സ്‌നാ​ന​മേ​റ്റ​തി​നു ശേഷവും “പുതിയ വ്യക്തി​ത്വം” ധരിക്കു​ന്ന​തിൽ തുടരുക

 1. നമ്മുടെ വ്യക്തി​ത്വ​ത്തെ പ്രധാ​ന​മാ​യും സ്വാധീ​നി​ക്കു​ന്നത്‌ എന്താണ്‌?

നമ്മൾ സ്‌നാ​ന​മേ​റ്റത്‌ ഒരുപക്ഷേ അടുത്ത കാലത്താ​യി​രി​ക്കാം. അല്ലെങ്കിൽ വർഷങ്ങൾക്കു മുമ്പാ​യി​രി​ക്കാം. എന്തുത​ന്നെ​യാ​യാ​ലും യഹോവ ഇഷ്ടപ്പെ​ടുന്ന രീതി​യി​ലുള്ള ഒരു വ്യക്തി​ത്വ​മു​ണ്ടാ​യി​രി​ക്കാൻ നമ്മളെ​ല്ലാം ആഗ്രഹി​ക്കു​ന്നുണ്ട്‌. അങ്ങനെ​യുള്ള ഒരു വ്യക്തി​യാ​യി​രി​ക്കാൻ നമ്മൾ നമ്മുടെ ചിന്തയെ നിയ​ന്ത്രി​ക്കേ​ണ്ട​തുണ്ട്‌. കാരണം നമ്മൾ എന്തു ചിന്തി​ക്കു​ന്നു എന്നത്‌ നമ്മുടെ വ്യക്തി​ത്വ​ത്തെ ആഴത്തിൽ സ്വാധീ​നി​ക്കു​ന്നുണ്ട്‌. സ്വന്തം ആഗ്രഹങ്ങൾ തൃപ്‌തി​പ്പെ​ടു​ത്തു​ന്ന​തി​നെ​ക്കു​റി​ച്ചാണ്‌ എപ്പോ​ഴും ചിന്തി​ക്കു​ന്ന​തെ​ങ്കിൽ നമ്മൾ പറയു​ക​യോ പ്രവർത്തി​ക്കു​ക​യോ ചെയ്യു​ന്നതു തെറ്റായ കാര്യ​ങ്ങ​ളാ​യി​രി​ക്കും. (എഫെ. 4:17-19) അതേസ​മയം നല്ല ചിന്തകൾകൊണ്ട്‌ മനസ്സു നിറയ്‌ക്കു​ന്നെ​ങ്കിൽ സാധ്യ​ത​യ​നു​സ​രിച്ച്‌ നമ്മുടെ സംസാ​ര​വും പ്രവൃ​ത്തി​യും യഹോ​വ​യ്‌ക്ക്‌ ഇഷ്ടമുള്ള രീതി​യി​ലാ​യി​രി​ക്കും.—ഗലാ. 5:16.

 2. ഈ ലേഖന​ത്തിൽ നമ്മൾ എന്താണു പഠിക്കു​ന്നത്‌?

² കഴിഞ്ഞ ലേഖന​ത്തിൽ പഠിച്ച​തു​പോ​ലെ തെറ്റായ ചിന്തകൾ മനസ്സി​ലേക്കു വരുന്നതു പൂർണ​മാ​യും തടയാൻ നമുക്ക്‌ ആർക്കും കഴിയില്ല. എന്നാൽ ആ ചിന്തകൾക്ക​നു​സ​രിച്ച്‌ പ്രവർത്തി​ക്കേണ്ടാ എന്നു നമുക്കു തീരു​മാ​നി​ക്കാ​നാ​കും. സ്‌നാ​ന​മേൽക്കു​ന്ന​തി​നു മുമ്പു​തന്നെ യഹോ​വ​യ്‌ക്ക്‌ ഇഷ്ടമി​ല്ലാത്ത സംസാ​ര​രീ​തി​യും പ്രവർത്ത​ന​ങ്ങ​ളും നമ്മൾ ഒഴിവാ​ക്കേ​ണ്ട​തുണ്ട്‌. പഴയ വ്യക്തി​ത്വം ഉരിഞ്ഞു​ക​ള​യു​ന്ന​തി​നു​വേണ്ടി ആദ്യം ചെയ്യേ​ണ്ടത്‌ അതാണ്‌. അതു വളരെ പ്രധാ​ന​വു​മാണ്‌. എന്നാൽ യഹോ​വയെ പൂർണ​മാ​യി സന്തോ​ഷി​പ്പി​ക്ക​ണ​മെ​ങ്കിൽ “പുതിയ വ്യക്തി​ത്വം ധരിക്കുക” എന്ന കല്‌പ​ന​യും നമ്മൾ അനുസ​രി​ക്കണം. (കൊലോ. 3:10) ഈ ലേഖന​ത്തിൽ “പുതിയ വ്യക്തി​ത്വം” എന്താ​ണെ​ന്നും എങ്ങനെ നമുക്ക്‌ അതു ധരിക്കാ​മെ​ന്നും നമുക്ക്‌ എങ്ങനെ പുതിയ വ്യക്തി​ത്വം ധരിക്കു​ന്ന​തിൽ തുടരാ​മെ​ന്നും കാണും.

 3. (എ) “പുതിയ വ്യക്തി​ത്വം” ധരിക്കുക എന്നതിന്റെ അർഥം എന്താണ്‌? (ബി) ഒരാൾക്ക്‌ എങ്ങനെ പുതിയ വ്യക്തി​ത്വം ധരിക്കാ​നാ​കും? (ഗലാത്യർ 5:22, 23)

³ “പുതിയ വ്യക്തി​ത്വം” ധരിക്കുന്ന ഒരു വ്യക്തി യഹോ​വയെ അനുക​രി​ച്ചു​കൊ​ണ്ടാ​യി​രി​ക്കും ചിന്തി​ക്കു​ക​യും പ്രവർത്തി​ക്കു​ക​യും ചെയ്യു​ന്നത്‌. അങ്ങനെ​യുള്ള ഒരാളു​ടെ ചിന്തക​ളി​ലും വികാ​ര​ങ്ങ​ളി​ലും പ്രവർത്ത​ന​ങ്ങ​ളി​ലും ദൈവാ​ത്മാ​വി​ന്റെ ഫലം കാണാ​നാ​കും. (ഗലാത്യർ 5:22, 23 വായി​ക്കുക.) ഉദാഹ​ര​ണ​ത്തിന്‌ ആ വ്യക്തിക്ക്‌ യഹോ​വ​യോ​ടും ദൈവ​ജ​ന​ത്തോ​ടും സ്‌നേ​ഹ​മു​ണ്ടാ​യി​രി​ക്കും. (മത്താ. 22:36-39) ബുദ്ധി​മു​ട്ടു​ക​ളൊ​ക്കെ സഹിക്കു​മ്പോ​ഴും അദ്ദേഹം സന്തോ​ഷ​മു​ള്ള​വ​നാ​യി​രി​ക്കും. (യാക്കോ. 1:2-4) കൂടാതെ സമാധാ​നം ഉണ്ടാക്കാ​നും അദ്ദേഹം ശ്രമി​ക്കും. (മത്താ. 5:9) മറ്റുള്ള​വ​രു​മാ​യി ഇടപെ​ടു​മ്പോൾ അദ്ദേഹം ക്ഷമയും ദയയും കാണി​ക്കും. (കൊലോ. 3:12, 13) നന്മയെ ഇഷ്ടപ്പെ​ടുന്ന, നന്മ ചെയ്യാൻ ആഗ്രഹി​ക്കുന്ന ആളായി​രി​ക്കും അദ്ദേഹം. (ലൂക്കോ. 6:35) തന്റെ സ്വർഗീ​യ​പി​താ​വിൽ ശക്തമായ വിശ്വാ​സ​മു​ണ്ടെന്ന്‌ അദ്ദേഹം പ്രവൃ​ത്തി​യി​ലൂ​ടെ തെളി​യി​ക്കും. (യാക്കോ. 2:18) ദേഷ്യം​വ​രാ​വുന്ന രീതി​യിൽ മറ്റുള്ളവർ പെരു​മാ​റു​മ്പോ​ഴും അദ്ദേഹം സൗമ്യത കാണി​ക്കും. ഇനി, പ്രലോ​ഭ​ന​ങ്ങ​ളു​ണ്ടാ​കു​മ്പോൾ ആത്മനി​യ​ന്ത്രണം പാലി​ക്കും.—1 കൊരി. 9:25, 27; തീത്തോ. 3:2.

 4. പുതിയ വ്യക്തി​ത്വം ധരിക്കാൻ ഗലാത്യർ 5:22, 23-ൽ പറഞ്ഞി​രി​ക്കുന്ന ഏതെങ്കി​ലും ഒരു ഗുണം മാത്രം ഒരു സമയത്ത്‌ കാണി​ച്ചാൽ മതിയോ? വിശദീ​ക​രി​ക്കുക.

⁴ പുതിയ വ്യക്തി​ത്വം ധരിക്കാൻ ഗലാത്യർ 5:22, 23-ലും അതു​പോ​ലെ ബൈബി​ളി​ന്റെ മറ്റു ഭാഗങ്ങ​ളി​ലും പറഞ്ഞി​രി​ക്കുന്ന എല്ലാ ഗുണങ്ങ​ളും നമ്മൾ വളർത്തി​യെ​ടു​ക്കേ​ണ്ട​തുണ്ട്‌.b മാറി​മാ​റി ഇടുന്ന വസ്‌ത്രങ്ങൾ പോ​ലെയല്ല ഈ ഗുണങ്ങൾ. വാസ്‌ത​വ​ത്തിൽ ഓരോ ഗുണത്തി​നും മറ്റു ഗുണങ്ങ​ളു​മാ​യി ബന്ധമുണ്ട്‌. നിങ്ങൾക്ക്‌ ഒരാ​ളോ​ടു ശരിക്കും സ്‌നേ​ഹ​മു​ണ്ടെ​ങ്കിൽ നിങ്ങൾ അയാ​ളോ​ടു ദയയും ക്ഷമയും ഒക്കെ കാണി​ക്കും. ഇനി, ഒരു നല്ല വ്യക്തി അഥവാ നന്മയെ ഇഷ്ടപ്പെ​ടുന്ന ഒരാൾ സൗമ്യ​ത​യും ആത്മനി​യ​ന്ത്ര​ണ​വും കാണി​ക്കും.

 5. ‘ക്രിസ്‌തു​വി​ന്റെ മനസ്സു​ണ്ടാ​യി​രി​ക്കുക’ എന്നു പറയു​ന്ന​തി​ന്റെ അർഥം എന്താണ്‌, യേശു​വി​ന്റെ ജീവി​ത​ത്തെ​ക്കു​റിച്ച്‌ നമ്മൾ നന്നായി പഠി​ക്കേ​ണ്ടത്‌ എന്തു​കൊണ്ട്‌? (1 കൊരി​ന്ത്യർ 2:16)

⁵ 1 കൊരിന്ത്യർ 2:16 വായി​ക്കുക. പുതിയ വ്യക്തി​ത്വം ധരിക്കാൻ നമുക്കു ‘ക്രിസ്‌തു​വി​ന്റെ മനസ്സു​ണ്ടാ​യി​രി​ക്കണം.’ യേശു എങ്ങനെ ചിന്തി​ക്കു​ന്നെന്നു പഠിക്കു​ക​യും യേശു​വി​നെ അനുക​രി​ക്കു​ക​യും വേണം. ദൈവാ​ത്മാ​വി​ന്റെ ഫലം യേശു തന്റെ ജീവി​ത​ത്തിൽ അങ്ങനെ​തന്നെ കാണിച്ചു. യേശു​വി​ന്റെ ചിന്തയും പ്രവർത്ത​ന​ങ്ങ​ളും ശരിക്കും യഹോ​വ​യു​ടേ​തു​പോ​ലെ​യാ​യി​രു​ന്നു. (എബ്രാ. 1:3) നമ്മൾ എത്രയ​ധി​ക​മാ​യി യേശു​വി​നെ​ക്കു​റിച്ച്‌ ചിന്തി​ക്കു​ന്നോ അത്രയ​ധി​ക​മാ​യി നമുക്കു യേശു​വി​നെ​പ്പോ​ലെ പ്രവർത്തി​ക്കാ​നാ​കും. യേശു​വി​ന്റെ വ്യക്തി​ത്വം നമ്മുടെ ജീവി​ത​ത്തിൽ പ്രതി​ഫ​ലി​പ്പി​ക്കു​ന്ന​തിൽ നമ്മൾ വിജയി​ക്കു​ക​യും ചെയ്യും.—ഫിലി. 2:5.

 6. പുതിയ വ്യക്തി​ത്വം ധരിക്കാൻ ശ്രമി​ക്കു​മ്പോൾ നമ്മൾ ഏതെല്ലാം കാര്യങ്ങൾ മനസ്സിൽപ്പി​ടി​ക്കണം?

⁶ യേശു​വി​ന്റെ മാതൃക നമുക്കു ശരിക്കും അനുക​രി​ക്കാ​നാ​കു​മോ? നമ്മൾ ചില​പ്പോൾ ഇങ്ങനെ ചിന്തി​ച്ചേ​ക്കാം: ‘യേശു പൂർണ​നാ​യി​രു​ന്ന​ല്ലോ. എനിക്ക്‌ എങ്ങനെ യേശു​വി​നെ​പ്പോ​ലെ​യാ​യി​രി​ക്കാ​നാ​കും?’ നിങ്ങൾക്ക്‌ അങ്ങനെ തോന്നു​ന്നെ​ങ്കിൽ ഈ മൂന്നു കാര്യങ്ങൾ മനസ്സിൽപ്പി​ടി​ക്കുക: ഒന്നാമ​താ​യി, നമ്മളെ സൃഷ്ടി​ച്ചി​രി​ക്കു​ന്നത്‌ യഹോ​വ​യു​ടെ​യും യേശു​വി​ന്റെ​യും ഛായയി​ലാണ്‌. അതു​കൊണ്ട്‌ ശ്രമി​ക്കു​ക​യാ​ണെ​ങ്കിൽ ഒരു പരിധി​വരെ അവരുടെ നല്ല ഗുണങ്ങൾ നമുക്കു ജീവി​ത​ത്തിൽ പകർത്താ​നാ​കും. (ഉൽപ. 1:26) രണ്ടാമ​താ​യി, പ്രപഞ്ച​ത്തി​ലെ ഏറ്റവും വലിയ ശക്തി ദൈവ​ത്തി​ന്റെ പരിശു​ദ്ധാ​ത്മാ​വാണ്‌. ആ ആത്മാവി​ന്റെ സഹായ​ത്താൽ സ്വന്തം ശക്തി​കൊണ്ട്‌ ഒരിക്ക​ലും ചെയ്യാ​നാ​കാത്ത പലതും നിങ്ങൾക്കു ചെയ്യാ​നാ​കും. മൂന്നാ​മ​താ​യി, ദൈവാ​ത്മാ​വി​ന്റെ ഫലം നമുക്ക്‌ ഇന്നു നമ്മുടെ ജീവി​ത​ത്തിൽ പൂർണ​മാ​യി കാണി​ക്കാ​നാ​കി​ല്ലെന്ന്‌ യഹോ​വ​യ്‌ക്ക്‌ അറിയാം. വാസ്‌ത​വ​ത്തിൽ ഭൂമി​യിൽ ജീവി​ക്കാൻ പ്രത്യാ​ശ​യുള്ള ആളുകൾക്കു പൂർണ​ത​യിൽ എത്തുന്ന​തിന്‌ യഹോവ 1,000 വർഷമാണ്‌ അനുവ​ദി​ച്ചി​രി​ക്കു​ന്നത്‌. (വെളി. 20:1-3) അതു​കൊണ്ട്‌ ഇക്കാര്യ​ത്തിൽ നമ്മൾ നമ്മുടെ കഴിവി​ന്റെ പരമാ​വധി ശ്രമി​ക്കാ​നും സഹായ​ത്തി​നാ​യി യഹോ​വ​യിൽ ആശ്രയി​ക്കാ​നും മാത്രമേ യഹോവ ഇന്നു നമ്മളോട്‌ ആവശ്യ​പ്പെ​ടു​ന്നു​ള്ളൂ.

 7. അടുത്ത​താ​യി നമ്മൾ എന്താണു ചർച്ച ചെയ്യാൻപോ​കു​ന്നത്‌?

⁷ നമുക്ക്‌ എങ്ങനെ യേശു​വി​നെ അനുക​രി​ക്കാ​നാ​കും? ദൈവാ​ത്മാ​വി​ന്റെ ഫലത്തിലെ നാലു ഗുണങ്ങ​ളെ​ക്കു​റി​ച്ചും യേശു എങ്ങനെ തന്റെ ജീവി​ത​ത്തിൽ ആ ഗുണങ്ങൾ പകർത്തി എന്നതി​നെ​ക്കു​റി​ച്ചും നമുക്കു നോക്കാം. ഒപ്പം പുതിയ വ്യക്തി​ത്വം ധരിക്കു​ന്ന​തിൽ നമുക്ക്‌ എങ്ങനെ മെച്ച​പ്പെ​ടാ​മെന്നു മനസ്സി​ലാ​ക്കാൻ സഹായി​ക്കുന്ന ചില ചോദ്യ​ങ്ങ​ളും നമ്മൾ ചർച്ച ചെയ്യും.

 8. യേശു എങ്ങനെ​യാ​ണു സ്‌നേഹം കാണി​ച്ചത്‌?

⁸ യേശു യഹോ​വയെ ഒരുപാ​ടു സ്‌നേ​ഹി​ച്ചു. അതു​കൊണ്ട്‌ യഹോ​വ​യ്‌ക്കു​വേ​ണ്ടി​യും മറ്റുള്ള​വർക്കു​വേ​ണ്ടി​യും ത്യാഗങ്ങൾ ചെയ്യാൻ യേശു തയ്യാറാ​യി. (യോഹ. 14:31; 15:13) ആളുകളെ താൻ എത്രമാ​ത്രം സ്‌നേ​ഹി​ക്കു​ന്നു​ണ്ടെന്നു ഭൂമി​യി​ലാ​യി​രു​ന്ന​പ്പോൾ യേശു തന്റെ ജീവി​ത​രീ​തി​യി​ലൂ​ടെ തെളി​യി​ച്ചു. ഓരോ ദിവസ​വും യേശു ആളുക​ളോ​ടു സ്‌നേ​ഹ​ത്തോ​ടെ സംസാ​രി​ക്കു​ക​യും അനുകമ്പ കാണി​ക്കു​ക​യും ചെയ്‌തു. തന്നെ എതിർത്ത​വ​രോ​ടു​പോ​ലും യേശു അങ്ങനെ ചെയ്‌തു. ഇനി, യേശു ദൈവ​രാ​ജ്യ​ത്തെ​ക്കു​റിച്ച്‌ ആളുകളെ പഠിപ്പി​ച്ചു. അവരോ​ടു സ്‌നേഹം കാണിച്ച ഒരു പ്രധാ​ന​വി​ധ​മാ​യി​രു​ന്നു അത്‌. (ലൂക്കോ. 4:43, 44) കൂടാതെ പാപി​ക​ളു​ടെ കൈയാൽ കഷ്ടതകൾ സഹിച്ച്‌ മരിക്കാൻ തയ്യാറാ​യി​ക്കൊ​ണ്ടും യേശു ദൈവ​ത്തോ​ടും ആളുക​ളോ​ടും ഉള്ള ആത്മത്യാ​ഗ​സ്‌നേഹം തെളി​യി​ച്ചു. അതിലൂ​ടെ നമുക്ക്‌ എല്ലാവർക്കും നിത്യ​ജീ​വൻ നേടാ​നുള്ള വഴി യേശു തുറന്നു​തന്നു.

 9. സ്‌നേഹം കാണി​ക്കു​ന്ന​തിൽ നമുക്ക്‌ എങ്ങനെ യേശു​വി​നെ അനുക​രി​ക്കാം?

⁹ യഹോ​വ​യോ​ടു സ്‌നേ​ഹ​മു​ള്ള​തു​കൊ​ണ്ടാ​ണു നമ്മൾ നമ്മളെ​ത്തന്നെ ദൈവ​ത്തി​നു സമർപ്പി​ക്കു​ക​യും സ്‌നാ​ന​മേൽക്കു​ക​യും ചെയ്‌തത്‌. എന്നാൽ ദൈവ​ത്തോ​ടുള്ള സ്‌നേഹം തെളി​യി​ക്കാൻ അതു മാത്രം പോരാ. നമ്മൾ ആളുക​ളോട്‌ എങ്ങനെ ഇടപെ​ടു​ന്നു എന്നതും പ്രധാ​ന​മാണ്‌. യേശു​വി​ന്റെ ജീവിതം നമ്മളെ പഠിപ്പി​ക്കു​ന്ന​തും അതാണ്‌. അപ്പോ​സ്‌ത​ല​നായ യോഹ​ന്നാൻ എഴുതി: “കാണുന്ന സഹോ​ദ​രനെ സ്‌നേ​ഹി​ക്കാ​ത്ത​യാൾ കാണാത്ത ദൈവത്തെ എങ്ങനെ സ്‌നേ​ഹി​ക്കും?” (1 യോഹ. 4:20) അതു​കൊണ്ട്‌ നമുക്കു നമ്മളോ​ടു​തന്നെ ഇങ്ങനെ ചോദി​ക്കാം: ‘എനിക്ക്‌ ആളുക​ളോട്‌ എത്രമാ​ത്രം സ്‌നേ​ഹ​മുണ്ട്‌? ആളുകൾ എന്നോടു മോശ​മാ​യി പെരു​മാ​റു​മ്പോ​ഴും ഞാൻ അവരോട്‌ അനുക​മ്പ​യോ​ടെ​യാ​ണോ ഇടപെ​ടു​ന്നത്‌? യഹോ​വ​യെ​ക്കു​റിച്ച്‌ ആളുകളെ പഠിപ്പി​ക്കാൻവേണ്ടി എന്റെ സമയവും വസ്‌തു​വ​ക​ക​ളും നൽകാൻ ഞാൻ തയ്യാറാ​കു​ന്നു​ണ്ടോ? മിക്കവ​രും എന്റെ ശ്രമത്തെ വിലമ​തി​ക്കാ​തി​രി​ക്കു​ക​യോ എന്നെ എതിർക്കു​ക​യോ ചെയ്യു​മ്പോൾപ്പോ​ലും അങ്ങനെ ചെയ്യാൻ സ്‌നേഹം എന്നെ പ്രേരി​പ്പി​ക്കു​ന്നു​ണ്ടോ? ശിഷ്യ​രാ​ക്കൽവേ​ല​യിൽ കഴിയു​ന്നത്ര സമയം ചെലവ​ഴി​ക്കാൻ ഞാൻ ശ്രമി​ക്കാ​റു​ണ്ടോ?’—എഫെ. 5:15, 16.

10. യേശു സമാധാ​നം ഉണ്ടാക്കുന്ന ആളായി​രു​ന്നത്‌ എങ്ങനെ?

¹⁰ യേശു സമാധാ​നം ഉണ്ടാക്കുന്ന ആളായി​രു​ന്നു. ആളുകൾ മോശ​മാ​യി പെരു​മാ​റി​യ​പ്പോ​ഴും യേശു തിന്മയ്‌ക്കു പകരം തിന്മ ചെയ്‌തില്ല. എന്നാൽ അതു മാത്രമല്ല, മറ്റുള്ള​വർക്കി​ട​യിൽ പ്രശ്‌ന​ങ്ങ​ളു​ണ്ടാ​യ​പ്പോൾ സമാധാ​നം ഉണ്ടാക്കാ​നാ​യി യേശു മുൻ​കൈ​യെ​ടുത്ത്‌ പ്രവർത്തി​ച്ചു. ഉദാഹ​ര​ണ​ത്തിന്‌, തങ്ങളിൽ ആരാണു വലിയവൻ എന്നതി​നെ​പ്പറ്റി അപ്പോ​സ്‌ത​ല​ന്മാർക്കി​ട​യിൽ തർക്കം ഉണ്ടായ​പ്പോൾ അതു പരിഹ​രി​ക്കാൻ യേശു അവരെ പല തവണ സഹായി​ച്ചു. (ലൂക്കോ. 9:46-48; 22:24-27) ഇനി, ആരെങ്കി​ലു​മാ​യി ഒരു പ്രശ്‌ന​മു​ണ്ടാ​യാൽ അതു പരിഹ​രി​ക്കാൻ ആളുകളെ പ്രോ​ത്സാ​ഹി​പ്പി​ക്കു​ക​യും ചെയ്‌തു. യഹോവ തങ്ങളുടെ ആരാധന സ്വീക​രി​ക്ക​ണ​മെ​ങ്കിൽ അവർ മറ്റുള്ള​വ​രു​മാ​യി സമാധാ​ന​ത്തി​ലാ​യി​രി​ക്ക​ണ​മെന്നു യേശു പഠിപ്പി​ച്ചു.—മത്താ. 5:9, 23, 24.

11. നമുക്ക്‌ എങ്ങനെ സമാധാ​നം ഉണ്ടാക്കുന്ന ഒരാളാ​യി​രി​ക്കാം?

¹¹ സമാധാ​നം ഉണ്ടാക്കുന്ന ആളായി​രി​ക്കാൻ നമ്മൾ വഴക്ക്‌ ഉണ്ടാക്കാ​തി​രു​ന്നാൽ മാത്രം പോരാ, മറ്റുള്ള​വ​രു​മാ​യി സമാധാ​ന​ത്തി​ലാ​കാൻ നമ്മൾ മുൻ​കൈ​യെ​ടുത്ത്‌ പ്രവർത്തി​ക്കണം. ഇനി, സഹോ​ദ​ര​ങ്ങൾക്കി​ട​യിൽ എന്തെങ്കി​ലും പ്രശ്‌ന​മു​ണ്ടെ​ങ്കിൽ അതു പരിഹ​രി​ക്കാൻ അവരെ പ്രോ​ത്സാ​ഹി​പ്പി​ക്കു​ക​യും വേണം. (ഫിലി. 4:2, 3; യാക്കോ. 3:17, 18) നമുക്കു നമ്മളോ​ടു​തന്നെ ഇങ്ങനെ ചോദി​ക്കാം: ‘മറ്റുള്ള​വ​രു​മാ​യി സമാധാ​ന​ത്തി​ലാ​കാൻവേണ്ടി ഞാൻ എത്ര​ത്തോ​ളം ത്യാഗം ചെയ്യാൻ തയ്യാറാണ്‌? ഒരു സഹോ​ദ​ര​നോ സഹോ​ദ​രി​യോ എന്നെ വേദനി​പ്പി​ക്കു​മ്പോൾ ഞാൻ നീരസം വെച്ചു​കൊ​ണ്ടി​രി​ക്കാ​റു​ണ്ടോ? സമാധാ​നം സ്ഥാപി​ക്കു​ന്ന​തി​നു മറ്റേയാൾ മുൻ​കൈ​യെ​ടു​ക്കാൻവേണ്ടി ഞാൻ കാത്തി​രി​ക്കു​മോ? അതോ മറ്റേയാ​ളാ​ണു പ്രശ്‌ന​ത്തി​ന്റെ കാരണ​ക്കാ​രൻ എന്നു തോന്നി​യാൽപ്പോ​ലും ആ വ്യക്തി​യു​മാ​യി സമാധാ​ന​ത്തി​ലാ​കാൻ ഞാൻ ശ്രമി​ക്കു​മോ? സഹോ​ദ​ര​ങ്ങൾക്കി​ട​യിൽ എന്തെങ്കി​ലും പ്രശ്‌നം ഉണ്ടായ​താ​യി അറിഞ്ഞാൽ ഞാൻ എന്താണു ചെയ്യാ​റു​ള്ളത്‌? ഞാൻ അതെക്കു​റിച്ച്‌ അവരോ​ടു സംസാ​രി​ക്കു​ന്നത്‌ ഉചിത​മാ​ണെ​ങ്കിൽ ആ പ്രശ്‌നം പരിഹ​രി​ക്കാ​നും വീണ്ടും സമാധാ​ന​ത്തി​ലാ​കാ​നും ഞാൻ അവരെ പ്രോ​ത്സാ​ഹി​പ്പി​ക്കാ​റു​ണ്ടോ?’

12. യേശു എങ്ങനെ​യാ​ണു ദയ കാണി​ച്ചത്‌?

¹² യേശു ദയയുള്ള ആളായി​രു​ന്നു. (മത്താ. 11:28-30) ബുദ്ധി​മു​ട്ടു നിറഞ്ഞ സാഹച​ര്യ​ങ്ങ​ളിൽപ്പോ​ലും പരിഗ​ണ​ന​യും വഴക്കവും ഉള്ളവനാ​യി​രു​ന്നു​കൊണ്ട്‌ യേശു ദയ കാണിച്ചു. ഉദാഹ​ര​ണ​ത്തിന്‌, ഒരു ഫൊയ്‌നി​ക്യ​ക്കാ​രി യേശു​വി​നോ​ടു തന്റെ മകളെ സുഖ​പ്പെ​ടു​ത്തണേ എന്ന്‌ അപേക്ഷി​ച്ച​പ്പോൾ അവർ ആവശ്യ​പ്പെട്ട കാര്യം ചെയ്യാൻ ആദ്യം യേശു തയ്യാറാ​യി​ല്ലെ​ങ്കി​ലും അവരുടെ ശക്തമായ വിശ്വാ​സം കണ്ടപ്പോൾ ദയയോ​ടെ അവരുടെ മകളെ സുഖ​പ്പെ​ടു​ത്തി. (മത്താ. 15:22-28) യേശു ദയയുള്ള ആളായി​രു​ന്നെ​ങ്കി​ലും ഉപദേശം നൽകേ​ണ്ട​പ്പോൾ അതു നൽകാ​തി​രു​ന്നു​മില്ല. ചില സന്ദർഭ​ങ്ങ​ളിൽ താൻ സ്‌നേ​ഹി​ക്കു​ന്ന​വർക്കു വേണ്ട തിരുത്തൽ കൊടു​ത്തു​കൊ​ണ്ടാണ്‌ യേശു ദയ കാണി​ച്ചത്‌. ഉദാഹ​ര​ണ​ത്തിന്‌, ഒരിക്കൽ യഹോ​വ​യു​ടെ ഇഷ്ടം ചെയ്യു​ന്ന​തിൽനിന്ന്‌ യേശു​വി​നെ പിന്തി​രി​പ്പി​ക്കാൻ പത്രോസ്‌ ശ്രമിച്ചു. യേശു അപ്പോൾ മറ്റു ശിഷ്യ​ന്മാ​രു​ടെ​യെ​ല്ലാം മുന്നിൽവെച്ച്‌ പത്രോ​സി​നെ ശാസിച്ചു. (മർക്കോ. 8:32, 33) യേശു അങ്ങനെ ചെയ്‌തത്‌ പത്രോ​സി​നെ നാണം​കെ​ടു​ത്താ​നാ​യി​രു​ന്നില്ല. പകരം അദ്ദേഹത്തെ പരിശീ​ലി​പ്പി​ക്കാ​നും എളിമ​യു​ള്ള​വ​രാ​യി​രി​ക്കാൻ മറ്റു ശിഷ്യ​ന്മാ​രെ​ക്കൂ​ടി പഠിപ്പി​ക്കാ​നും ആയിരു​ന്നു. യേശു അങ്ങനെ പറഞ്ഞ​പ്പോൾ പത്രോ​സി​നു വിഷമം തോന്നി എന്നുള്ളതു ശരിയാണ്‌. എങ്കിലും ആ ഉപദേ​ശ​ത്തിൽനിന്ന്‌ അദ്ദേഹം പ്രയോ​ജനം നേടി.

13. നമുക്ക്‌ എങ്ങനെ ഒരാ​ളോ​ടു ദയ കാണി​ക്കാം?

¹³ നമ്മൾ സ്‌നേ​ഹി​ക്കുന്ന ഒരാ​ളോ​ടു ശരിക്കും ദയ കാണി​ക്കു​ന്ന​തി​നു ചില​പ്പോൾ നമ്മൾ ആ വ്യക്തിക്കു ചില ഉപദേ​ശങ്ങൾ കൊടു​ക്കേ​ണ്ടി​വ​ന്നേ​ക്കാം. അങ്ങനെ ചെയ്യു​മ്പോൾ യേശു​വി​നെ അനുക​രി​ക്കുക. നിങ്ങൾ നൽകുന്ന ഉപദേശം ദൈവ​വ​ച​നത്തെ അടിസ്ഥാ​ന​മാ​ക്കി​യു​ള്ള​താ​ണെന്ന്‌ ഉറപ്പു​വ​രു​ത്തുക. സ്‌നേ​ഹ​ത്തോ​ടെ അവരോ​ടു സംസാ​രി​ക്കുക. അവർ നല്ലതു ചെയ്യാൻ ആഗ്രഹി​ക്കു​ന്നെ​ന്നും യഹോ​വ​യെ​യും നമ്മളെ​യും സ്‌നേ​ഹി​ക്കു​ന്ന​തു​കൊണ്ട്‌ നമ്മൾ ദയയോ​ടെ നൽകുന്ന ഉപദേശം അവർ സ്വീക​രി​ക്കു​മെ​ന്നും വിശ്വ​സി​ക്കുക. നിങ്ങ​ളോ​ടു​തന്നെ ഈ ചോദ്യ​ങ്ങൾ ചോദി​ക്കുക: ‘ഞാൻ സ്‌നേ​ഹി​ക്കുന്ന ഒരാൾ തെറ്റായ ഒരു കാര്യം ചെയ്യു​ന്ന​താ​യി കാണു​മ്പോൾ അതെക്കു​റിച്ച്‌ ആ വ്യക്തി​യോ​ടു തുറന്നു സംസാ​രി​ക്കാ​നുള്ള ധൈര്യം എനിക്കു​ണ്ടോ? ഇനി, ഒരു ഉപദേശം നൽകേ​ണ്ട​തു​ണ്ടെ​ങ്കിൽ ഞാൻ എങ്ങനെ​യാണ്‌ അതു പറയു​ന്നത്‌, ദയയോ​ടെ​യാ​ണോ അതോ ദേഷ്യ​ത്തോ​ടെ​യാ​ണോ? ഉപദേശം കൊടു​ക്കാൻ എന്നെ പ്രേരി​പ്പി​ക്കു​ന്നത്‌ എന്താണ്‌? ഞാൻ അതു നൽകു​ന്നത്‌ ആ വ്യക്തി​യോ​ടു ദേഷ്യം തോന്നി​യി​ട്ടാ​ണോ അതോ അദ്ദേഹത്തെ സഹായി​ക്കാ​നുള്ള ആഗ്രഹം​കൊ​ണ്ടാ​ണോ?’

14. യേശു എങ്ങനെ​യാ​ണു നന്മ ചെയ്യു​ന്നത്‌?

¹⁴ യേശു​വി​നു നന്മ എന്താ​ണെന്ന്‌ അറിയാ​മെന്നു മാത്രമല്ല, യേശു അതനു​സ​രിച്ച്‌ പ്രവർത്തി​ക്കു​ക​യും ചെയ്യു​ന്നുണ്ട്‌. യേശു തന്റെ പിതാ​വി​നെ സ്‌നേ​ഹി​ക്കു​ന്നു, അതു​കൊണ്ട്‌ എപ്പോ​ഴും മറ്റുള്ള​വർക്കു നന്മ ചെയ്യുന്നു. അതു ചെയ്യു​ന്നതു നല്ല ഉദ്ദേശ്യ​ത്തോ​ടെ​യു​മാണ്‌. ഒരു നല്ല മനുഷ്യൻ മറ്റുള്ള​വരെ എങ്ങനെ സഹായി​ക്കാം, അവർക്ക്‌ എങ്ങനെ നന്മ ചെയ്യാം എന്നൊക്കെ എപ്പോ​ഴും ചിന്തി​ച്ചു​കൊ​ണ്ടി​രി​ക്കും. ചെയ്യേണ്ട ശരിയായ കാര്യം എന്താ​ണെന്ന്‌ അറിഞ്ഞാൽ മാത്രം പോരാ. നമ്മൾ അതനു​സ​രിച്ച്‌ പ്രവർത്തി​ക്കു​ക​യും വേണം. ഇനി, അതു ചെയ്യു​ന്നതു ശരിയായ ഉദ്ദേശ്യ​ത്തോ​ടെ​യു​മാ​യി​രി​ക്കണം. എന്നാൽ തെറ്റായ ഉദ്ദേശ്യ​ത്തോ​ടെ ആർക്കെ​ങ്കി​ലും നല്ല കാര്യങ്ങൾ ചെയ്യാൻ പറ്റുമോ എന്നു ചിലർ ചിന്തി​ച്ചേ​ക്കാം. പറ്റു​മെ​ന്നാ​ണു യേശു​വി​ന്റെ വാക്കുകൾ സൂചി​പ്പി​ക്കു​ന്നത്‌. ഉദാഹ​ര​ണ​ത്തിന്‌ പാവ​പ്പെ​ട്ട​വർക്കു ദാനം ചെയ്യു​ന്ന​വരെ സംബന്ധിച്ച്‌ യേശു പറഞ്ഞു. മറ്റുള്ള​വരെ കാണി​ക്കാൻവേ​ണ്ടി​യാ​യി​രു​ന്നു അവർ അതു ചെയ്‌തി​രു​ന്നത്‌. അവർ ചെയ്യു​ന്നതു നല്ല കാര്യ​മാ​യി​രു​ന്നെ​ങ്കി​ലും അത്‌ യഹോ​വയെ സന്തോ​ഷി​പ്പി​ക്കു​മാ​യി​രു​ന്നില്ല.—മത്താ. 6:1-4.

15. മറ്റുള്ള​വർക്കു​വേണ്ടി നന്മ ചെയ്യു​ന്ന​തിൽ എന്താണ്‌ ഉൾപ്പെ​ടു​ന്നത്‌?

¹⁵ മറ്റുള്ള​വർക്കു​വേണ്ടി നന്മ ചെയ്യുക എന്നതിന്റെ അർഥം സ്വാർഥ​മായ ഉദ്ദേശ്യ​ങ്ങ​ളൊ​ന്നും ഇല്ലാതെ അവർക്കു​വേണ്ടി നല്ല കാര്യങ്ങൾ ചെയ്യുക എന്നാണ്‌. അതു​കൊണ്ട്‌ നമുക്കു നമ്മളോ​ടു​തന്നെ ഇങ്ങനെ ചോദി​ക്കാം: ‘ചെയ്യേണ്ട ശരിയായ കാര്യങ്ങൾ എന്താ​ണെന്ന്‌ എനിക്ക്‌ അറിയാ​മെന്നേ ഉള്ളോ, അതോ അതു ചെയ്യാൻ ഞാൻ തയ്യാറാ​കു​ന്നു​ണ്ടോ? എന്ത്‌ ഉദ്ദേശ്യ​ത്തോ​ടെ​യാ​ണു ഞാൻ നല്ല കാര്യങ്ങൾ ചെയ്യു​ന്നത്‌?’

16. നമ്മൾ ഓരോ ദിവസ​വും എന്തു ചെയ്യണം, എന്തു​കൊണ്ട്‌?

¹⁶ ‘സ്‌നാ​ന​പ്പെ​ട്ട​പ്പോൾ പുതിയ വ്യക്തി​ത്വം ധരിച്ചു​ക​ഴി​ഞ്ഞു, ഇനി അക്കാര്യ​ത്തിൽ ഒന്നും ചെയ്യേ​ണ്ട​തില്ല’ എന്ന്‌ ഒരിക്ക​ലും ചിന്തി​ക്ക​രുത്‌. പുതിയ വ്യക്തി​ത്വം മനോ​ഹ​ര​മായ ഒരു ‘പുതിയ വസ്‌ത്രം​പോ​ലെ​യാണ്‌.’ നമ്മൾ അതു നല്ല നിലയിൽ സൂക്ഷി​ക്കേ​ണ്ട​തുണ്ട്‌. നമുക്ക്‌ അതു ചെയ്യാ​നാ​കുന്ന ഒരു വിധം ഓരോ ദിവസ​വും ദൈവാ​ത്മാ​വി​ന്റെ ഫലം നമ്മുടെ ജീവി​ത​ത്തിൽ പകർത്തുക എന്നതാണ്‌. കാരണം യഹോവ എപ്പോ​ഴും പ്രവർത്തി​ക്കുന്ന ദൈവ​മാണ്‌. ഇനി, ദൈവ​ത്തി​ന്റെ ആത്മാവും പ്രവർത്തി​ച്ചു​കൊ​ണ്ടി​രി​ക്കുന്ന ശക്തിയാണ്‌. (ഉൽപ. 1:2) അതിന്റെ അർഥം ദൈവാ​ത്മാ​വി​ന്റെ ഫലത്തിലെ ഓരോ ഗുണവും നമ്മുടെ പ്രവൃ​ത്തി​യിൽ കാണണം എന്നാണ്‌. ഉദാഹ​ര​ണ​ത്തിന്‌ ശിഷ്യ​നായ യാക്കോബ്‌ എഴുതി: ‘പ്രവൃ​ത്തി​യി​ല്ലാത്ത വിശ്വാ​സം ചത്തതാണ്‌.’ (യാക്കോ. 2:26) വിശ്വാ​സ​ത്തി​ന്റെ കാര്യ​ത്തിൽ മാത്രമല്ല ദൈവാ​ത്മാ​വി​ന്റെ ഫലത്തിലെ മറ്റു ഗുണങ്ങ​ളു​ടെ കാര്യ​ത്തി​ലും അതു ശരിയാണ്‌. ഓരോ തവണ ഈ ഗുണങ്ങൾ ജീവി​ത​ത്തിൽ പകർത്തു​മ്പോ​ഴും യഹോ​വ​യു​ടെ ആത്മാവ്‌ നമ്മളിൽ പ്രവർത്തി​ക്കു​ന്നു എന്നു തെളി​യി​ക്കു​ക​യാ​യി​രി​ക്കും.

17. ദൈവാ​ത്മാ​വി​ന്റെ ഫലത്തിലെ ഗുണങ്ങൾ ജീവി​ത​ത്തിൽ പകർത്താൻ പരാജ​യ​പ്പെ​ട്ടാൽ നമ്മൾ എന്തു ചെയ്യണം?

¹⁷ സ്‌നാ​ന​മേറ്റ്‌ വർഷങ്ങ​ളാ​യാൽപ്പോ​ലും ദൈവി​ക​ഗു​ണങ്ങൾ ജീവി​ത​ത്തിൽ പകർത്തുന്ന കാര്യ​ത്തിൽ നമ്മൾ ചില​പ്പോൾ പരാജ​യ​പ്പെ​ട്ടേ​ക്കാം. അങ്ങനെ സംഭവി​ച്ചാ​ലും നമ്മൾ ശ്രമം തുടരണം, അതാണു പ്രധാനം. അതു മനസ്സി​ലാ​ക്കാൻ നമുക്ക്‌ ഒരു ദൃഷ്ടാന്തം നോക്കാം. നിങ്ങൾക്കു വളരെ ഇഷ്ടപ്പെട്ട ഒരു വസ്‌ത്രം അൽപ്പം കീറി​യെന്നു വിചാ​രി​ക്കുക. നിങ്ങൾ എന്തു ചെയ്യും? ഉടനെ അത്‌ ഉപേക്ഷി​ച്ചു​ക​ള​യു​മോ? ഇല്ല അല്ലേ? സാധ്യ​ത​യ​നു​സ​രിച്ച്‌ ആ കീറിയ ഭാഗം എങ്ങനെ​യും തയ്‌ച്ച്‌ ശരിയാ​ക്കാൻ നോക്കും. പിന്നീട്‌ അങ്ങോട്ട്‌ വളരെ സൂക്ഷി​ച്ചാ​യി​രി​ക്കും നിങ്ങൾ അത്‌ ഉപയോ​ഗി​ക്കു​ന്നത്‌. അതു​പോ​ലെ എപ്പോ​ഴെ​ങ്കി​ലും മറ്റുള്ള​വ​രോ​ടു ദയയോ ക്ഷമയോ സ്‌നേ​ഹ​മോ കാണി​ക്കാൻ കഴിഞ്ഞി​ല്ലെ​ങ്കി​ലും നിരു​ത്സാ​ഹി​ത​രാ​ക​രുത്‌. ആത്മാർഥ​മാ​യി ഒന്നു ക്ഷമ ചോദി​ച്ചാൽ മതിയാ​കും വീണ്ടും ആ പഴയബ​ന്ധ​ത്തി​ലേക്കു തിരി​ച്ചു​വ​രാൻ. ഒപ്പം, വീണ്ടും ആ തെറ്റ്‌ ആവർത്തി​ക്കാ​തി​രി​ക്കാൻ ശ്രമി​ക്കു​ക​യും ചെയ്യുക.

18. ഏതു കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം?

¹⁸ യേശു നമുക്കാ​യി നല്ലൊരു മാതൃ​ക​വെ​ച്ച​തിൽ നമുക്ക്‌ എത്ര നന്ദിയു​ള്ള​വ​രാ​യി​രി​ക്കാം! യേശു ചിന്തി​ച്ച​തു​പോ​ലെ ചിന്തി​ക്കാൻ നമ്മൾ ശ്രമി​ക്കു​ന്നെ​ങ്കിൽ യേശു പ്രവർത്തി​ച്ച​തു​പോ​ലെ പ്രവർത്തി​ക്കാ​നും നമുക്ക്‌ എളുപ്പ​മാ​യി​രി​ക്കും. എത്രയ​ധി​ക​മാ​യി അങ്ങനെ ചെയ്യു​ന്നോ അത്രയ​ധി​ക​മാ​യി നമ്മുടെ പുതിയ വ്യക്തി​ത്വം മെച്ച​പ്പെ​ടു​ത്താ​നാ​കും. ദൈവാ​ത്മാ​വി​ന്റെ ഫലത്തിലെ നാലു ഗുണങ്ങ​ളെ​ക്കു​റിച്ച്‌ മാത്രമേ ഈ ലേഖന​ത്തിൽ നമ്മൾ ചർച്ച ചെയ്‌തു​ള്ളൂ. ബാക്കി ഗുണങ്ങ​ളെ​ക്കു​റി​ച്ചു​കൂ​ടി പഠിക്കാ​നും നമ്മൾ ആ ഗുണങ്ങൾ ജീവി​ത​ത്തിൽ എങ്ങനെ പകർത്തു​ന്നെന്നു ചിന്തി​ക്കാ​നും അൽപ്പം സമയം മാറ്റി​വെ​ക്കാ​നാ​കു​മോ? ഈ വിഷയ​ത്തെ​ക്കു​റി​ച്ചുള്ള കൂടുതൽ ലേഖന​ങ്ങൾക്കാ​യി യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള ഗവേഷ​ണ​സ​ഹാ​യി​യി​ലെ “ക്രിസ്‌തീ​യ​ജീ​വി​തം” എന്ന തലക്കെ​ട്ടി​നു കീഴി​ലുള്ള “ആത്മാവി​ന്റെ ഫലം” എന്ന ഭാഗത്ത്‌ നോക്കുക. പുതിയ വ്യക്തി​ത്വം ധരിക്കാ​നും അതു നിലനി​റു​ത്താ​നും നിങ്ങൾ ശ്രമി​ക്കു​ന്നെ​ങ്കിൽ യഹോവ ഉറപ്പാ​യും നിങ്ങളെ സഹായി​ക്കും.