നമ്മുടെ വിശ്വാ​സ​ത്തി​നു വേണ്ടി പ്രതി​വാ​ദം നടത്തൽ

“നിങ്ങളു​ടെ ഹൃദയ​ങ്ങ​ളിൽ കർത്താ​വാ​യി ക്രിസ്‌തു​വി​നെ വിശു​ദ്ധീ​ക​രി​ക്കുക, നിങ്ങളി​ലുള്ള പ്രത്യാ​ശ​യു​ടെ കാരണം ആവശ്യ​പ്പെ​ടുന്ന ഏതൊ​രാ​ളു​ടെ​യും മുമ്പാകെ പ്രതി​വാ​ദം നടത്താൻ എല്ലായ്‌പോ​ഴും ഒരുങ്ങി​യി​രു​ന്നു​കൊണ്ട്‌ നിങ്ങളു​ടെ ഹൃദയ​ങ്ങ​ളിൽ കർത്താ​വാ​യി ക്രിസ്‌തു​വി​നെ വിശു​ദ്ധീ​ക​രി​ക്കുക.”—1 പത്രൊസ്‌ 3:15, NW.

1, 2. എതിർപ്പു നേരി​ടു​മ്പോൾ യഹോ​വ​യു​ടെ സാക്ഷികൾ അമ്പരന്നു​പോ​കാ​ത്തത്‌ എന്തു​കൊണ്ട്‌, എന്നാൽ അവരുടെ ആഗ്രഹം എന്താണ്‌?

മിക്കരാ​ജ്യ​ങ്ങ​ളി​ലും യഹോ​വ​യു​ടെ സാക്ഷികൾ പൊതു​വേ സത്യസ​ന്ധ​രും ധാർമിക നിലവാ​രം ഉള്ളവരു​മാ​യി അംഗീ​ക​രി​ക്ക​പ്പെ​ടു​ന്നു. യാതൊ​രു ശല്യവും ഉണ്ടാക്കാത്ത, നല്ല അയൽക്കാ​രാ​യി​ട്ടാണ്‌ അനേക​രും അവരെ വീക്ഷി​ക്കു​ന്നത്‌. വിരോ​ധാ​ഭാ​സ​മെന്നു പറയട്ടെ, സമാധാന പ്രേമി​ക​ളായ ഈ ക്രിസ്‌ത്യാ​നി​കൾ യുദ്ധകാ​ല​ത്തും സമാധാ​ന​കാ​ല​ത്തും അന്യാ​യ​മായ പീഡന​ങ്ങൾക്കു വിധേ​യ​രാ​യി​ട്ടുണ്ട്‌. അത്തരം എതിർപ്പു​കൾ അവരെ അമ്പരപ്പി​ക്കു​ന്നില്ല. വാസ്‌ത​വ​ത്തിൽ, അവർ അത്‌ പ്രതീ​ക്ഷി​ക്കു​ന്നതു തന്നെയാണ്‌. എന്തൊ​ക്കെ​യാ​യാ​ലും, പൊ.യു. ഒന്നാം നൂറ്റാ​ണ്ടി​ലെ വിശ്വസ്‌ത ക്രിസ്‌ത്യാ​നി​കൾ “ദ്വേഷിക്ക”പ്പെട്ടു എന്ന്‌ അവർക്ക്‌ അറിയാം; അപ്പോൾപ്പി​ന്നെ ഇന്ന്‌ ക്രിസ്‌തു​വി​ന്റെ യഥാർഥ അനുഗാ​മി​കൾ ആയിരി​ക്കാൻ ശ്രമി​ക്കു​ന്നവർ എന്തിനു മറിച്ച്‌ പ്രതീ​ക്ഷി​ക്കണം? (മത്തായി 10:22, പി.ഒ.സി. ബൈ.) തന്നെയു​മല്ല, “യേശു​ക്രി​സ്‌തു​വി​നോട്‌ ഐക്യ​പ്പെട്ട്‌ വിശു​ദ്ധ​ജീ​വി​തം നയിക്കാൻ ആഗ്രഹി​ക്കു​ന്ന​വ​രെ​ല്ലാം പീഡി​പ്പി​ക്ക​പ്പെ​ടും” എന്നു ബൈബിൾ പറയു​ന്നു​മുണ്ട്‌.—2 തിമൊ​ഥെ​യൊസ്‌ 3:12, പി.ഒ.സി. ബൈ.

² യഹോ​വ​യു​ടെ സാക്ഷികൾ പീഡനം തേടി​പ്പോ​കു​ന്നില്ല; അതു മുഖാ​ന്ത​ര​മുള്ള പ്രയാ​സങ്ങൾ—പിഴയോ തടവോ പരുക്കൻ പെരു​മാ​റ്റ​മോ—ആസ്വദി​ക്കു​ന്നു​മില്ല. തടസ്സമി​ല്ലാ​തെ ദൈവ​രാ​ജ്യ സുവാർത്ത പ്രസം​ഗി​ക്കാൻ കഴി​യേ​ണ്ട​തിന്‌ അവർ “ശാന്തവും സമാധാ​ന​പൂർണ്ണ​വു​മായ ജീവിതം നയിക്കാൻ” ആഗ്രഹി​ക്കു​ന്നു. (1 തിമൊ​ഥെ​യൊസ്‌ 2:1, 2, പി.ഒ.സി. ബൈ.) മിക്ക നാടു​ക​ളി​ലും തങ്ങൾക്കുള്ള ആരാധനാ സ്വാത​ന്ത്ര്യ​ത്തെ അവർ വിലമ​തി​ക്കു​ന്നു; മാനുഷ ഗവൺമെ​ന്റു​ക​ളി​ലെ ഭരണാ​ധി​പ​ന്മാർ ഉൾപ്പെടെ “സകലമ​നു​ഷ്യ​രോ​ടും സമാധാ​ന​മാ​യി​രി”പ്പാൻ തങ്ങളാൽ ആവുന്നത്‌ അവർ മനസ്സാ​ക്ഷി​പൂർവം ചെയ്യുന്നു. (റോമർ 12:18; 13:1-7) അപ്പോൾപ്പി​ന്നെ, അവർ “ദ്വേഷി​ക്ക​പ്പെടു”ന്നത്‌ എന്തു​കൊണ്ട്‌?

3. യഹോ​വ​യു​ടെ സാക്ഷികൾ അന്യാ​യ​മാ​യി ദ്വേഷി​ക്ക​പ്പെ​ട്ടി​രി​ക്കു​ന്ന​തി​ന്റെ ഒരു കാരണം എന്ത്‌?

³ അടിസ്ഥാ​ന​പ​ര​മാ​യി, ആദിമ ക്രിസ്‌ത്യാ​നി​കൾ ഏതു കാരണ​ത്താൽ പീഡി​പ്പി​ക്ക​പ്പെ​ട്ടു​വോ അതേ കാരണ​ത്താൽത്ത​ന്നെ​യാണ്‌ യഹോ​വ​യു​ടെ സാക്ഷി​ക​ളും അന്യാ​യ​മാ​യി ദ്വേഷി​ക്ക​പ്പെ​ട്ടി​രി​ക്കു​ന്നത്‌. ഒന്ന്‌, യഹോ​വ​യു​ടെ സാക്ഷികൾ തങ്ങളുടെ മതവി​ശ്വാ​സ​ങ്ങൾക്ക​നു​സൃ​തം ജീവി​ക്കുന്ന വിധം എല്ലാവർക്കും രസിക്കു​ന്നില്ല. ഉദാഹ​ര​ണ​ത്തിന്‌, അവർ സതീക്ഷ്‌ണം ദൈവ​രാ​ജ്യ സുവാർത്ത പ്രസം​ഗി​ക്കു​ന്നു, എന്നാൽ ആളുകൾ മിക്ക​പ്പോ​ഴും അവരുടെ തീക്ഷ്‌ണ​തയെ തെറ്റി​ദ്ധ​രിച്ച്‌ ഈ പ്രസം​ഗ​വേ​ലയെ “അടി​ച്ചേൽപ്പി​ക്കുന്ന വിധത്തി​ലുള്ള മതപരി​വർത്തനം” ആയി വീക്ഷി​ക്കു​ന്നു. (പ്രവൃ​ത്തി​കൾ 4:19, 20 താരത​മ്യം ചെയ്യുക.) രാഷ്‌ട്രീ​യ​ത്തി​ലും രാഷ്‌ട്ര​ങ്ങ​ളു​ടെ യുദ്ധങ്ങ​ളി​ലും അവർ നിഷ്‌പ​ക്ഷ​രാണ്‌; ഇതുമൂ​ലം സാക്ഷികൾ അവിശ്വ​സ്‌ത​രായ പൗരന്മാ​രാണ്‌ എന്നു ചില​പ്പോ​ഴൊ​ക്കെ തെറ്റായി വ്യാഖ്യാ​നി​ക്ക​പ്പെ​ട്ടി​ട്ടുണ്ട്‌.—മീഖാ 4:3, 4.

4, 5. (എ) യഹോ​വ​യു​ടെ സാക്ഷികൾ വ്യാജ ആരോ​പ​ണ​ങ്ങൾക്കു പാത്ര​മാ​യി​രി​ക്കു​ന്നത്‌ എങ്ങനെ? (ബി) മുഖ്യ​മാ​യും ആരുടെ പ്രേര​ണ​യു​ടെ ഫലമാ​യി​ട്ടാണ്‌ യഹോ​വ​യു​ടെ ദാസന്മാർ മിക്ക​പ്പോ​ഴും പീഡി​പ്പി​ക്ക​പ്പെ​ട്ടി​രി​ക്കു​ന്നത്‌?

⁴ രണ്ട്‌, ചിലർ യഹോ​വ​യു​ടെ സാക്ഷി​ക​ളെ​ക്കു​റിച്ച്‌ കരുതി​ക്കൂ​ട്ടി നുണകൾ പ്രചരി​പ്പി​ക്കു​ന്ന​തി​ലൂ​ടെ​യും അവരുടെ വിശ്വാ​സങ്ങൾ വളച്ചൊ​ടി​ക്കു​ന്ന​തി​ലൂ​ടെ​യും സാക്ഷികൾ വ്യാജ ആരോ​പ​ണ​ങ്ങൾക്ക്‌ പാത്ര​മാ​യി​രി​ക്കു​ന്നു. അതിന്റെ ഫലമായി, ചില നാടു​ക​ളിൽ അവർ അപകട​കാ​രി​ക​ളായ മതവി​ഭാ​ഗ​മാ​യി മുദ്ര​യ​ടി​ക്ക​പ്പെ​ട്ടി​ട്ടുണ്ട്‌. കൂടാതെ, ‘രക്തത്തിൽനിന്ന്‌ ഒഴിഞ്ഞി​രി​പ്പിൻ’ എന്ന ബൈബിൾ കൽപ്പന അനുസ​രി​ക്കാ​നുള്ള ആഗ്രഹ​ത്തിൽ രക്തരഹിത ചികി​ത്സാ​രീ​തി​കൾ അവലം​ബി​ക്കു​ന്ന​തു​കൊണ്ട്‌, അവരെ “ശിശു​ഘാ​തകർ” എന്നും “ആത്മഹത്യാ ഭക്തി​പ്ര​സ്ഥാ​നം” എന്നും തെറ്റായി മുദ്ര​കു​ത്തി​യി​രി​ക്കു​ന്നു. (പ്രവൃ​ത്തി​കൾ 15:29) എന്നാൽ യഹോ​വ​യു​ടെ സാക്ഷികൾ ജീവന്‌ വലിയ മൂല്യം കൽപ്പി​ക്കു​ക​യും തങ്ങൾക്കും കുട്ടി​കൾക്കും ഏറ്റവും മികച്ച ചികിത്സ ലഭ്യമാ​ക്കാൻ ശ്രമി​ക്കു​ക​യും ചെയ്യുന്നു എന്നതാണ്‌ വസ്‌തുത. രക്തപ്പകർച്ച നിരസി​ക്കു​ന്ന​തു​കൊണ്ട്‌ വർഷം​തോ​റും യഹോ​വ​യു​ടെ സാക്ഷി​ക​ളു​ടെ അനേകം കുട്ടികൾ മരിക്കു​ന്നു എന്ന ആരോ​പണം തികച്ചും അടിസ്ഥാ​ന​ര​ഹി​ത​മാണ്‌. അതിനും​പു​റമേ, എല്ലാ കുടും​ബാം​ഗ​ങ്ങ​ളു​ടെ​മേ​ലും ബൈബിൾ സത്യം ഒരേ സ്വാധീ​നം ചെലു​ത്തു​ന്നില്ല എന്നതി​നാൽ, യഹോ​വ​യു​ടെ സാക്ഷികൾ കുടും​ബം തകർക്കു​ന്ന​വ​രാണ്‌ എന്നും ആരോ​പി​ക്ക​പ്പെ​ട്ടി​ട്ടുണ്ട്‌. എങ്കിലും, അവർ കുടുംബ ജീവി​തത്തെ അത്യന്തം ആദരി​ക്കു​ന്നു എന്നും ഭാര്യ​യും ഭർത്താ​വും പരസ്‌പരം സ്‌നേ​ഹി​ക്കു​ക​യും ആദരി​ക്കു​ക​യും ചെയ്യണ​മെ​ന്നും മാതാ​പി​താ​ക്കൾ വിശ്വാ​സി​ക​ളാ​യാ​ലും അല്ലെങ്കി​ലും കുട്ടികൾ അവരെ അനുസ​രി​ക്ക​ണ​മെ​ന്നു​മുള്ള ബൈബിൾ കൽപ്പന പാലി​ക്കാൻ അവർ ശ്രമി​ക്കു​ന്നു എന്നും യഹോ​വ​യു​ടെ സാക്ഷി​കളെ പരിച​യ​മു​ള്ള​വർക്ക്‌ അറിയാം.—എഫെസ്യർ 5:21–6:3.

⁵ മിക്കയി​ട​ങ്ങ​ളി​ലും യഹോ​വ​യു​ടെ ദാസന്മാ​രു​ടെ പീഡനം മതനേ​താ​ക്ക​ന്മാ​രു​ടെ പ്രേര​ണ​യു​ടെ ഫലമാ​യി​ട്ടാ​യി​രു​ന്നു. രാഷ്‌ട്രീയ അധികാ​രി​ക​ളു​ടെ​യും വാർത്താ മാധ്യ​മ​ങ്ങ​ളു​ടെ​യും മേലുള്ള സ്വാധീ​നം ഉപയോ​ഗിച്ച്‌ അവർ സാക്ഷി​ക​ളു​ടെ പ്രവർത്ത​നങ്ങൾ അടിച്ച​മർത്താൻ ശ്രമി​ച്ചി​ട്ടുണ്ട്‌. എതിർപ്പ്‌ നമ്മുടെ വിശ്വാ​സ​വും പ്രവർത്ത​ന​ങ്ങ​ളും നിമി​ത്ത​മോ വ്യാജ ആരോ​പ​ണങ്ങൾ നിമി​ത്ത​മോ ആയാലും, യഹോ​വ​യു​ടെ സാക്ഷി​ക​ളായ നാം അത്തരം എതിർപ്പി​നോട്‌ എങ്ങനെ പ്രതി​ക​രി​ക്കണം?

“നിങ്ങളു​ടെ ന്യായ​യു​ക്തത സകല മനുഷ്യർക്കും അറിവു​ള്ള​താ​യി​ത്തീ​രട്ടെ”

6. ക്രിസ്‌തീയ സഭയ്‌ക്കു വെളി​യി​ലു​ള്ള​വരെ സംബന്ധിച്ച്‌ സമനി​ല​യുള്ള വീക്ഷണം ഉണ്ടായി​രി​ക്കേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁶ ആദ്യം, നമ്മുടെ വിശ്വാ​സം സ്വീക​രി​ച്ചി​ട്ടി​ല്ലാ​ത്ത​വരെ സംബന്ധിച്ച്‌ നമുക്ക്‌ ശരിയായ വീക്ഷണം—യഹോ​വ​യു​ടെ വീക്ഷണം—ഉണ്ടായി​രി​ക്കണം. അല്ലാത്ത​പക്ഷം, നാം അനാവ​ശ്യ​മാ​യി മറ്റുള്ള​വ​രിൽ നിന്നുള്ള ശത്രു​ത​യോ നിന്ദയോ വിളി​ച്ചു​വ​രു​ത്തി​യെ​ന്നി​രി​ക്കും. “നിങ്ങളു​ടെ ന്യായ​യു​ക്തത സകല മനുഷ്യർക്കും അറിവു​ള്ള​താ​യി​ത്തീ​രട്ടെ” എന്ന്‌ പൗലൊസ്‌ അപ്പൊ​സ്‌തലൻ എഴുതി. (ഫിലി​പ്പി​യർ 4:5, NW) അതു​കൊണ്ട്‌ ക്രിസ്‌തീയ സഭയ്‌ക്കു വെളി​യി​ലു​ള്ള​വരെ കുറിച്ച്‌ സമനി​ല​യുള്ള ഒരു വീക്ഷണം ഉണ്ടായി​രി​ക്കാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു.

7. ‘ലോക​ത്താ​ലുള്ള കളങ്കം പററാ​ത​വണ്ണം’ നമ്മെത്തന്നെ കാക്കു​ന്ന​തിൽ എന്ത്‌ ഉൾപ്പെ​ട്ടി​രി​ക്കു​ന്നു?

⁷ അതേസ​മയം, ‘ലോക​ത്താ​ലുള്ള കളങ്കം പററാ​ത​വണ്ണം നാം നമ്മെത്തന്നെ കാത്തു​കൊ​ള്ള​ണ​മെ​ന്നും’ തിരു​വെ​ഴു​ത്തു​കൾ വളരെ വ്യക്തമാ​യി നമ്മെ ബുദ്ധ്യു​പ​ദേ​ശി​ക്കു​ന്നു. (യാക്കോബ്‌ 1:27; 4:4) ഇവിടെ ‘ലോകം’ എന്ന പദം​കൊണ്ട്‌ ഉദ്ദേശി​ക്കു​ന്നത്‌, ബൈബി​ളി​ലെ മറ്റനേകം സ്ഥലങ്ങളിൽ ഉപയോ​ഗി​ച്ചി​രി​ക്കു​ന്ന​തു​പോ​ലെ, സത്യ​ക്രി​സ്‌ത്യാ​നി​കൾ ഒഴി​കെ​യുള്ള മനുഷ്യ​വർഗ​ത്തെ​യാണ്‌. ഈ മനുഷ്യ​സ​മു​ദാ​യ​ത്തിൻ മധ്യേ ആണ്‌ നാം ജീവി​ക്കു​ന്നത്‌; ജോലി​സ്ഥ​ല​ത്തും സ്‌കൂ​ളി​ലും അയൽവ​ക്ക​ത്തും നാം അവരു​മാ​യി സമ്പർക്ക​ത്തിൽ വരുന്നു. (യോഹ​ന്നാൻ 17:11, 15; 1 കൊരി​ന്ത്യർ 5:9, 10) എന്നാൽ, ദൈവ​ത്തി​ന്റെ നീതി​നി​ഷ്‌ഠ​മായ വഴിക​ളോ​ടു നിരക്കാത്ത മനോ​ഭാ​വ​ങ്ങ​ളും സംസാ​ര​വും നടത്തയും ഒഴിവാ​ക്കി​ക്കൊണ്ട്‌ നാം നമ്മെത്തന്നെ ലോക​ത്തി​ന്റെ കളങ്ക​മേൽക്കാ​തെ സൂക്ഷി​ക്കു​ന്നു. ഈ ലോക​ത്തോട്‌, വിശേ​ഷി​ച്ചും യഹോ​വ​യു​ടെ നിലവാ​ര​ങ്ങളെ വെറു​ക്കു​ന്ന​വ​രോട്‌, ചങ്ങാത്തം പുലർത്തു​ന്ന​തി​ന്റെ അപകടം നാം തിരി​ച്ച​റി​യേ​ണ്ട​തും മർമ​പ്ര​ധാ​ന​മാണ്‌.—സദൃശ​വാ​ക്യ​ങ്ങൾ 13:20.

8. ലോക​ത്തി​ന്റെ കളങ്ക​മേൽക്കാ​തെ നില​കൊ​ള്ളാ​നുള്ള ബുദ്ധ്യു​പ​ദേശം മറ്റുള്ള​വരെ അവജ്ഞ​യോ​ടെ വീക്ഷി​ക്കു​ന്ന​തിന്‌ നമുക്കു യാതൊ​രു അടിസ്ഥാ​ന​വും നൽകു​ന്നി​ല്ലാ​ത്തത്‌ എന്തു​കൊണ്ട്‌?

⁸ എന്നിരു​ന്നാ​ലും, ലോക​ത്തി​ന്റെ കളങ്ക​മേൽക്കാ​തെ നില​കൊ​ള്ളാ​നുള്ള ബുദ്ധ്യു​പ​ദേശം യഹോ​വ​യു​ടെ സാക്ഷി​ക​ള​ല്ലാ​ത്ത​വരെ പാടേ തുച്ഛീ​ക​രി​ക്കു​ന്ന​തിന്‌ നമുക്കു യാതൊ​രു അടിസ്ഥാ​ന​വും നൽകു​ന്നില്ല. (സദൃശ​വാ​ക്യ​ങ്ങൾ 8:13) മുൻലേ​ഖ​ന​ത്തിൽ ചർച്ച ചെയ്‌ത യഹൂദ മതനേ​താ​ക്ക​ന്മാ​രു​ടെ ദൃഷ്ടാന്തം ഓർക്കുക. അവർ വികസി​പ്പി​ച്ചെ​ടുത്ത മതസ​മ്പ്ര​ദാ​യ​ത്തിന്‌ യഹോ​വ​യു​ടെ പ്രീതി നേടാ​നാ​യില്ല; അതു യഹൂദർ അല്ലാത്ത​വ​രു​മാ​യുള്ള നല്ല ബന്ധത്തിനു സഹായ​ക​വു​മാ​യില്ല. (മത്തായി 21:43, 45) സ്വയനീ​തി​ക്കാ​രായ ആ മതഭ്രാ​ന്ത​ന്മാർ വിജാ​തീ​യരെ അവജ്ഞ​യോ​ടെ വീക്ഷിച്ചു. സാക്ഷി​ക​ള​ല്ലാ​ത്ത​വരെ പുച്ഛ​ത്തോ​ടെ വീക്ഷി​ച്ചു​കൊണ്ട്‌ നാം അത്തരം ഒരു സങ്കുചിത വീക്ഷണം കൈ​ക്കൊ​ള്ളു​ന്നില്ല. പൗലൊസ്‌ അപ്പൊ​സ്‌ത​ല​നെ​പ്പോ​ലെ, ബൈബിൾ സന്ദേശം ശ്രവി​ക്കുന്ന എല്ലാവ​രും ദൈവ​പ്രീ​തി നേടണം എന്നതാണ്‌ നമ്മുടെ ആഗ്രഹം.

9. സമനി​ല​യോ​ടു​കൂ​ടിയ തിരു​വെ​ഴു​ത്തു​പ​ര​മായ ഒരു വീക്ഷണം, നമ്മുടെ വിശ്വാ​സം സ്വീക​രി​ച്ചി​ട്ടി​ല്ലാ​ത്ത​വരെ കുറിച്ചു നാം സംസാ​രി​ക്കുന്ന വിധത്തെ എങ്ങനെ സ്വാധീ​നി​ക്കണം?

⁹ സമനി​ല​യോ​ടു​കൂ​ടിയ, തിരു​വെ​ഴു​ത്തു​പ​ര​മായ ഒരു വീക്ഷണം നാം സാക്ഷി​ക​ള​ല്ലാ​ത്ത​വരെ കുറിച്ചു സംസാ​രി​ക്കുന്ന വിധത്തെ സ്വാധീ​നി​ക്കണം. “ആരെയും​പറ്റി തിൻമ പറയാ​തി​രി​ക്കാ​നും കലഹങ്ങ​ളിൽനിന്ന്‌ ഒഴിഞ്ഞു​നി​ല്‌ക്കാ​നും സൗമ്യ​രാ​യി​രി​ക്കാ​നും എല്ലാ മനുഷ്യ​രോ​ടും തികഞ്ഞ മര്യാദ പ്രകടി​പ്പി​ക്കാ​നും” ക്രേത്ത​യി​ലെ ക്രിസ്‌ത്യാ​നി​കളെ ഓർപ്പി​ക്കണം എന്ന്‌ പൗലൊസ്‌ തീത്തൊ​സി​നോട്‌ ആവശ്യ​പ്പെട്ടു. (തീത്തൊസ്‌ 3:2, പി.ഒ.സി. ബൈ.) ക്രിസ്‌ത്യാ​നി​കൾ “ആരെയും​പറ്റി”—ക്രേത്ത​യി​ലെ ക്രിസ്‌ത്യാ​നി​ക​ള​ല്ലാ​ത്ത​വരെ കുറി​ച്ചു​പോ​ലും, അവരിൽ ചിലർ നുണപ​റ​ച്ചി​ലി​നും അമിത തീറ്റി​ക്കും അലസത​യ്‌ക്കും പേരു​കേ​ട്ടവർ ആയിരു​ന്നി​ട്ടു​പോ​ലും—“തിൻമ പറയാ”ൻ പാടി​ല്ലാ​യി​രു​ന്നു എന്നതു ശ്രദ്ധി​ക്കുക. (തീത്തൊസ്‌ 1:12) അതു​കൊണ്ട്‌, നമ്മുടെ വിശ്വാ​സം സ്വീക​രി​ച്ചി​ട്ടി​ല്ലാ​ത്ത​വരെ തരംതാണ പദങ്ങൾ ഉപയോ​ഗി​ച്ചു പരാമർശി​ക്കു​ന്നത്‌ തിരു​വെ​ഴു​ത്തു​വി​രു​ദ്ധ​മാ​യി​രി​ക്കും. മറ്റുള്ള​വ​രെ​ക്കാൾ ഉയർന്ന​വ​രാ​ണെന്ന മനോ​ഭാ​വം മറ്റുള്ള​വരെ യഹോ​വ​യു​ടെ ആരാധ​ന​യി​ലേക്ക്‌ ആകർഷി​ക്കു​ക​യില്ല. മറിച്ച്‌, യഹോ​വ​യു​ടെ വചനത്തി​ലെ ന്യായ​യു​ക്ത​മായ തത്ത്വങ്ങൾക്കു ചേർച്ച​യിൽ നാം മറ്റുള്ള​വരെ വീക്ഷി​ക്കു​ക​യും അവരോട്‌ ഇടപെ​ടു​ക​യും ചെയ്യു​മ്പോ​ഴാണ്‌ നാം ദൈവ​ത്തി​ന്റെ “പ്രബോ​ധ​ന​ങ്ങൾക്കു ഭൂഷണ”മാംവി​ധം പ്രവർത്തി​ക്കു​ന്നത്‌.—തീത്തൊസ്‌ 2:10, പി.ഒ.സി. ബൈ.

നിശ്ശബ്ദ​മാ​യി​രി​ക്കേണ്ട സമയം, സംസാ​രി​ക്കേണ്ട സമയം

10, 11. (എ)“നിശ്ശബ്ദ​മാ​യി​രി​ക്കാൻ ഒരു സമയ”വും (ബി) “സംസാ​രി​ക്കാൻ ഒരു സമയ”വും ഉണ്ടെന്ന്‌ തനിക്ക്‌ അറിയാ​മെന്ന്‌ യേശു പ്രകട​മാ​ക്കി​യത്‌ എങ്ങനെ?

¹⁰ “നിശ്ശബ്ദ​മാ​യി​രി​ക്കാൻ ഒരു സമയ”വും “സംസാ​രി​ക്കാൻ ഒരു സമയ”വും ഉണ്ട്‌ എന്ന്‌ സഭാ​പ്ര​സം​ഗി 3:7 (NW) പറയുന്നു. ഇവിടെ പ്രശ്‌നം എതിരാ​ളി​കളെ അവഗണി​ക്കേ​ണ്ടത്‌ എപ്പോൾ എന്നും നമ്മുടെ വിശ്വാ​സ​ത്തി​നു വേണ്ടി പ്രതി​വാ​ദം നടത്തേ​ണ്ടത്‌ എപ്പോൾ എന്നും തീരു​മാ​നി​ക്കു​ന്ന​താണ്‌. വിവേചന ഉപയോ​ഗി​ക്കു​ന്ന​തിൽ എല്ലായ്‌പോ​ഴും പൂർണ​നാ​യി​രുന്ന യേശു​വി​ന്റെ ദൃഷ്ടാ​ന്ത​ത്തിൽനി​ന്നു നമുക്ക്‌ ഏറെ പഠിക്കാ​നാ​കും. (1 പത്രൊസ്‌ 2:21) ‘നിശ്ശബ്ദ​മാ​യി​രി​ക്കാ​നുള്ള സമയം’ എപ്പോ​ഴെന്ന്‌ അവന്‌ അറിയാ​മാ​യി​രു​ന്നു. ഉദാഹ​ര​ണ​ത്തിന്‌, മഹാപു​രോ​ഹി​തൻമാ​രും പ്രായ​മേ​റിയ പുരു​ഷ​ന്മാ​രും പീലാ​ത്തൊ​സി​നു മുമ്പാകെ അവനെ​തി​രെ വ്യാജ ആരോ​പ​ണങ്ങൾ ഉന്നയി​ച്ച​പ്പോൾ, യേശു “ഉത്തരം നൽകി​യില്ല.” (മത്തായി 27:11-14, NW) തന്നെ സംബന്ധിച്ച ദൈവ​ഹി​തം നിവർത്തി​ക്കു​ന്ന​തിന്‌ തടസ്സമാ​യേ​ക്കാ​വുന്ന യാതൊ​ന്നും പറയാൻ അവൻ ആഗ്രഹി​ച്ചില്ല. മറിച്ച്‌, തന്റെ പ്രവൃ​ത്തി​കൾ തനിക്കു​വേണ്ടി സംസാ​രി​ക്കട്ടെ എന്നാണ്‌ അവൻ വിചാ​രി​ച്ചത്‌. സത്യം ബോധ്യ​മാ​യാ​ലും അതൊ​ന്നും അവരുടെ ഗർവിഷ്‌ഠ മനസ്സി​നും ഹൃദയ​ത്തി​നും മാറ്റം വരുത്തു​ക​യി​ല്ലെന്ന്‌ അവന്‌ അറിയാ​മാ​യി​രു​ന്നു. അതു​കൊണ്ട്‌ അവൻ അവരുടെ ആരോ​പണം അവഗണി​ച്ചു​കൊണ്ട്‌ മനപ്പൂർവം മൗനം പാലിച്ചു.—യെശയ്യാ​വു 53:7.

¹¹ എന്നാൽ ‘സംസാ​രി​ക്കാ​നുള്ള സമയം’ എപ്പോ​ഴാ​ണെ​ന്നും യേശു​വിന്‌ അറിയാ​മാ​യി​രു​ന്നു. ചില സന്ദർഭ​ങ്ങ​ളിൽ, അവൻ തന്റെ വിമർശ​ക​രോട്‌ തുറന്ന​ടി​ച്ചു സംസാ​രി​ക്കു​ക​യും അവരുടെ വ്യാജ ആരോ​പ​ണങ്ങൾ അതിശ​ക്ത​മാ​യി ഖണ്ഡിക്കു​ക​യും ചെയ്‌തു. ഉദാഹ​ര​ണ​ത്തിന്‌, യേശു ഭൂതങ്ങളെ പുറത്താ​ക്കു​ന്നത്‌ ബെയെ​ത്‌സെ​ബൂ​ലി​നെ​ക്കൊ​ണ്ടാണ്‌ എന്ന്‌ ആരോ​പി​ച്ചു​കൊണ്ട്‌ ശാസ്‌ത്രി​മാ​രും പരീശ​ന്മാ​രും അവനെ ജനക്കൂ​ട്ട​ത്തി​ന്റെ മുമ്പിൽവെച്ച്‌ അപമാ​നി​ക്കാൻ ശ്രമി​ച്ച​പ്പോൾ, അവൻ ആ വ്യാജ ആരോ​പണം വെറുതെ വിട്ടു​ക​ള​യാ​മെന്നു വിചാ​രി​ച്ചില്ല. തകർപ്പൻ യുക്തി​യും ശക്തമായ ദൃഷ്ടാ​ന്ത​വും ഉപയോ​ഗിച്ച്‌ അവൻ ആ നുണയെ ഖണ്ഡിച്ചു. (മർക്കൊസ്‌ 3:20-30; മത്തായി 15:1-11; 22:17-21-ഉം യോഹ​ന്നാൻ 18:37-ഉം കൂടി കാണുക.) അതു​പോ​ലെ​തന്നെ, ഒറ്റി​ക്കൊ​ടു​ക്ക​പ്പെട്ട്‌ അറസ്റ്റി​ലാ​യ​ശേഷം, സൻഹെ​ദ്രീ​മി​നു മുന്നി​ലേക്കു വലിച്ചി​ഴ​യ്‌ക്ക​പ്പെട്ട യേശു​വി​നോട്‌ മഹാപു​രോ​ഹി​തൻ കയ്യഫാവ്‌ കൗശല​പൂർവം ആവശ്യ​പ്പെട്ടു: “നീ ദൈവ​പു​ത്ര​നായ ക്രിസ്‌തു തന്നെയോ? പറക എന്നു ഞാൻ ജീവനുള്ള ദൈവ​ത്തെ​ക്കൊ​ണ്ടു നിന്നോ​ടു ആണയിട്ടു ചോദി​ക്കു​ന്നു”! ഇവി​ടെ​യും “സംസാ​രി​ക്കാ​നുള്ള സമയ”മായി​രു​ന്നു; എന്തെന്നാൽ ഒന്നും സംസാ​രി​ക്കാ​തി​രി​ക്കു​ന്നത്‌ താൻ ക്രിസ്‌തു​വാണ്‌ എന്ന്‌ നിഷേ​ധി​ക്കു​ന്ന​താ​യി വ്യാഖ്യാ​നി​ക്ക​പ്പെ​ടു​മാ​യി​രു​ന്നു. അതു​കൊണ്ട്‌ “ഞാൻ ആകുന്നു” എന്ന്‌ യേശു ഉത്തരം പറഞ്ഞു.—മത്തായി 26:63, 64; മർക്കൊസ്‌ 14:61, 62.

12. ക്കോന്യ​യിൽ പൗലൊ​സും ബർന്നബാ​സും ധൈര്യ​ത്തോ​ടെ സംസാ​രി​ക്കാ​നി​ട​യായ സാഹച​ര്യ​ങ്ങൾ എന്തെല്ലാ​മാ​യി​രു​ന്നു?

¹² പൗലൊസ്‌, ബർന്നബാസ്‌ എന്നിവ​രു​ടെ ദൃഷ്ടാ​ന്ത​വും പരിചി​ന്തി​ക്കുക. പ്രവൃ​ത്തി​കൾ 14:1, 2 പ്രസ്‌താ​വി​ക്കു​ന്നു: “ഇക്കോ​ന്യ​യിൽ അവർ ഒരുമി​ച്ചു യെഹൂ​ദ​ന്മാ​രു​ടെ പള്ളിയിൽ ചെന്നു യെഹൂ​ദ​ന്മാ​രി​ലും യവനന്മാ​രി​ലും വലി​യോ​രു പുരു​ഷാ​രം വിശ്വ​സി​പ്പാൻ തക്കവണ്ണം സംസാ​രി​ച്ചു. വിശ്വ​സി​ക്കാത്ത യെഹൂ​ദ​ന്മാ​രോ ജാതി​ക​ളു​ടെ മനസ്സു സഹോ​ദ​ര​ന്മാ​രു​ടെ നേരെ ഇളക്കി വഷളാക്കി.” ദ ന്യൂ ഇംഗ്ലീഷ്‌ ബൈബിൾ ഇങ്ങനെ വായി​ക്കു​ന്നു: “എന്നാൽ പരിവർത്തനം ചെയ്യാത്ത യഹൂദ​ന്മാർ വിജാ​തീ​യരെ ഇളക്കി​വി​ടു​ക​യും അവരുടെ മനസ്സിനെ ക്രിസ്‌ത്യാ​നി​കൾക്ക്‌ എതിരെ വിഷലി​പ്‌ത​മാ​ക്കു​ക​യും ചെയ്‌തു.” യഹൂദ എതിരാ​ളി​കൾ സന്ദേശം തള്ളിയ​തു​കൊ​ണ്ടു മാത്രം തൃപ്‌ത​രാ​യില്ല, അവർ ക്രിസ്‌ത്യാ​നി​കൾക്കെ​തി​രെ ദുഷ്‌പ്ര​ച​രണം ആരംഭിച്ച്‌ അവരെ സംബന്ധിച്ച്‌ വിജാ​തീ​യ​രിൽ മുൻവി​ധി വളർത്തി​യെ​ടു​ക്കാൻ ശ്രമിച്ചു.a ക്രിസ്‌ത്യാ​നി​ത്വ​ത്തോ​ടുള്ള അവരുടെ വിദ്വേ​ഷം എത്ര രൂക്ഷമാ​യി​രു​ന്നി​രി​ക്കണം! (പ്രവൃ​ത്തി​കൾ 10:28 താരത​മ്യം ചെയ്യുക.) പ്രസ്‌തുത പരസ്യ​നി​ന്ദ​യിൽ പുതു​ശി​ഷ്യർക്കു നിരു​ത്സാ​ഹം തോന്നാ​തി​രി​ക്കേ​ണ്ട​തിന്‌, അത്‌ “സംസാ​രി​ക്കാ​നുള്ള സമയ”മാണെന്ന്‌ പൗലൊ​സി​നും ബർന്നബാ​സി​നും തോന്നി. അതു​കൊണ്ട്‌ “അവർ [പൗലൊ​സും ബർന്നബാ​സും] യഹോ​വ​യു​ടെ അധികാ​ര​ത്താൽ ധൈര്യ​ത്തോ​ടെ പ്രസം​ഗി​ച്ചു​കൊണ്ട്‌ ഗണ്യമായ സമയം അവിടെ ചെലവ​ഴി​ച്ചു.” യഹോവ അവർക്ക്‌ അത്ഭുതങ്ങൾ പ്രവർത്തി​ക്കാ​നുള്ള ശക്തി നൽകി തന്റെ അംഗീ​കാ​രം പ്രകട​മാ​ക്കി. ഇതിന്റെ ഫലമായി ചിലർ “യെഹൂ​ദ​ന്മാ​രെ​യും മറ്റുള്ളവർ അപ്പൊ​സ്‌ത​ല​ന്മാ​രെ​യും അനുകൂ​ലി​ച്ചു.”—പ്രവൃ​ത്തി​കൾ 14:3, 4, NW.

13. നിന്ദി​ക്ക​പ്പെ​ടു​മ്പോൾ സാധാ​ര​ണ​മാ​യി “നിശ്ശബ്ദ​മാ​യി​രി​ക്കാൻ ഒരു സമയം” ഉണ്ട്‌ എന്ന തത്ത്വം ബാധക​മാ​ക്കേ​ണ്ടി​വ​രു​ന്നത്‌ എപ്പോൾ?

¹³ നാം നിന്ദി​ക്ക​പ്പെ​ടു​മ്പോൾ നമ്മുടെ പ്രതി​ക​രണം എങ്ങനെ ആയിരി​ക്കണം? അതെല്ലാം സന്ദർഭത്തെ ആശ്രയി​ച്ചി​രി​ക്കു​ന്നു. “നിശ്ശബ്ദ​മാ​യി​രി​ക്കാൻ ഒരു സമയം” ഉണ്ട്‌ എന്ന തത്ത്വം നാം ബാധക​മാ​ക്കേ​ണ്ട​താ​യി​രി​ക്കാം ചില സ്ഥിതി​വി​ശേ​ഷങ്ങൾ. എതിരാ​ളി​കൾ നമ്മെ നിരർഥ​ക​മായ വാദങ്ങ​ളി​ലേക്കു വലിച്ചി​ഴ​യ്‌ക്കാൻ മനഃപൂർവം ശ്രമി​ക്കു​മ്പോൾ ഇതു വിശേ​ഷാൽ സത്യമാണ്‌. ചിലർക്ക്‌ സത്യം അറിയ​ണ​മെന്ന ആഗ്രഹമേ ഇല്ലെന്നു നാം ഓർക്കണം. (2 തെസ്സ​ലൊ​നീ​ക്യർ 2:9-12) ഗർവോ​ടെ വിശ്വ​സി​ക്കാൻ കൂട്ടാ​ക്കാ​ത്ത​വ​രോ​ടു ന്യായ​വാ​ദം ചെയ്യാൻ ശ്രമി​ക്കു​ന്ന​തു​കൊണ്ട്‌ ഒരു പ്രയോ​ജ​ന​വും ഇല്ല. അതിലു​പരി, വ്യാജ ആരോ​പണം നടത്തുന്ന സകലരു​മാ​യി സംവാ​ദ​ത്തിൽ ഏർപ്പെ​ടു​ന്ന​തു​വഴി, വളരെ പ്രധാ​ന​പ്പെ​ട്ട​തും പ്രതി​ഫ​ല​ദാ​യ​ക​വു​മായ പ്രവർത്ത​ന​ത്തിൽനിന്ന്‌—ബൈബിൾ സത്യം പഠിക്കാൻ യഥാർഥ​ത്തിൽ ആഗ്രഹി​ക്കുന്ന പരമാർഥ ഹൃദയരെ സഹായി​ക്കു​ന്ന​തിൽനിന്ന്‌—നാം വ്യതി​ച​ലി​ച്ചു​പോ​യേ​ക്കാം. നമ്മെ കുറിച്ചു നുണകൾ പ്രചരി​പ്പി​ക്കാൻ കച്ചകെ​ട്ടി​യി​റ​ങ്ങി​യി​രി​ക്കുന്ന എതിരാ​ളി​കളെ കണ്ടുമു​ട്ടു​മ്പോൾ, നമുക്കുള്ള നിശ്വസ്‌ത ബുദ്ധ്യു​പ​ദേശം ഇതാണ്‌: “അവരെ ഒഴിവാ​ക്കുക.”—റോമർ 16:17, 18; മത്തായി 7:6.

14. ഏതെല്ലാം വിധങ്ങ​ളിൽ നമുക്കു മറ്റുള്ള​വ​രു​ടെ മുമ്പാകെ നമ്മുടെ വിശ്വാ​സ​ത്തി​നു വേണ്ടി പ്രതി​വാ​ദം നടത്താ​നാ​കും?

¹⁴ എന്നാൽ നാം നമ്മുടെ വിശ്വാ​സ​ത്തി​നു വേണ്ടി പ്രതി​വാ​ദം നടത്തേ​ണ്ട​തി​ല്ലെന്ന്‌ ഇത്‌ നിശ്ചയ​മാ​യും അർഥമാ​ക്കു​ന്നില്ല. ‘സംസാ​രി​ക്കാ​നും ഒരു സമയം’ ഉണ്ടല്ലോ. നമ്മെ ആക്ഷേപി​ച്ചു​കൊ​ണ്ടുള്ള വിമർശ​നങ്ങൾ കേൾക്കു​ന്ന​വരെ കുറിച്ചു നമുക്കു യഥാർഥ​ത്തിൽ ഉത്‌ക​ണ്‌ഠ​യുണ്ട്‌. നമ്മുടെ ഹൃദയ​ത്തി​ലുള്ള ബോധ്യ​ങ്ങളെ കുറിച്ച്‌ മറ്റുള്ള​വർക്ക്‌ വ്യക്തമാ​യി വിശദീ​ക​രി​ച്ചു​കൊ​ടു​ക്കാൻ നാം ഒരുക്ക​മാണ്‌, അതിനുള്ള അവസര​ങ്ങളെ നാം സ്വാഗതം ചെയ്യു​ക​യും ചെയ്യുന്നു. പത്രൊസ്‌ എഴുതി: “നിങ്ങളു​ടെ ഹൃദയ​ങ്ങ​ളിൽ കർത്താ​വാ​യി ക്രിസ്‌തു​വി​നെ വിശു​ദ്ധീ​ക​രി​ക്കുക, നിങ്ങളി​ലുള്ള പ്രത്യാ​ശ​യു​ടെ കാരണം ആവശ്യ​പ്പെ​ടുന്ന ഏതൊ​രാ​ളു​ടെ​യും മുമ്പാകെ പ്രതി​വാ​ദം നടത്താൻ എല്ലായ്‌പോ​ഴും ഒരുങ്ങി​യി​രു​ന്നു​കൊണ്ട്‌ നിങ്ങളു​ടെ ഹൃദയ​ങ്ങ​ളിൽ കർത്താ​വാ​യി ക്രിസ്‌തു​വി​നെ വിശു​ദ്ധീ​ക​രി​ക്കുക.” (1 പത്രൊസ്‌ 3:15, NW) നമ്മൾ അതിയായ മതി​പ്പോ​ടെ കാത്തു​കൊ​ള്ളുന്ന വിശ്വാ​സ​ങ്ങൾക്ക്‌ യഥാർഥ താത്‌പ​ര്യ​ത്തോ​ടെ ആളുകൾ തെളിവ്‌ ചോദി​ക്കു​മ്പോൾ, എതിരാ​ളി​കൾ ഉന്നയി​ക്കുന്ന വ്യാജ ആരോ​പ​ണ​ങ്ങളെ കുറിച്ചു ചോദി​ക്കു​മ്പോൾ, ബൈബി​ളിൽനി​ന്നുള്ള ഈടുറ്റ ഉത്തരങ്ങൾ നൽകി​ക്കൊണ്ട്‌ നമ്മുടെ വിശ്വാ​സ​ത്തിന്‌ പ്രതി​വാ​ദം നടത്തേ​ണ്ടത്‌ നമ്മുടെ ഉത്തരവാ​ദി​ത്വം ആണ്‌. അതിലു​പരി, നമ്മുടെ നല്ല നടത്തയ്‌ക്ക്‌ ഒരു വലിയ സാക്ഷ്യം നൽകാ​നാ​കും. ദൈവ​ത്തി​ന്റെ നീതി​നി​ഷ്‌ഠ​മായ നിലവാ​ര​ങ്ങൾക്കു ചേർച്ച​യിൽ ജീവി​ക്കാൻ നാം യഥാർഥ​ത്തിൽ ശ്രമി​ക്കു​ന്നു എന്ന്‌ നിഷ്‌പ​ക്ഷ​മ​തി​ക​ളായ നിരീക്ഷർ ശ്രദ്ധി​ക്കു​മ്പോൾ, നമുക്ക്‌ എതിരായ ആരോ​പ​ണങ്ങൾ തെറ്റാ​ണെന്ന്‌ അവർക്ക്‌ എളുപ്പം മനസ്സി​ലാ​കും.—1 പത്രൊസ്‌ 2:12-15.

ദുഷ്‌പ്ര​ച​ര​ണത്തെ അഭിമു​ഖീ​ക​രി​ക്കു​മ്പോ​ഴോ?

15. യഹോ​വ​യു​ടെ സാക്ഷി​കളെ കുറിച്ച്‌ മാധ്യ​മങ്ങൾ വളച്ചൊ​ടിച്ച വിവരങ്ങൾ നൽകി​യ​തി​ന്റെ ഒരു ഉദാഹ​രണം ഏത്‌?

¹⁵ ചില​പ്പോ​ഴൊ​ക്കെ, യഹോ​വ​യു​ടെ സാക്ഷി​കളെ കുറിച്ച്‌ മാധ്യ​മ​ങ്ങ​ളിൽ വളച്ചൊ​ടി​ക്ക​പ്പെട്ട വിവരങ്ങൾ പ്രത്യ​ക്ഷ​പ്പെ​ട്ടി​ട്ടുണ്ട്‌. ഉദാഹ​ര​ണ​ത്തിന്‌, 1997 ആഗസ്റ്റ്‌ 1-ന്‌ ഒരു റഷ്യൻ പത്രം സാക്ഷി​കളെ കുറി​ച്ചുള്ള ഒരു ദൂഷണ​പ​ര​മായ ലേഖനം പ്രസി​ദ്ധീ​ക​രി​ച്ചു. അതിലെ പല ആരോ​പ​ണ​ങ്ങ​ളിൽ ഒന്ന്‌, അവർ അതിലെ അംഗങ്ങ​ളോട്‌ ‘തങ്ങളുടെ വിശ്വാ​സം മനസ്സി​ലാ​ക്കു​ന്നി​ല്ലാത്ത, അല്ലെങ്കിൽ സ്വീക​രി​ക്കു​ന്നി​ല്ലാത്ത ഭാര്യ​മാ​രെ​യും ഭർത്താ​ക്ക​ന്മാ​രെ​യും മാതാ​പി​താ​ക്ക​ളെ​യും ഉപേക്ഷി​ക്കാൻ’ നിർബ​ന്ധ​മാ​യും ആവശ്യ​പ്പെ​ടു​ന്നു എന്നതാ​യി​രു​ന്നു. ഈ ആരോ​പണം തെറ്റാ​ണെന്ന്‌ യഹോ​വ​യു​ടെ സാക്ഷി​കളെ ശരിക്കും പരിച​യ​മു​ള്ള​വർക്ക്‌ അറിയാ​വു​ന്ന​താണ്‌. ക്രിസ്‌ത്യാ​നി​കൾ തങ്ങളുടെ അവിശ്വാ​സി​ക​ളായ കുടും​ബാം​ഗ​ങ്ങ​ളോട്‌ സ്‌നേ​ഹ​ത്തോ​ടും ആദര​വോ​ടും​കൂ​ടെ ഇടപെ​ട​ണ​മെന്ന്‌ ബൈബിൾ പറയുന്നു; സാക്ഷികൾ ആ നിർദേശം പിൻപ​റ്റാൻ ശ്രമി​ക്കു​ക​യും ചെയ്യുന്നു. (1 കൊരി​ന്ത്യർ 7:12-16; 1 പത്രൊസ്‌ 3:1-4) എന്നിട്ടും ലേഖനം അച്ചടി​ച്ചു​വ​രി​ക​യും അനേകം വായന​ക്കാർക്ക്‌ തെറ്റി​ദ്ധാ​രണ ഉളവാ​കു​ക​യും ചെയ്‌തു. നാം വ്യാജ ആരോ​പ​ണ​ത്തി​നു വിധേ​യ​രാ​കു​മ്പോൾ, നമുക്ക്‌ എങ്ങനെ നമ്മുടെ വിശ്വാ​സ​ത്തി​നു വേണ്ടി പ്രതി​വാ​ദം നടത്താൻ കഴിയും?

16, 17. കൂടാതെ 16-ാം പേജിലെ ചതുര​വും. (എ) മാധ്യ​മ​ങ്ങ​ളി​ലൂ​ടെ പ്രചരി​ക്കുന്ന തെറ്റായ വിവര​ങ്ങ​ളോ​ടു പ്രതി​ക​രി​ക്കു​ന്നതു സംബന്ധിച്ച്‌ ഒരിക്കൽ വീക്ഷാ​ഗോ​പു​രം എന്തു പറഞ്ഞു? (ബി) ഏതു സ്ഥിതി​വി​ശേ​ഷ​ങ്ങ​ളിൽ യഹോ​വ​യു​ടെ സാക്ഷികൾ മാധ്യ​മ​ങ്ങ​ളി​ലെ നിഷേ​ധാ​ത്മക റിപ്പോർട്ടു​ക​ളോ​ടു പ്രതി​ക​രി​ച്ചേ​ക്കാം?

¹⁶ ഇക്കാര്യ​ത്തി​ലും, “നിശ്ശബ്ദ​മാ​യി​രി​ക്കാ​നും ഒരു സമയം” ഉണ്ട്‌, “സംസാ​രി​ക്കാ​നും ഒരു സമയം” ഉണ്ട്‌. ഒരിക്കൽ വീക്ഷാ​ഗോ​പു​രം അതേക്കു​റിച്ച്‌ ഇങ്ങനെ പറഞ്ഞു: “മാധ്യ​മ​ങ്ങ​ളിൽ വരുന്ന തെററായ വിവരങ്ങൾ നാം അവഗണി​ക്ക​ണ​മോ ഉചിത​മായ മാർഗ​ത്തി​ലൂ​ടെ സത്യാ​വ​സ്ഥ​യ്‌ക്കു​വേണ്ടി വാദ​പ്ര​തി​വാ​ദം നടത്തണ​മോ എന്നത്‌ സാഹച​ര്യ​ങ്ങൾ, വിമർശ​ന​ത്തി​നു പിന്നിലെ വ്യക്തി, അയാളു​ടെ ലക്ഷ്യം എന്നിവ​യെ​യാണ്‌ ആശ്രയി​ച്ചി​രി​ക്കു​ന്നത്‌.” ചില സന്ദർഭ​ങ്ങ​ളിൽ, നിഷേ​ധാ​ത്മക റിപ്പോർട്ടു​കളെ അവഗണിച്ച്‌ നുണകൾക്ക്‌ കൂടു​ത​ലായ പരസ്യം ലഭിക്കു​ന്നത്‌ ഒഴിവാ​ക്കു​ന്ന​താ​യി​രി​ക്കാം ഏറ്റവും നല്ലത്‌.

¹⁷ മറ്റു സന്ദർഭങ്ങൾ “സംസാ​രി​ക്കാ​നുള്ള സമയം” ആയിരു​ന്നേ​ക്കാം. ഒരുപക്ഷേ ഒരു പത്ര​പ്ര​വർത്ത​ക​നോ റിപ്പോർട്ട​റോ യഹോ​വ​യു​ടെ സാക്ഷി​കളെ കുറിച്ച്‌ തെറ്റി​ദ്ധ​രി​പ്പി​ക്ക​പ്പെ​ട്ടി​രി​ക്കാം; ഉത്തരവാ​ദി​ത്വ​മു​ള്ള​വ​നെ​ങ്കിൽ, അയാൾ നമ്മെ കുറി​ച്ചുള്ള സത്യമായ വിവരങ്ങൾ സ്വാഗതം ചെയ്‌തേ​ക്കാം. (“തെറ്റി​ദ്ധാ​രണ തിരുത്തൽ” എന്ന ചതുരം കാണുക.) മാധ്യ​മ​ങ്ങ​ളി​ലെ നിഷേ​ധാ​ത്മക റിപ്പോർട്ടു​കൾ മുൻവി​ധി ഉണ്ടാക്കു​ക​യും അത്‌ നമ്മുടെ പ്രസം​ഗ​വേ​ല​യ്‌ക്കു തടസ്സമാ​കു​ക​യും ചെയ്യു​ന്നെ​ങ്കിൽ, ഏതെങ്കി​ലും ഉചിത​മായ മാർഗ​ങ്ങ​ളി​ലൂ​ടെ സത്യത്തി​നു വേണ്ടി പ്രതി​വാ​ദം നടത്താൻ വാച്ച്‌ടവർ സൊ​സൈ​റ്റി​യു​ടെ ബ്രാഞ്ച്‌ ഓഫീ​സി​ലെ പ്രതി​നി​ധി​കൾ മുൻകൈ എടു​ത്തേ​ക്കാം.b ഉദാഹ​ര​ണ​ത്തിന്‌, ഒരു ടിവി പരിപാ​ടി ആണെന്നി​രി​ക്കട്ടെ. വസ്‌തു​തകൾ അവതരി​പ്പി​ക്കാൻ യോഗ്യ​രായ മൂപ്പന്മാർ നിയമി​ക്ക​പ്പെ​ട്ടേ​ക്കാം, ഇത്തരം സന്ദർഭ​ങ്ങ​ളിൽ ആരും പോകു​ന്നി​ല്ലെ​ങ്കിൽ, യഹോ​വ​യു​ടെ സാക്ഷി​കൾക്ക്‌ ഉത്തരമി​ല്ലാ​ത്ത​തു​കൊ​ണ്ടാ​ണെന്ന്‌ ആളുകൾ വ്യാഖ്യാ​നി​ച്ചേ​ക്കാം. അത്തരം സംഗതി​ക​ളിൽ, സാക്ഷി​ക​ളായ വ്യക്തികൾ വാച്ച്‌ ടവർ സൊ​സൈ​റ്റി​യു​ടെ​യും അതിന്റെ പ്രതി​നി​ധി​ക​ളു​ടെ​യും നിർദേ​ശ​ത്തോട്‌ ബുദ്ധി​പൂർവം സഹകരി​ക്കും.—എബ്രായർ 13:17.

സുവാർത്ത​യ്‌ക്കു വേണ്ടി നിയമ​പ​ര​മാ​യി പ്രതി​വാ​ദം നടത്തൽ

18. (എ) പ്രസം​ഗി​ക്കു​ന്ന​തി​നു നമുക്ക്‌ മാനുഷ ഗവൺമെ​ന്റു​ക​ളു​ടെ അനുവാ​ദം ആവശ്യ​മി​ല്ലാ​ത്തത്‌ എന്തു​കൊണ്ട്‌? (ബി) പ്രസം​ഗി​ക്കാൻ അനുമതി നിഷേ​ധി​ക്ക​പ്പെ​ടു​മ്പോൾ നാം ഏതു ഗതി പിൻപ​റ്റു​ന്നു?

¹⁸ ദൈവ​രാ​ജ്യ സുവാർത്ത പ്രസം​ഗി​ക്കു​ന്ന​തി​നു നമുക്ക്‌ നിയമനം ലഭിച്ചി​രി​ക്കു​ന്നത്‌ സ്വർഗ​ത്തിൽനി​ന്നാണ്‌. ഈ വേല ചെയ്യാൻ നമ്മെ നിയമി​ച്ചി​രി​ക്കു​ന്നത്‌ ‘സ്വർഗ്ഗ​ത്തി​ലും ഭൂമി​യി​ലും സകല അധികാ​ര​വും നൽക​പ്പെ​ട്ടി​രി​ക്കുന്ന’ യേശു ആണ്‌. (മത്തായി 28:18-20; ഫിലി​പ്പി​യർ 2:9-11) അതു​കൊണ്ട്‌, പ്രസം​ഗി​ക്കു​ന്ന​തിന്‌ നമുക്ക്‌ മാനുഷ ഗവൺമെ​ന്റു​ക​ളു​ടെ അനുവാ​ദം ആവശ്യ​മില്ല. എന്നിരു​ന്നാ​ലും, മതപര​മായ സ്വാത​ന്ത്ര്യം ഉണ്ടായി​രി​ക്കു​ന്നത്‌ രാജ്യ​സ​ന്ദേശം പ്രചരി​പ്പി​ക്കു​ന്ന​തിന്‌ സഹായ​ക​മാണ്‌ എന്നു നാം അംഗീ​ക​രി​ക്കു​ന്നു. നമ്മുടെ ആരാധനാ സ്വാത​ന്ത്ര്യ​മുള്ള നാടു​ക​ളിൽ, അതിനെ സംരക്ഷി​ക്കു​ന്ന​തിന്‌ നാം നിയമ​വ്യ​വ​സ്ഥയെ ഉപയോ​ഗ​പ്പെ​ടു​ത്തും. അത്തരം സ്വാത​ന്ത്ര്യം ഇല്ലാത്തി​ട​ങ്ങ​ളിൽ, നിയമ​ത്തി​ന്റെ ചട്ടക്കൂ​ട്ടിൽനി​ന്നു​കൊണ്ട്‌ അതു കരസ്ഥമാ​ക്കാൻ നാം ശ്രമി​ക്കും. നമ്മുടെ ലക്ഷ്യം സാമൂ​ഹിക പരിഷ്‌ക​രണം അല്ല, മറിച്ച്‌ “സുവാർത്ത​യ്‌ക്കു വേണ്ടി പ്രതി​വാ​ദം നടത്തലും അതിനെ നിയമ​പ​ര​മാ​യി സ്ഥാപി​ക്ക​ലും” ആണ്‌.c—ഫിലി​പ്പി​യർ 1:7, NW.

19. (എ) നാം ‘ദൈവ​ത്തി​നു​ള്ളതു ദൈവ​ത്തി​നു കൊടു​ക്കു’ന്നതിന്റെ അനന്തര​ഫലം എന്തായി​രി​ക്കാം? (ബി) എന്തു ചെയ്യാ​നാ​ണു നമ്മുടെ ദൃഢനി​ശ്ചയം?

¹⁹ യഹോ​വ​യു​ടെ സാക്ഷികൾ എന്ന നിലയിൽ, നാം യഹോ​വയെ അഖിലാണ്ഡ പരമാ​ധി​കാ​രി​യാ​യി അംഗീ​ക​രി​ക്കു​ന്നു. അവന്റെ നിയമം പരമോ​ന്ന​ത​മാണ്‌. നാം മനസ്സാ​ക്ഷി​പൂർവം മാനുഷ ഗവൺമെ​ന്റു​കളെ അനുസ​രി​ക്കു​ന്നു, അങ്ങനെ ‘കൈസർക്കു​ള്ളത്‌ കൈസർക്കു കൊടു​ക്കു​ന്നു.’ എന്നാൽ ‘ദൈവ​ത്തി​നു​ള്ളതു ദൈവ​ത്തി​നു കൊടുക്ക’ണമെന്ന ഏറെ പ്രധാ​ന​പ്പെട്ട ഉത്തരവാ​ദി​ത്വം നിറ​വേ​റ്റു​ന്ന​തി​നെ തടസ്സ​പ്പെ​ടു​ത്താൻ നാം യാതൊ​ന്നി​നെ​യും അനുവ​ദി​ക്കു​ക​യില്ല. (മത്തായി 22:21) അങ്ങനെ ചെയ്യു​ന്ന​തി​ലൂ​ടെ നാം രാഷ്‌ട്ര​ങ്ങ​ളാൽ “ദ്വേഷി​ക്ക​പ്പെടു”മെന്നു നമുക്കു നല്ല ബോധ്യ​മുണ്ട്‌, എങ്കിലും നാം ഇതിനെ ശിഷ്യ​ത്വ​ത്തി​ന്റെ ചെലവി​ന്റെ ഭാഗമാ​യി സ്വീക​രി​ക്കു​ന്നു. 20-ാം നൂറ്റാ​ണ്ടിൽ യഹോ​വ​യു​ടെ സാക്ഷികൾ നടത്തി​യി​ട്ടുള്ള നിയമ​പോ​രാ​ട്ട​ങ്ങ​ളു​ടെ ചരിത്രം വിശ്വാ​സ​ത്തി​നു വേണ്ടി പ്രതി​വാ​ദം നടത്തു​ന്ന​തി​നുള്ള നമ്മുടെ ദൃഢനി​ശ്ച​യ​ത്തി​ന്റെ തെളിവ്‌ നൽകുന്നു. യഹോ​വ​യു​ടെ സഹായ​ത്തോ​ടെ​യും പിന്തു​ണ​യോ​ടെ​യും, നാം “ഇടവി​ടാ​തെ സുവാർത്ത പഠിപ്പി​ക്കു​ക​യും പ്രഖ്യാ​പി​ക്കു​ക​യും” ചെയ്യു​ന്നത്‌ തുടരും.—പ്രവൃ​ത്തി​കൾ 5:42.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

□ യഹോ​വ​യു​ടെ സാക്ഷികൾ “ദ്വേഷി​ക്ക​പ്പെടു”ന്നത്‌ എന്തു​കൊണ്ട്‌?

□ നമ്മുടെ വിശ്വാ​സം സ്വീക​രി​ച്ചി​ട്ടി​ല്ലാ​ത്ത​വരെ നാം എങ്ങനെ വീക്ഷി​ക്കണം?

□ എതിരാ​ളി​ക​ളോ​ടു പ്രതി​ക​രി​ക്കു​മ്പോൾ, യേശു സമനി​ല​യുള്ള ഏതു ദൃഷ്ടാന്തം പ്രകട​മാ​ക്കി?

□ നിന്ദി​ക്ക​പ്പെ​ടു​മ്പോൾ, “നിശ്ശബ്ദ​മാ​യി​രി​ക്കാൻ ഒരു സമയം” ഉണ്ട്‌, “സംസാ​രി​ക്കാൻ ഒരു സമയം” ഉണ്ട്‌ എന്ന തത്ത്വം നമുക്ക്‌ എങ്ങനെ ബാധക​മാ​ക്കാം?

[16-ാം പേജിലെ ചതുരം]

തെറ്റി​ദ്ധാ​രണ തിരുത്തൽ

“ബൊളീ​വി​യ​യി​ലെ യാക്വി​ബ​യിൽ, ഒരു പ്രാ​ദേ​ശിക സുവി​ശേഷ കൂട്ടം വിശ്വാ​സ​ത്യാ​ഗി​കൾ നിർമിച്ച ഒരു വീഡി​യോ പരിപാ​ടി ടെലി​വി​ഷ​നിൽ അവതരി​പ്പി​ച്ചു. ആ പരിപാ​ടി​യു​ടെ ദൂഷ്യ​ഫലം കണക്കി​ലെ​ടുത്ത്‌ മൂപ്പന്മാർ രണ്ടു ടിവി സ്റ്റേഷനു​കൾ സന്ദർശിച്ച്‌ പണം നൽകാ​മെന്ന വാക്കിൽ സം​പ്രേ​ക്ഷ​ണ​ത്തി​നാ​യി യഹോ​വ​യു​ടെ സാക്ഷികൾ—ആ പേരിനു പിമ്പിലെ സംഘടന, ബൈബിൾ—വസ്‌തു​ത​യു​ടെ​യും പ്രവച​ന​ത്തി​ന്റെ​യും ഒരു പുസ്‌തകം എന്നീ വീഡി​യോ പ്രദർശി​പ്പി​ക്കാ​മോ എന്നു ചോദി​ച്ചു. സൊ​സൈ​റ്റി​യു​ടെ വീഡി​യോ കണ്ടതി​നു​ശേഷം ഒരു റേഡി​യോ നിലയ​ത്തി​ന്റെ ഉടമ വിശ്വാ​സ​ത്യാ​ഗി​ക​ളു​ടെ പരിപാ​ടി​യി​ലെ ദുഷ്‌പ്ര​ച​ര​ണ​ത്തിൽ രോഷാ​കു​ല​നാ​യി യഹോ​വ​യു​ടെ സാക്ഷി​ക​ളു​ടെ നടക്കാ​നി​രി​ക്കുന്ന ഡിസ്‌ട്രി​ക്‌റ്റ്‌ കൺ​വെൻ​ഷനെ കുറിച്ച്‌ സൗജന്യ അറിയി​പ്പു​കൾ നടത്താ​മെന്നു സമ്മതിച്ചു. കൺ​വെൻ​ഷൻ ഹാജർ അസാധാ​ര​ണ​മാം​വി​ധം കൂടു​ത​ലാ​യി​രു​ന്നു, ശുശ്രൂ​ഷ​യിൽ സാക്ഷികൾ ആളുകളെ സന്ദർശി​ച്ച​പ്പോൾ പരമാർഥ​ഹൃ​ദ​യ​രായ അനേകർ അവരോട്‌ ആത്മാർഥ​മായ ചോദ്യ​ങ്ങൾ ചോദി​ക്കാൻ തുടങ്ങി.”—യഹോ​വ​യു​ടെ സാക്ഷി​ക​ളു​ടെ വാർഷിക പുസ്‌തകം 1997, (ഇംഗ്ലീഷ്‌) 61-2 പേജുകൾ.

[17-ാം പേജിലെ ചിത്രം]

ചില സന്ദർഭ​ങ്ങ​ളിൽ, യേശു വിമർശ​ക​രു​ടെ വ്യാജ ആരോ​പ​ണങ്ങൾ അതിശ​ക്ത​മാ​യി ഖണ്ഡിച്ചു