ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ജൂലൈ 1-7

ദൈവ​വ​ച​ന​ത്തി​ലെ നിധികൾ | കൊ​ലോ​സ്യർ 1-4

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-2-E 169 ¶3-5

ദൈവ​രാ​ജ്യം

‘തന്റെ പ്രിയ​പു​ത്രന്റെ രാജ്യം.’ യേശു​വി​ന്റെ സ്വർഗാ​രോ​ഹ​ണ​ത്തി​നു ശേഷം പത്തു ദിവസം കഴിഞ്ഞ്‌, എ.ഡി. 33-ലെ പെന്തി​ക്കോ​സ്‌തിന്‌, യേശു ‘ദൈവ​ത്തി​ന്റെ വലതു​ഭാ​ഗ​ത്തേക്ക്‌ ഉയർത്ത​പ്പെട്ടു’ എന്നതിനു ശിഷ്യ​ന്മാർക്കു തെളിവ്‌ ലഭിച്ചു. യേശു അവരുടെ മേൽ പരിശു​ദ്ധാ​ത്മാ​വി​നെ പകർന്ന​പ്പോ​ഴാ​യി​രു​ന്നു അത്‌. (പ്രവൃ 1:8, 9; 2:1-4, 29-33) അങ്ങനെ “പുതിയ ഉടമ്പടി” പ്രാബ​ല്യ​ത്തിൽ വന്നു, അതുവഴി ആ ശിഷ്യ​ന്മാർ ആത്മീയ ഇസ്രാ​യേ​ലാ​കുന്ന ‘വിശു​ദ്ധ​ജ​ന​ത​യു​ടെ’ കേന്ദ്ര​മാ​യി​ത്തീർന്നു.​—എബ്ര 12:22-24; 1പത്ര 2:9, 10; ഗല 6:16.

ക്രിസ്‌തു അപ്പോൾ തന്റെ പിതാ​വി​ന്റെ വലതു​ഭാ​ഗത്ത്‌ ഇരിക്കു​ക​യാ​യി​രു​ന്നു, ക്രിസ്‌തീ​യ​സ​ഭ​യു​ടെ ശിരസ്സു​മാ​യി​രു​ന്നു. (എഫ 5:23; എബ്ര 1:3; ഫിലി 2:9-11) എ.ഡി. 33-ലെ പെന്തി​ക്കോ​സ്‌തു​മു​തൽ യേശു ക്രിസ്‌തീ​യ​സ​ഭ​യു​ടെ മേൽ ഭരിക്കാൻ തുടങ്ങി​യെന്നു തിരു​വെ​ഴു​ത്തു​കൾ കാണി​ക്കു​ന്നു. ഒന്നാം നൂറ്റാ​ണ്ടി​ലെ കൊ​ലോ​സ്യ​യി​ലെ ക്രിസ്‌ത്യാ​നി​കൾക്ക്‌ എഴുതി​യ​പ്പോൾ, അപ്പോ​സ്‌ത​ല​നായ പൗലോസ്‌ യേശു​ക്രി​സ്‌തു​വിന്‌ അപ്പോൾത്തന്നെ ഒരു രാജ്യ​മു​ണ്ടെന്നു സൂചി​പ്പി​ച്ചു: “ദൈവം നമ്മളെ ഇരുട്ടി​ന്റെ അധികാ​ര​ത്തിൽനിന്ന്‌ വിടു​വിച്ച്‌ തന്റെ പ്രിയ​പു​ത്രന്റെ രാജ്യ​ത്തി​ലേക്കു കൊണ്ടു​വന്നു.”—കൊലോ 1:13; പ്രവൃ 17:6, 7 താരത​മ്യം ചെയ്യുക.

എ.ഡി. 33-ലെ പെന്തി​ക്കോ​സ്‌തിൽ തുടങ്ങിയ ക്രിസ്‌തു​വി​ന്റെ രാജ്യം ആത്മീയ ഇസ്രാ​യേ​ലാ​കുന്ന ക്രിസ്‌ത്യാ​നി​ക​ളു​ടെ മേൽ ഉള്ള ഒരു ആത്മീയ​രാ​ജ്യ​മാ​യി​രു​ന്നു. ദൈവാ​ത്മാ​വി​നാൽ ദൈവ​ത്തി​ന്റെ ആത്മീയ​മ​ക്ക​ളാ​യി​ത്തീർന്ന ക്രിസ്‌ത്യാ​നി​കൾ ചേർന്ന​താ​യി​രു​ന്നു ഈ ആത്മീയ ഇസ്രാ​യേൽ. (യോഹ 3:3, 5, 6) ഈ ആത്മജാത ക്രിസ്‌ത്യാ​നി​കൾക്കു തങ്ങളുടെ സ്വർഗീ​യ​പ്ര​തി​ഫലം ലഭിക്കു​മ്പോൾ അവർ മേലാൽ ക്രിസ്‌തു​വി​ന്റെ ഈ ആത്മീയ​രാ​ജ്യ​ത്തി​ന്റെ ഭൗമി​ക​പ്ര​ജ​ക​ളാ​യി​രി​ക്കു​ക​യില്ല, പകരം ക്രിസ്‌തു​വി​ന്റെ​കൂ​ടെ സ്വർഗ​ത്തിൽ രാജാ​ക്ക​ന്മാ​രാ​യി​രി​ക്കും.​—വെളി 5:9, 10.

ജൂലൈ 15-21

ദൈവ​വ​ച​ന​ത്തി​ലെ നിധികൾ | 2 തെസ്സ​ലോ​നി​ക്യർ 1-3

“നിയമ​നി​ഷേധി വെളി​ച്ചത്ത്‌ വരുന്നു”

it-1-E 972-973

ദൈവ​ഭ​ക്തി

യഹോ​വ​യു​ടെ ‘പാവന​ര​ഹ​സ്യ​ത്തോ​ടു’ നേർവി​പ​രീ​ത​മായ ഒരു നിഗൂ​ഢ​ത​യുണ്ട്‌. അതു ‘നിയമ​ലം​ഘ​ന​ത്തി​ന്റെ ശക്തിയാണ്‌.’ ഇതു പൗലോസ്‌ അപ്പോ​സ്‌ത​ലന്റെ കാലത്തെ സത്യ​ക്രി​സ്‌ത്യാ​നി​കൾക്ക്‌ ഒരു നിഗൂ​ഢ​ത​യാ​യി​രു​ന്നു, കാരണം “നിയമ​നി​ഷേധി” ആരെയാ​ണോ പ്രതി​നി​ധാ​നം ചെയ്‌തത്‌, ആ കൂട്ടം അന്നു പൂർണ​മാ​യി രൂപം പ്രാപി​ച്ചി​രു​ന്നില്ല. “നിയമ​നി​ഷേധി” രൂപം പ്രാപി​ച്ച​തി​നു ശേഷവും മിക്കയാ​ളു​കൾക്കും അതു രഹസ്യ​മാ​യി തുടർന്നു, കാരണം ‘അയാൾ’ ദുഷ്ടത പ്രവർത്തി​ച്ചി​രു​ന്നതു ദൈവ​ഭ​ക്തി​യു​ടെ പേരി​ലും അതിന്റെ മറവി​ലും ആയിരു​ന്നു. ശരിക്കും ഇത്‌ യഥാർഥ ദൈവ​ഭ​ക്തി​യിൽനി​ന്നുള്ള ഒരു വിശ്വാ​സ​ത്യാ​ഗ​മാ​യി​രു​ന്നു. നിയമ​ലം​ഘ​ന​ത്തി​ന്റെ ശക്തി തന്റെ കാലത്തു​തന്നെ നിഗൂ​ഢ​മാ​യി പ്രവർത്തി​ക്കു​ന്നുണ്ട്‌ എന്നു പൗലോസ്‌ പറഞ്ഞു. കാരണം അപ്പോൾത്തന്നെ ഒരു ദുഷിച്ച സ്വാധീ​നം സഭയ്‌ക്കു​ള്ളിൽ ഉണ്ടായി​രു​ന്നു. അതു പിന്നീടു വിശ്വാ​സ​ത്യാ​ഗി​ക​ളു​ടെ ഒരു കൂട്ടമു​ണ്ടാ​കാൻ വഴി​വെ​ക്കു​മാ​യി​രു​ന്നു. തന്റെ സാന്നി​ധ്യം വ്യക്തമാ​ക്കുന്ന സമയത്ത്‌ യേശു ഈ നിയമ​നി​ഷേ​ധി​യെ നിഗ്ര​ഹി​ക്കും. വിശ്വാ​സ​ത്യാ​ഗി​യായ, സാത്താന്റെ പിണി​യാ​ളായ ഈ മനുഷ്യൻ, ‘മനുഷ്യർ ദൈവം എന്നു വിളി​ക്കു​ന്ന​തോ ആരാധി​ക്കു​ന്ന​തോ (ഗ്രീക്കിൽ, സെബാ​സ്‌മാ) ആയ എല്ലാത്തി​നെ​ക്കാ​ളും മീതെ തന്നെത്തന്നെ ഉയർത്തും.’ അങ്ങനെ ദൈവ​ത്തി​ന്റെ ഈ വലിയ എതിരാ​ളി സാത്താന്റെ ഒരു ഉപകര​ണ​മെന്ന നിലയിൽ അങ്ങേയറ്റം വഞ്ചന കാണി​ക്കു​ക​യും അതിന്റെ ആചാരങ്ങൾ പിൻപ​റ്റു​ന്ന​വർക്കു നാശം വരുത്തി​വെ​ക്കു​ക​യും ചെയ്യും. ‘നിയമ​നി​ഷേ​ധി​യു​ടെ’ പ്രവർത്തനം വിജയി​ക്കു​ന്ന​തി​ന്റെ കാരണം അവന്റെ ദുഷ്ടത കപടമായ ദൈവ​ഭ​ക്തി​യാൽ മറയ്‌ക്ക​പ്പെ​ട്ടി​രി​ക്കു​ന്നു എന്നതാണ്‌.​—2തെസ്സ 2:3-12; മത്ത 7:15, 21-23 താരത​മ്യം ചെയ്യുക.

it-2-E 245 ¶7

നുണ

യേശു​ക്രി​സ്‌തു​വി​നെ​ക്കു​റി​ച്ചുള്ള സന്തോ​ഷ​വാർത്ത​യ്‌ക്കു പകരം ‘നുണ വിശ്വ​സി​ക്കു​ന്ന​തിന്‌’ വ്യാജം ഇഷ്ടപ്പെ​ടുന്ന വ്യക്തി​കളെ വശീക​രി​ക്കാൻ ‘ഒരു തെറ്റായ സ്വാധീ​നത്തെ’ ദൈവം അനുവ​ദി​ക്കു​ന്നു. (2തെസ്സ 2:9-12) നൂറ്റാ​ണ്ടു​കൾക്കു മുമ്പ്‌ ഇസ്രാ​യേ​ലി​ന്റെ രാജാ​വായ ആഹാബി​ന്റെ കാര്യ​ത്തിൽ സംഭവി​ച്ചത്‌ ഇതി​നൊ​രു ഉദാഹ​ര​ണ​മാണ്‌. രാമോത്ത്‌-ഗിലെ​യാ​ദിന്‌ എതി​രെ​യുള്ള യുദ്ധത്തിൽ ജയിക്കു​മെന്നു വ്യാജ​പ്ര​വാ​ച​ക​ന്മാർ ആഹാബിന്‌ ഉറപ്പു കൊടു​ത്തു. എന്നാൽ യഹോ​വ​യു​ടെ പ്രവാ​ച​ക​നായ മീഖായ ആഹാബി​നു ദുരന്തം സംഭവി​ക്കു​മെ​ന്നാ​ണു പറഞ്ഞത്‌. യഹോവ ഒരു ദൈവ​ദൂ​തനെ ആഹാബി​ന്റെ പ്രവാ​ച​ക​ന്മാ​രു​ടെ നാവിൽ ‘വഞ്ചനയു​ടെ ആത്മാവാ​യി​ത്തീ​രാൻ’ അനുവ​ദി​ക്കു​ന്നത്‌ ഒരു ദർശന​ത്തിൽ മീഖായ കാണുന്നു. അതായത്‌, ഈ ദൈവ​ദൂ​തൻ തന്റെ ശക്തി ഉപയോ​ഗി​ക്കു​ന്ന​തി​ന്റെ ഫലമായി ആ പ്രവാ​ച​ക​ന്മാർ വ്യാജം പറയുന്നു. അവർ പറയാൻ ആഗ്രഹി​ച്ച​തും ആഹാബ്‌ കേൾക്കാൻ ആഗ്രഹി​ച്ച​തും അതുത​ന്നെ​യാ​യി​രു​ന്നു. മുന്നറി​യിപ്പ്‌ കിട്ടി​യി​രു​ന്നെ​ങ്കി​ലും ആഹാബ്‌ ആ പ്രവാ​ച​ക​ന്മാ​രു​ടെ നുണകൾകൊണ്ട്‌ വിഡ്‌ഢി​യാ​കാ​നാണ്‌ ഇഷ്ടപ്പെ​ട്ടത്‌. അതിനു വിലയാ​യി തന്റെ ജീവൻതന്നെ കൊടു​ക്കേ​ണ്ടി​വന്നു.—1രാജ 22:1-38; 2ദിന 18.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 834 ¶5

തീ

“ഇപ്പോ​ഴത്തെ ആകാശ​വും ഭൂമി​യും . . . തീക്കായി സൂക്ഷി​ച്ചി​രി​ക്കു​ന്നു” എന്നു പത്രോസ്‌ എഴുതി. വാക്യ​ത്തി​ന്റെ പശ്ചാത്ത​ല​വും മറ്റു വാക്യ​ങ്ങ​ളും നോക്കി​യാൽ ഇത്‌ അക്ഷരീയ തീയെ​ക്കു​റി​ച്ചല്ല പകരം നിത്യ​നാ​ശ​ത്തെ​ക്കു​റി​ച്ചാ​ണു പറയു​ന്ന​തെന്നു മനസ്സി​ലാ​ക്കാം. നോഹ​യു​ടെ കാലത്തെ പ്രളയം അക്ഷരീ​യ​മായ ആകാശ​ത്തെ​യും ഭൂമി​യെ​യും നശിപ്പി​ച്ചു​ക​ള​ഞ്ഞില്ല. അക്കാലത്തെ അഭക്തരായ ആളുക​ളെ​യാണ്‌ അത്‌ ഇല്ലാതാ​ക്കി​യത്‌. അതു​പോ​ലെ യേശു​ക്രി​സ്‌തു തന്റെ ശക്തിയുള്ള ദൂതന്മാ​രു​മാ​യി തീജ്വാ​ല​യിൽ വെളി​പ്പെ​ടു​മ്പോൾ അഭക്തരായ ആളുക​ളെ​യും ഈ ദുഷിച്ച വ്യവസ്ഥി​തി​യെ​യും എന്നേക്കു​മാ​യി നശിപ്പി​ച്ചു​ക​ള​യും. അവ മാത്രമേ നശിപ്പി​ക്ക​പ്പെ​ടു​ക​യു​ള്ളൂ. —2പത്ര 3:5-7, 10-13; 2തെസ്സ 1:6-10; യശ 66:15, 16, 22, 24 താരത​മ്യം ചെയ്യുക.

it-1-E 1206 ¶4

അരുള​പ്പാട്‌

“അരുള​പ്പാ​ടു​കൾ”—സത്യവും മിഥ്യ​യും. അപ്പോ​സ്‌ത​ല​ന്മാ​രു​ടെ എഴുത്തു​ക​ളിൽ ന്യൂമ (ആത്മാവ്‌) എന്ന ഗ്രീക്കു പദം ഒരു പ്രത്യേക അർഥത്തിൽ ഉപയോ​ഗി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, 2 തെസ്സ​ലോ​നി​ക്യർ 2:2-ൽ പൗലോസ്‌ അപ്പോ​സ്‌തലൻ തെസ്സ​ലോ​നി​ക്യ​യി​ലെ സഹോ​ദ​ര​ന്മാ​രോട്‌, “യഹോ​വ​യു​ടെ ദിവസം എത്തിക്ക​ഴി​ഞ്ഞെന്ന്‌ അറിയി​ക്കുന്ന ഒരു അരുള​പ്പാ​ടോ (അക്ഷരാർഥം, “ആത്മാവോ”) പറഞ്ഞു​കേട്ട ഒരു സന്ദേശ​മോ ഞങ്ങളു​ടേ​തെന്നു തോന്നി​ക്കുന്ന ഒരു കത്തോ കാരണം” പെട്ടെന്ന്‌ അസ്വസ്ഥ​രാ​ക​രുത്‌ എന്നു പറഞ്ഞു. പൗലോസ്‌ ന്യൂമ (ആത്മാവ്‌) എന്ന പദം ഉപയോ​ഗി​ച്ചതു പറഞ്ഞു​കേട്ട ഒരു സന്ദേശ​മോ കത്തോ പോ​ലെ​യുള്ള ആശയവി​നി​മ​യ​ത്തി​ന്റെ ഭാഗമാ​യി​ട്ടാ​ണെന്നു വ്യക്തമാണ്‌. വിൻസെ​ന്റി​ന്റെ പുതി​യ​നി​യമ പദങ്ങ​ളെ​ക്കു​റി​ച്ചുള്ള പഠനം എന്ന പുസ്‌തകം ഇങ്ങനെ പറയുന്നു: “ആത്മാവി​ലൂ​ടെ. ക്രിസ്‌തീയ കൂടി​വ​ര​വു​ക​ളിൽ ദൈവ​ത്തി​ന്റെ വെളി​പാ​ടു​കൾ ആണെന്ന്‌ അവകാ​ശ​പ്പെ​ട്ടു​കൊണ്ട്‌ വ്യക്തികൾ നടത്തുന്ന പ്രവച​നങ്ങൾ.” (1957,വാല്യം 4 പേ.63) അതു​കൊണ്ട്‌ ഇവി​ടെ​യും മറ്റു ചില സന്ദർഭ​ങ്ങ​ളി​ലും ചില പരിഭാ​ഷകർ ന്യൂമയെ കേവലം “ആത്മാവ്‌” എന്നു മാത്രം പരിഭാ​ഷ​പ്പെ​ടു​ത്തു​മ്പോൾ മറ്റു ചിലർ “ആത്മാവി​ന്റെ സന്ദേശം”(AT), “നിഗമനം” (JB),“ദിവ്യ​ജ്ഞാ​നം” (D’Ostervald; Segond [French]), “അരുള​പ്പാട്‌” (NW) എന്നിങ്ങനെ പരിഭാ​ഷ​പ്പെ​ടു​ത്തു​ന്നു.

ജൂലൈ 22-28

ദൈവ​വ​ച​ന​ത്തി​ലെ നിധികൾ |1 തിമൊ​ഥെ​യൊസ്‌ 1–3

“വിശി​ഷ്ട​മാ​യൊ​രു കാര്യ​ത്തി​നാ​യി പരി​ശ്ര​മി​ക്കുക”

km-E 9/78 4 ¶7

‘നല്ല പേര്‌ നേടി​യെ​ടു​ക്കു​ന്നവർ’

‘അവർ ഒരു നല്ല പേര്‌ നേടി​യെ​ടു​ക്കു​ന്നവർ’ ആണെന്നു പൗലോസ്‌ പറഞ്ഞത്‌ എന്തു​കൊ​ണ്ടെന്നു മനസ്സി​ലാ​ക്കാൻ ബുദ്ധി​മു​ട്ടില്ല. ചിലർ പറയു​ന്ന​തു​പോ​ലെ, ഇതു പള്ളിക​ളിൽ ലഭിക്കുന്ന ഒരു സ്ഥാനക്ക​യ​റ്റമല്ല. മറിച്ച്‌, “നല്ല രീതി​യിൽ ശുശ്രൂഷ ചെയ്യുന്ന” ശുശ്രൂ​ഷാ​ദാ​സ​ന്മാർ യഹോ​വ​യിൽനി​ന്നും യേശു​വിൽനി​ന്നും അനു​ഗ്രഹം നേടു​ന്ന​തി​നെ​ക്കു​റി​ച്ചാണ്‌ ഇവിടെ പറയു​ന്നത്‌. അവർക്കു മുഴു​സ​ഭ​യു​ടെ​യും ആദരവും പിന്തു​ണ​യും കിട്ടും. “ക്രിസ്‌തു​യേ​ശു​വി​ലുള്ള വിശ്വാ​സ​ത്തെ​പ്പറ്റി നല്ല ആത്മ​ധൈ​ര്യ​ത്തോ​ടെ സംസാ​രി​ക്കാ​നും” അവർക്കു കഴിയും. നിയമ​ന​ത്തോ​ടു വിശ്വ​സ്‌ത​മാ​യി പറ്റിനിൽക്കു​ന്നെ​ങ്കിൽ നല്ല സേവന​ത്തെ​പ്രതി അവർ പ്രശം​സി​ക്ക​പ്പെ​ടും. അവർ വിശ്വാ​സ​ത്തിൽ ഉറപ്പു​ള്ള​വ​രാ​കും. ആരും തങ്ങളെ കുറ്റം പറയില്ല എന്ന ഉറപ്പോ​ടെ വിശ്വാ​സ​ത്തെ​ക്കു​റിച്ച്‌ മറ്റുള്ള​വ​രോ​ടു പറയാ​നും അവർക്കു കഴിയും.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 914-915

വംശാ​വ​ലി

ഇത്തരം കാര്യ​ങ്ങ​ളെ​ക്കു​റിച്ച്‌ പഠിക്കു​ന്ന​തും ചർച്ച ചെയ്യു​ന്ന​തും കൊണ്ട്‌ ഒരു ഗുണവു​മില്ല. പൗലോസ്‌ തിമൊ​ഥെ​യൊ​സി​നു കത്ത്‌ എഴുതിയ സമയത്ത്‌ ഇതു കൂടുതൽ പ്രസക്ത​മാ​യി​രു​ന്നു. ഒരാളു​ടെ പാരമ്പ​ര്യം തെളി​യി​ക്കു​ന്ന​തി​നു​വേണ്ടി വംശാ​വ​ലി​യു​ടെ രേഖകൾ സൂക്ഷി​ക്കേണ്ട ആവശ്യം മേലാൽ ഇല്ലായി​രു​ന്നു. കാരണം ക്രിസ്‌തീ​യ​സ​ഭ​യിൽ ജൂത​രെ​ന്നോ ജനതക​ളിൽപെ​ട്ട​വ​രെ​ന്നോ ഉള്ള വേർതി​രിവ്‌ ദൈവ​ത്തി​നി​ല്ലാ​യി​രു​ന്നു. (ഗല 3:28) കൂടാതെ, ക്രിസ്‌തു ദാവീ​ദി​ന്റെ വംശത്തി​ലൂ​ടെ​യാണ്‌ വന്നതെന്നു വംശാ​വ​ലി​യു​ടെ രേഖകൾ തെളി​യി​ച്ചു​ക​ഴി​ഞ്ഞി​രു​ന്നു. ഇനി, പൗലോസ്‌ തിമൊ​ഥെ​യൊ​സിന്‌ ഈ ബുദ്ധി​യു​പ​ദേശം കൊടുത്ത്‌ അധികം വൈകാ​തെ​തന്നെ ജൂതന്മാ​രു​ടെ എല്ലാ രേഖക​ളും സഹിതം യരുശ​ലേം നശിച്ചു​പോ​കു​മാ​യി​രു​ന്നു. ദൈവം അവയൊ​ന്നും സംരക്ഷി​ച്ചില്ല. അതു​കൊണ്ട്‌ തിമൊ​ഥെ​യൊ​സും മറ്റു സഹോ​ദ​ര​ന്മാ​രും ഒരാളു​ടെ പാരമ്പ​ര്യം​പോ​ലുള്ള കാര്യ​ത്തെ​ക്കു​റിച്ച്‌ ഗവേഷണം ചെയ്യാ​നും തർക്കി​ക്കാ​നും സമയം ചെലവിട്ട്‌ അവരുടെ ശ്രദ്ധ വ്യതി​ച​ലി​ച്ചു​പോ​കു​മോ എന്നു പൗലോസ്‌ ഉത്‌ക​ണ്‌ഠ​പ്പെട്ടു. അവ അവരുടെ വിശ്വാ​സത്തെ ബലപ്പെ​ടു​ത്തുന്ന കാര്യ​ങ്ങളേ അല്ലായി​രു​ന്നു. ബൈബിൾ നൽകുന്ന വംശാ​വലി യേശു​ക്രി​സ്‌തു മിശി​ഹ​യാ​ണെന്നു തെളി​യി​ക്കാൻ പര്യാ​പ്‌ത​മാണ്‌. ക്രിസ്‌ത്യാ​നി​കളെ സംബന്ധിച്ച്‌ വംശാ​വ​ലി​യെ​ക്കു​റി​ച്ചുള്ള പ്രാധാ​ന്യ​വും ഇതുത​ന്നെ​യാണ്‌. തിരു​വെ​ഴു​ത്തു രേഖകൾ സത്യമാ​ണെ​ന്നും അവ യഥാർഥ ചരിത്ര വിവര​ണ​ങ്ങൾത്ത​ന്നെ​യാ​ണെ​ന്നും ബൈബി​ളിൽ കൊടു​ത്തി​രി​ക്കുന്ന മറ്റു വംശാ​വ​ലി​കൾ സാക്ഷ്യ​പ്പെ​ടു​ത്തു​ന്നു.

ജൂലൈ 29–ആഗസ്റ്റ്‌ 4

ദൈവ​വ​ച​ന​ത്തി​ലെ നിധികൾ | 1 തിമൊ​ഥെ​യൊസ്‌ 4-6

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-2-E 714 ¶1-2

പരസ്യ​വാ​യന

ക്രിസ്‌തീ​യ​സ​ഭ​യിൽ. ഒന്നാം നൂറ്റാ​ണ്ടിൽ ബൈബി​ളി​ന്റെ പരസ്യ​വാ​യന വളരെ ആവശ്യ​മാ​യി​രു​ന്നു. കാരണം, വളരെ ചുരുക്കം പേർക്കേ ബൈബി​ളി​ന്റെ ചുരു​ളു​കൾ സ്വന്തമാ​യി ഉണ്ടായി​രു​ന്നു​ള്ളൂ. പൗലോസ്‌ അപ്പോ​സ്‌തലൻ താൻ അയയ്‌ക്കുന്ന കത്തുകൾ സഭകളിൽ പരസ്യ​മാ​യി വായി​ക്ക​ണ​മെന്ന്‌ ആവശ്യ​പ്പെ​ട്ടി​രു​ന്നു. മറ്റു സഭകളി​ലു​ള്ള​വ​രും വായി​ക്കു​ന്ന​തിന്‌ അവർക്കു​കൂ​ടി ആ കത്തുകൾ കൈമാ​റ​ണ​മെന്ന്‌ അദ്ദേഹം നിർദേ​ശി​ച്ചു. (കൊലോ 4:16; 1തെസ്സ 5:27) “പരസ്യ​മാ​യി വായി​ക്കു​ന്ന​തി​ലും മറ്റുള്ള​വരെ പ്രോ​ത്സാ​ഹി​പ്പി​ക്കു​ന്ന​തി​ലും പഠിപ്പി​ക്കു​ന്ന​തി​ലും” അർപ്പി​ത​നാ​യി​രി​ക്കാൻ ഒരു യുവമൂ​പ്പ​നായ തിമൊ​ഥെ​യൊ​സി​നെ പൗലോസ്‌ ഉപദേ​ശി​ച്ചു.​—1തിമ 4:13.

പരസ്യ​വാ​യന ഒഴു​ക്കോ​ടെ നിർവ​ഹി​ക്കേണ്ട ഒന്നാണ്‌. (ഹബ 2:2) മറ്റുള്ള​വരെ പഠിപ്പി​ക്കുക എന്ന ഉദ്ദേശ്യ​ത്തി​ലു​ള്ള​താ​ണു പരസ്യ​വാ​യന. അതു​കൊണ്ട്‌ വായി​ക്കു​ന്ന​യാൾക്കു താൻ വായി​ക്കുന്ന ഭാഗ​ത്തെ​ക്കു​റിച്ച്‌ വ്യക്തമായ ബോധ്യ​മു​ണ്ടാ​യി​രി​ക്കണം, അത്‌ എഴുതി​യ​തി​ന്റെ ഉദ്ദേശ്യം എന്താ​ണെന്നു വ്യക്തമാ​യി മനസ്സി​ലാ​ക്കി​യി​രി​ക്കണം, അതു​പോ​ലെ കേൾവി​ക്കാർക്കു തെറ്റി​ദ്ധാ​രണ തോന്നുന്ന രീതി​യിൽ വായി​ക്കാ​തി​രി​ക്കാൻ പ്രത്യേ​കം ശ്രദ്ധി​ക്കണം. വെളി​പാട്‌ 1:3 പറയു​ന്ന​ത​നു​സ​രിച്ച്‌, ആ പ്രവച​ന​പു​സ്‌തകം ഉച്ചത്തിൽ വായി​ക്കു​ന്ന​യാ​ളും അതു​പോ​ലെ അതു കേൾക്കു​ന്ന​വ​രും കേൾക്കുന്ന കാര്യങ്ങൾ അനുസ​രി​ക്കു​ന്ന​വ​രും സന്തുഷ്ട​രാ​യി​രി​ക്കും.