കുറ്റകൃ​ത്യ​മി​ല്ലാത്ത ഒരു ലോകം പെട്ടെ​ന്നു​തന്നെ ആഗതമാ​കു​ന്നു!

ഇന്നത്തെ ലോകാ​വ​സ്ഥ​യി​ലേക്കു കണ്ണോ​ടി​ക്കു​മ്പോൾ മോശ​മായ കാര്യങ്ങൾ ചെയ്യാൻ സ്വാധീ​നി​ക്ക​പ്പെ​ടാ​തി​രി​ക്കുക വളരെ ബുദ്ധി​മു​ട്ടാ​ണെ​ന്നു​ള്ളത്‌ സ്‌പഷ്ട​മാ​യി​ത്തീ​രു​ന്നു. വാസ്‌ത​വ​ത്തിൽ, നാമെ​ല്ലാ​വ​രും മോശ​മായ കാര്യങ്ങൾ ചെയ്യാ​നുള്ള പ്രവണ​ത​യോ​ടെ, അപൂർണ​രാ​യി​ട്ടാണ്‌ ജനിച്ചി​രി​ക്കു​ന്നത്‌. (1 രാജാ​ക്ക​ന്മാർ 8:46; ഇയ്യോബ്‌ 14:4; സങ്കീർത്തനം 51:5) പിശാ​ചായ സാത്താൻ സ്വർഗ​ത്തിൽനിന്ന്‌ പുറന്ത​ള്ള​പ്പെ​ട്ടി​രി​ക്കു​ന്ന​തി​നാൽ കുഴപ്പങ്ങൾ സൃഷ്ടി​ക്കു​ന്ന​തിന്‌ അവൻ പൂർവാ​ധി​കം ശ്രമി​ച്ചു​കൊ​ണ്ടി​രി​ക്കു​ക​യാണ്‌.—വെളി​പ്പാ​ടു 12:7-12.

അതിന്റെ ഭവിഷ്യ​ത്തു​കൾ ഭയാന​ക​മാ​യി​രു​ന്നി​ട്ടുണ്ട്‌. ഉദാഹ​ര​ണ​ത്തിന്‌, 11-നും 15-നും ഇടയ്‌ക്കു പ്രായ​മു​ള്ള​വ​രു​ടെ മൂന്നിൽ രണ്ട്‌ ഇപ്പോൾത്തന്നെ കുറ്റകൃ​ത്യ​ങ്ങ​ളി​ലേർപ്പെ​ട്ടി​രി​ക്കു​ന്ന​താ​യി 4,000 കുട്ടി​കളെ പങ്കെടു​പ്പി​ച്ചു​കൊണ്ട്‌ സ്‌കോ​ട്ട്‌ലൻഡിൽ നടത്തിയ ഒരു സർവേ വെളി​പ്പെ​ടു​ത്തി. ഏതാണ്ട്‌ മൂന്ന്‌ കൗമാ​ര​പ്രാ​യ​ക്കാ​രിൽ ഒരാൾക്കു വീതം കടയിൽനിന്ന്‌ സാധനം മോഷ്ടി​ക്കു​ന്ന​തിൽ യാതൊ​രു മനസ്സാ​ക്ഷി​ക്കു​ത്തും തോന്നു​ന്നി​ല്ലെന്ന്‌ ബ്രിട്ട​നി​ലു​ട​നീ​ളം നടത്തിയ ഒരു സർവേ സൂചി​പ്പി​ക്കു​ന്നു. കടക്കാ​ര​നിൽനിന്ന്‌ കൂടുതൽ പണം ബാക്കി കിട്ടു​ന്നെ​ങ്കിൽ തങ്ങളത്‌ എടുക്കു​മെന്ന്‌ പകുതി​യി​ലേറെ പേർ സമ്മതി​ച്ചു​പ​റഞ്ഞു.

ലോക്കാ​സ്യോ​നെ ഏ ല്വോ​മൊ ലാഡ്രോ (അവസര​വും കള്ളനും) എന്ന ഇറ്റാലി​യൻ പുസ്‌തകം ആളുകൾ മോഷണം നടത്തു​ന്ന​തി​ന്റെ കാരണം സംബന്ധിച്ച്‌ ഉൾക്കാഴ്‌ച പകരുന്നു. കള്ളൻമാർക്ക്‌ “ആത്മനി​യ​ന്ത്രണം കുറവാ​ണെ”ന്നും അവർക്ക്‌ “സ്വന്തം ആഗ്രഹ​ങ്ങളെ തൃപ്‌തി​പ്പെ​ടു​ത്താ​നുള്ള പ്രേര​ണയെ തടുക്കാ​നുള്ള കഴിവി​ല്ലെ”ന്നും ആ പുസ്‌തകം പറയുന്നു. മിക്ക കള്ളൻമാ​രും മോഷണം തൊഴി​ലാ​ക്കി​യി​ട്ടു​ള്ള​വ​ര​ല്ലെ​ന്നും പകരം “സാഹച​ര്യ​ങ്ങളെ മുത​ലെ​ടു​ക്കാൻ ഒരുക്ക​മുള്ള അവസര​വാ​ദി​കൾ” മാത്ര​മാ​ണെ​ന്നും ആ പുസ്‌തകം കൂട്ടി​ച്ചേർക്കു​ന്നു.

രസകര​മെ​ന്നു പറയട്ടെ, അനേക​മാ​ളു​കൾ “നിയമ​ലം​ഘനം നടത്താ​ത്തതി”ന്റെ കാരണ​ത്തെ​ക്കു​റി​ച്ചും ആ പുസ്‌തകം പ്രസ്‌താ​വി​ക്കു​ന്നു. അവർ അതു ചെയ്യാ​ത്തത്‌ “നിയമ​പ​ര​മായ ശിക്ഷാ നടപടി​കളെ ഭയപ്പെ​ടു​ന്നതു”കൊണ്ടല്ല. “പിന്നെ​യോ നിയമ​ലം​ഘനം നടത്തു​ന്ന​തിൽനിന്ന്‌ അവരെ തടയുന്ന സാൻമാർഗിക മൂല്യങ്ങൾ അവർക്കു​ള്ള​തു​കൊ​ണ്ടാണ്‌” എന്ന്‌ അതു നിഗമനം ചെയ്യുന്നു. അത്തരം ശരിയായ സാൻമാർഗിക മൂല്യങ്ങൾ ആളുകൾക്ക്‌ എവി​ടെ​നി​ന്നു പഠിക്കാൻ കഴിയും?

ആവശ്യ​മാ​യി​രി​ക്കുന്ന വിദ്യാ​ഭ്യാ​സം

അനവധി വാർത്താ​വി​നി​മയ സരണി​ക​ളിൽനിന്ന്‌ ആളുകൾ എന്താണു പഠിക്കു​ന്ന​തെന്നു പരിചി​ന്തി​ക്കുക. ഉദാഹ​ര​ണ​ത്തിന്‌, ചലച്ചി​ത്ര​ങ്ങ​ളും ടെലി​വി​ഷ​നും സാധാ​ര​ണ​മാ​യി അറിയി​ക്കുന്ന സന്ദേശം അക്രമ​വും വ്യഭി​ചാ​ര​വും ദുഷ്‌പെ​രു​മാ​റ്റ​വും സ്വീകാ​ര്യ​മാ​ണെ​ന്നാണ്‌. അതു​കൊണ്ട്‌ ആളുകൾക്ക്‌ ആത്മനി​യ​ന്ത്രണം ഇത്രയും കുറവാ​യി​രി​ക്കു​ന്ന​തിൽ അതിശ​യി​ക്കാ​നില്ല. നേരേ​മ​റിച്ച്‌, ബൈബിൾ ജ്ഞാനപൂർവം ഇങ്ങനെ പഠിപ്പി​ക്കു​ന്നു: “ദീർഘ​ക്ഷ​മ​യു​ള്ളവൻ യുദ്ധവീ​ര​നി​ലും ജിതമാ​നസൻ പട്ടണം പിടി​ക്കു​ന്ന​വ​നി​ലും ശ്രേഷ്‌ഠൻ.”—സദൃശ​വാ​ക്യ​ങ്ങൾ 16:32.

ഇന്നത്തെ പ്രചാ​ര​ണ​സം​വി​ധാ​ന​ത്തെ​ക്കു​റി​ച്ചു പരിചി​ന്തി​ക്കു​മ്പോൾ അനേക​മാ​ളു​കൾക്ക്‌ ‘സ്വന്തം ആഗ്രഹ​ങ്ങളെ തൃപ്‌തി​പ്പെ​ടു​ത്താ​നുള്ള പ്രേര​ണയെ തടുക്കാൻ കഴിയാത്ത’തിൽ അതിശയം തോന്ന​രുത്‌. ആളുകൾ വീണ്ടും വീണ്ടും കേൾക്കു​ന്നത്‌ ഇതാണ്‌: “ഇപ്പോൾ വാങ്ങുക, വില പിന്നെ കൊടു​ക്കുക.” “നിങ്ങ​ളോ​ടു​തന്നെ നല്ലവനാ​യി​രി​ക്കുക.” “നിങ്ങൾ ഏറ്റവും നല്ലത്‌ അർഹി​ക്കു​ന്നു.” “നിങ്ങ​ളെ​ത്തന്നെ പരിപാ​ലി​ക്കുക.” സ്വന്തം ആഗ്രഹ​ങ്ങളെ തൃപ്‌തി​പ്പെ​ടു​ത്തു​ന്നത്‌ സാധാ​ര​ണ​വും ഉചിത​വു​മാ​യി​രി​ക്കു​ന്ന​താ​യി അവതരി​പ്പി​ക്ക​പ്പെ​ടു​ന്നു. എന്നാൽ, സ്വകേ​ന്ദ്രീ​കൃ​ത​മായ അത്തര​മൊ​രു വീക്ഷണം “ഓരോ​രു​ത്തൻ സ്വന്തഗു​ണമല്ല മറ്റുള്ള​വന്റെ ഗുണവും കൂടെ നോ​ക്കേണം” എന്ന ബൈബിൾ പഠിപ്പി​ക്ക​ലി​നു വിരു​ദ്ധ​മാണ്‌.—ഫിലി​പ്പി​യർ 2:4.

സത്യസ​ന്ധ​ര​ല്ലാ​ത്ത മിക്കയാ​ളു​ക​ളും അവസര​വാ​ദി​ക​ളാ​ണെ​ന്ന​തി​നോ​ടു നിങ്ങൾ യോജി​ക്കു​ക​യി​ല്ലേ? സങ്കടക​ര​മെന്നു പറയട്ടെ, സ്വന്തം നേട്ടത്തി​നാ​യി സാഹച​ര്യ​ങ്ങളെ ചൂഷണം ചെയ്യാൻ തയ്യാറാ​കുന്ന ആളുക​ളു​ടെ എണ്ണം വർധി​ച്ചു​വ​രി​ക​യാണ്‌. ഒരു കൃത്യം ധാർമി​ക​മാ​യി ശരിയാ​യ​താ​ണോ എന്ന്‌ അവർ ചോദി​ക്കു​ന്നില്ല. ‘പിടി​ക്ക​പ്പെ​ടാ​തെ എനിക്കതു ചെയ്യാൻ കഴിയു​മോ’ എന്നു മാത്ര​മാണ്‌ അവരുടെ ചിന്ത.

എന്താണ്‌ ആവശ്യ​മാ​യി​രി​ക്കു​ന്നത്‌? മുകളിൽ സൂചി​പ്പി​ച്ച​തു​പോ​ലെ, സാൻമാർഗിക മൂല്യ​ങ്ങ​ളാണ്‌ ആവശ്യ​മാ​യി​രി​ക്കു​ന്നത്‌. കുറ്റകൃ​ത്യ​ങ്ങ​ളിൽ ഏർപ്പെ​ടു​ന്ന​തിൽനി​ന്നും ജീവന്റെ പവി​ത്ര​തയെ അവഗണി​ക്കു​ന്ന​തിൽനി​ന്നും വിവാ​ഹ​ത്തി​ന്റെ വിശുദ്ധി ലംഘി​ക്കു​ന്ന​തിൽനി​ന്നും ഉചിത​മായ പെരു​മാ​റ്റ​ത്തി​ന്റെ അതിർവ​ര​മ്പു​കൾ മറിക​ട​ക്കു​ന്ന​തിൽനി​ന്നും മറ്റുള്ള​വ​രു​ടെ അവകാ​ശ​ങ്ങ​ളിൽ ഏതെങ്കി​ലും വിധത്തിൽ കൈക​ട​ത്തു​ന്ന​തിൽനി​ന്നും ആ മൂല്യങ്ങൾ ആളുകളെ തടയും. ആ മൂല്യങ്ങൾ പഠിക്കാ​ത്തവർ ബൈബിൾ പറയു​ന്ന​തു​പോ​ലെ “സകല ധാർമിക ബോധ​വും നഷ്ടപ്പെട്ട”വരാണ്‌. (എഫെസ്യർ 4:19, NW) ഭക്തികെട്ട അത്തരം ആളുക​ളു​ടെ കുറ്റക​ര​മായ പ്രവർത്ത​ന​ങ്ങ​ളാണ്‌ കുറ്റകൃ​ത്യ​മി​ല്ലാത്ത ഒരു ലോകം ആസ്വദി​ക്കു​ന്ന​തിൽനിന്ന്‌ നമ്മെ തടയു​ന്നത്‌.

ഒരു പുതിയ ലോകം ആഗതമാ​കുന്ന വിധം

സത്യസ​ന്ധ​രാ​യി​രി​ക്കാ​നും സഹമനു​ഷ്യ​രോട്‌ ആദര​വോ​ടും പരിഗ​ണ​ന​യോ​ടും കൂടി പെരു​മാ​റാ​നും നിയമ​വി​രു​ദ്ധ​മായ പ്രവർത്ത​ന​ങ്ങ​ളിൽനിന്ന്‌ ഒഴിഞ്ഞി​രി​ക്കാ​നും തീർച്ച​യാ​യും അനേക​മാ​ളു​കൾ തങ്ങളുടെ കഴിവി​ന്റെ പരമാ​വധി ശ്രമി​ക്കു​ന്നുണ്ട്‌. എന്നാൽ ലോക​ത്തി​ലെ സകലയാ​ളു​ക​ളും ഈ ശ്രമം ചെയ്യു​മെന്നു വിചാ​രി​ക്കു​ന്നത്‌ ബുദ്ധി​ശൂ​ന്യ​മാ​യി​രി​ക്കും. അനേക​രും ശ്രമി​ക്കു​ക​യില്ല. നീതി​മാ​നായ നോഹ​യു​ടെ നാളു​ക​ളിൽ ജീവി​ച്ചി​രുന്ന മിക്കയാ​ളു​ക​ളും ശരിയാ​യതു ചെയ്യു​ന്ന​തിന്‌ മനസ്സൊ​രു​ക്ക​മു​ള്ള​വ​ര​ല്ലാ​ഞ്ഞ​തു​പോ​ലെ​തന്നെ. അക്രമം നിറഞ്ഞ ആ ലോക​ത്തിൽ നോഹ​യും അവന്റെ കുടും​ബ​വും മാത്രമേ ഭക്തികെട്ട നടത്തയിൽനിന്ന്‌ ഒഴിഞ്ഞി​രി​ക്കു​ക​യും ദൈവ​ത്തി​ന്റെ അംഗീ​കാ​രം നേടു​ക​യും ചെയ്‌തു​ള്ളൂ. ഭക്തി​കെ​ട്ട​യാ​ളു​കളെ ആഗോള ജലപ്ര​ള​യ​ത്തിൽ തുടച്ചു​നീ​ക്കി​ക്കൊണ്ട്‌ നമ്മുടെ സ്രഷ്ടാവ്‌ കുറ്റകൃ​ത്യ​ത്തിൽനിന്ന്‌ താത്‌കാ​ലി​ക​മാ​യി വിമു​ക്ത​മായ ഒരു ലോകത്തെ ആനയിച്ചു.

പ്രളയ​ത്തെ​യും ഭക്തി​കെ​ട്ട​വ​രു​ടെ നാശ​ത്തെ​യും കുറി​ച്ചുള്ള ബൈബിൾ വിവരണം രസകര​മായ വെറു​മൊ​രു കഥയല്ല എന്ന്‌ ഓർമി​ക്കു​ന്നത്‌ പ്രധാ​ന​മാണ്‌. യേശു​ക്രി​സ്‌തു ഇങ്ങനെ വിശദീ​ക​രി​ച്ചു: “നോഹ​യു​ടെ കാലത്തു സംഭവി​ച്ച​തു​പോ​ലെ മനുഷ്യ​പു​ത്രന്റെ നാളി​ലും ഉണ്ടാകും.” (ലൂക്കൊസ്‌ 17:26; 2 പത്രൊസ്‌ 2:5; 3:5-7) പ്രളയ​ത്തി​നു​മു​മ്പു​ണ്ടാ​യി​രുന്ന അക്രമാ​സ​ക്ത​മായ ആ ലോകത്തെ നശിപ്പി​ച്ച​തു​പോ​ലെ​തന്നെ ദൈവം കുറ്റകൃ​ത്യം നിറഞ്ഞ ഈ ലോക​ത്തെ​യും നശിപ്പി​ക്കും.

യേശു​വി​ന്റെ പ്രിയ അപ്പോ​സ്‌ത​ല​നായ യോഹ​ന്നാൻ പറഞ്ഞ പിൻവ​രുന്ന വസ്‌തുത ആശ്രയ​യോ​ഗ്യ​മായ ഒരു ഉറവിൽനി​ന്നു​ള്ള​താണ്‌: “ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.” (1 യോഹ​ന്നാൻ 2:17) ഈ ലോക​ത്തി​ന്റെ അവസാനം ഒരു പുതിയ ലോക​ത്തിന്‌ വഴി​യൊ​രു​ക്കും. ആ പുതിയ ലോക​ത്തി​ലെ അവസ്ഥക​ളെ​ക്കു​റിച്ച്‌ ബൈബിൾ പറയു​ന്ന​തി​ങ്ങ​നെ​യാണ്‌: “[ദൈവം മനുഷ്യ​വർഗ​ത്തോ​ടു]കൂടെ വസിക്കും; അവർ അവന്റെ ജനമാ​യി​രി​ക്കും; ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും; ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല.”—വെളി​പ്പാ​ടു 21:3-5.

ആ പുതിയ ലോകം ആഗതമാ​കുന്ന വിധ​ത്തെ​ക്കു​റി​ച്ചു വർണി​ച്ചു​കൊണ്ട്‌ ബൈബിൾ ഇങ്ങനെ​യും പറയുന്നു: “ദുഷ്ടന്മാർ ദേശത്തു​നി​ന്നു [“ഭൂമി​യിൽനി​ന്നു,” NW] ഛേദി​ക്ക​പ്പെ​ടും; ദ്രോ​ഹി​കൾ അതിൽനി​ന്നു നിർമ്മൂ​ല​മാ​കും.” (സദൃശ​വാ​ക്യ​ങ്ങൾ 2:22) നീതി​നി​ഷ്‌ഠ​രായ ആളുകൾ മാത്രം ഭൂമി​യിൽ ശേഷി​ക്കു​മ്പോൾ ഈ ബൈബിൾ പ്രവചനം നിവൃ​ത്തി​യാ​കും. “സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.”—സങ്കീർത്തനം 37:11.

ദൈവ​ത്തി​ന്റെ പുതിയ ലോക​ത്തിൽ ജന്തുക്ക​ളും അക്രമ​സ്വ​ഭാ​വം ഇല്ലാത്ത​വ​യാ​യി​ത്തീ​രും. ബൈബിൾ ഇങ്ങനെ മുൻകൂ​ട്ടി​പ്പ​റ​യു​ന്നു: “ചെന്നായി കുഞ്ഞാ​ടി​നോ​ടു​കൂ​ടെ പാർക്കും; പുള്ളി​പ്പു​ലി കോലാ​ട്ടു​കു​ട്ടി​യോ​ടു​കൂ​ടെ കിടക്കും; പശുക്കി​ടാ​വും ബാലസിം​ഹ​വും തടിപ്പിച്ച മൃഗവും ഒരുമി​ച്ചു പാർക്കും; ഒരു ചെറിയ കുട്ടി അവയെ നടത്തും. . . . സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”—യെശയ്യാ​വു 11:6-9; 65:17; 2 പത്രൊസ്‌ 3:13.

ദൈവ​ത്തി​ന്റെ പുതിയ ലോകം സമീപം

അത്തരം സമാധാ​ന​പൂർണ​മായ അവസ്ഥകൾ പെട്ടെ​ന്നു​തന്നെ ഭൂവ്യാ​പ​ക​മാ​യി യാഥാർഥ്യ​മാ​കും എന്നതാണ്‌ സുവാർത്ത. നമുക്ക്‌ അതു സംബന്ധിച്ച്‌ ഇത്രകണ്ട്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊ​ണ്ടാണ്‌? അത്‌, ലോകാ​വ​സാ​ന​ത്തി​നു തൊട്ടു​മു​മ്പു സംഭവി​ക്കു​മെന്ന്‌ യേശു പ്രവചിച്ച സംഗതി​കൾ നിമി​ത്ത​മാണ്‌. മറ്റു സംഗതി​ക​ളോ​ടൊ​പ്പം യേശു ഇങ്ങനെ മുൻകൂ​ട്ടി​പ്പ​റഞ്ഞു: “ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും; ക്ഷാമവും ഭൂകമ്പ​വും അവിട​വി​ടെ ഉണ്ടാകും.” അവൻ ഇങ്ങനെ കൂട്ടി​ച്ചേർത്തു: “അധർമ്മം പെരു​കു​ന്ന​തു​കൊ​ണ്ടു അനേക​രു​ടെ സ്‌നേഹം തണുത്തു​പോ​കും.”—മത്തായി 24:7, 12.

യേശു​വി​ന്റെ ഒരു അപ്പോ​സ്‌ത​ല​നും ഇങ്ങനെ മുൻകൂ​ട്ടി​പ്പ​റഞ്ഞു: “[ഈ ലോക​ത്തി​ന്റെ] അന്ത്യകാ​ലത്തു [“അവസാന നാളു​ക​ളിൽ,” NW] ദുർഘ​ട​സ​മ​യങ്ങൾ വരും എന്നറിക. മനുഷ്യർ സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും ദൂഷക​ന്മാ​രും അമ്മയപ്പ​ന്മാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും . . . അജി​തേ​ന്ദ്രി​യ​ന്മാ​രും ഉഗ്രന്മാ​രും സൽഗു​ണ​ദ്വേ​ഷി​ക​ളും . . . ദൈവ​പ്രി​യ​മി​ല്ലാ​തെ ഭോഗ​പ്രിയ”രുമാ​യി​രി​ക്കും. (2 തിമൊ​ഥെ​യൊസ്‌ 3:1-5) തീർച്ച​യാ​യും, നാം ഈ ലോക​ത്തി​ന്റെ “അവസാന നാളു​കളി”ലാണു ജീവി​ക്കു​ന്നത്‌! അതു​കൊണ്ട്‌, പെട്ടെ​ന്നു​തന്നെ ദൈവ​ത്തി​ന്റെ നീതി​നി​ഷ്‌ഠ​മായ പുതിയ ലോകം അതിന്റെ സ്ഥാനത്തു വരും!

കുറ്റകൃ​ത്യ​മി​ല്ലാത്ത ഒരു ലോകം സാധ്യ​മാ​ണെന്ന്‌ ബൈബി​ളി​ന്റെ പഠനം ദശലക്ഷ​ക്ക​ണ​ക്കി​നാ​ളു​കളെ ബോധ്യ​പ്പെ​ടു​ത്തി​യി​രി​ക്കു​ന്നു. നമ്മുടെ സ്രഷ്ടാ​വായ യഹോ​വ​യാം ദൈവ​ത്തി​ന്റെ വഴിക​ളിൽ പഠിപ്പി​ക്ക​പ്പെ​ടു​ന്ന​തി​നുള്ള ക്ഷണമനു​സ​രിച്ച്‌ അവർ പ്രവർത്തി​ച്ചു​കൊ​ണ്ടി​രി​ക്കു​ക​യാണ്‌. (യെശയ്യാ​വു 2:3) അവരോ​ടൊ​പ്പം ചേരാൻ നിങ്ങൾ ആഗ്രഹി​ക്കു​ന്നു​വോ? കുറ്റകൃ​ത്യ​മി​ല്ലാത്ത പുതിയ ലോക​ത്തി​ലെ ജീവിതം നേടി​യെ​ടു​ക്കു​ന്ന​തിന്‌ ശ്രമം ചെലു​ത്താൻ നിങ്ങൾ തയ്യാറാ​ണോ?

ഒന്നാമ​താ​യി എന്താണ്‌ ആവശ്യ​മാ​യി​രി​ക്കു​ന്ന​തെന്ന്‌ യേശു കാണി​ച്ചു​തന്നു. അവൻ ഇങ്ങനെ വിശദീ​ക​രി​ച്ചു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.” അതു​കൊണ്ട്‌, നിങ്ങളു​ടെ നിത്യ ക്ഷേമം ആശ്രയി​ച്ചി​രി​ക്കു​ന്നത്‌ ദൈവ​വ​ചനം പഠിക്കു​ന്ന​തി​ലും പഠിക്കു​ന്നതു പ്രാവർത്തി​ക​മാ​ക്കു​ന്ന​തി​ലു​മാണ്‌.—യോഹ​ന്നാൻ 17:3.

[8-ാം പേജിലെ ചിത്രം]

ബൈബിൾ കുറ്റകൃ​ത്യ​മി​ല്ലാത്ത ഒരു പുതി​യ​ലോ​ക​ത്തെ​ക്കു​റി​ച്ചു വർണി​ക്കു​ക​യും നമുക്ക​തെ​ങ്ങനെ ആസ്വദി​ക്കാ​മെന്നു പറയു​ക​യും ചെയ്യുന്നു