യുവജ​നങ്ങൾ ചോദി​ക്കു​ന്നു . . .

ലൈം​ഗിക ഉപദ്ര​വത്തെ എങ്ങനെ കൈകാ​ര്യം ചെയ്യാം?

“ആൺകു​ട്ടി​കൾ ഞങ്ങളെ നോക്കി ചൂളമ​ടി​ക്കു​ക​യും കൂവു​ക​യു​മൊ​ക്കെ ചെയ്യും.”—കാർള, അയർലൻഡ്‌

“പെൺകു​ട്ടി​കൾ വീണ്ടും വീണ്ടും ഫോണിൽ വിളി​ച്ചു​കൊ​ണ്ടി​രി​ക്കും. നമ്മളെ കറക്കി​യെ​ടു​ക്കാൻ അവർ പഠിച്ച​പണി പതി​നെ​ട്ടും നോക്കും.”—ജെയ്‌സൺ, ഐക്യ​നാ​ടു​കൾ.

“അയാൾ എപ്പോ​ഴും എന്റെ കയ്യിൽ തൊടു​മാ​യി​രു​ന്നു. ചില​പ്പോൾ എന്റെ കൈ പിടി​ക്കാൻ പോലും അയാൾ ശ്രമി​ച്ചി​ട്ടുണ്ട്‌.”—യുക്കി​ക്കോ, ജപ്പാൻ.

“പെൺകു​ട്ടി​കൾ എന്റെ നേർക്ക്‌ അർഥം​വെ​ച്ചുള്ള കമന്റുകൾ പാസാ​ക്കും.”—അലക്‌സാ​ണ്ടർ, അയർലൻഡ്‌.

“ഒരാൺകു​ട്ടി സ്‌കൂൾ ബസിൽനിന്ന്‌ എന്നോട്‌ ഓരോ​ന്നു വിളി​ച്ചു​പ​റ​യു​മാ​യി​രു​ന്നു. ഡേറ്റിങ്‌ നടത്താ​നൊ​ന്നും അവനു താത്‌പ​ര്യ​മി​ല്ലാ​യി​രു​ന്നു, എന്നെ ശല്യം​ചെ​യ്യുക എന്നതാ​യി​രു​ന്നു അവന്റെ ലക്ഷ്യം.”—റോസി​ലിൻ, ഐക്യ​നാ​ടു​കൾ.

കാമാ​സ​ക്ത​മായ നോട്ടം, ലൈം​ഗി​ക​ച്ചു​വ​യുള്ള കമന്റ്‌, അശ്ലീലം കലർന്ന തമാശ, ലൈം​ഗി​കോ​ദ്ദേ​ശ്യ​ത്തോ​ടെ​യുള്ള സ്‌പർശം—മറ്റേയാൾക്ക്‌ അനിഷ്ട​ക​ര​മാ​യി​രി​ക്കേ, അത്തരം കാര്യങ്ങൾ ആവർത്തി​ക്കു​മ്പോൾ അവയെ ലൈം​ഗിക ഉപദ്ര​വ​ത്തി​ന്റെ ഗണത്തിൽപെ​ടു​ത്താം. ലൈം​ഗിക ഉപദ്രവം സംബന്ധിച്ച ഒരു ആഗോള സ്ഥിതി​വി​വ​ര​ക്ക​ണക്ക്‌ എടുക്കുക ബുദ്ധി​മു​ട്ടാ​യി​രി​ക്കു​മെ​ങ്കി​ലും ഐക്യ​നാ​ടു​ക​ളി​ലെ സ്‌കൂൾ പ്രായ​ക്കാ​രായ മിക്ക യുവജ​ന​ങ്ങ​ളും അതിന്‌ ഇരകളാ​യി​ട്ടു​ണ്ടെന്നു സർവേകൾ സൂചി​പ്പി​ക്കു​ന്നു.

എന്താണ്‌ ലൈം​ഗിക ഉപദ്രവം? ഡോ. വിക്‌ടോ​റിയ ഷാ എഴുതിയ ലൈം​ഗിക ഉപദ്ര​വ​ത്തെ​യും ലിംഗ​ഭേദ മുൻവി​ധി​യെ​യും കൈകാ​ര്യം ചെയ്യൽ എന്ന ഇംഗ്ലീഷ്‌ പുസ്‌തകം അതിനെ “ലൈം​ഗി​ക​മാ​യി ആരെ​യെ​ങ്കി​ലും ശല്യം​ചെയ്യൽ” എന്ന്‌ നിർവ​ചി​ക്കു​ന്നു. “അത്‌ (ലൈം​ഗി​കോ​ദ്ദേ​ശ്യ​ത്തോ​ടെ ആരെ​യെ​ങ്കി​ലും സ്‌പർശി​ക്കു​ന്നതു പോലെ) ശാരീ​രി​ക​മാ​യി​രി​ക്കാം, (ആരു​ടെ​യെ​ങ്കി​ലും ആകാരത്തെ കുറിച്ച്‌ അനിഷ്ട​ക​ര​മായ അഭി​പ്രാ​യ​പ്ര​ക​ട​നങ്ങൾ നടത്തു​ന്ന​തു​പോ​ലെ) വാചി​ക​മാ​യി​രി​ക്കാം, ചില​പ്പോൾ വാചി​ക​മ​ല്ലാ​ത്ത​തും ആയിരി​ക്കാം.” ചില​പ്പോൾ അതിൽ ലൈം​ഗിക ബന്ധത്തിനു പ്രേരി​പ്പി​ക്കു​ന്നത്‌ ഉൾപ്പെ​ടു​ന്നു.

സ്‌കൂ​ളിൽ ലൈം​ഗിക ഉപദ്രവം ഉണ്ടാകു​ന്നത്‌ അധിക​പ​ങ്കും സഹവി​ദ്യാർഥി​ക​ളിൽനിന്ന്‌ ആയിരി​ക്കാം. എന്നാൽ, ചില സാഹച​ര്യ​ങ്ങ​ളിൽ അത്‌ അധ്യാ​പ​കരെ പോലെ മുതിർന്ന വ്യക്തി​ക​ളിൽനിന്ന്‌ ഉണ്ടാകാ​റുണ്ട്‌. ലൈം​ഗിക ഉപദ്ര​വ​ത്തി​നു പിടി​യി​ലായ അധ്യാ​പ​ക​രു​ടെ താരത​മ്യേന ചെറി​യൊ​രു കൂട്ടം “ഒരുപക്ഷേ അത്തരം കുറ്റവാ​ളി​ക​ളു​ടെ യഥാർഥ സംഖ്യ​യു​ടെ ചെറി​യൊ​രു ശതമാ​നത്തെ മാത്രമേ പ്രതി​നി​ധീ​ക​രി​ക്കു​ന്നു​ള്ളൂ” എന്ന്‌ റെഡ്‌ബുക്ക്‌ മാസി​ക​യിൽ വന്ന ഒരു ലേഖനം അനുമാ​നി​ക്കു​ന്നു.

ബൈബിൾ കാലങ്ങ​ളിൽ പോലും സ്‌ത്രീ​കൾ—ചില പുരു​ഷ​ന്മാ​രും—അത്തരം ദുഷ്‌പെ​രു​മാ​റ്റ​ത്തിന്‌ ഇരകളാ​യി​ട്ടുണ്ട്‌. (ഉല്‌പത്തി 39:7; രൂത്ത്‌ 2:8, 9, 15) ബൈബിൾ ഇപ്രകാ​രം മുൻകൂ​ട്ടി​പ്പ​റ​യു​ക​യു​ണ്ടാ​യി: “അന്ത്യനാ​ളു​ക​ളിൽ ദുഷ്‌ക​ര​മായ സമയങ്ങൾ ഉണ്ടാകും; ആളുകൾ സ്വാർഥ​രും അത്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും ആയിരി​ക്കും; അവർ അപമാ​നി​ക്കു​ന്നവർ ആയിരി​ക്കും . . . അവർ നിർദ​യ​രും കരുണ​യി​ല്ലാ​ത്ത​വ​രും ദൂഷക​രും അക്രമാ​സ​ക്ത​രും ഉഗ്രന്മാ​രും ആയിരി​ക്കും.” (2 തിമൊ​ഥെ​യൊസ്‌ 3:1-3, ടുഡേ​യ്‌സ്‌ ഇംഗ്ലീഷ്‌ ഭാഷാ​ന്തരം) അതു​കൊണ്ട്‌ ഇന്ന്‌ ലൈം​ഗിക ഉപദ്ര​വ​ത്തിന്‌ ഇരകളാ​കു​ന്ന​വ​രു​ടെ എണ്ണം വർധി​ച്ചു​വ​രു​ന്ന​തിൽ അതിശ​യി​ക്കാ​നില്ല.

ദൈവ​ത്തി​ന്റെ വീക്ഷണം

ലൈം​ഗിക അതി​ക്ര​മങ്ങൾ എല്ലാ യുവ​പ്രാ​യ​ക്കാ​രെ​യു​മൊ​ന്നും അങ്ങനെ അലട്ടാ​റില്ല. രസിപ്പി​ക്കുന്ന ഒരു സംഗതി​യാ​യി, എന്തിന്‌ പൊങ്ങ​ച്ച​ത്തി​നുള്ള ഒരു കാരണ​മാ​യി പോലും ചിലർ അതിനെ വീക്ഷി​ക്കു​ന്നു. ലൈം​ഗിക ഉപദ്ര​വ​ത്തിന്‌ ഇരകളാ​യ​വ​രിൽ 75 ശതമാനം തങ്ങളും മറ്റുള്ള​വരെ അത്തരത്തിൽ ഉപദ്ര​വി​ച്ചി​ട്ടു​ണ്ടെന്നു സമ്മതി​ച്ച​താ​യി ഒരു യു.എസ്‌. സർവേ വെളി​പ്പെ​ടു​ത്തു​ക​യു​ണ്ടാ​യി. ചില മുതിർന്നവർ ലൈം​ഗിക അതി​ക്ര​മ​ങ്ങളെ നിസ്സാ​ര​മാ​യി എടുത്തു​കൊണ്ട്‌ പ്രശ്‌നത്തെ കൂടുതൽ രൂക്ഷമാ​ക്കി​യേ​ക്കാം. എന്നാൽ ദൈവം അതിനെ എപ്രകാ​ര​മാ​ണു വീക്ഷി​ക്കു​ന്നത്‌?

ദൈവ​വ​ച​ന​മാ​യ ബൈബിൾ എല്ലാത്ത​ര​ത്തി​ലുള്ള ലൈം​ഗിക ഉപദ്ര​വ​ങ്ങ​ളെ​യും വ്യക്തമാ​യി കുറ്റം​വി​ധി​ക്കു​ന്നു. ലൈം​ഗി​ക​മായ അതിരു​കൾ ലംഘി​ച്ചു​കൊണ്ട്‌ മറ്റുള്ള​വ​രോട്‌ ‘അതി​ക്രമം’ കാണി​ക്ക​രു​തെന്ന്‌ അതു നമ്മോടു പറഞ്ഞി​രി​ക്കു​ന്നു. (1 തെസ്സ​ലൊ​നീ​ക്യർ 4:3-8) വാസ്‌ത​വ​ത്തിൽ, “ഇളയ സ്‌ത്രീ​കളെ പൂർണ്ണ​നിർമ്മ​ല​ത​യോ​ടെ സഹോ​ദ​രി​ക​ളെ​പ്പോ​ലെ” കരുത​ണ​മെന്ന്‌ ദൈവം യുവാ​ക്ക​ളോ​ടു കൽപ്പി​ച്ചി​രി​ക്കു​ന്നു. (1 തിമൊ​ഥെ​യൊസ്‌ 5:1, 2) അതിലു​പരി, ബൈബിൾ “അശ്ലീല​സം​സാര”ത്തെ കുറ്റം​വി​ധി​ക്കു​ന്നു. (എഫെസ്യർ 5:3, 4, ഓശാന ബൈബിൾ) അതു​കൊണ്ട്‌, ലൈം​ഗി​ക​മാ​യി ഉപദ്ര​വി​ക്ക​പ്പെ​ടു​മ്പോൾ ദേഷ്യ​വും വിഷമ​വും ആശയക്കു​ഴ​പ്പ​വും അപമാ​നി​ക്ക​പ്പെ​ട്ടെന്ന തോന്ന​ലും ഒക്കെ ഉണ്ടാകു​ന്നതു സ്വാഭാ​വി​കം മാത്രം.

ഞാൻ എന്തു പറയണം?

ആ സ്ഥിതിക്ക്‌, ആരെങ്കി​ലും നിങ്ങളെ ഇത്തരത്തിൽ ശല്യം ചെയ്യു​ന്നെ​ങ്കിൽ നിങ്ങൾ എങ്ങനെ പ്രതി​ക​രി​ക്കണം? ചില​പ്പോൾ തീരെ മയത്തി​ലുള്ള അല്ലെങ്കിൽ അവ്യക്ത​മായ ഒരു പ്രതി​ക​രണം ഉപദ്ര​വി​ക്കുന്ന വ്യക്തി കുറേ​ക്കൂ​ടെ അതിരു​ക​ട​ക്കാൻ ഇടയാ​ക്കു​കയേ ഉള്ളൂ. യോ​സേ​ഫി​ന്റെ യജമാ​നന്റെ ഭാര്യ അവനെ അധാർമിക പ്രവർത്ത​ന​ത്തിൽ ഏർപ്പെ​ടാൻ നിർബ​ന്ധി​ച്ച​പ്പോൾ യോ​സേഫ്‌ അവളെ അവഗണി​ക്കുക മാത്രമല്ല ചെയ്‌തത്‌. പകരം, അവളുടെ അധാർമിക മുന്നേ​റ്റത്തെ ശക്തമായി നിരാ​ക​രി​ക്കുക കൂടെ ചെയ്‌തു. (ഉല്‌പത്തി 39:8, 9, 12) ഇന്നും, ലൈം​ഗിക ഉപദ്ര​വത്തെ തടുക്കാ​നുള്ള ഏറ്റവും നല്ല വഴി മുഖത്തു​നോ​ക്കി ഉറച്ച സ്വരത്തിൽ ‘അരുത്‌’ എന്നു പറയു​ന്ന​താണ്‌.

ശല്യം ചെയ്യുന്ന വ്യക്തിക്ക്‌ നിങ്ങളെ ദ്രോ​ഹി​ക്ക​ണ​മെന്ന ആഗ്രഹ​മു​ണ്ടാ​യി​രി​ക്കില്ല എന്നതു ശരിതന്നെ. ഉപദ്രവം പോലെ തോന്നു​ന്നത്‌ വാസ്‌ത​വ​ത്തിൽ നിങ്ങളു​ടെ ശ്രദ്ധ ആകർഷി​ക്കാ​നുള്ള അന്തസ്സി​ല്ലാത്ത ഒരു ശ്രമം മാത്രം ആയിരി​ക്കാം. അതു​കൊണ്ട്‌ അനിഷ്ട​ക​ര​മായ ഒരു മുന്നേ​റ്റ​ത്തി​നു തടയി​ടാ​നാ​യി നിങ്ങൾ അന്തസ്സി​ല്ലാ​തെ പെരു​മാ​റേ​ണ്ട​തു​ണ്ടെന്നു വിചാ​രി​ക്ക​രുത്‌. ‘ഇത്തരം സംസാരം എനിക്ക്‌ ഇഷ്ടമല്ല,’ ‘ദേഹത്തു തൊട്ടുള്ള കളി വേണ്ട,’ എന്നിങ്ങ​നെ​യുള്ള ചില വാക്കുകൾ മതിയാ​കും നിങ്ങളു​ടെ വീക്ഷണം ആ വ്യക്തിയെ അറിയി​ക്കാൻ. ഉപയോ​ഗി​ക്കുന്ന വാക്കുകൾ എന്തുത​ന്നെ​യാ​യാ​ലും പറയാൻ ഉദ്ദേശി​ക്കുന്ന കാര്യം ശക്തമാ​യി​ത്തന്നെ പറയണം. ‘അരുത്‌’ എന്നു പറയു​മ്പോൾ അതുതന്നെ അർഥമാ​ക്കണം! ആൻഡ്രിയ എന്ന പെൺകു​ട്ടി പറയു​ന്നതു ശ്രദ്ധിക്കൂ: “മയത്തിൽ പറഞ്ഞു​നോ​ക്കി​യി​ട്ടും ഫലമി​ല്ലെ​ങ്കിൽ വെട്ടി​ത്തു​റ​ന്നു​തന്നെ പറയേ​ണ്ടി​വ​രും.” ‘അരുത്‌!’ എന്നു തറപ്പിച്ചു പറയു​ന്നത്‌ ഫലം ചെയ്യും.

സാഹച​ര്യം വഷളാ​കു​ക​യാ​ണെ​ങ്കിൽ പ്രശ്‌നം ഒറ്റയ്‌ക്കു കൈകാ​ര്യം ചെയ്യാൻ ശ്രമി​ക്ക​രുത്‌. മാതാ​പി​താ​ക്ക​ളോ​ടോ പക്വത​യുള്ള മുതിർന്ന വ്യക്തി​ക​ളോ​ടോ അക്കാര്യം ചർച്ച ചെയ്യുക. എന്തു ചെയ്യണ​മെ​ന്നതു സംബന്ധിച്ച്‌ ചില പ്രാ​യോ​ഗിക നിർദേ​ശങ്ങൾ നൽകാൻ അവർക്കു കഴി​ഞ്ഞേ​ക്കും. അറ്റകൈ എന്ന നിലയിൽ സ്‌കൂൾ അധികാ​രി​കളെ വിവര​മ​റി​യി​ക്കാൻ അവർ തീരു​മാ​നി​ച്ചേ​ക്കാം. അങ്ങനെ ചെയ്യു​ന്നത്‌ അൽപ്പം നാണ​ക്കേട്‌ ഉണ്ടാക്കുന്ന സംഗതി​യാ​ണെന്നു തോന്നി​യാ​ലും വീണ്ടും ലൈം​ഗിക ഉപദ്ര​വ​ത്തിന്‌ ഇരയാ​കാ​തി​രി​ക്കാൻ അത്‌ സഹായി​ക്കും.

ഉപദ്രവം ഒഴിവാ​ക്കൽ

ലൈം​ഗിക ഉപദ്ര​വ​ത്തിന്‌ ഇരയാ​കാ​തെ നോക്കു​ന്ന​താണ്‌ ഏറ്റവും ബുദ്ധി​പൂർവ​ക​മായ സംഗതി. ഇക്കാര്യ​ത്തിൽ നിങ്ങളെ എന്തു സഹായി​ക്കും? ആൻഡ്രിയ നിർദേ​ശി​ക്കു​ന്നു: “നിങ്ങൾക്ക​തിൽ ഏതെങ്കി​ലും വിധത്തി​ലുള്ള താത്‌പ​ര്യ​മു​ണ്ടെന്ന ധാരണ യാതൊ​രു കാരണ​വ​ശാ​ലും നൽകരുത്‌. മറ്റുള്ളവർ അതു ശ്രദ്ധി​ക്കാ​നി​ട​യാ​കും, സമ്മർദം തുടരു​ക​യും ചെയ്യും.” നിങ്ങളു​ടെ വസ്‌ത്ര​ധാ​രണം ഇക്കാര്യ​ത്തിൽ ഒരു വലിയ പങ്കു വഹിക്കു​ന്നുണ്ട്‌. മാര എന്നൊരു പെൺകു​ട്ടി ഇങ്ങനെ പറയുന്നു: “ഒരു വല്യമ്മ​ച്ചി​യെ പോ​ലെ​യൊ​ന്നു​മല്ല ഞാൻ വസ്‌ത്ര​ധാ​രണം ചെയ്യു​ന്നത്‌, പക്ഷെ ആളുകൾക്ക്‌ എന്റെ ശരീര​ത്തോട്‌ ആകർഷണം തോന്നത്തക്ക രീതി​യി​ലുള്ള വസ്‌ത്ര​ധാ​രണം ഞാൻ ഒഴിവാ​ക്കു​ന്നു.” അധാർമിക മുന്നേ​റ്റത്തെ നിരസി​ക്കു​ക​യും അതേസ​മയം മറ്റുള്ള​വ​രിൽ ലൈം​ഗിക തൃഷ്‌ണ ഉണർത്തു​ന്ന​തരം വസ്‌ത്രങ്ങൾ ധരിക്കു​ക​യും ചെയ്യു​ന്നത്‌ പ്രശ്‌നം സൃഷ്ടി​ക്കും. ‘യോഗ്യ​വും സുബോ​ധ​ത്തോ​ടു’ കൂടി​യ​തു​മായ വസ്‌ത്ര​ധാ​രണം നടത്താൻ ബൈബിൾ ബുദ്ധി​യു​പ​ദേ​ശി​ക്കു​ന്നു.—1 തിമൊ​ഥെ​യൊസ്‌ 2:9.

നിങ്ങൾ ഏതുതരം സുഹൃ​ത്തു​ക്കളെ തിര​ഞ്ഞെ​ടു​ക്കു​ന്നു എന്നുള്ള​തും മറ്റുള്ളവർ നിങ്ങ​ളോ​ടു പെരു​മാ​റുന്ന വിധത്തെ ബാധി​ക്കും. (സദൃശ​വാ​ക്യ​ങ്ങൾ 13:20) റോസി​ലിൻ അഭി​പ്രാ​യ​പ്പെ​ടു​ന്നു: “കൂട്ടത്തി​ലെ ചില പെൺകു​ട്ടി​കൾ ആൺകു​ട്ടി​ക​ളു​ടെ ശ്രദ്ധ പിടിച്ചു പറ്റാൻ താത്‌പ​ര്യ​പ്പെ​ടു​ന്നെ​ങ്കിൽ കൂട്ടത്തി​ലെ മറ്റു പെൺകു​ട്ടി​ക​ളും അതു​പോ​ലെ​യാ​യി​രി​ക്കു​മെന്ന്‌ ആൺകു​ട്ടി​കൾ ഊഹി​ക്കും.” കാർള​യ്‌ക്കും അതേ അഭി​പ്രാ​യ​മാണ്‌: “കമന്റടി​കൾ കേൾക്കു​ന്ന​തും ആൺകു​ട്ടി​കൾ ശ്രദ്ധി​ക്കു​ന്ന​തും ഇഷ്ടപ്പെ​ടു​ന്ന​വ​രോ​ടൊ​പ്പ​മാണ്‌ നിങ്ങൾ സഹവസി​ക്കു​ന്ന​തെ​ങ്കിൽ നിങ്ങ​ളോ​ടും അവർ അങ്ങനെ​യാ​യി​രി​ക്കും പെരു​മാ​റു​ന്നത്‌.”

കനാന്യ പെൺകു​ട്ടി​ക​ളോ​ടൊ​പ്പം സഹവസി​ച്ചി​രുന്ന ദീനാ എന്ന ഒരു യുവതി​യെ കുറിച്ച്‌ ബൈബിൾ പറയുന്നു. കനാനി​ലെ സ്‌ത്രീ​കൾ അധാർമി​ക​ത​യ്‌ക്കു പേരു​കേ​ട്ടവർ ആയിരു​ന്നു. ദീനാ​യു​ടെ മോശ​മായ സഹവാസം അവളെ ലൈം​ഗിക അതി​ക്ര​മ​ത്തിന്‌ ഇരയാക്കി. (ഉല്‌പത്തി 34:1, 2) “സൂക്ഷ്‌മ​ത്തോ​ടെ, അജ്ഞാനി​ക​ളാ​യി​ട്ടല്ല ജ്ഞാനി​ക​ളാ​യി​ട്ട​ത്രേ നടപ്പാൻ നോക്കു​വിൻ” എന്നു ബൈബിൾ പറയു​ന്നതു നല്ല കാരണ​ത്തോ​ടെ​യാണ്‌. (എഫെസ്യർ 5:15) അതേ, വസ്‌ത്ര​ധാ​രണം, സംസാ​ര​രീ​തി, സഹവാസം എന്നിവ സംബന്ധിച്ച്‌ ‘സൂക്ഷ്‌മത’ പുലർത്തു​ന്ന​പക്ഷം ലൈം​ഗിക ഉപദ്ര​വ​ത്തിന്‌ ഇരയാ​കു​ന്ന​തിൽനി​ന്നും അതു നിങ്ങളെ സംരക്ഷി​ക്കും.

എന്നാൽ ക്രിസ്‌ത്യാ​നി​ക​ളായ യുവ​പ്രാ​യ​ക്കാ​രെ സംബന്ധി​ച്ചി​ട​ത്തോ​ളം ഇത്തരം ഉപദ്രവം ഒഴിവാ​ക്കാൻ കഴിയുന്ന ഏറ്റവും ഫലപ്ര​ദ​മായ മാർഗ​ങ്ങ​ളി​ലൊന്ന്‌ നിങ്ങളു​ടെ മതപര​മായ നിലപാ​ടി​നെ കുറിച്ച്‌ മറ്റുള്ള​വരെ അറിയി​ക്കു​ന്ന​താണ്‌. യഹോ​വ​യു​ടെ സാക്ഷി​ക​ളിൽ ഒരാളായ ടീമോൻ എന്ന ഒരു ആൺകുട്ടി അനുസ്‌മ​രി​ക്കു​ന്നു: “ഞാൻ ഒരു സാക്ഷി​യാ​ണെന്ന്‌ മറ്റു കുട്ടികൾ അറിയാൻ ഇടയായി. അതു​കൊണ്ട്‌ അവർ മിക്കവാ​റും എല്ലാത്ത​ര​ത്തി​ലുള്ള ഉപദ്ര​വ​ങ്ങ​ളും നിറുത്തി.” ആൻഡ്രിയ ഇങ്ങനെ അഭി​പ്രാ​യ​പ്പെ​ടു​ന്നു: “നിങ്ങൾ ഒരു സാക്ഷി​യാ​ണെന്ന്‌ അവരോ​ടു പറയു​ന്നത്‌ വലിയ വ്യത്യാ​സം ഉളവാ​ക്കും. പല വിധങ്ങ​ളി​ലും നിങ്ങൾ അവരിൽനി​ന്നു വ്യത്യ​സ്‌ത​രാ​ണെ​ന്നും നിങ്ങൾ കണിശ​മായ ധാർമിക നിലവാ​രങ്ങൾ പുലർത്തു​ന്ന​വ​രാ​ണെ​ന്നും അവർ തിരി​ച്ച​റി​യും.”—മത്തായി 5:15, 16.

നിങ്ങൾ ഉപദ്ര​വി​ക്ക​പ്പെ​ടു​ന്നു​വെ​ങ്കിൽ

വളരെ കഠിന​മാ​യി ശ്രമി​ച്ചാ​ലും മര്യാ​ദ​കെ​ട്ട​വ​രും ആഭാസ​ന്മാ​രു​മായ ആളുക​ളിൽനിന്ന്‌ പൂർണ​മാ​യി രക്ഷപ്പെ​ടാൻ കഴി​ഞ്ഞെന്നു വരില്ല. എന്നാൽ, നിങ്ങൾ ഉപദ്ര​വ​ത്തിന്‌ ഇരയാ​യി​ട്ടു​ണ്ടെ​ങ്കിൽ—ഒരു ക്രിസ്‌ത്യാ​നി​യെ പോലെ പെരു​മാ​റി​യി​രി​ക്കു​ന്നി​ട​ത്തോ​ളം കാലം—കുറ്റ​ബോ​ധ​ത്താൽ നീറി​പ്പു​ക​യേണ്ട യാതൊ​രു ആവശ്യ​വു​മില്ല. (1 പത്രൊസ്‌ 3:16, 17) പ്രശ്‌നം നിങ്ങളെ വൈകാ​രി​ക​മാ​യി വളരെ​യ​ധി​കം അലട്ടു​ന്നു​ണ്ടെ​ങ്കിൽ മാതാ​പി​താ​ക്ക​ളോ​ടോ ക്രിസ്‌തീയ സഭയിലെ പക്വത​യുള്ള വ്യക്തി​ക​ളോ​ടോ സംസാ​രി​ച്ചു​കൊണ്ട്‌ അവരിൽനിന്ന്‌ സഹായം തേടുക. ലൈം​ഗിക ഉപദ്ര​വ​ത്തിന്‌ ഇരയാ​കു​മ്പോൾ നിങ്ങൾക്ക്‌ നിങ്ങ​ളോ​ടു​തന്നെ വെറുപ്പു തോന്നി​യേ​ക്കു​മെന്ന്‌ റോസി​ലിൻ പറയുന്നു. “സുഹൃ​ത്താ​യി ആരെങ്കി​ലും ഉണ്ടായി​രി​ക്കു​ന്നത്‌, കാര്യങ്ങൾ തുറന്നു പറയാൻ ഒരാൾ ഉണ്ടായി​രി​ക്കു​ന്നത്‌ വളരെ നല്ലതാണ്‌,” അവൾ പറയുന്നു. “യഹോവ തന്നേ വിളി​ച്ച​പേ​ക്ഷി​ക്കുന്ന ഏവർക്കും . . . സമീപ​സ്ഥനാ”ണ്‌ എന്ന്‌ ഓർക്കുക—സങ്കീർത്തനം 145:18, 19.

ദുഷ്‌പെ​രു​മാ​റ്റ​ത്തി​നെ​തി​രെ ഒരു നിലപാ​ടു കൈ​കൊ​ള്ളു​ന്നത്‌ എളുപ്പമല്ല എന്നതു ശരിയാണ്‌, എന്നാൽ അത്‌ ശ്രമത്തി​നു തക്ക മൂല്യ​മു​ള്ള​താണ്‌. ശൂനേം​കാ​രി​യായ ഒരു യുവതി​യെ കുറി​ച്ചുള്ള ബൈബിൾ വിവരണം പരിചി​ന്തി​ക്കുക. ഇന്നു നാം മനസ്സി​ലാ​ക്കുന്ന തരത്തി​ലുള്ള ലൈം​ഗിക ഉപദ്ര​വ​ത്തിന്‌ അവൾ ഇരയാ​യി​ല്ലെ​ങ്കി​ലും യഹൂദാ​യി​ലെ സമ്പന്നനും ശക്തിശാ​ലി​യു​മായ രാജാ​വാ​യി​രുന്ന ശലോ​മോ​നിൽനി​ന്നുള്ള ചില പ്രലോ​ഭ​നങ്ങൾ അവൾക്കു നേരി​ടേ​ണ്ട​താ​യി​വന്നു. മറ്റൊരു പുരു​ഷ​നു​മാ​യി പ്രണയ​ത്തി​ലാ​യി​രു​ന്ന​തി​നാൽ അവൾ അവയെ ചെറുത്തു. അതു​കൊണ്ട്‌, ‘ഞാൻ ഒരു മതിലാണ്‌’ എന്ന്‌ തന്നെക്കു​റി​ച്ചു​തന്നെ അവൾക്ക്‌ അഭിമാ​ന​പൂർവം പറയാൻ കഴിഞ്ഞു.—ഉത്തമഗീ​തം 8:4, 10.

നിങ്ങളും അതേ ധാർമിക ശക്തിയും നിശ്ചയ​ദാർഢ്യ​വും പ്രകട​മാ​ക്കേ​ണ്ട​തുണ്ട്‌. അനിഷ്ട​ക​ര​മായ മുന്നേ​റ്റങ്ങൾ ഉണ്ടാകു​മ്പോൾ ഒരു ‘മതിൽ’ പോലെ നില​കൊ​ള്ളുക. നിങ്ങൾക്കു സഹവസി​ക്കേണ്ടി വരുന്ന ഏവരോ​ടും നിങ്ങളു​ടെ ക്രിസ്‌തീയ നിലപാ​ടു വ്യക്തമാ​ക്കുക. അങ്ങനെ ചെയ്യു​ക​വഴി ദൈവത്തെ പ്രസാ​ദി​പ്പി​ച്ചി​രി​ക്കു​ന്നു​വെന്ന ഉറച്ച ബോധ്യ​ത്തോ​ടെ ‘അനിന്ദ്യ​രും ദൈവ​ത്തി​ന്റെ നിഷ്‌ക​ള​ങ്ക​മ​ക്കളു’മായി നില​കൊ​ള്ളാൻ നിങ്ങൾക്കു കഴിയും.—ഫിലി​പ്പി​യർ 2:15.a

[അടിക്കു​റിപ്പ്‌]

[23-ാം പേജിലെ ചിത്രം]

നിങ്ങളുടെ ക്രിസ്‌തീയ വിശ്വാ​സങ്ങൾ പരസ്യ​മാ​യി അറിയാൻ ഇടയാ​ക്കു​ന്നത്‌ സംരക്ഷണം നൽകും

[23-ാം പേജിലെ ചിത്രം]

മോശമായ സഹവാസം ഒഴിവാ​ക്കു​ന്നത്‌ ലൈം​ഗിക ഉപദ്ര​വ​ത്തിൽനിന്ന്‌ നിങ്ങളെ സംരക്ഷി​ച്ചേ​ക്കും