ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ഏപ്രിൽ 22-28

ദൈവ​വ​ച​ന​ത്തി​ലെ നിധികൾ | 1 കൊരി​ന്ത്യർ 14–16

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

w12-E 9/1 9, ചതുരം

സ്‌ത്രീ​കൾ സഭകളിൽ സംസാരിക്കുന്നത്‌ അപ്പോസ്‌തലനായ പൗലോസ്‌ വിലക്കി​യോ?

“സ്‌ത്രീ​കൾ സഭകളിൽ മിണ്ടാ​തി​രി​ക്കട്ടെ” എന്നു പൗലോസ്‌ അപ്പോ​സ്‌തലൻ എഴുതി. (1 കൊരി​ന്ത്യർ 14:34) എന്താണു പൗലോസ്‌ അർഥമാ​ക്കി​യത്‌? അവരുടെ ബുദ്ധി​ശക്തി വില കുറച്ച്‌ കാണു​ക​യാ​യി​രു​ന്നോ? അല്ല. വാസ്‌ത​വ​ത്തിൽ, സ്‌ത്രീ​കൾ നല്ല കാര്യങ്ങൾ പഠിപ്പി​ക്കു​ന്ന​തി​നെ​പ്പറ്റി അദ്ദേഹം പലപ്പോ​ഴും എഴുതി​യി​ട്ടുണ്ട്‌. (2 തിമൊ​ഥെ​യൊസ്‌ 1:5; തീത്തോസ്‌ 2:3-5) കൊരി​ന്ത്യർക്കുള്ള തന്റെ കത്തിൽ, ഒരു വിശ്വാ​സി സംസാ​രി​ക്കു​മ്പോൾ ‘മിണ്ടാ​തി​രി​ക്കാൻ’ സ്‌ത്രീ​കളെ മാത്രമല്ല, ഭാഷാ​പ്രാ​പ്‌തി​യും പ്രവച​ന​വ​ര​വും ഉള്ള വ്യക്തി​ക​ളെ​യും പൗലോസ്‌ ഉപദേ​ശി​ച്ചു. (1 കൊരി​ന്ത്യർ 14:26-30, 33) സാധ്യ​ത​യ​നു​സ​രിച്ച്‌, തങ്ങൾ പുതു​താ​യി കണ്ടെത്തിയ വിശ്വാ​സ​ത്തിൽ ആവേശം​കൊണ്ട്‌ ചില ക്രിസ്‌തീ​യ​സ്‌ത്രീ​കൾ പ്രസം​ഗ​ക​നോട്‌ ഇടയ്‌ക്കു​ക​യറി ചോദ്യ​ങ്ങൾ ചോദി​ച്ചി​രു​ന്നു. ലോക​ത്തി​ന്റെ ആ ഭാഗത്ത്‌ അങ്ങനെ​യൊ​രു രീതി​യു​ണ്ടാ​യി​രു​ന്നു. ഇങ്ങനെ​യുള്ള ക്രമമി​ല്ലാത്ത രീതികൾ ഒഴിവാ​ക്കു​ന്ന​തിന്‌, സ്‌ത്രീ​കൾ ‘വീട്ടിൽവെച്ച്‌ ഭർത്താ​വി​നോ​ടു ചോദി​ക്കാൻ’ പൗലോസ്‌ അവരെ പ്രോ​ത്സാ​ഹി​പ്പി​ച്ചു.—1 കൊരി​ന്ത്യർ 14:35.

it-1-E 1197-1198

അനശ്വരത

യേശു​വി​ന്റേ​തു​പോ​ലുള്ള പുനരു​ത്ഥാ​ന​ത്തിൽ യേശു​വി​നോ​ടു ചേരുന്ന കൂട്ടവ​കാ​ശി​കൾ, ആത്മവ്യ​ക്തി​കൾ എന്ന നിലയി​ലാ​ണ​ല്ലോ ഉയിർപ്പി​ക്ക​പ്പെ​ടു​ന്നത്‌. അവർ എന്നേക്കും ജീവി​ക്കു​മെന്നു മാത്രമല്ല അവർക്ക്‌ അമർത്യ​ത​യും അനശ്വ​ര​ത​യും ലഭിക്കും. നശ്വര​മായ, അതായത്‌ ജീർണി​ച്ചു​പോ​കുന്ന, ഭൗതി​ക​ശ​രീ​ര​ത്തി​ലാ​യി​രുന്ന കാലത്ത്‌ അവർ വിശ്വ​സ്‌ത​മാ​യി സേവിച്ചു, മരിച്ചു. അവർക്കു പൗലോസ്‌ 1 കൊരി​ന്ത്യർ 15:42-ൽ വ്യക്തമാ​യി പറയു​ന്ന​തു​പോ​ലെ അനശ്വ​ര​മായ, അതായത്‌ ജീർണി​ക്കാത്ത, ആത്മശരീ​രങ്ങൾ ലഭിക്കു​ന്നു. അമർത്യത എന്നതു​കൊണ്ട്‌ ഉദ്ദേശി​ക്കു​ന്നത്‌, അവർ ആസ്വദി​ക്കുന്ന ജീവന്റെ ഗുണ​മേ​ന്മ​യാണ്‌, അതായത്‌ അവരുടെ ജീവൻ അനന്തവും നശിപ്പി​ക്ക​പ്പെ​ടാ​നാ​കാ​ത്ത​തും ആയിരി​ക്കും എന്നാണ്‌. അതേസ​മയം അനശ്വരത എന്നു പറഞ്ഞാൽ ദൈവം അവർക്കു നൽകുന്ന ശരീരം ജീർണി​ക്കാ​ത്ത​തും കേടു​പാ​ടു പറ്റാത്ത​തും നശിക്കാ​ത്ത​തും ആയിരി​ക്കും എന്നാണ്‌. ദൈവം അവർക്കു സ്വയം നിലനിൽക്കാ​നുള്ള ശക്തി കൊടു​ക്കു​ന്ന​തു​പോ​ലെ തോന്നു​ന്നു. അവർക്കു മറ്റ്‌ ഉറവി​ട​ങ്ങ​ളിൽനി​ന്നുള്ള ഊർജ​ത്തി​ന്റെ ആവശ്യ​മില്ല. സ്വർഗ​ത്തി​ലും ഭൂമി​യി​ലും ദൈവം സൃഷ്ടിച്ച മറ്റൊ​ന്നി​നും ഈ പ്രാപ്‌തി​യില്ല. ദൈവ​ത്തിന്‌ അവരി​ലുള്ള വിശ്വാ​സ​ത്തി​ന്റെ ശക്തമായ തെളി​വാണ്‌ ഇത്‌. ആരെയും ആശ്രയി​ക്കാ​തെ​യും നാശമി​ല്ലാ​തെ​യും ഉള്ള ഇത്തരം ജീവിതം അവരെ ദൈവ​ത്തി​ന്റെ നിയ​ന്ത്ര​ണ​ത്തിൽനിന്ന്‌ നീക്കി​ക്ക​ള​യു​ന്നില്ല. മറിച്ച്‌ അവർ അവരുടെ തലയായ ക്രിസ്‌തു​യേ​ശു​വി​നെ​പ്പോ​ലെ തങ്ങളുടെ പിതാ​വി​ന്റെ ഇഷ്ടത്തി​നും മാർഗ​ദർശ​ന​ത്തി​നും തുടർന്നും കീഴ്‌പെ​ടും.—1കൊ 15:23-28.