നിങ്ങൾക്കു ബൈബി​ളിൽ വിശ്വ​സി​ക്കാൻ കഴിയു​മോ?

ബൈബി​ളി​ലുള്ള വിശ്വാ​സം, ഈ ആധുനിക കാലത്തു പോലും, വളരെ വ്യാപ​ക​മാണ്‌. ഉദാഹ​ര​ണ​ത്തിന്‌, അടുത്ത​യി​ടെ അമേരി​ക്ക​ക്കാ​രിൽ നടത്തിയ ഒരു അഭി​പ്രായ വോ​ട്ടെ​ടുപ്പ്‌ അനുസ​രിച്ച്‌, 80 ശതമാനം പേരും ബൈബിൾ ദൈവ​ത്തി​ന്റെ നിശ്വസ്‌ത വചനമാ​ണെന്ന വിശ്വാ​സം പ്രകട​മാ​ക്കി. നിങ്ങളു​ടെ പ്രദേ​ശത്ത്‌ ബൈബി​ളിൽ വിശ്വ​സി​ക്കു​ന്ന​വ​രു​ടെ എണ്ണം അത്ര​ത്തോ​ളം ഉണ്ടെങ്കി​ലും ഇല്ലെങ്കി​ലും, പള്ളിയിൽ അതു തങ്ങളെ പഠിപ്പി​ക്കേ​ണ്ട​താ​ണെന്ന്‌ ആ വിശ്വാ​സി​കൾ കരുതു​ന്നു​വെന്ന്‌ മനസ്സി​ലാ​ക്കാ​വു​ന്ന​താണ്‌. എന്നാൽ മിക്ക​പ്പോ​ഴും അവരെ അതു പഠിപ്പി​ക്കാ​റില്ല. ദൃഷ്ടാ​ന്ത​ത്തിന്‌, മരണ​ശേഷം ആത്മാവി​നെ ശിക്ഷി​ക്കു​ന്നു​വെന്ന ഉപദേ​ശ​ത്തി​ന്റെ കാര്യം​തന്നെ എടുക്കാം.

ശുദ്ധീ​ക​രണ സ്ഥലത്തെ​ക്കു​റി​ച്ചോ അഗ്നിന​ര​ക​ത്തെ​ക്കു​റി​ച്ചോ ബൈബി​ളിൽ എവി​ടെ​യെ​ങ്കി​ലും പഠിപ്പി​ക്കു​ന്നു​ണ്ടോ? ഇല്ല എന്നാണ്‌ ഇന്നു ക്രൈ​സ്‌ത​വ​ലോ​ക​ത്തി​ലെ മിക്ക പണ്ഡിത​ന്മാ​രും മറുപടി നൽകു​ന്നത്‌. പുതിയ കത്തോ​ലി​ക്കാ വിജ്ഞാ​ന​കോ​ശം (ഇംഗ്ലീഷ്‌) ഇങ്ങനെ പ്രസ്‌താ​വി​ക്കു​ന്നു: “അന്തിമ വിശക​ല​ന​ത്തിൽ, ശുദ്ധീ​കരണ സ്ഥലത്തെ​ക്കു​റി​ച്ചുള്ള കത്തോ​ലി​ക്കാ ഉപദേശം അധിഷ്‌ഠി​ത​മാ​യി​രി​ക്കു​ന്നത്‌ വിശുദ്ധ തിരു​വെ​ഴു​ത്തു​ക​ളിൽ അല്ല, പാരമ്പ​ര്യ​ത്തി​ലാണ്‌.” നരക​ത്തെ​ക്കു​റിച്ച്‌ ഒരു ക്രിസ്‌തീയ ദൈവ​ശാ​സ്‌ത്ര നിഘണ്ടു (ഇംഗ്ലീഷ്‌) ഇങ്ങനെ അഭി​പ്രാ​യ​പ്പെ​ടു​ന്നു: “നരകാഗ്നി ആദിമ പഠിപ്പി​ക്ക​ലി​ന്റെ ഭാഗമാ​യി​രു​ന്ന​താ​യി പുതിയ നിയമ​ത്തിൽ നാം കാണു​ന്നില്ല.”

ആംഗ്ലിക്കൻ സഭയുടെ ഉപദേശക സമിതി, നരകാ​ഗ്നി​യെ​ക്കു​റി​ച്ചുള്ള പഠിപ്പി​ക്കൽ ഒന്നാകെ നീക്കം ചെയ്യണ​മെന്ന്‌ ശുപാർശ ചെയ്‌തത്‌ അടുത്ത​കാ​ലത്ത്‌ വലിയ വാർത്ത സൃഷ്ടിച്ചു. നരകത്തെ കുറി​ച്ചുള്ള മുൻകാല ധാരണ “ദൈവത്തെ ഒരു ഭീകര​രൂ​പി ആക്കുക​യും അനേക​രിൽ വൈകാ​രിക വ്രണങ്ങൾ ഉളവാ​ക്കു​ക​യും ചെയ്‌തു” എന്ന്‌ ലിച്ച്‌ഫീൽഡ്‌ കത്തീ​ഡ്ര​ലി​ന്റെ ഡീക്കനായ ഡോ. ടോം റൈറ്റ്‌ പ്രസ്‌താ​വി​ക്കു​ന്നു. “തീർത്തും അസ്‌തി​ത്വ​ത്തിൽ ഇല്ലാത്തത്‌” എന്നാണ്‌ ആ സമിതി​യു​ടെ റിപ്പോർട്ട്‌ നരകത്തെ വിശേ​ഷി​പ്പി​ക്കു​ന്നത്‌.a സമാന​മാ​യി, കത്തോ​ലി​ക്കാ വീക്ഷണം സംബന്ധിച്ച്‌ പുതിയ കത്തോ​ലി​ക്കാ വിജ്ഞാ​ന​കോ​ശം ഇങ്ങനെ അഭി​പ്രാ​യ​പ്പെ​ടു​ന്നു: “ദൈവത്തെ മാറ്റി​നിർത്തി​ക്കൊ​ണ്ടാണ്‌ നരകം എന്ന പ്രശ്‌നത്തെ ഇന്ന്‌ ദൈവ​ശാ​സ്‌ത്രം സമീപി​ക്കു​ന്നത്‌.”

വാസ്‌ത​വ​ത്തിൽ, മരിച്ച​വ​രു​ടെ അവസ്ഥ​യെ​ക്കു​റിച്ച്‌ ബൈബിൾ പഠിപ്പി​ക്കുന്ന സംഗതി ശുദ്ധീ​കരണ സ്ഥലത്തെ​യും നരകാ​ഗ്നി​യെ​യും സംബന്ധിച്ച ഉപദേ​ശ​ങ്ങ​ളു​മാ​യി യോജി​ക്കു​ന്നില്ല. ബൈബിൾ പറയു​ന്നത്‌ അനുസ​രിച്ച്‌, മരിച്ച​വർക്കു ബോധ​മില്ല. അവർക്കു വേദന അനുഭ​വി​ക്കാ​നും കഴിയില്ല. “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല.” (സഭാ​പ്ര​സം​ഗി 9:5) മരിച്ച​വർക്കു ബൈബിൾ വെച്ചു​നീ​ട്ടു​ന്നത്‌ ഭാവി പുനരു​ത്ഥാന പ്രത്യാ​ശ​യാണ്‌. തന്റെ സ്‌നേ​ഹി​ത​നായ ലാസർ മരിച്ച​പ്പോൾ, യേശു മരണത്തെ താരത​മ്യ​പ്പെ​ടു​ത്തി​യത്‌ ഉറക്ക​ത്തോ​ടാണ്‌. “ഒടുക്കത്തെ നാളിലെ പുനരു​ത്ഥാ​ന​ത്തിൽ അവൻ ഉയിർത്തെ​ഴു​ന്നേ​ല്‌ക്കും എന്നു ഞാൻ അറിയു​ന്നു” എന്ന്‌ ലാസറു​ടെ സഹോ​ദ​രി​യായ മാർത്ത പറഞ്ഞ​പ്പോൾ ബൈബി​ളിൽ പഠിപ്പി​ക്കുന്ന പ്രത്യാശ അവൾ പ്രകട​മാ​ക്കുക ആയിരു​ന്നു. മരിച്ച​വ​രിൽനി​ന്നു ലാസറി​നെ ഉയിർപ്പി​ക്കു​ക​വഴി മനുഷ്യ​വർഗ​ത്തിന്‌ ആ പ്രത്യാശ സംബന്ധിച്ച്‌ യേശു ഉറപ്പു നൽകു​ക​യാ​ണു ചെയ്‌തത്‌.—യോഹ​ന്നാൻ 5:28, 29; 11:11-14, 24, 44.

മനുഷ്യന്‌ വേറി​ട്ട​തും അമർത്യ​വു​മായ ഒരു ആത്മാവ്‌ ഉണ്ടെന്ന പഠിപ്പി​ക്ക​ലി​ന്റെ ഉറവ്‌ ബൈബി​ളല്ല, പിന്നെ​യോ ഗ്രീക്കു തത്ത്വചിന്ത ആണെന്നു ചരി​ത്ര​കാ​ര​ന്മാർ ചൂണ്ടി​ക്കാ​ണി​ക്കു​ന്നു. സമൂർത്ത ശരീര​വും അമൂർത്ത ആത്മാവും ചേർന്നാണ്‌ മനുഷ്യൻ ഉണ്ടായി​രി​ക്കു​ന്ന​തെന്ന്‌ പുരാതന കാലത്തെ എബ്രായർ കരുതി​യി​രു​ന്നില്ല എന്ന്‌ പുതിയ കത്തോ​ലി​ക്കാ വിജ്ഞാ​ന​കോ​ശം അഭി​പ്രാ​യ​പ്പെ​ടു​ന്നു.

“ഗ്രീക്കു തത്ത്വശാ​സ്‌ത്ര​പ​ര​മായ അർഥത്തിൽ പുതിയ നിയമം ആത്മാവി​ന്റെ അമർത്യ​ത​യെ​ക്കു​റി​ച്ചു പഠിപ്പി​ക്കു​ന്നില്ല എന്ന്‌” കത്തോ​ലി​ക്കാ പണ്ഡിത​ന്മാർ “അടുത്ത കാലത്ത്‌ തറപ്പിച്ചു പറഞ്ഞതാ​യി” മുൻപറഞ്ഞ വിജ്ഞാ​ന​കോ​ശം അഭി​പ്രാ​യ​പ്പെ​ടു​ന്നു. അത്‌ ഇങ്ങനെ നിഗമനം ചെയ്യുന്നു: “ഈ പ്രശ്‌ന​ത്തി​നുള്ള ആത്യന്തിക പരിഹാ​രം കണ്ടെത്താൻ കഴിയു​ന്നത്‌ തത്ത്വശാ​സ്‌ത്ര​പ​ര​മായ അഭ്യൂ​ഹ​ത്തി​ലല്ല, മറിച്ച്‌ പുനരു​ത്ഥാ​ന​മെന്ന ദിവ്യ ദാനത്തി​ലാണ്‌.”

ബൈബി​ളോ പാരമ്പ​ര്യ​മോ?

എന്നാൽ, ബൈബിൾപ​ര​മ​ല്ലാത്ത ആശയങ്ങൾ സഭാ പഠിപ്പി​ക്ക​ലി​ന്റെ ഭാഗം ആയിത്തീർന്നത്‌ എങ്ങനെ​യാണ്‌? തങ്ങളുടെ ഏറ്റവും പ്രാമാ​ണി​ക​മായ ഗ്രന്ഥം ബൈബിൾ ആണെന്നു പല സഭകളും അവകാ​ശ​പ്പെ​ടു​ന്നു. ഉദാഹ​ര​ണ​ത്തിന്‌, തിരു​വെ​ഴു​ത്തി​നെ “മതവി​ശ്വാ​സി​കൾ തികച്ചും സത്യവും നമ്മുടെ വിശ്വാ​സ​ത്തി​ന്റെ പരമോ​ന്നത പ്രമാ​ണ​വു​മാ​യി സ്വീക​രി​ക്കേണ്ട”തിന്റെ ആവശ്യ​ത്തെ​ക്കു​റിച്ച്‌ ജോൺ പോൾ രണ്ടാമൻ പാപ്പാ അടുത്ത കാലത്തു സംസാ​രി​ക്കു​ക​യു​ണ്ടാ​യി. എന്നാൽ, ക്രൈ​സ്‌ത​വ​ലോ​ക​ത്തി​ന്റെ ഇന്നത്തെ പഠിപ്പി​ക്ക​ലു​കൾക്ക്‌ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളു​ടെ പഠിപ്പി​ക്ക​ലു​ക​ളു​മാ​യി സാമ്യ​മി​ല്ലെന്നു പൊതു​വേ അംഗീ​ക​രി​ക്ക​പ്പെ​ടു​ന്നു. സഭോ​പ​ദേ​ശ​ത്തി​ന്റെ ക്രമാ​നു​ഗത വികാ​സ​ത്തി​ന്റെ ഭാഗമാ​യാണ്‌ അത്തരം മാറ്റങ്ങളെ മിക്ക സഭകളും വീക്ഷി​ക്കു​ന്നത്‌. തിരു​വെ​ഴു​ത്തു​ക​ളു​ടെ അത്രയും​തന്നെ പ്രാമാ​ണി​കത പാരമ്പ​ര്യ​ത്തി​നും ഉണ്ടെന്ന നിലപാ​ടാണ്‌ കത്തോ​ലി​ക്കാ സഭയ്‌ക്കു​ള്ളത്‌. സഭ “ഒരു ഉപദേ​ശ​വും പാരമ്പ​ര്യ​ത്തെ മാറ്റി​നിർത്തി തിരു​വെ​ഴു​ത്തിൽ മാത്രം അടിസ്ഥാ​ന​പ്പെ​ട്ട​താ​യോ അല്ലെങ്കിൽ തിരു​വെ​ഴു​ത്തി​നെ മാറ്റി​നിർത്തി പാരമ്പ​ര്യ​ത്തിൽ മാത്രം അടിസ്ഥാ​ന​പ്പെ​ട്ട​താ​യോ കരുതു​ന്നില്ല” എന്ന്‌ പുതിയ കത്തോ​ലി​ക്കാ വിജ്ഞാ​ന​കോ​ശം പറയുന്നു.

ചരിത്രം നോക്കി​യാൽ, സഭകൾ തിരു​വെ​ഴു​ത്തു പഠിപ്പി​ക്ക​ലു​ക​ളു​ടെ സ്ഥാനത്ത്‌ പാരമ്പ​ര്യ​ത്തിൽ മാത്രം അടിസ്ഥാ​ന​പ്പെട്ട ഉപദേ​ശങ്ങൾ പ്രതി​ഷ്‌ഠി​ച്ചി​രി​ക്കു​ന്ന​താ​യി കാണാം. വാസ്‌ത​വ​ത്തിൽ, ബൈബിൾ പഠിപ്പി​ക്ക​ലു​കൾ തെറ്റാ​ണെന്ന കാഴ്‌ച​പ്പാ​ടാണ്‌ ഇന്നു പല സഭകൾക്കും ഉള്ളത്‌. ദൃഷ്ടാ​ന്ത​ത്തിന്‌, “ശാസ്‌ത്ര​പ​ര​വും ചരി​ത്ര​പ​ര​വു​മായ ആധുനിക അറിവി​ന്റെ വെളി​ച്ച​ത്തിൽ വിലയി​രു​ത്തു​മ്പോൾ, ബൈബി​ളി​ലെ പല പ്രസ്‌താ​വ​ന​ക​ളും സത്യമല്ല എന്നതു വ്യക്തമാണ്‌” എന്ന്‌ പുതിയ കത്തോ​ലി​ക്കാ വിജ്ഞാ​ന​കോ​ശം പറയുന്നു. മരിച്ചവർ അബോ​ധാ​വ​സ്ഥ​യി​ലാണ്‌ എന്ന ബൈബിൾ പഠിപ്പി​ക്ക​ലി​നെ​ക്കു​റിച്ച്‌ പറയവേ അത്‌ ഇങ്ങനെ കൂട്ടി​ച്ചേർക്കു​ന്നു: “മതപര​മായ കാര്യങ്ങൾ എടുത്താൽ പോലും, മരണ​ശേ​ഷ​മുള്ള ജീവ​നെ​ക്കു​റിച്ച്‌ . . . പഴയ നിയമ​ത്തിൽ ഉള്ള അറിവ്‌ അപൂർണ​മാണ്‌.” ഇതിന്റെ ഒരു ഉദാഹ​ര​ണ​മാ​യി ആ വിജ്ഞാ​ന​കോ​ശം സങ്കീർത്തനം 6:5 (ചില ബൈബി​ളു​ക​ളിൽ 6-ാം വാക്യം) ഉദ്ധരി​ക്കു​ന്നുണ്ട്‌: “മരണത്തിൽ നിന്നെ​ക്കു​റി​ച്ചു ഓർമ്മ​യി​ല്ല​ല്ലോ; പാതാ​ള​ത്തിൽ [ഷിയോ​ളിൽ, അഥവാ ഹേഡീ​സിൽ] ആർ നിനക്കു സ്‌തോ​ത്രം ചെയ്യും?” ബൈബിൾ അപ്രമാ​ദി​ത്വം ഉള്ളതാ​ണെന്നു ചില പ്രൊ​ട്ട​സ്റ്റന്റ്‌ സെമി​നാ​രി​ക​ളും പാഠശാ​ല​ക​ളും മേലാൽ പഠിപ്പി​ക്കു​ന്നില്ല. അതേസ​മയം, ബൈബിൾ പഠിപ്പി​ക്കാ​നുള്ള അധികാ​രം തങ്ങളു​ടേ​താ​ണെന്നു കത്തോ​ലി​ക്കാ സഭ വിശ്വ​സി​ക്കു​ന്നു. ആ വിശ്വാ​സ​പ്ര​കാ​രം ബൈബി​ളി​ലുള്ള കാര്യങ്ങൾ അവർ വ്യാഖ്യാ​നി​ക്കു​ന്നു. ‘അത്തരം വ്യാഖ്യാ​നങ്ങൾ തിരു​വെ​ഴു​ത്തു​ക​ളു​മാ​യി യോജി​ക്കു​ന്നില്ല എന്ന്‌ തോന്നു​ന്നു​വെ​ങ്കി​ലോ?’ എന്ന്‌ നിങ്ങൾ ചിന്തി​ച്ചേ​ക്കാം.

തിരു​വെ​ഴു​ത്തു​ക​ളു​ടെ പ്രാധാ​ന്യം

“എന്നു എഴുതി​യി​രി​ക്കു​ന്നു” എന്നു പറഞ്ഞു​കൊണ്ട്‌, യേശു പ്രാമാ​ണി​ക​മെന്ന നിലയിൽ ആവർത്തി​ച്ചാ​വർത്തി​ച്ചു പരാമർശി​ച്ചത്‌ തിരു​വെ​ഴു​ത്തു​കളെ ആണ്‌. (മത്തായി 4:4, 7, 10; ലൂക്കൊസ്‌ 19:46) തീർച്ച​യാ​യും, മനുഷ്യ​ന്റെ ദാമ്പത്യ ക്രമീ​ക​ര​ണ​ത്തെ​ക്കു​റി​ച്ചു സംസാ​രി​ച്ച​പ്പോൾ അവൻ ഗ്രീക്കു തത്ത്വശാ​സ്‌ത്ര നിഗമ​നത്തെ അല്ല, പിന്നെ​യോ സൃഷ്ടി​ക്രി​യകൾ സംബന്ധിച്ച ഉല്‌പത്തി വിവര​ണ​ത്തെ​യാണ്‌ അടിസ്ഥാ​ന​മാ​യി ഉപയോ​ഗി​ച്ചത്‌. (ഉല്‌പത്തി 1:27; 2:24; മത്തായി 19:3-9) വ്യക്തമാ​യും, തിരു​വെ​ഴു​ത്തു​കൾ ദൈവ​നി​ശ്വ​സ്‌ത​വും വസ്‌തു​നി​ഷ്‌ഠ​വും ആയിരി​ക്കു​ന്ന​താ​യി യേശു കണക്കാക്കി. “നിന്റെ വചനം സത്യം ആകുന്നു” എന്ന്‌ ദൈവ​ത്തോ​ടുള്ള പ്രാർഥ​ന​യിൽ അവൻ പറഞ്ഞു.—യോഹ​ന്നാൻ 17:17.b

തന്റെ നാളിലെ മതനേ​താ​ക്ക​ന്മാ​രെ യേശു അപലപി​ച്ച​തി​ന്റെ രേഖ ബൈബി​ളി​ലുണ്ട്‌: ‘നിങ്ങളു​ടെ സമ്പ്രദാ​യം പ്രമാ​ണി​പ്പാൻ വേണ്ടി നിങ്ങൾ ദൈവ​ക​ല്‌പന തള്ളിക്ക​ള​യു​ന്നു. ഇങ്ങനെ നിങ്ങൾ ഉപദേ​ശി​ക്കുന്ന സമ്പ്രദാ​യ​ത്താൽ ദൈവ​ക​ല്‌പന ദുർബ്ബ​ല​മാ​ക്കു​ന്നു.’ (മർക്കൊസ്‌ 7:6-13) സമാന​മാ​യി, ഗ്രീക്കു തത്ത്വചി​ന്ത​യെ​യോ അബദ്ധ പാരമ്പ​ര്യ​ങ്ങ​ളെ​യോ തന്റെ പഠിപ്പി​ക്ക​ലി​ന്റെ ഭാഗമാ​ക്കാ​നുള്ള സമ്മർദത്തെ പൗലൊസ്‌ അപ്പൊ​സ്‌തലൻ ചെറു​ത്തു​നി​ന്നു. “തത്വജ്ഞാ​ന​വും വെറും വഞ്ചനയും​കൊ​ണ്ടു ആരും നിങ്ങളെ കവർന്നു​ക​ള​യാ​തി​രി​പ്പാൻ സൂക്ഷി​പ്പിൻ” എന്ന്‌ അവൻ മുന്നറി​യി​പ്പു നൽകി. “അതു മനുഷ്യ​രു​ടെ സമ്പ്രദാ​യ​ത്തി​ന്നു ഒത്തവണ്ണം, ലോക​ത്തി​ന്റെ ആദ്യപാ​ഠ​ങ്ങൾക്കു ഒത്തവണ്ണം” ആകുന്നു. (കൊ​ലൊ​സ്സ്യർ 2:8; 1 കൊരി​ന്ത്യർ 1:22, 23; 2:1-13) ക്രിസ്‌ത്യാ​നി​കൾ നിലനിർത്താൻ പൗലൊസ്‌ ഉദ്‌ബോ​ധി​പ്പിച്ച ചില പാരമ്പ​ര്യ​ങ്ങൾ അഥവാ ഉപദേ​ശങ്ങൾ ഉണ്ടായി​രു​ന്നു. എന്നാൽ അവ തിരു​വെ​ഴു​ത്തു​ക​ളിൽ അധിഷ്‌ഠി​ത​വും അവയോ​ടു പൂർണ യോജി​പ്പി​ലു​ള്ള​തും ആയിരു​ന്നു. (2 തെസ്സ​ലൊ​നീ​ക്യർ 2:13-15) “എല്ലാ തിരു​വെ​ഴു​ത്തും ദൈവ​നി​ശ്വ​സ്‌ത​വും ദൈവ​ത്തി​ന്റെ മനുഷ്യൻ തികച്ചും യോഗ്യൻ, സകല സത്‌പ്ര​വൃ​ത്തി​ക്കും പൂർണ​മാ​യി സജ്ജീകൃ​തൻ ആയിരി​ക്കേ​ണ്ട​തി​നു . . . പ്രയോ​ജ​ന​പ്ര​ദ​വു​മാ​കു​ന്നു” എന്നു പൗലൊസ്‌ എഴുതി.—2 തിമൊ​ഥെ​യൊസ്‌ 3:16, 17, NW.

ആളുകൾ തിരു​വെ​ഴു​ത്തു​ക​ളിൽനിന്ന്‌ അകന്നു​പോ​കു​മെന്ന്‌ പൗലൊസ്‌ മുൻകൂ​ട്ടി കണ്ടു. അവൻ തിമൊ​ഥെ​യൊ​സിന്‌ ഇങ്ങനെ മുന്നറി​യി​പ്പു നൽകി: “അവർ പത്ഥ്യോ​പ​ദേശം [“ആരോ​ഗ്യാ​വ​ഹ​മായ പഠിപ്പി​ക്കൽ,” NW] പൊറു​ക്കാ​തെ . . . സത്യത്തി​ന്നു ചെവി​കൊ​ടു​ക്കാ​തെ കെട്ടുകഥ കേൾപ്പാൻ തിരി​ക​യും ചെയ്യുന്ന കാലം വരും.” അവൻ തിമൊ​ഥെ​യൊ​സി​നെ പിൻവ​രു​ന്ന​പ്ര​കാ​രം ഉദ്‌ബോ​ധി​പ്പി​ക്കു​ക​യും ചെയ്‌തു: “എന്നിരു​ന്നാ​ലും, നീയോ സകലത്തി​ലും സുബോ​ധ​മു​ള്ളവൻ ആയിരി​ക്കുക.” (2 തിമൊ​ഥെ​യൊസ്‌ 4:3-5, NW) എന്നാൽ എങ്ങനെ? ‘ഉത്തമന്മാർ’ ആയിരി​ക്കുക എന്നതാണ്‌ ഒരു മാർഗം. ഈ ബൈബിൾ പദത്തെ ഒരു ഗ്രീക്കു നിഘണ്ടു നിർവ​ചി​ക്കു​ന്നത്‌ “എന്തെങ്കി​ലും പഠിച്ച്‌ നിഷ്‌പ​ക്ഷ​മാ​യി വിലയി​രു​ത്താ​നുള്ള ഒരു മനസ്സൊ​രു​ക്കം” എന്നാണ്‌. ഒന്നാം നൂറ്റാ​ണ്ടി​ലെ ബെരോ​വ​യിൽ ഉണ്ടായി​രുന്ന, പൗലൊ​സി​ന്റെ ശ്രോ​താ​ക്ക​ളെ​ക്കു​റിച്ച്‌ പറയാ​നാണ്‌ ലൂക്കൊസ്‌ ഈ പദപ്ര​യോ​ഗം ഉപയോ​ഗി​ച്ചത്‌. പൗലൊ​സി​ന്റെ പഠിപ്പി​ക്ക​ലു​കൾ അവർക്കു പുതി​യ​താ​യി​രു​ന്നു. അവർ വഴി​തെ​റ്റി​ക്ക​പ്പെ​ടാൻ ആഗ്രഹി​ച്ചില്ല. അവരെ അനു​മോ​ദി​ച്ചു​കൊണ്ട്‌ ലൂക്കൊസ്‌ എഴുതി: “[ബെരോ​വ​ക്കാർ] തെസ്സ​ലൊ​നീ​ക്ക​യി​ലു​ള്ള​വ​രെ​ക്കാൾ ഉത്തമന്മാ​രാ​യി​രു​ന്നു. അവർ വചനം പൂർണ്ണ​ജാ​ഗ്ര​ത​യോ​ടെ കൈ​ക്കൊ​ണ്ട​ത​ല്ലാ​തെ അതു അങ്ങനെ തന്നെയോ എന്നു ദിന​മ്പ്രതി തിരു​വെ​ഴു​ത്തു​കളെ പരി​ശോ​ധി​ച്ചു​പോ​ന്നു.” ഉത്തമന്മാർ ആയിരു​ന്ന​തി​നാൽ ബെരോ​വ​ക്കാർ സംശയാ​ലു​ക്ക​ളോ വിശ്വ​സി​ക്കാൻ കൂട്ടാ​ക്കാ​ത്ത​വ​രോ ആയിരു​ന്നില്ല. പകരം, അവരുടെ ആത്മാർഥ അന്വേ​ഷ​ണ​ത്തി​ന്റെ ഫലം ‘അവരിൽ പലരും വിശ്വ​സി​ച്ചു’ എന്നതാണ്‌.—പ്രവൃ​ത്തി​കൾ 17:11, 12.

ബൈബിൾ അനുസ​രിച്ച്‌ ജീവി​ക്കു​ന്ന​തി​ന്റെ പ്രയോ​ജ​ന​ങ്ങൾ

ബൈബി​ളി​നോ​ടുള്ള അനുസ​ര​ണ​ത്തി​നും ആത്മത്യാ​ഗ​പ​ര​മായ സ്‌നേ​ഹ​ത്തി​നും പേരു​കേ​ട്ടവർ ആയിരു​ന്നു ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ. എന്നാൽ, ഇന്ന്‌ അനേക​രും “ഭക്തിയു​ടെ വേഷം ധരിച്ചു അതിന്റെ ശക്തി ത്യജി​ക്കു​ന്നവ”രാണ്‌. (2 തിമൊ​ഥെ​യൊസ്‌ 3:5) യഥാർഥ ക്രിസ്‌ത്യാ​നി​ത്വ​ത്തോ​ടു കൂറു പുലർത്താത്ത ഇന്നത്തെ ഏതൊ​രു​തരം ക്രിസ്‌ത്യാ​നി​ത്വ​ത്തി​നും ആളുക​ളു​ടെ ജീവി​ത​ത്തിൽ നല്ല വിധത്തി​ലുള്ള യാതൊ​രു പ്രഭാ​വ​വും ചെലു​ത്താൻ കഴിയില്ല. ക്രൈ​സ്‌ത​വ​ലോ​ക​ത്തി​ലെ മിക്കയി​ട​ങ്ങ​ളി​ലും അക്രമ​വും അധാർമി​ക​ത​യും കുടും​ബ​ത്ത​കർച്ച​യും ഭൗതി​കാ​സ​ക്തി​യും വർധി​ച്ചു​വ​രു​ന്ന​തി​ന്റെ കാരണം ഇതായി​രി​ക്കു​മോ? ചില “ക്രിസ്‌തീയ” ദേശങ്ങ​ളിൽ ഒരേ മതത്തിൽ പെട്ട അംഗങ്ങൾ തമ്മിൽ പോലും ഉഗ്രമായ വംശീയ യുദ്ധങ്ങൾ നടക്കു​ന്നുണ്ട്‌.

ബെരോ​വ​ക്കാ​രു​ടെ ആ ഉത്തമ മനോ​ഭാ​വം അസ്‌ത​മി​ച്ചു​പോ​യോ? ബൈബി​ളിൽ വിശ്വ​സി​ക്കു​ക​യും അതനു​സ​രിച്ച്‌ ജീവി​ക്കു​ക​യും ചെയ്യുന്ന ഏതെങ്കി​ലും ജനസമൂ​ഹ​മു​ണ്ടോ?

എൻ​സൈ​ക്ലോ​പീ​ഡിയ കനേഡി​യാന ഇങ്ങനെ അഭി​പ്രാ​യ​പ്പെ​ടു​ന്നു: “യഹോ​വ​യു​ടെ സാക്ഷി​ക​ളു​ടെ പ്രവർത്തനം ഒന്നും രണ്ടും നൂറ്റാ​ണ്ടു​ക​ളിൽ യേശു​വും അപ്പൊ​സ്‌ത​ലൻമാ​രും ആചരി​ച്ചി​രുന്ന പുരാതന ക്രിസ്‌ത്യാ​നി​ത്വ​ത്തി​ന്റെ പുനരാ​വിർഭാ​വ​വും പുനഃ​സ്ഥി​തീ​ക​ര​ണ​വും ആണ്‌.” സാക്ഷി​കളെ പരാമർശിച്ച്‌ പുതിയ കത്തോ​ലി​ക്കാ വിജ്ഞാ​ന​കോ​ശം ഇങ്ങനെ എഴുതു​ന്നു: “അവർ ബൈബി​ളി​നെ കണക്കാ​ക്കു​ന്നത്‌ തങ്ങളുടെ വിശ്വാ​സ​ത്തി​ന്റെ​യും പെരു​മാ​റ്റ​ച്ച​ട്ട​ത്തി​ന്റെ​യും ഏക ഉറവിടം എന്ന നിലയി​ലാണ്‌.”

ലോക​ത്തെ​ങ്ങും യഹോ​വ​യു​ടെ സാക്ഷികൾ തങ്ങളുടെ ആത്മീയ സമൃദ്ധി​ക്കും സമാധാ​ന​ത്തി​നും സന്തുഷ്ടി​ക്കും പേരു​കേ​ട്ടവർ ആയിരി​ക്കു​ന്ന​തി​ന്റെ ഒരു മുഖ്യ കാരണം നിസ്സം​ശ​യ​മാ​യും ഇതാണ്‌. അതു​കൊണ്ട്‌, ബൈബി​ളി​ലെ ആത്മീയ​മാ​യി ആരോ​ഗ്യ​പ്ര​ദ​മായ ഉപദേ​ശങ്ങൾ സംബന്ധി​ച്ചു കൂടുതൽ പഠിക്കാൻ ഞങ്ങൾ വായന​ക്കാ​രായ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌. കൂടുതൽ അറിവ്‌ നേടു​ന്നത്‌ ബൈബി​ളിൽ വർധിച്ച ബോധ്യ​വും ദൈവ​ത്തിൽ ശക്തമായ വിശ്വാ​സ​വും ഉണ്ടായി​രി​ക്കാൻ സഹായി​ച്ചേ​ക്കാം. അത്തരം വിശ്വാ​സ​ത്തി​ന്റെ ശാശ്വത പ്രയോ​ജ​നങ്ങൾ ശ്രമത്തി​നു​തക്ക മൂല്യ​മു​ള്ള​താണ്‌.

[അടിക്കു​റി​പ്പു​കൾ]

[6-ാം പേജിലെ ചിത്രം]

പൗലൊസ്‌ അപ്പൊ​സ്‌ത​ല​നും മറ്റുള്ള​വ​രും അങ്ങാടി​യിൽ പ്രസം​ഗി​ച്ചു

[7-ാം പേജിലെ ചിത്രം]

യഹോവയുടെ സാക്ഷികൾ “ബൈബി​ളി​നെ കണക്കാ​ക്കു​ന്നത്‌ തങ്ങളുടെ വിശ്വാ​സ​ത്തി​ന്റെ​യും പെരു​മാ​റ്റ​ച്ച​ട്ട​ത്തി​ന്റെ​യും ഏക ഉറവിടം എന്ന നിലയി​ലാണ്‌”