ലക്ഷ്യത്തി​ലേക്ക്‌ മുന്നേ​റുക!

ഫിലിപ്പിയരിൽനിന്നുള്ള വിശേ​ഷാ​ശ​യ​ങ്ങൾ

അപ്പോ​സ്‌ത​ല​നായ പൗലോസ്‌ ഫിലി​പ്പി​യി​ലെ ക്രിസ്‌ത്യാ​നി​കൾ നിത്യ​ജീ​വന്റെ സമ്മാന​ത്തി​നാ​യി ലക്ഷ്യത്തി​ലേക്ക്‌ മുന്നേ​റാൻ ആഗ്രഹി​ച്ചു. അതു​കൊണ്ട്‌ അവൻ റോമി​ലെ തന്റെ ആദ്യ തടവു​വാ​സ​കാ​ലത്ത്‌ ക്രി.വ. ഏതാണ്ട്‌ 60ലോ 61ലോ അവർക്കെ​ഴു​തി. അവന്റെ ലേഖനം ഏതാണ്ട്‌ 10 വർഷം മുമ്പ്‌ അവൻ ഫിലി​പ്പി​യിൽ സ്ഥാപി​ച്ചി​രുന്ന ഒരു സഭക്ക്‌ അയക്ക​പ്പെട്ടു. ഫിലിപ്പി മാസി​ഡോ​ണി​ലെ ഫിലിപ്പ്‌ (മഹാനായ അലക്‌സാ​ണ്ട​റി​ന്റെ പിതാവ്‌) സ്ഥാപിച്ച ഒരു നഗരമാ​യി​രു​ന്നു. ക്രി. വ. ഒന്നാം നൂററാ​ണ്ടാ​യ​പ്പോ​ഴേക്ക്‌ അത്‌ ഇപ്പോൾ വടക്കൻ ഗ്രീക്കി​ന്റെ​യും തെക്കൻ യൂഗോ​സ്ലാ​വ്യ​യു​ടെ​യും ഭാഗമാ​യി​രി​ക്കുന്ന “മാസി​ഡോ​ണി​യാ ഡിസ്‌ട്രി​ക്ടി​ലെ മുഖ്യ നഗര”മായി​ത്തീർന്നി​രു​ന്നു.—പ്രവൃ​ത്തി​കൾ 16:11, 12.

ഫിലിപ്പ്യ വിശ്വാ​സി​കൾ ദരി​ദ്ര​രെ​ങ്കി​ലും ഔദാ​ര്യ​മു​ള്ള​വ​രാ​യി​രു​ന്നു. അവർ ഒന്നില​ധി​കം പ്രാവ​ശ്യം പൗലോ​സി​ന്റെ ആവശ്യ​ങ്ങൾക്കു​വേണ്ടി എന്തെങ്കി​ലും അയച്ചു​കൊ​ടു​ത്തി​രു​ന്നു. (ഫിലി. 4:14-17) എന്നാൽ അവന്റെ ലേഖനം ഒരു നന്ദിക്കു​റി​പ്പി​നേ​ക്കാൾ വളരെ കവിഞ്ഞ​താ​യി​രു​ന്നു. അത്‌ പ്രോ​ത്സാ​ഹനം കൊടു​ക്കു​ക​യും സ്‌നേഹം പ്രകട​മാ​ക്കു​ക​യും ബുദ്ധി​യു​പ​ദേശം പ്രദാനം ചെയ്യു​ക​യും ചെയ്‌തു.

ക്രിസ്‌തീയ ഗുണങ്ങൾ പ്രകടം

പൗലോ​സി​ന്റെ ലേഖനം ഫിലിപ്പ്യ വിശ്വാ​സി​ക​ളോ​ടുള്ള തന്റെ സ്‌നേ​ഹ​ത്തി​ന്റെ തെളി​വോ​ടെ ആരംഭി​ച്ചു. (1:1-30) സുവാർത്ത​യു​ടെ വ്യാപ​ന​ത്തി​നാ​യുള്ള അവരുടെ സംഭാ​വ​നക്ക്‌ അവൻ യഹോ​വക്കു നന്ദി​കൊ​ടു​ക്കു​ക​യും അവരുടെ സ്‌നേഹം വർദ്ധി​ക്കാൻ പ്രാർത്ഥി​ക്കു​ക​യും ചെയ്‌തു. അവന്റെ തടവു​വാ​സം അവർ ‘ദൈവ​വ​ചനം നിർഭയം പ്രസം​ഗി​ക്കാൻ കൂടുതൽ ധൈര്യം’ പ്രകട​മാ​ക്കാൻ ഇടയാ​ക്കി​യ​തിൽ പൗലോസ്‌ സന്തുഷ്ട​നാ​യി​രു​ന്നു. അവൻ ക്രിസ്‌തു​വി​നോ​ടു​കൂ​ടെ​യാ​യി​രി​ക്കാൻ ആഗ്രഹി​ച്ചു​വെ​ങ്കി​ലും പിന്നെ​യും അവരെ ശുശ്രൂ​ഷി​ക്കാൻ തനിക്കു കഴിയു​മെന്ന്‌ അവൻ വിചാ​രി​ച്ചു. “സുവാർത്ത​യു​ടെ വിശ്വാ​സ​ത്തി​നു​വേണ്ടി ഒപ്പംനി​ന്നു പോരാ​ടു”ന്നതിൽ അവർ തുടരാൻ പൗലോസ്‌ ആഗ്രഹി​ച്ചു.

അടുത്ത​താ​യി മനോ​ഭാ​വ​ത്തെ​യും നടത്ത​യെ​യും സംബന്ധിച്ച്‌ ബുദ്ധി​യു​പ​ദേശം നൽക​പ്പെട്ടു. (2:1-30) മററു​ള്ള​വ​രിൽ വ്യക്തി​പ​ര​മായ താൽപ്പ​ര്യം പ്രകട​മാ​ക്കാ​നും ക്രിസ്‌തു​വി​ന്റേ​തു​പോ​ലെ​യുള്ള താഴ്‌മ പ്രകട​മാ​ക്കാ​നും ഫിലി​പ്പി​യർ പ്രോ​ത്സാ​ഹി​പ്പി​ക്ക​പ്പെട്ടു. അവർ “ലോക​ത്തിൽ ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കു​ക​യാ​യി​രു​ന്നു.” “ജീവന്റെ വചനത്തിൻമേൽ ഒരു ദൃഢമായ പിടി” നിലനിർത്താ​നും അവർ പ്രോ​ത്സാ​ഹി​പ്പി​ക്ക​പ്പെട്ടു. പൗലോസ്‌ തിമൊ​ഥെ​യോ​സി​നെ അവരുടെ അടുക്ക​ലേ​ക്ക​യ​ക്കാൻ ആശിക്കു​ക​യും താൻതന്നെ താമസി​യാ​തെ അവിടെ ചെല്ലു​മെന്ന്‌ ഉറച്ചു വിശ്വ​സി​ക്കു​ക​യും ചെയ്‌തു. കഠിന​രോ​ഗം ബാധി​ച്ചി​രുന്ന എപ്പ​ഫ്രൊ​ദി​ത്തോ​സി​നെ സംബന്ധിച്ച്‌ അവർക്ക്‌ ഉറപ്പു​കൊ​ടു​ക്കാ​നാ​യി​രു​ന്നു പൗലോസ്‌ ഈ വിശ്വ​സ്‌ത​ദാ​സനെ അയക്കു​ന്നത്‌.

ലക്ഷ്യത്തി​ലേക്ക്‌ മുന്നേ​റി​ക്കൊ​ണ്ടി​രി​ക്കുക

ലക്ഷ്യത്തി​ലേക്ക്‌ മുന്നേ​റവെ ഫിലി​പ്പി​യർ എവിടെ തങ്ങളുടെ വിശ്വാ​സ​മർപ്പി​ക്ക​ണ​മെന്ന്‌ അടുത്ത​താ​യി അപ്പോ​സ്‌തലൻ അവർക്ക്‌ കാണി​ച്ചു​കൊ​ടു​ത്തു. (3:1-21) അത്‌ ചിലർ ചെയ്‌തു​കൊ​ണ്ടി​രു​ന്ന​തു​പോ​ലെ ജഡത്തി​ലൊ പരിച്‌ഛേ​ദ​ന​യി​ലൊ അല്ല പിന്നെ​യൊ യേശു​ക്രി​സ്‌തു​വിൽ അർപ്പി​ക്ക​പ്പെ​ടണം. പൗലോസ്‌ “ക്രിസ്‌തു​വി​നെ​ക്കു​റി​ച്ചുള്ള പരിജ്ഞാ​ന​ത്തി​ന്റെ മികച്ച മൂല്യം” ഹേതു​വാ​യി തന്റെ ജഡിക സാക്ഷ്യ​പ​ത്ര​ങ്ങളെ ചവർ എന്നു പരിഗ​ണി​ച്ചു. അപ്പോ​സ്‌തലൻ “ക്രിസ്‌തു​യേശു മുഖാ​ന്ത​ര​മുള്ള ദൈവ​ത്തി​ന്റെ മേൽപ്പോ​ട്ടുള്ള വിളി​യു​ടെ സമ്മാന​മാ​കുന്ന ലാക്കി​ലേക്ക്‌ ഓടു​ക​യാ​യി​രു​ന്നു.” ഇതേ മാനസി​ക​ഭാ​വ​മു​ള്ള​വ​രാ​യി​രി​ക്കാൻ അവൻ ഫിലി​പ്പി​യരെ പ്രോൽസാ​ഹി​പ്പി​ച്ചു.

പൗലോ​സി​ന്റെ അവസാ​ന​ബു​ദ്ധി​യു​പ​ദേ​ശ​ത്തി​ന്റെ ബാധക​മാ​ക്കൽ ലക്ഷ്യവും സമ്മാന​വും ദൃഷ്ടി​പ​ഥ​ത്തിൽ നിർത്തു​ന്ന​തിന്‌ ഫിലി​പ്പി​യരെ സഹായി​ക്കു​മാ​യി​രു​ന്നു. (4:1-23) തങ്ങളുടെ ഉൽക്കണ്‌ഠകൾ പ്രാർത്ഥ​ന​യിൽ ദൈവത്തെ ഭരമേൽപ്പി​ക്കാ​നും തങ്ങളുടെ മനസ്സു​കളെ ഉദാത്ത​ചി​ന്ത​ക​ളാൽ നിറക്കാ​നും അവൻ അവരെ പ്രോൽസാ​ഹി​പ്പി​ച്ചു. പൗലോസ്‌ വീണ്ടും അവരുടെ ഔദാ​ര്യ​ത്തി​നു​വേണ്ടി അവരെ അനു​മോ​ദി​ക്കു​ക​യും ആശംസ​ക​ളോ​ടെ​യും കർത്താ​വായ യേശു​ക്രി​സ്‌തു​വി​ന്റെ അനർഹദയ അവർ പ്രകട​മാ​ക്കുന്ന ആത്മാ​വോ​ടു​കൂ​ടെ ഇരിക്കാ​നുള്ള അഭിലാ​ഷ​ത്തോ​ടെ​യും ഉപസം​ഹ​രി​പ്പി​ക്കു​ക​യും ചെയ്‌തു.

ഫിലി​പ്പി​യർക്കു​ള്ള പൗലോ​സി​ന്റെ ലേഖനം ഔദാ​ര്യ​ത്തെ​യും സ്‌നേ​ഹ​ത്തെ​യും താഴ്‌മ​യെ​യും പ്രോൽസാ​ഹി​പ്പി​ക്കു​ന്നു. അത്‌ ക്രിസ്‌തു​വി​ലുള്ള വിശ്വാ​സ​ത്തി​നും ദൈവ​ത്തോ​ടുള്ള ഹൃദയം​ഗ​മ​മായ പ്രാർത്ഥ​ന​ക്കും ഉൽസാ​ഹി​പ്പി​ക്കു​ന്നു. തീർച്ച​യാ​യും പൗലോ​സി​ന്റെ വാക്കുകൾ നിത്യ​ജീ​വ​നാ​കുന്ന സമ്മാന​ത്തി​ന്റെ ലാക്കി​ലേക്ക്‌ മുന്നേ​റി​ക്കൊ​ണ്ടി​രി​ക്കാൻ യഹോ​വ​യു​ടെ സാക്ഷി​കളെ സഹായി​ക്കു​ന്നു. (w90 11⁄15)

[31-ാം പേജിലെ ചതുരം/ചിത്രം]

ലക്ത്യത്തിലേക്ക്‌: “പിന്നിലെ കാര്യങ്ങൾ വിസ്‌മ​രി​ച്ചു​കൊ​ണ്ടും മുമ്പി​ലുള്ള കാര്യ​ങ്ങ​ളി​ലേ​ക്കാ​ഞ്ഞു​കൊ​ണ്ടും ക്രിസ്‌തു​യേശു മുഖാ​ന്ത​ര​മുള്ള ദൈവ​ത്തി​ന്റെ മേൽപ്പോ​ട്ടുള്ള വിളി​യു​ടെ സമ്മാന​മാ​കുന്ന ലക്ഷ്യത്തി​ലേക്ക്‌ ഞാൻ ഓടു​ക​യാ​കു​ന്നു” എന്ന്‌ പൗലോസ്‌ എഴുതി. (ഫിലി​പ്പി​യർ 3:13, 14) അപ്പോ​സ്‌തലൻ ഓട്ടത്തി​ലേർപ്പെ​ട്ടി​രി​ക്കുന്ന ഒരുവ​നെ​പ്പോ​ലെ തീവ്ര​യ​ത്‌നം ചെയ്യു​ക​യാ​യി​രു​ന്നു. അവൻ പിമ്പോ​ട്ടു​നോ​ക്കി സമയവും ശ്രമവും പാഴാ​ക്കാ​തെ തന്റെ ലക്ഷ്യത്തി​ലേക്ക്‌ മുന്നേറി.—ഫിനി​ഷ്‌ലൈൻ കടക്കാൻ കഠിന​ശ്രമം ചെയ്യുന്ന ഒരു ഓട്ടക്കാ​ര​നെ​പ്പോ​ലെ​തന്നെ. പൗലോ​സി​നും മററ്‌ അഭിഷി​ക്ത​ക്രി​സ്‌ത്യാ​നി​കൾക്കും സമ്മാനം ദൈവ​ത്തോ​ടുള്ള വിശ്വ​സ്‌ത​ത​യു​ടെ ഒരു ഭൗമി​ക​ഗതി പൂർത്തി​യാ​ക്കി​യ​ശേഷം പുനരു​ത്ഥാ​ന​ത്തി​ലൂ​ടെ ലഭിക്കുന്ന സ്വർഗ്ഗീ​യ​ജീ​വ​നാ​യി​രു​ന്നു. നമ്മുടെ പ്രത്യാ​ശകൾ സ്വർഗ്ഗീ​യ​മൊ ഭൗമി​ക​മൊ ആയിരു​ന്നാ​ലും നമുക്ക്‌ ദൈവ​ത്തോ​ടുള്ള നിർമ്മലത പാലി​ക്കു​ക​യും അവന്റെ സാക്ഷി​ക​ളെന്ന നിലയിൽ ലക്ഷ്യത്തി​ലേക്കു മുന്നേ​റു​ക​യും ചെയ്യാം.—2 തിമൊ​ഥെ​യോസ്‌ 4:7.