സത്യം കണ്ടെത്തു​ന്ന​വരെ സന്തോഷം കാത്തി​രി​ക്കു​ന്നു

ഒരു ഫിൻലൻഡു​കാ​രൻ തന്റെ മാളി​ക​മു​റി​യിൽ യുഗങ്ങളെ സംബന്ധിച്ച ദിവ്യോ​ദ്ദേ​ശ്യം (ഇംഗ്ലീഷ്‌) എന്ന പുസ്‌തകം കണ്ടെത്തി. ഉടൻതന്നെ അദ്ദേഹം അതു വായി​ക്കാൻ തുടങ്ങി. താമസി​യാ​തെ അദ്ദേഹം സ്വയം പറഞ്ഞു, ‘ഇതുതന്നെ സത്യം; ഇതുതന്നെ സത്യം.’ മാളി​ക​മു​റി​യിൽനി​ന്നു താഴെ​വന്ന്‌ അദ്ദേഹം ഭാര്യ​യോ​ടു പറഞ്ഞു, “ഞാൻ സത്യമതം കണ്ടെത്തി​യി​രി​ക്കു​ന്നു.”

ഈ മനുഷ്യൻ സത്യം കണ്ടെത്തിയ വിധം വച്ചു​നോ​ക്കു​മ്പോൾ ഇത്‌ ഒരു അസാധാ​രണ അനുഭ​വ​മാണ്‌. യഹോ​വ​യു​ടെ സാക്ഷി​ക​ളിൽ അനേകർക്കു സമാന​മായ പ്രതി​ക​രണം വിവരി​ക്കാൻ കഴിയും. സത്യം കണ്ടെത്തു​മ്പോൾ അതു കൈവ​രു​ത്തുന്ന സന്തോഷം അവർക്കോ​രോ​രു​ത്തർക്കും നിങ്ങ​ളോ​ടു പറയാ​നു​ണ്ടോ? പിൻവ​രുന്ന അനുഭ​വങ്ങൾ ഇതു പ്രദീ​പ്‌ത​മാ​ക്കു​ന്നു.

യഥാർഥ ബൈബിൾ പഠിപ്പി​ക്ക​ലു​കൾ സന്തോഷം കൈവ​രു​ത്തു​ന്നു

രണ്ടാം ലോക​മ​ഹാ​യു​ദ്ധ​കാ​ലത്ത്‌ ജർമനി​യി​ലെ മ്യൂണി​ക്കി​ലാ​ണു മാർഗ​രെററ കോനി​ഗർ വളർന്നു​വ​ന്നത്‌. ബോംബു വീണു കത്തുന്ന വീടുകൾ പതിവു ദൃശ്യ​മാ​യി​രു​ന്നു. അവളുടെ സഹോ​ദരൻ യുദ്ധത്തിൽ കൊല്ല​പ്പെട്ടു. കത്തോ​ലി​ക്കാ പള്ളിയി​ലെ ശുശ്രൂ​ഷ​ക​ളിൽ ജർമൻ പടയാ​ളി​കൾക്കും നേതാ​വായ ഹിററ്‌ലർക്കും​വേണ്ടി പ്രാർഥ​നകൾ ചൊല്ലു​ന്നത്‌ അവൾ കേൾക്കു​ക​യു​ണ്ടാ​യി. യുദ്ധ​ശേഷം, വിദ്യാർഥി കൈമാ​ററ പദ്ധതി​യു​ടെ ഭാഗമാ​യി ഐക്യ​നാ​ടു​ക​ളി​ലുള്ള ഒരു കോ​ളെ​ജിൽ പഠിക്കു​ന്ന​തിന്‌ അവൾക്കു സ്‌കോ​ളർഷി​പ്പു ലഭിച്ചു. ആളുകൾക്കു തന്നോടു സ്‌നേ​ഹ​മു​ള്ള​താ​യി അവൾ കണ്ടെത്തി. തൻമൂലം സമാധാ​ന​ത്തിൽ ജീവി​ക്കു​ന്ന​തി​നു സ്വാഭാ​വിക പ്രവണ​ത​യുള്ള ആളുകളെ യുദ്ധകാ​ലത്ത്‌ അന്യോ​ന്യം സംശയി​ക്കാ​നും വെറു​ക്കാ​നും നിർബ​ന്ധി​ത​രാ​ക്കു​ന്നത്‌ എന്താ​ണെന്ന്‌ അവൾ ചിന്തിച്ചു. മ്യൂണി​ക്കിൽ തിരിച്ചു വന്നപ്പോൾ അവൾ യഹോ​വ​യു​ടെ സാക്ഷി​ക​ളു​മാ​യി ബന്ധപ്പെട്ടു, അവരോ​ടൊ​പ്പ​മുള്ള ബൈബി​ള​ധ്യ​യ​ന​ത്തി​ലൂ​ടെ അവൾ തന്റെ ചോദ്യ​ങ്ങൾക്ക്‌ ഉത്തരം കണ്ടെത്തി. “ദുഷ്ടാത്മ സേനകൾ ഇതിൽ ഉൾപ്പെ​ട്ടി​രി​ക്കു​ന്നു​വെന്ന്‌ എനിക്കു ബൈബി​ളിൽനി​ന്നു കാണി​ച്ചു​തന്നു. . . . ബൈബിൾ അവയെ ‘ലോകാ​ധി​പ​തി​കൾ’ എന്നു വിളി​ക്കു​ന്നു, സാത്താൻ ‘ഭൂതലത്തെ മുഴുവൻ തെററി​ച്ചു​ക​ള​യു​ന്നു’ എന്നും ബൈബിൾ പറയുന്നു. . . . രാഷ്‌ട്ര​ങ്ങ​ളു​ടെ​യും ജനങ്ങളു​ടെ ഭക്തികെട്ട, പൈശാ​ചി​ക​മായ പ്രവർത്ത​ന​ങ്ങ​ളു​ടെ​യും വീക്ഷണ​ത്തിൽ ഈ ഉത്തരം എത്ര ന്യായ​യു​ക്ത​വും തൃപ്‌തി​ക​ര​വു​മാണ്‌!” എന്ന്‌ അവർ പറയുന്നു.—എഫെസ്യർ 6:12; വെളി​പ്പാ​ടു 12:9.

മാർഗ​രെ​ററ തുടർന്നു പറയുന്നു: “ഭൂമി​യി​ലെ പ്രശ്‌നങ്ങൾ പരിഹ​രി​ക്കു​ന്ന​തി​നുള്ള ദൈവ​ത്തി​ന്റെ കരുത​ലു​ക​ളെ​പ്പ​ററി അറിഞ്ഞ​പ്പോൾ അത്‌ എന്നെ ആനന്ദഭ​രി​ത​യാ​ക്കി. അല്ല, ചില ലൗകിക ഉപദേ​ഷ്ടാ​ക്കൾ നിർദേ​ശി​ക്കു​ന്ന​പോ​ലെ ഇത്‌ ഒരു കാരണ​വ​ശാ​ലും ഏതെങ്കി​ലും മാനവ ആശയസം​ഹി​ത​ക​ളി​ലൂ​ടെ​യോ ഭരണത്തി​ലൂ​ടെ​യോ അല്ല നിറ​വേ​റു​ന്നത്‌. മറിച്ച്‌, ഒരു പുതിയ ഗവൺമെൻറ്‌ ഭൂമി​യി​ലെ കാര്യാ​ദി​ക​ളു​ടെ നിയ​ന്ത്ര​ണ​മേ​റെ​റ​ടു​ക്കും . . . എന്നു ബൈബിൾ പ്രകട​മാ​ക്കു​ന്നു. യേശു​ക്രി​സ്‌തു തന്റെ ശിഷ്യൻമാ​രെ ഇങ്ങനെ പ്രാർഥി​ക്കാൻ പഠിപ്പി​ച്ചു: ‘നിന്റെ രാജ്യം വരേണമേ.’ . . . ആ രാജ്യം ഒരു യഥാർഥ ഗവൺമെൻറാ​ണെ​ന്നും യഥാർഥ​മായ ലോക​വ്യാ​പക സമാധാ​നം അതു മുഖാ​ന്തരം മാത്രമേ നേടി​യെ​ടു​ക്കാ​നാ​വൂ എന്നും ഞാൻ കാണാൻ തുടങ്ങി.” 30-ഓളം വർഷങ്ങ​ളിൽ ഏതാണ്ട്‌ അഞ്ച്‌ ആഫ്രിക്കൻ രാജ്യ​ങ്ങ​ളിൽ മാർഗ​രെററ ഒരു മിഷന​റി​യാ​യി സേവന​മ​നു​ഷ്‌ഠി​ച്ചി​രി​ക്കു​ന്നു. ഒടുവി​ലത്തെ 19 വർഷം ബുർക്കി​നോ ഫാസോ​യിൽ, വോഗ​ഡൗ​ഗൗ​വി​ലുള്ള താഴ്‌മ​യുള്ള ജനങ്ങൾക്കു സുവാർത്ത പ്രഘോ​ഷി​ച്ചു​കൊ​ണ്ടു ചെലവ​ഴി​ച്ചു.

മാർഗ​രെ​റ​റ​യു​ടെ അനുഭവം ഒററപ്പെട്ട ഒന്നല്ല. യുദ്ധ രംഗത്ത്‌ ഇരു പക്ഷത്തു​മുള്ള ക്രൈ​സ്‌ത​വ​ലോ​ക​ത്തി​ന്റെ വൈദി​കർ വിജയ​ത്തി​നു​വേണ്ടി ദൈവ​ത്തോ​ടു പ്രാർഥി​ക്കു​ന്നതു കണ്ട അനേകർ ഇതേ ഉത്സാഹ​ത്തോ​ടെ പ്രതി​ക​രി​ച്ചി​രി​ക്കു​ന്നു. മനുഷ്യ​യു​ദ്ധ​ങ്ങ​ളിൽ ദൈവ​ത്തി​നു യാതൊ​രു പങ്കുമില്ല മറിച്ച്‌, “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കുന്ന”തുകൊ​ണ്ടാണ്‌ ഇവ സംഭവി​ക്കു​ന്നത്‌ എന്ന ബൈബി​ളി​ന്റെ വിശദീ​ക​ര​ണ​ത്തി​ലുള്ള ന്യായ​യു​ക്തത പരമാർഥ​ഹൃ​ദ​യ​രായ ആളുകൾ കാണുന്നു. സത്യ​ക്രി​സ്‌ത്യാ​നി​കൾ “ലോക​ത്തി​ന്റെ ഭാഗ”മായി​രി​ക്ക​രുത്‌ മറിച്ച്‌, നിഷ്‌പ​ക്ഷ​രാ​യി​രി​ക്കണം എന്ന്‌ ഈ സത്യാ​ന്വേ​ഷി​കൾ മനസ്സി​ലാ​ക്കു​ന്നു. യഹോ​വ​യു​ടെ സാക്ഷികൾ അത്തരം നിലപാ​ടു സ്വീക​രി​ച്ചി​രി​ക്കു​ന്നു എന്നു തിരി​ച്ച​റി​ഞ്ഞു​കൊണ്ട്‌ ഈ പുതി​യവർ തങ്ങൾ സത്യം കണ്ടെത്തി​യെന്ന്‌ ബോധ്യ​മു​ള്ള​വ​രാ​യി​ത്തീ​രു​ന്നു. ദൈവം ദുഷ്ടത അനുവ​ദി​ച്ചി​രി​ക്കു​ന്നത്‌ എന്തു​കൊണ്ട്‌, ദൈവം തന്റെ രാജ്യം മുഖാ​ന്തരം ഭൂമി​യിൽ സമാധാ​ന​വും നീതി​യു​മുള്ള അവസ്ഥകൾ പെട്ടെന്ന്‌ എങ്ങനെ കൊണ്ടു​വ​രും എന്നെല്ലാ​മുള്ള വർധിച്ച അറിവു നേടി​യെ​ടു​ക്കു​മ്പോൾ അത്തരക്കാർ പ്രത്യാ​ശ​യി​ലും സന്തോ​ഷ​ത്തി​ലും വളരുന്നു.—1 യോഹ​ന്നാൻ 5:19; യോഹ​ന്നാൻ 17:16; മത്തായി 6:9, 10.

യഥാർഥ ബൈബിൾ തത്ത്വങ്ങൾ സന്തോഷം കൈവ​രു​ത്തു​ന്നു

ജീവിതം അർഥശൂ​ന്യ​മാ​ണെന്ന്‌ ഇക്വ​ഡോ​റി​ലുള്ള ദാനി​യേൽ റൊ​സെ​റൊ​യ്‌ക്കു തോന്നി, തൻമൂലം, അദ്ദേഹം കുടി ആരംഭി​ച്ചു. അദ്ദേഹ​ത്തി​നു നോക്കി​പ്പാർത്തി​രി​ക്കാ​വുന്ന കേവലം രണ്ടു സംഗതി​കൾ മരണവും കത്തുന്ന നരകവു​മാ​ണെന്ന്‌ അദ്ദേഹം പങ്കെടു​ത്തി​രുന്ന സഭ അദ്ദേഹത്തെ പഠിപ്പി​ച്ചു. “ഞാൻ അഗ്നിക്കി​ര​യാ​കാൻ പോക​യാണ്‌ അതു​കൊണ്ട്‌ ഞാൻ കുടി​ക്കട്ടെ!” എന്ന്‌ അദ്ദേഹം പ്രതി​ക​രി​ച്ചു. എട്ട്‌ അംഗങ്ങ​ളുള്ള തന്റെ കുടും​ബത്തെ അദ്ദേഹം പോറ​റു​ന്നി​ല്ലാ​യി​രു​ന്നു. തന്നെയു​മല്ല, ഭാര്യ ഡെല്യ​യു​മാ​യി എല്ലായ്‌പോ​ഴും വഴക്കി​ടു​ക​യും ചെയ്യു​മാ​യി​രു​ന്നു. ഒരു ഞായറാഴ്‌ച രാവിലെ യഹോ​വ​യു​ടെ സാക്ഷികൾ അവരെ സന്ദർശി​ക്കു​ക​യും അവർ ബൈബിൾ പഠിക്കാൻ തുടങ്ങു​ക​യും ചെയ്‌ത​പ്പോ​ഴാണ്‌ ഒരു വഴിത്തി​രി​വു​ണ്ടാ​യത്‌. ആദ്യമാ​യി ദാനി​യേൽ യഹോ​വ​യു​ടെ സാക്ഷി​ക​ളു​ടെ ഒരു സർക്കിട്ട്‌ സമ്മേള​ന​ത്തി​നു ഹാജരാ​യ​പ്പോൾ താൻ സത്യം കണ്ടെത്തി​യെന്ന്‌ അദ്ദേഹ​ത്തി​നു ബോധ്യ​മാ​യി. “സ്ഥാപനം എന്നെ വിസ്‌മ​യി​പ്പി​ച്ചു. ജനങ്ങൾ ഒത്തിരി​പ്പേർ, ഒരുമി​ച്ചു വർത്തിച്ചു. അവർക്കി​ട​യിൽ സ്‌നേഹം പ്രകട​മാ​യി​രു​ന്നു. ആരും പുകവ​ലി​ച്ചില്ല. അസഭ്യ വാക്കു​ക​ളു​മില്ല. . . . ‘ഇതുതന്നെ സത്യം!’ എന്നു ചിന്തി​ക്കു​ന്നതു ഞാൻ ഓർക്കു​ന്നു. മരണ​ത്തെ​പ്പ​റ​റി​യുള്ള ഭയമോ ലോക​ത്തി​ന്റെ അവസാ​ന​മോ അല്ല എന്റെ വികാ​രത്തെ ഉണർത്തി​യത്‌. സ്ഥാപന​ത്തി​ന്റെ ശുചി​ത്വ​മാ​യി​രു​ന്നു” എന്ന്‌ അദ്ദേഹം പറയുന്നു.

റൊ​സെ​റൊ കുടും​ബം മുഴു​വ​നും യഹോ​വ​യു​ടെ സാക്ഷികൾ ആയി. ബൈബിൾ തത്ത്വങ്ങൾ ബാധക​മാ​ക്കി​യ​പ്പോൾ അവരുടെ കുടും​ബ​ജീ​വി​ത​വും സാമ്പത്തിക സ്ഥിതി​യും മെച്ച​പ്പെട്ടു, “നിങ്ങൾക്ക​റി​യാ​മോ, ഇതി​നെ​ല്ലാം ഞാൻ ബൈബി​ളി​ന്റെ സത്യ​ത്തോ​ടു കടപ്പെ​ട്ടി​രി​ക്കു​ന്നു” എന്നു ഡെല്യ റൊ​സെ​റൊ പറയുന്നു. “ദൈവ​വ​ച​ന​മി​ല്ലാ​യി​രു​ന്നെ​ങ്കിൽ എന്റെ കുഞ്ഞു​ങ്ങ​ളു​ടെ സ്ഥിതി​യെ​ന്താ​കു​മാ​യി​രു​ന്നു​വെന്ന്‌ ആർക്കറി​യാം? അവർ ഏഴു​പേ​രും സ്‌നാ​പ​ന​മേ​ററ്‌ ഉറച്ചു നിൽക്കു​ന്നു. എന്നെ സംബന്ധി​ച്ചി​ട​ത്തോ​ളം സത്യം എനിക്ക്‌ മൊത്ത​മാ​യും ഒരു നവജീ​വ​നും പുതു സന്തോ​ഷ​വും പകർന്നു​തന്നു.”

റൊ​സെ​റൊ കുടും​ബ​ത്തി​ന്റെ അനുഭവം ഒററപ്പെട്ട ഒന്നല്ല. നമ്മുടെ നാളിൽ അനേകർ പ്രശ്‌ന​ങ്ങ​ളാൽ കുഴങ്ങു​ന്ന​വ​രാണ്‌. അതി​നൊ​രു കാരണം ബൈബി​ളിൽ നൽകി​യി​രി​ക്കുന്ന ധാർമിക പ്രമാ​ണങ്ങൾ മുമ്പ​ത്തെ​പോ​ലെ ഇപ്പോൾ ആളുകൾ മേലാൽ ആദരി​ക്കു​ന്നില്ല എന്നതാണ്‌. അനേക മതങ്ങളും, സഹിഷ്‌ണു​ത​യു​ടെ പേരി​ലോ കാലം മാറു​ന്ന​ത​നു​സ​രിച്ച്‌ ധാർമിക ചിന്തക​ളും പഴയതാ​യി​ത്തീ​രു​ന്നു​വെന്ന തോന്ന​ലി​നാ​ലോ ഈ സ്വഭാവം പിന്തു​ട​രു​ന്നു. അതു​കൊണ്ട്‌, മററു​ള്ള​വ​രെ​പ്പോ​ലെ റൊ​സെ​റൊ​യും ബൈബി​ളി​ന്റെ മാർഗ​നിർദേശം ലഭിക്കാ​തെ തപ്പിത്ത​ട​യു​ക​യാ​യി​രു​ന്നു. എന്നിരു​ന്നാ​ലും, താഴ്‌മ​യുള്ള അത്തരം ആളുകൾ ധാർമിക കാര്യ​ങ്ങ​ളി​ലും കുടുംബ കാര്യ​ങ്ങ​ളി​ലും ദൈവ​ത്തി​ന്റെ വീക്ഷണ​ത്തെ​പ്പ​ററി അറിയാൻ ഇടയാ​കു​മ്പോൾ താമസ​മെ​ന്യേ അവർ അതു തങ്ങളുടെ ജീവി​ത​ത്തിൽ ബാധക​മാ​ക്കു​ന്നു. അങ്ങനെ ചെയ്യു​ന്ന​തി​ന്റെ നല്ല ഫലങ്ങൾ അവരുടെ അനുഭ​വ​ത്തിൽനി​ന്നു നമുക്കു കാണാൻ കഴിയും.

സന്തോഷം നട്ടുവ​ളർത്ത​ണം

എന്നിരു​ന്നാ​ലും, ക്രിസ്‌ത്യാ​നി​കൾ സദാ സുഖാ​നു​ഭൂ​തി​യി​ലാ​ണെന്ന്‌ ഇത്‌ അർഥമാ​ക്കു​ന്നില്ല. തൊഴി​ലി​ല്ലായ്‌മ, രോഗം, മരണം എന്നിങ്ങനെ പൊതു​ജനം നേരി​ടുന്ന പ്രശ്‌നങ്ങൾ ക്രിസ്‌ത്യാ​നി​ക​ളെ​യും ബാധി​ക്കു​ന്നു​വെ​ന്നതു സ്‌പഷ്ട​മാണ്‌. തങ്ങളുടെ സ്വന്തം അപൂർണ​ത​യ്‌ക്കും ബലഹീ​ന​ത​യ്‌ക്കു​മെ​തി​രെ​യും ക്രിസ്‌ത്യാ​നി​കൾക്കു തുടർച്ച​യാ​യി പോരാ​ടേ​ണ്ട​തുണ്ട്‌. സോ​ദോം പട്ടണത്തിൽ “അധർമ്മി​ക​ളു​ടെ ഇടയിൽ വസിച്ചി​രി​ക്കു​മ്പോൾ നാൾതോ​റും അധർമ്മ​പ്ര​വൃ​ത്തി കണ്ടും കേട്ടും തന്റെ നീതി​യുള്ള മനസ്സിൽ നൊന്തു” എന്നു ലോത്തി​നെ​ക്കു​റി​ച്ചു ബൈബിൾ വിവരണം പറയുന്നു. ദുഷ്ട അവസ്ഥകൾ നടപ്പി​ലി​രി​ക്കു​ന്നതു കാണു​മ്പോ​ഴു​ണ്ടാ​കുന്ന സമാന തോന്ന​ലു​കൾ വിശ്വസ്‌ത ക്രിസ്‌ത്യാ​നി​കൾക്ക്‌ ഒഴിവാ​ക്കാ​നാ​വില്ല.—2 പത്രൊസ്‌ 2:7, 8.

എന്നിരു​ന്നാ​ലും, സത്യം കണ്ടെത്തി​യ​വർക്ക്‌ അതു​കൊണ്ട്‌ ഒരു മേൻമ​യുണ്ട്‌. ദൃഷ്ടാ​ന്ത​ത്തിന്‌, ഒരുവൻ മരിച്ച​തിൽ ദുഃഖി​ക്കുന്ന ഒരു വിശ്വാ​സിക്ക്‌ “പ്രത്യാ​ശ​യി​ല്ലാത്ത മററു​ള്ള​വ​രെ​പ്പോ​ലെ ദുഃഖി”ക്കേണ്ട ആവശ്യ​മില്ല. അയാൾക്ക്‌ അനിയ​ന്ത്രി​ത​മായ ദുഃഖം ഉണ്ടാവു​ക​യില്ല. മററു പ്രശ്‌ന​ങ്ങ​ളു​ടെ കാര്യ​ത്തി​ലും ഇതു ശരിയാണ്‌. ഇപ്പോ​ഴത്തെ ബുദ്ധി​മു​ട്ടു​കൾ താത്‌കാ​ലി​ക​മാ​ണെന്നു സത്യം കണ്ടെത്തിയ വ്യക്തി​ക്ക​റി​യാം. പ്രത്യാശ ക്ലേശങ്ങൾ സഹിക്കു​ന്നതു സുകര​മാ​ക്കു​ന്നു. സന്തുലി​ത​മായ ഒരു ജീവി​ത​രീ​തി​യും സഹായ​മേ​കു​ന്നു.—1 തെസ്സ​ലൊ​നീ​ക്യർ 4:13.

പൗലോസ്‌ ക്രിസ്‌ത്യാ​നി​കൾക്ക്‌ ഈ ബുദ്ധ്യു​പ​ദേശം നൽകി: “കർത്താ​വിൽ എപ്പോ​ഴും സന്തോ​ഷി​പ്പിൻ; സന്തോ​ഷി​പ്പിൻ എന്നു ഞാൻ പിന്നെ​യും പറയുന്നു.” (ഫിലി​പ്പി​യർ 4:4) സന്തോഷം നമു​ക്കെ​ല്ലാം എത്തിപ്പി​ടി​ക്കാ​വുന്ന ദൂരത്താ​ണെ​ങ്കി​ലും അതുണ്ടാ​കാ​തി​രി​ക്കാ​നും സാധ്യ​ത​യു​ണ്ടെന്ന്‌ ഇതു കാണി​ക്കു​ന്നു. ഈ പഴയ വ്യവസ്ഥി​തി​യു​ടെ ഉത്‌ക​ണ്‌ഠകൾ ഒരു വിലങ്ങു​ത​ടി​യാ​ണെന്നു തെളി​ഞ്ഞേ​ക്കാം. അതിനു​പു​റമേ, ദൈവാ​ത്മാ​വി​ന്റെ ഫലങ്ങളി​ലൊ​ന്നായ സന്തോഷം നാം നട്ടുവ​ളർത്ത​ണ​മെന്നു ബൈബിൾ പറയുന്നു. (ഗലാത്യർ 5:22) നിങ്ങൾ സത്യ​ത്തെ​പ്പ​റ​റി​യുള്ള അറിവു തുടർന്നു നേടു​ക​യും അതു കൈവ​രു​ത്തി​യ​തും ഇപ്പോൾ കൈവ​രു​ത്തു​ന്ന​തു​മായ ആത്മീയ സമ്പത്തി​നെ​പ്പ​ററി സ്വയം ഓർമി​പ്പി​ക്കു​ക​യും ചെയ്യു​ന്ന​പക്ഷം നിങ്ങളു​ടെ സന്തോ​ഷ​ത്തി​നു മങ്ങലേൽക്കു​ക​യില്ല. ദൈവം മനുഷ്യ​രു​ടെ “കണ്ണുനീർ എല്ലാം തുടെ​ച്ചു​ക​ളയു”കയും “ദുഃഖ​വും മുറവി​ളി​യും കഷ്ടതയും” ഒരിക്ക​ലും ഉണ്ടായി​രി​ക്ക​യി​ല്ലാ​ത്ത​തു​മായ സമയ​ത്തോ​ടു സമീപി​ക്കവേ അതു കൂടുതൽ ശക്തമാ​യി​ത്തീ​രും.—വെളി​പ്പാ​ടു 21:4.

[8-ാം പേജിലെ ചിത്രം]

യഹോവയുടെ സാക്ഷി​ക​ളു​ടെ സമ്മേള​ന​ങ്ങ​ളിൽ ദൃശ്യ​മാ​കുന്ന സന്തോ​ഷ​വും നല്ല സംഘാ​ട​ന​വും അനേക​രി​ലും മതിപ്പു​ള​വാ​ക്കി​യി​രി​ക്കു​ന്നു