യഹോ​വ​യി​ലുള്ള ദൃഢവി​ശ്വാ​സം എന്നെ താങ്ങി​നിർത്തു​ന്നു

ആഷെനോർ ഡാ പൈഷൗൻ പറഞ്ഞ​പ്ര​കാ​രം

ഞങ്ങളുടെ ഏക മകൻ പൗലൂ വെറും 11 മാസം പ്രായ​മു​ള്ള​പ്പോൾ ബ്രോ​ങ്കൈ​റ്റിസ്‌ നിമിത്തം മരണമ​ടഞ്ഞു. മൂന്നു മാസത്തി​നു​ശേഷം, 1945 ആഗസ്റ്റ്‌ 15-ന്‌ എന്റെ പ്രിയ​പ്പെട്ട ഭാര്യ ന്യൂ​മോ​ണിയ പിടി​പെട്ടു മരണമ​ടഞ്ഞു. എനിക്ക​പ്പോൾ 28 വയസ്സ്‌. ഈ ആഘാതങ്ങൾ എന്നെ ദുഃഖി​ത​നും ആകുല​ചി​ത്ത​നു​മാ​ക്കി. എങ്കിലും യഹോ​വ​യി​ലും അവന്റെ വാഗ്‌ദ​ത്ത​ങ്ങ​ളി​ലു​മുള്ള ദൃഢവി​ശ്വാ​സം എന്നെ താങ്ങി​നിർത്തി. ആ ദൃഢവി​ശ്വാ​സം എനിക്കു​ണ്ടാ​യ​തെ​ങ്ങ​നെ​യെന്നു ഞാൻ നിങ്ങ​ളോ​ടു പറയട്ടെ.

ബ്രസീ​ലി​ലെ ബഹിയ സംസ്ഥാ​ന​ത്തുള്ള സാൽവ​ഡോ​റിൽ 1917 ജനുവരി 5-നു ഞാൻ പിറന്നു. അന്നുമു​തൽ അമ്മ എന്നെ കത്തോ​ലി​ക്കാ സഭയിലെ “പുണ്യ​വാ​ളന്മാ”രെ ആരാധി​ക്കാൻ പഠിപ്പി​ച്ചു. ഒരുമി​ച്ചു പ്രാർഥി​ക്കേ​ണ്ട​തിന്‌ അമ്മ എന്നെയും സഹോ​ദ​ര​ന്മാ​രെ​യും അതിരാ​വി​ലെ വിളി​ച്ചെ​ഴു​ന്നേൽപ്പി​ക്കു​ക​പോ​ലും ചെയ്യു​മാ​യി​രു​ന്നു. എന്നാൽ, എന്റെ മാതാ​പി​താ​ക്കൾ ആഫ്രിക്കൻ-ബ്രസീ​ലി​യൻ വൂഡൂ ആചാര​ങ്ങ​ളിൽപ്പെട്ട കാൻഡോം​ബ്ലേ യോഗ​ങ്ങ​ളി​ലും പങ്കെടു​ത്തി​രു​ന്നു. ആ വിശ്വാ​സ​ങ്ങ​ളെ​യെ​ല്ലാം ഞാൻ ആദരി​ച്ചി​രു​ന്നെ​ങ്കി​ലും കത്തോ​ലി​ക്കാ മതത്തിലെ പുണ്യ​വാ​ള​ന്മാ​രെന്നു വിളി​ക്ക​പ്പെ​ടു​ന്ന​വ​രി​ലോ കാൻഡോം​ബ്ലേ​യി​ലോ എനിക്ക്‌ ഒട്ടും വിശ്വാ​സ​മി​ല്ലാ​യി​രു​ന്നു. ആ മതങ്ങളിൽ പ്രകട​മാ​യി​രുന്ന വർഗീയ മുൻവി​ധി​യാ​യി​രു​ന്നു എന്നെ വിശേ​ഷി​ച്ചും നിരാ​ശ​പ്പെ​ടു​ത്തി​യത്‌.

ക്രമേണ, എന്റെ രണ്ടു സഹോ​ദ​ര​ന്മാർ ജോലി​തേടി വീടു​വി​ട്ടു. പിന്നീട്‌, പിതാവ്‌ കുടും​ബത്തെ ഉപേക്ഷി​ച്ചു. അതു​കൊണ്ട്‌, അമ്മയെ​യും ഇളയ സഹോ​ദ​രി​യെ​യും സഹായി​ക്കു​ന്ന​തിന്‌ ഒമ്പതു വയസ്സു​ള്ള​പ്പോൾ എനിക്കു ജോലി കണ്ടെ​ത്തേ​ണ്ടി​വന്നു. ഏതാണ്ടു 16 വർഷത്തി​നു​ശേഷം ഫാക്ടറി​യി​ലെ ഒരു സഹപ്ര​വർത്ത​ക​നു​മാ​യി നടത്തിയ സംഭാ​ഷ​ണങ്ങൾ എന്റെ ജീവി​ത​ത്തിൽ വഴിത്തി​രി​വാ​യി.

യഹോ​വ​യിൽ ദൃഢവി​ശ്വാ​സം ആർജി​ക്കു​ന്നു

1942-ൽ ഞാൻ ഫെർനാൻഡൂ ടെലെ​സി​നെ കണ്ടുമു​ട്ടി. “പുണ്യ​വാ​ളന്മാ”രെ ആരാധി​ക്കു​ന്നതു തെറ്റാ​ണെന്ന്‌ അദ്ദേഹം മിക്ക​പ്പോ​ഴും പറയാ​റു​ണ്ടാ​യി​രു​ന്നു. (1 കൊരി​ന്ത്യർ 10:14; 1 യോഹ​ന്നാൻ 5:21) ആദ്യ​മൊ​ന്നും ഞാൻ അദ്ദേഹ​ത്തി​നു ചെവി​കൊ​ടു​ത്തില്ല. എന്നാൽ അദ്ദേഹ​ത്തി​ന്റെ ആത്മാർഥ​ത​യും വർഗ​ഭേ​ദ​മ​ന്യേ ആളുക​ളോ​ടു കാട്ടിയ താത്‌പ​ര്യ​വും എന്നെ ആകർഷി​ച്ചു. മാത്രമല്ല, ഞാൻ അദ്ദേഹ​ത്തി​ന്റെ ബൈബിൾ പരിജ്ഞാ​നത്തെ, പ്രത്യേ​കിച്ച്‌ ദൈവ​രാ​ജ്യ​ത്തെ​യും പറുദീ​സാ ഭൂമി​യെ​യും കുറിച്ച്‌ അദ്ദേഹം പറഞ്ഞ കാര്യ​ങ്ങളെ, വിലമ​തി​ക്കാ​നും തുടങ്ങി. (യെശയ്യാ​വു 9:6, 7; ദാനീ​യേൽ 2:44; വെളി​പ്പാ​ടു 21:3, 4) എന്റെ താത്‌പ​ര്യം ശ്രദ്ധി​ച്ചിട്ട്‌ അദ്ദേഹം എനി​ക്കൊ​രു ബൈബി​ളും ഏതാനും ബൈബിൾ സാഹി​ത്യ​ങ്ങ​ളും നൽകി.

ഏതാനും വാരങ്ങൾക്കു​ശേഷം, ഞാൻ ഒരു സഭാ ബൈബി​ള​ധ്യ​യ​ന​ത്തി​നുള്ള ക്ഷണം സ്വീക​രി​ച്ചു. ആ കൂട്ടം, വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി പ്രസി​ദ്ധീ​ക​രിച്ച മതം (ഇംഗ്ലീഷ്‌) എന്ന പുസ്‌ത​ക​മാ​യി​രു​ന്നു പഠിച്ചു​കൊ​ണ്ടി​രു​ന്നത്‌. അധ്യയനം ഞാൻ ആസ്വദി​ച്ചു, മാത്രമല്ല യഹോ​വ​യു​ടെ സാക്ഷി​ക​ളു​ടെ എല്ലാ സഭാ​യോ​ഗ​ങ്ങൾക്കും ഞാൻ ഹാജരാ​കാ​നും തുടങ്ങി. മുൻവി​ധി ഇല്ലാതി​രു​ന്ന​തും എനിക്ക്‌ ഉടനടി സ്വാഗ​ത​മ​രു​ളി​യ​തു​മാണ്‌ എന്നിൽ പ്രത്യേ​കി​ച്ചും മതിപ്പു​ള​വാ​ക്കി​യത്‌. ഏതാണ്ട്‌ ആ സമയം ഞാൻ ലിൻഡൗ​റ​യു​മാ​യി കോർട്ടിങ്‌ തുടങ്ങി​യി​രു​ന്നു. പഠിച്ചു​കൊ​ണ്ടി​രുന്ന കാര്യ​ങ്ങ​ളെ​ക്കു​റി​ച്ചു ഞാൻ അവളോ​ടു പറഞ്ഞ​പ്പോൾ അവളും എന്നോ​ടൊ​പ്പം യോഗ​ങ്ങൾക്കു ഹാജരാ​കാൻ തുടങ്ങി.

പ്രസം​ഗ​വേ​ല​യ്‌ക്കു നൽകിയ ഊന്നലാ​ണു യോഗ​ങ്ങ​ളിൽ എന്നെ ആകർഷിച്ച മറ്റൊരു സംഗതി. (മത്തായി 24:14; പ്രവൃ​ത്തി​കൾ 20:20) പയനി​യർമാ​രെന്നു വിളി​ക്ക​പ്പെ​ടുന്ന മുഴു​സമയ പ്രവർത്ത​ക​രാൽ പ്രോ​ത്സാ​ഹി​ത​നാ​യി, ജോലി​ക്കു പോകു​മ്പോ​ഴും ജോലി കഴിഞ്ഞു വരു​മ്പോ​ഴും ഞാൻ ട്രെയി​നി​ലു​ള്ള​വ​രോട്‌ അനൗപ​ചാ​രി​ക​മാ​യി സംസാ​രി​ക്കാൻ തുടങ്ങി. താത്‌പ​ര്യ​മുള്ള ആരെ​യെ​ങ്കി​ലും കണ്ടെത്തു​മ്പോൾ അയാളു​ടെ വിലാസം വാങ്ങി, താത്‌പ​ര്യം വളർത്തി​യെ​ടു​ക്കാ​നുള്ള ഉദ്യമ​ത്തിൽ അയാളെ സന്ദർശി​ക്കു​മാ​യി​രു​ന്നു.

അതിനി​ടെ, യഹോ​വ​യി​ലും അവൻ ഉപയോ​ഗി​ക്കുന്ന സ്ഥാപന​ത്തി​ലു​മുള്ള എന്റെ ദൃഢവി​ശ്വാ​സം വർധി​ച്ചു​കൊ​ണ്ടി​രു​ന്നു. അങ്ങനെ, ക്രിസ്‌തീയ സമർപ്പ​ണ​ത്തെ​ക്കു​റി​ച്ചുള്ള ഒരു ബൈബിൾ പ്രസംഗം കേട്ടതി​നു​ശേഷം, 1943 ഏപ്രിൽ 19-ന്‌ അറ്റ്‌ലാൻറിക്‌ സമു​ദ്ര​ത്തിൽവെച്ചു ഞാൻ സ്‌നാ​പ​ന​മേറ്റു. അന്നു തന്നെ, ഞാൻ ആദ്യമാ​യി ക്രമമായ, വീടു​തോ​റു​മുള്ള ശുശ്രൂ​ഷ​യിൽ പങ്കെടു​ത്തു.

രണ്ടാഴ്‌ച​യ്‌ക്കു​ശേഷം, മേയ്‌ 5-നു ഞാനും ലിൻഡൗ​റ​യും വിവാ​ഹി​ത​രാ​യി. പിന്നീട്‌, 1943 ആഗസ്റ്റിൽ, സാൽവ​ഡോർ നഗരത്തിൽ ആദ്യമാ​യി നടന്ന യഹോ​വ​യു​ടെ സാക്ഷി​ക​ളു​ടെ സമ്മേള​ന​ത്തിൽ അവൾ സ്‌നാ​പ​ന​മേറ്റു. യഹോ​വ​യു​ടെ സാക്ഷി​ക​ളു​ടെ വാർഷി​ക​പു​സ്‌തകം—1973 (ഇംഗ്ലീഷ്‌), ആ സമ്മേള​ന​ത്തെ​ക്കു​റിച്ച്‌ ഇങ്ങനെ പറഞ്ഞു: “സാൽവ​ഡോ​റി​ലെ പരസ്യ പ്രസംഗം നടത്തു​ന്നതു തടയാൻ പുരോ​ഹിത നടപടി​ക്കു കഴിഞ്ഞു. എന്നാൽ അതിനു മുമ്പു​തന്നെ . . . വളരെ​യ​ധി​കം പ്രചാരം ലഭിച്ചു​ക​ഴി​ഞ്ഞി​രു​ന്നു.” കൊടിയ പീഡന​ത്തി​നി​ട​യി​ലും യഹോ​വ​യു​ടെ മാർഗ​ദർശ​ന​ത്തി​ന്റെ തെളിവ്‌ അവനി​ലുള്ള എന്റെ ദൃഢവി​ശ്വാ​സത്തെ ബലിഷ്‌ഠ​മാ​ക്കി.

തുടക്ക​ത്തിൽ വിവരിച്ച പ്രകാരം, സ്‌നാ​പ​ന​മേറ്റു വെറും രണ്ടു വർഷം കഴിഞ്ഞ്‌—ഞങ്ങളുടെ മകൻ മരിച്ച്‌ മൂന്നു മാസത്തി​നു ശേഷവും—എന്റെ പ്രിയ​പ്പെട്ട ഭാര്യ ലിൻഡൗറ മരിച്ചു. അവൾക്കു വെറും 22 വയസ്സേ ഉണ്ടായി​രു​ന്നു​ള്ളൂ. എന്നാൽ യഹോ​വ​യി​ലു​ണ്ടാ​യി​രുന്ന ദൃഢവി​ശ്വാ​സം ആ ദുഷ്‌കര മാസങ്ങ​ളിൽ എന്നെ താങ്ങി​നിർത്തി.

ആത്മീയ പ്രവർത്ത​ന​ത്താൽ ശക്തനാ​കു​ന്നു

ഭാര്യ​യും മകനും മരിച്ച്‌ ഒരു വർഷം കഴിഞ്ഞ്‌ 1946-ൽ, സാൽവ​ഡോ​റിൽ അന്നുണ്ടാ​യി​രുന്ന ഏക സഭയിൽ ഞാൻ ബൈബി​ള​ധ്യ​യന ദാസനാ​യി നിയു​ക്ത​നാ​യി. അതേ വർഷം ബ്രസീ​ലി​ലെ സഭകളിൽ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​നു തുടക്കം കുറിച്ചു. ഞാൻ ബഹിയ സംസ്ഥാ​നത്തെ ആദ്യത്തെ സ്‌കൂൾ നിർവാ​ഹ​ക​നാ​യി. പിന്നീട്‌, 1946 ഒക്ടോ​ബ​റിൽ സാവൊ പൗലോ നഗരത്തിൽവെച്ചു “സന്തുഷ്ട ജനതകൾ” ദിവ്യാ​ധി​പത്യ സമ്മേളനം നടന്നു. പത്തു വർഷം എന്റെ തൊഴി​ലു​ട​മ​യാ​യി​രുന്ന വ്യക്തി, അദ്ദേഹ​ത്തിന്‌ എന്റെ ആവശ്യ​മു​ണ്ടെന്നു പറഞ്ഞു ഞാൻ പോകാ​തി​രി​ക്കാൻ എന്റെമേൽ സമ്മർദം ചെലുത്തി. എന്നാൽ, സമ്മേള​ന​ത്തി​നു ഹാജരാ​കു​ന്നത്‌ എന്നെ സംബന്ധി​ച്ചി​ട​ത്തോ​ളം എത്ര പ്രധാ​ന​മാ​ണെന്നു ഞാൻ വിശദീ​ക​രി​ച്ച​പ്പോൾ അദ്ദേഹം ഉദാര​മാ​യി സമ്മാനം നൽകി, ശുഭാ​ശം​സകൾ നേർന്ന്‌ എന്നെ യാത്ര​യ​യച്ചു.

സാവൊ പൗലോ മുനി​സി​പ്പൽ തീയേ​റ്റ​റിൽ നടന്ന സമ്മേളന സെഷനു​കൾ പോർച്ചു​ഗീ​സി​ലും—ബ്രസീ​ലി​ലെ ഭാഷ—ഇംഗ്ലീഷ്‌, ജർമൻ, ഹംഗേ​റി​യൻ, പോളിഷ്‌, റഷ്യൻ എന്നീ ഭാഷക​ളി​ലു​മാണ്‌ നടത്ത​പ്പെ​ട്ടത്‌. ആ സമ്മേള​ന​ത്തിൽ പോർച്ചു​ഗീ​സിൽ ഉണരുക! മാസിക പ്രകാ​ശനം ചെയ്‌തു. 1,700-ഓളം പേർ പരസ്യ​പ്ര​സം​ഗ​ത്തി​നു ഹാജരാ​യി​രു​ന്നു. സമ്മേള​ന​ത്താൽ അത്യന്തം പ്രോ​ത്സാ​ഹി​ത​നാ​യി, 1946 നവംബർ 1-നു പയനി​യ​റിങ്‌ തുടങ്ങ​ത്ത​ക്ക​വണ്ണം ഞാൻ അപേക്ഷ​ഫാ​റം പൂരി​പ്പി​ച്ച​യച്ചു.

അന്നൊക്കെ പയനിയർ വേലയിൽ ഞങ്ങൾ ഗ്രാമ​ഫോൺ വ്യാപ​ക​മാ​യി ഉപയോ​ഗി​ക്കാ​റു​ണ്ടാ​യി​രു​ന്നു. ഞങ്ങൾ മിക്ക​പ്പോ​ഴും വീട്ടു​കാ​രെ കേൾപ്പി​ക്കാ​റുള്ള ഒരു പ്രസം​ഗ​മാ​യി​രു​ന്നു “സംരക്ഷണം.” പ്രസം​ഗ​ത്തി​നു​ശേഷം ഞങ്ങൾ ഇങ്ങനെ പറയു​മാ​യി​രു​ന്നു: “ഒരു അദൃശ്യ ശത്രു​വിൽനി​ന്നു സംരക്ഷണം ലഭിക്കു​ന്ന​തി​നു നാം ഒരു അദൃശ്യ സുഹൃ​ത്തി​നോ​ടു പറ്റിനിൽക്കേ​ണ്ട​തുണ്ട്‌. യഹോവ നമ്മുടെ ഏറ്റവും വലിയ സുഹൃ​ത്താ​ണെന്നു മാത്രമല്ല നമ്മുടെ ശത്രു​വായ സാത്താ​നെ​ക്കാൾ അതിശ​ക്ത​നു​മാണ്‌. തന്മൂലം, സാത്താ​നിൽനി​ന്നു നമ്മെ രക്ഷിക്കു​ന്ന​തി​നു നാം യഹോ​വ​യോ​ടു പറ്റിനിൽക്കേ​ണ്ട​തുണ്ട്‌.” എന്നിട്ട്‌, കൂടുതൽ വിവര​ങ്ങൾക്കാ​യി ഞങ്ങൾ സംരക്ഷണം (ഇംഗ്ലീഷ്‌) ചെറു​പു​സ്‌തകം സമർപ്പി​ക്കു​മാ​യി​രു​ന്നു.

ഞാൻ പയനി​യ​റിങ്‌ തുടങ്ങി ഒരു വർഷമാ​കു​ന്ന​തി​നു​മുമ്പ്‌, റിയോ ഡെ ജെനി​റോ​യി​ലുള്ള കാരി​യോക്ക സഭയോ​ടൊത്ത്‌ ഒരു പ്രത്യേക പയനി​യ​റാ​യി സേവി​ക്കാൻ എനിക്കു ക്ഷണം ലഭിച്ചു. അവിടെ ചില​പ്പോ​ഴെ​ല്ലാം ഞങ്ങൾക്കു ശക്തമായ എതിർപ്പു നേരിട്ടു. എന്റെ പങ്കാളി​യാ​യി​രുന്ന ഇവാൻ ബ്രെന​റി​നെ ഒരിക്കൽ ഒരു വീട്ടു​കാ​രൻ യഥാർഥ​ത്തിൽ ആക്രമി​ക്കു​ക​യു​ണ്ടാ​യി. അയൽക്കാർ പൊലീ​സി​നെ വിളി​പ്പി​ച്ചു, ഞങ്ങളെ പൊലീസ്‌ സ്റ്റേഷനി​ലേക്കു കൊണ്ടു​പോ​യി.

ചോദ്യം​ചെ​യ്യു​ന്ന​തി​നി​ട​യിൽ, ഞങ്ങൾ സമാധാ​നം കെടു​ത്തു​ന്നു​വെന്നു കോപി​ഷ്‌ഠ​നായ വീട്ടു​കാ​രൻ ഞങ്ങളു​ടെ​മേൽ കുറ്റമാ​രോ​പി​ച്ചു. പ്രധാന പൊലീസ്‌ മേധാവി അയാ​ളോ​ടു മിണ്ടാ​തി​രി​ക്കാൻ ആജ്ഞാപി​ച്ചു. എന്നിട്ട്‌ പൊലീസ്‌ മേധാവി ഞങ്ങളുടെ നേർക്കു തിരിഞ്ഞ്‌ സൗമ്യ​നാ​യി, ഞങ്ങളോ​ടു പൊയ്‌ക്കൊ​ള്ളാൻ പറഞ്ഞു. ഞങ്ങളെ കുറ്റ​പ്പെ​ടു​ത്തിയ ആളെ അദ്ദേഹം കസ്റ്റഡി​യി​ലെ​ടുത്ത്‌ ആക്രമ​ണ​ത്തി​ന്റെ പേരിൽ കേസെ​ടു​ത്തു. അത്തരം സാഹച​ര്യ​ങ്ങൾ യഹോ​വ​യി​ലുള്ള എന്റെ ദൃഢവി​ശ്വാ​സത്തെ താങ്ങി​നിർത്തി.

വിപു​ല​മായ മുഴു​സമയ ശുശ്രൂഷ

1949 ജൂലൈ 1-ന്‌ ബെഥേ​ലിൽ—ഒരു രാജ്യത്തെ യഹോ​വ​യു​ടെ സാക്ഷി​ക​ളു​ടെ പ്രധാന ഓഫീ​സി​നെ അങ്ങനെ​യാ​ണു വിളി​ക്കു​ന്നത്‌—സേവി​ക്കാൻ ക്ഷണം ലഭിച്ച​പ്പോൾ ഞാൻ പുളകം​കൊ​ണ്ടു. ബ്രസീ​ലിൽ ബെഥേൽ അന്നു സ്ഥിതി​ചെ​യ്‌തി​രു​ന്നത്‌ റിയോ ഡെ ജെനി​റോ​യിൽ, 330 ലിസി​ന്യോ കാർഡോ​സൂ സ്‌ട്രീ​റ്റി​ലാ​യി​രു​ന്നു. ആ സമയത്തു ബെഥേൽ കുടും​ബ​ത്തിൽ മൊത്തം 17 പേരേ ഉണ്ടായി​രു​ന്നു​ള്ളൂ. കുറച്ചു കാലം ഞാൻ പ്രാ​ദേ​ശിക സഭയാ​യി​രുന്ന എൻഷെ​ന്യോ ഡെ ഡെൻട്രൂ​വി​ലാ​ണു ഹാജരാ​യി​രു​ന്നത്‌. എന്നാൽ, പിന്നീട്‌ റിയോ ഡെ ജെനി​റോ​യിൽനിന്ന്‌ ഏതാനും കിലോ​മീ​റ്റർ അകലെ​യുള്ള ബെൽഫോർ റോഷൂ നഗരത്തി​ലെ ഏക സഭയിൽ അധ്യക്ഷ മേൽവി​ചാ​ര​ക​നാ​യി എനിക്കു നിയമനം ലഭിച്ചു.

വാരാ​ന്ത​ങ്ങൾ തിര​ക്കേ​റി​യ​താ​യി​രു​ന്നു. ശനിയാ​ഴ്‌ച​തോ​റും ഞാൻ ട്രെയി​നിൽ ബെൽഫോർ റോഷൂ​വി​ലേക്കു പോയി, ഉച്ചകഴി​ഞ്ഞു വയൽ ശുശ്രൂ​ഷ​യിൽ പങ്കെടു​ക്കും. എന്നിട്ട്‌, വൈകു​ന്നേരം ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലും സേവന​യോ​ഗ​ത്തി​ലും പങ്കെടു​ക്കും. ശനിയാഴ്‌ച രാത്രി ഞാൻ സഹോ​ദ​ര​ങ്ങ​ളോ​ടൊ​പ്പം താമസിച്ച്‌, ഞായറാഴ്‌ച രാവിലെ വയൽശു​ശ്രൂ​ഷ​യിൽ പങ്കെടു​ക്കും. അന്ന്‌ ഉച്ചകഴി​ഞ്ഞു ബൈബിൾ പരസ്യ​പ്ര​സം​ഗ​ത്തി​നും വീക്ഷാ​ഗോ​പുര അധ്യയ​ന​ത്തി​നും ഹാജരാ​യി, രാത്രി ഒമ്പതര​യ്‌ക്കു​ശേഷം ബെഥേ​ലി​ലേക്കു മടങ്ങും. ഇന്ന്‌ ബെൽഫോർ റോഷൂ​വിൽ 18 സഭകളുണ്ട്‌.

മൂന്നര വർഷ​ത്തോ​ളം ആ പട്ടിക പിന്തു​ടർന്ന​ശേഷം, 1954-ൽ എന്നെ തിരികെ റിയോ ഡെ ജെനി​റോ​യി​ലേക്കു മാറ്റി. സാവൊ ക്രി​സ്റ്റെ​വൊ സഭയിൽ അധ്യക്ഷ​മേൽവി​ചാ​ര​ക​നാ​യി​ട്ടാ​യി​രു​ന്നു ഇത്തവണത്തെ നിയമനം. പിറ്റേ പത്തു വർഷം ഞാൻ ആ സഭയോ​ടൊ​ത്തു സേവിച്ചു.

എന്റെ ബെഥേൽ നിയമനം

തവിട്ടു നിറം നിമിത്തം ചോക്‌ലെറ്റ്‌ എന്ന ഇരട്ട​പ്പേ​രിൽ അറിയ​പ്പെ​ട്ടി​രുന്ന, 1949 ഡാജ്‌ വാൻ എന്ന, സൊ​സൈ​റ്റി​യു​ടെ ഏക വാഹന​ത്തി​നു​വേണ്ടി ഒരു ഗരാജ്‌ ഉണ്ടാക്കു​ക​യാ​യി​രുന്ന ബെഥേ​ലി​ലെ എന്റെ ആദ്യത്തെ നിയമനം. ഗരാജി​ന്റെ പണി പൂർത്തി​യാ​യ​പ്പോൾ അടുക്ക​ള​യി​ലേക്ക്‌ എനിക്കു നിയമനം ലഭിച്ചു. അവിടെ ഞാൻ മൂന്നു വർഷം ജോലി​യെ​ടു​ത്തു. പിന്നീട്‌, ചെറിയ അച്ചടി​ജോ​ലി​കൾ നടക്കുന്ന വിഭാ​ഗ​ത്തി​ലേക്ക്‌ എനിക്കു മാറ്റം ലഭിച്ചു. 40 വർഷത്തി​ല​ധി​ക​മാ​യി ഞാൻ ഇപ്പോ​ഴും അവി​ടെ​യാണ്‌.

ഞങ്ങൾക്കു​ണ്ടാ​യി​രുന്ന അച്ചടി ഉപകര​ണ​ങ്ങ​ളിൽ പലതും പുതി​യ​ത​ല്ലാ​യി​രു​ന്നു. ഉദാഹ​ര​ണ​ത്തിന്‌, വർഷങ്ങ​ളോ​ളം ഞങ്ങൾ ഒരു പഴഞ്ചൻ പ്ലാറ്റെൻ അച്ചടി​യ​ന്ത്രം ഉപയോ​ഗി​ച്ചി​രു​ന്നു. വാത്സല്യ​പൂർവം ഞങ്ങളതിന്‌ അബ്രാ​ഹാ​മി​ന്റെ ഭാര്യ​യായ സാറാ​യു​ടെ പേരാണ്‌ ഇട്ടിരു​ന്നത്‌. വാച്ച്‌ ടവർ സൊ​സൈ​റ്റി​യു​ടെ ആസ്ഥാന​മായ ന്യൂ​യോർക്കി​ലെ ബ്രുക്ലി​നി​ലുള്ള ഫാക്ടറി​യിൽ വർഷങ്ങ​ളോ​ളം അത്‌ ഉപയോ​ഗി​ച്ചി​രു​ന്നു. 1950-കളിൽ അതു ബ്രസീ​ലി​ലേക്ക്‌ അയച്ചു. ഇവിടെ, ബ്രസീ​ലിൽ അത്‌ അബ്രാ​ഹാ​മി​ന്റെ ഭാര്യ​യെ​പ്പോ​ലെ, വയസ്സു​കാ​ലത്ത്‌ വീക്ഷാ​ഗോ​പു​രം, ഉണരുക! എന്നിവ​യു​ടെ രൂപത്തിൽ ഫലം പുറ​പ്പെ​ടു​വി​ച്ചു.

ബ്രസീ​ലി​ലെ അച്ചടി​ശാ​ല​യിൽ ഉത്‌പാ​ദി​പ്പി​ച്ചി​രി​ക്കുന്ന പ്രസി​ദ്ധീ​ക​ര​ണ​ങ്ങ​ളു​ടെ എണ്ണത്തി​ലു​ണ്ടായ വർധന​വിൽ ഞാൻ ഇപ്പോ​ഴും അതിശയം കൂറുന്നു. 1953-ൽ ഞങ്ങൾ മൊത്തം 3,24,400 മാസി​കകൾ അച്ചടിച്ചു. എന്നാൽ ഇപ്പോൾ ഓരോ മാസവും 30 ലക്ഷത്തി​ല​ധി​ക​മാണ്‌ ഉത്‌പാ​ദനം!

ഞങ്ങളുടെ ബെഥേൽ സൗകര്യ​ങ്ങൾ

വർഷങ്ങൾകൊ​ണ്ടു ബ്രസീ​ലി​ലെ ഞങ്ങളുടെ ബെഥേൽ സൗകര്യ​ങ്ങ​ളി​ലു​ണ്ടായ വികസനം നിരീ​ക്ഷി​ക്കു​ന്നത്‌ ആവേശ​ക​ര​മാണ്‌. 1952-ൽ റിയോ ഡെ ജെനി​റോ​യി​ലുള്ള ഞങ്ങളുടെ ഭവനത്തി​ന്റെ പിന്നി​ലാ​യി ഞങ്ങൾ ഒരു ഇരുനില ഫാക്ടറി കെട്ടിടം പണിതു. പിന്നീട്‌, 1968-ൽ സാവൊ പൗലോ നഗരത്തി​ലെ ഒരു പുതിയ കെട്ടി​ട​ത്തി​ലേക്കു ബെഥേൽ മാറ്റി. അങ്ങോട്ടു താമസം​മാ​റി​യ​പ്പോൾ 42 പേരട​ങ്ങുന്ന ഞങ്ങളുടെ ബെഥേൽ കുടും​ബ​ത്തി​നു വേണ്ടത്ര സൗകര്യ​ങ്ങ​ളുള്ള വലിയ ഭവനം​പോ​ലെ തോന്നി​ച്ചു. വാസ്‌ത​വ​ത്തിൽ, ഞങ്ങളുടെ മുഴു ഭാവി വളർച്ച​യ്‌ക്കും മതിയാ​യ​താണ്‌ ആ കെട്ടി​ട​മെന്നു ഞങ്ങൾ വിചാ​രി​ച്ചു. എന്നാൽ, 1971-ൽ രണ്ട്‌ അഞ്ചുനില കെട്ടി​ടങ്ങൾ കൂടി പണിതു. മാത്രമല്ല, അതിനു തൊട്ട​ടുള്ള ഒരു ഫാക്ടറി വാങ്ങി, രൂപ​ഭേദം വരുത്തി പുതിയ സമുച്ച​യ​വു​മാ​യി കൂട്ടി​യോ​ജി​പ്പി​ക്കു​ക​യും ചെയ്‌തു. പക്ഷേ, ഏതാനും വർഷങ്ങൾക്കകം രാജ്യ​പ്ര​സാ​ധ​ക​രു​ടെ തുടർന്നുള്ള വർധനവ്‌—1975-ൽ എണ്ണം 1,00,000 കവിഞ്ഞു—കൂടുതൽ സൗകര്യം ആവശ്യ​മാ​ക്കി​ത്തീർത്തു.

തന്മൂലം, സാവൊ പൗലോ​യിൽനിന്ന്‌ 140 കിലോ​മീ​റ്റർ അകലെ​യുള്ള സെസെ​യ്‌റി​യോ ലാൻഷെ എന്ന കൊച്ചു പട്ടണത്തി​ന​ടുത്ത്‌ ഒരു പുതിയ കെട്ടിട സമുച്ചയം പണിതു​യർത്തി. 1980-ൽ 170 അംഗങ്ങ​ള​ട​ങ്ങുന്ന ഞങ്ങളുടെ ബെഥേൽ കുടും​ബം പുതിയ സൗകര്യ​ങ്ങ​ളി​ലേക്കു താമസം മാറ്റി. അന്നുമു​തൽ രാജ്യ​വേല ശ്രദ്ധേ​യ​മാം വിധം പുരോ​ഗ​മി​ച്ചി​രി​ക്കു​ന്നു. ഇപ്പോൾ 4,10,000-ത്തിലധി​കം പേർ ബ്രസീ​ലിൽ നിരന്തരം പ്രസം​ഗ​വേ​ല​യിൽ പങ്കെടു​ക്കു​ന്നു. ഈ രാജ്യ പ്രസാ​ധ​ക​രു​ടെ​യെ​ല്ലാം ആത്മീയ ആവശ്യം മുൻനിർത്തി ബൈബിൾ സാഹി​ത്യ​ങ്ങൾ അച്ചടി​ക്കു​ന്ന​തി​നു പുതിയ ഫാക്ടറി​ക​ളും ബെഥേൽ സന്നദ്ധ​സേ​വ​കർക്കു താമസി​ക്കാൻ പുതിയ വസതി​ക​ളും പണിതു​കൊ​ണ്ടി​രി​ക്കു​ന്നു. ഇപ്പോൾ ഞങ്ങളുടെ ബെഥേൽ കുടും​ബ​ത്തിൽ 1,100-ഓളം അംഗങ്ങ​ളുണ്ട്‌!

വിലപ്പെട്ട പദവികൾ

ഞാൻ ബെഥേൽ സേവനത്തെ വില​യേ​റിയ ഒരു പദവി​യാ​യി കണക്കാ​ക്കു​ന്നു. അങ്ങനെ, മുൻ വർഷങ്ങ​ളിൽ പുനർവി​വാ​ഹ​ത്തെ​ക്കു​റി​ച്ചു ഞാൻ ചിന്തി​ച്ചി​രു​ന്നെ​ങ്കി​ലും, ബെഥേ​ലി​ലെ​യും പ്രസം​ഗ​വേ​ല​യി​ലെ​യും പദവി​ക​ളിൽ മുഴു​വ​നാ​യി ശ്രദ്ധപ​തി​പ്പി​ക്കാൻ ഞാൻ തീരു​മാ​നി​ച്ചു. ഇവിടെ, അച്ചടി​ശാ​ല​യിൽ നിരവധി യുവാ​ക്ക​ന്മാ​രോ​ടൊ​പ്പം സേവി​ക്കു​ന്ന​തി​ന്റെ​യും അവരുടെ നിയമ​ന​ങ്ങ​ളിൽ അവരെ പരിശീ​ലി​പ്പി​ക്കു​ന്ന​തി​ന്റെ​യും ആനന്ദം എനിക്ക​നു​ഭ​വി​ക്കാൻ കഴിഞ്ഞി​രി​ക്കു​ന്നു. എന്റെ മക്കളെ​ന്ന​പോ​ലെ അവരോട്‌ ഇടപെ​ടാൻ ഞാൻ ശ്രമി​ച്ചി​ട്ടുണ്ട്‌. അവരുടെ തീക്ഷ്‌ണ​ത​യും നിസ്വാർഥ​ത​യും എനിക്കു വലിയ പ്രോ​ത്സാ​ഹ​ന​ത്തി​ന്റെ ഉറവി​ട​മാ​യി​രി​ക്കു​ന്നു.

വർഷങ്ങ​ളി​ലു​ട​നീ​ളം, കൂടെ​ത്താ​മ​സി​ച്ചി​രുന്ന ഉത്തമ വ്യക്തി​ക​ളു​ടെ സൗഹൃദം ആസ്വദി​ക്കാൻ കഴിഞ്ഞ​താ​ണു മറ്റൊരു പദവി. വ്യക്തിത്വ ഭിന്നതകൾ ചില​പ്പോ​ഴൊ​ക്കെ വെല്ലു​വി​ളി ഉയർത്തി​യി​ട്ടു​ണ്ടെ​ന്നതു ശരിതന്നെ. എങ്കിലും, മറ്റുള്ള​വ​രിൽനി​ന്നു പൂർണത പ്രതീ​ക്ഷി​ക്കാ​തി​രി​ക്കാൻ ഞാൻ പഠിച്ചി​രി​ക്കു​ന്നു. കൊച്ചു​കൊ​ച്ചു കാര്യ​ങ്ങളെ പർവതീ​ക​രി​ക്കാ​തി​രി​ക്കാ​നും അങ്ങേയറ്റം ഗൗരവ​ഭാ​വം കാട്ടാ​തി​രി​ക്കാ​നും ഞാൻ ശ്രമം ചെലു​ത്തി​യി​ട്ടുണ്ട്‌. സ്വന്ത തെറ്റു​ക​ളോർത്തു ചിരി​ക്കു​ന്നതു മറ്റുള്ള​വ​രു​ടെ തെറ്റുകൾ പൊറു​ക്കാൻ എന്നെ സഹായി​ച്ചി​ട്ടുണ്ട്‌.

ഐക്യ​നാ​ടു​ക​ളിൽ നടന്ന വലിയ സാർവ​ദേ​ശീയ കൺ​വെൻ​ഷ​നു​ക​ളിൽ പങ്കെടു​ക്കാൻ കഴിഞ്ഞ​താ​ണു ഞാൻ ആസ്വദിച്ച മറ്റൊരു വില​യേ​റിയ പദവി. 1963-ൽ ന്യൂ​യോർക്കി​ലെ യാങ്കീ സ്റ്റേഡി​യ​ത്തിൽ നടന്ന “നിത്യ സുവാർത്ത” സമ്മേള​ന​മാണ്‌ അവയി​ലൊന്ന്‌. 1969-ൽ അതേ സ്ഥലത്തു​വെച്ചു നടന്ന “ഭൂമി​യിൽ സമാധാ​നം” എന്ന സാർവ​ദേ​ശീയ സമ്മേള​ന​മാ​ണു മറ്റൊന്ന്‌. ഞാൻ അവി​ടെ​യാ​യി​രു​ന്ന​പ്പോൾ, ന്യൂ​യോർക്കി​ലെ ബ്രുക്ലി​നി​ലുള്ള യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നം സന്ദർശി​ക്കു​ന്ന​തി​ലുള്ള ആനന്ദം അനുഭ​വി​ച്ചു!

പത്തു വർഷമാ​യി ബെഥേൽ കുടും​ബ​ത്തി​ന്റെ പ്രഭാത ആരാധ​ന​യിൽ അധ്യക്ഷത വഹിക്കു​ന്ന​തി​നുള്ള പദവി​യും—മറ്റുള്ള മൂപ്പന്മാ​രോ​ടൊ​പ്പം ഉഴമനു​സ​രിച്ച്‌—എനിക്കു ലഭിച്ചി​രി​ക്കു​ന്നു. എങ്കിലും, നമ്മുടെ യജമാ​ന​നായ യേശു​ക്രി​സ്‌തു ചെയ്‌ത​പ്ര​കാ​രം, പരമാർഥ​ഹൃ​ദ​യ​രു​ടെ പക്കൽ രാജ്യ​സ​ന്ദേശം എത്തിക്കു​ന്ന​താണ്‌ എനിക്ക്‌ അത്യന്തം സന്തോ​ഷ​വും പ്രോ​ത്സാ​ഹ​ന​വും പകർന്നി​രി​ക്കുന്ന ഏറ്റവും വലിയ പദവി.

സമീപ​വർഷ​ങ്ങ​ളിൽ ഞാൻ പാർക്കിൻസൺസ്‌ രോഗ​വു​മാ​യി മല്ലിട്ടു കഴിയു​ക​യാണ്‌. ബെഥേ​ലി​ലെ ആതുര ശുശ്രൂ​ഷാ വിഭാ​ഗ​ത്തി​ലുള്ള സഹോ​ദ​രീ​സ​ഹോ​ദ​ര​ന്മാർ നിരന്തര സഹായ​ത്തി​ന്റെ​യും സാന്ത്വ​ന​ത്തി​ന്റെ​യും ഉറവി​ട​മാ​യി​രി​ക്കു​ന്നു. യഹോ​വ​യു​ടെ സത്യാ​രാ​ധ​ന​യ്‌ക്കു​വേണ്ടി എന്റെ കഴിവി​ന്റെ പരമാ​വധി ചെയ്യു​ന്ന​തിന്‌ എന്നെ ശക്തി​പ്പെ​ടു​ത്താൻ ഞാൻ പൂർണ ദൃഢവി​ശ്വാ​സ​ത്തോ​ടെ യഹോ​വ​യോ​ടു പ്രാർഥി​ക്കു​ന്നു.

[23-ാം പേജിലെ ചിത്രം]

ഞാൻ ഇപ്പോൾ താമസി​ക്കുന്ന ബ്രസീൽ ബ്രാഞ്ച്‌

[23-ാം പേജിലെ ചിത്രം]

1945-ൽ മരിച്ചു​പോയ ഭാര്യ​യോ​ടൊ​പ്പം