സാത്താ​ന്റെ​യും അവന്റെ വേലക​ളു​ടെ​യും​മേൽ വിജയം​വ​രി​ക്കൽ

1. “ദുഷ്ടന്റെ കൈ” മുഖാ​ന്തരം മനുഷ്യ​വർഗം ഇന്ന്‌ എങ്ങനെ​യാ​ണു ബാധി​ക്ക​പ്പെ​ട്ടി​രി​ക്കു​ന്നത്‌?

“നിങ്ങൾ ദൈവ​ത്തി​ന്നു കീഴട​ങ്ങു​വിൻ; പിശാ​ചി​നോ​ടു എതിർത്തു​നി​ല്‌പിൻ; എന്നാൽ അവൻ നിങ്ങളെ വിട്ടു ഓടി​പ്പോ​കും.”—യാക്കോബ്‌ 4:7.

“ഭൂമി ദുഷ്ടന്റെ കൈക​ളിൽ ഏൽപ്പി​ക്ക​പ്പെ​ട്ടി​രി​ക്കു​ന്നു” എന്ന്‌ ഇയ്യോബ്‌ ശരിയാ​യി പ്രസ്‌താ​വി​ക്കു​ക​യു​ണ്ടാ​യി. (ഇയ്യോബ്‌ 9:24, NW) മനുഷ്യ ചരി​ത്ര​ത്തി​ലെ ഏററവും ദുർഘ​ട​മായ സമയത്തെ അഭിമു​ഖീ​ക​രി​ക്കു​ക​യാ​ണു നാമി​പ്പോൾ. എന്തു​കൊണ്ട്‌? എന്തെന്നാൽ, ഭൂമി​യു​ടെ​മേ​ലുള്ള സാത്താന്റെ പൈശാ​ചിക മേധാ​വി​ത്വ​ത്തി​ന്റെ “അവസാന നാളുക”ളാണ്‌ ഇവ. സാത്താന്റെ പ്രേര​ണ​യാൽ ‘ദുഷ്ടമ​നു​ഷ്യ​രും മായാ​വി​ക​ളും [“വഞ്ചകരും,” NW] വഞ്ചിച്ചും വഞ്ചിക്ക​പ്പെ​ട്ടും​കൊ​ണ്ടു മേല്‌ക്കു​മേൽ ദോഷ​ത്തിൽ മുതിർന്നു​വ​രുന്ന’തിൽ അത്ഭുത​പ്പെ​ടാ​നില്ല. (2 തിമൊ​ഥെ​യൊസ്‌ 3:1, 13) ഇതിനു​പു​റ​മേ​യാ​ണു പീഡനങ്ങൾ, അനീതി, ദുഷ്ടത, കുററ​കൃ​ത്യ​ങ്ങൾ, സാമ്പത്തിക ഞെരു​ക്കങ്ങൾ, മാറാ​രോ​ഗങ്ങൾ, വാർധ​ക്യ​സ​ഹ​ജ​മായ ബുദ്ധി​മു​ട്ടു​കൾ, വൈകാ​രി​ക​ത്ത​കർച്ചകൾ എന്നിവ​യു​ള്ളത്‌. ഇവയും മററു പലസം​ഗ​തി​ക​ളും നമ്മെ അതിയാ​യി ഭാര​പ്പെ​ടു​ത്തി​യേ​ക്കാം.

2. സാത്താന്റെ ആക്രമ​ണ​ങ്ങളെ നമുക്ക്‌ ഇന്ന്‌ എങ്ങനെ നേരി​ടാം?

² പിശാ​ചായ സാത്താൻ എന്ന വലിയ പ്രതി​യോ​ഗി മനുഷ്യ​വർഗ​ത്തി​ന്റെ​മേൽ, പ്രത്യേ​കിച്ച്‌ ദൈവ​ത്തി​ന്റെ സത്യാ​രാ​ധ​ക​രു​ടെ​മേൽ, ഉന്നം​വെ​ച്ചുള്ള ആക്രമണം നടത്തു​ക​യാണ്‌. നിർമലത പാലി​ക്കാൻ സാധ്യ​ത​യുള്ള സകല​രെ​യും ദൈവ​ത്തി​നെ​തി​രെ തിരിച്ച്‌, തനിക്കും തന്റെ ഭൂതദൂ​തൻമാർക്കു​മൊ​പ്പം അവരെ​യും നാശത്തി​ലെ​ത്തി​ക്കു​ക​യാണ്‌ അവന്റെ ലക്ഷ്യം. എങ്കിലും, നിർമ​ല​ത​യോ​ടെ സഹിച്ചു​നിൽക്കു​ന്നെ​ങ്കിൽ, പിശാചു നമ്മെ വിട്ട്‌ ഓടി​പ്പോ​കു​മെന്ന ഉറപ്പു നമുക്കുണ്ട്‌. യേശു​വി​നെ​പ്പോ​ലെ, നാം സഹിക്കുന്ന സംഗതി​ക​ളി​ലൂ​ടെ ദൈവ​ത്തോ​ടുള്ള “അനുസ​രണം പഠി”ക്കാൻ നമുക്കു കഴിയും. അങ്ങനെ അവന്റെ അനർഹ​ദ​യ​യാൽ നിത്യ​ജീ​വ​നും കരസ്ഥമാ​ക്കാ​നാ​വും.—എബ്രായർ 5:7, 8; യാക്കോബ്‌ 4:7; 1 പത്രൊസ്‌ 5:8-10.

3, 4. (എ) ബാഹ്യ​മായ ഏതു പരി​ശോ​ധ​ന​ക​ളോ​ടാ​ണു പൗലോ​സി​നു പോരാ​ടേ​ണ്ടി​യി​രു​ന്നത്‌? (ബി) ഒരു ക്രിസ്‌തീയ മൂപ്പൻ എന്നനി​ല​യിൽ പൗലോ​സിന്‌ എന്തു ചിന്താ​ഭാ​ര​മു​ണ്ടാ​യി​രു​ന്നു?

³ അപ്പോ​സ്‌ത​ല​നായ പൗലോ​സും അനേക​വി​ധ​ങ്ങ​ളിൽ പരീക്ഷി​ക്ക​പ്പെ​ടു​ക​യു​ണ്ടാ​യി. ക്രിസ്‌തു​വി​ന്റെ ഒരു ശുശ്രൂ​ഷകൻ എന്നനി​ല​യി​ലുള്ള തെളി​വു​കൾ പ്രസ്‌താ​വി​ച്ചു​കൊണ്ട്‌ അവൻ എഴുതി: “ഞാൻ ഏററവും അധികം അദ്ധ്വാ​നി​ച്ചു, അധികം പ്രാവ​ശ്യം തടവി​ലാ​യി, അനവധി അടി​കൊ​ണ്ടു, പലപ്പോ​ഴും പ്രാണ​ഭ​യ​ത്തി​ലാ​യി; യെഹൂ​ദ​രാൽ ഞാൻ ഒന്നുകു​റയ നാല്‌പതു അടി അഞ്ചുവട്ടം കൊണ്ടു; മൂന്നു​വട്ടം കോലി​നാൽ അടി​കൊ​ണ്ടു; ഒരിക്കൽ കല്ലേറു​കൊ​ണ്ടു, മൂന്നു​വട്ടം കപ്പൽച്ചേ​ത​ത്തിൽ അകപ്പെട്ടു, ഒരു രാപ്പകൽ വെള്ളത്തിൽ കഴിച്ചു. ഞാൻ പലപ്പോ​ഴും യാത്ര ചെയ്‌തു; നദിക​ളി​ലെ ആപത്തു, കള്ളൻമാ​രാ​ലുള്ള ആപത്തു, സ്വജന​ത്താ​ലുള്ള ആപത്തു, ജാതി​ക​ളാ​ലുള്ള ആപത്തു, പട്ടണത്തി​ലെ ആപത്തു, കാട്ടിലെ ആപത്തു, കടലിലെ ആപത്തു, കള്ളസ​ഹോ​ദ​രൻമാ​രാ​ലുള്ള ആപത്തു; അദ്ധ്വാനം, പ്രയാസം, പലവട്ടം ഉറക്കി​ളപ്പു, പൈദാ​ഹം, പലവട്ടം പട്ടിണി, ശീതം, നഗ്നത.

⁴ “എന്നീ അസാധാ​ര​ണ​സം​ഗ​തി​കൾ ഭവിച്ചതു കൂടാതെ എനിക്കു ദിവസേന സർവ്വ സഭക​ളെ​യും കുറി​ച്ചുള്ള ചിന്താ​ഭാ​രം എന്ന തിരക്കും ഉണ്ടു. ആർ ബലഹീ​ന​നാ​യി​ട്ടു ഞാൻ ബലഹീ​ന​നാ​കാ​തെ ഇരിക്കു​ന്നു? ആർ ഇടറി​പ്പോ​യി​ട്ടു ഞാൻ അഴലാ​തി​രി​ക്കു​ന്നു?” (2 കൊരി​ന്ത്യർ 11:23-29) അങ്ങനെ, പുറ​മേ​നി​ന്നു പീഡന​ങ്ങ​ളും പരി​ശോ​ധ​ന​ക​ളും നേരി​ട്ട​പ്പോൾ പൗലോസ്‌ നിർമലത കാത്തു. ഒരു ക്രിസ്‌തീയ മൂപ്പൻ എന്നനി​ല​യിൽ, സഭയിലെ ബലഹീ​ന​രായ സഹോ​ദ​രീ​സ​ഹോ​ദ​രൻമാ​രെ നിർമലത കാത്തു​കൊ​ള്ളാൻ സഹായി​ച്ചു​കൊണ്ട്‌ ശക്തീക​രി​ക്കു​ന്ന​തിൽ അവൻ ബദ്ധശ്ര​ദ്ധ​നാ​യി​രു​ന്നു. ഇന്നത്തെ ക്രിസ്‌തീയ മൂപ്പൻമാർക്ക്‌ എന്തൊരു ഉത്തമ മാതൃക!

പീഡന​ത്തിൻമ​ധ്യേ നിർമലത

5. നേരി​ട്ടുള്ള പീഡന​ത്തി​നുള്ള മറുമ​രുന്ന്‌ എന്ത്‌?

⁵ നിർമലത തകർക്കാൻ സാത്താൻ ഉപയോ​ഗി​ക്കുന്ന തന്ത്രങ്ങൾ എന്തെല്ലാ​മാണ്‌? മുകളിൽ സൂചി​പ്പി​ച്ച​തു​പോ​ലെ, നേരി​ട്ടുള്ള പീഡന​മാ​ണു സാത്താന്റെ ഏററവും നീചമായ ഒരു തന്ത്രം. എന്നാൽ അതിനു മറുമ​രു​ന്നുണ്ട്‌. “കർത്താ​വി​ലും അവന്റെ അമിത ബലത്തി​ലും ശക്തി​പ്പെ​ടു​വിൻ. പിശാ​ചി​ന്റെ തന്ത്രങ്ങ​ളോ​ടു [‘കൗശല പ്രവൃ​ത്തി​ക​ളോട്‌,’ NW അടിക്കു​റിപ്പ്‌] എതിർത്തു​നി​ല്‌പാൻ കഴി​യേ​ണ്ട​തി​ന്നു ദൈവ​ത്തി​ന്റെ സർവ്വാ​യു​ധ​വർഗ്ഗം ധരിച്ചു​കൊൾവിൻ” എന്ന്‌ എഫെസ്യർ 6:10, 11 നമ്മെ ബുദ്ധ്യു​പ​ദേ​ശി​ക്കു​ന്നു.

6. യഹോ​വ​യു​ടെ സാക്ഷികൾ “പൂർണ്ണ​ജയം പ്രാപി”ച്ചിരി​ക്കു​ന്നു​വെന്ന്‌ എങ്ങനെ പ്രകട​മാ​ക്കാം?

⁶ ഈ അന്ത്യനാ​ളു​ക​ളിൽ യഹോ​വ​യു​ടെ സാക്ഷി​കൾക്കു പലപ്പോ​ഴും പരി​ശോ​ധ​ന​കളെ നേരി​ടേ​ണ്ട​താ​യി വന്നിട്ടുണ്ട്‌. അതു​കൊണ്ട്‌, പൗലോ​സി​നോ​ടൊ​പ്പം നമുക്ക്‌ ഇങ്ങനെ പറയാ​നാ​വും: “നാമോ നമ്മെ സ്‌നേ​ഹി​ച്ച​വൻമു​ഖാ​ന്തരം ഇതിൽ ഒക്കെയും പൂർണ്ണ​ജയം പ്രാപി​ക്കു​ന്നു.” (റോമർ 8:37) 1933-നും 1945-നുമി​ട​യി​ലെ നാസി​ഭരണ കാലഘ​ട്ട​ത്തിൽ ജർമനി, ഓസ്‌ട്രിയ, പോളണ്ട്‌, യൂഗോ​സ്ലാ​വിയ എന്നിവി​ട​ങ്ങ​ളി​ലെ തടങ്കൽപ്പാ​ള​യ​ങ്ങ​ളി​ലും 1945 മുതൽ 1989 വരെയുള്ള കാലഘ​ട്ട​ത്തിൽ പൂർവ യൂറോ​പ്യൻ രാജ്യ​ങ്ങ​ളിൽ നടന്ന കമ്മ്യു​ണി​സ്‌ററ്‌ അടിച്ച​മർത്ത​ലു​ക​ളി​ലും ഈയിടെ ആഫ്രി​ക്ക​യു​ടെ​യും ലാററിൻ അമേരി​ക്ക​യു​ടെ​യും പലഭാ​ഗ​ങ്ങ​ളിൽ നടന്ന പീഡന​ങ്ങ​ളി​ലും യഹോ​വ​യു​ടെ സാക്ഷികൾ പ്രകട​മാ​ക്കിയ നിർമ​ല​ത​യു​ടെ ചരിത്രം ഇതിനുള്ള തെളി​വു​ക​ളാണ്‌.

7. എത്യോ​പ്യ​യിൽനി​ന്നു റിപ്പോർട്ടു ചെയ്യുന്ന, നിർമ​ല​ത​യു​ടെ പ്രചോ​ദ​നാ​ത്മ​ക​മായ ദൃഷ്ടാ​ന്ത​മേത്‌?

⁷ 1974-നും 1991-നും ഇടയിൽ എത്യോ​പ്യ​യി​ലെ യഹോ​വ​യു​ടെ സാക്ഷികൾ നിർമ​ല​ത​യു​ടെ ഹൃദയ​സ്‌പർശി​യായ ദൃഷ്ടാന്തം കാഴ്‌ച​വെ​ക്കു​ക​യു​ണ്ടാ​യി. തടവി​ലാ​യി​രുന്ന ഒരു സഹോ​ദ​ര​നോ​ടു രാഷ്‌ട്രീയ ലക്ഷ്യം മനസ്സിൽപ്പി​ടി​ച്ചു​കൊണ്ട്‌ ഒരു അധികാ​രി പറഞ്ഞു: “നിങ്ങളെ പോകാൻ അനുവ​ദി​ക്കു​ന്ന​തി​നെ​ക്കാൾ മെച്ചം മൃഗശാ​ല​യിൽനി​ന്നു സിംഹ​ങ്ങളെ അഴിച്ചു​വി​ടു​ന്ന​താ​യി​രി​ക്കും!” ഈ നിർദ​യ​രായ ദ്രോ​ഹി​കൾ യഹോ​വ​യു​ടെ ദാസൻമാ​രെ പീഡി​പ്പി​ച്ചു. ഏതാനും വർഷങ്ങൾ കഴിഞ്ഞ​പ്പോൾ അപ്പീൽക്കോ​ടതി അവരെ വധശി​ക്ഷക്കു വിധി​ക്കു​ക​യും ചെയ്‌തു. ഒരു സഹോ​ദ​രന്റെ ശവശരീ​രം പൊതു​പ്ര​ദർശ​ന​ത്തി​നാ​യി വെച്ചു—ഒരു മുന്നറി​യി​പ്പാ​യിട്ട്‌. കൂടുതൽ അയവുള്ള കോട​തി​ക​ളിൽ അപ്പീൽ ബോധി​പ്പിച്ച സഹോ​ദ​ര​ങ്ങൾക്കു വധശി​ക്ഷ​യിൽനിന്ന്‌ ഒഴിവാ​കാൻ സാധിച്ചു. ‘ജയശാ​ലി​ക​ളായ’ ഈ വിശ്വ​സ്‌ത​രിൽ ചിലർ 1994-ന്റെ ആരംഭ​ത്തിൽ ആഡിസ്‌ അബാബ​യിൽ നടന്ന “ദിവ്യ ബോധന” ഡിസ്‌ട്രി​ക്‌ററ്‌ കൺ​വെൻ​ഷ​നി​ലെ പരിപാ​ടി​യിൽ പങ്കെടുത്ത്‌ തങ്ങളുടെ അനുഭ​വങ്ങൾ പങ്കു വെക്കു​ക​യു​ണ്ടാ​യി.a—യോഹ​ന്നാൻ 16:33; താരത​മ്യം ചെയ്യുക: 1 കൊരി​ന്ത്യർ 4:9.

8. “വർഗീയ വെടി​പ്പാക്ക”ലിൽനി​ന്നു സാത്താൻ മുത​ലെ​ടു​ക്കാൻ ശ്രമി​ച്ചി​രി​ക്കു​ന്ന​തെ​ങ്ങനെ?

⁸ മുന്നിൽനി​ന്നു നടത്തുന്ന നേരി​ട്ടുള്ള ആക്രമ​ണ​ങ്ങൾകൊ​ണ്ടൊ​ന്നും വിശ്വ​സ്‌ത​രായ അത്തരം സഹോ​ദ​രീ​സ​ഹോ​ദ​രൻമാ​രു​ടെ നിർമ​ല​തയെ തകർക്കാൻ സാത്താനു കഴിഞ്ഞില്ല. അതു​കൊണ്ട്‌, വേറെ ഏതെല്ലാം കൗശല​പ്ര​യോ​ഗ​ങ്ങ​ളാ​ണു പിശാച്‌ നടത്തു​ന്നത്‌? ഈ അന്ത്യനാ​ളു​ക​ളെ​ക്കു​റിച്ച്‌, വെളി​പ്പാ​ടു 12:12 പറയുന്നു: “ഭൂമി​ക്കും സമു​ദ്ര​ത്തി​ന്നും അയ്യോ കഷ്ടം; പിശാചു തനിക്കു അല്‌പ​കാ​ല​മേ​യു​ള്ളൂ എന്നു അറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.” പീഡനം​കൊ​ണ്ടു ദൈവ​ത്തി​ന്റെ വിശ്വ​സ്‌ത​ജ​നത്തെ ഉൻമൂ​ലനം ചെയ്യാൻ പരാജ​യ​പ്പെ​ട്ട​തു​കൊണ്ട്‌, കോപാ​കു​ല​നായ അവന്റെ ഇന്നത്തെ ശ്രമം ജനങ്ങളെ കൂട്ട​ത്തോ​ടെ കൊ​ന്നൊ​ടു​ക്കാ​നാണ്‌, തീർച്ച​യാ​യും മററു ജനങ്ങ​ളോ​ടൊ​പ്പം യഹോ​വ​യു​ടെ ജനത്തെ​യും നശിപ്പി​ക്കുക എന്ന ലക്ഷ്യത്തിൽത്തന്നെ. അങ്ങനെ​യാണ്‌ വർഗീയ വെടി​പ്പാ​ക്കൽ എന്നു പറയുന്ന പ്രവർത്തനം മുൻ യൂഗോ​സ്ലാ​വി​യ​യു​ടെ ഭാഗങ്ങ​ളിൽ നടന്നത്‌. ലൈബീ​രിയ, ബുറൂണ്ടി, റുവാണ്ട എന്നിവി​ട​ങ്ങ​ളി​ലാ​കട്ടെ, വർഗവി​ച്‌ഛേ​ദ​ന​ത്തി​നുള്ള ശ്രമങ്ങ​ളും നടന്നു.

9. സാത്താന്റെ തന്ത്രങ്ങൾ പലപ്പോ​ഴും പൊളി​യു​ന്ന​തെ​ന്തു​കൊണ്ട്‌? ഉദാഹ​ര​ണങ്ങൾ നൽകുക.

⁹ എന്നുവ​രി​കി​ലും, സാത്താന്റെ തന്ത്രങ്ങൾ പലപ്പോ​ഴും അവനു​തന്നെ തിരി​ച്ച​ടി​യാ​കാ​റുണ്ട്‌. കാരണം, തങ്ങളുടെ പ്രത്യാശ അടിസ്ഥാ​ന​പ്പെ​ടു​ത്തേ​ണ്ടത്‌ യഹോ​വ​യു​ടെ സാക്ഷികൾ സതീക്ഷ്‌ണം പ്രഘോ​ഷി​ക്കുന്ന ദൈവ​രാ​ജ്യ​ത്തിൽമാ​ത്ര​മാണ്‌ എന്ന ബോധ്യം പൈശാ​ചിക പീഡനം നിമിത്തം പരമാർഥ​ഹൃ​ദ​യ​രായ ആളുക​ളിൽ മുള​യെ​ടു​ക്കു​ന്നു. (മത്തായി 12:20) തീർച്ച​യാ​യും, താത്‌പ​ര്യ​ക്കാർ രാജ്യ​ത്തി​ലേക്ക്‌ ഓടി​യെ​ത്തു​ക​യാണ്‌! ഉദാഹ​ര​ണ​ത്തിന്‌, പോരാ​ട്ട​ത്താൽ പിച്ചി​ച്ചീ​ന്ത​പ്പെട്ട ബോസ്‌നി​യ​യി​ലും ഹെർട്‌സെ​ഗോ​വി​ന​യി​ലും 1994 മാർച്ച്‌ 26-നു യേശു​വി​ന്റെ മരണത്തി​ന്റെ സ്‌മാ​ര​കാ​ഘോ​ഷ​ത്തിൽ 1,307 പേർ പങ്കെടു​ത്തു, അതായത്‌, കഴിഞ്ഞ​വർഷ​ത്തെ​ക്കാൾ 291 പേർ കൂടുതൽ. സാര​യെ​വോ​യി​ലും (414) സ്സെനറ​റ്‌സ​യി​ലും (223) ററൂസ്‌ലാ​യി​ലും (339) ബാന്യ ലൂക്കയി​ലും (255) മററു പട്ടണങ്ങ​ളി​ലും അത്യുച്ച ഹാജരു​കൾ രേഖ​പ്പെ​ടു​ത്തു​ക​യു​ണ്ടാ​യി. അയൽരാ​ജ്യ​മായ ക്രൊ​യേ​ഷ്യ​യി​ലും ഹാജർ അത്യു​ച്ച​മാ​യി​രു​ന്നു, 8,326 പേർ. “കർത്താവു വരു​വോ​ളം അവന്റെ മരണത്തെ പ്രസ്‌താ​വി”ച്ചുകൊ​ണ്ടി​രി​ക്കുക എന്ന കൽപ്പന അനുസ​രി​ക്കു​ന്ന​തിൽനിന്ന്‌ ആ രാജ്യ​ങ്ങ​ളി​ലെ യഹോ​വ​യു​ടെ സാക്ഷി​കളെ പിന്തി​രി​പ്പി​ക്കാൻ അവർക്കു ചുററും നടമാ​ടു​ക​യാ​യി​രുന്ന അക്രമ​ങ്ങൾക്കൊ​ന്നും സാധി​ച്ചില്ല.—1 കൊരി​ന്ത്യർ 11:26.

പോരാ​ട്ട​ത്താൽ ചീന്തപ്പെട്ട റുവാ​ണ്ട​യിൽ

10, 11. (എ) ക്രിസ്‌തീ​യ​മെന്നു പറയ​പ്പെ​ടുന്ന റുവാ​ണ്ട​യിൽ എന്തു സംഭവി​ച്ചു? (ബി) വിശ്വ​സ്‌ത​രായ മിഷന​റി​മാർ സ്വയം എന്ത്‌ ആശയം പ്രകടി​പ്പി​ച്ചി​രി​ക്കു​ന്നു?

¹⁰ 1993-ൽ, 2,080 രാജ്യ​പ്ര​സാ​ധകർ ഉണ്ടായി​രുന്ന റുവാ​ണ്ട​യിൽ “ദിവ്യ ബോധന” ഡിസ്‌ട്രി​ക്‌ററ്‌ കൺ​വെൻ​ഷ​നിൽ പങ്കെടു​ത്തത്‌ 4,075 പേരാ​യി​രു​ന്നു. സ്‌നാ​പ​ന​മേ​റ​റവർ 230 പേരും. ഇവരിൽ 142 പേർ ഉടനടി സഹായ പയനി​യർസേ​വ​ന​ത്തി​നു​വേണ്ടി അപേക്ഷി​ച്ചു. ഭവന ബൈബി​ള​ധ്യ​യ​നങ്ങൾ 7,655 ആയി കുതി​ച്ചു​യർന്നു. ഇതൊ​ന്നും സാത്താന്‌ അത്ര രുചി​ച്ചി​ല്ലെ​ന്നതു സ്‌പഷ്ടം! ആളുക​ളിൽ ഭൂരി​പ​ക്ഷ​വും ക്രിസ്‌ത്യാ​നി​ക​ളാ​ണെന്നു പറയു​ന്നു​ണ്ടെ​ങ്കി​ലും ഗോ​ത്ര​ങ്ങൾക്കി​ട​യിൽ കൂട്ട​ക്കൊ​ലകൾ ആരംഭി​ച്ചു. വത്തിക്കാ​നിൽനി​ന്നുള്ള ല ഒസ്സർവാ​തൊ​റെ റോമാ​നോ ഇങ്ങനെ സമ്മതിച്ചു പറഞ്ഞു: “എങ്ങനെ നോക്കി​യാ​ലും ഇതു വർഗവി​ച്‌ഛേ​ദം​തന്നെ. നിർഭാ​ഗ്യ​വ​ശാൽ ഇതിനു കത്തോ​ലി​ക്ക​രും ഉത്തരവാ​ദി​ക​ളാണ്‌.” പുരു​ഷൻമാ​രും സ്‌ത്രീ​ക​ളും കുട്ടി​ക​ളു​മ​ടക്കം ഏതാണ്ട്‌ അഞ്ചു ലക്ഷം പേർക്കു ജീവാ​പാ​യം സംഭവി​ച്ച​താ​യി കണക്കാ​ക്ക​പ്പെ​ടു​ന്നു. വീടും നാടും വിട്ടു പലായനം ചെയ്യാൻ നിർബ​ന്ധി​ത​രാ​യ​വ​രു​ടെ എണ്ണം 20 ലക്ഷത്തോ​ളം വരും. തങ്ങളുടെ അക്രമ​ര​ഹി​ത​മായ ക്രിസ്‌തീയ നിഷ്‌പക്ഷത നിലനിർത്തി​ക്കൊണ്ട്‌, യഹോ​വ​യു​ടെ സാക്ഷികൾ ഒത്തൊ​രു​മി​ച്ചു നിൽക്കാൻ ശ്രമിച്ചു. നമ്മുടെ നൂറു​ക​ണ​ക്കി​നു സഹോ​ദ​രീ​സ​ഹോ​ദ​രൻമാർ വധിക്ക​പ്പെട്ടു. 65 പ്രസാ​ധ​ക​രുള്ള ഒരു സഭയിൽ 13 പേർ കൊല്ല​പ്പെട്ടു. എന്നാൽ 1994 ആഗസ്‌ററ്‌ ആയപ്പോ​ഴേ​ക്കും അവരുടെ യോഗ​ഹാ​ജർ 170 ആയി ഉയർന്നു. ആദ്യമാ​യി എത്തിയ ദുരി​താ​ശ്വാ​സ സാധന​ങ്ങ​ളോ​ടൊ​പ്പം​തന്നെ മററു​രാ​ജ്യ​ങ്ങ​ളി​ലുള്ള യഹോ​വ​യു​ടെ സാക്ഷികൾ അയച്ചതും എത്തി. അതിജീ​വി​ക്കു​ന്ന​വർക്കു​വേണ്ടി നമുക്കു പ്രാർഥി​ക്കാം.—റോമർ 12:12; 2 തെസ്സ​ലൊ​നീ​ക്യർ 3:1, 2; എബ്രായർ 10:23-25.

¹¹ ഈ ഭീകരാ​ന്ത​രീ​ക്ഷം നിലനിൽക്കേ, റുവാ​ണ്ട​യി​ലു​ണ്ടാ​യി​രുന്ന മൂന്നു മിഷന​റി​മാർ രക്ഷപെട്ടു. അവർ ഇങ്ങനെ എഴുതു​ന്നു: “ലോക​ത്തെ​വി​ടെ​യും നമ്മുടെ സഹോ​ദ​ര​ങ്ങൾക്കു സമാന​മായ സ്ഥിതി​വി​ശേ​ഷ​മോ ഇതിലും വഷളാ​യ​തോ നേരി​ടേ​ണ്ട​തു​ണ്ടാ​യി​ട്ടു​ണ്ടെന്നു ഞങ്ങൾ തിരി​ച്ച​റി​യു​ന്നു. ഈ ദുഷ്ടവ്യ​വ​സ്ഥി​തി​യു​ടെ അവസാന നാളു​ക​ളു​ടെ അടയാ​ള​മാണ്‌ ഇതെല്ലാം എന്നു ഞങ്ങൾക്ക്‌ അറിയാം. എങ്കിലും, ഒരാൾ അതിൽ വ്യക്തി​പ​ര​മാ​യി ഉൾപ്പെ​ടു​മ്പോ​ഴാ​ണു സംഗതി​ക​ളു​ടെ യാഥാർഥ്യ​ത്തെ​ക്കു​റി​ച്ചു കണിശ​മാ​യും ബോധ​വാ​നാ​കു​ന്നത്‌. അപ്പോ​ഴാണ്‌ ഒരുവനു മനസ്സി​ലാ​കു​ന്നത്‌ ജീവൻ എത്ര വില​പ്പെ​ട്ട​താ​ണെന്ന്‌. ഞങ്ങളെ സംബന്ധി​ച്ചു ചില തിരു​വെ​ഴു​ത്തു​കൾക്കു പ്രത്യേക അർഥം കൈവ​ന്നി​രി​ക്കു​ക​യാണ്‌. പഴയ കാര്യങ്ങൾ മേലാൽ ഓർമ​യി​ലേക്കു വരിക​യി​ല്ലാത്ത ആ സമയ​ത്തേക്കു ഞങ്ങൾ നോക്കി​പ്പാർത്തി​രി​ക്കു​ക​യാണ്‌. അതുവരെ യഹോ​വ​യു​ടെ സേവന​ത്തിൽ തിര​ക്കോ​ടെ ചെലവ​ഴി​ക്ക​ണ​മെ​ന്നാ​ണു ഞങ്ങളുടെ ആഗ്രഹം.”

നിർമ​ല​താ​പാ​ല​ക​രായ യുവജ​ന​ങ്ങൾ

12, 13. (എ) നിർമ​ല​താ​പാ​ല​ന​ത്തി​ന്റെ ഏതു ഗതിയാണ്‌ ഒരു പെൺകു​ട്ടി കൈ​ക്കൊ​ണ്ടത്‌? (ബി) നമ്മുടെ യുവാക്കൾ ഇന്ന്‌ എവിടെ പ്രോ​ത്സാ​ഹനം കണ്ടെത്തി​യേ​ക്കാം?

¹² സത്യത്തി​നു​വേണ്ടി കുടും​ബാം​ഗ​ങ്ങ​ളാൽ പരിത്യ​ജി​ക്ക​പ്പെ​ടു​ന്ന​വർക്ക്‌ “നൂറു മടങ്ങു” ആയി പ്രതി​ഫലം ലഭിക്കു​മെന്നു യേശു സൂചി​പ്പി​ക്കു​ക​യു​ണ്ടാ​യി. (മർക്കൊസ്‌ 10:29, 30) ഉത്തരാ​ഫ്രി​ക്ക​യി​ലെ എന്റെല്യ എന്ന പത്തു വയസ്സു​കാ​രി​യു​ടെ കാര്യ​ത്തിൽ ഇതു സത്യമാ​യി​രു​ന്നു. ദൈവ​ത്തി​ന്റെ നാമം യഹോവ എന്നു കേട്ടമാ​ത്ര​യിൽത്തന്നെ അവൾക്ക്‌ അതിഷ്ട​മാ​യി. യഹോ​വ​യു​ടെ സാക്ഷി​ക​ളോ​ടൊ​പ്പം പഠിക്കാൻ തുടങ്ങിയ അവൾ ഓരോ പ്രാവ​ശ്യ​വും യോഗ​ങ്ങൾക്കു വന്നിരു​ന്നത്‌ 90 മിനി​ററ്‌ നടന്നാ​യി​രു​ന്നു—എതിർപ്പുള്ള കുടും​ബാം​ഗങ്ങൾ അവൾ മടങ്ങി​യെ​ത്തു​മ്പോൾ പലപ്പോ​ഴും അവളെ വീട്ടിൽ കയററാ​തി​രു​ന്നി​ട്ടു​പോ​ലും. 13-ാമത്തെ വയസ്സിൽ അവൾ വീടു​തോ​റും പ്രസം​ഗി​ക്കാൻ ആരംഭി​ച്ചു. അതോടെ കുടും​ബ​ത്തിൽനി​ന്നുള്ള എതിർപ്പു രൂക്ഷമാ​യി. ഒരു ദിവസം ബന്ധുക്കൾ അവളെ കയ്യും കാലും കെട്ടി ഏഴു മണിക്കൂ​റോ​ളം വെയി​ല​ത്തി​ട്ടു, ഇടയ്‌ക്കി​ടെ അവളുടെ ദേഹ​ത്തേക്കു ചെളിവെള്ളം എറിയു​ക​യും ചെയ്‌തു​കൊ​ണ്ടി​രു​ന്നു. കൊടും പകയോ​ടെ അവളെ അവർ തല്ലി, അവളുടെ ഒരു കണ്ണു നശിപ്പി​ച്ചു, അവസാനം വീട്ടിൽനിന്ന്‌ ആട്ടിപ്പാ​യി​ക്കു​ക​യും ചെയ്‌തു. എന്നുവ​രി​കി​ലും, അവൾക്ക്‌ ആശുപ​ത്രി​യിൽ ഒരു ജോലി ശരിയാ​യി, അവസാനം ഒരു നേഴ്‌സാ​യി​ത്തീ​രു​ക​യും ചെയ്‌തു. 20-ാം വയസ്സിൽ സ്‌നാ​പ​ന​മേററ അവൾ ഉടനെ സഹായ പയനി​യ​റാ​യി പേർ ചാർത്തി. അവളുടെ നിർമ​ല​ത​യിൽ അന്തംവി​ട്ടു​പോയ കുടും​ബാം​ഗങ്ങൾ അവളെ വീട്ടി​ലേക്കു തിരികെ സ്വാഗതം ചെയ്‌തു, അവരിൽ ഒമ്പതു​പേർ ബൈബി​ള​ധ്യ​യനം സ്വീക​രി​ച്ചു.

¹³ എന്റെല്യ​യ്‌ക്കു കാര്യ​മായ പ്രോ​ത്സാ​ഹനം ലഭിച്ചതു സങ്കീർത്തനം 116-ൽനിന്നാ​യി​രു​ന്നു, വിശേ​ഷിച്ച്‌ അതിന്റെ 1-4 വരെയുള്ള വാക്യ​ങ്ങ​ളിൽനിന്ന്‌. അവൾ അതു കൂടെ​ക്കൂ​ടെ വായി​ക്കു​മാ​യി​രു​ന്നു: “യഹോവ എന്റെ പ്രാർത്ഥ​ന​യും യാചന​ക​ളും കേട്ടതു​കൊ​ണ്ടു ഞാൻ അവനെ സ്‌നേ​ഹി​ക്കു​ന്നു. അവൻ തന്റെ ചെവി എങ്കലേക്കു ചായി​ച്ച​തു​കൊ​ണ്ടു ഞാൻ ജീവകാ​ല​മൊ​ക്കെ​യും അവനെ വിളി​ച്ച​പേ​ക്ഷി​ക്കും. മരണപാ​ശങ്ങൾ എന്നെ ചുററി, പാതാള വേദനകൾ എന്നെ പിടിച്ചു; ഞാൻ കഷ്ടവും സങ്കടവും അനുഭ​വി​ച്ചു. അയ്യോ, യഹോവേ, എന്റെ പ്രാണനെ രക്ഷി​ക്കേ​ണമേ എന്നു ഞാൻ യഹോ​വ​യു​ടെ നാമം വിളി​ച്ച​പേ​ക്ഷി​ച്ചു!” യഹോവ അത്തരം പ്രാർഥ​നക്ക്‌ ഉത്തരം കൊടു​ക്കു​ന്നു!

14. പോള​ണ്ടി​ലെ സാക്ഷികൾ മികച്ച നിർമലത പ്രകട​മാ​ക്കി​യി​രി​ക്കു​ന്ന​തെ​ങ്ങനെ?

¹⁴ യേശു​വി​ന്റെ നാളി​ലെ​പ്പോ​ലെ, സാത്താൻ പലപ്പോ​ഴും മതഭ്രാ​ന്തു പരത്തി പീഡന​ത്തി​ന്റെ തീജ്ജ്വാല ആളിക്ക​ത്തി​ച്ചി​ട്ടുണ്ട്‌, പക്ഷേ, അതെല്ലാം വെറും പാഴ്‌വേ​ല​കളേ ആയിട്ടു​ള്ളൂ. പോള​ണ്ടി​ലെ നമ്മുടെ സഹോ​ദ​ര​ങ്ങ​ളു​ടെ കാര്യ​ത്തിൽ സംഭവി​ച്ച​തു​തന്നെ ഒരു ഉത്തമ ദൃഷ്ടാന്തം. 1994-ലെ യഹോ​വ​യു​ടെ സാക്ഷി​ക​ളു​ടെ വാർഷി​ക​പ്പു​സ്‌ത​ക​ത്തിൽ അതു വിവരി​ച്ചി​ട്ടുണ്ട്‌. നിർമ​ല​താ​പാ​ല​ക​രെന്നു സ്വയം തെളി​യി​ക്കാൻ യുവജ​ന​ങ്ങൾപോ​ലും നിർബ​ന്ധി​ത​രാ​യി. അതി​നൊ​രു ദൃഷ്ടാ​ന്ത​മാണ്‌ അവിടെ 1946-ൽ സംഭവി​ച്ചത്‌. “കത്തോ​ലി​ക്കർ ചെയ്യു​ന്ന​തു​പോ​ലെ കുരി​ശു​വ​ര​യ്‌ക്കുക. അല്ലെങ്കിൽ ദാ, ഒരൊററ വെടി, തീർന്നി​രി​ക്കും നീ!” ഒരു 15 വയസ്സു​കാ​രി​ക്കു ലഭിച്ച ആജ്ഞ. നിർമലത കാത്ത അവളെ അവർ ഒരു കാട്ടി​ലേക്കു വലിച്ചി​ഴ​ച്ചു​കൊ​ണ്ടു​പോ​യി ഭയാന​ക​മാം​വി​ധം പീഡി​പ്പി​ച്ചു, എന്നിട്ട്‌ വെടി​വെച്ചു കൊന്നു.—താരത​മ്യം ചെയ്യുക: മത്തായി 4:9, 10.

സാത്താന്റെ മററു കൗശല ഉപാധി​കൾ

15, 16. (എ) സാത്താന്റെ പൈശാ​ചിക നയമെന്ത്‌, നമുക്ക്‌ അവനെ എങ്ങനെ ചെറു​ത്തു​നിൽക്കാം? (ബി) നമ്മുടെ യുവജ​നങ്ങൾ വീണു​പോ​കേ​ണ്ട​യാ​വ​ശ്യ​മി​ല്ലാ​ത്തത്‌ എന്തു​കൊണ്ട്‌?

¹⁵ “ഭരിക്കുക അല്ലെങ്കിൽ മുടി​ക്കുക” എന്നതാണ്‌ തീർച്ച​യാ​യും സാത്താന്റെ പൈശാ​ചിക നയം! പലവിധ മാരകാ​യു​ധ​ങ്ങ​ളു​മുണ്ട്‌ അവന്റെ ആവനാ​ഴി​യിൽ. അതു​കൊണ്ട്‌, അപ്പോ​സ്‌ത​ല​നായ പൗലോസ്‌ ഇങ്ങനെ മുന്നറി​യി​പ്പു നൽകു​ന്ന​തിൽ യാതൊ​രു അത്ഭുത​വു​മില്ല: “നമുക്കു പോരാ​ട്ടം ഉള്ളതു ജഡരക്ത​ങ്ങ​ളോ​ടല്ല, വാഴ്‌ച​ക​ളോ​ടും അധികാ​ര​ങ്ങ​ളോ​ടും ഈ അന്ധകാ​ര​ത്തി​ന്റെ ലോകാ​ധി​പ​തി​ക​ളോ​ടും സ്വർല്ലോ​ക​ങ്ങ​ളി​ലെ ദുഷ്ടാ​ത്മ​സേ​ന​യോ​ടും അത്രേ. അതു​കൊ​ണ്ടു നിങ്ങൾ ദുർദ്ദി​വ​സ​ത്തിൽ എതിർപ്പാ​നും സകലവും സമാപി​ച്ചി​ട്ടു ഉറെച്ചു നില്‌പാ​നും കഴി​യേ​ണ്ട​തി​ന്നു ദൈവ​ത്തി​ന്റെ സർവ്വാ​യു​ധ​വർഗ്ഗം എടുത്തു​കൊൾവിൻ.” (എഫെസ്യർ 6:12, 13) ഭൗതി​കത്വ ആഗ്രഹങ്ങൾ, തരംതാണ വിനോ​ദ​ങ്ങ​ളും പരസ്യ​ങ്ങ​ളും, സാത്താന്യ സംഗീതം, സ്‌കൂ​ളി​ലെ സമപ്രാ​യ​ക്കാ​രിൽനി​ന്നുള്ള സമ്മർദം, മയക്കു​മ​രു​ന്നു ദുരു​പ​യോ​ഗം, മദ്യാ​സക്തി എന്നിവ​യിൽ ഏതിനും നമ്മുടെ ജീവി​തത്തെ തകർക്കാ​നാ​വും. അതിനാൽ, അപ്പോ​സ്‌തലൻ തുടർന്ന്‌ ഇങ്ങനെ ബുദ്ധ്യു​പ​ദേ​ശി​ക്കു​ന്നു: “എല്ലാറ​റി​നും മീതെ ദുഷ്ടന്റെ തീയമ്പു​കളെ ഒക്കെയും കെടു​ക്കു​വാ​ന്ത​ക്ക​തായ വിശ്വാ​സം എന്ന പരിച എടുത്തു​കൊ​ണ്ടും നില്‌പിൻ.”—എഫെസ്യർ 6:16.

¹⁶ സാത്താൻ ഈ ലോകത്തെ വിചിത്ര സംഗീ​ത​ത്തിൽ കുതിർത്തി​രി​ക്കുന്ന സ്ഥിതിക്ക്‌ ഇന്ന്‌ ഇതു വിശേ​ഷി​ച്ചും അത്യാ​വ​ശ്യ​മാണ്‌. സാത്താന്യ ആരാധ​ന​യു​മാ​യി നേരിട്ടു ബന്ധമു​ള്ള​വ​യാ​ണു ചിലത്‌. സാൻ ഡീഗോ കൗണ്ടി (U.S.A.) ഷെരീ​ഫി​ന്റെ ഓഫീ​സിൽനി​ന്നുള്ള ഒരു റിപ്പോർട്ട്‌ ഇങ്ങനെ പ്രസ്‌താ​വി​ച്ചു: “ഇവിടെ നടന്ന ഒരു സംഗീ​ത​സ​ദ​സ്സിൽ സംഘം 15,000 കുട്ടി​കളെ അണിനി​രത്തി. അവർ ‘നാററാസ്‌’ (Natas) എന്നു ജപിച്ചു​കൊ​ണ്ടേ​യി​രു​ന്നു. അതാകട്ടെ, സാത്താൻ (Satan) എന്ന പദത്തിന്റെ പുറ​കോ​ട്ടുള്ള ഉച്ചാര​ണ​മാ​ണു​താ​നും.” “ഭഗ്നാശ​രാ​യി, കോപാ​കു​ല​രാ​യി, ഏകാന്ത​രാ​യി ഉഴലു​ന്ന​തു​കൊണ്ട്‌” യുവജ​നങ്ങൾ ചെന്നു​വീ​ഴുന്ന കുഴി​യാ​യി​ട്ടാണ്‌ സാത്താന്യ ആരാധ​നയെ വർണി​ച്ചി​രി​ക്കു​ന്നത്‌. എന്നാൽ ക്രിസ്‌തീയ സഭയിലെ യുവാ​ക്കളേ, നിങ്ങൾക്ക്‌ അതിൽച്ചെന്നു വീഴേണ്ട ഒരാവ​ശ്യ​വു​മില്ല! സാത്താന്റെ ശരങ്ങൾക്കു തുളച്ചു​ക​ട​ക്കാ​നാ​വാത്ത ആത്മീയ പരിച നിങ്ങൾക്കു യഹോവ പ്രദാനം ചെയ്യു​ന്നുണ്ട്‌.—സങ്കീർത്തനം 16:8, 9.

17. വൈകാ​രി​ക​മായ വിഷാ​ദത്തെ എങ്ങനെ മറിക​ട​ക്കാ​നാ​യേ​ക്കാം?

¹⁷ വികാ​ര​ങ്ങളെ ഇളക്കാ​നു​ദ്ദേ​ശി​ച്ചു​ള്ള​താ​ണു സാത്താന്യ തീയമ്പു​കൾ. ശാരീ​രിക അസുഖ​മോ ഭയങ്കര വിഷാ​ദാ​വ​സ്ഥ​യോ പോലുള്ള ജീവി​ത​സ​മ്മർദ​ങ്ങ​ളി​ലൂ​ടെ നമ്മുടെ പ്രതി​യോ​ഗി തങ്ങൾ ഒന്നിനും കൊള്ളാ​ത്ത​വ​രാണ്‌ എന്ന തോന്നൽ ചിലരിൽ ഉണ്ടാക്കി​യേ​ക്കാം. ദൈവ​സേ​വ​ന​ത്തിൽ അധികം മണിക്കൂ​റു​കൾ ചെലവ​ഴി​ക്കാ​നാ​വാ​ത്ത​തി​ലോ ചില സഭാ​യോ​ഗ​ങ്ങ​ളിൽ പങ്കുപ​റ​റാ​നാ​വാ​ത്ത​തി​ലോ ഒരാൾക്കു നിരു​ത്സാ​ഹം തോന്നി​യേ​ക്കാം. അപ്പോൾ ആവശ്യം മൂപ്പൻമാ​രിൽനി​ന്നും ദയാവാ​യ്‌പുള്ള മററു സഹോ​ദ​രീ​സ​ഹോ​ദ​രൻമാ​രിൽനി​ന്നു​മുള്ള സ്‌നേ​ഹ​പു​ര​സ്സ​ര​മായ പരിപാ​ല​ന​യാണ്‌. അതു പ്രയാ​സ​ക​ര​മായ മനോ​വ്യ​ഥ​ക​ളിൽനി​ന്നു മോചനം നേടാൻ അവരെ സഹായി​ക്കും. തന്റെ വിശ്വ​സ്‌ത​രായ ദാസൻമാ​രെ യഹോവ സ്‌നേ​ഹി​ക്കു​ന്നു​വെന്ന്‌ എല്ലായ്‌പോ​ഴും ഓർക്കുക. (1 യോഹ​ന്നാൻ 4:16, 19) “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും; നീതി​മാൻ കുലു​ങ്ങി​പ്പോ​കു​വാൻ അവൻ ഒരു നാളും സമ്മതി​ക്ക​യില്ല” എന്ന്‌ സങ്കീർത്തനം 55:22 പ്രസ്‌താ​വി​ക്കു​ന്നു.

18. ഏതു സാത്താന്യ തന്ത്രങ്ങ​ളോ​ടാ​ണു ചിലർക്കു പോരാ​ട്ടം കഴി​ക്കേ​ണ്ട​തു​ള്ളത്‌?

¹⁸ സാത്താന്റെ കൗശല​പൂർവ​ക​മായ “തന്ത്രങ്ങ”ൾ ഈയിടെ മറെറാ​രു രൂപത്തി​ലും പ്രത്യ​ക്ഷ​പ്പെ​ട്ടി​ട്ടുണ്ട്‌. ചെറു​പ്പ​കാ​ലത്തു തങ്ങൾ സാത്താന്യ ആരാധ​ന​യു​ടെ കരാള​ഹ​സ്‌ത​ങ്ങ​ളി​ലാ​യി​രു​ന്നു എന്ന ശക്തമായ പ്രതീ​തി​യു​ള​വാ​ക്കുന്ന തടുക്കാ​നാ​വാത്ത ചിന്തകൾ ലഭിക്കു​ന്ന​തായ അനുഭ​വങ്ങൾ ചില രാജ്യ​ങ്ങ​ളിൽ പല മുതിർന്ന​വർക്കും ഉണ്ടായി​ട്ടുണ്ട്‌. എവി​ടെ​നി​ന്നാണ്‌ അത്തരം ആശയങ്ങൾ വരുന്നത്‌? വിശദ​മായ ഗവേഷ​ണ​ങ്ങൾക്കു​ശേ​ഷ​വും, വിദഗ്‌ധ​രു​ടെ അഭി​പ്രാ​യം പലവി​ധ​ത്തി​ലാണ്‌. യഥാർഥ ഓർമ​ക​ളാ​യി​ത്തന്നെ ചിലർ അതിനെ വീക്ഷി​ക്കു​ന്നു. എന്നാൽ മററു ചിലരാ​കട്ടെ, വിവാ​ദ​പ​ര​മായ ചികി​ത്സാ​രീ​തി​യാൽ പ്രചോ​ദി​പ്പി​ക്ക​പ്പെട്ട മനസ്സിന്റെ തോന്ന​ലു​ക​ളാ​യും. ഇനിയും മറെറാ​രു കൂട്ടരുണ്ട്‌, അവർ അതിനെ വീക്ഷി​ക്കു​ന്നതു ശൈശ​വ​കാ​ല​ത്തി​ലെ ഏതോ മനോ​വ്യ​ഥ​യു​ടെ ഫലമാ​യു​ണ്ടാ​കുന്ന ഒരുതരം മതി​ഭ്ര​മ​മാ​യി​ട്ടാണ്‌.

19. (എ) ഇയ്യോ​ബിന്‌ ഏതു ചിന്തക​ളോ​ടു പോരാ​ടേ​ണ്ട​തു​ണ്ടാ​യി​രു​ന്നു? (ബി) മൂപ്പൻമാർക്ക്‌ എലീഹൂ​വി​ന്റെ ദൃഷ്ടാന്തം എങ്ങനെ പിൻപ​റ​റാം?

¹⁹ എലീഫസ്‌, സോഫർ എന്നിവ​രി​ലൂ​ടെ സാത്താൻ അയച്ചു​കൊ​ടുത്ത “അസ്വാ​സ്ഥ്യ​ജ​ന​ക​മായ ചിന്തക”ളോടു ദൈവ​ത്തി​ന്റെ ദാസനായ ഇയ്യോ​ബി​നു പോരാ​ട്ടം കഴിക്ക​ണ​മാ​യി​രു​ന്നു​വെ​ന്നതു കൗതു​ക​മു​ണർത്തു​ന്ന​താണ്‌. (ഇയ്യോബ്‌ 4:13-18, NW; 20:2, 3) അങ്ങനെ, തന്റെ മനസ്സിനെ ശല്യ​പ്പെ​ടു​ത്തുന്ന “ഉൾക്കി​ടി​ലങ്ങ”ളെക്കു​റി​ച്ചുള്ള “കാടു​ക​യ​റിയ സംസാര”ത്തിൽ ഉൾപ്പെ​ട്ട​തി​ന്റെ ഫലമായി ഇയ്യോ​ബിന്‌ “അലട്ടൽ” ഉണ്ടായി. (ഇയ്യോബ്‌ 6:2-4; 30:15, 16, NW) മിണ്ടാ​തി​രുന്ന്‌ ഇയ്യോ​ബി​നെ ശ്രദ്ധി​ക്കു​ക​യാ​യി​രുന്ന എലീഹൂ കാര്യ​ങ്ങ​ളെ​ക്കു​റി​ച്ചു യഹോ​വ​ക്കുള്ള സർവജ്ഞാന കാഴ്‌ച​പ്പാ​ടു മനസ്സി​ലാ​ക്കാൻ അവനെ സഹായി​ച്ചു. അതു​പോ​ലെ, കൂടുതൽ “സമ്മർദങ്ങൾ” വച്ചു​കൊ​ടു​ക്കാ​തെ, ഉപദ്ര​വി​ക്ക​പ്പെ​ടു​ന്ന​വരെ വേണ്ടവി​ധം ശ്രദ്ധി​ക്കു​ന്നു​വെന്നു സഹാനു​ഭൂ​തി​യുള്ള മൂപ്പൻമാർ ഇന്നു പ്രകട​മാ​ക്കു​ന്നു. കൂടാതെ, എലീഹൂ​വി​നെ​പ്പോ​ലെ, അവർ അവരെ ക്ഷമയോ​ടെ ശ്രദ്ധി​ക്കു​ക​യും ദൈവ​വ​ച​ന​മാ​കുന്ന കുളിർമ​യേ​കും തൈലം പുരട്ടു​ക​യും ചെയ്യുന്നു. (ഇയ്യോബ്‌ 33:1-3, 7; യാക്കോബ്‌ 5:13-15) അങ്ങനെ, വാസ്‌ത​വ​മോ സാങ്കൽപ്പി​ക​മോ ആയ മനോ​വ്യ​ഥ​യാൽ അസ്വസ്ഥ​മായ വികാ​ര​ങ്ങ​ളു​ള്ള​വർക്ക്‌ അല്ലെങ്കിൽ ഇയ്യോ​ബി​നെ​പ്പോ​ലെ, ‘സ്വപ്‌ന​ങ്ങൾകൊ​ണ്ടും ദർശന​ങ്ങൾകൊ​ണ്ടും ഭയപ്പെ​ടുന്ന’വർക്കു സഭയിൽനി​ന്നു സാന്ത്വ​ന​പൂർവ​ക​മായ, തിരു​വെ​ഴു​ത്തു​പ​ര​മായ ആശ്വാസം ലഭിക്കു​ന്ന​താ​യി​രി​ക്കും.—ഇയ്യോബ്‌ 7:14; യാക്കോബ്‌ 4:7.

20. ആത്മീയ സന്തുലി​താ​വസ്ഥ നിലനിർത്താൻ ദുഃഖി​ത​രായ ക്രിസ്‌ത്യാ​നി​കൾ എങ്ങനെ സഹായി​ക്ക​പ്പെ​ട്ടേ​ക്കാം?

²⁰ ഭയപ്പെ​ടു​ത്തുന്ന ഈ ചിന്തകൾക്കു​പി​ന്നിൽ ഒരു തരത്തി​ല​ല്ലെ​ങ്കിൽ മറെറാ​രു തരത്തിൽ സാത്താ​നു​ണ്ടെന്ന കാര്യ​ത്തിൽ ഇപ്പോൾ ഒരു ക്രിസ്‌ത്യാ​നി​ക്കു തീർച്ച വിചാ​രി​ക്കാം. സഭയിൽ ആരെങ്കി​ലും ഈ വിധത്തിൽ കഷ്ടപ്പെ​ടു​ന്നു​ണ്ടെ​ങ്കിൽ, പേടി​പ്പെ​ടു​ത്തുന്ന അത്തരം മാനസിക തോന്ന​ലു​കളെ അവരുടെ ആത്മീയ സന്തുലി​താ​വ​സ്ഥയെ തകിടം മറിക്കാ​നുള്ള സാത്താന്റെ നേരി​ട്ടുള്ള ശ്രമമാ​യി വീക്ഷി​ക്കു​ന്നത്‌ അവരെ സംബന്ധി​ച്ചു ജ്ഞാനപൂർവ​ക​മാണ്‌. ക്ഷമയോ​ടെ​യുള്ള, പരിഗ​ണ​ന​യോ​ടെ​യുള്ള തിരു​വെ​ഴു​ത്തു​പ​ര​മായ പിന്തു​ണ​യാണ്‌ അവർക്കാ​വ​ശ്യം. മനോ​വി​ഷമം അനുഭ​വി​ക്കു​ന്നവർ പ്രാർഥ​നാ​പൂർവം യഹോ​വ​യി​ലേക്കു തിരി​ഞ്ഞു​കൊ​ണ്ടും തിരു​വെ​ഴു​ത്തു​പ​ര​മായ ഇടയ​വേ​ല​യിൽനി​ന്നു പ്രയോ​ജനം നേടി​ക്കൊ​ണ്ടും സാധാ​ര​ണ​യിൽക്ക​വിഞ്ഞ ശക്തി സ്വയം പ്രയോ​ജ​ന​പ്പെ​ടു​ത്തും. (യെശയ്യാ​വു 32:2; 2 കൊരി​ന്ത്യർ 4:7, 8) അങ്ങനെ, വിശ്വ​സ്‌ത​ത​യോ​ടെ സഹിച്ചു​നിൽക്കാ​നും അതി​ക്ര​മി​ച്ചു കടക്കുന്ന ദുഷ്ട ചിന്തകൾ സഭയിലെ സമാധാ​നത്തെ ബാധി​ക്കു​ന്നതു തടയാ​നും അവർക്കു കഴിയും. (യാക്കോബ്‌ 3:17, 18) അതേ, “സാത്താനേ, എന്നെ വിട്ടു​പോ” എന്ന്‌ പറഞ്ഞ​പ്പോൾ യേശു കാണിച്ച അതേ ആവേശം പ്രകട​മാ​ക്കി​ക്കൊണ്ട്‌ പിശാ​ചി​നോട്‌ എതിർത്തു​നിൽക്കാൻ അവർക്കു സാധി​ക്കും.—മത്തായി 4:10; യാക്കോബ്‌ 4:7.

21. സാത്താന്റെ ഉപായ​മാർഗ​ങ്ങ​ളെ​ക്കു​റി​ച്ചു തിരു​വെ​ഴു​ത്തു​കൾ മുന്നറി​യി​പ്പു നൽകു​ന്ന​തെ​ങ്ങനെ?

²¹ എങ്ങനെ​യെ​ങ്കി​ലും നമ്മുടെ മനസ്സിനെ മലിനീ​ക​രി​ക്കുക എന്നതാണു സാത്താന്റെ ലക്ഷ്യ​മെന്നു നമുക്കറിയാം. 2 കൊരി​ന്ത്യർ 11:3-ലെ പൗലോ​സി​ന്റെ മുന്നറി​യി​പ്പിൽനിന്ന്‌ അതു വ്യക്തമാണ്‌: “സർപ്പം ഹവ്വയെ ഉപായ​ത്താൽ ചതിച്ച​തു​പോ​ലെ നിങ്ങളു​ടെ മനസ്സു ക്രിസ്‌തു​വി​നോ​ടുള്ള ഏകാ​ഗ്ര​ത​യും നിർമ്മ​ല​ത​യും വിട്ടു വഷളാ​യി​പ്പോ​കു​മോ എന്നു ഞാൻ ഭയപ്പെ​ടു​ന്നു.” നോഹ​യു​ടെ നാളിലെ ദുഷിച്ച, അക്രമാ​സക്ത, സങ്കരസ​ന്താ​ന​ങ്ങ​ളാ​യി​രുന്ന “വീഴി​ക്കു​ന്നവർ” ഉണ്ടാക്കി​യെ​ടുത്ത സ്വാധീ​നത്തെ അനുസ്‌മ​രി​പ്പി​ക്കു​ന്ന​താ​ണു ദൈവ​ത്തിൽനിന്ന്‌ അന്യാ​ധീ​ന​പ്പെ​ട്ടു​പോയ സകല ജഡങ്ങളു​ടെ, അഥവാ മനുഷ്യ​സ​മൂ​ഹ​ത്തി​ന്റെ, ഇന്നത്തെ അധഃപ​തനം. (ഉൽപ്പത്തി 6:4, 12, 13, NW അടിക്കു​റിപ്പ്‌; ലൂക്കൊസ്‌ 17:26) അതു​കൊണ്ട്‌, തന്റെ ക്രോധം ചൊരി​യാൻ, വിശേ​ഷി​ച്ചും ദൈവ​ജ​ന​ത്തി​ന്റെ​മേൽ ചൊരി​യാൻ, സാത്താൻ ഉപായ​ന​ട​പ​ടി​ക​ളി​ലും കൗശ​ലോ​പാ​ധി​ക​ളി​ലും ആശ്രയി​ക്കു​ന്ന​തിൽ അതിശ​യ​മില്ല.—1 പത്രൊസ്‌ 5:8; വെളി​പ്പാ​ടു 12:17.

22. സാത്താൻ ഇല്ലാതാ​കു​ന്ന​തോ​ടെ, എന്തെല്ലാം അനു​ഗ്ര​ഹങ്ങൾ പ്രതീ​ക്ഷി​ക്കാ​നാ​വും?

²² ഇയ്യോബ്‌ എന്ന ബൈബിൾപു​സ്‌ത​ക​ത്തി​ന്റെ അവസാ​ന​ഭാ​ഗ​ങ്ങ​ളിൽ സാത്താ​നെ​ക്കു​റി​ച്ചു പരാമർശി​ക്കു​ന്നേ​യില്ല. ദൈവ​ത്തോ​ടു നിർമലത കാത്തു​സൂ​ക്ഷി​ക്കാൻ മനുഷ്യർക്കു കഴിയി​ല്ലെന്ന അവന്റെ ദുഷ്ടമായ വെല്ലു​വി​ളി തെററാ​ണെന്ന്‌ ഇയ്യോ​ബി​ന്റെ നിർമ​ല​ത​യാൽ തെളി​ഞ്ഞി​രു​ന്നു. അതു​പോ​ലെ, സമീപ​ഭാ​വി​യിൽ നിർമ​ല​താ​പാ​ല​ക​രായ “മഹാപു​രു​ഷാ​രം” ‘മഹാക​ഷ്ട​ത്തിൽനി​ന്നു പുറത്തു വരു’മ്പോൾ സാത്താൻ അഗാധ​ത്തിൽ അടയ്‌ക്ക​പ്പെ​ടും. ഇയ്യോബ്‌ അടക്കം വിശ്വാ​സ​മുള്ള പുരു​ഷൻമാ​രും സ്‌ത്രീ​ക​ളും ഇയ്യോ​ബി​നു പ്രതി​ഫ​ല​മാ​യി ലഭിച്ച​തി​ലും മഹത്തായ പറുദീ​സാ അനു​ഗ്ര​ഹങ്ങൾ ആസ്വദി​ക്കാൻ ആ “മഹാപു​രു​ഷാര”ത്തോടു ചേരും!—വെളി​പ്പാ​ടു 7:9-17; 20:1-3, 11-13; ഇയ്യോബ്‌ 14:13.

[അടിക്കു​റിപ്പ്‌]

പുനര​വ​ലോ​കന ചോദ്യ​ങ്ങൾ

◻ ഇയ്യോബ്‌, യേശു, പൗലോസ്‌ എന്നിവർ നിർമ​ല​ത​യു​ടെ ഏത്‌ ഉത്തമ ദൃഷ്ടാന്തം വെച്ചു?

◻ നിർമ​ല​താ​പാ​ലകർ സാത്താനെ നേരി​ട്ടി​രി​ക്കു​ന്ന​തെ​ങ്ങനെ?

◻ സാത്താന്റെ ഉപാ​യോ​പാ​ധി​ക​ളോ​ടു ചെറു​ത്തു​നിൽക്കാൻ യുവാ​ക്കൾക്കു കഴി​ഞ്ഞേ​ക്കാ​വു​ന്ന​തെ​ങ്ങനെ?

◻ സാത്താന്റെ തന്ത്രങ്ങളെ നേരി​ടാൻ എന്തു ചെയ്യാ​നാ​വും?

[7-ാം പേജിലെ ചിത്രം]

വധിക്കപ്പെട്ട തങ്ങളുടെ പിതാ​വി​ന്റെ മാതൃക പിൻപ​റ​റി​ക്കൊണ്ട്‌ എത്യോ​പ്യ​യിൽ മെസ്‌വ​റ​റും യോവാ​ല​നും ഇപ്പോൾ യഹോ​വയെ മുഴു​സ​മ​യ​വും സേവി​ക്കു​ന്നു

[7-ാം പേജിലെ ചിത്രം]

എന്റെല്യ, ഉത്തരാ​ഫ്രി​ക്ക​യി​ലെ നിർമ​ല​താ​പാ​ല​ക​യായ ഒരു യുവതി