“ദശാംശം മുഴുവൻ ഭണ്ഡാര​ത്തി​ലേക്കു കൊണ്ടു​വ​രു​വിൻ”

“ഞാൻ നിങ്ങൾക്കു ആകാശ​ത്തി​ന്റെ കിളി​വാ​തി​ലു​കളെ തുറന്നു, . . . പകരു​ക​യി​ല്ല​യോ? എന്നിങ്ങനെ നിങ്ങൾ ഇതിനാൽ എന്നെ പരീക്ഷി​പ്പിൻ.—മലാഖി 3:10.

1. (എ) പൊ.യു.മു. അഞ്ചാം നൂററാ​ണ്ടിൽ യഹോവ തന്റെ ജനത്തിന്‌ എന്തു ക്ഷണമാണു നൽകി​യത്‌? (ബി) പൊ.യു. ഒന്നാം നൂററാ​ണ്ടിൽ ന്യായ​വി​ധി​ക്കാ​യി യഹോവ തന്റെ ആലയത്തി​ലേക്കു വന്നതിന്‌ എന്തു ഫലമു​ണ്ടാ​യി?

പൊ.യു.മു. അഞ്ചാം നൂററാ​ണ്ടിൽ ഇസ്ര​യേ​ല്യർ യഹോ​വ​യോട്‌ അവിശ്വ​സ്‌ത​രാ​യി​രു​ന്നു. അവർ ദശാംശം നിർത്തി​ക്ക​ള​യു​ക​യും ഊനമുള്ള മൃഗങ്ങളെ യാഗമർപ്പി​ക്കു​ന്ന​തിന്‌ ആലയത്തി​ലേക്കു കൊണ്ടു​വ​രി​ക​യും ചെയ്‌തി​രു​ന്നു. എന്നുവ​രി​കി​ലും, അവർ ദശാംശം മുഴു​വ​നും ഭണ്ഡാര​ത്തി​ലേക്കു കൊണ്ടു​വ​ന്നി​രു​ന്നെ​ങ്കിൽ അവർക്കു മതിയാ​കു​വോ​ളം അനു​ഗ്രഹം ചൊരി​യു​മാ​യി​രു​ന്നു​വെന്ന്‌ അവൻ വാഗ്‌ദാ​നം ചെയ്‌തു. (മലാഖി 3:8-10) ഏതാണ്ട്‌ 500 വർഷങ്ങൾക്കു​ശേഷം, നിയമ​ദൂ​ത​നെന്ന നിലയിൽ യേശു​വി​നാൽ പ്രതി​നി​ധാ​നം ചെയ്യ​പ്പെ​ട്ടു​കൊണ്ട്‌ യഹോവ ന്യായം​വി​ധി​ക്കു​ന്ന​തി​നു യെരു​ശ​ലേ​മി​ലെ ആലയത്തി​ലേക്കു വന്നു. (മലാഖി 3:1) ഒരു ജനതയെന്ന നിലയിൽ ഇസ്രയേൽ കുറവു​ള്ള​താ​യി കാണ​പ്പെട്ടു, എന്നാൽ യഹോ​വ​യി​ലേക്കു മടങ്ങിവന്ന വ്യക്തികൾ സമൃദ്ധ​മാ​യി അനു​ഗ്ര​ഹി​ക്ക​പ്പെട്ടു. (മലാഖി 3:7) അവർ യഹോ​വ​യു​ടെ ആത്മീയ പുത്രൻമാർ, ഒരു പുതിയ സൃഷ്ടി, “ദൈവ​ത്തി​ന്റെ ഇസ്രയേൽ” ആയിത്തീ​രാൻ അഭി​ഷേകം ചെയ്യ​പ്പെ​ട്ട​വ​രാ​യി​രു​ന്നു.—ഗലാത്യർ 6:16; റോമർ 3:25, 26.

2. മലാഖി 3:1-10-നു എപ്പോ​ഴാ​യി​രു​ന്നു രണ്ടാം നിവൃത്തി ഉണ്ടാ​കേ​ണ്ടി​യി​രു​ന്നത്‌, ഇതി​നോ​ടുള്ള ബന്ധത്തിൽ എന്തു ചെയ്യാ​നാണ്‌ നാം ക്ഷണിക്ക​പ്പെ​ടു​ന്നത്‌?

² ഇതിന്‌ ഏതാണ്ട്‌ 1,900 വർഷങ്ങൾക്കു​ശേഷം, 1914-ൽ യേശു ദൈവ​ത്തി​ന്റെ സ്വർഗ്ഗീയ രാജ്യ​ത്തി​ന്റെ രാജാ​വാ​യി സിംഹാ​സ​ന​സ്ഥ​നാ​ക്ക​പ്പെട്ടു. മലാഖി 3:1-10-ലെ ദിവ്യ​നി​ശ്വസ്‌ത വചനങ്ങൾക്ക്‌ ഒരു രണ്ടാം നിവൃത്തി ഉണ്ടാകാ​നി​രി​ക്ക​യാ​യി​രു​ന്നു. ഈ രോമാ​ഞ്ച​ജ​ന​ക​മായ സംഭവ​ത്തോ​ടുള്ള ബന്ധത്തിൽ ദശാംശം മുഴു​വ​നും ഭണ്ഡാര​ത്തി​ലേക്കു കൊണ്ടു​വ​രാൻ ഇന്നു ക്രിസ്‌ത്യാ​നി​കളെ ക്ഷണിച്ചി​രി​ക്കു​ന്നു. നാം അങ്ങനെ ചെയ്യു​ന്നെ​ങ്കിൽ, മതിയാ​കു​വോ​ളം അനു​ഗ്ര​ഹങ്ങൾ നാമും ആസ്വദി​ക്കും.

3. യഹോ​വക്കു മുമ്പാകെ വഴി​യൊ​രു​ക്കിയ ദൂതൻ ആരായി​രു​ന്നു, (എ) ഒന്നാം നൂററാ​ണ്ടിൽ? (ബി) ഒന്നാം ലോക​മ​ഹാ​യു​ദ്ധ​ത്തി​നു​മുമ്പ്‌?

³ ആലയത്തി​ലേ​ക്കുള്ള തന്റെ വരവിനെ സംബന്ധി​ച്ചു യഹോവ ഇങ്ങനെ പറഞ്ഞു: “ഇതാ! എനിക്കു മുമ്പായി വഴി നിര​ത്തേ​ണ്ട​തി​നു ഞാൻ എന്റെ ദൂതനെ അയക്കുന്നു”. ഇതിന്റെ ഒന്നാം നൂററാ​ണ്ടി​ലെ നിവൃ​ത്തി​യെ​ന്ന​വണ്ണം പാപങ്ങ​ളെ​ക്കു​റി​ച്ചു പശ്ചാത്ത​പി​ക്ക​ണ​മെന്നു പ്രസം​ഗി​ച്ചു​കൊണ്ട്‌ ഇസ്ര​യേ​ലി​ലേക്കു യോഹ​ന്നാൻ സ്‌നാ​പകൻ വന്നു. (മർക്കൊസ്‌ 1:2, 3) തന്റെ ആലയത്തി​ലേ​ക്കുള്ള യഹോ​വ​യു​ടെ രണ്ടാം വരവി​നോ​ടുള്ള ബന്ധത്തിൽ ഒരു പ്രാഥ​മിക ഒരുക്കൽവേല ഉണ്ടായി​രു​ന്നോ? ഉണ്ടായി​രു​ന്നു. ഒന്നാം ലോക​യു​ദ്ധ​ത്തി​നു മുമ്പത്തെ പതിറ​റാ​ണ്ടു​ക​ളിൽ നിർമ്മ​ല​മായ ബൈബിൾത​ത്ത്വ​ങ്ങൾ പഠിപ്പി​ച്ചു​കൊ​ണ്ടും ത്രിത്വം, തീനരകം എന്നീ പഠിപ്പി​ക്ക​ലു​കൾപോ​ലെ ദൈവത്തെ അവമാ​നി​ക്കുന്ന വ്യാജ​ങ്ങളെ തുറന്നു​കാ​ട്ടി​ക്കൊ​ണ്ടും ബൈബിൾ വിദ്യാർത്ഥി​കൾ ലോക​രം​ഗത്തു പ്രത്യ​ക്ഷ​പ്പെട്ടു. ജാതി​ക​ളു​ടെ കാലങ്ങൾ 1914-ൽ അവസാ​നി​ക്കു​മെ​ന്നും അവർ മുന്നറി​യി​പ്പു മുഴക്കി​യി​രു​ന്നു. സത്യത്തി​ന്റെ പ്രകാ​ശ​വാ​ഹ​ക​രായ ഇവരോട്‌ അനേകർ പ്രതി​ക​രി​ച്ചു.—സങ്കീർത്തനം 43:3; മത്തായി 5:14, 16.

4. കർത്താ​വി​ന്റെ നാളിൽ ഏതു പ്രശ്‌നം പരിഹ​രി​ക്കേ​ണ്ടി​യി​രു​ന്നു?

⁴ ബൈബിൾ പരാമർശി​ക്കുന്ന “കർത്തൃ​ദി​വസ”ത്തിനു തുടക്കം കുറി​ച്ചതു 1914 എന്ന വർഷമാണ്‌. (വെളി​പ്പാ​ടു 1:10) “വിശ്വ​സ്‌ത​നും വിവേ​കി​യു​മായ അടിമ”യെ തിരി​ച്ച​റി​യു​ന്ന​തും അവനെ (യജമാ​ന​നുള്ള) “സകലത്തിൻമേ​ലും” നിയമി​ക്കു​ന്ന​തും ഉൾപ്പെടെ ആ ദിവസ​ത്തിൽ ചരി​ത്ര​പ്ര​ധാ​ന​മായ സംഭവങ്ങൾ നടക്കേ​ണ്ടി​യി​രു​ന്നു. (മത്തായി 24:45-47) മുമ്പ്‌ 1914-ൽ ആയിര​ക്ക​ണ​ക്കി​നു സഭകൾ ക്രിസ്‌തീ​യ​മെന്ന്‌ അവകാ​ശ​പ്പെട്ടു. യജമാ​ന​നായ യേശു​ക്രി​സ്‌തു തന്റെ വിശ്വ​സ്‌ത​നും വിവേ​കി​യു​മായ അടിമ​യാ​യി ഏതു കൂട്ട​ത്തെ​യാ​യി​രി​ക്കും അംഗീ​ക​രി​ക്കുക? യഹോവ ആലയത്തി​ലേക്കു വന്നപ്പോൾ ആ പ്രശ്‌ന​ത്തിന്‌ തീർപ്പു​കൽപ്പി​ക്കേ​ണ്ടി​യി​രു​ന്നു.

ആത്മീയ ആലയത്തി​ലേ​ക്കുള്ള വരവ്‌

5, 6. (എ) ഏത്‌ ആലയത്തി​ലേ​ക്കാ​ണു യഹോവ ന്യായ​വി​ധി​ക്കാ​യി വന്നത്‌? (ബി) ക്രൈ​സ്‌ത​വ​ലോ​ക​ത്തി​നു യഹോ​വ​യിൽനി​ന്നു എന്തു ന്യായ​വി​ധി ഉണ്ടായി?

⁵ എന്നിരു​ന്നാ​ലും ഏത്‌ ആലയത്തി​ലേ​ക്കാണ്‌ അവിടു​ന്നു വന്നത്‌? വ്യക്തമാ​യും യെരു​ശ​ലേ​മി​ലുള്ള ഒരു അക്ഷരീയ ആലയത്തി​ലേക്കല്ല. അത്തരം ആലയങ്ങ​ളിൽ അവസാ​ന​ത്തേതു പൊ.യു. 70-ൽ നശിപ്പി​ക്ക​പ്പെട്ടു. എന്നുവ​രി​കി​ലും, യെരൂ​ശ​ലേ​മി​ലുള്ള ആലയം മുൻനി​ഴ​ലാ​ക്കിയ ഒരു മഹത്തര​മായ ആലയം യഹോ​വ​ക്കുണ്ട്‌. പൗലോസ്‌ ഈ മഹത്തര​മായ ആലയ​ത്തെ​ക്കു​റി​ച്ചു പറയു​ക​യും വിശുദ്ധ സ്ഥലം സ്വർഗ്ഗ​ത്തി​ലു​ള്ള​തും പ്രാകാ​രം ഭൂമി​യി​ലു​ള്ള​തു​മായ അതു യഥാർത്ഥ​ത്തിൽ എത്ര മഹത്വ​മു​ള്ള​താ​ണെന്നു പ്രകട​മാ​ക്കു​ക​യും ചെയ്‌തു. (എബ്രായർ 9:11, 12, 24; 10:19, 20) ഈ മഹത്തായ ആത്മീയ ആലയത്തി​ലേ​ക്കാ​ണു യഹോവ ന്യായ​വി​ധി​വേല നിർവ​ഹി​ക്കു​ന്ന​തി​നു വന്നത്‌.—വെളി​പ്പാ​ടു 11:1; 15:8 താതമ്യം​ചെ​യ്യുക.

⁶ ഇത്‌ എപ്പോ​ഴാണ്‌ സംഭവി​ച്ചത്‌? ലഭ്യമായ ഗണ്യമായ തെളി​വു​ക​ള​നു​സ​രിച്ച്‌, 1918-ൽa ഫലമെ​ന്താ​യി​രു​ന്നു? ക്രൈ​സ്‌ത​വ​ലോ​കത്തെ സംബന്ധി​ച്ചാ​ണെ​ങ്കിൽ, രക്തം പുരണ്ട കൈക​ളുള്ള ഒരു സ്ഥാപനത്തെ, സമ്പന്ന​രോ​ടു മൈ​ത്രീ​ബന്ധം പുലർത്തു​ക​യും ദരി​ദ്രരെ പീഡി​പ്പി​ക്കു​ക​യും ശുദ്ധാ​രാ​ധന നടത്തു​ന്ന​തി​നു പകരം വിജാ​തീയ തത്ത്വങ്ങൾ പഠിപ്പി​ക്കു​ക​യും ചെയ്യുന്ന, ഈ ലോക​ത്തോ​ടു വ്യഭി​ചാ​രം ചെയ്‌ത, ഒരു ദുഷിച്ച മതസമൂ​ഹ​ത്തെ​യാണ്‌ യഹോവ കണ്ടത്‌. (യാക്കോബ്‌ 1:27; 4:4) മലാഖി മുഖേന യഹോവ ഇപ്രകാ​രം മുന്നറി​യി​പ്പു നൽകി: “ഞാൻ ക്ഷുദ്ര​ക്കാർക്കും വ്യഭി​ചാ​രി​കൾക്കും കള്ളസ്സത്യം ചെയ്യു​ന്ന​വർക്കും കൂലി​യു​ടെ കാര്യ​ത്തിൽ കൂലി​ക്കാ​ര​നെ​യും വിധവ​യെ​യും അനാഥ​നെ​യും പീഡി​പ്പി​ക്കു​ന്ന​വർക്കും എന്നെ ഭയപ്പെ​ടാ​തെ പരദേ​ശി​യു​ടെ ന്യായം മറിച്ചു​ക​ള​യു​ന്ന​വർക്കും വിരോ​ധ​മാ​യി ഒരു ശീഘ്ര​സാ​ക്ഷി​യാ​യി​രി​ക്കും.” (മലാഖി 3:5) ക്രൈ​സ്‌ത​വ​ലോ​കം ഇതും ഇതില​ധി​കം വഷളാ​യ​തും ചെയ്‌തി​രു​ന്നു. ആയിര​ത്തി​ത്തൊ​ള്ളാ​യി​ര​ത്തി​പ്പ​ത്തൊൻപ​തോ​ടെ വ്യാജ​മ​ത​ങ്ങ​ളു​ടെ ലോക​വ്യാ​പക സൗധമാ​യി​രി​ക്കുന്ന മഹാബാ​ബി​ലോ​നിൽ ശേഷി​ച്ച​വ​യോ​ടൊ​പ്പം അവളെ നാശത്തി​നു വിധി​ച്ചി​രി​ക്കു​ന്നു എന്നു വ്യക്തമാ​യി കാണ​പ്പെട്ടു. അപ്പോൾമു​തൽ നീതി​ഹൃ​ദ​യ​രാ​യ​വ​രോട്‌ ഈ ആഹ്വാ​ന​മു​ണ്ടാ​യി: “എന്റെ ജനമാ​യു​ള്ളോ​രേ, അവളെ വിട്ടു​പോ​രു​വിൻ.”—വെളി​പ്പാ​ടു 18:1, 4.

7. യേശു തന്റെ വിശ്വ​സ്‌ത​നും വിവേ​കി​യു​മായ അടിമ​യാ​യി അംഗീ​ക​രി​ച്ചത്‌ ആരെയാണ്‌?

⁷ എങ്കിൽപി​ന്നെ ആരാണ്‌ ഈ വിശ്വ​സ്‌ത​നും വിവേ​കി​യു​മായ അടിമ? ഒന്നാം നൂററാ​ണ്ടിൽ അതു യോഹ​ന്നാൻ സ്‌നാ​പ​ക​ന്റെ​യും നിയമ​ദൂ​ത​നായ യേശു​ക്രി​സ്‌തു​വി​ന്റെ​യും സാക്ഷ്യ​വേ​ല​യോ​ടു പ്രതി​ക​രിച്ച ചെറിയ കൂട്ട​ത്തോ​ടെ തുടങ്ങി. നമ്മുടെ നൂററാ​ണ്ടിൽ, അത്‌ 1914 വരെയുള്ള വർഷങ്ങ​ളിൽ ബൈബിൾ വിദ്യാർത്ഥി​ക​ളു​ടെ പ്രാഥ​മിക വേല​യോ​ടു പ്രതി​ക​രിച്ച ഏതാനും ആയിര​ങ്ങ​ളാ​യി​രു​ന്നു. അവർ ഒന്നാം ലോക​മ​ഹാ​യു​ദ്ധ​കാ​ലത്തു കഠിന​മായ പരി​ശോ​ധ​ന​കളെ സഹിച്ചു​നിൽക്കു​ക​യും തങ്ങളുടെ ഹൃദയം യഹോ​വ​യോ​ടൊ​പ്പ​മാ​ണെന്നു പ്രകട​മാ​ക്കു​ക​യും ചെയ്‌തു.

ഒരു ശുചീ​കരണ വേല

8, 9. ആയിര​ത്തി​ത്തൊ​ള്ളാ​യി​ര​ത്തി​പ്പ​തി​നെ​ട്ടിൽ വിശ്വ​സ്‌ത​നും വിവേ​കി​യു​മായ അടിമക്ക്‌ ഏതു വിധങ്ങ​ളി​ലാ​ണു ശുദ്ധീ​ക​രണം ആവശ്യ​മാ​യി​രു​ന്നത്‌, ഇതി​നോ​ടുള്ള ബന്ധത്തിൽ യഹോവ എന്തു വാഗ്‌ദാ​ന​മാ​ണു ചെയ്‌തത്‌?

⁸ എന്നാൽ, ഈ കൂട്ടത്തി​നു​പോ​ലും ശുദ്ധീ​ക​രണം ആവശ്യ​മാ​യി​രു​ന്നു. തങ്ങളി​ലേ​ക്കു​തന്നെ ശ്രദ്ധ കേന്ദ്രീ​ക​രി​ച്ചി​രുന്ന ചിലർ വിശ്വാ​സ​ത്തി​ന്റെ ശത്രു​ക്ക​ളാ​യി മാറു​ക​യും അവരെ തുടച്ചു​നീ​ക്കേ​ണ്ടി​വ​രി​ക​യും ചെയ്‌തു. (ഫിലി​പ്പി​യർ 3:18) മററു ചിലർ യഹോ​വയെ സേവി​ക്കു​ന്ന​തിൽ ഉൾപ്പെ​ട്ടി​രുന്ന ഉത്തരവാ​ദി​ത്വ​ങ്ങൾ വഹിക്കു​ന്ന​തി​നു മനസ്സി​ല്ലാ​ത്ത​വ​രാ​യി​രി​ക്കു​ക​യും ഒഴുകി​പ്പോ​കു​ക​യും ചെയ്‌തു. (എബ്രായർ 2:1) അതു കൂടാതെ, തുടച്ചു​മാ​റേ​റ​ണ്ട​താ​വ​ശ്യ​മാ​യി​രുന്ന ബാബി​ലോ​ന്യ ആചാരങ്ങൾ അവശേ​ഷി​ക്കു​ന്നു​ണ്ടാ​യി​രു​ന്നു. വിശ്വ​സ്‌ത​നും വിവേ​കി​യു​മായ അടിമ സംഘട​നാ​പ​ര​മാ​യും ശുദ്ധീ​ക​രി​ക്ക​പ്പെ​ടേ​ണ്ടി​യി​രു​ന്നു. ഈ ലോക​ത്തോ​ടുള്ള ബന്ധത്തിൽ, ഒരു ഉചിത​മായ, നിഷ്‌പ​ക്ഷ​മായ ഒരു നിലപാ​ടു മനസ്സി​ലാ​ക്കു​ക​യും ബാധക​മാ​ക്കു​ക​യും ചെയ്യേ​ണ്ടി​യി​രു​ന്നു. ലോകം കൂടുതൽ കൂടുതൽ ദുഷി​ച്ച​താ​യി​ത്തീർന്ന​പ്പോൾ, ധാർമ്മി​ക​വും ആത്മീയ​വു​മായ അശുദ്ധി സഭകളിൽ നിന്നു അകററി​നിർത്തു​ന്ന​തി​നു കഠിന പോരാ​ട്ടം നടത്തേ​ണ്ടത്‌ അവർക്ക്‌ ആവശ്യ​മാ​യി​വന്നു.—യൂദാ 3, 4 താരത​മ്യം​ചെ​യ്യുക.

⁹ അതേ, ശുദ്ധീ​ക​രണം ആവശ്യ​മാ​യി​രു​ന്നു, എങ്കിലും സിംഹാ​സ​ന​സ്ഥ​നാ​ക്ക​പ്പെട്ട യേശു​വി​നെ​ക്കു​റി​ച്ചു യഹോവ സ്‌നേ​ഹ​പൂർവ്വം ഇങ്ങനെ വാഗ്‌ദാ​നം ചെയ്‌തി​രു​ന്നു: “അവൻ ഊതി​ക്ക​ഴി​ക്കു​ന്ന​വ​നെ​പ്പോ​ലെ​യും വെള്ളി ശുദ്ധി​വ​രു​ത്തു​ന്ന​വ​നെ​പ്പോ​ലെ​യും ഇരുന്നു​കൊ​ണ്ടു ലേവി​പു​ത്രൻമാ​രെ ശുദ്ധീ​ക​രി​ച്ചു പൊന്നു​പോ​ലെ​യും വെള്ളി​പോ​ലെ​യും നിർമ്മ​ലീ​ക​രി​ക്കും; അങ്ങനെ അവർ നീതി​യിൽ യഹോ​വെക്കു വഴിപാ​ടു അർപ്പി​ക്കും.” (മലാഖി 3:3) യഹോവ നിയമ​ദൂ​തൻ മുഖേന 1918-ൽ തുടങ്ങി തന്റെ വാഗ്‌ദാ​നം നിവർത്തി​ക്കു​ക​യും തന്റെ ജനത്തെ ശുദ്ധീ​ക​രി​ക്കു​ക​യും ചെയ്‌തി​ട്ടുണ്ട്‌.

10. ദൈവ​ത്തി​ന്റെ ജനം ഏതുതരം വഴിപാ​ടാ​ണു കൊണ്ടു​വ​ന്നത്‌, യഹോവ അവർക്ക്‌ ഏതു ക്ഷണം നൽകി?

¹⁰ ക്രിസ്‌തു​വി​ന്റെ അഭിഷിക്ത സഹോ​ദ​രൻമാ​രും പിന്നീടു യഹോ​വ​യു​ടെ സേവന​ത്തിൽ അവരോ​ടു ചേർന്ന മഹാപു​രു​ഷാ​ര​വു​മെ​ല്ലാം, വെള്ളി ശുദ്ധീ​ക​രി​ക്കു​ന്ന​വ​നും നിർമ്മ​ലീ​ക​രി​ക്കു​ന്ന​വ​നും എന്ന നിലയിൽ യഹോവ പ്രവർത്തി​ച്ച​തിൽനി​ന്നു പ്രയോ​ജ​ന​മ​നു​ഭ​വി​ച്ചു. (വെളി​പ്പാ​ടു 7:9, 14, 15) ഒരു സംഘട​ന​യെ​ന്ന​നി​ല​യിൽ ഒരു നീതി​പൂർവ​മായ വഴിപാട്‌ അർപ്പി​ച്ചു​കൊണ്ട്‌ അവർ വന്നു, ഇപ്പോ​ഴും വരുന്നു. അവരുടെ വഴിപാട്‌ “പുരാതന കാല​ത്തെ​ന്ന​പോ​ലെ​യും പണ്ടത്തെ ആണ്ടുക​ളി​ലെ​ന്ന​പോ​ലെ​യും യഹോ​വെക്കു പ്രസാ​ദകര”മാണ്‌. (മലാഖി 3:4) ഇവരെ​യാണ്‌ യഹോവ പ്രാവ​ച​നി​ക​മാ​യി ഇങ്ങനെ ക്ഷണിച്ചത്‌: “എന്റെ ആലയത്തിൽ ആഹാരം ഉണ്ടാ​കേ​ണ്ട​തി​ന്നു നിങ്ങൾ ദശാംശം മുഴു​വ​നും ഭണ്ഡാര​ത്തി​ലേക്കു കൊണ്ടു​വ​രു​വിൻ; ഞാൻ നിങ്ങൾക്കു ആകാശ​ത്തി​ന്റെ കിളി​വാ​തി​ലു​കളെ തുറന്നു, സ്ഥലം പോരാ​തെ​വ​രു​വോ​ളം നിങ്ങളു​ടെ​മേൽ അനു​ഗ്രഹം പകരു​ക​യി​ല്ല​യോ? എന്നിങ്ങനെ നിങ്ങൾ ഇതിനാൽ എന്നെ പരീക്ഷി​പ്പിൻ എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു.”—മലാഖി 3:10.

വഴിപാ​ടു​ക​ളും ദശാം​ശ​ങ്ങ​ളും

11. മോശ​യു​ടെ ന്യായ​പ്ര​മാ​ണ​പ്ര​കാ​ര​മുള്ള വഴിപാ​ടു​കൾ മേലാൽ ആവശ്യ​മി​ല്ലാ​ത്തത്‌ എന്തു​കൊണ്ട്‌?

¹¹ മലാഖി​യു​ടെ നാളിൽ ജനങ്ങൾ ധാന്യം, പഴം, മൃഗം മുതലാ​യവ പോലുള്ള അക്ഷരീയ വഴിപാ​ടു​ക​ളും ദശാം​ശ​ങ്ങ​ളും കൊണ്ടു​വന്നു. യേശു​വി​ന്റെ നാളിൽപോ​ലും വിശ്വ​സ്‌ത​രായ ഇസ്ര​യേ​ല്യർ ആലയത്തിൽ അക്ഷരീയ വഴിപാ​ടു​കൾ നടത്തി​യി​രു​ന്നു. എന്നിരു​ന്നാ​ലും, യേശു​വി​ന്റെ മരണ​ശേഷം അതെല്ലാം മാറി​പ്പോ​യി. പ്രത്യേക വസ്‌തു​ക്ക​ളു​ടെ വഴിപാ​ടും ദശാം​ശ​വും അർപ്പി​ക്ക​ണ​മെന്ന കല്‌പന ഉൾപ്പെ​ടെ​യുള്ള ന്യായ​പ്ര​മാ​ണം നീക്കി​ക്ക​ളഞ്ഞു. (എഫെസ്യർ 2:15) യേശു ന്യായ​പ്ര​മാ​ണ​ത്തിൻ കീഴിലെ വഴിപാ​ടു​ക​ളു​ടെ പ്രാവ​ച​നിക മാതൃ​കയെ നിവർത്തി​ച്ചു. (എഫെസ്യർ 5:2; എബ്രായർ 10:1, 2, 10) അങ്ങനെ​യെ​ങ്കിൽ ക്രിസ്‌ത്യാ​നി​കൾക്ക്‌ എങ്ങനെ വഴിപാ​ടു​ക​ളും ദശാം​ശ​ങ്ങ​ളും കൊണ്ടു​വ​രാൻ കഴിയും?

12. ഏതുതരം ആത്മീയ വഴിപാ​ടു​ക​ളും യാഗങ്ങ​ളു​മാണ്‌ ക്രിസ്‌ത്യാ​നി​കൾ അർപ്പി​ക്കു​ന്നത്‌?

¹² അവർക്കു വഴിപാ​ടു​കൾ പ്രധാ​ന​മാ​യും ആത്മീയ​മായ തരത്തി​ലു​ള്ള​താണ്‌. (ഫിലി​പ്പി​യർ 2:17; 2 തിമൊ​ഥെ​യോസ്‌ 4:6 താരത​മ്യം ചെയ്യുക.) ഉദാഹ​ര​ണ​ത്തിന്‌, “അവൻ മുഖാ​ന്തരം നാം ദൈവ​ത്തി​ന്നു അവന്റെ നാമത്തെ ഏററു​പ​റ​യുന്ന അധരഫലം എന്ന സ്‌തോ​ത്ര​യാ​ഗം ഇടവി​ടാ​തെ അർപ്പി​ക്കുക” എന്നു പൗലോസ്‌ പറഞ്ഞ​പ്പോൾ പ്രസം​ഗ​വേ​ല​യെ​ക്കു​റിച്ച്‌ അത്‌ ഒരു വഴിപാ​ടാ​യി​രി​ക്കു​ന്ന​താ​യി​ട്ടാണ്‌ അദ്ദേഹം പ്രസ്‌താ​വി​ച്ചത്‌. “നൻമ ചെയ്‌വാ​നും കൂട്ടായ്‌മ കാണി​പ്പാ​നും മറക്കരുത്‌. ഈവക യാഗത്തി​ല​ല്ലോ ദൈവം പ്രസാ​ദി​ക്കു​ന്നത്‌” എന്നു പൗലോസ്‌ ഉദ്‌ബോ​ധി​പ്പി​ച്ച​പ്പോൾ അദ്ദേഹം മറെറാ​രു​തരം ആത്മീയ യാഗത്തി​ലേക്കു വിരൽ ചൂണ്ടി. (എബ്രായർ 13:15, 16) പയനിയർ സേവന​ത്തിൽ പ്രവേ​ശി​ക്കാൻ മാതാ​പി​താ​ക്കൾ തങ്ങളുടെ കുട്ടി​കളെ പ്രോ​ത്സാ​ഹി​പ്പി​ക്കു​മ്പോൾ അവർ അവരെ യഹോ​വക്ക്‌ അർപ്പി​ക്കു​ക​യാ​ണെന്നു പറയാൻ കഴിയും. ഇത്‌ ഏറക്കുറെ യിഫ്‌താഹ്‌ തനിക്കു വിജയം നൽകിയ ദൈവ​ത്തി​നു തന്റെ മകളെ “ഒരു ഹനനയാ​ഗ​മാ​യി” അർപ്പി​ച്ച​തു​പോ​ലെ തന്നെയാണ്‌.—ന്യായാ​ധി​പൻമാർ 11:30, 31, 39.

13. ക്രിസ്‌ത്യാ​നി​കൾ തങ്ങളുടെ വരുമാ​ന​ത്തി​ന്റെ അക്ഷരാർത്ഥ​ത്തി​ലുള്ള പത്തി​ലൊ​ന്നു കൊടു​ക്കേ​ണ്ട​തി​ല്ലാ​ത്ത​തി​ന്റെ കാരണ​മെന്ത്‌?

¹³ എന്നിരു​ന്നാ​ലും ദശാം​ശത്തെ സംബന്ധി​ച്ചെന്ത്‌? ക്രൈ​സ്‌ത​വ​ലോ​ക​ത്തി​ലെ ചില സഭകളിൽ ചെയ്യു​ന്ന​തി​നു സമാന​മാ​യി, തങ്ങളുടെ ഭൗതിക വരുമാ​ന​ത്തി​ന്റെ പത്തി​ലൊ​ന്നു മാററി​വെ​ക്കാ​നും അതു യഹോ​വ​യു​ടെ സ്ഥാപന​ത്തി​നു നൽകാ​നും ക്രിസ്‌ത്യാ​നി​കൾ കടപ്പെ​ട്ട​വ​രാ​ണോ? അല്ല, അതിന്റെ ആവശ്യ​മില്ല. ക്രിസ്‌ത്യാ​നി​കൾക്ക്‌ ഇതു​പോ​ലൊ​രു നിയമ​ത്തെ​ക്കു​റി​ച്ചു പ്രസ്‌താ​വി​ക്കുന്ന യാതൊ​രു തിരു​വെ​ഴു​ത്തു​മില്ല. യഹൂദ്യ​യി​ലെ മുട്ടു​ള്ള​വർക്കു​വേണ്ടി പൗലോസ്‌ സംഭാ​വ​നകൾ ശേഖരി​ച്ച​പ്പോൾ, നൽകേണ്ട ഒരു ക്ലിപ്‌ത ശതമാനം അവൻ സൂചി​പ്പി​ച്ചില്ല. മറിച്ച്‌ അവൻ ഇങ്ങനെ പറഞ്ഞു: “അവനവൻ ഹൃദയ​ത്തിൽ നിശ്ചയി​ച്ച​തു​പോ​ലെ കൊടു​ക്കട്ടെ. സങ്കട​ത്തോ​ടെ അരുതു; നിർബ​ന്ധ​ത്താ​ലു​മ​രു​തു; സന്തോ​ഷ​ത്തോ​ടെ കൊടു​ക്കു​ന്ന​വനെ ദൈവം സ്‌നേ​ഹി​ക്കു​ന്നു.” (2 കൊരി​ന്ത്യർ 9:7) പ്രത്യേക ശുശ്രൂ​ഷ​ക​ളി​ലു​ള്ള​വ​രെ​ക്കു​റിച്ച്‌ പറയവെ, ചില​രൊ​ക്കെ സ്വമേ​ധയാ സംഭാ​വ​ന​ക​ളാൽ ഉചിത​മാ​യി​ത്തന്നെ സഹായി​ക്ക​പ്പെ​ട്ട​പ്പോൾ താൻ വേല ചെയ്യാ​നും തന്നേത്തന്നെ പോറ​റാ​നും തയ്യാറാ​യി​രു​ന്നു​വെന്നു പൗലോസ്‌ പ്രകട​മാ​ക്കി. (പ്രവൃ​ത്തി​കൾ 18:3, 4; 1 കൊരി​ന്ത്യർ 9:13-15) ഈ ഉദ്ദേശ്യ​ത്തി​നാ​യി ദശാംശം ഒന്നും ചുമത്തി​യി​രു​ന്നില്ല.

14. (എ) ദശാംശം കൊണ്ടു​വ​രു​ന്നതു യഹോ​വക്കു നാം എല്ലാം കൊടു​ക്കു​ന്ന​തി​നെ പ്രതി​നി​ധാ​നം ചെയ്യാ​ത്തത്‌ എന്തു​കൊണ്ട്‌? (ബി) ദശാംശം എന്തിനെ ചിത്രീ​ക​രി​ക്കു​ന്നു?

¹⁴ വ്യക്തമാ​യും, ദശാംശം ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം എന്തോ ഒന്നിനെ പ്രതീ​ക​പ്പെ​ടു​ത്തു​ന്നു അല്ലെങ്കിൽ പ്രതി​നി​ധാ​നം ചെയ്യുന്നു. അതു പത്തി​ലൊ​ന്നാ​യ​തി​നാ​ലും പത്തെന്ന സംഖ്യ ബൈബി​ളിൽ മിക്ക​പ്പോ​ഴും ഭൗമിക പൂർണ്ണ​തയെ സൂചി​പ്പി​ക്കു​ന്ന​തി​നാ​ലും ദശാംശം നമുക്കു​ള്ള​തെ​ല്ലാം യഹോ​വക്കു നൽകു​ന്ന​തി​നെ ചിത്രീ​ക​രി​ക്കു​ന്നു​വോ? ഇല്ല. നാം നമ്മേത്തന്നെ യഹോ​വക്കു സമർപ്പി​ക്കു​ക​യും അതു ജലസ്‌നാ​പ​ന​ത്താൽ ലക്ഷ്യ​പ്പെ​ടു​ത്തു​ക​യും ചെയ്യു​മ്പോ​ഴാണ്‌ നാം നമുക്കു​ള്ള​തെ​ല്ലാം അവനു നൽകു​ന്നത്‌. നമ്മുടെ സമർപ്പ​ണ​സ​മയം മുതൽ യഹോ​വ​യു​ടേ​ത​ല്ലാ​ത്തത്‌ ഒന്നും നമുക്കില്ല. എന്നുവ​രി​കി​ലും തങ്ങൾക്കു​ള്ള​തി​നെ ക്രമ​പ്പെ​ടു​ത്താൻ അവൻ വ്യക്തി​കളെ അനുവ​ദി​ക്കു​ന്നു. നമുക്കു യഹോ​വ​യോ​ടുള്ള സ്‌നേ​ഹ​ത്തി​ന്റെ​യും നാം അവനു​ള്ള​വ​രാ​ണെ​ന്നുള്ള വസ്‌തു​ത​യു​ടെ തിരി​ച്ച​റി​യ​ലി​ന്റെ​യും ഒരു സൂചന​യെ​ന്ന​നി​ല​യിൽ നാം നമുക്കു​ള്ള​തിൽനി​ന്നു യഹോ​വ​ക്കാ​യി കൊണ്ടു​വ​രുന്ന അഥവാ യഹോ​വ​യു​ടെ സേവന​ത്തിൽ ഉപയോ​ഗി​ക്കുന്ന അംശ​ത്തെ​യാണ്‌ ദശാംശം പ്രതി​നി​ധാ​നം ചെയ്യു​ന്നത്‌. ആധുനി​ക​കാല ദശാംശം പത്തി​ലൊ​ന്നു​ത​ന്നെ​യാ​യി​രി​ക്ക​ണ​മെ​ന്നില്ല. ചില​പ്പോൾ അതു കുറവാ​യി​രു​ന്നേ​ക്കാം, ചില​പ്പോൾ അതു കൂടു​ത​ലാ​യി​രു​ന്നേ​ക്കാം. ഓരോ വ്യക്തി​യും തന്റെ ഹൃദയം തന്നെ നിർബ​ന്ധി​ക്കു​ന്ന​തും തന്റെ സാഹച​ര്യ​ങ്ങൾ അനുവ​ദി​ക്കു​ന്ന​തും കൊണ്ടു​വ​രു​ന്നു.

15, 16. നമ്മുടെ ആത്മീയ ദശാം​ശ​ത്തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

¹⁵ ഈ ആത്മീയ ദശാം​ശ​ത്തിൽ ഉൾപ്പെ​ട്ടി​രി​ക്കു​ന്നത്‌ എന്താണ്‌? ഒരു സംഗതി, യഹോ​വക്കു നാം നമ്മുടെ സമയവും ഊർജ്ജ​വും കൊടു​ക്കു​ന്ന​താണ്‌. യോഗ​ങ്ങ​ളി​ലും സമ്മേള​ന​ങ്ങ​ളി​ലും കൺ​വെൻ​ഷ​നു​ക​ളി​ലും വയൽസേ​വ​ന​ത്തി​ലും നാം ചെലവ​ഴി​ക്കുന്ന സമയ​മെ​ല്ലാം യഹോ​വക്കു നാം കൊടു​ക്കു​ന്ന​താണ്‌—നമ്മുടെ ദശാം​ശ​ത്തി​ന്റെ ഒരു ഭാഗം​തന്നെ. രോഗി​കളെ സന്ദർശി​ക്കു​ന്ന​തി​നും മററു​ള്ള​വരെ സഹായി​ക്കു​ന്ന​തി​നും​വേണ്ടി നാം ചെലവ​ഴി​ക്കുന്ന സമയവും ഊർജ്ജ​വും—ഇവയും നമ്മുടെ ദശാം​ശ​ത്തി​ന്റെ ഭാഗമാണ്‌. രാജ്യ​ഹാ​ളു​കൾ പണിയു​ന്ന​തിൽ സഹായി​ക്കു​ന്ന​തും ഹാളിന്റെ കേടു​പോ​ക്ക​ലി​ലും ശുചീ​ക​ര​ണ​ത്തി​ലും പങ്കു​ചേ​രു​ന്ന​തും അതു​പോ​ലെ ഒരു ഭാഗം തന്നെയാണ്‌.

¹⁶ നമ്മുടെ ദശാം​ശ​ത്തിൽ സാമ്പത്തിക സംഭാ​വ​ന​ക​ളും ഉൾപ്പെ​ടു​ന്നു. യഹോ​വ​യു​ടെ സ്ഥാപന​ത്തി​ന്റെ ഈ അടുത്ത കാലത്തെ അസാധാ​ര​ണ​മായ വളർച്ച​യോ​ടൊ​പ്പം സാമ്പത്തിക ബാധ്യ​ത​ക​ളും വർദ്ധി​ച്ചി​ട്ടുണ്ട്‌. പുതിയ രാജ്യ​ഹാ​ളു​ക​ളും ബ്രാഞ്ച്‌ സൗകര്യ​ങ്ങ​ളും സമ്മേള​ന​ഹാ​ളു​ക​ളും ആവശ്യ​മാണ്‌. ഇതി​നോ​ടകം പണിക​ഴി​പ്പി​ച്ചി​ട്ടു​ള്ളവ നന്നായി നിലനിർത്തു​ക​യും വേണം. പലപ്പോ​ഴും വ്യക്തി​പ​ര​മായ വലിയ ത്യാഗങ്ങൾ ചെയ്‌തു​കൊ​ണ്ടു പ്രത്യേക സേവന​ങ്ങ​ളിൽ സ്വയം ലഭ്യമാ​ക്കി​യി​ട്ടു​ള്ള​വ​രു​ടെ ചെലവു​കൾ വഹിക്കു​ന്ന​തും അതിശ​ക്ത​മായ ഒരു വെല്ലു​വി​ളി സൃഷ്ടി​ക്കു​ന്നു. മിഷന​റി​മാ​രെ​യും സഞ്ചാര​മേൽവി​ചാ​ര​കൻമാ​രെ​യും പ്രത്യേക പയനി​യർമാ​രെ​യും മാത്രം സംരക്ഷി​ക്കു​ന്ന​തിന്‌ 1991-ൽ 400 ലക്ഷം ഡോള​റി​ല​ധി​കം ചെലവി​ട്ടു. ഇതെല്ലാം സ്വമേ​ധയാ സംഭാ​വ​ന​ക​ളി​ലൂ​ടെ​യാണ്‌ ലഭ്യമാ​യത്‌.

17. നമ്മുടെ ആത്മീയ ദശാം​ശ​മെ​ന്ന​നി​ല​യിൽ നാം എന്താണു നൽകേ​ണ്ടത്‌?

¹⁷ നമ്മുടെ ആത്മീയ ദശാം​ശ​മാ​യി നാം എന്തുമാ​ത്രം കൊടു​ക്കണം? യഹോവ ഒരു ശതമാ​ന​വ്യ​വസ്ഥ വെക്കു​ന്നില്ല. എന്നുവ​രി​കി​ലും, ഒരു സമർപ്പ​ണ​ബോ​ധം, യഹോ​വ​യോ​ടും സഹോ​ദ​ര​ങ്ങ​ളോ​ടും ഉള്ള ആത്മാർത്ഥ​മായ സ്‌നേഹം, ജീവൻ രക്ഷിക്ക​പ്പെ​ടേണ്ട ആളുകൾ ഉണ്ടെന്ന ഒരു അടിയ​ന്തിര ബോധം എന്നിവ നമ്മുടെ മുഴു ആത്മീയ ദശാം​ശ​വും കൊണ്ടു​വ​രാൻ നമ്മെ പ്രോ​ത്സാ​ഹി​പ്പി​ക്കു​ന്നു. കഴിവി​ന്റെ പരമാ​വധി യഹോ​വയെ സേവി​ക്കാൻ നമുക്കു നിർബന്ധം തോന്നു​ന്നു. നാം ലുബ്ധു കാണി​ക്കു​ക​യോ നമ്മെത്ത​ന്നെ​യോ നമ്മുടെ സ്വത്തു​ക്ക​ളെ​യോ പിറു​പി​റു​പ്പോ​ടെ കൊടു​ക്കു​ക​യോ ചെയ്യു​ന്നു​വെ​ങ്കിൽ അതു ദൈവ​ത്തിൽനി​ന്നു കവർന്നെ​ടു​ക്കു​ന്ന​തി​നു തുല്യ​മാ​യി​രി​ക്കും.—ലൂക്കൊസ്‌ 21:1-4 താരത​മ്യം ചെയ്യുക.

മതിയാ​കു​വോ​ളം അനു​ഗ്ര​ഹി​ക്ക​പ്പെ​ടു​ന്നു

18, 19. തങ്ങളുടെ മുഴു​ദ​ശാം​ശ​വും കൊണ്ടു​വ​ന്ന​തി​നാൽ യഹോ​വ​യു​ടെ ജനം എങ്ങനെ​യാണ്‌ അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നത്‌?

¹⁸ ആയിര​ത്തി​ത്തൊ​ള്ളാ​യി​ര​ത്തി​പ്പ​ത്തൊൻപതു മുതൽ യഹോ​വ​യു​ടെ ജനം പ്രസം​ഗ​വേ​ല​യു​ടെ ആവശ്യ​ത്തി​നു​വേണ്ടി തങ്ങളുടെ സമയം​കൊ​ണ്ടും ഊർജ്ജം​കൊ​ണ്ടും സാമ്പത്തിക വിഭവ​ങ്ങൾകൊ​ണ്ടും ഔദാ​ര്യ​ത്തോ​ടെ പ്രതി​ക​രി​ച്ചി​ട്ടുണ്ട്‌. അവർ യഥാർത്ഥ​ത്തിൽ മുഴു ദശാം​ശ​വും ഭണ്ഡാര​ത്തി​ലേക്കു കൊണ്ടു​വ​ന്നി​ട്ടുണ്ട്‌. തൽഫല​മാ​യി, യഹോവ തന്റെ വാഗ്‌ദാ​നം നിവർത്തി​ക്കു​ക​യും മതിയാ​കു​വോ​ളം അനു​ഗ്രഹം വർഷി​ക്കു​ക​യും ചെയ്‌തി​രി​ക്കു​ന്നു. ഇത്‌ അവരുടെ സംഖ്യാ​വർദ്ധ​ന​വിൽ ഏററവും നാടകീ​യ​മാ​യി കാണ​പ്പെ​ടു​ന്നു. യഹോവ തന്റെ ആലയത്തി​ലേക്കു വന്ന 1918-ൽ അവനെ സേവി​ച്ചി​രുന്ന ഏതാനും ആയിര​ങ്ങ​ളാ​യി​രുന്ന അഭിഷി​ക്ത​രിൽനിന്ന്‌ ഇന്ന്‌ അഭിഷി​ക്ത​രും അവരുടെ സഹകാ​രി​ക​ളായ വേറെ ആടുക​ളും ചേർന്നു 229 രാജ്യ​ങ്ങ​ളി​ലാ​യി നാൽപ​തു​ല​ക്ഷ​ത്തി​ലും വളരെ കൂടിയ സംഖ്യ​യാ​യി വളർന്നി​രി​ക്കു​ന്നു. (യെശയ്യാ​വു 60:22) ഇവർ സത്യത്തി​ന്റെ ഗ്രാഹ്യ​ത്തി​ന്റെ തുടർച്ച​യായ വർദ്ധന​വി​നാ​ലും അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു. പ്രവാചക വചനം അവർക്കു കൂടുതൽ ഉറപ്പു​ള്ള​താ​യി​ത്തീർന്നി​രി​ക്കു​ന്നു. യഹോ​വ​യു​ടെ ഉദ്ദേശ്യ​ങ്ങ​ളു​ടെ നിവർത്തി​യി​ലുള്ള അവരുടെ വിശ്വാ​സം ഉറപ്പായി സ്ഥാപി​ക്ക​പ്പെ​ട്ടി​രി​ക്കു​ന്നു. (2 പത്രൊസ്‌ 1:19) അവർ സത്യമാ​യും “യഹോ​വ​യാൽ പഠിപ്പി​ക്ക​പ്പെട്ട” ഒരു ജനമാണ്‌.—യെശയ്യാ​വു 54:13.

¹⁹ മലാഖി​യി​ലൂ​ടെ യഹോവ മറെറാ​രു അനു​ഗ്ര​ഹ​വും​കൂ​ടെ മുൻകൂ​ട്ടി​പ്പ​റഞ്ഞു: “യഹോ​വാ​ഭ​ക്തൻമാർ അന്നു തമ്മിൽ തമ്മിൽ സംസാ​രി​ച്ചു; യഹോവ ശ്രദ്ധ​വെച്ചു കേട്ടു; യഹോ​വാ​ഭ​ക്തൻമാർക്കും അവന്റെ നാമത്തെ സ്‌മരി​ക്കു​ന്ന​വർക്കും​വേണ്ടി അവന്റെ സന്നിധി​യിൽ ഒരു സ്‌മര​ണ​പു​സ്‌തകം എഴുതി​വെ​ച്ചി​രി​ക്കു​ന്നു.” (മലാഖി 3:16) ക്രിസ്‌തീ​യ​മെന്ന്‌ അവകാ​ശ​പ്പെ​ടുന്ന സകല സ്ഥാപന​ങ്ങ​ളി​ലും​വെച്ചു യഹോ​വ​യു​ടെ സാക്ഷികൾ മാത്രമെ അവന്റെ നാമ​ത്തെ​ക്കു​റി​ച്ചു ചിന്തി​ക്കു​ക​യും ജാതി​ക​ളു​ടെ​യി​ട​യിൽ അതിനെ മഹത്വീ​ക​രി​ക്കു​ക​യും ചെയ്യു​ന്നു​ള്ളു. (സങ്കീർത്തനം 34:3) യഹോവ അവരുടെ വിശ്വ​സ്‌തത ഓർക്കു​ന്നു​വെന്ന ഉറപ്പ്‌ അവർക്കു ലഭിക്കു​ന്ന​തിൽ അവർ എത്ര സന്തുഷ്ട​രാണ്‌!

20, 21. (എ) ഏത്‌ അനു​ഗ്ര​ഹി​ക്ക​പ്പെട്ട ബന്ധമാണ്‌ സത്യ​ക്രി​സ്‌ത്യാ​നി​കൾ ആസ്വദി​ക്കു​ന്നത്‌? (ബി) ക്രിസ്‌ത്യാ​നി​ത്വ​ത്തെ സംബന്ധിച്ച്‌ എന്തു വ്യത്യാ​സം കൂടുതൽ കൂടുതൽ വ്യക്തമാ​യി വരുന്നു?

²⁰ അഭിഷിക്ത ശേഷിപ്പു യഹോ​വ​യു​ടെ പ്രത്യേക ജനമാണ്‌, അവരോ​ടു സഹവസി​ക്കാൻ കൂടി​വ​രുന്ന മഹാപു​രു​ഷാ​രം അവരോ​ടൊ​പ്പം ശുദ്ധാ​രാ​ധ​ന​യു​ടെ അനു​ഗ്ര​ഹങ്ങൾ കൊയ്യു​ന്നു. (സെഖര്യാ​വു 8:23) മലാഖി​യി​ലൂ​ടെ യഹോവ ഇങ്ങനെ വാഗ്‌ദാ​നം ചെയ്യുന്നു: “ഞാൻ ഉണ്ടാക്കു​വാ​നുള്ള ദിവസ​ത്തിൽ ‘അവർ എനിക്കു ഒരു നിക്ഷേപം ആയിരി​ക്കും’ എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു; ‘ഒരു മനുഷ്യൻ തനിക്കു ശുശ്രൂഷ ചെയ്യുന്ന മകനെ ആദരി​ക്കു​ന്ന​തു​പോ​ലെ ഞാൻ അവരെ ആദരി​ക്കും.’” (മലാഖി 3:17) യഹോ​വക്ക്‌ അവരോട്‌ ഇത്ര വാത്സല്യ​പൂർവ​മുള്ള പരിഗണന ഉണ്ടായി​രി​ക്കു​ന്നത്‌ എന്തൊ​ര​നു​ഗ്ര​ഹ​മാണ്‌!

²¹ തീർച്ച​യാ​യും, സത്യ​ക്രി​സ്‌ത്യാ​നി​ക​ളും വ്യാജ​ക്രി​സ്‌ത്യാ​നി​ക​ളും തമ്മിലുള്ള വ്യത്യാ​സം അധിക​മ​ധി​കം പ്രകട​മാ​യി വരിക​യാണ്‌. യഹോ​വ​യു​ടെ ജനം അവന്റെ നിലവാ​ര​ത്തി​ലെ​ത്താൻ കഠിന​ശ്രമം ചെയ്യു​മ്പോൾ ക്രൈ​സ്‌ത​വ​ലോ​കം അശുദ്ധി​യാ​കുന്ന ഈ ലോക​ത്തി​ന്റെ ചതുപ്പിൽ കൂടുതൽ കൂടുതൽ താഴ്‌ന്നു പൊയ്‌ക്കൊ​ണ്ടി​രി​ക്കു​ക​യാണ്‌. സത്യമാ​യി, യഹോ​വ​യു​ടെ വാക്കുകൾ വാസ്‌ത​വ​മാ​ണെന്നു തെളി​ഞ്ഞി​രി​ക്കു​ന്നു: “അപ്പോൾ നിങ്ങൾ നീതി​മാ​നും ദുഷ്ടനും തമ്മിലും ദൈവത്തെ സേവി​ക്കു​ന്ന​വ​നും സേവി​ക്കാ​ത്ത​വ​നും തമ്മിലു​മുള്ള വ്യത്യാ​സം വീണ്ടും കാണും.”—മലാഖി 3:18.

22. മുഴു​ദ​ശാം​ശ​വും കൊണ്ടു​വ​രു​ന്ന​തിൽ തുടരു​ന്നെ​ങ്കിൽ നമുക്ക്‌ ആസ്വദി​ക്കാ​മെന്ന്‌ ഉറപ്പു​ണ്ടാ​യി​രി​ക്കാ​വുന്ന അനു​ഗ്ര​ഹങ്ങൾ ഏവ?

²² പെട്ടെ​ന്നു​തന്നെ, വ്യാജ​ക്രി​സ്‌ത്യാ​നി​ക​ളു​മാ​യി കണക്കു​തീർക്കു​ന്ന​തി​നുള്ള ദിവസം വരും. “‘ചൂള​പോ​ലെ കത്തുന്ന ഒരു ദിവസം വരും; അപ്പോൾ അഹങ്കാ​രി​ക​ളൊ​ക്കെ​യും സകല ദുഷ്‌പ്ര​വൃ​ത്തി​ക്കാ​രും താളടി​യാ​കും; വരുവാ​നുള്ള ആ ദിവസം വേരും കൊമ്പും ശേഷി​പ്പി​ക്കാ​തെ അവരെ ദഹിപ്പി​ച്ചു​ക​ള​യും’ എന്നു സൈന്യ​ങ്ങ​ളു​ടെ യഹോവ അരുളി​ചെ​യ്യു​ന്നു.” (മലാഖി 4:1) ആ സമയത്ത്‌, യഹോവ തന്റെ ആത്മീയ ജനത്തെ പൊ.യു. 70-ൽ സംരക്ഷി​ച്ച​തു​പോ​ലെ തങ്ങളെ സംരക്ഷി​ക്കു​മെന്നു യഹോ​വ​യു​ടെ ജനത്തി​ന​റി​യാം. (മലാഖി 4:2) ആ ഉറപ്പു​ണ്ടാ​യി​രി​ക്കു​ന്ന​തിൽ അവർ എത്ര സന്തുഷ്ട​രാണ്‌! അതിനാൽ, ആ സമയം​വരെ മുഴു ദശാം​ശ​വും ഭണ്ഡാര​ത്തി​ലേക്കു കൊണ്ടു​വ​ന്നു​കൊ​ണ്ടു നമു​ക്കോ​രോ​രു​ത്തർക്കും യഹോ​വ​യോ​ടുള്ള വിലമ​തി​പ്പും സ്‌നേ​ഹ​വും പ്രകട​മാ​ക്കാം. അപ്പോൾ നമുക്കു മതിയാ​കു​വോ​ളം യഹോവ നമ്മെ അനു​ഗ്ര​ഹി​ക്കു​ന്ന​തിൽ തുടരു​മെന്നു നമുക്ക്‌ ഉറപ്പു​ണ്ടാ​യി​രി​ക്കാം.

[അടിക്കു​റി​പ്പു​കൾ]

നിങ്ങൾക്കു വിശദീ​ക​രി​ക്കാ​മോ?

◻ ആധുനിക നാളിൽ, യഹോവ തന്റെ നിയമ​ദൂ​ത​നു​മാ​യി ആലയത്തി​ലേക്കു വന്നത്‌ എന്നാണ്‌?

◻ വിശ്വ​സ്‌ത​നും വിവേ​കി​യു​മായ അടിമ ആരാണ്‌, 1918-നു ശേഷം എന്തു ശുദ്ധീ​ക​ര​ണ​മാണ്‌ അവർക്ക്‌ ആവശ്യ​മാ​യി​വ​ന്നത്‌?

◻ സത്യ​ക്രി​സ്‌ത്യാ​നി​കൾ യഹോ​വക്കു കൊണ്ടു​വ​രുന്ന ആത്മീയ​വ​ഴി​പാ​ടു​കൾ ഏതു തരത്തി​ലു​ള്ള​താണ്‌?

◻ ക്രിസ്‌ത്യാ​നി​കൾ ഭണ്ഡാര​ത്തി​ലേക്കു കൊണ്ടു​വ​രാൻ ക്ഷണിക്ക​പ്പെ​ട്ടി​രി​ക്കുന്ന ദശാംശം എന്താണ്‌?

◻ ആത്മീയ ദശാം​ശങ്ങൾ അർപ്പി​ക്കു​ന്ന​തി​നാൽ എന്തനു​ഗ്ര​ഹ​ങ്ങ​ളാ​ണു ദൈവ​ത്തി​ന്റെ ജനം ആസ്വദി​ക്കു​ന്നത്‌?

[15-ാം പേജിലെ ചിത്രം]

രാജ്യഹാളുകൾ നിർമ്മി​ക്കു​ന്ന​തി​നു നമ്മുടെ ആരോ​ഗ്യ​വും ഊർജ്ജ​വും അർപ്പി​ക്കു​ന്ന​തും ആത്മീയ ദശാം​ശ​ങ്ങ​ളിൽ ഉൾപ്പെ​ടു​ന്നു

[16-ാം പേജിലെ ചിത്രം]

യഹോവ തന്റെ ജനത്തെ അനു​ഗ്ര​ഹി​ക്കു​ന്ന​തി​നാൽ രാജ്യ​ഹാ​ളു​ക​ളും സമ്മേള​ന​ഹാ​ളു​ക​ളും ഉൾപ്പെടെ വളരെ​യ​ധി​കം നിർമ്മാ​ണം ആവശ്യ​മാ​യി വന്നിരി​ക്കു​ന്നു