‘അനീതി​യുള്ള ധനം​കൊണ്ട്‌ സ്‌നേ​ഹി​തൻമാ​രെ ഉണ്ടാക്കി​ക്കൊൾവിൻ’

“അനീതി​യുള്ള മമ്മോ​നെ​ക്കൊ​ണ്ടു [ധനംകൊണ്ട്‌, NW] നിങ്ങൾക്കു സ്‌നേ​ഹി​തൻമാ​രെ ഉണ്ടാക്കി​ക്കൊൾവിൻ . . . അത്യല്‌പ​ത്തിൽ വിശ്വ​സ്‌ത​നാ​യവൻ അധിക​ത്തി​ലും വിശ്വ​സ്‌തൻ.”—ലൂക്കൊസ്‌ 16:9, 10.

1. ഈജി​പ്‌തിൽനി​ന്നു രക്ഷപെ​ട്ട​ശേഷം മോശ​യും ഇസ്രാ​യേൽ മക്കളും യഹോ​വയെ സ്‌തു​തി​ച്ച​തെ​ങ്ങനെ?

ഒരു അത്ഭുത​ത്തി​ലൂ​ടെ രക്ഷപെ​ടു​ത്തു​ക​യെ​ന്നതു വിശ്വാ​സത്തെ ബലിഷ്‌ഠ​മാ​ക്കുന്ന എന്തോ​ര​നു​ഭ​വ​മാണ്‌! ഈജി​പ്‌തിൽനി​ന്നുള്ള ഇസ്രാ​യേ​ല്യ​രു​ടെ കൂട്ടപ്പ​ലാ​യ​ന​ത്തി​ന്റെ ഏക കാരണം സർവശ​ക്ത​നായ യഹോ​വ​യ​ല്ലാ​തെ വേറാ​രു​മല്ല. “എന്റെ ബലവും എന്റെ ഗീതവും യഹോ​വ​യ​ത്രേ; അവൻ എനിക്കു രക്ഷയാ​യ്‌തീർന്നു. അവൻ എന്റെ ദൈവം; ഞാൻ അവനെ സ്‌തു​തി​ക്കും. അവൻ എന്റെ പിതാ​വിൻ ദൈവം; ഞാൻ അവനെ പുകഴ്‌ത്തും” എന്ന്‌ മോശ​യും ഇസ്രാ​യേ​ല്യ​രും പാടി​യ​തിൽ ഒട്ടും അതിശ​യി​ക്കാ​നില്ല.—പുറപ്പാ​ടു 15:1, 2; ആവർത്ത​ന​പു​സ്‌തകം 29:2.

2. ഈജി​പ്‌തു വിട്ടു​പോ​ന്ന​പ്പോൾ യഹോ​വ​യു​ടെ ജനം തങ്ങളോ​ടൊ​പ്പം എന്തു കൊണ്ടു​പോ​യി?

² ഇസ്രാ​യേ​ല്യർക്കു പുതു​താ​യി ലഭിച്ച സ്വാത​ന്ത്ര്യം അവർ ഈജി​പ്‌തിൽ ആയിരു​ന്ന​പ്പോ​ഴത്തെ അവസ്ഥ​യെ​ക്കാൾ എത്രയോ വ്യത്യ​സ്‌ത​മാ​യി​രു​ന്നു! ഇപ്പോൾ യാതൊ​രു തടസ്സവും കൂടാതെ അവർക്കു യഹോ​വയെ ആരാധി​ക്കാൻ കഴിയു​മാ​യി​രു​ന്നു. അവർ വെറു​ങ്ക​യ്യോ​ടെയല്ല ഈജി​പ്‌തിൽനി​ന്നു പോന്ന​തും. മോശ ഇങ്ങനെ വിവരി​ക്കു​ന്നു: “യിസ്രാ​യേൽമക്കൾ . . . മിസ്ര​യീ​മ്യ​രോ​ടു വെള്ളി​യാ​ഭ​ര​ണ​ങ്ങ​ളും പൊന്നാ​ഭ​ര​ണ​ങ്ങ​ളും വസ്‌ത്ര​ങ്ങ​ളും ചോദി​ച്ചു. യഹോവ മിസ്ര​യീ​മ്യർക്കു ജനത്തോ​ടു കൃപ തോന്നി​ച്ച​തു​കൊ​ണ്ടു അവർ ചോദി​ച്ച​തൊ​ക്കെ​യും അവർ അവർക്കു കൊടു​ത്തു; അങ്ങനെ അവർ മിസ്ര​യീ​മ്യ​രെ കൊള്ള​യി​ട്ടു.” (പുറപ്പാ​ടു 12:35, 36) എന്നാൽ ഈജി​പ്‌തി​ന്റെ ഈ സമ്പത്ത്‌ അവർ എങ്ങനെ​യാണ്‌ ഉപയോ​ഗി​ച്ചത്‌? അത്‌ ‘യഹോ​വയെ പുകഴ്‌ത്തു’ന്നതിൽ കലാശി​ച്ചോ? നാം അവരുടെ ദൃഷ്ടാ​ന്ത​ത്തിൽനിന്ന്‌ എന്താണു പഠിക്കു​ന്നത്‌?—താരത​മ്യം ചെയ്യുക: 1 കൊരി​ന്ത്യർ 10:11.

‘യഹോ​വക്കു സംഭാവന’

3. ഇസ്രാ​യേ​ല്യർ വ്യാജാ​രാ​ധ​ന​യിൽ സ്വർണം ഉപയോ​ഗി​ച്ചത്‌ എന്തു ചെയ്യു​ന്ന​തി​നു യഹോ​വയെ പ്രേരി​പ്പി​ച്ചു?

³ ഇസ്രാ​യേ​ലി​നു​വേണ്ടി ദൈവ​നിർദേ​ശങ്ങൾ സ്വീക​രി​ക്കു​ന്ന​തി​നാ​യി സീനായി പർവത​ത്തിൽ മോശ 40 ദിവസം തങ്ങിയ​പ്പോൾ താഴെ കാത്തു​നിന്ന ജനങ്ങൾ അക്ഷമരാ​യി. അവരുടെ കാതിലെ പൊൻകു​ണു​ക്കു​കൾ പറിച്ച്‌ അഹരോ​ന്റെ കയ്യിൽ കൊടു​ത്തി​ട്ടു തങ്ങൾക്ക്‌ ആരാധി​ക്കാൻ ഒരു പ്രതിമ ഉണ്ടാക്കി​ത്ത​രാൻ അവർ അവനോ​ടു നിർദേ​ശി​ച്ചു. അഹരോൻ അവർക്ക്‌ ഒരു യാഗപീ​ഠ​വും പണിതു കൊടു​ത്തു. അടുത്ത​ദി​വസം രാവിലെ അവർ അവിടെ യാഗങ്ങൾ അർപ്പിച്ചു. അവർ സ്വർണം ഈ വിധത്തിൽ ഉപയോ​ഗി​ച്ചത്‌ അവരെ തങ്ങളുടെ രക്ഷിതാ​വി​ലേക്ക്‌ അടുപ്പി​ച്ചോ? തീർച്ച​യാ​യും ഇല്ല! “എന്റെ കോപം അവർക്കു വിരോ​ധ​മാ​യി ജ്വലിച്ചു ഞാൻ അവരെ ദഹിപ്പി​ക്കേ​ണ്ട​തി​ന്നു എന്നെവി​ടുക” എന്നു യഹോവ മോശ​യോട്‌ അരുളി​ച്ചെ​യ്‌തു. മോശ കേണ​പേ​ക്ഷി​ച്ച​തു​കൊ​ണ്ടു മാത്ര​മാ​ണു യഹോവ ജനതയെ വെറുതെ വിട്ടത്‌. എങ്കിലും മത്സരി​ക​ളായ ലഹളത്ത​ല​വൻമാർ ദൈവ​കോ​പ​ത്തി​നി​ര​യാ​യി കൊല്ല​പ്പെട്ടു.—പുറപ്പാ​ടു 32:1-6, 10-14, 30-35.

4. ‘യഹോ​വക്കു സംഭാവന’ എന്തായി​രു​ന്നു, അതു നൽകി​യ​താർ?

⁴ പിന്നീട്‌, യഹോ​വയെ സന്തോ​ഷി​പ്പിച്ച വിധത്തിൽ തങ്ങളുടെ സമ്പാദ്യം ഉപയോ​ഗി​ക്കു​ന്ന​തിന്‌ ഇസ്രാ​യേ​ല്യർക്ക്‌ അവസരം കൈവന്നു. അവർ “യഹോ​വെക്കു ഒരു വഴിപാ​ടു [“സംഭാവന,” NW]” കൊണ്ടു​വന്നു.a പൊന്ന്‌, വെള്ളി, ചെമ്പ്‌, നീലനൂൽ, വിവി​ധ​യി​നം വർണപ​ദാർഥങ്ങൾ, ആട്ടു​കൊ​റ​റന്റെ തോൽ, തഹശു​തോൽ, ഖദിര​മരം എന്നിവ തിരു​നി​വാ​സം പണിതു പൂർത്തി​യാ​ക്കു​ന്ന​തി​നു​വേണ്ടി നൽകിയ സംഭാ​വ​ന​ക​ളിൽ ചിലതാണ്‌. ആ വൃത്താന്തം, സംഭാവന നൽകി​യ​വ​രു​ടെ മനോ​ഭാ​വ​ത്തിൻമേൽ നമ്മുടെ ശ്രദ്ധ കേന്ദ്രീ​ക​രി​ക്കാൻ ഇടയാ​ക്കു​ന്നു. “നല്ല മനസ്സു​ള്ള​വ​നെ​ല്ലാം യഹോ​വെക്കു വഴിപാ​ടു [“സംഭാവന,” NW] കൊണ്ടു​വ​രേണം.” (ചെരി​ച്ചെ​ഴു​ത്തു ഞങ്ങളു​ടേത്‌. [പുറപ്പാ​ടു 35:5-9]) ഇസ്രാ​യേൽ ഹൃദയം​ഗ​മ​മാ​യി പ്രതി​ക​രി​ച്ചു. തൻമൂലം, ഒരു പണ്ഡിതന്റെ വാക്കു​ക​ളിൽ പറഞ്ഞാൽ, തിരു​നി​വാ​സം “മനോ​ഹാ​രി​ത​യു​ടെ​യും പ്രതാ​പ​ത്തി​ന്റെ​യും ഒരു മുന്തിയ” നിർമാ​ണ​മാ​യി​രു​ന്നു.

ആലയത്തി​നു​വേ​ണ്ടി​യുള്ള സംഭാവന

5, 6. ആലയ​ത്തോ​ടുള്ള ബന്ധത്തിൽ ദാവീദ്‌ തന്റെ സ്വത്തുക്കൾ എങ്ങനെ ഉപയോ​ഗി​ച്ചു, മററു​ള്ളവർ എങ്ങനെ പ്രതി​ക​രി​ച്ചു?

⁵ യഹോ​വ​യു​ടെ ആരാധ​ന​യ്‌ക്കു​വേണ്ടി ശാശ്വ​ത​മായ ഒരു ഭവനത്തി​ന്റെ നിർമാ​ണ​ത്തി​നു ശലോ​മോൻ രാജാവു മാർഗ​നിർദേശം നൽകി​യെ​ങ്കി​ലും അവന്റെ പിതാ​വായ ദാവീ​ദാ​യി​രു​ന്നു അതിനു​വേണ്ടി വൻതോ​തിൽ ഒരുക്ക​ങ്ങ​ളൊ​ക്കെ നടത്തി​യത്‌. ദാവീദ്‌ സ്വർണം, വെള്ളി, ചെമ്പ്‌, ഇരുമ്പ്‌, തടി, വില​യേ​റിയ കല്ലുകൾ എന്നിവ ഒരു വലിയ അളവിൽ തൊരു​ക്കൂ​ട്ടി. ദാവീദ്‌ ജനത്തോട്‌ ഇങ്ങനെ പറഞ്ഞു: “എന്റെ ദൈവ​ത്തി​ന്റെ ആലയ​ത്തോ​ടു എനിക്കുള്ള പക്ഷംനി​മി​ത്തം വിശു​ദ്ധ​മ​ന്ദി​ര​ത്തി​ന്നു വേണ്ടി ഞാൻ ശേഖരി​ച്ച​തൊ​ക്കെ​യും കൂടാതെ എന്റെ സ്വന്തഭ​ണ്ഡാ​ര​ത്തി​ലെ പൊന്നും വെള്ളി​യും ഞാൻ എന്റെ ദൈവ​ത്തി​ന്റെ ആലയത്തി​ന്നാ​യി കൊടു​ത്തി​രി​ക്കു​ന്നു. ആലയത്തി​ന്റെ ഭിത്തി​കളെ . . . പൊതി​വാ​നും . . . മൂവാ​യി​രം താലന്തു പൊന്നും ഏഴായി​രം താലന്ത്‌ ഊതി​ക്ക​ഴിച്ച വെള്ളി​യും തന്നേ.” ഉദാര മനസ്‌ക​രാ​യി​രി​ക്കാൻ ദാവീദ്‌ മററു​ള്ള​വ​രെ​യും പ്രോ​ത്സാ​ഹി​പ്പി​ച്ചു. പ്രതി​ക​രണം കണക്കി​ലേ​റെ​യാ​യി​രു​ന്നു: കൂടുതൽ സ്വർണം, വെള്ളി, ചെമ്പ്‌, ഇരുമ്പ്‌, വില​യേ​റിയ കല്ലുകൾ. അങ്ങനെ “ഏകാ​ഗ്ര​ഹൃ​ദ​യ​ത്തോ​ടെ മനഃപൂർവ്വ​മാ​യി​ട്ടാ​യി​രു​ന്നു [“സ്വമേ​ധയാ,” NW] അവർ യഹോ​വെക്കു കൊടു​ത്തതു.”—1 ദിനവൃ​ത്താ​ന്തം 22:5; 29:1-9.

⁶ ഈ സ്വമേ​ധയാ സംഭാ​വ​ന​ക​ളി​ലൂ​ടെ ഇസ്രാ​യേ​ല്യർ യഹോ​വ​യു​ടെ ആരാധ​ന​യിൽ ആഴമായ വിലമ​തി​പ്പു പ്രകട​മാ​ക്കി. ദാവീദ്‌ താഴ്‌മ​യോ​ടെ പ്രാർഥി​ച്ചു: “ഞങ്ങൾ ഇങ്ങനെ ഇത്ര മനഃപൂർവ്വ​മാ​യി ദാനം ചെയ്യേ​ണ്ട​തി​ന്നു പ്രാപ്‌ത​രാ​കു​വാൻ ഞാൻ ആർ? എന്റെ ജനവും എന്തുള്ളൂ?” എന്തു​കൊണ്ട്‌? എന്തു​കൊ​ണ്ടെ​ന്നാൽ “സകലവും നിങ്കൽനി​ന്ന​ല്ലോ വരുന്നതു; നിന്റെ കയ്യിൽനി​ന്നു വാങ്ങി ഞങ്ങൾ നിനക്കു തന്നതേ​യു​ള്ളു. . . . ഞാനോ എന്റെ ഹൃദയ​പ​ര​മാർഥ​ത​യോ​ടെ ഇവയെ​ല്ലാം മനഃപൂർവ്വ​മാ​യി തന്നിരി​ക്കു​ന്നു.”—1 ദിനവൃ​ത്താ​ന്തം 29:14, 17.

7. ആമോ​സി​ന്റെ നാളിൽനിന്ന്‌ എന്തു മുന്നറി​യി​പ്പിൻ പാഠമാ​ണു നാം പഠിക്കു​ന്നത്‌?

⁷ എങ്കിലും ഇസ്രാ​യേൽ ഗോ​ത്രങ്ങൾ യഹോ​വ​യു​ടെ ആരാധന തങ്ങളുടെ മനസ്സു​ക​ളി​ലും ഹൃദയ​ങ്ങ​ളി​ലും മുഖ്യ​സ്ഥാ​നത്തു വയ്‌ക്കു​ന്ന​തിൽ പരാജ​യ​പ്പെട്ടു. പൊ.യു.മു. (പൊതു​യു​ഗ​ത്തി​നു മുമ്പ്‌) ഒൻപതാം നൂററാ​ണ്ടോ​ടെ, വിഭജി​ത​രായ ഇസ്രാ​യേൽ ആത്മീയ അവഗണ​ന​യു​ടെ കുററം വഹി​ക്കേ​ണ്ടി​വന്നു. വടക്കുള്ള പത്തു​ഗോ​ത്ര ഇസ്രാ​യേൽ രാജ്യ​ത്തെ​ക്കു​റി​ച്ചു യഹോവ ആമോസ്‌ പ്രവാ​ചകൻ മുഖാ​ന്തരം ഇങ്ങനെ അരുളി​ച്ചെ​യ്‌തു: “സീയോ​നിൽ സ്വൈ​രി​ക​ളാ​യി ശമര്യാ​പർവ്വ​ത​ത്തിൽ നിർഭ​യ​രാ​യി . . . വന്നു ചേരു​ന്ന​വ​രാ​യു​ള്ളോ​രേ, നിങ്ങൾക്കു അയ്യോ കഷ്ടം!” “ആനക്കൊ​മ്പു​കൊ​ണ്ടുള്ള കട്ടിലു​ക​ളിൻമേൽ ചാരി​യി​രി​ക്ക​യും . . . ശയ്യകളിൻമേൽ നിവർന്നു കിടക്ക​യും ആട്ടിൻകൂ​ട്ട​ത്തിൽനി​ന്നു കുഞ്ഞാ​ടു​ക​ളെ​യും തൊഴു​ത്തിൽനി​ന്നു പശുക്കി​ടാ​ക്ക​ളെ​യും തിന്നു​ക​യും . . . കലശങ്ങ​ളിൽ വീഞ്ഞു കുടി​ക്ക​യും ചെയ്യുന്ന” പുരു​ഷൻമാർ എന്ന്‌ അവൻ അവരെ വർണിച്ചു. എന്നാൽ അവരുടെ സമ്പത്ത്‌ അവർക്കു സംരക്ഷ​ണ​മാ​യി​രു​ന്നില്ല. “അവർ ഇപ്പോൾ പ്രവാ​സി​ക​ളിൽ മുമ്പരാ​യി പ്രവാ​സ​ത്തി​ലേക്കു പോകും; നിവർന്നു കിടക്കു​ന്ന​വ​രു​ടെ മദ്യപാ​ന​ഘോ​ഷം തീർന്നു​പോ​കും” എന്ന്‌ ദൈവം മുന്നറി​യി​പ്പു നൽകി. പൊ.യു.മു. 740-ൽ ഇസ്രാ​യേൽ അസീറിയ മുഖാ​ന്തരം ദുരി​തങ്ങൾ അനുഭ​വി​ച്ചു. (ആമോസ്‌ 6:1, 4, 6, 7) തന്നെയു​മല്ല ദക്ഷിണ രാജ്യ​മായ യഹൂദ യഥാ​ക്രമം ഭൗതി​ക​ത്വ​ത്തിന്‌ ഇരയാ​വു​ക​യും ചെയ്‌തു.—യിരെ​മ്യാ​വു 5:26-29.

ക്രിസ്‌തീ​യ​കാ​ല​ങ്ങ​ളിൽ സമ്പത്തിന്റെ ഉചിത​മായ ഉപയോ​ഗം

8. വസ്‌തു​വ​കകൾ ഉപയോ​ഗി​ക്കുന്ന കാര്യ​ത്തിൽ യോ​സേ​ഫും മറിയ​യും എന്തു നല്ല ദൃഷ്ടാ​ന്ത​മാ​ണു വെച്ചി​രി​ക്കു​ന്നത്‌?

⁸ അതിനു വിപരീ​ത​മാ​യി, പിൽക്കാ​ല​ങ്ങ​ളിൽ ദൈവ​ദാ​സൻമാ​രു​ടെ താരത​മ്യേന ദരി​ദ്ര​മായ അവസ്ഥ ദൈവ​സേ​വ​ന​ത്തിൽ തീക്ഷ്‌ണത പ്രകടി​പ്പി​ക്കു​ന്ന​തിൽനിന്ന്‌ അവരെ തടഞ്ഞില്ല. മറിയ​യെ​യും യോ​സേ​ഫി​നെ​യും കുറിച്ചു പരിചി​ന്തി​ക്കുക. ഔഗൊ​സ്‌തൊസ്‌ കൈസ​റു​ടെ കൽപ്പന​യ​നു​സ​രിച്ച്‌ അവർ തങ്ങളുടെ ജൻമനാ​ടായ ബേത്‌ല​ഹേ​മി​ലേക്കു യാത്ര തിരിച്ചു. (ലൂക്കൊസ്‌ 2:4, 5) അവി​ടെ​വെ​ച്ചാ​യി​രു​ന്നു യേശു ജനിച്ചത്‌. നാൽപ്പതു നാൾ കഴിഞ്ഞു യോ​സേ​ഫും മറിയ​യും നിർദേ​ശാ​നു​സ​രണം ശുദ്ധീ​ക​ര​ണ​യാ​ഗം അർപ്പി​ക്കു​ന്ന​തിന്‌ അടുത്തുള്ള യെരു​ശ​ലേ​മി​ലെ ആലയം സന്ദർശി​ച്ചു. തങ്ങളുടെ താഴ്‌ന്ന ഭൗതിക നിലയെ സൂചി​പ്പി​ച്ചു​കൊ​ണ്ടു മറിയ രണ്ടു ചെറിയ പക്ഷികളെ ബലിയർപ്പി​ച്ചു. അവളോ യോ​സേ​ഫോ തങ്ങൾ ദരി​ദ്ര​രാ​ണെന്ന്‌ ഒഴിക​ഴി​വു പറഞ്ഞില്ല. മറിച്ച്‌, അവർ അനുസ​ര​ണ​യോ​ടെ തങ്ങളുടെ പരിമിത ഉപജീ​വ​ന​മാർഗം ഉപയോ​ഗി​ച്ചു.—ലേവ്യ​പു​സ്‌തകം 12:8; ലൂക്കൊസ്‌ 2:22-24.

9-11. (എ) നാം പണം എങ്ങനെ ചെലവ​ഴി​ക്കണം എന്നതു സംബന്ധി​ച്ചു മത്തായി 22:21 നമുക്ക്‌ എന്തു മാർഗ​നിർദേ​ശ​മാ​ണു നൽകു​ന്നത്‌? (ബി) വിധവ​യു​ടെ ചെറിയ സംഭാവന വൃഥാ​വി​ലാ​കാ​ഞ്ഞത്‌ എന്തു​കൊണ്ട്‌?

⁹ പിന്നീട്‌, പരീശൻമാ​രും ഹെരോ​ദാ​വി​ന്റെ അനുഗാ​മി​ക​ളും, “നിനക്ക്‌ എന്തു​തോ​ന്നു​ന്നു? കൈസർക്കു കരം കൊടു​ക്കു​ന്നതു വിഹി​ത​മോ അല്ലയോ എന്നു പറഞ്ഞു​ത​രേണം” എന്നു പറഞ്ഞു​കൊ​ണ്ടു യേശു​വി​നെ പരീക്ഷി​ക്കാൻ ശ്രമിച്ചു. യേശു​വി​ന്റെ മറുപടി അവന്റെ വിവേ​ച​നയെ വെളി​പ്പെ​ടു​ത്തി. അവർ നൽകിയ നാണയ​ത്തു​ട്ടി​നെ പരാമർശി​ച്ചു​കൊ​ണ്ടു യേശു ചോദി​ച്ചു: “ഈ സ്വരൂ​പ​വും മേലെ​ഴു​ത്തും ആരു​ടേതു?” “കൈസ​രു​ടേതു” എന്ന്‌ അവർ മറുപടി പറഞ്ഞു. “എന്നാൽ കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ” എന്നു ജ്ഞാനപൂർവം പറഞ്ഞു​കൊണ്ട്‌ അവൻ ഉപസം​ഹ​രി​ച്ചു. (മത്തായി 22:17-21) നാണയം പുറത്തി​റ​ക്കിയ അധികാ​രി നികുതി പ്രതീ​ക്ഷി​ക്കു​ന്നു​വെന്നു യേശു​വിന്‌ അറിയാ​മാ​യി​രു​ന്നു. എന്നാൽ സത്യ​ക്രി​സ്‌ത്യാ​നി​കൾ ‘ദൈവ​ത്തി​ന്നു​ള്ളതു ദൈവ​ത്തി​ന്നു’ കൊടു​ക്കാ​നും ശ്രമം​ചെ​ലു​ത്തു​മെന്നു തന്റെ അനുഗാ​മി​ക​ളും ശത്രു​ക്ക​ളും തിരി​ച്ച​റി​യാൻ അവൻ അവിടെ അവരെ സഹായി​ക്കു​ക​യാ​യി​രു​ന്നു. ഇതിൽ ഒരുവന്റെ ഭൗതിക സമ്പാദ്യ​ങ്ങ​ളു​ടെ ഉചിത​മായ ഉപയോ​ഗ​വും ഉൾപ്പെ​ടു​ന്നു.

¹⁰ യേശു ദേവാ​ല​യ​ത്തിൽ നിരീ​ക്ഷിച്ച ഒരു സംഭവം ഇതിനു ദൃഷ്ടാ​ന്ത​മാണ്‌. ‘വിധവ​മാ​രു​ടെ വീടു​കളെ വിഴു​ങ്ങിയ’ അത്യാ​ഗ്ര​ഹി​ക​ളായ ശാസ്‌ത്രി​മാ​രെ അവൻ കുററം വിധി​ച്ചിട്ട്‌ അധികം വൈകും​മു​മ്പേ “അവൻ തലപൊ​ക്കി ധനവാൻമാർ ഭണ്ഡാര​ത്തിൽ വഴിപാ​ടു ഇടുന്നതു കണ്ടു” എന്നു ലൂക്കൊസ്‌ റിപ്പോർട്ടു ചെയ്യുന്നു. “ദരി​ദ്ര​യാ​യൊ​രു വിധവ രണ്ടു കാശു ഇടുന്നതു കണ്ടിട്ടു അവൻ: ഈ ദരി​ദ്ര​യായ വിധവ എല്ലാവ​രെ​ക്കാ​ളും അധികം ഇട്ടിരി​ക്കു​ന്നു എന്നു ഞാൻ സത്യമാ​യി നിങ്ങ​ളോ​ടു പറയുന്നു. എല്ലാവ​രും തങ്ങളുടെ സമൃദ്ധി​യിൽ നിന്നല്ലോ വഴിപാ​ടു ഇട്ടതു; ഇവളോ തന്റെ ഇല്ലായ്‌മ​യിൽനി​ന്നു തനിക്കുള്ള ഉപജീ​വനം ഒക്കെയും ഇട്ടിരി​ക്കു​ന്നു.” (ലൂക്കൊസ്‌ 20:46, 47; 21:1-4) ആലയം വില​യേ​റിയ കല്ലുകൾകൊണ്ട്‌ അലങ്കരി​ച്ച​താ​ണെന്നു ചിലയാ​ളു​കൾ സൂചി​പ്പി​ച്ചു. “ഈ കാണു​ന്ന​തിൽ ഇടിഞ്ഞു​പോ​കാ​തെ കല്ലു കല്ലിൻമേൽ ശേഷി​ക്കാത്ത കാലം വരും” എന്നു യേശു അതിനു പ്രത്യു​ത്തരം നൽകി. (ലൂക്കൊസ്‌ 21:5, 6) ആ വിധവ​യു​ടെ എളിയ സംഭാവന വൃഥാ​വാ​യോ? തീർച്ച​യാ​യും ഇല്ല. ആ സമയത്തു യഹോവ സ്ഥാപി​ച്ചി​രുന്ന ഒരു ക്രമീ​ക​ര​ണത്തെ അവൾ പിന്തു​ണ​യ്‌ക്കു​ക​യാ​യി​രു​ന്നു.

¹¹ യേശു തന്റെ യഥാർഥ അനുഗാ​മി​ക​ളോ​ടു പറഞ്ഞു: “ഒരു ഭൃത്യന്‌ രണ്ടു യജമാ​നൻമാ​രെ സേവി​ക്കാൻ സാധി​ക്കു​ക​യില്ല. ഒന്നുകിൽ അവൻ ഒരുവനെ ദ്വേഷി​ക്കു​ക​യും മററവനെ സ്‌നേ​ഹി​ക്കു​ക​യും ചെയ്യും. അല്ലെങ്കിൽ ഒരുവ​നോ​ടു ഭക്തികാ​ണി​ക്കു​ക​യും മററവനെ നിന്‌ദി​ക്കു​ക​യും ചെയ്യും. ദൈവ​ത്തെ​യും ധനത്തെ​യും ഒന്നിച്ചു സേവി​ക്കാൻ നിങ്ങൾക്കു കഴിയു​ക​യില്ല.” (ലൂക്കാ 16:13, പി.ഒ.സി. ബൈ.) അപ്പോൾ, നമ്മുടെ ഭൗതിക വസ്‌തു​വ​ക​ക​ളു​ടെ ഉപയോ​ഗ​ത്തി​ന്റെ കാര്യ​ത്തിൽ നമുക്ക്‌ എങ്ങനെ ശരിയായ സമനില പ്രകടി​പ്പി​ക്കാ​നാ​വും?

വിശ്വസ്‌ത ഗൃഹവി​ചാ​ര​കൻ

12-14. (എ) ക്രിസ്‌ത്യാ​നി​കൾ ഏതു വസ്‌തു​വ​ക​ക​ളു​ടെ ഗൃഹവി​ചാ​ര​കൻമാ​രാണ്‌? (ബി) ഏത്‌ മഹത്തര​മായ വിധങ്ങ​ളി​ലാ​ണു യഹോ​വ​യു​ടെ സാക്ഷികൾ തങ്ങളുടെ ഗൃഹവി​ചാ​ര​ക​ത്വം വിശ്വ​സ്‌ത​ത​യോ​ടെ നിർവ​ഹി​ക്കു​ന്നത്‌? (സി) ദൈവ​വേ​ലയെ പിന്തു​ണ​യ്‌ക്കു​ന്ന​തിന്‌ ആവശ്യ​മായ പണം ഇന്ന്‌ എവി​ടെ​നി​ന്നു വരുന്നു?

¹² നാം നമ്മുടെ ജീവിതം യഹോ​വക്കു സമർപ്പി​ക്കു​മ്പോൾ ഫലത്തിൽ നമുക്കു​ള്ള​തെ​ല്ലാം, നമ്മുടെ സകല വസ്‌തു​വ​ക​ക​ളും അവനു​ള്ള​താണ്‌ എന്നു പറയു​ക​യാ​ണു നാം ചെയ്യു​ന്നത്‌. എങ്കിൽ, നമുക്കു​ള്ളതു നാം എങ്ങനെ​യാണ്‌ ഉപയോ​ഗി​ക്കേ​ണ്ടത്‌? സഭയിൽ ക്രിസ്‌തീയ സേവന​ത്തെ​ക്കു​റി​ച്ചു ചർച്ച​ചെ​യ്‌തു​കൊ​ണ്ടു വാച്ച്‌ ടവർ സൊ​സൈ​റ​റി​യു​ടെ ഒന്നാമത്തെ പ്രസി​ഡ​ണ്ടാ​യി​രുന്ന സി. ററി. റസ്സൽ സഹോ​ദരൻ എഴുതി: “ഓരോ​രു​ത്ത​രേ​യും കർത്താവ്‌ അവനവന്റെ സമയം, സ്വാധീ​നം, പണം തുടങ്ങി​യ​വ​യു​ടെ​മേൽ ഗൃഹവി​ചാ​ര​ക​നാ​യി നിയമി​ച്ചി​രി​ക്കു​ന്ന​താ​യി ഓരോ​രു​ത്ത​രും കരു​തേ​ണ്ട​തുണ്ട്‌. ഓരോ​രു​ത്ത​രും യജമാ​നന്റെ മഹിമ​യ്‌ക്കു​വേണ്ടി ഈ താലന്തു​കൾ തന്റെ കഴിവി​ന്റെ പരമാ​വധി ഉപയോഗിക്കാൻ പഠി​ക്കേ​ണ്ട​താണ്‌.”—പുതിയ സൃഷ്ടി (ഇംഗ്ലീഷ്‌) പേജ്‌ 345.

¹³ “ഗൃഹവി​ചാ​ര​കൻമാ​രിൽ അന്വേ​ഷി​ക്കു​ന്ന​തോ അവർ വിശ്വ​സ്‌ത​രാ​യി​രി​ക്കേണം” എന്നതാ​ണെന്ന്‌ 1 കൊരി​ന്ത്യർ 4:2 പ്രസ്‌താ​വി​ക്കു​ന്നു. ഒരു അന്താരാ​ഷ്‌ട്രീയ സംഘടന എന്നനി​ല​യിൽ യഹോ​വ​യു​ടെ സാക്ഷികൾ ആ വിവര​ണ​ത്തി​നു ചേർച്ച​യിൽ ജീവി​ക്കു​ന്ന​തി​നു തങ്ങളാൽ കഴിയു​ന്ന​ത്ര​യും സമയം ക്രിസ്‌തീയ ശുശ്രൂ​ഷ​യിൽ ചെലവ​ഴി​ക്കു​ക​യും പഠിപ്പി​ക്കാ​നുള്ള കഴിവു​കൾ ശ്രദ്ധാ​പൂർവം നട്ടുവ​ളർത്തു​ക​യും ചെയ്‌തു​കൊ​ണ്ടു കഠിന​ശ്രമം ചെയ്യുന്നു. കൂടാതെ, പ്രാ​ദേ​ശിക നിർമാ​ണ​ക്ക​മ്മി​റ​റി​യു​ടെ മാർഗ​നിർദേ​ശ​ത്തിൻ കീഴിൽ സന്നദ്ധ​സേ​വ​ക​രു​ടെ സംഘങ്ങൾ ആരാധ​ന​യ്‌ക്കു​വേണ്ടി ഒന്നാന്തരം യോഗ ഹാളുകൾ നിർമി​ക്കു​ന്ന​തി​നു തങ്ങളുടെ സമയം, ശക്തി, വൈദ​ഗ്‌ധ്യം എന്നിവ സ്വമന​സ്സാ​ലേ നൽകുന്നു. ഇതി​ലെ​ല്ലാം യഹോവ വളരെ സന്തുഷ്ട​നാണ്‌.

¹⁴ ഇത്രയും വിപു​ല​മായ പഠിപ്പി​ക്കൽ പ്രസ്ഥാ​ന​ത്തെ​യും നിർമാണ പ്രവർത്ത​ന​ത്തെ​യു​മൊ​ക്കെ പിന്തു​ണ​യ്‌ക്കു​ന്ന​തി​നു പണം എവി​ടെ​നി​ന്നാ​ണു വരുന്നത്‌? തിരു​നി​വാ​സ​ത്തി​ന്റെ നിർമാണ നാളി​ലെ​ന്ന​പോ​ലെ മനസ്സൊ​രു​ക്ക​മു​ള്ള​വ​രിൽനിന്ന്‌. വ്യക്തി​ഗ​ത​മാ​യി നമുക്ക്‌ അതി​ലൊ​രു പങ്കുണ്ടോ? യഹോ​വ​യു​ടെ സേവനം നമുക്കു പരമ​പ്ര​ധാ​ന​മാ​ണെന്നു നാം നമ്മുടെ ഭൗതിക വസ്‌തു​വ​കകൾ ഉപയോ​ഗി​ക്കുന്ന വിധം പ്രകട​മാ​ക്കു​ന്നു​ണ്ടോ? പണസം​ബ​ന്ധ​മായ കാര്യ​ങ്ങ​ളിൽ നമുക്കു വിശ്വസ്‌ത ഗൃഹവി​ചാ​ര​കൻമാർ ആയിരി​ക്കാം.

ഉദാര​ത​യു​ടെ ഒരു മാതൃക

15, 16. (എ) പൗലോ​സി​ന്റെ നാളിലെ ക്രിസ്‌ത്യാ​നി​കൾ എങ്ങനെ​യാണ്‌ ഉദാര മനഃസ്ഥി​തി പ്രകടി​പ്പി​ച്ചത്‌? (ബി) നാം ഈ ചർച്ചയെ എങ്ങനെ വീക്ഷി​ക്കേ​ണ്ട​തുണ്ട്‌?

¹⁵ മക്കെ​ദോ​ന്യ​യി​ലും അഖായ​യി​ലു​മുള്ള ക്രിസ്‌ത്യാ​നി​ക​ളു​ടെ ഉദാര മനഃസ്ഥി​തി​യെ​ക്കു​റിച്ച്‌ അപ്പോ​സ്‌ത​ല​നായ പൗലോസ്‌ എഴുതി. (റോമർ 15:26) സ്വയം ബുദ്ധി​മു​ട്ടി​ലാ​യി​രു​ന്നി​ട്ടും തങ്ങളുടെ സഹോ​ദ​ര​ങ്ങളെ സഹായി​ക്കു​ന്ന​തിന്‌ അവർ സത്വരം സംഭാ​വ​ന​ചെ​യ്‌തു. കൊരി​ന്തി​ലെ ക്രിസ്‌ത്യാ​നി​കളെ, അവരുടെ സുഭിക്ഷം മററു​ള്ള​വ​രു​ടെ കുറവു നികത്തു​ന്ന​തിന്‌ ഉദാര​മ​ന​സ്സോ​ടെ ദാനം ചെയ്യാൻ പൗലോസ്‌ പ്രോ​ത്സാ​ഹി​പ്പി​ച്ചു. അപഹരി​ച്ചെ​ടു​ക്കു​ക​യാ​യി​രു​ന്നെന്ന്‌ ആർക്കും പൗലോ​സി​നെ ന്യായ​മാ​യി കുററ​പ്പെ​ടു​ത്താ​നാ​വി​ല്ലാ​യി​രു​ന്നു. “ലോഭ​മാ​യി വിതെ​ക്കു​ന്നവൻ ലോഭ​മാ​യി കൊയ്യും; ധാരാ​ള​മാ​യി വിതെ​ക്കു​ന്നവൻ ധാരാ​ള​മാ​യി കൊയ്യും എന്നു ഓർത്തു​കൊൾവിൻ. അവനവൻ ഹൃദയ​ത്തിൽ നിശ്ചയി​ച്ച​തു​പോ​ലെ കൊടു​ക്കട്ടെ. സങ്കട​ത്തോ​ടെ അരുതു; നിർബ്ബ​ന്ധ​ത്താ​ലു​മ​രു​തു; സന്തോ​ഷ​ത്തോ​ടെ കൊടു​ക്കു​ന്ന​വനെ ദൈവം സ്‌നേ​ഹി​ക്കു​ന്നു” എന്ന്‌ അവൻ എഴുതി.—2 കൊരി​ന്ത്യർ 8:1-3, 14; 9:5-7, 13.

¹⁶ ഇന്നത്തെ ലോക​വ്യാ​പ​ക​മായ രാജ്യ​വേ​ല​യ്‌ക്കു​വേണ്ടി സഹോ​ദ​ര​ങ്ങ​ളും താത്‌പ​ര്യ​ക്കാ​രും നൽകുന്ന അകമഴിഞ്ഞ സംഭാ​വ​നകൾ അവർ ഈ പദവിയെ എത്രമാ​ത്രം വിലമ​തി​ക്കു​ന്നു​വെ​ന്ന​തി​ന്റെ തെളി​വാണ്‌. പൗലോസ്‌ കൊരി​ന്ത്യ​രെ ഓർമിപ്പിച്ചതുപോലെ നാമും ഈ ചർച്ചയെ ഒരു ഓർമി​പ്പി​ക്ക​ലാ​യി കരുതു​ന്നതു നന്നായി​രി​ക്കും.

17. ഏതുവി​ധ​ത്തി​ലുള്ള നൽകലി​നെ​യാ​ണു പൗലോസ്‌ പ്രോ​ത്സാ​ഹി​പ്പി​ച്ചത്‌, ഇത്‌ ഇന്നു ബാധക​മാ​ക്കാ​മോ?

¹⁷ സംഭാവന നൽകുന്ന കാര്യ​ത്തിൽ ജീവി​ത​ത്തിൽ ഒരു സംഘടിത ക്രമീ​ക​രണം പിൻപ​റ​റാൻ സഹോ​ദ​രൻമാർക്കു പൗലോസ്‌ പ്രചോ​ദ​ന​മേകി. “ആഴ്‌ച​വ​ട്ട​ത്തിൽ ഒന്നാം നാൾതോ​റും നിങ്ങളിൽ ഓരോ​രു​ത്തൻ തനിക്കു കഴിവു​ള്ളതു ചരതിച്ചു തന്റെ പക്കൽ വെച്ചു​കൊ​ള്ളേണം” എന്ന്‌ അവൻ പറഞ്ഞു. (1 കൊരി​ന്ത്യർ 16:1, 2) സഭയി​ലൂ​ടെ​യോ വാച്ച്‌ ടവർ സൊ​സൈ​റ​റി​യു​ടെ ഏററവും അടുത്ത ബ്രാഞ്ച്‌ ഓഫീ​സി​ലേക്ക്‌ നേരി​ട്ടോ സംഭാവന നൽകുന്ന കാര്യ​ത്തിൽ അത്‌ നമുക്കും നമ്മുടെ കുട്ടി​കൾക്കും ഒരു ദൃഷ്ടാ​ന്ത​മാ​യി ഉതകാ​വു​ന്ന​താണ്‌. പൂർവ ആഫ്രി​ക്ക​യി​ലെ പട്ടണത്തിൽ പ്രസം​ഗ​വേ​ല​ക്കാ​യി നിയമി​ത​രായ ഒരു മിഷനറി ദമ്പതി​മാർ ഒരു ബൈബി​ള​ധ്യ​യ​ന​ത്തിൽ പങ്കെടു​ക്കാൻ താത്‌പ​ര്യ​ക്കാ​രെ ക്ഷണിച്ചു. ആദ്യത്തെ ഈ യോഗ​ത്തി​നു​ശേഷം മിഷന​റി​മാർ വിവേ​ക​പൂർവം ചില നാണയ​ത്തു​ട്ടു​കൾ “രാജ്യ​വേ​ല​യ്‌ക്കു​വേ​ണ്ടി​യുള്ള സംഭാ​വ​നകൾ” എന്നെഴു​തിയ ഒരു പെട്ടി​യിൽ നിക്ഷേ​പി​ച്ചു. ഹാജരാ​യി​രുന്ന മററു​ള്ള​വ​രും അങ്ങനെ​തന്നെ ചെയ്‌തു. പിന്നീട്‌, ഈ പുതി​യവർ ഒരു ക്രിസ്‌തീയ സഭയായി സംഘടി​ത​മാ​യ​പ്പോൾ സർക്കിട്ട്‌ മേൽവി​ചാ​രകൻ സന്ദർശി​ക്കു​ക​യും സംഭാവന നൽകു​ന്ന​തി​ലുള്ള അവരുടെ ക്രമത്തിൽ അവരെ അനു​മോ​ദി​ക്കു​ക​യും ചെയ്‌തു.—സങ്കീർത്തനം 50:10, 14, 23.

18. നമ്മുടെ ദുരി​ത​മ​നു​ഭ​വി​ക്കുന്ന സഹോ​ദ​ര​ങ്ങളെ നമുക്ക്‌ എങ്ങനെ സഹായി​ക്കാ​നാ​വും?

¹⁸ പ്രകൃതി വിപത്തു​കൾക്ക്‌ ഇരയാ​യ​വ​രെ​യും യുദ്ധത്താൽ ശൂന്യ​മാ​ക്ക​പ്പെട്ട സ്ഥലങ്ങളിൽ ജീവി​ക്കു​ന്ന​വ​രെ​യും സഹായി​ക്കു​ന്ന​തി​നു​വേണ്ടി നമ്മുടെ വസ്‌തു​വ​കകൾ ഉപയോ​ഗി​ക്കു​ന്ന​തി​നുള്ള പദവി​യും നമുക്കുണ്ട്‌. സാമ്പത്തി​ക​വും രാഷ്‌ട്രീ​യ​വു​മായ കോളി​ള​ക്കങ്ങൾ പൂർവ യൂറോ​പ്പിൽ ആഞ്ഞടി​ച്ച​പ്പോൾ ലോക​ത്തി​ന്റെ ആ ഭാഗ​ത്തേക്കു ദുരി​താ​ശ്വാ​സ സാധനങ്ങൾ അയച്ചു​വെന്നു വായിച്ച്‌ നാം എത്ര പുളകി​ത​രാ​യി! വസ്‌തു​വ​ക​ക​ളാ​യും പണമാ​യും നമ്മുടെ സഹോ​ദ​രങ്ങൾ നൽകിയ സംഭാ​വ​നകൾ വിഷമ​സ്ഥി​തി​യി​ലാ​യി​രുന്ന ക്രിസ്‌ത്യാ​നി​ക​ളോ​ടു​ണ്ടാ​യി​രുന്ന അവരുടെ ഉദാര​ത​യെ​യും ഐക്യ​ത്തെ​യും പ്രകട​മാ​ക്കി.b—2 കൊരി​ന്ത്യർ 8:13, 14.

19. മുഴു​സമയ സേവന​ത്തി​ലു​ള്ള​വരെ സഹായി​ക്കു​ന്ന​തി​നു നമുക്ക്‌ എന്തെല്ലാം പ്രാ​യോ​ഗിക സംഗതി​കൾ ചെയ്യാ​നാ​വും?

¹⁹ പയനി​യർമാർ, സഞ്ചാര​മേൽവി​ചാ​ര​കൻമാർ, മിഷന​റി​മാർ, ബെഥേൽ സന്നദ്ധ​സേ​വകർ എന്നീ നിലക​ളിൽ മുഴു​സമയ സേവന​ത്തിൽ ഏർപ്പെ​ടുന്ന സഹോ​ദ​ര​ങ്ങ​ളു​ടെ വേലയെ നാം അത്യന്തം വിലമ​തി​ക്കു​ന്നു, ഇല്ലേ? നമ്മുടെ സാഹച​ര്യം അനുവ​ദി​ക്കു​ന്ന​തു​പോ​ലെ അവർക്കു നേരിട്ടു ഭൗതിക സഹായം നൽകു​ന്ന​തി​നു നമുക്കു കഴി​ഞ്ഞേ​ക്കും. ദൃഷ്ടാന്തത്തിന്‌, സർക്കിട്ട്‌ മേൽവി​ചാ​രകൻ നിങ്ങളു​ടെ സഭ സന്ദർശി​ക്കുന്ന സമയത്ത്‌ അദ്ദേഹ​ത്തി​നു താമസ​സൗ​ക​ര്യം, ഭക്ഷണം, അല്ലെങ്കിൽ യാത്ര​ച്ചെ​ലവ്‌ എന്നിവ നൽകു​ന്ന​തി​നു നിങ്ങൾക്കു കഴി​ഞ്ഞേ​ക്കും. അത്തരം ഉദാരത നമ്മുടെ സ്വർഗീയ പിതാ​വി​ന്റെ ശ്രദ്ധയിൽ പെടാതെ പോകു​ന്നില്ല. കാരണം, തന്റെ ദാസൻമാ​രെ പരിപാ​ലി​ക്ക​ണ​മെ​ന്നാണ്‌ അവൻ ആഗ്രഹി​ക്കു​ന്നത്‌. (സങ്കീർത്തനം 37:25) ഏതാനും വർഷം മുമ്പ്‌, ലഘുഭ​ക്ഷണം മാത്രം നൽകാൻ പ്രാപ്‌തി​യു​ണ്ടാ​യി​രുന്ന ഒരു സഹോ​ദരൻ ഒരു സഞ്ചാര​മേൽവി​ചാ​ര​ക​നെ​യും ഭാര്യ​യെ​യും ക്ഷണിക്കു​ക​യു​ണ്ടാ​യി. ആ ദമ്പതികൾ സായാഹ്ന വയൽസേ​വ​ന​ത്തി​നാ​യി ഇറങ്ങി​ത്തി​രി​ക്കു​ന്നേരം സഹോ​ദരൻ തന്റെ സന്ദർശ​ക​രു​ടെ കൈവശം ഒരു കവർ നൽകി. അതിനു​ള്ളിൽ ഒരു ബാങ്ക്‌ നോട്ടും (ഒരു യു.എസ്‌. ഡോള​റി​ന്റെ മൂല്യ​മു​ള്ളത്‌) അതോ​ടൊ​പ്പം, ഒരു കുറി​പ്പും ഉണ്ടായി​രു​ന്നു. കുറി​പ്പിൽ “ഒരു കപ്പു ചായക്ക്‌ അല്ലെങ്കിൽ നാലര ലിററർ പെ​ട്രോ​ളിന്‌” എന്ന്‌ എഴുതി​യി​രു​ന്നു. ഈ എളിയ പെരു​മാ​റ​റ​രീ​തി​യിൽ എത്രമാ​ത്രം വിലമ​തി​പ്പാ​ണു പ്രകട​മാ​യി​രി​ക്കു​ന്നത്‌!

20. നാം മറന്നു​ക​ള​യാൻ ആഗ്രഹി​ക്കാത്ത പദവി​യും ഉത്തരവാ​ദി​ത്വ​വും ഏവ?

²⁰ ആത്മീയ​മാ​യി, യഹോ​വ​യു​ടെ ജനം അനുഗൃ​ഹീ​ത​രാണ്‌! നമ്മുടെ സമ്മേള​ന​ങ്ങ​ളി​ലും കൺ​വെൻ​ഷ​നു​ക​ളി​ലും നാം ആത്മീയ വിരുന്ന്‌ ആസ്വദി​ക്കു​ന്നു. പുതിയ പ്രസി​ദ്ധീ​ക​ര​ണ​ങ്ങ​ളും നല്ല ബോധ​ന​വും പ്രാ​യോ​ഗിക ബുദ്ധ്യു​പ​ദേ​ശ​വും നമുക്ക്‌ അവി​ടെ​നി​ന്നു ലഭിക്കു​ന്നു. ആത്മീയ അനു​ഗ്ര​ഹ​ങ്ങൾമൂ​ലം നമ്മുടെ ഹൃദയങ്ങൾ വിലമ​തി​പ്പി​നാൽ നിറഞ്ഞു​തു​ളു​മ്പു​ന്നു. തൻമൂലം ദൈവ​രാ​ജ്യ​ത്തി​ന്റെ താത്‌പ​ര്യ​ങ്ങൾ ലോക​വ്യാ​പ​ക​മാ​യി വ്യാപി​പ്പി​ക്കു​ന്ന​തി​നു സംഭാവന നൽകു​ന്ന​തി​നുള്ള നമ്മുടെ പദവി​യും ഉത്തരവാ​ദി​ത്വ​വും നാം മറന്നു കളയു​ന്നില്ല.

‘അനീതി​യുള്ള ധനം​കൊ​ണ്ടു സ്‌നേ​ഹി​തൻമാ​രെ ഉണ്ടാക്കി​ക്കൊൾവിൻ’

21, 22. ‘അനീതി​യുള്ള ധന’ത്തിന്‌ ഉടൻ എന്തു സംഭവി​ക്കും, തൻമൂലം നാം ഇപ്പോൾ എന്തു ചെയ്യേ​ണ്ടി​യി​രി​ക്കു​ന്നു?

²¹ യഹോ​വ​യു​ടെ ആരാധന നമ്മുടെ ജീവി​ത​ത്തിൽ പ്രഥമ​സ്ഥാ​നത്തു നിൽക്കു​ന്നു​വെന്നു നമുക്ക്‌ അനേക വിധങ്ങ​ളിൽ കാണി​ക്കാൻ കഴിയും. അപ്രകാ​രം ചെയ്യു​ന്ന​തി​നുള്ള ഒരു പ്രധാന മാർഗം യേശു​വി​ന്റെ പിൻവ​രുന്ന ബുദ്ധ്യു​പ​ദേശം കൈ​ക്കൊ​ള്ളു​ന്ന​താണ്‌: “അനീതി​യുള്ള മമ്മോ​നെ​ക്കൊ​ണ്ടു നിങ്ങൾക്കു സ്‌നേ​ഹി​തൻമാ​രെ ഉണ്ടാക്കി​ക്കൊൾവിൻ . . . അതു ഇല്ലാ​തെ​യാ​കു​മ്പോൾ അവർ നിത്യ​കൂ​ടാ​ര​ങ്ങ​ളിൽ നിങ്ങളെ ചേർത്തു​കൊൾവാൻ ഇടയാ​കും.”—ലൂക്കൊസ്‌ 16:9.

²² അനീതി​യുള്ള ധനം ക്ഷയിച്ചു​പോ​കു​മെന്നു യേശു പറഞ്ഞു​വെ​ന്നതു ശ്രദ്ധി​ക്കുക. അതേ, ഈ വ്യവസ്ഥി​തി​യു​ടെ ധനത്തിനു വിലയി​ല്ലാ​താ​കുന്ന നാൾ വരും. “അവർ തങ്ങളുടെ വെള്ളി വീഥി​ക​ളിൽ എറിഞ്ഞു​ക​ള​യും; പൊന്നു അവർക്കു മലമായി തോന്നും; അവരുടെ വെള്ളി​ക്കും പൊന്നി​ന്നും യഹോ​വ​യു​ടെ കോപ​ദി​വ​സ​ത്തിൽ അവരെ വിടു​വി​പ്പാൻ കഴിക​യില്ല” എന്ന്‌ എസെക്കി​യേൽ പ്രവചി​ക്കു​ക​യു​ണ്ടാ​യി. (യെഹെ​സ്‌കേൽ 7:19) ഇതു സംഭവി​ക്കു​ന്ന​തു​വരെ നാം നമ്മുടെ ഭൗതിക വസ്‌തു​വ​ക​ക​ളു​ടെ ഉപയോ​ഗ​ത്തിൽ ജ്ഞാനവും വിവേ​ച​ന​യും ഉപയോ​ഗി​ക്കണം. തൻമൂലം, “നിങ്ങൾ അനീതി​യുള്ള മമ്മോ​നിൽ [ധനത്തിന്റെ കാര്യത്തിൽ, NW] വിശ്വ​സ്‌ത​രാ​യില്ല എങ്കിൽ സത്യമാ​യതു നിങ്ങളെ ആർ ഭരമേ​ല്‌പി​ക്കും? നിങ്ങൾക്കു ദൈവ​ത്തെ​യും മമ്മോ​നെ​യും [ധനത്തെയും, NW] സേവി​പ്പാൻ കഴിക​യില്ല” എന്ന യേശു​വി​ന്റെ മുന്നറി​യി​പ്പി​നു ചെവി ചായ്‌ച്ചി​ല്ല​ല്ലോ എന്നോർത്തു പിന്നീടു നാം ഖേദി​ക്കേണ്ടി വരില്ല.—ലൂക്കൊസ്‌ 16:11-13.

23. നാം ഏതു സംഗതി ജ്ഞാനപൂർവം ഉപയോ​ഗി​ക്കണം, നമ്മുടെ പ്രതി​ഫലം എന്തായി​രി​ക്കും?

²³ അതു​കൊണ്ട്‌, യഹോ​വ​യു​ടെ ആരാധന നമ്മുടെ ജീവി​ത​ത്തിൽ പ്രഥമ സ്ഥാനത്തു വയ്‌ക്കാ​നും നമ്മുടെ ഭൗതിക വസ്‌തു​വ​ക​ക​ളെ​ല്ലാം ജ്ഞാനപൂർവം ഉപയോ​ഗി​ക്കാ​നു​മുള്ള ഈ ഓർമി​പ്പി​ക്ക​ലു​കൾക്കു നമു​ക്കെ​ല്ലാം വിശ്വ​സ്‌ത​ത​യോ​ടെ ചെവി​കൊ​ടു​ക്കാം. അങ്ങനെ, സമ്പത്തു കൈ​വെ​ടി​യു​മ്പോൾ നിത്യ​ജീ​വന്റെ പ്രത്യാശ സഹിതം നമ്മെ സ്വർഗീയ രാജ്യ​ത്തി​ലെ​യോ പറുദീ​സാ ഭൂമി​യി​ലെ​യോ “നിത്യ​കൂ​ടാ​ര​ങ്ങ​ളിൽ . . . ചേർത്തു​കൊ”ള്ളുമെന്നു വാഗ്‌ദത്തം ചെയ്‌തി​രി​ക്കുന്ന യഹോ​വ​യും യേശു​വു​മാ​യുള്ള നമ്മുടെ സുഹൃ​ദ്‌ബന്ധം നമുക്കു നിലനിർത്താം.—ലൂക്കൊസ്‌ 16:9.

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​വോ?

◻ തിരു​നി​വാ​സ​ത്തി​ന്റെ നിർമാ​ണ​ത്തി​നു സംഭാവന നൽകു​ന്ന​തി​നുള്ള യഹോ​വ​യു​ടെ ക്ഷണത്തോട്‌ ഇസ്രാ​യേ​ല്യർ എങ്ങനെ പ്രതി​ക​രി​ച്ചു?

◻ വിധവ​യു​ടെ സംഭാവന വൃഥാ​വാ​കാ​ഞ്ഞത്‌ എന്തു​കൊണ്ട്‌?

◻ ക്രിസ്‌ത്യാ​നി​കൾ തങ്ങളുടെ വസ്‌തു​വ​കകൾ ഉപയോ​ഗി​ക്കു​ന്ന​തി​നോ​ടുള്ള ബന്ധത്തിൽ എന്ത്‌ ഉത്തരവാ​ദി​ത്വം വഹിക്കു​ന്നു?

◻ ഖേദി​ക്കേണ്ടി വരാത്ത​വി​ധം നമുക്ക്‌ എങ്ങനെ പണം ചെലവ​ഴി​ക്കാം?

[15-ാം പേജിലെ ചിത്രം]

വിധവയുടെ സംഭാവന ചെറു​തെ​ങ്കി​ലും വൃഥാ​വാ​യി​ല്ല

[16, 17 പേജിലെ ചിത്രം]

നമ്മുടെ സംഭാവന ലോക​വ്യാ​പക രാജ്യ​വേ​ലയെ പിന്തു​ണ​യ്‌ക്കു​ന്നു