ആർദ്രാ​നു​ക​മ്പ​യു​ള്ളവർ ആയിരി​ക്കു​ക

“അനുക​മ്പ​യു​ടെ മൃദു​ല​വാ​ത്സ​ല്യ​ങ്ങ​ളും ദയയും . . . ധരിച്ചു​കൊൾക.”—കൊ​ലോ​സ്യർ 3:12, NW.

1. ഇന്ന്‌ ഗണ്യമായ അളവിൽ അനുകമ്പ ആവശ്യ​മാ​യി​രി​ക്കു​ന്ന​തി​നു കാരണ​മെന്ത്‌?

ചരി​ത്ര​ത്തിൽ മുമ്പൊ​രി​ക്ക​ലും ഇത്രയ​ധി​കം ആളുകൾക്ക്‌ അനുക​മ്പാ​പൂർവ​ക​മായ സഹായം ആവശ്യ​മാ​യി​രു​ന്നി​ട്ടില്ല. രോഗം, വിശപ്പ്‌, തൊഴി​ലി​ല്ലായ്‌മ, കുററ​കൃ​ത്യം, യുദ്ധങ്ങൾ, അരാജ​ക​ത്വം, പ്രകൃതി വിപത്തു​കൾ എന്നിവ നടമാ​ടുന്ന ഈ സമയത്ത്‌ ലക്ഷങ്ങൾക്കു സഹായം ആവശ്യ​മാണ്‌. എന്നാൽ അതിലും ഗുരു​ത​ര​മായ ഒരു പ്രശ്‌ന​മുണ്ട്‌. അത്‌ മനുഷ്യ​വർഗ​ത്തി​ന്റെ പരിതാ​പ​ക​ര​മായ ആത്മീയ അവസ്ഥയാണ്‌. സാത്താൻ, തനിക്ക്‌ അൽപ്പകാ​ല​മേ​യു​ള്ളൂ എന്നറി​ഞ്ഞു​കൊണ്ട്‌ “ഭൂതലത്തെ മുഴുവൻ തെററി​ച്ചു കളയു”കയാണ്‌. (വെളി​പ്പാ​ടു 12:9, 12) അതു​കൊണ്ട്‌, പ്രത്യേ​കി​ച്ചും സത്യ​ക്രി​സ്‌തീയ സഭയ്‌ക്കു വെളി​യി​ലു​ള്ള​വ​രു​ടെ ജീവൻ നഷ്ടപ്പെ​ടു​ന്ന​തി​നുള്ള അപകട​സാ​ധ്യ​ത​യുണ്ട്‌. കൂടാതെ, ന്യായ​വി​ധി​ദി​വ​സ​ത്തിൽ വധിക്ക​പ്പെ​ടു​ന്ന​വർക്ക്‌ പുനരു​ത്ഥാ​നം ലഭിക്കു​മെന്ന യാതൊ​രു പ്രത്യാ​ശ​യും ബൈബിൾ തരുന്നില്ല.—മത്തായി 25:31-33, 41, 46; 2 തെസ്സ​ലൊ​നീ​ക്യർ 1:6-9.

2. യഹോവ ദുഷ്ടൻമാ​രെ നശിപ്പി​ക്കു​ന്ന​തിൽനി​ന്നു പിൻവാ​ങ്ങി​നിൽക്കു​ന്നത്‌ എന്തു​കൊണ്ട്‌?

² എങ്കിലും, അന്ത്യകാ​ല​ത്തി​ന്റെ ഈ വൈകി​യ​വേ​ള​യി​ലും നന്ദിഹീ​ന​രു​ടെ​യും ദുഷ്ടരു​ടെ​യും​നേർക്കു യഹോ​വ​യാം ദൈവം തുടർന്നും ക്ഷമയും അനുക​മ്പ​യും പ്രകട​മാ​ക്കു​ന്നു. (മത്തായി 5:45; ലൂക്കൊസ്‌ 6:35, 36) അവിശ്വസ്‌ത ഇസ്രാ​യേ​ല്യ​രെ ശിക്ഷി​ക്കാൻ താമസിച്ച അതേ കാരണ​ത്താ​ലാണ്‌ അവൻ ഇതും ചെയ്യു​ന്നത്‌. “എന്നാണ, ദുഷ്ടന്റെ മരണത്തിൽ അല്ല, ദുഷ്ടൻ തന്റെ വഴി വിട്ടു​തി​രി​ഞ്ഞു ജീവി​ക്കു​ന്ന​തിൽ അത്രേ എനിക്കു ഇഷ്ടമു​ള്ള​തെന്നു യഹോ​വ​യായ കർത്താ​വി​ന്റെ അരുള​പ്പാ​ടു; നിങ്ങളു​ടെ ദുർമ്മാർഗ്ഗ​ങ്ങളെ വിട്ടു​തി​രി​വിൻ, തിരി​വിൻ; യിസ്രാ​യേൽഗൃ​ഹമേ, നിങ്ങൾ എന്തിനു മരിക്കു​ന്നു.”—യെഹെ​സ്‌കേൽ 33:11.

3. തന്റേത​ല്ലാത്ത ജനത്തോ​ടുള്ള യഹോ​വ​യു​ടെ അനുക​മ്പ​യു​ടെ എന്തു ദൃഷ്ടാന്തം നമുക്കുണ്ട്‌, നാം ഇതിൽനിന്ന്‌ എന്തു പഠിക്കു​ന്നു?

³ ദുഷ്ടരാ​യി​രുന്ന നിനെ​വേ​ക്കാ​രോ​ടും യഹോവ അനുകമ്പ കാട്ടി. ആസന്നമായ നാശ​ത്തെ​ക്കു​റിച്ച്‌ അവർക്കു മുന്നറി​യി​പ്പു നൽകു​ന്ന​തി​നു യഹോവ തന്റെ പ്രവാ​ച​ക​നായ യോനാ​യെ അയച്ചു. അവർ യോനാ​യു​ടെ പ്രസം​ഗ​ത്തോട്‌ അനുകൂ​ല​മാ​യി പ്രതി​ക​രി​ക്കു​ക​യും അനുത​പി​ക്കു​ക​യും ചെയ്‌തു. അപ്പോൾ ആ പട്ടണം നശിപ്പി​ക്കാ​തി​രി​ക്കാൻ ഈ സംഗതി അനുക​മ്പ​യുള്ള ദൈവ​മായ യഹോ​വയെ പ്രേരി​പ്പി​ച്ചു. (യോനാ 3:10; 4:11) പുനരു​ത്ഥാ​ന​ത്തി​നു സാധ്യ​ത​യു​ണ്ടാ​യി​രുന്ന നിനെ​വേ​ക്കാ​രെ​പ്രതി ദൈവ​ത്തി​നു ഖേദം തോന്നി​യെ​ങ്കിൽ നിത്യ​നാ​ശത്തെ അഭിമു​ഖീ​ക​രി​ക്കുന്ന ഇന്നത്തെ ജനങ്ങ​ളെ​പ്രതി അവന്‌ എത്രയ​ധി​കം അനുകമ്പ തോ​ന്നേ​ണ്ട​താണ്‌!—ലൂക്കൊസ്‌ 11:32.

അനുക​മ്പ​യു​ടെ അഭൂത​പൂർവ​മായ വേല

4. ഇന്ന്‌ ആളുക​ളോട്‌ യഹോവ അനുകമ്പ പ്രകടി​പ്പി​ക്കു​ന്നത്‌ എങ്ങനെ?

⁴ അനുക​മ്പ​യുള്ള തന്റെ വ്യക്തി​ത്വ​ത്തി​നു ചേർച്ച​യിൽ യഹോവ തന്റെ സാക്ഷി​കളെ ‘ദൈവ​രാ​ജ്യ​ത്തി​ന്റെ സുവി​ശേഷ’വുമായി അവരുടെ അയൽക്കാ​രെ തുടർന്നു സന്ദർശി​ക്കാൻ നിയോ​ഗി​ച്ചി​രി​ക്ക​യാണ്‌. (മത്തായി 24:14) ആളുകൾ വിലമ​തി​പ്പോ​ടെ ഈ ജീവര​ക്ഷാ​ക​ര​മായ വേല​യോ​ടു പ്രതി​ക​രി​ക്കു​മ്പോൾ രാജ്യ​സ​ന്ദേശം ഉൾക്കൊ​ള്ളു​ന്ന​തിന്‌ യഹോവ അവരുടെ ഹൃദയങ്ങൾ തുറക്കു​ന്നു. (മത്തായി 11:25; പ്രവൃ​ത്തി​കൾ 16:14) തങ്ങളുടെ ദൈവത്തെ അനുക​രി​ച്ചു​കൊണ്ട്‌ സത്യ​ക്രി​സ്‌ത്യാ​നി​കൾ താത്‌പ​ര്യ​ക്കാ​രായ ആളുകളെ വീണ്ടും സന്ദർശിച്ച്‌ സാധ്യ​മു​ള്ളി​ട​ത്തെ​ല്ലാം ഒരു ബൈബി​ള​ധ്യ​യ​ന​ത്തി​ലൂ​ടെ അവരെ സഹായി​ക്കാൻ തക്കവിധം ആർദ്രാ​നു​കമ്പ പ്രകടി​പ്പി​ക്കു​ന്നു. അങ്ങനെ, 1993-ൽ 45 ലക്ഷത്തി​ല​ധി​കം യഹോ​വ​യു​ടെ സാക്ഷികൾ 231 രാജ്യ​ങ്ങ​ളിൽ വീടു​തോ​റും പ്രസം​ഗി​ച്ചു​കൊ​ണ്ടും തങ്ങളുടെ അയൽക്കാർക്കു ബൈബി​ള​ധ്യ​യനം നടത്തി​ക്കൊ​ണ്ടും നൂറു​കോ​ടി​യി​ല​ധി​കം മണിക്കൂർ ചെലവ​ഴി​ച്ചു. തൻമൂലം താത്‌പ​ര്യ​ക്കാ​രായ ഈ പുതി​യ​വർക്കു തങ്ങളുടെ ജീവിതം യഹോ​വക്കു സമർപ്പി​ക്കു​ന്ന​തി​നും അവന്റെ സ്‌നാ​പ​ന​മേററ സാക്ഷി​ക​ളു​ടെ അണി​യോ​ടു ചേരു​ന്ന​തി​നു​മുള്ള അവസരം ലഭിക്കു​ന്നു. അങ്ങനെ, ഇപ്പോ​ഴും സാത്താന്റെ നശിച്ചു​കൊ​ണ്ടി​രി​ക്കുന്ന ലോക​ത്തി​ന്റെ കുടു​ക്കി​ല​ക​പ്പെ​ട്ടി​രി​ക്കുന്ന ഭാവി ശിഷ്യ​രെ​പ്രതി അവരും അനുക​മ്പ​യു​ടെ അഭൂത​പൂർവ​മായ ഈ വേലയിൽ പങ്കുപ​റ​റു​ന്നു—മത്തായി 28:19, 20; യോഹ​ന്നാൻ 14:12.

5. ദിവ്യാ​നു​കമ്പ അതിന്റെ പരിധി​യു​ടെ അങ്ങേയ​ററം എത്തു​മ്പോൾ ദൈവത്തെ തെററാ​യി പ്രതി​നി​ധാ​നം ചെയ്യുന്ന മതങ്ങൾക്ക്‌ എന്തു സംഭവി​ക്കും?

⁵ പെട്ടെ​ന്നു​തന്നെ യഹോവ “യുദ്ധവീ​രൻ” ആയി പ്രവർത്തി​ക്കും. (പുറപ്പാ​ടു 15:3) തന്റെ നാമ​ത്തോ​ടും ജനത്തോ​ടു​മുള്ള അനുകമ്പ നിമിത്തം അവൻ ദുഷ്ടത തുടച്ചു​മാ​റ​റു​ക​യും നീതി​യുള്ള ഒരു പുതിയ ലോകം സംസ്ഥാ​പി​ക്കു​ക​യും ചെയ്യും. (2 പത്രൊസ്‌ 3:13) ദൈവ​ത്തി​ന്റെ ക്രോ​ധ​ദി​വസം ആദ്യം അനുഭ​വി​ക്കു​ന്നത്‌ ക്രൈ​സ്‌ത​വ​ലോ​ക​ത്തി​ലെ സഭകളാ​യി​രി​ക്കും. യെരു​ശ​ലേ​മി​ലെ തന്റെ ആലയം​പോ​ലും ദൈവം ബാബി​ലോ​ന്യ രാജാവു കയ്യടക്കു​ന്ന​തിൽനി​ന്നും വിടു​വി​ക്കാ​തി​രു​ന്ന​തു​പോ​ലെ, തന്നെ തെററാ​യി പ്രതി​നി​ധാ​നം ചെയ്‌തി​രി​ക്കുന്ന മതസ്ഥാ​പ​ന​ങ്ങ​ളെ​യും അവൻ വെറു​തെ​വി​ടു​ക​യില്ല. ക്രൈ​സ്‌ത​വ​ലോ​ക​ത്തെ​യും മറെറ​ല്ലാ​വി​ധ​ത്തി​ലുള്ള വ്യാജ​മ​ത​ങ്ങ​ളെ​യും ശൂന്യ​മാ​ക്കാൻ അവൻ ഐക്യ​രാ​ഷ്‌ട്ര​ങ്ങ​ളി​ലെ അംഗങ്ങ​ളു​ടെ ഹൃദയ​ത്തിൽ തോന്നി​ക്കും. (വെളി​പ്പാ​ടു 17:16, 17) “ഞാനോ എന്റെ കണ്ണിന്നു ആദരവു തോന്നാ​തെ​യും ഞാൻ കരുണ [“അനുകമ്പ,” NW] കാണി​ക്കാ​തെ​യും അവരുടെ നടപ്പിന്നു തക്കവണ്ണം അവരുടെ തലമേൽ പകരം കൊടു​ക്കും” എന്നു യഹോവ പ്രഖ്യാ​പി​ക്കു​ന്നു.—യെഹെ​സ്‌കേൽ 9:5, 10.

6. ഏതു വിധങ്ങ​ളി​ലാണ്‌ യഹോ​വ​യു​ടെ സാക്ഷികൾ അനുകമ്പ പ്രകടി​പ്പി​ക്കാൻ പ്രേരി​ത​രാ​യി​രി​ക്കു​ന്നത്‌?

⁶ സമയം അവശേ​ഷി​ച്ചി​രി​ക്കുന്ന സ്ഥിതിക്ക്‌ യഹോ​വ​യു​ടെ സാക്ഷികൾ തങ്ങളുടെ അയൽക്കാ​രോ​ടു ദൈവ​ത്തി​ന്റെ രക്ഷാസ​ന്ദേശം പ്രസം​ഗി​ച്ചു​കൊണ്ട്‌ തുടർന്നും അനുകമ്പ പ്രകട​മാ​ക്കു​ന്നു. കഴിയു​ന്നി​ട​ത്തെ​ല്ലാം അവർ സ്വാഭാ​വി​ക​മാ​യും ഭൗതിക സഹായം ആവശ്യ​മു​ള്ള​വ​രെ​യും സഹായി​ക്കു​ന്നു. ഇക്കാര്യ​ത്തിൽ അവരുടെ പ്രഥമ ഉത്തരവാ​ദി​ത്വം തങ്ങളുടെ ഉററ കുടും​ബാം​ഗ​ങ്ങ​ളു​ടെ​യും വിശ്വാ​സ​ത്തിൽ ബന്ധപ്പെ​ട്ടി​രി​ക്കു​ന്ന​വ​രു​ടെ​യും ആവശ്യങ്ങൾ നിറ​വേ​റ​റുക എന്നതാണ്‌. (ഗലാത്യർ 6:10; 1 തിമൊ​ഥെ​യൊസ്‌ 5:4, 8) വിവിധ തരം വിപത്തു​കൾക്കി​ര​യായ സഹവി​ശ്വാ​സി​കൾക്കു​വേണ്ടി യഹോ​വ​യു​ടെ സാക്ഷികൾ നടത്തി​യി​രി​ക്കുന്ന ദുരി​താ​ശ്വാ​സ സേവനങ്ങൾ അനുക​മ്പ​യു​ടെ മകു​ടോ​ദാ​ഹ​ര​ണ​ങ്ങ​ളാണ്‌. എന്നിരു​ന്നാ​ലും, അനുകമ്പ കാണി​ക്കു​ന്ന​തിന്‌ ഒരു പ്രതി​സ​ന്ധി​ക്കാ​യി ക്രിസ്‌ത്യാ​നി​കൾ കാത്തി​രി​ക്കേണ്ട ആവശ്യ​മില്ല. ദൈനം​ദിന ജീവി​ത​ത്തി​ലെ ഏററക്കു​റ​ച്ചി​ലു​കളെ അഭിമു​ഖീ​ക​രി​ക്കു​മ്പോൾ അവർ പെട്ടെ​ന്നു​തന്നെ ഈ ഗുണം പ്രദർശി​പ്പി​ക്കു​ന്നു.

പുതിയ വ്യക്തി​ത്വ​ത്തി​ന്റെ ഭാഗം

7. (എ) കൊ​ലോ​സ്യർ 3:8-13-ൽ എങ്ങനെ​യാണ്‌ അനുകമ്പ പുതിയ വ്യക്തി​ത്വ​വു​മാ​യി ബന്ധപ്പെ​ട്ടി​രി​ക്കു​ന്നത്‌? (ബി) ആർദ്രാ​നു​കമ്പ എന്തു​ചെ​യ്യാൻ ക്രിസ്‌ത്യാ​നി​കൾക്ക്‌ എളുപ്പ​മു​ള്ള​താ​ക്കി​ത്തീർക്കു​ന്നു?

⁷ നമ്മുടെ പാപപ​ങ്കി​ല​മായ സ്വഭാ​വ​വും സാത്താന്റെ ലോക​ത്തി​ന്റെ മോശ​മായ സ്വാധീ​ന​ങ്ങ​ളും ആർദ്രാ​നു​ക​മ്പ​യു​ള്ള​വ​രാ​യി​രി​ക്കു​ന്ന​തിന്‌ നമുക്കു തടസ്സങ്ങ​ളാ​ണെ​ന്നതു ശരിതന്നെ. അതു​കൊ​ണ്ടാ​ണു “കോപം, ക്രോധം, തിൻമ, ചീത്തസം​സാ​രം, അസഭ്യ​സം​സാ​രം” ഇവ ഒക്കെയും വിട്ടു​ക​ള​യു​ന്ന​തി​നു ബൈബിൾ നമ്മെ പ്രേരി​പ്പി​ക്കു​ന്നത്‌. അതിനു പകരം ‘പുതിയ വ്യക്തി​ത്വം—ദൈവ​ത്തി​ന്റെ പ്രതി​ച്ഛാ​യ​യോട്‌ ഒത്തുവ​രുന്ന ഒരു വ്യക്തി​ത്വം—ധരിക്കാ​നാ​ണു’ നാം ബുദ്ധ്യു​പ​ദേ​ശി​ക്ക​പ്പെ​ട്ടി​രി​ക്കു​ന്നത്‌. ആദ്യം​തന്നെ, “അനുക​മ്പ​യു​ടെ മൃദു​ല​വാ​ത്സ​ല്യ​ങ്ങ​ളും ദയയും മനസ്സിന്റെ എളിമ​യും സൗമ്യ​ത​യും ദീർഘ​ക്ഷ​മ​യും” ധരിക്കു​ന്ന​തി​നു നമ്മോടു കൽപ്പി​ച്ചി​രി​ക്കു​ന്നു. അതിനു​ശേഷം, ഈ ഗുണങ്ങൾ പ്രദർശി​പ്പി​ക്കു​ന്ന​തി​നുള്ള പ്രാ​യോ​ഗിക വഴിയും ബൈബിൾ നമുക്കു കാണിച്ചു തരുന്നു. “ആർക്കെ​ങ്കി​ലും മറെറാ​രു​വ​നോട്‌ പരാതി​ക്കു കാരണ​മു​ണ്ടെ​ങ്കിൽ നിർലോ​ഭ​മാ​യി അന്യോ​ന്യം പൊറു​ക്കു​ന്ന​തി​ലും അന്യോ​ന്യം ക്ഷമിക്കു​ന്ന​തി​ലും തുടരുക. യഹോവ നിർലോ​ഭ​മാ​യി നിങ്ങ​ളോ​ടു ക്ഷമിച്ച​തു​പോ​ലെ നിങ്ങളും ചെയ്യു​വിൻ.” നമ്മുടെ സഹോ​ദ​രൻമാ​രെ​പ്രതി നാം ‘അനുക​മ്പ​യു​ടെ മൃദു​ല​വാ​ത്സ​ല്യം’ നട്ടുവ​ളർത്തി​യി​ട്ടു​ണ്ടെ​ങ്കിൽ ക്ഷമിക്കു​ന്ന​വ​രാ​കാൻ വളരെ എളുപ്പ​മാണ്‌.—കൊ​ലോ​സ്യർ 3:8-13, NW.

8. ക്ഷമിക്കു​ന്ന​തി​നുള്ള മനസ്സു​ണ്ടാ​യി​രി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁸ നേരേ​മ​റിച്ച്‌, അനുക​മ്പ​യോ​ടെ​യുള്ള ക്ഷമ പ്രദർശി​പ്പി​ക്കു​ന്ന​തി​ലുള്ള പരാജയം യഹോ​വ​യു​മാ​യുള്ള നമ്മുടെ ബന്ധത്തെ അപകട​ത്തി​ലാ​ക്കും. ഇത്‌ “കടമൊ​ക്കെ​യും തീർക്കു​വോ​ളം” യജമാനൻ ജയിലി​ലടച്ച ക്ഷമിക്കാഞ്ഞ അടിമയെ സംബന്ധി​ച്ചുള്ള ദൃഷ്ടാ​ന്ത​ത്തി​ലൂ​ടെ യേശു ശക്തമായി കാണി​ക്കു​ക​യു​ണ്ടാ​യി. കരുണ​യ്‌ക്കു​വേണ്ടി തന്നോടു യാചിച്ച സഹയടി​മ​യോട്‌ അനുകമ്പ കാണി​ക്കു​ന്ന​തിൽ ഞെട്ടി​പ്പി​ക്കും​വി​ധം പരാജ​യ​പ്പെ​ട്ട​തി​നാൽ അടിമ ഈ ശിക്ഷക്ക്‌ അർഹനാ​യി. “നിങ്ങൾ ഓരോ​രു​ത്ത​രും ഹൃദയ​പൂർവം ക്ഷമിക്കാ​ഞ്ഞാൽ സ്വർഗ്ഗ​സ്ഥ​നായ എന്റെ പിതാവു അങ്ങനെ​തന്നേ നിങ്ങ​ളോ​ടും ചെയ്യും” എന്നു പറഞ്ഞു​കൊണ്ട്‌ യേശു ദൃഷ്ടാന്തം ഉപസം​ഹ​രി​ക്കു​ന്നു.—മത്തായി 18:34, 35.

9. ആർദ്രാ​നു​കമ്പ പുതിയ വ്യക്തി​ത്വ​ത്തി​ന്റെ ഏററവും പ്രധാന ഘടകവു​മാ​യി ബന്ധപ്പെ​ട്ടി​രി​ക്കു​ന്നത്‌ എങ്ങനെ?

⁹ ആർദ്രാ​നു​ക​മ്പ​യു​ള്ള​വ​രാ​യി​രി​ക്കുക എന്നത്‌ സ്‌നേ​ഹ​ത്തി​ന്റെ ഒരു പ്രധാന ഘടകമാണ്‌. സ്‌നേഹം സത്യ​ക്രി​സ്‌ത്യാ​നി​ത്വ​ത്തി​ന്റെ തിരി​ച്ച​റി​യി​ക്കൽ അടയാ​ള​മാണ്‌. (യോഹ​ന്നാൻ 13:35) അതു​കൊണ്ട്‌ ഇപ്രകാ​രം പറഞ്ഞു​കൊ​ണ്ടു ബൈബിൾ പുതിയ വ്യക്തി​ത്വ​ത്തി​ന്റെ വിവരണം ഉപസം​ഹ​രി​ക്കു​ന്നു: “ഇതി​നെ​ല്ലാം പുറമേ സ്‌നേഹം ധരിച്ചു​കൊൾക, എന്തു​കൊ​ണ്ടെ​ന്നാൽ അത്‌ ഐക്യ​ത്തി​ന്റെ ഒരു സമ്പൂർണ ബന്ധമാ​കു​ന്നു.”—കൊ​ലോ​സ്യർ 3:14, NW.

അസൂയ—അനുക​മ്പ​യ്‌ക്ക്‌ ഒരു തടസ്സം

10. (എ) നമ്മുടെ ഹൃദയ​ത്തിൽ അസൂയ വേരു​റ​യ്‌ക്കു​ന്ന​തിന്‌ എന്ത്‌ ഇട നൽകി​യേ​ക്കാം? (ബി) അസൂയ​യു​ടെ ഫലമായി എന്തു ചീത്ത ഫലങ്ങൾ ഉളവാ​യേ​ക്കാം?

¹⁰ നമ്മുടെ പാപപ​ങ്കി​ല​മായ സ്വഭാവം നിമിത്തം അസൂയക്ക്‌ നമ്മുടെ ഹൃദയ​ങ്ങ​ളിൽ എളുപ്പം വേരു​റ​പ്പി​ക്കാൻ കഴിയും. നമുക്കി​ല്ലാത്ത സ്വാഭാ​വിക ഗുണങ്ങ​ളോ ഭൗതി​ക​നേ​ട്ട​ങ്ങ​ളോ സഹിതം ഒരു സഹോദരനോ സഹോ​ദ​രി​യോ അനു​ഗ്ര​ഹി​ക്ക​പ്പെ​ട്ടി​രി​ക്കാം. അതല്ലെ​ങ്കിൽ, ആർക്കെ​ങ്കി​ലും പ്രത്യേക ആത്മീയ അനു​ഗ്ര​ഹ​ങ്ങ​ളും പദവി​ക​ളും ലഭിച്ചു​വെ​ന്നു​വ​രാം. അത്തരക്കാ​രോ​ടു നാം അസൂയ​പ്പെ​ടു​ന്ന​പക്ഷം ആർദ്രാ​നു​ക​മ്പ​യോ​ടെ അവരോ​ടു പെരു​മാ​റാൻ നമുക്കു കഴിയു​മോ? ഒരുപക്ഷേ, ഇല്ല. മറിച്ച്‌, വിമർശ​ന​ങ്ങ​ളി​ലൂ​ടെ​യോ ദയാര​ഹി​ത​മായ പ്രവൃ​ത്തി​ക​ളി​ലൂ​ടെ​യോ അസൂയ​യു​ടെ വികാ​രങ്ങൾ ക്രമേണ താനേ പ്രകട​മാ​വും. കാരണം യേശു പറഞ്ഞു: “ഹൃദയ​ത്തിൽ നിറഞ്ഞു കവിയു​ന്ന​ത​ല്ലോ വായി പ്രസ്‌താ​വി​ക്കു​ന്നത്‌.” (ലൂക്കൊസ്‌ 6:45) മററു​ചി​ലർ വിമർശ​ന​ത്തി​നു കൂട്ടു​നി​ന്നേ​ക്കാം. അങ്ങനെ കുടും​ബ​ത്തി​ന്റെ​യോ ദൈവ​ജ​ന​ത്തി​ന്റെ സഭയു​ടെ​യോ സമാധാ​നം ഛിന്നഭി​ന്ന​മാ​യേ​ക്കാം.

11. യോ​സേ​ഫി​ന്റെ പത്തു സഹോ​ദ​രൻമാർ തങ്ങളുടെ ഹൃദയ​ത്തിൽ അനുക​മ്പ​യ്‌ക്കി​ടം കൊടു​ക്കാ​തി​രു​ന്നത്‌ എങ്ങനെ, എന്തു ഫലങ്ങ​ളോ​ടെ?

¹¹ ഒരു വലിയ കുടും​ബ​ത്തിൽ എന്തു സംഭവി​ച്ചു​വെന്നു പരിചി​ന്തി​ക്കുക. യാക്കോ​ബി​ന്റെ മൂത്ത പത്ത്‌ ആൺമക്കൾക്ക്‌ അവരുടെ ഇളയ സഹോ​ദ​ര​നായ യോ​സേ​ഫി​നോട്‌ അസൂയ​തോ​ന്നി. അവൻ തങ്ങളുടെ പിതാ​വിന്‌ ഏററവും പ്രിയ​ങ്ക​ര​നാ​യി​രു​ന്നു എന്നതാ​യി​രു​ന്നു കാരണം. തത്‌ഫ​ല​മാ​യി, “അവനോ​ടു സമാധാ​ന​മാ​യി സംസാ​രി​പ്പാൻ അവർക്കു കഴിഞ്ഞില്ല.” പിന്നീട്‌, ദിവ്യ​സ്വ​പ്‌നങ്ങൾ കാണു​ന്ന​തി​നുള്ള അനു​ഗ്രഹം യോ​സേ​ഫി​നു ലഭിച്ചു. യഹോ​വ​യു​ടെ അംഗീ​കാ​രം അവന്റെ​മേൽ ഉണ്ടായി​രു​ന്നു​വെ​ന്ന​തിന്‌ അത്‌ തെളിവു നൽകി. ഇത്‌ അവന്റെ സഹോ​ദ​രങ്ങൾ അവനെ ‘പിന്നെ​യും അധികം പകെക്കു​ന്ന​തിന്‌’ കാരണ​മാ​യി. അവർ തങ്ങളുടെ ഹൃദയ​ങ്ങ​ളിൽനിന്ന്‌ അസൂയ പിഴു​തെ​റി​യാ​ഞ്ഞ​തി​നാൽ അത്‌ അനുക​മ്പ​യ്‌ക്കി​ടം കൊടു​ക്കാ​തി​രി​ക്ക​യും ഗുരു​ത​ര​മായ പാപത്തി​ലേക്കു നയിക്കു​ക​യും ചെയ്‌തു.—ഉല്‌പത്തി 37:4, 5, 11.

12, 13. അസൂയ നമ്മുടെ ഹൃദയ​ത്തിൽ പ്രവേ​ശി​ക്കു​മ്പോൾ നാം എന്തു ചെയ്യണം?

¹² അവർ യോ​സേ​ഫി​നെ നിഷ്‌ക​രു​ണം അടിമ​ത്ത​ത്തി​ലേക്കു വിററു​ക​ളഞ്ഞു. തങ്ങളുടെ തെററു മൂടി​വെ​ക്കു​ന്ന​തി​നുള്ള ഉദ്യമ​ത്തിൽ, യോ​സേ​ഫി​നെ വന്യമൃ​ഗം കൊന്നു​ക​ള​ഞ്ഞു​വെന്നു ചിന്തി​ക്കാൻ ഇട നൽകി​ക്കൊണ്ട്‌ അവർ തങ്ങളുടെ പിതാ​വി​നെ വഞ്ചിച്ചു. പിന്നീട്‌, വർഷങ്ങൾക്കു ശേഷം ഭക്ഷ്യക്ഷാ​മം​മൂ​ലം ഈജി​പ്‌തിൽ പോയി ഭക്ഷ്യവ​സ്‌തു​ക്കൾ വാങ്ങാൻ നിർബ​ന്ധി​ത​രാ​യ​പ്പോൾ അവരുടെ പാപം വെളി​ച്ചത്തു വന്നു. ഭക്ഷ്യ​മേൽവി​ചാ​രകൻ യോ​സേ​ഫാ​ണെന്ന്‌ അവർ തിരി​ച്ച​റി​ഞ്ഞില്ല. അവർ ചാരൻമാ​രാ​ണെന്നു കുററം​ചു​മ​ത്തു​ക​യും അവരുടെ ഇളയ സഹോ​ദ​ര​നായ ബെന്യാ​മീ​നെ കൊണ്ടു​വ​രാ​തെ തന്റെ സഹായം വീണ്ടും തേടേ​ണ്ട​തി​ല്ലെന്ന്‌ അവൻ അവരെ അറിയി​ക്കു​ക​യും ചെയ്‌തു. ഇതി​നോ​ടകം ബെന്യാ​മീൻ അവരുടെ പിതാ​വി​നു പ്രിയ​ങ്ക​ര​നാ​യി​ക്ക​ഴി​ഞ്ഞി​രു​ന്നു. തൻമൂലം യാക്കോബ്‌ അവനെ പോകാൻ അനുവ​ദി​ക്കു​ക​യി​ല്ലെ​ന്നും അവർ അറിഞ്ഞി​രു​ന്നു.

¹³ അതു​കൊണ്ട്‌ യോ​സേ​ഫി​ന്റെ മുമ്പിൽ നിൽക്കു​മ്പോൾ “ഇതു നമ്മുടെ സഹോ​ദ​ര​നോ​ടു [യോ​സേ​ഫി​നോ​ടു] നാം ചെയ്‌ത ദ്രോ​ഹ​മാ​കു​ന്നു; അവൻ നമ്മോടു കെഞ്ചി​യ​പ്പോൾ നാം അവന്റെ പ്രാണ​സ​ങ്കടം കണ്ടാ​റെ​യും അവന്റെ അപേക്ഷ കേട്ടി​ല്ല​ല്ലോ; അതു​കൊ​ണ്ടു ഈ സങ്കടം നമുക്കു വന്നിരി​ക്കു​ന്നു” എന്നു സമ്മതിച്ചു പറയാൻ മനസ്സാക്ഷി അവരെ പ്രേരി​പ്പി​ച്ചു. (ഉല്‌പത്തി 42:21) അനുക​മ്പ​യുള്ള, എന്നാൽ ഉറച്ച തന്റെ പെരു​മാ​റ​റ​ത്തി​ലൂ​ടെ അവരുടെ അനുതാ​പ​ത്തി​ന്റെ ആത്മാർഥത തെളി​യി​ക്കു​ന്ന​തി​നു യോ​സേഫ്‌ തന്റെ സഹോ​ദ​രൻമാ​രെ സഹായി​ച്ചു. അതിനു​ശേഷം അദ്ദേഹം സ്വയം അവർക്കു വെളി​പ്പെ​ടു​ത്തി​ക്കൊ​ടു​ക്കു​ക​യും ഔദാ​ര്യ​പൂർവം അവരോ​ടു ക്ഷമിക്കു​ക​യും ചെയ്‌തു. അങ്ങനെ കുടുംബ ഐക്യം പുനഃ​സ്ഥാ​പി​ക്ക​പ്പെട്ടു. (ഉല്‌പത്തി 45:4-8) ക്രിസ്‌ത്യാ​നി​ക​ളെന്ന നിലയിൽ നാം ഇതിൽനിന്ന്‌ ഒരു പാഠം പഠിക്കണം. അസൂയ​യു​ടെ ചീത്ത പരിണത ഫലങ്ങൾ തിരി​ച്ച​റി​ഞ്ഞു​കൊണ്ട്‌, അസൂയാ​വ​ഹ​മായ വികാ​ര​ങ്ങ​ളു​ടെ സ്ഥാനത്ത്‌ ‘അനുക​മ്പ​യു​ടെ മൃദു​ല​വാ​ത്സ​ല്യം’ സംസ്ഥാ​പി​ക്കു​ന്ന​തിന്‌ നാം യഹോ​വ​യോ​ടു പ്രാർഥി​ക്കണം.

അനുക​മ്പ​യ്‌ക്കുള്ള മററു തടസ്സങ്ങൾ

14. അനാവ​ശ്യ​മാ​യി അക്രമങ്ങൾ വീക്ഷി​ക്കു​ന്നത്‌ നാം എന്തു​കൊണ്ട്‌ ഒഴിവാ​ക്കണം?

¹⁴ അനാവ​ശ്യ​മാ​യി അക്രമങ്ങൾ വീക്ഷി​ക്കു​ന്നത്‌ നാം അനുക​മ്പ​യു​ള്ള​വ​രാ​യി​രി​ക്കു​ന്ന​തി​നു തടസ്സം സൃഷ്ടി​ക്കാം. അക്രമങ്ങൾ അടങ്ങിയ സ്‌പോർട്‌സും വിനോ​ദ​വും അക്രമം കണ്ടാസ്വ​ദി​ക്കാ​നുള്ള ആവേശം വളർത്തും. ബൈബിൾ കാലങ്ങ​ളിൽ പുറജാ​തി​ക്കാർ റോമാ സാമ്രാ​ജ്യ​ത്തി​ന്റെ പോർക്ക​ള​ങ്ങ​ളിൽ ദ്വന്ദ്വ​യു​ദ്ധ​ങ്ങ​ളും മററു വിധത്തി​ലുള്ള മനുഷ്യ പീഡന​ങ്ങ​ളും ക്രമമാ​യി വീക്ഷി​ച്ചി​രു​ന്നു. ഒരു ചരി​ത്ര​കാ​രൻ പറയുന്ന പ്രകാരം, അത്തരം വിനോ​ദങ്ങൾ “മനുഷ്യ​രെ മൃഗങ്ങ​ളിൽനി​ന്നു വേർതി​രി​ക്കുന്ന ചേതോ​വി​കാ​രത്തെ, കഷ്ടപ്പാ​ടു​കൾ കാണു​മ്പോൾ തോന്നുന്ന സഹാനു​ഭൂ​തി​യെ, ഇല്ലായ്‌മ ചെയ്‌തു.” ഇന്നത്തെ ആധുനിക ലോക​ത്തി​ലെ വിനോ​ദ​ങ്ങ​ളിൽ അധിക​വും ഇതേ ഫലമാണു ചെയ്യു​ന്നത്‌. ആർദ്രാ​നു​ക​മ്പ​യു​ള്ള​വ​രാ​യി​രി​ക്കാൻ ശ്രമി​ക്കുന്ന ക്രിസ്‌ത്യാ​നി​കൾ വായനാ വിഷയങ്ങൾ, ചലച്ചി​ത്രങ്ങൾ, ടിവി പരിപാ​ടി​കൾ എന്നിവ തിര​ഞ്ഞെ​ടു​ക്കുന്ന കാര്യ​ത്തിൽ അത്യന്തം ശ്രദ്ധയു​ള്ള​വ​രാ​യി​രി​ക്കേ​ണ്ട​തി​ന്റെ ആവശ്യ​മുണ്ട്‌.“സാഹസ​പ്രി​യനെ [യഹോ​വ​യു​ടെ] ഉള്ളം വെറു​ക്കു​ന്നു” എന്ന സങ്കീർത്തനം 11:5-ലെ വാക്കുകൾ അവർ ജ്ഞാനപൂർവം മനസ്സിൽ പിടി​ക്കു​ന്നു.

15. (എ) ഒരുവൻ ഗുരു​ത​ര​മായ വിധത്തിൽ അനുകമ്പ പ്രകട​മാ​ക്കു​വാൻ പരാജ​യ​പ്പെ​ടു​ന്ന​തെ​ങ്ങനെ? (ബി) സഹവി​ശ്വാ​സി​ക​ളു​ടെ​യും അയൽക്കാ​രു​ടെ​യും ആവശ്യ​ങ്ങ​ളോട്‌ സത്യ​ക്രി​സ്‌ത്യാ​നി​കൾ എങ്ങനെ പ്രതി​ക​രി​ക്കു​ന്നു?

¹⁵ സ്വാർഥ​ത​ത്‌പ​ര​നായ ഒരു വ്യക്തി​യും അനുക​മ്പ​യി​ല്ലാ​ത്ത​വ​നാ​യി​രി​ക്കാ​നാ​ണു സാധ്യത. അപ്പോ​സ്‌ത​ല​നായ യോഹ​ന്നാൻ വിശദീ​ക​രി​ക്കു​ന്ന​പ്ര​കാ​രം ഇതു ഗുരു​ത​ര​മായ കാര്യ​മാണ്‌: “ഈ ലോക​ത്തി​ലെ വസ്‌തു​വ​ക​യു​ള്ളവൻ ആരെങ്കി​ലും തന്റെ സഹോ​ദ​രന്നു മുട്ടു​ള്ളതു കണ്ടിട്ടു അവനോ​ടു മനസ്സലി​വു [“ആർദ്രാ​നു​കമ്പ,” NW] കാണി​ക്കാ​ഞ്ഞാൽ ദൈവ​ത്തി​ന്റെ സ്‌നേഹം അവനിൽ എങ്ങനെ വസിക്കും?” (1 യോഹ​ന്നാൻ 3:17) സമാന​മായ അനുക​മ്പ​യി​ല്ലാ​യ്‌മ​യാണ്‌ അയൽക്കാ​ര​നായ ശമര്യാ​ക്കാ​ര​നെ​പ്പ​റ​റി​യുള്ള യേശു​വി​ന്റെ ദൃഷ്ടാ​ന്ത​ത്തി​ലെ പുരോ​ഹി​ത​നും ലേവ്യ​നും കാണി​ച്ചത്‌. തങ്ങളുടെ അർധ​പ്രാ​ണ​നായ യഹൂദ സഹോ​ദ​രന്റെ ദയനീയ സ്ഥിതി കണ്ടിട്ട്‌ അവർ റോഡ്‌ കുറുകെ കടന്നു തങ്ങളുടെ വഴിക്കു​പോ​യി. (ലൂക്കൊസ്‌ 10:31, 32) നേരേ​മ​റിച്ച്‌, അനുക​മ്പ​യുള്ള ക്രിസ്‌ത്യാ​നി​കൾ തങ്ങളുടെ സഹോ​ദ​ര​ങ്ങ​ളു​ടെ ഭൗതി​ക​വും ആത്മിക​വു​മായ ആവശ്യ​ങ്ങ​ളോട്‌ ഉടനെ പ്രതി​ക​രി​ക്കു​ന്നു. യേശു​വി​ന്റെ ഉപമയി​ലെ ശമര്യാ​ക്കാ​ര​നെ​പ്പോ​ലെ അവർ അപരി​ചി​ത​രു​ടെ കാര്യ​ത്തി​ലും ചിന്തയു​ള്ള​വ​രാണ്‌. അങ്ങനെ, അവർ സന്തോ​ഷ​പൂർവം തങ്ങളുടെ സമയവും ഊർജ​വും ഭൗതിക വസ്‌തു​ക്ക​ളും ശിഷ്യരെ ഉളവാക്കൽ വേലക്കു​വേണ്ടി ചെലവി​ടു​ന്നു. ഈ വിധത്തിൽ ലക്ഷങ്ങളു​ടെ രക്ഷക്കു​വേണ്ടി അവർ സംഭാവന ചെയ്യുന്നു.—1 തിമൊ​ഥെ​യൊസ്‌ 4:16.

രോഗി​ക​ളോട്‌ അനുകമ്പ

16. രോഗ​ബാ​ധി​ത​രു​മാ​യി ഇടപെ​ടു​മ്പോൾ നാം എന്തു പരിമി​തി​കളെ നേരി​ടു​ന്നു?

¹⁶ അപൂർണ​രായ, മരിക്കുന്ന മനുഷ്യ​വർഗ​ത്തി​ന്റെ ഭാഗ​ധേ​യ​മാ​ണു രോഗം. ക്രിസ്‌ത്യാ​നി​കൾ ഇക്കാര്യ​ത്തിൽ ഒഴിവു​ള്ള​വരല്ല. അവരിൽ മിക്കവ​രും വൈദ്യ​ശാ​സ്‌ത്ര രംഗത്തെ വിദഗ്‌ധരല്ല. ക്രിസ്‌തു​വിൽനി​ന്നും അപ്പോ​സ്‌ത​ലൻമാ​രിൽനി​ന്നും ശക്തില​ഭിച്ച ആദിമ ക്രിസ്‌ത്യാ​നി​കൾ ചെയ്‌ത​തു​പോ​ലെ അവർക്ക്‌ അത്ഭുതങ്ങൾ പ്രവർത്തി​ക്കാ​നും കഴിയു​ക​യില്ല. ക്രിസ്‌തു​വി​ന്റെ അപ്പോ​സ്‌ത​ലൻമാ​രു​ടെ​യും തങ്ങളുടെ സഹകാ​രി​ക​ളു​ടെ​യും മരണ​ത്തോ​ടെ അത്തരം അത്ഭുത ശക്തികൾ പൊയ്‌പോ​യി. തൻമൂലം, തലച്ചോ​റി​ന്റെ തകരാ​റും ചിത്ത​ഭ്ര​മ​വും പോലുള്ള ശാരീ​രിക രോഗ​മു​ള്ള​വരെ സഹായി​ക്കു​ന്ന​തി​നുള്ള നമ്മുടെ പ്രാപ്‌തി പരിമി​ത​മാണ്‌.—പ്രവൃ​ത്തി​കൾ 8:13, 18; 1 കൊരി​ന്ത്യർ 13:8.

17. രോഗ​ബാ​ധി​ത​നും സന്തപ്‌ത​നു​മായ ഇയ്യോ​ബി​നോ​ടു പെരു​മാ​റിയ വിധത്തിൽനി​ന്നു നാം എന്തു പാഠം പഠിക്കു​ന്നു?

¹⁷ മിക്ക​പ്പോ​ഴും രോഗ​ത്തോ​ടൊ​പ്പം വിഷാ​ദ​വു​മു​ണ്ടാ​കു​ന്നു. ദൃഷ്ടാ​ന്ത​ത്തിന്‌, സാത്താൻ തന്റെമേൽ വരുത്തിയ കഠിന​മായ രോഗ​വും ദുരി​ത​ങ്ങ​ളും നിമിത്തം ഇയ്യോബ്‌ വളരെ വിഷാ​ദ​മ​ഗ്ന​നാ​യി​രു​ന്നു. (ഇയ്യോബ്‌ 1:18, 19; 2:7; 3:3, 11-13) ആർദ്രാ​നു​ക​മ്പ​യോ​ടെ പെരു​മാ​റു​ക​യും ‘ആശ്വാ​സ​ദാ​യ​ക​മാ​യി സംസാ​രി​ക്കു​ക​യും’ ചെയ്യുന്ന സുഹൃ​ത്തു​ക്ക​ളെ​യാ​യി​രു​ന്നു അദ്ദേഹ​ത്തിന്‌ ആവശ്യം. (1 തെസ​ലോ​നി​ക്യർ 5:14, NW) പകരം, ആശ്വാ​സ​ദാ​യ​ക​രെന്നു നടിച്ച മൂന്നു പേർ അദ്ദേഹത്തെ സന്ദർശി​ക്കു​ക​യും ഉടനടി തെററായ നിഗമ​ന​ങ്ങ​ളി​ലേക്ക്‌ എടുത്തു​ചാ​ടു​ക​യും ചെയ്‌തു. ഇയ്യോ​ബി​ന്റെ ദുരി​തങ്ങൾ അദ്ദേഹ​ത്തി​ന്റെ പക്ഷത്തു​നി​ന്നു​ണ്ടായ ചില തെററു​കൾ മൂലമാ​ണെന്ന്‌ അഭി​പ്രാ​യം പ്രകടി​പ്പി​ച്ചു​കൊണ്ട്‌ ഇയ്യോ​ബി​ന്റെ വിഷാ​ദാ​വ​സ്ഥയെ അവർ കൂടുതൽ വഷളാക്കി. സഹവി​ശ്വാ​സി​കൾ രോഗ​ബാ​ധി​ത​രോ വിഷാ​ദ​മ​ഗ്ന​രോ ആയിരി​ക്കു​മ്പോൾ ആർദ്രാ​നു​ക​മ്പ​യു​ള്ള​വ​രാ​യി​രു​ന്നു​കൊണ്ട്‌ സമാന​മായ കെണി​ക​ളിൽ അകപ്പെ​ടാ​തെ ക്രിസ്‌ത്യാ​നി​കൾ ഒഴിഞ്ഞു​നിൽക്കും. ചില​പ്പോ​ഴൊ​ക്കെ അത്തരം ആളുകൾക്ക്‌ ആവശ്യ​മായ പ്രധാന സംഗതി അനുക​മ്പ​യോ​ടെ ശ്രദ്ധി​ക്കു​ക​യും സഹാനു​ഭൂ​തി കാണി​ക്കു​ക​യും സ്‌നേ​ഹ​പു​ര​സ്സ​ര​മായ തിരു​വെ​ഴുത്ത്‌ ഉപദേ​ശങ്ങൾ നൽകു​ക​യും ചെയ്യുന്ന മൂപ്പൻമാ​രു​ടെ​യും മററു പക്വത​യുള്ള ക്രിസ്‌ത്യാ​നി​ക​ളു​ടെ​യും ചില ദയാപു​ര​സ്സ​ര​മായ സന്ദർശ​ന​ങ്ങ​ളാണ്‌.—റോമർ 12:15; യാക്കോബ്‌ 1:19.

ബലഹീ​ന​രോട്‌ അനുകമ്പ

18, 19. (എ) ബലഹീ​ന​രോട്‌ അല്ലെങ്കിൽ തെററു​ചെ​യ്‌ത​വ​രോട്‌ മൂപ്പൻമാർ എങ്ങനെ ഇടപെ​ടേ​ണ്ട​തുണ്ട്‌? (ബി) ഒരു നീതി​ന്യാ​യ​ക്ക​മ്മി​ററി രൂപീ​ക​രി​ക്കേണ്ട ആവശ്യം വന്നാൽപ്പോ​ലും ദുഷ്‌പ്ര​വൃ​ത്തി​ക്കാ​രോട്‌ അനുക​മ്പ​യോ​ടെ പെരു​മാ​റു​ന്നത്‌ മൂപ്പൻമാ​രെ സംബന്ധി​ച്ചി​ട​ത്തോ​ളം പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁸ മൂപ്പൻമാർ പ്രത്യേ​കി​ച്ചും ആർദ്രാ​നു​ക​മ്പ​യു​ള്ള​വ​രാ​യി​രി​ക്കണം. (പ്രവൃ​ത്തി​കൾ 20:29, 35) ‘ശക്തരായ നാം അശക്തരു​ടെ ബലഹീ​ന​ത​കളെ ചുമക്കണം’ എന്നു ബൈബിൾ കൽപ്പി​ക്കു​ന്നു. (റോമർ 15:1) അപൂർണ​രെന്ന നിലയിൽ നാമെ​ല്ലാം തെററു​കൾ ചെയ്യുന്നു. (യാക്കോബ്‌ 3:2) ‘അബദ്ധവ​ശാൽ വല്ല തെററി​ലും അകപ്പെ​ടുന്ന’ ഒരുവ​നു​മാ​യി ഇടപഴ​കു​ന്ന​തിന്‌ ആർദ്രാ​നു​കമ്പ ആവശ്യ​മാണ്‌. (ഗലാത്യർ 6:1, NW) ദൈവ​നി​യ​മ​ത്തി​ന്റെ ബാധക​മാ​ക്ക​ലിൽ സ്വയനീ​തി​ക്കാ​രായ പരീശൻമാ​രെ​പ്പോ​ലെ ന്യായ​യു​ക്ത​ത​യി​ല്ലാ​ത്ത​വ​രാ​യി​രി​ക്കാൻ മൂപ്പൻമാർ ഒരിക്ക​ലും ആഗ്രഹി​ക്കു​ക​യില്ല.

¹⁹ അതിനു വിപരീ​ത​മാ​യി, മൂപ്പൻമാർ യഹോ​വ​യു​ടെ​യും യേശു​ക്രി​സ്‌തു​വി​ന്റെ​യും ആർദ്രാ​നു​ക​മ്പ​യോ​ടെ​യുള്ള ദൃഷ്ടാ​ന്തങ്ങൾ പിൻപ​റ​റു​ന്നു. അവരുടെ പ്രധാന വേല ദൈവ​ത്തി​ന്റെ ആടുകളെ പോഷി​പ്പി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ഉൻമേഷം പകരു​ക​യും ചെയ്യു​ക​യെ​ന്ന​താണ്‌. (യെശയ്യാ​വു 32:1, 2) നിയമ​ങ്ങ​ളു​ടെ ബാഹു​ല്യ​ത്താൽ കാര്യാ​ദി​കളെ നിയ​ന്ത്രി​ക്കാൻ ശ്രമി​ക്കു​ന്ന​തി​നു പകരം അവർ ദൈവ​വ​ച​ന​ത്തി​ലുള്ള ഉത്തമ തത്ത്വങ്ങളെ ആശ്രയി​ക്കു​ന്നു. അതു​കൊണ്ട്‌, മൂപ്പൻമാ​രു​ടെ കർത്തവ്യം കെട്ടു​പ​ണി​ചെ​യ്യുക അഥവാ തങ്ങളുടെ സഹോ​ദ​രൻമാ​രു​ടെ ഹൃദയ​ത്തിൽ യഹോ​വ​യു​ടെ നൻമ​യെ​പ്രതി സന്തോ​ഷ​വും വിലമ​തി​പ്പും വളർത്തി​യെ​ടു​ക്കുക എന്നതാ​യി​രി​ക്കണം. ഒരു സഹവി​ശ്വാ​സി ഒരു ചെറിയ തെററു ചെയ്യു​ന്ന​പക്ഷം മററു​ള്ളവർ കേൾക്കെ അദ്ദേഹത്തെ ഗുണ​ദോ​ഷി​ക്കാ​തി​രി​ക്കാൻ സാധാ​ര​ണ​ഗ​തി​യിൽ ഒരു മൂപ്പൻ ശ്രദ്ധി​ക്കും. സംസാ​രി​ച്ചേ മതിയാ​കൂ എന്നുവ​രി​കിൽ ആ വ്യക്തിയെ മാററി​നിർത്തി മററു​ള്ളവർ കേൾക്കാ​തെ പ്രശ്‌നം ചർച്ച​ചെ​യ്യു​ന്ന​തിന്‌ അനുക​മ്പ​യു​ടെ മൃദു​ല​വി​കാ​രങ്ങൾ മൂപ്പനു പ്രേര​ണ​യേ​കും. (താരത​മ്യം ചെയ്യുക: മത്തായി 18:15.) ഒരുവ​നു​മാ​യി ഒത്തു​പോ​കു​ന്നത്‌ എത്രതന്നെ പ്രയാ​സ​ക​ര​മാ​യി​രു​ന്നാ​ലും മൂപ്പന്റെ സമീപനം ക്ഷമയോ​ടും സഹായ മനഃസ്ഥി​തി​യോ​ടും കൂടെ​യാ​യി​രി​ക്കണം. അത്തര​മൊ​രു വ്യക്തിയെ സഭയിൽനി​ന്നു പുറത്താ​ക്കാൻ പഴുതു​കൾ തേടാൻ അദ്ദേഹം ഒരിക്ക​ലും ആഗ്രഹി​ക്കു​ന്നില്ല. നീതി​ന്യാ​യ​ക്ക​മ്മി​ററി രൂപീ​ക​രി​ക്കേണ്ട സാഹച​ര്യ​ത്തിൽ പോലും ഗുരു​ത​ര​മായ ദുഷ്‌പ്ര​വൃ​ത്തി​യിൽ ഏർപ്പെ​ട്ടി​രി​ക്കുന്ന വ്യക്തി​യു​മാ​യി ഇടപെ​ടു​മ്പോൾ മൂപ്പൻമാർ ആർദ്രാ​നു​കമ്പ പ്രകടി​പ്പി​ക്കും. അവരുടെ മൃദുലത ആ വ്യക്തിയെ അനുത​പി​ക്കു​ന്ന​തിന്‌ സഹായി​ച്ചെ​ന്നു​വ​രാം.—2 തിമൊ​ഥെ​യൊസ്‌ 2:24-26.

20. വൈകാ​രി​ക​മായ അനുകമ്പാ പ്രകട​നങ്ങൾ അനുചി​ത​മാ​യി​രി​ക്കു​ന്നത്‌ എപ്പോൾ, എന്തു​കൊണ്ട്‌?

²⁰ എന്നിരു​ന്നാ​ലും, യഹോ​വ​യു​ടെ ദാസൻമാർക്ക്‌ അനുകമ്പ കാണി​ക്കാൻ കഴിയാത്ത സന്ദർഭ​ങ്ങ​ളു​മുണ്ട്‌. (താരത​മ്യം ചെയ്യുക: ആവർത്ത​ന​പു​സ്‌തകം 13:6-9.) സഭയിൽനി​ന്നു പുറത്താ​ക്കിയ ഒരു ഉററ സുഹൃ​ത്തു​മാ​യി​ട്ടോ ബന്ധുവു​മാ​യി​ട്ടോ ഉള്ള “സഹവാസം നിർത്തുക” എന്നത്‌ വാസ്‌ത​വ​ത്തിൽ ഒരു പരീക്ഷ​ണം​തന്നെ ആയേക്കാം. അത്തര​മൊ​രു സന്ദർഭ​ത്തിൽ ദയ തോന്നാ​തി​രി​ക്കാൻ ശ്രദ്ധി​ക്കേ​ണ്ടതു വളരെ പ്രധാ​ന​മാണ്‌. (1 കൊരി​ന്ത്യർ 5:11-13, NW) അത്തരം ഉറച്ച മനഃസ്ഥി​തി​യു​ള്ള​വ​രാ​യി​രി​ക്കു​ന്നത്‌ തെററു​ചെ​യ്‌ത​യാ​ളെ അനുത​പി​ക്കാൻ പ്രോ​ത്സാ​ഹി​പ്പി​ക്കു​ക​പോ​ലും ചെയ്‌തേ​ക്കാം. കൂടാതെ എതിർലിം​ഗ​വർഗ​ത്തിൽപ്പെ​ട്ട​വ​രു​മാ​യി ഇടപെ​ടു​മ്പോൾ ലൈം​ഗിക അധാർമി​ക​ത​യി​ലേക്കു നയിക്കാ​നി​ട​യുള്ള അനുചി​ത​മായ അനുകമ്പാ പ്രകട​നങ്ങൾ ക്രിസ്‌ത്യാ​നി​കൾ ഒഴിവാ​ക്കണം.

21. മറേറ​തെ​ല്ലാം തലങ്ങളിൽ നാം ആർദ്രാ​നു​കമ്പ പ്രകട​മാ​ക്കേ​ണ്ട​തുണ്ട്‌, പ്രയോ​ജ​നങ്ങൾ ഏവ?

²¹ ആർദ്രാ​നു​കമ്പ ആവശ്യ​മാ​യി​ട്ടുള്ള വിവിധ തലങ്ങ​ളെ​ക്കു​റിച്ച്‌—പ്രായം ചെന്നവ​രോ​ടും മരണവി​യോ​ഗം അനുഭ​വി​ക്കു​ന്ന​വ​രോ​ടും അവിശ്വാ​സി​യായ ഇണയിൽനി​ന്നുള്ള പീഡന​മ​നു​ഭ​വി​ക്കു​ന്ന​വ​രോ​ടും പെരു​മാ​റു​മ്പോൾ—ചർച്ച​ചെ​യ്യു​ന്ന​തി​നു സ്ഥലം പോരാ. അതു​പോ​ലെ, കഠിനാ​ധ്വാ​നം ചെയ്യുന്ന മൂപ്പൻമാ​രോ​ടും ആർദ്രാ​നു​ക​മ്പ​യോ​ടെ പെരു​മാ​റേ​ണ്ട​തുണ്ട്‌. (1 തിമൊ​ഥെ​യൊസ്‌ 5:17) അവരെ ആദരി​ക്കു​ക​യും അവർക്കു പിന്തുണ നൽകു​ക​യും ചെയ്യുക. (എബ്രായർ 13:7, 17) ‘എല്ലാവ​രും . . . ആർദ്രാ​നു​കമ്പ ഉള്ളവരാ​യി​രി​പ്പിൻ’ എന്ന്‌ അപ്പോ​സ്‌ത​ല​നായ പത്രോസ്‌ എഴുതി. (1 പത്രോസ്‌ 3:8, NW) ആവശ്യ​മുള്ള എല്ലാ സന്ദർഭ​ങ്ങ​ളി​ലും ഇപ്രകാ​രം പെരു​മാ​റി​ക്കൊണ്ട്‌ നാം സഭയിൽ ഐക്യ​വും സന്തുഷ്ടി​യും വളർത്തി​യെ​ടു​ക്കു​ന്നു​വെ​ന്നു​മാ​ത്രമല്ല പുറത്തു​ള്ള​വരെ സത്യത്തി​ലേക്ക്‌ ആകർഷി​ക്കു​ക​യും ചെയ്യുന്നു. എല്ലാറ​റി​നു​മു​പരി നാം നമ്മുടെ ആർദ്രാ​നു​ക​മ്പ​യുള്ള പിതാ​വായ യഹോ​വക്കു മഹത്ത്വം കരേറ​റു​ന്നു.

പുനര​വ​ലോ​കന ചോദ്യ​ങ്ങൾ

◻ പാപി​ക​ളായ മനുഷ്യ​വർഗ​ത്തോ​ടു യഹോവ അനുകമ്പ കാണി​ക്കു​ന്നത്‌ എങ്ങനെ?

◻ ആർദ്രാ​നു​ക​മ്പ​യു​ള്ള​വ​രാ​യി​രി​ക്കേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

◻ ആർദ്രാ​നു​ക​മ്പ​യു​ള്ള​വ​രാ​യി​രി​ക്കു​ന്ന​തി​നു നമ്മുടെ മുന്നി​ലുള്ള ചില തടസ്സങ്ങൾ ഏവ?

◻ രോഗി​ക​ളും വിഷാ​ദ​മ​ഗ്ന​രു​മാ​യ​വ​രോ​ടു നാം എങ്ങനെ പെരു​മാ​റണം?

◻ ആരാണ്‌ പ്രത്യേ​കി​ച്ചും ആർദ്രാ​നു​ക​മ്പ​യു​ള്ള​വ​രാ​യി​രി​ക്കേ​ണ്ടത്‌, എന്തു​കൊണ്ട്‌?

[19-ാം പേജിലെ ചതുരം]

അനുകമ്പാഹീനരായ പരീശൻമാർ

വിശ്ര​മ​ത്തി​നുള്ള ശബത്തു​ദി​വസം യഹോ​വ​യു​ടെ ജനത്തെ സംബന്ധി​ച്ചി​ട​ത്തോ​ളം ആത്മീയ​വും ശാരീ​രി​ക​വു​മായ ഒരു അനു​ഗ്ര​ഹ​മാ​യി​രി​ക്കേ​ണ്ടി​യി​രു​ന്നു. എന്നിരു​ന്നാ​ലും, യഹൂദ മതനേ​താ​ക്കൻമാർ ദൈവ​ത്തി​ന്റെ ശബത്തു​നി​യ​മത്തെ അനാദ​രി​ക്കുന്ന അനേകം നിയമങ്ങൾ ഉണ്ടാക്കു​ക​യും അത്‌ ആളുകൾക്ക്‌ ഭാരമാ​ക്കി​ത്തീർക്കു​ക​യും ചെയ്‌തു. ഉദാഹ​ര​ണ​ത്തിന്‌, ആർക്കെ​ങ്കി​ലും ഒരു അപകട​മോ രോഗ​മോ ഉണ്ടാ​യെ​ന്നി​രി​ക്കട്ടെ. അയാളു​ടെ ജീവൻ അപകട​ത്തി​ലാ​ണെ​ങ്കിൽ മാത്രമേ ശബത്തിൽ അയാൾക്കു സഹായം ലഭിക്കു​മാ​യി​രു​ന്നു​ള്ളൂ.

പരീശൻമാ​രു​ടെ ഒരു വിഭാഗം പിൻവ​രു​ന്ന​വി​ധം പറയാൻ തക്കവണ്ണം അത്ര കർശന​മു​ള്ള​വ​രാ​യി​രു​ന്നു: “ശബത്തിൽ ഒരുവൻ വിലപി​ക്കു​ന്ന​വരെ ആശ്വസി​പ്പി​ക്കു​ക​യോ രോഗി​കളെ സന്ദർശി​ക്കു​ക​യോ ചെയ്യു​ന്നില്ല.” മററു ചില മതനേ​താ​ക്കൻമാർ ശബത്തിൽ അത്തരം സന്ദർശ​ന​ത്തിന്‌ അനുവാ​ദം നൽകി എന്നാൽ “കരയാൻ പാടില്ല” എന്ന്‌ വ്യവസ്ഥ​ചെ​യ്‌തു.

അങ്ങനെ, നീതി, സ്‌നേഹം, കരുണ എന്നിങ്ങനെ ന്യായ​പ്ര​മാ​ണ​ത്തി​ലെ കൂടുതൽ പ്രധാ​ന​മായ വ്യവസ്ഥകൾ അവഗണി​ക്കു​ന്ന​തി​നെ​തി​രെ യേശു പരീശൻമാ​രെ ശരിയാ​യി​ത്തന്നെ കുററം​വി​ധി​ച്ചു. “ഇങ്ങനെ നിങ്ങൾ ഉപദേ​ശി​ക്കുന്ന സമ്പ്രദാ​യ​ത്താൽ ദൈവ​ക​ല്‌പന ദുർബ്ബ​ല​മാ​ക്കു​ന്നു” എന്ന്‌ അവൻ പരീശൻമാ​രോ​ടു പറഞ്ഞതിൽ അതിശ​യി​ക്കാ​നില്ല”!—മർക്കൊസ്‌ 7:8, 13; മത്തായി 23:23; ലൂക്കൊസ്‌ 11:42.

[17-ാം പേജിലെ ചിത്രം]

231 രാജ്യ​ങ്ങ​ളി​ലാ​യി ആളുക​ളു​ടെ വീടു​ക​ളി​ലും തെരു​വു​ക​ളി​ലും ജയിലു​ക​ളിൽപ്പോ​ലും യഹോ​വ​യു​ടെ സാക്ഷികൾ അനുക​മ്പ​യു​ടെ അഭൂത​പൂർവ​മായ ഒരു വേല നിർവ​ഹി​ച്ചു​കൊ​ണ്ടി​രി​ക്കു​ന്നു

[18-ാം പേജിലെ ചിത്രം]

ടിവിയിൽ കാണു​ന്ന​പോ​ലുള്ള അക്രമങ്ങൾ വീക്ഷി​ക്കു​ന്നത്‌ ആർദ്രാ​നു​ക​മ്പ​യ്‌ക്ക്‌ തുരങ്കം വയ്‌ക്കു​ന്നു