വാഗ്‌ദാ​നം ചെയ്‌ത കാര്യങ്ങൾ അവർ “കണ്ടു”

 1. കാണാത്ത കാര്യങ്ങൾ വിഭാവന ചെയ്യാ​നാ​കു​ന്ന​തി​ന്റെ പ്രയോ​ജ​ന​മെന്ത്‌? (ലേഖനാ​രം​ഭ​ത്തി​ലെ ചിത്രം കാണുക.)

യഹോവ നമുക്ക്‌ വിസ്‌മ​യ​ക​ര​മായ ഒരു പ്രാപ്‌തി നൽകി​യി​രി​ക്കു​ന്നു—ഭാവനാ​ശേഷി. അതായത്‌ കണ്ണാലെ കണ്ടിട്ടി​ല്ലാത്ത കാര്യങ്ങൾ ഭാവന​യിൽ കാണാ​നുള്ള കഴിവ്‌. അത്‌ ഭാവി​യിൽ നടക്കാ​നി​രി​ക്കുന്ന കാര്യ​ങ്ങൾക്കാ​യി കാത്തി​രി​ക്കാ​നും കാര്യാ​ദി​കൾ മുൻകൂ​ട്ടി ക്രമീ​ക​രി​ച്ചു​കൊണ്ട്‌ പ്രശ്‌നങ്ങൾ ഒഴിവാ​ക്കാ​നും നമ്മെ സഹായി​ക്കും. ഭാവി​യിൽ നടക്കാൻപോ​കു​ന്നത്‌ എന്താ​ണെന്ന്‌ അറിയാ​വു​ന്നത്‌ യഹോ​വ​യ്‌ക്കാണ്‌. അതു​കൊണ്ട്‌, നോക്കി​പ്പാർത്തി​രി​ക്കാ​നാ​കുന്ന ചില കാര്യങ്ങൾ അവൻ നമുക്കു വെളി​പ്പെ​ടു​ത്തി​യി​രി​ക്കു​ന്നു. ഇപ്പോൾ അതൊ​ന്നും കണ്ണാലെ കാണാ​നാ​വി​ല്ലെ​ങ്കി​ലും, നമുക്ക്‌ അവ ഭാവന​യിൽ കാണാ​നും അത്‌ സംഭവി​ക്കു​മെ​ന്നുള്ള വിശ്വാ​സം വളർത്തി​യെ​ടു​ക്കാ​നും കഴിയും.—2 കൊരി. 4:18.

2, 3. (എ) ഭാവന​യിൽ കാണാ​നുള്ള നമ്മുടെ പ്രാപ്‌തിക്ക്‌ നമ്മളെ സഹായി​ക്കാൻ കഴിയു​ന്നത്‌ എങ്ങനെ? (ബി) ഈ ലേഖന​ത്തിൽ നമ്മൾ ഏതെല്ലാം ചോദ്യ​ങ്ങൾക്കുള്ള ഉത്തരം കണ്ടെത്തും?

² ഒരിക്ക​ലും നടക്കാത്ത കാര്യ​ങ്ങ​ളെ​ക്കു​റിച്ച്‌ ഇടയ്‌ക്കെ​ങ്കി​ലും നമ്മൾ ചിന്തി​ക്കാ​റുണ്ട്‌. ഉദാഹ​ര​ണ​ത്തിന്‌, ചിത്ര​ശ​ല​ഭ​ത്തി​ന്റെ പുറത്തി​രുന്ന്‌ സഞ്ചരി​ക്കു​ന്ന​താ​യി ഒരു കൊച്ചു പെൺകു​ട്ടി ഭാവന​യിൽ കണ്ടേക്കാം. അത്‌ ഒരിക്ക​ലും സംഭവി​ക്കാത്ത ഒന്നാണ്‌. പക്ഷേ, ശമു​വേ​ലി​ന്റെ അമ്മ ഹന്നാ ഭാവന​യിൽ കണ്ടത്‌ സംഭവി​ക്കാ​വുന്ന കാര്യ​ങ്ങ​ളാ​യി​രു​ന്നു. സമാഗ​മ​ന​കൂ​ടാ​ര​ത്തി​ലെ പുരോ​ഹി​ത​ന്മാ​രോ​ടൊ​പ്പം സേവി​ക്കാൻ തന്റെ പൊ​ന്നോ​മ​നയെ കൊണ്ടു​പോ​കുന്ന ആ ദിവസ​ത്തെ​ക്കു​റി​ച്ചാ​യി​രു​ന്നു അവളുടെ മുഴു​ചി​ന്ത​യും. അത്‌ വെറു​മൊ​രു സ്വപ്‌ന​മാ​യി​രു​ന്നില്ല. അവൾ ചെയ്യാൻ തീരു​മാ​നി​ച്ചു​റച്ച ഒരു കാര്യ​മാ​യി​രു​ന്നു. യഹോ​വ​യ്‌ക്കു കൊടുത്ത വാക്കു പാലി​ക്കാൻ ആ ചിന്ത അവളെ സഹായി​ച്ചു. (1 ശമൂ. 1:22) യഹോവ നൽകിയ വാഗ്‌ദാ​ന​ങ്ങ​ളെ​ക്കു​റിച്ച്‌ ചിന്തി​ക്കു​മ്പോൾ, നിശ്ചയ​മാ​യും സംഭവി​ക്കാ​നി​രി​ക്കുന്ന കാര്യ​ങ്ങ​ളാണ്‌ നമ്മൾ വിഭാവന ചെയ്യു​ന്നത്‌.—2 പത്രോ. 1:19-21.

³ ബൈബിൾക്കാ​ല​ങ്ങ​ളി​ലെ മിക്ക ദൈവ​ദാ​സ​രും യഹോ​വ​യു​ടെ വാഗ്‌ദാ​ന​ങ്ങ​ളു​ടെ ഭാവനാ​ചി​ത്രങ്ങൾ തങ്ങളുടെ മനസ്സിൽ വരച്ചി​ട്ടി​രു​ന്നു എന്നതിന്‌ സംശയ​മില്ല. അവർ അങ്ങനെ ചെയ്‌ത​തി​ന്റെ പ്രയോ​ജനം എന്തായി​രു​ന്നു? ദൈവ​ത്തി​ന്റെ വാഗ്‌ദാ​നങ്ങൾ നിറ​വേ​റു​മ്പോ​ഴുള്ള നമ്മുടെ ജീവി​ത​ത്തെ​ക്കു​റിച്ച്‌ ഇപ്പോൾ വിഭാവന ചെയ്യു​ന്നത്‌ നമുക്ക്‌ എങ്ങനെ പ്രയോ​ജനം ചെയ്യും?

 4. ഹാബേ​ലിന്‌ ഒരു നല്ല ഭാവി ഭാവന​യിൽ കാണാൻക​ഴി​ഞ്ഞത്‌ എന്തു​കൊണ്ട്‌?

⁴ യഹോ​വ​യു​ടെ വാഗ്‌ദാ​ന​ങ്ങ​ളിൽ വിശ്വാ​സ​മു​ണ്ടാ​യി​രുന്ന ആദ്യമ​നു​ഷ്യൻ ഹാബേ​ലാ​യി​രു​ന്നു. ആദാമും ഹവ്വായും പാപം ചെയ്‌ത​പ്പോൾ യഹോവ സർപ്പ​ത്തോട്‌ പറഞ്ഞ പിൻവ​രുന്ന കാര്യം ഹാബേ​ലിന്‌ അറിയാ​മാ​യി​രു​ന്നു: “ഞാൻ നിനക്കും സ്‌ത്രീ​ക്കും നിന്റെ സന്തതി​ക്കും അവളുടെ സന്തതി​ക്കും തമ്മിൽ ശത്രു​ത്വം ഉണ്ടാക്കും. അവൻ നിന്റെ തല തകർക്കും; നീ അവന്റെ കുതി​കാൽ തകർക്കും.” (ഉല്‌പ. 3:14, 15) എന്നാൽ അത്‌ എങ്ങനെ​യാ​യി​രി​ക്കും സംഭവി​ക്കു​ക​യെന്ന്‌ ഹാബേ​ലി​നു കൃത്യ​മാ​യി അറിയി​ല്ലാ​യി​രു​ന്നു. എങ്കിലും ദൈവം പറഞ്ഞ കാര്യ​ങ്ങ​ളെ​ക്കു​റിച്ച്‌ അവൻ ആഴത്തിൽ ചിന്തി​ച്ചി​രു​ന്നു. ‘സർപ്പം ആരെയാ​യി​രി​ക്കും മുറി​വേൽപ്പി​ക്കു​ന്നത്‌, മുഴു​മ​നു​ഷ്യ​രെ​യും വീണ്ടും പൂർണ​ത​യി​ലേക്ക്‌ എത്തിക്കു​ന്നത്‌ ആരായി​രി​ക്കും’ എന്നൊക്കെ അവൻ ചിന്തി​ച്ചി​ട്ടു​ണ്ടാ​കും. യഹോവ എന്തു പറഞ്ഞാ​ലും അത്‌ അതു​പോ​ലെ​തന്നെ നടക്കു​മെന്ന്‌ ഹാബേ​ലി​നു ശക്തമായ വിശ്വാ​സ​മു​ണ്ടാ​യി​രു​ന്നു. ആ വിശ്വാ​സ​ത്തെ​പ്രതി യഹോവ ഹാബേ​ലി​ലും അവന്റെ യാഗത്തി​ലും പ്രസാ​ദി​ച്ചു.—ഉല്‌പത്തി 4:3-5; എബ്രായർ 11:4 വായി​ക്കുക.

 5. ഭാവി​യെ​ക്കു​റിച്ച്‌ വിഭാവന ചെയ്‌തത്‌ ഹാനോ​ക്കി​നെ ഏതു വിധത്തിൽ സഹായി​ച്ചു?

⁵ യഹോ​വ​യിൽ അചഞ്ചല​മായ വിശ്വാ​സ​മു​ണ്ടാ​യി​രുന്ന മറ്റൊ​രാ​ളാ​യി​രു​ന്നു ഹാനോക്ക്‌. ദൈവ​ത്തെ​ക്കു​റി​ച്ചു​പോ​ലും ‘ഹീനകാ​ര്യ​ങ്ങൾ’ പറയാൻ മടികാ​ണി​ക്കാ​തി​രുന്ന ദുഷ്ടന്മാർക്കി​ട​യി​ലാ​യി​രു​ന്നു ഹാനോക്ക്‌ ജീവി​ച്ചി​രു​ന്നത്‌. പക്ഷേ ധൈര്യ​ശാ​ലി​യാ​യി​രുന്ന ഹാനോക്ക്‌ ദൈവ​ത്തിൽനി​ന്നുള്ള സന്ദേശം മടികൂ​ടാ​തെ അവരെ അറിയി​ച്ചു. യഹോവ ദുഷ്ടന്മാ​രെ നശിപ്പി​ക്കാൻപോ​കു​ക​യാ​ണെന്ന്‌ അവൻ അവരോട്‌ പറഞ്ഞു. (യൂദാ 14, 15) അങ്ങനെ പറയാൻ അവനെ പ്രേരി​പ്പി​ച്ചത്‌ എന്താണ്‌? എല്ലാവ​രും യഹോ​വയെ മാത്രം സേവി​ക്കുന്ന ആ കാലം എങ്ങനെ​യു​ള്ള​താ​യി​രി​ക്കു​മെന്ന്‌ ഹാനോക്ക്‌ മനസ്സിൽ കണ്ടിരി​ക്കാം.—എബ്രായർ 11:5, 6 വായി​ക്കുക.

 6. പ്രളയ​ത്തി​നു ശേഷം നോഹ എന്തി​നെ​ക്കു​റിച്ച്‌ ചിന്തി​ച്ചി​ട്ടു​ണ്ടാ​കും?

⁶ യഹോ​വ​യി​ലു​ണ്ടാ​യി​രുന്ന ഉറച്ച വിശ്വാ​സം പ്രളയത്തെ അതിജീ​വി​ക്കാൻ നോഹയെ സഹായി​ച്ചു. (എബ്രാ. 11:7) ആ വിശ്വാ​സം നിമി​ത്ത​മാണ്‌ നോഹ പ്രളയ​ത്തി​നു ശേഷം യഹോ​വ​യ്‌ക്കു മൃഗങ്ങളെ യാഗമാ​യി അർപ്പി​ച്ചത്‌. (ഉല്‌പ. 8:20) ഭൂമി വീണ്ടും ദുഷ്ടത​കൊ​ണ്ടു നിറഞ്ഞു. നി​മ്രോദ്‌ ഭരണം തുടങ്ങി. ആളുകൾ യഹോ​വ​യ്‌ക്കെ​തി​രെ മത്സരി​ക്ക​ണ​മെന്ന്‌ അവൻ ആഗ്രഹി​ച്ചു. (ഉല്‌പ. 10:8-12) എന്നാൽ നോഹ​യു​ടെ വിശ്വാ​സം ഈടു​റ്റ​താ​യി​രു​ന്നു. ഒരുനാൾ പാപവും മരണവും യഹോവ എന്നെ​ന്നേ​ക്കു​മാ​യി തുടച്ചു​നീ​ക്കു​മെന്ന്‌ ഹാബേ​ലി​നെ​പ്പോ​ലെ നോഹ​യ്‌ക്കും ഉറപ്പു​ണ്ടാ​യി​രു​ന്നു. ക്രൂര​രായ ഭരണാ​ധി​പ​ന്മാ​രി​ല്ലാത്ത ഒരു കാല​ത്തെ​ക്കു​റി​ച്ചും നോഹ ചിന്തി​ച്ചി​ട്ടു​ണ്ടാ​കും. നോഹ​യെ​പ്പോ​ലെ നമുക്കും തൊട്ട​ടുത്ത്‌ വരാനി​രി​ക്കുന്ന ശുഭകാ​ല​ത്തെ​ക്കു​റി​ച്ചുള്ള ചിന്തകൾ മനസ്സിൽ അടുപ്പി​ച്ചു​നി​റു​ത്താം.—റോമ. 6:23.

 7. എങ്ങനെ​യുള്ള ഒരു ഭാവി​യാണ്‌ അബ്രാ​ഹാ​മും യിസ്‌ഹാ​ക്കും യാക്കോ​ബും ഭാവന​യിൽ കണ്ടത്‌?

⁷ അബ്രാ​ഹാ​മും യിസ്‌ഹാ​ക്കും യാക്കോ​ബും നല്ലൊരു ഭാവി മനസ്സിൽ കണ്ടു. അവരുടെ “സന്തതി”യിലൂടെ ലോക​ത്തി​ലെ മുഴു​ജ​ന​ത​യും അനു​ഗ്ര​ഹി​ക്ക​പ്പെ​ടു​മെന്ന്‌ യഹോവ വാഗ്‌ദാ​നം ചെയ്‌തു. (ഉല്‌പ. 22:18; 26:4; 28:14) അവരുടെ കുടും​ബം ഒരു വലിയ ജനതയാ​യി​ത്തീ​രു​മെ​ന്നും മനോ​ഹ​ര​മായ വാഗ്‌ദ​ത്ത​ദേ​ശത്ത്‌ വസിക്കു​മെ​ന്നും ദൈവം അവർക്ക്‌ ഉറപ്പു​കൊ​ടു​ത്തി​രു​ന്നു. (ഉല്‌പ. 15:5-7) യഹോ​വ​യു​ടെ വാഗ്‌ദാ​നങ്ങൾ അതേപടി നിറ​വേ​റു​മെന്ന്‌ അബ്രാ​ഹാ​മി​നും യിസ്‌ഹാ​ക്കി​നും യാക്കോ​ബി​നും ബോധ്യ​മു​ണ്ടാ​യി​രു​ന്ന​തു​കൊണ്ട്‌ തങ്ങളുടെ കുടും​ബങ്ങൾ അപ്പോൾത്തന്നെ അവിടെ ജീവി​ക്കു​ന്ന​താ​യി അവർക്ക്‌ ഭാവന​യിൽ കാണാൻ കഴിഞ്ഞു. ആദാമും ഹവ്വായും പാപം ചെയ്‌ത​തി​ലൂ​ടെ മനുഷ്യ​രു​ടെ പൂർണത നഷ്ടമാ​യെ​ങ്കി​ലും, നഷ്ടമായ പറുദീ​സാ​നു​ഗ്ര​ഹങ്ങൾ വീണ്ടും എങ്ങനെ കൈവ​രു​മെന്ന്‌ അന്നുമു​തൽ യഹോവ വിശ്വ​സ്‌ത​രായ തന്റെ ദാസർക്ക്‌ വെളി​പ്പെ​ടു​ത്തി.

 8. ശക്തമായ വിശ്വാ​സ​വും അനുസ​ര​ണ​വും ഉള്ളവനാ​യി​രി​ക്കാൻ അബ്രാ​ഹാ​മി​നെ സഹായി​ച്ചത്‌ എന്താണ്‌?

⁸ ശക്തമായ വിശ്വാ​സ​മു​ണ്ടാ​യി​രു​ന്ന​തു​കൊണ്ട്‌ പ്രതി​കൂ​ല​സാ​ഹ​ച​ര്യ​ങ്ങ​ളിൽപ്പോ​ലും അബ്രാ​ഹാം യഹോ​വ​യോട്‌ അനുസ​ര​ണ​മു​ള്ള​വ​നാ​യി​രു​ന്നു. തങ്ങളുടെ ജീവി​ത​കാ​ലത്ത്‌ നിവൃ​ത്തി​യേ​റാ​തി​രുന്ന കാര്യ​ങ്ങ​ളു​ടെ​പോ​ലും മിഴി​വുറ്റ മനോ​ഹ​ര​ദൃ​ശ്യ​ങ്ങൾ മനക്കണ്ണി​ലൂ​ടെ നോക്കി​ക്കാ​ണാൻ അബ്രാ​ഹാ​മി​നും മറ്റു വിശ്വ​സ്‌ത​ദൈ​വ​ദാ​സർക്കും കഴിഞ്ഞു. ബൈബിൾ പറയുന്നു: ‘അവർ ദൂരത്തു​നിന്ന്‌ അവ കണ്ട്‌ സന്തോ​ഷി​ച്ചു.’ (എബ്രായർ 11:8-13 വായി​ക്കുക.) കഴിഞ്ഞ കാലങ്ങ​ളിൽ യഹോവ തന്റെ വാഗ്‌ദാ​നങ്ങൾ വള്ളിപു​ള്ളി തെറ്റാതെ പാലി​ച്ചി​രു​ന്നെന്ന കാര്യം അബ്രാ​ഹാ​മിന്‌ അറിയാ​മാ​യി​രു​ന്നു. അതു​കൊണ്ട്‌ ഭാവി​യെ​ക്കു​റിച്ച്‌ പറഞ്ഞി​രി​ക്കുന്ന കാര്യ​ങ്ങ​ളും യഹോവ അണുവിട തെറ്റാതെ നിറ​വേ​റ്റു​മെന്ന്‌ അബ്രാ​ഹാ​മിന്‌ ഉറച്ച​ബോ​ധ്യ​മു​ണ്ടാ​യി​രു​ന്നു.

 9. യഹോ​വ​യു​ടെ വാഗ്‌ദാ​ന​ങ്ങ​ളി​ലുള്ള അബ്രാ​ഹാ​മി​ന്റെ വിശ്വാ​സം അവനെ സഹായി​ച്ചത്‌ എങ്ങനെ?

⁹ യഹോ​വ​യു​ടെ വാഗ്‌ദാ​ന​ങ്ങ​ളിൽ വിശ്വാ​സ​മു​ണ്ടാ​യി​രു​ന്ന​തു​കൊണ്ട്‌ യഹോവ തന്നോട്‌ ചെയ്യാൻ പറഞ്ഞ​തെ​ല്ലാം അബ്രാ​ഹാം അതേപടി ചെയ്‌തു. ഉദാഹ​ര​ണ​ത്തിന്‌, അവൻ ഊർ നഗരത്തി​ലെ തന്റെ ഭവനം ഉപേക്ഷി​ച്ചെന്നു മാത്രമല്ല തന്റെ ശിഷ്ടകാ​ലം ഏതെങ്കി​ലു​മൊ​രു പട്ടണത്തിൽ സ്ഥിരതാ​മ​സ​മാ​ക്കാൻ തുനി​ഞ്ഞ​തു​മില്ല. ചുറ്റു​മുള്ള നഗരങ്ങ​ളി​ലെ ഭരണാ​ധി​പ​ന്മാർ യഹോ​വയെ സേവി​ക്കാ​ത്ത​വ​രാ​യി​രു​ന്ന​തു​കൊണ്ട്‌ ആ നഗരങ്ങൾ എന്നേക്കും നിലനിൽക്കി​ല്ലെന്ന്‌ അവന്‌ അറിയാ​മാ​യി​രു​ന്നു. (യോശു. 24:2) യഹോ​വ​യു​ടെ ഗവണ്മെന്റ്‌ ഭൂമിയെ എന്നേക്കും ഭരിക്കുന്ന കാലത്തി​നാ​യി അവൻ ആകാം​ക്ഷ​യോ​ടെ കാത്തി​രു​ന്നു. “ദൈവം​തന്നെ ശിൽപ്പി​യും നിർമാ​താ​വും ആയിരി​ക്കുന്ന, യഥാർഥ അടിസ്ഥാ​ന​ങ്ങ​ളുള്ള നഗര”മാണ്‌ ആ ഗവണ്മെന്റ്‌. (എബ്രാ. 11:10) അബ്രാ​ഹാ​മും ഹാബേൽ, ഹാനോക്ക്‌, നോഹ എന്നിവ​രുൾപ്പെടെ മറ്റു ദൈവ​ദാ​സ​രും പുനരു​ത്ഥാ​ന​ത്തിൽ വിശ്വ​സി​ച്ചി​രു​ന്നു. മനോ​ഹ​ര​മായ ഭൂമി​യിൽ എന്നേക്കും ജീവി​ക്കു​ന്ന​തി​നെ​ക്കു​റിച്ച്‌ വിഭാവന ചെയ്‌ത​പ്പോ​ഴെ​ല്ലാം യഹോ​വ​യി​ലുള്ള അവരുടെ വിശ്വാ​സം കരുത്തു​റ്റ​താ​യി​ത്തീർന്നു​കൊ​ണ്ടേ​യി​രു​ന്നു.—എബ്രായർ 11:15, 16 വായി​ക്കുക.

10. ഭാവി​യെ​ക്കു​റിച്ച്‌ ഭാവന​യിൽ കണ്ടത്‌ സാറാ​യ്‌ക്ക്‌ എങ്ങനെ പ്രയോ​ജനം ചെയ്‌തു?

¹⁰ അബ്രാ​ഹാ​മി​ന്റെ ഭാര്യ​യാ​യി​രുന്ന സാറാ​യ്‌ക്ക്‌ യഹോ​വ​യു​ടെ വാഗ്‌ദാ​ന​ങ്ങ​ളിൽ അടിയു​റച്ച വിശ്വാ​സ​മു​ണ്ടാ​യി​രു​ന്നു. 90 വയസ്സാ​യി​ട്ടും കുട്ടി​ക​ളി​ല്ലാ​തി​രുന്ന സാറാ, താൻ ഒരു അമ്മയാ​കുന്ന ദിവസ​ത്തി​നാ​യി കാത്തി​രു​ന്നു. തന്റെ മക്കൾ ഒരു വലിയ ജനതയാ​യി​ത്തീ​രു​ന്ന​തു​പോ​ലും സാറാ​യ്‌ക്ക്‌ ഭാവന​യിൽ കാണാൻ കഴിഞ്ഞു. (എബ്രാ. 11:11, 12) അവൾക്ക്‌ അതിൽ അത്രമാ​ത്രം ഉറപ്പു​ണ്ടാ​യി​രു​ന്നത്‌ എന്തു​കൊ​ണ്ടാണ്‌? കാരണം, യഹോവ അബ്രാ​ഹാ​മി​നോട്‌ പറഞ്ഞ കാര്യം അവൾക്ക്‌ അറിയാ​മാ​യി​രു​ന്നു: “ഞാൻ അവളെ അനു​ഗ്ര​ഹിച്ച്‌ അവളിൽനി​ന്നു നിനക്കു ഒരു മകനെ തരും; ഞാൻ അവളെ അനു​ഗ്ര​ഹി​ക്ക​യും അവൾ ജാതി​കൾക്കു മാതാ​വാ​യി തീരു​ക​യും ജാതി​ക​ളു​ടെ രാജാ​ക്ക​ന്മാർ അവളിൽനി​ന്നു ഉത്ഭവി​ക്ക​യും ചെയ്യും.” (ഉല്‌പ. 17:16) യഹോവ പറഞ്ഞതു​പോ​ലെ​തന്നെ സാറാ ഒരു കുഞ്ഞിനു ജന്മം നൽകി; യിസ്‌ഹാ​ക്കിന്‌. യഹോ​വ​യു​ടെ ഭാവി വാഗ്‌ദാ​നങ്ങൾ നിശ്ചയ​മാ​യും നിറ​വേ​റു​മെന്ന്‌ ഈ അത്ഭുതം അവളെ ബോധ്യ​പ്പെ​ടു​ത്തി. യഹോ​വ​യു​ടെ വിസ്‌മ​യ​ക​ര​മായ വാഗ്‌ദാ​ന​ങ്ങ​ളെ​ക്കു​റിച്ച്‌ ഭാവന​യിൽ കാണു​ന്ന​തി​ലൂ​ടെ നമുക്കും നമ്മുടെ വിശ്വാ​സം കൂടുതൽ ബലിഷ്‌ഠ​മാ​ക്കാം.

11, 12. യഹോ​വയെ അധിക​മ​ധി​കം സ്‌നേ​ഹി​ക്കാൻ മോശയെ സഹായി​ച്ചത്‌ എന്താണ്‌?

¹¹ മോശ​യ്‌ക്കും യഹോ​വ​യു​ടെ വാഗ്‌ദാ​ന​ങ്ങ​ളിൽ വിശ്വാ​സ​മു​ണ്ടാ​യി​രു​ന്നു. ഈജി​പ്‌തി​ലെ ഒരു രാജകു​മാ​ര​നാ​യി​ട്ടാണ്‌ അവൻ വളർന്നു​വ​ന്നത്‌. മറ്റെന്തി​നെ​ക്കാ​ളും അധിക​മാ​യി യഹോ​വയെ സ്‌നേ​ഹി​ച്ചി​രു​ന്ന​തി​നാൽ ഈജി​പ്‌തി​ലെ ധനവും അധികാ​ര​വും ഒന്നും അവന്‌ ഒന്നുമ​ല്ലാ​യി​രു​ന്നു. എബ്രാ​യ​മാ​താ​പി​താ​ക്ക​ളിൽനിന്ന്‌ മോശ യഹോ​വ​യെ​ക്കു​റി​ച്ചു പഠിച്ചി​രു​ന്നു. യഹോവ എബ്രാ​യരെ അടിമ​ത്ത​ത്തിൽനിന്ന്‌ മോചി​പ്പി​ക്കു​മെ​ന്നും വാഗ്‌ദ​ത്ത​ദേശം കൊടു​ക്കു​മെ​ന്നും അവർ അവനെ പഠിപ്പി​ച്ചി​രു​ന്നു. (ഉല്‌പ. 13:14, 15; പുറ. 2:5-10) ഈ വാഗ്‌ദാ​ന​ങ്ങ​ളെ​ക്കു​റിച്ച്‌ മോശ എത്രയ​ധി​കം ചിന്തി​ച്ചോ യഹോ​വ​യോ​ടുള്ള അവന്റെ സ്‌നേഹം അത്രയ​ധി​കം ആഴമു​ള്ള​താ​യി​ത്തീർന്നു.

¹² മോശ ചിന്തി​ച്ചു​കൊ​ണ്ടി​രുന്ന കാര്യം എന്തായി​രു​ന്നെന്ന്‌ ബൈബിൾ പറയുന്നു: “വിശ്വാ​സ​ത്താൽ മോശ താൻ വളർന്ന​പ്പോൾ ഫറവോ​ന്റെ പുത്രി​യു​ടെ മകൻ എന്നു വിളി​ക്ക​പ്പെ​ടാൻ വിസമ്മ​തി​ച്ചു. പാപത്തി​ന്റെ ക്ഷണിക​സു​ഖ​ത്തെ​ക്കാൾ ദൈവ​ജ​ന​ത്തോ​ടൊ​പ്പ​മുള്ള കഷ്ടാനു​ഭവം അവൻ തിര​ഞ്ഞെ​ടു​ത്തു. ദൈവ​ത്തി​ന്റെ അഭിഷി​ക്ത​നെന്ന നിലയിൽ സഹി​ക്കേ​ണ്ടി​യി​രുന്ന നിന്ദയെ ഈജി​പ്‌റ്റി​ലെ നിക്ഷേ​പ​ങ്ങ​ളെ​ക്കാൾ മഹത്തര​മായ ധനമായി അവൻ കണക്കാക്കി; എന്തെന്നാൽ ലഭിക്കാ​നി​രുന്ന പ്രതി​ഫ​ല​ത്തി​ല​ത്രേ അവൻ ദൃഷ്ടി​പ​തി​പ്പി​ച്ചത്‌.”—എബ്രാ. 11:24-26.

13. യഹോ​വ​യു​ടെ വാഗ്‌ദാ​ന​ങ്ങ​ളെ​ക്കു​റിച്ച്‌ ചിന്തി​ച്ചു​കൊ​ണ്ടേ​യി​രു​ന്നത്‌ മോശ​യ്‌ക്കു പ്രയോ​ജനം ചെയ്‌തത്‌ എങ്ങനെ?

¹³ എബ്രാ​യരെ അടിമ​ത്ത​ത്തിൽനി​ന്നു മോചി​പ്പി​ക്കു​മെന്ന യഹോ​വ​യു​ടെ വാഗ്‌ദാ​ന​ത്തെ​ക്കു​റിച്ച്‌ മോശ ആഴമായി ചിന്തിച്ചു. യഹോവ സകല മനുഷ്യ​രെ​യും മരണത്തിൽനിന്ന്‌ മോചി​പ്പി​ക്കു​മെന്ന കാര്യം മറ്റു ദൈവ​ദാ​സ​രെ​പ്പോ​ലെ അവനും അറിയാ​മാ​യി​രു​ന്നു. (ഇയ്യോ. 14:14, 15; എബ്രാ. 11:17-19) യഹോവ എബ്രാ​യ​രെ​യും മറ്റെല്ലാ മനുഷ്യ​രെ​യും എത്രയ​ധി​കം സ്‌നേ​ഹി​ക്കു​ന്നു​വെന്ന്‌ മോശ അതുവഴി മനസ്സി​ലാ​ക്കി. ഇത്‌ യഹോ​വയെ കൂടു​ത​ലാ​യി സ്‌നേ​ഹി​ക്കാ​നും അവനിൽ ശക്തമായ വിശ്വാ​സ​മു​ണ്ടാ​യി​രി​ക്കാ​നും മോശയെ സഹായി​ച്ചു. ജീവി​ത​ത്തി​ലു​ട​നീ​ളം യഹോ​വയെ സേവി​ക്കാൻ ഇത്‌ അവനെ പ്രാപ്‌ത​നാ​ക്കി. (ആവ. 6:4, 5) ഫറവോൻ അവനെ കൊല്ലാൻ തുനി​ഞ്ഞ​പ്പോൾപ്പോ​ലും അവൻ ഭയചകി​ത​നാ​യില്ല. യഹോവ തനിക്കു ഭാവി​യിൽ പ്രതി​ഫലം നൽകു​മെന്ന്‌ അവന്‌ അറിയാ​മാ​യി​രു​ന്നു.—പുറ. 10:28, 29.

14. ഭാവി​യെ​ക്കു​റിച്ച്‌ ചിലർ എന്തൊ​ക്കെ​യാണ്‌ ചിന്തി​ക്കു​ന്നത്‌?

¹⁴ അനേകം ആളുക​ളും ഭാവി​യെ​ക്കു​റിച്ച്‌ നടക്കാത്ത സ്വപ്‌നങ്ങൾ നെയ്‌തു​കൂ​ട്ടു​ന്നു. ഉദാഹ​ര​ണ​ത്തിന്‌, ദാരി​ദ്ര്യ​ത്തി​ന്റെ പടുകു​ഴി​യിൽ കഴിയുന്ന ചിലർ തങ്ങൾ ഒരുനാൾ സമ്പന്നത​യു​ടെ കൊടു​മു​ടി​യിൽ എത്തു​മെ​ന്നും ഒരു അല്ലലു​മി​ല്ലാ​തെ ജീവി​ക്കു​മെ​ന്നും ദിവാ​സ്വ​പ്‌നം കാണുന്നു. എന്നാൽ സാത്താന്റെ ഈ ലോകം എല്ലായ്‌പോ​ഴും ‘പ്രയാ​സ​വും ദുഃഖ​വും’ നിറഞ്ഞ​താ​ണെന്ന്‌ ബൈബിൾ പറയുന്നു. (സങ്കീ. 90:10) ചിലർ വിചാ​രി​ക്കു​ന്നത്‌ മനുഷ്യ​ഗ​വ​ണ്മെ​ന്റു​കൾ ലോക​ത്തി​ലെ പ്രശ്‌ന​ങ്ങ​ളെ​ല്ലാം പരിഹ​രി​ക്കു​മെ​ന്നാണ്‌. എന്നാൽ ബൈബിൾ പറയു​ന്നത്‌ ദൈവ​ത്തി​ന്റെ ഗവണ്മെ​ന്റി​നു മാത്രമേ അത്‌ സാധിക്കൂ എന്നാണ്‌. (ദാനീ. 2:44) മറ്റു ചിലർ വിശ്വ​സി​ക്കു​ന്നത്‌ ഈ ലോകം ഇതു​പോ​ലെ​തന്നെ തുടരു​മെ​ന്നാണ്‌. എന്നാൽ ബൈബിൾ പറയു​ന്നത്‌ ദൈവം ഈ ദുഷ്ട​ലോ​കത്തെ തച്ചുട​യ്‌ക്കു​മെ​ന്നാണ്‌. (സെഫ. 1:18; 1 യോഹ. 2:15-17) യഹോവ പറഞ്ഞി​രി​ക്കു​ന്ന​തിന്‌ വിരു​ദ്ധ​മായ കാര്യ​ങ്ങൾകൊണ്ട്‌ മനക്കോ​ട്ട​കെ​ട്ടു​ന്ന​വ​രെ​ല്ലാം നിരാ​ശി​ത​രാ​കും.

15. (എ) ദൈവം നൽകാൻപോ​കുന്ന ഭാവി​യെ​ക്കു​റിച്ച്‌ വിഭാവന ചെയ്യു​ന്നത്‌ നമുക്ക്‌ എങ്ങനെ പ്രയോ​ജനം ചെയ്യും? (ബി) യഹോ​വ​യു​ടെ ഭാവി​വാ​ഗ്‌ദാ​ന​ങ്ങ​ളിൽ ഏതിനു​വേ​ണ്ടി​യാണ്‌ നിങ്ങൾ ആകാം​ക്ഷ​യോ​ടെ കാത്തി​രി​ക്കു​ന്നത്‌?

¹⁵ ശോഭ​ന​മായ ഒരു ഭാവി​യാണ്‌ യഹോവ നമുക്കാ​യി വെച്ചു​നീ​ട്ടി​യി​രി​ക്കു​ന്നത്‌. ആ കാല​ത്തെ​ക്കു​റിച്ച്‌ ചിന്തി​ക്കു​മ്പോൾ നമ്മൾ സന്തോ​ഷ​ഭ​രി​ത​രാ​കും. യഹോ​വയെ സേവി​ക്കാ​നുള്ള ധൈര്യം നമുക്കു കൈവ​രും. നിങ്ങളു​ടെ പ്രത്യാശ സ്വർഗീ​യ​മാ​യാ​ലും ഭൗമി​ക​മാ​യാ​ലും യഹോവ തന്റെ വാഗ്‌ദാ​നങ്ങൾ പാലി​ക്കു​മ്പോൾ നിങ്ങൾ ആസ്വദി​ക്കാ​നി​രി​ക്കുന്ന അനു​ഗ്ര​ഹ​ങ്ങ​ളെ​ക്കു​റിച്ച്‌ ഇപ്പോൾ വിഭാവന ചെയ്യാൻ നിങ്ങൾക്കാ​കു​ന്നു​ണ്ടോ? നിങ്ങൾ ഭൂമി​യിൽ നിത്യം ജീവി​ക്കാൻ ആഗ്രഹി​ക്കു​ന്ന​വ​രാ​ണെ​ങ്കിൽ ഇങ്ങനെ​യൊന്ന്‌ ചിന്തിച്ചു നോക്കൂ: ഈ ഭൂമിയെ ഒരു മനോ​ഹ​ര​മായ പൂന്തോ​ട്ട​മാ​ക്കി മാറ്റാൻ നിങ്ങളും സുഹൃ​ത്തു​ക്ക​ളും തോ​ളോ​ടു​തോൾ ചേർന്ന്‌ പ്രവർത്തി​ക്കു​ന്നു. അതിന്‌ മേൽനോ​ട്ടം വഹിക്കു​ന്നവർ നിങ്ങൾക്കാ​യി കരുതു​ന്നു. നിങ്ങ​ളെ​പ്പോ​ലെ മറ്റുള്ള​വ​രും യഹോ​വയെ സ്‌നേ​ഹി​ക്കു​ന്ന​വ​രാണ്‌. നിങ്ങൾ ആരോ​ഗ്യ​മു​ള്ള​വ​രും ഊർജ​സ്വ​ല​രും ആണ്‌. നിങ്ങൾക്ക്‌ ഒരു ഉത്‌ക​ണ്‌ഠ​യു​മില്ല. നിങ്ങളു​ടെ കഴിവു​ക​ളും പ്രാപ്‌തി​ക​ളും മറ്റുള്ള​വരെ സഹായി​ക്കു​ന്ന​തി​നും യഹോ​വ​യ്‌ക്കു മഹത്ത്വം കരേറ്റു​ന്ന​തി​നും ആയി ഉപയോ​ഗി​ക്കാ​നാ​കു​ന്ന​തിൽ നിങ്ങൾ അതീവ​സ​ന്തു​ഷ്ട​രാണ്‌. ഒരുപക്ഷേ, പുനരു​ത്ഥാ​നം പ്രാപി​ച്ചു​വ​രു​ന്ന​വരെ യഹോ​വ​യെ​ക്കു​റിച്ച്‌ അറിയാൻ നിങ്ങൾ സഹായി​ക്കു​ക​പോ​ലും ചെയ്‌തേ​ക്കാം. (യോഹ. 17:3; പ്രവൃ. 24:15) ഇതെല്ലാം വെറു​മൊ​രു സ്വപ്‌നമല്ല, ഭാവി​യെ​ക്കു​റിച്ച്‌ ബൈബിൾ പറയുന്ന സത്യങ്ങ​ളാണ്‌.—യെശ. 11:9; 25:8; 33:24; 35:5-7; 65:22.

16, 17. യഹോവ വാഗ്‌ദാ​നം ചെയ്‌തി​രി​ക്കുന്ന ഭാവി​യെ​ക്കു​റിച്ച്‌ സംസാ​രി​ക്കു​ന്ന​തി​ന്റെ പ്രയോ​ജനം എന്ത്‌?

¹⁶ പുതിയ ലോക​ത്തിൽ ചെയ്യാൻ ആഗ്രഹി​ക്കുന്ന കാര്യ​ങ്ങ​ളെ​ക്കു​റിച്ച്‌ സഹോ​ദ​രീ​സ​ഹോ​ദ​ര​ന്മാ​രോട്‌ പറയു​മ്പോൾ ആ സുന്ദര​ഭാ​വി വ്യക്തമാ​യി ഭാവന​യിൽ കാണാൻ നമ്മൾ അന്യോ​ന്യം സഹായി​ക്കു​ക​യാണ്‌. ഭാവി​യിൽ നമ്മൾ എന്തായി​രി​ക്കും ചെയ്യാൻപോ​കു​ന്നത്‌ എന്ന്‌ കൃത്യ​മാ​യി ഇപ്പോൾ അറിയില്ല. എങ്കിലും കാത്തി​രി​ക്കുന്ന കാര്യ​ങ്ങ​ളെ​ക്കു​റിച്ച്‌ സംസാ​രി​ക്കു​മ്പോൾ നമ്മൾ യഹോ​വ​യു​ടെ വാഗ്‌ദാ​ന​ങ്ങ​ളി​ലുള്ള വിശ്വാ​സ​മാണ്‌ പ്രകട​മാ​ക്കു​ന്നത്‌. ഇങ്ങനെ ചെയ്യു​ന്ന​തി​ലൂ​ടെ ദുഷ്‌ക​ര​മായ സാഹച​ര്യ​ങ്ങ​ളി​ലും യഹോ​വയെ വിശ്വ​സ്‌ത​മാ​യി സേവി​ക്കാൻ പരസ്‌പരം പ്രോ​ത്സാ​ഹി​പ്പി​ക്കു​ക​യാണ്‌ നമ്മൾ. ഇതുത​ന്നെ​യാണ്‌ റോമി​ലാ​യി​രു​ന്ന​പ്പോൾ പൗലോസ്‌ അപ്പൊ​സ്‌ത​ല​നും മറ്റു സഹോ​ദ​ര​ങ്ങ​ളും ചെയ്‌തത്‌.—റോമ. 1:11, 12.

¹⁷ യഹോവ വാഗ്‌ദാ​നം ചെയ്‌തി​രി​ക്കുന്ന ഭാവി​യെ​ക്കു​റിച്ച്‌ ചിന്തി​ക്കു​ന്നത്‌ ഇപ്പോൾ നമുക്കുള്ള പ്രശ്‌ന​ങ്ങ​ളെ​ക്കു​റിച്ച്‌ അമിത​മാ​യി ചിന്തി​ക്കാ​തി​രി​ക്കാൻ നമ്മെ സഹായി​ക്കും. ആശങ്ക​യോ​ടെ പത്രോസ്‌ ഒരിക്കൽ യേശു​വി​നോട്‌ ഇങ്ങനെ ചോദി​ച്ചു: “ഇതാ, ഞങ്ങൾ സകലതും ഉപേക്ഷി​ച്ചു നിന്നെ അനുഗ​മി​ച്ചി​രി​ക്കു​ന്നു; ഞങ്ങൾക്ക്‌ എന്തു ലഭിക്കും?” പത്രോ​സും മറ്റു ശിഷ്യ​ന്മാ​രും ഭാവി​യിൽ അവർ ചെയ്യാ​നി​രി​ക്കുന്ന മഹത്തര​മായ കാര്യ​ങ്ങ​ളെ​ക്കു​റിച്ച്‌ ചിന്തി​ക്ക​ണ​മെന്ന്‌ യേശു ആഗ്രഹി​ച്ചു. അതു​കൊണ്ട്‌ യേശു ഇങ്ങനെ പറഞ്ഞു: “മനുഷ്യ​പു​ത്രൻ തന്റെ മഹത്ത്വ​മാർന്ന സിംഹാ​സ​ന​ത്തിൽ ഇരിക്കു​മ്പോൾ എന്നെ അനുഗ​മി​ച്ചി​രി​ക്കുന്ന നിങ്ങളും പന്ത്രണ്ടു​സിം​ഹാ​സ​ന​ങ്ങ​ളി​ലി​രുന്ന്‌ ഇസ്രാ​യേ​ലി​ന്റെ പന്ത്രണ്ടു​ഗോ​ത്ര​ങ്ങ​ളെ​യും ന്യായം​വി​ധി​ക്കും. എന്റെ നാമ​ത്തെ​പ്രതി വീടു​ക​ളെ​യോ സഹോ​ദ​ര​ന്മാ​രെ​യോ സഹോ​ദ​രി​മാ​രെ​യോ അപ്പനെ​യോ അമ്മയെ​യോ മക്കളെ​യോ നിലങ്ങ​ളെ​യോ ഉപേക്ഷി​ച്ചു​പോന്ന ഏവനും ഇതൊ​ക്കെ​യും അനേകം മടങ്ങായി ലഭിക്കും; അവൻ നിത്യ​ജീ​വ​നും അവകാ​ശ​മാ​ക്കും.” (മത്താ. 19:27-29) അങ്ങനെ പത്രോ​സി​നും മറ്റു ശിഷ്യ​ന്മാർക്കും സ്വർഗ​ത്തി​ലി​രുന്ന്‌ യേശു​വി​നോ​ടൊ​പ്പം ഭരിക്കു​ന്ന​തും അനുസ​ര​ണ​മുള്ള സകല മനുഷ്യ​രെ​യും പൂർണ​ത​യി​ലേക്ക്‌ എത്താൻ സഹായി​ക്കു​ന്ന​തും ഭാവന​യിൽ കാണാ​നാ​യി.

18. യഹോവ തന്റെ വാഗ്‌ദാ​നങ്ങൾ നിവർത്തി​ക്കുന്ന കാല​ത്തെ​ക്കു​റിച്ച്‌ ഭാവന​യിൽ കാണു​ന്ന​തി​ന്റെ പ്രയോ​ജനം എന്ത്‌?

¹⁸ ശക്തമായ വിശ്വാ​സ​മു​ണ്ടാ​യി​രി​ക്കാൻ ദൈവ​ദാ​സരെ സഹായി​ച്ചത്‌ എന്താ​ണെന്ന്‌ നാം മനസ്സി​ലാ​ക്കി. ഒരു നല്ല ഭാവി​യെ​ക്കു​റി​ച്ചുള്ള യഹോ​വ​യു​ടെ വാഗ്‌ദാ​നം ഹാബേ​ലിന്‌ ഭാവന​യിൽ കാണാ​നാ​യി. ആ വാഗ്‌ദാ​ന​ത്തിൽ അവനു​ണ്ടാ​യി​രുന്ന വിശ്വാ​സം യഹോ​വ​യ്‌ക്ക്‌ പ്രസാ​ദ​ക​ര​മായ വിധത്തിൽ ജീവി​ക്കാൻ അവനെ സഹായി​ച്ചു. വാഗ്‌ദ​ത്ത​സ​ന്ത​തി​യെ​ക്കു​റി​ച്ചുള്ള യഹോ​വ​യു​ടെ വാഗ്‌ദാ​നം നിറ​വേ​റുന്ന കാലം അബ്രാ​ഹാം വിഭാവന ചെയ്‌തു. അത്‌ വളരെ പ്രയാ​സ​ക​ര​മായ സാഹച​ര്യ​ങ്ങ​ളിൽപ്പോ​ലും യഹോ​വയെ അനുസ​രി​ക്കാൻ അബ്രാ​ഹാ​മി​നെ സഹായി​ച്ചു. (ഉല്‌പ. 3:15) യഹോവ വാഗ്‌ദാ​നം ചെയ്‌തി​രുന്ന പ്രതി​ഫ​ല​ത്തി​നാ​യി മോശ നോക്കി​പ്പാർത്തി​രു​ന്നു. വിശ്വ​സ്‌ത​നാ​യി തുടരാ​നും യഹോ​വയെ അതിയാ​യി സ്‌നേ​ഹി​ക്കാ​നും അത്‌ മോശയെ സഹായി​ച്ചു. (എബ്രാ. 11:26) യഹോവ തന്റെ വാഗ്‌ദാ​നങ്ങൾ നിവർത്തി​ക്കുന്ന കാല​ത്തെ​ക്കു​റിച്ച്‌ ഭാവന​യിൽ കാണു​ന്നത്‌ യഹോ​വ​യി​ലുള്ള നമ്മുടെ വിശ്വാ​സ​വും അവനോ​ടുള്ള സ്‌നേ​ഹ​വും കരുത്തു​റ്റ​താ​ക്കും. നമ്മുടെ ഭാവനാ​ശേഷി ഉപയോ​ഗി​ക്കാ​നാ​കുന്ന മറ്റൊരു വിധ​ത്തെ​ക്കു​റിച്ച്‌ നമ്മൾ അടുത്ത ലേഖന​ത്തിൽ ചർച്ച ചെയ്യും.