അനേകർ ലോകാ​വ​സാ​നത്തെ അതിജീ​വി​ക്കും നിങ്ങൾക്കും അതിനു കഴിയും

ലോകാ​വ​സാ​നം വിനാ​ശ​ക​ര​മാ​യി​രി​ക്കു​മെന്ന്‌ ബൈബിൾ മുന്നറി​യി​പ്പു നൽകുന്നു: ‘ലോകാ​രം​ഭം​മു​തൽ ഇന്നുവരെ സംഭവി​ച്ചി​ട്ടി​ല്ലാത്ത മഹാകഷ്ടം അന്നുണ്ടാ​കും. ആ നാളുകൾ ചുരു​ക്ക​പ്പെ​ടു​ന്നി​ല്ലെ​ങ്കിൽ ആരും രക്ഷിക്ക​പ്പെ​ടു​ക​യില്ല.’ (മത്തായി 24:21, 22) എന്നാൽ അനേകം ആളുകൾ അതിൽനിന്ന്‌ രക്ഷപ്പെ​ടു​മെന്ന്‌ ബൈബിൾ ഉറപ്പു​നൽകു​ന്നു: ‘ലോകം നീങ്ങി​പ്പോ​കു​ന്നു. ദൈ​വേഷ്ടം ചെയ്യു​ന്ന​വ​നോ എന്നേക്കും നിലനിൽക്കു​ന്നു.’—1 യോഹ​ന്നാൻ 2:17.

നീങ്ങി​പ്പോ​കു​ന്ന ഈ ലോകത്തെ അതിജീ​വി​ക്കാ​നും ‘എന്നേക്കും നിലനിൽക്കാ​നും’ ആഗ്രഹി​ക്കു​ന്നെ​ങ്കിൽ, നിങ്ങൾ എന്താണ്‌ ചെയ്യേ​ണ്ടത്‌? ആ നാളേ​ക്കു​വേണ്ടി അവശ്യ​സാ​ധ​നങ്ങൾ സംഭരി​ച്ചു​വെ​ക്കു​ക​യും സുരക്ഷയ്‌ക്കാ​യി സമാന​മായ മറ്റ്‌ തയ്യാ​റെ​ടു​പ്പു​കൾ നടത്തു​ക​യും ചെയ്യേ​ണ്ട​തു​ണ്ടോ? വേണ്ട. മറ്റ്‌ മുൻഗ​ണ​നകൾ വെക്കാ​നാണ്‌ ബൈബിൾ ശക്തമായി നമ്മോടു ആവശ്യ​പ്പെ​ടു​ന്നത്‌. അത്‌ ഇങ്ങനെ പറയുന്നു: “ഇവയൊ​ക്കെ​യും ഇങ്ങനെ അഴിഞ്ഞു​പോ​കാ​നു​ള്ള​താ​ക​യാൽ യഹോ​വ​യു​ടെ ദിവസ​ത്തി​ന്റെ വരവി​നാ​യി കാത്തി​രു​ന്നും അതിനെ സദാ മനസ്സിൽക്ക​ണ്ടും​കൊണ്ട്‌ വിശു​ദ്ധ​വും ഭക്തിപൂർണ​വു​മായ ജീവിതം നയിക്കു​ന്ന​തിൽ നിങ്ങൾ എത്ര ശുഷ്‌കാ​ന്തി​യു​ള്ളവർ ആയിരി​ക്കണം.” (2 പത്രോസ്‌ 3:10-12) ഈ വാക്യ​ത്തിൽ, “ഇവയൊ​ക്കെ​യും” എന്ന പദപ്ര​യോ​ഗം, ഈ ദുഷിച്ച ലോക​ത്തി​ലെ ‘ഭരണഘ​ട​ക​ങ്ങ​ളെ​യും’ ദൈവ​ത്തി​ന്റെ ഭരണത്തി​നു പകരം ഈ ലോക​ത്തി​ലെ ഭരണം ഇഷ്ടപ്പെ​ടുന്ന എല്ലാ ആളുക​ളെ​യും അർഥമാ​ക്കു​ന്നു. അതു​കൊണ്ട്‌, വ്യക്തമാ​യും നമ്മൾ വസ്‌തു​വ​കകൾ ശേഖരി​ച്ചു​വെ​ക്കു​ന്ന​തിൽ മുഴു​കു​ന്നത്‌ അത്തരം നാശത്തെ അതിജീ​വി​ക്കാൻ സഹായി​ക്കു​ന്നില്ല.

യഥാർഥത്തിൽ, അതിജീ​വി​ക്കാൻ യഹോ​വ​യാം ദൈവ​ത്തോ​ടുള്ള ഭക്തി ആവശ്യ​മാണ്‌. എങ്ങനെ​യുള്ള ജീവി​ത​രീ​തി​യും പ്രവർത്ത​ന​വും ആണ്‌ ദൈവത്തെ പ്രസാ​ദി​പ്പി​ക്കു​ന്ന​തെന്ന്‌ പഠി​ക്കേ​ണ്ട​തു​മുണ്ട്‌. (സെഫന്യാ​വു 2:3) ഒരു നിർണാ​യ​ക​മായ കാലഘ​ട്ട​ത്തി​ലാണ്‌ ജീവി​ച്ചു​കൊ​ണ്ടി​രി​ക്കു​ന്നത്‌ എന്നതിന്റെ വ്യക്തമായ സൂചനകൾ അവഗണി​ച്ചു​കൊണ്ട്‌ ‘നാട്‌ ഓടു​മ്പോൾ നടുവെ ഓടാതെ’ ‘യഹോ​വ​യു​ടെ ദിവസ​ത്തി​ന്റെ വരവ്‌ സദാ മനസ്സിൽക്ക​ണ്ടു​കൊണ്ട്‌’ നമ്മൾ ജീവി​ക്കണം. വരാൻ പോകുന്ന ആ നാൾ എങ്ങനെ അതിജീ​വി​ക്കാ​മെന്ന്‌ യഹോ​വ​യു​ടെ സാക്ഷി​ക​ളിൽ ഒരാൾക്ക്‌ ബൈബി​ളിൽനിന്ന്‌ നിങ്ങളെ കാണി​ച്ചു​ത​രാൻ കഴിയും. ▪ (w15-E 05/01)