യ​ശ​ത്രു​ക്കൾക്കെ​തി​രാ​യി​ട്ടല്ല, പിന്നെ​യോ ബ്രഹ്മശ​ക്തി​കൾക്കെ​തി​രാ​യി, ഈ അന്ധകാ​ര​ലോ​ക​ത്തി​ന്റെ അധികാ​രി​കൾക്കും ഭരണാ​ധി​പൻമാർക്കു​മെ​തി​രാ​യി, ആകാശ​ങ്ങ​ളി​ലെ മനുഷ്യാ​തീത ദുഷ്ടശ​ക്തി​കൾക്കു​മെ​തി​രാ​യിട്ട്‌ ആകുന്നു.” (എഫേസ്യർ 6:12, ദി ന്യൂ ഇംഗ്ലീഷ്‌ ബൈബിൾ) അത്തരം അസമമായ ഒരു യുദ്ധത്തിൽ നിസ്സാര മനുഷ്യ​രായ നമുക്ക്‌ എങ്ങനെ ചെറു​ത്തു​നിൽക്കാ​നും ജയിക്കാ​നും കഴിയും? പൗലോസ്‌ തന്റെ ആശയം ആവർത്തി​ക്കു​ന്നു: “ഈ കാരണ​ത്താൽ ദുഷ്ടദി​വ​സ​ത്തിൽ ചെറു​ത്തു​നിൽക്കു​ന്ന​തി​നും നിങ്ങൾ സകല കാര്യ​ങ്ങ​ളും പൂർണ്ണ​മാ​യി ചെയ്‌ത​ശേഷം ഉറച്ചു​നിൽക്കു​ന്ന​തി​നും പ്രാപ്‌ത​രാ​കേ​ണ്ട​തിന്‌ ദൈവ​ത്തിൽനി​ന്നുള്ള സമ്പൂർണ്ണ പടച്ചട്ട ധരിച്ചു​കൊൾക.” (എഫേസ്യർ 6:13) പ്രമുഖ പ്രസ്‌താ​വന: “നിങ്ങൾ സകല കാര്യ​ങ്ങ​ളും പൂർണ്ണ​മാ​യി ചെയ്‌ത​ശേഷം” എന്നതാണ്‌. വീണ്ടും ഇത്‌ അർദ്ധഹൃ​ദ​യ​ത്തോ​ടു​കൂ​ടി​യ​തോ വ്യതി​ച​ലി​ച്ച​തോ ആയ ക്രിസ്‌ത്യാ​നി​ത്വ​ത്തിന്‌ ഇടം ശേഷി​പ്പി​ക്കു​ന്നില്ല.—1 യോഹ​ന്നാൻ 2:15-17.

¹⁸ അതു​കൊണ്ട്‌, യഹോ​വ​യു​ടെ നീതിയെ സ്‌നേ​ഹി​ച്ചു​കൊ​ണ്ടും സമാധാന സുവി​ശേഷം പ്രസം​ഗി​ച്ചു​കൊ​ണ്ടും നമ്മുടെ മുഖ്യ താങ്ങെന്ന നിലയിൽ ദൈവ​വ​ച​ന​ത്തിൽ ആശ്രയി​ക്കെ യേശു​ക്രി​സ്‌തു​മു​ഖേന യഹോവ നമുക്കു നൽകുന്ന രക്ഷയെ ശക്തമായ വിശ്വാ​സ​ത്തോ​ടെ മുറു​കെ​പ്പി​ടി​ച്ചു​കൊ​ണ്ടും നമുക്കു സത്യത്തിൽ ഉറച്ചു​നിൽക്കാം. (എഫേസ്യർ 6:14-17) ദൈവം നമുക്കു​വേണ്ടി കരുതു​ന്നു​വെ​ന്നും സാത്താന്റെ വ്യവസ്ഥി​തി​യിൽ നമ്മുടെ മാർഗ്ഗ​മ​ദ്ധ്യേ വരുന്ന പീഡാ​നു​ഭ​വ​ങ്ങ​ളെ​യും ഉൽക്കണ്‌ഠ​ക​ളെ​യും ജയിക്കാൻ നമ്മെ സഹായി​ക്കു​മെ​ന്നും ഓർക്കുക. നമു​ക്കെ​ല്ലാം ഈ മുന്നറി​യിപ്പ്‌ അനുസ​രി​ക്കാം: “ജാഗ്രത പാലി​ക്കുക, ഉണർന്നി​രി​ക്കുക. നിങ്ങളു​ടെ എതിരാ​ളി​യായ പിശാച്‌ ആരെ​യെ​ങ്കി​ലും വിഴു​ങ്ങാൻ ശ്രമി​ച്ചു​കൊണ്ട്‌ അലറുന്ന സിംഹ​ത്തെ​പ്പോ​ലെ ഊടാടി നടക്കു​ക​യാണ്‌.” അതെ, “വിശ്വാ​സ​ത്തിൽ ഉറപ്പു​ള്ള​വ​രാ​യി അവനെ​തി​രെ നിങ്ങളു​ടെ നിലപാ​ടു സ്വീക​രി​ക്കുക.”—1 പത്രോസ്‌ 5:6-9.

19.(എ) സാത്താനെ ചെറു​ത്തു​നിൽക്കാൻ നാം കൂടു​ത​ലായ ഏത്‌ അത്യന്താ​പേ​ക്ഷിത കരുതൽ ഉപയോ​ഗി​ക്കണം? (ബി) സാത്താന്‌ ഒടുവിൽ എന്തു സംഭവി​ക്കും?

¹⁹ “പടച്ചട്ട”യോട്‌ പൗലോസ്‌ അത്യന്താ​പേ​ക്ഷി​ത​മാ​യി കൂട്ടി​ച്ചേർക്കു​ന്ന​തെ​ന്തെന്ന്‌ നമുക്ക്‌ മറക്കാ​തി​രി​ക്കാം. അവൻ പറയുന്നു: “നിങ്ങൾ സകലതരം പ്രാർത്ഥ​നാ​രൂ​പ​ത്തോ​ടും അപേക്ഷ​യോ​ടും​കൂ​ടെ നിങ്ങൾ ആത്മാവിൽ ഏതു അവസര​ത്തി​ലും പ്രാർത്ഥന നടത്തവേ. ആ ലക്ഷ്യത്തിൽ സകല വിശു​ദ്ധൻമാർക്കും​വേണ്ടി സകല സ്ഥിരത​യോ​ടും അപേക്ഷ​യോ​ടും​കൂ​ടെ ഉണർന്നി​രി​ക്കുക.” (എഫേസ്യർ 6:18) നമ്മുടെ അദൃശ്യ ശത്രു വളരെ ശക്തനാ​യ​തു​കൊണ്ട്‌ നമുക്ക്‌ “സകലതരം പ്രാർത്ഥ​നാ​രൂ​പ​വും അപേക്ഷ​യും” ആവശ്യ​മാണ്‌. അപ്പോൾ നമ്മുടെ പ്രാർത്ഥ​നകൾ എത്ര യഥാർത്ഥ​വും വിവി​ധ​വു​മാ​യി​രി​ക്കണം! നാം പോരാ​ട്ട​ത്തിൽ വിജയി​ക്കു​ക​യും നിർമ്മലത പാലി​ക്കു​ക​യും ചെയ്യണ​മെ​ങ്കിൽ നാം യഹോ​വ​യിൽ സമ്പൂർണ്ണ​മാ​യി ആശ്രയി​ക്കു​ന്നത്‌ മർമ്മ​പ്ര​ധാ​ന​മാണ്‌. അവനു മാത്രമേ നമ്മുടെ വിട്ടു​മാ​റാത്ത എതിരാ​ളി​യെ ചെറു​ത്തു​നിൽക്കാൻ നമ്മെ പ്രാപ്‌ത​രാ​ക്കുന്ന “സാധാ​ര​ണ​യിൽ കവിഞ്ഞ ശക്തി” നൽകാൻ കഴിക​യു​ള്ളു. നമ്മുടെ വലിയ എതിരാ​ളി പെട്ടെ​ന്നു​തന്നെ അഗാധ​ത്തി​ല​ട​ക്ക​പ്പെ​ടു​മെ​ന്നും ഒടുവിൽ എന്നേക്കും നിർമ്മൂ​ല​മാ​ക്ക​പ്പെ​ടു​മെ​ന്നും അറിയു​ന്നത്‌ എന്തോരു ആശ്വാ​സ​മാണ്‌!—2 കൊരി​ന്ത്യർ 4:7; വെളി​പ്പാട്‌ 20:1-3, 10. (w88 9/1)

[അടിക്കു​റി​പ്പു​കൾ]

നിങ്ങൾക്ക്‌ ഉത്തരം​പ​റ​യാൻ കഴിയു​മോ?

□ സാത്താൻ ഒരു യഥാർത്ഥ വ്യക്തി​യാ​ണെന്ന്‌ നാം എങ്ങനെ അറിയു​ന്നു?

□ സാത്താന്റെ മററു പേരു​ക​ളും സ്ഥാന​പ്പേ​രു​ക​ളും യോജി​ക്കു​ന്ന​താ​യി​രി​ക്കു​ന്ന​തെ​ന്തു​കൊണ്ട്‌?

□ എന്ത്‌ ആത്മാപ​ഗ്ര​ഥനം സാത്താന്റെ കൗശല​പൂർവ​ക​മായ ആക്രമ​ണ​ങ്ങളെ ചെറു​ത്തു​നിൽക്കാൻ നമ്മെ സഹായി​ച്ചേ​ക്കാം?

□ സാത്താനെ കീഴട​ക്കു​ന്ന​തിൽ ഏത്‌ ഉപദേശം സഹായി​ക്കും, എന്തു​കൊണ്ട്‌?

[10-ാം പേജിലെ ചിത്രം]

സാത്താന്റെ സ്വാധീ​നത്തെ ചെറു​ത്തു​നിൽക്കാ​നുള്ള ഒരു മാർഗ്ഗം ബഹിർമു​ഖ​രാ​യി​രി​ക്കു​ക​യും സഹായി​ക്കു​ക​യും സ്‌നേ​ഹി​ക്കു​ക​യും ചെയ്യു​ക​യെ​ന്ന​താണ്‌

[11-ാം പേജിലെ ചിത്രം]

നാം സാത്താനു വിധേ​യ​രായ അനന്യാ​സി​നെ​യും സഫീറ​യേ​യും പോ​ലെ​യാ​കു​ന്ന​തി​നെ​തി​രെ ജാഗ്രത പാലി​ക്ക​ണം

[12-ാം പേജിലെ ചിത്രം]

സാത്താന്റെ ബാണങ്ങളെ അകററു​ന്ന​തിന്‌ നമുക്ക്‌ നമ്മുടെ ആത്മീയ പടച്ചട്ട​യു​ടെ യാതൊ​രു ഭാഗവും ഒഴിവാ​ക്കാൻ പാടില്ല