കുശു​കു​ശുപ്പ്‌ നിങ്ങ​ളെ​ത്ത​ന്നെ​യും മററു​ള്ള​വ​രെ​യും ദ്രോ​ഹി​ക്കു​ന്നത്‌ എങ്ങനെ ഒഴിവാ​ക്കാം

ആളുകൾ ഉള്ളിട​ത്തോ​ളം​കാ​ലം കുശു​കു​ശു​പ്പു​ണ്ടാ​യി​രി​ക്കും. ബൈബി​ളിൽ പ്രവചി​ക്ക​പ്പെ​ട്ടി​രി​ക്കുന്ന പൂർണ്ണ​ത​യുള്ള പുതി​യ​ലോ​കം പോലും കുശു​കു​ശു​പ്പിൽനിന്ന്‌ സ്വത​ന്ത്ര​മാ​യി​രി​ക്കു​വാൻ ഇടയില്ല.a (2 പത്രോസ്‌ 3:13) സുഹൃ​ത്തു​ക്ക​ളെ​യും പരിച​യ​ക്കാ​രെ​യും സംബന്ധിച്ച അനൗപ​ചാ​രി​ക​മായ സംസാരം നാം അന്യോ​ന്യം ആശയവി​നി​യമം നടത്തു​ന്ന​തി​ന്റെ​യും ആരോ​ഗ്യ​ക​ര​മായ ബന്ധങ്ങൾ നിലനിർത്തു​ന്ന​തി​ന്റെ​യും ഒരു അവിഭാ​ജ്യ ഭാഗമാണ്‌.

എന്നുവ​രി​കി​ലും, ഹാനി​ക​ര​വും ദ്രോ​ഹ​ക​ര​വും ആയ കുശു​കു​ശു​പ്പിന്‌ അഥവാ ദുഷിക്ക്‌ യാതൊ​രു ഒഴിക​ഴി​വും ഇല്ല! അത്തരം സംസാരം ദ്രോ​ഹി​ക്കു​ക​യും വികല​മാ​ക്കു​ക​യും ചെയ്യുന്നു; അത്‌ ജീവി​ത​ങ്ങ​ളും ബന്ധങ്ങളും കീർത്തി​ക​ളും നശിപ്പി​ക്കു​ക​പോ​ലും ചെയ്‌തേ​ക്കാം. ഔചി​ത്യ​ത്തി​ന്റെ രേഖ മറിക​ട​ക്കു​ന്ന​തും ദ്രോ​ഹ​ക​ര​മായ കുശു​കു​ശു​പ്പിൽ ഏർപ്പെ​ടു​ന്ന​തും നിങ്ങൾക്കെ​ങ്ങനെ ഒഴിവാ​ക്കു​വാൻ കഴിയും? നിങ്ങൾക്ക്‌ അതിൽനിന്ന്‌ നിങ്ങ​ളെ​ത്തന്നെ എങ്ങനെ സംരക്ഷി​ക്കാൻ കഴിയും? ഈ വിഷയ​ത്തിൽ ഇതുവരെ നൽക​പ്പെ​ട്ടി​ട്ടു​ള്ള​തി​ലേ​ക്കും ഏററവും നല്ല ഉപദേ​ശ​ത്തിൽ ചിലത്‌ ബൈബി​ളിൽ എഴുതി​യി​ട്ടുണ്ട്‌. ഈ ഉപദേ​ശ​ത്തിൽ ചിലതു​മാ​ത്രം നമുക്കു നോക്കാം.

നിങ്ങളു​ടെ നാവിന കടിഞ്ഞാ​ണി​ടുക: “സംഭാ​ഷണം മനസ്സിന്റെ ഒരു വ്യായാ​മ​മാണ്‌,എന്നാൽ കുശു​കു​ശുപ്പ്‌ വെറും നാവിന്റെ ഒരു വ്യായാ​മ​മാണ്‌” എന്ന്‌ പറയ​പ്പെ​ട്ടി​രി​ക്കു​ന്നു. യഥാർത്ഥ​ത്തിൽ ദ്രോ​ഹ​ക​ര​മായ മിക്ക സംസാ​ര​വും, പകയോ​ടു​കൂ​ടി​യതല്ല, സംസാ​രി​ക്കു​ന്ന​തി​നു​മുമ്പ്‌ ചിന്തി​ക്കു​ന്ന​തി​നുള്ള ഒരു പരാജ​യത്തെ പ്രതി​ഫ​ലി​പ്പി​ക്കു​ന്നു. ചിലർ മററു​ള്ള​വ​രു​ടെ കാര്യാ​ദി​ക​ളെ​ക്കു​റിച്ച്‌ പുലമ്പു​ന്നു; പരിണ​ത​ഫലം ആലോ​ചി​ക്കാ​തെ അവർ രസിക​മാ​ക്കു​ക​യും ഊതി​വീർപ്പി​ക്കു​ക​യും വളച്ചൊ​ടി​ക്കു​ക​യും ചെയ്യുന്നു. തങ്ങൾ ഏല്‌പി​ക്കുന്ന നാശനഷ്ടം തിരി​ച്ച​റി​യാ​തെ​പോ​ലും അവർ തങ്ങളുടെ സ്‌നേ​ഹി​ത​രു​ടെ​യും ഇണകളു​ടെ​യും കുട്ടി​ക​ളു​ടെ​യും തെററു​കൾ മററു​ള്ള​വ​രോട്‌ വെളി​പ്പെ​ടു​ത്തു​ന്നു.

അങ്ങനെ ബൈബിൾ ഈ ഉപദേശം നൽകുന്നു: “വാക്കു​ക​ളു​ടെ പെരു​പ്പ​ത്തിൽ ലംഘനം ഇല്ലാതി​രി​ക്ക​യില്ല, എന്നാൽ തന്റെ അധരങ്ങളെ അടക്കു​ന്നവൻ വിവേ​ക​ത്തോ​ടെ പ്രവർത്തി​ക്കു​ന്നു.” (സദൃശ​വാ​ക്യ​ങ്ങൾ 10:19) മററു വാക്കു​ക​ളിൽ നിങ്ങൾ സംസാ​രി​ക്കു​ന്ന​തി​നു​മുമ്പ്‌ ആലോ​ചി​ക്കുക. മററാ​രെ​യെ​ങ്കി​ലും​കു​റിച്ച്‌ നിങ്ങൾ എന്തെങ്കി​ലും പറയു​ന്ന​തി​നു​മുമ്പ്‌ ആലോ​ചി​ക്കുക. നിങ്ങ​ളോ​ടു​തന്നെ ചോദി​ക്കുക: ‘ഞാൻ അത്‌ ആ വ്യക്തി​യു​ടെ സാന്നി​ദ്ധ്യ​ത്തിൽ ആവർത്തി​ക്കു​മോ? എന്നെക്കു​റിച്ച്‌ ഇതുപ​റ​ഞ്ഞാൽ എനി​ക്കെ​ന്തു​തോ​ന്നും?’ (മത്തായി 7:12) സങ്കീർത്തനം 39:1 ഇപ്രകാ​രം പറയുന്നു: “നാവു​കൊണ്ട്‌ പാപം ചെയ്യാ​തി​രി​ക്കാൻ ഞാൻ എന്റെ വഴികളെ സൂക്ഷി​ക്കും. എന്റെ വായ്‌ കടിഞ്ഞാ​ണിട്ട്‌ കാക്കും.”

നിങ്ങളു​ടെ നാവിന്‌ കടിഞ്ഞാ​ണി​ടു​ന്നത്‌ മിക്കവാ​റും അസാദ്ധ്യ​മെന്ന്‌ തെളി​യുന്ന സാഹച​ര്യ​ങ്ങൾ ഉണ്ടാ​യേ​ക്കാ​മെന്ന്‌ സമ്മതി​ക്കു​ന്നു. ഉദാഹ​ര​ണ​ത്തിന്‌, നിങ്ങൾക്കോ നിങ്ങളു​ടെ കുടും​ബ​ത്തി​നോ എതിരെ ഗുരു​ത​ര​മായ പാപം ചെയ്‌ത​താ​യി നിങ്ങൾക്ക്‌ ശക്തമായ സംശയ​മു​ണ്ടാ​യി​രി​ക്കാം. നിങ്ങൾക്ക്‌ തെളി​വി​ല്ലാ​യി​രി​ക്കാം, എന്നാൽ അതുസം​ബ​ന്ധിച്ച്‌ എന്തെങ്കി​ലും ചെയ്യേ​ണ്ട​തി​ന്റെ ആവശ്യം നിങ്ങൾക്കു​തോ​ന്നു​ന്നു. വിശ്വ​സി​ക്കാ​വുന്ന ഒരു സുഹൃ​ത്തി​നോ​ടോ അധികാ​ര​സ്ഥാ​ന​ത്തുള്ള ആരോ​ടെ​ങ്കി​ലു​മോ അതുസം​ബ​ന്ധിച്ച്‌ സംസാ​രി​ക്കു​ന്നത്‌ ദുഷി​യാ​യി​രി​ക്കു​മോ? ഉപദേ​ശ​ത്തി​നു​വേണ്ടി നിങ്ങൾ ആരെ​യെ​ങ്കി​ലും സമീപി​ച്ചാൽ നിങ്ങൾ ദ്രോ​ഹ​ക​ര​മായ കുശു​കു​ശു​പ്പു​കാ​ര​നാ​കു​മോ? വ്യക്തമാ​യും ഇല്ല. രഹസ്യ​സം​സാ​ര​ത്തി​ന്റെ ജ്ഞാനത്തെ ബൈബിൾ അംഗീ​ക​രി​ക്കു​ന്നു. അത്തരം ദുർബ്ബ​ല​മായ സാഹച​ര്യ​ങ്ങൾ കൈകാ​ര്യം ചെയ്യു​മ്പോൾ നല്ല ന്യായ​ബോ​ധ​വും സമനി​ല​യും അതി​പ്ര​ധാ​ന​മാണ്‌.—സദൃശ​വാ​ക്യ​ങ്ങൾ 15:22.

ദ്രോ​ഹ​ക​ര​മാ​യ കുശു​കു​ശുപ്പ്‌ ശ്രദ്ധി​ക്ക​രുത്‌: ‘വൻ കാതു​കൾക്ക്‌’ ഇല്ലെങ്കിൽ ‘വൻ വായ്‌കൾക്ക്‌’ എന്തു സംഭവി​ക്കും? നിരന്തരം മൗഢ്യ​സം​സാ​ര​ത്തിൽ ഏർപ്പെ​ടു​ന്നവർ പ്രശ്‌ന​ത്തി​ന്റെ ഒരുഭാ​ഗം മാത്ര​മാണ്‌; ശ്രദ്ധി​ക്കു​ന്ന​തിൽ മോദം കണ്ടെത്തു​ന്ന​വ​രും ഉത്തരവാ​ദി​ക​ളാണ്‌. വെറുതെ ശ്രദ്ധി​ക്കു​ന്നത്‌ നിങ്ങളു​ടെ നിശബ്ദ​മായ അംഗീ​കാ​രം ആയിത്തീ​രു​ന്നു, ദ്രോ​ഹ​ക​ര​മായ കുശു​കു​ശു​പ്പി​ന്റെ വ്യാപ​ന​ത്തിന്‌ സംഭാ​വ​ന​ചെ​യ്യു​ക​യും ചെയ്‌തേ​ക്കാം. സദൃശ​വാ​ക്യ​ങ്ങൾ 17:4 പറയുന്നു: “ദുഷ്‌ക്കർമ്മി ദ്രോ​ഹ​ക​ര​മായ അധരങ്ങൾക്ക്‌ ശ്രദ്ധ​കൊ​ടു​ക്കു​ന്നു. വഞ്ചകൻ വിപത്തു​ണ്ടാ​ക്കുന്ന നാവിന്‌ ചെവി​കൊ​ടു​ക്കു​ന്നു.”

ആരെക്കു​റി​ച്ചെ​ങ്കി​ലു​മുള്ള സംസാരം നിയ​ന്ത്രണം വിടു​മ്പോൾ നിങ്ങൾ അല്‌പം ധൈര്യം കാണിച്ച്‌ ഇപ്രകാ​രം പറയേ​ണ്ട​തു​ണ്ടാ​യി​രി​ക്കാം, ‘നമുക്ക്‌ വിഷയം മാററാം.’ നിങ്ങളു​ടെ ഇപ്പോ​ഴത്തെ സുഹൃ​ദ്‌വ​ലയം മാററം​വ​രു​ത്താൻ കഴിയാ​ത​വണ്ണം ദ്രോ​ഹ​ക​ര​മായ കുശു​കു​ശു​പ്പിൽ ഏർപ്പെ​ടുന്ന പ്രവണ​ത​യു​ള്ള​താ​ണെന്ന്‌ തെളി​യു​ന്നെ​ങ്കിൽ പുതിയ സഹകാ​രി​കളെ കണ്ടെത്തു​ന്ന​തി​നെ​ക്കു​റി​ച്ചു​പോ​ലും നിങ്ങൾ ചിന്തി​ക്കേ​ണ്ട​തു​ണ്ടാ​യി​രി​ക്കാം. ബൈബിൾ ഇപ്രകാ​രം പറയുന്നു: “ഒരു കുശു​കു​ശു​പ്പിന്‌ ഒരിക്ക​ലും രഹസ്യം സൂക്ഷി​ക്കാൻ കഴിയില്ല. അധികം സംസാ​രി​ക്കുന്ന ആളുക​ളിൽനിന്ന്‌ അകന്നു​നി​ല്‌ക്കുക.” (സദൃശ​വാ​ക്യ​ങ്ങൾ 20:19, ററു​ഡേസ്‌ ഇംഗ്ലീഷ്‌ വേർഷൻ) അല്‌പ​സ​മ​യ​ത്തി​നു​ള്ളിൽ നിങ്ങൾ ഒരു ചർച്ചാ​വി​ഷ​യ​മാ​യി​ത്തീ​രാൻ സാദ്ധ്യ​ത​യുണ്ട്‌.

കുശു​കു​ശു​പ്പി​നോട്‌ അതിരു​ക​ടന്ന്‌ പ്രതി​ക​രി​ക്ക​രുത്‌: കുശു​കു​ശുപ്പ്‌ തങ്ങളെ​ക്കു​റി​ച്ച​ല്ലെ​ങ്കിൽ മിക്കയാ​ളു​ക​ളും അത്‌ ആസ്വദി​ക്കു​ന്നു. നേരേ​മ​റിച്ച്‌ നിങ്ങൾ മോശ​മായ ഒരു കിംവ​ദ​ന്തി​യു​ടെ​യോ കള്ളക്കഥ​യു​ടെ​യോ ഇരയാ​ണെന്ന്‌ സങ്കൽപ്പി​ക്കുക. ചില​പ്പോൾ കഥയുടെ ഉറവ്‌ കണ്ടുപി​ടി​ക്കാ​നും ഒച്ചപ്പാ​ടു​ണ്ടാ​ക്കാ​തെ കാര്യങ്ങൾ നേരെ​യാ​ക്കാ​നും കഴിയു​ന്നു. എന്നാൽ നിങ്ങൾക്കു കഴിയു​ന്നി​ല്ലെ​ങ്കിൽ എന്ത്‌?

നിങ്ങൾ കുപി​ത​നാ​കു​ന്ന​തി​നാൽ യാതൊ​ന്നും സാധി​ക്കു​ന്നില്ല. “പെട്ടെന്നു കോപി​ക്കു​ന്നവൻ ഭോഷ​ത്വം പ്രവർത്തി​ക്കും,” എന്ന്‌ ബൈബിൾ പറയുന്നു. (സദൃശ​വാ​ക്യ​ങ്ങൾ 14:17) അങ്ങനെ ശലോ​മോൻ ഈ ഉപദേശം നൽകുന്നു: “ആളുകൾ സംസാ​രി​ച്ചേ​ക്കാ​വുന്ന സകലവാ​ക്കി​നും നീ ശ്രദ്ധ​കൊ​ടു​ക്ക​രുത്‌ . . . എന്തെന്നാൽ നീ, നീതന്നെ മററു​ള്ള​വരെ പലപ്രാ​വ​ശ്യം ശപിച്ചി​ട്ടു​ള്ളത്‌ നിന്റെ ഹൃദയ​ത്തിന്‌ നന്നായി അറിയാ​മ​ല്ലോ” (സഭാ​പ്ര​സം​ഗി 7:21, 22) കുശു​കു​ശുപ്പ്‌ ജീവി​ത​ത്തി​ലെ ഒരു വസ്‌തു​ത​യാണ്‌, ഒരുസ​മ​യത്ത്‌ അഥവാ മറെറാ​രി​ക്കൽ നിങ്ങൾതന്നെ അതിലെ ഒരു സജീവ പങ്കാളി​യാ​യി​രു​ന്നി​രി​ക്കാൻ ഇടയുണ്ട്‌. കാര്യം അതി​നെ​ക്കു​റിച്ച്‌ അസ്വസ്ഥ​നാ​ക​ത്ത​ക്ക​വണ്ണം യഥാർത്ഥ​ത്തിൽ മൂല്യ​മു​ള്ള​താ​ണോ? കുറച്ചു​ക​ഴി​ഞ്ഞാൽ അത്‌ സ്വാഭാ​വി​ക​മാ​യും മാഞ്ഞു​പോ​കാൻ ഇടയു​ണ്ടോ? “ചിരി​ക്കാൻ ഒരു സമയമുണ്ട്‌,” ഒരുപക്ഷെ നിങ്ങൾക്ക്‌ നർമ്മ​ബോ​ധ​മു​ണ്ടെന്ന്‌ പ്രകട​മാ​ക്കു​ന്നത്‌, അത്‌ ചിരി​ച്ചു​ത​ള്ളു​ന്ന​താ​യി​രി​ക്കും കിംവ​ദന്തി കെടു​ത്തി​ക്ക​ള​യു​ന്ന​തി​നുള്ള ഏററവും നല്ല മാർഗ്ഗം.—സഭാ​പ്ര​സം​ഗി 3:4.

എരിതീ​യിൽ എണ്ണയൊ​ഴി​ക്ക​രുത്‌: കഥ പൂർണ്ണ​മാ​യും അപ്രത്യ​ക്ഷ​മാ​കു​ന്നി​ല്ലെ​ങ്കിൽ നിങ്ങ​ളോ​ടു​തന്നെ ചൊദി​ക്കുക: ‘ഞാൻ മററു​ള്ള​വർക്ക്‌ കുശു​കു​ശു​ക്കാൻ ഒരു കാരണം നൽകു​ന്ന​തു​കൊ​ണ്ടാ​യി​രി​ക്കു​മോ? ദുഷ്‌ക്കർമ്മ​ത്തി​ന്റെ ഭാവം കാണി​ക്കുന്ന, ചോദ്യം​ചെ​യ്യാ​വുന്ന ചോദ്യം ഒരു വിധത്തിൽ ഞാൻ പെരു​മാ​റു​ന്ന​തു​കൊ​ണ്ടാ​യി​രിക്കു​മോ?’ പിൻവ​രുന്ന സന്ദർഭങ്ങൾ പരിചി​ന്തി​ക്കുക:

◻ ഒരു സ്‌ത്രീ​യു​ടെ സഹജോ​ലി​ക്കാർ അവളെ മടിച്ചി​യെ​ന്നും ആശ്രയി​ക്കാൻകൊ​ള്ളാ​ത്ത​വ​ളെ​ന്നും അവൾ കേൾക്കാ​തെ വിളി​ക്കു​ന്നു—അവൾ തന്റെ ചുമത​ലകൾ തൃപ്‌തി​ക​ര​മാ​യി നിർവ്വ​ഹി​ക്കു​ന്നെ​ങ്കിൽത​ന്നെ​യും. ഈ ദുഷ്‌ക്കീർത്തി എന്തു​കൊണ്ട്‌? ഒരു സംഗതി, മടിയാ​യി ദുർവ്യാ​ഖ്യാ​നം ചെയ്യ​പ്പെ​ടുന്ന അല്ലലി​ല്ലാത്ത, ഒരു അനായാസ മനോ​ഭാ​വം അവൾ പ്രകട​മാ​ക്കു​ന്നു. അവൾ ജോലി​ചെ​യ്യുന്ന ചുററു​പാ​ടിൽ അവളുടെ ചമയം തീരെ അശ്രദ്ധ​മാണ്‌. ഒടുവിൽ, വ്യക്തി​പ​ര​മായ കാര്യ​ത്തിന്‌ ഫോൺചെ​യ്യു​മ്പോൾ മുഴു ഓഫീസ്‌ ജീവന​ക്കാ​രു​ടെ​യും ശ്രദ്ധയാ​കർഷി​ക്ക​ത്ത​ക്ക​വണ്ണം ഉച്ചത്തിൽ സംസാ​രി​ച്ചു​കൊണ്ട്‌ അവൾ വിവേ​ച​ന​യി​ല്ലാ​ത്ത​വ​ളാണ്‌. അതു​കൊ​ണ്ടാണ്‌ കുശു​കു​ശുപ്പ്‌.

◻ പ്രദേ​ശത്തെ ഒരു കടക്കാരൻ തന്റെ ചെറിയ സമൂഹ​ത്തി​നു​ള്ളിൽ സംസാ​ര​വി​ഷ​യ​മാണ്‌. അയാൾ തന്റെ ഭാര്യ​യോ​ടുള്ള ബന്ധത്തിൽ അവിശ്വ​സ്‌ത​നാ​ണെ​ന്നു​ള്ള​താണ്‌ കിംവ​ദന്തി. അയാൾ ആ വ്യാജ ആരോ​പ​ണത്തെ തീർത്തും നിഷേ​ധി​ക്കു​ന്നു. കിംവ​ദ​ന്തി​യു​ടെ കാരണ​മോ? ഇടപാ​ടു​കാ​രി​ക​ളു​മാ​യി അയാൾ അമിത അടുപ്പ​ത്തി​ലാ​യി​രി​ക്കു​ന്ന​തി​ന്റെ കീർത്തി​യാണ്‌ കാരണം.

◻ ഒരു കൗമാ​ര​പ്രാ​യ​ക്കാ​രിക്ക്‌ കുത്തഴിഞ്ഞ ധാർമ്മി​ക​നി​ല​വാ​രങ്ങൾ ഉള്ളതായി സംസാരം. അവൾക്ക്‌ പല കമിതാ​ക്കൾ ഉണ്ടെന്നും അവൾ ഒരു കൊ​ക്കെയ്‌ൻ ഉപഭോ​ക്താ​വാ​ണെ​ന്നും ചിലർ അവകാ​ശ​പ്പെ​ടു​ന്നു. കഥക​ളെ​ല്ലാം കള്ളമാണ്‌. എന്നാൽ അവൾ മയക്കു​മ​രു​ന്നു​മ​ണ്ഡ​ല​ത്തി​ലുള്ള ആളുക​ളോട്‌ സഹവസി​ക്കു​ന്ന​താ​യി അറിയ​പ്പെ​ടു​ന്നു. അവൾ തന്റെ വസ്‌ത്ര​ത്തി​ലും കേശാ​ല​ങ്കാ​ര​ത്തി​ലും ചമയത്തി​ലും അതിരു​ക​ട​ന്ന​വ​ളാണ്‌.

നിങ്ങൾ ദ്രോ​ഹ​ക​ര​മായ കുശു​കു​ശു​പ്പിന്‌ ഇരയാ​ണെ​ങ്കിൽ നിങ്ങളു​ടെ പെരു​മാ​ററം, മററു​ള്ള​വ​രോ​ടുള്ള നിങ്ങളു​ടെ ഇടപെ​ടൽരീ​തി​യും നിങ്ങളു​ടെ വസ്‌ത്ര​ധാ​ര​ണ​വും ചമയവും പോലും ഏതെങ്കി​ലും വിധത്തിൽ എരിതീ​യിൽ എണ്ണയൊ​ഴി​ക്കു​ന്നു​വോ​യെന്ന്‌ തിട്ട​പ്പെ​ടു​ത്തു​ന്നത്‌ സഹായ​ക​മെന്ന്‌ തെളി​ഞ്ഞേ​ക്കാം. ഒരുപക്ഷേ നിങ്ങളു​ടെ ജീവി​ത​രീ​തി​യി​ലുള്ള ചില മാററങ്ങൾ കിംവ​ദന്തി അവസാ​നി​പ്പി​ച്ചേ​ക്കാം. “വിറകി​ല്ലാ​ത്ത​ടത്ത്‌ തീ കെട്ടു​പോ​കു​ന്നു” എന്ന്‌ ബൈബിൾ പറയുന്നു. (സദൃശ​വ​ക്യ​ങ്ങൾ 26:20) അതിനു​പു​റമെ, നിങ്ങളു​ടെ പ്രവർത്ത​നങ്ങൾ അനുചി​ത​മാ​യ​തി​ന്റെ അതിർത്തി​രേ​ഖ​യോ​ട​ടു​ത്താ​ണെ​ങ്കിൽ ദുഷ്‌പ്ര​വൃ​ത്തി​യി​ലേക്ക്‌ വഴുതി​വീ​ഴാ​നുള്ള യഥാർത്ഥ അപകടം എല്ലായ്‌പ്പോ​ഴു​മുണ്ട്‌—ഒരിക്കൽ ഒരു കിംവ​ദ​ന്തി​യാ​യി​രു​ന്നത്‌ ഒരു യാഥാർത്ഥ്യ​മാ​ക്കി​ത്തീർത്തു​കൊ​ണ്ടു​തന്നെ.—ഗലാത്യർ 6:7,8-ഉം 1കൊരിന്ത്യർ 10:12-ഉം താരത​മ്യം ചെയ്യുക.

“നിങ്ങളു​ടെ സ്വന്തം കാര്യം നോക്കുക”

കുശു​കു​ശുപ്പ്‌ ഇവി​ടെ​യു​ണ്ടാ​യി​രി​ക്കും. എന്നിരു​ന്നാ​ലും അതിന്റെ വിനാ​ശ​ക​ശക്തി വിലമ​തി​ക്ക​പ്പെ​ടണം. ജ്ഞാനമുള്ള ഈ വചനങ്ങൾ ബാധക​മാ​ക്കു​ന്ന​തി​നാൽ നിങ്ങൾക്കു​ത​ന്നെ​യും മററു​ള്ള​വർക്കും വളരെ ഹൃദയ​വേ​ദ​ന​യും സങ്കടവും ഒഴിവാ​ക്കു​വാൻ കഴിയും: “സത്യമാ​യ​തൊ​ക്കെ​യും ഘനമാ​യ​തൊ​ക്കെ​യും നീതി​യാ​യ​തൊ​ക്കെ​യും നിർമ്മ​ല​മാ​യ​തൊ​ക്കെ​യും രമ്യമാ​യ​തൊ​ക്കെ​യും സൽക്കീർത്തി​യാ​യ​തൊ​ക്കെ​യും സൽഗു​ണ​വും പുകഴ്‌ച്ച​യും ആയതൊ​ക്കെ​യും, ഈ കാര്യങ്ങൾ പരിചി​ന്തി​ക്കു​ന്ന​തിൽ തുടരുക . . . ,സമാധാ​ന​ത്തി​ന്റെ ദൈവം നിങ്ങ​ളോ​ടു​കൂ​ടെ ഇരിക്കും.”—ഫലിപ്പി​യർ 4:8, 9.

അതെ, നാം മററു​ള്ള​വ​രോട്‌ സംസാ​രി​ക്കുന്ന വിധത്തിൽ ദൈവം​ത​ന്നെ​യും തല്‌പ​ര​നാണ്‌. യേശു​ക്രി​സ്‌തു ഇപ്രകാ​രം മുന്നറി​യി​പ്പു​നൽകി: “മനുഷ്യർ പറയുന്ന ഏതു നിസ്സാര വാക്കി​നും ന്യായ​വി​ധി​ദി​വ​സ​ത്തിൽ കണക്കു​ബോ​ധി​പ്പി​ക്കേ​ണ്ടി​വ​രും; എന്തെന്നാൽ നിന്റെ വാക്കു​ക​ളാൽ നീ നീതീ​ക​രി​ക്ക​പ്പെ​ടു​ക​യും നിന്റെ വാക്കു​ക​ളാൽ നീ കുററം​വി​ധി​ക്ക​പ്പെ​ടു​ക​യും ചെയ്യും.”—മത്തായി 12:36, 37; സങ്കീർത്തനം 52:2-5 താരത​മ്യം ചെയ്യുക.

നിങ്ങൾ മററു​ള്ള​വ​രോട്‌ നല്ല ബന്ധങ്ങളും മനസ്സമാ​ധാ​ന​വും എല്ലാറ​റി​ലും പ്രധാ​ന​മാ​യി ദൈവ​മു​മ്പാ​കെ ഒരു നല്ല നിലപാ​ടും ആഗ്രഹി​ക്കു​ന്നു​വോ? എങ്കിൽ ദൈവ​വ​ച​ന​ത്തി​ലെ നിശ്വസ്‌ത ബുദ്ധ്യു​പ​ദേശം പിൻപ​റ​റുക: “അടങ്ങി​പ്പാർക്കു​ന്ന​തും സ്വന്തകാ​ര്യം നോക്കു​ന്ന​തും നിങ്ങളു​ടെ ലാക്കാ​ക്കി​ത്തീർക്കുക.” (1 തെസ്സ​ലൊ​നീ​ക്യർ 4:11) മററു​ള്ള​വ​രിൽ താല്‌പ​ര്യം പ്രകട​മാ​ക്കുക, എന്നാൽ ദയാപൂർവ്വ​വും അന്തസ്സു​റ​റ​തു​മായ ഒരുവി​ധ​ത്തിൽ അതു​ചെ​യ്യുക. അങ്ങനെ നിങ്ങൾ ദ്രോ​ഹ​ക​ര​വും ഹാനി​ക​ര​വു​മായ കുശു​കു​ശു​പ്പിൽനിന്ന്‌ തീർത്തും വിട്ടു​നിൽക്കും. (g91 6/8)

[അടിക്കു​റി​പ്പു​കൾ]

[9-ാം പേജിലെ ചിത്രം]

ദ്രോഹകരമായ സംസാ​ര​ത്തിൽനിന്ന്‌ വിട്ടു​പോ​കു​ക

[10-ാം പേജിലെ ചിത്രം]

നിങ്ങളുടെ വിവേ​ക​മി​ല്ലാത്ത പെരു​മാ​ററം നിങ്ങ​ളെ​ക്കു​റിച്ച്‌ കുശു​കു​ശു​ക്കാൻ ആളുകൾക്ക്‌ ന്യായം നൽകു​ന്നു​വോ?