നിങ്ങളെ “സ്വാതന്ത്ര്യ സനേഹികൾ” ഡിസട്രിക്ട്‌ കൺവെൻഷന്‌ ക്ഷണിക്കുന്നു
മുമ്പെന്നത്തേക്കാളുമുപരി, 1989 നവംബർ മുതൽ സ്വാതന്ത്ര്യം എന്ന വിഷയം പ്രമുഖമാക്കപ്പെട്ടിരിക്കുന്നു. പ്രത്യേകിച്ച്‌ കിഴക്കൻ യൂറോപ്യൻ രാജ്യങ്ങളിലെ ജനങ്ങൾ അവർക്ക്‌ 40-ഉം അതിലധികവും വർഷങ്ങളായി ഉണ്ടായിരുന്നതിനേക്കാൾ അധികം രാഷ്‌ട്രീയ സ്വാതന്ത്ര്യം അനുഭവിച്ചുകൊണ്ടിരിക്കുന്നു.
എന്നാൽ ഏതെങ്കിലും രാഷ്‌ട്രീയസ്വാതന്ത്ര്യത്തേക്കാൾ വളരെയധികം പ്രാധാന്യമുള്ള ഒരു സ്വാതന്ത്ര്യമുണ്ട്‌. നമുക്ക്‌ അതിനേക്കുറിച്ച്‌ ദൈവവചനമായ ബൈബിളിൽ വായിക്കാൻ കഴിയും. യേശുക്രിസ്‌തു ഒരിക്കൽ ഇപ്രകാരം പറഞ്ഞു: “നിങ്ങൾ സത്യം അറിയുകയും സത്യം നിങ്ങളെ സ്വതന്ത്രരാക്കുകയും ചെയ്യും.” (യോഹന്നാൻ 8:32) അതേ, നാം റോമർ 6:18, 22-ൽ വായിക്കുന്നതുപോലെ സമർപ്പിതക്രിസ്‌ത്യാനികൾ മാനുഷികഭയത്തിൽനിന്നും പാപത്തിന്റെയും മരണത്തിന്റെയും അടിമത്തത്തിൽനിന്നും സ്വതന്ത്രരാക്കപ്പെട്ടിരിക്കുന്നു. “യഹോവയുടെ ആത്മാവുള്ളടത്ത്‌ സ്വാതന്ത്ര്യമുണ്ട്‌” എന്നും നാം വായിക്കുന്നു. (2 കൊരിന്ത്യർ 3:17) യഥാർത്ഥത്തിൽ ദൈവത്തിന്റെ വചനം, “സൃഷ്ടി തന്നേയും ദ്രവത്വത്തിന്റെ അടിമത്തത്തിൽനിന്നുള്ള സ്വാതന്ത്ര്യം പ്രാപിക്കുകയും ദൈവമക്കളുടെ മഹത്തായ സ്വാതന്ത്ര്യം അനുഭവിക്കുകയും ചെയ്യും” എന്നുള്ള ശോഭനമായ ഭാവി പ്രതീക്ഷ നൽകുന്നു.—റോമർ 8:21.
ആരെങ്കിലും ഈ കാലത്ത്‌ ക്രിസ്‌തീയസ്വാതന്ത്ര്യം ലഭിക്കാൻ ആഗ്രഹിക്കുന്നെങ്കിൽ അയാൾ യഥാർത്ഥപ്രയത്‌നം ചെയ്യണം. ഇത്‌ ഒരു വിധത്തിലും കേവലം ഏററവും കുറഞ്ഞ പ്രതിരോധത്തിന്റെ ഗതി പിൻതുടരുന്നതിന്റെ സംഗതിയല്ല. ഈ സ്വാതന്ത്ര്യം തുടർന്ന്‌ അനുഭവിച്ചുകൊണ്ടിരിക്കുന്നതിന്‌, നമ്മുടെ സ്വാതന്ത്ര്യത്തെ കവർന്നുകളയാൻ ചായ്‌വു കാണിക്കുന്ന ശക്തികളുടെ: പിശാചായ സാത്താന്റെയും അവന്റെ ദുഷ്ടലോകത്തിന്റേയും നമ്മുടെതന്നേ പാരമ്പര്യസിദ്ധമായ പാപചായ്‌വുകളുടേയും വീക്ഷണത്തിൽ കൂടുതലായ പ്രയത്‌നം ചെയ്യണം. യഹോവയാം ദൈവം തന്റെ നിശ്വസ്‌തവചനത്താലും തന്റെ പരിശുദ്ധാത്മാവിനാലും തന്റെ ദൃശ്യസ്ഥാപനത്താലും സഹായം പ്രദാനം ചെയ്‌തിരിക്കുന്നു.—ലൂക്കോസ്‌ 11:13.
എല്ലാ സ്വാതന്ത്ര്യപ്രേമികളേയും സ്വാതന്ത്ര്യത്തിൻമേലുള്ള തങ്ങളുടെ പിടി മുറുക്കുന്നതിന്‌ യഹോവയുടെ സാക്ഷികളുടെ ഈ വർഷത്തെ ഡിസ്‌ട്രിക്ട്‌ കൺവെൻഷനുകൾ “സ്വാതന്ത്ര്യ സ്‌നേഹികൾ” എന്ന വിഷയത്തോട്‌ നീതിപുലർത്തുന്നു. ഈ കൺവെൻഷനുകൾ വെള്ളിയാഴ്‌ച രാവിലെ 10:20-നു തുടങ്ങി ഞായറാഴ്‌ച വൈകുന്നേരം 4 മണിക്ക്‌ അവസാനിക്കുന്ന മൂന്നു ദിവസം ദൈർഘ്യമുള്ളതായിരിക്കും. വരുന്നവരെല്ലാം ആത്മീയമായി ഉത്തേജകമായ പ്രസംഗങ്ങളാലും രസകരമായ അഭിമുഖങ്ങളാലും ഫലപ്രദമായ പ്രകടനങ്ങളാലും ഹൃദയഹാരിയായ ഒരു ബൈബിളധിഷ്‌ഠിത നാടകത്താലും ആത്മീയമായി ആശ്വസിപ്പിക്കപ്പെടുകയും കെട്ടുപണിചെയ്യപ്പെടുകയും ചെയ്യും; നാം പഴയവരും പുതിയവരുമായ സുഹൃത്തുക്കളുമായുള്ള ഹൃദയോൻമേഷദായകമായ സഹവാസത്തിന്റെ സന്തോഷവും മററ്‌ ആയിരങ്ങളോടൊത്ത്‌ നമ്മുടെ രാജ്യഗീതം പാടുന്നതിൽ ചേരുന്നതിലുള്ള ആനന്ദവും ഹൃദയംഗമമായ പൊതു പ്രാർത്ഥനകളിൽ പങ്കുചേരുന്നതും അവഗണിക്കുകയുമരുത്‌.
യഹോവയുടെ സമർപ്പിതദാസൻമാർ എല്ലാവരും ഈ കൺവെൻഷനുകൾ തുടങ്ങുന്ന വെള്ളിയാഴ്‌ച രാവിലെ നേരത്തെ എത്തിച്ചേരുന്നതിനെ തടയുന്ന യാതൊന്നുംതന്നേ ഇടക്കുകയറാൻ അനുവദിക്കരുത്‌. കൂടാതെ, ബൈബിളും പാട്ടുപുസ്‌തകവും മാത്രമല്ല, നോട്ടുകുറിക്കുന്നതിന്‌ നോട്ട്‌ബുക്കും പേനയും കൊണ്ടുവരുന്നതിന്‌ നിശ്ചയമുള്ളവരായിരിക്കുക. ഒരു സ്വതന്ത്രജനതയുടെ ഭാഗമെന്ന നിലയിൽ നിങ്ങളുടെ ആത്മീയാവശ്യങ്ങളെ സംബന്ധിച്ചുള്ള ഒരു യഥാർത്ഥ ബോധത്തോടെയും വരിക.—മത്തായി 5:3. (w91 2/15)
[ഇംഗ്ലീഷിൽ കൺവെൻഷൻ നടക്കുന്ന സ്ഥലങ്ങൾ പട്ടികപ്പെടുത്തിയിരിക്കുന്നു]