യഹോവ ക്ഷമിക്കു​ന്ന​തു​പോ​ലെ നിങ്ങൾ ക്ഷമിക്കു​ന്നു​ണ്ടോ?

“നിങ്ങൾ മനുഷ്യ​രോ​ടു അവരുടെ പിഴകളെ ക്ഷമിച്ചാൽ, സ്വർഗ്ഗ​സ്ഥ​നായ നിങ്ങളു​ടെ പിതാവു നിങ്ങ​ളോ​ടും ക്ഷമിക്കും. നിങ്ങൾ മനുഷ്യ​രോ​ടു പിഴകളെ ക്ഷമിക്കാ​ഞ്ഞാ​ലോ നിങ്ങളു​ടെ​പി​താ​വു നിങ്ങളു​ടെ പിഴക​ളെ​യും ക്ഷമിക്ക​യില്ല.”—മത്തായി 6:14, 15.

1, 2. ഏതുത​ര​ത്തി​ലുള്ള ദൈവ​ത്തെ​യാ​ണു നമുക്കാ​വ​ശ്യ​മാ​യി​രി​ക്കു​ന്നത്‌, എന്തു​കൊണ്ട്‌?

“യഹോവ കരുണ​യും കൃപയും നിറഞ്ഞവൻ ആകുന്നു; ദീർഘ​ക്ഷ​മ​യും മഹാദ​യ​യും ഉള്ളവൻ തന്നേ. അവൻ എല്ലായ്‌പോ​ഴും ഭർത്സി​ക്ക​യില്ല [“കുററം കണ്ടുപി​ടി​ച്ചു​കൊ​ണ്ടേ​യി​രി​ക്ക​യില്ല,” NW]; എന്നേക്കും കോപം സംഗ്ര​ഹി​ക്ക​യു​മില്ല. അവൻ നമ്മുടെ പാപങ്ങൾക്കു ഒത്തവണ്ണം നമ്മോടു ചെയ്യു​ന്നില്ല; നമ്മുടെ അകൃത്യ​ങ്ങൾക്കു ഒത്തവണ്ണം നമ്മോടു പകരം ചെയ്യു​ന്ന​തു​മില്ല. ആകാശം ഭൂമി​ക്കു​മീ​തെ ഉയർന്നി​രി​ക്കു​ന്ന​തു​പോ​ലെ അവന്റെ ദയ അവന്റെ ഭക്തൻമാ​രോ​ടു വലുതാ​യി​രി​ക്കു​ന്നു. ഉദയം അസ്‌ത​മ​യ​ത്തോ​ടു അകന്നി​രി​ക്കു​ന്ന​തു​പോ​ലെ അവൻ നമ്മുടെ ലംഘന​ങ്ങളെ നമ്മോടു അകററി​യി​രി​ക്കു​ന്നു. അപ്പന്നു മക്കളോ​ടു കരുണ തോന്നു​ന്ന​തു​പോ​ലെ യഹോ​വെക്കു തന്റെ ഭക്തൻമാ​രോ​ടു കരുണ തോന്നു​ന്നു. അവൻ നമ്മുടെ പ്രകൃതി അറിയു​ന്നു​വ​ല്ലോ; നാം പൊടി എന്നു അവൻ ഓർക്കു​ന്നു.”—സങ്കീർത്തനം 103:8-14.

² പാപത്തിൽ ഗർഭം ധരിക്കു​ക​യും പാപ​ത്തോ​ടെ​യും പാപത്തി​ന്റെ നിയമ​ത്തി​ന്റെ പിടി​യി​ലേക്കു നമ്മെ എല്ലായ്‌പോ​ഴും വലിച്ചി​ഴ​യ്‌ക്കുന്ന അവകാ​ശ​പ്പെ​ടു​ത്തിയ അപൂർണ​ത​ക​ളോ​ടെ​യും പിറന്നു​വീ​ഴു​ക​യും ചെയ്‌തി​രി​ക്കു​ന്ന​വ​രാ​ണു നാം. അതു​കൊണ്ട്‌, ‘നാം പൊടി​യാ​ണെന്ന്‌ ഓർക്കുന്ന’ ഒരു ദൈവം നമുക്കു​ണ്ടാ​യി​രു​ന്നേ പററൂ. സങ്കീർത്തനം 103-ൽ ദാവീദ്‌ ഇത്ര മനോ​ഹ​ര​മാ​യി യഹോ​വയെ വർണിച്ച്‌ മുന്നൂറു വർഷം കഴിഞ്ഞ്‌, ഏതാണ്ടു സമാന​മായ രീതി​യിൽ മറെറാ​രു ബൈബി​ളെ​ഴു​ത്തു​കാ​ര​നായ മീഖാ​യും ഇതേ ദൈവ​ത്തെ​ക്കു​റിച്ച്‌ അങ്ങേയ​ററം പുകഴ്‌ത്തി പറയു​ക​യു​ണ്ടാ​യി. ഒരിക്കൽ ചെയ്‌തു​പോയ പാപങ്ങൾ സദയം ക്ഷമിക്കുന്ന ദൈവ​ത്തി​ന്റെ സ്വഭാ​വ​ത്തെ​ക്കു​റിച്ച്‌ അദ്ദേഹം പറഞ്ഞു: “അപരാ​ധങ്ങൾ പൊറു​ക്കു​ക​യും അതി​ക്ര​മങ്ങൾ ക്ഷമിക്കു​ക​യും കോപം എന്നേക്കും വെച്ചു​കൊ​ള്ളാ​തി​രി​ക്കു​ക​യും ദയ കാട്ടു​ന്ന​തിൽ പ്രസാ​ദി​ക്കു​ക​യും ചെയ്യുന്ന നിന്നെ​പ്പോ​ലെ ഒരു ദൈവം ആരുണ്ട്‌? ഒരിക്കൽക്കൂ​ടെ ഞങ്ങളോ​ടു കരുണ കാട്ടേ​ണമേ, ഞങ്ങളുടെ അകൃത്യ​ങ്ങളെ ചവുട്ടി​മെ​തി​ക്കേ​ണമേ, ഞങ്ങളുടെ പാപങ്ങളെ ഒക്കെയും നീ ആഴിയു​ടെ അഗാധ​ത്തി​ലേക്ക്‌ എറി​യേ​ണമേ.”—മീഖാ 7:18, 19, ദ ജറുസ​ലേം ബൈബിൾ.

3. ക്ഷമിക്കു​ക​യെ​ന്നാൽ അർഥ​മെന്ത്‌?

³ ഗ്രീക്കു തിരു​വെ​ഴു​ത്തു​ക​ളിൽ “ക്ഷമിക്കുക” എന്ന പദത്തിന്റെ അർഥം “വിട്ടു​ക​ള​യുക” എന്നാണ്‌. മേലു​ദ്ധ​രിച്ച ദാവീ​ദും മീഖാ​യും ലാവണ്യ വിവര​ണ​ത്തി​ലൂ​ടെ അതേ അർഥം കൊടു​ക്കു​ന്നു. യഹോ​വ​യു​ടെ ക്ഷമയുടെ അമ്പരപ്പി​ക്കുന്ന വ്യാപ്‌തി മുഴു​വ​നും വിലമ​തി​ക്കാൻ നമുക്ക്‌ ഏതാനും സംഭവങ്ങൾ പുനര​വ​ലോ​കനം ചെയ്യാം. നശിപ്പി​ക്കു​ന്ന​തിൽനി​ന്നു ക്ഷമിക്കു​ന്ന​തി​ലേക്കു തന്റെ മനസ്സിനെ മാററാൻ യഹോ​വക്കു കഴിയു​മെന്നു പ്രകട​മാ​ക്കു​ന്ന​താണ്‌ ആദ്യ​ത്തേത്‌.

മോശ മധ്യസ്ഥത വഹിക്കു​ന്നു—യഹോവ ശ്രദ്ധി​ക്കു​ന്നു

4. യഹോ​വ​യു​ടെ ശക്തിയു​ടെ ഏതു പ്രകട​ന​ങ്ങൾക്കു​ശേ​ഷ​വും വാഗ്‌ദ​ത്ത​ദേ​ശത്തു പ്രവേ​ശി​ക്കാൻ ഇസ്രാ​യേൽ ജനത ഭയമു​ള്ള​വ​രാ​യി​രു​ന്നു?

⁴ സ്വദേ​ശ​മാ​യി അവർക്കു നൽകാ​മെന്നു താൻ വാഗ്‌ദാ​നം ചെയ്‌തി​രുന്ന ദേശത്തു പ്രവേ​ശി​ക്കാൻ യഹോവ ഇസ്രാ​യേൽ ജനതയെ സുരക്ഷി​ത​മാ​യി ഈജി​പ്‌തിൽനി​ന്നു കൊണ്ടു​വന്നു. എന്നാൽ കനാൻ ദേശത്തെ വെറും മനുഷ്യ​രെ ഭയപ്പെട്ട അവർ മുന്നോ​ട്ടു പോകാൻ വിസ്സമ്മ​തി​ച്ചു. അതേസ​മയം അവർ നേരിട്ടു കണ്ടകാ​ര്യ​ങ്ങൾ നോക്കുക. യഹോവ ഈജി​പ്‌തിൽ പത്തു മാരക ബാധകൾ വരുത്തി അവരെ മോചി​പ്പി​ച്ചു, ചെങ്കട​ലി​ലൂ​ടെ രക്ഷപെ​ടാൻ ഒരു പാതയു​ണ്ടാ​ക്കി, അവരെ പിന്തു​ട​രാൻ ശ്രമിച്ച ഈജി​പ്‌ഷ്യൻ സൈന്യ​ത്തെ നശിപ്പി​ച്ചു, അവരെ യഹോ​വ​യു​ടെ തിര​ഞ്ഞെ​ടു​ക്ക​പ്പെട്ട ജനതയാ​ക്കി​ത്തീർത്ത ഉടമ്പടി സീനായ്‌ പർവത​ത്തിൽവെച്ച്‌ ഉദ്‌ഘാ​ടനം ചെയ്‌തു, അവരെ തീററി​പ്പോ​റ​റാൻ സ്വർഗ​ത്തിൽനി​ന്നു ദിവസേന അത്ഭുത​ക​ര​മാം​വി​ധം മന്നാ വർഷിച്ചു. എന്നിട്ടും സാധാ​ര​ണ​യിൽ കവിഞ്ഞ വളർച്ച​യുള്ള ചില കനാന്യ​രെ​പ്രതി വാഗ്‌ദ​ത്ത​ദേ​ശത്തു പ്രവേ​ശി​ക്കാൻ അവർ ഭയപ്പെട്ടു.—സംഖ്യാ​പു​സ്‌തകം 14:1-4.

5. വിശ്വ​സ്‌ത​രായ രണ്ട്‌ ഒററു​നോ​ട്ട​ക്കാർ ഇസ്രാ​യേ​ല്യ​രെ ഒരുമി​ച്ചു​നിർത്താൻ ശ്രമി​ച്ച​തെ​ങ്ങനെ?

⁵ അന്തംവി​ട്ടു​പോയ മോശ​യും അഹരോ​നും കമിഴ്‌ന്നു​വീ​ണു. ഒററു​നോ​ക്കാൻപോയ വിശ്വ​സ്‌ത​രായ യോശു​വ​യും കാലേ​ബും ഇസ്രാ​യേ​ല്യ​രെ ഒരുമി​ച്ചു​നിർത്താൻ ശ്രമിച്ചു: ‘ആ ദേശം എത്രയും നല്ലത്‌, പാലും തേനും ഒഴുകുന്ന ദേശം. ജനത്തെ ഭയപ്പെ​ട​രുത്‌. നമ്മോ​ടു​കൂ​ടെ യഹോവ ഉണ്ടല്ലോ!’ അത്തരം വാക്കു​ക​ളാൽ പ്രോ​ത്സാ​ഹി​ത​രാ​കു​ന്ന​തി​നു പകരം പേടി​ച്ചരണ്ട, മത്സരി​ക​ളായ ആ ജനം യോശു​വ​യെ​യും കാലേ​ബി​നെ​യും കല്ലെറി​യാൻ ശ്രമിച്ചു.—സംഖ്യാ​പു​സ്‌തകം 14:5-10.

6, 7. (എ) വാഗ്‌ദ​ത്ത​ദേ​ശ​ത്തേക്കു മുന്നേ​റാൻ ഇസ്രാ​യേൽ ജനത വിസ്സമ്മ​തി​ച്ച​പ്പോൾ യഹോവ എന്തു ചെയ്യാൻ തീരു​മാ​നി​ച്ചു? (ബി) ഇസ്രാ​യേ​ലി​നെ സംബന്ധിച്ച യഹോ​വ​യു​ടെ തീരു​മാ​ന​ത്തി​നു മോശ തടസ്സം പറഞ്ഞത്‌ എന്തു​കൊണ്ട്‌, അതിന്റെ ഫലമെ​ന്താ​യി​രു​ന്നു?

⁶ യഹോവ കോപാ​കു​ല​നാ​യി! അവസാനം “യഹോവ മോ​ശെ​യോ​ടു: ഈ ജനം എത്ര​ത്തോ​ളം എന്നെ നിരസി​ക്കും? ഞാൻ അവരുടെ മദ്ധ്യേ ചെയ്‌തി​ട്ടുള്ള അടയാ​ള​ങ്ങ​ളൊ​ക്കെ​യും കണ്ടിട്ടും അവർ എത്ര​ത്തോ​ളം എന്നെ വിശ്വ​സി​ക്കാ​തി​രി​ക്കും? ഞാൻ അവരെ മഹാമാ​രി​യാൽ ദണ്ഡിപ്പി​ച്ചു സംഹരി​ച്ചു​ക​ള​ക​യും നിന്നെ അവരെ​ക്കാൾ വലിപ്പ​വും ബലവു​മുള്ള ജാതി​യാ​ക്കു​ക​യും ചെയ്യും എന്നു അരുളി​ച്ചെ​യ്‌തു. മോശെ യഹോ​വ​യോ​ടു പറഞ്ഞതു: എന്നാൽ മിസ്ര​യീ​മ്യർ അതു കേൾക്കും; നീ ഈ ജനത്തെ അവരുടെ ഇടയിൽനി​ന്നു നിന്റെ ശക്തിയാൽ കൊണ്ടു​പോ​ന്നു​വ​ല്ലോ. അവർ അതു ഈ ദേശനി​വാ​സി​ക​ളോ​ടും പറയും. . . . നീ ഇപ്പോൾ ഈ ജനത്തെ ഒക്കെയും ഒരു ഒററ മനുഷ്യ​നെ​പ്പോ​ലെ കൊന്നു​ക​ള​ഞ്ഞാൽ നിന്റെ കീർത്തി കേട്ടി​രി​ക്കുന്ന ജാതികൾ: ഈ ജനത്തോ​ടു സത്യം ചെയ്‌ത ദേശ​ത്തേക്കു അവരെ കൊണ്ടു​പോ​കു​വാൻ യഹോ​വെക്കു കഴിയാ​യ്‌ക​കൊ​ണ്ടു അവൻ അവരെ മരുഭൂ​മി​യിൽവെച്ചു കൊന്നു​ക​ളഞ്ഞു എന്നു പറയും.”—സംഖ്യാ​പു​സ്‌തകം 14:11-16.

⁷ യഹോ​വ​യു​ടെ നാമ​ത്തെ​പ്രതി മോശ ക്ഷമയ്‌ക്കാ​യി യാചിച്ചു: “നിന്റെ മഹാദ​യെക്കു തക്കവണ്ണം മിസ്ര​യീം​മു​തൽ ഇവിടം​വരെ ഈ ജനത്തോ​ടു നീ ക്ഷമിച്ചു​വ​ന്ന​തു​പോ​ലെ ഈ ജനത്തിന്റെ അകൃത്യം ക്ഷമി​ക്കേ​ണമേ. അതിന്നു യഹോവ അരുളി​ച്ചെ​യ്‌തതു: നിന്റെ അപേക്ഷ​പ്ര​കാ​രം ഞാൻ ക്ഷമിച്ചി​രി​ക്കു​ന്നു.”—സംഖ്യാ​പു​സ്‌തകം 14:19, 20.

മനശ്ശെ​യു​ടെ വിഗ്ര​ഹാ​രാ​ധ​ന​യും ദാവീ​ദി​ന്റെ വ്യഭി​ചാ​ര​വും

8. യഹൂദാ​യു​ടെ രാജാ​വായ മനശ്ശെ ഏതുതരം കാര്യങ്ങൾ ചെയ്‌തു?

⁸ യഹോ​വ​യു​ടെ ക്ഷമയുടെ ഒരു മുന്തിയ ദൃഷ്ടാ​ന്ത​മാ​ണു നല്ല രാജാ​വായ ഹിസ്‌കി​യാ​വി​ന്റെ പുത്ര​നായ മനശ്ശെ​യു​ടെ കാര്യ​ത്തിൽ കാണു​ന്നത്‌. 12 വയസ്സു​ള്ള​പ്പോ​ഴാ​യി​രു​ന്നു മനശ്ശെ യെരു​ശ​ലേ​മിൽ ഭരണം ഏറെറ​ടു​ക്കു​ന്നത്‌. അവൻ പൂജാ​ഗി​രി​കൾ പണിക​ഴി​പ്പി​ച്ചു, ബാലിനു ബലിപീ​ഠങ്ങൾ തീർത്തു, അശേരാ​പ്ര​തി​ഷ്‌ഠകൾ സ്ഥാപിച്ചു, ആകാശ​ന​ക്ഷ​ത്ര​ങ്ങളെ വണങ്ങി, ആഭിചാ​ര​ങ്ങ​ളും ക്ഷുദ്ര​ങ്ങ​ളും പ്രയോ​ഗി​ച്ചു, ആത്മമധ്യ​വർത്തി​ക​ളെ​യും ഭാഗ്യം​പ​റ​ച്ചിൽകാ​രെ​യും നിയോ​ഗി​ച്ചു, യഹോ​വ​യു​ടെ ആലയത്തിൽ കൊത്തു​രൂ​പങ്ങൾ സ്ഥാപിച്ചു, തന്റെ പുത്രൻമാ​രെ ബെൻ-ഹിന്നോം താഴ്‌വ​ര​യിൽ അഗ്നി​പ്ര​വേശം ചെയ്യിച്ചു. “യഹോ​വെക്കു അനിഷ്ട​മാ​യു​ള്ളതു പലതും [“വിപു​ല​മായ തോതിൽ,” NW] ചെയ്‌തു അവനെ കോപി​പ്പി​ച്ചു.” അങ്ങനെ “മനശ്ശെ യഹോവ യിസ്രാ​യേൽപു​ത്രൻമാ​രു​ടെ മുമ്പിൽനി​ന്നു നശിപ്പിച്ച ജാതികൾ ചെയ്‌ത​തി​ലും അധികം വഷളത്വം പ്രവർത്തി​പ്പാൻ തക്കവണ്ണം യെഹൂ​ദ​യെ​യും യെരു​ശ​ലേം​നി​വാ​സി​ക​ളെ​യും തെററു​മാ​റാ​ക്കി [“വശീക​രി​ച്ചു​കൊ​ണ്ടേ​യി​രു​ന്നു,” NW].”—2 ദിനവൃ​ത്താ​ന്തം 33:1-9.

9. മനശ്ശെ​യു​ടെ നേർക്കു യഹോ​വ​യു​ടെ മുഖം അയവു​ള്ള​താ​യി​ത്തീർന്ന​തെ​ങ്ങനെ, എന്തു ഫലമു​ണ്ടാ​യി?

⁹ അവസാനം, യഹോവ യഹൂദാ​യു​ടെ നേരേ അസീറി​യ​ക്കാ​രെ വരുത്തി. അവർ മനശ്ശെയെ ബാബി​ലോ​നി​ലേക്കു പിടി​ച്ചു​കൊ​ണ്ടു​പോ​യി. “കഷ്ടത്തിൽ ആയപ്പോൾ അവൻ തന്റെ ദൈവ​മായ യഹോ​വ​യോ​ടു അപേക്ഷി​ച്ചു. തന്റെ പിതാ​ക്കൻമാ​രു​ടെ ദൈവ​ത്തി​ന്റെ മുമ്പിൽ തന്നെത്താൻ ഏററവും താഴ്‌ത്തി അവനോ​ടു പ്രാർഥി​ച്ചു. അവൻ അവന്റെ പ്രാർത്ഥന കൈ​ക്കൊ​ണ്ടു അവന്റെ യാചന കേട്ടു അവനെ വീണ്ടും യെരു​ശ​ലേ​മിൽ അവന്റെ രാജത്വ​ത്തി​ന്നു തിരിച്ചു വരുത്തി.” (2 ദിനവൃ​ത്താ​ന്തം 33:11-13) അതോടെ മനശ്ശെ അന്യ​ദൈ​വ​ങ്ങ​ളെ​യും വിഗ്ര​ഹ​ങ്ങ​ളെ​യും ബലിപീ​ഠ​ങ്ങ​ളെ​യും നീക്കി നഗരത്തി​നു വെളി​യി​ലെ​റി​ഞ്ഞു​ക​ളഞ്ഞു. അവൻ യഹോ​വ​യു​ടെ ബലിപീ​ഠ​ത്തിൻമേൽ ബലിക​ളർപ്പി​ക്കാ​നും സത്യ​ദൈ​വത്തെ ആരാധി​ക്കാൻ യഹൂദാ​യിൽ നേതൃ​ത്വ​മെ​ടു​ക്കാ​നും തുടങ്ങി. താഴ്‌മ​യും പ്രാർഥ​ന​യും അനുതാ​പ​ത്തിന്‌ അനു​യോ​ജ്യ​മായ ഫലം പുറ​പ്പെ​ടു​വി​ക്കുന്ന തിരു​ത്തൽന​ട​പ​ടി​യും ഉള്ളപ്പോൾ യഹോവ ക്ഷമിക്കാൻ മനസ്സൊ​രു​ക്ക​മു​ള്ള​വ​നാണ്‌ എന്നു കാണി​ക്കു​ന്ന​തി​ന്റെ ഒരു വിസ്‌മ​യാ​വ​ഹ​മായ പ്രകട​ന​മാ​യി​രു​ന്നു ഇത്‌!—2 ദിനവൃ​ത്താ​ന്തം 33:15, 16.

10. ഊരീ​യാ​വി​ന്റെ ഭാര്യ​യു​മാ​യുള്ള തന്റെ പാപം മൂടി​വെ​ക്കാൻ ദാവീദ്‌ ശ്രമി​ച്ച​തെ​ങ്ങനെ?

¹⁰ ഹിത്യ​നായ ഊരീ​യാ​വി​ന്റെ ഭാര്യ​യു​മാ​യുള്ള ദാവീദ്‌ രാജാ​വി​ന്റെ വ്യഭി​ചാ​ര​പാ​പം നന്നായി അറിയ​പ്പെ​ടു​ന്ന​താണ്‌. അവൻ അവളു​മാ​യി വ്യഭി​ചാ​രം ചെയ്യുക മാത്രമല്ല, അവൾ ഗർഭി​ണി​യാ​യെന്ന്‌ അറിഞ്ഞ​പ്പോൾ തന്റെ സുരക്ഷ​യ്‌ക്കു​വേണ്ടി സംഗതി ആരും അറിയാ​തി​രി​ക്കാൻ വിപു​ല​മായ പദ്ധതികൾ ആവിഷ്‌ക​രി​ക്കു​ക​യും ചെയ്‌തു. രാജാവ്‌ ഊരീ​യാ​വി​നു യുദ്ധത്തിൽനിന്ന്‌ ഒഴിവു​ണ്ടാ​ക്കി​ക്കൊ​ടു​ത്തു. അവൻ വീട്ടിൽച്ചെന്ന്‌ ഭാര്യ​യു​മാ​യി വേഴ്‌ച​യിൽ ഏർപ്പെ​ട്ടു​കൊ​ള്ളു​മെ​ന്നാ​യി​രു​ന്നു ദാവീ​ദി​ന്റെ പ്രതീക്ഷ. എന്നാൽ യുദ്ധമു​ന്ന​ണി​യി​ലെ തന്റെ സഹ​സൈ​നി​ക​രോ​ടുള്ള ആദരവു നിമിത്തം ഊരീ​യാവ്‌ അതു നിരസി​ച്ചു. പിന്നെ ദാവീദ്‌ അവനെ ഒരു ഭക്ഷണത്തി​നു ക്ഷണിച്ചു. അവനു മദ്യം കൊടു​ത്തു മത്തനാക്കി. എന്നിട്ടും ഊരീ​യാവ്‌ ഭാര്യ​യു​ടെ അടുക്കൽ പോയില്ല. പിന്നെ ദാവീദ്‌ ഊരീ​യാ​വി​നെ ഘോര​പോ​രാ​ട്ടം നടക്കുന്ന യുദ്ധത്തി​ന്റെ മുൻനി​ര​യി​ലേക്കു മാററാൻ തന്റെ സൈന്യാ​ധി​പനു സന്ദേശ​മ​യച്ചു. ഊരീ​യാ​വി​നെ കൊല്ലി​ക്കാ​നുള്ള ഏർപ്പാ​ടാ​യി​രു​ന്നു അത്‌. അങ്ങനെ​തന്നെ സംഭവി​ക്കു​ക​യും ചെയ്‌തു.—2 ശമൂവേൽ 11:2-25.

11. എങ്ങനെ​യാ​ണു ദാവീ​ദി​നെ പാപ​ത്തെ​ക്കു​റിച്ച്‌ അനുതാ​പ​മു​ള്ള​വ​നാ​ക്കി​യത്‌, എന്നിട്ടും അവൻ എന്ത്‌ അനുഭ​വി​ച്ചു?

¹¹ രാജാ​വി​ന്റെ പാപം വെളി​ച്ച​ത്തു​കൊ​ണ്ടു​വ​രു​വാ​നാ​യി യഹോവ തന്റെ പ്രവാചകനായ നാഥാനെ ദാവീ​ദി​ന്റെ അടുക്കൽ അയച്ചു. “ദാവീദ്‌ നാഥാ​നോ​ടു: ഞാൻ യഹോ​വ​യോ​ടു പാപം ചെയ്‌തി​രി​ക്കു​ന്നു എന്നു പറഞ്ഞു. അതിന്നു നാഥാൻ ദാവീ​ദി​നോ​ടു: യഹോവ നിന്റെ പാപം മോചി​ച്ചി​രി​ക്കു​ന്നു; നീ മരിക്ക​യില്ല.” (2 ശമൂവേൽ 12:13) തന്റെ പാപ​ത്തെ​ക്കു​റിച്ച്‌ അങ്ങേയ​ററം കുററ​ബോ​ധ​ത്തി​ലാ​ണ്ടു​പോയ ദാവീദ്‌ യഹോ​വ​യോ​ടു ഹൃദയം​നൊ​ന്തു പ്രാർഥി​ച്ചു. അതിൽ അവൻ തന്റെ അനുതാ​പം ഇങ്ങനെ പ്രകടി​പ്പി​ച്ചു: “ഹനനയാ​ഗം നീ ഇച്‌ഛി​ക്കു​ന്നില്ല; അല്ലെങ്കിൽ ഞാൻ അർപ്പി​ക്കു​മാ​യി​രു​ന്നു; ഹോമ​യാ​ഗ​ത്തിൽ നിനക്കു പ്രസാ​ദ​വു​മില്ല. ദൈവ​ത്തി​ന്റെ ഹനനയാ​ഗങ്ങൾ തകർന്നി​രി​ക്കുന്ന മനസ്സു; തകർന്നും നുറു​ങ്ങി​യു​മി​രി​ക്കുന്ന ഹൃദയത്തെ, ദൈവമേ, നീ നിരസി​ക്ക​യില്ല.” (സങ്കീർത്തനം 51:16, 17) തകർന്ന ഹൃദയ​വു​മാ​യി ദാവീദ്‌ നടത്തിയ പ്രാർഥ​നയെ യഹോവ തള്ളിക്ക​ള​ഞ്ഞില്ല. എങ്കിലും, ദാവീദ്‌ കഠിന ശിക്ഷ അനുഭ​വി​ക്കു​ക​തന്നെ ചെയ്‌തു. പുറപ്പാ​ടു 34:6, 7 [NW]-ലെ ക്ഷമയെ​ക്കു​റി​ച്ചുള്ള യഹോ​വ​യു​ടെ പ്രസ്‌താ​വ​ന​യോ​ടുള്ള ചേർച്ച​യി​ലാ​യി​രു​ന്നു അത്‌: “യാതൊ​രു കാരണ​വ​ശാ​ലും അവൻ ശിക്ഷ ഒഴിവാ​ക്കു​ക​യില്ല.”

ശലോ​മോ​ന്റെ ആലയസ​മർപ്പ​ണം

12. ആലയ സമർപ്പ​ണ​നേ​രത്തു ശലോ​മോൻ എന്തു യാചിച്ചു, യഹോ​വ​യു​ടെ പ്രതി​ക​ര​ണ​മെ​ന്താ​യി​രു​ന്നു?

¹² യഹോ​വ​യു​ടെ ആലയത്തി​ന്റെ പണി പൂർത്തി​യാ​ക്കിയ ശലോ​മോൻ അതിന്റെ സമർപ്പ​ണ​വേ​ള​യിൽ ഇങ്ങനെ പ്രാർഥി​ക്കു​ക​യു​ണ്ടാ​യി: “ഈ സ്ഥലത്തു​വെച്ചു പ്രാർത്ഥി​പ്പാ​നി​രി​ക്കുന്ന അടിയ​ന്റെ​യും നിന്റെ ജനമായ യിസ്രാ​യേ​ലി​ന്റെ​യും യാചന​കളെ കേൾക്കേ​ണമേ; നിന്റെ വാസസ്ഥ​ല​മായ സ്വർഗ്ഗ​ത്തിൽനി​ന്നു കേൾക്കേ​ണമേ; കേട്ടു​ക്ഷ​മി​ക്കേ​ണമേ.” യഹോ​വ​യു​ടെ പ്രതി​ക​രണം ഇതായി​രു​ന്നു: “മഴ പെയ്യാ​തി​രി​ക്കേ​ണ്ട​തി​ന്നു ഞാൻ ആകാശം അടെക്ക​യോ ദേശത്തെ തിന്നു മുടി​ക്കേ​ണ്ട​തി​ന്നു വെട്ടു​ക്കി​ളി​യോ​ടു കല്‌പി​ക്ക​യോ എന്റെ ജനത്തിന്റെ ഇടയിൽ മഹാമാ​രി വരുത്തു​ക​യോ ചെയ്‌താൽ, എന്റെ നാമം വിളിക്കപ്പെട്ടിരിക്കുന്ന എന്റെ ജനം തങ്ങളെ​ത്തന്നേ താഴ്‌ത്തി പ്രാർത്ഥി​ച്ചു എന്റെ മുഖം അന്വേ​ഷി​ച്ചു തങ്ങളുടെ ദുർമ്മാർഗ്ഗ​ങ്ങളെ വിട്ടു​തി​രി​യു​മെ​ങ്കിൽ, ഞാൻ സ്വർഗ്ഗ​ത്തിൽനി​ന്നു കേട്ടു അവരുടെ പാപം ക്ഷമിച്ചു അവരുടെ ദേശത്തി​ന്നു സൌഖ്യം വരുത്തി​ക്കൊ​ടു​ക്കും.”—2 ദിനവൃ​ത്താ​ന്തം 6:21; 7:13, 14.

13. ഒരു വ്യക്തിയെ യഹോവ വീക്ഷി​ക്കു​ന്നതു സംബന്ധി​ച്ചു യെഹെ​സ്‌കേൽ 33:13-16 എന്തു പ്രകട​മാ​ക്കു​ന്നു?

¹³ യഹോവ നിങ്ങളെ നോക്കു​മ്പോൾ, നിങ്ങൾ എന്തായി​രു​ന്നു എന്നല്ല, നിങ്ങൾ ഇപ്പോൾ എന്തായി​രി​ക്കു​ന്നു എന്നു നോക്കി​യാണ്‌ അവൻ നിങ്ങളെ അംഗീ​ക​രി​ക്കു​ന്നത്‌. അതു യെഹെ​സ്‌കേൽ 33:13-16-ൽ പറഞ്ഞി​രി​ക്കു​ന്ന​തു​പോ​ലെ​യാ​യിരി​ക്കും: “നീതി​മാൻ ജീവി​ക്കു​മെന്നു ഞാൻ അവനോ​ടു പറയു​മ്പോൾ, അവൻ തന്റെ നീതി​യിൽ ആശ്രയി​ച്ചു അകൃത്യം പ്രവർത്തി​ക്കു​ന്നു എങ്കിൽ, അവന്റെ നീതി​പ്ര​വൃ​ത്തി​കൾ ഒന്നും അവന്നു കണക്കി​ടു​ക​യില്ല; അവൻ ചെയ്‌ത നീതി​കേ​ടു​നി​മി​ത്തം അവൻ മരിക്കും. എന്നാൽ ഞാൻ ദുഷ്ട​നോ​ടു: നീ മരിക്കും എന്നു പറയു​മ്പോൾ അവൻ തന്റെ പാപം വിട്ടു​തി​രി​ഞ്ഞു നീതി​യും ന്യായ​വും പ്രവർത്തി​ക്ക​യും പണയം തിരികെ കൊടു​ക്ക​യും അപഹരി​ച്ചതു മടക്കി​ക്കൊ​ടു​ക്ക​യും നീതി​കേടു ഒന്നും ചെയ്യാതെ ജീവന്റെ ചട്ടങ്ങളെ അനുസ​രി​ക്ക​യും ചെയ്‌താൽ അവൻ മരിക്കാ​തെ ജീവി​ക്കും. അവൻ ചെയ്‌ത പാപം ഒന്നും അവന്നു കണക്കി​ടു​ക​യില്ല; അവൻ നീതി​യും ന്യായ​വും പ്രവർത്തി​ച്ചി​രി​ക്കു​ന്നു. അവൻ ജീവി​ക്കും.”

14. യഹോ​വ​യു​ടെ ക്ഷമയുടെ സവി​ശേഷത എന്ത്‌?

¹⁴ തികച്ചും വ്യത്യ​സ്‌ത​മായ സവി​ശേ​ഷ​ത​യു​ള്ള​താ​ണു യഹോ​വ​യാം ദൈവം നമ്മോടു കാട്ടുന്ന ക്ഷമ. മനുഷ്യ​സൃ​ഷ്ടി​കൾ പരസ്‌പരം കാണി​ക്കുന്ന ക്ഷമയിൽ പ്രസ്‌തുത സവി​ശേഷത ഉൾപ്പെ​ടുക പ്രയാ​സ​മാണ്‌—അവൻ ക്ഷമിക്കുക മാത്രമല്ല, മറക്കു​ക​യും ചെയ്യുന്നു. ചിലർ പറയാ​റുണ്ട്‌, ‘നിങ്ങൾ എന്നോടു ചെയ്‌തതു ഞാൻ ക്ഷമിക്കാം, പക്ഷേ എനിക്ക്‌ അതു മറക്കാ​നാ​വില്ല (അല്ലെങ്കിൽ മറന്നു​ക​ള​യുന്ന പ്രശ്‌ന​മില്ല).’ ഇതിൽനി​ന്നു വ്യത്യ​സ്‌ത​മാ​യി, താൻ ചെയ്യു​മെന്നു യഹോവ പറയു​ന്നത്‌ എന്താ​ണെന്നു ശ്രദ്ധി​ക്കുക: “ഞാൻ അവരുടെ അകൃത്യം മോചി​ക്കും; അവരുടെ പാപം ഇനി ഓർക്ക​യും ഇല്ല.”—യിരെ​മ്യാ​വു 31:34.

15. ക്ഷമിക്കു​ന്ന​തി​ന്റെ എന്തു ചരി​ത്ര​മാണ്‌ യഹോ​വ​ക്കു​ള്ളത്‌?

¹⁵ ഭൂമി​യി​ലെ തന്റെ ആരാധ​ക​രോട്‌ ആയിര​ക്ക​ണ​ക്കി​നു വർഷങ്ങ​ളാ​യി യഹോവ ക്ഷമിച്ചു​കൊ​ണ്ടി​രി​ക്കു​ന്നു. അവർ അറിഞ്ഞും അറിയാ​തെ​യും ചെയ്യുന്ന പാപങ്ങൾ അവൻ ക്ഷമിച്ചു​കൊ​ണ്ടി​രി​ക്കു​ന്നു. അവൻ കാണി​ക്കുന്ന കരുണ, ദീർഘക്ഷമ, ക്ഷമ എന്നിവ​യ്‌ക്കൊ​ന്നും യാതൊ​രു അന്തവു​മില്ല. യെശയ്യാ​വു 55:7 പറയുന്നു: “ദുഷ്ടൻ തന്റെ വഴി​യെ​യും നീതി​കെ​ട്ടവൻ തന്റെ വിചാ​ര​ങ്ങ​ളെ​യും ഉപേക്ഷി​ച്ചു യഹോ​വ​യി​ങ്ക​ലേക്കു തിരി​യട്ടെ; അവൻ അവനോ​ടു കരുണ​കാ​ണി​ക്കും; നമ്മുടെ ദൈവ​ത്തി​ങ്ക​ലേക്കു തിരി​യട്ടെ; അവൻ ധാരാളം ക്ഷമിക്കും.”

ക്ഷമ, ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ

16. യേശു ക്ഷമ കാണി​ച്ചതു യഹോ​വ​യു​ടെ കാഴ്‌ച​പ്പാ​ടു​മാ​യുള്ള യോജി​പ്പി​ലാ​ണെന്നു നമുക്കു പറയാൻ കഴിയു​ന്ന​തെ​ന്തു​കൊണ്ട്‌?

¹⁶ ദൈവം ക്ഷമ കാണി​ച്ച​തി​ന്റെ വിവര​ണങ്ങൾ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ ഉടനീളം കാണാ​വു​ന്ന​താണ്‌. യേശു അതി​നെ​ക്കു​റി​ച്ചു പലപ്പോ​ഴും സംസാ​രി​ക്കു​ന്നുണ്ട്‌. അങ്ങനെ ഈ വിഷയ​ത്തിൽ യഹോ​വ​യു​ടെ അതേ വീക്ഷണം​തന്നെ തനിക്കു​മു​ണ്ടെന്ന്‌ അവൻ പ്രകട​മാ​ക്കി. യേശു​വി​ന്റെ ചിന്ത യഹോ​വ​യിൽനി​ന്നു വരുന്നു. അവൻ യഹോ​വയെ പ്രതി​ഫ​ലി​പ്പി​ക്കു​ന്നു. അവൻ യഹോ​വ​യു​ടെ സത്തയെ കൃത്യ​മാ​യി പ്രതി​നി​ധാ​നം ചെയ്യുന്നു. അവനെ കാണു​ക​യെ​ന്നാൽ യഹോ​വയെ കാണു​ക​യെ​ന്നാ​ണർഥം.—യോഹ​ന്നാൻ 12:45-50; 14:9; എബ്രായർ 1:3.

17. യഹോവ ധാരാ​ള​മാ​യി ക്ഷമിക്കു​ന്ന​വ​നാ​ണെന്നു യേശു ദൃഷ്ടാ​ന്തീ​ക​രി​ച്ച​തെ​ങ്ങനെ?

¹⁷ യേശു​വി​ന്റെ ഉപമക​ളി​ലൊ​ന്നു യഹോവ ധാരാ​ള​മാ​യി ക്ഷമിക്കു​ന്ന​വ​നാ​ണെന്ന വസ്‌തുത സൂചി​പ്പി​ക്കു​ന്നു. അതിൽ ഒരു രാജാവ്‌ ഒരു ദാസന്റെ 10,000 താലന്ത്‌ (ഏതാണ്ട്‌ 33,000,000 അമേരി​ക്കൻ ഡോളർ) കടം ഇളെച്ചു​കൊ​ടു​ക്കു​ന്നു. എന്നാൽ തന്റെ ഒരു സഹദാ​സന്റെ നൂറു ദിനാ​റ​യു​ടെ (ഏതാണ്ട്‌ 60 അമേരി​ക്കൻ ഡോളർ) കടം അവൻ ഇളച്ചു​കൊ​ടു​ത്തില്ല. ഇതിൽ രാജാവ്‌ രോഷാ​കു​ല​നാ​യി. “ദുഷ്ടദാ​സനേ, നീ എന്നോടു അപേക്ഷി​ക്ക​യാൽ ഞാൻ ആ കടം ഒക്കെയും ഇളെച്ചു​ത​ന്നു​വ​ല്ലോ. എനിക്കു നിന്നോ​ടു കരുണ തോന്നി​യ​തു​പോ​ലെ നിനക്കും കൂട്ടു​ദാ​സ​നോ​ടു കരുണ തോ​ന്നേ​ണ്ട​ത​ല്ല​യോ എന്നു പറഞ്ഞു. അങ്ങനെ യജമാനൻ കോപി​ച്ചു, അവൻ കടമൊ​ക്കെ​യും തീർക്കു​വോ​ളം അവനെ ദണ്ഡിപ്പി​ക്കു​ന്ന​വ​രു​ടെ കയ്യിൽ ഏല്‌പി​ച്ചു.” എന്നിട്ട്‌, യേശു അതിന്റെ പ്രയുക്തത വ്യക്തമാ​ക്കി: “നിങ്ങൾ ഓരോ​രു​ത്തൻ സഹോ​ദ​ര​നോ​ടു ഹൃദയ​പൂർവം ക്ഷമിക്കാ​ഞ്ഞാൽ സ്വർഗ്ഗ​സ്ഥ​നായ എന്റെ പിതാവു അങ്ങനെ​തന്നേ നിങ്ങ​ളോ​ടും ചെയ്യും.”—മത്തായി 18:23-35.

18. ക്ഷമയെ​ക്കു​റി​ച്ചുള്ള പത്രോ​സി​ന്റെ വീക്ഷണ​വും യേശു​വി​ന്റെ വീക്ഷണ​വും താരത​മ്യം ചെയ്‌തി​രി​ക്കു​ന്ന​തെ​ങ്ങനെ?

¹⁸ യേശു മേൽപ്പറഞ്ഞ ഉപമ പറയു​ന്ന​തി​നു തൊട്ടു​മുമ്പ്‌, പത്രോസ്‌ യേശു​വി​ന്റെ അടുത്തു​വന്നു ചോദി​ച്ചു: “കർത്താവേ, സഹോ​ദരൻ എത്രവട്ടം എന്നോടു പിഴെ​ച്ചാൽ ഞാൻ ക്ഷമി​ക്കേണം? ഏഴുവട്ടം മതിയോ എന്നു ചോദി​ച്ചു.” മഹാ ഔദാ​ര്യ​മ​തി​യാ​ണു താനെന്നു പത്രോസ്‌ വിചാ​രി​ച്ചു. ശാസ്‌ത്രി​മാ​രും പരീശൻമാ​രും ക്ഷമിക്കു​ന്ന​തിന്‌ ഒരു പരിധി നിശ്ചയി​ച്ചി​രു​ന്നെ​ങ്കി​ലും യേശു പത്രോ​സി​നോ​ടു പറഞ്ഞു: “ഏഴുവ​ട്ടമല്ല, ഏഴു എഴുപതു വട്ടം എന്നു ഞാൻ നിന്നോ​ടു പറയുന്നു.” (മത്തായി 18:21, 22) ഏഴു പ്രാവ​ശ്യം ക്ഷമിക്കു​ന്നത്‌ ഒരു ദിവസ​ത്തേ​ക്കു​പോ​ലും മതിയാ​വില്ല. യേശു പറഞ്ഞു: “സൂക്ഷി​ച്ചു​കൊൾവിൻ; സഹോ​ദരൻ പിഴെ​ച്ചാൽ അവനെ ശാസിക്ക; അവൻ മാനസാ​ന്ത​ര​പ്പെ​ട്ടാൽ അവനോ​ടു ക്ഷമിക്ക. ദിവസ​ത്തിൽ ഏഴുവട്ടം നിന്നോ​ടു പിഴെ​ക്ക​യും ഏഴുവ​ട്ട​വും നിന്റെ അടുക്കൽ വന്നു: ഞാൻ മാനസാ​ന്ത​ര​പ്പെ​ടു​ന്നു എന്നു പറകയും ചെയ്‌താൽ അവനോ​ടു ക്ഷമിക്ക.” (ലൂക്കൊസ്‌ 17:3, 4) യഹോവ ക്ഷമിക്കു​മ്പോൾ അവൻ നമ്മെ സംബന്ധിച്ച്‌ ഒരു കണക്കു സൂക്ഷി​ക്കു​ന്നി​ല്ലെ​ന്നത്‌ എത്ര സന്തുഷ്ട​ക​ര​മാണ്‌.

19. യഹോ​വ​യു​ടെ ക്ഷമ ലഭിക്കാൻ നാം എന്തു ചെയ്യണം?

¹⁹ അനുതാ​പം പ്രകടി​പ്പി​ക്കാ​നും നമ്മുടെ പാപങ്ങൾ ഏററു​പ​റ​യാ​നു​മുള്ള താഴ്‌മ നമുക്കു​ണ്ടെ​ങ്കിൽ, യഹോവ നമ്മോട്‌ അനുകൂ​ല​മാ​യി പ്രതി​ക​രി​ക്കാൻ മനസ്സു കാട്ടുന്നു: “നമ്മുടെ പാപങ്ങളെ ഏററു​പ​റ​യു​ന്നു എങ്കിൽ അവൻ നമ്മോടു പാപങ്ങളെ ക്ഷമിച്ചു സകല അനീതി​യും പോക്കി നമ്മെ ശുദ്ധീ​ക​രി​പ്പാൻ തക്കവണ്ണം വിശ്വ​സ്‌ത​നും നീതി​മാ​നും ആകുന്നു.”—1 യോഹ​ന്നാൻ 1:9.

20. പാപം ക്ഷമിക്കാൻ സ്‌തേ​ഫാ​നോസ്‌ എങ്ങനെ​യുള്ള മനസ്സൊ​രു​ക്കം പ്രകട​മാ​ക്കി?

²⁰ കോപാ​കു​ല​രായ ജനക്കൂട്ടം യേശു​വി​ന്റെ അനുഗാ​മി​യായ സ്‌തേ​ഫാ​നോ​സി​നെ കല്ലെറിഞ്ഞ സമയത്ത്‌ അവൻ ക്ഷമയുടെ ആത്മാവ്‌ ഒരു ശ്രദ്ധേ​യ​മായ വിധത്തിൽ പ്രകടി​പ്പി​ക്കു​ക​യു​ണ്ടാ​യി. ഇങ്ങനെ ഉറക്കെ യാചിച്ചു: “കർത്താ​വായ യേശുവേ, എന്റെ ആത്മാവി​നെ കൈ​ക്കൊ​ള്ളേ​ണമേ. . . അവനോ മുട്ടു​കു​ത്തി: “കർത്താവേ, [“യഹോവേ,” NW] അവർക്കു ഈ പാപം നിറു​ത്ത​രു​തേ എന്നു ഉച്ചത്തിൽ നിലവി​ളി​ച്ചു. ഇതു പറഞ്ഞിട്ടു അവൻ നിദ്ര പ്രാപി​ച്ചു.”—പ്രവൃ​ത്തി​കൾ 7:59, 60.

21. റോമൻ പടയാ​ളി​ക​ളോ​ടു ക്ഷമിക്കാ​നുള്ള യേശു​വി​ന്റെ മനസ്സൊ​രു​ക്കം അങ്ങേയ​ററം മികച്ച​താ​യി​രു​ന്ന​തെ​ന്തു​കൊണ്ട്‌?

²¹ ക്ഷമിക്കുന്ന കാര്യ​ത്തിൽ അതിലും മികച്ച ദൃഷ്ടാന്തം യേശു വെക്കു​ക​യു​ണ്ടാ​യി. ശത്രുക്കൾ അവനെ അറസ്‌ററു ചെയ്‌തു, അന്യാ​യ​മായ വിധത്തി​ലുള്ള വിചാരണ നടത്തി, കുററ​പ്പെ​ടു​ത്തി, പരിഹ​സി​ച്ചു, അവന്റെ​മേൽ തുപ്പി, എല്ലും ലോഹ​ക്ക​ഷ​ണ​ങ്ങ​ളും പിടി​പ്പി​ച്ചി​രി​ക്കാ​നി​ട​യുള്ള ചാട്ടവാ​റു​കൊണ്ട്‌ അടിച്ചു, അവസാനം മണിക്കൂ​റു​ക​ളോ​ളം സ്‌തം​ഭ​ത്തിൻമേൽ തറച്ചിട്ടു. ഇതി​ലെ​ല്ലാം നിസ്സാര പങ്കായി​രു​ന്നില്ല റോമാ​ക്കാർക്ക്‌ ഉണ്ടായി​രു​ന്നത്‌. എന്നിട്ടും ദണ്ഡനസ്‌തം​ഭ​ത്തിൽ കിടന്നു മരിക്കാൻ നേരത്ത്‌, തന്നെ തറച്ച പടയാ​ളി​ക​ളെ​ക്കു​റിച്ച്‌ അവൻ തന്റെ സ്വർഗീയ പിതാ​വി​നോ​ടു പറഞ്ഞു: “പിതാവേ, ഇവർ ചെയ്യു​ന്നതു ഇന്നതു എന്നു അറിയാ​യ്‌ക​കൊ​ണ്ടു ഇവരോ​ടു ക്ഷമി​ക്കേ​ണമേ.”—ലൂക്കൊസ്‌ 23:34.

22. നാം ഗിരി​പ്ര​ഭാ​ഷ​ണ​ത്തിൽനി​ന്നുള്ള ഏതു വാക്കുകൾ ബാധക​മാ​ക്കാൻ ശ്രമി​ക്കണം?

²² തന്റെ ഗിരി​പ്ര​ഭാ​ഷ​ണ​ത്തിൽ യേശു ഇങ്ങനെ പറഞ്ഞി​രു​ന്നു: “നിങ്ങളു​ടെ ശത്രു​ക്കളെ സ്‌നേ​ഹി​പ്പിൻ; നിങ്ങളെ ഉപദ്ര​വി​ക്കു​ന്ന​വർക്കു വേണ്ടി പ്രാർത്ഥി​പ്പിൻ.” തന്റെ ഭൗമിക ശുശ്രൂ​ഷ​യു​ടെ അവസാ​നം​വരെ അവൻ ആ തത്ത്വം ബാധക​മാ​ക്കി. ഇതു വീഴ്‌ച​ഭ​വിച്ച ജഡത്തിന്റെ ബലഹീ​ന​ത​ക​ളോ​ടു പൊരു​തുന്ന നമുക്കു വഹിക്കാ​നാ​വാത്ത ഭാരമാ​ണോ? തന്റെ അനുഗാ​മി​കൾക്കു മാതൃകാ പ്രാർഥന പറഞ്ഞു​കൊ​ടു​ത്ത​ശേഷം യേശു ഉപദേ​ശിച്ച വാക്കു​ക​ളെ​ങ്കി​ലും ബാധക​മാ​ക്കാൻ നാം പരി​ശ്ര​മി​ക്കണം: “നിങ്ങൾ മനുഷ്യ​രോ​ടു അവരുടെ പിഴകളെ ക്ഷമിച്ചാൽ, സ്വർഗ്ഗ​സ്ഥ​നായ നിങ്ങളു​ടെ പിതാവു നിങ്ങ​ളോ​ടും ക്ഷമിക്കും. നിങ്ങൾ മനുഷ്യ​രോ​ടു പിഴകളെ ക്ഷമിക്കാ​ഞ്ഞാ​ലോ നിങ്ങളു​ടെ പിതാവു നിങ്ങളു​ടെ പിഴക​ളെ​യും ക്ഷമിക്ക​യില്ല.” (മത്തായി 5:44; 6:14, 15) യഹോവ ക്ഷമിക്കു​ന്ന​തു​പോ​ലെ നാം ക്ഷമിക്കു​ന്നെ​ങ്കിൽ, നാം ക്ഷമിക്കു​ക​യും മറക്കു​ക​യും ചെയ്യും.

നിങ്ങൾ ഓർമി​ക്കു​ന്നു​വോ?

◻ നമ്മുടെ പാപങ്ങളെ യഹോവ കൈകാ​ര്യം ചെയ്യു​ന്ന​തെ​ങ്ങനെ, എന്തു​കൊണ്ട്‌?

◻ മനശ്ശെയെ വീണ്ടും രാജാ​വാ​ക്കി​യത്‌ എന്തു​കൊണ്ട്‌?

◻ മനുഷ്യർക്ക്‌ അനുക​രി​ക്കാൻ വളരെ പ്രയാ​സ​മായ ഏതു സവി​ശേ​ഷ​ത​യാണ്‌ യഹോ​വ​യു​ടെ ക്ഷമയ്‌ക്കു​ള്ളത്‌?

◻ ക്ഷമിക്കാ​നുള്ള യേശു​വി​ന്റെ മനസ്സൊ​രു​ക്കം അങ്ങേയ​ററം മികച്ച​താ​യി​രി​ക്കു​ന്ന​തെ​ന്തു​കൊണ്ട്‌?

[24-ാം പേജിലെ ചിത്രം]

ദൈവത്തിന്റെ ക്ഷമയുടെ ആവശ്യം മനസ്സി​ലാ​ക്കാൻ നാഥാൻ ദാവീ​ദി​നെ സഹായി​ച്ചു