യഹോവ നൽകി​യി​രി​ക്കുന്ന ഉൾക്കാ​ഴച

“ജനത്തിന്റെ ഇടയിൽ ഉൾക്കാ​ഴ്‌ച​യു​ള്ള​വരെ സംബന്ധി​ച്ചാ​ണെ​ങ്കിൽ, അവർ അനേകർക്ക്‌ ഗ്രാഹ്യം നൽകും.”—ദാനി​യേൽ 11:33.

1, 2. (എ) ഇസ്രാ​യേ​ല്യർ ദൈവ​ത്തി​ന്റെ സ്‌നേ​ഹദയ അനുഭ​വി​ച്ച​റി​ഞ്ഞി​രു​ന്നെ​ങ്കി​ലും അവർ മത്സരപൂർവം പെരു​മാ​റി​യ​തെ​ന്തു​കൊണ്ട്‌? (ബി) നാം എന്തു ചെയ്യു​ന്നതു പ്രയോ​ജ​ന​ക​ര​മാണ്‌? (യിരെ​മ്യാവ്‌ 51:10)

ഏകസത്യ​ദൈവം യഹോ​വ​യാ​ണെന്ന്‌ പുരാതന യിസ്രാ​യേൽജ​ന​ത്തിന്‌ അറിയാ​മാ​യി​രു​ന്നു. അവരുടെ പൂർവ​പി​താ​ക്കൻമാ​രു​മാ​യുള്ള അവന്റെ ഇടപെ​ട​ലു​ക​ളെ​ക്കു​റിച്ച്‌ അവരോ​ടു പറയ​പ്പെ​ട്ടി​രു​ന്നു. അവർ വ്യക്തി​പ​ര​മാ​യി അവന്റെ സ്‌നേ​ഹദയ അനുഭ​വി​ച്ച​റി​ഞ്ഞി​രു​ന്നു. എന്നാൽ ഒന്നില​ധി​കം അവസര​ങ്ങ​ളിൽ അവർ ഉൾക്കാ​ഴ്‌ച​യു​ടെ തികഞ്ഞ അഭാവ​ത്തോ​ടെ പ്രവർത്തി​ച്ചു. അവർ യഹോ​വ​യോ​ടും അവന്റെ പ്രതി​നി​ധി​ക​ളോ​ടും “മത്സരപൂർവം പെരു​മാ​റി.” എന്തു​കൊണ്ട്‌? എന്തു​കൊ​ണ്ടെ​ന്നാൽ അവൻ തങ്ങൾക്കു​വേണ്ടി ചെയ്‌തി​രു​ന്ന​തി​നെ അവർ “ഓർത്തില്ല.” (സങ്കീർത്തനം 106:7, 13) അവർ ഈ കാര്യങ്ങൾ അറിഞ്ഞി​ല്ലെന്നല്ല; അവർ വിലമ​തി​പ്പോ​ടെ ഈ കാര്യ​ങ്ങ​ളെ​ക്കു​റി​ച്ചു വിചി​ന്തനം ചെയ്യു​ന്ന​തിൽ പരാജ​യ​പ്പെട്ടു. തത്‌ഫ​ല​മാ​യി, അവർ “ഹാനി​ക​ര​മായ കാര്യങ്ങൾ മോഹി​ക്കുന്ന ആളുകൾ” ആണെന്ന്‌ തെളിഞ്ഞു.—1 കൊരി​ന്ത്യർ 10:6.

² നമ്മുടെ നാളിൽ, യഹോവ തന്റെ സാക്ഷി​കളെ ഒരു വ്യതി​രിക്ത ജനമായി വേർതി​രി​ച്ചി​രി​ക്കുന്ന ഒരു മുഖ്യ വിധം അവന്റെ ദൃശ്യ​സ്ഥാ​പനം മുഖേന നൽകി​യി​രി​ക്കുന്ന ഉൾക്കാഴ്‌ച മുഖേ​ന​യാണ്‌. അങ്ങനെ​യുള്ള ഉൾക്കാ​ഴ്‌ച​യു​ടെ ചില ദൃഷ്‌ടാ​ന്തങ്ങൾ പുനര​വ​ലോ​കനം ചെയ്യു​ന്ന​തി​നാൽ യഹോവ തന്റെ ജനത്തെ നടത്തു​ന്ന​തു​സം​ബ​ന്ധി​ച്ചുള്ള നമ്മുടെ സ്വന്തം വിലമ​തി​പ്പി​നെ ബലിഷ്‌ഠ​മാ​ക്കാൻ കഴിയും. ഇവയിൽ ഒന്നിൽ നമ്മുടെ വിശ്വാ​സ​ത്തി​ന്റെ ഉൾക്കാ​മ്പു​തന്നെ ഉൾപ്പെ​ട്ടി​രി​ക്കു​ന്നു—ദൈവ​ത്തി​ന്റെ​തന്നെ താദാ​ത്‌മ്യം.

ദൈവം ഒരു ത്രിത്വ​മാ​ണോ?

3. നൂറിൽപരം വർഷം​മുമ്പ്‌ ദൈവ​ത്തി​ന്റെ താദാ​ത്മ്യം​സം​ബ​ന്ധിച്ച സത്യം തിരി​ച്ച​റി​യാൻ യഹോ​വ​യു​ടെ ദാസൻമാ​രെ പ്രാപ്‌ത​രാ​ക്കി​യ​തെന്ത്‌? (1 കൊരി​ന്ത്യർ 8:5, 6)

³ ത്രിത്വ​ത്തി​ലുള്ള വിശ്വാ​സം പ്രഖ്യാ​പി​ക്കാ​ത്തവർ പാഷണ്ഡി​ക​ളാ​ണെന്ന്‌ ക്രൈ​സ്‌ത​വ​ലോ​കം തീവ്ര​മാ​യി വാദി​ച്ചി​ട്ടുണ്ട്‌. എന്നാൽ അവരെ പേടി​ക്കു​ന്ന​തി​നു പകരം, നിശ്വ​സ്‌ത​ര​ല്ലാത്ത മനുഷ്യ​രു​ടെ പാരമ്പ​ര്യ​ങ്ങ​ളും വിശ്വാ​സ​പ്ര​മാ​ണ​ങ്ങ​ളു​മല്ല, പിന്നെ​യോ വിശു​ദ്ധ​തി​രു​വെ​ഴു​ത്തു​ക​ളാണ്‌ സത്യ​മെ​ന്തെന്ന്‌ വിവേ​ചി​ക്കു​ന്ന​തി​നുള്ള അളവു​കോൽ നൽകു​ന്ന​തെന്ന്‌ യഹോ​വ​യു​ടെ ദാസൻമാർ തിരി​ച്ച​റി​ഞ്ഞി​ട്ടുണ്ട്‌. ഈ അടിസ്ഥാ​ന​ത്തിൻമേൽ കെട്ടു​പ​ണി​ചെ​യ്‌തു​കൊണ്ട്‌ 1882-ൽതന്നെ ഈ സമർപ്പിത ബൈബിൾവി​ദ്യാർത്ഥി​കൾ വീക്ഷാ​ഗോ​പു​ര​ത്തിൽ ഇങ്ങനെ വ്യക്തമാ​യി പ്രസ്‌താ​വി​ച്ചി​രു​ന്നു: “ഞങ്ങൾ യഹോ​വ​യാം ദൈവ​ത്തി​ലും യേശു​വി​ലും പരിശു​ദ്ധാ​ത്‌മാ​വി​ലും വിശ്വ​സി​ക്കു​ന്നു​വെ​ന്നി​രി​ക്കെ, അവർ ഒരു ആളായ മൂന്നു ദൈവ​ങ്ങ​ളാ​ണെന്ന്‌, അല്ലെങ്കിൽ ചിലർ പറയു​ന്ന​തു​പോ​ലെ, മൂന്ന ആളുക​ളാ​യുള്ള ഒരു ദൈവ​മാ​ണെന്ന്‌ ഉള്ള ഉപദേ​ശത്തെ ഞങ്ങൾ തികച്ചും തിരു​വെ​ഴു​ത്തു​വി​രു​ദ്ധ​മെന്ന നിലയിൽ തള്ളിക്ക​ള​യു​ന്നു​വെന്ന്‌ ഞങ്ങളുടെ വായന​ക്കാർക്ക്‌ അറിവുണ്ട്‌.”—യോഹ​ന്നാൻ 5:19; 14:28; 20:17.

4. (എ) ഉപരി​ത​ല​ത്തി​ന​ടി​യി​ലേക്കു ചുഴി​ഞ്ഞി​റ​ങ്ങി​യ​തി​നാൽ ത്രി​ത്വോ​പ​ദേ​ശ​ത്തി​ന്റെ അടിസ്ഥാ​ന​വും അങ്ങനെ​യുള്ള ഒരു ഉപദേ​ശ​ത്തി​ന്റെ ഫലവും സംബന്ധിച്ച്‌ യഹോ​വ​യു​ടെ ജനം എന്ത്‌ തിരി​ച്ച​റി​ഞ്ഞു? (ബി) യഹോവ തന്റെ ദാസൻമാർക്ക്‌ അങ്ങനെ​യുള്ള ഉൾക്കാഴ്‌ച നൽകി​യ​തെ​ന്തു​കൊണ്ട്‌?

⁴ ഈ ബൈബിൾസ​ത്യ​പ്രേ​മി​കൾ ഉപരി​ത​ല​ത്തി​ന​ടി​യി​ലേക്കു ചുഴി​ഞ്ഞി​റ​ങ്ങു​ക​യും ത്രിത്വ​വി​ശ്വാ​സ​ത്തി​ന്റെ വേരുകൾ അ​ക്രൈ​സ്‌ത​വ​മ​ത​ങ്ങ​ളി​ലാ​ണെന്ന്‌ കാണു​ക​യും ചെയ്‌തി​രു​ന്നു. ചില ബൈബിൾവാ​ക്യ​ങ്ങൾ ത്രിത്വ​ത്തി​ന്റെ ആശയത്തെ പിന്താ​ങ്ങു​ന്ന​താ​യി തോന്നു​മ്പോൾ അത്‌ വിവർത്ത​ക​രു​ടെ മുൻവി​ധി​യോ​ടു​കൂ​ടിയ വീക്ഷണങ്ങൾ നിമി​ത്ത​മാ​ണെ​ന്നും ഏററവും പഴക്കമുള്ള മൂലഭാ​ഷാ​കൈ​യെ​ഴു​ത്തു​പ്ര​തി​ക​ളി​ലു​ള്ളതു നിമി​ത്ത​മ​ല്ലെ​ന്നും​കൂ​ടെ അവർ തിരു​വെ​ഴു​ത്തു​ക​ളു​ടെ ശ്രദ്ധാ​പൂർവ​മായ പഠനത്താൽ തിരി​ച്ച​റി​യാ​നി​ട​യാ​യി​ട്ടുണ്ട്‌. യേശു​വി​നെ അയഥാർത്ഥ​മാം​വി​ധം പ്രകട​മാ​യി ബഹുമാ​നി​ക്കുന്ന ഈ ഉപദേശം യഥാർത്ഥ​ത്തിൽ അവന്റെ ഉപദേ​ശ​ങ്ങൾക്കു വിരു​ദ്ധ​മാ​ണെ​ന്നും യഹോ​വയെ അപമാ​നി​ക്കു​ന്നു​വെ​ന്നും അവർ തിരി​ച്ച​റി​ഞ്ഞു. അങ്ങനെ, മുകളിൽ പരാമർശിച്ച വീക്ഷാ​ഗോ​പുര ലക്കം ഇങ്ങനെ പ്രസ്‌താ​വി​ച്ചു: “സത്യാ​നേ​ഷി​കൾ എന്ന നിലയിൽ നമ്മോ​ടും നമ്മുടെ പിതാ​വി​ന്റെ വചന​ത്തോ​ടും നാം സത്യസ​ന്ധ​മാ​യി പെരു​മാ​റേ​ണ്ട​താ​വ​ശ്യ​മാണ്‌, അതിനാണ്‌ നമ്മെ യഥാർത്ഥ​ത്തിൽ ജ്ഞാനി​ക​ളാ​ക്കാൻ കഴിയു​ന്നത്‌. അതു​കൊണ്ട്‌, നിശ്വ​സ്‌ത​ര​ല്ലാത്ത മനുഷ്യ​രു​ടെ​യും ദുഷിച്ച വ്യവസ്ഥി​തി​ക​ളു​ടെ​യും പാരമ്പ​ര്യ​ങ്ങ​ളെ​യും വിശ്വാ​സ​പ്ര​മാ​ണ​ങ്ങ​ളെ​യും അവഗണി​ച്ചു​കൊണ്ട്‌ നമ്മുടെ കർത്താ​വിൽനി​ന്നും അപ്പോ​സ്‌ത​ലൻമാ​രിൽനി​ന്നും ലഭിച്ച സാരവ​ത്തായ വചനങ്ങ​ളു​ടെ രൂപത്തെ നമുക്ക്‌ മുറുകെ പിടി​ക്കാം.” അവർ യഥാർത്ഥ​ത്തിൽ സത്യത്തെ സ്‌നേ​ഹി​ക്കു​ക​യും ഇഷ്ടപ്പെട്ട ഏതാനും ചില വാക്യ​ങ്ങൾക്കു​മാ​ത്രമല്ല, പിന്നെ​യോ മുഴു ദൈവ​വ​ച​ന​ത്തി​നും ശ്രദ്ധ​കൊ​ടു​ക്കു​ക​യും ചെയ്‌ത​തു​കൊണ്ട്‌ യഹോവ അവർക്ക്‌ ഉൾക്കാഴ്‌ച നൽകി. അത്‌ അവരെ തെററാത്ത വിധം ക്രൈ​സ്‌ത​വ​ലോ​ക​ത്തിൽനി​ന്നു വേർതി​രി​ച്ചു.—2 തിമൊ​ഥെ​യോസ്‌ 3:16, 17; പുതി​യ​ലോ​ക​ഭാ​ഷാ​ന്തരം റഫറൻസ ബൈബിൾ, പേജ്‌ 1580, സെക്‌ഷൻ 6ബി. കാണുക.

ദൈവ​നാ​മ​ത്തി​ന്റെ ഉചിത​മായ സ്ഥാനം

5. ദൈവ​ത്തി​ന്റെ വ്യക്തി​പ​ര​മായ നാമം ബൈബിൾ വിവർത്ത​ന​ങ്ങ​ളിൽനിന്ന്‌ വിട്ടു​ക​ള​യു​ന്ന​തു​സം​ബ​ന്ധിച്ച പ്രവണ​തക്കു പിമ്പിൽ എന്താണു​ണ്ടാ​യി​രു​ന്നി​ട്ടു​ള്ളത്‌? (വെളി​പ്പാട്‌ 22:18, 19)

⁵ രണ്ടാമത്തെ ഒരു ദൃഷ്ടാന്തം പരിചി​ന്തി​ക്കുക: ഒട്ടേറെ ബൈബിൾ ഭാഷാ​ന്ത​രങ്ങൾ ദൈവ​ത്തി​ന്റെ വ്യക്തി​പ​ര​മായ നാമത്തെ മറയ്‌ക്കു​ക​യോ പൂർണ്ണ​മാ​യും വിട്ടു​ക​ള​യു​ക​യോ ചെയ്‌ത​പ്പോൾ വാച്ച്‌റ​റവർ സൊ​സൈ​ററി ആ നാമത്തി​ന്റെ പ്രാധാ​ന്യ​ത്തിന്‌ പൂർവാ​ധി​കം ഊന്നൽ കൊടു​ത്തു. യഹോവ എന്ന നാമത്തി​ന്റെ നീക്കൽ സുവി​ശേ​ഷത്തെ കൂടുതൽ സാർവ​ലൗ​കി​ക​മാ​യി ആകർഷ​ക​മാ​ക്കു​മെന്ന്‌ ക്രൈ​സ്‌ത​വ​ലോ​കം വാദിച്ചു. എന്നാൽ വിശുദ്ധ തിരു​വെ​ഴു​ത്തു​ക​ളിൽനിന്ന്‌ എല്ലാറ​റി​ലും​വെച്ച്‌ ഏററം പ്രധാ​ന​പ്പെട്ട നാമത്തെ നീക്കം​ചെ​യ്യാ​നുള്ള പദ്ധതി​യു​ടെ പിമ്പിൽ ആരാണു​ള്ള​തെന്ന്‌ യഹോ​വ​യു​ടെ അഭിഷി​ക്ത​ദാ​സൻമാർ തിരി​ച്ച​റി​ഞ്ഞു. (യിരെ​മ്യാവ്‌ 23:27 താരത​മ്യ​പ്പെ​ടു​ത്തുക.) സത്യ​ദൈ​വ​ത്തി​ന്റെ നാമത്തെ മനുഷ്യ​സ്‌മ​ര​ണ​യിൽനിന്ന്‌ മായി​ച്ചു​ക​ള​യാൻ പിശാ​ചാണ്‌ ഇതിനു പ്രേര​ണ​കൊ​ടു​ത്ത​തെന്ന്‌ ദൈവ​ജനം തിരി​ച്ച​റി​ഞ്ഞു.

6. ക്രൈ​സ്‌ത​വ​ലോ​ക​ത്തി​ന്റെ പ്രവർത്ത​ന​ഗ​തി​ക്കു വിരു​ദ്ധ​മാ​യി, ദൈവ​നാ​മത്തെ മഹിമ​പ്പെ​ടു​ത്താൻ അവന്റെ യഥാർത്ഥ ദാസൻമാർ എന്തു ചെയ്‌തു? (പ്രവൃ​ത്തി​കൾ 15:14)

⁶ വീക്ഷാ​ഗോ​പു​രം അതിന്റെ പ്രസി​ദ്ധീ​ക​ര​ണ​ത്തി​ന്റെ ആദ്യവർഷം (1879) മുതൽതന്നെ ക്രൈ​സ്‌ത​വ​ലോ​കം പിന്തു​ട​രുന്ന ഗതിക്കു വിരു​ദ്ധ​മാ​യി യഹോവ എന്ന ദിവ്യ​നാ​മ​ത്തി​നു പ്രാമു​ഖ്യത കൊടു​ത്തു. ഈ മാസിക 1926-ൽ “യഹോ​വയെ ആർ ബഹുമാ​നി​ക്കും?” എന്ന ലേഖനം വിശേ​ഷ​വൽക്ക​രി​ച്ചു. (സങ്കീർത്തനം 135:21) വാച്ച്‌റ​റവർ സൊ​സൈ​റ​റി​യോ​ടു ബന്ധപ്പെ​ട്ടി​രുന്ന ബൈബിൾവി​ദ്യാർത്ഥി​കൾ 1931-ൽ യഹോ​വ​യു​ടെ സാക്ഷികൾ എന്ന പേർ സ്വീക​രി​ച്ചു. (യെശയ്യാവ്‌ 43:10-12) അവർ യഹോ​വ​യു​ടെ നാമവി​ശു​ദ്ധീ​ക​ര​ണ​ത്തി​ന്റെ വലിയ പ്രാധാ​ന്യം കുറേ​ക്കൂ​ടെ പൂർണ്ണ​മാ​യി മനസ്സി​ലാ​ക്കാ​നും ഇടയായി. (യെശ. 12:4, 5) 1944-ൽ അവർ ബൈബി​ളി​ന്റെ അമേരി​ക്കൻ പ്രമാ​ണ​ഭാ​ഷാ​ന്തരം പ്രസി​ദ്ധ​പ്പെ​ടു​ത്താൻ തുടങ്ങി. അതിൽ യഹോ​വ​യെന്ന നാമം 6,800-ൽപരം പ്രാവ​ശ്യം ഉൾപ്പെ​ടു​ത്തു​ന്നു. എന്നിരു​ന്നാ​ലും, ബൈബിൾ പ്രസി​ദ്ധീ​ക​ര​ണ​ത്തോ​ടുള്ള ബന്ധത്തിൽ, ഏററവും മുന്തി​നിൽക്കു​ന്നത്‌ പുതി​യ​ലോ​ക​ഭാ​ഷാ​ന്ത​ര​ത്തി​ന്റെ 1950 മുതലുള്ള ഉല്‌പാ​ദ​ന​മാണ്‌. അത്‌ ദിവ്യ​നാ​മ​ത്തിന്‌ എബ്രായ തിരു​വെ​ഴു​ത്തു​ക​ളി​ലും ക്രിസ്‌തീയ ഗ്രീക്ക്‌തി​രു​വെ​ഴു​ത്തു​ക​ളി​ലും അതിന്റെ ഉചിത​മായ സ്ഥാനം കൊടു​ക്കു​ന്നു.

7. ദൈവ​നാ​മ​ത്തി​നും അതി​നോ​ടു ബന്ധപ്പെട്ട സകലത്തി​നും കൊടു​ക്ക​പ്പെ​ട്ടി​രി​ക്കുന്ന ദൃഢത അനേകരെ പ്രയോ​ജ​ന​ക​ര​മാ​യി ബാധി​ച്ചി​രി​ക്കു​ന്ന​തെ​ങ്ങനെ?

⁷ ദൈവ​ത്തി​ന്റെ വ്യക്തി​പ​ര​മായ നാമത്തി​നു കൊടു​ക്ക​പ്പെ​ട്ടി​രി​ക്കുന്ന ഊന്നൽ ഗോള​ത്തി​നു ചുററു​മുള്ള ദശലക്ഷ​ക്ക​ണ​ക്കി​നു നീതി​പ്രേ​മി​കൾക്ക്‌ ഒരു ആമോ​ദ​മാ​യി​രു​ന്നി​ട്ടുണ്ട്‌. അത്‌ സത്യ​ദൈ​വത്തെ ഒരു യഥാർത്ഥ ആളായി മനസ്സി​ലാ​ക്കാൻ അവരെ സഹായി​ച്ചി​രി​ക്കു​ന്നു. അവർ അവന്റെ വഴികളെ അറിയാ​നി​ട​യാ​യ​പ്പോൾ, ബുദ്ധി​പൂർവം അഥവാ ഉൾക്കാ​ഴ്‌ച​യോ​ടെ വർത്തി​ക്കാൻ അവർക്കു കഴിഞ്ഞി​ട്ടുണ്ട്‌.—മീഖാ 4:2, 5.

മനുഷ്യ​ദേഹി അമർത്യ​മാ​ണോ?

8. യഹോ​വ​യു​ടെ സാക്ഷികൾ തങ്ങളുടെ ആധുനി​ക​ച​രി​ത്ര​ത്തി​ന്റെ പ്രാരം​ഭ​കാ​ലത്ത്‌ ദേഹി​യെ​യും മരിച്ച​വ​രു​ടെ അവസ്ഥ​യെ​യും സംബന്ധിച്ച്‌ എന്തു പഠിച്ചു?

⁸ ഇനി മൂന്നാ​മ​തൊ​രു ദൃഷ്ടാന്തം: യഹോ​വ​യു​ടെ ദാസൻമാ​രു​ടെ ആധുനി​ക​നാ​ളി​ലെ ചരി​ത്ര​ത്തി​ന്റെ ഒരു പ്രാരം​ഭ​ഘ​ട്ട​ത്തിൽ ദൈവ​വ​ച​ന​ത്തോ​ടുള്ള സ്‌നേഹം പ്രധാ​ന​പ്പെട്ട മററു സത്യങ്ങൾ സംബന്ധിച്ച്‌ അവരുടെ കണ്ണു തുറന്നു. ഒരു നൂററാ​ണ്ടിൽപരം മുമ്പ്‌, ദേഹി മനുഷ്യ​രു​ടെ ഉള്ളിൽ വസിക്കുന്ന, ബുദ്ധി​ശ​ക്തി​യു​ള്ള​തും വേർപെ​ടു​ത്താ​വു​ന്ന​തു​മായ ഏതെങ്കി​ലും ആത്മാവല്ല, പിന്നെ​യൊ അത്‌ വ്യക്തി​ത​ന്നെ​യാണ്‌ എന്ന്‌ “വിശ്വ​സ്‌ത​നും വിവേ​കി​യു​മായ അടിമ” ശരിയാ​യി​ത്തന്നെ മനസ്സി​ലാ​ക്കി. (മത്തായി 24:45-47) 1880-ൽ വീക്ഷാ​ഗോ​പു​രം ബൈബി​ളിൽ ഷീയോൾ എന്നും ഹേഡീസ്‌ എന്നും ലിപ്യ​ന്ത​രം​ചെ​യ്‌തി​രി​ക്കുന്ന മൂലഭാ​ഷാ​പ​ദ​ങ്ങളെ വിശക​ലനം ചെയ്യു​ക​യും അവ ശവക്കു​ഴി​യെ അർത്ഥമാ​ക്കു​ന്നു​വെന്ന്‌ നിഗമ​നം​ചെ​യ്യു​ക​യും​ചെ​യ്‌തു. ഗീഹെ​ന്നാ​യിൽ ഇടപ്പെ​ടുന്ന ആളുകൾ ദണ്ഡിപ്പി​ക്ക​പ്പെ​ടു​ന്നില്ല, പിന്നെ​യോ നശിപ്പി​ക്ക​പ്പെ​ടു​ക​യാ​ണെ​ന്നും അതു ചൂണ്ടി​ക്കാ​ട്ടി.—പുതി​യ​ലോ​ക​ഭാ​ഷാ​ന്തരം റഫറൻസ ബൈബി​ളി​ന്റെ 1573-5 വരെ പേജു​ക​ളും കാണുക.

9. വീക്ഷാ​ഗോ​പു​രം 1894-ൽ മനുഷ്യ​ദേ​ഹി​കൾ സഹജമാ​യി അമർത്യ​മാ​ണെ​ന്നുള്ള ഉപദേ​ശ​ത്തി​ന്റെ ഉത്ഭവം സംബന്ധിച്ച്‌ എന്തു പറഞ്ഞു?

⁹ വീക്ഷാ​ഗോ​പു​രം 1894-ൽ ഈ ചോദ്യം ഉന്നയിച്ചു: “അപ്പോൾ സകല മനുഷ്യ​ജീ​വി​കൾക്കും നൈസർഗ്ഗി​ക​മാ​യി, സഹജമാ​യി, അമർത്യ​ത​യു​ണ്ടെ​ന്നുള്ള പ്രചാ​ര​മുള്ള ഉപദേശം എവി​ടെ​നി​ന്നു വന്നു?” ഉൾക്കാ​ഴ്‌ച​യോ​ടെ അത്‌ ഇങ്ങനെ ഉത്തരം​പ​റഞ്ഞു: “ചരി​ത്ര​ത്തി​ന്റെ ഏടുകൾ പരി​ശോ​ധി​ക്കു​മ്പോൾ, മാനു​ഷി​കാ​മർത്യ​ത​യു​ടെ ഉപദേശം ദൈവ​ത്തി​ന്റെ നിശ്വ​സ്‌ത​സാ​ക്ഷി​ക​ളാൽ പഠിപ്പി​ക്ക​പ്പെ​ടു​ന്നി​ല്ലെ​ങ്കി​ലും അത്‌ സകല പുറജാ​തി​മ​ത​ങ്ങ​ളു​ടെ​യും സാരാം​ശം തന്നെയാ​ണെന്ന്‌ നാം കണ്ടെത്തു​ന്നു. . . . അതു​കൊണ്ട്‌, സോ​ക്ര​ട്ടീ​സും പ്ലേറേ​റാ​യു​മാണ്‌ ഈ ഉപദേശം ആദ്യം പഠിപ്പി​ച്ച​തെ​ന്നു​ള്ളതു സത്യമല്ല: അവരെ​ക്കാൾ മുമ്പു​തന്നെ അതു പഠിപ്പിച്ച ഒരാളു​ണ്ടാ​യി​രു​ന്നു, അവരെ​ക്കാൾ പ്രാപ്‌ത​നായ ഒരാൾതന്നെ. എന്നിരു​ന്നാ​ലും അവർ ആ ഉപദേ​ശത്തെ മിനു​ക്കി​യെ​ടു​ത്തു . . . അതിൽനിന്ന്‌ ഒരു തത്വശാ​സ്‌ത്രം ഉളവാ​ക്കു​ക​യും അങ്ങനെ അവരുടെ കാലത്തും അതിനു​ശേ​ഷ​വു​മുള്ള പരിഷ്‌കൃ​ത​വർഗ്ഗ​ത്തിന്‌ കൂടുതൽ വശ്യവും സ്വീകാ​ര്യ​വു​മാ​ക്കി​ത്തീർക്കു​ക​യും​ചെ​യ്‌തു. ഈ വ്യാ​ജോ​പ​ദേ​ശ​ത്തി​ന്റെ ആദ്യരേഖ മനുഷ്യന്‌ അറിവുള്ള ഏററവും പഴക്കമുള്ള ചരി​ത്ര​ത്തിൽ—ബൈബി​ളിൽ—കാണ​പ്പെ​ടു​ന്നു. വ്യാ​ജോ​പ​ദേ​ശകൻ സാത്താ​നാ​യി​രു​ന്നു.”a

10. ദേഹി​യെ​യും മരിച്ച​വ​രു​ടെ അവസ്ഥ​യെ​യും സംബന്ധിച്ച മതപര​മായ ഭോഷ്‌കു​ക​ളിൽനിന്ന്‌ ഏതു ദുഷ്‌ഫ​ലങ്ങൾ ഉണ്ടായി​രി​ക്കു​ന്നു, യുക്തി​ബോ​ധ​മുള്ള ആളുകളെ സഹായി​ക്കാൻ എന്തു ചെയ്യ​പ്പെട്ടു?

¹⁰ സകല മനുഷ്യർക്കും ഒരു അമർത്യ​ദേഹി ഉണ്ടെന്നും ദുഷ്ടൻമാർ ഒരു നരകാ​ഗ്നി​യിൽ എന്നേക്കും ദണ്ഡിപ്പി​ക്ക​പ്പെ​ടു​മെ​ന്നു​മുള്ള വ്യാജം പ്രചരി​പ്പി​ച്ച​തി​നാൽ സാത്താൻ ദൈവ​നാ​മത്തെ തെററി​ദ്ധ​രി​പ്പി​ക്കു​ക​യും ദുഷി​ക്കു​ക​യും ചെയ്‌തി​രി​ക്കു​ന്നു. വീക്ഷാ​ഗോ​പു​ര​ത്തി​ന്റെ ആദ്യത്തെ പത്രാ​ധി​പ​രാ​യി​രുന്ന സി.ററി റസ്സൽ അതു തിരി​ച്ച​റി​ഞ്ഞു. ബുദ്ധി​ശാ​ലി​ക​ളായ ആളുകൾ നിത്യ​ദ​ണ്ഡ​ന​ത്തി​ന്റെ ഉപദേ​ശത്തെ ത്യജി​ക്കു​ന്ന​താ​യും എന്നാൽ സങ്കടക​ര​മാ​യി ബൈബി​ളി​നെ​യും​കൂ​ടെ ത്യജി​ക്കു​ന്ന​താ​യും അദ്ദേഹം കണ്ടു. കാരണം ആ യുക്തി​ര​ഹി​ത​മായ ഉപദേ​ശ​ത്തി​ന്റെ ഉറവ്‌ അതാ​ണെന്ന്‌ അവർ വിചാ​രി​ച്ചു. റസ്സൽസ​ഹോ​ദരൻ പ്രസ്‌താ​വിച്ച പ്രകാരം, യുക്തി​ബോ​ധ​മുള്ള മനുഷ്യ​രു​ടെ മനസ്സു​ക​ളിൽനിന്ന്‌ അന്ധകാ​ര​യു​ഗ​ങ്ങ​ളി​ലെ പുക നീക്കം ചെയ്യു​ന്ന​തിന്‌ അദ്ദേഹം “നരകത്തി​ലേ​ക്കും തിരി​ച്ചും! അവിടെ ആരാണു​ള്ളത്‌” എന്ന ശ്രദ്ധേ​യ​മായ പരസ്യ​പ്ര​സം​ഗം​ചെ​യ്‌തു.

11. (എ) ആത്മവിദ്യ മുൻപ​ന്തി​യി​ലേക്കു വന്നു​കൊ​ണ്ടി​രു​ന്ന​പ്പോൾ ‘വിശ്വസ്‌ത അടിമ’വർഗ്ഗം ഏതു മുന്നറി​യി​പ്പു മുഴക്കി? (ബി) ഈ മുന്നറി​യി​പ്പിൽനിന്ന്‌ ആർക്കു പ്രയോ​ജനം കിട്ടി​യി​രി​ക്കു​ന്നു, എങ്ങനെ?

¹¹ അത്‌ ആത്മവിദ്യ മുൻപ​ന്തി​യി​ലേക്കു വന്നു​കൊ​ണ്ടി​രുന്ന ഒരു യുഗമാ​യി​രു​ന്നു. എന്നാൽ തന്റെ വചനം മുഖാ​ന്തരം യഹോ​വ​യാം ദൈവം സാദ്ധ്യ​മാ​ക്കിയ ഉൾക്കാഴ്‌ച ആളുകൾ ആശയവി​നി​മ​യം​ചെ​യ്‌തു​കൊ​ണ്ടി​രുന്ന പരേതാ​ത്മാ​ക്കൾ എന്നു സങ്കൽപ്പി​ക്ക​പ്പെ​ട്ടി​രു​ന്നവർ ഭൂതങ്ങ​ളാ​ണെന്ന്‌ ‘വിശ്വസ്‌ത അടിമ’വർഗ്ഗം തിരി​ച്ച​റി​ഞ്ഞു. ആത്മാചാര നടപടി​ക​ളിൽ ഇടപെ​ടു​ന്ന​തി​ന്റെ അപകട​ത്തെ​ക്കു​റിച്ച്‌ പരമാർത്ഥ​ഹൃ​ദ​യി​ക​ളു​ടെ കണ്ണു തുറക്കു​ന്ന​തിന്‌ പൊതു പ്രസം​ഗ​ങ്ങ​ളി​ലും ലിഖി​ത​രൂ​പ​ത്തി​ലും ശക്തിമ​ത്തായ വാദങ്ങൾ സമർപ്പി​ക്ക​പ്പെട്ടു. (ആവർത്തനം 18:10-12; യെശയ്യാവ്‌ 8:19) യഹോവ തന്റെ ദാസൻമാർക്കു നൽകി​യി​ട്ടുള്ള ഈ ഉൾക്കാ​ഴ്‌ച​യു​ടെ ഫലമായി ഗോള​ത്തി​നു ചുററും അനേകാ​യി​ര​ക്ക​ണ​ക്കി​നാ​ളു​കൾ മരിച്ച​വ​രെ​യുള്ള ഭയത്തിൽനി​ന്നും ആത്‌മാ​ചാ​ര​ന​ട​പ​ടി​ക​ളിൽനി​ന്നും ആത്‌മാ​ചാ​ര​ത്തോ​ടു ബന്ധപ്പെട്ട അധഃപ​തി​പ്പി​ക്കുന്ന ആചാര​ങ്ങ​ളിൽനി​ന്നും വിമോ​ചി​ത​രാ​ക്ക​പ്പെ​ട്ടി​രി​ക്കു​ന്നു.

ഒരു പ്രക്ഷു​ബ്ധ​ലോ​ക​ത്തി​ലെ ക്രിസ്‌തീയ നടത്ത

12, 13. (എ) ദാനി​യേൽ 11:32, 33 വിശദീ​ക​രി​ക്കുക. (ബി) “ഉൾക്കാ​ഴ്‌ച​യു​ള്ള​വ​രാൽ” പ്രദാ​നം​ചെ​യ്യ​പ്പെട്ട ഗ്രാഹ്യ​ത്തി​ന​ടി​സ്ഥാ​ന​മാ​യി​രുന്ന ചില അടിസ്ഥാന ബൈബിൾസ​ത്യ​ങ്ങ​ളേവ?

¹² ദൈവ​ദാ​സൻമാർ നാലാ​മ​തൊ​രു സംഗതി​യോ​ടുള്ള ബന്ധത്തി​ലും ഉൾക്കാഴ്‌ച പ്രകട​മാ​ക്കു​മെന്ന്‌ പ്രവാ​ച​ക​നായ ദാനി​യേൽ സൂചി​പ്പി​ച്ചു—നിഷ്‌പക്ഷത എന്ന മർമ്മ​പ്ര​ധാ​ന​മായ വിവാ​ദ​വി​ഷ​യം​സം​ബ​ന്ധി​ച്ചു​തന്നെ. ലോക​ത്തി​ലെ പ്രമുഖ രാഷ്‌ട്രീ​യ​ഘ​ട​കങ്ങൾ തമ്മിലുള്ള പോരാ​ട്ടത്തെ സവിസ്‌തരം വർണ്ണിച്ച ശേഷം ദാനി​യേൽ 11:32, 33 ഇങ്ങനെ പറയുന്നു: “ഉടമ്പടി​ക്കെ​തി​രാ​യി ദുഷ്ടമാ​യി പ്രവർത്തി​ക്കു​ന്ന​വരെ അവൻ ചക്കരവാ​ക്കു​കൾകൊണ്ട്‌ വിശ്വാ​സ​ത്യാ​ഗ​ത്തി​ലേക്കു നയിക്കും.” അതായത്‌, വടക്കിന്റെ സർവാ​ധി​പ​ത്യ​രാ​ജാവ്‌ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വ​രെ​ങ്കി​ലും ലോകത്തെ സ്‌നേ​ഹി​ക്കു​ന്ന​വ​രും അതിന്റെ അംഗീ​കാ​രം ആഗ്രഹി​ക്കു​ന്ന​വ​രു​മാ​യ​വരെ വിശ്വാ​സ​ത്യാ​ഗ​ത്തി​ലേക്കു നയിക്കു​ന്നു, തന്നിമി​ത്തം സർവഭൂ​മി​യി​ലും യേശു​ക്രി​സ്‌തു രാജാ​വാ​യി​രി​ക്കുന്ന ഒരു രാജ്യ​ത്തി​നു​വേ​ണ്ടി​യുള്ള ഉടമ്പടി​യോ​ടു പുച്ഛ​ത്തോ​ടെ പെരു​മാ​റു​ന്നു. “എന്നാൽ”, ദാനി​യേൽ തുടരു​ന്നു, “തങ്ങളുടെ ദൈവത്തെ അറിയുന്ന ജനത്തെ സംബന്ധി​ച്ചി​ട​ത്തോ​ളം അവർ വിജയി​ക്കു​ക​യും ഫലകര​മാ​യി പ്രവർത്തി​ക്കു​ക​യും ചെയ്യും. ജനത്തിന്റെ ഇടയിൽ ഉൾക്കാ​ഴ്‌ച​യു​ള്ള​വരെ സംബന്ധി​ച്ചാ​ണെ​ങ്കിൽ, അവർ അനേകർക്ക്‌ ഗ്രാഹ്യം നൽകും.”

¹³ മിക്ക​പ്പോ​ഴും നമ്മെ ചുററി​യുള്ള പ്രക്ഷു​ബ്ധാ​വ​സ്ഥ​ക​ളോട്‌ ഇടപെ​ടാ​നാ​വ​ശ്യ​മാ​യി​രി​ക്കുന്ന ഉൾക്കാഴ്‌ച അടിസ്ഥാന ബൈബിൾസ​ത്യ​ങ്ങ​ളോ​ടുള്ള വിലമ​തി​പ്പി​ലാണ്‌ അടിസ്ഥാ​ന​പ്പെ​ട്ടി​രി​ക്കു​ന്നത്‌. യഹോ​വ​യു​ടെ മാർഗ്ഗ​നിർദ്ദേ​ശ​ത്താൽ ‘വിശ്വസ്‌ത അടിമ’ വർഗ്ഗം ഈ സത്യങ്ങൾ തിരി​ച്ച​റി​ഞ്ഞി​രി​ക്കു​ന്നു. അവയിൽ ഒന്ന്‌, യേശു സൂചി​പ്പി​ച്ച​തു​പോ​ലെ, ഈ ലോക​ത്തി​ന്റെ അദൃശ്യ ഭരണാ​ധി​കാ​രി പിശാ​ചായ സാത്താ​നാ​ണെ​ന്നു​ള്ള​താണ്‌. (ലൂക്കോസ്‌ 4:5-8; യോഹ​ന്നാൻ 12:31) ഈ സത്യത്തി​നു ചേർച്ച​യാ​യി, ഏതെങ്കി​ലു​മൊ​രു ഘടകമല്ല, പിന്നെ​യോ “[സത്യ​ക്രി​സ്‌തീ​യ​സ​ഭക്കു പുറത്തുള്ള] മുഴു ലോക​വും ദുഷ്ടനാ​യ​വന്റെ അധികാ​ര​ത്തിൽ കിടക്കു​ന്നു”വെന്ന്‌ 1 യോഹ​ന്നാൻ 5:19 കൂട്ടി​ച്ചേർക്കു​ന്നു. (വെളി​പ്പാട്‌ 12:9) തന്റെ അനുഗാ​മി​കൾ “ലോക​ത്തി​ന്റെ ഭാഗമല്ലാ”യിരി​ക്കു​മെന്ന്‌ യേശു പറഞ്ഞതു​കൊണ്ട്‌ ഇത്‌ അവരുടെ ഭാഗത്ത്‌ ക്രിസ്‌തീയ നിഷ്‌പക്ഷത ആവശ്യ​മാ​ക്കി​ത്തീർക്കു​ന്നു.—യോഹ​ന്നാൻ 17:16.

14. (എ) യഹോ​വ​യു​ടെ ദാസൻമാ​രു​ടെ ശ്രദ്ധ 1939-ലും 1941-ലും ഏതു കാലോ​ചിത കാര്യ​ങ്ങ​ളി​ലേക്കു തിരി​ച്ചു​വി​ട​പ്പെട്ടു? (ബി) അങ്ങനെ​യുള്ള ഉൾക്കാഴ്‌ച ജ്ഞാനപൂർവം പ്രവർത്തി​ക്കാൻ യഹോ​വ​യു​ടെ സാക്ഷി​കളെ സഹായി​ച്ചി​രി​ക്കു​ന്ന​തെ​ങ്ങനെ?

¹⁴ രണ്ടാം ലോക​മ​ഹാ​യു​ദ്ധ​ത്തി​ന്റെ മേഘങ്ങൾ യൂറോ​പ്പിൽ ഇരുണ്ട​തോ​ടെ, 1939 നവംബർ 1-ലെ വീക്ഷാ​ഗോ​പു​ര​ത്തിൽ ക്രിസ്‌തീ​യ​നി​ഷ്‌പ​ക്ഷ​ത​യു​ടെ വിവാ​ദ​വി​ഷയം ദീപ്‌തി​മ​ത്താ​ക്ക​പ്പെ​ട്ടത്‌ സമയോ​ചി​ത​മാ​യി​രു​ന്നു. ഈ സംഗതി​യോ​ടു ബന്ധപ്പെ​ട്ട​താണ്‌ മറെറാ​രു മൗലി​ക​സ​ത്യം—സാർവ​ത്രി​ക​പ​ര​മാ​ധി​കാ​ര​മാ​കുന്ന വിവാ​ദ​വി​ഷ​യ​ത്തി​ന്റെ പ്രാധാ​ന്യ​വും ഈ വിവാ​ദ​വി​ഷ​യ​ത്തി​നു പരിഹാ​രം വരുത്തു​ന്ന​തിൽ മശി​ഹൈ​ക​രാ​ജ്യ​ത്തി​ന്റെ പങ്കും. ഉചിത​മാ​യി, ഈ വിവാ​ദ​വി​ഷയം യു. എസ്‌. എ. യിലെ സെൻറ്‌ ലൂയിസ്‌, മിസൗ​റി​യിൽ 1941-ൽ നടന്ന യഹോ​വ​യു​ടെ സാക്ഷി​ക​ളു​ടെ ഒരു കൺ​വെൻ​ഷ​നി​ലെ ഒരു പ്രസം​ഗ​ത്തി​ലും അടുത്ത വർഷം പുതി​യ​ലോ​കം എന്ന പുസ്‌ത​ക​ത്തി​ലും വിശേ​ഷ​വൽക്ക​രി​ക്ക​പ്പെട്ടു. ഈ വിഭജിത, യുദ്ധബാ​ധിത ലോക​ത്തിൽ അങ്ങനെ​യുള്ള ദൈവി​ക​മായ ഉൾക്കാഴ്‌ച യഹോ​വ​യു​ടെ ദാസൻമാർക്ക്‌ എന്തോരു സംരക്ഷ​ണ​മാണ്‌ നൽകി​യി​രി​ക്കു​ന്നത്‌! ക്രൈ​സ്‌ത​വ​ലോ​ക​ത്തി​ലെ മതവ്യ​വ​സ്ഥി​തി​കൾ ഗവൺമെൻറു​കളെ മറിച്ചി​ടാൻ സാർവ​ദേ​ശീ​യ​പോ​രാ​ട്ട​ത്തി​ലും ഗറില്ലാ പ്രസ്ഥാ​ന​ങ്ങ​ളി​ലും കുടു​ങ്ങാൻ തങ്ങളേ​ത്തന്നെ അനുവ​ദി​ച്ച​തു​നി​മി​ത്തം ശിഥി​ല​മാ​യി​രി​ക്കു​ന്നു​വെ​ങ്കി​ലും, എല്ലാ രാജ്യ​ങ്ങ​ളി​ലു​മുള്ള യഹോ​വ​യു​ടെ സാക്ഷികൾ മനുഷ്യ​വർഗ്ഗ​ത്തി​ന്റെ ഏക പ്രത്യാ​ശ​യെന്ന നിലയിൽ ദൈവ​രാ​ജ്യ​ത്തെ പ്രസി​ദ്ധ​മാ​ക്കു​ന്ന​തിന്‌ തങ്ങളേ​ത്തന്നെ അർപ്പി​ക്കു​ന്ന​തിൽ ഒററ​ക്കെ​ട്ടാ​യി തുടർന്നി​രി​ക്കു​ന്നു. “രാജ്യ​ത്തി​ന്റെ ഈ സുവാർത്ത സകല ജനതകൾക്കും സാക്ഷ്യ​മാ​യി നിവസി​ത​ഭൂ​മി​യി​ലെ​ല്ലാം പ്രസം​ഗി​ക്ക​പ്പെ​ടും; അപ്പോൾ അവസാനം വരും” എന്ന്‌ യേശു മുൻകൂ​ട്ടി​പ്പറഞ്ഞ ജീവര​ക്താ​ക​ര​മായ വേലയിൽ അവർ തിര​ക്കോ​ടെ ഏർപ്പെ​ട്ടി​രി​ക്കു​ന്നു.—മത്തായി 24:14.

ബൈബിൾപ്ര​വ​ച​ന​ങ്ങ​ളു​ടെ നിവൃത്തി

15. യഹോ​വ​യു​ടെ ദാസൻമാർക്ക്‌ ഉൾക്കാ​ഴ്‌ച​യു​ണ്ടാ​യി​രു​ന്നി​ട്ടു​ള്ള​തെ​ന്തു​കൊണ്ട്‌?

¹⁵ യഹോ​വ​യു​ടെ ദാസൻമാർക്ക്‌ അങ്ങനെ​യുള്ള ഉൾക്കാഴ്‌ച ഉണ്ടായി​ട്ടു​ള്ളത്‌ എന്തു​കൊ​ണ്ടാണ്‌? എന്തു​കൊ​ണ്ടെ​ന്നാൽ അവർക്ക്‌ ലിഖിത ദൈവ​വ​ച​ന​ത്തിൽ പൂർണ്ണ വിശ്വാ​സ​മുണ്ട്‌. അവർ അത്‌ അനുസ​രി​ക്കു​ന്നു. യഹോ​വ​യു​ടെ ആത്മാവ്‌ അവരു​ടെ​മേ​ലുണ്ട്‌. ഇത്‌ മർമ്മ​പ്ര​ധാ​ന​മായ ബൈബിൾ പ്രവച​നങ്ങൾ മനസ്സി​ലാ​ക്കാ​നും അവരെ പ്രാപ്‌ത​രാ​ക്കി​യി​രി​ക്കു​ന്നു. ഇതാണ്‌ നാം പരിചി​ന്തി​ക്കാൻ പോകുന്ന അഞ്ചാമത്തെ പോയിൻറ്‌.

16, 17. (എ) യഹോ​വ​യു​ടെ സാക്ഷികൾ ഉപയോ​ഗി​ക്കുന്ന തീയതി​കൾ ചില​പ്പോൾ ലൗകി​ക​ച​രി​ത്ര​കാ​രൻമാർ നൽകു​ന്ന​വ​യിൽനിന്ന്‌ വ്യത്യ​സ്‌ത​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) അർത്ഥഹ്‌ശ​ഷ്ടാ​വി​ന്റെ 20-ാം വർഷവും ബാബി​ലോ​ന്യ​രാ​ലുള്ള യരൂശ​ലേ​മി​ന്റെ നാശത്തി​ന്റെ സമയവും കുറി​ക്കു​ന്ന​തു​സം​ബ​ന്ധിച്ച്‌ ബൈബി​ളി​ലുള്ള തങ്ങളുടെ വിശ്വാ​സം യഹോ​വ​യു​ടെ സാക്ഷി​കൾക്കു പ്രയോ​ജ​നം​ചെ​യ്‌തി​രി​ക്കു​ന്ന​തെ​ങ്ങനെ?

¹⁶ ഭൂഗർഭ​ശാ​സ്‌ത്ര​ജ്ഞൻമാർ കുഴി​ച്ചെ​ടു​ത്തി​ട്ടുള്ള ശിഥി​ല​മാ​യി​പ്പോയ ചില ഇഷ്ടിക​ക​ളിൽ കണ്ടവ സംബന്ധിച്ച തങ്ങളുടെ വ്യാഖ്യാ​ന​ത്തിൽ ആശ്രയി​ച്ചു​കൊണ്ട്‌ ചില ലൗകി​ക​ച​രി​ത്ര​കാ​രൻമാർ അർത്ഥഹ്‌ശ​ഷ്ടാവ്‌ ലോം​ഗി​മാ​ന​സി​ന്റെ രാജത്വ​ത്തി​ന്റെ ഒന്നാമാണ്ട്‌ ക്രി. മു. 464 ആണെന്നും നെബു​ഖ​ദ്‌നേസർ രണ്ടാമന്റെ രാജത്വ​ത്തി​ന്റെ ഒന്നാമാണ്ട്‌ ക്രി.മു. 604 ആണെന്നും നിഗമ​നം​ചെ​യ്‌തി​ട്ടുണ്ട്‌. അതു സത്യമാ​ണെ​ങ്കിൽ അർത്ഥഹ്‌ശ​ഷ്ടാ​വി​ന്റെ 20-ാമാണ്ട്‌ ക്രി.മു. 445-ൽ തുടങ്ങും, ബാബി​ലോ​ന്യ​രാ​ലുള്ള യരൂശ​ലേ​മി​ന്റെ ശൂന്യ​മാ​ക്ക​ലി​ന്റെ (നെബു​ഖ​ദ്‌നേ​സ​റി​ന്റെ വാഴ്‌ച​യു​ടെ 18-ാമാണ്ടി​ലേത്‌) തീയതി ക്രി.മു. 587-ൽ തുടങ്ങും. എന്നാൽ പ്രവച​ന​നി​വൃ​ത്തി കണക്കു കൂട്ടു​മ്പോൾ ഒരു ബൈബിൾവി​ദ്യാർത്ഥി ആ തീയതി​കൾ ഉപയോ​ഗി​ക്കു​ന്നു​വെ​ങ്കിൽ അയാൾ കേവലം കുഴഞ്ഞു​പോ​കും.

¹⁷ ബൈബി​ളി​നോ​ടു ബന്ധപ്പെട്ട ഭൂഗർഭ​ശാ​സ്‌ത്ര​ജ്ഞൻമാ​രു​ടെ കണ്ടുപി​ടു​ത്ത​ങ്ങ​ളിൽ യഹോ​വ​യു​ടെ സാക്ഷി​കൾക്ക്‌ താല്‌പ​ര്യ​മു​ണ്ടാ​യി​രു​ന്നി​ട്ടുണ്ട്‌. എന്നിരു​ന്നാ​ലും, ഈ കണ്ടുപി​ടു​ത്ത​ങ്ങ​ളു​ടെ വ്യാഖ്യാ​നം ബൈബി​ളി​ലെ വ്യക്തമായ പ്രസ്‌താ​വ​ന​കൾക്കു വിരു​ദ്ധ​മാ​യി​രി​ക്കു​മ്പോൾ, കാലഗ​ണ​ന​യോ​ടു ബന്ധപ്പെ​ട്ട​താ​ണെ​ങ്കി​ലും മറേറ​തെ​ങ്കി​ലും വിഷയ​ത്തോ​ടു ബന്ധപ്പെ​ട്ട​താ​ണെ​ങ്കി​ലും, നമ്മൾ വിശു​ദ്ധ​തി​രു​വെ​ഴു​ത്തു​കൾക്കു പറയാ​നു​ള്ള​തി​നെ ദൃഢവി​ശ്വാ​സ​ത്തോ​ടെ സ്വീക​രി​ക്കു​ന്നു. തത്‌ഫ​ല​മാ​യി, അർത്ഥഹ്‌ശ​ഷ്ടാ​വി​ന്റെ 20-ാം ആണ്ടിൽ തുടങ്ങിയ പ്രാവ​ച​നിക കാലഘട്ടം ക്രി.മു. 455 മുതൽ എണ്ണേണ്ട​താ​ണെ​ന്നും അങ്ങനെ മശിഹാ​യാ​യുള്ള യേശു​വി​ന്റെ അഭി​ഷേ​ക​ത്തി​നുള്ള സമയമെന്ന നിലയിൽ ക്രി.വ. 29ലെ ശരത്‌ കാലത്തി​ലേക്ക്‌ ദാനി​യേൽ 9:24-27 വിശ്വ​സ​നീ​യ​മാ​യി വിരൽചൂ​ണ്ടി​യെ​ന്നും യഹോ​വ​യു​ടെ ദാസൻമാർ ദീർഘ​നാ​ളാ​യി തിരി​ച്ച​റി​ഞ്ഞി​ട്ടുണ്ട്‌.b അതേ കാരണ​ത്താൽ, “ഏഴു കാലങ്ങളെ”സംബന്ധിച്ച ദാനി​യേൽ 4-ാം അദ്ധ്യാ​യ​ത്തി​ലെ പ്രവചനം ക്രി.മു. 607-606-ൽ എണ്ണിത്തു​ട​ങ്ങി​യെ​ന്നും ഭരിക്കുന്ന രാജാ​വാ​യി ക്രിസ്‌തു സിംഹാ​സ​ന​സ്ഥ​നാ​ക്ക​പ്പെട്ട വർഷമെന്ന നിലയിൽ അത്‌ ക്രി.വ. 1914ന്റെ ശരൽക്കാ​ലത്തെ ചൂണ്ടി​ക്കാ​ട്ടി​യെ​ന്നും ഈ ലോകം അതിന്റെ അന്ത്യകാ​ല​ത്തി​ലേക്കു പ്രവേ​ശി​ച്ചു​വെ​ന്നും അവർ തിരി​ച്ച​റി​ഞ്ഞി​രി​ക്കു​ന്നു.c എന്നാൽ വിശുദ്ധ തിരു​വെ​ഴു​ത്തു​ക​ളു​ടെ നിശ്വ​സ്‌ത​ത​യി​ലുള്ള തങ്ങളുടെ വിശ്വാ​സ​ത്തിൽ അവർ ചഞ്ചലി​ച്ചി​രു​ന്നു​വെ​ങ്കിൽ അവർ ഈ പുളക​പ്ര​ദ​ങ്ങ​ളായ പ്രവച​ന​നി​വൃ​ത്തി​കൾ ഗ്രഹി​ക്കു​മാ​യി​രു​ന്നില്ല. അങ്ങനെ അവർ പ്രകട​മാ​ക്കി​യി​ട്ടുള്ള ഉൾക്കാഴ്‌ച ദൈവ​വ​ച​ന​ത്തി​ലുള്ള അവരുടെ ആശ്രയ​ത്തോ​ടു നേരിട്ടു ബന്ധപ്പെ​ട്ടി​രി​ക്കു​ന്നു.

18. യഹോ​വ​യു​ടെ ദാസൻമാ​രു​ടെ ആത്മീയാ​വസ്ഥ സംബന്ധിച്ച്‌ യെശയ്യാവ്‌ 65:13, 14 എന്തു വാഗ്‌ദാ​നം ചെയ്യുന്നു?

¹⁸ തന്റെ വിശ്വ​സ്‌ത​ദാ​സൻമാ​രു​ടെ ആത്മീയാ​വ​സ്ഥ​യും, പ്രചാ​ര​ത്തി​ലുള്ള ഏതിനും അനുകൂ​ല​മാ​യി തിരു​വെ​ഴു​ത്തു​കളെ തള്ളിക്ക​ള​യുന്ന വ്യക്തി​ക​ളു​ടെ​യും സമൂഹ​ങ്ങ​ളു​ടെ​യും ആത്മീയാ​വ​സ്ഥ​യും തമ്മിലുള്ള വ്യത്യാ​സം കാണി​ച്ചു​കൊണ്ട്‌ യഹോവ പറയുന്നു: “നോക്കൂ! എന്റെ സ്വന്തം ദാസൻമാർ ഭക്ഷിക്കും, എന്നാൽ നിങ്ങൾതന്നെ വിശന്നു​ന​ട​ക്കും. നോക്കൂ! എന്റെ സ്വന്തം ദാസൻമാർ കുടി​ക്കും. എന്നാൽ നിങ്ങൾതന്നെ ദാഹി​ച്ചു​ന​ട​ക്കും. നോക്കൂ! എന്റെ സ്വന്തം ദാസൻമാർ സന്തോ​ഷി​ക്കും, എന്നാൽ നിങ്ങൾതന്നെ ലജ്ജ അനുഭ​വി​ക്കും. നോക്കൂ! എന്റെ സ്വന്തം ദാസൻമാർ ഹൃദയ​ത്തി​ന്റെ നല്ല അവസ്ഥ നിമിത്തം സന്തോ​ഷ​പൂർവം ആർപ്പി​ടും, എന്നാൽ നിങ്ങൾതന്നെ ഹൃദയ​വേ​ദ​ന​നി​മി​ത്തം മുറവി​ളി​ക്കും, ചൈത​ന്യ​ത്തി​ന്റെ വെറും തകർച്ച​നി​മി​ത്തം നിങ്ങൾ ഓളി​യി​ടും.”—യെശയ്യാവ്‌ 65:13, 14.

19. (എ) “വിശ്വ​സ്‌ത​നും വിവേ​കി​യു​മായ അടിമ” മുഖ്യ​മാ​യി ഏതു മുഖാ​ന്ത​ര​ത്താൽ തിരു​വെ​ഴു​ത്തു​ക​ളു​ടെ വിശദീ​ക​ര​ണങ്ങൾ നൽകുന്നു? (ബി) ഏതു തരം പഠനപ​രി​പാ​ടി ആത്മീയാ​ഹാ​ര​ത്തിൽനിന്ന്‌ പൂർണ്ണ​പ്ര​യോ​ജനം കിട്ടാൻ നമ്മെ പ്രാപ്‌ത​രാ​ക്കും?

¹⁹ ഹ്രസ്വ​മായ ഈ ചരി​ത്രാ​വ​ലോ​കനം തെളി​യി​ച്ചി​രി​ക്കു​ന്ന​തു​പോ​ലെ, യഹോ​വ​യു​ടെ “വിശ്വ​സ്‌ത​നും വിവേ​കി​യു​മായ അടിമ” മർമ്മ​പ്ര​ധാ​ന​മായ തിരു​വെ​ഴു​ത്തു​സ​ത്യ​ങ്ങ​ളു​ടെ വിശദീ​ക​ര​ണങ്ങൾ നമുക്കു നൽകി​യി​ട്ടു​ള്ളത്‌ വീക്ഷാ​ഗോ​പു​ര​ത്തി​ന്റെ പംക്തി​ക​ളി​ലൂ​ടെ​യാണ്‌. ആത്മീയാ​ഹാ​രം പകുത്തു​കൊ​ടു​ക്കു​ന്ന​തിന്‌ “അടിമ​വർഗ്ഗം” ഉപയോ​ഗി​ച്ചി​രി​ക്കുന്ന മുഖ്യ ഉപകരണം വീക്ഷാ​ഗോ​പു​ര​മാണ്‌. നിങ്ങൾ അതിൽനിന്ന്‌ പൂർണ്ണ​പ്ര​യോ​ജനം നേടു​ന്നു​ണ്ടോ? നിങ്ങൾ ഓരോ ലക്കവും വായി​ക്കു​ന്നു​ണ്ടോ? നിങ്ങളു​ടെ പഠനപ​രി​പാ​ടി​യിൽ, ഉദ്ധരി​ച്ചി​ട്ടി​ല്ലെ​ങ്കി​ലും സൂചി​പ്പി​ച്ചി​ട്ടുള്ള തിരു​വെ​ഴു​ത്തു​കൾ എടുത്തു​നോ​ക്കു​ന്നത്‌ ഉൾപ്പെ​ടു​ന്നു​വോ? നിങ്ങൾ പഠിച്ചി​ട്ടു​ള്ളവ നിങ്ങളു​ടെ മനോ​ഭാ​വ​ത്തെ​യും നിങ്ങളു​ടെ ആഗ്രഹ​ങ്ങ​ളെ​യും നിങ്ങളു​ടെ അനുദി​ന​പ്ര​വർത്ത​ന​ങ്ങ​ളെ​യും നിങ്ങളു​ടെ ജീവി​ത​ല​ക്ഷ്യ​ങ്ങ​ളെ​യും എങ്ങനെ ബാധി​ക്ക​ണ​മെന്ന്‌ പരിചി​ന്തി​ച്ചു​കൊണ്ട്‌, അതി​നോ​ടുള്ള വിലമ​തി​പ്പു കെട്ടു​പ​ണി​ചെ​യ്‌തു​കൊണ്ട്‌, അതുസം​ബ​ന്ധി​ച്ചു ധ്യാനി​ക്കു​ന്ന​തും നിങ്ങൾ ശീലമാ​ക്കു​ന്നു​ണ്ടോ? നിങ്ങൾ അങ്ങനെ ചെയ്യു​ന്നത്‌ യഹോവ മാത്രം നൽകി​യി​രി​ക്കുന്ന യഥാർത്ഥ​മായ ഉൾക്കാ​ഴ്‌ച​യിൽ അധിഷ്‌ഠി​ത​മായ തീരു​മാ​നങ്ങൾ ചെയ്യു​ന്ന​തിൽ ഒരു വലിയ ഘടകമാ​യി​രി​ക്കാൻ കഴിയും. (w89 3⁄15)

[അടിക്കു​റി​പ്പു​കൾ]

നിങ്ങൾ എന്ത ഓർക്കു​ന്നു?

◻ ദൈവം ഒരു ത്രിത്വ​മാ​ണോ, നിങ്ങൾ അങ്ങനെ ഉത്തരം പറയു​ന്ന​തെ​ന്തു​കൊണ്ട്‌?

◻ ദൈവ​നാ​മം ഉചിത​മാ​യി എവിടെ വരേണ്ട​താണ്‌?

◻ മനുഷ്യ​ദേഹി അമർത്യ​മാ​ണോ?

◻ യഹോവ ഒരു പ്രക്ഷു​ബ്ധ​ലോ​ക​ത്തി​ലെ ക്രിസ്‌തീ​യ​നടത്ത സംബന്ധിച്ച്‌ എന്ത്‌ ഉൾക്കാഴ്‌ച നൽകി​യി​രി​ക്കു​ന്നു?

◻ ബൈബിൾപ്ര​വ​ച​ന​ങ്ങ​ളു​ടെ നിവൃ​ത്തി​സം​ബ​ന്ധിച്ച്‌ യഹോ​വ​യു​ടെ സാക്ഷി​കൾക്ക്‌ എന്ത്‌ ഉൾക്കാഴ്‌ച ലഭിച്ചി​രി​ക്കു​ന്നു?

[8-ാം പേജിലെ ചിത്രം]

“വിശ്വ​സ്‌ത​നും വിവേ​കി​യു​മായ അടിമ വീക്ഷാ​ഗോ​പു​രം മുഖേന തിരു​വെ​ഴു​ത്തു​ക​ളു​ടെ അർത്ഥം സംബന്ധി​ച്ചും നമ്മുടെ നാളിലെ അവയുടെ പ്രയുക്തത സംബന്ധി​ച്ചും ഉൾക്കാഴ്‌ച നൽകുന്നു