ഒരു പുതി​യ​ലോ​ക​ത്തി​ലേ​ക്കുള്ള വിടു​ത​ലി​നാ​യി ഒരുങ്ങുക

“ലോത്തി​ന്റെ ഭാര്യയെ ഓർത്തു​കൊ​ള്ളുക.”—ലൂക്കോസ്‌ 17:32.

1. ഇന്നത്തെ നമ്മുടെ പാഠം ദിവ്യ​വി​ടു​ത​ലി​ന്റെ ഏതു ചരി​ത്ര​പ്ര​ധാ​ന​മായ ദൃഷ്ടാ​ന്തത്തെ പ്രദീ​പ്‌ത​മാ​ക്കു​ന്നു, അതിനു നമുക്ക്‌ എങ്ങനെ പ്രയോ​ജ​നം​ചെ​യ്യാൻ കഴിയും?

നോഹ​ക്കും അവന്റെ കുടും​ബ​ത്തി​നും​വേണ്ടി യഹോവ കൈവ​രു​ത്തിയ അത്ഭുത​ക​ര​മായ വിടു​ത​ലി​നെ​ക്കു​റി​ച്ചു പറഞ്ഞ​ശേഷം അപ്പോ​സ്‌ത​ല​നായ പത്രോസ്‌ മറെറാ​രു ചരി​ത്ര​പ​ര​മായ ദൃഷ്ടാന്തം എടുത്തു​പ​റഞ്ഞു. നാം 2 പത്രോസ്‌ 2:6-8 വരെ വായി​ക്കു​ന്ന​പ്ര​കാ​രം സോ​ദോ​മും ഗോ​മോ​റ​യും ചാമ്പലാ​ക്ക​പ്പെ​ട്ട​പ്പോ​ഴത്തെ നീതി​മാ​നായ ലോത്തി​ന്റെ സംരക്ഷ​ണ​ത്തി​ലേക്ക്‌ അവൻ ശ്രദ്ധക്ഷ​ണി​ച്ചു. നമ്മുടെ പ്രയോ​ജ​ന​ത്തി​നു​വേണ്ടി വിശദാം​ശങ്ങൾ സൂക്ഷി​ക്ക​പ്പെട്ടു. (റോമർ 15:4) ആ വിടു​ത​ലി​നോ​ടുള്ള ബന്ധത്തിൽ സംഭവി​ച്ചതു നാം കാര്യ​മാ​യെ​ടു​ക്കു​ന്നു​വെ​ങ്കിൽ ദൈവ​ത്തി​ന്റെ പുതിയ ലോക​ത്തി​ലേ​ക്കുള്ള സംരക്ഷ​ണ​ത്തി​നു യോഗ്യ​രാ​യി​ത്തീ​രു​ന്ന​തിന്‌ നമ്മെ സഹായി​ക്കാൻ അതിനു കഴിയും?

ലോക​ജീ​വി​ത​രീ​തി​യോ​ടു നാം പ്രതി​ക​രി​ക്കുന്ന വിധം

2. സോ​ദോ​മി​ലെ​യും ഗോ​മോ​റ​യി​ലെ​യും എന്തു നടത്ത ദൈവ​ത്താ​ലുള്ള അവരുടെ നാശത്തി​ലേക്കു നയിച്ചു?

² ആ നഗരങ്ങ​ളും അവിടത്തെ നിവാ​സി​ക​ളും നശിപ്പി​ക്ക​പ്പെ​ട്ട​തെ​ന്തു​കൊ​ണ്ടാ​യി​രു​ന്നു? അപ്പോ​സ്‌ത​ല​നായ പത്രോസ്‌ “അഴിഞ്ഞ നടത്തയി​ലെ” ആസക്തി​യെ​ക്കു​റി​ച്ചു പറയുന്നു. (2 പത്രോസ്‌ 2:7) സോ​ദോ​മി​ലെ​യും ഗോ​മോ​റ​യി​ലെ​യും ജനങ്ങൾ നിയമ​ത്തോ​ടും അധികാ​ര​ത്തോ​ടും നിർല​ജ്ജ​മായ അനാദ​ര​വും പുച്ഛവും​പോ​ലും പ്രകട​മാ​ക്കിയ ഒരു രീതി​യിൽ ദുഷ്‌പ്ര​വൃ​ത്തി​യി​ലേർപ്പെട്ടു, ആ പദപ്ര​യോ​ഗം വിവർത്ത​നം​ചെ​യ്യ​പ്പെ​ട്ടി​രി​ക്കുന്ന ഗ്രീക്ക്‌പ​ദ​ത്തി​ന്റെ ഉപയോ​ഗ​ത്താൽ സൂചി​പ്പി​ക്ക​പ്പെ​ടു​ന്നത്‌ അതാണ്‌. അവർ ‘അത്യധി​ക​മാ​യി ദുർവൃ​ത്തി​യി​ലേർപ്പെ​ടു​ക​യും പ്രകൃ​തി​വി​രുദ്ധ ഉപയോ​ഗ​ത്തി​നാ​യി ജഡത്തിന്റെ പിന്നാലെ പോകു​ക​യും​ചെ​യ്‌തു’വെന്ന്‌ യൂദാ 7 പറയുന്നു. സോ​ദോ​മി​ലെ പുരു​ഷൻമാർ “ആബാല​വൃ​ദ്ധം സകലയാ​ളു​ക​ളും ഒററ കൂട്ടമാ​യി” ലോത്തി​ന്റെ വീടു​വ​ള​യു​ക​യും തങ്ങളുടെ വികട​മായ തൃഷ്‌ണയെ തൃപ്‌തി​പ്പെ​ടു​ത്താൻ ലോത്തി​ന്റെ അതിഥി​കളെ വിട്ടു​കൊ​ടു​ക്ക​ണ​മെന്ന്‌ ആവശ്യ​പ്പെ​ടു​ക​യും ചെയ്‌ത​പ്പോൾ അവരുടെ നടത്തയു​ടെ സംസ്‌ക്കാ​ര​മി​ല്ലായ്‌മ പ്രകട​മാ​യി​രു​ന്നു. അവരുടെ ഹീനമായ ആവശ്യ​ങ്ങളെ ലോത്തു ചെറു​ത്തു​നി​ന്ന​തു​കൊണ്ട്‌ അവർ അവന്റെ നേരെ അപലപ​നങ്ങൾ ആക്രോ​ശി​ച്ചു.—ഉല്‌പത്തി 13:13; 19:4, 5, 9.

3. (എ) സോ​ദോം പോ​ലെ​യുള്ള ഒരു ദുഷിച്ച ചുററു​പാ​ടിൽ ലോത്തും കുടും​ബ​വും വസിക്കാ​നി​ട​യാ​യ​തെ​ങ്ങനെ? (ബി) സോ​ദോ​മി​ലെ ആളുക​ളു​ടെ അഴിഞ്ഞ നടത്ത​യോ​ടുള്ള ലോത്തി​ന്റെ പ്രതി​ക​ര​ണ​മെ​ന്താ​യി​രു​ന്നു?

³ ലോത്ത്‌ സോ​ദോ​മി​നു സമീപ​മുള്ള പ്രദേ​ശത്തെ സാമ്പത്തി​കാ​ഭി​വൃ​ദ്ധി​യു​ടെ സാദ്ധ്യ​ത​നി​മി​ത്ത​മാണ്‌ ആദ്യം അങ്ങോട്ടു മാറി​പ്പാർത്തത്‌. കാല​ക്ര​മ​ത്തിൽ അവൻ നഗരത്തിൽത്തന്നെ പാർപ്പു​റ​പ്പി​ച്ചു. (ഉല്‌പത്തി 13:8-12; 14:12; 19:1) എന്നാൽ അവൻ ആ നഗരത്തി​ലെ പുരു​ഷൻമാ​രു​ടെ കാമാ​സ​ക്ത​ന​ട​പ​ടി​ക​ളോ​ടു യോജി​ച്ചില്ല. പ്രത്യ​ക്ഷ​ത്തിൽ ലോത്തും അവന്റെ കുടും​ബ​വും അവരുടെ സാമൂ​ഹി​ക​ജീ​വി​ത​ത്തിൽ പങ്കു​ചേ​രാ​ഞ്ഞ​തു​കൊണ്ട്‌ ആ പുരു​ഷൻമാർ അവനെ തങ്ങളിൽ ഒരാളാ​യി വീക്ഷി​ച്ചില്ല. 2 പത്രോസ്‌ 2:7, 8 പറയു​ന്ന​തു​പോ​ലെ, “നിയമത്തെ ധിക്കരി​ക്കുന്ന ആളുക​ളു​ടെ അഴിഞ്ഞ നടത്തയി​ലെ ആശക്തി​യാൽ അതിയാ​യി ദുഃഖി​ത​നായ . . . ആ നീതി​മാ​നായ മനുഷ്യൻ അവരുടെ ഇടയിൽ അനുദി​നം വസിക്കവേ താൻ കാണു​ക​യും കേൾക്കു​ക​യും ചെയ്‌ത​വ​യാൽ അവരുടെ നിയമ​ര​ഹി​ത​പ്ര​വൃ​ത്തി​കൾ ഹേതു​വാ​യി തന്റെ നീതി​യുള്ള ദേഹിയെ ദണ്ഡിപ്പി​ക്കു​ക​യാ​യി​രു​ന്നു.” ആ അവസ്ഥകൾ ലോത്തിന്‌ ഒരു കഠിന​പീ​ഡാ​നു​ഭ​വ​മാ​യി​രു​ന്നു, എന്തു​കൊ​ണ്ടെ​ന്നാൽ ഒരു നീതി​മാ​നായ മനുഷ്യൻ എന്ന നിലയിൽ അവൻ അങ്ങനെ​യുള്ള നടത്തയെ വെറു​ത്തി​രു​ന്നു.

4. (എ) ഏതു വിധങ്ങ​ളിൽ ഇന്നത്തെ അവസ്ഥകൾ പുരാതന സോ​ദോ​മി​ലേ​തു​പോ​ലെ ആയിരി​ക്കു​ന്നു? (ബി) നാം നീതി​മാ​നായ ലോത്തി​നെ​പ്പോ​ലെ​യാ​ണെ​ങ്കിൽ, നാം ഇപ്പോ​ഴത്തെ ദുഷിച്ച അവസ്ഥക​ളോട്‌ എങ്ങനെ പ്രതി​ക​രി​ക്കു​ന്നു?

⁴ നമ്മുടെ നാളി​ലും മനുഷ്യ​സ​മു​ദാ​യ​ത്തി​ന്റെ ധാർമ്മി​ക​നി​ല​വാ​രം അധഃപ​തി​ച്ചു​പോ​യി​രി​ക്കു​ക​യാണ്‌. അനേകം രാജ്യ​ങ്ങ​ളിൽ, അനേകർ വിവാ​ഹ​ത്തി​നു മുമ്പ​ത്തെ​യും വിവാ​ഹ​ത്തി​നു പുറ​ത്തെ​യും ലൈം​ഗി​ക​ത​യിൽ ഏർപ്പെ​ടു​ന്നു. സ്‌ക്കൂ​ളി​ലെ അനേകം ചെറു​പ്പ​ക്കാർ പോലും ഈ ജീവി​ത​രീ​തി​യിൽ ആഴമായി ഉൾപ്പെ​ടു​ന്നുണ്ട്‌. അവർ തങ്ങളോ​ടു ചേരാ​ത്ത​വരെ പരിഹ​സി​ക്കു​ക​യും ചെയ്യുന്നു. സ്വവർഗ്ഗ​സം​ഭോ​ഗി​കൾ തങ്ങളേ​ത്തന്നെ പരസ്യ​മാ​യി തിരി​ച്ച​റി​യി​ക്കു​ക​യും അംഗീ​കാ​ര​ത്തി​നാ​യി വലിയ നഗരങ്ങ​ളു​ടെ വീഥി​ക​ളി​ലൂ​ടെ പരേഡ്‌ നടത്തു​ക​യും ചെയ്യുന്നു. ഈ ആഹ്ലാദ​വി​ഹാ​ര​ത്തിൽ വൈദി​കർ ചേർന്നി​രി​ക്കു​ന്നു. ഔദ്യോ​ഗി​ക​മാ​യി അനേകം സഭകൾ അറിയ​പ്പെ​ടുന്ന സ്വവർഗ്ഗ​സം​ഭോ​ഗി​കൾക്കും ദുർവൃ​ത്തർക്കും പട്ടം കൊടു​ക്കു​ന്നില്ല. എന്നിരു​ന്നാ​ലും, യഥാർത്ഥ​ത്തിൽ, വാർത്താ​റി​പ്പോർട്ടു​കൾ ആവർത്തി​ച്ചു പ്രകട​മാ​ക്കു​ന്ന​തു​പോ​ലെ, വൈദി​ക​രു​ടെ അണിക​ളിൽ സ്വവർഗ്ഗ​സം​ഭോ​ഗി​ക​ളെ​യും ദുർവൃ​ത്ത​രെ​യും വ്യഭി​ചാ​രി​ക​ളെ​യും കണ്ടെത്താൻ അശേഷം പ്രയാ​സ​മില്ല. യഥാർത്ഥ​ത്തിൽ, ചില മതനേ​താ​ക്കൻമാർ ലൈം​ഗി​കാ​പ​വാ​ദങ്ങൾ നിമിത്തം മററു നഗരങ്ങ​ളി​ലേക്ക്‌ സ്ഥലംമാ​റ​റ​പ്പെ​ട്ടി​ട്ടുണ്ട്‌, അല്ലെങ്കിൽ രാജി​വെ​ക്കാൻ നിർബ​ദ്ധ​രാ​ക്ക​പ്പെ​ട്ടി​ട്ടുണ്ട്‌. നീതി​സ്‌നേ​ഹി​കൾ അങ്ങനെ​യുള്ള ദുഷ്ടത​യോ​ടു യോജി​ക്കു​ന്നില്ല; അവർ “ദുഷ്ടതയെ വെറു​ക്കു​ന്നു.” (റോമർ 12:9) ദൈവത്തെ സേവി​ക്കു​ന്നു​വെ​ന്ന​വ​കാ​ശ​പ്പെ​ടു​ന്നവ​രു​ടെ നടത്ത അവന്റെ നാമത്തിൻമേൽ നിന്ദവ​രു​ത്തു​ക​യും അറിവി​ല്ലാത്ത ആളുകൾ സകല മതത്തിൽനി​ന്നും വെറു​പ്പോ​ടെ അകന്നു​മാ​റാൻ ഇടയാ​ക്കു​ക​യും​ചെ​യ്യു​മ്പോൾ അവർ വിശേ​ഷാൽ ദുഃഖി​ത​രാണ്‌.—റോമർ 2:24.

5. യഹോ​വ​യാ​ലുള്ള സോ​ദോ​മി​ന്റെ​യും ഗോ​മോ​റാ​യു​ടെ​യും നാശം നമ്മുടെ ഏതു ചോദ്യ​ത്തിന്‌ ഉത്തരം നൽകുന്നു?

⁵ ഓരോ വർഷവും കടന്നു​പോ​കു​മ്പോൾ സാഹച​ര്യം കൂടുതൽ വഷളാ​കു​ക​യാണ്‌. ഇതിന്‌ ഒരു അറുതി​വ​രു​മോ? ഉവ്വ്‌ വരും. യഹോവ പുരാതന സോ​ദോ​മി​നോ​ടും ഗോ​മോ​റ​യോ​ടും ചെയ്‌തത്‌ തന്റെ നിശ്ചി​ത​സ​മ​യത്ത്‌ താൻ ന്യായ​വി​ധി നടത്തു​മെന്ന്‌ പ്രകട​മാ​ക്കു​ന്നു. അവൻ ദുഷ്ടൻമാ​രെ പൂർണ്ണ​മാ​യി നശിപ്പി​ക്കും, എന്നാൽ അവൻ തന്റെ വിശ്വ​സ്‌ത​ദാ​സൻമാ​രെ വിടു​വി​ക്കും.

ജീവി​ത​ത്തിൽ ഒന്നാമതു വരുന്നത്‌ ആർ അല്ലെങ്കിൽ എന്ത്‌?

6. (എ) ലോത്തി​ന്റെ പുത്രി​മാ​രെ വിവാ​ഹം​ക​ഴി​ക്കാ​നി​രുന്ന ചെറു​പ്പ​ക്കാ​രെ​സം​ബ​ന്ധിച്ച വിവര​ണ​ത്തിൽ എന്തു കാലോ​ചി​ത​മായ പാഠമ​ട​ങ്ങി​യി​രി​ക്കു​ന്നു? (ബി) ലോത്തി​ന്റെ പുത്രി​മാ​രു​ടെ ഭാവി ഇണകളു​ടെ മനോ​ഭാ​വം അവരെ പരി​ശോ​ധി​ച്ച​തെ​ങ്ങനെ?

⁶ യഥാർത്ഥ ദൈവി​ക​ഭക്തി പ്രകട​മാ​ക്കു​ന്നവർ മാത്രമേ സംരക്ഷി​ക്ക​പ്പെ​ടു​ക​യു​ള്ളു. ഈ കാര്യ​ത്തിൽ, സോ​ദോ​മും ഗോ​മോ​റ​യും നശിപ്പി​ക്ക​പ്പെ​ടു​ന്ന​തി​നു​മുമ്പ്‌ യഹോ​വ​യു​ടെ ദൂതൻമാർ ലോത്തി​നോ​ടു പറഞ്ഞതി​നെ​ക്കു​റി​ച്ചു പരിചി​ന്തി​ക്കുക. “നിനക്കി​വി​ടെ വേറെ​യാ​രെ​ങ്കി​ലു​മു​ണ്ടോ? മരുമ​ക​നെ​യും നിന്റെ പുത്രൻമാ​രെ​യും നിന്റെ പുത്രി​മാ​രെ​യും നഗരത്തിൽ നിനക്കുള്ള എല്ലാവ​രെ​യും ഈ സ്ഥലത്തു​നി​ന്നു പുറത്തു​കൊ​ണ്ടു​പോ​കുക! എന്തെന്നാൽ ഞങ്ങൾ ഈ സ്ഥലത്തെ നശിപ്പി​ക്കാൻ പോകു​ക​യാണ്‌.” അങ്ങനെ ലോത്ത്‌ തന്റെ പുത്രി​മാ​രെ വിവാഹം കഴിക്കാ​നി​രുന്ന ചെറു​പ്പ​ക്കാ​രോ​ടു സംസാ​രി​ച്ചു. “എഴു​ന്നേൽക്കൂ! ഈ സ്ഥലത്തു​നി​ന്നു പുറത്തു​പോ​കുക, എന്തു​കൊ​ണ്ടെ​ന്നാൽ യഹോവ ഈ നഗരത്തെ നശിപ്പി​ക്കാൻ പോകു​ക​യാണ്‌!” എന്ന്‌ അവൻ അവരെ ആവർത്തിച്ച്‌ പ്രോൽസാ​ഹി​പ്പി​ച്ചു. ലോത്തി​ന്റെ കുടും​ബ​ത്തോ​ടുള്ള അവരുടെ ബന്ധം വിടു​ത​ലി​നുള്ള ഒരു പ്രത്യേക അവസരം അവർക്കു പ്രദാ​നം​ചെ​യ്‌തു, എന്നാൽ അവർ വ്യക്തി​പ​ര​മാ​യി നടപടി സ്വീക​രി​ക്ക​ണ​മാ​യി​രു​ന്നു. യഹോ​വ​യോ​ടുള്ള അനുസ​ര​ണ​ത്തി​ന്റെ സ്‌പർശ​നീ​യ​മായ തെളിവ്‌ അവർ നൽകണ​മാ​യി​രു​ന്നു. പകരം, അവരുടെ ദൃഷ്ടി​ക​ളിൽ ലോത്ത്‌ “തമാശ​പ​റ​യുന്ന ഒരു മനുഷ്യ​നെ​പ്പോ​ലെ തോന്നി.” (ഉല്‌പത്തി 19:12-14) സംഭവി​ച്ച​തെ​ന്തെന്നു മനസ്സി​ലാ​ക്കി​യ​പ്പോൾ ലോത്തി​ന്റെ പുത്രി​മാർക്ക്‌ എങ്ങനെ​യുള്ള വിചാ​ര​മു​ണ്ടാ​യെന്ന്‌ നിങ്ങൾക്കു ഊഹി​ക്കാൻ കഴിയും. അത്‌ ദൈവ​ത്തോ​ടുള്ള അവരുടെ വിശ്വ​സ്‌ത​തയെ പരീക്ഷി​ച്ചു.

7, 8. (എ) തന്റെ കുടും​ബ​ത്തെ​യും കൂട്ടി ഓടി​പ്പോ​കാൻ ദൂതൻമാർ ലോത്തി​നെ പ്രോൽസാ​ഹി​പ്പി​ച്ച​പ്പോൾ അവൻ എങ്ങനെ പ്രതി​ക​രി​ച്ചു, ഇത്‌ ബുദ്ധി​ശൂ​ന്യ​മാ​യി​രു​ന്ന​തെ​ന്തു​കൊണ്ട്‌? (ബി) വിടു​വി​ക്ക​പ്പെ​ടു​ന്ന​തിന്‌, ലോത്തി​നും അവന്റെ കുടും​ബ​ത്തി​നും എന്ത്‌ ജീവൽപ്ര​ധാ​ന​മാ​യി​രു​ന്നു?

⁷ അടുത്ത ദിവസം പ്രഭാ​ത​ത്തിൽ ദൂതൻമാർ ലോത്തി​നെ നിർബ്ബ​ന്ധി​ച്ചു. അവർ പറഞ്ഞു: “എഴു​ന്നേൽക്കൂ! നഗരത്തി​ന്റെ അകൃത്യ​ത്തിൽ നീ തൂത്തെ​റി​യ​പ്പെ​ടാ​തി​രി​ക്കാൻ ഇവിടെ കാണ​പ്പെ​ടുന്ന നിന്റെ ഭാര്യ​യെ​യും നിന്റെ രണ്ടു പുത്രി​മാ​രെ​യും കൂട്ടി​ക്കൊ​ണ്ടു​പോ​കുക.” എന്നാൽ “അവൻ തങ്ങിനി​ന്നു.” (ഉല്‌പത്തി 19:15, 16) എന്തു​കൊണ്ട്‌? അവനെ പിടി​ച്ചു​നിർത്തി​യ​തെ​ന്താ​യി​രു​ന്നു? ആ സ്ഥലത്തേക്ക്‌ അവനെ ആദ്യം​തന്നെ ആകർഷിച്ച സംഗതി​യാ​യി​രുന്ന സോ​ദോ​മി​ലെ അവന്റെ ഭൗതി​ക​താ​ല്‌പ​ര്യ​ങ്ങ​ളാ​യി​രു​ന്നു​വോ? അവൻ അവയോ​ടു പററി​പ്പി​ടി​ച്ചു​നി​ന്നി​രു​ന്നെ​ങ്കിൽ, അവൻ സോ​ദോ​മി​നോ​ടു​കൂ​ടെ നശിപ്പി​ക്ക​പ്പെ​ടു​മാ​യി​രു​ന്നു.

⁸ സഹാനു​ഭൂ​തി​യിൽനിന്ന്‌ ദൂതൻമാർ അവന്റെ കുടും​ബ​ത്തി​ലു​ള്ള​വരെ കൈക്കു പിടിച്ച്‌ ധൃതി​യിൽ നഗരത്തി​നു പുറ​ത്തേക്കു നയിച്ചു. നഗര​പ്രാ​ന്ത​ത്തിൽവെച്ച്‌ യഹോ​വ​യു​ടെ ദൂതൻ ഇങ്ങനെ കല്‌പി​ച്ചു: “നിങ്ങളു​ടെ ദേഹി​ക്കു​വേണ്ടി ഓടി രക്ഷപ്പെ​ടുക! നിങ്ങളു​ടെ പിന്നി​ലേക്കു നോക്ക​രുത്‌. ജില്ലയി​ലെ​ങ്ങും നിശ്ചല​മാ​യി നിൽക്കു​ക​യു​മ​രുത്‌! നിങ്ങൾ തൂത്തെ​റി​യ​പ്പെ​ടാ​തി​രി​ക്കാൻ പർവ്വത​പ്ര​ദേ​ശ​ത്തേക്ക്‌ ഓടി രക്ഷപ്പെ​ടുക!” ലോത്ത്‌ പിന്നെ​യും മടിച്ചു​നി​ന്നു. ഒടുവിൽ, വളരെ ദൂരെ​യ​ല്ലാത്ത ഒരു സ്ഥലത്തേക്കു പോകാൻ അവനു അനുമതി ലഭിച്ച ശേഷം അവനും കുടും​ബ​വും ഓടി. (ഉല്‌പത്തി 19:17-22) കൂടു​ത​ലാ​യി താമസി​ക്കാൻപാ​ടി​ല്ലാ​യി​രു​ന്നു; അനുസ​രണം ജീവൽപ്ര​ധാ​ന​മാ​യി​രു​ന്നു.

9, 10. (എ) ലോത്തി​ന്റെ ഭാര്യ അവളുടെ ഭർത്താ​വി​നോ​ടു​കൂ​ടെ​യാ​യി​രു​ന്നത്‌ അതിജീ​വ​ന​ത്തിന്‌ ഉറപ്പു​നൽകാൻ മതിയാ​കാ​ഞ്ഞ​തെ​ന്തു​കൊണ്ട്‌? (ബി) ലോത്തി​ന്റെ ഭാര്യ കൊല്ല​പ്പെ​ട്ട​പ്പോൾ, ലോത്തി​ന്റെ​യും അവളുടെ പുത്രി​മാ​രു​ടെ​യും​മേൽ ഏതു കൂടു​ത​ലായ പരി​ശോ​ധന വരുത്ത​പ്പെട്ടു?

⁹ എന്നിരു​ന്നാ​ലും, അവർ സോ​ദോ​മിൽനി​ന്നു പുറത്തു​ക​ട​ന്ന​പ്പോ​ഴും വിടുതൽ പൂർണ്ണ​മാ​യി​രു​ന്നില്ല. ഉല്‌പത്തി 19:23-25 നമ്മോട്‌ ഇങ്ങനെ പറയുന്നു: “ലോത്ത്‌ സോവാ​റി​ലെ​ത്തി​യ​പ്പോൾ സൂര്യൻ ദേശത്തിൻമീ​തെ വന്നിരു​ന്നു. അപ്പോൾ യഹോ​വ​യിൽനിന്ന്‌, ആകാശ​ങ്ങ​ളിൽനിന്ന്‌ സോ​ദോ​മിൻമേ​ലും ഗോ​മോ​റാ​മേ​ലും ഗന്ധകവും തീയും യഹോവ വർഷി​പ്പി​ച്ചു. അങ്ങനെ അവൻ ഈ നഗരങ്ങളെ, മുഴു ജില്ല​യെ​ത്ത​ന്നെ​യും നഗരങ്ങ​ളി​ലെ സകല നിവാ​സി​ക​ളെ​യും നിലത്തെ ചെടി​ക​ളെ​യും തകിടം മറിച്ചു.” എന്നാൽ ലോത്തി​ന്റെ ഭാര്യ എവി​ടെ​യാ​യി​രു​ന്നു?

¹⁰ അവൾ തന്റെ ഭർത്താ​വി​നോ​ടു​കൂ​ടെ ഓടി​യി​രു​ന്നു. എന്നിരു​ന്നാ​ലും, അവൻ ചെയ്‌തു​കൊ​ണ്ടി​രു​ന്ന​തി​നോട്‌ അവൾക്കു പൂർണ്ണ​യോ​ജി​പ്പു​ണ്ടാ​യി​രു​ന്നോ? അവൾ ഏതെങ്കി​ലും വിധത്തിൽ സോ​ദോ​മി​ലെ ദുർമ്മാർഗ്ഗത്തെ അംഗീ​ക​രി​ച്ചു​വെന്നു സൂചി​പ്പി​ക്കു​ന്ന​താ​യി യാതൊ​ന്നു​മില്ല. എന്നാൽ അവളുടെ ദൈവ​സ്‌നേഹം അവളുടെ ഭവന​ത്തോ​ടും അവൾക്ക​വി​ടെ​യു​ണ്ടാ​യി​രുന്ന ഭൗതി​ക​വ​സ്‌തു​ക്ക​ളോ​ടു​മുള്ള അവളുടെ മമത​യെ​ക്കാൾ ശക്തമാ​യി​രു​ന്നോ? (ലൂക്കോസ്‌ 17:31, 32 താരത​മ്യ​പ്പെ​ടു​ത്തുക.) സമ്മർദ്ദ​ത്തിൻകീ​ഴിൽ അവളുടെ ഹൃദയ​ത്തി​ലു​ള്ള​തെ​ന്തെന്നു വ്യക്തമാ​യി. അവർ അപ്പോഴേ സോവാ​റി​നോ​ട​ടുത്ത്‌ എത്തി നഗരത്തിൽ പ്രവേ​ശി​ക്കാ​റാ​യി​രു​ന്നു​വെന്ന്‌ തെളി​വുണ്ട്‌, അപ്പോൾ അവൾ അനുസ​ര​ണ​മി​ല്ലാ​തെ പിന്തി​രി​ഞ്ഞു​നോ​ക്കി. ബൈബിൾരേഖ പറയു​ന്ന​തു​പോ​ലെ, “അവൾ ഒരു ഉപ്പുതൂ​ണാ​യി​ത്തീർന്നു.” (ഉല്‌പത്തി 19:26) ഇപ്പോൾ ലോത്തി​നെ​യും അവന്റെ പുത്രി​മാ​രെ​യും കൂടു​ത​ലായ ഒരു പരീക്ഷ നേരിട്ടു. തന്റെ മരിച്ചു​പോയ ഭാര്യ​യോ​ടുള്ള ലോത്തി​ന്റെ മമതയും തങ്ങളുടെ മരിച്ചു​പോയ മാതാ​വി​നോ​ടുള്ള പെൺകു​ട്ടി​ക​ളു​ടെ വികാ​ര​ങ്ങ​ളും ഈ അനർത്ഥം വരുത്തി​യി​രുന്ന യഹോ​വ​യോ​ടുള്ള അവരുടെ സ്‌നേ​ഹ​ത്തേ​ക്കാൾ ശക്തമാ​യി​രു​ന്നു​വോ? തങ്ങളോ​ടു വളരെ അടുത്ത ഒരാൾ ദൈവ​ത്തോ​ടു അവിശ്വ​സ്‌തത കാട്ടി​യെന്നു തെളി​ഞ്ഞാ​ലും അവർ അവനെ അനുസ​രി​ക്കു​ന്ന​തിൽ തുടരു​മോ? യഹോ​വ​യി​ലുള്ള പൂർണ്ണ വിശ്വാ​സ​ത്തോ​ടെ അവർ പിന്തി​രി​ഞ്ഞു​നോ​ക്കി​യില്ല.

11. യഹോവ പ്രദാ​നം​ചെ​യ്യുന്ന വിടു​ത​ലി​നെ​ക്കു​റിച്ച്‌ നാം ഇവിടെ എന്തു പഠിച്ചി​രി​ക്കു​ന്നു?

¹¹ ഉവ്വ്‌, ദൈവി​ക​ഭ​ക്തി​യുള്ള ആളുകളെ പീഡാ​നു​ഭ​വ​ത്തിൽനി​ന്നു വിടു​വി​ക്കാൻ യഹോ​വ​ക്ക​റി​യാം. നിർമ്മ​ലാ​രാ​ധ​ന​യിൽ ഒററ​ക്കെ​ട്ടാ​യി നിൽക്കുന്ന മുഴു​കു​ടും​ബ​ങ്ങ​ളെ​യും വിടു​വി​ക്കാൻ അവന്‌ അറിയാം; വ്യക്തി​കളെ വിടു​വി​ക്കാ​നും അവന്‌ അറിയാം. അവർ അവനെ യഥാർത്ഥ​മാ​യി സ്‌നേ​ഹി​ക്കു​മ്പോൾ അവൻ അവരോട്‌ ഇടപെ​ടു​ന്ന​തിൽ വലിയ പരിഗണന കാണി​ക്കു​ന്നു. “അവനു​തന്നെ നമ്മുടെ ഘടന നന്നായി അറിയാം, നാം പൊടി​യാ​ണെന്ന്‌ അറിഞ്ഞു​കൊ​ണ്ടു​തന്നെ.” (സങ്കീർത്തനം 103:13, 14) എന്നാൽ അവന്റെ വിടുതൽ ദൈവി​ക​ഭ​ക്തി​യുള്ള ആളുകൾക്ക്‌, യഥാർത്ഥ​ഭ​ക്തി​യു​ള്ള​വർക്ക്‌, തങ്ങളുടെ അനുസ​രണം വിശ്വ​സ്‌ത​ത​യു​ടെ ഒരു പ്രകട​ന​മാ​യി​രി​ക്കു​ന്ന​വർക്ക്‌, മാത്ര​മാ​യി​രി​ക്കും.

വലിപ്പ​മേ​റിയ ഒരു വിടു​ത​ലി​നു​വേണ്ടി സനേ​ഹ​പൂർവ​ക​മായ ഒരുക്കങ്ങൾ

12. നാം വളരെ ആകാം​ക്ഷ​യോ​ടെ പ്രതീ​ക്ഷി​ക്കുന്ന വിടുതൽ കൈവ​രു​ത്തു​ന്ന​തി​നു മുമ്പ്‌ യഹോവ എന്തു സ്‌നേ​ഹ​പൂർവ​ക​മായ കരുതൽ ചെയ്യാ​നി​രി​ക്കു​ക​യാ​യി​രു​ന്നു?

¹² യഹോവ നോഹ​യു​ടെ​യും ലോത്തി​ന്റെ​യും നാളു​ക​ളിൽ ചെയ്‌ത​തി​ലൂ​ടെ അവൻ സകല ദുഷ്ടൻമാ​രെ​യും എന്നേക്കു​മാ​യി നീക്കം​ചെ​യ്‌തില്ല. തിരു​വെ​ഴു​ത്തു പറയു​ന്ന​പ്ര​കാ​രം അത്‌ വരാനി​രുന്ന കാര്യ​ങ്ങ​ളു​ടെ ഒരു മാതൃക വെക്കു​ക​മാ​ത്ര​മാ​യി​രു​ന്നു. ആ കാര്യങ്ങൾ വന്നെത്തു​ന്ന​തി​നു മുമ്പ്‌ തന്നെ സ്‌നേ​ഹി​ക്കു​ന്ന​വ​രു​ടെ പ്രയോ​ജ​ന​ത്തി​നു​വേണ്ടി യഹോവ ചെയ്യാ​നു​ദ്ദേ​ശിച്ച വളരെ​യ​ധി​കം കാര്യ​ങ്ങൾകൂ​ടെ അവന്റെ മനസ്സി​ലു​ണ്ടാ​യി​രു​ന്നു. അവൻ തന്റെ ഏകജാ​ത​നാം പുത്ര​നായ യേശു​ക്രി​സ്‌തു​വി​നെ ഭൂമി​യി​ലേ​ക്ക​യ​ക്കാൻപോ​കു​ക​യാ​യി​രു​ന്നു. ഇവിടെ ഒരു പൂർണ്ണ​മ​നു​ഷ്യ​നെന്ന നിലയിൽ ആദാം ദൈവ​ത്തിന്‌ അർപ്പി​ക്കേ​ണ്ടി​യി​രു​ന്ന​തും അർപ്പി​ക്കാൻക​ഴി​യു​മാ​യി​രു​ന്ന​തു​മായ തരം ഭക്തി അർപ്പി​ച്ചു​കൊണ്ട്‌ യേശു ഇവിടെ ഭൂമി​യിൽ ദൈവ​നാ​മ​ത്തി​ന്റെ നിന്ദ നീക്കു​മാ​യി​രു​ന്നു; എന്നാൽ യേശു വളരെ​യ​ധി​കം പ്രയാ​സ​മേ​റിയ സാഹച​ര്യ​ങ്ങ​ളി​ലാ​യി​രി​ക്കും അതു ചെയ്യു​ന്നത്‌. വിശ്വാ​സം പ്രകട​മാ​ക്കുന്ന ആദാമി​ന്റെ സന്തതി​കൾക്ക്‌ അവൻ നഷ്ടപ്പെ​ടു​ത്തി​യത്‌ ലഭിക്ക​ത്ത​ക്ക​വണ്ണം യേശു തന്റെ പൂർണ്ണ​മാ​നു​ഷ​ജീ​വനെ ഒരു ബലിയാ​യി വെച്ചു​കൊ​ടു​ക്കു​മാ​യി​രു​ന്നു. പിന്നീട്‌, ക്രിസ്‌തു​വി​നോ​ടു​കൂ​ടെ അവന്റെ സ്വർഗ്ഗീ​യ​രാ​ജ്യ​ത്തിൽ പങ്കു​ചേ​രാൻ വിശ്വ​സ്‌ത​മ​നു​ഷ്യ​രു​ടെ ഒരു “ചെറിയ ആട്ടിൻകൂട്ട”ത്തെ ദൈവം തെര​ഞ്ഞെ​ടു​ക്കും, ഒരു പുതിയ മാനു​ഷ​സ​മു​ദാ​യ​ത്തി​ന്റെ അടിസ്ഥാ​ന​മാ​യി​രി​ക്കാൻ “ഒരു മഹാപു​രു​ഷാ​രം” സകല ജനതക​ളിൽനി​ന്നും കൂട്ടി​ച്ചേർക്ക​പ്പെ​ടും. (ലൂക്കോസ്‌ 12:32; വെളി​പ്പാട്‌ 7:9) അതു നിർവ​ഹി​ക്ക​പ്പെ​ട്ടു​ക​ഴി​യു​മ്പോൾ ദൈവം പ്രളയ​ത്തോ​ടും സോ​ദോ​മി​ന്റെ​യും ഗോ​മോ​റ​യു​ടെ​യും നാശ​ത്തോ​ടു ബന്ധപ്പെട്ട സംഭവ​ങ്ങ​ളാൽ മുൻനി​ഴ​ലാ​ക്ക​പ്പെട്ട മഹത്തായ വിടുതൽ നിർവ​ഹി​ക്കും.

ഇപ്പോൾ നിർണ്ണാ​യ​ക​പ്ര​വർത്തനം അടിയ​ന്തി​ര​മാ​യി​രി​ക്കു​ന്ന​തി​ന്റെ കാരണം

13, 14. ലോത്തി​ന്റെ​യും നോഹ​യു​ടെ​യും നാളു​ക​ളി​ലെ ഭക്തി​കെ​ട്ട​യാ​ളു​ക​ളു​ടെ നാശത്തെ പത്രോസ്‌ ദൃഷ്ടാ​ന്ത​ങ്ങ​ളാ​യി ഉപയോ​ഗി​ച്ചു​വെന്ന വസ്‌തു​ത​യിൽനിന്ന്‌ നമുക്ക്‌ എന്തു പഠിക്കാൻ കഴിയും?

¹³ യഹോവ പല സന്ദർഭ​ങ്ങ​ളിൽ തന്റെ ദാസൻമാർക്കു​വേണ്ടി വിടു​ത​ലി​ന്റെ പ്രവർത്ത​നങ്ങൾ നിർവ​ഹി​ച്ചി​ട്ടു​ണ്ടെന്ന്‌ ദൈവ​വ​ച​ന​ത്തി​ന്റെ അദ്ധ്യേ​താ​ക്കൾക്ക​റി​യാം. എന്നിരു​ന്നാ​ലും, മിക്ക കേസു​ക​ളി​ലും ‘ആ കാല​ത്തെ​പ്പോ​ലെ മനുഷ്യ​പു​ത്രന്റെ സാന്നി​ദ്ധ്യം ആകും’ എന്ന്‌ ദൈവ​വ​ചനം പറയു​ന്നില്ല. പരിശു​ദ്ധാ​ത്മാ​വി​നാൽ നിശ്വ​സ്‌ത​നാ​ക്ക​പ്പെട്ട അപ്പോ​സ്‌ത​ല​നായ പത്രോസ്‌ ഈ രണ്ടു ദൃഷ്ടാ​ന്തങ്ങൾ മാത്രം വേർതി​രി​ച്ചെ​ടു​ത്തു പറയു​ന്ന​തെ​ന്തു​കൊണ്ട്‌? ലോത്തി​ന്റെ​യും നോഹ​യു​ടെ​യും നാളു​ക​ളിൽ സംഭവി​ച്ച​വ​യു​ടെ വ്യത്യാ​സം എന്തായി​രു​ന്നു?

¹⁴ യൂദാ 7-ൽ ഒരു സുനി​ശ്ചി​ത​സൂ​ചന കാണ​പ്പെ​ടു​ന്നു, അവിടെ “സോ​ദോ​മും ഗോ​മോ​റ​യും അവക്കു ചുററു​മു​ണ്ടാ​യി​രുന്ന നഗരങ്ങ​ളും . . . നിത്യാ​ഗ്നി​യു​ടെ ന്യായ​മായ ശിക്ഷക്കു വിധേ​യ​മാ​യ​തി​നാൽ ഒരു മുന്നറി​യി​പ്പിൻ ദൃഷ്ടാ​ന്ത​മാ​യി നമ്മുടെ മുമ്പാകെ വെക്ക​പ്പെ​ട്ടി​രി​ക്കു​ന്നു” എന്നു നാം വായി​ക്കു​ന്നു. അതെ, ആ നഗരങ്ങ​ളി​ലെ ഘോര​പാ​പി​ക​ളു​ടെ നാശം നിത്യ​മാ​യി​രു​ന്നു, ഇപ്പോ​ഴത്തെ വ്യവസ്ഥി​തി​യു​ടെ അവസാ​ന​ത്തി​ലെ ദുഷ്ടൻമാ​രു​ടെ നാശവും അങ്ങനെ​ത​ന്നെ​യാ​യി​രി​ക്കും. (മത്തായി 25:46) നിത്യ​ന്യാ​യ​വി​ധി​കളെ ചർച്ച​ചെ​യ്യുന്ന സന്ദർഭ​ങ്ങ​ളിൽ നോഹ​യു​ടെ നാളിലെ പ്രളയ​ത്തെ​ക്കു​റി​ച്ചും പരാമർശി​ച്ചി​ട്ടുണ്ട്‌. (2 പത്രോസ്‌ 2:4, 5, 9-12; 3:5-7) അതു​കൊ​ണ്ടു ലോത്തി​ന്റെ​യും നോഹ​യു​ടെ​യും നാളു​ക​ളി​ലെ ഭക്തി​കെ​ട്ട​യാ​ളു​ക​ളു​ടെ നാശത്താൽ, അനീതി പ്രവർത്തി​ച്ചു​കൊ​ണ്ടി​രി​ക്കു​ന്ന​വരെ എന്നേക്കും നശിപ്പി​ക്കു​ന്ന​തി​ലൂ​ടെ താൻ തന്റെ ദാസൻമാ​രെ വിടു​വി​ക്കു​മെന്ന്‌ യഹോവ പ്രകട​മാ​ക്കി.—2 തെസ്സ​ലോ​നീ​ക്യർ 1:6-10.

15. (എ) ദുഷ്ടന​ട​പ​ടി​ക​ളി​ലേർപ്പെ​ടു​ന്ന​വർക്ക്‌ ഏത്‌ അടിയ​ന്തി​ര​മു​ന്ന​റി​യി​പ്പു നൽക​പ്പെ​ടു​ന്നു? (ബി) അനീതി​യിൽ തുടരുന്ന സകലരു​ടെ മേലും നീതി നടത്ത​പ്പെ​ടു​ന്ന​തെ​ന്തു​കൊണ്ട്‌?

¹⁵ ദുഷ്‌ടൻമാ​രു​ടെ നാശം യഹോ​വക്കു സന്തോഷം കൈവ​രു​ത്തു​ന്നില്ല. അത്‌ അവന്റെ ദാസൻമാർക്കും ഉല്ലാസം കൈവ​രു​ത്തു​ന്നില്ല. “പിന്തി​രി​യുക, നിങ്ങളു​ടെ ദുഷിച്ച വഴിക​ളിൽനി​ന്നു പിന്തി​രി​യുക, നിങ്ങൾ എന്തിനു മരിക്കണം?” എന്ന്‌ തന്റെ സാക്ഷികൾ മുഖേന യഹോവ ആളുകളെ പ്രോൽസാ​ഹി​പ്പി​ക്കു​ന്നു. (യെഹെ​സ്‌ക്കേൽ 33:11) എന്നിരു​ന്നാ​ലും, ഈ സ്‌നേ​ഹ​പൂർവ​ക​മായ അഭ്യർത്ഥന ശ്രദ്ധി​ക്കാൻ ആഗ്രഹം പ്രകട​മാ​ക്കാ​തെ ആളുകൾ തങ്ങളുടെ സ്വാർത്ഥ​ജീ​വി​ത​രീ​തി​യിൽ ശാഠ്യ​പൂർവം തുടരു​മ്പോൾ തന്റെ സ്വന്തം വിശു​ദ്ധ​നാ​മ​ത്തോ​ടുള്ള യഹോ​വ​യു​ടെ ആദരവും ഭക്തി​കെ​ട്ട​യാ​ളു​ക​ളു​ടെ കൈയാൽ ദുഷ്‌പെ​രു​മാ​റ​റ​മ​നു​ഭ​വി​ക്കുന്ന തന്റെ വിശ്വസ്‌ത ദാസൻമാ​രോ​ടുള്ള അവന്റെ സ്‌നേ​ഹ​വും അവൻ നീതി നടത്തേ​ണ്ട​താ​വ​ശ്യ​മാ​ക്കി​ത്തീർക്കു​ന്നു.

16. (എ) മുൻകൂ​ട്ടി​പ്പ​റ​യ​പ്പെട്ട വിടുതൽ വളരെ അടുത്തി​രി​ക്കു​ന്നു​വെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌? (ബി) വിടുതൽ എന്തിൽനി​ന്നും എന്തി​ലേ​ക്കു​മാ​യി​രി​ക്കും?

¹⁶ വിടുതൽ കൈവ​രു​ത്താ​നുള്ള ദൈവ​ത്തി​ന്റെ സമയം വളരെ അടുത്തി​രി​ക്കു​ന്നു! തന്റെ സാന്നി​ദ്ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാ​ള​മെന്ന നിലയിൽ യേശു മുൻകൂ​ട്ടി​പ്പറഞ്ഞ മനോ​ഭാ​വ​ങ്ങ​ളും സംഭവ​ങ്ങ​ളും വ്യക്തമാ​യി പ്രകട​മാണ്‌. ആ അടയാ​ള​ത്തി​ന്റെ സവി​ശേ​ഷ​തകൾ ആദ്യമാ​യി 75 വർഷം മുമ്പ്‌ പ്രത്യ​ക്ഷ​പ്പെ​ടാൻ തുടങ്ങി. ഈ ഭക്തികെട്ട ലോക​ത്തി​ന്റെ​മേ​ലുള്ള ദൈവ​ത്തി​ന്റെ ന്യായ​വി​ധി​നിർവ​ഹ​ണ​ത്തി​നു​മുമ്പ്‌ “ഈ തലമുറ” ഒരു വിധത്തി​ലും നീങ്ങി​പ്പോ​കു​ക​യി​ല്ലെന്ന്‌ യേശു പറയു​ക​യു​ണ്ടാ​യി. സകല ജനതകൾക്കും സാക്ഷ്യ​മാ​യി രാജ്യ​സ​ന്ദേശം നിവസി​ത​ഭൂ​മി​യി​ലെ​ല്ലാം വേണ്ട​ത്ര​യ​ള​വിൽ പ്രഘോ​ഷി​ക്ക​പ്പെ​ട്ട​താ​യി യഹോവ തീരു​മാ​നി​ക്കു​മ്പോൾ ഈ ദുഷ്ടവ്യ​വ​സ്ഥി​തി​യു​ടെ അവസാനം വരും. അതോടെ ദൈവി​ക​ഭ​ക്തി​യുള്ള ആളുകൾക്ക്‌ വിടു​ത​ലും ഉണ്ടാകും. (മത്തായി 24:3-34; ലൂക്കോസ്‌ 21:28-33) എന്തിൽനി​ന്നുള്ള വിടുതൽ? ദുഷ്ടൻമാ​രു​ടെ കൈക​ളാൽ അവർ അനുഭ​വി​ക്കേ​ണ്ടി​വ​ന്നി​ട്ടുള്ള പീഡാ​നു​ഭ​വ​ങ്ങ​ളിൽനി​ന്നും നീതി​സ്‌നേ​ഹി​ക​ളെന്ന നിലയിൽ അവർക്ക്‌ അനുദി​നം ദുഃഖ​കാ​ര​ണ​മാ​യി​രു​ന്നി​ട്ടുള്ള സാഹച​ര്യ​ങ്ങ​ളിൽനി​ന്നു​മുള്ള വിടുതൽ. അത്‌ രോഗ​വും മരണവും കഴിഞ്ഞ​കാല സംഗതി​ക​ളാ​യി​ത്തീ​രുന്ന ഒരു പുതി​യ​ലോ​ക​ത്തി​ലേ​ക്കുള്ള വിടു​ത​ലു​മാ​യി​രി​ക്കും.

വിടു​ത​ലി​ന്റെ കാഴ്‌ച​പ്പാ​ടിൽ ദിവ്യ​സ​ഹാ​യം

17. (എ) നാം നമ്മോ​ടു​തന്നെ ഏതു ഗൗരവ​മുള്ള ചോദ്യം ചോദി​ക്കണം? (ബി) നോഹ​യെ​പ്പോ​ലെ നാം “ദൈവി​ക​ഭ​യ​ത്താൽ” പ്രേരി​ത​രാ​കു​ന്നു​വെന്ന്‌ നമുക്ക്‌ എങ്ങനെ തെളിവു കൊടു​ക്കാൻ കഴിയും?

¹⁷ നാം വ്യക്തി​പ​ര​മാ​യി പരിചി​ന്തി​ക്കേ​ണ്ട​യാ​വ​ശ്യ​മുള്ള ചോദ്യം ‘ഞാൻ ദൈവ​ത്തി​ന്റെ ആ പ്രവൃ​ത്തി​ക്കു​വേണ്ടി ഒരുങ്ങി​യി​ട്ടു​ണ്ടോ?’യെന്നതാണ്‌. നാം നമ്മിൽത്ത​ന്നെ​യോ നീതി​സം​ബ​ന്ധിച്ച നമ്മുടെ സ്വന്തം ധാരണ​യി​ലോ ആശ്രയി​ക്കു​ന്നു​വെ​ങ്കിൽ നാം ഒരുങ്ങി​യി​ട്ടില്ല. എന്നാൽ നാം നോഹ​യെ​പ്പോ​ലെ, “ദൈവി​കഭയ”ത്താൽ പ്രേരി​ത​രാ​കു​ന്നു​വെ​ങ്കിൽ, അപ്പോൾ നാം യഹോവ നമുക്കു നൽകുന്ന മാർഗ്ഗ​നിർദ്ദേ​ശ​ത്തോട്‌ വിശ്വാ​സ​ത്തോ​ടെ പ്രതി​ക​രി​ക്കു​ക​യാണ്‌, ഇതു നമ്മുടെ വിടു​ത​ലി​ലേക്കു നയിക്കും.—എബ്രായർ 11:7.

18. ദിവ്യാ​ധി​പത്യ അധികാ​ര​ത്തോ​ടുള്ള യഥാർത്ഥ ആദരവു പഠിക്കു​ന്നത്‌ പുതിയ ലോക​ത്തി​ലേ​ക്കുള്ള വിടു​ത​ലി​നു​വേ​ണ്ടി​യുള്ള നമ്മുടെ ഒരുക്ക​ത്തി​ന്റെ ഒരു പ്രധാന ഭാഗമാ​യി​രി​ക്കു​ന്ന​തെ​ന്തു​കൊണ്ട്‌?

¹⁸ യഹോവ ഇപ്പോൾപോ​ലും നൽകുന്ന സംരക്ഷ​ണ​മാ​സ്വ​ദി​ക്കു​ന്ന​വരെ ഭംഗ്യ​ന്ത​രേണ വർണ്ണി​ച്ചു​കൊണ്ട്‌ സങ്കീർത്തനം 91:1, 2 ഇങ്ങനെ പറയുന്നു: “അത്യു​ന്ന​തന്റെ രഹസ്യ​സ്ഥ​ലത്തു വസിക്കുന്ന ഏവനും സർവശ​ക്തന്റെ നിഴലിൽത്തന്നെ അഭയം നേടും. ഞാൻ യഹോ​വ​യോട്‌: ‘നീ എന്റെ അഭയവും എന്റെ ശക്തിദുർഗ്ഗ​വും ഞാൻ ആശ്രയി​ക്കുന്ന എന്റെ ദൈവ​വു​മാ​കു​ന്നു’ എന്നു പറയും.” ഒരു തള്ളപ്പക്ഷി​യു​ടെ ശക്തമായ ചിറകു​ക​ളിൻ കീഴിലെ കുഞ്ഞു​ങ്ങ​ളെ​പ്പോ​ലെ ദൈവ​ത്താൽ കാത്തു​സൂ​ക്ഷി​ക്ക​പ്പെ​ടുന്ന ഒരു ജനസമൂ​ഹ​മാ​ണി​വി​ടെ​യു​ള്ളത്‌. അവരുടെ പൂർണ്ണാ​ശ്രയം യഹോ​വ​യി​ലാണ്‌. അവൻ അത്യു​ന്ന​ത​നും സർവശ​ക്ത​നു​മാ​ണെന്ന്‌ അവർ സമ്മതി​ച്ചു​പ​റ​യു​ന്നു. തത്‌ഫ​ല​മാ​യി, മാതാ​പി​താ​ക്കൻമാ​രാൽ പ്രയോ​ഗി​ക്ക​പ്പെ​ടു​ന്ന​തോ “വിശ്വ​സ്‌ത​നും വിവേ​കി​യു​മായ അടിമ”യാൽ പ്രയോ​ഗി​ക്ക​പ്പെ​ടു​ന്ന​തോ ആയാലും അവർ ദിവ്യാ​ധി​പത്യ അധികാ​രത്തെ ആദരി​ക്കു​ക​യും തങ്ങളേ​ത്തന്നെ അതിനു കീഴ്‌പ്പെ​ടു​ത്തു​ക​യും ചെയ്യുന്നു. (മത്തായി 24:45-47) അതു നമ്മേസം​ബ​ന്ധിച്ച്‌ വ്യക്തി​പ​ര​മാ​യി സത്യമാ​ണോ? നോഹ​യെ​പ്പോ​ലെ, ‘യഹോവ കല്‌പി​ക്കു​ന്ന​തെ​ല്ലാം’ ചെയ്യാ​നും അവന്റെ വിധത്തിൽ കാര്യങ്ങൾ ചെയ്യാ​നും നാം പഠിക്കു​ന്നു​ണ്ടോ? (ഉല്‌പത്തി 6:22) അങ്ങനെ​യെ​ങ്കിൽ, തന്റെ നീതി​യുള്ള പുതിയ ലോക​ത്തി​ലേ​ക്കുള്ള വിടു​ത​ലിന്‌ യഹോവ നൽകുന്ന ഒരുക്ക​ത്തോട്‌ നാം പ്രതി​ക​രി​ക്കു​ക​യാണ്‌ ചെയ്യു​ന്നത്‌.

19. (എ) നമ്മുടെ ആലങ്കാ​രിക ഹൃദയ​മെ​ന്താണ്‌, നാം അതിനു ശ്രദ്ധ​കൊ​ടു​ക്കു​ന്നത്‌ ജീവൽപ്ര​ധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? (സദൃശ​വാ​ക്യ​ങ്ങൾ 4:23) (ബി) ലൗകി​ക​പ്ര​ലോ​ഭ​ന​ങ്ങ​ളോ​ടുള്ള നമ്മുടെ പ്രതി​ക​ര​ണം​സം​ബ​ന്ധിച്ച്‌ നമുക്ക്‌ ലോത്തി​ന്റെ ദൃഷ്ടാ​ന്ത​ത്തിൽനിന്ന്‌ എങ്ങനെ പ്രയോ​ജ​ന​മ​നു​ഭ​വി​ക്കാൻ കഴിയും?

¹⁹ ആ ഒരുക്ക​ത്തിൽ നമ്മുടെ ആലങ്കാ​രിക ഹൃദയ​ത്തി​നു ശ്രദ്ധ കൊടു​ക്കു​ന്ന​തും ഉൾപ്പെ​ടു​ന്നു. “യഹോവ ഹൃദയ​ങ്ങളെ പരി​ശോ​ധി​ക്കു​ന്നവൻ ആകുന്നു.” (സദൃശ​വാ​ക്യ​ങ്ങൾ 17:3) നാം ബാഹ്യ​മാ​യി എങ്ങനെ കാണ​പ്പെ​ടു​ന്നു​വെ​ന്നതല്ല പിന്നെ​യോ ആന്തരി​ക​വ്യ​ക്തി​യായ ഹൃദയ​മാണ്‌ ഗണ്യമാ​യി​ട്ടു​ള്ള​തെന്ന്‌ തിരി​ച്ച​റി​യാൻ അവൻ നമ്മെ സഹായി​ക്കു​ന്നു. നാം നമുക്കു ചുററു​മുള്ള ലോക​ത്തെ​പ്പോ​ലെ, അക്രമ​ത്തി​ലോ ദുർമ്മാർഗ്ഗ​ത്തി​ലോ ഏർപ്പെ​ടു​ന്നി​ല്ലെ​ന്നി​രി​ക്കെ, ഈ കാര്യ​ങ്ങ​ളാൽ വശീക​രി​ക്ക​പ്പെ​ടാ​തി​രി​ക്കാൻ അല്ലെങ്കിൽ അവയിൽ വിനോ​ദി​ക്കാ​തി​രി​ക്കാൻ ജാഗ്ര​ത​പാ​ലി​ക്കേ​ണ്ട​തുണ്ട്‌. ലോത്തി​നെ​പ്പോ​ലെ, അങ്ങനെ​യുള്ള അധർമ്മ​പ്ര​വൃ​ത്തി​ക​ളു​ടെ നിലനിൽപ്പിൽത്തന്നെ നമുക്കു ദുഃഖം തോ​ന്നേ​ണ്ട​തുണ്ട്‌. ദോഷത്തെ വെറു​ക്കു​ന്നവർ അതിൽ ഏർപ്പെ​ടാ​നുള്ള മാർഗ്ഗങ്ങൾ തേടു​ക​യില്ല; എന്നിരു​ന്നാ​ലും, അതിനെ വെറു​ക്കാ​ത്ത​യാ​ളു​കൾ ശാരീ​രി​ക​മാ​യി അതിൽ നിന്നു വിട്ടു​നി​ന്നേ​ക്കാ​മെ​ങ്കി​ലും തങ്ങൾക്കു പങ്കെടു​ക്കാൻ കഴിഞ്ഞി​രു​ന്നെ​ങ്കി​ലെന്ന്‌ മാനസി​ക​മാ​യി ആഗ്രഹി​ച്ചേ​ക്കാം. “യഹോ​വയെ സ്‌നേ​ഹി​ക്കു​ന്ന​വരേ, ദോഷത്തെ വെറു​ക്കുക.”—സങ്കീർത്തനം 97:10.

20. (എ) ബൈബിൾ ഒരു ഭൗതി​കാ​സക്ത ജീവി​ത​രീ​തി​ക്കെ​തി​രെ നമുക്ക്‌ മുന്നറി​യി​പ്പു​നൽകു​ന്ന​തെ​ങ്ങനെ? (ബി) ധനാസ​ക്തി​യെ​സം​ബ​ന്ധിച്ച ബൈബി​ളി​ന്റെ ജീവൽപ്ര​ധാ​ന​മായ പാഠങ്ങൾ നമ്മുടെ ഹൃദയ​ത്തിൽ ഉറച്ചി​ട്ടു​ണ്ടെന്ന്‌ നമുക്ക്‌ എങ്ങനെ പറയാൻ കഴിയും?

²⁰ ഒരു ദുർമ്മാർഗ്ഗ​ന​ട​ത്തയെ മാത്രമല്ല, ഒരു ഭൗതി​കാ​സക്ത ജീവി​ത​രീ​തി​യെ​യും വർജ്ജി​ക്കാൻ യഹോവ നമ്മെ സ്‌നേ​ഹ​പൂർവം പഠിപ്പി​ക്കു​ക​യാണ്‌. ‘ആഹാര​വും ആവരണ​വും​കൊണ്ട്‌ തൃപ്‌തി​പ്പെ​ടുക’ എന്ന്‌ അവന്റെ വചനം നമ്മെ ബുദ്ധി​യു​പ​ദേ​ശി​ക്കു​ന്നു. (1 തിമൊ​ഥെ​യോസ്‌ 6:8) നോഹ​യും അവന്റെ പുത്രൻമാ​രും പെട്ടക​ത്തിൽ കയറി​യ​പ്പോൾ തങ്ങളുടെ ഭവനങ്ങൾ ഉപേക്ഷി​ക്ക​ണ​മാ​യി​രു​ന്നു. തങ്ങളുടെ ജീവനെ രക്ഷിക്കാൻ ലോത്തും കുടും​ബ​വും ഭവനവും സ്വത്തു​ക്ക​ളും പിമ്പിൽ ഉപേക്ഷി​ക്കേ​ണ്ട​തു​ണ്ടാ​യി​രു​ന്നു. നാം നമ്മുടെ പ്രിയങ്ങൾ എവിടെ അർപ്പി​ച്ചി​രി​ക്കു​ന്നു? “ലോത്തി​ന്റെ ഭാര്യയെ ഓർത്തു​കൊൾക.” (ലൂക്കോസ്‌ 17:32) “അപ്പോൾ, ഒന്നാമത്‌ രാജ്യ​വും അവന്റെ നീതി​യും അന്വേ​ഷി​ച്ചു​കൊ​ണ്ടേ​യി​രി​ക്കുക” എന്ന്‌ യേശു പ്രോൽസാ​ഹി​പ്പി​ച്ചു. (മത്തായി 6:33) നാം അതു ചെയ്യു​ന്നു​ണ്ടോ? യഹോ​വ​യു​ടെ നീതി​യുള്ള പ്രമാ​ണങ്ങൾ നമ്മെ വഴിന​ട​ത്തു​ക​യും അവന്റെ രാജ്യ​ത്തി​ന്റെ സുവാർത്ത​യു​ടെ ഘോഷണം നിങ്ങളു​ടെ ജീവി​ത​ത്തി​ലെ പ്രഥമ​ല​ക്ഷ്യ​മാ​ക്കു​ക​യും ചെയ്യു​ന്നു​വെ​ങ്കിൽ, അപ്പോൾ നാം തന്റെ പുതിയ ലോക​ത്തി​ലേ​ക്കുള്ള ഒരു ജനത്തിന്റെ വിടു​ത​ലി​നു​വേ​ണ്ടി​യുള്ള അവന്റെ ഒരുക്ക​ലി​നോട്‌ പ്രതി​ക​രി​ക്കു​ക​യാണ്‌.

21. വിടുതൽ സംബന്ധിച്ച യഹോ​വ​യു​ടെ വാഗ്‌ദത്തം പെട്ടെ​ന്നു​തന്നെ നിവർത്തി​ക്ക​പ്പെ​ടു​മെന്ന്‌ നമുക്ക്‌ എങ്ങനെ ഉചിത​മാ​യി പ്രതീ​ക്ഷി​ക്കാൻ കഴിയും?

²¹ രാജ്യാ​ധി​കാ​ര​ത്തി​ലുള്ള തന്റെ സാന്നി​ദ്ധ്യ​ത്തി​ന്റെ അടയാളം നിവർത്തി​ച്ചു​കാ​ണുന്ന ദൈവി​ക​ഭ​ക്തി​യുള്ള ആളുക​ളോട്‌ “നിങ്ങളു​ടെ വിടുതൽ അടുത്തു​വ​രു​ന്ന​തു​കൊണ്ട്‌ നിവർന്നു നിന്നു നിങ്ങളു​ടെ തലകളു​യർത്തുക” എന്ന്‌ യേശു പറഞ്ഞു. (ലൂക്കോസ്‌ 21:28) സകല വിശദാം​ശ​ങ്ങ​ളി​ലും വികാ​സം​പ്രാ​പി​ച്ചി​രി​ക്കുന്ന ആ അടയാളം നിങ്ങൾ കണ്ടിരി​ക്കു​ന്നു​വോ? എങ്കിൽ, വിടു​ത​ലി​നെ​ക്കു​റി​ച്ചുള്ള യഹോ​വ​യു​ടെ വാഗ്‌ദ​ത്ത​ത്തി​ന്റെ നിവൃത്തി വളരെ അടുത്തി​രി​ക്കു​ന്നു​വെന്ന്‌ ദൃഢവി​ശ്വാ​സ​മു​ണ്ടാ​യി​രി​ക്കുക! “ദൈവി​ക​ഭ​ക്തി​യുള്ള ആളുകളെ പീഡാ​നു​ഭ​വ​ത്തിൽനി​ന്നു വിടു​വി​ക്കാൻ യഹോ​വ​ക്ക​റി​യാം” എന്ന്‌ പൂർണ്ണ​മാ​യി ബോദ്ധ്യ​പ്പെ​ടുക.—2 പത്രോസ്‌ 2:9. (w90 4/15)

നിങ്ങൾ എന്തു പഠിച്ചി​രി​ക്കു​ന്നു?

◻ ലോത്തി​നെ​പ്പോ​ലെ നാം ലോക ജീവി​ത​രീ​തി​യോട്‌ എങ്ങനെ പ്രതി​ക​രി​ക്ക​ണം

◻ സോ​ദോ​മിൽനിന്ന്‌ ഓടി​പ്പോ​കു​മ്പോൾപോ​ലും ലോത്തും അവന്റെ കുടും​ബ​വും ഏതു പരി​ശോ​ധ​ന​കളെ അഭിമു​ഖീ​ക​രി​ച്ചു?

◻ പത്രോ​സി​നാൽ ഉപയോ​ഗി​ക്ക​പ്പെട്ട ദൃഷ്ടാ​ന്തങ്ങൾ യഹോ​വ​യു​ടെ പക്ഷത്ത്‌ ഇപ്പോൾ ഒരു ഉറച്ചനില സ്വീക​രി​ക്കേ​ണ്ട​തി​ന്റെ അടിയ​ന്തി​ര​തയെ ഊന്നി​പ്പ​റ​യു​ന്ന​തെ​ങ്ങനെ?

◻ വിടു​ത​ലി​നു​വേണ്ടി തന്റെ ജനത്തെ ഒരുക്കു​ന്ന​തിൽ യഹോവ ഏതു മർമ്മ​പ്ര​ധാ​ന​മായ പാഠങ്ങ​ളാണ്‌ പഠിപ്പി​ക്കു​ന്നത്‌?

[20-ാം പേജിലെ ചിത്രം]

ദൈവജനം തള്ളയുടെ ശക്തമായ ചിറകു​ക​ളിൻകീ​ഴി​ലെ പക്ഷിക്കു​ഞ്ഞു​ങ്ങ​ളെ​പ്പോ​ലെ ദൈവ​ത്താൽ കാത്തു​സൂ​ക്ഷി​ക്ക​പ്പെ​ടു​ന്നു