“അങ്ങയുടെ സാന്നി​ധ്യ​ത്തി​ന്റെ അടയാ​ള​മെ​ന്താ​യി​രി​ക്കും?”

“ഇതെല്ലാം എപ്പോൾ സംഭവി​ക്കും, അങ്ങയുടെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കും?”മത്തായി 24:3, NW.

1, 2. ആളുകൾ ഭാവി​യെ​ക്കു​റി​ച്ച​റി​യാൻ തത്‌പ​ര​രാ​ണെന്ന്‌ എന്തു കാണി​ക്കു​ന്നു?

മിക്കയാ​ളു​ക​ളും ഭാവി​യെ​ക്കു​റി​ച്ച​റി​യാൻ തത്‌പ​ര​രാണ്‌. നിങ്ങളോ? ഫ്യൂച്ചർ ഷോക്ക്‌ എന്ന തന്റെ പുസ്‌ത​ക​ത്തിൽ പ്രൊ​ഫസർ ആൽവിൻ ടോഫ്‌ളർ “ഭാവി​യെ​ക്കു​റി​ച്ചുള്ള പഠനത്തി​നു​വേണ്ടി സമർപ്പി​ക്ക​പ്പെട്ട സ്ഥാപന​ങ്ങ​ളു​ടെ പെട്ടെ​ന്നുള്ള വ്യാപ​ന​ത്തെ​ക്കു​റി​ച്ചു” പറഞ്ഞു. അദ്ദേഹം ഇങ്ങനെ​യും കൂട്ടി​ച്ചേർത്തു: ‘ഭാവിയെ കേന്ദ്രീ​ക​രി​ച്ചുള്ള അനവധി സംഘട​ന​ക​ളു​ടെ രൂപീ​ക​രണം; ഇംഗ്ലണ്ടി​ലും ഫ്രാൻസി​ലും ഇററലി​യി​ലും ജർമനി​യി​ലും ഐക്യ​നാ​ടു​ക​ളി​ലും ഭാവി പറയുന്ന മാസി​ക​ക​ളു​ടെ ആവിർഭാ​വം; ഭാവി​ക​ഥ​ന​ത്തിൽ സർവക​ലാ​ശാ​ലാ പാഠ്യ​പ​ദ്ധ​തി​ക​ളു​ടെ വ്യാപനം എന്നിവ​യെ​ല്ലാം നാം കണ്ടിരി​ക്കു​ന്നു.’ ടോഫ്‌ളർ ഇങ്ങനെ ഉപസം​ഹ​രി​ക്കു​ന്നു: “തീർച്ച​യാ​യും പൂർണ അളവിൽ ഭാവി ‘അറിയാൻ’ ആർക്കും കഴിയില്ല.”

² സംഭവി​ക്കാ​നുള്ള കാര്യ​ങ്ങ​ളു​ടെ അടയാ​ളങ്ങൾ (Signs of Things to Come) എന്ന പുസ്‌തകം ഇങ്ങനെ പറയുന്നു: “കൈ​നോ​ട്ടം, സ്‌ഫടി​ക​ദർശനം, ജ്യോ​തി​ഷം, ചീട്ടു​നോ​ട്ടം, ഈ ജിൻ എന്നിവ​യെ​ല്ലാം നമ്മുടെ ഭാവി നമുക്കു​വേണ്ടി എന്തു കരുതി​യി​രി​ക്കു​ന്നു എന്നറി​യാ​നുള്ള മിക്കവാ​റും സങ്കീർണ​ങ്ങ​ളായ വിദ്യ​ക​ളാണ്‌.” എന്നാൽ മനുഷ്യ​ന്റേ​തായ ഇത്തരം രീതി​ക​ളി​ലേക്കു തിരി​യു​ന്ന​തി​നു പകരം നാം തെളി​യി​ക്ക​പ്പെട്ട ഒരു ഉറവി​ട​മായ യഹോ​വ​യി​ലേക്കു നോക്കു​ന്ന​താ​ണു മെച്ചം.

3. ഭാവി​യെ​ക്കു​റി​ച്ചുള്ള അറിവി​നു​വേണ്ടി ദൈവ​ത്തി​ങ്ക​ലേക്കു നോക്കു​ന്നത്‌ ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

³ സത്യ​ദൈ​വ​മായ അവിടുന്ന്‌ ഇങ്ങനെ പ്രസ്‌താ​വി​ച്ചു: “ഞാൻ വിചാ​രി​ച്ച​തു​പോ​ലെ സംഭവി​ക്കും; ഞാൻ നിർണ്ണ​യി​ച്ച​തു​പോ​ലെ നിവൃ​ത്തി​യാ​കും.” (യെശയ്യാ​വു 14:24, 27; 42:9) അതേ, എന്തു സംഭവി​ക്കു​മെ​ന്ന​തി​നെ​ക്കു​റി​ച്ചു മനുഷ്യ​വർഗത്തെ ബുദ്ധ്യു​പ​ദേ​ശി​ക്കാൻ യഹോ​വക്കു കഴിഞ്ഞി​ട്ടുണ്ട്‌, മിക്ക​പ്പോ​ഴും മനുഷ്യ വക്താക്കൾ മുഖാ​ന്തരം തന്നെ. ഈ പ്രവാ​ച​ക​രിൽ ഒരുവൻ ഇങ്ങനെ എഴുതി: “യഹോ​വ​യായ കർത്താവു പ്രവാ​ച​കൻമാ​രായ തന്റെ ദാസൻമാർക്കു തന്റെ രഹസ്യം വെളി​പ്പെ​ടു​ത്താ​തെ ഒരു കാര്യ​വും ചെയ്‌ക​യില്ല.”—ആമോസ്‌ 3:7, 8; 2 പത്രൊസ്‌ 1:20, 21.

4, 5. (എ) ഭാവിയെ സംബന്ധിച്ച്‌ അറിയാൻ യേശു സഹായ​ക​മാ​യി​രി​ക്കു​ന്നത്‌ എന്തു​കൊണ്ട്‌? (ബി) എന്തു സംയുക്ത ചോദ്യ​മാണ്‌ അവിടു​ത്തെ അപ്പോ​സ്‌ത​ലൻമാർ ചോദി​ച്ചത്‌?

⁴ യേശു​ക്രി​സ്‌തു​വാ​യി​രു​ന്നു ദൈവ​ത്തി​ന്റെ ഏററവും പ്രമു​ഖ​നായ പ്രവാ​ചകൻ. (എബ്രായർ 1:1, 2) നമുക്കു ചുററും ഇപ്പോൾ സംഭവി​ക്കുന്ന കാര്യ​ങ്ങ​ളെ​ക്കു​റി​ച്ചു മുൻകൂ​ട്ടി​പ്പ​റ​യുന്ന യേശു​വി​ന്റെ മുഖ്യ പ്രവച​ന​ങ്ങ​ളി​ലൊ​ന്നിൽ നമ്മുടെ ശ്രദ്ധ കേന്ദ്രീ​ക​രി​ക്കാം. ഇപ്പോ​ഴത്തെ ദുഷ്ട വ്യവസ്ഥി​തി അവസാ​നി​ക്കു​ക​യും അതിനു​പ​കരം ദൈവം ഭൗമിക പറുദീസ സ്ഥാപി​ക്കു​ക​യും ചെയ്യു​മ്പോൾ ഉടനെ എന്തു സംഭവി​ക്കു​മെ​ന്ന​തി​നെ​ക്കു​റി​ച്ചും ഈ പ്രവചനം നമുക്ക്‌ ഒരു ഉൾക്കാഴ്‌ച നൽകുന്നു.

⁵ താൻ ഒരു പ്രവാ​ച​ക​നാ​ണെന്നു യേശു തെളി​യി​ച്ചു. (മർക്കൊസ്‌ 6:4; ലൂക്കൊസ്‌ 13:33; 24:19; യോഹ​ന്നാൻ 4:19; 6:14; 9:17) അതു​കൊണ്ട്‌, യേശു​വി​നോ​ടൊ​പ്പം ഒലിവു​മ​ല​യി​ലി​രു​ന്നു യരുശ​ലേ​മി​നെ നിരീ​ക്ഷി​ച്ചു​കൊണ്ട്‌ അവിടു​ത്തെ അപ്പോ​സ്‌ത​ലൻമാർ ഭാവി​യെ​ക്കു​റി​ച്ചോർത്ത്‌ “ഇതെല്ലാം എപ്പോൾ സംഭവി​ക്കും, അങ്ങയുടെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കും” എന്ന്‌ എന്തു​കൊ​ണ്ടു ചോദി​ച്ചു​വെ​ന്നതു മനസ്സി​ലാ​ക്കാ​വു​ന്ന​തേ​യു​ള്ളൂ.—മത്തായി 24:3, NW; മർക്കൊസ്‌ 13:4.

6. മത്തായി 24-ഉം മർക്കൊസ്‌ 13-ഉം ലൂക്കൊസ്‌ 21-ഉം തമ്മിലുള്ള ബന്ധമെ​ന്താണ്‌; ഏതു ചോദ്യം നമ്മിൽ വളരെ താത്‌പ​ര്യ​മു​ള​വാ​ക്കേ​ണ്ട​താണ്‌?

⁶ അവരുടെ ചോദ്യ​വും യേശു​വി​ന്റെ മറുപ​ടി​യും നിങ്ങൾ മത്തായി 24-ാം അധ്യാ​യ​ത്തി​ലും മർക്കൊസ്‌ 13-ലും ലൂക്കൊസ്‌ 21-ലും കണ്ടെത്തും.a പല പ്രകാ​ര​ത്തി​ലും ഈ വിവര​ണങ്ങൾ പരിപൂ​ര​ക​മാണ്‌, എങ്കിലും അവ ഒന്നുത​ന്നെയല്ല. ഉദാഹ​ര​ണ​ത്തിന്‌, ‘ഒന്നൊ​ന്നാ​യി വിവിധ സ്ഥലങ്ങളിൽ മഹാമാ​രി​കൾ’ എന്നു ലൂക്കോസ്‌ മാത്രമേ സൂചി​പ്പി​ക്കു​ന്നു​ള്ളൂ. (ലൂക്കൊസ്‌ 21:10, 11; മത്തായി 24:7; മർക്കൊസ്‌ 13:8) യുക്ത്യാ​നു​സൃ​തം നാം ചോദി​ക്കേ​ണ്ട​തുണ്ട്‌, യേശു തന്റെ ശ്രോ​താ​ക്ക​ളു​ടെ ജീവി​ത​കാ​ലത്തെ സംഭവ​ങ്ങ​ളെ​ക്കു​റി​ച്ചു മാത്ര​മാ​യി​രു​ന്നോ പ്രവചി​ച്ചത്‌, അതോ നമ്മുടെ കാലവും ഭാവി നമുക്കു കൈവ​രു​ത്തു​ന്ന​തും അവിടുന്ന്‌ ഉൾപ്പെ​ടു​ത്തി​യി​രു​ന്നോ?

അപ്പോ​സ്‌ത​ലൻമാർ അറിയാൻ ആഗ്രഹി​ച്ചു

7. അപ്പോ​സ്‌ത​ലൻമാർ പ്രത്യേ​കിച്ച്‌ എന്തി​നെ​ക്കു​റി​ച്ചാ​ണു ചോദി​ച്ചത്‌, എന്നാൽ യേശു​വി​ന്റെ മറുപ​ടി​യു​ടെ വ്യാപ്‌തി എന്തായി​രു​ന്നു?

⁷ താൻ വധിക്ക​പ്പെ​ടു​ന്ന​തിന്‌ ഏതാനും നാളുകൾ മുമ്പു യഹൂദൻമാ​രു​ടെ തലസ്ഥാ​ന​മായ യരുശ​ലേ​മി​നെ ദൈവം തള്ളിക്ക​ള​ഞ്ഞെന്നു യേശു പ്രഖ്യാ​പി​ച്ചു. നഗരവും അതിലെ മഹനീ​യ​മായ ആലയവും നശിപ്പി​ക്ക​പ്പെ​ടു​മാ​യി​രു​ന്നു. അപ്പോൾ അപ്പോ​സ്‌ത​ലൻമാ​രിൽ ചിലർ ‘യേശു​വി​ന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം’ ചോദി​ച്ചു. (മത്തായി 23:37–24:3) സംശയ​ലേ​ശ​മെ​ന്യേ യഹൂദ​വ്യ​വ​സ്ഥി​തി​യും യരുശ​ലേ​മു​മാ​യി​രു​ന്നു അവരുടെ മനസ്സിൽ മുഖ്യ​മാ​യും ഉണ്ടായി​രു​ന്നത്‌, കാരണം ഭാവി​യിൽ സംഭവി​ക്കാ​നു​ള്ള​തി​ന്റെ വ്യാപ്‌തി അവർ ഗ്രഹി​ച്ചി​രു​ന്നില്ല. എന്നാൽ അവർക്കു മറുപടി നൽകി​യ​പ്പോൾ യേശു പൊ.യു. (പൊതു​യു​ഗം) 70-ൽ റോമാ​ക്കാർ യരുശ​ലേം നശിപ്പി​ച്ച​പ്പോൾ സംഭവി​ച്ച​തുൾപ്പെടെ അതുവരെ നടന്നതി​നെ​ക്കാൾ വളരെ മുമ്പോ​ട്ടു നോക്കി.—ലൂക്കൊസ്‌ 19:11; പ്രവൃ​ത്തി​കൾ 1:6, 7.

8. യേശു മുൻകൂ​ട്ടി​പ്പറഞ്ഞ ചില സംഭവ​വി​കാ​സങ്ങൾ എന്തെല്ലാ​മാ​യി​രു​ന്നു?

⁸ മൂന്നു സുവി​ശേഷ വിവര​ണ​ങ്ങ​ളിൽ നിങ്ങൾക്കു വായി​ക്കാ​നാ​കു​ന്ന​തു​പോ​ലെ ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കു​ന്ന​തി​നെ​ക്കു​റി​ച്ചും ഭക്ഷ്യക്ഷാ​മ​ങ്ങ​ളെ​ക്കു​റി​ച്ചും ഭൂകമ്പ​ങ്ങ​ളെ​ക്കു​റി​ച്ചും ഭീതി​ജ​ന​ക​മായ കാഴ്‌ച​ക​ളെ​ക്കു​റി​ച്ചും ആകാശ​ത്തി​ലെ അടയാ​ള​ങ്ങ​ളെ​ക്കു​റി​ച്ചും യേശു സംസാ​രി​ച്ചു. യേശു അടയാളം നൽകി​യ​തി​നും (പൊ.യു. 33) യരുശ​ലേം ശൂന്യ​മാ​ക്ക​പ്പെ​ട്ട​തി​നും (പൊ.യു. 66-70) ഇടക്കുള്ള വർഷങ്ങ​ളിൽ വ്യാജ​പ്ര​വാ​ച​കൻമാ​രും വ്യാജ​ക്രി​സ്‌തു​ക്ക​ളും എഴു​ന്നേൽക്കു​മാ​യി​രു​ന്നു. യേശു​വി​ന്റെ സന്ദേശം ഘോഷി​ക്കുന്ന ക്രിസ്‌ത്യാ​നി​കളെ യഹൂദർ പീഡി​പ്പി​ക്കു​മാ​യി​രു​ന്നു.

9. യേശു​വി​ന്റെ പ്രവച​ന​ത്തിന്‌ പൊ.യു. ഒന്നാം നൂററാ​ണ്ടിൽ എങ്ങനെ​യാ​ണു നിവൃ​ത്തി​യു​ണ്ടാ​യത്‌?

⁹ ചരി​ത്ര​കാ​ര​നായ ഫേവ്‌ളി​യസ്‌ ജോസീ​ഫസ്‌ സ്ഥിരീ​ക​രി​ക്കു​ന്ന​തു​പോ​ലെ അടയാ​ള​ത്തി​ന്റെ ഈ വശങ്ങൾ വാസ്‌ത​വ​മാ​യും സംഭവി​ച്ചു. റോമാ​ക്കാർ ആക്രമി​ക്കു​ന്ന​തി​നു മുമ്പു വ്യാജ​മി​ശി​ഹാ​മാർ മത്സരം ഇളക്കി​വി​ട്ടു​വെന്ന്‌ അദ്ദേഹം എഴുതു​ന്നു. യഹൂദ്യ​യി​ലും മററി​ട​ങ്ങ​ളി​ലും ഭയങ്കര ഭൂകമ്പങ്ങൾ ഉണ്ടായി. റോമാ സാമ്രാ​ജ്യ​ത്തി​ന്റെ വിവിധ ഭാഗങ്ങ​ളിൽ യുദ്ധങ്ങൾ പൊട്ടി​പ്പു​റ​പ്പെട്ടു. വലിയ ഭക്ഷ്യക്ഷാ​മങ്ങൾ ഉണ്ടായോ? തീർച്ച​യാ​യും ഉണ്ടായി. (പ്രവൃ​ത്തി​കൾ 11:27-30 താരത​മ്യം ചെയ്യുക.) രാജ്യ​പ്ര​സംഗ വേല​യെ​ക്കു​റി​ച്ചെന്ത്‌? പൊ.യു. 60 അല്ലെങ്കിൽ 61-ൽ കൊ​ലോ​സ്യർക്കുള്ള ലേഖനം എഴുതി​യ​പ്പോൾ, ദൈവ​രാ​ജ്യ​മാ​കുന്ന “സുവി​ശേ​ഷ​ത്തി​ന്റെ പ്രത്യാശ” ആഫ്രി​ക്ക​യി​ലും ഏഷ്യയി​ലും യൂറോ​പ്പി​ലും വ്യാപ​ക​മാ​യി കേട്ടി​രു​ന്നു.b—കൊ​ലൊ​സ്സ്യർ 1:23.

“അപ്പോൾ” അവസാനം

10. ഗ്രീക്കു പദമായ ടോ​ട്ടെ​യെ​ക്കു​റി​ച്ചു നാം പരിചി​ന്തി​ക്കേ​ണ്ടത്‌ എന്തു​കൊണ്ട്‌, അതിന്റെ പ്രാധാ​ന്യ​മെന്ത്‌?

¹⁰ ചില ഭാഗങ്ങ​ളിൽ സംഭവി​ക്കുന്ന ക്രമത്തി​ലാണ്‌ യേശു കാര്യങ്ങൾ അവതരി​പ്പി​ച്ചത്‌. അവിടുന്ന്‌ ഇങ്ങനെ പറഞ്ഞു: “രാജ്യ​ത്തി​ന്റെ ഈ സുവി​ശേഷം . . . പ്രസം​ഗി​ക്ക​പ്പെ​ടും; അപ്പോൾ അവസാനം വരും.” ഇംഗ്ലീഷ്‌ ബൈബി​ളു​ക​ളിൽ “അപ്പോൾ” എന്നതിന്റെ ഇംഗ്ലീഷ്‌ പദമായ ദെൻ മിക്ക​പ്പോ​ഴും “അതു​കൊണ്ട്‌” അല്ലെങ്കിൽ “എന്നാൽ” എന്ന ലളിത​മായ അർഥത്തിൽ ഉപയോ​ഗി​ക്കു​ന്നു. (മർക്കൊസ്‌ 4:15, 17; 13:23) എന്നിരു​ന്നാ​ലും, മത്തായി 24:14-ലെ “അപ്പോൾ” ഗ്രീക്കി​ലെ ക്രിയാ​വി​ശേ​ഷ​ണ​മായ ടോട്ടെc എന്നതിനെ അടിസ്ഥാ​ന​പ്പെ​ടു​ത്തി​യു​ള്ള​താണ്‌. “തൊട്ടു​ശേഷം സംഭവി​ക്കാ​നു​ള്ള​തി​നെ അവതരി​പ്പി​ക്കു​ന്ന​തിന്‌” അഥവാ “അനന്തര​സം​ഭ​വത്തെ അവതരി​പ്പി​ക്കു​ന്ന​തിന്‌” ഉപയോ​ഗി​ക്കുന്ന “സമയത്തി​ന്റെ ഒരു നിർദേശക ക്രിയാ​വി​ശേഷണ”മാണു ടോട്ടെ എന്നു ഗ്രീക്കു വിദഗ്‌ധർ പറയുന്നു. അങ്ങനെ രാജ്യ​ത്തി​ന്റെ പ്രസം​ഗി​ക്കൽ ഉണ്ടായി​രി​ക്കു​മെ​ന്നും അപ്പോൾ (‘അതിനു​ശേഷം’ അല്ലെങ്കിൽ ‘അനന്തരം’) “അവസാനം” വരു​മെ​ന്നും യേശു മുൻകൂ​ട്ടി​പ്പ​റഞ്ഞു. ഏതവസാ​നം?

11. യരുശ​ലേ​മി​ന്റെ നാശ​ത്തോ​ടു നേരിട്ടു ബന്ധപ്പെട്ട സംഭവ​ങ്ങ​ളിൽ യേശു ശ്രദ്ധ​കേ​ന്ദ്രീ​ക​രി​ച്ചത്‌ എങ്ങനെ?

¹¹ യേശു​വി​ന്റെ പ്രവച​ന​ത്തി​ന്റെ ഒരു നിവൃത്തി യഹൂദ വ്യവസ്ഥി​തി​യു​ടെ അവസാ​ന​ത്തി​ലേക്കു നയിക്കുന്ന സംഭവ​ങ്ങ​ളിൽ കാണാ​വു​ന്ന​താണ്‌. യുദ്ധങ്ങൾ, ഭൂകമ്പങ്ങൾ, ഭക്ഷ്യക്ഷാ​മങ്ങൾ എന്നിങ്ങനെ യേശു മുൻകൂ​ട്ടി​പ്പറഞ്ഞ സംഭവങ്ങൾ മൂന്നു പതിറ​റാ​ണ്ടു​ക​ളി​ലാ​യി സംഭവി​ച്ചു. എങ്കിലും നാശം വാതിൽക്ക​ലെ​ത്തി​യ​പ്പോൾ, മത്തായി 24:15, മർക്കൊസ്‌ 13:14, ലൂക്കൊസ്‌ 21:20 എന്നീ തിരു​വെ​ഴു​ത്തു​കൾമു​തൽ ആസന്നമായ നാശ​ത്തോ​ടു നേരിട്ടു ബന്ധപ്പെട്ട കാര്യ​ങ്ങ​ളെ​ക്കു​റി​ച്ചു നാം വായി​ക്കു​ന്നു.—ചാർട്ടി​ലെ ബിന്ദു​രേഖ ശ്രദ്ധി​ക്കുക.

12. മത്തായി 24:15-ന്റെ നിവൃ​ത്തി​യിൽ റോമാ​സൈ​ന്യം ഉൾപ്പെ​ട്ടി​രു​ന്നത്‌ എങ്ങനെ?

¹² പൊ.യു. 66-ൽ യഹൂദൻമാ​രു​ടെ ഒരു മത്സര​ത്തോ​ടു പ്രതി​ക​രി​ച്ചു​കൊ​ണ്ടു സെസ്‌റ​റ്യസ്‌ ഗാലസി​ന്റെ നേതൃ​ത്വ​ത്തിൽ റോമാ​ക്കാർ യരുശ​ലേ​മി​നെ​തി​രെ പടനീക്കം നടത്തു​ക​യും യഹൂദർ പവി​ത്ര​മാ​യി കരുതി​യി​രുന്ന ഈ നഗരത്തെ വളയു​ക​യും ചെയ്‌തു. (മത്തായി 5:35) യഹൂദ​രു​ടെ പ്രത്യാ​ക്ര​മ​ണ​മു​ണ്ടാ​യി​രു​ന്നി​ട്ടും റോമാ​ക്കാർ ബലമായി നഗരത്തിൽ അതി​ക്ര​മി​ച്ചു കടന്നു. മത്തായി 24:15-ലും മർക്കൊസ്‌ 13:14-ലും യേശു മുൻകൂ​ട്ടി​പ്പ​റ​ഞ്ഞ​പ്ര​കാ​രം അവർ “വിശു​ദ്ധ​സ്ഥ​ലത്തു നില്‌ക്കാൻ” തുടങ്ങി​യത്‌ ഇപ്രകാ​ര​മാണ്‌. അപ്പോൾ ഒരു അവിചാ​രി​ത​സം​ഭവം നടന്നു. റോമാ​ക്കാർ പട്ടണം വളഞ്ഞി​രു​ന്നെ​ങ്കി​ലും പെട്ടെന്നു പിൻവാ​ങ്ങി. ക്രിസ്‌ത്യാ​നി​കൾ യേശു​വി​ന്റെ പ്രവച​ന​നി​വൃ​ത്തി സത്വരം തിരി​ച്ച​റി​ഞ്ഞു. കൂടാതെ, റോമാ​ക്കാ​രു​ടെ പിൻവാ​ങ്ങൽ യഹൂദ്യ​യിൽനി​ന്നു യോർദാ​ന​ക്ക​രെ​യുള്ള പർവത​ങ്ങ​ളി​ലേക്ക്‌ ഓടി​പ്പോ​കാൻ അവരെ അനുവ​ദി​ച്ചു. അവർ അപ്രകാ​രം ചെയ്യു​ക​ത​ന്നെ​യു​ണ്ടാ​യി എന്നു ചരിത്രം പറയുന്നു.

13. ഓടി​പ്പോ​കു​ന്ന​തി​നുള്ള യേശു​വി​ന്റെ മുന്നറി​യിപ്പ്‌ അനുസ​രി​ക്കാൻ ക്രിസ്‌ത്യാ​നി​കൾക്കു കഴിഞ്ഞ​തെ​ന്തു​കൊണ്ട്‌?

¹³ പക്ഷേ, റോമാ​ക്കാർ യരുശ​ലേ​മി​നു ചുററു​നി​ന്നും പിൻവാ​ങ്ങി​പ്പോ​യെ​ങ്കിൽ ആരെങ്കി​ലും ഓടി​പ്പോ​കേ​ണ്ട​തി​ന്റെ ആവശ്യ​മെ​ന്താ​യി​രു​ന്നു? ആ സംഭവി​ച്ചതു ‘യെരൂ​ശ​ലേ​മി​ന്റെ ശൂന്യ​മാ​ക്കൽ സമീപി​ച്ചി​രു​ന്നു’ എന്നതിന്റെ തെളി​വാ​യി​രു​ന്നു​വെന്നു യേശു​വി​ന്റെ വാക്കുകൾ വ്യക്തമാ​ക്കി. (ലൂക്കൊസ്‌ 21:20) അതേ, ശൂന്യ​മാ​ക്കൽതന്നെ. ‘ലോകാ​രം​ഭം​മു​തൽ ഇന്നുവ​രെ​യും സംഭവി​ച്ചി​ട്ടി​ല്ലാ​ത്ത​തും ഇനിമേൽ സംഭവി​ക്കാ​ത്ത​തു​മായ വലിയ കഷ്ടം’ യേശു മുൻകൂ​ട്ടി​പ്പ​റഞ്ഞു. ഏതാണ്ടു മൂന്നര വർഷത്തി​നു​ശേഷം, പൊ.യു. 70-ൽ, യരുശ​ലേം വാസ്‌ത​വ​മാ​യും ജനറൽ റൈറ​റ​റ​സി​ന്റെ നേതൃ​ത്വ​ത്തി​ലുള്ള റോമൻ സൈന്യ​ത്തിൽനി​ന്നു “വലിയ കഷ്ടം” അനുഭ​വി​ക്കു​ക​തന്നെ ചെയ്‌തു. (മത്തായി 24:21; മർക്കൊസ്‌ 13:19) എന്നാൽ ഈ കഷ്ടത്തെ മുമ്പു​ണ്ടാ​യി​ട്ടു​ള്ള​തും ഇനി സംഭവി​ക്കാ​നു​ള്ള​തു​മായ എന്തി​നെ​ക്കാ​ളും വലിയ​തെന്നു യേശു വർണി​ച്ചത്‌ എന്തു​കൊ​ണ്ടാ​യി​രു​ന്നു?

14. പൊ.യു. 70-ൽ സംഭവി​ച്ചത്‌ അതിനു​മു​മ്പും അതിനു​ശേ​ഷ​വും സംഭവി​ച്ചി​ട്ടി​ല്ലാത്ത “വലിയ കഷ്ട”മായി​രു​ന്നു​വെന്നു നമുക്കു പറയാൻ കഴിയു​ന്ന​തെ​ന്തു​കൊണ്ട്‌?

¹⁴ പൊ.യു.മു. (പൊതു​യു​ഗ​ത്തി​നു മുമ്പ്‌) 607-ൽ യരുശ​ലേം ബാബി​ലോ​ന്യ​രാൽ കൊള്ള​യ​ടി​ക്ക​പ്പെ​ടു​ക​യും നമ്മുടെ നൂററാ​ണ്ടിൽ ആ പട്ടണം മററു ഭയങ്കര പോരാ​ട്ട​ങ്ങൾക്കു സാക്ഷ്യം വഹിക്കു​ക​യും ചെയ്‌തി​ട്ടുണ്ട്‌. എന്നിരു​ന്നാ​ലും, പൊ.യു. 70-ൽ സംഭവി​ച്ചത്‌ അതുല്യ​മായ ഒരു മഹാക​ഷ്ട​മാ​യി​രു​ന്നു. ഏതാണ്ട്‌ അഞ്ചു മാസത്തെ ഉപരോ​ധ​ത്തി​നു​ശേഷം റൈറ​റ​റ​സി​ന്റെ പടയാ​ളി​കൾ യഹൂദൻമാ​രെ തോല്‌പി​ച്ചു. അവർ ഏതാണ്ടു 11,00,000-ത്തിലധി​കം പേരെ കൊല്ലു​ക​യും 1,00,000-ത്തോളം പേരെ അടിമ​ക​ളാ​യി പിടി​ച്ചു​കൊ​ണ്ടു​പോ​കു​ക​യും ചെയ്‌തു. കൂടാതെ റോമാ​ക്കാർ യരുശ​ലേം നശിപ്പി​ച്ചു​ക​ള​യു​ക​യും ചെയ്‌തു. ആലയത്തെ കേന്ദ്ര​മാ​ക്കി​ക്കൊ​ണ്ടുള്ള യഹൂദൻമാ​രു​ടെ മുൻ അംഗീ​കൃത ആരാധ​നാ​വ്യ​വ​സ്ഥി​തി സ്ഥിരമാ​യി അവസാ​നി​ച്ചു​വെന്ന്‌ ഇതു തെളി​യി​ച്ചു. (എബ്രായർ 1:2) അതേ, പൊ.യു. 70-ലെ സംഭവ​ങ്ങളെ സമുചി​ത​മാ​യി [ആ പട്ടണത്തി​ന്റെ​യും രാഷ്‌ട്ര​ത്തി​ന്റെ​യും വ്യവസ്ഥി​തി​യു​ടെ​യും​മേൽ] ‘ലോകാ​രം​ഭം മുതൽ ഇന്നുവ​രെ​യും സംഭവി​ച്ചി​ട്ടി​ല്ലാ​ത്ത​തും ഇനിമേൽ സംഭവി​ക്കാ​ത്ത​തു​മായ കഷ്ടം’ എന്നു പരിഗ​ണി​ക്കാൻ കഴിയും.—മത്തായി 24:21.d

പ്രവചി​ച്ചി​രു​ന്ന​പ്ര​കാ​രം കൂടുതൽ സംഭവി​ക്കാ​നി​രു​ന്നു

15. (എ) യരുശ​ലേ​മി​ലെ കഷ്ടത്തി​നു​ശേഷം ഏതു രീതി​യി​ലുള്ള സംഭവ​വി​കാ​സങ്ങൾ ഉണ്ടാകു​മെ​ന്നാ​ണു യേശു മുൻകൂ​ട്ടി​പ്പ​റ​ഞ്ഞത്‌? (ബി) മത്തായി 24:23-28-ന്റെ വീക്ഷണ​ത്തിൽ യേശു​വി​ന്റെ പ്രവച​ന​ത്തി​ന്റെ നിവൃ​ത്തി​യെ​ക്കു​റി​ച്ചു നാം എന്തു നിഗമനം ചെയ്യണം?

¹⁵ എന്നിരു​ന്നാ​ലും, യേശു തന്റെ പ്രവചനം ഒന്നാം നൂററാ​ണ്ടി​ലെ കഷ്ടത്തിൽ ഒതുക്കി​നിർത്തി​യില്ല. വളരെ​യ​ധി​കം കാര്യങ്ങൾ ആ കഷ്ടത്തി​നു​ശേഷം സംഭവി​ക്കാ​നു​ണ്ടാ​യി​രു​ന്നെന്നു മത്തായി 24:23-ലും മർക്കൊസ്‌ 13:21-ലും ഉള്ള ടോട്ടെ അഥവാ “അപ്പോൾ” എന്ന പ്രയോ​ഗ​ത്താൽ ബൈബിൾ പ്രകട​മാ​ക്കു​ന്നു. പൊ.യു. 70-നെ തുടർന്നുള്ള കാലഘ​ട്ട​ത്തിൽ എന്തു സംഭവി​ക്കു​മാ​യി​രു​ന്നു? യഹൂദ വ്യവസ്ഥി​തി​യു​ടെ​മേ​ലുള്ള ആ കഷ്ടത്തി​നു​ശേഷം കൂടുതൽ വ്യാജ ക്രിസ്‌തു​ക്ക​ളും പ്രവാ​ച​കൻമാ​രും പ്രത്യ​ക്ഷ​പ്പെ​ടു​മാ​യി​രു​ന്നു. (മർക്കൊസ്‌ 13:6, 13:21-23-മായി താരത​മ്യം ചെയ്യുക.) പൊ.യു. 70-നു ശേഷം നൂററാ​ണ്ടു​ക​ളി​ലാ​യി അങ്ങനെ​യുള്ള അനേകം വ്യക്തികൾ എഴു​ന്നേ​റ​റി​ട്ടു​ണ്ടെന്നു ചരിത്രം ഉറപ്പു വരുത്തു​ന്നു. എന്നാൽ വ്യക്തമായ ആത്മീയ വീക്ഷണ​മു​ള്ള​വ​രും ക്രിസ്‌തു​വി​ന്റെ “സാന്നിധ്യ”ത്തിനു​വേണ്ടി യഥാർഥ​ത്തിൽ നോക്കി​പ്പാർത്തി​രി​ക്കു​ന്ന​വ​രു​മായ ആളുകളെ വഴി​തെ​റ​റി​ക്കാൻ അവർക്കു കഴിഞ്ഞി​ട്ടില്ല. (മത്തായി 24:27, 28) എന്നിരു​ന്നാ​ലും, ഒരു പ്രാരംഭ നിവൃത്തി മാത്ര​മാ​യി​രുന്ന പൊ.യു. 70-ലെ വലിയ കഷ്ടത്തി​നു​ശേ​ഷ​മുള്ള സംഭവ​വി​കാ​സങ്ങൾ യേശു ഒന്നാം നൂററാ​ണ്ടി​ലെ ആ കഷ്ടത്തി​ന​പ്പു​റ​ത്തേക്കു നോക്കു​ന്നു​ണ്ടാ​യി​രു​ന്നു എന്നുള്ള​തി​ന്റെ ഒരു സൂചന നൽകുന്നു.

16. ലൂക്കൊസ്‌ 21:24 യേശു​വി​ന്റെ പ്രവച​ന​ത്തോട്‌ ഏതു ഘടകമാ​ണു കൂട്ടി​ച്ചേർക്കു​ന്നത്‌, ഇതിനുള്ള പ്രാധാ​ന്യ​മെന്ത്‌?

¹⁶ നാം മത്തായി 24:15-28-ഉം മർക്കൊസ്‌ 13:14-23-ഉം ലൂക്കൊസ്‌ 21:20-24-നോടു താരത​മ്യം ചെയ്‌താൽ യേശു​വി​ന്റെ പ്രവചനം യരുശ​ലേ​മി​ന്റെ നാശത്തി​ന​പ്പു​റ​ത്തേക്കു നീണ്ടു​കി​ട​ന്നി​രു​ന്നു എന്നതിന്റെ രണ്ടാമത്തെ സൂചന നാം കാണുന്നു. ലൂക്കോസ്‌ മാത്ര​മാ​ണു മഹാമാ​രി​ക​ളെ​ക്കു​റി​ച്ചു സൂചി​പ്പി​ച്ചി​രു​ന്നത്‌ എന്നോർക്കുക. സമാന​മാ​യി, “ജാതി​ക​ളു​ടെ കാലം [“വിജാ​തീ​യ​രു​ടെ കാലങ്ങൾ,” ജയിംസ്‌ രാജാ​വി​ന്റെ ഭാഷാ​ന്തരം] തികയു​വോ​ളം ജാതികൾ യെരൂ​ശ​ലേം ചവിട്ടി​ക്ക​ള​ക​യും ചെയ്യും” എന്ന യേശു​വി​ന്റെ വാക്കു​കൾകൊണ്ട്‌ ഈ ഭാഗം ഉപസം​ഹ​രി​ച്ച​തും അദ്ദേഹം മാത്ര​മാണ്‌.e (ലൂക്കൊസ്‌ 21:24) യഹൂദ​രു​ടെ അവസാ​നത്തെ രാജാ​വി​നെ ബാബി​ലോ​ന്യർ പൊ.യു.മു. 607-ൽ നീക്കി​ക്ക​ള​യു​ക​യും അതിനു​ശേഷം ദൈവ​രാ​ജ്യ​ത്തെ പ്രതി​നി​ധാ​നം ചെയ്‌ത യരുശ​ലേം ചവിട്ടി​മെ​തി​ക്ക​പ്പെ​ടു​ക​യും ചെയ്‌തു. (2 രാജാ​ക്കൻമാർ 25:1-26; 1 ദിനവൃ​ത്താ​ന്തം 29:23; യെഹെ​സ്‌കേൽ 21:25-27) ദൈവം വീണ്ടും ഒരു രാജ്യം സ്ഥാപി​ക്കുന്ന സമയം​വരെ ഈ അവസ്ഥ ഭാവി​യി​ലേക്കു തുടരു​മെന്നു ലൂക്കൊസ്‌ 21:24-ൽ യേശു സൂചി​പ്പി​ച്ചു.

17. യേശു​വി​ന്റെ പ്രവചനം വിദൂ​ര​ഭാ​വി​യി​ലേ​ക്കും ഉള്ളതാ​ണെ​ന്ന​തി​നു നമുക്ക്‌ ഏതു മൂന്നാ​മത്തെ സൂചന​യുണ്ട്‌?

¹⁷ യേശു ഭാവി​യി​ലേക്കു നോക്കു​ക​യാ​യി​രു​ന്നു എന്നതിന്റെ മൂന്നാ​മ​തൊ​രു സൂചന ഇതാ: തിരു​വെ​ഴു​ത്തു​കൾ പറയു​ന്ന​പ്ര​കാ​രം, മിശിഹാ മരിക്കു​ക​യും പുനരു​ത്ഥാ​നം പ്രാപി​ക്കു​ക​യും ചെയ്യണ​മാ​യി​രു​ന്നു, അതിനു​ശേഷം, കീഴട​ക്കാൻ പുറ​പ്പെ​ടു​ന്ന​തി​നു​വേണ്ടി പിതാവു തന്നെ അയയ്‌ക്കു​ന്ന​തു​വരെ അവിടുന്ന്‌ ദൈവ​ത്തി​ന്റെ വലത്തു​ഭാ​ഗ​ത്തി​രി​ക്കു​മാ​യി​രു​ന്നു. (സങ്കീർത്തനം 110:1, 2) താൻ തന്റെ പിതാ​വി​ന്റെ വലത്തു​ഭാ​ഗത്ത്‌ ഇരിക്കു​മെ​ന്ന​തി​നെ​ക്കു​റി​ച്ചു യേശു സൂചന നൽകി​യി​രു​ന്നു. (മർക്കൊസ്‌ 14:62) ഉയിർത്തെ​ഴു​ന്നേററ യേശു രാജാ​വും ദൈവ​ത്തി​ന്റെ ന്യായ​വി​ധി​നിർവാ​ഹ​ക​നും ആയിത്തീ​രാൻ കാത്തി​രു​ന്നു​കൊ​ണ്ടു യഹോ​വ​യു​ടെ വലത്തു​ഭാ​ഗ​ത്താ​യി​രു​ന്നെന്ന്‌ അപ്പോ​സ്‌ത​ല​നായ പൗലോസ്‌ ഉറപ്പിച്ചു പറഞ്ഞു.—റോമർ 8:34; കൊ​ലൊ​സ്സ്യർ 3:1; എബ്രായർ 10:12, 13.

18, 19. സുവി​ശേ​ഷ​ങ്ങ​ളി​ലെ പ്രവച​ന​ങ്ങ​ളോ​ടു വെളി​പ്പാ​ടു 6:2-8-ന്‌ എന്തു സമാന്ത​ര​ത്വ​മാ​ണു​ള്ളത്‌?

¹⁸ വ്യവസ്ഥി​തി​യു​ടെ സമാപ​ന​ത്തെ​ക്കു​റി​ച്ചുള്ള യേശു​വി​ന്റെ പ്രവചനം ഒന്നാം നൂററാ​ണ്ടി​ന​പ്പു​റ​ത്തേക്കു ബാധക​മാ​കു​മെ​ന്ന​തി​ന്റെ നാലാ​മ​ത്ത​തും നിർണാ​യ​ക​വു​മായ സൂചന​ക്കു​വേണ്ടി നമുക്കു വെളി​പ്പാ​ടു 6-ാം അധ്യാ​യ​ത്തി​ലേക്കു തിരി​യാം. പൊ.യു. 70-ന്‌ പതിറ​റാ​ണ്ടു​കൾക്കു​ശേഷം എഴുതവേ, അപ്പോ​സ്‌ത​ല​നായ യോഹ​ന്നാൻ നാലു സജീവ​രായ കുതി​ര​ക്കാ​രെ​ക്കു​റി​ച്ചുള്ള, ഹഠാതാ​കർഷി​ക്കുന്ന ഒരു രംഗം വർണിച്ചു. (വെളി​പ്പാ​ടു 6:2-8) “കർത്തൃ​ദി​വസ”ത്തിലേ​ക്കുള്ള—അവിടു​ത്തെ സാന്നി​ധ്യ​കാ​ല​ത്തേ​ക്കുള്ള—ഈ പ്രവാചക ദർശനം നമ്മുടെ 20-ാം നൂററാ​ണ്ടി​നെ ശ്രദ്ധേ​യ​മായ യുദ്ധവും (4-ാം വാക്യം) വ്യാപ​ക​മായ ഭക്ഷ്യക്ഷാ​മ​വും (5-ഉം 6-ഉം വാക്യങ്ങൾ) “മാരക​മായ വ്യാധി”യും (8-ാം വാക്യം) ഉള്ള കാലമാ​യി തിരി​ച്ച​റി​യി​ക്കു​ന്നു. സ്‌പഷ്ട​മാ​യും ഇവയ്‌ക്ക്‌ യേശു സുവി​ശേ​ഷ​ങ്ങ​ളിൽ മുൻകൂ​ട്ടി​പ്പ​റ​ഞ്ഞ​വ​യോ​ടു സമാന്ത​ര​ത്വ​മുണ്ട്‌, കൂടാതെ യേശു​വി​ന്റെ പ്രവച​ന​ത്തിന്‌ ഈ ‘കർത്തൃ​ദി​വ​സ​ത്തിൽ’ ഒരു വലിയ നിവൃത്തി ഉണ്ടെന്നു തെളി​യി​ക്കു​ക​യും ചെയ്യുന്നു.—വെളി​പ്പാ​ടു 1:10.

¹⁹ മത്തായി 24:7 മുതൽ 14 വരെയും വെളി​പ്പാ​ടു 6:2 മുതൽ 8 വരെയും മുൻകൂ​ട്ടി​പ്പ​റ​ഞ്ഞി​രി​ക്കുന്ന സംയുക്ത അടയാളം 1914-ൽ ലോക​മ​ഹാ​യു​ദ്ധം ആദ്യമാ​യി പൊട്ടി​പ്പു​റ​പ്പെ​ട്ട​തു​മു​തൽ നമ്മുടെ നാളു​ക​ളിൽ പ്രകട​മാ​യി​രു​ന്നി​ട്ടു​ണ്ടെന്നു വിജ്ഞരായ ആളുകൾ സമ്മതി​ക്കു​ന്നു. മൃഗീ​യ​മായ യുദ്ധങ്ങ​ളാ​ലും വിനാ​ശ​ക​ര​മായ ഭൂകമ്പ​ങ്ങ​ളാ​ലും ദാരു​ണ​മായ ഭക്ഷ്യക്ഷാ​മ​ങ്ങ​ളാ​ലും കുതി​ച്ചു​യ​രുന്ന രോഗ​ങ്ങ​ളാ​ലും തെളി​യി​ക്ക​പ്പെ​ടു​ന്ന​പ്ര​കാ​രം യേശു​വി​ന്റെ പ്രവച​ന​ങ്ങൾക്ക്‌ ഇപ്പോൾത്തന്നെ അതിന്റെ രണ്ടാമ​ത്ത​തും വലിയ​തു​മായ നിവൃത്തി ഉണ്ടായി​ക്കൊ​ണ്ടി​രി​ക്ക​യാ​ണെന്നു ലോക​വ്യാ​പ​ക​മാ​യി യഹോ​വ​യു​ടെ സാക്ഷികൾ പ്രഖ്യാ​പി​ച്ചി​രി​ക്കു​ന്നു. ഈ അവസാനം പറഞ്ഞ ആശയ​ത്തെ​ക്കു​റിച്ച്‌ യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ (ജൂലൈ 27, 1992) ഇങ്ങനെ പറഞ്ഞു: “ദശലക്ഷ​ക്ക​ണ​ക്കിന്‌ ഇരകളെ മരണത്തി​ലേക്കു നയിക്കുന്ന എയ്‌ഡ്‌സ്‌ പകർച്ച​വ്യാ​ധി പെട്ടെ​ന്നു​തന്നെ ചരി​ത്ര​ത്തിൽവച്ച്‌ ഏററവും വില​യൊ​ടു​ക്കേ​ണ്ട​തും വിനാ​ശ​കാ​രി​യു​മായ വ്യാധി​യാ​യി​ത്തീർന്നേ​ക്കാം. ബ്ലാക്ക്‌ ഡെത്ത്‌ എന്ന പ്ലേഗ്‌രോ​ഗം 14-ാം നൂററാ​ണ്ടിൽ 2 കോടി 5 ലക്ഷം ദുരി​ത​ബാ​ധി​തരെ കൊന്നു. എന്നാൽ 2000-ാമാ​ണ്ടോ​ടെ, എയ്‌ഡ്‌സി​നു കാരണ​മാ​കുന്ന എച്ച്‌ഐവി എന്ന രോഗാ​ണു വഹിക്കുന്ന ആളുക​ളു​ടെ എണ്ണം ഇന്നത്തെ 1 കോടി 20 ലക്ഷത്തിൽനി​ന്നു 3 കോടി​മു​തൽ 11 കോടി​വ​രെ​യാ​യി വർധി​ക്കും. ഒരു പ്രതി​വി​ധി​യു​ടെ അഭാവ​ത്തിൽ ഈ സകലർക്കും മരണം ഉറപ്പാണ്‌.”

20. മത്തായി 24:4-22-ന്റെ ആദ്യകാല നിവൃ​ത്തി​യിൽ എന്തൊക്കെ ഉൾപ്പെ​ടും, എന്നാൽ മറെറന്തു നിവൃത്തി പ്രസ്‌പ​ഷ്ട​മാണ്‌?

²⁰ അപ്പോൾ, അപ്പോ​സ്‌ത​ലൻമാ​രു​ടെ ചോദ്യ​ത്തി​നുള്ള യേശു​വി​ന്റെ മറുപ​ടി​യിൽനി​ന്നു നാം എന്താണു നിഗമനം ചെയ്യേ​ണ്ടത്‌? അവിടു​ത്തെ പ്രവചനം യരുശ​ലേ​മി​ന്റെ നാശം ഉൾപ്പെടെ അതുവ​രെ​യുള്ള സംഭവങ്ങൾ കൃത്യ​മാ​യി മുൻകൂ​ട്ടി​പ്പ​റ​യു​ക​യും പൊ.യു. 70-നുശേഷം സംഭവി​ക്കേണ്ട ചില സംഗതി​ക​ളെ​ക്കു​റി​ച്ചു സൂചി​പ്പി​ക്കു​ക​യും ചെയ്‌തു. എന്നാൽ ഇതിൽ അധിക​ഭാ​ഗ​ത്തി​നും ഇപ്പോ​ഴത്തെ ദുഷ്ട വ്യവസ്ഥി​തി​യെ അവസാ​നി​പ്പി​ക്കുന്ന മഹോ​പ​ദ്ര​വ​ത്തി​ലേക്കു നയിക്കുന്ന രണ്ടാമ​ത്ത​തും വലിയ​തു​മായ നിവൃത്തി ഭാവി​യിൽ ഉണ്ടാ​കേ​ണ്ട​തുണ്ട്‌. ഇതിന്റെ അർഥം മത്തായി 24:4-22-ലെ യേശു​വി​ന്റെ പ്രവച​ന​വും അതു​പോ​ലെ​തന്നെ മർക്കോ​സി​ന്റെ​യും ലൂക്കോ​സി​ന്റെ​യും സമാന്തര വിവര​ണ​ങ്ങ​ളും പൊ.യു. 33 മുതൽ പൊ.യു. 70-ലെ കഷ്ടംവരെ നിവൃ​ത്തി​യേറി എന്നാണ്‌. എന്നാൽ ഇതേ വാക്യ​ങ്ങൾക്കു രണ്ടാമ​തൊ​രു നിവൃ​ത്തി​കൂ​ടി​യുണ്ട്‌, അതിൽ ഭാവി​യി​ലെ ഒരു മഹോ​പ​ദ്ര​വ​വും ഉൾപ്പെ​ടും. ഈ വലിപ്പ​മേ​റിയ നിവൃത്തി നമ്മുടെ കാലത്താണ്‌; നാമതു ദിവസ​വും കാണുന്നു.f

എന്തി​ലേക്കു നയിക്കു​ന്നു?

21, 22. കൂടു​ത​ലായ സംഭവ​വി​കാ​സങ്ങൾ പിന്നെ​യും അവശേ​ഷി​ച്ചി​രു​ന്നു എന്നതി​നുള്ള പ്രാവ​ച​നിക സൂചന നാം എവിടെ കണ്ടെത്തു​ന്നു?

²¹ ‘ജാതി​ക​ളു​ടെ നിയമി​ത​കാ​ലങ്ങൾ തികയുന്ന’തിനു​മു​മ്പുള്ള നീണ്ട കാലഘ​ട്ട​ത്തിൽ വഞ്ചനാ​ത്മ​ക​മായ അടയാ​ളങ്ങൾ പ്രവർത്തി​ക്കുന്ന വ്യാജ​പ്ര​വാ​ച​കൻമാ​രെ​ക്കു​റി​ച്ചു പറഞ്ഞു​കൊ​ണ്ടു യേശു തന്റെ പ്രവചനം അവസാ​നി​പ്പി​ച്ചില്ല. (ലൂക്കൊസ്‌ 21:24; മത്തായി 24:23-26; മർക്കൊസ്‌ 13:21-23) ഭൂവ്യാ​പ​ക​മാ​യി ദൃശ്യ​മാ​കുന്ന ഞെട്ടി​പ്പി​ക്കുന്ന മററു സംഗതി​കൾ സംഭവി​ക്കു​മെന്ന്‌ അവിടുന്ന്‌ തുടർന്നു പറഞ്ഞു. മനുഷ്യ​പു​ത്രൻ അധികാ​ര​ത്തി​ലും ശക്തിയി​ലും വരുന്ന​തി​നോട്‌ ഇവ ബന്ധപ്പെ​ട്ടി​രി​ക്കും. മർക്കൊസ്‌ 13:24-27 യേശു​വി​ന്റെ തുടർന്നുള്ള പ്രവച​ന​ത്തി​ന്റെ മാതൃ​ക​യാണ്‌:

²² “എങ്കിലോ ആ കാലത്തെ കഷ്ടം കഴിഞ്ഞ​ശേഷം സൂര്യൻ ഇരുണ്ടു​പോ​ക​യും ചന്ദ്രൻ പ്രകാശം കൊടു​ക്കാ​തി​രി​ക്ക​യും ആകാശ​ത്തു​നി​ന്നു നക്ഷത്രങ്ങൾ വീണു​കൊ​ണ്ടി​രി​ക്ക​യും ആകാശ​ത്തി​ലെ ശക്തികൾ ഇളകി​പ്പോ​ക​യും ചെയ്യും. അപ്പോൾ മനുഷ്യ​പു​ത്രൻ വലിയ ശക്തി​യോ​ടും തേജ​സ്സോ​ടും​കൂ​ടെ മേഘങ്ങ​ളിൽ വരുന്നതു അവർ കാണും. അന്നു അവൻ തന്റെ ദൂതൻമാ​രെ അയച്ചു, തന്റെ വൃതൻമാ​രെ ഭൂമി​യു​ടെ അറുതി​മു​തൽ ആകാശ​ത്തി​ന്റെ അറുതി​വ​രെ​യും നാലു ദിക്കിൽനി​ന്നും കൂട്ടി​ച്ചേർക്കും.”

23. മത്തായി 24:29-31-ന്റെ നിവൃത്തി പൊ.യു. ഒന്നാം നൂററാ​ണ്ടി​നു വളരെ​ക്കാ​ലം കഴിഞ്ഞു നമുക്കു പ്രതീ​ക്ഷി​ക്കാ​വു​ന്നത്‌ എന്തു​കൊണ്ട്‌?

²³ പുനരു​ത്ഥാ​നം പ്രാപിച്ച യേശു​ക്രി​സ്‌തു ആകുന്ന മനുഷ്യ​പു​ത്രൻ പൊ.യു. 70-ലെ യഹൂദ വ്യവസ്ഥി​തി​യു​ടെ നാശത്തി​നു​ശേഷം ആ ഗംഭീ​ര​മായ വിധത്തിൽ വന്നില്ല. അതു​പോ​ലെ​തന്നെ, മത്തായി 24:30-ൽ സൂചി​പ്പി​ക്കു​ന്ന​പോ​ലെ ഭൂമി​യി​ലെ സകല ഗോ​ത്ര​ങ്ങ​ളും അവിടു​ത്തെ തിരി​ച്ച​റി​ഞ്ഞില്ല, സ്വർഗീയ ദൂതൻമാർ അന്ന്‌ മുഴു​ഭൂ​മി​യിൽനി​ന്നും സകല അഭിഷിക്ത ക്രിസ്‌ത്യാ​നി​കളെ കൂട്ടി​ച്ചേർക്കു​ക​യും ചെയ്‌തില്ല. അതു​കൊണ്ട്‌, യേശു​വി​ന്റെ ഈ മഹാ പ്രവച​ന​ത്തി​ന്റെ കൂടു​ത​ലായ ഭാഗം നിവൃ​ത്തി​യേ​റു​ന്നത്‌ എപ്പോ​ഴാ​യി​രി​ക്കും? അത്‌ ഇപ്പോൾത്തന്നെ സംഭവി​ച്ചു​കൊ​ണ്ടി​രി​ക്കുന്ന കാര്യ​ങ്ങ​ളിൽ നിവൃ​ത്തി​യേ​റു​ക​യാ​ണോ, അതോ അതു നമ്മുടെ ആസന്ന ഭാവി​യിൽ നമുക്കു പ്രതീ​ക്ഷി​ക്കാൻ കഴിയുന്ന കാര്യ​ങ്ങ​ളി​ലേക്കു ദിവ്യ ഉൾക്കാഴ്‌ച നൽകു​ക​യാ​ണോ? നാം തീർച്ച​യാ​യും അറിയാൻ ആഗ്രഹി​ക്കണം, കാരണം ലൂക്കോസ്‌ യേശു​വി​ന്റെ ബുദ്ധ്യു​പ​ദേശം പിൻവ​രു​ന്ന​വി​ധം രേഖ​പ്പെ​ടു​ത്തു​ന്നു: “ഇതു സംഭവി​ച്ചു​തു​ട​ങ്ങു​മ്പോൾ നിങ്ങളു​ടെ വീണ്ടെ​ടു​പ്പു അടുത്തു​വ​രു​ന്ന​തു​കൊ​ണ്ടു നിവിർന്നു തല പൊക്കു​വിൻ.”—ലൂക്കൊസ്‌ 21:28.

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​വോ?

◻ മത്തായി 24:3-ലെ ചോദ്യ​ത്തി​നുള്ള യേശു​വി​ന്റെ മറുപ​ടി​ക്കു പൊ.യു. 70 വരെ എന്തു നിവൃത്തി ഉണ്ടായി?

◻ ടോട്ടെ എന്ന പദത്തിന്റെ ഉപയോ​ഗം യേശു​വി​ന്റെ പ്രവചനം മനസ്സി​ലാ​ക്കാൻ നമ്മെ സഹായി​ക്കു​ന്ന​തെ​ങ്ങനെ?

◻ ഏതർഥ​ത്തി​ലാണ്‌ ഒന്നാം നൂററാ​ണ്ടിൽ അതുവരെ സംഭവി​ക്കാത്ത “വലിയ കഷ്ടം” ഉണ്ടായത്‌?

◻ ഇന്നു നമ്മെ ഉൾപ്പെ​ടു​ത്തുന്ന യേശു​വി​ന്റെ പ്രവച​ന​ത്തി​ന്റെ ഏതു രണ്ട്‌ അതുല്യ​മായ വശങ്ങ​ളെ​യാ​ണു ലൂക്കോസ്‌ പരാമർശി​ക്കു​ന്നത്‌?

◻ മത്തായി 24:4-22-ലെ പ്രവച​ന​ത്തി​ന്റെ രണ്ടാമ​ത്ത​തും വലുതു​മായ നിവൃ​ത്തി​യെ ചൂണ്ടി​ക്കാ​ട്ടുന്ന സൂചനകൾ ഏവ?

[[14, 15 പേജു​ക​ളി​ലെ ചാർട്ട്‌]

MATTHEW 24

⁴ Jesus said to them: “Look out that nobody misleads you; ⁵ for many will come on the basis of my name, saying, “I am the Christ,” and will mislead many. ⁶ You are going to hear of wars and reports of wars; see that you are not terrified. For these things must take place, but the end is not yet.

⁷ “‘For nation will rise against nation and kingdom against kingdom, and there will be food shortages and earthquakes in one place after another. ⁸ All these things are a beginning of pangs of distress.

⁹ “‘Then people will deliver you up to tribulation and will kill you, and you will be objects of hatred by all the nations on account of my name. ¹⁰ Then, also, many will be stumbled and will betray one another and will hate one another. ¹¹ And many false prophets will arise and mislead many; ¹² and because of the increasing of lawlessness the love of the greater number will cool off. ¹³ But he that has endured to the end is the one that will be saved. ¹⁴ And this good news of the kingdom will be preached in all the inhabited earth for a witness to all the nations; and then the end will come.

—————————————————————————————————

¹⁵ “‘Therefore, when you catch sight of the disgusting thing that causes desolation, as spoken of through Daniel the prophet, standing in a holy place, (let the reader use discernment,) ¹⁶ then let those in Judea begin fleeing to the mountains. ¹⁷ Let the man on the housetop not come down to take the goods out of his house; ¹⁸ and let the man in the field not return to the house to pick up his outer garment. ¹⁹ Woe to the pregnant women and those suckling a baby in those days! ²⁰ Keep praying that your flight may not occur in wintertime, nor on the sabbath day; ²¹ for then there will be great tribulation such as has not occurred since the world’s beginning until now, no, nor will occur again. ²² In fact, unless those days were cut short, no flesh would be saved; but on account of the chosen ones those days will be cut short.

—————————————————————————————————

²³ “‘Then if anyone says to you, “Look! Here is the Christ,” or, “There!” do not believe it. ²⁴ For false Christs and false prophets will arise and will give great signs and wonders so as to mislead, if possible, even the chosen ones. ²⁵ Look! I have forewarned you. ²⁶ Therefore, if people say to you, “Look! He is in the wilderness,” do not go out; “Look! He is in the inner chambers,” do not believe it. ²⁷ For just as the lightning comes out of eastern parts and shines over to western parts, so the presence of the Son of man will be. ²⁸ Wherever the carcass is, there the eagles will be gathered together.

—————————————————————————————————

—————————————————————————————————

²⁹ “‘Immediately after the tribulation of those days the sun will be darkened, and the moon will not give its light, and the stars will fall from heaven, and the powers of the heavens will be shaken. ³⁰ And then the sign of the Son of man will appear in heaven, and then all the tribes of the earth will beat themselves in lamentation, and they will see the Son of man coming on the clouds of heaven with power and great glory. ³¹ And he will send forth his angels with a great trumpet sound, and they will gather his chosen ones together from the four winds, from one extremity of the heavens to their other extremity.’”

MARK 13

⁵ “So Jesus started to say to them: ‘Look out that nobody misleads you. ⁶ Many will come on the basis of my name, saying, “I am he,” and will mislead many. ⁷ Moreover, when you hear of wars and reports of wars, do not be terrified; these things must take place, but the end is not yet.

⁸ “‘For nation will rise against nation and kingdom against kingdom, there will be earthquakes in one place after another, there will be food shortages. These are a beginning of pangs of distress.

⁹ “‘As for you, look out for yourselves; people will deliver you up to local courts, and you will be beaten in synagogues and be put on the stand before governors and kings for my sake, for a witness to them. ¹⁰ Also, in all the nations the good news has to be preached first. ¹¹ But when they are leading you along to deliver you up, do not be anxious beforehand about what to speak; but whatever is given you in that hour, speak this, for you are not the ones speaking, but the holy spirit is. ¹² Furthermore, brother will deliver brother over to death, and a father a child, and children will rise up against parents and have them put to death; ¹³ and you will be objects of hatred by all people on account of my name. But he that has endured to the end is the one that will be saved.

—————————————————————————————————

¹⁴ “‘However, when you catch sight of the disgusting thing that causes desolation standing where it ought not (let the reader use discernment), then let those in Judea begin fleeing to the mountains. ¹⁵ Let the man on the housetop not come down, nor go inside to take anything out of his house; ¹⁶ and let the man in the field not return to the things behind to pick up his outer garment. ¹⁷ Woe to the pregnant women and those suckling a baby in those days! ¹⁸ Keep praying that it may not occur in wintertime; ¹⁹ for those days will be days of a tribulation such as has not occurred from the beginning of the creation which God created until that time, and will not occur again. ²⁰ In fact, unless Jehovah had cut short the days, no flesh would be saved. But on account of the chosen ones whom he has chosen he has cut short the days.

—————————————————————————————————

²¹ “‘Then, too, if anyone says to you, “See! Here is the Christ,” “See! There he is,” do not believe it. ²² For false Christs and false prophets will arise and will give signs and wonders to lead astray, if possible, the chosen ones. ²³ You, then, watch out; I have told you all things beforehand.

—————————————————————————————————

—————————————————————————————————

²⁴ “‘But in those days, after that tribulation, the sun will be darkened, and the moon will not give its light, ²⁵ and the stars will be falling out of heaven, and the powers that are in the heavens will be shaken. ²⁶ And then they will see the Son of man coming in clouds with great power and glory. ²⁷ And then he will send forth the angels and will gather his chosen ones together from the four winds, from earth’s extremity to heaven’s extremity.’”

LUKE 21

⁸ “He said: “Look out that you are not misled; for many will come on the basis of my name, saying, “I am he,” and, “The due time has approached.” Do not go after them. ⁹ Furthermore, when you hear of wars and disorders, do not be terrified. For these things must occur first, but the end does not occur immediately.’

¹⁰ “Then he went on to say to them: “Nation will rise against nation, and kingdom against kingdom; ¹¹ and there will be great earthquakes, and in one place after another pestilences and food shortages; and there will be fearful sights and from heaven great signs.

¹² “‘But before all these things people will lay their hands upon you and persecute you, delivering you up to the synagogues and prisons, you being haled before kings and governors for the sake of my name. ¹³ It will turn out to you for a witness. ¹⁴ Therefore settle it in your hearts not to rehearse beforehand how to make your defense, ¹⁵ for I will give you a mouth and wisdom, which all your opposers together will not be able to resist or dispute. ¹⁶ Moreover, you will be delivered up even by parents and brothers and relatives and friends, and they will put some of you to death; ¹⁷ and you will be objects of hatred by all people because of my name. ¹⁸ And yet not a hair of your heads will by any means perish. ¹⁹ By endurance on your part you will acquire your souls.

—————————————————————————————————

²⁰ “‘Furthermore, when you see Jerusalem surrounded by encamped armies, then know that the desolating of her has drawn near. ²¹ Then let those in Judea begin fleeing to the mountains, and let those in the midst of her withdraw, and let those in the country places not enter into her; ²² because these are days for meting out justice, that all the things written may be fulfilled. ²³ Woe to the pregnant women and the ones suckling a baby in those days! For there will be great necessity upon the land and wrath on this people; ²⁴ and they will fall by the edge of the sword and be led captive into all the nations;

—————————————————————————————————

and Jerusalem will be trampled on by the nations, until the appointed times of the nations are fulfilled.

—————————————————————————————————

—————————————————————————————————

²⁵ “‘Also, there will be signs in sun and moon and stars, and on the earth anguish of nations, not knowing the way out because of the roaring of the sea and its agitation, ²⁶ while men become faint out of fear and expectation of the things coming upon the inhabited earth; for the powers of the heavens will be shaken. ²⁷ And then they will see the Son of man coming in a cloud with power and great glory. ²⁸ But as these things start to occur, raise yourselves erect and lift your heads up, because your deliverance is getting near.’”

[10-ാം പേജിലെ ചിത്രം]

പൊ.യു. 70-ലെ കഷ്ടമാ​യി​രു​ന്നു യരുശ​ലേ​മും യഹൂദ വ്യവസ്ഥി​തി​യും അനുഭ​വി​ച്ചി​ട്ടു​ള്ള​തിൽവെച്ച്‌ ഏററവും വലുത്‌