നിങ്ങളെ സന്തുഷ്ട​നാ​ക്കാൻ ആവശ്യ​മാ​യി​രി​ക്കു​ന്നത്‌ എന്ത്‌?

ജനങ്ങൾ തിര​ഞ്ഞെ​ടു​ക്കുന്ന രാഷ്‌ട്രീ​യ​ക്കാർ ആ ജനത്തെ സന്തുഷ്ട​രാ​ക്കാൻ കഠിന​മാ​യി പരി​ശ്ര​മി​ക്കു​ന്നത്‌ അവരുടെ ലക്ഷ്യമാ​ക്കു​ന്നു. ഏതായാ​ലും അവരുടെ ജോലി അതിൻമേ​ലാ​ണ​ല്ലോ ആശ്രയി​ച്ചി​രി​ക്കു​ന്നത്‌. എന്നാൽ ഒരു വാർത്താ​പ​ത്രിക പോള​ണ്ടി​ലെ “മിഥ്യാ​ബോ​ധം നീങ്ങി​യ​വ​രും ബന്ധം മുറി​ഞ്ഞ​വ​രു​മായ സമ്മതി​ദാ​യ​കരെ”ക്കുറിച്ചു പറയുന്നു. “ഔപചാ​രിക രാഷ്‌ട്രീ​യ​ത്തോട്‌ അവിശ്വാ​സം നിറഞ്ഞ” ഒരു സമൂഹ​മാണ്‌ ഐക്യ​നാ​ടു​ക​ളെന്ന്‌ ഒരു പത്ര​പ്ര​വർത്തകൻ വിശദീ​ക​രി​ക്കു​ന്നു. മറെറാ​രു ലേഖകൻ “ഫ്രാൻസി​ലെ വളർന്നു​വ​രുന്ന രാഷ്‌ട്രീയ വിരക്തി”യെക്കു​റി​ച്ചു നമ്മോടു പറയുന്നു. യാതൊ​രു കാരണ​വ​ശാ​ലും ഈ മൂന്നു രാജ്യ​ങ്ങ​ളിൽ ഒതുങ്ങി​നി​ല്‌ക്കാത്ത, വ്യാപ​ക​മായ അത്തരം വിരക്തി​യും അതൃപ്‌തി​യും വെളി​വാ​ക്കു​ന്നതു രാഷ്‌ട്രീ​യ​ക്കാർ ജനങ്ങളെ സന്തുഷ്ട​രാ​ക്കാ​നുള്ള ശ്രമത്തിൽ പരാജ​യ​പ്പെ​ടു​ന്നു എന്നാണ്‌.

മതനേ​താ​ക്കൻമാ​രും സന്തോഷം വാഗ്‌ദാ​നം ചെയ്യു​ന്നുണ്ട്‌, ഈ ജീവി​ത​ത്തി​ല​ല്ലെ​ങ്കിൽ ഭാവി​യി​ലെ​ങ്കി​ലും. പലയാ​ളു​ക​ളും വ്യത്യസ്‌ത കാരണ​ങ്ങൾകൊ​ണ്ടു നിരസി​ക്കു​ന്ന​തും ബൈബിൾ വ്യക്തമാ​യി ഖണ്ഡിക്കു​ന്ന​തു​മായ മനുഷ്യന്‌ അമർത്ത്യ​ത​യുള്ള അല്ലെങ്കിൽ ദേഹാ​ന്തരം പ്രാപി​ക്കുന്ന ഒരു ദേഹി​യുണ്ട്‌ എന്ന പ്രമേ​യ​ത്തിൻമേൽ അവർ ഇത്‌ അടിസ്ഥാ​ന​പ്പെ​ടു​ത്തു​ന്നു. സന്തുഷ്ടി​ക്കു മർമ​പ്ര​ധാ​ന​മാ​യി മതത്തെ മേലാൽ ലക്ഷക്കണ​ക്കി​നാ​ളു​കൾ പരിഗ​ണി​ക്കു​ന്നി​ല്ലെ​ന്നാണ്‌ ഒഴിഞ്ഞ പള്ളിക​ളും കുറയുന്ന അംഗസം​ഖ്യ​യും പ്രകട​മാ​ക്കു​ന്നത്‌.—ഉല്‌പത്തി 2:7, 17; യെഹെ​സ്‌കേൽ 18:4, 20.

അതൃപ്‌ത​രായ വെള്ളി​പ്രി​യർ

രാഷ്‌ട്രീ​യ​ത്തി​ലോ മതത്തി​ലോ അല്ലെങ്കിൽ പിന്നെ സന്തുഷ്ടി എവിടെ കണ്ടെത്താം? ഒരുപക്ഷേ വാണി​ജ്യ​മേ​ഖ​ല​യിൽ? അതും സന്തുഷ്ടി പ്രദാനം ചെയ്യാ​നുള്ള പ്രാപ്‌തി​യു​ണ്ടെന്ന്‌ അവകാ​ശ​പ്പെ​ടു​ന്നു. പണം​കൊ​ടു​ത്തു വാങ്ങാൻ കഴിയുന്ന എല്ലാ ഭൗതിക വസ്‌തു​ക്ക​ളും സേവന​ങ്ങ​ളും ഉണ്ടായി​രി​ക്കു​ന്ന​തിൽനി​ന്നാ​ണു സന്തുഷ്ടി ലഭിക്കു​ന്ന​തെന്നു വ്യക്തമാ​യി പറഞ്ഞു​കൊണ്ട്‌ അത്‌ അതിന്റെ വാദഗതി പരസ്യ​ത്തി​ന്റെ മാധ്യ​മ​ത്തി​ലൂ​ടെ അവതരി​പ്പി​ക്കു​ന്നു.

ഈ രീതി​യിൽ സന്തുഷ്ടി തേടുന്ന ആളുക​ളു​ടെ എണ്ണം വർധി​ക്കു​ന്ന​താ​യി തോന്നു​ന്നു. കുറെ വർഷങ്ങൾക്കു മുമ്പു ജർമനി​യിൽ രണ്ടു കുടും​ബാം​ഗ​ങ്ങ​ളിൽ ഒന്ന്‌ എന്ന തോതിൽ ഗൗരവ​മായ കടത്തിൽ ആണെന്നു റിപ്പോർട്ടു ചെയ്യ​പ്പെട്ടു. അപ്പോൾ പ്രശസ്‌ത ജർമൻ ദിനപ്പ​ത്ര​മായ ദീ സ്സൈററ്‌, “അവയിൽ പലതും എന്നെങ്കി​ലും കടത്തിൽനി​ന്നു കരകേ​റു​ന്ന​തിന്‌ അശേഷം സാദ്ധ്യ​ത​യി​ല്ലാ​തെ​യാ​ണു നില​കൊ​ള്ളു​ന്നത്‌” എന്നു പ്രവചി​ച്ച​തിൽ അത്ഭുത​മൊ​ന്നു​മില്ല. അത്‌ ഇപ്രകാ​രം വിശദീ​ക​രി​ച്ചു: “ബാങ്ക്‌ നിങ്ങൾക്കു നിരന്തരം അനുവ​ദി​ക്കുന്ന പരിധി​യോ​ളം തുക പററു​ന്നതു വളരെ എളുപ്പ​വും അതിൽനി​ന്നു തല ഊരു​ന്നതു വളരെ ദുഷ്‌ക്ക​ര​വു​മാണ്‌.”

അത്യന്തം വ്യവസാ​യ​വ​ത്‌കൃ​ത​മായ മററു രാജ്യ​ങ്ങ​ളി​ലെ സ്ഥിതി​വി​ശേഷം സമാന​മാണ്‌. ഏതാനും വർഷം മുമ്പു ന്യൂ​യോർക്ക്‌ സിററി യൂണി​വേ​ഴ്‌സി​റ​റി​യി​ലെ ഒരു സാമൂ​ഹി​ക​ശാ​സ്‌ത്ര​ജ്ഞ​നായ ഡേവിഡ്‌ കാപ്ലോ​വി​റ​റ്‌സ്‌, ഐക്യ​നാ​ടു​ക​ളിൽ രണ്ടു കോടി​ക്കും രണ്ടര കോടി​ക്കു​മി​ട​യി​ലുള്ള വീട്ടു​കാർ ഭാരിച്ച കടത്തി​ലാ​ണെന്നു കണക്കാക്കി. “ജനങ്ങൾ കടത്തിൽ മുങ്ങി​യി​രി​ക്കു​ക​യാ​ണെ​ന്നും അത്‌ അവരുടെ ജീവി​ത​ങ്ങളെ നശിപ്പി​ക്കു​ക​യാ​ണെ​ന്നും” അദ്ദേഹം പറഞ്ഞു.

അതു അശേഷം സന്തുഷ്ടി​യാ​യി തോന്നു​ന്നില്ല! എന്നാൽ മറേറ രണ്ടിനും (രാഷ്‌ട്രീ​യ​ത്തി​നും മതത്തി​നും) വ്യക്തമാ​യും കഴിയാ​ത്തതു വാണി​ജ്യ​ലോ​ക​ത്തി​നു നേടാൻ കഴിയു​മെന്നു നാം പ്രതീ​ക്ഷി​ക്ക​ണ​മോ? ധനിക​നായ ശലോ​മോൻ രാജാവ്‌ ഒരിക്കൽ ഇങ്ങനെ എഴുതി: “ദ്രവ്യ​പ്രി​യന്നു [വെള്ളിപ്രിയന്‌, NW] ദ്രവ്യം കിട്ടീ​ട്ടും ഐശ്വ​ര്യ​പ്രി​യന്നു ആദായം കിട്ടീ​ട്ടും തൃപ്‌തി​വ​രു​ന്നില്ല. അതും മായ അത്രേ.”—സഭാ​പ്ര​സം​ഗി 5:10.

ഭൗതിക സ്വത്തു​ക്ക​ളിൽ സന്തുഷ്ടി തേടു​ന്നത്‌ ആകാശ​ക്കോട്ട കെട്ടു​ന്ന​തു​പോ​ലെ​യാണ്‌. ആകാശ​ക്കോട്ട കെട്ടു​ന്നതു ആവേശ​ജ​ന​ക​മാ​യി​രി​ക്കാം, എന്നാൽ അതിൽ ജീവി​ക്കാൻ തുനി​ഞ്ഞാൽ നിങ്ങൾക്കു പ്രശ്‌നങ്ങൾ ഉണ്ടാകും.

സന്തുഷ്ടി നേടി​യെ​ടു​ക്കാ​വു​ന്ന​താണ്‌, എന്നാൽ എങ്ങനെ?

അപ്പോ​സ്‌ത​ല​നായ പൗലോസ്‌ യഹോ​വയെ “സന്തുഷ്ട​നായ ദൈവ”മെന്നു വിളി​ക്കു​ന്നു. (1 തിമൊ​ഥെ​യോസ്‌ 1:11, NW) തന്റെ പ്രതി​ച്ഛാ​യ​യിൽ മനുഷ്യ​രെ സൃഷ്ടി​ച്ചു​കൊ​ണ്ടു സന്തുഷ്ട​നായ ദൈവം അവർക്കു സന്തുഷ്ട​രാ​യി​രി​ക്കാ​നുള്ള കഴിവു​കൂ​ടി നൽകി. (ഉല്‌പത്തി 1:26) എന്നാൽ “യഹോവ ദൈവ​മാ​യി​രി​ക്കുന്ന ജനം ഭാഗ്യ​മു​ള്ളതു തന്നെ” എന്നു സങ്കീർത്ത​ന​ക്കാ​രൻ പ്രകട​മാ​ക്കി​യ​തു​പോ​ലെ അവരുടെ സന്തുഷ്ടി അവരുടെ ദൈവത്തെ സേവി​ക്കു​ന്ന​തിൻമേൽ ആശ്രയി​ച്ചി​രി​ക്ക​ണ​മാ​യി​രു​ന്നു. (സങ്കീർത്തനം 144:15ബി) നമ്മൾ പുതിയ ലോക ഭാഷാ​ന്ത​ര​ത്തിൽ “സന്തുഷ്ട​മായ” എന്നും “സന്തുഷ്ടി” എന്നുമുള്ള വാക്കുകൾ പ്രത്യ​ക്ഷ​പ്പെ​ടുന്ന 110 സ്ഥലങ്ങളിൽ ചിലതു പരിചി​ന്തി​ക്കു​ന്നു​വെ​ങ്കിൽ ദൈവ​ത്തോ​ടുള്ള നമ്മുടെ സേവന​ത്തിൽ എന്തുൾപ്പെ​ടു​ന്നു​വെ​ന്നും നാം അവിടു​ത്തെ സേവി​ക്കു​ന്നത്‌ എപ്രകാ​രം യഥാർഥ സന്തുഷ്ടി​യി​ലേക്കു നയിക്കു​ന്നു​വെ​ന്നും കൂടുതൽ മെച്ചമാ​യി മനസ്സി​ലാ​ക്കാം.

ആത്മീയ ആവശ്യങ്ങൾ തിരി​ച്ച​റി​യൽ

“തങ്ങളുടെ ആത്മീയ ആവശ്യങ്ങൾ സംബന്ധി​ച്ചു ബോധ​മു​ള്ളവർ സന്തുഷ്ട​രാ​കു​ന്നു” എന്നു ദൈവ​പു​ത്ര​നായ യേശു​ക്രി​സ്‌തു തന്റെ പ്രശസ്‌ത​മായ ഗിരി​പ്ര​ഭാ​ഷ​ണ​ത്തിൽ പറഞ്ഞു. (മത്തായി 5:3, NW) വാണി​ജ്യ​ലോ​കം സന്തുഷ്ടി​ക്കു സുഖ​ഭോ​ഗ​വ​സ്‌തു​ക്കൾ വാങ്ങി​യാൽ മതി​യെന്നു നമ്മെ തെററി​ധ​രി​പ്പി​ക്കു​വാൻ പരി​ശ്ര​മി​ക്കു​ന്നു. ഒരു ഗൃഹക​മ്പ്യൂ​ട്ടർ, ഒരു വീഡി​യോ ക്യാമറ, ഒരു ടെല​ഫോൺ, ഒരു കാർ, ഏററവും നൂതന​മായ സ്‌പോർട്ട്‌സ്‌ ഉപകരണം, സ്‌​റൈ​റലൻ വസ്‌ത്രം മുതലാ​യവ ഉണ്ടായി​രി​ക്കു​ന്ന​താ​ണു സന്തുഷ്ടി എന്ന്‌ അതു നമ്മോടു പറയുന്നു. ലോക​ത്തിൽ കോടി​ക്ക​ണ​ക്കി​നാ​ളു​കൾക്ക്‌ ഇവയി​ല്ലെ​ന്നും എന്നിട്ടും അവർ അവശ്യം അസന്തു​ഷ്ടരല്ല എന്നുമാണ്‌ അവർ നമ്മളോ​ടു പറയാ​ത്തത്‌. ജീവി​തത്തെ പലപ്പോ​ഴും കൂടുതൽ ആശ്വാ​സ​പ്ര​ദ​വും സൗകര്യ​പ്ര​ദ​വു​മാ​ക്കു​ന്നു​ണ്ടെ​ങ്കി​ലും അവ സന്തുഷ്ടി​ക്കു മർമ​പ്ര​ധാ​നമല്ല.

പൗലോ​സി​നെ​പ്പോ​ലെ തങ്ങളുടെ ആത്മീയ ആവശ്യങ്ങൾ സംബന്ധി​ച്ചു ബോധ​മു​ള്ളവർ ഇങ്ങനെ പറയേ​ണ്ട​യാ​വ​ശ്യ​മുണ്ട്‌: “ഉൺമാ​നും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക.” (1 തിമൊ​ഥെ​യൊസ്‌ 6:8) എന്തു​കൊണ്ട്‌? ആത്മീയ ആവശ്യ​ങ്ങളെ തൃപ്‌തി​പ്പെ​ടു​ത്തു​ന്ന​താ​ണു നിത്യ​ജീ​വ​നി​ലേക്കു നയിക്കു​ന്നത്‌.—യോഹ​ന്നാൻ 17:3.

നമ്മുടെ കൈവശം പണമു​ണ്ടെ​ങ്കിൽ നല്ല വസ്‌തു​ക്കൾ വാങ്ങി ആസ്വദി​ക്കു​ന്ന​തിൽ എന്തെങ്കി​ലും തെററു​ണ്ടോ? സാധാ​ര​ണ​മാ​യി ഇല്ല. എന്നാലും ഏതു വ്യാ​മോ​ഹ​ങ്ങ​ളി​ലും മുഴു​കാ​തി​രി​ക്കാ​നോ നിർവാ​ഹ​മു​ണ്ടെ​ന്ന​തി​നാൽ മാത്രം എന്തും വാങ്ങു​ന്നത്‌ ഒഴിവാ​ക്കാ​നോ പഠിക്കു​ന്നതു നമ്മുടെ ആത്മീയ​തയെ ബലിഷ്‌ഠ​മാ​ക്കു​ന്നു. അങ്ങനെ യേശു​വി​ന്റെ സാമ്പത്തി​ക​നില ലോക​ത്തി​ന്റെ നിലവാ​ര​മ​നു​സ​രിച്ച്‌ ഏററവും നല്ലതല്ലാ​യി​രു​ന്നി​ട്ടു പോലും അവിടു​ന്നു സംതൃ​പ്‌തി അറിയു​ക​യും സന്തുഷ്ടി നിലനിർത്തു​ക​യും ചെയ്‌ത​തു​പോ​ലെ നമുക്കും സംതൃ​പ്‌തി അറിയാ​നും സന്തുഷ്ടി നിലനിർത്താ​നും കഴിയും. (മത്തായി 8:20) “ബുദ്ധി​മു​ട്ടു നിമി​ത്തമല്ല ഞാൻ പറയു​ന്നതു; ഉള്ള അവസ്ഥയിൽ അലംഭാ​വ​ത്തോ​ടി​രി​പ്പാൻ ഞാൻ പഠിച്ചി​ട്ടു​ണ്ടു. താഴ്‌ച​യിൽ ഇരിപ്പാ​നും സമൃദ്ധി​യിൽ ഇരിപ്പാ​നും എനിക്കു അറിയാം; തൃപ്‌ത​നാ​യി​രി​പ്പാ​നും വിശന്നി​രി​പ്പാ​നും സമൃദ്ധി​യിൽ ഇരിപ്പാ​നും ബുദ്ധി​മു​ട്ടു അനുഭ​വി​പ്പാ​നും എല്ലാം ഞാൻ ശീലി​ച്ചി​രി​ക്കു​ന്നു” എന്നു പൗലോസ്‌ എഴുതി​യ​പ്പോൾ അദ്ദേഹം അസന്തുഷ്ടി പ്രകടി​പ്പി​ക്കു​ക​യാ​യി​രു​ന്നില്ല.—ഫിലി​പ്പി​യർ 4:11, 12.

യഹോ​വ​യി​ലുള്ള ആശ്രയം

ഒരുവന്റെ ആത്മീയ ആവശ്യ​ങ്ങളെ സംബന്ധിച്ച ബോധം ദൈവ​ത്തിൽ ആശ്രയി​ക്കു​വാ​നുള്ള മനസ്സൊ​രു​ക്കത്തെ സൂചി​പ്പി​ക്കു​ന്നു. “യഹോ​വ​യിൽ ആശ്രയി​ക്കു​ന്നവൻ ഭാഗ്യ​വാൻ” എന്നു ശലോ​മോൻ രാജാവു വിശദീ​ക​രി​ച്ച​തു​പോ​ലെ ഇതു സന്തുഷ്ടി​ക്കു വഴി​യൊ​രു​ക്കു​ന്നു.—സദൃശ​വാ​ക്യ​ങ്ങൾ 16:20.

എന്നിരു​ന്നാ​ലും പലയാ​ളു​ക​ളും ദൈവ​ത്തി​ലർപ്പി​ക്കു​ന്ന​തി​നെ​ക്കാൾ കൂടുതൽ ആശ്രയം അവരുടെ പണത്തി​ലും സ്വത്തു​ക്ക​ളി​ലും അർപ്പി​ക്കു​ന്നു​വെ​ന്നത്‌ ഒരു വസ്‌തു​ത​യല്ലേ? ഈ നിലപാ​ടിൽ നോക്കു​മ്പോൾ, യു.എസ്‌. കറൻസി​യിൽ കാണ​പ്പെ​ടുന്ന വാക്കു​ക​ളായ “ഞങ്ങൾ ദൈവ​ത്തിൽ ആശ്രയി​ക്കു​ന്നു” എന്ന ആപ്‌ത​വാ​ക്യം പ്രദർശി​പ്പി​ക്കാൻ പണത്തെ​ക്കാൾ കൂടുതൽ അനുചി​ത​മായ ഒരു സ്ഥലവും ഉണ്ടാകില്ല.

പണം കൊടു​ത്തു വാങ്ങാൻ കഴിയുന്ന എല്ലാമു​ണ്ടാ​യി​രുന്ന ശലോ​മോൻ രാജാവ്‌ ഭൗതിക സ്വത്തുക്കൾ നിലനിൽക്കുന്ന സന്തോ​ഷ​ത്തി​ലേക്കു നയിക്കു​ന്നി​ല്ലെന്നു തിരി​ച്ച​റി​ഞ്ഞു. (സഭാ​പ്ര​സം​ഗി 5:12-15) ബാങ്ക്‌ പൊളി​യു​ന്ന​തി​ലൂ​ടെ​യോ പണപ്പെ​രു​പ്പ​ത്തി​ലൂ​ടെ​യോ ബാങ്കിലെ പണം നഷ്ടപ്പെ​ടാം. ഭൂസ്വ​ത്തു​ക്കൾ ശക്തമായ കൊടു​ങ്കാ​റ​റു​ക​ളാൽ നശിപ്പി​ക്ക​പ്പെ​ടാം. ഇൻഷ്വ​റൻസ്‌ പോളി​സി​കൾ ഭാഗി​ക​മാ​യി ഭൗതിക നഷ്ടങ്ങൾ നികത്തു​മ്പോൾ വൈകാ​രിക നഷ്ടങ്ങൾ പരിഹ​രി​ക്കാൻ അവക്ക്‌ ഒരിക്ക​ലും കഴിയു​ന്നില്ല. സ്‌റേ​റാ​ക്കും ബോണ്ടു​ക​ളും രായ്‌ക്കു​രാ​മാ​നം പെട്ടെ​ന്നുള്ള ഒരു വിപണി​ത്ത​കർച്ച​യിൽ വിലയി​ല്ലാ​ത്ത​താ​യി​ത്തീ​രാം. ഇന്നു നല്ല ശമ്പളമുള്ള ഒരു ജോലി പലകാ​ര​ണ​ങ്ങൾകൊ​ണ്ടു നാളെ പൊയ്‌പ്പോ​യി​രി​ക്കാം.

ഈ കാരണ​ങ്ങ​ളാൽ യഹോ​വ​യിൽ ആശ്രയി​ക്കു​ന്നവൻ യേശു​വി​ന്റെ ഈ മുന്നറി​യി​പ്പി​നു ശ്രദ്ധ കൊടു​ക്കു​ന്ന​തി​ന്റെ ജ്ഞാനം കാണുന്നു: “പുഴു​വും തുരു​മ്പും കെടു​ക്ക​യും കള്ളൻമാർ തുരന്നു മോഷ്ടി​ക്ക​യും ചെയ്യുന്ന ഈ ഭൂമി​യിൽ നിങ്ങൾ നിക്ഷേപം സ്വരൂ​പി​ക്ക​രു​തു. പുഴു​വും തുരു​മ്പും കെടു​ക്കാ​തെ​യും കള്ളൻമാർ തുരന്നു മോഷ്ടി​ക്കാ​തെ​യു​മി​രി​ക്കുന്ന സ്വർഗ്ഗ​ത്തിൽ നിക്ഷേപം സ്വരൂ​പി​ച്ചു​കൊൾവിൻ.”—മത്തായി 6:19, 20.

ഒരുവൻ തന്റെ ആശ്രയം എല്ലായ്‌പോ​ഴും പരിപാ​ലി​ക്കുന്ന സർവശ​ക്ത​നായ ദൈവ​ത്തിൽ അർപ്പി​ച്ചി​രി​ക്കു​ന്നു എന്ന്‌ അറിയു​ന്ന​തി​നെ​ക്കാൾ വലിയ സുരക്ഷി​ത​ത്വ​ബോ​ധ​വും സന്തുഷ്ടാ​നു​ഭ​വ​വും എന്താണ്‌?—സങ്കീർത്തനം 94:14; എബ്രായർ 13:5, 6.

ദിവ്യ​ശാ​സന സ്വീക​രി​ക്കൽ

സ്‌നേ​ഹ​ത്തി​ന്റെ ആത്മാവിൽ ഒരു യഥാർഥ സുഹൃ​ത്തി​നാൽ നൽക​പ്പെ​ടുന്ന ബുദ്ധ്യു​പ​ദേശം, ശാസന​യാ​യാ​ലും സ്വാഗതം ചെയ്യ​പ്പെ​ടു​ന്നു. ദൈവ​ദാ​സ​നായ ഇയ്യോ​ബി​ന്റെ സുഹൃ​ത്താ​ണെന്നു ഭാവിച്ച ഒരാൾ സ്വയനീ​തി​ക്കാ​ര​നാ​യി ഒരിക്കൽ അദ്ദേഹ​ത്തോ​ടു: “ദൈവം ശാസി​ക്കുന്ന മനുഷ്യൻ ഭാഗ്യ​വാൻ” എന്നു പറഞ്ഞു. ഈ പ്രസ്‌താ​വന സത്യമാ​ണെ​ങ്കി​ലും, ഈ വാക്കു​ക​ളാൽ എലീഫസ്‌ അർഥമാ​ക്കി​യത്‌—ഇയ്യോബ്‌ ഗുരു​ത​ര​മായ തെററി​നു കുററ​ക്കാ​ര​നാ​യി​രു​ന്നു എന്നത്‌—സത്യമാ​യി​രു​ന്നില്ല. എന്തൊരു ‘കുഴപ്പ​ക്കാ​ര​നായ ആശ്വാ​സകൻ!’ എന്നിരു​ന്നാ​ലും യഹോവ പിന്നീട്‌ ഇയ്യോ​ബി​നെ സ്‌നേ​ഹ​പൂർവം ശാസി​ച്ച​പ്പോൾ ഇയ്യോബ്‌ താഴ്‌മ​യോ​ടെ ശാസന സ്വീക​രി​ക്കു​ക​യും തന്നെത്തന്നെ ഏറിയ സന്തുഷ്ടി​യു​ടെ പാതയി​ലാ​ക്കു​ക​യും ചെയ്‌തു.—ഇയ്യോബ്‌ 5:17; 16:2; 42:6, 10-17.

ദൈവം ഇയ്യോ​ബി​നോ​ടു പറഞ്ഞതു​പോ​ലെ, അവിടുന്ന്‌ ഇന്നു തന്റെ ദാസൻമാ​രോ​ടു നേരിട്ടു സംസാ​രി​ക്കു​ന്നില്ല. പകരം, അവിടു​ന്നു തന്റെ വചന​ത്തെ​യും തന്റെ ആത്മാവി​നാൽ നയിക്ക​പ്പെ​ടുന്ന സ്ഥാപന​ത്തെ​യും ഉപയോ​ഗി​ച്ചു​കൊണ്ട്‌ അവരെ ശാസി​ക്കു​ന്നു. ഏതായാ​ലും, ഭൗതിക താത്‌പ​ര്യ​ങ്ങൾ പിന്തു​ട​രുന്ന ക്രിസ്‌ത്യാ​നി​കൾക്കു പലപ്പോ​ഴും ബൈബിൾ ക്രമമാ​യി പഠിക്കു​ന്ന​തി​നും യഹോ​വ​യു​ടെ സ്ഥാപനം ഒരുക്കുന്ന എല്ലാ യോഗ​ങ്ങ​ളി​ലും സംബന്ധി​ക്കു​ന്ന​തി​നും സമയമോ ശക്തിയോ താത്‌പ​ര്യ​മോ ഇല്ല.

ദൈവം ശാസി​ക്കുന്ന മനുഷ്യൻ, സദൃശ​വാ​ക്യ​ങ്ങൾ 3:11-18-നോടു ചേർച്ച​യിൽ അത്തരം ശാസന സ്വീക​രി​ക്കു​ന്ന​തി​ന്റെ ജ്ഞാനം തിരി​ച്ച​റി​യു​ന്നു. “ജ്ഞാനം പ്രാപി​ക്കുന്ന മനുഷ്യ​നും വിവേകം ലഭിക്കുന്ന നരനും ഭാഗ്യ​വാൻ. അതിന്റെ സമ്പാദനം വെള്ളി​യു​ടെ സമ്പാദ​ന​ത്തി​ലും അതിന്റെ ലാഭം തങ്കത്തി​ലും നല്ലതു. അതു മുത്തു​ക​ളി​ലും വില​യേ​റി​യതു. നിന്റെ മനോ​ഹ​ര​വ​സ്‌തു​ക്കൾ ഒന്നും അതിന്നു തുല്യ​മാ​ക​യില്ല. അതിന്റെ വലങ്കയ്യിൽ ദീർഘാ​യു​സ്സും ഇടങ്കയ്യിൽ ധനവും മാനവും ഇരിക്കു​ന്നു. അതിന്റെ വഴികൾ ഇമ്പമുള്ള വഴിക​ളും അതിന്റെ പാതക​ളെ​ല്ലാം സമാധാ​ന​വും ആകുന്നു. അതിനെ പിടി​ച്ചു​കൊ​ള്ളു​ന്ന​വർക്കു അതു ജീവവൃ​ക്ഷം; അതിനെ കരസ്ഥമാ​ക്കു​ന്നവർ ഭാഗ്യ​വാൻമാർ.”

ശുദ്ധി​യു​ള്ള​വ​രും സമാധാ​ന​പ്രേ​മി​ക​ളു​മാ​യി​രി​ക്കൽ

യേശു സന്തുഷ്ട ജനത്തെ “ഹൃദയ​ശു​ദ്ധി​യു​ള്ള​വ​രും” “സമാധാ​നം ഉണ്ടാക്കു​ന്ന​വ​രും” എന്നു വർണിച്ചു. (മത്തായി 5:8, 9) എന്നാൽ ഭൗതിക ജീവി​ത​രീ​തി​യെ പ്രോ​ത്സാ​ഹി​പ്പി​ക്കുന്ന ഒരു ലോക​ത്തിൽ സ്വാർഥ​പ​ര​മായ, ഒരുപക്ഷേ അശുദ്ധം പോലു​മായ, ആഗ്രഹങ്ങൾ നമ്മുടെ ഹൃദയ​ങ്ങ​ളിൽ വേരു പിടി​ക്കു​വാൻ എത്ര എളുപ്പ​മാ​യി​രി​ക്കും! ദിവ്യ​ജ്ഞാ​ന​ത്താൽ നയിക്ക​പ്പെ​ടു​ന്നി​ല്ലെ​ങ്കിൽ നമുക്കു മററു​ള്ള​വ​രു​മാ​യുള്ള സമാധാ​ന​പൂർണ്ണ​മായ ബന്ധം തകർക്കുന്ന, ചോദ്യം ചെയ്യ​പ്പെ​ടാ​വുന്ന മാർഗ​ങ്ങ​ളി​ലൂ​ടെ, സാമ്പത്തിക ക്ഷേമം അന്വേ​ഷി​ക്കു​ന്ന​തി​ലേക്കു വഴി​തെ​റ​റി​ക്ക​പ്പെ​ടു​ന്ന​തി​നു പോലും എത്ര എളുപ്പ​മാ​യി​രി​ക്കും! കാരണ​മി​ല്ലാ​തെയല്ല, ബൈബിൾ “ദ്രവ്യാ​ഗ്രഹം സകലവിധ ദോഷ​ത്തി​ന്നും മൂലമ​ല്ലോ. ഇതു ചിലർ കാംക്ഷി​ച്ചി​ട്ടു വിശ്വാ​സം വിട്ടു​ഴന്നു ബഹുദുഃ​ഖ​ങ്ങൾക്കു അധീന​രാ​യി​ത്തീർന്നി​രി​ക്കു​ന്നു” എന്നു മുന്നറി​യി​പ്പു കൊടു​ക്കു​ന്നത്‌.—1 തിമൊ​ഥെ​യൊസ്‌ 6:10.

പണസ്‌നേ​ഹം, അതൃപ്‌തി​യും നന്ദിയി​ല്ലാ​യ്‌മ​യും അത്യാ​ഗ്ര​ഹ​വും ഊട്ടി​വ​ളർത്തുന്ന ഗർവി​ഷ്‌ഠ​മായ ഒരു കാഴ്‌ച​പ്പാ​ടി​നു പ്രോ​ത്സാ​ഹി​പ്പി​ക്കു​ന്നു. അത്തരം തെററായ ആത്മാവു വികാസം പ്രാപി​ക്കു​ന്നതു തടയാൻ ചില ക്രിസ്‌ത്യാ​നി​കൾ വലിയ സാമ്പത്തിക തീരു​മാ​നങ്ങൾ കൈ​ക്കൊ​ള്ളു​ന്ന​തി​നു മുമ്പ്‌ അവരോ​ടു​തന്നെ ഇത്തരം ചോദ്യ​ങ്ങൾ ചോദി​ക്കു​ന്നു: എനിക്ക്‌ ഇതു വാസ്‌ത​വ​ത്തിൽ ആവശ്യ​മു​ണ്ടോ? ഇത്ര വിലപി​ടിച്ച ഒരു വാങ്ങൽ അല്ലെങ്കിൽ ഇത്രയും നല്ല ശമ്പളമുള്ള, സമയം വളരെ എടുക്കുന്ന ജോലി, ഇവയൊ​ന്നു​മി​ല്ലാ​തെ ജീവി​ക്കുന്ന ലക്ഷക്കണ​ക്കി​നു ജനങ്ങ​ളെ​ക്കാൾ കൂടു​ത​ലാ​യി എനിക്ക്‌ ആവശ്യ​മു​ണ്ടോ? സത്യാ​രാ​ധ​ന​യി​ലെ എന്റെ പങ്കു വികസി​പ്പി​ക്കു​ന്ന​തി​നോ ഒരുപക്ഷേ ലോക​വ്യാ​പക പ്രസം​ഗ​വേ​ലയെ പിന്തു​ണ​ച്ചു​കൊ​ണ്ടോ എന്നെക്കാൾ കുറഞ്ഞ ചുററു​പാ​ടു​ള്ള​വരെ സഹായി​ച്ചു​കൊ​ണ്ടോ എനിക്കു കൂടുതൽ മെച്ചപ്പെട്ട രീതി​യിൽ എന്റെ പണമോ സമയമോ ചെലവി​ടാ​നാ​കു​മോ?

സഹിഷ്‌ണുത പ്രകട​മാ​ക്കൽ

സഹിച്ചു​നിൽക്കു​വാൻ ഇയ്യോബ്‌ നിർബ​ന്ധി​ത​നായ പീഡാ​നു​ഭ​വ​ങ്ങ​ളിൽ ഒന്ന്‌ സാമ്പത്തിക നഷ്ടമാ​യി​രു​ന്നു. (ഇയ്യോബ്‌ 1:14-17) അദ്ദേഹ​ത്തി​ന്റെ ദൃഷ്ടാന്തം പ്രകട​മാ​ക്കു​ന്ന​തു​പോ​ലെ ജീവി​ത​ത്തി​ന്റെ എല്ലാവ​ശ​ങ്ങ​ളി​ലും സഹിഷ്‌ണുത ആവശ്യ​മാ​യി​വ​രു​ന്നു. ചില ക്രിസ്‌ത്യാ​നി​കൾ പീഡനം സഹിച്ചു​നിൽക്കണം; മററു​ചി​ലർ പരീക്ഷകൾ; ഇനിയും ചിലർ മോശ​മായ സാമ്പത്തിക അവസ്ഥകൾ. എന്നാൽ ഏതു തരത്തി​ലുള്ള സഹിഷ്‌ണു​ത​യ്‌ക്കും യഹോവ പ്രതി​ഫലം നൽകും, എന്തു​കൊ​ണ്ട​ന്നാൽ ഇയ്യോ​ബി​നോ​ടുള്ള ബന്ധത്തിൽ ക്രിസ്‌തീയ ശിഷ്യ​നായ യാക്കോബ്‌ ഇങ്ങനെ എഴുതി: “സഹിഷ്‌ണുത കാണി​ച്ച​വരെ നാം ഭാഗ്യ​വാൻമാർ എന്നു പുകഴ്‌ത്തു​ന്നു.”—യാക്കോബ്‌ 5:11.

സാമ്പത്തി​ക​നി​ല മെച്ച​പ്പെ​ടു​ത്തു​വാൻ ആത്മീയ താത്‌പ​ര്യ​ങ്ങൾ അവഗണി​ക്കു​ന്നതു താത്‌ക്കാ​ലിക സാമ്പത്തി​കാ​ശ്വാ​സം കൈവ​രു​ത്തി​യേ​ക്കാം, എന്നാൽ ദൈവ​രാ​ജ്യ​ത്തിൻകീ​ഴി​ലെ സ്ഥിരമായ സാമ്പത്തി​കാ​ശ്വാ​സ​ത്തെ​ക്കു​റി​ച്ചുള്ള നമ്മുടെ വീക്ഷണത്തെ ശോഭ​ന​മാ​യി നിർത്താൻ അതു സഹായി​ക്കു​മോ? ഇതു മൂല്യ​വ​ത്തായ ഒരു ഭാഗ്യ​പ​രീ​ക്ഷ​ണ​മാ​ണോ?—2 കൊരി​ന്ത്യർ 4:18.

ഇപ്പോ​ഴും എന്നന്നേ​ക്കും സന്തോഷം കണ്ടെത്തൽ

മനുഷ്യ​രെ സന്തുഷ്ട​രാ​ക്കാൻ എന്താവ​ശ്യ​മാ​ണെ​ന്നു​ള്ളതു സംബന്ധിച്ച യഹോ​വ​യു​ടെ വീക്ഷണത്തെ ചിലയാ​ളു​കൾ പ്രത്യ​ക്ഷ​ത്തിൽ ചോദ്യം ചെയ്യുന്നു. പ്രാധാ​ന്യ​മേ​റിയ ദീർഘ​കാല പ്രയോ​ജ​ന​ങ്ങളെ അവഗണി​ച്ചു​കൊ​ണ്ടു ദൈവം ബുദ്ധി​യു​പ​ദേ​ശി​ക്കു​ന്നതു ചെയ്യു​ന്ന​തിൽ വ്യക്തി​പ​ര​മായ സത്വര പ്രയോ​ജനം അവർ കാണു​ന്നില്ല. ഭൗതിക വസ്‌തു​ക്ക​ളിൽ ആശ്രയി​ക്കു​ന്നതു വ്യർഥ​മെ​ന്നും അത്‌ ആശാഭം​ഗ​ത്തി​ലേക്കു നയിക്കു​ന്നു​വെ​ന്നും തിരി​ച്ച​റി​യു​വാൻ അവർ പരാജ​യ​പ്പെ​ടു​ന്നു. ബൈബിൾ എഴുത്തു​കാ​രൻ ശരിയാ​യി ഇങ്ങനെ ചോദി​ക്കു​ന്നു: “വസ്‌തു​വക പെരു​കു​മ്പോൾ അതു​കൊ​ണ്ടു ഉപജീ​വി​ക്കു​ന്ന​വ​രും പെരു​കു​ന്നു; അതിന്റെ ഉടമസ്ഥന്നു കണ്ണു​കൊ​ണ്ടു കാണു​ക​യ​ല്ലാ​തെ മറെറന്തു പ്രയോ​ജനം?” (സഭാ​പ്ര​സം​ഗി 5:11; 2:4-11; 7:12കൂടെ കാണുക.) താത്‌പ​ര്യം എത്ര വേഗത്തി​ലാണ്‌ അപ്രത്യ​ക്ഷ​മാ​കു​ന്നത്‌. നമുക്കു വേണ്ടതു​ത​ന്നെ​യാ​ണെന്നു നാം വിചാ​രിച്ച വസ്‌തു​ക്കൾ ഒരു ഷെൽഫി​ലേക്കു മാററി​വെ​ക്കു​ക​യും അവി​ടെ​യി​രു​ന്നു പൊടി​പി​ടി​ക്കു​ക​യും ചെയ്യു​ന്ന​തിൽ അതു കലാശി​ക്കു​ന്നു.

ഭൗതി​ക​മാ​യി അയൽക്കാ​ര​നു​ള്ള​തെ​ല്ലാം തനിക്കും വേണം എന്ന സമ്മർദ​മു​ണ്ടാ​കാൻ ഒരു സത്യ​ക്രി​സ്‌ത്യാ​നി തന്നെത്തന്നെ ഒരിക്ക​ലും അനുവ​ദി​ക്കു​ക​യില്ല. യഥാർഥ​മൂ​ല്യം അളക്കേ​ണ്ടത്‌ ഒരാൾക്ക്‌ എന്തൊ​ക്കെ​യുണ്ട്‌ എന്നതി​നാ​ലല്ല, പിന്നെ​യോ ഒരാൾ എന്തായി​രി​ക്കു​ന്നു എന്നതി​നാ​ലാ​ണെന്ന്‌ അയാൾക്ക​റി​യാം. ഒരു വ്യക്തിയെ സന്തുഷ്ട​നാ​ക്കു​വാൻ—യഥാർഥ​ത്തിൽ സന്തുഷ്ട​നാ​ക്കു​വാൻ—എന്താണാ​വ​ശ്യ​മാ​യി​രി​ക്കു​ന്നത്‌ എന്നതു സംബന്ധിച്ച്‌ അയാളു​ടെ മനസ്സിൽ ഒരു സംശയ​വു​മില്ല: യഹോ​വ​യു​മാ​യി ഒരു നല്ല ബന്ധം ആസ്വദി​ക്കു​ന്ന​തും അവിടു​ത്തെ സേവന​ത്തിൽ തിര​ക്കോ​ടെ ഏർപ്പെ​ടു​ന്ന​തും​തന്നെ.

[20-ാം പേജിലെ ചിത്രം]

ഭൗതികവസ്‌തുക്കൾക്കു മാത്രം നിലനിൽക്കുന്ന സന്തുഷ്ടി കൈവ​രു​ത്തു​വാൻ ഒരിക്ക​ലും കഴിയില്ല

[22-ാം പേജിലെ ചിത്രം]

“തങ്ങളുടെ ആത്മീയ ആവശ്യം സംബന്ധി​ച്ചു ബോധ​മു​ള്ളവർ സന്തുഷ്ട​രാ​കു​ന്നു” എന്നു ബൈബിൾ പറയുന്നു