യഹോ​വ​യു​ടെ സ്വർഗ്ഗീയരഥം സ​ഞ്ചാ​ര​ത്തിൽ

“ചക്രങ്ങ​ളെ​സം​ബ​ന്ധി​ച്ചാ​ണെ​ങ്കിൽ, എന്റെ കാതു​ക​ളിൽ ‘ഹാ, ചക്രവേല’ എന്ന്‌ അവയോട്‌ വിളി​ച്ചു​പ​റ​യ​പ്പെട്ടു!”—യെഹെ​സ്‌ക്കേൽ 10:13.

1. യഹോ​വക്ക്‌ ഏത്‌ ഗതാഗത രീതി​യാ​ണു​ള്ളത്‌?

മോടി​യുള്ള ജററ്‌വി​മാ​ന​ങ്ങ​ളു​ടെ ഈ നാളു​ക​ളിൽ യാത്രാ​കാ​ര്യ​ക്ഷ​മ​ത​യിൽ തങ്ങൾ ആത്യന്തി​ക​മാ​യത്‌ തങ്ങൾ ആസ്വദി​ക്കു​ന്നു​ണ്ടെന്ന്‌ ലോക​നേ​താ​ക്കൾ വിചാ​രി​ച്ചേ​ക്കാം. എന്നിരു​ന്നാ​ലും, 2,600 വർഷം മുമ്പ്‌ തനിക്ക്‌ അതിവി​ശി​ഷ്ട​മായ ഒരു ഗതാഗത രീതി​യു​ണ്ടെന്ന്‌ യഹോ​വ​യാം ദൈവം വെളി​പ്പെ​ടു​ത്തി. അതി​നോ​ടു സമാന​മാ​യവ യാതൊ​രു എൻജി​നി​യ​റും ഒരിക്ക​ലും കണ്ടിട്ടില്ല. അത്‌ വിസ്‌തൃ​ത​മായ ഒരു ഭയജനക രഥമാണ്‌! അഖിലാ​ണ്ഡ​ത്തി​ന്റെ സ്രഷ്‌ടാവ്‌ ഒരു രഥസമാ​ന​മായ വാഹന​ത്തിൽ സവാരി​ചെ​യ്യു​ന്നത്‌ വിചി​ത്ര​മാ​യി തോന്നു​ന്നു​വോ? ഇല്ല, എന്തു​കൊ​ണ്ടെ​ന്നാൽ യഹോ​വ​യു​ടെ സ്വർഗ്ഗീയ വാഹനം മനുഷ്യർ സങ്കൽപ്പി​ച്ചി​ട്ടുള്ള ഏതി​നെ​ക്കാ​ളും അതിയാ​യി വ്യത്യ​സ്‌ത​മാണ്‌.

2. യെഹെ​സ്‌ക്കേൽ 1-ാം അദ്ധ്യായം യഹോ​വ​യു​ടെ സ്വർഗ്ഗീയ രഥത്തെ ചിത്രീ​ക​രി​ക്കു​ന്ന​തെ​ങ്ങനെ, പ്രവാ​ചകൻ ആദ്യമാ​യി ആരി​ലേക്ക്‌ നമ്മുടെ ശ്രദ്ധ ആകർഷി​ക്കു​ന്നു?

² യെഹെ​സ്‌ക്കേ​ലി​ന്റെ പ്രവച​ന​ത്തി​ന്റെ ഒന്നാം അദ്ധ്യാ​യ​ത്തിൽ യഹോവ ബൃഹത്തായ ഒരു സ്വർഗ്ഗീയ രഥത്തിൽ സഞ്ചരി​ക്കു​ന്ന​താ​യി ചിത്രീ​ക​രി​ക്ക​പ്പെ​ട്ടി​രി​ക്കു​ന്നു. നാലു ചക്രങ്ങ​ളോ​ടു​കൂ​ടിയ ഈ ഭയജന​ക​മായ വാഹനം സ്വയം മുന്നോ​ട്ടു​ത​ള്ളി​നീ​ക്ക​പ്പെ​ടു​ന്ന​തും അത്‌ഭു​ത​കാ​ര്യ​ങ്ങൾ ചെയ്യു​ന്ന​തു​മാണ്‌. ക്രി.മു. 613-ൽ ആണ്‌ യെഹെ​സ്‌ക്കേൽ ഈ സ്വർഗ്ഗീയ രഥത്തെ ദർശന​ത്തിൽ കണ്ടത്‌, അപ്പോൾ അവൻ പുരാതന ബാബി​ലോ​ണി​ലെ തോടു​ക​ളി​ലൊ​ന്നി​ന്റെ തീരത്താ​യി​രു​ന്നു. പ്രവാ​ചകൻ ആദ്യമാ​യി യഹോ​വ​യു​ടെ സ്വർഗ്ഗീയ രഥത്തെ അകമ്പടി സേവി​ക്കു​ന്ന​വ​രി​ലേക്ക്‌ നമ്മുടെ ശ്രദ്ധ ആകർഷി​ക്കു​ന്നു. നാം അത്‌ വായി​ക്കു​മ്പോൾ നമുക്ക്‌ യെഹെ​സ്‌ക്കേൽ കണ്ടതിനെ വിഭാ​വ​ന​ചെ​യ്യാൻ ശ്രമി​ക്കാം.

നാലു ജീവികൾ

3. നാലു കെരൂ​ബു​ക​ളി​ലോ​രോ​ന്നി​ന്റെ​യും നാലു മുഖങ്ങ​ളാൽ എന്ത്‌ സൂചി​പ്പി​ക്ക​പ്പെ​ടു​ന്നു?

³ യെഹെ​സ്‌ക്കേൽ റിപ്പോർട്ടു​ചെ​യ്യു​ന്നു: “ഞാൻ കാണാൻ തുടങ്ങി, നോക്കൂ! വടക്കു​നിന്ന്‌ ഒരു കൊടു​ങ്കാ​റ​റും ഒരു വലിയ മേഘപി​ണ്ഡ​വും പാളി​ക്ക​ത്തുന്ന തീയും വരുന്നതു കണ്ടു, അതിനു ചുററു​മെ​ല്ലാം ഒരു ശോഭ​യു​ണ്ടാ​യി​രു​ന്നു . . . അതിന്റെ മദ്ധ്യത്തിൽനിന്ന്‌ നാലു ജീവി​ക​ളു​ടെ സാദൃ​ശ്യ​മു​ണ്ടാ​യി​രു​ന്നു.” (യെഹെ​സ്‌ക്കേൽ 1:4, 5) ഈ നാലു ജീവി​ക​ളിൽ അല്ലെങ്കിൽ കെരൂ​ബു​ക​ളിൽ ഓരോ​ന്നി​നും നാലു ചിറകു​ക​ളും നാലു മുഖങ്ങ​ളു​മു​ണ്ടാ​യി​രു​ന്നു. അവക്ക്‌ യഹോ​വ​യു​ടെ നീതിയെ സൂചി​പ്പി​ക്കുന്ന ഒരു സിംഹ​ത്തി​ന്റെ മുഖവും ദൈവ​ത്തി​ന്റെ ശക്തിയെ പ്രതി​നി​ധാ​നം​ചെ​യ്യുന്ന ഒരു കാളയു​ടെ മുഖവും അവന്റെ ജ്ഞാനത്തെ അർത്ഥമാ​ക്കുന്ന ഒരു കഴുകന്റെ മുഖവും ഉണ്ടായി​രു​ന്നു. അവക്ക്‌ യഹോ​വ​യു​ടെ സ്‌നേ​ഹത്തെ കുറി​ക്കുന്ന ഒരു മമനു​ഷ്യ​ന്റെ മുഖവു​മു​ണ്ടാ​യി​രു​ന്നു.—ആവർത്തനം 32:4; ഇയ്യോബ്‌ 12:13; യെശയ്യാവ്‌ 40:26; യെഹെ​സ്‌ക്കേൽ 1:10; 1 യോഹ​ന്നാൻ 4:8.

4. കെരൂ​ബു​കൾക്ക്‌ നാല്‌ മുഖങ്ങൾ ഉണ്ടായി​രു​ന്ന​തെ​ന്തു​കൊണ്ട്‌, വേഗത​യു​ടെ കാര്യ​ത്തിൽ കെരൂ​ബു​കൾ എന്തു​പോ​ലെ​യാ​യി​രു​ന്നു?

⁴ ഓരോ കെരൂ​ബി​നും നാലു ദിശക​ളി​ലൊ​ന്നി​ലേക്കു നോക്കുന്ന ഒരു മുഖമു​ണ്ടാ​യി​രു​ന്നു. അതു​കൊണ്ട്‌ കെരൂ​ബു​കൾക്ക്‌ ക്ഷണത്തിൽ ഗതി മാററു​ന്ന​തി​നും അഭില​ഷി​ക്ക​പ്പെ​ടുന്ന ദിശയി​ലേക്ക്‌ നോക്കിയ മുഖത്തെ അനുഗ​മി​ക്കു​ന്ന​തി​നും കഴിയു​മാ​യി​രു​ന്നു. എന്നാൽ ആ കെരൂ​ബു​കൾ വേഗത​യിൽ എന്തു​പോ​ലെ​യാ​യി​രു​ന്നു? എന്തിന്‌, അവക്ക്‌ മിന്നലി​ന്റെ വേഗത്തിൽ ചലിക്കാൻ കഴിയു​മാ​യി​രു​ന്നു! (യെഹെ​സ്‌ക്കേൽ 1:14) മനുഷ്യ​നിർമ്മി​ത​മായ യാതൊ​രു വാഹന​വും ഒരിക്ക​ലും ആ വേഗത നേടി​യി​ട്ടില്ല.

5. യെഹെ​സ്‌ക്കേൽ രഥങ്ങളു​ടെ ചക്രങ്ങ​ളെ​യും അവയുടെ പട്ടക​ളെ​യും വർണ്ണി​ച്ച​തെ​ങ്ങനെ?

⁵ പെട്ടെന്ന്‌ രഥത്തിന്റെ ചക്രങ്ങൾ കാഴ്‌ച​യിൽ പെടുന്നു. അവ എത്ര അസാധാ​ര​ണ​മാണ്‌! 16-ഉം 18-ഉം വാക്യങ്ങൾ ഇങ്ങനെ പറയുന്നു: “അവയുടെ കാഴ്‌ച​യും അവയുടെ ഘടനയും ഒരു ചക്രം ഒരു ചക്രത്തി​നു മദ്ധ്യേ ആയിരി​ക്കു​മ്പോ​ഴെ​ന്ന​പോ​ലെ​യാ​യി​രു​ന്നു. അവയുടെ പട്ടകളെ സംബന്ധി​ച്ചാ​ണെ​ങ്കിൽ അവക്ക്‌ ഭയത്തി​നി​ട​യാ​ക്ക​ത്ത​ക്ക​വ​ണ്ണ​മുള്ള ഉയരമു​ണ്ടാ​യി​രു​ന്നു; അവയുടെ പട്ടകൾ കണ്ണുകൾ നിറഞ്ഞ​താ​യി​രു​ന്നു, ആ നാലി​നും ചുററും​തന്നെ.” ഓരോ കെരൂ​ബി​നോ​ടും​കൂ​ടെ​യുള്ള ഒരു ചക്രം ബന്ധപ്പെട്ട നാലു സ്ഥലങ്ങളി​ലെ നാലു ചക്രങ്ങ​ളിൽ കലാശി​ക്കും. ചക്രങ്ങൾ സുതാ​ര്യ​മോ അർദ്ധ താര്യ​മോ ആയ മഞ്ഞയോ പച്ചയോ നിറമുള്ള ചന്ദ്രകാ​ന്തം പോലെ ജ്വലിച്ചു. ഇത്‌ ഈ മഹത്തായ ദർശന​ത്തിന്‌ വെളി​ച്ച​വും മനോ​ഹാ​രി​ത​യും കൂട്ടുന്നു. ചക്രങ്ങ​ളു​ടെ പട്ടകൾക്ക്‌ “ചുററും കണ്ണുകൾ നിറഞ്ഞി”രുന്നതി​നാൽ അവ അന്ധമായി ഏതെങ്കി​ലും ദിശയിൽ പോകു​ക​യാ​യി​രു​ന്നില്ല. ചക്രങ്ങൾ അത്യധി​കം ഉയർന്ന​താ​യി​രു​ന്നു, അച്ചുത​ണ്ടി​ലെ ഒററ കറക്കം​കൊണ്ട്‌ വലിയ ദൂരം പിന്നി​ടാൻ കഴിയു​ന്നത്‌. നാലു കെരൂ​ബു​ക​ളെ​യും പോലെ അവക്ക്‌ മിന്നൽപോ​ലെ വേഗത്തിൽ നീങ്ങാൻ കഴിഞ്ഞു.

ചക്രങ്ങൾക്കു​ള്ളിൽ ചക്രങ്ങൾ

6. (എ) രഥത്തിന്‌ ചക്രത്തി​നു​ള്ളിൽ ചക്രങ്ങൾ ഉണ്ടായി​രു​ന്ന​തെ​ങ്ങനെ? (ബി) ചക്രങ്ങൾ അവയുടെ നീക്കത്തി​ന്റെ ദിശ എന്തി​നോട്‌ അനുരൂ​പ​പ്പെ​ടു​ത്തി?

⁶ മറെറാ​രു സംഗതി അസാധാ​ര​ണ​മാ​യി​രു​ന്നു. ഓരോ ചക്രത്തി​നും അതിനു​ള്ളിൽ ഒരു ചക്രമു​ണ്ടാ​യി​രു​ന്നു—അടിസ്ഥാ​ന​ച​ക്ര​ത്തിൽ കുറുകെ യോജി​ക്കു​മാറ്‌ അതേ വ്യാസ​മുള്ള ഒന്നുതന്നെ. ഈ വിധത്തിൽ മാത്രമേ ചക്രങ്ങൾക്ക്‌ “അവയുടെ നാല്‌ യഥാക്രമ വശങ്ങളി​ലേക്ക്‌ പോകാൻ” കഴിയു​ന്ന​താ​യി പറയാൻ കഴിയു​മാ​യി​രു​ന്നു​ള്ളു. (വാക്യം 17) ഓരോ ദിശ​യെ​യും അഭിമു​ഖീ​ക​രിച്ച്‌ ചക്രത്തി​ന്റെ ഒരു വശം ഉണ്ടായി​രു​ന്ന​തു​കൊണ്ട്‌ ചക്രങ്ങൾക്ക്‌ ദിശ മാറാൻ കഴിയു​മാ​യി​രു​ന്നു. ചക്രങ്ങൾ അവയുടെ ചലനദിശ നാലു കെരൂ​ബു​ക​ളു​ടേ​തി​നോ​ടു പൊരു​ത്ത​പ്പെ​ടു​ത്തി. വെള്ളത്തിൻമീ​തെ തെന്നി​നീ​ങ്ങു​മ്പോൾ ഒരു വായൂ​മെ​ത്ത​യാൽ താങ്ങി​നിർത്ത​പ്പെ​ടുന്ന ശക്തമായ ഒരു ജലവാ​ഹ​ന​ത്തി​നു സമാന​മാ​യി ദൈവ​ത്തി​ന്റെ രഥത്തിന്റെ ചട്ടക്കൂ​ടിന്‌ നാല്‌ ചക്രങ്ങ​ളിൽ സവാരി​ചെ​യ്യാൻ കഴിയു​മാ​യി​രു​ന്നു.

7. ചക്രങ്ങ​ളു​ടെ ശക്തിയു​ടെ ഉറവ്‌ എന്തായി​രു​ന്നു?

⁷ നാലു ജീവി​ക​ളു​ടെ ചലനങ്ങ​ളോ​ടെ​ല്ലാം അനുരൂ​പ​പ്പെ​ടു​ന്ന​തിന്‌ ചക്രങ്ങൾക്ക്‌ ഈ ശക്തി കിട്ടി​യ​തെ​വി​ടെ​നി​ന്നാണ്‌? സർവശ​ക്ത​നായ ദൈവ​ത്തി​ന്റെ പരിശു​ദ്ധാ​ത്മാ​വിൽനിന്ന്‌. 20-ാം വാക്യം പറയുന്നു: “ആത്മാവ്‌ പോകാൻ ചായ്‌വ്‌ കാണി​ച്ച​ട​ത്തെ​ല്ലാം അവ പോകും . . . ജീവി​ക​ളു​ടെ ആത്മാവ്‌ ചക്രങ്ങ​ളി​ലാ​യി​രു​ന്നു.” കെരൂ​ബു​കൾക്കു​ള്ളി​ലെ ദൈവ​ത്തി​ന്റെ അതേ അദൃശ്യ പ്രവർത്ത​ന​നി​രത ശക്തി ആ ചക്രങ്ങ​ളി​ലു​ണ്ടാ​യി​രു​ന്നു.

8. ചക്രങ്ങൾക്ക്‌ ഏതു പേർ കൊടു​ക്ക​പ്പെട്ടു, എന്തു​കൊണ്ട്‌?

⁸ ചക്രങ്ങൾ “ചക്രവേല ” എന്ന പദത്താൽ പരാമർശി​ക്ക​പ്പെ​ട്ടി​രി​ക്കു​ന്നു. (യെഹെ​സ്‌ക്കേൽ 10:13) പ്രസ്‌പ​ഷ്ട​മാ​യി ഇത്‌ ഓരോ ചക്രവും ചെയ്യുന്ന വേല ഹേതു​വാ​യി​ട്ടാ​യി​രു​ന്നു. അത്‌ കറങ്ങു​ക​യോ ചുററി​ത്തി​രി​യു​ക​യോ ചെയ്യുന്നു. സ്വർഗ്ഗീയ രഥത്തിന്റെ ഈ ഭാഗത്തി​ന്റെ ഈ വിധത്തി​ലുള്ള നാമക​രണം സ്വർഗ്ഗീ​യ​രഥം ചരിക്കുന്ന വേഗത​യി​ലേക്ക്‌ ശ്രദ്ധ ക്ഷണിക്കു​ന്നു. അതിന്റെ ചക്രങ്ങൾ വളരെ വേഗത്തിൽ തിരി​ഞ്ഞു​വെ​ങ്കി​ലും അവ നിറയെ ഉണ്ടായി​രുന്ന കണ്ണുകൾ നിമിത്തം അവക്ക്‌ എപ്പോ​ഴും അവയുടെ വഴി കാണാൻ കഴിയു​മാ​യി​രു​ന്നു.

9. രഥത്തിന്റെ ത്വരി​ത​ഗ​മനം ചെയ്യുന്ന നാലു ചക്രങ്ങൾക്കു മീതെ ഉണ്ടായി​രു​ന്ന​തി​നെ യെഹെ​സ്‌ക്കേൽ വർണ്ണി​ച്ച​തെ​ങ്ങനെ?

⁹ എന്നാൽ ഇപ്പോൾ നമുക്ക്‌ ഭയജന​ക​മാ​യി ഉയരമുള്ള, ത്വരി​ത​ഗ​മനം ചെയ്യുന്ന, നാലു ചക്രങ്ങൾക്കു മീതെ എന്താണു​ള്ള​തെന്ന്‌ നോക്കി​ക്കാ​ണാം. യെഹെ​സ്‌ക്കേൽ 1-ാം അദ്ധ്യാ​യ​ത്തി​ന്റെ 22-ാം വാക്യം പറയുന്നു: “ജീവി​ക​ളു​ടെ തലകൾക്കു മീതെ ഭയാവ​ഹ​മായ ഹിമത്തി​ന്റെ തിളക്കം​പോ​ലെ തലകൾക്കു​മീ​തെ ഉയരത്തിൽ നീണ്ടു​കി​ട​ക്കുന്ന ഒരു വിരി​വി​ന്റെ സാദൃ​ശ്യ​മു​ണ്ടാ​യി​രു​ന്നു.” വിരിവ്‌ കട്ടിയു​ള്ള​താ​യി​രു​ന്നെ​ങ്കി​ലും അർദ്ധതാ​ര്യ​മാ​യി​രു​ന്നു, “ഭയാവ​ഹ​മായ ഹിമത്തി​ന്റെ തിളക്കം​പോ​ലെ.” അത്‌ സൂര്യ​പ്ര​കാ​ശം തട്ടു​മ്പോൾ ആയിര​ക്ക​ണ​ക്കിന്‌ വജ്രങ്ങ​ളെ​പ്പോ​ലെ വെട്ടി​ത്തി​ള​ങ്ങു​ക​യാ​യി​രു​ന്നു. തീർച്ച​യാ​യും ഭയജന​കം​തന്നെ!

തേജസ്വി​യായ രഥസഞ്ചാ​രി

10. (എ) സിംഹാ​സ​ന​വും സിംഹാ​സ​ന​ത്തി​ലി​രി​ക്കു​ന്ന​വ​നും എങ്ങനെ വർണ്ണി​ക്ക​പ്പെട്ടു? (ബി) രഥസഞ്ചാ​രി തേജസ്സി​നാൽ ചുററ​പ്പെ​ട്ടി​രി​ക്കു​ന്നു​വെന്ന വസ്‌തു​ത​യാൽ സൂചി​പ്പി​ക്ക​പ്പെ​ടു​ന്ന​തെന്ത്‌?

¹⁰ പ്രസ്‌പ​ഷ്ട​മാ​യി, രഥസഞ്ചാ​രിക്ക്‌ യെഹെ​സ്‌ക്കേ​ലി​നോട്‌ സംസാ​രി​ക്കാൻ കഴി​യേ​ണ്ട​തിന്‌ രഥം നിൽക്കു​ന്നു. വിരി​വി​നു മീതെ ഒരു സിംഹാ​സ​ന​ത്തി​ന്റെ സാദൃ​ശ്യ​മുണ്ട്‌, കാഴ്‌ച​യിൽ ഇന്ദ്രനീ​ലം അഥവാ കടും​നീല. സിംഹാ​സ​ന​ത്തിൽ ഒരു ഭൗമമ​നു​ഷ്യ​നെ​പ്പോ​ലെ​യുള്ള ഒരുവ​നു​ണ്ടാ​യി​രു​ന്നു. മനുഷ്യ​രൂ​പ​ത്തിന്‌ ഈ ദിവ്യ പ്രത്യ​ക്ഷ​തയെ വിലമ​തി​ക്കാൻ യെഹെ​സ്‌ക്കേ​ലി​നെ ഏററവും നന്നായി സഹായി​ക്കാൻ കഴിഞ്ഞു. എന്നാൽ ആ മനുഷ്യ​രൂ​പത്തെ തേജസ്സ്‌ ആവരണം ചെയ്‌തി​രി​ക്കു​ക​യാണ്‌, തന്നിമി​ത്തം അത്‌ വെള്ളി​യു​ടെ​യും സ്വർണ്ണ​ത്തി​ന്റെ​യും ഒരു തിളക്ക​മുള്ള സങ്കരമായ ഇലക്‌ട്രം പോലെ ജ്വലി​ക്കു​ന്നു. എന്തോരു ഉജ്ജ്വല​ഭം​ഗി! ഈ മനുഷ്യ​സ​മാന രൂപത്തി​ന്റെ അര മുതൽ ഈ ശ്രേഷ്‌ഠ​മായ മഹത്വം മേൽപ്പോ​ട്ടും കീഴ്‌പോ​ട്ടും വ്യാപി​ച്ചി​രി​ക്കു​ന്നു. അങ്ങനെ മുഴു​രൂ​പ​വും തേജസ്സി​നാൽ ചുററ​പ്പെ​ട്ടി​രി​ക്കു​ന്നു. ഇത്‌ യഹോവ അവർണ്ണ​നീ​യ​മാ​യി തേജസ്സു​ള്ള​വ​നാ​ണെന്ന്‌ സൂചി​പ്പി​ക്കു​ന്നു. തന്നെയു​മല്ല രഥസഞ്ചാ​രി​യോ​ടു​കൂ​ടെ മനോ​ഹ​ര​മായ ഒരു മഴവി​ല്ലും നീങ്ങുന്നു. ഒരു കൊടു​ങ്കാ​റ​റി​നു​ശേ​ഷ​മുള്ള ഒരു മഴവില്ല്‌ എന്തോരു ശാന്തത​യെ​യും സ്വൈ​ര​ത​യെ​യു​മാണ്‌ വിളി​ച്ചോ​തു​ന്നത്‌! ആ ശാന്തമായ മനോ​ഭാ​വ​മു​ള്ള​തി​നാൽ യഹോവ തന്റെ ഗുണവി​ശേ​ഷ​ങ്ങ​ളായ ജ്ഞാന​ത്തെ​യും നീതി​യെ​യും ശക്തി​യെ​യും സ്‌നേ​ഹ​ത്തെ​യും പൂർണ്ണ​മായ സമനി​ല​യിൽ നിർത്തു​ന്നു.

11. യഹോ​വ​യു​ടെ രഥത്തി​ന്റെ​യും സിംഹാ​സ​ന​ത്തി​ന്റെ​യും ദർശന​ത്താൽ യെഹെ​സ്‌ക്കേൽ ബാധി​ക്ക​പ്പെ​ട്ട​തെ​ങ്ങനെ?

¹¹ യഹോ​വ​യു​ടെ രഥവും സിംഹാ​സ​ന​വും പ്രകാ​ശ​ത്താ​ലും മനോ​ഹ​ര​മായ നിറങ്ങ​ളാ​ലും ചുററ​പ്പെ​ട്ടി​രി​ക്കു​ന്നു. ഇരുട്ടി​ന്റെ​യും നിഗൂ​ഢ​ത​യു​ടെ​യും പ്രഭു​വായ സാത്താ​നിൽ നിന്ന്‌ എത്ര വ്യത്യ​സ്‌തം! ഇതിനാ​ലെ​ല്ലാം യെഹെ​സ്‌ക്കേൽ എങ്ങനെ ബാധി​ക്ക​പ്പെട്ടു? “ഞാൻ അതു കണ്ടപ്പോൾ ഞാൻ കവിണ്ണു​വീ​ണു, സംസാ​രി​ക്കുന്ന ഒരുവന്റെ ശബ്ദവും ഞാൻ കേട്ടു.”—യെഹെ​സ്‌ക്കേൽ 1:28.

രഥം ചിത്രീ​ക​രി​ച്ചത്‌

12. യഹോ​വ​യു​ടെ സ്വർഗ്ഗീയ രഥത്താൽ ചിത്രീ​ക​രി​ക്ക​പ്പെ​ടു​ന്ന​തെന്ത്‌?

¹² ഈ അത്ഭുത​ക​ര​മായ രഥം എന്തി​നെ​യാണ്‌ ചിത്രീ​ക​രി​ക്കു​ന്നത്‌? യഹോ​വ​യാം ദൈവ​ത്തി​ന്റെ ആത്മീയ സ്ഥാപനത്തെ. അത്‌ അദൃശ്യ​മ​ണ്ഡ​ല​ത്തി​ലെ സകല വിശുദ്ധ ആത്മജീ​വി​ക​ളും ചേർന്നു​ണ്ടാ​യി​രി​ക്കു​ന്ന​താണ്‌—സെറാ​ഫു​ക​ളും കെരൂ​ബു​ക​ളും ദൂതൻമാ​രും. യഹോവ അത്യുന്നത ദൈവ​മാ​യ​തി​നാൽ അവന്റെ ആത്മജീ​വി​ക​ളെ​ല്ലാം അവന്‌ കീഴ്‌പെ​ട്ടി​രി​ക്കു​ന്നു. അവൻ കരുണാ​പൂർവം അവരെ ഭരിക്കു​ന്നു​വെ​ന്നും തന്റെ ഉദ്ദേശ്യ​പ്ര​കാ​രം അവയെ ഉപയോ​ഗി​ക്കു​ന്നു​വെ​ന്നു​മുള്ള അർത്ഥത്തി​ലാണ്‌ അവയു​ടെ​മേൽ സഞ്ചരി​ക്കു​ന്നത്‌.—സങ്കീർത്തനം 103:20.

13. (എ) യഹോവ തന്റെ സ്ഥാപന​ത്തിൻമേൽ സവാരി​ചെ​യ്യു​ന്നു​വെന്ന്‌ പറയാൻ കഴിയു​ന്ന​തെ​ന്തു​കൊണ്ട്‌? (ബി) സഞ്ചാര​ത്തി​ലാ​യി​രി​ക്കുന്ന നാലു ചക്രങ്ങ​ളുള്ള യഹോ​വ​യു​ടെ രഥത്തിന്റെ ദർശനം നിങ്ങളെ ബാധി​ക്കു​ന്ന​തെ​ങ്ങനെ?

¹³ യഹോവ ഒരു രഥത്തിൻമേൽ എന്നപോ​ലെ ഈ സ്ഥാപന​ത്തിൻമേൽ സവാരി​ചെ​യ്യു​ക​യും തന്റെ ആത്മാവ്‌ നീങ്ങാൻ പ്രേരി​പ്പി​ക്കു​ന്ന​ട​ത്തേ​ക്കെ​ല്ലാം അത്‌ നീങ്ങാ​നി​ട​യാ​ക്കു​ക​യും ചെയ്യുന്നു. അത്‌ നിയ​ന്ത്ര​ണ​മോ ബുദ്ധി​പൂർവ​ക​മായ മേൽനോ​ട്ട​മോ കൂടാതെ വന്യമാ​യി ഓടു​കയല്ല. ഈ സ്ഥാപന​ത്തിന്‌ പോകാൻ ചായ്‌വു​ണ്ടാ​യി​രി​ക്കാ​വുന്ന എതു ദിശയി​ലേ​ക്കും പോകാൻ യഹോവ അതിനെ അനുവ​ദി​ക്കു​ന്നില്ല. പകരം അത്‌ അവന്റെ മാർഗ്ഗ​നിർദ്ദേശം അനുസ​രി​ക്കു​ന്നു. ഒത്തു​ചേർന്ന്‌ സകലരും ദൈവ​ത്തി​ന്റെ ലക്ഷ്യങ്ങ​ളു​ടെ പൂർണ്ണ​സാ​ക്ഷാ​ത്‌ക്കാ​ര​ത്തി​ലേക്ക്‌ മുമ്പോ​ട്ടു നീങ്ങു​ക​യാണ്‌. നാലു ചക്രങ്ങ​ളിൽ സഞ്ചാര​ത്തി​ലാ​യി​രി​ക്കുന്ന യഹോ​വ​യു​ടെ സ്വർഗ്ഗീയ രഥത്തിന്റെ ഈ ദർശന​ത്താൽ എന്തോ​ര​ത്ഭു​ത​ക​ര​മായ സ്വർഗ്ഗീയ സ്ഥാപന​മാണ്‌ വെളി​പ്പെ​ടു​ത്ത​പ്പെ​ട്ടി​രി​ക്കു​ന്നത്‌! ഇതിനു ചേർച്ച​യിൽ യഹോ​വ​യു​ടെ സ്ഥാപനം ചതുര​ത്തി​ലാ​യി​രി​ക്കു​ന്ന​താ​യി, പൂർണ്ണ സമനി​ല​യി​ലാ​യി​രി​ക്കു​ന്ന​താ​യി പ്രതി​നി​ധാ​നം​ചെ​യ്യ​പ്പെ​ട്ടി​രി​ക്കു​ന്നു.

ഒരു കാവൽക്കാ​ര​നാ​യി നിയമി​ക്ക​പ്പെ​ടു​ന്നു

14. യെഹെ​സ്‌ക്കേൽ പ്രവാ​ച​ക​നാൽ ചിത്രീ​ക​രി​ക്ക​പ്പെ​ടു​ന്ന​താർ?

¹⁴ എന്നാൽ പ്രവാ​ച​ക​നായ യെഹെ​സ്‌ക്കേൽ ചിത്രീ​ക​രി​ക്കു​ന്ന​താ​രെ​യാണ്‌? ചരി​ത്ര​വ​സ്‌തു​ത​ക​ള​നു​സ​രിച്ച്‌, യഹോ​വ​യു​ടെ ആത്മാഭി​ഷിക്ത സാക്ഷി​ക​ളു​ടെ സമൂഹം ഈ സ്വർഗ്ഗീയ രഥത്തോട്‌ ബന്ധപ്പെ​ട്ടി​രി​ക്കു​ന്ന​താ​യി സ്‌പഷ്ട​മാണ്‌. അങ്ങനെ യെഹെ​സ്‌ക്കേൽ യഹോ​വ​യു​ടെ സാക്ഷി​ക​ളു​ടെ 1919 മുതലുള്ള അഭിഷിക്ത ശേഷി​പ്പി​നെ നന്നായി ചിത്രീ​ക​രി​ക്കു​ന്നു. ആത്മീയ​മാ​യി, ദൈവ​ത്തി​ന്റെ സ്വർഗ്ഗീയ സ്ഥാപനം അഭിഷിക്ത ശേഷി​പ്പു​മാ​യി സമ്പർക്ക​ത്തിൽവ​ന്നത്‌ ആ വർഷത്തി​ലാ​യി​രു​ന്നു, സർവ ലോക​ത്തി​നും യഹോ​വ​യു​ടെ സാക്ഷി​ക​ളെന്ന നിലയിൽ അവരെ പുനരു​ജ്ജീ​വി​പ്പി​ക്കാൻതന്നെ. (വെളി​പ്പാട്‌ 11:1-12 താരത​മ്യ​പ്പെ​ടു​ത്തുക.) ആ രഥസമാന സ്ഥാപനം അന്ന്‌ സഞ്ചാര​ത്തി​ലാ​യി​രു​ന്നു, ഇന്ന്‌ അത്‌ സഞ്ചരി​ക്കു​ന്ന​തു​പോ​ലെ​തന്നെ. യഥാർത്ഥ​ത്തിൽ അതിന്റെ പുരോ​ഗ​മ​ന​ത്തി​ന്റെ ചക്രങ്ങൾ എന്നെ​ത്തേ​തി​ലും വേഗത്തിൽ തിരി​ഞ്ഞു​കൊ​ണ്ടി​രി​ക്കു​ക​യാണ്‌. യഹോവ ശീഘ്ര​മാ​യി മുന്നോട്ട്‌ സവാരി​ചെ​യ്യു​ക​യാണ്‌!

15. സ്വർഗ്ഗീയ രഥസഞ്ചാ​രി​യു​ടെ ശബ്ദം എന്തു പറയുന്നു, യെഹെ​സ്‌ക്കേ​ലിന്‌ എന്ത്‌ നിയോ​ഗം ലഭിക്കു​ന്നു?

¹⁵ യഹോ​വ​യു​ടെ സ്വർഗ്ഗീയ രഥം തന്നോട്‌ അടുത്തു​വ​ന്ന​തും നിന്നതും എന്തു​കൊ​ണ്ടാ​ണെ​ന്ന​റി​യാൻ യെഹെ​സ്‌ക്കേൽ ആഗ്രഹി​ച്ചു. രഥത്തിൽ ഇരിക്കു​ന്ന​വ​നിൽനിന്ന്‌ ഒരു ശബ്ദം കേട്ട​പ്പോൾ അവൻ മനസ്സി​ലാ​ക്കി. ഈ ഭയജന​ക​മായ കാഴ്‌ച​യിൽ അന്തംവിട്ട്‌ യെഹെ​സ്‌ക്കേൽ സാഷ്ടാം​ഗ​പ്ര​ണാ​മം​ചെ​യ്‌തു. സ്വർഗ്ഗീയ രഥസഞ്ചാ​രി​യു​ടെ ശബ്ദം പറയു​മ്പോൾ ശ്രദ്ധി​ക്കുക: “മനുഷ്യ​പു​ത്രാ, ഞാൻ നീയു​മാ​യി സംസാ​രി​ക്കേ​ണ്ട​തിന്‌ കാലൂ​ന്നി​നിൽക്കുക.” (യെഹെ​സ്‌ക്കേൽ 2:1) യഹോവ അപ്പോൾ ഒരു കാവൽക്കാ​ര​നാ​യി​രി​ക്കാ​നും മത്സരഗൃ​ഹ​മായ ഇസ്രാ​യേ​ലിന്‌ മുന്നറി​യി​പ്പു​കൊ​ടു​ക്കാ​നും യെഹെ​സ്‌ക്കേ​ലി​നെ നിയോ​ഗി​ക്കു​ന്നു. ദിവ്യ​നാ​മ​ത്തിൽ സംസാ​രി​ക്കാൻപോ​ലും അവൻ നിയോ​ഗി​ക്ക​പ്പെ​ടു​ന്നു. യെഹെ​സ്‌ക്കേ​ലി​ന്റെ പേരിന്റെ അർത്ഥം “ദൈവം ശക്തീക​രി​ക്കു​ന്നു” എന്നാണ്‌. അങ്ങനെ​യാണ്‌ ദൈവം യെഹെ​സ്‌ക്കേൽവർഗ്ഗത്തെ ശക്തീക​രി​ച്ചി​രി​ക്കു​ന്ന​തും ക്രൈ​സ്‌ത​വ​ലോ​ക​ത്തിന്‌ ഒരു കാവൽക്കാ​ര​നാ​യി അവരെ നിയമി​ച്ചു​കൊണ്ട്‌ അവരെ അയച്ചി​രി​ക്കു​ന്ന​തും.

16, 17. (എ) സ്വർഗ്ഗീയ രഥത്തിന്റെ ദർശനം യെഹെ​സ്‌ക്കേ​ലിന്‌ പ്രയോ​ജനം ചെയ്‌ത​തെ​ങ്ങനെ? (ബി) നമ്മുടെ നാളിൽ സ്വർഗ്ഗീയ രഥത്തിന്റെ ദർശന​ത്തെ​ക്കു​റി​ച്ചുള്ള ഗ്രാഹ്യം യെഹെ​സ്‌ക്കേൽ വർഗ്ഗ​ത്തെ​യും മഹാപു​രു​ഷാ​ര​ത്തെ​യും എങ്ങനെ ബാധി​ച്ചി​രി​ക്കു​ന്നു?

¹⁶ സ്വർഗ്ഗീയ രഥത്തിന്റെ ദർശനം ഗൗരവാ​വ​ഹ​വും യെഹെ​സ്‌ക്കേ​ലി​നെ ഞെട്ടി​ക്കു​ന്ന​തു​മാ​യി​രു​ന്നു, എന്നാൽ യെരു​ശ​ലേ​മി​ന്റെ വരാനി​രുന്ന നാശ​ത്തെ​ക്കു​റി​ച്ചുള്ള മുന്നറി​യി​പ്പു മുഴക്കു​ന്ന​തി​നുള്ള ഒരു കാവൽക്കാ​ര​നാ​യുള്ള അവന്റെ നിയോ​ഗ​ത്തിന്‌ അവനെ അത്‌ ഒരുക്കു​ക​യും​ചെ​യ്‌തു. ഇന്നത്തെ കാവൽക്കാ​രൻവർഗ്ഗത്തെ സംബന്ധി​ച്ചും ഇതു സത്യമാണ്‌. സഞ്ചാര​ത്തി​ലാ​യി​രി​ക്കുന്ന യഹോ​വ​യു​ടെ സ്വർഗ്ഗീയ രഥത്തിന്റെ ദർശന​ത്തെ​ക്കു​റി​ച്ചുള്ള തങ്ങളുടെ ഗ്രാഹ്യ​ത്തിന്‌ അഭിഷിക്ത ശേഷി​പ്പിൻമേൽ ഒരു വലിയ സ്വാധീ​ന​മു​ണ്ടാ​യി​രു​ന്നി​ട്ടുണ്ട്‌. 1931-ൽ അവർ യെഹെ​സ്‌ക്കേ​ലി​ന്റെ ദർശന​ത്തെ​ക്കു​റിച്ച്‌ കൂടുതൽ പഠിച്ചു, സംസ്ഥാ​പനം ഒന്നാം പുസ്‌ത​ക​ത്തിൽ അതാണ്‌ വെളി​പ്പെ​ടു​ന്നത്‌. അവരിൽ അപ്പോൾ വളരെ ഗൗരവാ​വ​ഹ​മായ വിലമ​തി​പ്പു നിറഞ്ഞ​തി​നാൽ 1931 ഒക്‌ടോ​ബർ 15-ലെ ലക്കം മുതൽ 1950 ഓഗസ്‌ററ്‌ 1 വരെയുള്ള വീക്ഷാ​ഗോ​പുര ലക്കങ്ങളു​ടെ മുൻപേ​ജി​ലെ കവർഡി​സൈ​നി​ന്റെ വലത്തു​വ​ശത്ത്‌ മുകളി​ലാ​യി യെഹെ​സ്‌ക്കേ​ലി​ന്റെ സ്വർഗ്ഗീയ രഥദർശ​ന​ത്തെ​ക്കു​റി​ച്ചുള്ള ഒരു കലാകാ​രന്റെ സങ്കൽപ്പം വരച്ചു​കാ​ട്ടി​യി​രു​ന്നു. അങ്ങനെ, യെഹെ​സ്‌ക്കേൽവർഗ്ഗം തങ്ങൾക്ക്‌ നൽകപ്പെട്ട നിർദ്ദേ​ശ​മ​നു​സ​രിച്ച്‌ പ്രവർത്തി​ച്ചി​രി​ക്കു​ന്നു. അവർ ദിവ്യ​മു​ന്ന​റി​യി​പ്പു മുഴക്കി​ക്കൊണ്ട്‌ ഒരു കാവൽക്കാ​ര​നാ​യി സേവി​ച്ചു​കൊ​ണ്ടാ​ണി​രി​ക്കു​ന്നത്‌. തന്റെ സ്വർഗ്ഗീ​യ​ര​ഥ​ത്തിൽ സിംഹാ​സ​ന​സ്ഥ​നാ​യി​രി​ക്കുന്ന യഹോ​വ​യിൽനിന്ന്‌ ക്രൈ​സ്‌ത​വ​ലോ​ക​ത്തിന്‌ വരാനി​രി​ക്കുന്ന അഗ്നിനാ​ശ​ത്തി​ന്റെ സമയം ഒരിക്ക​ലും ഇതി​നെ​ക്കാൾ കൂടുതൽ അടുത്തി​രു​ന്നി​ട്ടില്ല!

¹⁷ ഇന്ന്‌ ചെമ്മരി​യാ​ടു​തു​ല്യ​രായ ആളുക​ളു​ടെ “ഒരു മഹാപു​രു​ഷാ​രം” അഭിഷിക്ത ശേഷി​പ്പി​നോട്‌ സഹവസി​ക്കു​ന്നു. (വെളി​പ്പാട്‌ 7:9) അവർ ഒരുമി​ച്ചു​ചേർന്ന്‌ ക്രൈ​സ്‌ത​വ​ലോ​ക​ത്തിൻമേ​ലും മുഴു പൈശാ​ചിക വ്യവസ്ഥി​തി​യു​ടെ​മേ​ലും വരാനി​രി​ക്കുന്ന നാശ​ത്തെ​ക്കു​റി​ച്ചുള്ള മുന്നറി​യി​പ്പു മുഴക്കി​ക്കൊ​ണ്ടി​രി​ക്കു​ക​യാണ്‌. ആ മുന്നറി​യി​പ്പിൻവേല സത്വരം നടന്നു​കൊ​ണ്ടി​രി​ക്കു​ക​യാണ്‌. വെളി​പ്പാട്‌ 14:6, 7ൽ സൂചി​പ്പി​ക്ക​പ്പെ​ട്ടി​രി​ക്കുന്ന പ്രകാരം ദൂതൻമാർ അതിനെ പിന്താ​ങ്ങു​ന്നുണ്ട്‌.

സ്വർഗ്ഗീയ രഥത്തോ​ടൊത്ത്‌ നീങ്ങുക

18. ദൂതൻമാ​രു​ടെ തുടർന്നുള്ള പിന്തുണ ലഭിക്കു​ന്ന​തിന്‌ എന്ത്‌ ചെയ്യ​പ്പെ​ടണം, നാം എന്തിന്‌ സംവേ​ദ​ന​മു​ള്ള​വ​രാ​യി​രി​ക്കണം?

¹⁸ കീഴ്‌വ​ഴ​ക്ക​മുള്ള ദൂതൻമാർ ദിവ്യ ന്യായ​വി​ധി​മു​ന്ന​റി​യി​പ്പു​കൾ ഘോഷി​ക്കാൻ യഹോ​വ​യു​ടെ ഭൗമിക ദാസൻമാ​രെ സഹായി​ക്കവേ ദൈവ​ത്തി​ന്റെ സ്വർഗ്ഗീയ സ്ഥാപന​ത്തി​ന്റെ ഭാഗമെന്ന നിലയിൽ സംഘടി​ത​മാ​യി നീങ്ങി​ക്കൊ​ണ്ടി​രി​ക്കു​ന്നു. ദൈവ​ത്തി​ന്റെ ഈ ശക്തരായ ദൂത ദാസൻമാ​രു​ടെ തുടർന്നുള്ള സംരക്ഷ​ണ​വും മാർഗ്ഗ​നിർദ്ദേ​ശ​വും നാം ആഗ്രഹി​ക്കു​ന്നു​വെ​ങ്കിൽ നാമും സംഘടി​ത​മാ​യി നീങ്ങു​ക​യും പ്രതീ​കാ​ത്മക ചക്ര​വേ​ല​ക്കൊ​പ്പം ചുവടു​വെ​ക്കു​ക​യും ചെയ്യണം. മാത്ര​വു​മല്ല, യഹോ​വ​യു​ടെ ദൃശ്യ​സ്ഥാ​പ​ന​ത്തി​ന്റെ ഭാഗമെന്ന നിലയിൽ യഹോ​വ​യു​ടെ സ്വർഗ്ഗീയ രഥത്തിന്‌ സമാന്ത​ര​മാ​യി നീങ്ങി​ക്കൊണ്ട്‌ നാം ദൈവാ​ത്മാ​വി​ന്റെ നടത്തി​പ്പി​നോട്‌ സംവേ​ദ​ന​മു​ള്ള​വ​രാ​യി​രി​ക്കണം. (ഫിലി​പ്പി​യർ 2:13 താരത​മ്യം​ചെ​യ്യുക.) നാം യഹോ​വ​യു​ടെ സാക്ഷി​ക​ളാ​ണെ​ങ്കിൽ നാം സ്വർഗ്ഗീയ രഥത്തിന്റെ അതേ ദിശയിൽ നീങ്ങേ​ണ്ട​താണ്‌. നാം തീർച്ച​യാ​യും അതിന്റെ ഉദ്ദേശ്യ​ങ്ങൾക്ക്‌ വിപരീ​ത​മാ​യി പ്രവർത്തി​ക്ക​രുത്‌. നാം പോകേണ്ട മാർഗ്ഗ​ത്തിൽ നിർദ്ദേശം ലഭിക്കു​മ്പോൾ നാം അത്‌ അനുസ​രി​ക്കണം. അങ്ങനെ സഭ ഭിന്നി​ക്കാ​തി​രി​ക്കു​ന്നു.—1 കൊരി​ന്ത്യർ 1:10.

19. (എ) സ്വർഗ്ഗീയ രഥത്തിന്റെ ചക്രങ്ങ​ളിൽ ആസകലം കണ്ണുക​ളു​ള്ള​തു​പോ​ലെ, യഹോ​വ​യു​ടെ ജനം എന്തിന്‌ ജാഗ്ര​ത​യു​ള്ള​വ​രാ​യി​രി​ക്കണം? (ബി) ഈ പ്രക്ഷു​ബ്ധ​കാ​ല​ങ്ങ​ളിൽ നമ്മുടെ പ്രവർത്ത​ന​ഗതി എന്തായി​രി​ക്കണം?

¹⁹ ദൈവ​ത്തി​ന്റെ രഥത്തിന്റെ ചക്രങ്ങൾക്ക്‌ ചുററും ആസകല​മുള്ള കണ്ണുകൾ ജാഗ്ര​തയെ സൂചി​പ്പി​ക്കു​ന്നു. യഹോ​വ​യു​ടെ സ്വർഗ്ഗീ​യ​സ്ഥാ​പനം ജാഗ്ര​ത​യു​ള്ള​താ​യി​രി​ക്കു​ന്ന​തു​പോ​ലെ, യഹോ​വ​യു​ടെ ഭൗമി​ക​സ്ഥാ​പ​നത്തെ പിന്താ​ങ്ങാൻ നാം ജാഗ്ര​ത​യു​ള്ള​വ​രാ​യി​രി​ക്കണം. സഭാപ​ര​മായ ഒരു തലത്തിൽ സ്ഥലത്തെ മൂപ്പൻമാ​രോ​ടു സഹകരി​ക്കു​ന്ന​തി​നാൽ നമുക്ക്‌ ആ പിന്തുണ പ്രകട​മാ​ക്കാൻ കഴിയും. (എബ്രായർ 13:17) ഈ പ്രക്ഷു​ബ്ധ​കാ​ല​ങ്ങ​ളിൽ ക്രിസ്‌ത്യാ​നി​കൾ യഹോ​വ​യു​ടെ സ്ഥാപന​ത്തോട്‌ വളരെ അടുത്തു പററനിൽക്കേ​ണ്ട​യാ​വ​ശ്യ​മുണ്ട്‌. സംഭവങ്ങൾ സംബന്ധിച്ച്‌ നമ്മുടെ സ്വന്തം വ്യാഖ്യാ​നങ്ങൾ നൽകാൻ ആഗ്രഹി​ക്കു​ന്നില്ല. എന്തു​കൊ​ണ്ടെ​ന്നാൽ അപ്പോൾ നാം യഹോ​വ​യു​ടെ സ്വർഗ്ഗീയ രഥത്തോ​ടൊത്ത്‌ നീങ്ങു​ക​യാ​യി​രി​ക്കു​ക​യില്ല. നമുക്ക്‌ എപ്പോ​ഴും നമ്മോ​ടു​തന്നെ ചോദി​ക്കാം, ‘സ്വർഗ്ഗീയ സ്ഥാപനം ഏതു വഴിക്കാണ്‌ നീങ്ങു​ന്നത്‌?’ നാം ദൈവ​ത്തി​ന്റെ ദൃശ്യ സ്ഥാപന​ത്തോ​ടൊത്ത്‌ മുന്നേ​റു​ന്നു​വെ​ങ്കിൽ നാം അദൃശ്യ സ്ഥാപന​ത്തോ​ടൊ​ത്തും മുന്നേ​റു​ന്ന​താ​യി​രി​ക്കും.

20. ഫിലി​പ്പി​യർ 3:13-16-ൽ അപ്പോ​സ്‌ത​ല​നായ പൗലോസ്‌ ഏതു നല്ല ബുദ്ധി​യു​പ​ദേശം നൽകുന്നു?

²⁰ ഈ കാര്യ​ത്തിൽ, പൗലോസ്‌ ഇങ്ങനെ എഴുതി: “സഹോ​ദ​രൻമാ​രേ, ഞാൻ ഇപ്പോ​ഴും അതിനെ പിടി​ച്ചി​രി​ക്കു​ന്ന​താ​യി പരിഗ​ണി​ക്കു​ന്നില്ല; പിമ്പി​ലുള്ള കാര്യങ്ങൾ മറന്നു​കൊ​ണ്ടും മുമ്പി​ലുള്ള കാര്യ​ങ്ങ​ളി​ലേക്ക്‌ ആഞ്ഞു​കൊ​ണ്ടും ക്രിസ്‌തു​യേശു മുഖേ​ന​യുള്ള ദൈവ​ത്തി​ന്റെ മേല്‌പ്പോ​ട്ടുള്ള വിളി​യാ​കുന്ന സമ്മാന​ത്തി​നാ​യുള്ള ലാക്കി​ലേക്ക്‌ ഞാൻ ഓടു​ക​യാ​കു​ന്നു. അപ്പോൾ നമ്മിൽ പക്വത​യു​ള്ള​ട​ത്തോ​ളം​പേർക്ക്‌ ഈ മാനസി​ക​ഭാ​വ​മു​ള്ള​വ​രാ​യി​രി​ക്കാം; നിങ്ങൾ ഏതെങ്കി​ലും കാര്യ​ത്തിൽ മററു പ്രകാ​ര​ത്തിൽ മാനസി​ക​ചാ​യ്‌വു​ള്ള​വ​രാ​ണെ​ങ്കിൽ മേൽപ്പറഞ്ഞ മനോ​ഭാ​വം നിങ്ങൾക്ക്‌ വെളി​പ്പെ​ടു​ത്തും. എങ്ങനെ​യാ​യാ​ലും, നാം എത്ര​ത്തോ​ളം പുരോ​ഗതി വരുത്തി​യി​രി​ക്കു​ന്നു​വോ അതേ നടപടി​ക്ര​മ​ത്തിൽ നമുക്ക്‌ തുടർന്ന്‌ ക്രമമാ​യി നടക്കാം.”—ഫിലി​പ്പി​യർ 3:13-16.

21. ഏതു നടപടി​ക്രമം അനുസ​രി​ക്കു​ന്ന​തി​നാൽ ദൈവ​ത്തി​ന്റെ സ്ഥാപന​ത്തിൽ ആത്മീയ പുരോ​ഗതി പ്രാപി​ക്കുക സാദ്ധ്യ​മാണ്‌?

²¹ ഇവിടെ “നടപടി​ക്രമം” എന്ന പദത്തിന്‌ നമുക്ക്‌ നമ്മേത്തന്നെ വേർപെ​ടു​ത്താൻ കഴിയാത്ത ഒരു ദുഷിച്ച ചാൽ എന്ന്‌ അർത്ഥമില്ല. യഹോ​വ​യു​ടെ ദാസൻമാർക്ക്‌ തങ്ങൾ പുരോ​ഗതി വരുത്തുന്ന മുഖാ​ന്ത​ര​മായ ഒരു നല്ല നടപടി​ക്ര​മ​മുണ്ട്‌. അത്‌ വ്യക്തി​പ​ര​മായ ബൈബിൾപ​ഠ​ന​ത്തിൽ ഏർപ്പെ​ടു​ന്ന​തി​ന്റെ​യും സഭാമീ​റ​റിം​ഗു​കൾക്കു ഹാജരാ​കു​ന്ന​തി​ന്റെ​യും രാജ്യ​ത്തി​ന്റെ സുവാർത്ത ക്രമമാ​യി പ്രസം​ഗി​ക്കു​ന്ന​തി​ന്റെ​യും ദൈവ​ത്തി​ന്റെ സ്വർഗ്ഗീയ സ്ഥാപന​ത്തി​ന്റെ ഗുണങ്ങളെ പ്രതി​ഫ​ലി​പ്പി​ക്കു​ന്ന​തി​ന്റെ​യും നടപടി​ക്ര​മ​മാണ്‌. അങ്ങനെ​യുള്ള ഒരു നടപടി​ക്രമം യഹോ​വ​യു​ടെ രഥസമാന സ്വർഗ്ഗീയ സ്ഥാപന​ത്തി​ന്റെ നടത്തിപ്പ്‌ അനുസ​രി​ക്കു​ന്ന​തിന്‌ അവരെ പ്രാപ്‌ത​രാ​ക്കു​ന്നു. ഈ രീതി​യിൽ സ്ഥിരനിഷ്‌ഠ പാലി​ക്കു​ന്ന​തി​നാൽ നാം നമ്മുടെ ലാക്ക്‌ സ്വർഗ്ഗ​ങ്ങ​ളി​ലെ അമർത്ത്യ​ജീ​വ​നാ​യാ​ലും ഒരു പറുദീ​സാ​ഭൂ​മി​യി​ലെ നിത്യ​ജീ​വ​നാ​യാ​ലും അതു നാം പ്രാപി​ക്കു​ന്ന​താ​യി​രി​ക്കും.

22. (എ) അഭിഷി​ക്ത​ശേ​ഷി​പ്പി​നും വേറെ ആടുക​ളു​ടെ മഹാപു​രു​ഷാ​ര​ത്തി​നും ഒററ​ക്കെ​ട്ടാ​യി സംഘടി​ത​രാ​യി​രി​ക്കു​ന്ന​തിന്‌ എന്തു ചെയ്യ​പ്പെ​ടണം? (ബി) എന്ത്‌ യഹോ​വ​യു​ടെ നോട്ട​ത്തിൽപെ​ടാ​തി​രി​ക്കു​ന്നില്ല?

²² യോഹ​ന്നാൻ 10:16 സൂചി​പ്പി​ക്കു​ന്ന​തു​പോ​ലെ, “വേറെ ആടുക​ളും” യെഹെ​സ്‌ക്കേൽ വർഗ്ഗവും ഐക്യ​ത്തിൽ സംഘടി​ത​രാ​യി​രി​ക്കും. അതു​കൊണ്ട്‌, നാം ദൈവ​ത്തി​ന്റെ സ്വർഗ്ഗീയ രഥത്തോ​ടൊത്ത്‌ സംഘടി​ത​മാ​യി സഞ്ചരി​ക്ക​ണ​മെ​ങ്കിൽ യഹോ​വ​യു​ടെ സ്ഥാപന​ത്തി​ലുള്ള എല്ലാവ​രും യെഹെ​സ്‌ക്കേൽ ഒന്നാമ​ദ്ധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന ദർശന​ത്തിൻറ പൂർണ്ണ​മായ അർത്ഥവും സാർത്ഥ​ക​ത​യും ഗ്രഹി​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. ഈ ദർശനം നാം ദൃശ്യ​വും അദൃശ്യ​വു​മായ ദൈവ​സ്ഥാ​പ​ന​ത്തോ​ടൊത്ത്‌ സഞ്ചരി​ക്കേ​ണ്ട​താ​ണെന്ന്‌ മനസ്സി​ലാ​ക്കാൻ നമ്മെ സഹായി​ക്കു​ന്നു. യഹോ​വ​യു​ടെ കണ്ണുകൾ “തങ്ങളുടെ ഹൃദയം തന്നിൽ ഏകാ​ഗ്ര​മാ​യി​രി​ക്കു​ന്ന​വർക്കും​വണ്ടി തന്റെ ശക്തി പ്രകട​മാ​ക്കേ​ണ്ട​തിന്‌ സർവഭൂ​മി​യി​ലും ചുററി​ത്തി​രി​യു​ന്നു”വെന്നും ഓർത്തി​രി​ക്കുക. (2 ദിനവൃ​ത്താ​ന്തം 16:9) യാതൊ​ന്നും, വിശേ​ഷാൽ സാർവ​ത്രിക പരമാ​ധി​കാ​രി​യാ​യി തന്നേത്തന്നെ സംസ്ഥാ​പി​ക്കു​ന്ന​തി​നുള്ള തന്റെ ഉദ്ദേശ്യം​സം​ബ​ന്ധിച്ച യാതൊ​ന്നും, യഹോ​വ​യു​ടെ നോട്ട​ത്തിൽപെ​ടാ​തി​രി​ക്കു​ന്നില്ല.

23. സഞ്ചരി​ച്ചു​കൊ​ണ്ടി​രി​ക്കുന്ന യഹോ​വ​യു​ടെ രഥത്തോ​ടൊത്ത്‌ നാം എന്തു ചെയ്യേ​ണ്ട​താണ്‌?

²³ തീർച്ച​യാ​യും യഹോ​വ​യു​ടെ സ്വർഗ്ഗീ​യ​രഥം ഇന്ന്‌ സഞ്ചാര​ത്തി​ലാണ്‌. പെട്ടെ​ന്നു​തന്നെ സകലവും ആ രഥസഞ്ചാ​രി​യായ തേജസ്വി​യോ​ടുള്ള ചേർച്ച​യിൽ മഹത്വ​ത്തി​ലേക്കു വരുത്ത​പ്പെ​ടും—എല്ലാം അഖിലാണ്ഡ കർത്താ​വെന്ന നിലയിൽ അവന്റെ സംസ്ഥാ​പ​ന​ത്തി​നു​തന്നെ. അവന്റെ സെറാ​ഫു​ക​ളും കെരൂ​ബു​ക​ളും ദൂതൻമാ​രും നമ്മുടെ വലിയ ലോക​വ്യാ​പക പ്രസം​ഗ​വേ​ല​യിൽ നമ്മെ പിന്താ​ങ്ങു​ന്നുണ്ട്‌. ആ സ്ഥിതിക്ക്‌ നമുക്ക്‌ യഹോ​വ​യു​ടെ സ്ഥാപന​ത്തോ​ടൊത്ത്‌ മുന്നേ​റാം. ഈ മാസി​ക​യു​ടെ അടുത്ത ലക്കം ഇതു ചർച്ച​ചെ​യ്യും. (w91 3/15)

നിങ്ങൾ എങ്ങനെ ഉത്തരം പറയും?

◻ യെഹെ​സ്‌ക്കേ​ലി​നാൽ കാണപ്പെട്ട നാല്‌ ജീവി​ക​ളാൽ ഏതു ഗുണങ്ങൾ പ്രതി​നി​ധാ​നം​ചെ​യ്യ​പ്പെ​ടു​ന്നു?

◻ യഹോ​വ​യു​ടെ സ്വർഗ്ഗീയ രഥം എന്തിനെ ചിത്രീ​ക​രി​ക്കു​ന്നു?

◻ ദൈവ​ത്തി​ന്റെ പ്രവാ​ച​ക​നായ യെഹെ​സ്‌ക്കേൽ ആരെ ചിത്രീ​ക​രി​ക്കു​ന്നു?

◻ യഹോ​വ​യു​ടെ സ്വർഗ്ഗീയ രഥത്തിന്റെ ദർശന​ത്തെ​ക്കു​റി​ച്ചുള്ള ഗ്രാഹ്യം യെഹെ​സ്‌ക്കേൽ വർഗ്ഗ​ത്തെ​യും മഹാപു​രു​ഷാ​ര​ത്തെ​യും ബാധി​ച്ചി​രി​ക്കു​ന്ന​തെ​ങ്ങനെ?