രാജ്യ​പ്ര​ഘോ​ഷകർ ഭൂമി​യി​ലെ​ങ്ങും സജീവർ

“നിങ്ങൾ . . . ഭൂമി​യു​ടെ അററ​ത്തോ​ള​വും എന്റെ സാക്ഷികൾ ആകും.”—പ്രവൃ​ത്തി​കൾ 1:8.

1. നമ്മുടെ നാളു​ക​ളിൽ തന്റെ അനുഗാ​മി​കൾ എന്തു സന്ദേശം പ്രഘോ​ഷി​ക്കു​മെ​ന്നാണ്‌ യേശു പറഞ്ഞത്‌?

യഹോവ ഏതു വേല ചെയ്യു​ന്ന​തി​നു​വേണ്ടി തന്റെ പുത്രനെ ഭൂമി​യി​ലേക്ക്‌ അയച്ചു​വോ ആ വേല​യെ​ക്കു​റി​ച്ചു വിവരി​ക്കവേ യേശു പറഞ്ഞു: “ദൈവ​രാ​ജ്യ​ത്തി​ന്റെ സുവാർത്ത ഞാൻ . . . പ്രഖ്യാ​പി​ക്കേ​ണ്ട​താണ്‌.” (ലൂക്കോസ്‌ 4:43, NW) സമാന​മാ​യി, യേശു രാജ്യാ​ധി​കാ​ര​ത്തോ​ടെ തിരി​ച്ചു​വ​രു​മ്പോൾ തന്റെ ശിഷ്യൻമാർ ഭൂമി​യിൽ ചെയ്യു​മാ​യി​രുന്ന വേല​യെ​പ്പ​ററി വിശദീ​ക​രി​ക്കവേ അവിടുന്ന്‌ പറഞ്ഞു: “രാജ്യ​ത്തി​ന്റെ ഈ സുവാർത്ത സകല രാഷ്‌ട്ര​ങ്ങൾക്കും ഒരു സാക്ഷ്യ​മാ​യി നിവസി​ത​ഭൂ​മി​യി​ലെ​ങ്ങും പ്രസം​ഗി​ക്ക​പ്പെ​ടും; അപ്പോൾ അവസാനം വരും.”—മത്തായി 24:14, NW.

2. (എ) രാജ്യ​സ​ന്ദേ​ശ​ത്തി​നു വ്യാപ​ക​മായ പ്രചരണം നൽകണ​മെ​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (ബി) നാമെ​ല്ലാ​വ​രും നമ്മോടു തന്നെ ഏതു ചോദ്യം ചോദി​ക്കേ​ണ്ട​തുണ്ട്‌?

² ദൈവ​രാ​ജ്യ​ത്തെ​പ്പ​റ​റി​യുള്ള വാർത്ത എന്തു​കൊ​ണ്ടാണ്‌ ഇത്ര പ്രാധാ​ന്യ​മു​ള്ള​താ​യി​രി​ക്കു​ന്നത്‌? എന്തു​കൊ​ണ്ടാണ്‌ രാജ്യ​ത്തിന്‌ ഇത്രമാ​ത്രം വ്യാപ​ക​മായ പ്രചരണം ആവശ്യ​മാ​യി​രി​ക്കു​ന്നത്‌? എന്തു​കൊ​ണ്ടെ​ന്നാൽ ആ മിശി​ഹൈ​ക​രാ​ജ്യ​മാണ്‌ യഹോ​വ​യു​ടെ സാർവ​ത്രി​ക​പ​ര​മാ​ധി​കാ​രത്തെ സംസ്ഥാ​പി​ക്കാൻ പോകു​ന്നത്‌. (1 കൊരി​ന്ത്യർ 15:24-28) അതു മുഖാ​ന്തരം യഹോവ ഇപ്പോ​ഴത്തെ സാത്താന്യ വ്യവസ്ഥി​തി​ക്കെ​തി​രെ ന്യായ​വി​ധി നടത്തു​ക​യും ഭൂമി​യി​ലെ സകല കുടും​ബ​ങ്ങ​ളെ​യും അനു​ഗ്ര​ഹി​ക്കു​മെ​ന്നുള്ള തന്റെ വാഗ്‌ദത്തം നിവർത്തി​ക്കു​ക​യും ചെയ്യും. (ഉല്‌പത്തി 22:17, 18; ദാനീ​യേൽ 2:44) രാജ്യത്തെ സംബന്ധി​ച്ചുള്ള സാക്ഷ്യം നൽകു​ന്ന​തി​ലൂ​ടെ യഹോവ തന്റെ പുത്ര​നോ​ടൊ​പ്പം കൂട്ടവ​കാ​ശി​ക​ളാ​യി ഭരിക്കാൻ അവിടുന്ന്‌ പിന്നീട്‌ അഭി​ഷേകം ചെയ്‌ത​വരെ കണ്ടെത്തി. രാജ്യ​പ്ര​ഘോ​ഷ​ണ​വേ​ല​യി​ലൂ​ടെ ഒരു വേർതി​രി​ക്കൽ വേലയും ഇന്നു നിർവ​ഹി​ച്ചു​കൊ​ണ്ടി​രി​ക്കു​ക​യാണ്‌. (മത്തായി 25:31-33) സകല ജനതക​ളും തന്റെ ഉദ്ദേശ്യ​ത്തെ​പ്പ​ററി അറിഞ്ഞി​രി​ക്കാൻ യഹോവ ആഗ്രഹി​ക്കു​ന്നു. തന്റെ രാജ്യ​ത്തി​ന്റെ പ്രജക​ളാ​യി​രി​ക്കു​ന്ന​തിന്‌ അവർ ജീവൻ തിര​ഞ്ഞെ​ടു​ക്കു​വാ​നും അവിടുന്ന്‌ ആഗ്രഹി​ക്കു​ന്നു. (യോഹ​ന്നാൻ 3:16; പ്രവൃ​ത്തി​കൾ 13:47) ഈ രാജ്യ​പ്ര​ഘോ​ഷ​ണ​ത്തിൽ നിങ്ങൾക്ക്‌ ഒരു പൂർണ പങ്കുണ്ടോ?

വിജാ​തീ​യ​രു​ടെ കാലങ്ങ​ളു​ടെ അന്ത്യം പ്രതീ​ക്ഷി​ച്ചു​കൊണ്ട്‌

3. (എ) ബൈബിൾ അധ്യയ​ന​ങ്ങൾക്കാ​യി കൂട്ടങ്ങളെ സംഘടി​പ്പി​ക്കു​ന്ന​തി​നു​വേണ്ടി നടത്തിയ ആദ്യ പര്യട​ന​ത്തി​ലൊ​ന്നിൽ സി. ററി. റസ്സൽ പ്രതി​പാ​ദിച്ച ഉചിത​മായ വിഷയ​മെ​ന്താ​യി​രു​ന്നു? (ബി) ദൈവ​രാ​ജ്യ​ത്തി​നു തങ്ങളുടെ ജീവി​ത​ത്തി​ലു​ണ്ടാ​യി​രി​ക്കേണ്ട സ്ഥാന​ത്തെ​ക്കു​റിച്ച്‌ ആ ആദ്യകാല വിദ്യാർഥി​കൾ എന്താണു തിരി​ച്ച​റി​ഞ്ഞത്‌?

³ ബൈബിൾ അധ്യയ​ന​ത്തി​നു കൂട്ടങ്ങൾ രൂപീ​ക​രി​ക്കാൻ പ്രോ​ത്സാ​ഹി​പ്പി​ക്കു​ന്ന​തി​നാ​യി വീക്ഷാ​ഗോ​പു​രം മാസി​ക​യു​ടെ ആദ്യത്തെ എഡിറ​റ​റായ ചാൾസ്‌ റെറയ്‌സ്‌ റസ്സൽ 1880-ൽ വടക്കു കിഴക്കൻ ഐക്യ​നാ​ടു​ക​ളി​ലൂ​ടെ ഒരു പര്യടനം നടത്തി. യഥോ​ചി​ത​മാ​യി, “ദൈവ​രാ​ജ്യം സംബന്ധിച്ച കാര്യങ്ങൾ” എന്ന വിഷയ​ത്തെ​ക്കു​റി​ച്ചാ​യി​രു​ന്നു അദ്ദേഹം പ്രസംഗം നടത്തി​യത്‌. വീക്ഷാ​ഗോ​പു​ര​ത്തി​ന്റെ ആദ്യ ലക്കങ്ങളിൽ പ്രത്യ​ക്ഷ​പ്പെ​ട്ടി​രി​ക്കു​ന്ന​പ്ര​കാ​രം, ദൈവ​രാ​ജ്യ​ത്തിൽ പങ്കുണ്ടാ​യി​രി​ക്കാൻ യോഗ്യ​രെന്നു തെളി​യി​ക്കാൻ ആഗ്രഹി​ക്കു​ന്നു​വെ​ങ്കിൽ തങ്ങളുടെ ജീവി​ത​വും പ്രാപ്‌തി​ക​ളും സ്വത്തു​ക്ക​ളും അതിന്റെ സേവന​ത്തി​നാ​യി സന്തോ​ഷ​ത്തോ​ടെ ഉപയോ​ഗി​ച്ചു​കൊണ്ട്‌ രാജ്യം പ്രഥമ താത്‌പ​ര്യ​മാ​ക്കേ​ണ്ട​തുണ്ട്‌ എന്നു ബൈബിൾ വിദ്യാർഥി​കൾ (യഹോ​വ​യു​ടെ സാക്ഷികൾ അന്ന്‌ അപ്രകാ​ര​മാണ്‌ അറിയ​പ്പെ​ട്ടി​രു​ന്നത്‌) തിരി​ച്ച​റി​ഞ്ഞു. അവരുടെ ജീവി​ത​ത്തിൽ മറെറല്ലാ കാര്യ​ങ്ങൾക്കും രണ്ടാം സ്ഥാനമേ ഉള്ളൂ. (മത്തായി 13:44-46) മററു​ള്ള​വ​രോ​ടു ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത പ്രഖ്യാ​പി​ക്കു​ന്നത്‌ അവരുടെ ഉത്തരവാ​ദി​ത്വ​ത്തിൽ ഉൾപ്പെ​ടു​ന്നു. (യെശയ്യാ​വു 61:1, 2) വിജാ​തീ​യ​രു​ടെ കാലം 1914-ൽ അവസാ​നി​ക്കു​ന്ന​തി​നു മുമ്പ്‌ എത്ര​ത്തോ​ളം അവർ ആ വേല ചെയ്‌തു?

4. ബൈബിൾ വിദ്യാർഥി​ക​ളു​ടെ ചെറിയ സംഘം 1914-നു മുമ്പ്‌ എത്ര​ത്തോ​ളം ബൈബിൾ സാഹി​ത്യ​ങ്ങൾ വിതരണം ചെയ്‌തു?

⁴ 1870-കൾ മുതൽ 1914 വരെ ബൈബിൾ വിദ്യാർഥി​കൾ എണ്ണത്തിൽ താരത​മ്യേന കുറവാ​യി​രു​ന്നു. പരസ്യ സാക്ഷീ​ക​രണം നടത്തു​ന്ന​തിന്‌ 1914-ൽ ഏതാണ്ട്‌ 5,100 പേർ മാത്രമേ സജീവ​മാ​യി പ്രവർത്തിച്ചി​രു​ന്നു​ള്ളൂ. എന്നാൽ എന്തോരു അസാധാ​ര​ണ​മായ സാക്ഷീ​ക​ര​ണ​മാ​യി​രു​ന്നു അത്‌! വീക്ഷാ​ഗോ​പു​രം ആദ്യം പ്രസി​ദ്ധീ​ക​രി​ച്ചു രണ്ടുവർഷം കഴിഞ്ഞ്‌ 1881-ൽ സഹോ​ദ​രങ്ങൾ ചിന്തക​രായ ക്രിസ്‌ത്യാ​നി​കൾക്കു ഭക്ഷണം [ഇംഗ്ലീഷ്‌] എന്ന പ്രസി​ദ്ധീ​ക​ര​ണ​ത്തി​ന്റെ വിതര​ണ​ത്തിൽ ഏർപ്പെട്ടു. ചുരു​ങ്ങിയ മാസങ്ങൾക്കു​ള്ളിൽ അവർ 12,00,000 പ്രതികൾ വിതരണം ചെയ്‌തു. വർഷം​തോ​റും ലക്ഷക്കണ​ക്കി​നു ലഘു​ലേ​ഖകൾ അനേക​ഭാ​ഷ​ക​ളിൽ വിതരണം ചെയ്യു​ന്ന​തിന്‌ ചുരു​ങ്ങിയ വർഷങ്ങൾകൊണ്ട്‌ അവർക്കു കഴിഞ്ഞു.

5. കോൽപോർട്ടർമാർ ആരായി​രു​ന്നു, ഏതു രീതി​യി​ലുള്ള ആത്മാവാണ്‌ അവർ പ്രകടി​പ്പി​ച്ചത്‌?

⁵ കൂടാതെ 1881-ൽ തുടങ്ങി ചിലർ കോൽപോർട്ടർസു​വി​ശേ​ഷ​ക​രാ​യി സേവന​മ​നു​ഷ്‌ഠി​ച്ചു. ഇവർ ഇന്നത്തെ പയനി​യർമാ​രു​ടെ (മുഴു​സമയ സുവി​ശേ​ഷ​ക​രു​ടെ) മുന്നോ​ടി​ക​ളാ​യി​രു​ന്നു. ചില കോൽപോർട്ടർമാർ കാൽന​ട​യാ​യും സൈക്കി​ളി​ലും സഞ്ചരിച്ച്‌ തങ്ങൾ താമസി​ച്ചി​രുന്ന രാജ്യ​ത്തി​ന്റെ മിക്കവാ​റും എല്ലാ ഭാഗങ്ങ​ളി​ലും വ്യക്തി​പ​ര​മാ​യി സാക്ഷ്യം കൊടു​ത്തു. മററു​ചി​ലർ വിദേശ വയലു​ക​ളി​ലേക്ക്‌ എത്തിപ്പി​ടി​ക്കു​ക​യും ഫിൻലൻഡ്‌, ബാർബ​ഡോസ്‌, ബർമ്മ (ഇപ്പോ​ഴത്തെ മ്യാൻമാർ) എന്നിവി​ട​ങ്ങ​ളിൽ ആദ്യമാ​യി സുവാർത്ത എത്തിക്കു​ക​യും ചെയ്‌തു. യേശു​ക്രി​സ്‌തു​വും അവിടു​ത്തെ അപ്പോ​സ്‌ത​ലൻമാ​രും കാട്ടി​യ​തു​പോ​ലുള്ള ശുഷ്‌കാ​ന്തി അവർ മിഷനറി വേലയിൽ പ്രകടി​പ്പി​ച്ചു.—ലൂക്കൊസ്‌ 4:43; റോമർ 15:23-25.

6. (എ) ബൈബിൾ സത്യങ്ങൾ പ്രചരി​പ്പി​ക്കു​ന്ന​തി​നു​വേണ്ടി റസ്സൽ സഹോ​ദരൻ എത്ര​ത്തോ​ളം സഞ്ചരിച്ചു? (ബി) വിജാ​തീ​യ​രു​ടെ കാലങ്ങൾ തികയു​ന്ന​തി​നു​മുമ്പ്‌ രാജ്യ​ത്തി​ന്റെ സുവാർത്ത വിദേശ വയലു​ക​ളിൽ വ്യാപി​പ്പി​ക്കേ​ണ്ട​തി​നു മറെറ​ന്തു​കൂ​ടി ചെയ്‌തു?

⁶ സത്യം പ്രചരി​പ്പി​ക്കു​ന്ന​തി​നു റസ്സൽ സഹോ​ദരൻ വിപു​ല​മാ​യി യാത്ര ചെയ്‌തു. അദ്ദേഹം ആവർത്തി​ച്ചു കാനഡ​യിൽ പോയി; പനാമാ, ജമെയ്‌ക്ക, ക്യൂബ എന്നിവി​ട​ങ്ങ​ളിൽ സംസാ​രി​ച്ചു; യൂറോ​പ്പി​ലേക്ക്‌ ഒരു ഡസൻ പ്രാവ​ശ്യം പര്യട​നങ്ങൾ നടത്തി; സുവി​ശേ​ഷ​വേ​ല​ക്കാ​യി ഭൂഗോ​ളം ചുററി. വിദേശ വയലു​ക​ളിൽ സുവാർത്ത പ്രസം​ഗി​ക്കു​ന്ന​തി​നു തുടക്കം കുറി​ക്കു​ന്ന​തി​നും നേതൃ​ത്വം വഹിക്കു​ന്ന​തി​നു​മാ​യി അദ്ദേഹം മററു​ള്ള​വ​രേ​യും പറഞ്ഞയച്ചു. അഡോൾഫ്‌ വെബറി​നെ 1890-കളുടെ മധ്യത്തിൽ യൂറോ​പ്പി​ലേ​ക്ക​യ​യ്‌ക്കു​ക​യും അദ്ദേഹ​ത്തി​ന്റെ ശുശ്രൂഷ സ്വിറ​റ്‌സർല​ണ്ടിൽനി​ന്നു ഫ്രാൻസ്‌, ഇററലി, ജർമനി, ബെൽജി​യം എന്നിവി​ട​ങ്ങ​ളി​ലേക്കു വ്യാപി​ക്കു​ക​യും ചെയ്‌തു. ഇ. ജെ. കോവാർഡി​നെ കരീബി​യൻ പ്രദേ​ശ​ത്തേക്ക്‌ അയച്ചു. റോബർട്ട്‌ ഹോളി​സ്‌റ​റ​റിന്‌ 1912-ൽ പൗരസ്‌ത്യ​ദേ​ശ​ങ്ങ​ളി​ലേക്ക്‌ നിയമനം നൽകി. അവിടെ പത്തു ഭാഷക​ളിൽ പ്രത്യേക ലഘു​ലേ​ഖകൾ ഉണ്ടാക്കു​ക​യും അതിന്റെ ലക്ഷക്കണ​ക്കി​നു പ്രതികൾ ഇന്ത്യ, ചൈന, കൊറിയ എന്നിവി​ട​ങ്ങ​ളി​ലെ​ല്ലാം സ്ഥലത്തെ വിതര​ണ​ക്കാ​രെ ഉപയോ​ഗി​ച്ചു വിതരണം ചെയ്യു​ക​യും ചെയ്‌തു. നിങ്ങൾ ആ കാലയ​ള​വിൽ ജീവി​ച്ചി​രു​ന്നെ​ങ്കിൽ നിങ്ങളു​ടെ സമുദാ​യ​ത്തി​ലും അതിന​പ്പു​റ​വു​മുള്ള ആളുക​ളു​ടെ പക്കൽ സുവാർത്ത​യു​മാ​യി എത്തി​ച്ചേ​രാൻ ആവശ്യ​മായ എല്ലാ ശ്രമങ്ങ​ളും നടത്താൻ നിങ്ങളു​ടെ ഹൃദയം നിങ്ങളെ പ്രേരി​പ്പി​ക്കു​മാ​യി​രു​ന്നോ?

7. (എ) സാക്ഷീ​ക​രണം ശക്തമാ​ക്കാൻ പത്രങ്ങൾ ഉപയോ​ഗി​ച്ചത്‌ എപ്രകാ​ര​മാ​യി​രു​ന്നു? (ബി) “സൃഷ്ടി​പ്പിൻ ഫോ​ട്ടോ​നാ​ടകം” എന്തായി​രു​ന്നു, കേവലം ഒരു വർഷത്തി​നു​ള്ളിൽ അത്‌ എത്രപേർ കണ്ടു?

⁷ വിജാ​തീ​യ​രു​ടെ കാലങ്ങൾ കഴിയാ​റാ​യ​പ്പോ​ഴേ​ക്കും റസ്സൽ സഹോ​ദരൻ നൽകിയ പ്രഭാ​ഷ​ണങ്ങൾ പ്രസി​ദ്ധീ​ക​രി​ക്കു​ന്ന​തി​നു പത്രങ്ങൾ ഉപയോ​ഗി​ച്ചു. അവർ പ്രഥമ​മാ​യി ഊന്നൽ കൊടു​ത്തത്‌ 1914-ന്‌ ആയിരു​ന്നില്ല മറിച്ച്‌, ദൈവ​ത്തി​ന്റെ ഉദ്ദേശ്യ​ത്തിൻമേ​ലും അതിന്റെ നിവൃ​ത്തി​യു​ടെ ഉറപ്പിൻമേ​ലു​മാ​യി​രു​ന്നു. 1,50,00,000 വായന​ക്കാ​രു​ടെ അടുക്ക​ലെ​ത്തുന്ന 2,000 പത്രങ്ങൾ ഒരേ സമയം ഈ പ്രഭാ​ഷ​ണങ്ങൾ പ്രസി​ദ്ധ​പ്പെ​ടു​ത്തി. പിന്നീട്‌, 1914-ന്റെ തുടക്ക​ത്തോ​ടെ സൊ​സൈ​ററി “സൃഷ്ടി​പ്പിൻ ഫോ​ട്ടോ​നാ​ടക”ത്തിന്റെ പരസ്യ പ്രദർശനം തുടങ്ങി. രണ്ടുമ​ണി​ക്കൂർ വീതമുള്ള നാല്‌ അവതര​ണ​ത്തിൽ അതു സൃഷ്ടി​മു​തൽ സഹസ്രാ​ബ്ദം​വ​രെ​യുള്ള ബൈബിൾ സത്യങ്ങൾ അവതരി​പ്പി​ച്ചു. ഒററവർഷ​ത്തി​നു​ള്ളിൽ വടക്കേ അമേരിക്ക, യൂറോപ്പ്‌, ഓസ്‌​ട്രേ​ലിയ, ന്യൂസി​ലൻഡ്‌ എന്നിവി​ട​ങ്ങ​ളി​ലാ​യി 90 ലക്ഷത്തി​ല​ധി​കം പ്രേക്ഷകർ ഇതു കണ്ടുക​ഴി​ഞ്ഞി​രു​ന്നു.

8. ബൈബിൾ വിദ്യാർഥി​കൾ 1914-ഓടെ സുവാർത്ത​യു​മാ​യി എത്ര രാജ്യ​ങ്ങ​ളിൽ എത്തി​ച്ചേർന്നു?

⁸ ലഭ്യമായ രേഖക​ള​നു​സ​രിച്ച്‌ 1914-ന്റെ രണ്ടാം​പ​കു​തി​യോ​ടെ തീക്ഷ്‌ണ​ത​യുള്ള സുവി​ശേ​ഷ​ക​രു​ടെ ഈ സംഘം 68 രാജ്യ​ങ്ങ​ളിൽ ദൈവ​രാ​ജ്യ പ്രഘോ​ഷണം നടത്തി.a എന്നാൽ അതൊരു തുടക്കം മാത്ര​മാ​യി​രു​ന്നു!

സ്ഥാപിത രാജ്യ​ത്തെ​ക്കു​റി​ച്ചു തീക്ഷ്‌ണ​ത​യോ​ടെ പ്രഘോ​ഷി​ക്കു​ന്നു

9. സിഡാർപോ​യൻറിൽ നടന്ന കൺ​വെൻ​ഷ​നു​ക​ളിൽ രാജ്യ​സാ​ക്ഷീ​കരണ വേലയ്‌ക്കു പ്രത്യേക പ്രചോ​ദനം നൽക​പ്പെ​ട്ട​തെ​ങ്ങനെ?

⁹ ബൈബിൾ വിദ്യാർഥി​കൾ 1919-ൽ ഒഹായോ, സിഡാർപോ​യൻറിൽ സമ്മേളി​ച്ച​പ്പോൾ വാച്ച്‌ ടവർ സൊ​സൈ​റ​റി​യു​ടെ അപ്പോ​ഴത്തെ പ്രസി​ഡൻറാ​യി​രുന്ന ജെ. എഫ്‌. റഥർഫോർഡ്‌ പ്രഖ്യാ​പി​ച്ചു: “നമ്മുടെ ദൈവ​നി​യോ​ഗം മിശി​ഹാ​യു​ടെ ആഗതമാ​യി​രി​ക്കുന്ന മഹനീ​യ​മായ ദൈവ​രാ​ജ്യം പ്രഖ്യാ​പി​ക്കുക എന്നതാ​യി​രു​ന്നു, ഇപ്പോ​ഴും അതുത​ന്നെ​യാണ്‌.” സിഡാർപോ​യൻറിൽ 1922-ൽ നടന്ന രണ്ടാമത്തെ കൺ​വെൻ​ഷ​നിൽവച്ച്‌, 1914-ൽ വിജാതീയരുടെ കാലയ​ള​വി​ന്റെ അവസാ​ന​ത്തോ​ടെ ‘മഹത്ത്വ​ത്തി​ന്റെ രാജാവ്‌ തന്റെ മഹത്തായ ശക്തി ധരിക്കു​ക​യും ഭരണം ആരംഭി​ക്കു​ക​യും ചെയ്‌തു’ എന്ന വസ്‌തുത റഥർഫോർഡ്‌ സഹോ​ദരൻ വിശേ​ഷ​വൽക്ക​രി​ച്ചു. അടുത്ത​താ​യി ഈ വസ്‌തുത മുഴു സദസ്യ​രു​ടെ​യും മുമ്പാകെ ഇട്ടു​കൊ​ണ്ടു പറഞ്ഞു: “മഹത്ത്വ​ത്തി​ന്റെ രാജാവു ഭരണം തുടങ്ങി​യെന്നു നിങ്ങൾ വിശ്വ​സി​ക്കു​ന്നു​വോ? അങ്ങനെ​യെ​ങ്കിൽ അത്യു​ന്ന​ത​നായ ദൈവ​ത്തി​ന്റെ പുത്രൻമാ​രേ, വീണ്ടും വയലി​ലേ​ക്കി​റ​ങ്ങു​വിൻ! . . . ഈ സന്ദേശം ഉടനീളം പ്രഖ്യാ​പി​ക്കു​വിൻ. യഹോവ ദൈവ​മാ​ണെ​ന്നും യേശു​ക്രി​സ്‌തു രാജാ​ധി​രാ​ജാ​വും കർത്താ​ധി​കർത്താ​വു​മാ​ണെ​ന്നും ലോകം അറിയു​ക​തന്നെ വേണം. ഇതാണു സകലദി​ന​ങ്ങ​ളി​ലും​വച്ച്‌ ഏററവും സുപ്ര​ധാന ദിനം. ഇതാ, രാജാവു വാഴുന്നു! നിങ്ങൾ അവിടു​ത്തെ പരസ്യ ഏജൻറു​മാ​രാണ്‌.”

10, 11. ആളുക​ളു​ടെ പക്കൽ രാജ്യ​സ​ത്യ​വു​മാ​യി എത്തി​ച്ചേ​രു​ന്ന​തി​നു റേഡി​യോ, ശബ്ദം സജ്ജീക​രണം ചെയ്‌ത കാറുകൾ, പ്ലാക്കാർഡു​കൾ എന്നിവ ഫലപ്ര​ദ​മാ​യി ഉപയോ​ഗി​ച്ച​തെ​ങ്ങനെ?

¹⁰ സിഡാർപോ​യൻറി​ലെ ആ കൺ​വെൻ​ഷ​നു​കൾ കഴിഞ്ഞ്‌ 70-ലധികം വർഷങ്ങ​ളാ​യി—യഹോവ തന്റെ പുത്രന്റെ മിശി​ഹൈ​ക​ഭ​രണം മുഖാ​ന്തരം അവിടു​ത്തെ പരമാ​ധി​കാ​രം പ്രകടി​പ്പി​ക്കാൻ തുടങ്ങി​യിട്ട്‌ ഏകദേശം 80 വർഷവും. യഹോ​വ​യു​ടെ സാക്ഷികൾ ദൈവ​വ​ച​ന​ത്തിൽ തങ്ങൾക്കാ​യി നൽകി​യി​ട്ടുള്ള വേല ഏതളവിൽ നിർവ​ഹി​ച്ചി​രി​ക്കു​ന്നു? നിങ്ങൾക്ക്‌ അതിൽ വ്യക്തി​പ​ര​മാ​യി എന്തു പങ്കാണു​ള്ളത്‌?

¹¹ 1920-കളുടെ ആരംഭ​ത്തിൽ രാജ്യ​സ​ന്ദേ​ശ​ത്തി​നു വ്യാപ​ക​മായ പ്രസിദ്ധി നൽകു​ന്ന​തി​നു​പ​റ​റിയ ഉപകര​ണ​മാ​യി റേഡി​യോ ലഭ്യമാ​യി. 1930-കളിൽ ലോക​ത്തി​ന്റെ പ്രത്യാശ രാജ്യ​മാ​ണെന്നു പ്രതി​പാ​ദി​ച്ചു​കൊ​ണ്ടുള്ള കൺ​വെൻ​ഷൻ പ്രസം​ഗങ്ങൾ റേഡി​യോ നെററ്‌വർക്ക്‌ വഴിയോ ഭൂഗോ​ളം മുഴുവൻ ചുററി​യി​രി​ക്കുന്ന ടെലി​ഫോൺ ലൈനു​കൾ വഴിയോ ഒരേസ​മയം വ്യത്യസ്‌ത സ്ഥലങ്ങളി​ലാ​യി പ്രചരി​പ്പി​ച്ചു. പൊതു​സ്ഥ​ല​ങ്ങ​ളിൽ ബൈബിൾപ്ര​സം​ഗങ്ങൾ കേൾപ്പി​ക്കു​ന്ന​തി​നു പര്യാ​പ്‌ത​മായ രീതി​യിൽ ഉച്ചഭാ​ഷി​ണി​കൾ ഘടിപ്പിച്ച കാറു​ക​ളും ഉപയോ​ഗി​ച്ചി​രു​ന്നു. പിന്നീട്‌ 1936-ൽ സ്‌കോ​ട്ട്‌ലൻഡി​ലെ ഗ്‌ളാ​സ്‌ഗോ​യിൽ നമ്മുടെ സഹോ​ദ​രങ്ങൾ പരസ്യ​പ്ര​സം​ഗങ്ങൾ പ്രസി​ദ്ധ​മാ​ക്കു​ന്ന​തി​നു വ്യാപാ​ര​മേ​ഖ​ല​ക​ളി​ലൂ​ടെ അണിയ​ണി​യാ​യി പൊയ്‌ക്കൊണ്ട്‌ പ്ലാക്കാർഡു​കൾ ധരിക്കുന്ന രീതിക്കു നാന്ദി​കു​റി​ച്ചു. ഈ രീതി​ക​ളെ​ല്ലാം നാം നമ്മുടെ അംഗങ്ങൾ എണ്ണത്തിൽ കുറവാ​യി​രുന്ന നാളു​ക​ളിൽ അനേക​മാ​ളു​കൾക്കു ഫലപ്ര​ദ​മായ സാക്ഷ്യം നൽകു​ന്ന​തി​നു സ്വീക​രിച്ച മാർഗ​ങ്ങ​ളാ​യി​രു​ന്നു.

12. തിരു​വെ​ഴു​ത്തു കാണി​ക്കു​ന്ന​പ്ര​കാ​രം, വ്യക്തി​പ​ര​മാ​യി സാക്ഷ്യം കൊടു​ക്കു​ന്ന​തി​നുള്ള ഏററവും ഫലപ്ര​ദ​മായ മാർഗ​ങ്ങ​ളി​ലൊന്ന്‌ എന്താണ്‌?

¹² ക്രിസ്‌ത്യാ​നി​ക​ളെന്ന നിലയിൽ സാക്ഷ്യം കൊടു​ക്കു​ന്ന​തി​നു തീർച്ച​യാ​യും നമുക്കു വ്യക്തി​പ​ര​മായ ഉത്തരവാ​ദി​ത്വം ഉണ്ടെന്നു തിരു​വെ​ഴു​ത്തു​കൾ വ്യക്തമാ​ക്കു​ന്നു. പത്ര​ലേ​ഖ​ന​ങ്ങ​ളി​ലൂ​ടെ​യോ റേഡി​യോ പ്രക്ഷേ​പ​ണ​ങ്ങ​ളി​ലൂ​ടെ​യോ മാത്ര​മാ​യി ഈ വേല നിർവ​ഹി​ക്ക​പ്പെ​ടാൻ നാം അനുവ​ദി​ച്ചു​കൂ​ടാ. പുരു​ഷൻമാ​രും സ്‌ത്രീ​ക​ളും യുവാ​ക്ക​ളു​മായ ആയിര​ക്ക​ണ​ക്കി​നു വിശ്വസ്‌ത ക്രിസ്‌ത്യാ​നി​കൾ ആ ഉത്തരവാ​ദി​ത്വം ഏറെറ​ടു​ത്തി​രി​ക്കു​ന്നു. തത്‌ഫ​ല​മാ​യി വീടു​തോ​റു​മുള്ള സാക്ഷീ​ക​രണം യഹോ​വ​യു​ടെ സാക്ഷി​കളെ തിരി​ച്ച​റി​യു​ന്ന​തി​നുള്ള അടയാ​ള​മാ​യി തീർന്നി​രി​ക്കു​ന്നു.—പ്രവൃ​ത്തി​കൾ 5:42; 20:20.

നിവസിത ഭൂമി​യി​ലെ​ങ്ങും എത്തി​ച്ചേ​രു​ന്നു

13, 14. (എ) ചില സാക്ഷികൾ തങ്ങളുടെ ശുശ്രൂഷ നിർവ​ഹി​ക്കു​ന്ന​തി​നു മററു നഗരങ്ങ​ളി​ലേ​ക്കോ രാജ്യ​ങ്ങ​ളി​ലേ​ക്കു​പോ​ലു​മോ പോകു​ന്ന​തി​ന്റെ കാരണ​മെന്ത്‌? (ബി) ഒരുവന്റെ ജൻമനാ​ട്ടി​ലെ ജനങ്ങ​ളെ​ക്കു​റി​ച്ചുള്ള സ്‌നേ​ഹ​പൂർവ​ക​മായ കരുതൽ സുവാർത്ത വ്യാപി​ക്കു​വാൻ സഹായി​ച്ച​തെ​ങ്ങനെ?

¹³ രാജ്യ​സ​ന്ദേശം നിവസിത ഭൂമി​യി​ലെ​ങ്ങും പ്രസം​ഗി​ക്ക​പ്പെ​ടേ​ണ്ട​തുണ്ട്‌ എന്നു യഹോ​വ​യു​ടെ സാക്ഷി​കൾക്ക​റി​യാം. അതു​കൊണ്ട്‌ അവരിൽ ചിലർ തങ്ങളുടെ സമുദാ​യ​ത്തി​നും അപ്പുറ​മുള്ള മേഖല​ക​ളി​ലേക്ക്‌ എത്തി​ച്ചേ​രേ​ണ്ട​തി​നാ​യി തങ്ങൾ എന്തു ചെയ്യണ​മെന്നു ഗൗരവ​മാ​യി പരിചി​ന്തി​ക്കു​ന്നുണ്ട്‌.

¹⁴ അനേകം ആളുക​ളും സത്യം പഠിച്ചതു തങ്ങളുടെ സ്വദേ​ശ​ത്തു​നി​ന്നു മാറി​പ്പോ​യ​തി​നു​ശേ​ഷ​മാണ്‌. അവർ ഭൗതിക നേട്ടങ്ങൾക്കു വേണ്ടി​യാ​കാം അന്യനാ​ട്ടി​ലേക്കു പോയി​രി​ക്കു​ന്ന​തെ​ങ്കി​ലും അതി​നെ​ക്കാൾ വില​യേ​റിയ ചിലത്‌ അവർ കണ്ടെത്തി​യി​രി​ക്കു​ന്നു. തന്നിമി​ത്തം സത്യം പങ്കിടു​ന്ന​തി​നു​വേണ്ടി തങ്ങളുടെ ജൻമനാ​ട്ടി​ലേക്കു തിരികെ പോകാൻ ചിലർ പ്രേരി​ത​രാ​കു​ക​യും ചെയ്‌തി​ട്ടുണ്ട്‌. അങ്ങനെ, ഈ നൂററാ​ണ്ടി​ന്റെ ആരംഭ​ത്തിൽ സ്‌കാൻഡി​നേ​വിയ, ഗ്രീസ്‌, ഇററലി, പൂർവ​യൂ​റോ​പ്പി​ലെ രാജ്യങ്ങൾ എന്നിവി​ട​ങ്ങ​ളി​ലേ​ക്കും മററ​നേകം പ്രദേ​ശ​ങ്ങ​ളി​ലേ​ക്കും സുവാർത്താ പ്രസംഗം വ്യാപി​ച്ചു. ഈ 1990-കളിൽപ്പോ​ലും അതേവി​ധ​ത്തിൽ രാജ്യ​സു​വാർത്ത വ്യാപി​ച്ചു​കൊ​ണ്ടി​രി​ക്കു​ക​യാണ്‌.

15. യെശയ്യാ​വു 6:8-ൽ പ്രകട​മാ​ക്കി​യി​രി​ക്കുന്ന മനോ​ഭാ​വ​മുള്ള ചിലർ 1920-കളിലും 1930-കളിലും എന്താണു നിർവ​ഹി​ച്ചത്‌?

¹⁵ ദൈവ​വ​ച​ന​ത്തി​ലെ ഉപദേ​ശങ്ങൾ തങ്ങളുടെ ജീവി​ത​ത്തിൽ പ്രാവർത്തി​ക​മാ​ക്കി​യ​തി​ന്റെ ഫലമായി, മുമ്പു താമസി​ച്ചി​ട്ടി​ല്ലാത്ത സ്ഥലത്തു സേവി​ക്കു​ന്ന​തി​നു മററു ചിലർ തങ്ങളെ​ത്തന്നെ ലഭ്യമാ​ക്കി​ത്തീർത്തു. ഡബ്‌ള്യൂ. ആർ. ബ്രൗൺ (മിക്ക​പ്പോ​ഴും “ബൈബിൾ ബ്രൗൺ” എന്നുവി​ളി​ക്ക​പ്പെ​ട്ടി​രി​ക്കു​ന്നു) ഇവരി​ലൊ​രാ​ളാ​യി​രു​ന്നു. സുവി​ശേ​ഷ​വേല വ്യാപി​പ്പി​ക്കു​ന്ന​തിന്‌ അദ്ദേഹം 1923-ൽ ട്രിനി​ഡാ​ഡിൽനി​ന്നു പശ്ചിമ ആഫ്രി​ക്ക​യി​ലേക്കു സ്ഥലം മാറി. 1930-കളിൽ ആഫ്രി​ക്ക​യു​ടെ പൂർവ തീര​ത്തേക്കു രാജ്യ​സ​ന്ദേശം വഹിച്ചു​കൊ​ണ്ടു​പോ​യ​വ​രിൽ പെട്ടവ​രാണ്‌ ഫ്രാങ്ക്‌, ഗ്രേ സ്‌മിത്ത്‌, റോബർട്ട്‌ നിസ്‌ബത്ത്‌, ഡേവിഡ്‌ നോർമൻ എന്നിവർ. മററു​ള്ളവർ ദക്ഷിണ അമേരി​ക്ക​യി​ലെ വയൽ ഒരുക്കു​ന്ന​തി​നു സഹായി​ച്ചു. കാനഡ​ക്കാ​ര​നായ ജോർജ്‌ യങ്‌ അർജൻറീന, ബ്രസീൽ, ബൊളീ​വിയ, ചിലി, പെറു എന്നിവി​ട​ങ്ങ​ളി​ലും മററു ലാററിൻ അമേരി​ക്കൻ രാജ്യ​ങ്ങ​ളി​ലും 1920-കളുടെ ആരംഭ​ത്തിൽ വേലയിൽ പങ്കുപ​ററി. സ്‌പെ​യി​നിൽ സേവന​മ​നു​ഷ്‌ഠി​ച്ചു​കൊ​ണ്ടി​രുന്ന ചുവാൻ മൂനീസ്‌, അർജൻറീന, ചിലി, പരഗ്വെ, ഉറുഗ്വെ എന്നിവി​ട​ങ്ങ​ളിൽ തുടർന്നു പ്രവർത്തി​ച്ചു. ഇവരെ​ല്ലാം യെശയ്യാ​വു 6:8-ൽ കൊടു​ത്തി​രി​ക്കുന്ന പ്രകാരം “അടിയൻ ഇതാ, അടിയനെ അയക്കേ​ണമേ” എന്ന മനോ​ഭാ​വം പ്രകടി​പ്പി​ച്ചി​ട്ടു​ള്ള​വ​രാണ്‌.

16. യുദ്ധത്തി​നു​മു​മ്പുള്ള വർഷങ്ങ​ളിൽ ജനപ്പെ​രു​പ്പ​മുള്ള മുഖ്യ കേന്ദ്ര​ങ്ങൾക്കു​പു​റമേ വേറെ എവി​ടെ​യും സാക്ഷീ​ക​രണം നടത്തി​യി​ട്ടുണ്ട്‌?

¹⁶ സുവാർത്ത​യു​ടെ പ്രസംഗം ഏററവും ബഹുദൂര പ്രദേ​ശ​ങ്ങ​ളിൽപ്പോ​ലും എത്തി​ച്ചേ​രു​ക​യാ​യി​രു​ന്നു. ന്യൂഫൗ​ണ്ട്‌ലൻഡി​ലെ ഉൾതു​റ​മു​ഖ​ങ്ങ​ളി​ലും എല്ലാ ഉത്തര​ധ്രു​വ​ത്തി​ലെ നോർവീ​ജി​യൻ തീരങ്ങ​ളി​ലും പസഫിക്ക്‌ ദ്വീപ​സ​മൂ​ഹ​ങ്ങ​ളി​ലും ഏഷ്യയു​ടെ ദക്ഷിണ​പൂർവ തുറമു​ഖ​ങ്ങ​ളി​ലും സാക്ഷി​കൾതന്നെ ബോട്ടു​കൾ ഓടിച്ചു സന്ദർശി​ച്ചു.

17. (എ) സാക്ഷികൾ 1935-ഓടെ എത്ര രാജ്യ​ങ്ങ​ളിൽ എത്തി​ച്ചേർന്നി​രു​ന്നു? (ബി) ആ കാലഘ​ട്ട​ത്തിൽ വേല അവസാ​നി​ക്കാ​തി​രു​ന്ന​തി​നു കാരണ​മെന്ത്‌?

¹⁷ വിസ്‌മ​യാ​വ​ഹ​മാ​യി, 1935-ാമാ​ണ്ടോ​ടെ യഹോ​വ​യു​ടെ സാക്ഷികൾ 115 രാജ്യ​ങ്ങ​ളിൽ പ്രസം​ഗ​വേ​ല​യിൽ തിരക്കു​ള്ള​വ​രാ​യി​രു​ന്നു. സാക്ഷ്യ പര്യടനം മുഖേ​ന​യോ തപാൽവഴി അയച്ച സാഹി​ത്യം​മു​ഖേ​ന​യോ അവർ വേറെ 34 രാജ്യ​ങ്ങ​ളിൽകൂ​ടി എത്തി​ച്ചേർന്നു. എങ്കിലും വേല സമാപി​ച്ചി​രു​ന്നില്ല. പുതിയ ലോക​ത്തി​ലേക്ക്‌ അതിജീ​വി​ക്കാൻ അർഹത​യുള്ള “ഒരു മഹാപു​രു​ഷാര”ത്തെ സംബന്ധി​ച്ചുള്ള തന്റെ ഉദ്ദേശ്യ​ത്തി​ലേക്ക്‌ യഹോവ അതേ വർഷം അവരുടെ ശ്രദ്ധ തിരിച്ചു. (വെളി​പ്പാ​ടു 7:9, 10, 14) കൂടുതൽ സാക്ഷീ​ക​രണം പിന്നെ​യും നടത്തേ​ണ്ട​തു​ണ്ടാ​യി​രു​ന്നു!

18. രാജ്യ​പ്ര​ഘോ​ഷ​ണ​ത്തിൽ ഗിലെ​യാദ്‌ സ്‌കൂൾ, ശുശ്രൂ​ഷാ പരിശീ​ലന സ്‌കൂൾ എന്നിവ എന്തു പങ്കുവ​ഹി​ച്ചി​രി​ക്കു​ന്നു?

¹⁸ രണ്ടാം ലോക​മ​ഹാ​യു​ദ്ധം ഭൂമിയെ മുഴുവൻ ഗ്രസി​ച്ച​പ്പോൾ അനേകം രാജ്യ​ങ്ങ​ളി​ലും യഹോ​വ​യു​ടെ സാക്ഷി​ക​ളു​ടെ സാഹി​ത്യ​ങ്ങൾ അല്ലെങ്കിൽ പ്രവർത്ത​നങ്ങൾ നിരോ​ധ​ന​ത്തിൻ കീഴി​ലാ​യി​രു​ന്നു. എങ്കിലും, ഭാവി​യി​ലെ മിഷന​റി​മാ​രെ​യും മററു​ള്ള​വ​രെ​യും ഇതിലും വലിയ സാർവ​ദേ​ശീയ രാജ്യ​പ്ര​ഘോ​ഷണം നിർവ​ഹി​ക്കു​വാൻ പരിശീ​ലി​പ്പി​ക്കു​ന്ന​തി​നു​വേണ്ടി വാച്ച്‌ടവർ ഗിലെ​യാദ്‌ ബൈബിൾ സ്‌കൂൾ അതിന്റെ കവാടം തുറന്നു. ഗിലെ​യാ​ദിൽനി​ന്നു പരിശീ​ലനം നേടി​യവർ ഈ ദിവസം​വരെ 200-ലധികം രാജ്യ​ങ്ങ​ളിൽ സേവന​മ​നു​ഷ്‌ഠി​ച്ചി​ട്ടുണ്ട്‌. അവർ സാഹി​ത്യ​ങ്ങൾ സമർപ്പി​ച്ചി​ട്ടു മറെറാ​രി​ട​ത്തേക്കു മാറു​ന്ന​തി​ലും അധികം ചെയ്‌തി​ട്ടുണ്ട്‌. അവർ ബൈബിൾ അധ്യയ​നങ്ങൾ നടത്തു​ക​യും സഭകൾ സംഘടി​പ്പി​ക്കു​ക​യും ദിവ്യാ​ധി​പത്യ ഉത്തരവാ​ദി​ത്വം ഏറെറ​ടു​ക്കു​ന്ന​തി​നു മററു​ള്ള​വരെ പരിശീ​ലി​പ്പി​ക്കു​ക​യും ചെയ്‌തി​രി​ക്കു​ന്നു. അടുത്ത​യി​ടെ ശുശ്രൂ​ഷാ പരിശീ​ലന സ്‌കൂ​ളിൽനി​ന്നു പരിശീ​ലനം നേടിയ മൂപ്പൻമാ​രും ശുശ്രൂ​ഷാ​ദാ​സൻമാ​രു​മാ​യവർ ആറു ഭൂഖണ്ഡ​ങ്ങ​ളിൽ ഈ വേല​യോ​ടു ബന്ധപ്പെട്ട പ്രധാന ആവശ്യങ്ങൾ നിറ​വേ​റ​റു​ന്ന​തി​നു സഹായം നൽകി​യി​ട്ടുണ്ട്‌. തുടർന്നുള്ള വളർച്ച​ക്കാ​യി ഒരു ഉറപ്പുള്ള അടിസ്ഥാ​നം ഇട്ടിരി​ക്കു​ന്നു.—താരത​മ്യം ചെയ്യുക: 2 തിമൊ​ഥെ​യൊസ്‌ 2:2.

19. കൂടുതൽ ആവശ്യ​മുള്ള പ്രദേ​ശത്തു പ്രവർത്തി​ക്കു​ന്ന​തി​നുള്ള ക്ഷണത്തോ​ടു യഹോ​വ​യു​ടെ ദാസർ എത്ര​ത്തോ​ളം പ്രതി​ക​രി​ച്ചി​രി​ക്കു​ന്നു?

¹⁹ പ്രവർത്തി​ച്ചി​ട്ടി​ല്ലാത്ത ചില പ്രദേ​ശ​ങ്ങ​ളി​ലു​ള്ള​വർക്കു​വേണ്ടി കരുതു​ന്ന​തി​നു മററു​ള്ള​വർക്കു സഹായി​ക്കാൻ കഴിയു​മാ​യി​രു​ന്നോ? 1957-ൽ ലോക​വ്യാ​പ​ക​മാ​യി കൺ​വെൻ​ഷ​നു​ക​ളിൽ വ്യക്തി​ക​ളെ​യും കുടും​ബ​ങ്ങ​ളെ​യും—പക്വത​പ്രാ​പിച്ച യഹോ​വ​യു​ടെ സാക്ഷി​കളെ—അധികം ആവശ്യ​മുള്ള പ്രദേ​ശ​ങ്ങ​ളി​ലേക്കു മാറി​ത്താ​മ​സിച്ച്‌ അവിടെ ശുശ്രൂഷ നിർവ​ഹി​ക്കു​ന്ന​തി​നെ​പ്പ​ററി പരിചി​ന്തി​ക്കാൻ പ്രോ​ത്സാ​ഹി​പ്പി​ക്ക​യു​ണ്ടാ​യി. ഇത്‌ അപ്പോ​സ്‌ത​ല​നായ പൗലോ​സി​നു ദൈവം നൽകിയ ക്ഷണം പോലെ ഒന്നായി​രു​ന്നു. “മക്കദോ​ന്യെ​ക്കു കടന്നു​വന്നു ഞങ്ങളെ സഹായിക്ക” എന്ന്‌ ഒരു പുരുഷൻ അപേക്ഷി​ക്കു​ന്ന​താ​യി അദ്ദേഹം അവിടെ ദർശന​ത്തിൽ കണ്ടു. (പ്രവൃ​ത്തി​കൾ 16:9, 10) ചിലർ 1950-കളിൽ മാറി​ത്താ​മ​സി​ച്ചു; മററു​ചി​ലർ പിന്നീടും. ഏതാണ്ട്‌ ആയിര​ത്തോ​ളം ആളുകൾ അയർല​ണ്ടി​ലേ​ക്കും കൊളം​ബി​യ​യി​ലേ​ക്കും മാറി​ത്താ​മ​സി​ച്ചു; നൂറു​ക​ണ​ക്കി​നാ​ളു​കൾ മററു ചില സ്ഥലങ്ങളി​ലേ​ക്കും താമസം​മാ​ററി. ആയിര​ക്ക​ണ​ക്കി​നാ​ളു​കൾ തങ്ങളു​ടെ​തന്നെ രാജ്യത്തു കൂടുതൽ ആവശ്യ​മുള്ള പ്രദേ​ശ​ങ്ങ​ളി​ലേക്കു മാറി​ത്താ​മ​സി​ച്ചു.—സങ്കീർത്തനം 110:3.

20. (എ) മത്തായി 24:14-ലെ യേശു​വി​ന്റെ പ്രവച​ന​ത്തി​ന്റെ നിവൃ​ത്തി​യാ​യി എന്താണു നിർവ​ഹി​ച്ചി​രി​ക്കു​ന്നത്‌? (ബി) കഴിഞ്ഞ ചുരുക്കം ചില വർഷങ്ങൾക്കു​ള്ളിൽ വേല എങ്ങനെ ത്വരി​ത​ഗ​തി​യി​ലാ​യി?

²⁰ തന്റെ ജനത്തിൻമേ​ലുള്ള യഹോ​വ​യു​ടെ അനു​ഗ്ര​ഹം​നി​മി​ത്തം രാജ്യ​പ്ര​ഘോ​ഷ​ണ​വേല ഒരു അസാധാ​രണ വേഗത്തിൽ അനുസ്യൂ​തം തുടരു​ക​യാണ്‌. 1935 മുതൽ പ്രസാ​ധ​ക​രു​ടെ എണ്ണം മിക്കവാ​റും എൺപത്‌ ഇരട്ടി​യാ​യി വർധി​ച്ചി​രി​ക്കു​ന്നു. കൂടാതെ, പയനിയർ അണിയു​ടെ വർധന​നി​രക്ക്‌ പ്രസാ​ധ​ക​രു​ടേ​തി​നെ​ക്കാൾ 60 ശതമാ​ന​മാണ്‌. 1930-കളിലാ​ണു ഭവന ബൈബി​ള​ധ്യ​യന ക്രമീ​ക​രണം നിലവിൽ വന്നത്‌. ശരാശരി 45 ലക്ഷത്തി​ല​ധി​കം ബൈബി​ള​ധ്യ​യ​നങ്ങൾ പ്രതി​മാ​സം നടത്തി​വ​രു​ന്നു. 1935-നു ശേഷം രാജ്യ​പ്ര​ഘോ​ഷ​ണ​വേ​ല​യിൽ 1,500 കോടി മണിക്കൂ​റു​കൾ പങ്കിട്ടി​രി​ക്കു​ന്നു. സുവാർത്താ പ്രസംഗം ഇപ്പോൾ നിരന്ത​ര​മാ​യി 231 രാജ്യ​ങ്ങ​ളിൽ നടത്തി​ക്കൊ​ണ്ടി​രി​ക്ക​യാണ്‌. പൂർവ യൂറോ​പ്പി​ലേ​യും ആഫ്രി​ക്ക​യി​ലേ​യും പ്രദേ​ശങ്ങൾ സ്വത​ന്ത്ര​മാ​യി സുവാർത്ത പ്രസം​ഗി​ക്കു​ന്ന​തി​നു തുറന്നി​രി​ക്കു​ന്ന​തി​നാൽ രാജ്യ​സ​ന്ദേശം പൊതു​ജ​ന​ങ്ങ​ളു​ടെ ഇടയിൽ പ്രമു​ഖ​മാ​യി അവതരി​പ്പി​ക്കു​ന്ന​തി​നു സാർവ​ദേ​ശീയ കൺ​വെൻ​ഷ​നു​കൾ ഫലപ്ര​ദ​മായ രീതി​യിൽ ഉപയോ​ഗ​പ്പെ​ടു​ത്തി​യി​രി​ക്കു​ന്നു. യെശയ്യാ​വു 60:22-ൽ യഹോവ ദീർഘ​കാ​ലം​മു​മ്പേ വാഗ്‌ദത്തം ചെയ്‌ത​പ്ര​കാ​രം അവിടുന്ന്‌ തീർച്ച​യാ​യും ‘തക്ക സമയത്തു വേല ശീഘ്ര​മാ​യി നിവർത്തി​ക്കുക’യാണ്‌. അതിൽ പങ്കുപ​റ​റു​ക​യെ​ന്നതു നമ്മെ സംബന്ധിച്ച്‌ എത്ര മഹത്തായ പദവി​യാണ്‌!

സാധ്യ​മായ എല്ലാവ​രു​ടെ​യും അടുക്കൽ സുവാർത്ത​യു​മാ​യി എത്തി​ച്ചേ​രൽ

21, 22. നാം എവിടെ സേവനം അനുഷ്‌ഠി​ച്ചാ​ലും ഫലപ്ര​ദ​രായ സാക്ഷി​ക​ളാ​യി​രി​ക്കാൻ നമുക്കു വ്യക്തി​പ​ര​മാ​യി എന്തു​ചെ​യ്യാ​നാ​കും?

²¹ വേല പൂർത്തി​യാ​യെന്നു കർത്താവ്‌ ഇതുവരെ പറഞ്ഞി​ട്ടില്ല. അനേകാ​യി​രങ്ങൾ ഇപ്പോ​ഴും സത്യാ​രാ​ധന സ്വീക​രി​ക്കു​ന്നുണ്ട്‌. അതു​കൊണ്ട്‌, ഈ വേലക്കാ​യി യഹോ​വ​യു​ടെ ക്ഷമ അനുവ​ദി​ച്ചി​രി​ക്കുന്ന സമയം നല്ലരീ​തി​യിൽ പ്രയോ​ജ​ന​പ്പെ​ടു​ത്തു​വാൻ സാധ്യ​മാ​യ​തെ​ല്ലാം നാം ചെയ്യു​ന്നു​ണ്ടോ എന്ന ചോദ്യം ഉദിക്കു​ന്നു.—2 പത്രൊസ്‌ 3:15.

²² പ്രവർത്തി​ച്ചി​ട്ടി​ല്ലാത്ത പ്രദേ​ശ​ത്തേക്കു മാറി​ത്താ​മ​സി​ക്കാൻ സകലർക്കും കഴിയില്ല. എന്നാൽ നിങ്ങൾക്കു ലഭ്യമായ സകല സാഹച​ര്യ​ങ്ങ​ളും പ്രയോ​ജ​ന​പ്പെ​ടു​ത്തു​ന്നു​ണ്ടോ? നിങ്ങളു​ടെ സഹപ്ര​വർത്ത​കർക്കു സാക്ഷ്യം കൊടു​ക്കാ​റു​ണ്ടോ? അധ്യാ​പ​ക​രു​ടെ​യും സഹപാ​ഠി​ക​ളു​ടെ​യും കാര്യ​ത്തിൽ അങ്ങനെ ചെയ്യാ​റു​ണ്ടോ? നിങ്ങളു​ടെ പ്രദേ​ശത്തു മാറി​ക്കൊ​ണ്ടി​രി​ക്കുന്ന സാഹച​ര്യ​ങ്ങ​ളു​മാ​യി പൊരു​ത്ത​പ്പെട്ടു പോകാ​റു​ണ്ടോ? മാററം വന്നു​കൊ​ണ്ടി​രി​ക്കു​ന്ന​തരം തൊഴിൽ രീതികൾ മൂലം ഒരുപക്ഷേ ചുരുക്കം ചിലരേ പകൽസ​മ​യത്തു വീട്ടി​ലു​ണ്ടാ​വൂ. അവരെ വൈകു​ന്നേരം സന്ദർശി​ക്കാൻ തക്കവിധം നിങ്ങളു​ടെ സമയപ്പ​ട്ടി​ക​യിൽ മാററം വരുത്തി​യി​ട്ടു​ണ്ടോ? കെട്ടി​ട​ങ്ങ​ളിൽ ക്ഷണിക്ക​പ്പെ​ടാത്ത സന്ദർശ​കർക്കു പ്രവേ​ശ​ന​മി​ല്ലെ​ങ്കിൽ നിങ്ങൾ ടെലി​ഫോ​ണി​ലൂ​ടെ​യോ തപാലി​ലൂ​ടെ​യോ സാക്ഷ്യം കൊടു​ക്കാ​റു​ണ്ടോ? കണ്ടെത്തിയ താത്‌പ​ര്യം വികസി​പ്പി​ച്ചെ​ടുത്ത്‌ ഭവന ബൈബി​ള​ധ്യ​യ​നങ്ങൾ വാഗ്‌ദാ​നം ചെയ്യാ​റു​ണ്ടോ? നിങ്ങൾ നിങ്ങളു​ടെ ശുശ്രൂഷ നിറപ​ടി​യാ​യി നിവർത്തി​ക്കു​ന്നു​ണ്ടോ?—താരത​മ്യം ചെയ്യുക: പ്രവൃ​ത്തി​കൾ 20:21; 2 തിമൊ​ഥെ​യൊസ്‌ 4:5.

23. യഹോ​വ​യു​ടെ സേവന​ത്തിൽ നാം ചെയ്യു​ന്നത്‌ അവിടുന്ന്‌ നിരീ​ക്ഷി​ക്കുന്ന സ്ഥിതിക്ക്‌ നമ്മുടെ കാര്യ​ത്തിൽ എന്തു സ്‌പഷ്ട​മാ​യി​രി​ക്കണം?

²³ ഈ നിർണാ​യ​ക​ഘ​ട്ട​ത്തിൽ യഹോ​വ​യു​ടെ സാക്ഷി​ക​ളാ​യി​രി​ക്കുക എന്നതു നമ്മെ സംബന്ധിച്ച്‌ ഏററവും വലിയ പദവി​യാ​ണെ​ന്നതു നാം വിലമ​തി​ക്കു​ന്നു​വെന്നു യഹോ​വ​യു​ടെ മുമ്പാകെ സ്‌പഷ്ട​മാ​യും തെളി​യി​ക്കു​ന്ന​വി​ധ​ത്തിൽ നമു​ക്കോ​രോ​രു​ത്തർക്കും നമ്മുടെ ശുശ്രൂഷ നിർവ​ഹി​ക്കാം. യഹോവ ഈ പഴയ ദുഷ്ടവ്യ​വ​സ്ഥി​തി​യു​ടെ​മേൽ തന്റെ ന്യായ​വി​ധി നടത്തു​ക​യും രാജാ​വായ യേശു​ക്രി​സ്‌തു​വി​ന്റെ മഹനീ​യ​മായ സഹസ്രാബ്ദ വാഴ്‌ച ആനയി​ക്കു​ക​യും ചെയ്യു​മ്പോൾ അതിനു ദൃക്‌സാ​ക്ഷി​ക​ളാ​യി​രി​ക്കാ​നുള്ള പദവി നമുക്കു​ണ്ടാ​യി​രി​ക്കട്ടെ!

[അടിക്കു​റിപ്പ്‌]

പുനരവലോകനത്തിൽ

◻ രാജ്യ​സ​ന്ദേശം പ്രസം​ഗി​ക്കു​ന്നത്‌ ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

◻ സുവാർത്ത 1914 വരെ എത്ര വ്യാപ​ക​മാ​യി പ്രസം​ഗി​ക്ക​പ്പെട്ടു?

◻ രാജ്യ സ്ഥാപനം​മു​തൽ എത്ര തീവ്ര​മാ​യി​ട്ടാ​ണു സാക്ഷ്യം നൽകി​യി​രി​ക്കു​ന്നത്‌?

◻ ശുശ്രൂ​ഷ​യി​ലുള്ള നമ്മുടെ സ്വന്തം പങ്കിനെ കൂടുതൽ ഉത്‌പാ​ദ​ന​ക്ഷ​മ​മാ​ക്കി​ത്തീർത്തേ​ക്കാവു​ന്നത്‌ എന്ത്‌?

[16, 17 പേജിലെ ചതുരം]

യഹോവയുടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷ​കർ

ലോക​വ്യാ​പ​ക​മാ​യി 1993-94-ൽ നടന്ന നൂറു​ക​ണ​ക്കി​നു കൺ​വെൻ​ഷ​നു​ക​ളിൽ യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ എന്ന പുതിയ പുസ്‌തകം പ്രകാ​ശനം ചെയ്യു​ന്ന​താ​യി പ്രഖ്യാ​പനം നടത്തി​യി​രു​ന്നു. ഇത്‌ യഹോ​വ​യു​ടെ സാക്ഷി​ക​ളു​ടെ വളരെ വിജ്ഞാ​ന​പ്ര​ദ​വും സമഗ്ര​വു​മായ ചരി​ത്ര​മാണ്‌. 752 പേജു​ള്ള​തും 96 വ്യത്യസ്‌ത രാജ്യ​ങ്ങ​ളിൽനി​ന്നാ​യി ശേഖരി​ച്ചി​ട്ടുള്ള ആയിര​ത്തി​ലേറെ ചിത്ര​ങ്ങൾകൊ​ണ്ടു ഭംഗി​യാ​യി അലങ്കരി​ച്ചി​ട്ടു​ള്ള​തു​മായ ഒരു പുസ്‌ത​ക​മാ​ണിത്‌. 1993-ന്റെ അവസാ​ന​ത്തോ​ടെ ഇതിന്റെ പരിഭാഷ 25 ഭാഷക​ളിൽ നടന്നു​ക​ഴി​ഞ്ഞു. ഇനിയും കൂടുതൽ ഭാഷക​ളിൽ നടന്നു​കൊ​ണ്ടി​രി​ക്കു​ക​യു​മാണ്‌.

ഇത്തരം ഒരു പുസ്‌ത​കത്തെ സമയോ​ചി​ത​മാ​ക്കി​ത്തീർക്കു​ന്നത്‌ എന്താണ്‌? സമീപ വർഷങ്ങ​ളിൽ ലോക​വ്യാ​പ​ക​മാ​യി ലക്ഷക്കണ​ക്കി​നാ​ളു​കൾ യഹോ​വ​യു​ടെ സാക്ഷി​ക​ളാ​യി​ത്തീർന്നി​ട്ടുണ്ട്‌. തങ്ങൾ സഹവസി​ക്കുന്ന സ്ഥാപന​ത്തി​ന്റെ ചരിത്രം അവർ നന്നായി അറി​യേ​ണ്ട​തുണ്ട്‌. കൂടാതെ, അവരുടെ പ്രസം​ഗ​വും ആരാധ​നാ​രീ​തി​യും ലോക​മെ​മ്പാ​ടു​മുള്ള ദേശീ​യ​വും വർഗീ​യ​വു​മായ കൂട്ടങ്ങ​ളി​ലേക്കു നുഴഞ്ഞി​റ​ങ്ങി​യി​രി​ക്കു​ക​യാണ്‌. തന്നെയു​മല്ല, ചെറു​പ്പ​ക്കാ​രും പ്രായ​മാ​യ​വ​രു​മുൾപ്പെടെ സകലവിധ സാമ്പത്തിക, വിദ്യാ​ഭ്യാ​സ നിലവാ​ര​ത്തി​ലു​മു​ള്ളവർ അത്‌ സ്വീക​രി​ച്ചി​ട്ടു​മുണ്ട്‌. തത്‌ഫ​ല​മാ​യി, സംഭവി​ക്കു​ന്ന​കാ​ര്യ​ങ്ങൾ നിരീ​ക്ഷി​ക്കുന്ന അനേക​രും സാക്ഷി​ക​ളെ​ക്കു​റിച്ച്‌—അവരുടെ വിശ്വാ​സം സംബന്ധി​ച്ചു​മാ​ത്രമല്ല മറിച്ച്‌ അവരുടെ തുടക്കം, ചരിത്രം, സംഘാ​ടനം, ലക്ഷ്യങ്ങൾ എന്നിവ​യെ​ക്കു​റി​ച്ചും—അറിയാൻ ആഗ്രഹി​ക്കു​ന്നു. എല്ലായ്‌പോ​ഴും നിഷ്‌പ​ക്ഷ​മാ​യി​ട്ട​ല്ലെ​ങ്കിൽപോ​ലും മററു​ചി​ലർ അവരെ​ക്കു​റിച്ച്‌ എഴുതി​യി​ട്ടുണ്ട്‌. എന്നിരു​ന്നാ​ലും, യഹോ​വ​യു​ടെ സാക്ഷി​ക​ളു​ടെ ആധുനിക നാളിലെ ചരിത്രം സാക്ഷി​കൾക്ക​റി​യാ​വു​ന്ന​തി​നെ​ക്കാൾ നന്നായി മററാർക്കും അറിഞ്ഞു​കൂ​ടാ. വസ്‌തു​നി​ഷ്‌ഠ​വും സത്യസ​ന്ധ​വു​മാ​യി ആ ചരിത്രം അവതരി​പ്പി​ക്കാൻ ഈ പുസ്‌ത​ക​ത്തി​ന്റെ പ്രസാ​ധകർ പരി​ശ്രമം ചെയ്‌തി​രി​ക്കു​ന്നു. ഇങ്ങനെ ചെയ്യു​മ്പോൾ ക്രിസ്‌തു​വി​ന്റെ സാന്നി​ധ്യം സംബന്ധി​ച്ചു മത്തായി 24:14-ൽ രേഖ​പ്പെ​ടു​ത്തി​യി​രി​ക്കുന്ന അടയാ​ള​ത്തി​ന്റെ ഇന്നേവ​രെ​യുള്ള നിവൃ​ത്തി​യു​ടെ മുഖ്യ​മായ വശങ്ങൾ രേഖാ​മൂ​ലം തെളി​യി​ച്ചി​ട്ടുണ്ട്‌. അവിടെ മുൻകൂ​ട്ടി പറഞ്ഞി​രി​ക്കുന്ന വേലയിൽ മുഴു​കി​യി​രി​ക്കുന്ന ആളുകൾക്കു​മാ​ത്രം നൽകാൻ കഴിയുന്ന വിശദാം​ശങ്ങൾ സഹിത​മാണ്‌ അവർ ഇതു ചെയ്‌തി​രി​ക്കു​ന്നത്‌.

ഈ പുസ്‌തകം ഏഴു പ്രധാന ഭാഗങ്ങ​ളാ​യി​ട്ടു തിരി​ച്ചി​രി​ക്കു​ന്നു:

ഭാഗം 1: ഈ ഭാഗം യഹോ​വ​യു​ടെ സാക്ഷി​ക​ളു​ടെ ചരി​ത്ര​ത്തി​ന്റെ വേരുകൾ തേടി​പ്പോ​കു​ന്നു. ഇതിൽ 1870 മുതൽ 1992 വരെയുള്ള ആധുനിക നാളിലെ അവരുടെ ചരി​ത്ര​ത്തി​ന്റെ നിർവ്യാ​ജ​വും വിജ്ഞാ​ന​പ്ര​ദ​വു​മായ സംഗ്രഹം ഉൾക്കൊ​ള്ളു​ന്നു.

ഭാഗം 2: യഹോ​വ​യു​ടെ സാക്ഷി​കളെ മററു മതവി​ഭാ​ഗ​ങ്ങ​ളിൽനി​ന്നു വേർതി​രി​ച്ചു​കാ​ണി​ക്കുന്ന വിശ്വാ​സങ്ങൾ ക്രമാ​നു​ഗ​ത​മാ​യി വികാ​സം​പ്രാ​പി​ച്ച​തി​ന്റെ വ്യക്തമായ പുനര​വ​ലോ​ക​ന​മാണ്‌ ഇത്‌.

ഭാഗം 3: പുസ്‌ത​ക​ത്തി​ന്റെ ഈ ഭാഗം അവരുടെ സ്ഥാപന​ത്തി​ന്റെ ഘടനയു​ടെ വികാസം പരി​ശോ​ധി​ക്കു​ന്നു. ഇത്‌ അവരുടെ സഭാ യോഗ​ങ്ങ​ളെ​യും കൺ​വെൻ​ഷ​നു​ക​ളെ​യും കുറിച്ചു രസാവ​ഹ​മായ കാര്യങ്ങൾ വിവരി​ക്കു​ന്നു. രാജ്യ​ഹാ​ളു​കൾ, വലിയ സമ്മേള​ന​ഹാ​ളു​കൾ എന്നിവ പണിയുന്ന അവരുടെ വിധം സംബന്ധി​ച്ചും ബൈബിൾ സാഹി​ത്യ​ങ്ങൾ പ്രസി​ദ്ധീ​ക​രി​ക്കു​ന്ന​തി​നു​വേണ്ട സൗകര്യ​ങ്ങൾ സംബന്ധി​ച്ചും വിശദീ​ക​രണം നൽകി​യി​ട്ടുണ്ട്‌. യഹോ​വ​യു​ടെ സാക്ഷികൾ ദൈവ​രാ​ജ്യം പ്രഘോ​ഷി​ക്കു​മ്പോൾ പ്രകടി​പ്പി​ക്കുന്ന തീക്ഷ്‌ണ​ത​യെ​പ്പ​റ​റി​യും വിഷമ​സ​മ​യത്തു പരസ്‌പരം കരുതു​ന്ന​തി​നെ​പ്പ​റ​റി​യും ഇതു പറയുന്നു.

ഭാഗം 4: ദൈവ​രാ​ജ്യ​ത്തെ​പ്പ​റ​റി​യുള്ള പ്രഘോ​ഷണം പ്രമുഖ രാഷ്‌ട്ര​ങ്ങ​ളി​ലും ഗോള​ത്തി​നു​ചു​റ​റു​മുള്ള ബഹുദൂര ദ്വീപു​ക​ളി​ലും എത്തി​ച്ചേർന്ന​തെ​ങ്ങ​നെ​യെന്ന മനംക​വ​രുന്ന വിവര​ണങ്ങൾ ഇവിടെ നിങ്ങൾക്കു കാണാം. 1914-ൽ വെറും 43 രാജ്യ​ങ്ങ​ളിൽ പ്രസംഗം നടത്തി​യിട്ട്‌ 1992-ൽ 229 രാജ്യ​ങ്ങ​ളിൽ പ്രസംഗം നടത്തു​ന്നത്‌ ഒന്ന്‌ ആലോ​ചി​ച്ചു നോക്കൂ! ലോക​വി​സ്‌തൃ​ത​മായ ഈ വികസ​ന​ത്തിൽ പങ്കുപ​റ​റി​യി​ട്ടു​ള്ള​വ​രു​ടെ അനുഭ​വങ്ങൾ ഹൃദ​യോ​ഷ്‌മ​ള​മാണ്‌.

ഭാഗം 5: രാജ്യ​പ്ര​ഘോ​ഷ​ണ​വേ​ല​യു​ടെ ഈ നിർവ​ഹ​ണ​മെ​ല്ലാം ബൈബി​ളും ഇരുന്നൂ​റിൽപ്പരം ഭാഷക​ളിൽ ബൈബിൾ സാഹി​ത്യ​ങ്ങ​ളും പ്രസി​ദ്ധീ​ക​രി​ക്കു​ന്ന​തി​നു​വേണ്ട സാർവ​ദേ​ശീയ സൗകര്യ​ങ്ങ​ളു​ടെ വികസനം ആവശ്യ​മാ​ക്കി​ത്തീർത്തു. ഈ ഭാഗത്ത്‌ അവരുടെ വേലയു​ടെ ആ വിശദാം​ശങ്ങൾ നിങ്ങൾക്കു മനസ്സി​ലാ​ക്കാം.

ഭാഗം 6: സാക്ഷികൾ പരി​ശോ​ധ​ന​ക​ളെ​യും നേരി​ട്ടി​ട്ടുണ്ട്‌—ചിലതു മനുഷ്യ​രു​ടെ അപൂർണ​ത​നി​മി​ത്ത​വും മററു​ചി​ലതു കള്ള സഹോ​ദ​ര​ങ്ങൾമൂ​ല​വും. എന്നാൽ ഏററവും കൂടുതൽ അനുഭ​വി​ച്ചതു നേരി​ട്ടുള്ള പീഡനങ്ങൾ മൂലമാണ്‌. ഇത്‌ ഇപ്രകാ​ര​മാ​യി​രി​ക്കു​മെന്നു ദൈവ​വ​ചനം മുന്നറി​യി​പ്പു നൽകി​യി​ട്ടുണ്ട്‌. (ലൂക്കൊസ്‌ 17:1; 2 തിമൊ​ഥെ​യൊസ്‌ 3:12; 1 പത്രൊസ്‌ 4:12; 2 പത്രൊസ്‌ 2:1, 2) പുസ്‌ത​ക​ത്തി​ലെ ഈ ഭാഗം യഥാർഥ​ത്തിൽ സംഭവി​ച്ച​തെ​ന്താ​ണെ​ന്നും വിജയ​ശ്രീ​ലാ​ളി​ത​രാ​യി വരാൻ യഹോ​വ​യു​ടെ സാക്ഷി​ക​ളു​ടെ വിശ്വാ​സം തങ്ങളെ എങ്ങനെ പ്രാപ്‌ത​രാ​ക്കി​യെ​ന്നും സുവ്യ​ക്ത​മാ​യി വിവരി​ക്കു​ന്നു.

ഭാഗം 7: ഉപസം​ഹാ​ര​മാ​യി യഹോ​വ​യു​ടെ സാക്ഷികൾ തങ്ങൾ ഭാഗമാ​യി​രി​ക്കുന്ന സ്ഥാപനം വാസ്‌ത​വ​മാ​യും ദൈവ​ത്താൽ നയിക്കപ്പെടുന്നുവെന്നു ബോധ്യ​മു​ള്ള​വ​രാ​യി​രി​ക്കു​ന്ന​തി​ന്റെ കാരണം പരിചി​ന്തി​ക്കു​ന്നു. സ്ഥാപന​പ​ര​വും വ്യക്തി​പ​ര​വു​മാ​യി ജാഗ്ര​ത​യു​ള്ള​വ​രാ​യി​രി​ക്കേ​ണ്ടത്‌ അത്യാ​വ​ശ്യ​മാ​ണെന്ന്‌ അവർക്കു തോന്നു​ന്ന​തി​ന്റെ കാരണ​വും അതു ചർച്ച​ചെ​യ്യു​ന്നു.

മുകളിൽ പറഞ്ഞി​രി​ക്കു​ന്ന​തി​നു പുറമേ, യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി ഉപയോ​ഗി​ക്കുന്ന ലോക ആസ്ഥാന​ത്തി​ന്റെ​യും ബ്രാഞ്ച്‌ സൗകര്യ​ങ്ങ​ളു​ടെ​യും മനോ​ഹ​ര​വും വളരെ വിജ്ഞാ​ന​പ്ര​ദ​വു​മായ വർണചി​ത്ര​ങ്ങ​ള​ട​ങ്ങിയ 50 പേജുള്ള ഭാഗവും ആകർഷ​ക​മാ​യി രൂപഭം​ഗി​വ​രു​ത്തിയ ഈ പുസ്‌ത​ക​ത്തിൽ ഉൾക്കൊ​ള്ളു​ന്നു.

മനം കവരുന്ന ഈ പുസ്‌ത​ക​ത്തി​ന്റെ ഒരു പ്രതി ഇതുവ​രെ​യും നിങ്ങളു​ടെ പക്കൽ ഇല്ലെങ്കിൽ അതി​ലൊ​ന്നു സ്വന്തമാ​ക്കു​ക​യും അതു വായി​ക്കു​ക​യും ചെയ്യു​ന്ന​തിൽനി​ന്നു നിങ്ങൾ തീർച്ച​യാ​യും പ്രയോ​ജ​ന​മ​നു​ഭ​വി​ക്കും.

അതു വായിച്ച ചിലരിൽനി​ന്നുള്ള അഭി​പ്രാ​യ​ങ്ങൾ

ഈ പുസ്‌തകം ഇതി​നോ​ടകം വായിച്ചു കഴിഞ്ഞ ചിലരു​ടെ പ്രതി​ക​രണം എന്താണ്‌? ഇതാ, ചിലതു ചുവടെ ചേർക്കു​ന്നു:

“യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ എന്ന മനം കവരുന്ന, ഉജ്ജ്വലാ​വി​ഷ്‌ക​രണം ഞാൻ വായിച്ചു കഴിഞ്ഞ​തേ​യു​ള്ളൂ. വിശ്വ​സ്‌ത​ത​യോ​ടും താഴ്‌മ​യോ​ടും കൂടെ സത്യത്തിന്‌ അർപ്പി​ച്ചി​രി​ക്കുന്ന ഒരു സ്ഥാപന​ത്തി​നു​മാ​ത്രമേ ഇങ്ങനെ വെട്ടി​ത്തു​റന്ന്‌, ധൈര്യ​പൂർവം, വികാ​ര​ഭ​രി​ത​മായ രീതി​യിൽ എഴുതാ​നാ​കൂ.”

“ഈ പുസ്‌തകം സത്യസ​ന്ധ​വും നിഷ്‌ക​പ​ട​വു​മാ​യ​തി​നാൽ ഇതു വായി​ക്കു​മ്പോൾ പ്രവൃ​ത്തി​ക​ളു​ടെ പുസ്‌തകം വായി​ക്കു​ന്ന​തു​പോ​ലുണ്ട്‌.”

“എന്തോരു വശ്യമ​നോ​ഹ​ര​മായ പുതിയ പ്രസി​ദ്ധീ​ക​രണം! . . . അതി​ശ്രേ​ഷ്‌ഠ​മായ ഒരു ചരിത്ര കൃതി​യാ​ണിത്‌.”

പുസ്‌ത​ക​ത്തി​ന്റെ ഏതാണ്ടു പകുതി വായി​ച്ചു​ക​ഴിഞ്ഞ്‌ ഒരു വ്യക്തി എഴുതി: “ഞാൻ അത്ഭുത​പ​ര​വ​ശ​നാ​യി, സ്‌തബ്ധ​നാ​യി. കരച്ചി​ലി​ന്റെ വക്കോ​ള​മെ​ത്തു​ക​യും ചെയ്‌തു. . . . ഇത്രയും വികാ​ര​ഭ​രി​ത​മായ വേറൊ​രു പ്രസി​ദ്ധീ​ക​ര​ണ​വും എന്റെ ജീവി​ത​ത്തിൽ ഇതുവരെ വായി​ച്ചി​ട്ടില്ല.”

“ഇന്നു സ്ഥാപന​ത്തി​ലേക്കു വരുന്ന യുവജ​ന​ങ്ങ​ളു​ടെ​യും പുതി​യ​വ​രു​ടെ​യും വിശ്വാ​സത്തെ ഈ പുസ്‌തകം എത്രമാ​ത്രം ബലപ്പെ​ടു​ത്തു​മെന്ന്‌ ഓർക്കു​മ്പോൾ എന്റെ ഹൃദയം ആനന്ദത്താൽ തുടി​ക്കു​ന്നു.”

“ഞാൻ എല്ലായ്‌പോ​ഴും സത്യത്തെ വിലമ​തി​ച്ചി​രു​ന്നു, എന്നാൽ ഈ പുസ്‌ത​ക​ത്തി​ന്റെ വായന എന്റെ കണ്ണുകൾ തുറക്കു​ക​യും യഹോ​വ​യു​ടെ ആത്മാവാണ്‌ ഇതിന്റെ പിന്നി​ലു​ള്ളത്‌ എന്നു മനസ്സി​ലാ​ക്കാൻ എന്നത്തേ​തി​ലു​മ​ധി​കം എന്നെ സഹായി​ക്കു​ക​യും ചെയ്‌തു.”

[18-ാം പേജിലെ ചിത്രം]

സാക്ഷികൾ എണ്ണത്തിൽ കുറവാ​യി​രു​ന്ന​പ്പോൾപ്പോ​ലും രാജ്യ​സ​ന്ദേശം അനേകം​പേ​രു​ടെ അടുക്കൽ എത്തിച്ചു